El Neñu Malu

by Xosé Caveda y Nava

El Neñu Malu  (1887)  by Xosé Caveda y Nava

 Medio apagadu el candil
Y antes q' el gallu cantára,
Tuxa llagrimosa y sola
Cabo el so nenin velaba.
So cuita aumenta el silenciu
Que reina pe la enramada:
Solo la mar de muy llone
Con sordos ruxidos brama;
Solo el arroyu del monte
Entre les peñes restalla,
Y dalguna vez en güertu
Canta el paxarin del alba,
Triste como sos pesares,
Doliente como so alma.
Y los rayos de la lluna
De pardes nuves velada,
Amortecidos pasando
Pel medio de la enramada,
En el rostru decaidu,
Do fexo el dolor morada,
Les llágrimes solitaries
Sorprenden de la cuitada,
Q' en so semblante parecen,
Cómo parez la orbeyada,
Sobre la flor del romeru
Cuando risca l' alborada.
Les melenes despeinades
Abaxando pe la espalda,
Sin pañuelo de cien,flores,
Sin corales la garganta,
Con la mano na maxella,
Pe la pena solliviada,
De la cuna del so ñeñu
A la par está sentada;
Sentada , cuidosa y triste
Por el dolor aguixada,
Más que palomba del monte
Que llora de rama en rama,
En sombríes carbayeres
la so perdida mitada.
¿ Y que munchu si non tien
Otru fíu la cuitada ?
Ye el frutu de sos amores
Coídu recién casada,
Retratu del que bien quier,
Prenda d´ una namorada.
Míralu tíenra y sospira
Porque el so penar la mata;
Y les manines de cera
Mientres la fiebre lu abrasa,
Cien y cien veces i besa
O allá en so senu les guarda,
Y la carina encendida
Con sos Ilágrimes i baña.
Ansí ñuve del veranu
De goterines preñada,
Rocía con elles les flores
Q´el sol tien amortiguades
Y non reñacen nin tornen
A ser del pradu la gala;
Del prado donde ñacieron
Y donde el calor les mata.
 Qué fará la probe Tuxa
Cuando el so neñín s' abrasa,
Y ye perdidu el so Iloru
Y á mexorálu non basta ?
Velu sufrir y quexase,
Y pa solliviar el alma
De les penes que la aflixen,
Ansí doliente les llanza:
- Anxelín hermosu,
V ixu de to ma,
Que penes i dieres
Si Dios te llevas ¡
¡ Probequín ¡ ¿Qué tienes?
¿ Qué te fexo mal ?
Calla; mi alma , calla,
Non te quexes más, Mira, tengo date
Un corriverás,
Y un xatin pintadu
Como el de to pá.
Tapa les manines,
¡ Ay, que friu fai ¡
Cierra los güeinos.
¿ Non te dormirás ?
Ora , ñeñin. ora,
Vixu de to ma.
¡Non sabes , queridu,
Que penes i das !
 ¿ Si Dios te me guarda,
Ilas dir á Candás,
Y un ñeñin de cera
Al Cristo darás,
El gorrete nuevu,
Valona has llevar.
La saya de xambre,
Pañu de madrás.
¡ Pero non me escucha ¡ .. .. .
 " ¿ Si lu agüeyará
La vieya Rosenda
Del otru llugar ?
Desque allá na cuerra
Lu diera en besar,
Poqueñin y apocu
Morriéndose vá;
Dalgun maleficiu
La maldita i fai,
Que diz q´ á Sevilla
Los sábados va.
Y q´ anda de noche
Por todu el llugar
Chupando los neños
Que gordos están.
¿ Si el miu la bruxa
Tamién chupará ?
Témolo en concencia,
Témolo en verdá,
Mañana sin falta,
( Si he que llego allá),
Con agua bendita
Lu tengo asperxar,
 Y ponéi la cigua
Antes de mamar,
Y dai pan bendito
Mezclau al papar.
Y de San Benito
Se i ha de colgar,
La regla que fora
Del padre Bastian.
i Como lu punxeron ¡
¡ Ay, que talu está !
Era gayasperu,
Alegre, xovial;
Soliquin andabá,
Soltára á falar;
Daba gustu velu
Correr cabo´l Ilar.
Faciendo veyures
D' aqui par ' allá;
Y agora amusgadu
Sin fuelgu tomar,
Non tien más que güesos ;
Morriendose vá.
  ¿ Par' eso dolores
Costasti á to má ?
¿ Par' eso hasta agora
Te dió de mamar.
Y trexote en cuello
Sin tomar vagar,
Y Ilevate al sallu
Y á casa te trai,
Y pasa les noches
Aña q' añarás ?
" i Ay, Señor, que penes
Me dá isti rapáz ¡
Pasálo por ellí
Más quixiera, más;
Q ' el triste sos males
Non sabe explicar,
Y quéxase y llora
Y faime llorar,
Y remediu en tantu
Non puede afayar.
.¿ Que dirá so padre
Que na siega está ?
¿ Si vien y morriendo
lu atopa quicías,
Si quier Dios acasu
Non lu vea más ,
¿Qué consuclu entoncia
Y podrá bastar ?
¿ Donde está el mió neñu
Del alma , dirá.
Mio Xuanin queridu,
Que asi me dexás ¡
¿ Nin veré tos rises,
Nin t' oiré falar,
Ni á ver los xatinos
Vernás al corral,
Ni en pradu ente flores
Más treveyerás,
Mientres que la yerva
Guadaña to pá ?
¿ Pa quién les cereces
Tengo yo algamar,
Y traer á casa
Neros de reitan,
Y fer xiblatinos
Y Ilumar el llar ?
Pasó como el fumu
Tan gratu solaz:
Perdite , queridu,
Non te veré más.
Llevasti contigo
L' amor de co pa;
Llágrimes i dexes,
Amargu pesar .....
-"¿Qué digo? Estó lloca;
Mátame so mal .
¡ Anxelín hermosu,
 Vixu de to má,
Que penes i dieres
Si Dios te llevásl... "
Calló Tuxa y el neñin
Como si quicías calara
La pena que dá á so madre
Y s´empeñás en calmála,
Más galan que un anxelin,
Co la cara sonrosada,
Volviéndose hácia so má
Que no i quitaba gueyada,
Gasayóla i sonrióse ;
Y faciendo una monada.
Allargói los braciquinos
En ademan de abrazála.
Diói é na frente un besin
Y la cabeza enclinada
Sobre so senu de ñeve,
Allagrima la so cara,
Falagóla y allugadu
E nél fexo so morada.
El sueñu cerroi los güeyos;
Quedó so pena calmada,
Q' el cariñú d' una madre
Ye melecina probada,
Y lo que non fai natura;
Nunca del arte s´ alcanza.