E Nihi Ka Hele
E ka moana nui kai hohonu
E lana mālie kou mau ʻale
E ka makani nui ikaika
E pā aheahe mālie ʻoe
Hui:
E nihi ka hele, mai hoʻopā
Mai pūlale i ka ʻike a ka maka
Hoʻokahi nō makamaka ʻo ke aloha
A hea mai ʻo ka lani a e kipa
ʻIke iā Kaleponi he ʻāina anu
Ke hau hoʻokuakea i ka ʻili
Lamalama i ka ʻili o ke kama
Ka wahine i ka ʻiu o luna
E hele me ka poina ʻole
E huli ē ke alo i hope nei
Eia kō lei kalaunu
O ka ʻōnohi o Hawaiʻi
|
This work was published before January 1, 1929, and is in the public domain worldwide because the author died at least 100 years ago. |