Durì se a ti vigniss la scaranzìe
Jump to navigation
Jump to search
| Durì se a ti vigniss la scaranzìe (1828) by |
| Poesie scelte edite ed inedite in dialetto friulano |
Al Sig. Conte N. N.
SONETTO
DURI', se a ti vigniss la scaranzìe,
E la rogne, la levre e 'l uaruelon,
La coliche, lu fluss e lu madron,
Il letargo, la fan, l'idropisìe,
La sciatiche, la gote e apoplesìe,
la giandusse, la fistule e 'l bugnon,
La piere, la roture e lu balon,
Petèchis, mal mazzuc e frenesìe,
La fiere cu l'afan e lu tremaz,
Il cancar, la cancrene, e 'l visicant,
Il foroncli, la pläe e lu sedaz;
Dut saress mal, ma no 'l saress mai tant
Come vedè il so ben a un altri in braz:
Che chest è il ver infiar d'un puar amant.