Di Dest Da Yengiyek Nûbar (Ebrû)
Di dest da yengiyek nûbar-i min dî ew keman ebrû
Li bala cedwelek cebbarî lê da hemqiran ebrû
Ko heq ev herf û xet kêşan li talayê me derwêşan
Du qewsan goşe lê badan we ser peyweste man ebrû
Te dîdarî te reftarî te elmasên şekerbarî
Bi 'eynê rê li ser şadan du nûn reyhan numan ebrû
Bi hemdi l-lah bi feyrûzî li wechê dilberê min dî
Ko mahê nû nişan min dan li taqê asiman ebrû
Te'ale l-lah nişan dane bi husnê ev neseq dane
Ji neqş û şen'etê heq ev nişan çeşm ev nişan ebrû
Ji re'na nêrgizên şehla mecalê hemqeran bînim
Hezar remz û işarat in ji wan qewsên çevan ebrû
Mela dil têk te peykan in ji mehbûban me nîşan in
Kemandarên di xeddar in di birca esmeran ebrû
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse