Dalebüd Vicifala de 1950, Mayul 22, Nüm: 1
- Elelilölo dub pened de läd: ‚A. Achenreiner-Uhlik‛ dätü 1950 mayul 19 peladetöl lü söl: ‚Dr. Arie De Jong‛: kadämal ä sekretan kadäma Volapüka, das söl: ‚Jakob Sprenger‛: cifal Volapükanefa sis d. 5id amula binom so vemiko malädik, das no plu fägom ad calön in dinit at, äd as dilekan kadäma Volapüka e
- vätälölo, das ob: ‚J. G. M. Reynders Sr.‛ pecälöl tü 1900 mäzul 27 ad kadäman Volapüka, labob dünayelis mödikün, e sekü atos ma § 9(5) statuda tefü cifalam (Dalebüd de 1934 prilul 1, nüm: 1) labob bligi ad bitön as vicifal,
- nunob me dalebüd at, das obitob as vicifal Volapükanefa, jüs cifal: ‚Jakob Sprenger‛ obinom dönu fägik ad duinön vobodis, kels sekons se dinit at.
- so pelonöl tö ‚Den Haag‛ (Nedän)
- tü d. 22id mayula yela: 1950.
- Vicifal Volapükanefa
- J. G. M. REYNDERS Sr.
- Kadämal Vpa.
Se Volapükagased pro Nedänapükans 1950, Nüm: 4, Pad: 13.