Eger Kurdêk Qisey Babî Nezanî

by Hecî Qadirê Koyî

Eger kurdêk qisey babî nezanî
Muheqqeq dakî hîz e, babî zanî

Were ba bot bikem basî nîhanî
Tefennun xoş e ger çakî bizanî

Selaheddîn û Nûreddînî kurdî
‘Ezîzanî Cizîr û Mûş û wanî

Muhelhel, Erdeşêr û Deysemî şêr
Qubad û Baz û mîrî erdelanî

Emane pakyan kurd in, nîhayet
Le ber bêdefterî win bûn û fanî

Kitêb û defter û te’rîx û kaxez
Be kurdî ger binûsraye zubanî

Mela û şêx û mîr û padişaman
Heta mehşer dema naw û nîşanî

Be zîddî mîr û paşaman birawe
Bes e ba bêyne ser rêy mîhrebanî

Ke deygut şêxî min: Min destgîr im
Le lam wa bû le ber cehl û ciwanî

Ke pîr bûm tê geyiştim destî girtim
Le kesb û kar û tehsîlî me’anî

Bellê şêx qutb e emma qutbî aş e
Be aw û nî’metî xellq e gerranî

Le bo jin dê le kollan wek segî har
Le jin helldê be mîslî ker le xanî

Billê bew serkizolley kuzperiste
Be çawî kildiraw û rîşî panî

Ke nef’êkit nebê bo dîn û dewllet
Be min çî neqşbendî ya nemanî

Kesê pîyaw e ke danê wek Hem Axa
Le bo ebnay cînsî nan û xwanî

We yaxud wek Emîn Axa be hîmmet
Bika bo qesrî mîllet pasebanî

Billê lem behse her kes munkîrî to n
Bifermû sehl e rêgey îmitîhanî

Be ummêdî dû sê dana ye Hacî
Durrî giran deda be herzanî