Ewe Şahenşeh e

by Hecî Qadirê Koyî

Ewe şahenşeh e bo ‘ebd û paşa
Mu’elleq xeymey eflakî hellda

Eto mesnû’î, çît dawe le sanî’
Le zanînî ewe nadan e dana

Mu’emma ye cîhan îsmî mu’emma
Mekanî îsm e nek cêgey musemma

Be bê dîn î cemalî bê qerîn î
Xelayiq ser be ser îmanî hêna!

Be ba zullfî ke lerzî ta be ta bû,
Le gell lerz û le gell ta bûne hemta

Mutallay dewrî zulfeynî muselsel
Ewendem kirduwe lêm bo be sewda

Le dewrî durrî dindanî beqîmet
Didanî kenduwe lûlûy lala

Le lay min peşm e em zexme heta key
Be zaî’ naçê em sebre le lay Xuwa

Zemanî hall e Hacî hasilî to,
Debête diwênê emrro mîslî ferda