Caspita che spagætt l'ha vù la spousaii gnaa...

From Wikisource
Jump to navigation Jump to search
Caspita che spagætt l'ha vù la spousaii gnaa...  (1780) 
by Academia dla Baslætta

Academia dla Baslætta (XVIII sec.)‎

Caspita che spagætt l'ha vù la spousa

Caspita che spagætt l'ha vù la spousa
quand l'ha sintì al sò Padrei malà
la stmanna istess ch'al l'iva da spousà,
ch'anseuin n'al saviss nò, quasi alla scousa.

Ivan bel pari a digh: "Sté spiritousa,
n'av dubitè, che præst al guarirà";
Cme 'l Papa ai scrocch, n'agh dava nanch da trà;
a le troppa agh pariva dolorousa.

"Donca sarò, prima da pià marì,
vidova dirilitta e senza fieu?
Ah, Sant Antoni, av pregh: femal guarì".

Al Sant l'è in zel; ma pura l'ha sintì
e in grazia soa san e salv incheu
coun gioha d'sò moujé l'è chì insichì.