El pont del borgh de San Cels
Jump to navigation
Jump to search
Gioann Ventura (1801-1869)
El pont del borgh de San Cels
Al sur ingegnee B. C.
Se me fermi a guardà 'l streccioeu del Fen,
o quell di Verz, o l'àlter di Cornagg,
vedendi tutt e trii metuu inscì ben,
benedissi el progress coi sò vantagg.
Ma se guardI sto pont, che mett el s'cagg
adoss ai vitturin che va e che ven,
e sto nost borg tegnuu pesg che i teragg,
disi la veritaa, spuvi velen!
Coss'el sto nòster borgh? on sit de can?
on sit desabitaa., foeura di pee?
tutt àlter! l'è di mej che gh'è in Milan!
L'è 'I sit di spos, el sit di forestee;
gh'è on santuari e gh'è i pittur d'Appian,
che fann corr tutt el mond inanz indree.
A lù sur ingegnee,
cosse ne diss? Ghe par che vaga ben
de preferì i Cornagg, i Verz, el Fen?