Dil Ji Ilacê Ko Bi Der Ket Mizac

From Wikisource
Jump to navigation Jump to search
Dil Ji Ilacê Ko Bi Der Ket Mizac
by Melayê Cizîrî

Dil ji 'ilacê ko bi der ket mizac
Dê ji lebê noş-i 'eta bit 'ilac

Ayîne'ê camê cehanbînê Cem
Bade'ê le'lî ne di cama zucac

Ji ava heyatê bi me da şerbetek
Zinde kirîn ma ji 'edû ra neşac

Bend-i kirim gerçi şubih fîl-i bûm
Sîmiberê sa'id û bazo ji 'ac

Exterê iqbal û meha birca bext
Mihra sipihrê kemer û text û tac

Kos-i ko hingaft-i bi şahî li text
Padişahan neqdê rewan dan xerac

Xwisrûyê şîrîn-i li derbendê husn
Sîmiberan lazim e lê mehr û bac

Sikkeyê şi'ra me bi navê te hat
Lew bi 'iyarê di cehan da rewac

Abê rewan min diye şi'ra Mela
Yunkiru li-lma'i li-sû'i l-mizac


This work was published before January 1, 1929, and is in the public domain worldwide because the author died at least 100 years ago.