Bon sior, diviars a' mi han volut tentà
Jump to navigation
Jump to search
| Bon sior, diviars a' mi han volut tentà (1828) by |
| Poesie scelte edite ed inedite in dialetto friulano |
Difesa di un Poeta novello.
SONETTO
BON sior, diviars a' mi han volut tentà,
Che 'o scrivi quintri il uestri biel sunet;
Ma parcè che ses om di gran rispiet,
Un tal eror non hai volut mai fa.
Volèvin, che 'o us disess, che il pöetà
Non è par anemai senze intelet;
Ma jo però j' hai rispuindùt biel sclet,
Che anch' vo', come purciel, podès rimà
Seguitàit pur cussì, che vès rason
Di attindi di bon cuur a chest mistìr,
Che fuars acquistarès riputazion.
Cùi sa che es Musis no j' saltass pinsìr,
Viodìnd a là in Parnass un tal minchion,
D' incoronàus pöete cul braghir?