Cheste zintîl viole
Jump to navigation
Jump to search
Cheste zintîl viole,
Primizie de stagion,
L'ài destinade in don,
Anute, al to bliel sen.
Al sen dulà che Amôr
Al zuie di cu-cuc;
Al sen che al bute fuc
Par impià chest cûr;
Al sen che al tire a sé
Al pâr de calamite,
Al sen che muârt e vite
Po' cioli e dà caprìz.
Ah! sì, in chel sen viole
Va là finì i tiei dîs.
Finiju in paradis!
Oh! fortunade tu!...
Pietro Zorutti