El progress
Jump to navigation
Jump to search
Gioann Ventura (1801-1869)
El progress
Che 'l Progress el ghe sia el soo anca mì;
e le capiss ogni fedel mincion
domà ch'el pensa, ch'el pò andà in vagon
a vedè Monscia quàter voeult a! dì.
Ma che 'l ghe sia in de l'educazion
l'è propri quelI che stenti a digerì,
quand me spùven su i scarp de chì e de lì,
eme fumen la pipa, in sul muson.
Se 'l fuss lècit dì 'l coeur al temp d'adess,
per mì tant vorèv dì che sto costumm
eI me par pocch d'acord cont el Progress;
Vorev dì che sto nost sècol di lumm,
on poo ancamò che i pipp devènten spess,
eI ris'cia d'ess ciamaa sècol del fumm!