Dalebüd Cifala de 2006, Yanul 1, Nüm: 2

Dispenan: Brian R. Bishop, Cifal Volapükanefa ä Dilekan Zänabüra Volapüka,

vätälölo, das söl Donald Gasper lunüpo dajonom lanäli e skili okik in Volapük e pükav,

cälom primü adel söli Donald Gasper, lödöli in zif Hong Kong, tö GPO Box 598, Tsyinän, as:

VICIFAL VOLAPÜKANEFA.

So pelonöl

tö Zänabür Volapüka

tü d. balid yanula, yela 2006

Cifal Volapükanefa

(BRIAN R. BISHOP)

NOET

Jünu Jean-Claude Caraco ebinom Vicifal, ab kodü gidids famülik, no kanom fovön in cal at. Sekü atos, Cifal ecälom söli Gasper as fovan oma.

Cifal vilom danön ladöfiküno söli Caraco demü vob legudik, keli edunom dü yels mödik. Binom söl Caraco, kel eyufom fleni André Cherpillod ad dunön Vödabukis Volapük-Sperantapük e Sperantapük-Volapük, e ma söl Cherpillod, no ükanom fidunön vobi veütik at nen yuf völadik söla Caraco. Danö ai dönu demü vob ola as Vicifal, o flen löfik!

Se Volapükagrup bevüresodik ela ‚yahoo‛ [1].