Dor weer enmol en lüttje Buurdeern

Dor weer enmol en lüttje Buurdeern.
Text type:	Leed
Comment:
:

1. Dor weer enmal en lüttje Buurdeern,
De haar twee Jungs so leef.
De een dat weer en Schipper-ripper-ripper
De anner weer de Amtmann sien Söhn.

2. Se dee ehr Moder fragen,
Wokeen se nehmen schull.
Laat du den Schipper-ripper fahren
Un nimm den Amtmannss Söhn!

3. As dat de Schipper vernahmen,
Swoor he ehr hillig to,
Di schall de swatte-ratte Düvel haaln
An dienen Hochtietsdag!

4. De Düvel keem gereden op
En sneewittes Peerd.
Un danz mit ehr in de Struuv-deruuv herümmer
Un denn to’n Schosteen rut.

5. Dor baben op den Barge steiht
En Machandelboom.
Dor hatt he se verrüter-rüter-rüter
Mit siene Düvelsklaun.