Contos pro infantes
Genealogia del deos grec[edit]
Primo - como es dicite in le Theogonia de Hesiodo - existeva le Chaos; postea, Gea (le Terra), illa del ample sino, eterne e sustenite per tote le cosas, e Eros, le plus belle del immortales, que domina le cordes e triumpha del sage consilios.
De Gea e Eros nasceva Urano, Gea faceva de iste filio su sposo e de iste union nasceva multe filios: le Titanes (que era dece-duo: sex masculin, Oceano, Ceo, Crio, Hyperion, Japeto e Crono; e sex feminin: Thetys, Thea, Themis, Mnemosyne, Phebe e Rhea); le Cyclopes, que era tres con un sol oculo in le fronte (Brontes, Steropes e Arges); le Hecatonchiros, de cuje dorsos saliva cento bracios, era etiam tres: Briareo, Cotto e Gyges.
Gea castrava Urano e Crono se maritava con Rhea. De iste matrimonio nasceva le deos: Hestia, Demeter e Hera es su filias, e Hades, Poseidon e Zeus su filios. Zeus expulsava Crono e occupava su posto. Assi ille establiva le ultime e divin dynastia del grecos: le del Olympo.
Pro assecurar su throno, que le Titanes le disputava, Zeus se alliava con le Cyclopes e con le Hecatonchiros. Le Titanes, disfacite, esseva jectate al Tartaro. Plus tarde, illes debeva luctar contra le Gigantes, filios de Gea, monstros immortal.
In iste nove combatto, altere divinitates adjutava Zeus: Athena, Hera, Apollon, Hephesto, Poseidon, Artemis, Hecate, Aphrodite... Le deos ganiava ancora un vice le guerra e se establiva in le Olympo.