Epigramy (Ćišinski)

nadpis	Epigramy
awtor	Jakub Bart-Ćišinski
lěto
žórło	http://texty.citanka.cz/
licenca	public domain
nota	stary prawopis

                    I.

    Dźaka w swěće njehladaj,
    Připóznaća nježadaj!
    Hewak w hněwje zahinješ a w złobje.
    Myto skutkow pytaj we wutrobje!

                    II.

    Stupać w taktu, kaž so piska,
    Z wjelkami wuć z jednej truby,
    Wěc mi stajnje běše nizka -
    A tak mnohim njeběch luby.

                    III.

    "Serb sym, Serb swěrny wostanu,"
    Do swěta młodźenc hordźe trubi.
    Hlej, dźěło lóžše, ćežši pjenjez so
    We Němcach zabłysknje, a khwatajo
    Wón jako muž so z Serbow zhubi.