Consèj daa a on malcontent
Jump to navigation
Jump to search
Consèj daa a on malcontent
Incontrandes in strada
cont on sò camarada,
el se sfogava on pontiglios col dì:
«Mì no cerchi del tal
protezion nè danee:
ma on salud, credi mì,
ch'el ghe costarà pocch a quell nosee;
boeugna che l'abbia on pal
propi ficcaa in la s'cenna!
A trii di me salud l'ha correspost
la terza voeulta appenna!...»
L'amis, ridend, allora el gh'ha respost:
«Che serva el lamentaven!
Avii gèni a impattàven?
Quand v'imbattii a incontrall,
speccee la terza voeulta a saludall».