El poer murtì

From Wikisource
Jump to navigation Jump to search
El poer murtì
by Angel Canossi


Angel Canossi (1862-1943)‎

El poer murtì

(traduzzion e integrazzion de 'na poesia del Bauernfeldt)


Gh'è mort el sò pütì,
poera mama!, e la pianz:
la pianz de dé e de nòt,
la pianz che la fa péna
anche 'm del son la pianz...

Ma èco che 'na nòt
ghe compar el murtì
vistit a malapéna
d'ön pó de camisì
e: "Varda - 'l dis -, mamina!
e pianz e pianz, e pianz,
varda cosa t'hé fat!
G'hó el camisì 'mbombat
de lacrime, mamina!
E con ste missulì
no pòde piö durmì...
neh, mia piànzer piö!!?..."

Spares el poer murtì...
la mama la pianz piö;
la mama la se té
le lacrime 'n del cör
e, quand che 'l cör l'è pié
ch'ala de fà?... La mör.