Benservii per on cœugh
Jump to navigation
Jump to search
Francesch Pertusaa (1741–1823)
Benservii per on cœugh
Padron de cà, resgiô de la fameja
no g'hoo vergogna a dì che, al temp che cor,
on tantin de giudizzi e on ver amor
a firà pu suttil el me conseja.
E, perchè la cusina la someja
a on brobrô suga-bors e pela-scior
sora de lee comenza el mè rigor
per no avè pœu de scurattà la preja.
Mandi a spass Cecch Turcott; me 'n sa de maa
perchè l'era on bon cœugh, che in parigg agn,
el m'ha semper servii con fedeltaa.
L'economia me sforza a 'sto partii:
e la Giustizzia, per refall di dagn,
la m'ha dettaa lee stessa el benservii.