Cîntic

Cîntic

di George Ceara

---

Papahagi, Tache. Antologie Aromănească. Ed. Casa Şcoalelor, Bucureşti, 1922, p. 247

Armîna se-aspila
La 'nă făntînă-araţe,
Şi tu-apă 'şǐ γilicea
Aleaptal'ǐ muşiteaţă:
— „Moǐ n'ǐată cum nu-şǐ fu,
Albeaţă ca di anghil,
Voi ocl'i chindisiţ
Şi dzeane cundil'ǐate,
Subţîre mesi-a mea
Şi trup ca chiparişlu,
Carǐ gǐone va vă l'ǐa
Şi carǐ va vă hărsească?”
Araţea ploace avde
Şi laǐlu loc îl'ǐ greaşte :
— „Io, feată, va li l'ǐaǔ
Şi ǐo va li hărsescu!”