Belhs m'es l'estius e'l temps floritz
Belhs m'es l'estivs e.l temps floritz
Qvan l'avzelhs chanton sotz la flor
Mas iev tenc l'invern per gensor
Qvar mai de ioi m'i es cobitz
Et qvan hom ve son iavzimen
Es ben razos es avinen
Qv'om sia plvs coindes e gais
Er ai iev ioi e svi iavzitz
E restavratz en ma valor
E non irai iamai alhor
Ni non qverrai avtrviconqvistz
Qv'eras sai ben az escien
Qve celh es savis qvi aten
E celh es folhs qvi trop s'irais
Lonc temps ai estat en dolor
Et de tot mon afar marritz
Qv'anc no fvi tant fort endvrmitz
Qve no.m risides de paor
Mas aras vei e pes e sen
Qve pasat ai aqvel tvrmen
E non hi vvelh tornar ia mais
Movt mi tenon a gran honor
Tvg cilh cvi iev n'ei obeditz
Qvar a mo ioi svi revertitz
E lavs en lieis e Dievs e lor,
Qv'er an lvr grat e lvr prezens
E qve qv'iev m'en anes dizen
Lai mi remanh e lai m'apais
Ma per so m'en svi encharzit
Ia no.n creirai lavzeniador
Qv'anc no fvr tan lvnhatz d'amor
Qv'er no.s sia sals e gveritz
Plvs savis hom de mi mespren
Per qv'iev sai ben az escien
Qv'anc fin'amors home non trais
Mielhs mi fora iazer vestitz
Qve despolhatz sotz cobertor
E pvesc vos en traire avctor
La nveit qvan iev fvi asalhitz
Totz temps n'avrai mon cor dolen
Qvar aisi.s n'aneron rizen
Qv'enqver en sospir e.n pantais
Mas d'vna res svi en error
E.n estai mos cors esbaitz
Qve tot can lo fraire.m desditz
Avg avtreiar a la seror
E nvlhs hom non a tan de sen
Qve pvesc'aver cominalmen
Qve ves calqve part non biais
El mes d'abril e de pascor
Can l'avzelhs movon lvr dovs critz
Adoncs vvelh mos chans si' avzitz
Et aprendetz lo, chantador
E sapchatz tvg cominalmen
Qv'ie.m tenc per ric e per manen
Car svi descargatz de fol fais