Bladną uoczka bladną

by Unknown

Bladną uoczka bladną by Unknown

ludowŏ śpiywka, wykōnanie Anastazja Hamerla (zam. Wierzch, krys Prudnik), szkryft Adolf Dygacz (1955 rok)

Bladną uoczka bladną,
za dziyweczką ładną,
uobiecała eś mi
chusteczka jedwiobno.

Chusteczka niedwiobno,
wyszywano złotym,
coby nie wiedzieli
ojciec matka o tym.

Ojciec matka nie wią,
ale ludzie wiedzą,
i ci kawalyrzi,
co za stołym siedzą.

Jedyn pije piwko,
drugi gorzołeczka,
a tyn trzeci smutny
bo stracuył dziyweczka.

Nie zdradziyłech jo jóm,
zdradziyła sie sama,
i ta ciymno nocka,
co po niej chodziyła.

Nie ta ciymno nocka,
bali gorzołeczka,
hulałaś hulałaś,
jak nie panieneczka.

Jo nie paniyneczka,
tyś nie jest młodziyniec,
zaprowadziyłeś mie
na prawy gościniec.

Z prawego gościńca,
na zielóno łączka,
tam my sobie dali
uoba prawo rączka.

Rynce my se dali,
uoba my płakali,
lepiej by my byli
kochania nie znali.

Kochanie, kochanie,
gorsze niż więzienie,
z więzienia wyjść może
z kochania broń Boże.