E Timu Ra Koe
E timu rā koe, e tai nei,
Rere omaki ana ai ki waho rā.
Hei runga nei au tiro iho ai
Nga roro whare ki Mihimarino
Nāku ia nā koe i kakekake
I ngā rangi rā, ka hori nei.
E tangi rā koe e te kihikihi;
Tēnei koe ka rite mai ki ahau.
Me he hūroto au kei rō repo,
Me he kākā, e whakarāoa ana.
Tirohia atu koia mo ko Tāwera,
Whakakau ana mai ki uta?
Hohoro mai koia,
hei hoa moe ake
Mōku rā, e tiu nei.
Me he pōrangi au e keha ana
Me haurangi, kai waipiro;
Me he tāhuna rere i te amo hau,
He perehia rere ki tawhiti.
Tiro iho ai au ki ahau
Rinoi ra e te uaua;
Te koha kore o te kai ki ahau,
Heke rāwaho i te kiri ora.
Waiho au kia pōaha ana,
He rimu pukā kei te ākau
|
This work was published before January 1, 1929, and is in the public domain worldwide because the author died at least 100 years ago. |