Ey qoshlari ye, kiprigi o‘q, ko‘zlari jallod...
Ey qoshlari ye, kiprigi o‘q, ko‘zlari jallod,
Ishq ahlig‘adur doim ishing zulm ila bedod.
Gar muntaxabi daftari husn o‘lmasa nechun
Tangri iki ruxsoring uza yozdi iki sod.
Layli bila Shirin sanga husn ichra kanize,
Ishqingda na nisbat manga Majnun ila Farhod.
La’lingni xayolida na deb ketti o‘zidin,
Jon jism aro nash’ai may etmasa ijod.
Qabrim uza, ey sho‘x, qamu lolalar ung‘ay,
O‘lsam yuzung uzra qaro xolingni etib yod.
Tangri sanga bermog‘ida manshuri pariliq,
Rasvoliq uchun yozdi manga ham xati irshod.
Furqat chamanida kecha tong otqucha Nodir
Bulbul kabi g‘am qaydidadur nolag‘a mo‘tod.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse