Car tratsch grischun
Jump to navigation
Jump to search
Car tratsch grischun
Per arrivar sin nies car tratsch grischun,
Ils pievels fan dal mund pelegrinadi;
Surstai ed incanati els fan viadi
Tras nossas vals sur dutg e sur dargun.
5Sch'ils jasters dessen d'aur in ault mantun,
Els pagan mai de nies sulegl in radi!
Sche mo fideivels resta neis biadi,
El ei pli rehs che mintga losch barun.
Mo nus, in pievelet, nus lein mussar
10Nos scazis a tuts jasters cun luschezia:
Nies bien e sempel viver ed urar!
Sco il carver, che porta dall'altezia
La nobla flur dil grep, nus lein purtar
Per nies car tratsch grischun el cor carezia.
|
This work is in the public domain in countries where the copyright term is the author's life plus 70 years or less. See Copyright.
|