Doi biei voi e un biel sen, tesaur di amor

by Ermes di Colloredo

Doi biei voi e un biel sen, tesaur di amor  (1828)  by Ermes di Colloredo

Poesie scelte edite ed inedite in dialetto friulano

Al bel seno ed al bell'occhio di bella donna per nome Claudia.

SONETTO

DOI biei voi e un biel sen, tesaur di amor,
Tra lor contìndin di belezze il vant;
Brilin chei neris voi plui dal diamant,
Supare il sen di perle il biel candor.

Carlo il Paride ses, che in grand ardor
Prove feliz e fortunat amant,
Dì tu, se i voi plui biei o plui galant
Sei lu biel sen, ma no cometi eror.

Fai la sentenze tu come conven,
Mostriti zudis just, ret e modest,
Che dut è fregio da l'amat to ben

Se jò foss zudis, saress just in chest
Par no fa tuart ai voi, nè manco al sen
Chiolaress sen e voi, e dut il rest.