El güen pastor

From Wikisource
Jump to navigation Jump to search
El güen pastor  (1925) 
by Enrique García Rendueles

Allégrate, Sión, porque ya vieno
To Salvador á vete,
To pá y to pastorín ena mayada
El ñeru quier facese.
¿ Veslu llegar blincando pela ería,
Más lluciu que trigal que Mayo medre,
Pezpuntiando 'l punteru gasayosu,
Y asentar enel llar so escañu, viesti ?
So cara ye de roses,
Les manes son claveles.
Allégrate, Sión, porque ya vieno:
Pódies espabilar y facer fiestes.
¡ Bon Pastorín ! ¿ qué quiés ista reciella ?
¿ Ónde la vas llendar ? Do-ú el prao tienes
Cuayau de la cebera, enonde mana
La pómpara bullosa de la fuente
Que non seca l´estiaxe
Nin del sol viciayosu el rayu tiemple ?
Ay ! quien non yanta de los trigales
Ha tar flacu y enxencle,
Quien no bebie na fonte de tos gracies
¿ Ónde ha matar la sede ?
¡ Xesús, bon pastorín ! si arremiellando
Los güeyos la gafura miedu mete
Allastímate tú de los probinos;
Si, arregañando 'l diente,
Quier el llobu en tos llindes fer so agostu
Apúrrei col civiellu, dai nes piernes.
¿ Oveya separtada de to vera
Onde puée atopar meyor presebre ?
Pastorín, non la dexes descarriáse
Ent' escayos y sebies;
Xúblai, Siñor, pos á los tos xiblíos
¿ Quién non golvi á los brazos que-i ufrecies ?

Public domain
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

PD-US-1923-abroad Public domain in the United States but not in its source countries //wikisource.org/wiki/El_g%C3%BCen_pastor