Jump to content

El stall dovè te sté l'è da par tò

From Wikisource
←
El stall dovè te sté l'è da par tò (1600)
by Fabio Varese
→
190692El stall dovè te sté l'è da par tò1600Fabio Varese

El stall dovè te sté l'è da par tò,
anz mi me maravûj e s' no só già
chi sia costù che t'habbia tolt in cà
essend inscì porscell e inscì gogò.
 
Ch'occorr te baiet e t' rompet el cò
co'l fà sonitt e tutt el di rasgià.
S' te g'hé parigg basij da innumerà,
rompet almanch el coll e borla giò;

o tû on martell, smaraiet prest i oss
e spettasciet la merda ind el bottasg
e fatt almanch fini da crepà 'l goss.
Te mostret pur a manaman 'l busnasg

o poverasg fottú, te no g'hé indoss
in tutt per tutt per quatter sold de strasg;
e nomà pettegasg
se ved in la toa cà, brutto mastin,

e stronz per tutt ch'ammorben i visin.
De mûd, el mé strascin,
te pû grattatt el cû inscì da biott
e segná i cantarij cont i strambott.

No l'è i resegott
che te daghen fastidj nè i fiû,
ma l'è 'l dormi co' i piûgg senza lanzû.
Ma par dà fin incû

a sta libeba, olter no vûj di
nomà perchè só che te vû fusgi.
Ma cazz, credill a mi,
te t'ingannet coion, che al tò despegg

el patron vûr el figg e tût el legg.