Dimmi, dimmi, apuzza nica

Dimmi, dimmi, apuzza nica,
Unni vai cussi` matinu?
Nun c`e` cima chi arrussica
Di lu munti a nui vicinu.

Trema ancora, ancora luci
La ruggiada `ntra li prati
Dun`accura nun ti arruci
L`ali d`oru dilicati!

Li ciuriddi durmigghiusi
`Ntra li virdi soi buttuni
Stannu ancora stritti e chiusi
Cu li testi a pinnuluni.

Ma l`aluzza s`affatica!
Ma tu voli e fai caminu!
Dimmi, dimmi, apuzza nica
Unni vai cussi` matinu?