Dö libated e jelated
vpatidel.
Pebaltats vedoms aiumo slopels libateda na ebinoms jelatedels.
Nelijels jinoms tadilo ovedön slopels jelateda.
Su fimän bäledatik, kisi odunobs?
Segun ob, mütobs posdunön balidis dunöls äs telidis: ibo, pos klig dö Secession, toladataifs nolüdamelopelas efuloms, pos yels nemödik, tatakadi dub liegs legletik, umo ka baliads balsetel, me kels epeloms foviko debis valnik omas, so gudiko das Bisiedalomsik elenunom adüpo pöligi levemik plo län at, efe: Ninsums in yel 1888 osuämoms jü frans: balions veltum! Pöfiks! Dido, eko pölig nitedikün! Cifal at mobom täno dub message betlipön fovo te nezesüdikosi, o. b: vinis, spitikosi e tabaki. Also, toladataifs Pebaltatas ozeiloms sikodo libatedi.
O spälafilosopels! li-binols kotenik nu? Lesi bo! ogepükols ba. Segun ob, kapälob nefikuliko das binon balüdo gönik al jelate de poso das vedon slopel libateda; ab modü melopels, nevotliko! Si! dunobsöd oto: beginobsöd pelön, obs yulopatats kels debobs anu franis: baliads tum balsevel, medamü toladel, danü taifs löpikün al jelatedön; poso, evedöl denu liegik, konsälobs gudälo votikes taifis libatedik: In Maison-Blanche, lisälam no li-binom so?
Liedö! pamutobs, tosü teor cedik, mekön kapäliko jelatedi: atos no li-binos gudikumo ka tatafalim? Zeladiko, eko sugiv al dagetön lifi netik plivilegik.
Teor jenik flagom osi!
No opükob is dö plisip sembal nulik efe: Tolads segun taif neta pebönölün, ibo Südlöf hetom plisipis pelenvoköl fa Fra Diavolo al futs della Madonna o.b: mekad bufumo ka git!
No, nevelo! ab plisip gudikün e i gidikün tefü toladataifs, segun ced miegik oba, äbinomöv ni libated ni jelated e äkösitomöv taifön leigo balvoto de net al votiks!
Noetolsöd das no sagob al votik, ab das gebob plunumi ibo nolob fomüli lestän tegom cani! Also ovedon fümiko ni cütel ni pecütel.
Se Volapükabled Tälik 1888, Nüm: 1, Pad: 6.