Contro i cattivi poeti
Jump to navigation
Jump to search
Isepp Ribon (XVIII-XIX secol)
Contro i cattivi poeti
La toss al dì d'incœu g'hann i moschin,
e ton se dann e l'aria de cantant;
cerchen i grì de fà la sumia a Dant;
de fà de prim in sul Parnass i asnin.
Ma se ne acorgen nò 'sti poverin,
ce chi nass nan mœur nan, e mai gigant?
E che, per quant se sforzen, tanetant
semper sarann asnin, mossin, grillin!
Con quest vœul dì, che i nassen i poeta,
e a fall chi è nò ciamad de la natura,
fa trop, se al quarto el riva de la meta.
Quand ester natural ne gh'avii nò
brusee, pivell, la penna aderittura;
ciapéll, quest l'è 'l parer che mì ve doo.