Enûma Eliš/Tablet 1

From Wikisource
Jump to: navigation, search

>Enûma Eliš

001. e-nu-ma e-liš la na-bu-ú šâ-ma-mu
002. šap-liš am-ma-tum šu-ma la zak-rat
003. ZUAB ma reš-tu-ú za-ru-šu-un
004. mu-um-mu ti-amat mu-al-li-da-at gim-ri-šú-un
005. A-MEŠ-šú-nu iš-te-niš i-ḫi-qu-ú-šú-un
006. gi-pa-ra la ki-is-su-ru su-sa-a la še-'u-ú
007. e-nu-ma DINGIR-DINGIR la šu-pu-u ma-na-ma
008. šu-ma la zuk-ku-ru ši-ma-tú la ši-na-ma
009. ib-ba-nu-ú-ma DINGIR-DINGIR qê-reb-šú-un
010. {d}laḫ-mu {d}la-ḫa-mu uš-ta-pu-ú šu-mi iz-zak-ru
011. a-di ir-bu-ú i ši ḫu
012. an-šâr {d}ki-šâr ib-ba-nu-u e-li-šu-nu at-ru
013. ur-ri-ku U[4]-MEŠ us-si-bu MU-MEŠ
014. {d}a-num a-pil-šu-nu šâ-nin AD-AD-šú
015. an-šâr {d}a-num bu-uk-ra-šu ú maš-šil-ma
016. ú {d}a-num tam-ši-la-šú ú-lid {d}nu-dīm-mud
017. {d}nu-dīm-mud šâ AD-MEŠ-šú šâ-lit-su-nu šu-ma
018. pal-ka uz-nu ḫa-sis e-mu-qan pu-un-gul
019. gu-uš-šur ma-'-diš a-na a-lid AD-šú an-šâr
020. la i-ši ša-ni-na ina DINGIR-meš at-ḫe-e-šú
021. in-nen-du-ma at-ḫu-ú DINGIR-meš-ni
022. e-šu-ú ti-amat-ma na-muš-šu-nu iš-tap-pu
023. dal-ḫu-nim-ma šâ ti-amat ka-ras-sa
024. i-na šu-'a-a-ri šu-'-du-ru qê-reb an-durun-na
025. la na-ši-ir ABZU-ri-gim-šú-un
026. ú ti-amat šu-qâm-mu-mat i-na igi-šu-un
027. im-tar-sa-am-ma ep-še-ta-šu-un e-li-ša
028. la-ta-bat al-kât-su-nu šu-nu-ti i-ga-mī-la
029. i-nu-šu abzu za-ri DINGIR-DINGIR ra-bī-ú-tim
030. is-si-ma {d}mu-um-mu suk-kal-la-šu i-zak-kar-šu
031. {d}mu-um-mu suk-kal-lu mu-tib-ba ka-bat-ti-ia
032. al-kâm-ma se-ri-iš ti-amat i-ni-il-li-ik
033. il-li-ku-ma qu-ud-mi-iš ta-ma-tum ú-ši-bu
034. a-ma-a-ti im-tal-li-ku aš-šum DINGIR-DINGIR bu-uk-ri-šu-ma
035. ABZU pa-a-šu i-pu-šam-ma
036. a-na ti-amat el-li-tam-ma i-zak-kar-ši
037. im-tar-sa-am-ma al-kât-su-nu e-li-ia
038. ur-ri-iš la šu-up-šu-ḫa-ku mu-ši-iš la sa-al-la-ku
039. lu-uš-ḫal-liq-ma al-kât-su-nu lu-sa-ap-pi-iḫ
040. qu-lu liš-šâ-kin-ma i-ni-is-lal ni-i-ni
041. ti-amat an-ni-ta i-na še-me-e-ša
042. i-zu-uz-ma il-ta-si e-lu ḫar-mī-ša
043. is-si-ma mar-si-iš ug-gu-gat e-diš-ši-ša
044. le-mut-ta it-ta-di a-na kar-ši-ša
045. mi-na-a ni-i-nu šâ-ni-ib-nu-ú nu-uš-ḫal-laq-ma
046. al-kât-su-nu lu-šum-ru-sa-at-ma i ni-iš-du-ud ta-biš
047. i-pul-ma {d}mu-un-mu ABZU i ma-al-lik
048. suk-kal-lum la ma-gi-ru mi-lik mu-um-mi-šu
049. ḫul-li-qam-ma a-bi al-ka-ta e-ši-ta
050. ur-ri-iš lu-ú šup-šu-ḫa-at mu-šiš lu-ú sal-la-at
051. iḫ-du-šum-ma ABZU im-me-ru pa-nu-šu
052. aš-šum lem-nê-e-ti ik-pu-du a-na DINGIR-DINGIR ma-re-e-šu
053. {d}mu-um-mu i-te-dir ki-šad-su
054. uš-ba-am-ma bir-ka-a-šu ú-na-âš-šaq ša-a-šu
055. mim-mu-ú ik-pu-du pu-uḫ-ru-uš-šun
056. a-na DINGIR-DINGIR bu-uk-ri-šu-nu uš-tan-nu-ni
057. iš-mu-nim-ma DINGIR-DINGIR i-dul-lu
058. qu-lu is-ba-tu šâ-qu-um-miš uš-bu
059. šu-tur uz-na it-pe-šu te-le-ú
060. {d}ê-a ḫa-sis mi-im-ma-ma i-še-'a-a šib-qī-šu-un
061. ib-šim-šum-ma us-rat ka-li ú-kin-šu
062. ú-nak-kil-šu šu-tu-ra ta-a-šu el-lum
063. im-nu-šum-ma ina-A-MEŠ ú-šap-ši-iḫ
064. šit-tu ir-te-ḫi-šu sa-lil tu-ub-ba-tiš
065. ú-šâ-as-lil-ma abzu re-ḫi šit-tum
066. {d}mu-um-mu tam-la-ku da-la-piš ku-ú-ru
067. ip-tur rik-si-šu iš-ta-ḫat a-ga-šu
068. me-lam-mê-šu it-ba-la šu-ú ú-ta-di-iq
069. ik-mi-šu-ma ABZU i-na-ra-âš-šu
070. {d}mu-um-mu i-ta-sīr UGU-šú ip-tar-ka
071. ú-kin-ma UGU-ABZU šu-bat-su
072. {d}mu-um-mu it-ta-maḫ ú-kal ser-rit-su
073. ul-tu lem-nê-e-šú ik-mu-ú i-sa-a-du
074. {d}ê-a uš-ziz-zu er-net-ta-šú UGU ga-re-šú
075. qer-bíš ku-um-mi-šú šup-šu-ḫi-iš i-nu-úḫ-ma
076. im-bi-šum-ma ABZU ú-ad-du-ú eš-re-e-ti
077. âš-ru-uš-šu gi-pa-ra-šú ú-šar-šid-ma
078. {d}e-a u-{d}dam-ki-na ḫi-ra-tuš ina-rab-ba-a-te uš-bu
079. ina-ki-is-si nam-meš at-ma-an GIŠ ḪUR-MEŠ
080. le-'u-ú-le-'u-ú-ti ABGAL-DINGIR-MEŠ {d}EN it-tar-ḫe-e-ma
081. ina-qê-reb ABZU ib-ba-ni {d}AMARUTU
082. ina-qê-reb KÚ-ABZU ib-ba-ni {d}AMARUTU
083. ib-ni-šu-ma {d}ê-a a-ba-šu
084. {d}dam-ki-na ama-šu ḫar-šâ-as šu
085. i-te[9]-niq-ma ser-ret {d}ISHTAR-MEŠ
086. ta-ri-tu it-tar-ru-šu pul-ḫa-a-ta uš-ma-al-li
087. šam-ḫat nab-nit-su sa-ri-ir ni-ši i-ni-šu
088. ut-tu-lat si-ta-šu ga-šêr ul-tu ul-la
089. i-mur-šu-ma {d}a-num ba-nu-u a-bi-šu
090. i-riš im-mer lib-ba-šú ḫi-du-ta im-la
091. uš-ta-as-bi-šum-ma šu-un-na-at ilu-us-su
092. šu-uš-qu ma-'diš UGU-šú-nu a-tar mim-mu-šu
093. la-lam-da-ma nu-uk-ku-la mi-na-tu-šu
094. ḫa-sa-siš la-na-ta-a a-ma-riš pa-âš-qa
095. 4(limmu)-IGI II šú 4(limmu)-GEŠTU II šú
096. šap-ti-šú ina-šu-ta-bu-li {d}giš-bar it-tan-paḫ
097. ir-ti-bu-ú 4(limmu)-ta-am ḫa-si-sa
098. ú-igi ki-ma šu-a-tu i-bar-ra-a gim-re-e-ti
099. ul-lu-ma ina-DINGIR-DINGIR šu-tur la-a-an-šu
100. meš-re-tu-šu šu-ut-tu-ḫa i-lit-ta šu-tur
101. ma-ri-ú-tu ma-ri-ú-tu
102. ma-ri-{d}UTU-ši {d}UTU-ši šâ-DINGIR-DINGIR
103. la-bíš mê-lam-mê-ret-DINGIR-MEŠ šâ-qiš et-pur
104. pul-ḫa-a-tu ḫa-šat-si-na e-li-šu kâm-ra
105. ib-ni-ma šâ-ar er-bet-ta ú-al-lid {d}a-num
106. qa-tuš-šú ú ma-al-la-a ma-ri lim-mel-li
107. ib-šim ep-ra me-ḫa-a ú šâ-az-bal
108. ú-šab-ši a-ga-am-ma ú-dal-lâḫ ti-amat
109. dal-ḫat ti-amat-ma ur-ra u-GI[6] i-dul-lu
110. DINGIR-DINGIR la-šup-šu-ḫa i-za-ab-bi-lu šâ-re-šâ
111. ik-tap-du-ma kar-šu-us-sú-nu le-mut-ta
112. a-na ti-amat um-mi-šu-nu šu-nu iz-zak-ru
113. e-nu-ma ABZU ḫa-ram-ki i-na-ru-ma
114. i-du-uš-šu la-tal-li-ki-ma qa-liš tuš-bi
115. ib-ni-ma šâ-ar er-bet-ti šâ pu-luḫ-ti
116. šu-ud-lu-ḫu kar-ša-ki-ma ul ni-sal-lal ni-i-nu
117. ul-ib-ši lib-bu-uk-ki abzu ḫa-ram-ki
118. ú {d}mu-um-mu šâ-ik-ka-mu-ú e-diš âš-ba-ti
119. ul-lum mu at-ti dul-lu-ḫiš ta-dul-li
120. ú-ni-i-ni šâ-la-ni-sak-ki-pu ul ta-ra-am-mi-na-ši
121. sar-maa'-ni ḫu-um-mu-ra i-na-tu-ni
122. šu-ut-bi ab-šá-na la-sa-ki-pi i-ni-iṣ-lal ni-i-ni
123. šu-zi zi gi-mil-la-šu-nu ter-ri
124. ši-ma a-na-za-qí-qu šu-uk-ni
125. iš-me-ma ti-amat a-ma-tum i-ṣib el-ša
126. ša-at-tu-nu tuš-ta-at-di-nu i-ni-pu-uš U[4]-mu
127. ma DINGIR-DINGIR qé-reb-šú
128. lem-né-e-ti taḫ-ḫa-zu an-DINGIR-DINGIR
129 (109). im-ma-aṣ-ru nim-ma i-du-uš ti-amat te[9]-bi-ú-ni
130 (110). ez-zu kap-du la-sa-ki-pu mu-ša-ù-im-mu
131 (111). na-šu-ú tam-ḫa-re na-zar-bu-bu lab-bu
132 (112). ukkin-na šit-ku-nu-ma i-bab-nu-ú ṣu-la-a-ti
133 (113). um-ma ḫu-bur pa-ti-qat ka-la-mu
134 (114). uš-rad-di kak-ku la-maḫ-ri it-ta-lad MUŠ-MAḪ-MEŠ
135 (115). zaq-tu-ma šin-ni la-pa-du-u at-ta-'-i
136 (116). im-tu ki-ma da-mu zu-mur-šú-nu uš-ma-al-li
137 (117). GAL-UŠUM-MEŠ na-ad-ru-ti pul-ḫa-ta ú-šal-biš-ma
138 (118). me-lam-ma uš-taš-šá-a i-li-iš um-taš-šil
139 (119). a-mé-er-šú-nu šar-ba-bi-iš il-iḫ-ḫar-mi-im
140 (120). zu-mur-šú-nu liš-taḫ-ḫi-ṭam-ma la-i-né-'u i rat-su-un
141 (121). uš-zi-iz ba-aš-mu MUŠ-ḪUŠ ú {d}la-ḫa-mu
142 (122). U[4]-gal-la uridim-me-ú gír-tab-lú-u[18]-lu
143 (123). U[4]-mé da-ab-ru-ti ku[6]-lú-u[18]-lu
144 (124). na-ši kak-ku la pa-du-ú la a-di-ru ta-ḫa-zi
145 (125). gap-ša te-re-tu-šá la maḫ-ra ši-na-ma
146 (126). ap-pu-na-ma iš-tén-eš-ret-GIM šu-a-ti uš-tab-ši
147 (127). i-na-DINGIR-DINGIR bu-uk-re-ša šu-ut iš-ku-nu-ši
148 (128). ú-šá-áš-qa {d}kin-gu ina-bi-ri-šu-nu šá-a-šú uš-tab-bi(iš)
149 (129). a-li-kut maḫ-ri pa-an um-ma-ni mu-'-er-ru-tu pu-uḫ-ru
150 (130). na-še-e giš-TUKUL ti-iṣ-bu-tu de-ku-u a-na-an-ta
151 (131). šu-ut tam-ḫa-ru ra-ab-sik-kát-tu-tu
152 (132). ip-qid-ma qa-tuš-šú ú-še-ši-ba-áš-šú ina kar-ri
153 (133). ad-di ta-a-ka ina-UKKIN-DINGIR-DINGIR ú-šar-bi-ka
154 (134). ma-li-ku-ut DINGIR-MEŠ gim-ra-at-su-nu qa-tuk-ka uš-mal-li
155 (135). lu-ú šur-ba-ta-ma ḫa-'-i-ri e-du-ú at-ta
156 (136). il-ir-tab-bu-ú zik-ru-ka UGU-DÚ-šú-nu {d}a-nu-uk-ki
157 (137). id-din-šum-ma DUB-NAM-MEŠ i-ra-tuš ú-šat-mi-iḫ
158 (138). ka-ta DUG-GA[4]-ka la-in-nen-na-a li-kun ṣi-it-pi-i-ka
159 (139). in-na-mu {d}kin-gu šu-uš-qu-ú le-qu-ú {d}a-nu-ti
160 (140). an-DINGIR-DINGIR DUMU-MEŠ-šu ši ma ta iš-ti-mu
161 (141). ep-ša pi-i-ku-nu {d}GIŠ-BAR li-ni-iḫ-ḫa
162 (142). im-tuk- kit-mu-ru ma-ag-ša-ru liš-rab-bi-ib

Line numbers between parentheses (109-142) correspond to the English translation in The Babylonian Legends of Creation, by E. A. Wallis Budge (1921).