Buine sere cjase scure

by Bindo Chiurlo

La prejere di un disperât by Bindo Chiurlo

Buine sere, ciase scure,
ciase scure in miez dai ciamps,
e jo speti te criùre
che ti illuminin i lamps.
Batin undis, bàtin dodis,
il burlàz s’ ingrope in cîl :
no uacadis pe campagne,
e pe vile no un sivîl.
Siviladis vie pe vile
quan’ co levi a fa l’amôr
e uacadis pe’ campagne,
e vosadis tal s'gianôr !
Buine sere, buine sere,
ciase scure dal miò cûr !
Cui siei pizzui jè la dentri,
e bessôl jò ca di fûr.
Lis peràulis c’o vin ditis,
lis bussadis di scuindòn...
m’insumìio? t’insumìistu?
dutis ladis a passòn !
Buine sere, ciase scure,
ciase scure in miez dai ciamps,
e jò spieti te’ criure
che ti illuminin i lamps.