Cellis

From Wikisource
Jump to navigation Jump to search
Cellis
by Giuseppe Malattia della Vallata

Sot chiste zoppe, che giò hai zopeà
Tante volte in chel timp che ere canài;
Sot chiste zoppe, Cellis, tu e tu sta'
Dai sietcent'an, e no tu parle mai!

Dame notizia dei pora abitantz
Ch'i preava San Zòrz e San Denèil;
Dime le vous d'amour e dime i chianz,
Perduz par sempre fra la val e 'l ceil!

De San Deneil al resta nome i clas
Lassù sul mont: i clas dal codalà;
de Te nissun i parla; Tu e tu tas;
Ma in primavera al fluritèa al chiò prà!

E i parla i flours: "Pensà che nos e ven
Radis ch'i pòa sui còurs, e in primavera
Sot la forma de flours, pensà che sen
I vostre pàaris che durmin sot chièra!"

Giuseppe Malattia della Vallata