Chel tic e toc, cu conte ogni moment
Jump to navigation
Jump to search
| Chel tic e toc, cu conte ogni moment (1828) by |
| Poesie scelte edite ed inedite in dialetto friulano |
Sopra un Orologio, a Polimia.
SONETTO
CHEL tic e toc, cu conte ogni moment,
Ju pass, che il timp misure in nestri dan,
E veloz trapassand dal mes a l' an,
Cun chei pass nus condûs al monument.
Polimie, pense pur, che a chel concent
Anchie i flors dal to volt e spariran,
E ad onte dal to fast prest finiran
La to crudel beltat e il miò torment.
Cheste è fatalitat di uman destin,
Che ogni biel ha cajù curte durade,
E un pizzul pass è dal principi al fin.
Pietose tu al miò amor conced l' entrade,
Se no, credilu pur, pentìz sarìn
Tu di vemi sprezzat, jò tant amade.