Canzun davart la Libertat da nossas trais Ligias

From Wikisource
Jump to navigation Jump to search
Canzun davart la Libertat da nossas trais Ligias (17th century) 
by Martinus ex Martinis
Era enconuschent sco Chanzun da la libertà

Canzun davart la Libertat da nossas trais Ligias



A tots pagiais e natiuns
Parta Deis oura da seis duns,
Mo'l principal ais cur Deis dâ
Ilg seis soich plaed cun LIBERTAD.

Aur e argent ais ün thesaur,
Honuors dal muond ilg muond stem'aut,
Mo tot à quai sgür in vardat
Trapassa loensch la LIBERTAD.

Utschels, limargias zainz'inclet
In spelms, deserts chi faun lur lett,
Haun qua dalet canten dadaut,
Chi poun güdair la LIBERTAT.

Foe, spad'haun indüra, plü mal,
Ilg Niderland e Portugal,
Haun miss lur vit'e saung à quâ
Per congüstar la LIBERTAT.

T'algord'impâ dal temp passâ,
Co Deis la terr'ha chiastiâ
Cun spad'è foe statt grittantâ
Ch'l'ha tut la nossa LIBERTAT.

In greiv'angoscha stat redut
Tot noss pagiais qua stat deschdrüt
Quai tot ha fatt ilg noss puchiâ
Chia Deis ha tut la LIBERTAT.

Vuo Judischs stuvei vat jürar
Status dad'eisters Fürsts salvar
Deis ha manâ, ilg fatt müdâ
Subjection in LIBERTAT.

Volva teis oelgs on Oriaint,
Da mezdi, nott, et Occidaint,
Non ais sco nuo poevel chi hâ
Tant pretiusa LIBERTAT.

Igl plaed da Deis nett vain praedgiâ
Seis Sacramaints administrâ
Quai poust güdair our d'tema quâ
Quai fa la noebla LIBERTAT.

Tü poust semnar, tschuncar, manar,
Far tias lavuors la pro cantar,
Poust dir l'ais mieu, quai Dieu am'dâ
Quai fa la noebla LIBERTAT.

Schi canta laud à quell noss Deis
Ch'ell ha udi ls suspürs dals seis
Ch'lha nossa terr'incurunâ,
Cun usche noebla LIBERTAT.

No sch'ella dess pro nuo restar
Ledschas cun Deis sa sto drizar
Jüdischs eir jüsts stoun gnir tschantats
Quai vol la dreta LIBERTAT.

Quant saung hvai spons vuo Pardavants
Per sa spendrar our suot tyrans
Cun pauc danaer ha Deis güdâ
Ch'nuo hvain cumprâ LIBERTAT.

Quells ston ils mals fick chiastiar
Ils buns our d'grifflas lur spendrar
Chia viver s'poss'in honestat
Quai ais la dreta LIBERTAT.

Vuo Judischs davri sü voss oelgs,
Guardâ sün quell chi zez'in cêl
Temai à quell, sul quell hondrâ
Ilg qual da spad'e LIBERTAT.

Manteng'ô Deis tor quaist pagiais
Ilg poevel nett chi chia l'aint ais
Manteng'Superiuritat
Et noss noebla LIBERTAT.


Public domain
This work is in the public domain in countries where the copyright term is the author's life plus 70 years or less. See Copyright.