Carmelina

by Fabriciano González García

Carmelina  (1925)  by Fabriciano González García

Carmelina, la ñeta de Colás el de Antona,
La chavala más chusca, la chavala más mona,
Que denyuri per toa l' arrodiada se vió;
El encantu y el bixu de les moces melgueres,
La aloyanza y cubicia de les Ilingues parlleres
La que alloria los mozos dende Xove á Somió,
Amusgóse en so cara candialina la rosa
Y perdió los ximielgos de ñuviella garbosa;
Non tien gracia de rise, nin se I'auye cantar;
Ya n' el so escudilleru naide atisba y repara
La cacía tan llúcia, que se vía la cara
Tal que n' agua del pielgu n' el espeyu al merar.
¿ Qué se fexo, coitada, de to roxa guedeya,
De to texe y manexe con afanes d' abeya ?
¿ Qué d' aquelles risines más candiales qu' el pan
Y ¿ por qué non gargolies una allegre tonada
Como antaño n' el sallu ó al coyer la ferrada
Pe l' albancia del día en 'l fresco fontán ?
Si la allondra al reclamu va y se cola n' a trapa
Y si la escapitina se chamusca n' a llapa
Ye qu' enllúxense entrames de so enfotu al callor;
Y por eso la sabia aburuya en so xuiciu,
Que te come la guaxa y te acaba el sumiciu,
Que ye fueu de querencia y pruíciu d' amor.
En' a fiesta del Carmen, como flor pinturera
S' abre y xira la danza cabo la carbayera,
Que s' espacia n' el campo xunta Villamañín;
Y se cozquen los mozos al sonsón galbaneru,
Que pezpuntia la gueite y sonsaña 'l puntero
O gargolian les moces xareyaes del moñín,
Alloriados los mozos de maxencia y de celos
(Qu' el meyor del cotarru lleva 'I diablo n' os pelos)
Po l' amor de la neña entamaron custión;
Y apurriéronse palos á moler y á destayu,
Y, frañéronse 'l llombu, tarazándose ' l cuayu,
Y por muerte está presu dende entóncies Pinón.
El galán que á Carmela fai rebelgos n' el alma,
El que en rondes y fiestes pinta y lleva la palma
Y que abluca á la neña con tan fondu pinsar,
Que frayada de pena añubló sos güeyinos,
Al fuxir l' amapola de sos nidios papinos
Y la allegre callandria de so dolce cantar.