Ban/Gaguritan Kusumarasa

From Wikisource
Jump to navigation Jump to search

Deskripsi[edit]

Bahasa Indonesia[edit]

Bahasa Inggris[edit]

Naskah[edit]

[ 1 ][PERPUSTAKAAN KTR.DOKBUD BALI PROP.BALI
G/IX/12/DOKBUD
Judul : GAGURITAN KUSUMARASA
Panj. 45 cm, Leb. 3,5 cm. Jl. 214 lb.
Asal: Negara, Jembrana.]

[᭑ 1A]
Judul : GAGURITAN KUSUMARASA
Panj. 45 cm, Leb. 3,5 cm. Jl. 214 lb.
Asal: Negara, Jembrana. [ 2 ][᭑ 1B]

ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄‌‌ᬓᬸᬰᬸᬫᬭᬱ᭟ᬧᬸᬧᬸᬄᬲᬶᬦᭀᬫ᭄᭟ᬲ᭄ᬫᬭᬦ᭄ᬥᬦ᭟᭑᭟ᬓᬲ᭄ᬫᬭᬦ᭄ᬫᬗᬯᬶᬕᭂᬡ᭄ᬥᬶᬂ᭞ᬲᬓᬶᬂᬧᬗ᭄ᬓᬄᬦᬶᬭ᭄ᬯᬦᬶᬭ᭄ᬯ᭞ᬲᬲᭀᬮᬄᬲᬂᬫ᭄ᬭᬕᬓᬯᭀᬢ᭄᭞ᬯᬶᬫᬸᬥᬜᬥ᭄ᬬᬗ
ᬢᬸᬭᬂ᭞ᬧᬓᬃᬥᬶᬦ᭄ᬢᬶᬢ᭄ᬬᬂᬳᬶᬦᬶᬱ᭄ᬝᬵ᭞ᬭᬋᬫ᭄ᬩᬬᬦ᭄ᬲᬓᬶᬂᬓᬸᬮᬸᬩ᭄᭞ᬲ᭄ᬯᬾᬘ᭄ᬘᬭᬢᬸᬜᬶᬦᬫ᭄ᬧᬹᬭ᭟᭒᭟ᬧᬮᬫ᭄ᬩᬂᬭᬸᬲᬸᬄᬲᬸᬚᬵᬢᬶ᭞ᬦᬵᬗ᭄ᬳᬶᬂᬭᬲᬦ᭄ᬜᬉᬢ᭄ᬢᬫ᭞ᬭᬯᬸᬄᬫᬗ᭄ᬓᬾᬧᬲᬸᬭᬸᬧᬾ᭞ᬓᬪᬸᬓ᭄ᬢ᭄ᬬᬂᬭᬶᬂᬚᬦᬮᭀᬓ᭞ᬳᬕᬸᬂ
ᬳᬮᬶᬢ᭄ᬗᬲᬸᬫ᭄ᬫᬬᬂ᭞ᬭᬯᬸᬳᬂᬭᬶᬂᬧᬭᬯᬶᬓᬸ᭞ᬤ᭄ᬯᬦᬶᬂᬮᬗ᭄ᬖ᭄ᬬᬢᬶᬢ᭄ᬬᬂᬗᬯ᭄ᬬ᭟᭓᭟ᬦᬾᬫᬮᬶᬗ᭄ᬕᬭᬶᬂᬧᬗᬯᬶ᭞ᬳᬶᬕᬸᬡᬡ᭄ᬥᬶᬃᬤᬸᬓ᭄ᬚᬚᬓ᭞ᬓᬮᬶᬦ᭄ᬢᬂᬮᬶᬦ᭄ᬢᬂᬳᭂᬧᬶᬲᬾ᭞ᬫᬶᬚᬶᬮ᭄ᬭᬶᬂᬏᬦ᭄ᬤᭀᬂᬥᬥᬧᬦ᭄᭞ᬢ᭄ᬯᬭᬩᬶᬲᬚ᭄ᬯᭂᬓ᭄ᬚᬸᬫᬄ
᭞ᬢᬶᬗ᭄ᬕᬮᬶᬦ᭄‌ᬩᬧᬫ᭄ᬯᬂᬇᬩᬸ᭞ᬧᬸᬢᬸᬂᬤᬦᬾᬢᬦ᭄ᬧᬩ᭄ᬭᬬ᭟᭔᭟ᬯᬶᬱᬬᬦᬾᬢ᭄ᬯᬄᬫᬫᬮᬶᬂ᭞ᬲᬵᬫ᭄ᬧᬸᬦ᭄ᬬᬢᬸᬢᬸᬕ᭄ᬢᬭᬹᬡ᭞ᬦᬶᬘᬦ᭄ᬤ᭄ᬭᬷᬋᬓᬾᬭᬩᬶᬦᬾ᭞ᬓᬲ᭄ᬯᬾᬦ᭄ᬭᬶᬂᬏᬦ᭄ᬤᭀᬂᬥᬥᬧᬦ᭄᭞ᬦᬶᬘᬦ᭄ᬤ᭄ᬭᬷᬭᬭᬶᬲ᭄ᬫᬗᬶᬤᬫ᭄

[᭒ 2A]

᭞ᬯᬮᬸᬂᬮᬾᬓ᭄ᬮᬫᬶᬦᬾᬲᬵᬫ᭄ᬧᬸᬦ᭄᭞ᬫᬶᬚᬶᬮ᭄ᬳᬦᬓ᭄ᬜᬦᬾᬓᭂᬫ᭄ᬩᬃ᭟᭕᭟ᬯᬥᬹᬯᬥᬹᬫᬓᬓᬮᬶᬄ᭞ᬳᬶᬕᬸᬡᬡ᭄ᬥᬶᬃᬬᬕᬕ᭄ᬮᬶᬲᬦ᭄᭞ᬓᬉᬧᬓᬵᬭᬳᬦᬓᬾ᭞ᬲᬧᬭᬶᬓ᭄ᬭᬫᬦᬶᬂᬚᬕᬢ᭄᭞ᬦ᭄ᬤᬵᬢᬦ᭄ᬳᬸᬘᬧᬦ᭄ᬮᬫᬶᬦ᭄ᬬᬵ᭞
ᬢᬶᬕᬂᬰᬰᬶᬄᬮᬫᬶᬦᬶᬧᬸᬦ᭄᭞ᬦᬶᬚᬳᬾᬲᬦᬾᬤᬸᬳᬸᬭᬦ᭄᭟᭖᭟ᬳᬭᬶᬦᬾᬓᬯᬸᬯᬸᬲ᭄ᬫᬗ᭄ᬓᬶᬦ᭄᭞ᬦᬶᬘ᭄ᬓᬸᬄᬲᬵᬫ᭄ᬧᬸᬦ᭄‌ᬓᬵᬱ᭄ᬝᬯ᭞ᬫᬾᬦ᭄ᬚᬳᬾᬧᬧᬭᬩ᭄ᬥᬦᬾ᭞ᬕᬯᬾᬦᬾᬫᬦᬗ᭄ᬕᬧ᭄ᬳᬸᬧᬄ᭞ᬦᭂᬩᬸᬓ᭄ᬗᬍᬲᬸᬂᬫ᭄ᬯᬂᬜ
ᬫ᭄ᬧᬢ᭄᭞ᬫᬾᬦ᭄‌ᬚᬳᬾᬦᬸᬮ᭄ᬬᬫᬯᬸᬯᬸᬲ᭄᭞ᬧᬦ᭄‌ᬚᬳᬾᬮᬓᬶᬦ᭄ᬢᬶᬢ᭄ᬬᬂ᭟᭗᭟ᬢᬶᬕᬂᬯᬸᬮᬦ᭄ᬯᬸᬲ᭄‌ᬳᬶᬘ᭄ᬦᬶᬂ᭞ᬳᬧᬚᬦᬶᬧᬘᬂᬭᬯᬸᬄ᭞ᬩ᭄ᬯᬢ᭄‌ᬚᬕᬉᬧᬓᬭᬦᬾ᭞ᬧᬦ᭄ᬚᬳᬾᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬳᬄᬕᬫ᭄ᬧᬂ
ᬳᭂᬦ᭄ᬢᭀᬫᬾᬫᬾᬦ᭞ᬳᬲᬶᬂᬦᬶᬗ᭄ᬕᬶᬮ᭄ᬧᬘᬂᬳᭂᬚᬸᬓ᭄᭞ᬓᬸᬘᬶᬢ᭄ᬲᬫ᭄ᬧᬶᬓᬮᬶᬄᬚᬭᬦ᭄᭟᭘᭟ᬫᬾᬦ᭄ᬚᬳᬾᬭᬭᬶᬲ᭄ᬜᬯᬸᬭᬶᬦ᭄᭞ᬲᬸᬯᬸᬤ᭄ᬓᬸᬥᬫᬮᬸᬕᬸᬘᭀᬭᬄ᭞ᬢᭂᬫ᭄ᬧᬳᬂᬓᬸᬤᬮᬘᬸᬭᬾ᭞ᬳᬧᬂᬦᬸᬩ᭄ᬭᬬ [ 3 ][᭒ 2B]

ᬦᬾᬲᬸᬓ᭞ᬜᬶᬮᬶᬄᬗᬶᬤᬶᬄᬧᬂᬫᬩᬳᬦ᭄᭞ᬫᬧᬶᬓᭀᬮᬶᬄᬲᬮᬫ᭄ᬧᬄᬮᬓᬸ᭞ᬢᬸᬲᬶᬂᬩᬸᬯᬸᬂᬧᬘᬂᬜᬓᬦ᭄᭟᭙᭟ᬢᬺᬱ᭄ᬡᬳᬰᬶᬄᬢ᭄ᬯᬄᬤᬶᬩᬶᬩᬶᬄ᭞ᬢᬶᬗ᭄ᬓᬳᬾᬤᬤᬶᬓᬭᬸᬡ᭄ᬬ᭞ᬓ᭄ᬭᬸᬡᬩ᭄ᬘᬶᬓ᭄‌‌ᬮ᭄ᬬᬸᬩ᭄ᬭᬬᬦᬾᬲᭀ
ᬮᬄᬫ᭄ᬮᬄᬗᬯᭂᬢ᭄ᬯᬂᬮᬪᬵ᭞ᬓ᭄ᬜᬶᬃᬫᬦᬶᬲ᭄‌ᬧ᭄ᬢᬫᭂᬮᬄ᭞ᬗᬯᬶᬦᬂᬧᬥᬓᬧᬸᬮᬸᬢ᭄᭞ᬗ᭄ᬭᬡᬬᬂᬚ᭄ᬯᬧᬵᬬᬸᬜᬓᬦ᭄᭟᭑᭐᭟ᬧᬶᬦᭂᬄᬓᬸᬤᬩᬧᬦ᭄‌ᬘ᭄ᬦᬶᬂ᭞ᬢ᭄ᬓᬦᬾᬫᬳᬶᬫᬜᬤ᭄ᬫ᭞ᬗᬮᬶᬄᬤᬳᬃᬓᬩ᭄ᬯᬢᬦᬾ
᭞ᬧᬓᬃᬬ᭄ᬬᬦᬾᬯᬃᬡ᭄ᬦᬮᬶᬫᬦ᭄ᬕᭂᬦ᭄‌ᬜᬸᬯᬸᬦ᭄ᬫᬢᬸᬫ᭄ᬩᭂᬕᬦ᭄᭞ᬗᬤᭂᬧ᭄ᬫᬸᬜᬶᬫᬶᬯᬄᬓᬯ᭄ᬭᬸᬄ᭞ᬦᬶᬓᬮᬶᬄᬚ᭄ᬯᬩᬧᬦ᭟᭑᭑᭟ᬤ᭄ᬯᬦᬶᬂᬲᬸᬩᬧᬲ᭄ᬢᬸᬦ᭄ᬯᬶᬥᬶ᭞ᬧᬜᬤ᭄ᬫᬦᬾᬲᬸᬩᬧ᭄ᬭᬕᬢ᭄᭞ᬢᬗᬦ᭄ᬲᬸᬓᬸᬫ᭄ᬯᬂ
ᬳᬗ᭄ᬕᬦᬾ᭞ᬓᬸᬧᬶᬂᬘᬸᬗᬸᬄᬘᬗ᭄ᬓᭂᬫ᭄‌ᬢᬶᬗ᭄ᬳᬮ᭄᭞ᬧᬸᬦᬶᬓᬲᬜ᭄ᬚᬢᬧᬗᬦ᭄᭞ᬳᬩᭂᬢᬂᬲ᭄ᬬᬂᬫᬶᬯᬄᬤᬮᬸ᭞ᬤᬾᬦᬶᬂᬧ᭄ᬭᬩᭀᬢ᭄ᬳᬦ᭄ᬢᬸᬓ᭄‌ᬦᬫ᭟᭑᭒᭟ᬦ᭄ᬕᭂᬦ᭄‌ᬜᬸᬳᬸᬦ᭄‌ᬫᬤᬕᬂᬩ᭄ᬮᬶ᭞ᬯ᭄ᬬᬤᬶᬦ᭄ᬓᬾᬫᬦᬗ᭄ᬕᬧ᭄ᬳᬸ

[᭓ 3A]

ᬧᬄ᭞ᬧᬦᬗ᭄ᬓᬦ᭄‌ᬯ᭄ᬢᬸᬦ᭄ᬤᬳᬭᬾ᭞ᬓᬃᬬ᭄ᬬᬦ᭄ᬢᬦᬶᬦᬾᬲᬯᬯ᭞ᬬᬾᬦ᭄ᬩᭂᬮᬶᬲ᭄ᬦᭂᬂᬫᬫᬦ᭄ᬢ᭄ᬭ᭞ᬫᬲᬶᬄᬬᬗ᭄ᬭᬡᬬᬂᬤᬸᬭᬸᬲ᭄᭞ᬫᬤᬳᬃᬫᬗᬚᬓ᭄ᬧ᭄ᬬᬦᬓ᭄᭟᭑᭓᭟ᬬᬦ᭄ᬓᬯ᭄ᬭᬸᬳᬦᬾᬧᬶᬮᬶᬄᬩ᭄ᬮᬶ᭞ᬳᬤᭀᬄᬧᬘᬂᬫᬜᬶ
ᬥᬬᬂ᭞ᬩ᭄ᬘᬶᬓ᭄ᬯᬦ᭄ᬢᬄᬕᬸᬡᬧᬘᬸᬮᬾ᭞ᬤᬾᬦᬶᬂᬬᬸᬱᬦ᭄‌ᬩ᭄ᬮᬶᬯᬸᬲ᭄ᬮᬶᬦ᭄ᬢᬂ᭞ᬓᬸᬤᬸᬧᬬᬸᬩ᭄ᬢᭂᬓ᭄ᬩᬲᬂ᭞ᬧᬦ᭄ᬚᬳᬾᬕ᭄ᬮᬶᬲ᭄ᬲᬸᬫᬯᬸᬃ᭞ᬫᬹᬮᬢ᭄ᬯᬄᬧᬶᬦᬸᬦᬲ᭄ᬦᬶᬭ᭟᭑᭔᭟ᬫᬢᬧᬬᬤᬤᬶᬫᬮᬶᬂ᭞ᬧᬶᬦᬸᬦᬲ᭄ᬩᭂᬮᬶᬬᬲᬢᬢ᭞ᬫᬶᬓᭀ
ᬮᬶᬳᬂᬓᬤᬸᬱ᭄ᬝᬦᬾ᭞ᬫᬮᬶᬂᬫᬾᬕᬮ᭄ᬳᭂᬦ᭄ᬢᭀᬮᬪ᭞ᬫᬫᬶᬓᬲ᭄‌ᬲᬮᬫ᭄ᬧᬄᬚᬮᬦ᭄᭞ᬧᬶᬧᬶᬢ᭄‌ᬩ᭄ᬭᬬᬦᭀᬭᬓᬾᬗ᭄ᬕᬸᬄ᭞ᬓᬲᬮᬦ᭄ᬩᭂᬮᬶᬫᬩᬳᬦ᭄᭟᭑᭕᭟ᬫᬾᬦ᭄ᬚᬳᬾᬧ᭄ᬦᭂᬤ᭄‌ᬜᬯᬸᬭᬶᬦ᭄᭞ᬳᬤᬢᬸᬢᬸᬃᬳᬦᬾ
ᬓᬸᬦ᭞ᬳᬦᬭᬶᬂᬕᬶᬢᬢᬦ᭄ᬢ᭄ᬭᬶᬦᬾ᭞ᬪᬵᬂᬯᬶᬢᬲ᭄ᬓᬭᬧᬸᬦᬶᬓ᭞ᬗᬥᬸᬢ᭄ᬮᬧᬓᬦᬾᬓ᭄ᬥᬲ᭄᭞ᬲᬫ᭄ᬧᬾᬳᬶᬤᬤᬤᬶᬯᬶᬓᬸ᭞ᬢᬦ᭄ᬯᬗ᭄ᬤᬾᬫᬋᬡ᭄ᬬᬚᬷᬯ᭟᭑᭖᭟ᬓᬾᬢᭀᬓᬢᬢ᭄ᬯᬦ᭄ᬜᬦᬾᬩ᭄ᬮᬶ᭞ᬧᬦ᭄ᬚᬳᬾᬫᬲ [ 4 ][᭓ 3B]

ᬯᬸᬃᬩᬗ᭄ᬕ᭄ᬭᬲ᭄᭞ᬗᬸᬤᬮ᭄ᬬᬸᬧᭂᬲᬸᬫᬸᬜᬶᬦᬾ᭞ᬘᬘᬡ᭄ᬥᭂᬗᬾᬫᬧᬶᬘᬭ᭞ᬜᭂᬗ᭄ᬕᬸᬳᬂᬳᬯᬓᬾᬩᬶᬲ᭞ᬤᬵᬓᬸᬤᬵᬳᬶᬩᬮ᭄ᬬᬸᬢᬸᬢᬸᬃ᭞ᬫᬲᬓᬵᬗ᭄ᬕᭀᬩᬳᬦ᭄ᬦᬶᬭ᭟᭑᭗᭟ᬤᬵᬜᬾᬤᬓᬋᬧᬶᬂᬮᬓᬶ᭞ᬯ᭄ᬯᬂᬳᬶᬲ᭄ᬢ᭄ᬭᬶᬢᬦ᭄ᬓᭂᬦᬕᬸᬕ᭄ᬯ
᭞ᬗ᭄ᬯᬗᬸᬦᬂᬳᬶᬩᬸᬄᬳᬢᬶᬦᬾ᭞ᬧᬧᬶᬦᭂᬳᬾᬗᬯᬕ᭄ᬳᬯᬕ᭄᭞ᬧᬦ᭄ᬚᬳᬾᬢ᭄ᬥᬸᬦ᭄ᬗᬋᬧᬂ᭞ᬫᬦᬸᬤᬶᬗᬶᬦ᭄‌ᬢᬸᬃᬫᬫᬸᬓᬸᬮ᭄᭞ᬧᬭᬶᬓᭀᬱᬤᬸᬭᬘᬭ᭟᭐᭚ᬧᬸᬄᬤᬹᬃᬫ᭄ᬫ᭚᭑᭟ᬯᬸᬲ᭄ᬫᬦᬶᬕ᭄ᬢᬶᬕ᭄‌ᬧᬦ᭄ᬚᬳᬾᬢ᭄ᬭᬸᬲ᭄
ᬫᬚᬮᬦ᭄᭞ᬓᬧᬶᬲᬕᬫᬫᬮᬶᬂ᭞ᬳᬲᬶᬂᬢᭂᬧᬸᬓ᭄ᬬᬚ᭄ᬯᬂ᭞ᬩᬲ᭄ᬫᬫ᭄ᬯᬢᬂᬕ᭄ᬮᬄᬳᬦᬓ᭄᭞ᬫᬮᬓ᭄ᬱᬡᬢᬦ᭄ᬧᬦᭀᬮᬶᬄ᭞ᬦᬫ᭄ᬧᬶᬤᬲ᭄ᬮᭂᬫᬄ᭞ᬓᬫ᭄ᬢᬾᬦ᭄‌ᬬᬫᬗ᭄ᬭᬜ᭄ᬚᬶᬂ᭟᭒᭟ᬓᬮᬶᬦ᭄ᬢᬂᬚ᭄ᬭᬶᬄᬭᬶᬂᬮᬓᬶᬦ᭄ᬜᬦᬾᬧᬸᬦᬶ
ᬓ᭞ᬭᬶᬂᬚᬸᬫᬳᬦ᭄ᬫᬦᭂᬗᬶᬮ᭄᭞ᬧᬦ᭄ᬚᬳᬾᬫᬕᭂᬩ᭄ᬬᬕ᭄᭞ᬧᬸᬍᬲᬾᬓᬩᬢᭂᬓ᭄ᬫᬃ᭞ᬳᬗ᭄ᬲᬸᬭᬾᬮ᭄ᬯᬶᬃᬕᭀᬂᬩ᭄ᬥᬶᬮ᭄᭞ᬫᬧᬦ᭄ᬢᬧᬦ᭄ᬢ᭞ᬯ᭄ᬯᬂᬫᬲᬺᬧ᭄ᬧᬥᬫᬶᬬᬶᬤ᭄᭟᭓᭟ᬯ᭄ᬯᬂᬤᬾᬰᬦᬾᬚᬦᬶᬫᬧᬭᬸᬫᬦ᭄᭞ᬫᬲᬂᬤ

[᭔ 4A]

ᬬᬯᬸᬲ᭄ᬧᬱ᭄ᬝᬶ᭞ᬤ᭄ᬯᬦᬶᬂᬫ᭄ᬭᬡᬕᬮᬓ᭄᭞ᬧᬦ᭄ᬚᬳᬾᬉᬧᬬᬳᬂ᭞ᬓᬕ᭄ᬮᬭᬶᬦ᭄ᬦᬬᬲᬶᬗᬶᬤ᭄᭞ᬧᬘᬂᬓᬶᬮᬗᬂ᭞ᬲᬦ᭄ᬤ᭄ᬬᬓᬵᬮᬯᬸᬲ᭄ᬦᬫ᭄ᬧᬶ᭟᭔᭟ᬧᬶᬲᬕᬦ᭄ᬜᬦᬾᬢᬸᬫᬸᬮᬶᬭᬭᬶᬲ᭄‌ᬧ᭄ᬭᬧ᭄ᬢᬵ᭞ᬗᭂᬤᬶᬄᬢᬸᬮᬸᬂᬲᬤᬕ᭄ᬮᬶᬲ᭄᭞ᬚᬦᬶ
ᬲᬶᬂᬲᬗ᭄ᬓᬾᬬᬦ᭄᭞ᬧᬦ᭄ᬚᬳᬾᬓᬧᬸᬧᬸᬗᬦ᭄᭞ᬳᬄᬗᬶᬧᬶᬩ᭄ᬮᬶᬭᬶᬂᬳᬸᬤᬤᬶ᭞ᬦᬸᬗ᭄ᬕᬂᬪᬦᬯ᭞ᬢ᭄ᬭᬸᬲ᭄‌ᬓ᭄ᬮᭂᬫ᭄‌ᬧᬢᬶᬕᭂᬮᬶᬫ᭄᭟᭕᭟ᬧᬶᬲᬕᬦ᭄ᬦᬾᬫᬲᬯᬸᬃᬧᬥᬫᬵᬢᬸᬢᬂ᭞ᬧᬦ᭄ᬚᬳᬾᬚᬬᬚᬦᬶ᭞ᬫᬮᬓ᭄ᬱᬡᬭᬶᬂᬳ
ᬮᬲ᭄᭞ᬜᭂᬫᬶᬂᬫᬗ᭄ᬚᬸᬓ᭄ᬮᬡ᭄ᬥᬓ᭄᭞ᬧᬦ᭄ᬚᬳᬾᬭᬭᬶᬲ᭄ᬫᬫᬃᬕᬶ᭞ᬫᬯᭂᬢᬸᬕᬶᬭᬂ᭞ᬲᬕᬺᬳᬦ᭄ᬧᬥᬤᬶᬫᬃᬕ᭄ᬕᬶ᭟᭖᭟ᬳᬸᬮᬸᬂᬢᬩᭂᬄᬦᬾᬤᬸᬮᬸᬭᬶᬦ᭄ᬳᬸᬚᬦ᭄᭞ᬧ᭄ᬭᬧ᭄ᬢᬦᬾᬭᬶᬂᬯᬦᬕᬶᬭᬶ᭞ᬧᬦ᭄ᬚᬳᬾᬓᬧᭂᬦ᭄ᬢᬂ᭞ᬢᬗᬦ᭄ᬲᬸᬓᬸᬦᬾ
ᬲᬫ᭄ᬬᬦ᭄᭞ᬳᬶᬕᬸᬡᬡ᭄ᬥᬶᬃᬭᬭᬶᬲ᭄ᬫᬗ᭄ᬮᬶᬂ᭞ᬤᬸᬄᬫᬾᬫᬾᬩᬧ᭞ᬤᭀᬂᬢᬸᬮᬸᬂᬢᬶᬢ᭄ᬬᬂᬫᬗ᭄ᬓᬶᬦ᭄᭟᭗᭟ᬲᬂᬗᭂᬫ᭄ᬩᬭᬶᬦ᭄‌ᬢᬦ᭄ᬫᬭᬶᬲᬋᬂᬫᬫᬢ᭄ᬩᬢ᭄᭞ᬧᬦ᭄ᬚᬳᬾᬫᬵᬲᬶᬦ᭄ᬦᬾᬚᬦᬶ᭞ᬮᬪᬦ᭄ᬩᬦᬾᬲᬸᬩ᭞ᬤᬾᬦᬶᬂᬲ᭄ᬯᬾᬩᬫᬹᬓ᭄ᬢ᭄ᬬᬂ [ 5 ][᭔ 4B]

᭞ᬳᬧᬶᬲᬦ᭄ᬩᬬᬳᬶᬦ᭄‌ᬚᬦᬶ᭞ᬫᬗ᭄ᬮᭂᬢᭂᬳᬶᬦ᭄ᬚᬕᬢ᭄᭞ᬳᬧᬂᬤᬵᬩ᭄ᬯᬶᬦ᭄ᬦᬸᬫᬥᬶ᭟᭘᭟ᬳᬶᬤᬸᬧ᭄ᬳᬶᬩᬦᬾᬲ᭄ᬢᬢᬗ᭄ᬭᬸᬲᬸᬳᬶᬦ᭄ᬜᬫ᭞ᬦᬸᬕᬶᬯᬦᭂᬄᬦᬾᬚᬦᬶ᭞ᬳᬸᬮᬶᬂᬘ᭄ᬭᬶᬓ᭄‌ᬲᬸᬩᬢ᭄ᬭᬂ᭞ᬫᬦᭂᬫᭀᬓᬂᬕ᭄ᬮᬄᬳᬦᬓ᭄᭞ᬢᬺᬱ᭄ᬡᬵᬳᬶᬩᬲᬶᬗᬶ
ᬤ᭄ᬲᬶᬗᬶᬤ᭄᭞ᬚᬦᬶᬢᬳᭂᬦᬂ᭞ᬦᬾᬩ᭄ᬓᭂᬮ᭄ᬳᬶᬩᬦᬾᬫᬸᬮᬶᬄ᭟᭙᭟ᬧᬭᬶᬓᭀᬱᬲᬋᬂᬲᬫᬶᬫᬗ᭄ᬮᭂᬫ᭄ᬧᬕ᭄᭞ᬦᬸᬫ᭄ᬩᬓ᭄‌ᬦᬶᬫ᭄ᬧᬸᬕ᭄ᬢᬸᬃᬗᬶᬢᬶᬓ᭄᭞ᬧᬦ᭄ᬚᬳᬾᬢ᭄ᬭᬸᬲ᭄ᬧ᭄ᬚᬄ᭞ᬢᬸᬃᬓᬧᭂᬡ᭄ᬥᭂᬫ᭄‌ᬰᬯᬦ᭄ᬜ᭞ᬦᬄᬕᬸᬡᬡ᭄ᬥᬶᬃᬤᬶᬦᬶᬘᬳᬶ
᭞ᬫᬦᬗᬸᬦ᭄ᬢᬧ᭞ᬩ᭄ᬮᬶᬧᬫᬶᬢ᭄ᬦᬦᬾᬚᬦᬶ᭟᭑᭐᭟ᬭᬭᬶᬲ᭄ᬩᬸᬤᬮ᭄‌ᬳᬾᬗ᭄ᬕᬮ᭄ᬮᬫ᭄ᬧᬳᬾᬤᬶᬫᬃᬧᬶᬸᬳᬾᬶᬸᬕ᭄ᬕ᭞ᬯ᭄ᬓᬲᬦ᭄ᬲᬫᬶᬧ᭄ᬭᬧ᭄ᬢᬶ᭞ᬭᬶᬂᬏᬦ᭄ᬤᭀᬂᬥᬥᬧᬦ᭄᭞ᬦᭀᬭᬳᬦᬫᬗᬸᬘᬧᬂ᭞ᬗᬸᬗ᭄ᬲᬶᬓᬸᬯᬸᬫᬓᬲᬫᬶ᭞ᬩᬸᬤᬮ᭄
ᬲ᭄ᬯᬂᬲ᭄ᬯᬂ᭞ᬢᬦ᭄ᬳᬦᬦᬭᬳᬸᬦᬶᬂ᭟᭑᭑᭟ᬘᬶᬦᬭᬶᬢᬫᬾᬦ᭄ᬚᬳᬾᬳᬦᬭᬶᬂᬳᬸᬫᬄ᭞ᬗᭂᬫ᭄ᬩᬦ᭄ᬧ᭄ᬬᬦᬓ᭄‌ᬓᬓᬮᬶᬄ᭞ᬧ᭄ᬢᭂᬂᬍᬫᬄᬫᬕᬤᬂ᭞ᬲᬫ᭄ᬩᬶᬮᬂᬬᬫᬲ᭄ᬭᬾᬗ᭄ᬓᬾᬤᬦ᭄᭞ᬦᬗ᭄ᬕᬧ᭄ᬳᬸᬧᬄᬓᭂᬫᬫᬳᬶ᭞ᬫᬗᬸᬮᬓ᭄ᬳᬸᬮ

[᭕ 5A]

ᬓ᭄᭞ᬓᬧᬶᬲᬕᬲᬳᬶᬲᬳᬶ᭟᭑᭒᭟ᬢᬸᬢᬸᬕ᭄ᬢᬶᬕᬂᬤᬶᬦᬧᬦ᭄ᬚᬳᬾᬓᬳᬶᬧ᭄ᬬᬂ᭞ᬚᬸᬫᬄᬳᬤᬶᬳᬧᬂᬩ᭄ᬘᬶᬓ᭄᭞ᬫᬗᭂᬫ᭄ᬩᬦ᭄ᬳᬶᬧ᭄ᬬᬦᬓ᭄᭞ᬤᭀᬦᬶᬂᬩ᭄ᬮᬶᬲᬸᬩᬧ᭄ᬚᬄ᭞ᬤᭀᬱᬦᬾᬬᬫᬵᬲᬶᬦ᭄ᬫᬢᬶ᭞ᬭᬭᬶᬲ᭄ᬫᬢᬶᬗ᭄ᬕᬮ᭄᭞ᬫᬾᬦ᭄‌ᬚ
ᬳᬾᬩᬗᬸᬦ᭄ᬫᬗ᭄ᬮᬶᬂ᭟᭑᭓᭟ᬜᭂᬮ᭄ᬲᭂᬮ᭄ᬳᬯᬓ᭄‌‌ᬢᬦᬶᬪᬕ᭄ᬬᬗ᭄ᬮᬄᬓᬸᬋᬦᬦ᭄᭞ᬦᬾᬚᬦᬶᬜᬾᬦ᭄ᬢᬓᭀᬦᬶᬦ᭄᭞ᬮᬘᬸᬭᬾᬢᬦ᭄ᬧᬩ᭄ᬭᬬ᭞ᬗᬸᬤᬓᬾᬓᬤᬸᬭᬸᬲ᭄ᬧᬶᬲᬦ᭄᭞ᬜᬾᬦ᭄‌ᬚᬳᬮᬶᬄᬩ᭄ᬯᬶᬦ᭄ᬢᬓᭀᬦᬶᬦ᭄᭞ᬢᬸᬃᬓᬧᬶᬲᬵ
ᬕ᭞ᬳᬲᬶᬂᬢᬓᭀᬦᬶᬦ᭄‌ᬢᬦ᭄ᬳᬸᬦᬶᬂ᭟᭑᭔᭟ᬫᬸᬮᬶᬄᬗ᭄ᬮᬶᬂᬫᬾᬦ᭄ᬚᬳᬾᬫᬲᬲᬫ᭄ᬩᬢᬦ᭄᭞ᬳᬯᬓᬾᬢᬦ᭄ᬧᬯᬶᬥᬶ᭞ᬳᬯᬓ᭄ᬢᬦ᭄ᬧᬩ᭄ᬭᬬ᭞ᬓᬾᬦᬾᬩ᭄ᬓᭂᬮᬾᬫᬜᬤ᭄ᬫ᭞ᬲᬸᬓᬤᬸᬓᬧᬢᬶᬉᬭᬶᬧ᭄᭞ᬢᬸᬲᬶᬂᬤᬤᬶᬩ᭄ᬮᬲ᭄᭞ᬲᬮ
ᬯᬲᬾᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟᭑᭕᭟ᬓᬹᬧᬓᬵᬭᬧ᭄ᬬᬦᬓ᭄ᬜᬦᬾᬲᬤᬸᬓ᭄ᬧᬸᬦᬶᬓ᭞ᬲᭀᬓ᭄ᬬᬵᬧᬥᬫᬘᬶᬭᬶ᭞ᬦᬶᬦᬹᬢᬶᬦ᭄ᬧᬓ᭄ᬭᬫᬦ᭄᭞ᬗᬶᬮᬾᬦᬂᬓᬢᬶᬕᬂᬳᬸᬮᬦ᭄᭞ᬭᬭᬾᬮᬸᬦᬲ᭄ᬮᬦᬸᬲ᭄ᬲᬫᬶ᭞ᬧ᭄ᬬᬦᬓ᭄ᬜᬦᬾᬭ᭄ᬯ᭞ᬦᬸᬕᬶᬲ [ 6 ][᭕ 5B]

ᬫᬶᬲᬵᬫ᭄ᬧᬸᬦ᭄‌‌ᬓ᭄ᬮᬶᬄ᭟᭑᭖᭟ᬦᬸᬚᬸᬯ᭄ᬗᬶᬫᬾᬦ᭄ᬚᬳᬾᬭᬭᬶᬲ᭄‌‌ᬜᬸᬫ᭄ᬧ᭄ᬦᬵ᭞ᬓᬕᬸᬦ᭄ᬢᬸᬭᬦ᭄‌‌ᬳ᭄ᬬᬂᬰᬰᬶᬄ᭞ᬲᬢᭂᬗᬄᬜᬳᬶᬮᬂ᭞ᬩᬸᬮᬦᬾᬢ᭄ᬯᬄᬳᬲᬶᬩᬓ᭄᭞ᬫᬾᬦ᭄ᬚᬳᬾᬩᬗᬸᬦ᭄ᬲᬤᬕ᭄ᬮᬶᬲ᭄᭞ᬬᬓᬧᬸᬧᬸᬗᬦ᭄᭞ᬳᬶᬩᬸᬓ᭄ᬜᬵ
ᬢᬶᬤᭀᬂᬕᬶᬕᬶᬲ᭄᭟᭑᭗᭟ᬩ᭄ᬗᭀᬂᬩ᭄ᬗᭀᬂᬳᭂᬗ᭄ᬲᭂᬓ᭄ᬫᬦᬄᬢᬸᬃᬫᬦ᭄ᬕᬓ᭄᭞ᬫᬶᬦᭂᬄᬲᬾᬧᬦᬾᬧᬱ᭄ᬝᬶ᭞ᬳᬧᬓᭀᬚᬭᬦ᭄ᬜᬵ᭞ᬳᬮᬳᬬᬸᬦᬾᬢᭀᬂᬢᬯᬂ᭞ᬲᬶᬕ᭄ᬲᬶᬕᬦ᭄ᬫᬫ᭄ᬥᬶᬄᬳᬢᬶ᭞ᬢᬦ᭄ᬧᬧ᭄ᬕᬢᬦ᭄᭞ᬮ᭄ᬯᬶᬃᬕᭂᬡ᭄ᬥᬶᬲ᭄ᬢᬶᬩᬾᬂᬭᬶᬭᬶᬲ᭄᭟
᭚᭜᭚ᬧᬸᬄᬥᬂᬥᬂᬕᭂᬡ᭄ᬥᬶᬲ᭄᭞᭚᭑᭟ᬓᭀᬘᬧ᭄ᬭᬢᬸᬕᬶᬭᬶᬲᬦ᭄ᬢᬸᬦ᭄ᬫᬗ᭄ᬓᬶᬦ᭄᭞ᬤᬶᬩ᭄ᬬᬕᬸᬡᬵ᭞ᬧ᭄ᬭᬪᬸᬢ᭄ᬭᬶᬕᬸᬡᬧᬦ᭄ᬮᬄᬳᬶᬤ᭞ᬓᬵᬱ᭄ᬝᬯᬩ᭄ᬯᬢ᭄‌‌ᬓᬯᬶᬃᬬ᭄ᬬᬦᬾ᭞ᬓᬲᬸᬩ᭄ᬯᬶᬕᬸᬡᬲᬵᬫ᭄ᬧᬸᬦ᭄᭞ᬫ᭄ᬯᬂᬯᬤ᭄ᬯᬦᬶᬭᬢᬦ᭄ᬧ
ᬢᬦ᭄ᬤ᭞ᬓᬱ᭄ᬝᬄᬭᬶᬂᬚᬦᬮᭀᬓ᭞ᬲᬫ᭄ᬬᬵᬫᬳ᭄ᬯᬄᬳᬸᬯᬸᬄ᭞ᬓᬺᬢ᭄ᬢᬓᬺᬢ᭄ᬢᬶᬓᬂᬦᬵᬕᬭ᭞ᬦ᭄ᬤᬢᬦᬵᬦ᭞ᬤᬹᬱ᭄ᬝᬤᬸᬃᬚ᭄ᬚᬦᬦᬾᬯᭂᬤᬶ᭞ᬭᬶᬂᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭟᭒᭟ᬳᬭᬦᬶᬂᬕᬃᬯ᭄ᬯᬤ᭄ᬬᬄᬰᬸᬓ᭄ᬮᬯᬝᬶ᭞ᬮ᭄ᬯᬶᬄᬲᬸᬭᬹᬧ᭞ᬓᬮᬶᬄ

[᭖ 6A]

ᬥᬶᬩ᭄ᬬᬕᬸᬡ᭞ᬲ᭄ᬥᭂᬂᬦᭂᬥᭂᬂᬤ᭄ᬬᬢ᭄ᬫᬶᬓᬦᬾ᭞ᬮ᭄ᬯᬶᬃᬢ᭄ᬭᬶᬮᭀᬓᬫᬦᬸᬭᬸᬦ᭄᭞ᬘᬘᬶᬗᬓᬾᬕᬮᬓ᭄ᬳᬫᬦᬶᬲ᭄᭞ᬮ᭄ᬯᬶᬃᬩᬗᬸᬦᬶᬂᬓᬃᬣᬶᬓ᭞ᬨᬮᬦᬾᬮ᭄ᬯᬶᬃᬢᬵᬃᬚ᭄ᬚᬸ᭞ᬫᬥ᭄ᬬᬭᬫ᭄ᬧᬶᬂᬳᬤᭂᬕ᭄ᬮᬜ᭄ᬚᬃ᭞ᬭᭀᬫᬧᬜ᭄ᬚᬂ᭞ᬓᬤᬶᬫᬾᬖᬗᭂ
ᬫᬸᬭᬶᬭᬶᬲ᭄᭞ᬭᬳᬶᬦᬾᬮ᭄ᬯᬶᬃᬰᬰᬗ᭄ᬓᬵ᭟᭓᭟ᬧᬗᬸᬘᬧᬾᬓᬤᬶᬫᬥᬸᬕᭂᬡ᭄ᬥᬶᬲ᭄᭞ᬳᬲᬶᬂᬓ᭄ᬘᬧᬂ᭞ᬗᬯᬾᬓᬢᬸᬭᬶᬤᬦ᭄᭞ᬳᬦᬹᬢ᭄ᬲᬧᬭᬶᬧᭀᬮᬳᬾ᭞ᬫᬦᬸᬤᬸᬢ᭄ᬘᬶᬢ᭄ᬢᬾᬂᬳᬸᬮᬗᬸᬦ᭄᭞ᬲᬶᬂᬲᭀᬮᬳᬂᬗᬯᬾᬳᬰ᭄ᬭᬷ᭞ᬓᬡ᭄ᬥᭂ
ᬕ᭄ᬲᬓ᭄ᬯᬾᬳᬶᬂᬢᬸᬫᬶᬗ᭄ᬳᬮ᭄᭞ᬲᬂᬧ᭄ᬭᬪᬸᬓᬧᬸᬮᬸᬢ᭄᭞ᬚ᭄ᬦᭂᬓᬶᬂᬭᬵᬚᬲ᭄ᬫᬭ᭞ᬳᬓᬲᬸᬓᬦ᭄᭞ᬢᬦ᭄ᬢᭂᬮᬕ᭄ᬭᬳᬶᬦᬯ᭄ᬗᬶ᭞ᬳᬘᬸᬫ᭄ᬩ᭄ᬯᬦᬲᬸᬭᬱ᭟᭔᭟ᬢᬦ᭄ᬓᬯᬃᬡ᭄ᬦᬮᬯᬲᬾᬦᬭᬧᬢᬶ᭞ᬭᬶᬂᬲ᭄ᬯᬯᬾᬰ᭄ᬫ᭞ᬳᬦᬾᬂᬧᬸᬱ᭄ᬧᬯᬦ᭞ᬳᬕ᭄ᬮᬶ
ᬲᬶᬂᬘᬭᬶᬢᬫᬗ᭄ᬓᬾ᭞ᬯᬃᬡ᭄ᬦᬦᬦ᭄ᬢᬲᬗ᭄ᬳᬬᬸ᭞ᬕᬃᬯ᭄ᬯᬦᬶᬭᬰ᭄ᬭᬷᬦᬵᬃᬧᬢᬶ᭞ᬥ᭄ᬬᬄᬳᬬᬸᬰᬸᬓ᭄ᬮᬯᬝ᭄ᬬ᭞ᬯᬸᬲ᭄‌ᬗᬃᬪᬶᬦᬶᬲᬵᬫ᭄ᬧᬸᬦ᭄᭞ᬳᬯᬢᬭᬯᬮᬸᬂᬘᬦ᭄ᬤ᭄ᬭ᭞ᬓᬲ᭄ᬯᬾᬦᬶᬭ᭞ᬩᭀᬩᭀᬢᬾᬲᬂᬭᬚᬧᬢ᭄ᬦᬶ᭞ᬢᬦ᭄ᬤ᭄ᬯᬫᬶᬚᬶ [ 7 ][᭖ 6B]

ᬮ᭄ᬓᬂᬧᬸᬢ᭄ᬭ᭟᭕᭟ᬯᬥᬸᬧᬸᬢ᭄ᬭᬦ᭄ᬳᬶᬤᬳᬬᬸᬮᬶᬡ᭄ᬥᬶᬄ᭞ᬕᬾᬕᬾᬃᬕᬶᬭᬂ᭞ᬧᬭᬯᬦᬶᬢᬦᬶᬂᬧᬸᬭ᭞ᬫᬶᬯᬄᬯᬢᭂᬓ᭄‌‌ᬓ᭄ᬭᬡ᭄ᬥᬦᬾ᭞ᬲ᭄ᬯᬾᬘ᭄ᬙᬳᬶᬤᬲᬂᬧ᭄ᬭᬪᬸ᭞ᬳᬰᬦ᭄ᬢᬶᬲᬂᬅᬱ᭄ᬝᬲᬾᬦᬶ᭞ᬳᬸᬦᬶᬦ᭄‌ᬖᭂᬡ᭄ᬝᬫᬋᬫ᭄ᬧ᭄ᬬᬂ᭞ᬉᬧᬓᬵᬭᬲᬵ
ᬫ᭄ᬧᬸᬦ᭄᭞ᬥᬶᬦᬓ᭄ᬱᬶᬡᬦ᭄ᬲᬓ᭄ᬯᬾᬄᬦᬶᬭ᭞ᬥᬗᬘᬃᬬ᭄ᬬ᭞ᬭᬶᬂᬚ᭄ᬭᭀᬧᬸᬭᬫᬓᬲᬫᬶ᭞ᬢᬺᬧ᭄ᬢᬶᬢᬢᬦᬶᬂᬦᬵᬣ᭟᭖᭟ᬰᬩ᭄ᬤᬧᬦ᭄ᬢᬭᬓᬋᬗᭃᬦᬾᬫᬗ᭄ᬓᬶᬦ᭄᭞ᬉᬥ᭄ᬬᬢ᭄ᬫᬶᬓ᭞ᬧᬦ᭄ᬮᬄᬲᬂᬭᬭ᭞ᬓᬢᬶᬦᬹᬢ᭄ᬳᬸᬚᬭᬾᬫᬗ᭄ᬓᬾ᭞
ᬦᬵᬫᬶᬧᬸᬢ᭄ᬭᬦᬾᬲᬵᬫ᭄ᬧᬸᬦ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬲᬬᬂᬓᬵᬲᬶᬄ᭞ᬭᬶᬂᬗᬦᬓ᭄ᬩᬶᬲᬢᬢ᭞ᬢᬦ᭄ᬫᬭᬶᬫᬯᬸᬯᬸᬄ᭞ᬯᬦ᭄ᬤᬸᬯᬃᬕ᭄ᬕᬯᬤ᭄ᬯᬲᬢ᭄ᬬ᭞ᬭᬲᬲᬢᬢ᭞ᬢᬦ᭄ᬧᬩᬮᬶᬓ᭄ᬧ᭄ᬭᬶᬳᬢᬶᬦ᭄᭞ᬳᬦᬭᬶᬂᬧᬸᬱ᭄ᬧᬦᬵᬕᬭ᭟᭗᭟
ᬢᬦᬸᬘᬧᬦ᭄‌‌ᬳᬶᬤᬲᬂᬪᬹᬧᬢᬶ᭞ᬳᬶᬦᬶᬭᬶᬗᬶᬂ᭞ᬳᬦᬭᬶᬂᬧ᭄ᬭᬫᬾᬰ᭄ᬯᬃᬬ᭄ᬬ᭞ᬯᬸᬲ᭄ᬢᬫ᭄ᬧᭂᬓ᭄ᬢᬶᬕᬂᬰᬰᬶᬳᬾ᭞ᬲᬂᬧᬸᬢ᭄ᬭᬶᬮᬶᬲ᭄ᬢᬸᬳᬬᬸ᭞ᬭᬶᬂᬚ᭄ᬭᭀᬧᬸᬭᬶᬯᬸᬲ᭄ᬘᬸᬫᬯᬶᬲ᭄᭞ᬩᬮᬦᬶᬭᬓᬝᬄᬧ᭄ᬭᬧ᭄ᬢᬵ᭞ᬳᬶᬬᬫᬗᬸᬲᬸᬂᬳᬸ

[᭗ 7A]

ᬲᬸᬂ᭞ᬧᬥᬗᬯᬗᬸᬦ᭄‌ᬕᬕ᭄ᬮᬭᬦ᭄᭞ᬭᬶᬂᬧᬲᬾᬪᬦ᭄᭞ᬢᬦ᭄ᬧ᭄ᬕᬢ᭄ᬭᬳᬶᬦᬯ᭄ᬗᬶ᭞ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬫᬶᬯᬄᬢ᭄ᬯ᭟᭘᭟ᬢᭂᬗᬄᬯ᭄ᬗᬶᬤᬾᬯᬲᬯᬸᬲ᭄ᬦᬫ᭄ᬧᬶ᭞ᬓᬕᬾᬢ᭄ᬳᬦ᭞ᬧᬺᬘᬶᬭᬶᬤᬹᬃᬕ᭄ᬕᬫ᭞ᬓ᭄ᬢᬸᬕ᭄ᬮᬶᬦᬸᬄᬳᭂᬩ᭄‌ᬫᬾᬖᬦᬾ᭞
ᬫᬤᬸᬮᬸᬭᬦ᭄ᬲᬶᬦ᭄ᬤᬸᬂᬳᬕᬸᬂ᭞ᬇᬭᬶᬓᬭᬶᬂᬧᬸᬱ᭄ᬧᬲᬵᬭᬷ᭞ᬢᬭᬸᬢᬭᬸᬓᬳᬫ᭄ᬧᭂᬳᬂ᭞ᬫᬵᬭᬸᬣᬫᬗ᭄ᬭᬸᬤᬸᬕ᭄᭞ᬮᬶᬦᬸᬲᬾᬢᬦ᭄ᬧᬧ᭄ᬕᬢᬦ᭄᭞ᬦᬭᬶᬂᬧᬸᬭ᭞ᬯ᭄ᬯᬂᬦᬵᬕᬭᬧᬥᬧᬚ᭄ᬭᬶᬢ᭄᭞ᬳᬓ᭄ᬯᬾᬄᬦᬭᬦᬾᬧᭂᬚᬄ᭟
᭙᭟ᬧᬸᬢ᭄ᬭᬦ᭄ᬳᬶᬤᬲᬂᬰ᭄ᬭᬷᬦᬵᬃᬧᬢᬶ᭞ᬓᬳᬩᬮᬂ᭞ᬢᭂᬫ᭄ᬧᬸᬳᬶᬂᬫᬵᬭᬸᬣ᭞ᬓᬮᬾᬫ᭄ᬩᬓ᭄ᬮᬾᬫ᭄ᬩᬓ᭄ᬮᬓᬸᬦᬾ᭞ᬲᬂᬭᬭᬢᬶᬩᬵᬓᬦ᭄ᬢᬸ᭞ᬥᬗᬸᬥᬗᬸᬢᬦ᭄ᬧᬗ᭄ᬮᬶᬮᬶᬃ᭞ᬳᬦᬭᬶᬂᬏᬦ᭄ᬥᭀᬂᬥᬥᬧᬦ᭄᭞ᬲᬡ᭄ᬥᬗᬦ᭄ᬢᬦ᭄ᬓᬦ᭄ᬢᬸᬦ᭄᭞
ᬦᬶᬥ᭄ᬬᬄᬳᬬᬸᬉᬥ᭄ᬬᬵᬢ᭄ᬫᬶᬓ᭞ᬦᬸᬮ᭄ᬬᬫᬾᬗᭂᬢ᭄᭞ᬳᬦᬗᬶᬲ᭄ᬫᬗᬭᬶᬄᬳᬭᬶᬄ᭞ᬭᬶᬂᬧᬶᬗ᭄ᬕᬶᬭᬶᬂᬢᬮᬕ᭟᭑᭐᭟ᬢᬦᬸᬘᬧᭂᬦ᭄ᬫᬗ᭄ᬓᬾᬭᬵᬥᬾᬦ᭄ᬤᬾᬯᬶ᭞ᬭᬶᬂᬢᬶᬫ᭄ᬩᬶᬭ᭞ᬳᬾᬜ᭄ᬚᬶᬂᬓᬯᬸᬯᬸᬲᬦ᭄᭞ᬦᬵᬕᬭᬶᬯᬦᬧᬸᬱ᭄ᬧᬦᬾ᭞ [ 8 ][᭗ 7B]

ᬅᬦ᭄ᬢ᭄ᬬᬦ᭄ᬢᬕᬾᬕᬾᬃᬳᬸᬫᬸᬂ᭞ᬲᬂᬦᬭᬾᬦ᭄ᬤ᭄ᬭᬫ᭄ᬯᬂᬦᬭᬾᬰ᭄ᬯᬭᬶ᭞ᬥᬸᬄᬓᬶᬢᬚ᭄ᬭᭀᬦᬶᬂᬘᬶᬢ᭄ᬢ᭞ᬧᬸᬢ᭄ᬭᬦᬾᬢᬦ᭄ᬓᬦ᭄ᬢᬸᬦ᭄᭞ᬳᬦᬗᬶᬲ᭄ᬳᬗᬭᬸᬳᬭ᭞ᬲᬲᬫ᭄ᬩᬢᬾ᭞ᬳᬦᬤᬶᬭᬲᬦᬶᬂᬓᬵᬧ᭄ᬢᬶ᭞ᬤᬸᬄᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭟᭑᭑᭟
ᬳᬦᬾᬂᬳᭂᬦ᭄ᬤᬶᬧᬭᬦᬶᬭᬬᬬᬶ᭞ᬦᬸᬮ᭄ᬬᬩᬸᬩᬃ᭞ᬫᬗᬸᬗ᭄ᬲᬶᬭᬶᬂᬯᬦ᭞ᬲᬋᬂᬧᬭᬳᬜᬓᬩᬾᬄ᭞ᬯᬤ᭄ᬯᬵᬤᬶᬲᬫ᭄ᬬᬵᬢᬸᬫᬸᬢ᭄᭞ᬧᬸᬗ᭄ᬕᬯᬮᬦ᭄ᬧᬭᬫᬦ᭄ᬢ᭄ᬭᬶ᭞ᬕᬸᬫᬸᬭᬸᬄᬓᬢᬳᬸᬭᬕ᭄᭞᭞ᬯᬤ᭄ᬯᬧᬥᬢᬸᬫᬸᬢ᭄᭞ᬲᬺᬕᭂᬧ᭄ᬲᬶ
ᬓᭂᬧᬶᬂᬗᬬᬸᬤ᭄ᬥ᭞ᬬᬦᬸᬧᬫ᭞ᬓᬤᬶᬳᭀᬫ᭄ᬩᬓᬶᬂᬚ᭄ᬮᬤᬶ᭞ᬦᭂᬫ᭄ᬧᬸᬄᬧᬃᬰ᭄ᬯᬦᬶᬂᬗᬘᬮ᭟᭑᭒᭟ᬯᬓ᭄ᬱᬶᬢᬦᬦ᭄ᬳᬦᬾᬂᬯᬦᬕᬶᬭᬶ᭞ᬲᬂᬦᬭᬾᬦ᭄ᬤ᭄ᬭ᭞ᬭᬶᬂᬧᬸᬱ᭄ᬧᬦᬵᬕᬭ᭞ᬲᬢᬶᬩᬵᬧᬭᬮᬓᬸᬦᬾ᭞ᬧᬸᬢ᭄ᬭᬦᬾᬢᬦ᭄ᬓᬢ᭄ᬫᬸ᭞ᬦᬸᬮ᭄ᬬᬩᬸ
ᬤᬮ᭄ᬲᬓᬾᬂᬯᬦᬵᬤ᭄ᬭᬶ᭞ᬫᬜ᭄ᬚᬶᬂᬫᬭᬶᬂᬲ᭄ᬯᬯᬾᬰ᭄ᬫ᭞ᬫ᭄ᬯᬂᬯᬤ᭄ᬯᬦᬶᬭᬢᬸᬫᬸᬢ᭄᭞ᬲᬫ᭄ᬬᬧᬥᬦᬦ᭄ᬤᬂᬮᬭ᭞ᬢᬦᬸᬘᬧᬦ᭄᭞ᬲᬂᬧ᭄ᬭᬪᬸᬭᬶᬂᬯᬦᬲᬵᬭᬶ᭞ᬏᬡ᭄ᬥᭀᬂᬥᬥᬧᬦ᭄ᬓᭀᬘᬧᬦ᭄᭟᭑᭓᭟ᬘᬶᬦᬭᬶᬢᬫᬾᬦ᭄ᬚ

[᭘ 8A]

ᬳᬾᬦᬾᬦᬾᬫᬗ᭄ᬓᬶᬦ᭄᭞ᬫᬭᬶᬂᬳᬸᬫᬄ᭞ᬲᬋᬂᬧ᭄ᬬᬦᬓ᭄ᬜᬦᬾᬭᭀᬭᭀ᭞ᬫᬧᬶᬢᬸᬢᬸᬃᬭᬶᬂᬭᬭᬾᬦᬾ᭞ᬬᬾᬦᬶᬂᬫᬾᬫᬾᬮᬘᬸᬃᬩᬮᬸ᭞ᬩᬧᬦ᭄ᬘᭂᬦᬶᬂᬳᬶᬘᬮ᭄ᬮᬫᬶ᭞ᬲᬮᬯᬲᬾᬢᬦ᭄ᬧᬕᬢ᭄ᬭ᭞ᬬᬦᬶᬂᬫᬵᬢᬶᬬᬦᬶᬂᬳᬶᬤᬸᬧ᭄᭞ᬫᬾ
ᬫᬾᬦᬾᬯᬾᬓ᭄ᬫᬗᭂᬫ᭄ᬩᬦ᭄᭞ᬘᭂᬦᬶᬂᬧᬥ᭞ᬲᬬᬂᬦᬸᬚᬸᬫᬄᬭᬶᬂᬳ᭄ᬬᬤᬶ᭞ᬫᬾᬫᬾᬮ᭄ᬯᬲ᭄ᬗᬮᬶᬄᬤᬳᬃ᭟᭑᭔᭟ᬲᬤᬶᬦᬤᬶᬦᬵᬬᬗᬫᬭᬦᬶᬦ᭄᭞ᬗᬮᬶᬄᬤᬳᬃ᭞ᬲ᭄ᬮᬶᬤ᭄ᬲᬫ᭄ᬧᬾᬲᬜ᭄ᬚ᭞ᬦᬗ᭄ᬕᬧ᭄ᬳᬸᬧᬄᬭᬶᬂᬩ᭄ᬭᬬᬦᬾ᭞ᬓᬕᬾᬢ᭄
ᬬᬲᬜ᭄ᬚᬲᬵᬫ᭄ᬧᬸᬦ᭄᭞ᬢᬦᬸᬘᬧᬦ᭄ᬦᬭᬶᬂᬯ᭄ᬗᬶ᭞ᬭᬶᬂᬩᬗᬸᬦ᭄ᬧᬲ᭄ᬫᭂᬗᬦ᭄᭞ᬢ᭄ᬭᬕ᭄ᬬᬗ᭄ᬭᬢᭂᬂᬧᬸᬧᬸᬢ᭄᭞ᬲ᭄ᬮᭂᬕ᭄‌ᬘ᭄ᬦᬶᬂᬦᬸᬗ᭄ᬕᬸᬚᬸᬫᬄ᭞ᬫᬾᬫᬾᬮ᭄ᬯᬲ᭄᭞ᬓᬳᬮᬲᬾᬫᬗᬶᬧᬶᬮ᭄ᬳᬶᬧᬶᬮ᭄᭞ᬫᬗᬮᬶᬄᬤᬤᬳᬭᬦ᭄᭟᭑᭕᭟ᬭᬭᬶᬲ᭄ᬮᬸᬗ᭄ᬳᬵ
ᬜᬸᬲᬸᬧ᭄ᬫᬭᬶᬂᬕᬶᬭᬶ᭞ᬲᬧ᭄ᬭᬧ᭄ᬢᬦᬾ᭞ᬳᬦᬭᬶᬂᬓᬦᬦ᭞ᬫᬫ᭄ᬯᬢᬂᬫᬭᬶᬂᬕᬯᬾᬦᬾ᭞ᬫᬗᬺᬋᬄᬧᬘᬂᬚᬸᬓᬸᬢ᭄᭞ᬫᬳᬶᬍᬳᬦ᭄ᬲᬫ᭄ᬧᬾᬮᬶᬗ᭄ᬲᬶᬃ᭞ᬲᬸᬩᬧᬥᬮ᭄ᬬᬸᬫᬳᬦ᭄᭞ᬲᬮ᭄ᬯᬶᬃᬧᬘᬂᬚᬸᬓᬸᬢ᭄᭞ᬭᬭᬶᬲ᭄‌‌ᬬᬫᬓᬶᬭᬾ [ 9 ][᭘ 8B]

ᬩᬸᬤᬮ᭄᭞ᬘᬶᬦᬭᬶᬢ᭞ᬮᬫ᭄ᬧᬳᬾᬕᬶᬲᬸᬫᬗ᭄ᬭᬭᬶᬲ᭄᭞ᬳᬾᬮᬶᬗᬾᬫᬭᬶᬂᬕᬕᬶᬡᬦ᭄᭟᭐᭚ᬧᬸᬄᬕᬶᬡᬤ᭚᭑᭟ᬭᬭᬾᬦᬾᬦᬗᬶᬲ᭄ᬫᬗᭂᬗ᭄ᬓᬓ᭄᭞ᬫᬾᬦ᭄ᬚᬳᬾᬚᭂᬚᭂᬄᬕᬢᬶ᭞ᬢᭀᬮᬄᬢᭀᬮᬶᬄᬩ᭄ᬗᬂ
ᬩ᭄ᬗᭀᬂ᭞ᬧᬶᬢᬳᭂᬦᬂᬫᬸᬜᬶᬦ᭄ᬳᬦ᭄ᬢᬸ᭞ᬤᬸᬫᬭᬬᬫᬗᬶᬫᬗᬂ᭞ᬫᬮᬶᬄᬜ᭄ᬭᬶᬢ᭄᭞ᬢᬗᬶᬲᬾᬢᬦ᭄ᬧᬧ᭄ᬕᬢᬦ᭄᭟᭒᭟ᬫᬾᬦ᭄ᬚᬳᬾᬤᬶᬢᬸᬓᬾᬫ᭄ᬗᬦ᭄᭞ᬩᬦᬶᬢᬓᬸᬢ᭄ᬫᬭᬶᬂᬳᬢᬶ᭞ᬬᬦ᭄ᬢᬶᬗ᭄ᬕᬮ᭄ᬫᬳᬶᬦᬩ᭄ᬓᬯᭀᬢ᭄᭞ᬯ᭄ᬬ
ᬤᬶᬦᬺᬋᬄᬮᬫᬸᬦ᭄ᬢᭂᬧᬸᬓ᭄᭞ᬬᬤ᭄ᬬᬧᬶᬦ᭄‌‌ᬬᬫᬭᬹᬧ᭞ᬲᬶᬂᬜᬧ᭄ᬮᬶᬄ᭞ᬫᬢᬦᬾᬓ᭄ᬦᬲᬸᬗ᭄ᬮᬧᬦ᭄᭟᭓᭟ᬫᬾᬦ᭄‌‌ᬚᬳᬾᬘᬸᬢᭂᬢ᭄ᬭᬶᬂᬫᬦᬄ᭞ᬯ᭄ᬬᬤᬶᬦ᭄ᬧᬾᬢ᭄ᬫᬧ᭄ᬯᬭᬫᬢᬶ᭞ᬮᬫᬸᬦ᭄ᬲᬸᬩᬢᬸᬤᬸᬄᬋᬓᭀ᭞ᬫᬧᬶᬢᬺᬱ᭄ᬡᬵ
ᬦᭂᬫᬸᬮᬫ᭄ᬧᬸᬲ᭄᭞ᬲᬓᬶᬂᬢ᭄ᬯᬄᬧᬓᬃᬥᬶᬦ᭄ᬳᬶᬤ᭞ᬲᬂᬳ᭄ᬬᬂᬯᬶᬥᬶ᭞ᬍᬕᬦᬾᬫᬧ᭄ᬯᬭᬧ᭄ᬚᬄ᭟᭔᭟ᬢᬸᬫᬸᬮᬶᬭᬭᬶᬲ᭄ᬗᬋᬧᬂ᭞ᬫᬾᬦ᭄ᬚᬳᬾᬬᬫᬜ᭄ᬮᬓ᭄ᬱᬓᬶᬦ᭄᭞ᬤᬤ᭄ᬬᬜᬓᬕ᭄ᬬᬢ᭄ᬫᬗᭂᬢᭀᬦ᭄᭞ᬭᬭᬾᬦᬾᬫᬦᬗᬶ

[᭙ 9A]

ᬲ᭄ᬤᬶᬢᬸ᭞ᬭᬹᬧᬦᬾᬫᬗᬬᬂᬳᬬᬂ᭞ᬧᬸᬢᬶᬄᬕᬥᬶᬂ᭞ᬢ᭄ᬯᬭᬳᬤᬲᬫᬦ᭄ᬧᬥ᭟᭕᭟ᬕᬕᬶᬲᬸᬦ᭄ᬬᬫᬮᬓ᭄ᬱᬡᬵ᭞ᬭᬭᬾᬦᬾᬭᬭᬶᬲ᭄ᬓᬳᬫ᭄ᬩᬶᬮ᭄᭞ᬢᬸᬃᬗᬮᬶᬕᬲ᭄ᬢᬦ᭄ᬧᬗᬗ᭄ᬕᭀ᭞ᬲᬤᬵᬕ᭄ᬮᬶᬲ᭄ᬭᬭᬶᬲ᭄ᬫᬫᬸᬡ᭄ᬥᬸᬢ᭄᭞ᬳᬾᬗ᭄ᬕ
ᬮ᭄ᬮᬫ᭄ᬧᬳᬾᬤᬶᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬤᬾᬰᬏᬦ᭄ᬤᭀᬂᬥᬥᬧᬦ᭄᭟᭖᭟ᬲᬧ᭄ᬭᬧ᭄ᬢᬦᬾᬫᬭᬶᬂᬳᬸᬫᬄ᭞ᬭᬭᬾᬦᬾᬬᬓᬲᬶᬭᬫᬶᬦ᭄᭞ᬳᬕ᭄ᬮᬶᬲ᭄ᬓᬲᬾᬳᬶᬦ᭄ᬧᬗᬗ᭄ᬕᭀ᭞ᬫᬚᭂᬗᬦ᭄ᬬᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬸ
ᬫᬸᬮᬶᬓᬲᬸᬗᬦ᭄ᬧᬭᬩ᭄᭞ᬢᬸᬃᬓᬲᬾᬳᬶᬦ᭄᭞ᬮᬸᬄᬝᬲᬶᬓ᭄ᬲᬵᬫ᭄ᬧᬸᬦ᭄᭞ᬓᬵᬲ᭄ᬢᬯ᭟᭗᭟ᬲᬵᬫ᭄ᬧᬸᬦ᭄‌ᬓ᭄ᬮᬶᬄᬓᬯᬸᬯᬸᬲᬦ᭄᭞ᬦᬶᬮᬸᬄᬝᬲᬶᬓ᭄ᬫᬦᬶᬲ᭄ᬕᬮᬶᬂ᭞ᬭᬶᬂᬦᬶᬚᬳᬾᬢᬦ᭄ᬤᬶᬂᬳᬤᭀᬄ᭞ᬲᬬᬦ᭄ᬓᭂᬮᬶᬄᬲᬬᬦ᭄ᬳᬬᬸ᭞
ᬳᬤᭂᬕ᭄ᬮᬗ᭄ᬲᬶᬂᬢᬸᬃᬬ᭄ᬬᬮᬜ᭄ᬚᬃ᭞ᬲᭂᬫᬸᬧᬗᬶᬤ᭄᭞ᬳᬬᬸᬮ᭄ᬯᬶᬃᬩᬸᬮᬦ᭄ᬧᬹᬃᬡ᭄ᬦᬫ᭟᭘᭟ᬦᬶᬚᬳᬾᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬧᬗᬥᭂᬕᬾᬫᬲᬶᬄᬮᬗ᭄ᬲᬶᬂ᭞ᬦᬵᬗ᭄ᬳᬶᬂᬳᬤᬘᬘᬦᬶᬸᬤᬺᬓᭀ᭞ᬩᬦ᭄ᬩᬸᬭᬶᬓᬾᬬᬳᬧᬸᬧᬸᬮ᭄᭞ᬫᬵ [ 10 ][᭙ 9B]

ᬲᬶᬄᬳᬤᬓᬫ᭄ᬳᬶᬓᬦ᭄ᬜᬵ᭞ᬫᬸᬜᬶᬫᬦᬶᬲ᭄᭞ᬲ᭄ᬯᬭᬚᬗᬶᬄᬢᬸᬃᬫᬓᭂᬩ᭄ᬬᬓ᭄᭟᭙᭟ᬦᬶᬘ᭄ᬓᬸᬄᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬕᬥᬶᬂᬜᬡ᭄ᬥᬢ᭄ᬭᬫ᭄ᬩᬸᬢ᭄‌‌ᬓᬸᬦᬶᬂ᭞ᬧᬯᬓᬦᬾᬧᭀᬦ᭄ᬢᬕ᭄‌ᬳᭂᬫᭀᬮ᭄᭞ᬫᬸᬜᬶᬕᬩᭂᬂᬧᬮ᭄ᬬᬢ᭄ᬩᬮᬸᬢ᭄᭞
ᬧᬗᬸᬲ᭄‌‌ᬬᬳᬲᬶᬂᬲᭀᬮᬳᬂ᭞ᬓ᭄ᬜᬶᬂᬫᬦᬶᬲ᭄᭞ᬲᭀᬮᬄᬲᬫᬶᬦᬸᬤᬹᬢ᭄ᬘᬶᬢ᭄ᬢ᭟᭑᭐᭟ᬲ᭄ᬢᬢᬫᬾᬦ᭄ᬚᬳᬾᬋᬡᬵ᭞ᬗᭂᬫ᭄ᬩᬦ᭄ᬧ᭄ᬬᬦᬓ᭄ᬭᬳᬶᬦᬯ᭄ᬗᬶ᭞ᬧᬶᬲᬕᬦᬾᬩ᭄ᬗᭀᬂᬕᬯᭀᬓ᭄᭞ᬫᬾᬦ᭄ᬚᬳᬾᬕᬦ᭄ᬢᬶᬫᬦ᭄ᬫᬸ᭞ᬓᬳᭂᬤᬸᬫ
ᬦ᭄ᬧᬘᬂᬲᬥ᭄ᬬ᭞ᬲᬸᬓᬢ᭄ᬤᬦᬶ᭞ᬮᬸᬄᬝᬲᬶᬓ᭄ᬳᬗ᭄ᬕᭀᬦᬧ᭄ᬬᬦᬓ᭄᭟᭑᭑᭟ᬲᬸᬯᬸᬤ᭄ᬗᬮᬶᬄᬓᬧᬶᬲᬕ᭞ᬩ᭄ᬭᬬᬳᬰᬶᬄᬧᬥᬦᭂᬓᬦᬶᬦ᭄᭞ᬯ᭄ᬯᬂᬤᬾᬰᬦᬾᬲᬫᬶᬕᭀᬭᭀᬄ᭞ᬧᬥᬢᭂᬓᬬᬓᬮᬸᬮᬸᬢ᭄᭟ᬭᬯᬸᬄᬜᬦᬾ
ᬢᬦ᭄ᬧ᭄ᬕᬢᬦ᭄᭞ᬧᬥᬳᬲᬶᬄ᭞ᬓᬚᬸᬫᬄᬜᬫᬭᬭᬧᬦ᭄᭟᭑᭒᭟ᬫᬱᬦ᭄ᬗᬫ᭄ᬧᬸᬂᬬᬵᬤᬶᬲᬯᬄ᭞ᬫᬾᬦ᭄‌ᬚᬳᬾᬫᬶᬮᬸᬮ᭄ᬯᬲ᭄ᬫᬜᬶ᭞ᬤᬤᬶᬮᬶᬫ᭄ᬩᬓ᭄ᬫᬦᬄᬫᭀᬫᭀ᭞ᬩᬦ᭄ᬘᬮᬸᬄᬫᬕᬯᬾᬧᬘᬸᬮ᭄᭞ᬧᬲ᭄ᬫᭂᬗᬦ᭄

[᭑᭐ 10A]
᭑᭐
ᬭᬭᬶᬲ᭄ᬫᬚᬮᬦ᭄᭞ᬜᬳᬶᬘ᭄ᬦᬶᬂ᭞ᬳᬚᬓ᭄ᬳᬤᬶᬦᬾᬧᬂᬫᭂᬮᬄ᭟᭑᭓᭟ᬳᭂᬦ᭄ᬤᬕ᭄ᬲᬹᬃᬬ᭄ᬬᬧᬲ᭄ᬫᭂᬗᬦ᭄᭞ᬦᬶᬚᬳᬾᬩᬗᬸᬦ᭄ᬗᬧ᭄ᬭᬶᬕ᭄ᬧ᭄ᬭᬶᬕ᭄᭞ᬮᬸᬄᬢᬲᬶᬓ᭄‌‌ᬘ᭄ᬓᬸᬄᬫᬜ᭄ᬚᬾᬃ᭞ᬧᭂᬦᬄᬲᬸᬩᬥᬯᬸᬄᬢ᭄ᬮᬸ᭞ᬳᬭᬶᬦ᭄ᬜᬦᬾᬩᬗᬸᬦ᭄ᬫᬓᬾ
ᬧᬂ᭞ᬢᬸᬃᬫᬲᬸᬕᬶ᭞ᬓᬧᬜ᭄ᬘᭀᬭᬦ᭄ᬗᬫ᭄ᬩᬶᬮ᭄ᬢᭀᬬ᭟᭑᭔᭟ᬚᬕᬗ᭄ᬭᬢᭂᬂᬩ᭄ᬭᬲᬾᬢ᭄ᬮᬲ᭄᭞ᬭᬭᬶᬲ᭄ᬫᬧᬶᬯᭀᬭᬄᬕ᭄ᬮᬶᬲ᭄᭞ᬓᭂᬫᭀᬦ᭄ᬩᬸᬓ᭄ᬲᬋᬂᬓᬭᭀ᭞ᬜᬦᬦ᭄ᬢᬾᬫ᭄ᬩᭀᬓ᭄ᬗᬍᬲᬸᬂ᭞ᬮᬦ᭄ᬢᬲ᭄ᬳᬾᬜ᭄ᬘᭀᬮ᭄ᬫᬓᬤᬤ᭄ᬯ᭞ᬦᬸᬯᬸ
ᬦᬂᬧᬤᬶ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬭᬶᬂᬓ᭄ᬢᬸᬗᬦ᭄᭟᭑᭕᭟ᬳᭂᬫ᭄ᬩᭀᬓ᭄ᬚᬳᬾᬲᬸᬩᬧ᭄ᬭᬕᬢ᭄᭞ᬦᬶᬚᬳᬾᬩᬗ᭄ᬕ᭄ᬭᬲ᭄‌ᬜᬯᬸᬭᬶᬦ᭄᭞ᬲᬗᭂᬢ᭄ᬲᬚᬓᭀᬮᬳᭂᬗᭀᬦ᭄᭞ᬢᬸᬲᬶᬂᬲᬶᬕᬩᬶᬲᬢᬸᬮᬸᬂ᭞ᬓᭀᬮᬜᬦᬦ᭄ᬤᬶᬧ᭄ᬯᬋᬕᬦ᭄
ᬤᬵᬦᬸᬮᬸᬗᬶᬦ᭄᭞ᬲᬶᬕᬢᬳᬸᬚᭂᬕ᭄ᬫᬗᬫᬄ᭟᭑᭖᭟ᬲᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬕᬯᬾᬦ᭄ᬜ᭞ᬲᬂᬓᬮᬶᬄᬭᬭᬶᬲ᭄ᬫᬩᬺᬱᬶᬄ᭞ᬭᬯᬸᬄᬤᬦᬾᬯᬸᬲ᭄ᬓᬧᬯᭀᬦ᭄᭞ᬦᬶᬚᬳᬾᬫᬜᭀᬬᭀᬃᬧᭂᬲᬸ᭞ᬳᬤᬶᬚ᭄ᬯᬲᬸᬩᬫᬜᬓ [ 11 ][᭑᭐ 10B]
᭑᭐
ᬦ᭄‌‌ᬧᬗ᭄ᬩᬾᬦᬶᬦ᭄᭞ᬓᬧ᭄ᬓᭂᬦᬾᬢᬸᬃᬫᬧᬳ᭄ᬬᬲ᭄᭟᭑᭗᭟ᬓᬯᬸᬯᬸᬲᬦ᭄‌‌ᬩᬚᭂᬕ᭄ᬲᬹᬃᬬ᭄ᬬ᭞ᬭᬢᭂᬂᬳᬚᭂᬗᬦᬾᬫᬗ᭄ᬓᬶᬦ᭄᭞ᬲ᭄ᬥᬸᬓᬾᬬᬩᬸᬓᬓ᭄ᬮᭀ᭞ᬓᬕᬾᬢ᭄ᬬᬦᬶᬚᬳᬾᬭᬯᬸᬄ᭞ᬜᬾᬦ᭄ᬤᭀᬓ᭄ᬦᬲᬶᬫᬗᬾᬗ᭄ᬕᬮᬂ᭞ᬢᬦ᭄ᬧ
ᬦᭀᬮᬶᬄ᭞ᬇᬯᬓ᭄ᬜᬦᬾᬓᬢ᭄ᬮᬲᬂ᭟᭑᭘᭟ᬦᬶᬚᬳᬾᬩ᭄ᬢᭂᬓ᭄ᬩᬲᬂᬜ᭞ᬳᬶᬫᬂᬓᬧᬶᬲᬕᬫ᭄ᬮᬮᬶ᭞ᬝᬲᬶᬓ᭄ᬘᭂᬓᬸᬄᬦᬸᬮ᭄ᬬᬩ᭄ᬗᭀᬂ᭞ᬓᬗ᭄ᬕᭀᬯᬂᬜᬳᬸᬬᬄᬕ᭄ᬮᭂᬤᬸᬕ᭄᭞ᬲᭂᬩᭂᬢ᭄ᬜᬦᬾᬬᬵᬓᬓᭂᬧ᭞ᬢᬸᬃᬫᬗ᭄ᬭᬭᬶᬲ᭄᭞ᬤᬶ
ᬧᬢᬹᬭᭀᬦ᭄‌ᬬᬫᬦᬶᬤ᭄ᬭ᭟᭑᭙᭟ᬦᬶᬘ᭄ᬓᬸᬄᬫᬗᬮᬶᬄᬲᬳᬂ᭞ᬓᬕᬾᬢ᭄ᬲᬜ᭄ᬚᬦᬦᬾᬫᬗ᭄ᬓᬶᬦ᭄᭞ᬫᬾᬫᬾᬦ᭄ᬜᬦᬾᬢᭂᬓᬩᭀᬜ᭄ᬘᭀᬄ᭞ᬩᬦ᭄ᬮᬬᬳᬾᬬᬫᬦ᭄ᬮᬸᬚᬸ᭞ᬓᬧᬯᬋᬕᬦ᭄‌‌ᬬᬫᬤᬳᬃ᭞ᬢᬸᬃᬫᬗ᭄ᬮᬶᬫ᭄ᬮᬶᬫ᭄᭞ᬢ᭄ᬯᬭ
ᬳᬤᬢᬶᬫ᭄ᬧᬮ᭄ᬥᬳᬃ᭟᭒᭐᭟ᬦᬶᬚᬳᬾᬢᭂᬓᬗᬾᬜ᭄ᬘᭀᬮᬂ᭞ᬢᬳᬸᬭᬶᬂᬫᬾᬫᬾᬦᬾᬧ᭄ᬥᬶᬄ᭞ᬤᬤᬶᬧᭂᬲᬸᬫᬸᬜᬶᬳᬤᭀᬓ᭄᭞ᬳᬸᬮᬶᬲ᭄ᬫᭂᬂᬩᬦ᭄‌‌ᬢ᭄ᬬᬂᬢᬸᬬᬸᬄ᭞ᬲᬓᬶᬂᬦᭂᬩᬸᬓ᭄ᬲᬫ᭄ᬧᬾᬜᬓᬦ᭄᭞ᬢᬳᬸᬦᬶ

[᭑᭑ 11A]
᭑᭑
ᬤᬶᬓ᭄᭞ᬮᬸᬄᬝᬲᬶᬓ᭄‌‌ᬩ᭄ᬯᬶᬦ᭄ᬜᬍᬫ᭄ᬧᬂ᭟᭒᭑᭟ᬓᬲᭂᬦ᭄ᬤᬸᬯᬦ᭄‌‌ᬬᬫᬾᬫᬾᬦ᭄ᬜᬵ᭞ᬦᬸᬦ᭄ᬥᬸᬦ᭄ᬧ᭄ᬬᬦᬓ᭄ᬢᬸᬃᬫᬦᬶᬕ᭄ᬢᬶᬕ᭄᭞ᬳᬶᬩᬝᬲᬶᬓ᭄‌‌ᬦᬶᬤᬶᬓ᭄‌‌ᬤ᭄ᬯᬂ᭞ᬲᬫ᭄ᬧᬢ᭄ᬮᬳᬸᬦᬾᬫᬲᭂᬧᬸᬓ᭄᭞ᬲᬦ᭄ᬤ᭄ᬬᬓᬵᬮᬦᬂᬤᬾᬰ᭞ᬦᬸ
ᬮ᭄ᬬᬧ᭄ᬭᬧ᭄ᬢᬶ᭞ᬦᬶᬘᭂᬓᬸᬄᬗᬸᬫ᭄ᬧᬸᬮᬂᬲᬳᬂ᭟᭒᭒᭟ᬦᬶᬮᬸᬄᬝᬲᬶᬓ᭄ᬫᬘᬘᬮ᭞ᬮᬗ᭄ᬓᬸᬂᬫᬭᬶᬂᬢᭂᬧᬶᬲᬶᬭᬶᬂ᭞ᬫᬸᬡ᭄ᬥᬸᬓ᭄ᬧᬗ᭄ᬓᬸᬂᬚᬸᬭᬂᬓᬯᭀᬢ᭄᭞ᬧᬫᬃᬕ᭄ᬕᬶᬦᬾᬜᬥ᭄ᬬᬮᬫ᭄ᬧᬸᬲ᭄᭞ᬫᬾᬦ᭄‌‌ᬚᬳᬾᬳᬦᬭᬶᬂᬗᬸᬫᬄ᭞ᬳᭂᬗ᭄ᬲᭂ
ᬓ᭄ᬤᬶᬳᬢᬶ᭞ᬫᬓᬍᬫᬄᬢᬦ᭄ᬧᬦᬶᬤ᭄ᬭ᭟᭒᭓᭟ᬤᬤᬶᬲᭂᬤᬶᬄᬬᬫᬾᬫᬾᬦ᭄ᬜᬵ᭞ᬳᬾᬮᬶᬂᬭᬶᬂᬳᬶᬯᬗᬾᬦᬶᬕ᭄ᬢᬶᬕ᭄᭞ᬦᬶᬘ᭄ᬓᬸᬄᬫᬳᬢᬸᬃᬳᬮᭀᬦ᭄᭞ᬗᬸᬤᬫᬾᬫᬾᬲᬮᬄᬳᬸᬡ᭄ᬥᬸᬓ᭄᭞ᬤᬦᬾᬧᬵᬢᬹᬢ᭄‌‌ᬬᬲᬮᬳᬂ᭞ᬤ
ᬤᬶᬧ᭄ᬮᬶᬄ᭞ᬲᬫᬶᬲᬵᬫ᭄ᬧᬸᬦ᭄‌‌ᬓᬳᬸᬦᬶᬗᬂ᭟᭒᭔᭟ᬏᬜ᭄ᬚᬶᬂᬏᬜ᭄ᬚᬶᬂᬓᬯᬸᬯᬸᬲᬦ᭄᭞ᬫᬾᬦ᭄‌‌ᬚᬳᬾᬭᬭᬶᬲ᭄ᬫᬫᬸᬜᬶ᭞ᬲᬶᬕᬧᬢᬸᬄᬩᬸᬓᬓᬾᬢᭀ᭞ᬗᬯᬾᬧ᭄ᬢᬧᬢᬶᬓᬘᬸᬄ᭞ᬳᬦᬓ᭄ᬲᬵᬥᬸᬧᬶᬰᬸᬦᬬᬂ᭞ᬦᬾᬦᬾ [ 12 ][᭑᭑ 11B]
᭑᭑
ᬚᬦᬶ᭞ᬯᬲ᭄ᬢᬸᬦᭂᬫᬸᬲᬸᬓᬤᬸᬄᬓ᭟᭒᭕᭟ᬳᬧᬂᬲᬢᬢᬫᬶᬬᭂᬕᬦ᭄᭞ᬲᬫ᭄ᬧᬾᬢ᭄ᬓᬦᬶᬂᬤᬸᬫᬥᬶ᭞ᬚ᭄ᬮᬾᬫ᭄ᬮᬄᬳᬧᬂᬳᬯᭀᬃ᭞ᬳᬮᬶᬄᬚᬦᬶᬳᬧᬂᬢᭂᬧᬸᬓ᭄᭞ᬬᬦ᭄‌‌ᬢ᭄ᬯᬭᬬᬧᬘᬂᬩᬓᬢ᭄᭞ᬳᭂᬤᬵᬫᬸᬮᬶᬄ᭞ᬬ
ᬦ᭄ᬮᭂᬚᭂᬄᬫᬦ᭄ᬫᬸᬳᬮ᭟᭒᭖᭟ᬚᬳᬾᬘ᭄ᬓᬸᬄᬳᬶᬫᬂᬋᬗᬲ᭄᭞ᬳᬚ᭄ᬭᬶᬄᬜᬦᬾᬢᬶᬤᭀᬂᬕᬶᬕᬶᬲ᭄᭞ᬓᬾᬲᬄᬭᬶᬂᬦᬵᬕᬭᬏᬡ᭄ᬥᭀᬂ᭞ᬫᬗᬺᬋᬄᬓᬮᬧᬸᬮᬧᬸ᭞ᬫᬾᬦ᭄ᬚᬳᬾᬦᬭᬶᬂᬳᬸᬫᬄᬜ᭞ᬲᭂᬤᬶᬄᬓᬶᬂᬓᬶᬂ᭞ᬭᬶᬂᬧ᭄ᬬ
ᬦᬓᬾᬲᬫᬶᬳᬶᬘᬮ᭄᭟᭒᭗᭟ᬓᬲ᭄ᬯᬾᬦ᭄ᬲᬵᬫ᭄ᬧᬸᬦ᭄ᬓᬮᬶᬄᬳᬸᬮᬦ᭄᭞ᬧᬦᬓ᭄ᬜᬦᬾᬦᭀᬭᬫᬸᬮᬶᬄ᭞ᬭᬭᬶᬲ᭄ᬗᭂᬮᬶᬂᬤᭀᬳᭀᬤᭀᬳᭀ᭞ᬚᬳᬾᬘᭂᬓᬸᬄᬝᬲᬶᬓ᭄ᬳᬬᬸ᭞ᬮᬲ᭄ᬤᬾᬯᬭᬶᬂᬫᬾᬫᬾᬢ᭄ᬯ᭞ᬧᭂᬤᬲ᭄ᬫ
ᬢᬶ᭞ᬫᬢᬶᬓᬫ᭄ᬩᬂᬲᬶᬂᬚᬮᬦᬦ᭄᭟᭐᭚ᬧᬸᬄᬓᬸᬫᬫ᭄ᬩᬂ᭚᭑᭟ᬳᬸᬤᬸᬄᬤᬾᬯ᭞ᬤᭀᬂᬘᬶᬗᬓ᭄‌‌‌ᬚ᭄ᬯᬢᬶᬢ᭄ᬬᬂᬲᭂᬤᬶᬄ᭞ᬢᬦ᭄ᬲᬄᬦᬦ᭄ᬤᬂᬮᬭ᭞ᬫᬗᬧᬾᬧ᭄ᬬᬦᬓᬾᬲᬫᬶ᭞ᬲ᭄ᬥᬶᬄᬓᬗᭂᬦ᭄ᬧᬤᬶ

[᭑᭒ 12A]
᭑᭒
ᬤᬶᬬᬦ᭄᭟᭒᭟ᬕ᭄ᬮᬃᬕ᭄ᬮᬸᬃ᭞ᬫᬗᬲ᭄ᬢᬯᬲᬂᬳ᭄ᬬᬂᬯᬶᬥᬶ᭞ᬩᬲ᭄ᬓᬤᬸᬭᬸᬲ᭄ᬧᬶᬲᬦ᭄᭞ᬳᬶᬭᬢᬸᬫᬫᬶᬕᭂᬡ᭄ᬥᬦᬶᬦ᭄᭞ᬫᬗ᭄ᬤᬳᬸᬲᬦ᭄‌‌ᬓᬲᬓᬶᬢᬦ᭄᭟᭓᭟ᬤᬸᬭᬸᬲ᭄ᬚᬩᬸᬤ᭄᭞ᬚᬷᬯᬦ᭄ᬢᬶᬢ᭄ᬬᬂᬭᬢᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫ
ᬗᬢᬹᬭᬂ᭞ᬭᬶᬂᬭᬢᬸᬦᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬯᬸᬲᬦ᭄ᬓᬲᬓᬶᬢᬦ᭄᭟᭔᭟ᬬᬾᬦᬶᬂᬤᬶᬚ᭞ᬧ᭄ᬬᬦᬓ᭄ᬢᬶᬢ᭄ᬬᬂᬦᬾᬦᬾᬫᬗ᭄ᬓᬶᬦ᭄᭞ᬓᬧᭀᬲᬭᬧ᭄ᬫᬘᬦ᭄᭞ᬭᬸᬦ᭄ᬢᬸᬄᬫᬭᬶᬂᬚᬸᬭᬂᬢᬺᬩᬶᬲ᭄᭞ᬢᬦ᭄ᬯᬾᬦ᭄ᬢᭂᬦ᭄‌‌ᬢᬶᬢ᭄ᬬᬂ
ᬳᬸᬦᬶᬗ᭟᭕᭟ᬳᬭᬸᬄᬘ᭄ᬦᬶᬂ᭞ᬧ᭄ᬬᬦᬓ᭄ᬫᬾᬫᬾᬫᬓᬲᬫᬶ᭞ᬤᬶᬚᬓᬾᬫᬕ᭄ᬦᬄ᭞ᬳᬚᬓ᭄ᬫᬾᬫᬾᬩᬋᬂᬫᬢᬶ᭞ᬳᬧᬂᬲᬸᬯᬸᬤ᭄ᬦᬦ᭄ᬤᬂᬮᬭ᭟᭖᭟ᬲᬬᬦ᭄ᬓᬸᬭᬸ᭞ᬫᬾᬦ᭄ᬚᬳᬾᬭᬳᬶᬦᬯᭂᬗᬶ᭞ᬜᭀᬕ᭄ᬚᭀᬕ᭄‌‌‌‌ᬓᬧ᭄ᬥᭂᬫ
ᬦ᭄᭞ᬮᬶᬮᬬᬂᬢᭀᬂᬤᬤᬶᬮᬮᬶ᭞ᬢᬦ᭄ᬲᬄᬫᬕᬦ᭄ᬢᬸᬂᬭᬶᬂᬫᬦᬄ᭟᭗᭟ᬢᬦ᭄ᬧᬫᬗᬦ᭄᭞ᬢᬦ᭄ᬧᬗᬶᬦᬸᬫ᭄ᬲᬳᬶᬲᬳᬶ᭞ᬲ᭄ᬥᬶᬄᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬮᬶᬧᬹᬭᬂᬲᬸᬫᬶᬗ᭄ᬓᬶᬦ᭄ᬧᬮᬶᬂ᭞ᬫᬦᬄᬜᬦᬾᬫᬦᬭᬯᬂ᭟᭘᭟ [ 13 ][᭑᭒ 12B]
᭑᭒
ᬫᬡ᭄ᬥᬫᬡ᭄ᬥ᭞ᬫᬾᬦ᭄ᬚᬳᬾᬮᬶᬗ᭄ᬮᬸᬂᬧᬮᬶᬂ᭞ᬢᭀᬂᬇᬗᭂᬢ᭄ᬭᬶᬂᬳᬯᬓ᭄᭞ᬓᬸᬭᬸᬦᬾᬓᬩᬢᭂᬓ᭄ᬲᭂᬤᬶᬄ᭞ᬚᬷᬯᬦ᭄ᬜᬦᬾᬭᬭᬶᬲ᭄ᬮᬸᬗ᭄ᬳᬵ᭟᭙᭟ᬫᬗᬲᬶᬃᬲᬶᬃ᭞ᬫᬗᬸᬗ᭄ᬲᬶᬧ᭄ᬭᬡᬯᬦᬾᬕ᭄ᬮᬶᬲ᭄᭞ᬦ᭄ᬫᬸᬓᬰᬸᬦ᭄ᬬᬢᬦ᭄᭞ᬲᬗ᭄ᬓᬦ᭄ᬜ
ᬦᬾᬯᬸᬲ᭄ᬧᬶᬦᬗ᭄ᬕᬶᬄ᭞ᬫᬃᬕ᭄ᬕᬦᬾᬫᬦᭂᬫᬸᬫᭀᬓ᭄ᬱᬵ᭟᭑᭐᭟ᬳᬸᬬᬸᬢ᭄ᬚᬦᬶ᭞ᬧᬶᬲᬕᬦᬾᬧᬥᬳᬚᬶᬦ᭄᭞ᬓᬕ᭄ᬬᬢ᭄ᬧᬥᬩᬸᬬᬃ᭞ᬩ᭄ᬭᬬᬦᬾᬧᬥᬫᬚᬶᬜ᭄ᬚᬶᬦ᭄᭞ᬲᬫᬶᬢᬶᬓ᭄ᬱ᭄ᬡᬦᬶᬂᬇᬦ᭄ᬤ᭄ᬭᬶᬬ᭟᭐᭚
ᬧᬸᬄᬳᬤ᭄ᬭᬶ᭚᭑᭟ᬯᬃᬡ᭄ᬦᬦᭂᬦ᭄ᬮᬫ᭄ᬧᬳᬾᬲᬂᬫᬗ᭄ᬭᬸᬭᬸᬄ᭞ᬦᬶᬘ᭄ᬓᬸᬄᬫ᭄ᬯᬂᬦᬶᬚᬳᬾ᭞ᬢ᭄ᬥᬸᬦ᭄ᬧᬗ᭄ᬓᬸᬂᬫᬸᬗ᭄ᬕᬄᬕᬶᬭᬶ᭞ᬧᬫᬃᬕ᭄ᬕᬶᬦᬾᬧᬢᬶᬳᭂᬦ᭄ᬢᬸᬮ᭄᭞ᬫᬜᬸᬲᬸᬧ᭄ᬓᬕᬸᬦᬸᬂᬕᬸᬦᬸᬂ᭞ᬩ᭄ᬥᬓ᭄ᬮᬬᬄᬬᬲᬢᬢ᭞ᬓᬕᬾᬢ᭄ᬚ
ᬦᬶᬬᬓᬘᬸᬡ᭄ᬥᬸᬓ᭄᭞ᬳᬭᬶᬦ᭄ᬜᬦᬾᬦᬶᬮᬸᬄᬳᬸᬬᬄ᭞ᬭᬶᬂᬢ᭄ᬮᭂᬗᬶᬂᬯᬦᬯᬰ᭟᭒᭟ᬦᬶᬚᬳᬾᬗᬋᬧᬂᬢᬸᬃᬫᬯᬸᬯᬸᬲ᭄᭞ᬳᬮᬸᬲ᭄ᬧᭂᬲᬸᬫᬸᬜᬶᬦᬾ᭞ᬳᬤᬶᬚᬦᬶᬚᬮᬦ᭄‌‌ᬫᬸᬮᬶᬄ᭞ᬇᬫᬾᬫᬾᬬᬲᬗᭂᬢ᭄ᬲᭂᬡ᭄ᬥᬸ᭞

[᭑᭓ 13A]
᭑᭓
ᬳᭂᬫ᭄ᬩᭀᬓ᭄ᬫᬲᬶᬄᬫᬶᬮᬸᬓᬢᬸᬦ᭄ᬤᬸᬂ᭞ᬳᬶᬯᬂᬳᭂᬫ᭄ᬩᭀᬓᬾᬦᬾᬲᬸᬩ᭞ᬲᬫ᭄ᬧᬸᬦ᭄ᬲᭂᬩᭂᬢ᭄ᬳᬤᬶᬓᬤᬸᬭᬸᬲ᭄᭞ᬮᬶᬮᬬᬂᬳᬤᬶᬭᬶᬂᬭᬕ᭞ᬲᭀᬢᬦᬶᬂᬳᬤᬶᬫᬜᬫ᭟᭓᭟ᬦᬶᬮᬸᬄᬢᬲᬶᬓ᭄ᬳᬮᭀᬦ᭄ᬲᬸᬫᬯᬸᬃ᭞ᬢᬶᬢ᭄ᬬᬂᬲᬸᬩᬵ
ᬫᬵᬯᬓ᭄‌‌ᬚ᭄ᬮᬾ᭞ᬧᬘᬂᬦᬧᬶᬓᬾᬢᬶᬢ᭄ᬬᬂᬫᬸᬮᬶᬄ᭞ᬲᬵᬫ᭄ᬧᬸᬦ᭄ᬳᭂᬫ᭄ᬩᭀᬓ᭄ᬦᬾᬓᬕᬸᬕᬸ᭞ᬧ᭄ᬭᬚ᭄ᬜᬦ᭄ᬳᬬᬸᬢᬸᬃᬫᬦ᭄ᬭᬸᬲ᭄᭞ᬢ᭄ᬯᬭᬳᬤᬲᬫᬦ᭄ᬧᬥ᭞ᬋᬋᬳᬂᬭᬶᬂᬚᬕᬢ᭄ᬤᬶᬢᬸ᭞ᬳᬦᬭᬶᬂᬏᬦ᭄ᬤᭀᬂᬥᬥᬧᬦ᭄᭞ᬳᭂᬫ᭄ᬩᭀᬓ᭄ᬲᬢ
ᬢᬓᬳᬸᬘᬧ᭄᭟᭔᭟ᬦᬶᬮᬸᬄᬚᬳᬾᬋᬓᭀᬲᬸᬫᬯᬸᬃ᭞ᬫ᭄ᬢᬸᬬᬾᬄᬢᬶᬗ᭄ᬳᬮᬾ᭞ᬲ᭄ᬥᬶᬄᬤᬦᬾᬗᬭᬶᬄᬳᬭᬶᬄ᭞ᬤᬤᬶᬲᬗᭂᬢ᭄ᬳᬤᬶᬗᬚᬸᬫ᭄᭞ᬚᬵᬢᬶᬳᭂᬫ᭄ᬗᭀᬓ᭄‌‌ᬩ᭄ᬮᭀᬕ᭄ᬧᬸᬗ᭄ᬕᬸᬂ᭞ᬫᬲᬶᬄᬳᬤᬶᬦᬾᬓᬳᬸᬘᬧ᭄᭞ᬫᬃ
ᬕᬶᬤᬾᬯᬚ᭄ᬯᬫᬯᬦ᭄ᬢᬸᬦ᭄᭞ᬳᬶᬤᬾᬯᬲᬬᬗᬂᬢᬶᬢ᭄ᬬᬂ᭞ᬲᬸᬂᬲᬸᬂᬢᬶᬢ᭄ᬬᬂᬫᬭᬶᬂᬚᬸᬫᬄ᭟᭕᭟ᬳᬭᬶᬦ᭄‌ᬜᬦᬾᬓ᭄ᬥᭂᬄᬢᬸᬃᬮᬸᬫᬓᬸ᭞ᬓᭂᬢᬹᬢ᭄ᬭᬶᬂᬳᭂᬫ᭄ᬩᭀᬓᬾ᭞ᬓᬤᬸᬭᬸᬲ᭄ᬳᬤᬶᬜᬓᬶᬢᬶᬦ᭄᭞ᬲᬋᬂᬓᬮᬶᬄᬬᬵᬫᬜᬸ [ 14 ][᭑᭓ 13B]
᭑᭓
ᬭᬸᬂ᭞ᬫᬦ᭄ᬢᬸᬓ᭄ᬳᬤᬶᬫᬃᬕ᭄ᬕᬶᬫᬵᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬓᬸᬤᬫᬜᭂᬗ᭄ᬓᬬᬂ᭞ᬲᬸᬂᬲᬸᬂᬳᭂᬫ᭄ᬩᭀᬓ᭄ᬭᬶᬂᬚᬕᬢ᭄ᬤᬶᬢᬸ᭞ᬳᬦᬭᬶᬂᬳᬾᬦ᭄ᬤᭀᬂᬥᬥᬧᬦ᭄᭞ᬮᬶᬮᬬᬂᬓᬳ᭄ᬬᬸᬦᬾᬩᬸᬤᬮ᭄᭟᭖᭟ᬳᭂᬫ᭄ᬩᭀᬓ᭄ᬚᬸᬫᬄᬤᬶᬢᬸᬳᬧᬂᬧᬵᬢᬹᬢ᭄᭞ᬗᬬᬳᬶᬦ᭄
ᬳᬶᬫᬾᬫᬾ᭞ᬤᬵᬢᬓᬸᬢ᭄ᬧᬘᬂᬓᬢᬶᬕ᭄ᬢᬶᬕ᭄᭞ᬤᬾᬦᬶᬂᬤᬦᬾᬢᬸᬬᬸᬄᬗᬶᬗᬸ᭞ᬳᬸᬮᬶᬂᬳᬮᬶᬢ᭄ᬲᬫ᭄ᬧᬾᬤᬸᬳᬸᬃ᭞ᬳᭂᬫ᭄ᬩᬦ᭄ᬤᬦᬾᬬᬲ᭄ᬢᬢ᭞ᬫᬕᬤᬗᬶᬦ᭄ᬳᬮᬳᬬᬸ᭞ᬳᭂᬤᬳᭂᬗ᭄ᬲᬧ᭄‌‌ᬭᬶᬂᬧᬶᬢᬺᬱ᭄ᬡᬵ᭞ᬤ᭄ᬬᬲ᭄ᬢᬸᬫᬢᬶᬦᬸᬫᬕᬸ
ᬢᬂ᭟᭗᭟ᬚᬯᬢ᭄ᬧᬲᬄᬳᬤᭀᬄᬤᬶᬦᬶᬤᬶᬢᬸ᭞ᬢ᭄ᬯᬄᬍᬕᬦ᭄ᬳᭂᬫ᭄ᬩᭀᬓᬾ᭞ᬳᬦ᭄ᬢᬸᬓ᭄ᬳᬾᬮᬶᬂᬗᬗ᭄ᬕᭀᬦ᭄ᬳᬤᬶ᭞ᬢᬶᬢ᭄ᬬᬂᬢᬍᬃᬫᬲᬶᬄᬓᬦ᭄ᬢᬸᬦ᭄᭞ᬤᬶᬳᬗᭂᬦᬾᬢᬺᬱ᭄ᬡᬵᬲᬢᬸᬯᬸᬓ᭄᭞ᬲᬵᬫ᭄ᬧᬸᬦ᭄ᬧᬘᬂᬫᬗᬾᬯᭂᬳᬂ᭞ᬬᬤ᭄ᬬ
ᬧᬶᬦ᭄ᬫᬕ᭄ᬥᭀᬂᬩᬢᬸ᭞ᬮᬫᬸᬦ᭄ᬲᬸᬩᬢᬸᬤᬸᬄᬧᭂᬚᬄ᭞ᬢᬦ᭄ᬯᬗ᭄ᬥᬾᬦ᭄ᬫᬸᬳᬦ᭄ᬢᬓ᭟᭘᭟ᬦᬶᬚᬳᬾᬢᬦ᭄ᬓᬬᬸᬦ᭄‌‌ᬧᬘᬂᬫᬵᬦ᭄ᬢᬸᬓ᭄᭞ᬓᬧᬸᬮᬸᬢ᭄ᬫᬦᬳᬾ᭞ᬢ᭄ᬯᬭᬳᭂᬫ᭄ᬩᭀᬓ᭄ᬮᬮᬶᬲ᭄‌‌ᬫᬸᬮᬶᬄ᭞ᬢᬶᬦᬹᬢ᭄ᬭᬶᬂᬲᬢᬶᬩᬵᬮᬓᬸ᭞ᬲᬕᬺ

[᭑᭔ 14A]
᭑᭔
ᬳᬦ᭄ᬮᬫ᭄ᬧᬳᬾᬜᬸᬲᬸᬧ᭄᭞ᬫᬶᬥᭂᬃᬳᬶᬤᬫᬭᬶᬂᬳᬮᬲ᭄᭞ᬓᬜ᭄ᬘᬦ᭄ᬲᬢᭀᬦᬾᬓᬧᬗ᭄ᬕᬸᬄ᭞ᬢ᭄ᬯᬭᬳᬤᬫᬗ᭄ᬮᬶᬗ᭄ᬯᬂ᭞ᬭᬶᬂᬫᬥ᭄ᬬᬦᬶᬂᬯᬦᬵᬦ᭄ᬢᬭ᭟᭙᭟ᬫᬵᬭᬸᬣᬦᬾᬢᬦ᭄ᬫᬭᬶᬫᬦᭂᬫ᭄ᬧᬸᬄ᭞ᬫᬭᬶᬂᬦᬦᬦᬦᬾ᭞ᬲᭀ
ᬭᬶᬂᬯᬭᬶᬗᬶᬦ᭄ᬥᬦᬾᬫᬮᬶᬗ᭄ᬕᬶᬄ᭞ᬧᬓ᭄ᬱᬶᬲᬫᬶᬲᬶᬸᬧᬥᬳᬸᬫᬸᬂ᭞ᬫᬶᬦᬩ᭄ᬳᬕ᭄ᬬᬵᬢᭂᬓᬫᬜᬸᬂᬲᬸᬂ᭞ᬭᬫᬾᬲ᭄ᬬᭀᬓ᭄ᬜᬵᬳᬶᬘᬫᬭ᭞ᬫᬶᬦᬩ᭄‌‌ᬬᬧᬥᬫᬦᬸᬢᬸᬃ᭞ᬭᬶᬂᬲᬂᬓᬦ᭄ᬬᬓᬯ᭄ᬮᬲᬵᬃᬱ᭞ᬲᬂᬳ᭄ᬬᬂᬭᬯᬶᬢᬶᬲ᭄ᬢᬶᬲ᭄ᬫᬡ᭄ᬥ
᭟᭑᭐᭟ᬇᬭᬶᬓᬤᬦᬾᬲᬫ᭄ᬬᬦ᭄ᬫᬗᬍᬲᬸ᭞ᬭᬶᬂᬲᭀᬃᬯᬡ᭄ᬥᬶᬭᬦᬾ᭞ᬢᬶᬫ᭄ᬩᬶᬭᬓᭀᬘᬧ᭄ᬫᬦᬫ᭄ᬧᬶ᭞ᬧᬶᬦᬶᬄᬮᬗ᭄ᬓᬸᬂᬫᬥ᭄ᬬᬤᬮᬸ᭞ᬧᬜ᭄ᬘᬫᬷᬓᬺᬱ᭄ᬡᬫᬦᬸᬚᬸ᭞ᬕᬾᬜ᭄ᬚᭀᬂᬭᬱᬦᬶᬂᬩᬸᬢᬮ᭞ᬫᬗ᭄ᬭᬲᬬᬂᬲᬫᬶᬓᭂᬩᬸ
ᬲ᭄᭞ᬫ᭄ᬦᭂᬂᬲᬫᬶᬢᬦ᭄ᬧᬗᬸᬘᬧ᭄᭞ᬫᬜᬥ᭄ᬬᬬᬂᬧᬘᬂᬧᭂᬚᬄ᭟᭑᭑᭟ᬓᬕᬾᬢ᭄ᬳᬤᬤᬤᭀᬂᬢ᭄ᬯᬢᬸᬃᬘᬕ᭄ᬮᬸᬓ᭄᭞ᬢᬦ᭄ᬓᬃᬯ᭄ᬯᬦ᭄ᬲᬗ᭄ᬓᬦᬾ᭞ᬳᬕᭃᬂᬮᬡ᭄ᬥᬸᬂᬭᬫ᭄ᬩᬸᬢ᭄ᬧᬸᬢᬶᬄ᭞ᬫᬲ᭄ᬮᬾᬬᭀᬕ᭄ᬫᬸᬜᬶᬦᬾ [ 15 ][᭑᭔ 14B]
᭑᭔
ᬜᬸᬜᬸᬃ᭞ᬫᬧᬶᬢᬸᬢᬹᬃᬲᬃᬯ᭄ᬯᬮᬸᬳᬸᬂ᭞ᬤᬸᬄᬤᬾᬯᬲᬫᬶᬲᬂᬭᬭ᭞ᬓᬤᬸᬭᬸᬲ᭄ᬳᬶᬤᬾᬯᬲᭂᬡ᭄ᬥᬸ᭞ᬦᭀᬭᬯ᭄ᬭᬸᬄᬫᬭᬶᬂᬓᬮᬶᬗᬦ᭄᭞ᬕᬸᬫᬦ᭄ᬢᬶᬫᬜᭂᬮ᭄ᬲᭂᬮ᭄ᬭᬕ᭟᭐᭚ᬧᬸᬄᬕᬶᬡᬦ᭄ᬢᬶ᭚᭑᭟ᬮᬸᬄᬝᬲᬶᬓ᭄ᬦᬶᬫ᭄ᬩᬮ᭄ᬫ
ᬯᬸᬯᬸᬲ᭄᭞ᬳᬮᭀᬦ᭄ᬧᬗᬸᬘᬧᬾᬫᬦᬶᬲ᭄᭞ᬢᬶᬢ᭄ᬬᬂᬤᬸᬭᬸᬂᬲᬳᬸᬦᬶᬗ᭞ᬤᬸᬭᬸᬲ᭄ᬭᬢᬸᬧᬶᬲᬸᬓᬦᬶᬦ᭄᭞ᬫᬵᬗ᭄ᬤᬾᬳᬕᬾᬢᬶᬢ᭄ᬬᬂᬧᭂᬚᬄ᭞ᬢᬦ᭄ᬥᬸᬕᬶᬢᬶᬢ᭄ᬬᬂᬦᬡ᭄ᬥᬓᬶᬦ᭄᭟᭒᭟ᬲᬗ᭄ᬲᬭᬦ᭄‌‌ᬢᬶᬢ᭄ᬬᬂᬓᬤᬸᬭᬸᬲ᭄᭞ᬲᬓᬶᬂ
ᬳᬮᬶᬢ᭄ᬭᬯᬸᬄᬫᬗ᭄ᬓᬶᬦ᭄᭞ᬫ᭄ᬭᬲᬧᬥᬢᬶᬢ᭄ᬬᬂᬕᭂᬲᬂ᭞ᬢᬦ᭄ᬳᬸᬦᬶᬂᬭᬶᬂᬲᬗ᭄ᬓᬦ᭄ᬚᬵᬢᬶ᭞ᬫ᭄ᬯᬄᬓᬮᬶᬗᬦᬶᬂᬧᬜᬫᬵᬦ᭄᭞ᬓ᭄ᬭᬡᬦᭂᬫᬸᬓᬧ᭄ᬭᬶᬳᬢᬶᬦ᭄᭟᭓᭟ᬲᬮᬄᬤᬮᬶᬄᬓᬯᬶᬢ᭄ᬳᬶᬧᬸᬦ᭄᭞ᬢᬶᬢ᭄ᬬᬂᬧᬵᬢᬹᬢ᭄ᬫᬗᭂᬫᬲᬶᬦ᭄᭞ᬧᬶᬲᬸ
ᬦᬦᬾᬫᬗᬯᬶᬦᬂ᭞ᬳᬶᬫᬾᬫᬾᬲᭂᬗᬶᬢ᭄ᬫᬦᬶᬕ᭄ᬢᬶᬕ᭄᭞ᬧᬢᬶᬓᬘᬸᬄᬦᬸᬦ᭄ᬤᬸᬂᬢᬶᬢ᭄ᬬᬂ᭞ᬲᬗ᭄ᬓᬦ᭄ᬫᬗ᭄ᬕᬶᬄᬓᬤᬶᬫᬗ᭄ᬓᬶᬦ᭄᭟᭔᭟ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬭᬢᬸ᭞ᬯ᭄ᬭᬸᬄᬭᬶᬂᬲᬗ᭄ᬓᬦ᭄ᬢᬫᬗ᭄ᬓᬶᬦ᭄᭞ᬫᬵᬦᬸᬱᬚᬶᬫ᭄‌‌ᬩᬸᬣᬤᬾᬯ᭞ᬤᬸᬭᬸᬲ᭄ᬢᬤᬄ

[᭑᭕ 15A]
᭑᭕
ᬬᬦ᭄ᬓᬶᬢᬚᬶᬫ᭄᭞ᬬᬾᬦ᭄ᬲᬸᬚᬵᬢᬶᬢᭀᬲᬶᬂᬤᬾᬯ᭞ᬲ᭄ᬯᬾᬘ᭄ᬙᬭᬢᬸᬫᬓᬓᬦ᭄ᬢᬶ᭟᭕᭟ᬦ᭄ᬤᬦ᭄ᬯᬸᬯᬸᬲ᭄‌‌ᬲᬂᬭᬭᬫᬵᬢᬹᬃ᭞ᬲᬶᬭᬚᬶᬫ᭄ᬳᬦᭂᬫ᭄ᬩᬄᬳᬭᬶᬲ᭄᭞ᬢᭀᬲ᭄ᬕᬡ᭄ᬥᬃᬯ᭄ᬯᬶᬢᬶᬢ᭄ᬬᬂᬤᬾᬯ᭞ᬜᬥ᭄ᬬᬢᬶᬢ᭄ᬬᬂᬫᬗᬢᬹᬭᬶᬦ᭄᭞ᬧᬗᬯ
ᬢᬭᬦ᭄ᬳᬶᬤᬾᬯ᭞ᬤᬸᬭᬸᬲ᭄ᬧ᭄ᬬᬃᬱᬦᬦᬾᬫᬗ᭄ᬓᬶᬦ᭄᭟᭖᭟ᬧᬸᬱ᭄ᬧᬢᬦ᭄ᬢᬶᬢ᭄ᬬᬗᬾᬧᬵᬢᬹᬢ᭄᭞ᬘᬦ᭄ᬤ᭄ᬭᬳᬰᬶᬄᬯᬸᬲ᭄ᬓᬱ᭄ᬝᬯᬶ᭞ᬫᬗᭀᬤᬕ᭄ᬭᬶᬂᬯᬦᬵᬦ᭄ᬢᬭ᭞ᬫᬗ᭄ᬭᬢᬸᬦᬶᬦ᭄ᬪᬸᬝᬪᬸᬝᬶ᭞ᬬᬢᬫᬭᬶᬂᬧᬭᬲᬢ᭄ᬯ᭞ᬗᬸᬦᬶᬗᬸᬦᬶᬢᬦ
ᬯᬦᬶ᭟᭗᭟ᬢᬶᬢ᭄ᬬᬂᬯ᭄ᬭᬸᬄᬲᬗ᭄ᬓᬦ᭄ᬭᬢᬸ᭞ᬳᬶᬤᬾᬯᬧᬸᬢ᭄ᬭᬦᬵᬭᬧᬢᬶ᭞ᬭᬢᬸᬭᬶᬂᬧᬸᬱ᭄ᬧᬦᬵᬕᬭ᭞ᬯᬤ᭄ᬯᬯᬶᬪᬸᬄᬢᬦ᭄ᬧᬢᬦ᭄ᬤᬶᬂ᭞ᬳᬭᬦᬶᬭᬲᬂᬢ᭄ᬭᬶᬕᬸᬡ᭞ᬳᬶᬩᬸᬦᬾᬤ᭄ᬬᬄᬰᬸᬓ᭄ᬮᬯᬢᬶ᭟᭘᭟ᬪᬶᬱᬾᬓᬦ᭄ᬭᬢᬸᬓᬯᬸᬯᬸᬲ᭄᭞ᬥ᭄ᬬᬄ
ᬉᬥ᭄ᬬᬢ᭄ᬫᬶᬓᬓᬱ᭄ᬝᬯᬶ᭞ᬬᬸᬱᬤᬸᬭᬸᬂᬢᬶᬕᬂᬯᬸᬮᬦ᭄᭞ᬓᬢᭂᬫ᭄ᬧᬸᬄᬫᬵᬭᬸᬣᬢᬭᬶᬓ᭄᭞ᬤᬾᬯᬳᬸᬕᬶᬓᬳᬩᬮᬂ᭞ᬭᬸᬦ᭄ᬢᬸᬄᬫᬭᬶᬂᬏᬦ᭄ᬤᭀᬂᬕᬶᬭᬶ᭟᭙᭟ᬫᬾᬦᬶᬚᬳᬾᬲᬓᬶᬂᬤᬸᬰᬸᬦ᭄᭞ᬳᬶᬧᬸᬦ᭄ᬲᬦᬾᬫᬫᬗ᭄ᬕᬶᬳᬶᬦ᭄ [ 16 ][᭑᭕ 15B]
᭑᭕
᭞ᬭᬶᬂᬕ᭄ᬦᬄᬳᬶᬤᬾᬯᬢᬶᬩᬵ᭞ᬦᬸᬚᬸᬳᬶᬧᬸᬦ᭄‌‌ᬗᬶᬧᬶᬮ᭄ᬳᬶᬧᬶᬮ᭄᭞ᬳᬲᬶᬄᬜᬦᬾᬓᬤᬳᬢᬦ᭄᭞ᬭᬶᬂᬭᬭᬾᬲ᭄ᬥᭂᬓ᭄ᬳᬦᬗᬶᬲ᭄᭟᭑᭐᭟ᬲᬵᬫ᭄ᬧᬸᬦ᭄ᬭᬢᬸᬤᬸᬭᬸᬲ᭄‌‌ᬲᭂᬡ᭄ᬥᬸ᭞ᬜᭂᬮ᭄ᬲᭂᬮ᭄ᬭᬕᬢᬦ᭄ᬧᬓᬾᬃᬣᬶ᭞ᬤ᭄ᬯᬦᬶᬂᬫᬹᬮᬢᬸ
ᬤᬸᬄᬳᬶᬤ᭞ᬲᬂᬳ᭄ᬬᬂᬯᬶᬥᬷᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬫᬧᬳᬶᬘᬲᬸᬓᬤᬸᬓ᭞ᬳᬦᬭᬶᬂᬯᬢᭂᬓ᭄ᬫᬳᬸᬭᬶᬧ᭄᭟᭑᭑᭟ᬯ᭄ᬬᬤᬶᬦ᭄ᬜᬳᬶᬚᬳᬾᬘᭂᬓᬸᬄ᭞ᬜᬦ᭄ᬤᬂᬧᬶᬲᬦ᭄ᬳᬶᬤᬲᬶᬯᬶ᭞ᬲᬳᬶᬳᬗ᭄ᬕᭀᬦ᭄ᬧᬦᭂᬫ᭄ᬩᬳᬦ᭄᭞ᬲᬸᬂᬲᬸᬂᬳᬶᬤᬲ᭄ᬬᬂ
ᬭᬢ᭄ᬭᬶ᭞ᬲᬂᬓᬮᬶᬄᬳᬸᬫᬢᬹᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬯᬦ᭄ᬢᬄᬢ᭄ᬮᬲ᭄ᬫᬗᬶᬭᬶᬂ᭟᭑᭒᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᬯᬸᬯᬸᬲ᭄᭞ᬢᬸᬫᬸᬲᬂᬲ᭄ᬯᬾᬘ᭄ᬙᬦᬾᬩᬶᬩᬶ᭞ᬢᬶᬢ᭄ᬬᬂᬓᬦ᭄ᬬᬢᬸᬦᬢᬸᬦ᭞ᬓᭂᬢᬸᬭᬶᬦ᭄ᬮᬓ᭄ᬱᬡᬧᬱ᭄ᬝᬶ᭞ᬫᬸᬓ᭄ᬬᬦᬶᬂᬫ
ᬗᭂᬫ᭄ᬧᬸᬭᬕ᭞ᬫᬜᬸᬲᬸᬧ᭄ᬭᬳᬶᬦᬯᭂᬗᬶ᭟᭑᭓᭟ᬲᬶᬭᬕᬡ᭄ᬥᬃᬯᬶᬲᬸᬫᬯᬸᬃ᭞ᬲᬵᬫ᭄ᬧᬸᬦ᭄ᬭᬢᬸᬯᬮᬂᬗ᭄ᬳᬵᬢᬶ᭞ᬦᬶᬓᬶᬲᬶᬫ᭄ᬲᬶᬫ᭄‌‌ᬢᬶᬢ᭄ᬬᬂᬩᬓ᭄ᬢ᭞ᬧᬗᬭᬤᬦ᭄ᬲᬃᬯᬰᬸᬘᬶ᭞ᬫᬸᬲ᭄ᬢᬶᬓᬦᬶᬂᬲᬃᬯ᭄ᬯᬭᬢ᭄ᬦᬵ᭞ᬮᬦ᭄ᬢᬭᬶ

[᭑᭖ 16A]
᭑᭖
ᬦ᭄ᬲᬃᬯ᭄ᬯᬯᬯᬗᬶ᭟᭑᭔᭟ᬬᬾᬦ᭄ᬳᬶᬤᬾᬯᬫᬗ᭄ᬕᬶᬄᬲᬸᬗ᭄ᬲᬸᬢ᭄᭞ᬲᬢᬶᬩᬵᬮᬓᬸᬦᬶᬂᬫᬃᬕ᭄ᬕᬶ᭞ᬳᬯᬢ᭄‌ᬢᬶᬢ᭄ᬬᬂᬭᬶᬂᬫᬸᬱ᭄ᬝᬶᬓ᭞ᬲᬓ᭄ᬱᬡᬢᬶᬢ᭄ᬬᬂᬗ᭄ᬭᬯᬸᬳᬶᬦ᭄᭞ᬯᬶᬕᬸᬡᬦᬶᬂᬢᬫ᭄ᬩᬓ᭄ᬩᬬ᭞ᬧᬶᬓ᭄ᬦᭀᬄᬜᬲᬵᬭᬶᬲᬵᬭᬶ᭟
᭑᭕᭟ᬫᬮᬶᬄᬳᬦᬧᬹᬡ᭄ᬬᬦ᭄ᬳᬶᬗ᭄ᬲᬸᬦ᭄᭞ᬲᬦ᭄ᬤᬶᬮᬝᬲᬫᬶᬍᬯᬶᬄ᭞ᬲᬲᬭᬶᬦᬶᬂᬫᬲᬶᬄᬇᬓ᭞ᬮᬝᬓᭀᬰᬮᬶᬧᬸᬦᬶᬓᬶ᭞ᬓᬜ᭄ᬘᬦ᭄ᬮᬭᬤᬤᬶᬯᬭᬲ᭄᭞ᬯ᭄ᬯᬾᬦ᭄ᬜᬵᬧᬶᬸᬇᬓᬧᬶᬲᬸᬓᬦᬶᬦ᭄᭟᭑᭖᭟ᬳᬚᬳᬶ
ᬤᬾᬯᬢᬦᬢᬸᬮᬸᬂ᭞ᬲᬵᬦᬦᬶᬂᬯᬢᭂᬓ᭄ᬫᬳᬸᬭᬶᬧ᭄᭞ᬲᬬᬂᬳᬰᬶᬄᬭᬶᬂᬲᬲᬫᬦ᭄᭞ᬳᬲᬶᬂᬓᬧᬗ᭄ᬕᬶᬄᬫᬭᬶᬂᬫᬃᬕᬶ᭞ᬤᬸᬄᬓᬳᬮᬓᬲᬗ᭄ᬲᬭᬦ᭄᭞ᬜᬦ᭄ᬤᬂᬤᬾᬯᬧᬗᬰᬶᬳᬶᬦ᭄᭟᭑᭗᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬧᬶᬢᬸᬢᬸᬃ᭞ᬲᬂᬭᬭᬳᬵ
ᬮᭀᬦ᭄‌‌ᬫᬦᬫ᭄ᬧᬶ᭞ᬫᬸᬱ᭄ᬝᬶᬓᬲᬵᬫ᭄ᬧᬸᬦ᭄ᬓᬯᬱ᭞ᬫ᭄ᬯᬄᬧᬤᬃᬢ᭄ᬣᬫᬓᬲᬫᬶ᭞ᬘᬦ᭄ᬤ᭄ᬭᬳᬰᬶᬄᬚᬶᬫ᭄‌ᬳᬦ᭄ᬢᬃᬮᬶᬡᬵ᭞ᬲᬂᬭᬭᬲᬫᬶᬫᬫᬃᬕ᭄ᬕᬶ᭞᭑᭘᭟ᬧᬹᬃᬯ᭄ᬯᬮᬫ᭄ᬧᬳᬾᬓᬯᬸᬯᬸᬲ᭄᭞ᬫᬫᬗ᭄ᬕᬶᬳᬶᬦ᭄‌‌ᬯ᭄ᬯᬂᬳᬓᬶᬗ᭄ᬓᬶᬂ᭞ᬳᬦ [ 17 ][᭑᭖ 16B]
᭑᭖
ᬓ᭄‌‌ᬢ᭄ᬭᬸᬡᬶᬧᬥᬾᬯᬾᬓᬦ᭄᭞ᬢᬦᬵᬧᬫᬦ᭄ᬢᬦᬵᬩᬶᬩᬶ᭞ᬯᬺᬲᬩᬦ᭄ᬜᬦᬾᬓᬕ᭄ᬭᬶᬗᬦ᭄᭞ᬲᬵᬫ᭄ᬧᬸᬦ᭄ᬫᬢᬶᬧᬶᬢᬸᬂᬲᬶᬓᬶ᭟᭑᭙᭟ᬰᬾᬱᬦ᭄ᬧ᭄ᬚᬄᬧᬸᬦᬶᬓᬸ᭞ᬯᬸᬮᬸᬂᬧᬲᬂᬓᬦ᭄ᬢᬸᬦ᭄ᬲᬓᬶᬢ᭄᭞ᬲᬂᬭᬭᬢ᭄ᬮᬲ᭄ᬓᬭᬹᬡ᭞
ᬳᬢᬢᬜᬲᬳᬫᬦᬶᬲ᭄᭞ᬳᬧᬓ᭄ᬭᬡᬦ᭄ᬓᬲᬸᬗ᭄ᬓᬯ᭞ᬜᭂᬮ᭄ᬲᭂᬮ᭄ᬭᬕᬧᬤᬶᬤᬶᬬᬶᬦ᭄᭟᭒᭐᭟ᬲᬂᬢᬶᬦᬓᬾᬦᬦ᭄ᬲᬸᬫᬯᬸᬃ᭞ᬫᬶᬤᬃᬣᬲᬗ᭄ᬓᬦ᭄ᬜᬲᭂᬤᬶᬄ᭞ᬧᬸᬢᬸᬂᬢᬶᬢ᭄ᬬᬂᬢᬦ᭄ᬧᬩ᭄ᬭᬬ᭞ᬭᬫᬳᬶᬩᬸᬫᬦᬶᬗ᭄ᬕᬮᬶᬦ᭄
᭞ᬦ᭄ᬤᬾᬯᬾᬓ᭄ᬢᬶᬢ᭄ᬬᬂᬭᬶᬂᬧᬓᬸᬩᭀᬦᬦ᭄᭞ᬓᬮᬸᬤᬦ᭄ᬲᬢᭀᬦᬾᬲᬓᬶᬢ᭄᭟᭒᭑᭟ᬧᬶᬢᬸᬂᬲᬶᬓᬶᬧ᭄ᬚᬄᬲᬵᬫ᭄ᬧᬸᬦ᭄᭞ᬮᬾᬤᬂᬭᬢᬸᬲ᭄ᬯᬾᬘ᭄ᬙᬫᬗ᭄ᬓᬶᬦ᭄᭞ᬫᬭᬶᬂᬢᬶᬢ᭄ᬬᬂᬦᬶᬮᬸᬄᬢᬩ᭄ᬬ᭞ᬓᬧᬭᬪᬶᬦ᭄ᬲᬓᬶᬂᬳᬮᬶᬢ᭄᭞ᬲ᭄ᬯᬾᬘ᭄ᬙ
ᬭᬢᬸᬫᬦᬶᬗ᭄ᬕᬭᬂ᭞ᬮᬶᬗ᭄ᬕᬦ᭄ᬭᬢᬸᬦᬾᬲᬸᬚᬵᬢᬶ᭟᭒᭒᭟ᬦᬸᬮ᭄ᬬᬜᬯᬶᬲ᭄ᬳᬢᬹᬃᬳᬶᬧᬸᬦ᭄᭞ᬲᬳᬕᬸᬬᬸᬳᬭᬹᬫᬦᬶᬲ᭄᭞ᬫᬫᬶᬦᬫᬵᬉᬥ᭄ᬬᬢ᭄ᬫᬶᬓ᭞ᬧᬭᬳᬶᬜᬦᬾᬓᬓᬮᬶᬄ᭞ᬇᬭᬶᬓᬳᬶᬤᬫᬄᬩᬳᬂ᭞ᬲᬸᬓᬵ

[᭑᭗ 17A]
᭑᭗
ᬤᬸᬓᬲᬓᬶᬂᬗᬹᬦᬶ᭟᭒᭓᭟ᬲᬵᬫ᭄ᬧᬸᬦ᭄ᬲᬫᬶᬯᬸᬲ᭄ᬫᬢᬸᬢᬸᬃ᭞ᬯᬺᬲᬪᬦᬾᬓᬢᬸᬮᬸᬗᬶᬦ᭄᭞ᬲᬡ᭄ᬥᬶᬮᬝᬓᬢᬶᬩᬓᬂ᭞ᬯᬾᬦ᭄ᬜᬦᬾᬓᬧᬓᬶᬦᬸᬫᬶᬦ᭄᭞ᬲᬢᭀᬦ᭄ᬜᬦᬾᬲᬫᬶᬕᭂᬜ᭄ᬘᬂ᭞ᬢᬦᬵᬦᬓᬦ᭄ᬢᬸᬦ᭄ᬲᬓᬶᬢ᭄᭟
᭒᭔᭟ᬭᬵᬤᬾᬦ᭄ᬤᬾᬯᬶᬫᬢᬸᬢᬸᬃ᭞ᬳᬸᬤᬸᬄᬢᬩ᭄ᬬᬦᬦᬾᬚᬦᬶ᭞ᬦᬶᬭᬓᬾᬲᬄᬫᬗ᭄ᬮᬮᬦ᭞ᬤᬶᬦᬶᬳᬤᬶᬳᬧᬂᬩ᭄ᬘᬶᬓ᭄᭞ᬭᬭᬧᬦᬾᬢ᭄ᬯᬄᬫᬜᬤ᭄ᬫ᭞ᬢ᭄ᬯᬄᬘᬢᬸᬃᬩ᭄ᬓᭂᬮᬾᬧᬱ᭄ᬝᬶ᭟᭒᭕᭟ᬧᬸᬦᬶᬓᬢᭂᬫ᭄ᬯᬂᬲᬢᬸᬯᬸᬓ᭄
᭞ᬲᬸᬓᬤᬸᬓᬮᬭᬧᬢᬶ᭞ᬳᬡ᭄ᬥᬾᬬᬂᬯ᭄ᬯᭀᬂᬳᬤᬥᬮᬦ᭄᭞ᬲᬧᬜ᭄ᬚᬂᬧᬜ᭄ᬚᬗᬶᬂᬫᬃᬕᬶ᭞ᬧᬦᭂᬲ᭄ᬢᬶᬲ᭄‌‌ᬦᭀᬭᬵᬦᬧᬲᬄ᭞ᬢᬦ᭄ᬓᭂᬦᬾᬂᬧᬘᬂᬮᬾᬫ᭄ᬧᬲᬶᬦ᭄᭟᭒᭖᭟ᬮᬸᬄᬢᬩ᭄ᬬᬦᭂᬫ᭄ᬩᬄᬳᬸᬫᬵᬢᬹᬃ᭞ᬗᬶᬭᬶᬂᬢᬶᬢ᭄ᬬᬂ
ᬭᬢᬸᬫᬗ᭄ᬓᬶᬦ᭄᭞ᬜᬯᬶᬢᬗᬢᬹᬭᬂᬚᬷᬯ᭞ᬲᬢᬶᬩᬵᬮᬫ᭄ᬧᬄᬲᬳᬶᬭᬶᬂ᭞ᬢᬦᬾᬮᬶᬓ᭄ᬭᬶᬂᬭᬚᬩ᭄ᬭᬡ᭞ᬮᬰ᭄ᬘᬃᬬ᭄ᬬᬢᬶᬢ᭄ᬬᬂᬫᬶᬲᬶᬗ᭄ᬕᬶᬄ᭟᭒᭗᭟ᬲᬂᬘᬢᬸᬃᬫᬗ᭄ᬓᬶᬦ᭄ᬮᬸᬫᬓᬸ᭞ᬲᬢᬢᬗᬸᬗ᭄ᬕᬳᬶᬦ᭄ᬳᬤ᭄ᬭᬶ᭞ᬲᬕᬾᬢ᭄ᬫᬗ᭄ᬕᬶᬄ [ 18 ][᭑᭗ 17B]
᭑᭗
ᬧᬧᭀᬦ᭄ᬥᭀᬓᬦ᭄᭞ᬳᬬᬫ᭄ᬜᬓᭂᬦᬧᬜᬓᬶᬢ᭄᭞ᬳᬶᬭᬶᬓᬳᬶᬤᬓᬲᬗ᭄ᬕ᭄ᬭ᭞ᬤᬾᬲᬂᬦᬡ᭄ᬥᬂᬓᬧ᭄ᬭᬶᬳᬢᬶᬦ᭄᭟᭒᭘᭟ᬯᬘᬦᬦᬶᬤᬲᬂᬳᬬᬸ᭞ᬳᬸᬤᬸᬄᬓᬓᬶᬗᬸᬤᬲᭂᬤᬶᬄ᭞ᬳᬧᬲᬗ᭄ᬓᬦᬾᬤᬸᬄᬓᬶᬢ᭞ᬯ᭄ᬯᬂᬢ᭄ᬯᬳᬕᬾᬜᬯᬸ
ᬭᬶᬦ᭄᭞ᬳᬬᬫ᭄ᬢᬶᬢ᭄ᬬᬂᬳᬓ᭄ᬯᬾᬄᬧ᭄ᬚᬄ᭞ᬓᬝᬄᬲᬦᬾᬓᬦ᭄ᬢᬸᬦ᭄ᬲᬓᬶᬢ᭄᭟᭒᭙᭟ᬤᬸᬭᬸᬂᬧᬶᬲᬦ᭄‌‌ᬢᬶᬢ᭄ᬬᬂᬧᬯ᭄ᬭᬸᬄ᭞ᬲᬧᬲᬶᬭᬲᬂᬳᬬᬸᬍᬯᬶᬄ᭞ᬤᬳᬢ᭄ᬓᬯᭀᬢ᭄ᬭᬶᬂᬲ᭄ᬯᬪᬵᬯ᭞ᬲᬓᬶᬂᬳᭂᬡ᭄ᬥᬶᬲᬗ᭄ᬓᬦ᭄ᬧ᭄ᬭᬧ᭄ᬢᬶ᭞ᬫᬭᬫ
ᬭᬶᬂᬰᬹᬦ᭄ᬬᬤᬾᬰ᭞ᬲᬫᬶᬧᬥᬢ᭄ᬭᬸᬡᬢ᭄ᬭᬸᬡᬶ᭟᭓᭐᭟ᬢᬸᬳᬸᬓᬫᬶᬧᬭᬯᬥᬸ᭞ᬫᬗ᭄ᬮᬮᬦᬭᬶᬂᬯᬦᬵᬤ᭄ᬭᬶ᭞ᬢᬦᬯ᭄ᬭᬸᬄᬭᬶᬂᬓᬮᬶᬗᬦ᭄᭞ᬫᬳᬶᬤ᭄ᬭᬦ᭄ᬮᭂᬫᬄᬯ᭄ᬗᬶ᭞ᬜᬥ᭄ᬬᬦᬸᬮᬸᬂᬓᬜ᭄ᬘᬦ᭄‌‌ᬥᬸᬄᬓᬶᬢ᭞ᬬᬤ᭄ᬬᬦ᭄ᬮᭂᬲᬸ
ᬢᬦᬵᬕᬶᬗ᭄ᬲᬶᬃ᭟᭓᭑᭟ᬮᬫᬸᬦ᭄ᬲᬸᬩᬫᬗ᭄ᬕᬸᬄᬳᬬᬸ᭞ᬲᬳᬦᬦᬶᬂᬦᬾᬫᬳᬸᬭᬶᬧ᭄᭞ᬧᬸᬦᬶᬓᬲᬥ᭄ᬬᬬᬂᬢᬶᬢ᭄ᬬᬂ᭞ᬯ᭄ᬯᬗᬢ᭄ᬯᬳᬯᭀᬢ᭄ᬲᬵᬭᬷ᭞ᬮᬾᬤᬂᬤᬾᬯᬫᬲ᭄ᬯᬾᬘ᭄ᬙ᭞ᬭᬶᬂᬓᬳᬸᬮᬮᬶᬦ᭄ᬢᬂᬫᬶᬲ᭄ᬓᬶᬦ᭄᭟᭓᭒

[᭑᭘ 18A]
᭑᭘
᭟ᬲᬂᬳᬬᬸᬳᬕ᭄ᬮᬶᬲ᭄ᬫᬦᬸᬮᬸᬂ᭞ᬳᬬᬫ᭄ᬜᬦᬾᬓᬢᬫ᭄ᬩᬦᬶᬦ᭄᭞ᬳᬦ᭄ᬢᬸᬓ᭄ᬢᭀᬬᬲᬡ᭄ᬥᬶᬮᬝ᭞ᬲᬢᬯᬭᬲ᭄ᬫᬓᬲᬫᬶ᭞ᬲᬂᬤ᭄ᬬᬄᬳᬲᬸᬂᬦᬸᬕ᭄ᬭᬳ᭞ᬫᬗ᭄ᬤᬲᬵᬫ᭄ᬧᬸᬦ᭄ᬫᬮᬶᬄᬲᬓᬶᬢ᭄᭟᭓᭓᭟ᬳᬶᬗᭀᬦ᭄ᬳᬶᬗᭀᬦᬾᬓ
ᬧᬸᬗ᭄ᬓᬸᬃ᭞ᬲᬓᬶᬂᬫᬗ᭄ᬓᬾᬧᬓᬓᬲᬶᬦ᭄᭞ᬮᬸᬳᬸᬦ᭄ᬧ᭄ᬓᭂᬦ᭄‌‌ᬮᬸᬳᬸᬦ᭄ᬚᬮᬦ᭄᭞ᬦᬶᬓᬧᬸᬡ᭄ᬥᬸᬢ᭄ᬬᬵᬳᬯᭀᬭᬶᬦ᭄᭞ᬩᬷᬚᬓᬸᬦᬶᬂᬫᬶᬯᬄᬲᬫ᭄ᬲᬫ᭄᭞ᬲᭂᬫ᭄ᬩᬃᬓᬓᬶᬳᬦ᭄ᬢᬸᬓ᭄ᬫᬰ᭄ᬯᬶ᭟᭓᭔᭟ᬦᬶᬓᬤᬤᭀᬲᬂᬳᬲᬸᬦ᭄ᬥᬸᬂ᭞ᬳ
ᬲ᭄ᬢᬯᬳᬶᬤᬳ᭄ᬬᬂᬰ᭄ᬭᬷ᭞ᬪᬱ᭄ᬝᬦᬭᬶᬂᬓᬡ᭄ᬥᬂᬳᬬᬫ᭄᭞ᬲᬗᬶᬦᬸᬚᬭᬦ᭄‌ᬫᬶᬂᬲᬶᬗ᭄ᬕᬶᬄ᭞ᬲᬂᬤ᭄ᬬᬄᬭᬭᬭᬭᬶᬲ᭄ᬢᬾᬤᬄ᭞ᬫᬗ᭄ᬕᬸᬄᬢᬫᬦ᭄‌‌ᬲᭀᬭᬶᬂᬳᬤ᭄ᬭᬶ᭟᭓᭕᭟ᬫᬲᬲᬜ᭄ᬚᬦ᭄ᬳᬶᬤᬤᬶᬢᬸ᭞ᬳᬶᬭᬶᬓᬫᬓᭀᬍᬫ᭄ᬲᬫᬶ᭞ᬏ
ᬜ᭄ᬚᬂᬏᬲᬸᬓ᭄‌‌ᬫᬸᬧᬸᬓᭂᬫ᭄ᬩᬂ᭞ᬉᬤ᭄ᬬᬵᬦᬓᭀᬘᬧ᭄ᬢᬦ᭄‌‌ᬯᬺᬥᬶ᭞ᬭᬡᬸᬦ᭄ᬜᬓᬲᬢᬦ᭄ᬢᭀᬬ᭞ᬓᭂᬫ᭄ᬩᬗᬾᬢᬦᬫᬫᬹᬓ᭄ᬢᬶ᭟᭓᭖᭟ᬓᬕᬾᬢ᭄‌ᬢ᭄ᬓᬲᬂᬫᬗ᭄ᬯᬗᬸᬦ᭄᭞ᬫᬜᭂᬲᭂᬤ᭄‌ᬧ᭄ᬦᭂᬤ᭄ᬦᬓᭀᬦᬶᬦ᭄᭞ᬳᬾᬲᬧᬲᬶ [ 19 ][᭑᭘ 18B]
᭑᭘
ᬭᬓᭀᬲᬧ᭞ᬲᬂᬳᬬᬸᬦᬗ᭄ᬕᬮ᭄‌‌ᬜᬯᬸᬭᬶᬦ᭄᭞ᬉᬤ᭄ᬬᬵᬢ᭄ᬫᬶᬓᬫᬓᬦᬵᬫ᭞ᬧᬸᬢ᭄ᬭᬦ᭄ᬳᬶᬤᬪᬵᬝᬭᬶᬰ᭄ᬭᬷ᭟᭓᭗᭟ᬫᬦᬶᬭᬫᬘᬂᬓᬸᬮᬗᬸᬦ᭄᭞ᬫᬳᬬᬸᬯᬢᭂᬓ᭄ᬫᬉᬭᬶᬧ᭄᭞ᬦᬶᬓᬶᬲᬧᬗ᭄ᬯᬗᬸᬦ᭄ᬢᬫᬦ᭄᭞ᬯᬯᬗᬸᬦᬾᬓᬶᬭᬂ
ᬳᬰ᭄ᬭᬷ᭞ᬫ᭄ᬯᬂᬭᬡᬦᬾᬢᬦ᭄ᬧᬢᭀᬬ᭞ᬨᬮᬯᬷᬚᬤᬸᬤᬸᬢ᭄ᬲᬫᬶ‌᭟᭓᭘᭟ᬦᬵᬫᬦ᭄ᬢᬶᬢ᭄ᬬᬂᬕ᭄ᬥᬾᬢᬸᬮᬸᬲ᭄᭞ᬮᬪᬦ᭄ᬢᬶᬢ᭄ᬬᬗᬾᬲᬯᬯᬶ᭞ᬪᬓ᭄ᬢ᭄ᬬᬂᬢᬶᬢ᭄ᬬᬂᬦᬾᬲᬢᬢ᭞ᬢᬦᬲᬦ᭄ᬤᬂᬭᬶᬂᬳᬦᬓ᭄ᬩᬶ᭞ᬓᬭᬸᬡ᭄ᬬᬳᬶᬤᬲᬂᬭᬭ᭞ᬯᬗᬸ
ᬦᬾᬢᬦ᭄ᬧᬓᬾᬃᬣᬶ᭟᭓᭙᭟ᬲᬗ᭄ᬕᬃᬢᬯᬂᬯᬗᬸᬦ᭄ᬤᬶᬢᬸ᭞ᬩᬦ᭄ᬢᭂᬦ᭄‌‌ᬘᬦᬂᬩᬸᬭᭀᬢ᭄ᬯᬗᬶ᭞ᬧᬹᬃᬡ᭄ᬦᬫᬢᬶᬍᬫᬾᬢᬸᬚᬸᬯᬂ᭞ᬗᬲ᭄ᬢᬯᬳᬶᬤᬳ᭄ᬬᬂᬰ᭄ᬭᬷ᭞ᬧᬫᬸᬘᬸᬦ᭄ᬢᬫᬦᬾᬩ᭄ᬯᬢᬂ᭞ᬢᬭᬸᬏᬦ᭄ᬤᭀᬂᬬᬢᬦ᭄ᬤᬸᬭᬶᬦ᭄᭟᭔᭐᭟ᬕ᭄ᬥᬾᬢᬸ
ᬮᬸᬲ᭄ᬫᬧᬶᬢᬸᬭᬸᬢ᭄᭞ᬢᬫᬦᬾᬦᬸᬮ᭄ᬬᬯᬺᬤ᭄ᬥᬶ᭞ᬢᬦᬵᬓᬶᬭᬂᬲᬦ᭄ᬤᬂᬧᬗᬦ᭄᭞ᬫᬓᭀᬮᬶᬳᬂᬲᬵᬭᬶᬲᬵᬭᬶ᭞ᬲᬂᬤ᭄ᬬᬄᬮᬸᬫᬓᬸᬫᬗᬾᬢᬦ᭄᭞ᬚᬸᬫᬸᬚᬸᬕ᭄ᬭᬶᬂᬏᬦ᭄ᬥᭀᬂᬲᬵᬭᬷ᭟᭔᭑᭟ᬫᬾᬦ᭄ᬩᬮᬸᬫᬗ᭄ᬓᬶᬦ᭄‌‌ᬓᬯᬸᬯᬸᬲ᭄᭞

[᭑᭙ 19A]
᭑᭙
ᬮᬓᬶᬦ᭄ᬜᬦᬾᬫᬗ᭄ᬫᬲᬶᬦ᭄᭞ᬫᬢᬶᬗ᭄ᬕᬮᬦ᭄‌ᬓ᭄ᬯᬾᬄᬓᬲᬸᬓᬦ᭄᭞ᬓᬹᬧᬓᬵᬭᬭᬶᬂᬦᬾᬇᬲ᭄ᬢ᭄ᬭᬶ᭞ᬜᬫᬩ᭄ᬭᬬᬧᬥᬯᭀᬮᬲ᭄᭞ᬭᬶᬂᬤᬾᬰᬏᬦ᭄ᬥᭀᬂᬲᬭᬷ᭟᭔᭒᭟ᬫᬧ᭄ᬗᭃᬩ᭄ᬭᬲ᭄ᬦᬸᬫ᭄ᬩᬲ᭄ᬧᬦ᭄ᬢᬸᬦ᭄᭞ᬫᬾᬦ᭄ᬩᬮᬸᬓᬕᬾᬢ᭄ᬗᭂᬢᭀᬦᬶ
ᬦ᭄᭞ᬧᬭᬶᬦ᭄ᬜᬦᬾᬢ᭄ᬮᬲ᭄‌ᬩᬸᬩᬸᬓᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬦᬗᬶᬲ᭄᭞ᬭᬵᬤᬾᬦ᭄ᬥᬾᬯᬶᬭᬭᬶᬲ᭄ᬧ᭄ᬭᬧ᭄ᬢᬵ᭞ᬳᬢᬢᬜᬭᬶᬂᬲᬂᬲ᭄ᬥᬶᬄ᭟᭔᭓᭟ᬳᬦᬗ᭄ᬕᬮ᭄ᬫᬾᬦ᭄ᬩᬮᬸᬫᬵᬢᬹᬃ᭞ᬲᬧᬲᬶᬭᬤᬾᬯᬧ᭄ᬭᬧ᭄ᬢᬶ᭞ᬫᬗ᭄ᬤᬲᬫ᭄ᬧᬸᬦ᭄ᬲᬮᬄᬪᬵ
ᬱᬵ᭞ᬫᬗ᭄ᬭᬯᬸᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬭᬳᬶᬜᬫᬜᬶᬳ᭄ᬦᬬᬂ᭞ᬧᬸᬦᬶᬓᬶᬯ᭄ᬓᬦ᭄ᬤᬾᬯᬶᬰ᭄ᬭᬷ᭟᭔᭔᭟ᬚᬵᬢᬶᬫᬾᬫᬾᬯᬦ᭄ᬢᬄᬧᬵᬢᬹᬢ᭄᭞ᬉᬥ᭄ᬬᬢ᭄ᬫᬶᬓᬫᬓᬦᬵᬫᬶ᭞ᬫᬦᬶᬭᬗᬸᬩᭂᬗᬶᬂᬚᬕᬢ᭄᭞ᬓᬳᬸᬢᬸᬲ᭄ᬫᬳᬬᬸᬪᬸᬫᬶ
ᬫᬾᬦ᭄ᬩᬮᬸᬭᬭᬶᬲ᭄‌‌ᬫᬜᬫ᭄ᬩ᭄ᬭᬫᬵ᭞ᬭᬶᬂᬲᬂᬭᬭᬲᬳᬵᬪᬓ᭄ᬢᬶ᭟᭔᭕᭟ᬲᬃᬯ᭄ᬯᬫᬸᬮᬿᬫᬡᬶᬓ᭄ᬢᬢᬸᬃ᭞ᬗ᭄ᬓᬵᬦ᭄ᬫᬚᬃᬳᬚᬃᬳᬲ᭄ᬢᬶᬢᬶ᭞ᬲᬓᬶᬂᬧᬹᬃᬯ᭄ᬯᬓᬢᬢ᭄ᬯᬬᬂ᭞ᬫᬾᬫᬾᬳᬬ᭄ᬯᬓᬶᬢᬓᬶᬗ᭄ᬓᬶᬂ᭞ᬳᬗ᭄ᬕᬾᬦ᭄ᬧᬓᬾᬮᬶᬗᬶᬂᬫᬦᬄ [ 20 ][᭑᭙ 19B]
᭑᭙
ᬧᬶᬲᬸᬓᬦᬶᬦ᭄‌‌ᬢ᭄ᬭᬸᬡᬢ᭄ᬭᬸᬡᬷ᭞᭔᭖᭟ᬬᬦ᭄ᬗᬢᬸᬚᬸᬗᬫ᭄ᬩᬶᬮ᭄ᬧᬦ᭄ᬢᬸᬦ᭄᭞ᬳᬚᬦᬸᬚᬸᬓᬚᭂᬂᬫᬦᬶᬲ᭄᭞ᬳᬾᬮᬶᬂᬫᬾᬫᬾᬧᬂᬲᬢᬢ᭞ᬤᬾᬯᬶᬰ᭄ᬭᬷᬳᬘᭂᬧᬂᬲᬳᬶ᭞ᬘᬦᬂᬳᬲᭂᬧᬾᬳᬸᬗ᭄ᬕᬳᬂ᭞ᬫᬭᬶᬂᬮᬸᬫ᭄ᬩᬸᬂᬳᬧᬂᬳᬶᬦᬶᬄ᭟᭔᭗᭟
ᬫᬜᬶᬫ᭄ᬧᭂᬦ᭄‌‌ᬩ᭄ᬭᬲ᭄ᬭᬶᬂᬧᬸᬮᬸ᭞ᬢᬍᬃᬳᬧᬂᬫᬾᬫᬾᬳᬾᬮᬶᬂ᭞ᬢᬦᬯ᭄ᬦᬂᬳᬯᭀᬭᬶᬦ᭄‌‌ᬮ᭄ᬬᬦᬦ᭄᭞ᬳᬧᬂᬳ᭄ᬤᬩᬸᬩᬸᬓᬾᬗᬮᬶᬄ᭞ᬧᬂᬲ᭄ᬯᬾᬘ᭄ᬙᬳᬶᬤᬪᬝᬭ᭞ᬓᬾᬢᭀᬓ᭄ᬭᬡᬦᬾᬫᬲᬵᬭᬶ᭟᭔᭘᭟ᬬᬾᬦᬶᬂᬫᬦᭀ
ᬕ᭄ᬢᭀᬕᬂᬲᬗᬸ᭞ᬭᬶᬓᬵᬮᬦᬾᬦᬸᬚᬸᬏᬜ᭄ᬚᬶᬂ᭞ᬦᬲᬶᬤᬶᬗᬶᬦᬾᬧᬸᬦᬶᬓ᭞ᬲᬦᬾᬳᬂᬤᬸᬫᬸᬦ᭄ᬯᬤᬳᬶᬦ᭄᭞ᬓᭀᬯᭀᬲ᭄ᬩᭀᬭᭀᬲ᭄‌ᬓᭀᬚᬭᬦ᭄ᬜᬵ᭞ᬫᭂᬗ᭄ᬕᬄᬳᬶᬤᬪᬝᬭᬶᬰ᭄ᬭᬷ᭞᭔᭙᭟ᬬᬤ᭄ᬬᬧᬶᬦ᭄ᬩᬸᬓ᭄‌‌ᬗᬍᬲᬸᬂ᭞ᬜ
ᬓᬧ᭄ᬗᬯᬾᬩᬸᬓᬚᬦᬶ᭞ᬓᬤᬶᬫᬾᬫᬾᬗᬸᬧᬤᬾᬰ᭞ᬳᬧᬂᬫᬲᬹᬃᬬ᭄ᬬᬲᬂᬳ᭄ᬬᬂᬰ᭄ᬭᬷ᭞ᬫᬕᬕᭀᬜ᭄ᬚᬓᬦ᭄ᬫᬗᭀᬜ᭄ᬘᬂ᭞ᬧᬸᬦᬶᬓᬗ᭄ᬮᬦ᭄ᬢᬸᬭᬶᬦ᭄ᬳᬶᬦᬶᬄ᭟᭕᭐᭟ᬫᬾᬦ᭄ᬩᬮᬸᬫᬦᭂᬫ᭄ᬩᬄᬫᬵᬢᬹᬃ᭞ᬢᬶᬢ᭄ᬬᬂᬜᬸᬯᬸᬦ᭄ᬲᬓᬶᬂᬫᬗ᭄ᬓᬶᬦ᭄

[᭒᭐ 20A]
᭒᭐
᭞ᬧᬲ᭄ᬯᬾᬘ᭄ᬙᬦ᭄ᬭᬢᬸᬭᬶᬂᬢᬶᬢ᭄ᬬᬂ᭞ᬲᬂᬳᬬᬸᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬳᬘᬶᬢᬬᬦᬶᬃᬫ᭄ᬫᬮ᭞ᬓᬦ᭄ᬢᬸᬦ᭄ᬫᬾᬫᬾᬳᬧᬂᬩ᭄ᬘᬶᬓ᭄᭟᭕᭑᭟ᬢᬦ᭄ᬯᬃᬡ᭄ᬦᬦᭂᬦ᭄ᬳᬦᬭᬶᬂᬳ᭄ᬦᬸ᭞ᬓᬕ᭄ᬦᬾᬬᬦ᭄‌‌ᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ᬥᬗᬸᬳᬶᬤᬫᬭᬶᬂᬳᬮᬲ᭄᭞ᬓᬵ
ᬘᬸᬡ᭄ᬥᬸᬓ᭄ᬢᬫᬦ᭄ᬳᬯᬺᬤ᭄ᬥᬶ᭞ᬓᬪᬷᬦᬯᬅᬮ᭄ᬧᬲᬭ᭞ᬯᬗᬸᬦᬦ᭄ᬥᬸᬓᬸᬄᬲᬸᬥᬃᬫ᭄ᬫᬶ᭟᭕᭒᭟ᬚ᭄ᬭᭀᬥᬸᬓᬸᬄᬧᬺᬮᬶᬡᬲᬵᬫ᭄ᬧᬸᬦ᭄᭞ᬓᬦ᭄ᬢᬸᬦ᭄ᬧᬜ᭄ᬚ᭄ᬭᭀᬯᬦ᭄ᬤᬲᬶᬓᬶ᭞ᬫᬗ᭄ᬫᬶᬢ᭄‌‌ᬉᬤ᭄ᬬᬦᬇᬓ᭞ᬲ᭄ᬮᬶᬤ᭄ᬲᭀᬭᬾᬫ
ᬗᬺᬲ᭄ᬬᬓᬶᬦ᭄᭞ᬦᭀᬭᬳᬦᬯ᭄ᬯᬂᬯᬦᬾᬳᬦ᭄᭞ᬫᬾᬦ᭄ᬧᬸᬘᬸᬂᬫᬦᬸᬚᬸᬏᬜ᭄ᬚᬶᬂ᭟᭐᭚ᬧᬸᬧᬸᬄᬧᬸᬘᬸᬂ᭚᭑᭟ᬫᬾᬫᬾᬧᬸᬘᬸᬂ᭞ᬧᬲ᭄ᬫᭂᬗᬦ᭄ᬮᬸᬗ᭄ᬳᬵᬫᬜ᭄ᬚᬸᬲ᭄᭞ᬳᬦᬭᬶᬂᬧᬜ᭄ᬘᭀᬭᬦ᭄᭞ᬦᬾᬂᬢᬾᬂᬩ᭄ᬭᬸᬓ᭄ᬓᬓ
ᬮᬶᬄ᭞ᬇᬫᬂᬫᬵᬦ᭄ᬢᬸᬓ᭄᭞ᬓᬧᭀᬦ᭄ᬤᭀᬓ᭄ᬜᬦᬾᬫ᭄ᬭᬢᭂᬗᬦ᭄᭟᭒᭟ᬦ᭄ᬤᬦ᭄ᬓᬯᬸᬯᬸᬲ᭄᭞ᬧ᭄ᬭᬧ᭄ᬢᬲᬂᬘᬢᬸᬃᬧᬸᬦᬶᬓᬸ᭞ᬚᬸᬫᭀᬚᭀᬕ᭄ᬭᬶᬂᬳᬫᬦ᭄᭞ᬫᭂᬢᬶᬓ᭄ᬲᬦ᭄ᬢᬸᬦ᭄ᬫᬓᬲᬫᬶ᭞ᬲᬃᬯ᭄ᬯᬶᬗᬶᬤᬸᬂ᭞ᬫᬸᬜᬶᬫᬦᬶᬲ᭄ [ 21 ][᭒᭐ 20B]
᭒᭐
ᬲ᭄ᬮᬕ᭄ᬩᬩᬲᬦ᭄᭟᭓᭟ᬲᬃᬯ᭄ᬯᬶᬳᬢᬸᬩ᭄᭞ᬲᬾᬲᬶᬦᬶᬂᬢᬫᬦ᭄ᬧᬸᬦᬶᬓᬸ᭞ᬯᬗᬶᬦᬾᬓᬮᬶᬦ᭄ᬢᬂ᭞ᬓᬢᭂᬫ᭄ᬧᬸᬄᬫᬵᬭᬸᬣᬳᬭᬶᬲ᭄᭞ᬢᬸᬃᬫᬋᬩᬸᬓ᭄᭞ᬕᬦ᭄ᬤᬦᬶᬂᬧᬸᬱ᭄ᬧᬵᬦᬗ᭄ᬓᬦ᭟᭔᭟ᬢᬸᬜ᭄ᬚᬸᬂᬪᬶᬭᬸ᭞ᬳᬶᬋᬂᬳ
ᬩᬂᬓᬜ᭄ᬘᬦᬶᬧᬸᬦ᭄᭞ᬧᬶᬝᬧᬸᬝᬦᬶᬮ᭞ᬫᬜ᭄ᬘᬯᬃᬡ᭄ᬦᬦᬾᬳᬲᬶᬓᬶ᭞ᬗᬭᬭᬦ᭄ᬢᬸᬦ᭄᭞ᬲᬗᬬᬸᬫᬓᬩᬾᬄᬳᬦ᭄᭟᭕᭟ᬧᬹᬃᬡ᭄ᬦᬵᬦᬸᬮᬸᬲ᭄᭞ᬲᬫ᭄ᬬᬦᭀᬦ᭄ᬢᭀᬦ᭄ᬳᬮ᭄ᬨᬲᬦ᭄ᬢᬸᬦ᭄᭞ᬢᬭᬸᬦᬕᬧᬸᬱ᭄ᬧ᭞
ᬭᬸᬤᬶᬢᬯᬃᬱᬶᬓᬶᬫᬮᬶᬄ᭞ᬧᬦ᭄ᬤᬦ᭄ᬳᬭᬹᬫ᭄᭞ᬓᬾᬝᬵᬓᬶᬫᬶᬯᬄᬧᬤᬧ᭟᭖᭟ᬲᬦ᭄ᬤᬢ᭄ᬕᬤᬸᬂ᭞ᬲᬫᬶᬦᭂᬥᭂᬂᬲ᭄ᬓᬃᬳᬶᬧᬸᬦ᭄᭞ᬫᬶᬯᬄᬢᬭᬸᬭᬸᬓ᭄ᬫ᭞ᬓᬹᬗ᭄ᬓᬸᬮᬦ᭄ᬢᬗ᭄ᬕᬸᬮᬶᬕᭂᬡ᭄ᬥᬶᬂ᭞ᬳᬗ᭄ᬕ᭄ᬭᬾᬓ᭄ᬳᬭᬹᬫ᭄᭞ᬯᬃᬡ᭄ᬦᬶᬯᬃᬡ᭄ᬦᬶ
ᬲᬫᬶᬫᭂᬓᬃ᭟᭗᭟ᬲ᭄ᬭᭀᬚᬫᬶᬮᬸ᭞ᬲ᭄ᬓᬃᬕᬫ᭄ᬩᬶᬃᬓᬮᬯᬦ᭄ᬫᭂᬦᬸᬄ᭞ᬜᬦ᭄ᬤᬶᬂᬯᬮᬶᬧ᭄ᬭᬶᬬ᭞ᬢᬶᬕᬭᭀᬦ᭄‌‌ᬫ᭄ᬯᬂᬘᬦᬶᬕᬭᬶ᭞ᬯᬭᬶᬩᬂᬳᬶᬧᬸᬦ᭄᭞ᬫᬢᬢᬲᬫᬶᬫᬯᬃᬡ᭄ᬦᬵ᭟᭘᭟ᬧᬘᬃᬳᬶᬧᬸᬦ᭄᭞ᬤ᭄ᬮᬶᬫᬯᬵ

[᭒᭑ 21A]
᭒᭑
ᬦ᭄ᬢᬳᬭᬹᬫ᭄ᬥᬮᬸ᭞ᬓᬲᬦ᭄ᬤᬶᬂᬭᬶᬚᬱ᭞ᬮᬶᬃᬕᬶᬮᭀᬢᬭᬸᬓᬫᭀᬦᬶᬂ᭞ᬢ᭄ᬮᭂᬂᬪᬶᬭᬸ᭞ᬓᬜᬾᬭᬶᬮᬦ᭄ᬓᬫ᭄ᬭᬓᬦ᭄᭟᭙᭟ᬢᬶᬕᬓᬜ᭄ᬘᬸ᭞ᬲᬸᬗᬾᬗᬾᬦᬾᬦᭂᬥᭂᬂᬤᬶᬢᬸ᭞ᬮᬦ᭄ᬧᬮᬶᬢ᭄‌‌ᬲ᭄ᬥᬗᬦ᭄᭞ᬗᬮᬶᬮᬶᬢ᭄ᬳᬶᬓᭂᬫ᭄ᬩᬂ
ᬓᬸᬦᬶᬂ᭞ᬕᬸᬫᬶᬢᬶᬃᬳᬶᬧᬸᬦ᭄᭞ᬳᬢᬢᬫᬭᬶᬂᬓᬦ᭟᭑᭐᭟ᬲᬫᬶᬫᬸᬗ᭄ᬕᬸᬄ᭞ᬭᬶᬂᬢ᭄ᬧᬶᬦᬶᬂᬭᬡᬸᬗ᭄ᬳᬓᬸ᭞ᬫᬶᬦᬦᬶᬂᬉᬤ᭄ᬬᬦ᭞ᬳᬶᬯᬓ᭄ᬩᬦ᭄ᬥᭂᬂᬮᬦ᭄ᬕᬸᬭᬫᬶ᭞ᬳᬸᬭᬂᬳᬶᬧᬸᬦ᭄᭞ᬤ᭄ᬮᭂᬕ᭄ᬜᬦᬾᬫᬗᬸᬫ᭄ᬩᬂ᭟᭑᭑᭟ᬳᬸᬧᬫ᭄ᬬᬂᬜᬸᬗ᭄ᬲᬸᬂ᭞ᬲᬂᬗ
ᬫᬘᬂᬓᬸᬮᬗᬸᬦ᭄᭞ᬫᬗᬶᬮᭀᬭᬶᬂᬢ᭄ᬮᬕ᭞ᬳᬦᬤᬸᬮᬸᬃᬫᬶᬦᬲᬫᬶ᭞ᬓ᭄ᬢᬫ᭄ᬳᬶᬧᬸᬦ᭄᭞ᬧᬸᬭᬸᬱᬫᬗ᭄ᬮᬸᬢᬶᬂᬓᬭᬂ᭟᭑᭒᭟ᬤᬤᬶᬳᬸᬮᬗᬸᬦ᭄᭞ᬲᬂᬳᬬᬸᬤᬤᬶᬳᬶᬭᬶᬓᬸ᭞ᬳᬦᭀᬦ᭄ᬲᬓ᭄ᬯᬾᬳᬶᬂᬫᬶᬦ᭞ᬯᬿᬦᬶᬂᬢᬮᬕᬰᬸᬘᬶ
ᬳ᭄ᬦᬶᬂ᭞ᬫᬶᬦᬓᬸᬬᬸᬄ᭞ᬫᬗᬸᬩᭂᬓ᭄ᬯᬾᬦᬶᬂᬢ᭄ᬮᬕ᭟᭑᭓᭟ᬤᬤᬶᬍᬢᬸᬄ᭞ᬫᬶᬦᬦ᭄ᬜᬦᬾᬢᬦ᭄ᬓᬤᬸᬮᬸ᭞ᬳᬸᬮᬢ᭄ᬫᬗ᭄ᬯᬗᬸᬦ᭄ᬥᬸᬄᬓ᭞ᬲᬂᬭᬭᬦᬸᬮ᭄ᬬᬵᬲᭂᬗᬶᬢ᭄᭞ᬳᬄᬳᭀᬄᬳᬸᬤᬸᬄ᭞ᬤᬤᬶᬘᬡ᭄ᬥᬮᬢᬫᬶᬦ᭟᭑᭔᭟ [ 22 ][᭒᭑ 21B]
᭒᭑
ᬫᬦᬄᬳᬶᬗ᭄ᬲᬸᬦ᭄᭞ᬤᬤᬶᬦᬭᬓᬬᬤᬾᬫᬸ᭞ᬫ᭄ᬯᬄᬓᬶᬢᬫᬵᬭᬸᬣ᭞ᬢᬺᬱ᭄ᬡᬳᬶᬩᬫᬦᬸᬮᬸᬭᬶᬦ᭄᭞ᬫᬗᬮᬶᬦᬸᬲ᭄᭞ᬳᬸᬮᬢ᭄ᬦᬂᬢᬂᬲᬂᬤᬸᬄᬓᬶᬢ᭟᭑᭕᭟ᬓᬸᬫ᭄ᬩᬂᬳᬸᬫᬸᬂ᭞ᬓ᭄ᬯᬾᬄᬢᬫᬤᬸᬮᬸᬃᬤᬸᬮᬸᬃ᭞ᬫᬗ᭄ᬭᬩᬲᬶᬂᬧᬸᬱ᭄ᬧᬵ᭞
ᬳᬸᬫ᭄ᬬᬂᬫᬶᬩᭂᬃᬲᬦᬲᬶᬦᬶ᭞ᬗᬯᬾᬳᬶᬩᬸᬓ᭄᭞ᬤᬾᬦ᭄ᬬᬓᬸᬫ᭄ᬩᬂᬓᬃᬡ᭄ᬦᬲᬸᬮ᭞᭑᭖᭟ᬚᬳᬾᬘᭂᬓᬸᬄ᭞ᬮᬵᬦ᭄ᬦᬶᬢᬩ᭄ᬬᬦᬸᬮ᭄ᬬᬫᬗ᭄ᬮᬸᬢ᭄᭞ᬤᬸᬄᬤᬾᬯᬲᬂᬭᬭ᭞ᬗᬸᬤᬭᬢᬸᬧᬢᬶᬏᬮᬶᬓ᭄᭞ᬲᬵᬫ᭄ᬧᬸᬦ᭄ᬓᬤᬸᬭᬸᬲ᭄᭞ᬳᬾᬮᬶ
ᬗᬂᬤᬾᬯᬭᬶᬂᬭᬕ᭟᭑᭗᭟ᬦᬵᬳᬦ᭄ᬢᬗ᭄ᬕᬸᬄ᭞ᬲᬂᬢᬶᬕᬲ᭄ᬢ᭄ᬭᬶᬳᬶᬭᬶᬓᬸ᭞ᬳᬶᬦᬶᬭᬶᬂᬫᬲᬸᬘ᭄ᬬᬦ᭄᭞ᬭᬶᬂᬧᬜ᭄ᬘᭀᬭᬦ᭄‌‌ᬰᬸᬘᬶᬳ᭄ᬦᬶᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬵᬮᬲᭀᬭᬾᬬᬫᬦᬗ᭄ᬕᬮ᭄᭟᭑᭘᭟ᬲᬕᬾᬢ᭄ᬭᬯᬸᬄ᭞ᬫᬾᬫᬾᬧᬸ
ᬘᬸᬂᬧᬘᬂᬭᬶᬸᬯᬶᬸᬄᬫᬜ᭄ᬚᬸᬲ᭄᭞ᬓᬘᬸᬡ᭄ᬥᬸᬓ᭄ᬲᬂᬭᬭ᭞ᬫᬦ᭄ᬲᭂᬓ᭄ᬭᬭᬶᬲ᭄ᬫᬚᬶᬜ᭄ᬚᬶᬦ᭄᭞ᬕ᭄ᬮᬶᬲ᭄ᬫᬲᬯᬸᬃ᭞ᬧᬭᬳᬶᬜᬫᬦ᭄ᬮᬢᬭᬂ᭟᭑᭙᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬦ᭄ᬧᬜ᭄ᬚᬂᬧᬥᬫᬢᬸᬢᬸᬃ᭞ᬳᬕᬾᬓᬧᭀᬦ᭄ᬥᭀᬓᬦ᭄᭞ᬫᬾ

[᭒᭒ 22A]
᭒᭒
ᬦ᭄ᬧᬸᬘᬸᬂᬫᬜᬫ᭄ᬩ᭄ᬭᬫᬕ᭄ᬮᬶᬲ᭄᭞ᬫᬥ᭄ᬬᬤᬮᬸ᭞ᬦᬸᬮ᭄ᬬᬲᬫᬶᬯᬸᬲ᭄ᬫᬦᬶᬤ᭄ᬭ᭞᭒᭐᭟ᬏᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬧᬶᬢᬸᬂᬢᬩᭂᬄᬥᬯᬸᬄᬳᬶᬧᬸᬦ᭄᭞ᬫᬾᬦ᭄ᬧᬸᬘᬸᬂᬫ᭄ᬭᬢᭂᬗᬦ᭄᭞ᬯᬸᬲ᭄ᬧᬸᬧᬸᬢ᭄‌‌ᬓᬵᬢᬸᬭᬶᬦ᭄ᬲᬫᬶ᭞ᬭᬶᬂᬲᬂᬳᬬᬸ᭞ᬓᬳᬶᬭᬶᬂᬭᬶᬂ
ᬧᬭᬳᬶᬜ᭟᭒᭑᭟ᬲᬫᬶᬫᬸᬗ᭄ᬕᬸᬄ᭞ᬫᬭᬶᬂᬭᬬᬸᬦᬦ᭄ᬧᬸᬦᬶᬓᬸ᭞ᬲᬫ᭄ᬩᭂᬮ᭄ᬚᬗᬦ᭄ᬓᬘᬂ᭞ᬳᬸᬭᬩ᭄ᬧᭂᬜ᭄ᬘᭀᬓ᭄ᬮᬦ᭄ᬓᬸᬘᬳᬶ᭞ᬧ᭄ᬘᭂᬮᬶᬂᬧᬓᬸ᭞ᬳᭂᬫ᭄ᬩᬸᬂᬫ᭄ᬩᬸᬢ᭄‌‌ᬓᬘᬂᬓᬘᬂ᭟᭒᭒᭟ᬳᬶᬯᬓ᭄ᬳᬶᬧᬸᬦ᭄᭞ᬧ᭄ᬘᭂᬮ᭄ᬳᬬᬫ᭄ᬲᬢᬾᬧᬸᬲᬸᬢ᭄᭞ᬳᬸᬤ
ᬗᬾᬫᬩᬱ᭞ᬧᬗ᭄ᬕᬂᬳᬬᬫ᭄‌‌ᬫ᭄ᬯᬂᬮᬾᬮᬾᬫᬮᬶᬄ᭞ᬲ᭄ᬭᭀᬲᭀᬩ᭄‌‌ᬬᬸᬬᬸ᭞ᬕᬕᭀᬭᬾᬗᬦ᭄ᬢᬮᬸᬄᬥᬥᬃ᭟᭒᭓᭟ᬩᬶᬩᬶᬧᬸᬘᬸᬂ᭞ᬗᬚᬸᬫᬂᬤᬳᬭᬾᬲᬵᬫ᭄ᬧᬸᬦ᭄᭞ᬲᬂᬳᬬᬸᬫᬦ᭄ᬭᬶᬫ᭞ᬫᬓᬫᬶᬯᬄᬲᬂᬫᬗᬶᬭᬶᬂ᭞ᬳᬸᬯᬸ
ᬲ᭄ᬧᬸᬧᬸᬢ᭄᭞ᬯᬋᬕ᭄ᬧᬥᬫᬓᬲᬫ᭄ᬬᬦ᭄᭟᭒᭔᭟ᬲᬂᬤ᭄ᬬᬄᬳᬬᬸ᭞ᬫᬗᬦ᭄ᬤᬶᬓᬫᬦᬶᬲ᭄ᬳᬭᬹᬫ᭄᭞ᬦᬶᬭᬫᬧᬶᬤᬃᬣ᭞ᬬᬾᬓᬶᬋᬗᭃᬦ᭄ᬲᬶᬭᬩᬶᬩᬶ᭞ᬧᬂᬭᬳᬬᬸ᭞ᬦᭀᬭᬓᭀᬯᭀᬲ᭄‌ᬦᭂᬫᬸᬮᬦᬵ᭟᭒᭕᭟ [ 23 ][᭒᭒ 22B]
᭒᭒
ᬳᬾᬮᬶᬂᬢᬸᬳᬸ᭞ᬩᬶᬮᬂᬏᬜ᭄ᬚᬶᬂᬩᬶᬩᬶᬜᬧᬸ᭞ᬲᬓᬶᬂᬧᬢᬸᬭᭀᬦᬦ᭄᭞ᬭᬶᬂᬚ᭄ᬭᭀᬳᬸᬫᬄᬧᬸᬧᬸᬢ᭄‌‌ᬩᬺᬲᬶᬄ᭞ᬮᬦ᭄ᬢᬲ᭄ᬧᭂᬲᬸ᭞ᬫᬜᬧ᭄ᬯᬂᬫᬭᬶᬂᬦᬢᬃ᭟᭒᭖᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬫ᭄ᬢᬾᬦ᭄ᬫᬮᬶᬄᬫᬯᬗ᭄ᬲᬸᬮ᭄᭞ᬢᬶᬓᭂ
ᬳᬾᬳᬫ᭄ᬧᭂᬕᬂ᭞ᬓᬲᬸᬃᬓ᭄ᬮᬫ᭄ᬩᬸᬮᬦ᭄ᬕᬍᬂᬕᬸᬮᬶᬂ᭞ᬩᬦ᭄ᬢᬮ᭄ᬳᬶᬧᬸᬦ᭄᭞ᬢᬍᬃᬲᬫᬶᬬᬤᬩ᭄ᬥᬩᬂ᭟᭒᭗᭟ᬯᬳᬸᬫᬜ᭄ᬚᬸᬲ᭄᭞ᬲᬫ᭄ᬩᬶᬮᬂᬫᬗᬫ᭄ᬩᬶᬮ᭄ᬩᬜᬸ᭞ᬭᬯᬸᬄᬬᬳᬢᬹᬭᬂ᭞ᬧᬜᬗ᭄ᬕ᭄ᬭᬦᬾᬭᬶᬂᬲᬂᬳ᭄ᬬᬂᬰ᭄ᬭᬷ᭞ᬲᬦᬾᬧᬢᬹᬢ᭄
ᬧᬫᬸᬘᬗᬦ᭄ᬲᬦᬾᬰᬸᬓ᭄ᬮᬵ᭟᭒᭘᭟ᬫᬗ᭄ᬤᬧᭂᬦᬸᬄ᭞ᬧᬘᬦᬗᬦᬾᬤᬶᬢᬸ᭞ᬗᬲ᭄ᬢᬯᬪᬝᬭ᭞ᬳᬶᬤᬳ᭄ᬬᬂᬰ᭄ᬭᬷᬲᬳᬶᬲᬳᬶ᭞ᬤᬤᬶᬳᬲᬸᬂᬫᬧᬇᬘ᭄ᬙᬓ᭄ᬭᬳᬚᭂᬗᬦ᭄᭟᭒᭙᭟ᬲᬯᬸᬲ᭄ᬧᬸᬧᬸᬢ᭄᭞ᬩᬶᬩᬶᬫᬗᬲ᭄ᬢᬯᬤᬶᬢᬸ᭞
ᬘ᭄ᬓᬸᬄᬚᬳᬾᬢᬩ᭄ᬬ᭟ᬗ᭄ᬭᬢᭂᬗᬾᬓᬶᬭᬾᬬᬂ᭞ᬩᬶᬩᬶᬧᬸᬘᬸᬂᬲᬯᬸᬃᬲᬶᬗ᭄ᬕᬶᬄ᭞ᬫᬫᬶᬢᬸᬭᬸᬦᬶᬸᬢ᭄᭞ᬩᬶᬮᬂᬲᬜ᭄ᬚᬵᬢᬦᬵᬮᬸᬧᬵ᭟᭓᭐᭟ᬲᬂᬳᬘᬢᬸᬃ᭞ᬢᬦ᭄ᬓᭀᬘᬧ᭄ᬮᬫᬶᬦᬾᬤᬶᬢᬸ᭞ᬫᬭᬶᬂᬳᬮ᭄ᬨᬲᬭ᭞ᬧᬹᬃᬡ᭄ᬦᬫᬦ᭄ᬓᬧᬢ᭄‌ᬯᬸ

[᭒᭓ 23A]
᭒᭓
ᬲ᭄ᬦᬫ᭄ᬧᬶ᭞ᬲᬂᬤ᭄ᬬᬄᬳᬬᬸ᭞ᬫᬩᬺᬲᬶᬄᬫᬭᬶᬂᬉᬤ᭄ᬬᬵᬦ᭟᭓᭑᭟ᬯᬸᬲ᭄ᬳᬤ᭄ᬬᬸᬲ᭄᭞ᬲᬂᬤᬾᬯᬶᬉᬤ᭄ᬬᬢ᭄ᬫᬶᬓᬤᬶᬢᬸ᭞ᬘ᭄ᬓᬸᬄᬚᬳᬾᬢᬩ᭄ᬬ᭞ᬗᬚᬸᬫ᭄ᬲᭂᬓᬃᬭᬶᬂᬲᬂᬤᬾᬯᬶ᭞ᬍᬗᭃᬳᬭᬹᬫ᭄᭞ᬭᬤᬾᬦ᭄ᬤᬾᬯᬶᬦᬦ᭄ᬤᬂᬧᬳ᭄ᬬᬲ᭄᭟᭓
᭒᭟ᬯᬃᬡᬵᬦᬸᬮᬸᬲ᭄᭞ᬫᬥ᭄ᬬᬭᬫ᭄ᬧᬶᬂᬓᬭᬭᬸᬭᬸᬲ᭄᭞ᬯᭂᬦ᭄ᬢᬶᬲᬾᬫᬫᬸᬥᬓ᭄᭞ᬲᬸᬲᬸᬭᬸᬧᬶᬢ᭄‌‌ᬢᬸᬃᬫᬜᬗ᭄ᬓᬶᬄ᭞ᬚᬚᬚᬸᬚᬸᬃ᭞ᬩᬯᬸᬯᬶᬥᬂᬦᬓᬧᬜ᭄ᬚᬂ᭟᭓᭓᭟ᬰᬩ᭄ᬤᬜᬸᬜᬸᬃ᭞ᬓ᭄ᬜᬶᬃᬫᬦᬶᬲ᭄‌‌ᬘᬶᬗᬓ᭄ᬩᬮᬸᬢ᭄᭞ᬮ
ᬫ᭄ᬩᬾᬦᬾᬗᬢᬶᬭᬄ᭞ᬯᬚᬦᬾᬳᬮᬸᬲ᭄ᬫᬳᬶᬗᬶᬤ᭄᭞ᬫᬶᬯᬄᬲ᭄ᬬᬸᬂ᭞ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬱ᭟᭓᭔᭟ᬬᬾᬦᬶᬂᬓ᭄ᬜᬸᬂ᭞ᬧᬶᬧᬶᬦᬾᬜᬸᬚᬾᬦ᭄ᬯᬶᬦᬗᬸᬦ᭄᭞ᬳᬶᬭᬸᬂᬮᬜ᭄ᬘᬶᬧ᭄ᬳᬲᬢ᭄᭞ᬲᬶᬭᬢ᭄ᬫᬬᬦᬾᬜᬸᬭᬭᬶᬢ᭄᭞ᬭᬫ᭄ᬩᬸᬢ᭄ᬳᬢᬸᬩ᭄᭞
ᬳᬮᬄᬗᬲᭀᬭᬂᬳᬫ᭄ᬩᬸᬤ᭟᭓᭕᭟ᬳᬬᬸᬦ᭄ᬭᬸᬲ᭄᭞ᬳᬗᭂᬜ᭄ᬚᭀᬢ᭄ᬲᬸᬓᬸᬦᬾᬮᬸᬫᬓᬸ᭞ᬮ᭄ᬯᬶᬃᬦᬶᬂᬩᬩᬃᬯᬬᬂ᭞ᬢᬬᬸᬗᬦᬾᬗᭂᬫ᭄ᬩᬢ᭄ᬫᬶᬭᬶᬂ᭞ᬕᬥᬶᬂᬮᬸᬫ᭄ᬮᬸᬫ᭄᭞ᬮ᭄ᬯᬶᬃᬰᬰᬗ᭄ᬓᬓ᭄ᬮᬫᬤᬦ᭄᭟᭓᭖᭟ᬲᭀᬭᬾᬲᬵᬫ᭄ᬧᬸᬦ᭄᭞ᬲᬂ [ 24 ][᭒᭓ 23B]
᭒᭓
ᬳ᭄ᬬᬂᬭᬯᬶᬦᬸᬮ᭄ᬬᬲᬸᬭᬸᬧ᭄᭞ᬦᬸᬗ᭄ᬕᬗᬶᬂᬳᬘᬮ᭞ᬫᬗ᭄ᬭᬜ᭄ᬚᬶᬂᬭᬶᬂᬚᬮᬦᬶᬥᬶ᭞ᬰᬰᬶᬫ᭄ᬢᬸ᭞ᬫᬮᬶᬮᬂᬥᬶᬓ᭄ᬤᬰᬤᬾᬰ᭟᭓᭗᭟ᬤᬤᬶᬫ᭄ᬮᬬᬸ᭞ᬓᬂᬢᬶᬫᬶᬭᬓ᭄ᬮᬧᬸᬮᬧᬸ᭞ᬭᬶᬂᬲᭀᬭᬶᬂᬯᬢᬸᬫ᭄ᬯᬂᬕ᭄ᬯ᭞ᬳᬚ᭄ᬭᬶᬄᬫᬭᬶᬂᬲᬂᬳ᭄ᬬᬂᬭᬣᬶᬄ᭞ᬓᬵᬮᬤ
ᬮᬸ᭞ᬭᬤᬾᬦ᭄ᬤᬾᬯᬶᬫᬲᬲᬜ᭄ᬚᬦ᭄᭟᭓᭘᭟ᬭᬭᬶᬲ᭄ᬫᬦ᭄ᬢᬸᬓ᭄᭞ᬓᬧᭀᬦ᭄ᬤᭀᬓ᭄ᬳᬶᬤᬲᬂᬳᬬᬸ᭞ᬫᬥ᭄ᬬᬭᬢ᭄ᬭᬶᬓᭀᬘᬧ᭄᭞ᬳᬾᬮᬶᬂᬳᬶᬤᬤᬸᬓᬾᬗᬹᬦᬶ᭞ᬲᬂᬤ᭄ᬬᬄᬳᬬᬸ᭞ᬫᬯᬘᬦᬭᬶᬂᬚᬳᬾᬢᬩ᭄ᬬᬵ᭟᭓᭙᭟ᬫᬶᬯᬄ
ᬘᭂᬓᬸᬄ᭞ᬧᬳᭀᬫᬦ᭄‌‌ᬘᬯᬶᬲᬂᬤᬶᬢᬸ᭞ᬳᬕ᭄ᬮᬶᬲ᭄ᬤᬦᬾᬢ᭄ᬭᬕ᭄ᬬ᭞ᬓᬸᬓᬸᬲᬾᬫᬍᬧᬸᬕ᭄ᬲᬳᬶ᭞ᬭᬭᬶᬲ᭄ᬢᭂᬤᬸᬦ᭄᭞ᬭᬤᬾᬦ᭄ᬤᬾᬯᬶᬦᬸᬲ᭄ᬥᬸᬲ᭄‌ᬭᬢ᭄ᬦᬵ᭟᭔᭐᭟ᬦᬸᬦᬲ᭄ᬢᬸᬮᬸᬂ᭞ᬦᬶᬦᬶᬘᬦ᭄ᬤ᭄ᬭᬳᬰᬶᬄᬭᬯᬸᬄ᭞ᬢᬸᬮᬸᬂᬓᬸᬤᬢᬶᬢ᭄ᬬᬂ᭞ᬓᬶᬭᬂᬤ
ᬳᬃᬲᬦ᭄ᬤᬗᬦ᭄‌‌ᬢ᭄ᬯᬶ᭞ᬭᬭᬶᬲ᭄ᬭᬯᬸᬄ᭞ᬲ᭄ᬓᬮᬭᬶᬂᬰᬹᬦ᭄ᬬᬵᬦ᭄ᬢᬭ᭟᭔᭑᭟ᬦᭂᬫ᭄ᬩᬄᬫᬵᬢᬹᬃ᭞ᬫᬗ᭄ᬮᬸᬢ᭄ᬪᬗ᭄ᬕ᭄ᬬᬭᬶᬂᬲᬂᬧ᭄ᬭᬶᬸᬪᬶᬸᬳᬬᬸ᭞ᬲᬬᬕᬗᬢᬹᬭᬂ᭞ᬪᬹᬱᬡᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬲᬳᬲᬗᬸ᭞ᬲᬦ᭄ᬤᬗᬦ᭄ᬓᬮᬶᬄᬢᬶᬩᬦ᭄᭟᭔᭒᭟ᬲᬳᬵᬳ

[᭒᭔ 24A]
᭒᭔
ᬭᬹᬫ᭄᭞ᬯᬘᬦᬳᬮᭀᬦ᭄ᬫᬗ᭄ᬮᬸᬗ᭄ᬲᬸᬃ᭞ᬢ᭄ᬭᬸᬲ᭄ᬮᬾᬤᬂᬭᬶᬂᬢᬶᬢ᭄ᬬᬂ᭞ᬫᬧᬶᬢᬸᬢᬸᬃᬦᬾᬦᬾᬚᬵᬢᬶ᭞ᬳᬚᬓᬸᬮᬸᬩ᭄᭞ᬳᬦᬾᬚᬢᬶᬳᬫᭀᬂᬭᬕ᭟᭔᭓᭟ᬧ᭄ᬬᬃᬱᬭᬢᬸ᭞ᬤᬤᬶᬓᬦ᭄ᬬᬓᬫᬦᬸᬮᬸᬲ᭄᭞ᬤᭀᬦᬶᬂᬲᬸᬩᬓᬃᬫ᭄ᬫ᭞ᬚᭀᬤᭀ
ᬦᬾᬚᬕᬓᬧᬗ᭄ᬕᬶᬄ᭞ᬢᬦᬵᬥᬗᬸ᭞ᬲᬸᬢᬭᬵᬚᬳᬬᬢ᭄ᬧ᭄ᬭᬧ᭄ᬢᬵ᭟᭔᭔᭟ᬧ᭄ᬓᬶᬓ᭄ᬦᬸᬮᬸᬲ᭄᭞ᬭᬤᬾᬦ᭄ᬥᬃᬫ᭄ᬫᬶᬧᬸᬦᬶᬓᬸ᭞ᬲᬓᬶᬂᬮᬾᬱᬦ᭄ᬧᬸᬭ᭞ᬧᬸᬢ᭄ᬭᬦ᭄ᬭᬢᬸᬕᬶᬮᬶᬂᬯᭂᬲᬶ᭞ᬜᬦ᭄ᬥᬂᬲᬸᬗ᭄ᬲᬸᬂ᭞ᬲᬶᬭᬮᬓᬶᬦᬾᬲᬢᬢ᭟᭔᭕᭟ᬳᬬ᭄ᬯᬵ
ᬫᬸᬭᬸᬕ᭄᭞ᬲᬢᬶᬢᬄᬢᬶᬢᬄᬲᬂᬓᬓᬸᬂ᭞ᬬᭀᬕ᭄ᬬᬦᬶᬂᬳᬓᬃᬫ᭄ᬫ᭞ᬧᬭᬲ᭄ᬧᬭᭀᬲ᭄ᬮᬓᬶᬭᬩᬶ᭞ᬮ᭄ᬯᬶᬃᬦᬶᬂᬩᬸᬗ᭄ᬓᬸᬂ᭞ᬳᬶᬤᬾᬯᬳᭂᬫ᭄ᬩᬦᬾᬉᬢ᭄ᬢᬫ᭟᭔᭖᭟ᬓᬓᬸᬂᬳᬶᬓᬸ᭞ᬭᬢ᭄ᬦᬫᬸᬢ᭄ᬬᬭᬫᬦᬸᬮᬸᬲ᭄᭞ᬳᬗ᭄ᬕᬦᬶᬂᬯᬯᬤᬄ᭞ᬯ᭄ᬯᬂᬮᬓᬶᬧᬶᬦᬓ
ᬤᬕᬶᬂ᭞ᬬᬦ᭄ᬢᬦ᭄ᬳᬢᬹᬢ᭄᭞ᬲᬫᬶᬦᭀᬭᬓᬕᬸᬡᬦ᭄ᬜᬵ᭟᭔᭗᭟ᬚᬵᬢᬶᬦ᭄ᬳᬶᬧᬸᬦ᭄᭞ᬢᬸᬗ᭄ᬕᬸᬦ᭄ᬕᭂᬲᬂᬳᬸᬦᬶᬂᬫ᭄ᬮᬓᬸ᭞ᬢ᭄ᬭᬶᬡᬶᬓᬂᬭᬭᬧᬦ᭄᭞ᬩᬬᬸᬰᬩ᭄ᬤᬇᬥᭂᬧ᭄ᬓᬢ᭄ᬭᬶᬡᬶ᭞ᬧᬂᬲᬸᬫᬸᬬᬸᬕ᭄᭞ᬗᭂᬫ᭄ᬩᬦ᭄ᬯᬂᬮᬓᬶᬲᬢᬢ᭟᭔᭘᭟ᬩᬬᬸ [ 25 ][᭒᭔ 24B]
᭒᭔
ᬳᬶᬓᬸ᭞ᬢ᭄ᬕᭂᬲᬾᬢᬶᬦ᭄ᬤᬓ᭄‌‌ᬬᬦ᭄ᬮᬸᬧᬸᬢ᭄᭞ᬳᬾᬮᬶᬓᬶᬂᬧ᭄ᬭᬶᬬ᭞ᬯᬡ᭄ᬥᬸᬯᬃᬕ᭄ᬕᬧᬥᬲᭂᬗᬶᬢ᭄᭞ᬫ᭄ᬢᬸᬳᬸᬬᬸᬢ᭄᭞ᬫᬭᬶᬂᬮᬓᬶᬦᬾᬫᬋᬩᬢ᭄᭟᭔᭙᭟ᬰᬩ᭄ᬤᬇᬓᬸ᭞ᬢ᭄ᬕᭂᬲᬾᬫᬗᬸᬘᬧ᭄ᬮᬸᬧᬸᬢ᭄᭞ᬮᬗ᭄ᬖ᭄ᬬᬫᬭᬶᬂᬧ᭄ᬭᬶᬬ᭞ᬯᬡ᭄ᬥᬸᬯᬃᬕ᭄ᬕᬧ
ᬥᬯᬦᬶ᭞ᬩᬮᬧᬸᬭᬸᬦ᭄᭞ᬳᬲᬬᬸᬢ᭄ᬧᬥᬘᭀᬗᬄ᭟᭕᭐᭟ᬇᬥᭂᬧ᭄ᬳᬶᬓᬸ᭞ᬢ᭄ᬕᭂᬲᬾᬫᬦᬄᬬᬦ᭄ᬮᬸᬧᬸᬢ᭄᭞ᬗᬶᬭᬗᬶᬦ᭄ᬮᬓ᭄ᬱᬡ᭞ᬫᬹᬢᬂᬳᬮᬫᬭᬶᬂᬯᬶᬥᬷ᭞ᬫᬮᬶᬂᬮ᭄ᬬᬸ᭞ᬳᬭᭀᬳᬭᬳᬶᬓᬂᬦᬵᬕᬭ᭟᭕᭑᭟ᬦᬵᬭᬯᬥᬸ᭞ᬗ
ᬫᭀᬂᬮᬓᬶᬘᬢᬸᬃᬲᬸᬤᬸᬓ᭄᭞ᬲᬫᬭᬶᬂᬧᬫᬺᬫᬦ᭄᭞ᬤ᭄ᬯᬧᬗᭂᬫ᭄ᬩᬦ᭄ᬲᬳᬶᬲᬳᬶ᭞ᬢ᭄ᬭᬶᬧᬯᭀᬦ᭄ᬳᬶᬓᬸ᭞ᬧᬢ᭄‌‌ᬧᬜᬫ᭄ᬩ᭄ᬭᬫᬲᬸᬲ᭄ᬯᬭ᭟᭕᭒᭟ᬮᬓᬶᬯᬥᬸ᭞ᬉᬧᬫᬦᬾᬧ᭄ᬭᬯᬸᬳᬕᭃᬂ᭞ᬮᬸᬗ᭄ᬳᬵᬫᬮᬮᬬᬃ᭞ᬜᬕᬩᬶᬤᬓ᭄
ᬫ᭄ᬯᬂᬓ᭄ᬫᬸᬤᬶ᭞ᬧᬥᬳᬦᬹᬢ᭄᭞ᬧ᭄ᬭᬯᬸᬓᭂᬜ᭄ᬘᭂᬂᬢᬸᬭᬶᬂᬕᬜ᭄ᬘᬂ᭟᭕᭓᭟ᬢᬸᬓᬂᬳᬶᬧᬸᬦ᭄᭞ᬲᬮᬄᬗ᭄ᬫᬸᬤᬶᬭᬶᬂᬧᬸᬗ᭄ᬓᬸᬃ᭞ᬪᬦᬯᬦᬾᬳᭀᬩᬄ᭞ᬬᬾᬦ᭄ᬢᬸᬓᬂᬩᬶᬤᬓ᭄ᬜᬦᬾᬧ᭄ᬮᬶᬄ᭞ᬦᭀᬭᬮᬚᬸ᭞ᬩᭀᬬᬲᬶᬦᬄᬧᬘᬂᬦᬸᬗ᭄ᬓᬧ᭄᭟᭕

[᭒᭕ 25A]
᭒᭕
᭔᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬚᬶᬫ᭄ᬘᬦ᭄ᬤ᭄ᬭᬳᬰᬶᬄᬫᬯᬸᬯᬸᬲ᭄᭞ᬳᬶᬄᬤᬾᬯᬲᬂᬭᬢ᭄ᬦ᭞ᬳᬾᬮᬶᬂᬳᬾᬮᬶᬂᬤᬾᬦ᭄‌‌ᬧᬓᬾᬮᬶᬂ᭞ᬦᬶᬦᬶᬫᬵᬦ᭄ᬢᬸᬓ᭄᭞ᬯᬸᬲ᭄ᬭᬳᬶᬦᬓᬂᬤᬾᬯᬱᬵ᭟᭕᭕᭟ᬥᬯᬸᬄᬧᬶᬢᬸ᭞ᬲᬂᬳ᭄ᬬᬂᬭᬯᬶᬲᬵᬫ᭄ᬧᬸᬦ᭄ᬫᭂᬢᬸ᭞ᬯ᭄ᬓᬲ
ᬦ᭄ᬲᬂᬭᬭ᭞ᬢᬦᬵᬦᬦᬶᬤᬺᬲᬯ᭄ᬗᬶ᭞ᬢᬸᬃᬚᬸᬫᬸᬚᬸᬕ᭄᭞ᬓᬧᬫᬺᬫᬦ᭄ᬓᬮᬶᬄᬳᬶᬜ᭟᭕᭖᭟ᬲᬂᬳᬘᬢᬸᬃ᭞ᬫᬳᬾᬤ᭄ᬭᬦ᭄ᬫᬘᬂᬓᬸᬮᬗᬸᬦ᭄᭞ᬫᬳᬲ᭄ᬗᬮᬧ᭄‌ᬲ᭄ᬓᬃ᭞ᬲᬫᬶᬭᬡᬦᬾᬗᬲᬶᬃᬲᬶᬃ᭞ᬳᬭᬭᬦ᭄ᬢᬸᬦ᭄᭞ᬫᬭᬶᬂᬲᭀᬭᬶᬂ
ᬲ᭄ᬓᬃᬲᬶᬦ᭄ᬯᬫ᭄᭟᭐᭚ᬧᬸᬄᬲᬶᬦᭀᬫ᭄᭚᭑᭟ᬦ᭄ᬤᬢᬢᬷᬢᬓᬵᬮᬮᬸᬗ᭄ᬳᬵ᭞ᬫᬯᬦ᭄ᬢᬸᬦ᭄ᬘᬭᬶᬢᬦᬾᬫᬗ᭄ᬓᬶᬦ᭄᭞ᬳᬦᬭᬢᬸᬤᬶᬩ᭄ᬬᬋᬗᭃ᭞ᬧᬺᬰᬱ᭄ᬝᬳᬜᬓ᭄ᬭᬪᬹᬫᬶ᭞ᬓᬜ᭄ᬘᬦ᭄ᬭᬶᬋᬦᭀᬭᬯᬦᬶ᭞ᬚᬫ᭄ᬩᬸᬯᬃ
ᬱᬦᬾᬲᬸᬫᬸᬬᬸᬕ᭄᭞ᬗᬲᭀᬭᬂᬧᬭᬧᬡ᭄ᬥᬶᬢ᭞ᬮ᭄ᬯᬶᬃᬥᬦᬸᬃᬤᬭᬦᬾᬲᬫᬶ᭞ᬚᬵᬢᬶᬧ᭄ᬭᬪᬸ᭞ᬕᬶᬮᬶᬂᬯ᭄ᬲᬶᬫᬓᬦᬵᬫ᭟᭒᭟ᬍᬯᬶᬄᬯᬶᬪᬵᬯᬲᬂᬦᬵᬣ᭞ᬯ᭄ᬭᬸᬄᬭᬶᬂᬲᬤᬕᬶᬗᬶᬂᬅᬚᬶ᭞ᬳᬲ᭄ᬢᬶᬢᬶᬪᬓ᭄ᬢᬶᬭᬶᬂᬤᬾᬯ᭞ᬦᭂᬢᭂᬧᬂᬫ [ 26 ][᭒᭕ 25B]
᭒᭕
ᬫᬹᬚᬧᬾᬢ᭄ᬭᬶ᭞ᬫᬸᬢᬬᬵᬚ᭄ᬜᬦᬾᬗᬰᬰᬶᬄ᭞ᬫᬳᬬᬸᬚᬕᬢ᭄ᬲᬢᬸᬯᬸᬓ᭄᭞ᬫᬗᬯᬾᬧ᭄ᬭᬢᬶᬥᬃᬰᬡᬵ᭞ᬫᬧᬹᬡ᭄ᬬᬭᬶᬂᬯᬢᭂᬓ᭄ᬋᬱᬶ᭞ᬩᬮᬧᬸᬗ᭄ᬕᬸᬂ᭞ᬯᬤ᭄ᬯᬳᬷᬦᬢᬶᬦᬸᬮᬸᬗᬦ᭄᭟᭓᭟ᬅᬚ᭄ᬜᬵᬦᬦᬶᬭᬲᬂᬦᬵᬣ᭞ᬰᬸ
ᬘᬶᬫᬮᬶᬮᬂᬓᬤᬶᬰᬰᬶᬄ᭞ᬲ᭄ᬯᬾᬘ᭄ᬙᬫᬭᬶᬂᬧᬭᬕᬃᬯ᭄ᬯ᭞ᬗᬫᭀᬂᬯᬾᬤᬫ᭄ᬯᬂᬰ᭄ᬭᬸᬢ᭄ᬣᬶ᭞ᬯᬶᬪᬸᬄᬯᬤ᭄ᬯᬢᬦ᭄‌ᬓᬶᬓᬶᬢᬦ᭄᭞ᬪᬸᬧᬢᬶᬢᬦ᭄ᬓᭂᬦᬾᬂᬳᬶᬢᬸᬂ᭞ᬪᬳᬸᬥᬡ᭄ᬥᬧᬥᬋᬡᬵᬫᬧᬹᬡ᭄ᬬᬭᬶᬂᬯᬢᭂᬓ᭄‌ᬋᬱᬶ᭞ᬩᬮᬧᬸ
ᬗ᭄ᬕᬸᬂᬩᬮᬢᬦᬶᬮᬶᬦ᭄ᬢᬂᬯᬺᬤ᭄ᬥᬶ᭞ᬢ᭄ᬤᬸᬄᬮᬦ᭄ᬤᬸᬄ᭞ᬓᬶᬃᬢ᭄ᬢᬶᬦ᭄ᬳᬕᬸᬗᬾᬫᬓ᭄ᬭᬡᬵ᭟᭔᭟ᬚᬸᬫ᭄ᬦᭂᬂᬭᬶᬂᬮᬾᬱᬦ᭄ᬧᬸᬭ᭞ᬫᬧᬸᬢ᭄ᬭᬮᬦᬂᬲᬶᬦᬸᬗ᭄ᬕᬶᬮ᭄᭞ᬭᬳᬤ᭄ᬬᬦ᭄ᬳᬦᭀᬫ᭄ᬥᬃᬫ᭄ᬫᬶᬓ᭞ᬓᬵᬲ᭄ᬢᬯᬳᬦᬭᬶᬂᬪᬹᬫᬶ᭞ᬧᭂᬓᬶᬓ᭄ᬦᬸᬮᬸᬲ᭄‌ᬢᬦ᭄ᬧᬢ
ᬦ᭄ᬤᬶᬂ᭞ᬳ᭄ᬬᬂᬳᬭᬶᬳᬶᬤᬫᬦᬸᬭᬸᬦ᭄᭞ᬳᬯᬢᬭᬭᬶᬂᬫᬵᬦᬸᬱ᭞ᬚᬸᬫ᭄ᬦᭂᬂᬭᬶᬂᬬᬯᬪᬹᬫᬶ᭞ᬮᬶᬦ᭄ᬢᬂᬩᬕᬸᬲ᭄᭞ᬢ᭄ᬯᬭᬳᬤᬲᬫᬦ᭄ᬧᬥ᭟᭕᭟ᬳᬸᬮᬸᬂᬢᬩᭂᬄᬓᬂᬤᬶᬯᬱᬵ᭞ᬫᬶᬚᬶᬮ᭄ᬲᬶᬭᬰ᭄ᬭᬷᬪᬸᬧᬢᬶ᭞ᬚᬸᬫᬸᬚᬸᬕ᭄ᬫᬭᬶᬂᬧᬲᬾ

[᭒᭖ 26A]
᭒᭖
ᬪᬦ᭄‌ᬯᬷᬭᬫᬦ᭄ᬢ᭄ᬭᬶᬢ᭄ᬮᬲ᭄ᬫᬗᬶᬭᬶᬂ᭞ᬢᬸᬃᬭᬫ᭄ᬬᬳᬢᬢᬩᬭᬶᬲ᭄᭞ᬢᭂᬢᭂᬧ᭄‌ᬰᬲᬦᬦᬶᬂᬭᬢᬸ᭞ᬳᬢᬧ᭄ᬳᬶᬓᬂᬧᬦᬗ᭄ᬓᬶᬮᬦ᭄᭞ᬲᬸᬧ᭄ᬦᬸᬄᬦ᭄ᬤᬢᬦ᭄ᬧᬲᬶᬭᬶᬂ᭞ᬦᬾᬭᬶᬂᬯᬗᬸᬦ᭄ᬢᬸᬃ᭞ᬳᬾᬩᭂᬓ᭄ᬜᬦᬾᬢᬦ᭄ᬧᬮᬶᬗ᭄ᬕᬭᬦ᭄᭟᭖᭟
ᬩᬳᬸᬥᬡ᭄ᬥᬳᬯᭀᬢ᭄‌ᬲ᭄ᬓᬃ᭞ᬲᬧ᭄ᬭᬧ᭄ᬢᬶᬦᬾᬲᬂᬪᬸᬧᬢᬶ᭞ᬦᬗ᭄ᬕᬮ᭄ᬲᬶᬭᬭᬶᬂᬲᬲ᭄ᬫᬶᬢ᭞᭞ᬫᬤᬸᬮᬸᬭᬦ᭄ᬳᬦ᭄ᬢᬸᬓ᭄ᬮᬶᬭᬶᬂ᭞ᬋᬡᬘᬶᬢ᭄ᬢᬦᬵᬣᬫᬦ᭄ᬢ᭄ᬭᬶ᭞ᬲᬯᬾᬖᬳᬶᬤᬫᬮᬸᬗ᭄ᬕᬸᬄ᭞ᬫᬭᬶᬂᬧᬮᬗ᭄ᬓᬓᬦᬓ᭞ᬘᬢ᭄ᬭᬳᬕᬸᬗᬾᬳᬵ
ᬗᬧᬶᬢ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄᭞ᬓᬤᬶᬭᬶᬂᬲ᭄ᬫᬭᬪᬯᬦ᭟᭗᭟ᬓᬲᬦ᭄ᬤᬶᬂᬭᬶᬂᬲᬸᬢᬭᬵᬚ᭞ᬲᬫᬶᬫᬧᬮᬗ᭄ᬓᬵᬫᬡᬷᬓ᭄᭞ᬳᬦᬾᬓᬶᬭᬶᬳᬸᬗ᭄ᬕ᭄ᬯᬦᬶᬭ᭞ᬳᬸᬚᬭᬶᬭᬰ᭄ᬭᬷᬦᬵᬃᬧᬢᬶ᭞ᬜᬸᬜᬸᬃᬤᬩ᭄ᬥᬩ᭄ᬲᬤᬳᬭᬶᬲ᭄᭞ᬳᬾᬄᬭᬓ᭄ᬬ
ᬦᬧᬭᬵᬫ᭄ᬧᬸ᭞ᬮᬦ᭄ᬩᬳᬸᬥᬡ᭄ᬥᬲᬤᬬ᭞ᬲᬸᬢᬦᬾᬫᬦᬶᬭᬇᬓᬶ᭞ᬜᭂᬦ᭄ᬤᬶᬭᬢᬸ᭞ᬬᬦ᭄ᬲᬶᬭᬧᬥᬳᬃᬱᬵ᭟᭘᭟ᬦᬳᬦ᭄ᬯᬸᬯᬸᬲᬾᬲᬂᬦᬵᬣ᭞ᬩᬳᬸᬤᬦ᭄ᬤᬲᬯᬸᬃᬧᬓ᭄ᬱᬶ᭞ᬫᬫᬶᬲᬶᬗ᭄ᬕᬶᬄᬰ᭄ᬭᬶᬦᬭᬾᬦ᭄ᬤ᭄ᬭ᭞ [ 27 ][᭒᭖ 26B]
᭒᭖
ᬭᬤᬾᬦ᭄ᬳᬦᭀᬫ᭄ᬫᬵᬢᬹᬃᬲᬶᬗ᭄ᬕᬶᬄ᭞ᬜᬥ᭄ᬬᬢᬶᬢ᭄ᬬᬂᬚᬕᬗᬶᬭᬶᬂ᭞ᬬᬦ᭄ᬧᬸᬓᬸᬮᬸᬦ᭄ᬳᬸᬯᬸᬲ᭄‌ᬯ᭄ᬭᬸᬄ᭞ᬤ᭄ᬯᬦᬶᬂᬢᬶᬢ᭄ᬬᬂᬮᬶᬦ᭄ᬢᬂᬢᬸᬦ᭞ᬳᬲᬾᬯᬦ᭄ᬭᬶᬂᬯᬢᭂᬓ᭄ᬫᬦ᭄ᬢ᭄ᬭᬶ᭞ᬤᬸᬭᬸᬂᬫᬗ᭄ᬕᬸᬄ᭞ᬦᬬᬥᬃᬫ᭄ᬫᬢᬢᬶᬫ᭄ᬩᬗᬦ᭄᭟᭙᭟ᬭᬋᬫ᭄ᬩᬬᬦ᭄ᬢᬍᬃᬓᬶ
ᬭᬂ᭞ᬗᬚᬃᬲᬶᬭᬫᬭᬶᬂᬧᬸᬭᬶ᭞ᬦᬫ᭄ᬧᬶᬯᬮᬾᬦ᭄‌ᬰ᭄ᬭᬶᬪᬸᬧᬢᬶ᭞ᬪᬕᬯᬦ᭄ᬢᬢᬦᬓᬶᬭᬂ᭞ᬗᬚᬃᬲᬶᬭᬦᬭᬶᬂᬧᬸᬭᬶ᭞ᬳᬬ᭄ᬯᬲᬶᬭᬯᬮᬂᬳᬢᬶ᭞ᬦᭀᬭᬜᬦ᭄ᬤᬂᬧᬘᬂᬓᬾᬗ᭄ᬕᬸᬄ᭞ᬳᬶᬤᬾᬯᬫᬚᬢᬸᬓᬃᬫ᭄ᬫ᭞ᬳᬸᬕᭂᬃᬳᬸᬕᭂᬃᬢᬢᬓ᭄ᬭᬫᬶ᭞
ᬗᬤᭂᬕ᭄ᬳᬕᬸᬂ᭞ᬫᬓᬘᬢ᭄ᬭᬦ᭄‌ᬮᬾᬱᬦ᭄ᬧᬸᬭ᭟᭑᭐᭟ᬧᬶᬮᬶᬄᬤᬾᬯᬭᬶᬂᬯᬯᭂᬗ᭄ᬓᬦ᭄᭞ᬢᬦᬵᬓᬶᬭᬂᬧᬭᬧᬸᬢ᭄ᬭᬶ᭞ᬧᬸᬢ᭄ᬭᬦ᭄ᬭᬢᬸᬯᬶᬘᬓ᭄ᬱᬡᬵ᭞ᬯᬶᬕᬸᬡᬤᬺᬥᬭᬶᬗᬚᬶ᭞ᬫᬮᬶᬄᬧᬾᬓᬩᬮᬫᬦ᭄ᬢ᭄ᬭᬶ᭞ᬤ᭄ᬯᬦᬶᬂᬲᬫᬶᬧᬥᬵ
ᬦᬸᬗ᭄ᬓᬸᬮ᭄᭞ᬦᬧᬶᬫᬮᬶᬄᬦᬾᬲᭂᬗ᭄ᬓᬬᬂ᭞ᬭᬤᬾᬦ᭄ᬳᬦᬶᬸᬦᭀᬫ᭄ᬳᬯᭀᬢ᭄ᬲᬭᬶ᭞ᬲ᭄ᬯᬭᬜᬸᬜᬸᬃ᭞ᬢᬾᬢᬾᬄᬢᬶᬗ᭄ᬕᬃᬲᬫᬶᬫ᭄ᬬᬃᬱ᭟᭑᭑᭟ᬲᬤᬸᬭᬸᬗᬾᬜ᭄ᬚᬬᬤᬾᬰ᭞ᬫᬶᬦ᭄ᬤᬄᬢᬶᬢ᭄ᬬᬂᬗᬮᬧ᭄ᬭᬩᬶ᭞ᬢᬦ᭄ᬲᬸᬫᬗ᭄ᬕᬗᭂᬫ᭄ᬩ

[᭒᭗ 27A]
᭒᭗
ᬦ᭄ᬭᬩ᭄ᬬ᭞ᬗᬩᭂᬢ᭄‌ᬯᬤ᭄ᬯᬧᬭᬫᬦ᭄ᬢ᭄ᬭᬶ᭞ᬪᬕᬯᬵᬦ᭄ᬢᬦᬾᬜᬯᬸᬭᬶᬦ᭄᭞ᬋᬱᬶᬯᬶᬡ᭄ᬥᬸᬦᬾᬓᬯᬸᬯᬸᬲ᭄᭞ᬦᭀᬭᬢᬶᬢ᭄ᬬᬂᬫᬗᬸᬩ᭄ᬥᬬᬂ᭞ᬲᬯᬾᬦ᭄ᬢᭂᬦᬾᬫᬭᬶᬂᬫᬫᬶ᭞ᬲᬫ᭄ᬧᬾᬧᬸᬢᬸᬲ᭄᭞ᬜᬥ᭄ᬬᬢᬶᬢ᭄ᬬᬂᬧᬘᬂᬗᬚᬃ᭟᭑᭒᭟
ᬦᬺᬧᬧᬸᬢ᭄ᬭᬫᬗᬦ᭄ᬤᬶᬓ᭞ᬤᬸᬭᬸᬲ᭄ᬭᬢᬸᬦᬦᬾᬫᬗ᭄ᬓᬶᬦ᭄᭞ᬦᬢ᭄ᬯᬬᬂᬢᬢᬦᬶᬂᬦᬵᬣ᭞ᬳᬕᭂᬫᬦ᭄ᬲᬂᬫᬯᬪᬹᬫᬶ᭞ᬲᬃᬯ᭄ᬯᬦᬬᬦᬾᬦᬾᬲᬸᬮᬶᬢ᭄᭞ᬓᬂᬧᬳᬸᬕᭂᬃᬦᬶᬂᬲᬢᬸᬯᬸᬓ᭄᭞ᬲᬂᬧᬡ᭄ᬥ᭄ᬬᬳᬲᬸᬂᬯᬘᬦ᭞ᬋᬗᭃᬦ᭄ᬲᬶᬭ
ᬭᬵᬦᬓ᭄ᬫᬫᬶ᭞ᬢᬢᬭᬢᬸ᭞ᬲᬦ᭄ᬤᬶᬦᬶᬂᬫᬳᬬᬸᬚᬕᬢ᭄᭟᭑᭓᭟ᬧᬹᬃᬯ᭄ᬯᬦᬶᬂᬅᬚ᭄ᬜᬦᬰᬸᬓ᭄ᬮ᭞ᬳᬬ᭄ᬯᬳᭀᬩᬄᬳᬚᬳᭀᬲᬶᬓ᭄᭞ᬢᬦ᭄ᬳᬾᬮᬶᬓ᭄ᬭᬶᬂᬤᬺᬯ᭄ᬬᬮ᭄ᬬᬦ᭄᭞ᬗᬮᬧ᭄ᬳᬦᬾᬄᬗᬯᬪᬸᬫᬶ᭞ᬮ᭄ᬯᬶᬃᬰᬰᬗ᭄ᬓᬵᬓᬦᬂᬫᬃᬕ᭄ᬕᬶ
ᬫᬳᬬᬸᬮ᭄ᬯᬶᬭᬶᬂᬢᬸᬫᬸᬯᬸᬄ᭞ᬪᬱ᭄ᬓᬭᬫᬦᭂᬲᬶᬂᬚᬕᬢ᭄᭞ᬳᬮᬳᬬᬸᬢᬦ᭄ᬫᬧᬶᬮᬶᬄ᭞ᬜᬦ᭄ᬤᬂᬢᬶᬭᬸ᭞ᬮᬓ᭄ᬱᬡᬦᬶᬂᬲᬹᬃᬬ᭄ᬬᬫᬃᬕ᭄ᬕ᭟᭑᭔᭟ᬋᬗᭂᬦᭂᬦ᭄ᬢᬶᬓᬂᬦᬵᬕᬭ᭞ᬮᬭᬦ᭄‌ᬚᬕᬢᬾᬢᬶᬮᬶᬓᬶᬦ᭄᭞ᬓᬵ [ 28 ][᭒᭗ 27B]
᭒᭗
ᬮᬶᬄᬯᬤᬦᬾᬲᬗ᭄ᬲᬭ᭞ᬜᬦ᭄ᬤᬂᬳᬯᬵᬲ᭄ᬬᬧᬭᬦᬶᬦ᭄᭞ᬳᭀᬢ᭄ᬲᬳᬓᭂᬦ᭄ᬧᬶᬲᬸᬓᬦᬶᬦ᭄᭞ᬩᬮᬢᬦᬶᬜᬦ᭄ᬤᬂᬳᭂᬫ᭄ᬧᬸ᭞ᬗ᭄ᬓᬵᬲᬗ᭄ᬓᬦᬶᬓᬂᬓᬯᬷᬃᬬ᭄ᬬᬦ᭄᭞ᬳᬚᬲᬶᬭᬫᬧᬶᬢᬦᬶ᭞ᬲᬗ᭄ᬓᬦ᭄ᬳᬕᬸᬂ᭞ᬩᬮᬓᭀᬱ
ᬦᬾᬗᬯᬶᬦᬂ᭟᭑᭕᭟ᬬᬦ᭄ᬳᬢᬫ᭄ᬩᬓ᭄‌ᬯ᭄ᬯᬂᬳᬲᬯᬄ᭞ᬓᬭᬸᬲᬓᬦ᭄ᬢᬦ᭄ᬳᬸᬦᬶᬗᬶᬦ᭄᭞ᬚᬕᬢ᭄ᬲᬬᬄᬫᬮᬶᬂᬕᬮᬓ᭄᭞ᬫᬓᭀᬧᭂᬢᬶᬦ᭄ᬲᬂᬦᬭᬧᬢᬶ᭞ᬢᬶᬦᬶᬦ᭄ᬤᬰ᭄ᬭᬷᬪᬸᬧᬢᬶ᭞ᬓᬢ᭄ᬓᬦᬶᬂᬩᬧᬶᬸᬮᬧᬸᬗ᭄ᬕᬸᬂ᭞ᬲ
ᬳᬦᬦᬾᬫᬜᭂᬮ᭄ᬲᭂᬮᬂ᭞ᬳᬕᬾᬲᬶᬭᬫᬦᬸᬮᬸᬗᬶᬦ᭄᭞ᬳᬬ᭄ᬯᬵᬗᬶᬢᬸᬂ᭞ᬩ᭄ᬯᬢᬶᬂᬩ᭄ᬬᬬᬧᬘᬂᬧᬹᬡ᭄ᬬ᭟᭑᭖᭟ᬘᬶᬗᬓ᭄ᬤᬾᬯᬧᬤᬸᬰᬸᬦᬦ᭄᭞ᬳᬲᬶᬂᬢᬸᬦᬧᬶᬢᬸᬢᬸᬭᬶᬦ᭄᭞ᬫᬓᬵᬤᬶᬧ᭄ᬭᬦᭂᬫᬦ᭄ᬤᬾᬯ᭞ᬧᬸᬲᭂᬄ
ᬤᬾᬰᬫᬗ᭄ᬤᬩ᭄ᬘᬶᬓ᭄᭞ᬬᬦᬶᬂᬦᭀᬭᬓᬤᬶᬬᬸᬓ᭄ᬢᬶ᭞ᬤᬾᬰᬩᭀᬦ᭄ᬤᬦ᭄ᬦᬭᬳᬸᬫᬸᬂ᭞ᬩᬶᬮᬂᬲᬗ᭄ᬓᭂᬧ᭄ᬫᬳᬶᬬᭂᬕᬦ᭄᭞ᬳᬸᬚᬭᬾᬲᬮᬶᬂᬢᬫ᭄ᬩᬸᬗᬶᬦ᭄᭞ᬧᬢᬶᬓᬘᬸᬄ᭞ᬢᬸᬮᬸᬂᬤᬾᬯᬕᬕ᭄ᬮᬶᬲᬦ᭄᭟᭑᭗᭟ᬧᬸᬭᬤ

[᭒᭘ 28A]
᭒᭘
ᬍᬫ᭄ᬓᬭᬸᬲᬓᬦ᭄᭞ᬧᬸᬦᬶᬓᬗᬯᭂᬢ᭄ᬯᬂᬲᬓᬶᬢ᭄᭞ᬦᬵᬭᬧ᭄ᬚᬄᬢᬦ᭄ᬧᬸᬢᬸᬲᬦ᭄᭞ᬦᬭᬩᬚᬂᬳᬕᬸᬂᬳᬮᬶᬢ᭄᭞ᬦᬶᬓᬜᬦ᭄ᬤᬂᬧᬢᬫ᭄ᬢᬫᬶᬦ᭄᭞ᬫᬗ᭄ᬭᬸᬕ᭄ᬬᬂᬲᬂᬦᬵᬣᬭᬢᬸ᭞ᬤᬤᬶᬮᬪᬦᬾᬧᬓᬶᬭᬂ᭞ᬩᬮᬦᬾᬦᭀᬭᬯᬺ
ᬥᬶ᭞ᬬᬦ᭄ᬭᬳᬬᬸ᭞ᬫᬃᬕ᭄ᬕᬳᬦ᭄ᬢᬃᬫ᭄ᬢᬸᬮᬪᬵ᭟᭑᭘᭟ᬥᬃᬫ᭄ᬫᬦᬶᬂᬢᬫᬦ᭄ᬲᬵᬕᬭ᭞ᬧᬤᬾᬦᭀᬭᬓᬳᭀᬲᬓᬶᬦ᭄᭞ᬦᬭᬚᬸᬕᬸᬮ᭄ᬧᬭᬶᬭᬸᬲᬓ᭄᭞ᬢᬍᬃᬫᬗ᭄ᬯᬗᬸᬦᬂᬭᬸᬲᬶᬓ᭄᭞ᬩᬶᬸᬧᬤᬸᬰᬸᬦᬦ᭄ᬓᬶᬭᬂᬩᬺᬱᬶᬄ᭞ᬳᬓ᭄ᬯᬾᬄᬧᬶ
ᬦᬓᬶᬢᬾᬫᭂᬢᬸ᭞ᬜᬦ᭄ᬤᬂᬕᭂᬦ᭄ᬢᭀᬲᬶᬦ᭄ᬧᬗᭂᬫ᭄ᬧ᭄ᬯᬦ᭄᭞ᬦᬾᬯ᭄ᬭᬸᬄᬭᬶᬗᬚ᭄ᬜᬦᬅᬚᬶ᭞ᬗ᭄ᬓᭂᬦ᭄ᬧᬶᬓᬸᬓᬸᬄ᭞ᬫᬓᬕᬸᬭᬸᬦ᭄ᬧᬤᬸᬰᬸᬦᬦ᭄᭟᭑᭙᭟ᬫᬗ᭄ᬓᬵᬢᬗ᭄ᬕᬸᬄᬪᬕᬯᬵᬦ᭄ᬢ᭞ᬫᬭᬶᬂᬧᬸᬢ᭄ᬭᬦᬵᬭᬧᬢᬶ᭞ᬗᬦ᭄ᬤᬶᬓᬲᬳᬵ
ᬗᬤ᭄ᬧᬤ᭞ᬢᬶᬢ᭄ᬬᬂᬤᬳᬢ᭄ᬫᬫᬶᬲᬶᬗ᭄ᬕᬶᬄ᭞ᬬᭀᬕ᭄ᬬᬬᭀᬕ᭄ᬬᬲᬵᬚ᭄ᬜᬳᬚᬶ᭞ᬢᬶᬕᬂᬰᬰᬶᬄᬭᬵᬦᬓ᭄ᬳᭂᬫ᭄ᬧᬸ᭞ᬇᬭᬶᬓᬧᬸᬧᬸᬢ᭄‌ᬲ᭄ᬫᬬ᭞ᬓᬪᬶᬱᬾᬓᬫᬯᬪᬸᬫᬶ᭞ᬓᬦ᭄ᬢᬸᬦ᭄ᬓᬸᬮᬸᬩ᭄᭞ᬭᬶᬂᬧᬶᬤᬃᬢ᭄ᬢᬲᬂᬲᬥᬓ᭟᭒᭐ [ 29 ][᭒᭘ 28B]
᭒᭘
᭟ᬫᬦᬄᬢᬶᬢ᭄ᬬᬂᬓᬦ᭄ᬢᬸᬦᬺᬩᬄ᭞ᬓᬕᭂᬡ᭄ᬥᬬᬸᬱᬦᬾᬳᬮᬶᬢ᭄᭞ᬳᬗ᭄ᬕᬦᬶᬂᬓᬋᬧᬶᬂᬫᬹᬥ᭞ᬳᬲᬶᬂᬳᬜᬃᬯᬳᬸᬓᬵᬓ᭄ᬱᬶ᭞ᬦᬾᬗᬶᬦ᭄‌ᬤᬢᬓᬕᬸᬕ᭄ᬯᬦᬶᬦ᭄᭞ᬦᬶᬲ᭄ᬨᬮᬓᬯᬺᬥ᭄ᬬᬦᬶᬧᬸᬦ᭄᭞ᬤᬸᬭᬸᬂᬭᬢᬸᬲᬶᬥᬧᬲᬄ
᭞ᬍᬕᬦ᭄ᬢᬶᬢ᭄ᬬᬂᬲᬵᬭᬶᬲᬵᬭᬶ᭞ᬫᬩᬩᬸᬭᬸ᭞ᬫᬭᬶᬂᬢ᭄ᬮᭂᬗᬶᬂᬯᬦᬯᬰ᭟᭒᭑᭟ᬲᬂᬰ᭄ᬭᬷᬦᬵᬣᬭᬭᬶᬲ᭄ᬦᬗ᭄ᬕᬮ᭄᭞ᬫᬜ᭄ᬮᬸᬂᬮᬸᬗᬶᬦ᭄ᬲᬵᬚ᭄ᬜᬳᬚᬶ᭞ᬋᬗᭃᬦ᭄ᬤᬾᬯᬚ᭄ᬯᬢᬢᬲᬂ᭞ᬧᬲ᭄ᬯᬃᬦᬶᬂᬧᬡ᭄ᬥᬶᬢᬬᬸᬓ᭄ᬢᬶ᭞ᬳᬚᬲᬶᬭᬩᬭᬶᬩᬭᬶ᭞ᬳ
ᬤ᭄ᬯᬾᬂᬳᬸᬚᬃᬭᬶᬂᬲᬂᬧᬸᬢᬸᬲ᭄᭞ᬓ᭄ᬦᬉᬧᬤ᭄ᬯᬶᬤ᭄ᬭᬯᬤᬾᬯ᭞ᬧᬸᬢ᭄ᬭᬦ᭄ᬩᬧᬢ᭄ᬯᬄᬳᬲᬶᬓᬶ᭞ᬳᬬ᭄ᬯᬜ᭄ᬮᬫᬸᬃ᭞ᬢᬸᬢᬸᬭᬾᬚ᭄ᬯᬢᬢᬲᬂ᭟᭒᭒᭟ᬤᬩ᭄ᬥᬩᬂᬤᬾᬯᬤᬩ᭄ᬥᬩᬂ᭞ᬫᬸᬂᬧᬸᬂᬭᬕᬓᬭᬶᬳᬮᬶᬢ᭄᭞ᬫ᭄ᬮᬚᬄᬜᭀᬮᬳᬂᬭᬕ᭞ᬥᬃᬫ᭄ᬫᬲᬵ
ᬥᬸᬦᬾᬕᭂᬕ᭄ᬯᬦᬶᬦ᭄᭞ᬳᬳᬶᬃᬱ᭄ᬬᬓᬦᬂᬳᬚ᭄ᬜᬶ᭞ᬤᬸᬍᬕ᭄ᬫᬭᬶᬂᬦᬭᬮᬘᬸᬃ᭞ᬲᬵᬫ᭄ᬧᬸᬦ᭄ᬩᭀᬗ᭄ᬕᬦ᭄ᬫᬭᬶᬂᬭᬕ᭞ᬬᬤ᭄ᬬᬲ᭄ᬢᬸᬦ᭄ᬳᬕᬸᬂᬫᬗᬶᬗ᭄ᬕᬶᬮ᭄᭞ᬳᬓ᭄ᬯᬾᬄᬓᬦ᭄ᬢᬸᬦ᭄᭞ᬲᬦᬾᬜᬦ᭄ᬤᬂᬓᬢᬸᬦᬲᬂ᭟᭒᭓᭟ᬢᬶᬭᬸᬢᬶᬭ᭄ᬯᬂᬚ᭄ᬯᬫ

[᭒᭙ 29A]
᭒᭙
ᬲᭀᬮᬄ᭞ᬭᬶᬂᬭᬕᬕᬮᬶᬄᬕᬮᬶᬳᬶᬦ᭄᭞ᬳᬮᬳᬬᬸᬫᬗ᭄ᬤᬢᬢᬲ᭄᭞ᬳᬶᬗ᭄ᬕ᭄ᬬᬦ᭄ᬦᬦᬓ᭄‌ᬚ᭄ᬭᬶᬳᬶᬦ᭄ᬪᬸᬫᬶ᭞ᬬᬤᬶᬦ᭄ᬢᬦ᭄ᬲᬸᬚᬦᬢ᭄ᬯᬶᬚᬢᬶ᭞ᬧᬂᬤᬺᬥᬪᬓ᭄ᬢᬶᬫᬜᬸᬗ᭄ᬲᬸᬂ᭞ᬲᬶᬂᬜᬯ᭄ᬭᬸᬄᬳᬚ᭄ᬜᬦᬰᬸᬓ᭄ᬮᬵ᭞ᬪᬶᬓ᭄ᬱᬸᬭᬶᬂᬉᬧᬬᬲ
ᬦ᭄ᬤᬶ᭞ᬧᬵᬢᬹᬢ᭄ᬳᬚᬸᬫ᭄᭞ᬚᭂᬦᭂᬗᬂᬧᬭᬬᭀᬕ᭄ᬬ᭟᭒᭔᭟ᬳᬬ᭄ᬯᬓᬶᬢᬫᬲᬦᬾᬳᬦ᭄᭞ᬚᬵᬢᬶᬦ᭄ᬜᬦᬾᬓᬯᬶᬢ᭄ᬢᬸᬗ᭄ᬕᬶᬮ᭄᭞ᬘᬢᬹᬃᬯᬗ᭄ᬰᬮᬦ᭄‌ᬢ᭄ᬭᬶᬯᬗ᭄ᬰ᭞ᬩᬮᬭᬢᬸᬦᬾᬲᬯᬯᬶ᭞ᬧᬦᬸᬗ᭄ᬕᬶᬮ᭄ᬜᬯᬦ᭄ᬢᬄᬚᬤ᭄ᬫᬶ᭞ᬧᬭᬹᬧᬬᬦ᭄
ᬯᬦ᭄ᬢᬄᬧᬢᬸᬄ᭞ᬓ᭄ᬭᬡᬯᬾᬦ᭄ᬢᭂᬦ᭄ᬮᬶᬗ᭄ᬕᬲ᭄ᬯᬭ᭞ᬳᬕᬸᬂᬳᬮᬶᬢᬾᬗᬯᬶᬦᬶᬦ᭄᭞ᬲᬗ᭄ᬓᬦ᭄‌ᬫ᭄ᬢᬸ᭞ᬳᬗ᭄ᬕᬄᬳᬸᬗ᭄ᬕᬸᬄᬧᬭᬶᬩᬱᬵ᭟ᬳᬬ᭄ᬯᬲᬲᬃᬫᬯᬘᬦ᭞ᬗᬤᭂᬕ᭄ᬳᬕᬸᬂᬫᬉᬢᬫᬶ᭞ᬢᬦ᭄ᬓᬢᬶᬭᬸᬫᬭᬶᬂᬯᬤ᭄ᬯ᭞ᬤᬤᬶᬢ᭄ᬗᭂᬢ᭄ᬫᬯᬪᬹᬫᬶ᭞ᬮ᭄ᬯᬶᬃᬓ
ᬦᬦᬮᬦ᭄ᬓᬾᬱᬭᬶ᭞ᬲᬧᬸᬦᬶᬓᬮ᭄ᬯᬶᬃᬳᬶᬧᬸᬦ᭄᭞ᬢᬸᬘᬧᬦ᭄ᬳᬶᬓᬂᬤᬾᬯᬲ᭞ᬳᬸᬯᬸᬲ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬭᬯᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬦᬗ᭄ᬓᬶᬮᬦ᭄ᬲᬫᬶᬩᬸᬩᬃ᭟᭒᭖᭟ᬮᬸᬗ᭄ᬳᬂᬯ᭄ᬗᬶᬓᬯᬸᬯᬸᬲᬦ᭄᭞ᬦᬸᬮ᭄ᬬᬏᬜ᭄ᬚᬶᬂᬦᬾᬦᬾᬫᬗ᭄ᬓᬶ [ 30 ][᭒᭙ 29B]
᭒᭙
ᬦ᭄᭞ᬚᬕ᭄ᬭᬳᬶᬓᬦᬂᬓᬸᬫᬸᬥ᭞ᬳᬫ᭄ᬩᬸᬦ᭄ᬜᬦᬾᬲᬸᬫᬃᬫ᭄ᬭᬶᬓ᭄᭞ᬓᬢᭂᬫ᭄ᬧᬸᬄᬭᬶᬂᬲᬫᬶᬕᬢᬶ᭞ᬧᬓ᭄ᬱᬶᬦᬾᬫᬲ᭄ᬯᬭᬳᬸᬫᬸᬂ᭞ᬳᬦᬭᬶᬂᬧᬂᬗᬶᬓᬂᬯᬺᬓ᭄ᬱ᭞ᬲᬵᬓ᭄ᬱᬢ᭄ᬓᬦ᭄ᬬᬓᬫᬦᬗᬶᬲ᭄᭞ᬢᬶᬗ᭄ᬕᬮ᭄‌ᬓᬓᬸᬂ᭞ᬓᬧᬸᬮᬸᬢ᭄‌ᬲ᭄ᬫᬭᬕᬵ
ᬫ᭟᭒᭗᭟ᬲ᭄ᬯᬭᬩᬗᭀᬦᬾᬳᬧᬶᬲᬦ᭄᭞ᬓᬕ᭄ᬬᬢ᭄ᬫᬶᬩᭂᬃᬧᬥᬧᬓ᭄ᬱᬶ᭞ᬭᬶᬂᬳᬸᬦᬶᬦᬶᬂᬩᬗᭀᬇᬓ᭞ᬮ᭄ᬯᬶᬃᬧᬗᬤᬸᬄᬓᬦᬶᬂᬇᬲ᭄ᬢ᭄ᬭᬶ᭞ᬯᬯᬸᬦᭂᬥᭂᬂᬯᬭᬧ᭄ᬲᬵᬭᬷ᭞ᬓᬧ᭄ᬯᬭᬗᬂᬯᬯᬸᬯᬯᬸ᭞ᬫᬭᬶᬂᬬᬬᬄᬓᬮᬶᬄᬭᬾᬡ᭞ᬯᬯᬸᬳ
ᬫᭀᬭᬶᬂᬲᬯ᭄ᬗᬶ᭞ᬜ᭄ᬭᬶᬢ᭄ᬓᬦ᭄ᬢᬸ᭞ᬯᬯᬸᬢᭂᬫ᭄ᬩᬾᬭᬶᬦᬪᬱ᭟᭒᭘᭟ᬭᬶᬤᬰᬫᬷᬧᬸᬦᬂᬓᬺᬱ᭄ᬡᬵ᭞ᬰᬰᬶᬄᬓᬢᭀᬦ᭄ᬫᬭᬶᬂᬮᬗᬶᬢ᭄᭞ᬲᬢ᭄ᬗᬄᬜᬓᬢᬶᬗ᭄ᬳᬮᬦ᭄᭞ᬳᬘᬸᬫ᭄ᬓᬲᬸᬦ᭄ᬤᬭᬶᬦ᭄ᬭᬯᬶ᭞ᬮ᭄ᬯᬶᬃᬯᬦᬶᬣᬓᬲᬶᬳᬲᬶᬄ᭞ᬲᬃᬯ᭄ᬯᬶᬦᬶᬜ᭄ᬚᭀᬮ
ᬓᬶᬦ᭄ᬳᬶᬧᬸᬦ᭄᭞ᬫᬵᬮᬶᬗᬦ᭄ᬮᬯᬂᬳᬲᬶᬩᬓ᭄᭞ᬮᬫ᭄ᬧᬄᬲᬂᬲ᭄ᬦᭂᬂᬫᬜᬶᬮᬶᬩ᭄᭞ᬲᬗᬓᬦ᭄ᬢᬸᬦ᭄᭞ᬧᬓᬶᬭᬂᬯᬸᬲ᭄‌ᬓᬢᬶᬗ᭄ᬕᬮᬦ᭄᭟᭒᭙᭟ᬭᬸᬭᬹᬧᬸᬱ᭄ᬧᬦᬶᬂᬉᬤ᭄ᬬᬦ᭞ᬫᬭᬶᬂᬍᬫᬄᬲᬯᬂᬦᬗᬶᬲ᭄᭞ᬓᬵᬢᬸᬢ᭄ᬭᬶᬂᬓᬩᬂᬓᬓᬯ᭞ᬳ

[᭓᭐ 30A]
᭓᭐
ᬗ᭄ᬕᬦᬶᬂᬯ᭄ᬯᬂᬲᭂᬤᬶᬄᬳᬲᬶᬄ᭞ᬫᬕ᭄ᬮᬸᬢ᭄ᬫᬕᬍᬂᬧᬦᬶᬦ᭄᭞ᬤᬤ᭄ᬬᬜᬦᬶᬤ᭄ᬭᬓᬢᬸᬗ᭄ᬓᬸᬮ᭄᭞ᬫᬕ᭄ᬮᭂᬦ᭄ᬥᬾᬂᬳᬧᬦᬮᬶᬓᬦ᭄᭞ᬓᬵᬰ᭄ᬘᬃᬬ᭄ᬬᬫᬳᬸᬗᬸᬲᬫᬶ᭞ᬚᬕᬫᬵᬦ᭄ᬢᬸᬓ᭄᭞ᬳᬶᬲ᭄ᬢ᭄ᬭᬶᬦ᭄ᬜᬦᬾᬫᬦᬸᬮᬓᬂ᭟᭓᭐᭟ᬲᬵᬫ᭄ᬧᬸᬦ᭄ᬤᬾᬯᬓᬧᬸᬧᬸ
ᬗᬦ᭄᭞ᬤ᭄ᬯᬦᬶᬂᬮᬶᬦ᭄ᬢᬂᬲ᭄ᬬᬗᬾᬫᬗ᭄ᬓᬶᬦ᭄᭞ᬳᬚ᭄ᬭᬶᬄᬢᬶᬢ᭄ᬬᬂᬧᬘᬂᬓᬘᬷᬃᬬ᭄ᬬᬦ᭄᭞ᬫᭀᬩᭀᬲ᭄ᬮᬓᬶᬲᬤᬕ᭄ᬮᬶᬲ᭄᭞ᬳᬶᬲ᭄ᬢ᭄ᬭᬶᬦ᭄ᬜᬦᬾᬓᬵᬲᬶᬳᬲᬶᬄ᭞ᬗᬶᬭᬶᬂᬤᬾᬯᬫᬮᬶᬄᬫᬯᬗ᭄ᬲᬸᬮ᭄᭞ᬓᬫ᭄ᬢᬾᬦ᭄ᬫᬲᬶᬗᬶᬤᬦ᭄᭞ᬲᬵᬫ᭄ᬧᬸᬦ᭄ᬤᬾ
ᬯᬯᬮᬂᬳᬢᬶ᭞ᬢᬶᬢ᭄ᬬᬂᬲᬗ᭄ᬕᬸᬧ᭄᭞ᬫᬗᬾᬓᬤᬬᬉᬧᬬ᭟᭓᭑᭟ᬭᬳᬶᬦᬢᬢᬲ᭄ᬓᬯᬸᬯᬸᬲᬦ᭄᭞ᬫᬶᬚᬶᬮ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᬕᬕ᭄ᬧᬕᬾᬕ᭄ᬫᬗᬶᬭᬶᬗᬂ᭞ᬧᬋᬓᬦ᭄ᬲᬬᬂᬓᬓᬮᬶᬄ᭞ᬫᬯᬘᬦᬯᬶᬲᬶᬓ᭄ᬯᬶᬲᬶᬓ᭄᭞
ᬫᬃᬕ᭄ᬕᬶᬜᬶᬮᬶᬩ᭄ᬭᬶᬂᬲᬂᬧ᭄ᬭᬪᬸ᭞ᬜᬸᬲᬸᬧ᭄ᬫᬭᬶᬂᬯᬦᬵᬦ᭄ᬢᬭ᭞ᬮᬸᬗ᭄ᬳᬵᬲᬤᬶᬦᬦᬾᬫᬗ᭄ᬓᬶᬦ᭄᭞ᬭᬓ᭄ᬭᬶᬬᬦ᭄ᬦᬶᬗ᭄ᬲᬸᬦ᭄᭞ᬳᬕᬾᬘᬯᬶᬲᬂᬩᬩᭂᬓᭂᬮᬦ᭄᭟᭓᭒᭟ᬥᬯᬸᬄᬧᬶᬲᬦ᭄‌ᬢ᭄ᬭᬸᬲ᭄ᬫᬫᬃᬕ᭄ᬕ᭞ᬢᬸᬫ᭄ᬩᬓ᭄‌ᬩ᭄ᬥᬶᬮᬾᬢᬦ᭄ᬫ [ 31 ][᭓᭐ 30B]
᭓᭐
ᬭᬶᬂ᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬭᬶᬂᬦᬕᬭ᭞ᬢᬦ᭄ᬲᬄᬓᬤᬾᬬᬦ᭄ᬫᬗᬶᬭᬶᬂ᭞ᬫᬩᬩᬸᬭᬸᬢᬦᬧᭀᬮᬶᬄ᭞ᬢ᭄ᬭᬸᬲ᭄ᬫᬜᬸᬲᬸᬧ᭄ᬓᬕᬸᬦᬸᬂ᭞ᬫᬳᬶᬥᭂᬃᬫᬥ᭄ᬬᬦᬶᬂᬯᬦ᭞ᬦᭂᬤᬸᬦᬶᬦ᭄‌ᬮ᭄ᬯᬄᬫᬸᬗ᭄ᬕᬄᬕᬶᬭᬶ᭞ᬦᬸᬕᬶᬤᬮᬸ᭞ᬫᬓᬸᬍᬫ᭄ᬭᬶᬂᬯᬦᬯᬰ᭟᭓᭓᭟
ᬳᬯᬸᬲ᭄ᬭᬳᬶᬦᬓᬫᬦ᭄ᬢ᭄ᬬᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬦᭀᬭᬯ᭄ᬭᬸᬄᬭᬶᬂᬧᬚᬕᬢᬦ᭄᭞ᬓᬾᬫ᭄ᬗᬦ᭄ᬲᬂᬢᬶᬕᬫᬗ᭄ᬓᬶᬦ᭄᭞ᬮᭀᬃᬓᬶᬥᬸᬮ᭄ᬢᬦᬵᬦᬳᬾᬮᬶᬂ᭞ᬧᬫᬃᬕ᭄ᬕᬶᬦᬾᬓᬮᬧᬸᬮᬧᬸ᭞ᬫᬫᬗ᭄ᬕᬶᬳᬶᬦ᭄‌ᬢ᭄ᬕᬮ᭄ᬚᬫ᭄ᬩᬢ᭄᭞ᬧᬫᬃ
ᬕ᭄ᬕᬶᬦᬾᬤᬩ᭄ᬤᬩ᭄ᬳᬭᬶᬲ᭄᭞ᬤᬳᬢ᭄ᬮᭂᬲᬸ᭞ᬫᬭᬵᬃᬬ᭄ᬬᬦ᭄ᬲᭀᬭᬶᬂᬯᬦ᭄ᬤᬶᬭ᭟᭓᭔᭟ᬳᬶᬧᬕᬕ᭄ᬧᬕᬾᬕ᭄ᬫᬢᬸᬭ᭄ᬯ᭞ᬫᬗᬦ᭄ᬤᬶᬓᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬭᬓ᭄ᬭᬶᬬᬦ᭄ᬳᬶᬗ᭄ᬲᬸᬦ᭄ᬲᬂᬭ᭄ᬯ᭞ᬳᭂᬜ᭄ᬘᬾᬦ᭄‌ᬚᬦᬶᬧᬘᬂᬳᬸᬗ᭄ᬲᬶ᭞ᬤᬸᬃᬮᬪᬕᬯᬾᬦᬾᬫᬗ᭄ᬓᬶᬦ᭄
ᬲᬶᬭᬓᬤᬾᬬᬦ᭄ᬳᬮᭀᬦ᭄ᬫᬢᬹᬃ᭞ᬗᬶᬭᬶᬂᬫᬦ᭄ᬢᬸᬓ᭄ᬭᬶᬂᬦᬵᬕᬭ᭞ᬦᬸᬮ᭄ᬬᬮᬸᬫᬫ᭄ᬧᬄᬲᬂᬓᬢ᭄ᬭᬶᬦᬶ᭞ᬲᭀᬭᬾᬲᬵᬫ᭄ᬧᬸᬦ᭄᭞ᬢᬶᬲ᭄ᬢᬶᬲ᭄ᬫᬡ᭄ᬥᬲᬂᬳ᭄ᬬᬂᬲᬹᬃᬬ᭄ᬬ᭟᭓᭕᭟ᬢᬦᬸᬘᬧᬦ᭄ᬦᬭᬶᬂᬫᬃᬕ᭄ᬕ᭞ᬓᬘᬸᬡ᭄ᬥᬸᬓ᭄ᬢᬫᬦᬾᬳᬰ᭄ᬭᬷ᭞ᬢᬸᬃᬭᬳᬬᬸᬦᬾ

[᭓᭑ 31A]
᭓᭑
ᬓᬮᬶᬦ᭄ᬢᬂ᭞ᬲᬂᬳᬦᭀᬫ᭄ᬗᬦ᭄ᬤᬶᬓᬳᬭᬶᬲ᭄᭞ᬅᬄᬇᬄᬧᬫᬦ᭄ᬳᬶᬗ᭄ᬲᬸᬦ᭄ᬳᬶᬓᬶ᭞ᬭᬱᬳᬦᬦᬵᬭᬦᬸᬗ᭄ᬕᬸ᭞ᬰᬸᬘᬶᬩᬺᬲᬶᬄᬓᬯᭀᬲᬓᬦ᭄᭞ᬳᬢᬸᬢᬸᬃᬲᬃᬯ᭄ᬯᬫᬫᬃᬕ᭄ᬕᬶ᭞ᬲᬕᬾᬢ᭄ᬓᬤᬸᬮᬸ᭞ᬦᬭᬲ᭄ᬢ᭄ᬭᬷᬫᬲᬸᬘ᭄ᬬᬦ᭄᭟᭓᭖᭟ᬫᬭᬵᬃᬬ᭄ᬬᬦ᭄ᬢᭂᬧᬶᬦᬶᬂ
ᬢ᭄ᬮᬕ᭞ᬲᬃᬯ᭄ᬯᬶᬦᭀᬦ᭄ᬢᭀᬦ᭄ᬲᬂᬫᬩᬺᬲᬶᬄ᭞ᬲᬓᬶᬂᬲᭀᬭᬶᬂᬦᬕᬧᬸᬱ᭄ᬧ᭞ᬧᬭᬯᬦᬶᬣᬢᬦ᭄ᬳᬸᬦᬶᬂ᭞ᬗᬮᬶᬕᬲ᭄ᬫᬓᭀᬩᭀᬓ᭄ᬲᬫᬶ᭞ᬕᬾᬕᬾᬃᬳᬤ᭄ᬬᬸᬲ᭄ᬫᬭᬶᬂᬭᬡᬸ᭞ᬧᬲ᭄ᬯᭀᬦ᭄ᬢᬾᬗᬶᬭᬶᬂᬲᬂᬤ᭄ᬬᬄ᭞ᬓᬕᬾᬢ᭄ᬲᬵᬫ᭄ᬧᬸᬦ᭄ᬫᬡ᭄ᬥᬬᭀᬦᬶ᭞ᬭᬭᬶ
ᬲ᭄ᬫᬦ᭄ᬢᬸᬓ᭄᭞ᬧᬸᬧᬸᬢ᭄ᬳᬤ᭄ᬬᬸᬲᬶᬂᬉᬤ᭄ᬬᬵᬦ᭟᭓᭗᭟ᬓᭃᬢᬹᬢ᭄ᬗᬸᬭᬶᬮᬫ᭄ᬧᬳᬶᬭ᭞ᬳᭀᬮᬶᬄᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᬫᬦ᭄ᬧᬕᬕ᭄ᬫᬗᬋᬧᬂ᭞ᬳᬶᬗ᭄ᬕᬶᬄᬭᬢᬸᬲᬗᬧᭂᬓᬶᬓ᭄᭞ᬰᬰᬶᬄᬪᬹᬫᬶᬦᬾᬲᬶᬦᬄᬫᬗ᭄ᬓᬶᬦ᭄᭞ᬫᬭᬶᬂᬉᬤ᭄ᬬᬦᬢᬸᬫᬸᬭᬸ
ᬦ᭄᭞ᬦᬭᬶᬂᬢ᭄ᬮᭂᬗᬶᬂᬯᬦᬯᬰ᭞ᬲᬓᬶᬂᬯᬶᬓᬦ᭄‌ᬲᬂᬫᬗᬯᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬦᬭᬮ᭄ᬬᬦ᭄ᬫᬗᬦ᭄ᬢᭂᬦᬂ᭞᭓᭘᭟ᬤᬹᬃᬮᬪᬦᬾᬫᬗᬯᬶᬦᬂ᭞ᬫᬩᬩᬸᬭᬸᬲᬓᬶᬂᬤᬷᬩᬶ᭞ᬦᬶᬓᬶᬳᬶᬦᬩ᭄ᬮᬪᬦ᭄ᬳᬶᬤᬾᬯ᭞ᬲᬓᬶᬂᬓᬃᬬ᭄ᬬᬦ᭄ᬲᬂ [ 32 ][᭓᭑ 31B]
᭓᭑
ᬳ᭄ᬬᬂᬓᬯᬷ᭞ᬦᬧᬶᬉᬧᬬᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬲᬶᬥᬚᬓᬢ᭄ᬫᬸ᭞ᬤᬸᬫᬤᬓ᭄ᬲᬤ᭄ᬬᬓᬢ᭄ᬭᬶᬫ᭞ᬫᬓᬸᬍᬫ᭄ᬲᬯ᭄ᬗᬶᬫᬗ᭄ᬓᬶᬦ᭄᭞ᬬᬦ᭄ᬜᬮᬘᬸᬃ᭞ᬧᬯᬾᬲ᭄ᬢ᭄ᬭᬶᬯᬸᬲ᭄‌ᬲᬶᬦᬗ᭄ᬓᬺᬩᬦ᭄᭟᭓᭙᭟ᬧᬕᬕ᭄ᬦᬗ᭄ᬕᬮ᭄ᬭᬶᬂᬓᬓᬦ᭄ᬜᬵ᭞ᬓᬕᬾᬢ᭄ᬮᬘᬸ
ᬭᬾᬗᬯᬶᬦᬶᬦ᭄᭞ᬲᬶᬂᬜᬳᬶᬲ᭄ᬢ᭄ᬭᬶᬲᬲᬗ᭄ᬓ᭄ᬭᬶᬗᬦ᭄᭞ᬳᬤᬸᬄᬮᬘᬸᬭᬾᬤᬸᬫᬥᬶ᭞ᬲᬓᬶᬂᬜᬥ᭄ᬬᬧᬤᬶᬤᬶᬬᬶᬦ᭄᭞ᬫᬦᭀᬦ᭄ᬢᭀᬦ᭄ᬳᬶᬲ᭄ᬢ᭄ᬭᬶᬲ᭄ᬬᬂᬤᬮᬸ᭞ᬮᬦ᭄ᬫᬯᭂᬯᭂᬄᬘᬢᬸᬃᬓ᭄ᬭᬡ᭄ᬥᬦ᭄᭞ᬮᬘᬸᬃᬥᬾᬯᬾᬓᬾᬫᬦᬶᬦ᭄ᬤᬶᬄ᭞ᬲᬓᬶᬂᬮᬘᬸᬃ᭞
ᬩ᭄ᬮᬶᬗᬯᬸᬮᬭᬶᬂᬢᬶᬢ᭄ᬬᬂ᭟᭔᭐᭟ᬓᬲᭀᬩ᭄ᬲᬚᬫᬦᬄᬢᬶᬢ᭄ᬬᬂ᭞ᬲᬥ᭄ᬬᬦ᭄ᬳᬦᬓᬾᬫᬭᬩᬶ᭞ᬫᬕ᭄ᬦᬄᬭᬶᬂᬰᬹᬦ᭄ᬬᬦ᭄ᬢᬭ᭞ᬫᬜᬶᬗᬶᬤᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬳᬗ᭄ᬕᭀᬦ᭄ᬫᬳ᭄ᬬᬲᬶᬦ᭄ᬳᬸᬓᬶᬃ᭞ᬬᬲᬢᬢᬦᭀᬭᬇᬩᬸᬓ᭄᭞ᬳᬶᬦ
ᬩ᭄ᬢᬭᬗᬶᬢᬸᬗᬂᬧᬗᬦ᭄᭞ᬳᬸᬮ᭄ᬬᬦ᭄‌ᬍᬕᬦ᭄ᬜᬦᬾᬲᬳᬶ᭞ᬲᬕᬾᬢ᭄ᬭᬸᬦ᭄ᬢᬸᬄ᭞ᬓᬦ᭄ᬢᬸᬳᬶᬤᬲᬂᬭᬳᬤ᭄ᬬᬦ᭄᭟᭔᭑᭟ᬓᬤᬾᬬᬦᬾᬮᬶᬦ᭄ᬢᬂᬳᭀᬲᬄ᭞ᬤᬤᬶᬳᬸᬫᬸᬂᬧᬥᬜ᭄ᬭᬶᬢ᭄᭞ᬳᬶᬧᬕᬕ᭄ᬧᬕᬾᬕ᭄ᬫ

[᭓᭒ 32A]
᭓᭒
ᬕᬸᬬᬂ᭞ᬢᬸᬮᬸᬂᬢᬸᬮᬸᬂᬫᬦᬸᬮᬫᬶ᭞ᬳᬶᬗ᭄ᬕᬶᬄᬭᬢᬸᬲᬗᬧ᭄ᬓᬶᬓ᭄᭞ᬗᬸᬤᬭᬢᬸᬚ᭄ᬯᬓᬤᬸᬭᬸᬲ᭄᭞ᬫᬵᬲ᭄ᬫᬶᬭᬄᬢᬶᬢ᭄ᬬᬂᬳᬶᬤᬾᬯ᭞ᬮᬮᬶᬲ᭄ᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬦᭀᬮᬶᬄᬓᬧᬸᬗ᭄ᬓᬸᬃ᭞ᬲᬂᬤ᭄ᬬᬄᬮᬦ᭄ᬧᬭᬳᬶᬜ᭟᭜᭟
ᬧᬸᬧᬸᬄᬧᬗ᭄ᬓᬸᬃ᭚᭑᭟ᬭᬤᬾᬦ᭄ᬤᬾᬯᬶᬦᬸᬮ᭄ᬬᬓᬕ᭄ᬬᬢ᭄᭞ᬫᬶᬯᬄᬧᬭᬳᬶᬜᬦᬾᬫᬓᬲᬫᬶ᭞ᬫᬗᬺᬗᭃᬯ᭄ᬯᬂᬗᬫᬶᬦ᭄ᬢᬢᬸᬮᬸᬂ᭞ᬳᬕ᭄ᬮᬶᬲ᭄ᬳᬶᬤᬫᬢᬸᬮᬓ᭄᭞ᬢᬸᬃᬲᬕᬺᬳᬦ᭄᭞ᬧᬜ᭄ᬚ᭄ᬭᭀᬯᬦ᭄ᬗᬶᬭᬶᬂᬧᬕ᭄ᬭᬸᬤᬸᬕ᭄᭞
ᬦᭀᬭᬳᬶᬩᬕᬸᬲ᭄ᬓᬢᬶᬗ᭄ᬳᬮ᭄᭞ᬓᬳᭂᬫ᭄ᬩᬦ᭄ᬲᬋᬂᬓᬓᬮᬶᬄ᭟᭒᭟ᬥᬢᭂᬂᬳᭂᬦ᭄ᬤᬶᬲᬶᬭᬧ᭄ᬭᬧ᭄ᬢ᭞ᬓᬮᬶᬄᬫᬓᬲᬗ᭄ᬓᬦᬾᬗᬫᬭᬦᬶᬦ᭄᭞ᬓᬤᬾᬬᬦ᭄ᬦᬶᬫ᭄ᬩᬮ᭄‌ᬳᬸᬫᬵᬢᬹᬃ᭞ᬯ᭄ᬯᬂᬲᬓᬶᬂᬮᬾᬱᬦ᭄ᬧᬸᬭ᭞ᬢᬶᬢ᭄ᬬᬂᬧᬮᬶᬂ
ᬫᬗᬶᬭᬶᬂᬳᬶᬤᬲᬂᬧ᭄ᬭᬪᬸ᭞ᬫᬩᬩᬸᬭᬸᬢᬦ᭄ᬳᭀᬮᬶᬳ᭞ᬜᬸᬲᬸᬧ᭄ᬫᬭᬶᬂᬯᬦᬕᬶᬭᬶ᭟᭓᭟ᬥ᭄ᬬᬄᬉᬥ᭄ᬬᬢ᭄ᬫᬶᬓᬗᬦ᭄ᬤᬶᬓ᭞ᬕ᭄ᬮᬶᬲ᭄ᬧᬸᬡ᭄ᬥᬸᬢ᭄‌ᬬᬦ᭄ᬢᬸᬳᬸᬳᭀᬓᬦᬺᬧᬢᬶ᭞ᬕᬯᬦᭂᬦ᭄ᬭᬶᬂᬧᭀᬡ᭄ᬥᭀᬓ᭄ᬳᬶᬗ᭄ᬲᬸᬦ᭄᭞ᬲᬓᬶᬂ [ 33 ][᭓᭒ 32B]
᭓᭒
ᬧᬲ᭄ᬯᬾᬘ᭄ᬙᬲᬂᬤ᭄ᬬᬄ᭞ᬤᬾᬦᬶᬂᬳᬾᬮᬶᬂ᭞ᬭᬶᬂᬢᬸᬢᬸᬃᬦᬶᬦᬶᬦᬾᬤᬸᬫᬸᬦ᭄᭞ᬚᬢᬸᬓ᭄ᬭᬫᬫᬾᬄᬥᬢᭂᬗ᭞ᬓᬤᬾᬬᬦᬾᬫᬫ᭄ᬯᬢ᭄‌ᬕ᭄ᬮᬶᬲ᭄᭞᭔᭞ᬢ᭄ᬓᬭᬶᬂᬳᬸᬫᬳᬶᬂᬢᬫᬦ᭄᭞ᬦ᭄ᬭᬧᬢᬶᬧᬸᬢ᭄ᬭᬦᭀᬭᬵᬦᬵᬗ᭄ᬮᬶᬮᬶᬃ᭞ᬲᬳᬲᬲᬫᬶ
ᬫᬦᬸᬮᬸᬂ᭞ᬲᬂᬤᬾᬯᬶᬫᬯᬘᬦ᭞ᬲᬶᬭᬚᬳᬾ᭞ᬳᬾᬗ᭄ᬕᬮ᭄ᬲᭂᬫ᭄ᬩᬃᬲᬗᬓᬦ᭄ᬢᬸ᭞ᬧᬭᬳᬶᬜᬳᬶᬫᬂᬗᬢᬹᬭᬂ᭞ᬫᬦᬸᬮᬸᬂᬳᬕᬦ᭄ᬢᬶᬕᬦ᭄ᬢᬶ᭟᭕᭟ᬦᬶᬃᬕᬸᬡᬇᬓᬦᬂᬲᭂᬫ᭄ᬩᬃ᭞ᬦᬸᬮ᭄ᬬᬳᭀᬲᬄ᭞ᬧᬋᬓᬦᬾᬓᬓᬮᬶᬄ᭞ᬫᬦᬸ
ᬮᬫᬾᬲ᭄ᬕᬸᬲ᭄ᬕᬸ᭞ᬤᬸᬄᬫᬵᬲ᭄ᬫᬶᬭᬄᬳᬶᬤᬾᬯ᭞ᬲᬂᬲᬶᬦᬶᬯᬶ᭞ᬳᬦᭀᬫ᭄‌ᬧ᭄ᬓᬶᬓ᭄ᬢᬸᬃᬫᬦᬸᬮᬸᬲ᭄᭞ᬲᬶᬭᬫᬗ᭄ᬓᬶᬦ᭄‌ᬳᬯᬢ᭄ᬢᬶᬢ᭄ᬬᬂ᭞ᬭᬳᬤ᭄ᬬᬦ᭄‌ᬥᬃᬫ᭄ᬫᬶᬓᬳᬚᬶ᭟᭖᭟ᬦᭀᬭᬵᬦᬯᬦᬾᬄᬲᬦ᭄ᬢᬦ᭞ᬲᬂᬧ᭄ᬭᬪᬸᬫᬧᬸᬢ᭄ᬭᬮᬦᬂᬲᬶ
ᬦᬸᬗ᭄ᬕᬶᬮ᭄᭞ᬭᬶᬂᬦᬵᬕᬭᬤᬳᬢ᭄ᬓᬱ᭄ᬝᬸ᭞ᬭᬢᬸᬯᬶᬪᬸᬳᬶᬂᬯᬤ᭄ᬯ᭞ᬧᬭᬪᬶᬓ᭄ᬱᬸ᭞ᬢᬺᬡᬯᬶᬡ᭄ᬥᬸᬳᬚ᭄ᬜᬵᬧᬸᬢᬸᬲ᭄᭞ᬤᬤᬶᬮᬲ᭄ᬳᬶᬤᬾᬯᬫᬢᬶᬗ᭄ᬕᬮ᭄᭞ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᬦᬗᬶᬲ᭄᭞᭗᭟ᬲ᭄ᬭᬸᬧᬢᬦᬾᬢᬦ᭄ᬧᬸᬢᬸ

[᭓᭓ 33A]
᭓᭓
ᬲᬦ᭄᭞ᬓᬤ᭄ᬬᬦ᭄ᬲᬶᬭᬕ᭄ᬮᬶᬲ᭄ᬦᬦᬾᬚᬦᬶ᭞ᬕᬯᬭᬶᬂᬧᬢᬸᬭᭀᬦ᭄ᬦᬶᬗ᭄ᬲᬸᬦ᭄᭞ᬓ᭄ᬮᬫ᭄ᬩᬸᬦᬾᬭᬶᬦᬗ᭄ᬓᭂᬩᬦ᭄᭞ᬢᬶᬗ᭄ᬕᬮ᭄ᬧᬫᬦ᭄‌ᬳᬚᬲᬶᬭᬓᬭᬶᬲᬸᬗ᭄ᬲᬸᬢ᭄᭞ᬫᬦᬶᬭᬳᬲᬸᬂᬦᬸᬕ᭄ᬭᬳ᭞ᬫᬭᬶᬂᬢ᭄ᬯᬦ᭄ᬢᬦᬦᬾᬫᬗ᭄ᬓᬶᬦ᭄
᭟᭘᭟ᬦᬸᬮ᭄ᬬᬲᬫᬶᬓᬚᬩᬬᬦ᭄᭞ᬲᬯᬾᬖᬲᬮᬶᬭᬶᬡᬶᬦᬾᬓᬳᬫ᭄ᬩᬶᬮ᭄᭞ᬫᬭᬶᬂᬩᬜᬸᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬯᬯᬸᬧᬶᬲᬦ᭄ᬓᬳᬸᬗ᭄ᬓᬸᬮᬦ᭄᭞ᬚ᭄ᬭᭀᬦᬶᬂᬮᬗ᭄ᬲᬾ᭞ᬫᬳᬮᬶᬗᬦ᭄ᬲᬂᬥ᭄ᬬᬄᬦᬸᬮᬸᬂ᭞ᬦᬺᬧᬧᬸᬢᬺᬫᬾᬮᬶᬂᬲᬶᬭ
ᬫᬦ᭄ᬤᬫᬦ᭄ᬤᬵᬯᬘᬦᬳᬭᬶᬲ᭄᭟᭙᭟ᬫᬗ᭄ᬮᬸᬢ᭄ᬕᬸᬮᬸᬫᬗᬭᬲ᭄ᬳᬭᬲ᭄᭞ᬢᬸᬮᬸᬲ᭄ᬭᬢᬸᬲ᭄ᬯᬾᬘ᭄ᬙᬭᬶᬂᬢᬶᬢ᭄ᬬᬂᬓᬲᬶᬳᬲᬶᬄ᭞ᬲᬸᬗ᭄ᬓᬦ᭄ᬢᬶᬢ᭄ᬬᬂᬓᬧᬶᬮᬗᬸ᭞ᬢᬦ᭄ᬫᬭᬶᬫᬦᭂᬓᭂᬓᬂ᭞ᬭᬤᬾᬦ᭄ᬤᬾᬯᬶ᭞ᬧᬗᬸᬘᬧᬾᬫᬦᬶᬲ᭄ᬜᬸᬜᬸᬃ᭞ᬯᬍᬲ
ᬓᭂᬦ᭄ᬢᬫ᭄ᬩᬦ᭄ᬳᬶᬗ᭄ᬯᬂ᭞ᬭᬶᬂᬤᬕᬶᬗᬶᬂᬳᬚ᭄ᬜᬚᬵᬢᬶ᭟᭑᭐᭟ᬫᬓᬢᬸᬢᬸᬓ᭄‌ᬰᬸᬘᬶᬫᬸᬓ᭞ᬤ᭄ᬯᬶᬚᬾᬦ᭄ᬤ᭄ᬭᬦᬾᬫᬸᬗ᭄ᬕᬸᬄᬭᬶᬂᬦᬪᬶ᭞ᬭᬶᬂᬧᬦᭀᬦ᭄‌ᬰᬶᬦ᭄ᬢᬦᬾᬫᬸᬗ᭄ᬕᬸᬄ᭞ᬕ᭄ᬦᬄᬮᬡ᭄ᬥᭂᬧᬾᬭᬶᬂᬕ᭄ᬭᬡ᭞ᬦᬶᬓᬫᬮᬶᬄ᭞ᬜᬦ᭄ᬤᬂᬢᬸ [ 34 ][᭓᭓ 33B]
ᬦᬲ᭄ᬢᬶᬢ᭄ᬬᬂᬭᬢᬸ᭞ᬤᬸᬳᬸᬂᬫᬜ᭄ᬚᬶᬗᬶᬦ᭄ᬳᬸᬭᬗ᭄ᬓᬵ᭞ᬳᬸᬭᬗ᭄ᬓᬵᬫᬜ᭄ᬚᬶᬗᬶᬦ᭄‌ᬓ᭄ᬭᬶᬲ᭄᭟᭑᭑᭟ᬬᬾᬦᬵᬲᬸᬂᬤᬾᬯᬭᬶᬂᬢᬶᬢ᭄ᬬᬂ᭞ᬜᬶᬳ᭄ᬦᬬᬂᬳᬶᬘ᭄ᬙᬦᬾᬲᬦᬾᬫᬪᬸᬓ᭄ᬢᬶ᭞ᬫ᭄ᬦᭂᬂᬲᬗᬦᭀᬫ᭄ᬫᬗ᭄ᬮᭂᬲᬸ᭞ᬧᬦ᭄ᬧᬕᬕ᭄ᬦᬶᬫ᭄ᬩᬮ᭄‌ᬳᬶᬫᬂ᭞ᬓᬲᬋᬗᬶᬦ᭄‌ᬭᬶᬂ
ᬭᬳᬶᬦᬾᬲᬃᬯᬕᬸᬬᬸ᭞ᬳᬬᬫ᭄‌ᬫᬢᬚᬶᬲᬶᬦᬸᬗ᭄ᬕᬮ᭄᭞ᬫᬗᭂᬩᬸᬕ᭄ᬦᭀᬭᬦᬢᬸᬦᬶᬦ᭄᭟᭑᭒᭟ᬧ᭄ᬢᬳᬧᬓᬸᬤᬳᬶᬩ᭞ᬲᬯᬸᬃᬩᬗ᭄ᬕ᭄ᬭᬲ᭄‌ᬲᬗᬬᬸᬫᬦᬸᬤᬶᬗᬶᬦ᭄᭞ᬧᬦ᭄ᬢᭂᬲ᭄ᬕᭀᬩᬦ᭄ᬳᬶᬩᬧᬗᬸᬲ᭄᭞ᬳᬯᬓ᭄‌ᬩᭀᬢᬓ᭄ᬢᬸᬃᬋᬗ
ᬲ᭄᭞ᬓᬸᬧᬶᬂᬩᬶᬭᬸᬢ᭄‌ᬕᭀᬭᬫᬸᬜᬶᬦᬾᬫᬫᭂᬲᬸ᭞ᬧᬕᬕ᭄ᬫᬢᬹᬃᬲᬶᬦᬵᬫ᭄ᬧᬹᬭ᭞ᬳᬶᬯᬂᬳᬶᬧᬸᬦᬾᬗᭂᬦᬦᬶᬦ᭄᭟᭑᭓᭟ᬚᬤ᭄ᬫᬩᭀᬘᭀᬓ᭄ᬫᬫᬋᬓᬦ᭄᭞ᬫᬗᬸᬫ᭄ᬩᬮᬂᬳᬬᬫᬾᬮᬶᬦ᭄ᬢᬂᬯᬜ᭄ᬘᬶ᭞ᬕᬕ᭄ᬩᬸᬕᬾᬍᬫᭂᬢ᭄ᬳᬕᬸᬂ᭞ᬳᬄᬳᬶᬄ
ᬳᬶᬩᬯ᭄ᬯᬂᬳᬧ᭞ᬗᬤᬸᬩᬕᬸᬲ᭄‌ᬗᭂᬦ᭄ᬤᭀᬕ᭄ᬓᬳᬶᬫᬭᬶᬂᬕᬸᬦᬸᬂ᭞ᬢ᭄ᬯᬄᬭᬭᬲᬶᬂᬦᬵᬕᬭ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓ᭄ᬜᬶᬂᬦᬸᬮᬸᬭᬶᬦ᭄᭟᭑᭔᭟ᬧᬕᬕ᭄ᬧᬕᬾᬕ᭄ᬳᬚᬗᬸᬘᬧ᭄᭞ᬫᬦᬶᬭᬤᬳᬢ᭄ᬧᬓᬾᬯᬸᬄᬦᬦ᭄ᬤᬶᬗᬶᬦ᭄᭞ᬳᬶᬗ᭄ᬕᬶᬄᬭᬢᬸ

[᭓᭔ 34A]
᭓᭔
ᬲᬂᬳᬬᬸᬳᬭᬹᬫ᭄᭞ᬦ᭄ᬤᬯᭂᬕ᭄ᬧᬶᬲᬦ᭄ᬲᬶᬦᬵᬫ᭄ᬧᬹᬭ᭞ᬧᬜ᭄ᬚᬓ᭄ᬥᬸᬰᬸᬦ᭄᭞ᬢᬦ᭄ᬯ᭄ᬭᬸᬄᬭᬶᬂᬳᬗ᭄ᬕᬄᬳᬗ᭄ᬕᬸᬄ᭞ᬓᬵᬢᬸᬦᬦ᭄ᬭᬶᬂᬢᬢᬓ᭄ᬭᬫ᭞ᬧᬸᬗ᭄ᬕᬸᬂᬚᬸᬕᬸᬮ᭄ᬢᬦ᭄ᬧᬢᬦ᭄ᬤᬶᬂ᭟᭑᭕᭟ᬩᭀᬬᬢᬶᬢ᭄ᬬᬂᬫᬜᬸᬫ᭄ᬩᬸᬗᬂ᭞ᬭᬶᬂᬲᬂᬳᬬᬸᬮ᭄ᬯᬶᬃ
ᬭᬶᬂᬳᬧ᭄ᬲᬭᬶ᭞ᬫᬸᬱ᭄ᬝᬶᬓᬦᬶᬂᬳᬬᬸᬫᬦ᭄ᬭᬸᬲ᭄᭞ᬬᬢᬭᬶᬂᬲᬲ᭄ᬫᬶᬢ᭞ᬬᬦᬵᬗ᭄ᬮᬶᬭᬶᬂᬮ᭄ᬯᬶᬃᬓᬶᬮᬢ᭄ᬢᬝᬶᬢ᭄ᬳᬩᬭᬸᬂ᭞ᬯᬘᬦᬮ᭄ᬯᬶᬃᬕᬸᬮᬤ᭄ᬭᬯ᭞ᬧᬫᬸᬧᬸᬮᬦ᭄‌ᬧ᭄ᬮᬯᬲᬵᬭᬷ᭟᭑᭖᭟ᬤᬾᬯᬦᬶᬂᬳᬬᬸᬲᬚᬕᬢ᭄᭞ᬲᬲᭀᬭᬶᬂᬯ᭄ᬬᬢ᭄‌ᬢ
ᬦᬵᬳᬫᬥᬾᬦᬶ᭞ᬳ᭄ᬬᬂᬳ᭄ᬬᬂᬦᬶᬂᬅᬃᬡ᭄ᬦᬵᬯᬫᬦᬸᬭᬸᬦ᭄᭞ᬤᬳᬢ᭄‌ᬰᬸᬘᬶᬦᬶᬃᬫ᭄ᬫᬮ᭞ᬢᬦ᭄ᬧᬲᬶᬭᬶᬂ᭞ᬳ᭄ᬬᬂᬦᬶᬂᬲ᭄ᬫᬭᬫᬦᬸᬭᬸᬦ᭄᭞ᬫᬸᬱ᭄ᬝᬶᬓᬦᬶᬂᬧᬕᬸᬮᬶᬗᬦ᭄᭞ᬧᬫᬸᬧᬸᬮᬦᬶᬂᬓᬭᬰ᭄ᬫᬶᬦ᭄᭟᭑᭗᭟ᬲᬓᬲᬗ᭄ᬕᬦᬶᬂᬪᬹᬝᬮ᭞ᬦᭀ
ᬭᬳᬤᬫᬫᬥᬦᬶᬓᬭᬰ᭄ᬫᬶᬦ᭄᭞ᬢᬦ᭄ᬤ᭄ᬭᬸᬄᬭᬶᬂᬧᬦᬶᬤᬦᬶᬂᬯᬸᬯᬸᬲ᭄᭞ᬧᬭᬶᬓ᭄ᬱᬶᬢᬦᬶᬂᬓ᭄ᬭᬫ᭞ᬜᬦ᭄ᬤᬂᬲᬸᬗ᭄ᬲᬸᬂ᭞ᬫᬓᬲᬓᬦᬶᬂᬓᬥᬢᬸᬦ᭄᭞ᬫᬓᬲᬭᬷᬦᬶᬂᬦᬵᬕᬭ᭞ᬲᬭᬶᬲᬶᬦᬸᬲᬸᬦᬶᬂᬲᬭᬷ᭟᭑᭘᭟ᬳᬕᬸᬂᬲᬶ [ 35 ][᭓᭔ 34B]
᭓᭔
ᬗ᭄ᬕᬶᬄᬓ᭄ᬱᬫᬓ᭄ᬦ᭞ᬮᬗ᭄ᬕ᭄ᬬᬢᬶᬢ᭄ᬬᬂᬭᬶᬂᬲᬂᬮ᭄ᬯᬶᬃᬭᬣᬶᬄ᭞ᬤᭀᬦᬶᬂᬢᬶᬢ᭄ᬬᬂᬤᬳᬢ᭄‌‌ᬢᬦ᭄ᬤ᭄ᬭᬸᬄ᭞ᬯ᭄ᬭᬸᬳᬢᬶᬢ᭄ᬬᬂᬭᬶᬂᬭᬹᬧ᭞ᬲᬗ᭄ᬓᬦ᭄ᬧᬭᬦ᭄‌‌ᬭᬢᬸᬢᬶᬢ᭄ᬬᬂᬢᬦᬵᬦᬯ᭄ᬭᬸᬄ᭞ᬓᬮᬶᬄᬲᬧᬬᬾᬦᬶᬂᬧᬦ᭄ᬮᬄ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭟᭑᭙᭟
ᬤᬸᬭᬸᬲ᭄ᬭᬢᬸᬧᬶᬤᬃᬣᬬᬂ᭞ᬲᬂᬳᬬᬢᬦ᭄ᬤ᭄ᬯᬵᬦᬩ᭄ᬤᬳᬭᬶᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬧᬸᬢ᭄ᬭᬦ᭄ᬭᬢᬸ᭞ᬦᬭᬶᬂᬧᬸᬱ᭄ᬧᬦᬵᬕᬭ᭞ᬢᬶᬢ᭄ᬬᬂᬮᬘᬸᬃ᭞ᬳᬫ᭄ᬧᭂᬳᬂᬫᬵᬭᬸᬣᬮᬶᬸᬘᬶᬸᬃᬳᬕᬸᬂ᭞ᬉᬥ᭄ᬬᬵᬢ᭄ᬫᬶᬓᬦᬾᬓᬵᬱ᭄ᬝᬯ᭞ᬧᬦ᭄ᬮᬄᬢᬶᬢ᭄ᬬᬂᬲᬓᬶᬂᬗᬹᬦᬶ᭞᭒᭐᭟ᬲᬂ
ᬳᬚᭂᬂᬲᬯᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬚᬕᬫᬗᬶᬭᬶᬂ᭞ᬬᬦ᭄ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄᭞ᬗᬯᬸᬮᬬᬂᬯ᭄ᬯᬂᬦᬶᬱ᭄ᬝ᭞ᬳᬶᬦᬕᬸᬡᬳᬶᬦᬓᬬᬳᬶᬦᬓᬯ᭄ᬭᬸᬄ᭞ᬮᬾᬤᬂᬭᬢᬸᬫᬳᬶᬘ᭄ᬙᬬᬂ᭞ᬰᬸᬓ᭄ᬮᬦᬶᬂᬅᬚ᭄ᬜᬦᬍᬯᬶᬄ᭟᭒᭑
ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞ᬬᬾᬦᬶᬂᬦ᭄ᬭᬸᬲ᭄ᬧᬲ᭄ᬯᬾᬘ᭄ᬙᬦ᭄ᬭᬢᬸᬦᬾᬫᬗ᭄ᬓᬶᬦ᭄᭞ᬧᬜ᭄ᬚᬓᬂᬚ᭄ᬯᬢᬶᬢ᭄ᬬᬂᬭᬢᬸ᭞ᬯ᭄ᬮᬲᬾᬲᬢᬸᬗ᭄ᬕᬸᬦ᭄‌‌ᬕᭂᬲᬂ᭞ᬦᭀᬭᬧᬲᬄ᭞ᬲᬋᬂᬢᬶᬢ᭄ᬬᬂᬜ᭄ᬦᭂᬂᬳᬕᬸᬂ᭞ᬗᬶᬭᬶᬂᬫᬦ᭄ᬢᬸᬓ᭄ᬳᬦᬾᬂᬓᭀᬝ᭞ᬭᬶᬂᬦᬵᬕᬭ

[᭓᭕ 35A]
᭓᭕
ᬮᬾᬱᬦ᭄ᬧᬸᬭᬶ᭟᭒᭒᭟ᬢᬦ᭄ᬳᬸᬦᬶᬂᬢᬶᬢ᭄ᬬᬂᬗᬢᬹᬭᬂ᭞ᬬᬦ᭄ᬧᬸᬦᬶᬓᬸᬓᬃᬱᬬᬂᬭᬢᬸᬫᬗ᭄ᬓᬶᬦ᭄᭞ᬤᬾᬭᬾᬂᬧᬶᬲᬦ᭄ᬢᬶᬢ᭄ᬬᬂᬯ᭄ᬭᬸᬄ᭞ᬮ᭄ᬯᬶᬃᬦᬶᬂᬓᬃᬱᬦ᭄ᬳᬶᬫᬶᬭᬄ᭞ᬮᬶᬯᬢ᭄ᬲᭂᬗ᭄ᬓᬵ᭞ᬫᬗ᭄ᬤᬲᬵᬫ᭄ᬧᬸᬦ᭄ᬲᬮᬄᬲᭂᬗ᭄ᬕᬸᬄ᭞ᬗᬶᬭᬶᬂᬭᬢᬸᬫᬧᬕᬸᬭ᭄ᬯᬦ᭄᭞ᬭᬶᬂᬚᭂᬂᬳᬶ
ᬤᬧ᭄ᬭᬡ᭄ᬥᬲᬶᬤ᭄ᬥᬶ᭟᭒᭓᭟ᬮᬶᬦ᭄ᬢᬂᬍᬯᬶᬄᬫᬉᬢ᭄ᬢᬫ᭞ᬭᬶᬂᬳᬚ᭄ᬜᬵᬦᬦᬷᬃᬫ᭄ᬫᬮᬰᬸᬘᬷ᭞ᬚᭃᬂᬪᬕᬯᬵᬦ᭄‌‌ᬢᬺᬡᬯᬶᬡ᭄ᬥᬸ᭞ᬪᬵᬕᬯᬵᬦ᭄ᬢᬦᬵᬕᬭ᭞ᬤᬳᬢ᭄ᬓᬱ᭄ᬝᬸ᭞ᬧᬗᭂᬫ᭄ᬧ᭄ᬯᬦᬶᬂᬧᬭᬭᬢᬸ᭞ᬩᬾᬜ᭄ᬚᬂᬭᬢᬸᬓᬦᬵᬕᬭ᭞ᬲᬋᬂᬧᬭᬳᬶ
ᬜᬲᬫᬶ᭟᭒᭔᭟ᬓᬝᬄᬳᬓ᭄ᬦᬘᬭᬶᬢ᭞ᬢᬸᬘᬧᬦ᭄ᬲᬸᬭᬸᬧ᭄‌‌ᬳ᭄ᬬᬂᬫᬺᬢᬵᬗ᭄ᬕᬧᬢᬶ᭞ᬭᬶᬂᬓᬸᬍᬫ᭄‌‌ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬫᬾᬄᬲᬵᬫ᭄ᬧᬸᬦ᭄ᬢᬩᭂᬄᬧᬶᬲᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬓᬭᭀᬦᬦ᭄ᬭᬶᬂᬲᬂᬥ᭄ᬬᬳᬬᬸ᭞ᬫᬸᬦ᭄ᬧᬸᬦᬶᬦ᭄ᬭᬱ
ᬢᬸᬭᬶᬤ᭞ᬳᬦᬾᬂᬢᬫᬦ᭄ᬳᬮ᭄ᬧᬲᬭᬶ᭟᭒᭕᭟ᬤᬲ᭄ᬳᬾᬜ᭄ᬚᬶᬂᬫᬗ᭄ᬓᬶᬦ᭄ᬤᬾᬯᬱ᭞ᬧᬓ᭄ᬱᬶᬳᬸᬫᬸᬂᬮᬦ᭄ᬲᬝᬯᬦᬫᬮᬶᬄ᭞ᬳᬶᬦᬩ᭄ᬦᬗᬶᬦᬶᬦ᭄ᬲᬂᬳᬬᬸ᭞ᬳᬕᬸᬮᬶᬂᬮᬦ᭄‌‌ᬰ᭄ᬯᬫᬶᬦ᭄ᬜᬵ᭞ᬧᬭᬳᬶᬜ᭞ᬧᬕᬕ᭄ᬧᬕᬾᬕ᭄ᬯᬸᬲ᭄ᬫ [ 36 ][᭓᭕ 35B]
᭓᭕
ᬯᬸᬗᬸ᭞ᬳᬾᬧᬕ᭄ᬧᬥᬫᬭᬢᭂᬗᬦ᭄᭞ᬗᬶᬭᬾᬬᬂᬚᬕᬫᬫᬃᬕ᭄ᬕᬶ᭟᭒᭖᭟ᬫᬯᬵᬲ᭄ᬳᬶᬓᬂᬤᬰᬤᬾᬰ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬓᬭᭀᬦ᭄ᬮᬯᬦ᭄ᬳᬶᬲ᭄ᬢ᭄ᬭᬷ᭞ᬲᬃᬯ᭄ᬯᬶᬗᬭᬲ᭄‌‌ᬗᬸᬓᬸᬢᬸᬓᬸᬢ᭄᭞ᬢᬦ᭄ᬲᬄᬫᬭᬶᬂᬧᬢᬸᬭ᭄ᬯᬦ᭄᭞ᬗᬭᬶᬄᬳ
ᬭᬶᬄ᭞ᬫᬵᬲ᭄ᬫᬶᬭᬄᬤᬸᬄᬢ᭄ᬯᬄᬳᬶᬭᬢᬸ᭞ᬲᬭᬶᬦ᭄‌‌ᬚᬕᬢᬾᬤᬶᬧᬤ᭞ᬗᬶᬭᬶᬂᬭᬢᬸᬕ᭄ᬮᬶᬲ᭄ᬫᬢᬗᬶ᭟᭒᭗᭟ᬤ᭄ᬬᬄᬳᬬᬸᬲᬳᬲ᭄ᬫᬶᬢ᭞ᬫᭀᬍᬓ᭄‌‌ᬮᬶᬭᬶᬗᬾᬓᬮᬶᬦ᭄ᬢᬂᬕᬮᬓ᭄ᬫᬦᬶᬲ᭄᭞ᬗᬶᬭᬶᬂᬢᬶᬢ᭄ᬬᬂᬲᬗᬩᬕᬸᬲ᭄᭞ᬫᬶᬚᬶ
ᬮ᭄ᬳᬶᬤᬫᬓᬮᬶᬳᬦ᭄᭞ᬬᬦᬸᬧᬫ᭞ᬲᬂᬳ᭄ᬬᬂᬲᬹᬃᬬ᭄ᬬᬮᬦ᭄ᬲᬶᬢᬗ᭄ᬰᬸ᭞ᬚᬸᬫᭀᬚᭀᬕ᭄ᬭᬶᬂᬧᬲᬶᬭᬫᬦ᭄᭞ᬲᬂᬓᬮᬶᬄᬧᬸᬧᬸᬢ᭄ᬫᬩᬺᬰᬶᬄ᭟᭒᭘᭟ᬲᬧ᭄ᬭᬧ᭄ᬢᬦᬶᬭᬭᬶᬂᬳᬸᬫᬄ᭞ᬭᬶᬂᬧᬮᬗ᭄ᬓᬵᬳᬮᬸᬗ᭄ᬕᬸᬄᬢᬸᬃᬫᬲᬦ᭄ᬤᬶᬂ᭞ᬯᬤᬦ
ᬦᬾᬲᬂᬤ᭄ᬬᬄᬳᬬᬸ᭞ᬳᬘᬸᬫ᭄‌‌ᬮ᭄ᬯᬶᬃᬰᬰᬗ᭄ᬓᬵ᭞ᬯᬸᬲ᭄ᬓᬢᬤᬄ᭞ᬤᬾᬲᬂᬓᬵᬮᬭᬯᬸ᭞ᬧᬜ᭄ᬚ᭄ᬭᭀᬯᬦ᭄ᬗᬢᬹᬭᬂᬤᬳᬃ᭞ᬓᬵᬢᬹᬃᬭᬶᬂᬭᬳᬤ᭄ᬬᬦ᭄ᬓᬮᬶᬄ᭟᭒᭙᭟ᬲᬯᬸᬲᬦ᭄ᬳᬶᬤᬓᬵᬢᬹᬭᬦ᭄᭞ᬦᬦ᭄ᬤᬂᬧᬳ᭄ᬬᬲ᭄‌‌ᬲᬂ

[᭓᭖ 36A]
᭓᭖
ᬳᬬᬸᬤ᭄ᬬᬄᬳᬧ᭄ᬓᬶᬓ᭄᭞ᬧᬯᭀᬗᬦᬾᬢᬍᬃᬲᬵᬫ᭄ᬧᬸᬦ᭄᭞ᬧᬕᬕ᭄ᬧᬕᬾᬕ᭄ᬲᬃᬯ᭄ᬯᬶᬕᬶᬭᬂ᭞ᬤᬸᬄᬕ᭄ᬮᬶᬲᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬳᬸᬮᬶᬤᬶᬫᬮᬸ᭞ᬬᬦ᭄ᬓᬧᬗ᭄ᬕᬸᬄᬫᬃᬕ᭄ᬕᬶᬳᬦ᭄ᬢᬃ᭞ᬢᬶᬢ᭄ᬬᬂᬜᬥ᭄ᬬᬫᬗᬸᬗ᭄ᬓᬸᬭᬶᬦ᭄᭟᭓᭐᭟ᬭᬭᬶᬲ᭄ᬗᬶᬭᬾᬬᬂ
ᬫᬫᬃᬕ᭄ᬕ᭟ᬩᬩ᭄ᬓᭂᬮᬦᬾᬯᬸᬲ᭄ᬧᬸᬧᬸᬢ᭄ᬘᬸᬫᬯᬶᬲ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬩᬶᬩᬶᬧᬸᬘᬸᬂᬳᬧᬂᬫ᭄ᬮᬄ᭞ᬓᬵᬭᬶᬤᬶᬦᬶ᭞ᬢᬶᬗ᭄ᬕᬮ᭄ᬦᬶᬭᬧᬂᬭᬳᬬᬸ᭞ᬫᬃᬕ᭄ᬕᬶᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬳᬢᬹᬭᬾᬫᬤᬸᬮᬸᬭᬦ᭄ᬢᬗᬶᬲ᭄᭟᭓᭑᭟
ᬫᭀᬖᬤᬾᬯᬭᬳᬤ᭄ᬬᬦ᭄᭞ᬦ᭄ᬫᬸᬭᬳᬚᭂᬂᬚᬸᬫ᭄ᬦᭂᬂᬭᬶᬂᬧᬸᬭᬶ᭞ᬲᬂᬓᬮᬶᬄᬳᬲ᭄ᬭᬸᬮᬸᬫᬓᬸ᭞ᬓᬤᬾᬬᬦᬾᬫᬗᬶᬭᬶᬗᬂ᭞ᬧᬭᬘ᭄ᬭᬓ᭞ᬢᬦ᭄ᬲᬄᬫᬗᬶᬭᬶᬂᬲᬵᬫ᭄ᬧᬸᬦ᭄᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬫᬭᬶᬂᬢᬫᬦ᭄᭞ᬳᬢᬸᬢᬸᬃᬲᬃᬯ᭄ᬯᬶᬫ
ᬫᬃᬕ᭄ᬕᬶ᭟᭓᭒᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬢᬦ᭄ᬲᬄᬳᬶᬤ᭞ᬦᭀᬮᬶᬄᬦᭀᬮᬶᬓᬳᬸᬭᬶ᭞ᬫᬾᬮᬶᬂᬭᬶᬂᬉᬤ᭄ᬬᬦᬇᬓᬸ᭞ᬓᬮ᭄ᬯᬶᬳᬦᬶᬂᬅᬮ᭄ᬧᬲᬭ᭞ᬫᬶᬯᬄᬩᬶᬩᬷ᭞ᬤᬺᬥᬪᬓ᭄ᬢᬶᬲᬓᬶᬂᬥᬗᬹ᭞ᬦᬸᬤᬸᬓ᭄ᬗᬚ [ 37 ][᭓᭖ 36B]
᭓᭖
ᬓ᭄ᬫᬭᬶᬂᬢᬫᬦ᭄᭞ᬫ᭄ᬮᭂᬲ᭄‌‌ᬲ᭄ᬭᬸᬧᬢᬦᬾᬦᬶᬢᬶᬃ᭟᭓᭓᭟ᬓᬤᬾᬬᬦ᭄ᬢᬦ᭄ᬲᬄᬗᬕᬶᬭᬲ᭄᭞ᬦᭂᬫ᭄ᬩᬂᬧᬗ᭄ᬓᬸᬃ᭞ᬲᬃᬯ᭄ᬯᬶᬗᬶᬕᭂᬮ᭄ᬤᬶᬫᬃᬕ᭄ᬕᬶ᭞ᬤᬦᬾᬧᬕᬕ᭄ᬦᭂᬫ᭄ᬩᬂᬧᬗᬸᬲ᭄᭞ᬳᬭᬶᬦ᭄ᬜᬦᬾᬫᬦᬦ᭄ᬥᬓ᭄᭞ᬢᬸᬃᬫᬩ᭄ᬭᬶᬬᬕ᭄‌‌ᬳᬸᬫᬸᬂᬮᬫ᭄ᬧ
ᬳᬾᬭᬶᬂᬳ᭄ᬦᬸ᭞ᬳᬶᬳᬭᬶᬡᬫ᭄ᬮᬬᬸᬭᬶᬗ᭄ᬳᬮᬲ᭄᭞ᬤᬤᬶᬓᬕ᭄ᬬᬢ᭄ᬲᭂᬤᭂᬓ᭄ᬗᭂᬧᬶᬮ᭄᭟᭓᭔᭟ᬫᭀᬂᬦᬶᬤ᭄ᬭᬦᬸᬮ᭄ᬬᬓᬢ᭄ᬭᬚᬂ᭞ᬫᬶᬮᬸᬫ᭄ᬮᬬᬸ᭞ᬲ᭄ᬯᬭᬦᬾᬮ᭄ᬯᬶᬃᬧᬦᬶᬢᬶᬃ᭞ᬳᬾᬗ᭄ᬕᬮ᭄ᬫᬗᬸᬗ᭄ᬕᬳᬶᬦ᭄‌‌ᬕᬸᬦᬸᬂ᭞ᬧᬓ᭄ᬱᬶᬦᬾᬳᬸᬫᬸᬂᬳᬸᬫ᭄ᬬᬂ
ᬳᬗᬶᬦ᭄ᬳᬭᬶᬲ᭄᭞ᬫᬲ᭄ᬭᬶᬬᭀᬓ᭄‌‌ᬘ᭄ᬫᬭᬫᬗᬸᬗ᭄ᬓᬸᬮ᭄᭞ᬫᬳᬶᬦᬩ᭄ᬜᬧᬲᬂᬧ᭄ᬭᬧ᭄ᬢᬵ᭞ᬢᬫ᭄ᬧᬓ᭄ᬩᬾᬮᬦᬾᬗᬸᬮᬧᬶᬦ᭄᭟᭓᭕᭟ᬢᬭᬸᬫᬥᬸᬦᬾᬓᭀᬘᬧ᭄᭞ᬧᬶᬗ᭄ᬕᬶᬭᬶᬂᬳ᭄ᬦᬸ᭞ᬯᬄᬩᬂᬧᬲᬸᬭᬦ᭄ᬢᬶᬂ᭞ᬢ᭄ᬓᬯᬶᬚᬸᬗᬾᬫᬦᭂ
ᬫ᭄ᬧᬸᬄ᭞ᬢᬧᬸᬓ᭄ᬜᬦᬾᬫᬢᬶᬗ᭄ᬕᬮ᭄᭞ᬇᬦᬩ᭄‌‌‌‌ᬚ᭄ᬭᬶᬄᬭᬶᬂᬢᬸᬂᬢᬸᬂᬦ᭄ᬭᭀᬚᬦᬾᬲᬂᬳᬬᬸ᭞ᬢᬸᬳᬸᬢᬸᬳᬸᬦᬾᬫᬲ᭄ᬯᬭ᭞ᬳᬶᬦᬩ᭄ᬫᬦᬸᬢᬸᬭᬶᬦ᭄ᬫᬃᬕ᭄ᬕᬶ᭟᭓᭖᭟ᬢᬦᬸᬘᬧᬦ᭄‌‌ᬲ᭄ᬯᬾᬦᬶᬂᬫᬃᬕ᭄ᬕ᭞ᬫᬗᭂᬮᬗ᭄ᬓᬸᬂᬫᬭᬶᬂᬯᬦᬵ

[᭓᭗ 37A]
᭓᭗
ᬰᬸᬦ᭄ᬬᬕᬶᬭᬶ᭞ᬚᬗ᭄ᬕᬮᬚᬫ᭄ᬩᬢ᭄ᬓᬧᬸᬗ᭄ᬓᬸᬃ᭞ᬳᬾᬗ᭄ᬕᬮ᭄‌‌ᬮᬫ᭄ᬧᬳᬾᬧ᭄ᬭᬧ᭄ᬢ᭞ᬫᬭᬶᬂᬢᬫᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬦᬸᬚᬸ᭞ᬕᬃᬯ᭄ᬯᬦᬶᬭᬦᭀᬭᬧᬲᬄ᭞ᬧᬜ᭄ᬚᬓ᭄‌‌ᬯ᭄ᬯᬂᬓᬝᬄᬫᬗᬶᬭᬶᬂ᭟᭓᭗᭟ᬢᬸᬗ᭄ᬕᬸᬦ᭄ᬢᬫᬦᬾᬫᬜᬗ᭄ᬕ᭄ᬭᬵ᭞
ᬫᬜᬯᬶᬲᬂᬲᬳᬵᬫᬵᬲ᭄ᬫᬡᬶᬓ᭄᭞ᬩᬮᬾᬫᬵᬲᬾᬳᬗᬸᬮᬗᬸᬦ᭄᭞ᬓᬸᬮᬶᬮᬶᬗᬦᬶᬂᬢᬫᬦ᭄᭞ᬢᬸᬃᬫᬢ᭄ᬧᬶ᭞ᬲᬃᬯ᭄ᬯᬲᬵᬭᬶᬳᬭᬹᬫ᭄ᬳᬭᬹᬫ᭄᭞ᬫᬧᬕᬃᬧᬸᬘᬸᬓ᭄ᬳᬩᬂ᭞ᬫᬳᬜ᭄ᬘᬓ᭄ᬲᬚᬶᬯ᭄ᬲᬶᬓᬸᬦᬶᬂ᭟᭓᭘᭟ᬯᭂᬗᬶ
ᬓᬵᬮᬓᬯᬸᬯᬸᬲᬦ᭄᭞ᬰᬰᬶᬄᬫᬶᬚᬶᬮ᭄‌‌ᬫᬜᬸᬮᬸᬄᬢᬫᬦ᭄ᬳᬰ᭄ᬭᬷ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬢᬸᬫᬸᬭᬸᬦ᭄᭞ᬲᬓᬶᬂᬧᬃᬬ᭄ᬬᬗᬦ᭄ᬭᬸᬓ᭄ᬫ᭞ᬲᬳᬮᬶᬮᬵᬲᬋᬂᬳᬶᬤᬭᬤᬾᬦ᭄ᬕᬮᬸᬄ᭞ᬫᬳᬶᬤᭂᬃᬭᬶᬂᬉᬤ᭄ᬬᬦ᭞ᬚᬳᬾᬘ᭄ᬓᬸᬄᬢᬩ᭄ᬬᬵ
ᬗᬶᬭᬶᬂ᭟᭓᭙᭟ᬲ᭄ᬯᬾᬦᬾᬳᬫᬚᬂᬳᬸᬮᬦ᭄᭞ᬫᬸᬗ᭄ᬕᬄᬫᬮᬶᬄᬭᬶᬂᬫᬹᬃᬥᬫᬡᬶᬓ᭄ᬗᬶᬗ᭄ᬕᬶᬮ᭄᭞ᬓᬲᬸᬃᬲᬭᬶᬕᬍᬂᬢᬸᬫ᭄ᬧᬸᬓ᭄᭞ᬯᬗᬶᬦᬾᬫᬳᬶᬫ᭄ᬧᬸᬕᬦ᭄᭞ᬲᬸᬫᬃᬫ᭄ᬭᬶᬓ᭄᭞ᬲᬫᬶᬭᬡᬦᬾᬫᬫ᭄ᬯᬢ᭄ᬳᬭᬹᬫ᭄᭞ᬳᬦᭂᬫ᭄ᬧᬸᬳᬶᬂ [ 38 ][᭓᭗ 37B]
᭓᭗
ᬳᬸᬫᬄᬫᬵᬲ᭄᭞ᬫᬳᬸᬗ᭄ᬯᬶᬦ᭄‌‌ᬫᬦᬫ᭄ᬢᬫ᭄‌‌ᬓᬭᬰ᭄ᬫᬶᬦ᭄᭟᭔᭐᭟ᬲᬂᬓᬮᬶᬄᬭᬭᬶᬲ᭄ᬫᬦᬩ᭄ᬤᬵ᭞ᬳᬸᬤᬸᬄᬓᬓᬵᬓᬓᬦᬶᬭᬫᬓᬢ᭄ᬭᬶ᭞ᬓ᭄ᬫᬲᬶᬭᬕᭂᬦ᭄ᬢᭀᬲ᭄ᬳᬶᬗ᭄ᬲᬸᬦ᭄᭞ᬚᬳᬾᬳᬭᬦ᭄‌‌ᬧ᭄ᬭᬶᬬᬓ᭞ᬓᬓᬘ᭄ᬓᬸᬄᬰᭀᬓᬦᬵᬫᬦᬾᬧᬵ
ᬢᬸᬢ᭄᭞ᬫ᭄ᬯᬂᬢᬩ᭄ᬬᬕᬸᬫᬦ᭄ᬢ᭄ᬬᬦᬵᬫ᭞ᬳᬭᬦ᭄ᬲᬶᬭᬦᬶᬚᬫ᭄ᬧᬶᬭᬶᬂ᭟᭔᭑᭟ᬓᬮᬮᬾᬦ᭄ᬫᬸᬧᭀᬦᬶᬦ᭄‌‌ᬲᬗ᭄ᬕᬫᬵ᭞ᬧ᭄ᬭᬫᬾᬰ᭄ᬯᬬ᭄ᬬᬭᬶᬂᬧᬸᬭᬶᬢᬦ᭄ᬗᬯ᭄ᬭᬸᬳᬶ᭞ᬯᭀᬃᬣᬚ᭄ᬯᬦᭀᬭᬓᬧᬗ᭄ᬕᬸᬄ᭞ᬓᬤᬾᬬᬦ᭄‌‌ᬚ᭄ᬭᬶᬄᬗᬢᬹᬭᬂ᭞ᬲᬮᬫᬶᬦᬾᬧᬶ
ᬮᬶᬄᬯᬾᬦ᭄ᬢᭂᬦ᭄ᬢᬶᬕᬂᬲᬦ᭄ᬢᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬢᬫᬦ᭄᭞ᬳᬗᬫᭀᬗᬶᬦ᭄ᬳᬶᬲ᭄ᬢ᭄ᬭᬶᬍᬯᬶᬄ᭟᭐᭚ᬧᬸᬧᬸᬄᬤ᭄ᬫᬸᬂ᭚᭑᭟ᬢᬩᬾᬄᬇᬓᬦᬂᬕᬶᬦᭀᬱ᭄ᬝᬶ᭞ᬭᬶᬂᬉᬤ᭄ᬬᬦ᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬯᬶᬦᬸᬯᬸᬲ᭄᭞ᬭᬶᬂᬏᬜ᭄ᬚᬶᬂᬏᬜ᭄ᬚᬶᬂᬲᬵᬫ᭄ᬧᬸ
ᬦ᭄᭞ᬭᬶᬂᬧᬲᬾᬪᬦ᭄ᬯᬸᬲ᭄‌‌ᬢᬶᬦᬗ᭄ᬓᬶᬮ᭄᭞ᬳᬓᬭᭀᬦᬦ᭄‌‌ᬕᬃᬯ᭄ᬯᬦᬶᬭ᭞ᬤᬾᬯᬶᬮᬓ᭄ᬱ᭄ᬫᬶᬓᬯᬸᬯᬸᬲ᭄᭞ᬳᬲᬦ᭄ᬥᬶᬂᬭᬸᬓ᭄ᬫᬧᬮᬗ᭄ᬓᬵ᭞ᬮᬦ᭄ᬭᬓ᭄ᬭᬶᬬᬦᬵᬧᬢᬶ᭞ᬫᬓᬵᬤᬶᬧᬭᬧᬡ᭄ᬥᬶᬢ᭞ᬤᬸᬫᬶᬮᬄᬓᬢᭀᬦ᭄ᬳᭂᬦ᭄ᬤᬶᬄᬫᬸᬭᬹ

[᭓᭘ 38A]
᭓᭘
ᬩ᭄᭟᭒᭟ᬧᭂᬧᭂᬓ᭄ᬩᬳᬸᬤᬡ᭄ᬥᬦᬗ᭄ᬓᬶᬮ᭄᭞ᬲᬳᬩᬮ᭞ᬫᬢᬢᬳᬢᬧ᭄ᬳᬮᬸᬗ᭄ᬕᬸᬄ᭞ᬤᬺᬤ᭄ᬥᬭᬶᬂᬲᬂᬧ᭄ᬭᬪᬸ᭞ᬲᬂᬰ᭄ᬭᬷᬦᬵᬣᬦᬩ᭄ᬤᬳᬭᬶᬲ᭄᭞ᬳᬾᬄᬢᬭᬓ᭄ᬭᬶᬬᬦ᭄ᬧ᭄ᬭᬲᬫ᭞ᬫᬓᬫᬸᬓᬧᬭᬳᭂᬫ᭄ᬧᬸ᭞ᬓᬵᬮᬲ᭄ᬫᬬᬯᬸᬲ᭄ᬢᭂᬓ᭞ᬢᬦ᭄ᬤᬤᬶᬳ
ᬤ᭄ᬯᬫᬫᬶ᭞ᬲᬶᬭᬦᬵᬦᬓᬸᬭᬶᬦᬵᬚ᭄ᬜ᭞ᬓᬤᬶᬋᬫ᭄ᬩᬬᬦᬾᬲᬵᬫ᭄ᬧᬸᬦ᭄᭟᭓᭟ᬦ᭄ᬥᬶᬓᬤᬾᬯᬱᬉᬢ᭄ᬢᬱᬶᬸᬫᬶ᭞ᬮᬯᬦ᭄ᬬᭀᬕ᭄ᬬ᭞ᬧᬯᬭᬗᬦ᭄ᬳᬦᬓ᭄ᬳᬶᬗ᭄ᬲᬸᬦ᭄᭞ᬭᬶᬂᬲᬸᬓᬲᬂᬧ᭄ᬭᬪᬸ᭞ᬭᬶᬂᬳᬯᬸᬦ᭄ᬦᬯᬸᬦ᭄‌‌ᬦᬵᬕᬭᬶ᭞ᬲᬂᬥ᭄ᬬᬄᬕᬾᬭᭀᬂᬫᬓ
ᬦᬵᬫ᭞ᬧᬗ᭄ᬮᬫᬃᬓᬢ᭄ᬭᬶᬫᬲᬵᬫ᭄ᬧᬸᬦ᭄᭞ᬲᬯᬸᬃᬲᬶᬗ᭄ᬕᬶᬄᬪᬕᬯᬵᬦ᭄ᬢ᭞ᬢᬺᬡᬯᬡ᭄ᬥᬸᬉᬢ᭄ᬢᬫᬶ᭞ᬤᬸᬄᬲᬶᬭᬲᬂᬦᬭᬦᬵᬣ᭞ᬲᬂᬯᬶᬪᬸᬳᬶᬂᬩᬮᬳᬕᬸᬂ᭟᭔᭟ᬲᬶᬗ᭄ᬕᬶᬄᬦᬵᬣᬦᬭᬾᬰ᭄ᬯᬭᬷ᭞ᬓ᭄ᬱᬫᬓ᭄ᬦᬵ᭞ᬪᬹᬚᬗ᭄ᬕᬳᬚᬶᬉᬫᬵᬢᬹᬃ᭞ᬭᬶᬂᬫᬱ
ᬓᬘᬢᬸᬃ᭞ᬧ᭄ᬭᬢᬶᬧᬤ᭄ᬥᬰᬸᬓ᭄ᬮᬦᬫ᭄ᬧᬶ᭞ᬩᬸᬥᬦ᭄ᬮᬦ᭄ᬤᭂᬧᬾᬧᬸᬦᬶᬓ᭞ᬗᬪᬶᬱᬾᬓᬤᬳᬢ᭄ᬳᬬᬸ᭞ᬬᬢᬭᬶᬂᬧᬯᬭᬗᬦ᭞ᬧᬭᬋᬱᬶᬫᬶᬲᬶᬗ᭄ᬕᬶᬄ᭞ᬧᬸᬢᬸᬲᬶᬂᬤᬾᬯᬱᬇᬓ᭞ᬲᬓᬶᬂᬫᬗ᭄ᬓᬾᬓᬶᬭᬂᬲ᭄ᬮᬶᬓᬸᬃ᭟᭕᭟ᬲᬂᬪᬸᬧᬢᬶᬮ [ 39 ][᭓᭘ 38B]
᭓᭘
ᬦ᭄ᬕᬭᬶᬡᬶ᭞ᬲᬸᬓᬘᬶᬢ᭄ᬢ᭞ᬳᬭᬹᬫ᭄ᬳᬫᬦᬶᬲ᭄ᬳᬫᬸᬯᬸᬲ᭄᭞ᬲᬶᬗ᭄ᬕᬶᬄᬧᬭᬪᬶᬓ᭄ᬱᬹ᭞ᬮᬦ᭄ᬭᬓ᭄ᬭᬶᬬᬦᬲᬶᬭᬧᬢᬶᬄ᭞ᬳᬸᬦ᭄ᬤᬗᬦ᭄ᬦᬶᬓᬂᬩᬮ᭞ᬲᬮ᭄ᬯᬶᬃᬕᬕ᭄ᬮᬭᬦ᭄ᬧᬵᬢᬹᬢ᭄᭞ᬓᬜ᭄ᬘᬦᬶᬓᬂᬳᬸᬦᬶᬳᬸᬦ᭄ᬬᬦ᭄᭞ᬫ᭄ᬯᬂᬲᬲᭀᬮᬳᬦ᭄ᬲᬫᬶ᭞ᬉᬧᬋ
ᬗ᭄ᬕᬦᬶᬂᬓᬥᬢ᭄ᬯᬦ᭄᭞ᬓᬢ᭄ᬓᬾᬂᬯᬗᬸᬦ᭄ᬢᬸᬃᬩᬢᬸ᭟᭖᭟ᬲᬶᬭᬧᬢᬶᬳᬫᬗ᭄ᬓᬸᬪᬹᬫᬶ᭞ᬮᬄᬮᬸᬫᬓ᭄ᬯ᭞ᬳᬕᬾᬳᬸᬦ᭄ᬤᬂᬳᬦᬓᬶᬗ᭄ᬲᬸᬦ᭄᭞ᬭᬶᬓᬂᬢᬫᬦ᭄ᬭᬸᬭᬸᬄ᭞ᬲᬗᬶᬦᬸᬢᬸᬲ᭄ᬲᬫ᭄ᬧᬸᬦ᭄ᬳᬫ᭄ᬯᬶᬦᬶᬸᬢ᭄᭞ᬯᬸᬲ᭄ᬥᬢᭂᬂᬭᬶᬂᬉᬤ᭄ᬬᬦ᭞ᬭᬳ
ᬤᬾᬦ᭄ᬳᬦᭀᬫ᭄ᬓᬘᬸᬡ᭄ᬥᬸᬓ᭄᭞ᬕᬕᬶᬲᭀᬦ᭄ᬦᬸᬲᬸᬂᬳᬦᬧ᭞ᬢᬦ᭄ᬧᬜ᭄ᬚᬂᬲᬶᬭᬧᬢᬶᬄ᭞ᬗᬯ᭄ᬓᬲᬂᬓᬤᬶᬧᬭᬋᬫᬵᬦ᭄᭞ᬲᬳᬵᬲᭂᬫ᭄ᬩᬄᬲᬶᬭᬲᬵᬫ᭄ᬧᬸᬦ᭄᭟᭗᭟ᬢᬦ᭄ᬤᬸᬫᬤᬾᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ᬢᬦᬸᬘᬧ᭞ᬮᬫ᭄ᬧᬳᬶᬭᬫᬭᬶᬂᬳ᭄ᬦᬸ᭞ᬓ
ᬧᬲᬾᬩᬦ᭄ᬭᬯᬸᬄ᭞ᬫᬗ᭄ᬮᬸᬂᬳᬗ᭄ᬕᬳᬯᭀᬢ᭄ᬲᬭᬶ᭞ᬫᬭᬶᬂᬧᬤᬤ᭄ᬯᬬᬦᬶᬭ᭞ᬫᬓᬤᬶᬦ᭄ᬜᬬᬬᬄᬏᬦ᭄ᬤᬸᬂ᭟ᬕᭀᬭᬯᬲᬂᬧᬶᬦᬭᬦᬦ᭄᭞ᬳᬦᬧᬲᬃᬯ᭄ᬯᬳᬗ᭄ᬮᬶᬂ᭞ᬭᬳᬬᬸᬤᬳᬢ᭄ᬳᬶᬦᬦᬓ᭄᭞ᬳᬾᬄᬢᬲᬶᬭᬯ᭄ᬯᬗᬩᬕᬸᬲ᭄

[᭓᭙ 39A]
᭓᭙
᭟᭘᭟ᬢᬦ᭄ᬤᬸᬫᬤᬾᬢ᭄ᬭᬸᬲ᭄ᬫᬫᬃᬕ᭄ᬕᬶ᭟ᬓᬶᬭᬂᬲ᭄ᬮᬶᬓᬸᬃᬦᬾᬫᬗ᭄ᬓᬶᬦ᭄᭞ᬢᬳᬶᬦᬚ᭄ᬜᬵ᭞ᬫ᭄ᬯᬂᬳᬶᬦᬪᬶᬱᬾᬓᬭᬢᬸ᭞ᬲᬶᬭᬦᬦᬓ᭄ᬳᬶᬗ᭄ᬲᬸᬦ᭄᭞ᬮ᭄ᬯᬶᬭᬶᬂᬢᬫ᭄ᬩᬬᬂᬗᬹᬦᬶ᭞ᬳᬬ᭄ᬯᬲᬶᬭᬳᬤ᭄ᬯᬾᬂᬗᬸᬚᬃ᭞ᬯᬸᬲ᭄ᬲᬶᬦᬓ᭄ᬱᬾᬦᬦ᭄‌‌ᬧᬭᬳᭂᬫ᭄ᬧᬸ᭞
ᬧ᭄ᬭᬫᬾᬰ᭄ᬯᬬ᭄ᬬᬫᬫᬵᬢᬹᬢᬂ᭞ᬧᬭᬫᬦ᭄ᬢ᭄ᬭᬶᬫᬶᬂᬲᬶᬗ᭄ᬕᬶᬄ᭞ᬢ᭄ᬮᬲ᭄ᬢᭂᬓᬦᬶᬂᬧᬭᬪᬶᬓ᭄ᬱ᭄ᬯᬵ᭞ᬮᬦ᭄ᬩᬮᬢ᭄ᬮᬲ᭄ᬫᬜᬸᬯᬸᬦ᭄᭟᭙᭟ᬓᬧ᭄ᬦᭂᬢᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬂᬰ᭄ᬭᬷᬦᬵᬣ᭞ᬗᬯᬦ᭄ᬢᬸᬦ᭄ᬲᬶᬭᬫᬯᬸᬯᬸᬲ᭄᭞ᬳᬬ᭄ᬯᬲᬶᬭᬢᬦᬵᬬᬸᬂ᭞ᬫᬦ᭄ᬭᬶᬫᬧᬶᬲᬸ
ᬓᬦ᭄ᬫᬫᬶ᭞ᬭᬶᬢ᭄ᬓᬦᬶᬓᬂᬤᬾᬯᬱ᭞ᬤᬾᬯᬓᬚᬢᬸᬓ᭄ᬭᬫᬢ᭄ᬭᬸᬲ᭄᭞ᬘᬶᬢ᭄ᬢᬲᬗᬦᭀᬫ᭄ᬓᬾᬩᬸᬓᬦ᭄᭞ᬫᬮᬂᬫᬮᬭᬶᬂᬳᬢᬶ᭞ᬲᬸᬫᬯᬸᬃᬢᬦᬧᬜ᭄ᬚᬂ᭞ᬮ᭄ᬯᬶᬃᬦᬶᬂᬅᬚ᭄ᬜᬵᬲᬶᬭᬧ᭄ᬭᬪᬸ᭟᭑᭐᭟ᬤᬸᬓᬧᬦ᭄ᬦᭀᬭᬦᬗᬶᬭᬶᬂ᭞ᬧᬝᬶᬓ᭄ᬦᬣ
᭞ᬦᬵᬳᬦ᭄ᬲᭂᬫ᭄ᬩᬄᬲᬂᬳᬩᬕᬸᬲ᭄᭞ᬭᬶᬂᬯᬺᬤᬬᬤᬸᬤᬹ᭞ᬩᬳᬸᬥᬡ᭄ᬥᬩᬮᬲᬫᬶ᭞ᬫᬦᭂᬫ᭄ᬩᬄᬳᬫ᭄ᬯᬶᬢ᭄ᬩᬸᬩᬃ᭞ᬲ᭄ᬯᬂᬲ᭄ᬯᬂᬧᬥᬗᬸᬗ᭄ᬲᬶᬓᬸᬯᬸ᭞ᬧ᭄ᬭᬫᬾᬰ᭄ᬯᬭᬶᬳᬸᬫᬵᬦ᭄ᬢᬸᬓ᭞ᬭᬳᬩ᭄ᬬᬦ᭄ᬢᬭᬗ᭄ᬭᬜ᭄ᬚᬶᬂ᭞ᬦ᭄ᬥᬦ᭄ᬢᬸᬘᬧᬦᬺᬧᬧᬸᬢ᭄ᬭ [ 40 ][᭓᭙ 39B]
᭓᭙
ᬫᬭᬶᬂᬉᬤ᭄ᬬᬦᬳᬸᬫᬦ᭄ᬢᬸᬓ᭄᭟᭑᭑᭟ᬢᬦᬸᬘᬧᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬯᬃᬡ᭄ᬦᬦ᭞ᬓᬩᬾᬄᬯᬤ᭄ᬯᬗᬸᬲᬸᬂᬳᬸᬲᬸᬂ᭞ᬬᬢ᭄ᬦᬧᬥᬗᬯᬗᬸᬦ᭄᭞ᬕᬕ᭄ᬮᬭᬦ᭄ᬳᬦᬾᬂᬚ᭄ᬭᭀᬧᬸᬭᬶ᭞ᬳᬧᬳ᭄ᬬᬲ᭄ᬫᬳᬾᬤ᭄ᬭᬦ᭄᭞ᬲᭀᬭᬾᬏᬜ᭄ᬚᬶᬂᬤᬸᬮᬸᬃᬤᬸᬮᬸᬃ᭞
ᬦ᭄ᬤᬢᬦ᭄‌‌ᬓ᭄ᬦᬾᬂᬯᬶᬦᬶᬮᬗᬦ᭄᭞ᬅᬓ᭄ᬯᬾᬄᬦᬶᬓᬂᬯ᭄ᬯᬂᬳᬤᬶ᭞ᬫᬓᬫᬶᬯᬄᬧᬭᬕᬃᬯ᭄ᬯ᭞ᬧᬭᬪᬸᬧᬢᬶᬯᬸᬲ᭄‌‌ᬭᬯᬸᬄ᭞᭑᭒᭟ᬫ᭄ᬯᬂᬩᬮᬾᬧ᭄ᬯᬭᬗᬦ᭄ᬳᬰ᭄ᬭᬷ᭞ᬫᬹᬧᬋᬗ᭄ᬕᬵ᭞ᬲᬃᬯ᭄ᬯᬓᬦᬓᬮᬦ᭄ᬢᬢᬸᬃ᭞ᬲᬲᭀᬘᬦᬾᬫᬸᬭᬸᬩ᭄᭞
ᬫᬢᬢᬄᬧᬥᬫᬉᬓᬶᬃ᭞ᬮᬸᬫᭂᬳᬶᬓᬂᬤ᭄ᬯᬭᬳ᭄ᬫᬵᬲ᭄᭞ᬧᬧᬢ᭄ᬭᬬᬦ᭄ᬲᬫᬶᬫᬸᬗ᭄ᬕᬸᬄ᭞ᬲᬶᬦ᭄ᬮᬕᬶᬂᬭᬢ᭄ᬦᬫᬩᬂ᭞ᬫᬳᬧᬶᬢ᭄ᬓᬭᬂᬘᬸᬭᬶᬂ᭞ᬓᬳᬸᬗ᭄ᬓᬸᬮᬦ᭄‌‌ᬘᬦ᭄ᬤ᭄ᬭᬓᬦ᭄ᬢ᭞ᬫᬜᬸᬮᬸᬳᬶᬦ᭄ᬲᬃᬯ᭄ᬯᬶᬳᬸᬮᬗᬸᬦ᭄᭟᭑᭓᭟ᬭᬶᬂᬳᬋᬧᬶᬂ
ᬳᬸᬫᬄᬫᬵᬲ᭄ᬫᬡᬶᬓ᭄᭞ᬓᬜ᭄ᬘᬦ᭄ᬧᬸᬱ᭄ᬧ᭞ᬲᬫᬶᬦᭂᬥᭂᬂᬳᬭᬹᬫ᭄᭞ᬭᬶᬂᬦᬢᬃᬳᬢᬸᬭᬸᬢ᭄᭞ᬯᬯᬗᬸᬦᬦ᭄‌‌ᬮ᭄ᬯᬶᬃᬓᬾᬱᬭᬶ᭞ᬲᬫᬶᬧᬥᬫᬸᬗ᭄ᬕ᭄ᬯᬶᬂᬧᬦ᭞ᬲᬃᬯ᭄ᬯᬓᬦᬓᬫ᭄ᬯᬂᬢᬢᬸᬃ᭞ᬳᬚᬚᬃᬳᬗᬧᬶᬢ᭄ᬫᬃᬕ᭄ᬕ᭞ᬇᬋᬂᬩᬵᬂᬧᬸᬢᬶᬄ

[᭔᭐ 40A]
᭔᭐
ᬓᬸᬦᬶᬂ᭞ᬳᬾᬩᭂᬓᬦ᭄ᬲᬃᬯ᭄ᬯᬦᬶᬂᬭᬢ᭄ᬦ᭞ᬫᬸᬗ᭄ᬕᬸᬄᬧᬦᬦᬶᬂᬲᬦ᭄ᬢᬸᬦ᭄᭟᭑᭔᭟ᬧᬺᬢᬶᬫᬮ᭄ᬯᬶᬃᬦᬶᬂᬳᬚᬸᬭᬶᬢ᭄᭞ᬫᬸᬗ᭄ᬕ᭄ᬯᬶᬂᬓᬦᬦ᭄᭞ᬫᬭᬶᬂᬲ᭄ᬮᬦᬶᬂᬧᬦᬵᬲᬦ᭄ᬢᬸᬦ᭄᭞ᬢᬸᬃᬫᬘᬘᬯᬶᬲᬵᬫ᭄ᬧᬸᬦ᭄᭞ᬳᬯᬯᬗᬸᬦ᭄‌‌ᬮ᭄ᬯᬶᬃᬳᬧ᭄ᬲᬭᬶ᭞ᬧ᭄ᬭᬬᬢ᭄ᬦ
ᬳᬗ᭄ᬫᬶᬢ᭄ᬳᬫᬺᬢ᭄ᬢ᭞ᬘᬓᬺᬥᬡ᭄ᬥᬮᬗ᭄ᬓᬧ᭄ᬮᬶᬫ᭄ᬧᬸᬂ᭞ᬫ᭄ᬯᬂᬳᬧ᭄ᬲᬭᬫᬯᬮᬭᬲ᭄᭞ᬮ᭄ᬯᬶᬃᬢᬸᬤᬸᬳᬶᬂᬳ᭄ᬬᬂᬅᬭᬶ᭞ᬫᬭᬶᬂᬲ᭄ᬫᬭᬪ᭄ᬯᬦ᭞ᬗ᭄ᬳᬾᬃᬓᬵᬮᬮᬸᬤ᭄ᬭᬓᬓᬂᬫᬸᬲᬸᬄ᭟᭑᭕᭟ᬧᬺᬢᬶᬫᬲᬶᬲᬶᬳᬶᬂᬓᬶᬭᬶ᭞ᬭᬹᬧᬬᬓ᭄ᬱ᭞ᬩᬮᬦᬶᬂᬤᬦᬸ
ᬚᬳᬕᬸᬂ᭞ᬮ᭄ᬯᬶᬃᬢ᭄ᬓᬳᬫ᭄ᬩᬸᬭᬸ᭞ᬭᬶᬂᬰ᭄ᬯᬃᬕ᭄ᬕᬲᬫᬵᬫ᭄ᬭᬶᬄ᭞ᬲᬃᬯ᭄ᬯᬶᬳᬫᬸᬢᭂᬃᬥᬡ᭄ᬥᬦ᭄ᬬ᭞ᬫᬕᬮᬓ᭄ᬧᬥᬧᬕ᭄ᬮᬸᬃ᭞ᬦᬂᬢᬂᬳᬶᬓᬂᬫᬸᬲᬸᬄᬦ᭄ᬬ᭞ᬲᬄᬲᬓᬶᬂᬉᬥᬥᬶ᭞ᬳᬗ᭄ᬕᬦᬶᬓᬂᬯᬯᬗᬸᬦᬦ᭄᭞ᬳᬶᬓᬦᬂᬕᬸᬭᬶᬢ᭄ᬳᬸᬫᬸᬗ᭄ᬕᬸᬄ᭟᭑᭖᭟ᬳᬓ᭄ᬯᬾᬄᬓ
ᬦᬂᬧᬸᬭᬶ᭞ᬓᬮᬶᬄᬤᬶᬦ᭞ᬓᬶᬭᬂᬓᬮᬶᬄᬤᬶᬦ᭞ᬓᬂᬪᬶᬱᬾᬓᬭᬢᬸ᭞ᬤ᭄ᬬᬄᬕᬾᬭᭀᬂᬓᬯᬸᬯᬸᬲ᭄᭞ᬕᬶᬭᬂᬜᬦᬾᬢᬦ᭄ᬲᬶᬦᬶᬧᬶ᭞ᬭᬾᬄᬢ᭄ᬓᬦᬶᬂᬤᬸᬢᬦ᭄ᬬ᭞ᬯ᭄ᬭᬸᬄᬲᬶᬭᬧᬘᬂᬳᬫᬥᬸ᭞ᬬᬢ᭄ᬦᬲᬶᬭᬫᬲᬂᬕᬸᬡ᭞ᬇᬦᬸᬦ᭄ᬤᬂᬕᬸ [ 41 ][᭔᭐ 40B]
᭔᭐
ᬭᬸᬧ᭄ᬭᬧ᭄ᬢᬶ᭞ᬭᬳᬶᬦᬯ᭄ᬗᬶᬳᬫᬹᬚ᭞ᬭᬶᬳᬗ᭄ᬕᬦᬶᬭᬲᬂᬳᬬᬸ᭟᭑᭗᭟ᬕᬸᬡᬲᬸᬦ᭄ᬤᬫᬸᬗ᭄ᬕ᭄ᬯᬶᬂᬮᬶᬭᬶᬂ᭞ᬫᬭᬶᬂᬕ᭄ᬭᬡ᭞ᬕᬸᬡᬩᬸᬕᬶᬲᬾᬳᬸᬫᬸᬗ᭄ᬕᬸᬄ᭞ᬦᬾᬫᬸᬗ᭄ᬕᬸᬄᬭᬶᬂᬳᬸᬦ᭄ᬢᬸ᭞ᬕᬸᬡᬲᬲᬓ᭄‌‌ᬦᬾᬢᬦ᭄ᬫᬭᬶ᭞ᬮᬝᬶᬮᬫ᭄ᬩᬾᬫᬮᬶᬗ᭄ᬕᬵ᭞ᬳᬶᬦᬦ᭄ᬥ
ᬕᬸᬡᬫ᭄ᬮᬬᬸ᭞ᬩᬶᬮᬂᬲᬦ᭄ᬤᬶᬫᬓᬳᬗ᭄ᬕ᭞ᬫᬶᬚᬶᬮᬦ᭄ᬕᬸᬡᬚᬯᬶ᭞ᬕᬸᬡᬩᬮᬶᬦᬾᬲᬯᬯ᭞ᬫᬲᬸᬂᬦᬵᬫᬕᬸᬡᬩᬵᬜ᭄ᬚᬸᬃ᭟᭑᭘᭟ᬫ᭄ᬯᬂᬓᬲᬸᬗᬦ᭄ᬫᬦ᭄ᬢ᭄ᬭᬲᬶᬥᬶ᭞ᬫᬶᬂᬢᬶᬕᬳᬫ᭄ᬧᭂᬢ᭄ᬩᬬᬸ᭞ᬳᬦᬸᬗ᭄ᬕᬮᬂᬲᬸᬓᬸ᭞ᬳᬦᭂᬫ᭄ᬩᬄᬳᬫᬜ᭄ᬘᬤᬾᬰᬶ᭞
ᬫᬶᬤᭂᬃᬓᬶᬯᬬᬧᬶᬂᬢᬶᬕ᭞ᬪᬝᬭᬶᬤᬹᬃᬖ᭄ᬕᬓᬢᬸᬳᬸᬃ᭞ᬫ᭄ᬯᬄᬫᬦ᭄ᬢᭂᬩᬦ᭄ᬧᬶᬂᬲᭀᬮᬲ᭄᭞ᬓᬳᬶᬜ᭄ᬘᭂᬧᬂᬲ᭄ᬬᬂᬯᭂᬗᬶ᭞ᬲᬚᬶᬘᬭᬸᬦᬾᬳᬸᬫᬤᬂ᭞ᬬᭀᬕ᭄ᬬᬰ᭄ᬭᬡᬫᬶᬦ᭄ᬤᬂᬓᬸᬮᬸᬓ᭄᭟᭑᭙᭟ᬧ᭄ᬭᬕᭀᬮᬦ᭄ᬲᬦᬾᬉᬢ᭄ᬢᬫᬶ᭞ᬳᬶᬘᬫ᭄ᬩ᭄ᬭᬩ᭄ᬭᬕ᭄᭞
ᬮᬦ᭄ᬧ᭄ᬭᬶᬧᬶᬄᬧᬲᬸᬂᬕᬸᬭᬸ᭞ᬢ᭄ᬮᬲ᭄ᬲᬫᬶᬭᬶᬦᬗ᭄ᬲᬸᬓ᭄᭞ᬯᬸᬲ᭄‌‌ᬪᬶᬦᭀᬚᬦ᭄ᬧᬸᬦ᭄‌‌ᬯ᭄ᬬᬤᬶ᭞ᬚᬵᬢᬶᬭᬹᬧᬦᬾᬤᬸᬫᬶᬮᬄ᭞ᬲᬶᬂᬗᬢᭀᬦᬂᬧᬥᬮᬸᬮᬸᬢ᭄᭞ᬯᬸᬲ᭄ᬳᬸᬫᬦ᭄ᬤᭂᬮ᭄ᬳᬶᬓᬂᬫᬦᬄ᭞ᬲᬶᬦᬄᬮᬸᬮᬸᬢᬶᬂᬰ᭄ᬯᬫᬶ᭞ᬢᭂᬫ᭄ᬩᬾᬧᬯᬭᬗᬦ᭄᭞

[᭔᭑ 41A]
᭔᭑
ᬭᬤᬾᬦ᭄ᬫᬦ᭄ᬢ᭄ᬭᬶᬓᬵᬘᭂᬧ᭄ᬲᬵᬫ᭄ᬧᬸᬦ᭄᭟᭒᭐᭟ᬓᬸᬓᬸᬲ᭄ᬥᬸᬧᬦᬾᬢᬦ᭄ᬫᬭᬶ᭞ᬕᬡ᭄ᬥᭀᬢ᭄ᬨᬮ᭞ᬓᬸᬓᬸᬲᬾᬯᬗᬶᬲᬸᬫᬫ᭄ᬩᬸᬃ᭞ᬯᬗᬶᬦᬾᬫᬧᬸᬧᬸᬮ᭄᭞ᬫᬫᬭᬲᬦ᭄ᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬲᬶᬭᬵᬢ᭄ᬫᬬᬳᬶᬦᬧᬾᬦᬦ᭄᭞ᬘᬶᬦᬹᬃᬡ᭄ᬦᬤᬾᬲᬺᬩᬸᬓ᭄ᬢᬢᬸᬃ
᭞ᬳᬧᬶᬗ᭄ᬕᭂᬮ᭄ᬓᬦᬓᬭᬢ᭄ᬦᬵ᭞ᬍᬗᭃᬫ᭄ᬯᬂᬩᬸᬭᬢ᭄ᬯᬗᬶ᭞ᬓᬮᬸᬂᬭᬢ᭄ᬦᬤᬸᬫᬶᬮᬄ᭞ᬫᬵᬦ᭄ᬢᬶᬂᬳᬦ᭄ᬢᬶᬂᬭᬢ᭄ᬦᬫᬸᬢᬸ᭟᭒᭑᭟ᬳᬸᬦ᭄ᬢᬸᬦᬾᬜᬮᬂᬫᬮᬸᬗᬶᬤ᭄᭞ᬫᬪᬹᬱᬡ᭞ᬪᬲ᭄ᬯᬭᬩᬵᬂᬕ᭄ᬭᬸᬤᬫᬸᬗ᭄ᬓᬸᬃ᭞ᬳᬲᬦ᭄ᬤᬗᬦ᭄ᬲᬵᬫ᭄ᬧᬸᬦ᭄᭞ᬧᬲᬸᬂᬦᬶᬭᬦᬭᬾ
ᬰ᭄ᬯᬭᬶ᭞ᬢ᭄ᬮᬲ᭄ᬓᬦᬂᬧᬭᬯᬦᬶᬣ᭞ᬚᬭᬸᬫᬦ᭄ᬧᬥᬳᬦᬸᬮᬸᬂ᭞ᬫᬳ᭄ᬬᬲ᭄ᬲᬂᬥ᭄ᬬᬄᬳᬲᬸᬫ᭞ᬢᬦ᭄ᬲᬄᬲᬶᬭᬳᬘᬺᬫᬶ᭞ᬫᬾᬄᬭᬳᬶᬦᬓᬂᬤᬾᬯᬱ᭞ᬤ᭄ᬬᬄᬕᬾᬭᭀᬂᬦᬸᬗ᭄ᬕᬸᬲᬂᬜᬸᬂᬲᬸᬂ᭟᭒᭒᭟ᬧᬸᬧᬸᬢ᭄ᬧᬳᬶᬮᬾᬦᬶᬂᬧᬸᬭᬶ᭞ᬓᬘ᭄ᬭᬶᬢ᭞ᬭᬤᬾ
ᬦ᭄ᬫᬦ᭄ᬢ᭄ᬭᬶᬲᬃᬯ᭄ᬯᬶᬗᬸᬦ᭄ᬗᬸᬦ᭄᭞ᬳᬗᭂᬫ᭄ᬩᬦ᭄ᬲᬂᬳᬬᬸ᭞ᬳᬦᬶᬩ᭄ᬤᬳᬗᬭᬶᬄᬳᬭᬶᬄ᭞ᬤᬸᬄᬚ᭄ᬯᬶᬢᬦ᭄ᬢᬶᬢ᭄ᬬᬂᬳᬶᬤᬾᬯ᭞ᬫᬓᬧᬫᬸᬧᬸᬮᬦ᭄ᬳᬬᬸ᭞ᬳᬬ᭄ᬯᬢᬓᬶᬢᬲᬸᬗ᭄ᬓᬯ᭞ᬢᬶᬗ᭄ᬕᬮ᭄ᬳᬶᬗ᭄ᬲᬸᬦ᭄ᬳᬭᬶ᭞ᬳᬧᬦ᭄‌‌ᬭᬾᬄᬳᬶᬗ᭄ᬲᬸᬦ᭄ᬳᬧᬓ᭄ᬱᬵ᭞ᬭᬶᬂᬲᬶᬭ [ 42 ][᭔᭑ 41B]
᭔᭑
ᬬᬬᬄᬫ᭄ᬯᬂᬳᬶᬩᬸ᭟᭒᭓᭟ᬢ᭄ᬓᬭᬶᬂᬭᬳᬶᬦᬏᬜ᭄ᬚᬶᬂ᭞ᬭᬶᬂᬲᬂᬤ᭄ᬬᬄᬕᬾᬭᭀᬂᬓᬯᬸᬯᬸᬲ᭄᭞ᬧᬸᬢ᭄ᬭᬶᬳᬯᬸᬦᬵᬯᬸᬲ᭄᭞ᬚᬵᬢᬶᬦᬶᬂᬓᬓᬭᬶᬂᬳᬶᬳᬭᬶ᭞ᬬᬢᬯᬸᬲᬶᬭᬵᬚ᭄ᬜᬦᬵᬣ᭞ᬭᬶᬂᬳᬢᬶᬢᬦᬵᬦᬢᬸᬳᬸ᭞ᬚᬸᬫ᭄ᬦᭂᬂᬤᬾᬯᬭᬶᬂᬢᬫᬦ᭄᭞
ᬲᬂᬳᬬᬸᬳᬯᭀᬢ᭄ᬲᬭᬶ᭞ᬳᬫᬦ᭄ᬤᬫᬦ᭄ᬤᬳᬦᬩ᭄ᬤ᭞ᬲ᭄ᬯᬭᬮ᭄ᬯᬶᬃᬲᬲᭂᬦ᭄ᬤᭀᬦ᭄ᬕᬫ᭄ᬩᬸᬄ᭟᭐᭚ᬧᬸᬧᬸᬄᬕᬫ᭄ᬩᬸᬄ᭚᭑᭟ᬤᬸᬄᬲᬶᬭᬲᬗᬩᬕᬸᬲ᭄᭞ᬧᬶᬢᬸᬳᬸᬦ᭄ᬧᬲᬸᬂᬬᬬᬄᬫ᭄ᬯᬂᬳᬶᬡ᭄ᬥᬸᬂ᭞ᬢᬦ᭄ᬓᭂᬦᬲᬶᬭᬫᬦᬸᬮᬓᬦᬂᬳ
ᬲᬶᬄ᭞ᬤ᭄ᬯᬦᬶᬂᬳᬶᬤᬤᬦᬾᬗᬶᬗᬸ᭞ᬳᬮᬳᬬᬸᬦᬶᬂᬧᬢᬸᬭᭀᬦ᭄᭟᭒᭟ᬯᬶᬢ᭄ᬭᬭᬾᬥᬗᬸᬥᬗᬸ᭞ᬓᬧᬸᬗ᭄ᬓᬸᬃᬳᬶᬭᬢᬸᬲᬫ᭄ᬧᬾᬤᬸᬳᬸᬃ᭞ᬳᬾᬮᬶᬂᬤᬾᬯᬭᬶᬂᬧᬲ᭄ᬯᬾᬘ᭄ᬙᬦ᭄‌‌ᬦᬵᬃᬧᬢᬶ᭞ᬫ᭄ᬯᬄᬲᬳᬦᬦᬶᬂᬧᬳᬸᬗᬸ᭞ᬲᬫᬶᬜᬦ᭄ᬤᬂᬤᬾᬯ
ᬕᬸᬕᭀᬦ᭄᭟᭓᭟ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬭᬢᬸ᭞ᬬᬢᬧᬘᬂᬫᬢ᭄ᬫᬳᬦ᭄ᬮᬫ᭄ᬧᬸᬲ᭄᭞ᬦᭀᬭᬧᬲᬄᬭᬶᬂᬲᬸᬓᬸᬦ᭄ᬢᬭᬤᬾᬦ᭄ᬫᬦ᭄ᬢ᭄ᬭᬶ᭞ᬬᬢᬢᬶᬢ᭄ᬬᬂᬫᬫ᭄ᬜᬦ᭄ᬲ᭄ᬭᬸ᭞ᬢᬶᬢ᭄ᬬᬂᬯᬦ᭄ᬢᬄᬜᬥ᭄ᬬᬢᬸᬯᭀᬦ᭄᭟᭔᭟ᬳᬬ᭄ᬯᬢᬲᬗ᭄ᬲᬬᬭᬢᬸ

[᭔᭒ 42A]
᭔᭒
ᬫᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂᬧᬘᬂᬫᬦ᭄ᬢᬸᬓ᭄᭞ᬧᬭᬳᬶᬜᬰᭀᬓᬧ᭄ᬭᬶᬬᬓᬚᬫ᭄ᬧᬶᬭᬶᬂ᭞ᬢᬸᬦᬲ᭄ᬢᬶᬢ᭄ᬬᬂᬫᬗ᭄ᬤᬓᬦ᭄ᬢᬸᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬓᬯᭀᬦ᭄᭟᭕᭟ᬭᬶᬂᬢᬫᬦ᭄ᬢᬶᬢ᭄ᬬᬂᬦᬸᬗ᭄ᬕᬸ᭞ᬲᬮᬫᬶᬦᬾᬦᭀᬭᬓᬧᬸᬭᬶᬭᬢᬸ᭞ᬢᬦ᭄ᬳᬸᬦᬶᬂᬓᬃᬬ᭄ᬬ
ᬦ᭄ᬭᬢᬸᬦᬾᬫᬩᬸᬜ᭄ᬘᬶᬂ᭞ᬤ᭄ᬯᬦᬶᬂᬲᬵᬫ᭄ᬧᬸᬦ᭄ᬓᬤᬸᬂᬮᬸᬧᬸᬢ᭄᭞ᬢᬦ᭄ᬯ᭄ᬭᬸᬄᬭᬶᬂᬤᬕᬶᬂᬩᬩᬯᭀᬲ᭄᭟᭖᭟ᬯᬘᬦᬲᬃᬯ᭄ᬯᬶᬳᬮᬸᬲ᭄᭞ᬲᬗᬦᭀᬫ᭄ᬲᬃᬯ᭄ᬯᬶᬗᬸᬓᬸᬢᬸᬓᬸᬢ᭄᭞ᬯᬘᬦᬫᬦᬶᬲ᭄ᬥᬸᬮᬸᬭᬦ᭄ᬓᬓᬯᬶᬦ᭄᭞ᬩᬩᬱᬦᬾᬫᬦᬶ
ᬲ᭄ᬳᬭᬹᬫ᭄᭞ᬢᬦ᭄ᬲᬄᬳᬦᬭᬶᬂᬧᬢᬸᬭᭀᬦ᭄᭟᭗᭟ᬳᬓᬝᬄᬬᬦ᭄ᬯᬶᬦᬸᬯᬸᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬲᬄᬗ᭄ᬭᬸᬫ᭄ᬭᬸᬫ᭄᭞ᬳᬗᬮᬧ᭄‌‌ᬢ᭄ᬯᬲ᭄ᬦᬶᬭᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬓᬶᬦ᭄᭞ᬤᬤ᭄ᬬᬜᬳᬶᬤᬫᬗ᭄ᬮᭂᬲᬸ᭞ᬤᬾᬦᬶᬂᬲᬵᬫ᭄ᬧᬸᬦ᭄‌‌ᬧᬸᬧᬸᬢ᭄ᬳ
ᬯᭀᬃ᭟᭘᭟ᬮᭀᬮ᭄ᬬᬲᬶᬭᬲᬂᬳᬬᬸ᭞ᬫ᭄ᬕᬢ᭄‌‌ᬫ᭄ᬕᬢ᭄ᬯᬘᬦᬦᬾᬧᬸᬢᬸᬲ᭄᭞ᬤᬤᬶᬦᬶᬤ᭄ᬭᬭᬳᬤ᭄ᬬᬦ᭄ᬲᬫᬶᬲᬂᬓᬮᬶᬄ᭞ᬭᬳᬶᬦᬫᬗ᭄ᬓᬾᬓᬯᬸᬯᬸᬲ᭄᭞ᬓᬮᬶᬦ᭄ᬢᬂᬳᬶᬤᬓᬍᬲᭀᬦ᭄᭟᭙᭟ᬦ᭄ᬤᬢᬢᬶᬢᬲᬂᬳ [ 43 ][᭔᭒ 42B]
᭔᭒
ᬢᬸᬭᬸ᭞ᬫᬕ᭄ᬮᭂᬦ᭄ᬤᬾᬂᬧᬦᬮᬶᬓᬦᬾᬲᬵᬫ᭄ᬧᬸᬦ᭄᭞ᬤᬤᬶᬫᬳᬸᬗᬸᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬓᬶᬦ᭄᭞ᬧᬗᬶᬭᬶᬂᬳᬢᬵᬢᬧᬸᬧᬸᬢ᭄᭞ᬲᬫᬶᬜᬸᬂᬲᬸᬂᬭᬤᬾᬦ᭄ᬳᬦᭀᬫ᭄᭟᭑᭐᭟ᬲᬂᬤ᭄ᬬᬄᬳᬦᬶᬤ᭄ᬭᬓᬦ᭄ᬢᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬶᬗ᭄ᬕᬮ᭄ᬲᬃ
ᬯ᭄ᬯᬶᬗᬸᬦ᭄ᬗᬸᬦ᭄᭞ᬦᬭᬶᬓ᭄ᬢᬗᬦ᭄ᬓᬢᬶᬦ᭄ᬤᬶᬄᬭᬶᬂᬭᬤᬾᬦ᭄ᬤᬾᬯᬶ᭞ᬲ᭄ᬭᬸᬧᬢᬦᬾᬤᬺᬲ᭄ᬳᬸᬫᭂᬢᬸ᭞ᬫᬶᬚᬶᬮ᭄ᬲᬶᬭᬤᬩ᭄ᬥᬩ᭄ᬳᬮᭀᬦ᭄᭟᭐᭚ᬧᬸᬧᬸᬄᬫᬶᬚᬶᬮ᭄᭚᭑᭟ᬢᬦ᭄ᬫᬭᬶᬳᬶᬤᬫᬦᭀᬮᬶᬄᬓᬸᬭᬶ᭞ᬮᬸᬫᬫ᭄ᬧᬄᬫᬜᭀ
ᬬᭀᬃ᭞ᬭᬤᬾᬦ᭄ᬕᬮᬸᬄᬳᬶᬦᬩ᭄ᬗᬧᬾᬬᬧᬾ᭞ᬓᬢᬶᬗ᭄ᬕᬮᬶᬦ᭄ᬦᭀᬭᬳᬶᬤᬳᬸᬦᬶᬂ᭞ᬫᬕᬦ᭄ᬢᬸᬗᬶᬂᬓᬧ᭄ᬢᬶ᭞ᬳᬓ᭄ᬘᬧ᭄‌‌ᬓ᭄ᬘᬧ᭄‌‌ᬮᬸᬫᬓᬸ᭟᭒᭟ᬓᬤᬳᬢᬦ᭄ᬮᬫ᭄ᬧᬳᬾᬭᬶᬂᬫᬃᬕ᭄ᬕᬶ᭞ᬫᬕᬦ᭄ᬢᬸᬂᬭᬶᬂᬧᬦᭀᬦ᭄᭞ᬳᬶᬦᬩ᭄ᬦᬸᬢᬸᬕ᭄‌‌ᬲᬃᬯ᭄ᬯᬶᬗ
ᬯᬾᬳᬯᬾ᭞ᬢᬦᬸᬘᬧᬦ᭄‌‌ᬮᬫ᭄ᬧᬳᬾᬲᬤᬕ᭄ᬮᬶᬲ᭄᭞ᬦᬸᬚᬸᬫᬭᬶᬂᬧᬸᬭᬶ᭞ᬬᬬᬄᬇᬩᬸᬧᬥᬜᬸᬗ᭄ᬲᬸᬂ᭞᭟᭓᭟ᬫᬯᬘᬦᬲᬶᬭᬧ᭄ᬭᬫᬾᬰ᭄ᬯᬭᬷ᭞ᬤᬸᬄᬤᬾᬯᬲᬂᬳᬦᭀᬫ᭄᭞ᬤᬳᬢ᭄ᬫᬓᬤᬢ᭄‌‌ᬲᬶᬭᬢ᭄ᬓᬫᬗ᭄ᬓᬾ᭞ᬦ

[᭔᭓ 43A]
᭔᭓
ᬫ᭄ᬧᬶᬯᬮᬾᬦ᭄‌‌ᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬲᬶᬗ᭄ᬕᬶᬳᬦ᭄‌‌ᬚᬢᬶ᭞ᬳᬦᬶᬤ᭄ᬭᬤᬳᬢ᭄ᬓᬢᬸᬗ᭄ᬓᬸᬮ᭄᭟᭔᭟ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬭᬶᬂᬫᬥ᭄ᬬᬦᬶᬂᬭᬢ᭄ᬭᬶ᭞ᬓᬦ᭄ᬢᬸᬦ᭄ᬢᬶᬢ᭄ᬬᬂᬫᬯᭀᬲ᭄᭞ᬗᬫᬦᬳᬶᬦ᭄ᬧᬘᬂᬓᬸᬮᬗᬸᬦᬾ᭞ᬭᬶᬂᬚᬢᬸᬓ᭄ᬭᬫᬦ᭄ᬢᬶᬢ᭄ᬬᬂ
ᬦᬾᬫᬗ᭄ᬓᬶᬦ᭄᭞ᬧᬲᬸᬂᬳᬶᬩᬸᬳᬚᬶ᭞ᬢᬶᬢ᭄ᬬᬂᬜᬥ᭄ᬬᬧᬘᬂᬜᬸᬯᬸᬦ᭄᭟᭕᭟ᬢᬦᬧᬜ᭄ᬚᬂᬭᬋᬫ᭄ᬩᬦᬶᬂᬧᬸᬭᬶ᭞ᬕ᭄ᬮᬶᬲ᭄ᬦᬦ᭄ᬤᬂᬧᬶᬗᬗ᭄ᬕᭀ᭞ᬓᭀᬫᬮᬫᬵᬲ᭄ᬓᬮᬜ᭄ᬘᬸᬕᬦᬾ᭞ᬓᬶᬮᬢ᭄ᬩᬳᬸᬲᬃᬯ᭄ᬯᬫᬡᬷᬓ᭄ᬳᬰ᭄ᬭᬷ᭞ᬫᬓᬫ᭄ᬧᬸᬄᬦᬾᬯᬶᬮᬶᬲ᭄᭞ᬫ
ᬢᬢᬄᬳᬦ᭄ᬢᬸᬓ᭄ᬯᬾᬢᬢᬸᬃ᭟᭖᭟ᬳᬕ᭄ᬮᬸᬂᬭᬧᬶᬢ᭄ᬳᬸᬭᬂᬓᬭᬂᬭᬢ᭄ᬦᬶ᭞ᬓ᭄ᬭᬫᬦᬶᬂᬲᬂᬓᬢᭀᬂ᭞ᬫᬫᬢᬫᬶᬂᬫᬂᬳᬦ᭄ᬢᬶᬂᬳᬦ᭄ᬢᬶᬗᬾ᭞ᬳᬧᬶᬗ᭄ᬕᭂᬮ᭄ᬭᬸᬓ᭄ᬫᬩᭀᬢᬦᬶᬂᬧᬭᬶᬲ᭄᭞ᬫᬸᬢ᭄ᬬᬭᬦᬾᬳᬰ᭄ᬭᬷ᭞ᬳᬗ᭄ᬕᬦᬶᬂᬩᬶᬦ᭄ᬢᬂᬲᬶᬦᬩᬸᬃ᭟᭗᭟ᬳᬶᬚᭀᬫᬦ᭄ᬢᭂ
ᬦ᭄‌‌ᬲᭂᬲᭂᬭᬦᬾᬗᭂᬦ᭄ᬥᬶᬄ᭞ᬳᬶᬦ᭄ᬢᭂᬦᬾᬲᬸᬫᭂᬩ᭄ᬬᭀᬃ᭞ᬫᬘᬯᬶᬯᬿᬢᬢᬸᬃᬓᬂᬯᬲ᭄ᬢ᭄ᬭᬦᬾ᭞ᬫᬧᬧ᭄ᬢᭂᬢ᭄ᬲᬃᬯ᭄ᬯᬶᬮᬸᬗ᭄ᬲᬶᬃᬓᬸᬦᬶᬂ᭞ᬜᬸᬂᬓ᭄ᬮᬶᬢ᭄‌‌ᬓ᭄ᬭᬶᬲ᭄ᬳᬸᬢ᭄ᬢᬫᬶ᭞ᬕ᭄ᬭᬦ᭄ᬢᬶᬫ᭄ᬫᬵᬲ᭄ᬳᬤᬶᬫᬸᬭᬸᬩ᭄᭟᭘᭟ᬢᬦ᭄ᬯᬃᬡᬦᭂᬦ᭄ᬲᬸᬢᬦᬾᬦᬵᬃᬧᬢᬶ᭞ [ 44 ][᭔᭓ 43B]
᭔᭓
ᬭᬳᬤ᭄ᬬᬦ᭄ᬲᬂᬳᬦᭀᬫ᭄᭞ᬓᬤᬶᬲᬂᬳ᭄ᬬᬂᬲ᭄ᬫᬭᬧ᭄ᬓᬶᬓᬾ᭞ᬦᭀᬭᬳᬦᬲᬫᬲᬲᭀᬭᬶᬂᬮᬗᬶᬢ᭄᭞ᬓᭀᬘᬧ᭄‌ᬲᬂᬫᬗᬶᬭᬶᬂ᭞ᬧᬧᬢᭂᬳᬦ᭄ᬲᬫᬶᬩᬕᬸᬲ᭄᭟᭙᭟ᬯᬯᬸᬫᬕᬢ᭄ᬭᬭᬯᬶᬲᬾᬲᬫᬶ᭞ᬫᬗᬶᬭᬶᬂᬲᬂᬳᬦᭀᬫ᭄᭞ᬦᬭᬶᬂᬩ
ᬜ᭄ᬘᬶᬗᬄᬳᬾᬩᭂᬓ᭄ᬚᭂᬚᭂᬮᬾ᭞ᬉᬧᬓᬭᬢᬢᬦᬶᬂᬩᬸᬜ᭄ᬘᬶᬂ᭞ᬲᬫᬶᬯᬸᬲ᭄ᬘᬸᬫᬯᬶᬲ᭄᭞ᬮ᭄ᬯᬶᬃᬧᬲᬶᬃᬭᭀᬩ᭄ᬗᬭᬸᬤᬸᬕ᭄᭟᭑᭐᭟ᬲᬵᬫ᭄ᬧᬸᬦ᭄ᬲᬶᬭᬳᬳ᭄ᬬᬲ᭄‌ᬥᬯᬸᬄᬓᬮᬶᬄ᭞ᬫᬶᬚᬶᬮ᭄ᬧ᭄ᬭᬪᬸᬳᬦᭀᬫ᭄᭞ᬢᬸᬫ᭄ᬩᬓ᭄ᬩᭂᬤᬶᬮᬾᬲᬬᬕᬵ
ᬋᬓᬾ᭞ᬭᬭᭀᬦ᭄ᬢᬾᬓᬾᬳᬸᬫ᭄ᬩᬸᬮ᭄‌ᬳᬫ᭄ᬩᬸᬮ᭄ᬲᬫᬶ᭞ᬮᬮᬜ᭄ᬘᬂᬢᬦ᭄ᬓᬭᬶ᭞ᬧᬫᬸᬘᬗᬦ᭄‌ᬢ᭄ᬥᬸᬂᬳᬕᬸᬂ᭟᭑᭑᭟ᬧᬫᬃᬕ᭄ᬕᬶᬦᬾᬲᬃᬯ᭄ᬯᬶᬤᬩ᭄ᬥᬩ᭄ᬳᬭᬶᬲ᭄᭞ᬢᬶᬦ᭄ᬤᬓ᭄ᬲᬸᬓᬸᬦᬾᬗᭂᬜ᭄ᬘᭀᬢ᭄᭞ᬮ᭄ᬯᬶᬃᬫᬥᬸᬕᭂᬡ᭄ᬥᬶᬲ᭄ᬲᬲ᭄ᬫᬶᬢᬦᬾ᭞ᬫ᭄ᬯᬄᬘᬘᬶ
ᬗᬓᬾᬕᬮᬓ᭄ᬳᬫᬦᬶᬲ᭄᭞ᬓᬤᬾᬬᬦᬾᬗᬧᬶᬢ᭄᭞ᬦᭀᬭᬤᭀᬄᬭᬶᬂᬳᬋᬧ᭄ᬲᬵᬫ᭄ᬧᬸᬦ᭄᭟᭑᭒᭟ᬳᬾᬩᭂᬓ᭄ᬱ᭄ᬭᬸᬄᬧ᭄ᬦᬸᬄᬢᬦ᭄ᬧᬲᬶᬭᬶᬂ᭞ᬲᬫ᭄ᬬᬜᬥ᭄ᬬᬗᭂᬢᭀᬦ᭄᭞ᬮᬓᬶᬲ᭄ᬢ᭄ᬭᬶᬫ᭄ᬯᬂᬯᬢᭂᬓ᭄‌ᬓ᭄ᬭᬡ᭄ᬥᬦᬾ᭞ᬕᭀᬂᬩ᭄ᬥᬶᬮ᭄‌ᬲᬸᬃᬬ᭄ᬬ

[᭔᭔ 44A]
᭔᭔
ᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬲᭀᬫ᭄ᬧ᭄ᬭᬾᬢᬾᬢᬦ᭄ᬫᬭᬶ᭞ᬩᬭᬶᬲ᭄ᬤᬤᬧᬾᬢᬦᬓᬦ᭄ᬢᬸᬦ᭄᭟᭑᭓᭟ᬢᬸᬗ᭄ᬕᬸᬮ᭄‌ᬓᬸᬫ᭄ᬮᬩ᭄‌ᬢᭂᬫ᭄ᬧᬸᬳᬶᬂᬫᬵᬭᬸᬣᬶ᭞ᬲ᭄ᬯᬭᬦᬶᬂᬓᬤᬾᬜ᭄ᬘᭀᬂ᭞ᬫᬺᬥᬗ᭄ᬕᬵᬩᬸᬩᬃᬓᬮᬶᬄᬫᬺᬘᭀᬦᬾ᭞ᬕᬾᬕᬾᬃᬳᬸᬫ᭄ᬬᬂ᭞ᬩᬮ
ᬦᬾᬫᬗᬶᬭᬶᬂ᭞ᬭᬫᬾᬳᬢᬹᬢ᭄ᬫᬃᬕ᭄ᬕᬶ᭞ᬧᭂᬜ᭄ᬘᬓ᭄‌ᬢᬫ᭄ᬩᬸᬭᬾᬢᬸᬫᬸᬭᬸᬢ᭄᭟᭑᭔᭟ᬓᬮᬲᬗ᭄ᬓᬦᬾᬫ᭄ᬯᬂᬭᬯᬗᬶᬭᬶᬂ᭞ᬖᬹᬃᬡ᭄ᬦᬶᬢᬲ᭄ᬯᬭᬵᬯᭀᬃ᭞ᬢᬸᬃᬫᭂᬧᭂᬢᬶᬂᬮᬗᬶᬢ᭄ᬳᬸᬦᬶᬦᬾ᭞ᬲ᭄ᬯᬭᬦ᭄ᬩᭂᬤᬶᬮᬾᬬᬓᬸᬫᬭᬶᬢᬶᬕ᭄᭞ᬲᬧᬜ᭄ᬚᬗᬶᬂᬫᬃᬕ᭄ᬕᬶ᭞ᬢ
ᬦᬸᬘᬧᬦᬵᬭᬶᬂᬳ᭄ᬦᬸ᭟᭑᭕᭟ᬦ᭄ᬤᬵᬢᬸᬘᬧᬦ᭄‌ᬓ᭄ᬭᬫ᭄ᬬᬦᬶᬂᬧᬸᬭᬶ᭞ᬳᬯᬸᬦ᭄ᬳᬯᬸᬦ᭄ᬋᬓᭀ᭞ᬤᬳᬢ᭄ᬳᬓ᭄ᬯᬾᬄᬳᬸᬦᬾᬦ᭄ᬳᬸᬦᬾᬦᬾ᭞ᬫ᭄ᬯᬂᬲᬲᭀᬮᬳᬦ᭄‌ᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬧᬾᬡ᭄ᬥᬾᬢ᭄ᬫᬶᬯᬄᬩᬭᬶᬲ᭄᭞ᬫᬦᬸᬗ᭄ᬲᬸᬂᬲᬂᬩᬯᬸᬭᬯᬸᬄ᭟
᭑᭖᭟ᬧ᭄ᬭᬫᬾᬰ᭄ᬯᬭᬷᬧᬸᬢ᭄ᬭᬶᬢᬦᬵᬦᬓᬭᬶ᭞ᬫᭂᬡ᭄ᬥᬓᬶᬦ᭄ᬲᬂᬳᬦᭀᬫ᭄᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬦᭀᬭᬦᬲ᭄ᬯᬾ᭞ᬓᬘᬸᬡ᭄ᬥᬸᬓ᭄‌ᬭᬶᬂᬢ᭄ᬧᬶᬦᬶᬂᬦᬵᬕᬭᬶ᭞ᬯᬸᬲ᭄ᬓᬲᬧᬳᬭᬶᬲ᭄᭞ᬩᬮᬫᭂᬦ᭄ᬥᬓ᭄ᬲᬫᬶᬫᬯᬗ᭄ᬲᬸᬮ᭄᭟᭑᭗᭟ᬧ [ 45 ][᭔᭔ 44B]
᭔᭔
ᬫᬃᬕ᭄ᬕᬶᬦᬾᬲᬃᬯ᭄ᬯᬶᬤᬩ᭄ᬤᬩ᭄ᬳᬭᬶᬲ᭄᭞ᬓᭀᬘᬧ᭄ᬲᬂᬫᬦᭀᬦ᭄ᬢᭀᬦ᭄᭞ᬧᬳᬶᬚᬸᬲᬫᬶᬳᬚ᭄ᬭᬶᬄᬓᬲᬾᬧ᭄᭞ᬤᬤᬶᬫ᭄ᬮᬬᬸᬗᬩᬲᬾᬫ᭄ᬧ᭄ᬭᭀᬂᬲᭂᬧᬶᬢ᭄᭞ᬦᬶᬜ᭄ᬚᭀᬭᬶᬂᬮᬯᬂᬕᬕᬶᬲᬸᬦ᭄᭟᭑᭘᭟ᬳᬤᬮᬾᬦ᭄‌ᬲ᭄ᬥᭂᬓ᭄ᬜᬮᬸᬤᬂᬓᭂᬦ᭄ᬥᬶ᭞ᬢᬦ᭄ᬢᬸᬮᬸ
ᬲ᭄‌ᬕ᭄ᬮᬶᬲ᭄ᬦᭀᬦ᭄ᬢᭀᬦ᭄᭞ᬭᬶᬯᬯᬸᬫᬗᬺᬗᭃᬧᬶᬕᬢ᭄ᬭᬦᬾ᭞ᬲᬓᬶᬂᬧᬜ᭄ᬘᭀᬭᬦ᭄‌ᬮᬸᬫᬫ᭄ᬧᬄᬕᬶᬧᬶᬄ᭞ᬯᬲ᭄ᬢ᭄ᬭᬦ᭄ᬜᬵᬦᬾᬓᬭᬶ᭞ᬲᬶᬜ᭄ᬚᬗᬾᬯᬯᬸᬭᬶᬦᬗ᭄ᬲᬸᬓ᭄᭟᭑᭙᭟ᬳᬦᬯᬦᬶᬢᬲ᭄ᬥᭂᬂᬫᬲᬸᬘᬶ᭞ᬫᬦᬳᬾᬫᬓᭂᬲ᭄ᬬᭀᬕ᭄᭞
ᬫᬫ᭄ᬬᬃᬱᬩᬸᬜ᭄ᬘᬶᬗᬾᬭᬯᬸᬄᬋᬓᬾ᭞ᬧᬳᬶᬚᬸᬗᬫ᭄ᬩᬶᬮ᭄ᬯᬲ᭄ᬢ᭄ᬭᬲᬤᬕ᭄ᬮᬶᬲ᭄᭞ᬓ᭄ᬮᬫ᭄ᬩᬶᬦ᭄‌ᬜᬦᬾᬓᬭᬶ᭞ᬦᬸᬭᭀᬚᬦᬾᬓᬮᬶᬦ᭄ᬢᬂᬕᭂᬫᬸᬄ᭟᭒᭐᭟ᬦ᭄ᬓᭂᬧ᭄ᬲᬸᬲᬸᬳᬦ᭄ᬢᬸᬓ᭄ᬧᬦᬶᬦ᭄ᬓᬮᬶᬄ᭞ᬫᬫᭂᬡ᭄ᬥᬓ᭄‌ᬲᬂᬓᬝᭀᬂ᭞ᬳᬶᬦᬩ᭄ᬜᬧᬳᬦ᭄ᬢᬸ
ᬓ᭄ᬲᬸᬲᬸᬦ᭄ᬜᬦᬾ᭞ᬳᬦᬯᬦᬾᬄᬲ᭄ᬢ᭄ᬭᬷᬫ᭄ᬢᭂᬂᬳᬜ᭄ᬭᬶᬢ᭄᭞ᬫᬸᬗ᭄ᬕᬄᬭᬶᬂᬢᬗ᭄ᬕᬵᬕ᭄ᬮᬶᬲ᭄᭞ᬫᬜᬸᬕᬕᬕ᭄ᬭᬭᬶᬲ᭄ᬭᬸᬦ᭄ᬢᬸᬄ᭟᭒᭑᭟ᬯ᭄ᬯᬂᬳᬫ᭄ᬢᭂᬂᬳᬦᬓ᭄ᬜᬦᬾᬫᬶᬚᬶᬮ᭄᭞ᬯᬳᬸᬓᬧᬶᬮᬬᭀᬦ᭄᭞ᬜᬥ᭄ᬬᬂᬫᬦᬶᬜ᭄ᬚᭀᬧᬶᬓ᭄ᬦᭀᬄᬜ

[᭔᭕ 45A]
᭔᭕
ᬦᬾ᭞ᬮᬓᬶᬦ᭄ᬜᬦᬾᬢ᭄ᬓᬕᬶᬲᬸᬗ᭄ᬮᬶᬫ᭄ᬮᬶᬫ᭄᭞ᬳᬸᬤᬸᬄᬫᬾᬫᬾᬦ᭄‌ᬘ᭄ᬦᬶᬂ᭞ᬗᬸᬮᬸᬭᬶᬦ᭄ᬥᭂᬫᭂᬦ᭄‌ᬢᬦ᭄ᬧᬵᬗ᭄ᬓᬸᬄ᭟᭒᭒᭟ᬫᬮᬶᬄᬧᬭᬯᬦᬶᬢᬦᬶᬂᬧᬸᬭᬶ᭞ᬤᬤᬶᬲᬫᬶᬩᭂᬗᭀᬂ᭞ᬤᬤ᭄ᬬᬜᬮᬮᬶᬭᬶᬂᬕᬕᬶᬡᬦᬾ᭞ᬲ᭄ᬤᭂᬓ᭄ᬗᬍᬓᭂᬲ᭄‌ᬢᬸᬃ
ᬗᬗ᭄ᬕᬶᬢ᭄ᬲᬭᬶ᭞ᬯᬶᬦ᭄ᬯᬢ᭄ᬗᬫᬭᬦᬶᬦ᭄᭞ᬮ᭄ᬯᬶᬃᬗᬢᬹᬭᬂᬭᬶᬂᬲᬂᬧ᭄ᬭᬪᬸ᭟᭒᭓᭟ᬤᬤᬶᬓᬢᬸᬗ᭄ᬓᬸᬮ᭄‌ᬳᬶᬤᬕᬂᬦᬲᬶ᭞ᬩᬦᬾᬮᬶᬦ᭄ᬢᬂᬓᬲᭀᬩ᭄᭞ᬢᬦ᭄ᬓᬮᬶᬗᬸᬩᬭᬂᬧᬤᭀᬮᬦᬾ᭞ᬳᬲᬸᬦᬾᬓ᭄ᬯᬾᬄᬢ᭄ᬓᬫᬗᭀᬗ᭄ᬕᬗᬶᬦ᭄᭞ᬳᬶ
ᬤᬕᬂᬢ᭄ᬯᬓ᭄ᬜᬦ᭄ᬤᬶᬂ᭞ᬫᬓᬓᬶᬭᬶᬕ᭄ᬭᬭᬶᬲ᭄ᬭᬸᬦ᭄ᬢᬸᬄ᭟᭒᭔᭟ᬤᬤᬶᬲᬳᬲᬳᬶᬤᬕᬂᬦᬲᬶ᭞ᬦᬶᬫ᭄ᬧᬸᬕ᭄‌ᬳᬶᬲᬕᬯᭀᬦ᭄᭞ᬫᬗᭂᬦᬦᬶᬦ᭄ᬯᬤᬄᬲᬚᭂᬂᬜᬦᬾ᭞ᬳᬶᬤᬕᬂᬢ᭄ᬯᬓ᭄‌ᬤᬤᬶᬩᬗᬸᬦ᭄‌ᬲ᭄ᬗᬶᬢ᭄᭞ᬭᬶᬂᬳᬶᬤᬕᬂᬦᬲᬶ᭞
ᬤᬤ᭄ᬬᬜᬳᬶᬬᭂᬕ᭄ᬧᬢᬶᬓᬘᬸᬄ᭟᭒᭕᭟ᬳᬓ᭄ᬯᬾᬄᬯ᭄ᬯᬂᬫᬦᬶᬜ᭄ᬚᭀᬬᬦ᭄ᬕᬶᬦᬸᬭᬶᬢ᭄᭞ᬳᬶᬤᬲᬂᬦᬭᬾᬦ᭄ᬤ᭄ᬭ᭞ᬢᬦᬵᬦᬲ᭄ᬯᬾᬳᬮᬸᬗ᭄ᬕᬸᬄᬲᬫᬶᬗᬢᬸᬢᬶᬦ᭄ᬮᬶᬗ᭄ᬕᬶᬄ᭞ᬓᬲᬸᬕᬸᬄᬲᬂᬢᬫ᭄ᬯᬶ᭞ᬭᬬᬸᬦᬦ᭄‌ᬲᬤ᭄ᬭᬱᬧᬸ [ 46 ][᭔᭕ 45B]
᭔᭕
ᬧᬸᬢ᭄᭟᭒᭖᭟ᬧᬸᬧᬸᬢ᭄ᬲᬫᬶᬉᬧᬘᬭᬦ᭄‌ᬩᬸᬜ᭄ᬘᬶᬂ᭞ᬭᬶᬂᬩᬮᬾᬧᬗ᭄ᬭᬯᭀᬲ᭄᭞ᬮᬦᬂᬇᬲ᭄ᬢ᭄ᬭᬶᬫᬲᬦ᭄ᬤᬶᬂᬩᬸᬜ᭄ᬘᬶᬗᬾ᭞ᬳᬸᬦᬶᬦᬶᬂᬫ᭄ᬭᬶᬬᭂᬫ᭄‌ᬢᬦ᭄ᬫᬭᬶᬦᬶᬢᬶᬃ᭞ᬭᬶᬂᬳᬯᬸᬦᬵᬯᬸᬦ᭄ᬧᬸᬭᬶ᭞ᬫᬓᬘᬶᬳ᭄ᬦᬵᬮ᭄ᬯᬶᬃᬕᬸᬭᬸᬄᬢ᭄ᬭᬸᬄ᭟᭜᭟
᭚ᬧᬸᬧᬸᬄᬫᬖᬢ᭄ᬭᬸᬄ᭚᭑᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬢᬫ᭄ᬯᬶᬫᬗᬦᬵᬕᭀᬱ᭄ᬝᬶ᭞ᬯ᭄ᬯᬂᬦᭀᬦ᭄ᬢᭀᬦ᭄ᬧᬵᬥᬧᬩᬶᬲᬶᬓ᭄᭞ᬫᬗᬸᬘᬧᬂᬕᬸᬲ᭄ᬢᬶᬦᬶᬧᬸᬦ᭄᭞ᬓᬤᬶᬦ᭄ᬤᬢᬦ᭄ᬧᬝᬲᬶᬓ᭄᭞ᬳᬓ᭄ᬯᬾᬄᬳᬸᬮᬫ᭄‌ᬤᬤᬶᬩ᭄ᬗᭀᬂ᭟᭒
᭟ᬯᬾᬦ᭄ᬢᭂᬦ᭄ᬫᬮᬶᬄᬦᬵᬭᬯᬦᬾᬄᬧᬥᬫᬸᬯᬸᬲ᭄᭞ᬫᬗᭀᬚᬳᬂᬳᬤᭀᬄᬢᬦ᭄ᬤᬶᬂ᭞ᬓᬤᬶᬯᬾᬢᬦ᭄ᬮᬯᬦ᭄‌ᬓᬶᬤᬸᬮ᭄᭞ᬲᬂᬫᬫᬶᬋᬂᬫᬜᬯᬸᬭᬶᬦ᭄᭞ᬮ᭄ᬯᬶᬃᬓᬸᬮᭀᬦ᭄ᬮᬯᬦ᭄‌ᬮᭀᬃ᭟᭓᭟ᬘᬶᬦᬭᬶᬢᬲᬂᬦᬵᬣᬓᬮᬶᬄᬓᬯᬸ
ᬯᬸᬲ᭄᭞ᬫᬶᬯᬄᬰ᭄ᬭᬶᬦᬭᬾᬦ᭄ᬤ᭄ᬭᬧᬸᬢ᭄ᬭᬶ᭞ᬳᬚᬚᬃᬲᬫᬶᬳᬮᬸᬗ᭄ᬕᬸᬄ᭞ᬗᬸᬘᬧ᭄ᬳᬸᬘᬧ᭄ᬲᬶᬮᬶᬳᬲᬶᬄ᭞ᬢᬦ᭄ᬫᬭᬶᬧᬥᬗᬲᭀᬃ᭟᭔᭟ᬳᬸᬚᬭᬾᬳᬶᬩᬸᬦᬶᬭᬭᬶᬂᬳᬯᬸᬦᬵᬯᬸᬦ᭄᭞ᬳᬾᬄᬦᬦᬓ᭄ᬭᬤᬾᬦ᭄ᬤᬾᬯᬶ᭞ᬬᭀᬕ᭄ᬬᬦᬶᬓᬂᬗ

[᭔᭖ 46A]
᭔᭖
ᬫᭀᬂᬚᬮᬸ᭞ᬬᬾᬓᬶᬋᬗᭃᬦ᭄‌ᬤᬾᬦ᭄ᬲᬸᬚᬵᬢᬶ᭞ᬤᬸᬄᬫᬵᬲ᭄ᬫᬶᬭᬄᬦᬵᬦᬓ᭄ᬳᬶᬗᭀᬂ᭟᭕᭟ᬳᬾᬮᬶᬗᬓᭂᬦ᭄‌ᬲᬮᬯᬲᬾᬢᬸᬢᬸᬃᬳᬶᬗ᭄ᬲᬸᬦ᭄᭞ᬧᭀᬫᬲᬶᬭᬗᭂᬫ᭄ᬩᬦ᭄ᬮᬓᬶ᭞ᬳᬚᬲᬶᬭᬧᬘᬂᬧᬸᬭᬸᬦ᭄᭞ᬗᬮᬜ᭄ᬘᬗᬶᬦ᭄ᬓᬋᬧ᭄ᬮ
ᬓᬶ᭞ᬳᬶᬓᬶᬜᬦ᭄ᬤᬂᬲᬶᬭᬗᭂᬫᭀᬂ᭟᭖᭟ᬳᬮᬓᬶᬳᬶᬲ᭄ᬢ᭄ᬭᬶᬜᬦ᭄ᬤᬂᬲᬶᬭᬧᬶᬓᬸᬓᬸᬄ᭞ᬮ᭄ᬯᬶᬃᬦᬶᬂᬯᬾᬰ᭄ᬫᬵᬬᬦᬸᬧᬫᬶ᭞ᬬᬢᬤᬸᬫᬶᬮᬄᬭᬳᬬᬸ᭞ᬬᬦ᭄ᬢᬦ᭄‌ᬬᬢ᭄ᬦᬲᬂᬗᬫᭀᬗᬶᬦ᭄᭞ᬫᬗᭀᬲᬓᬶᬦ᭄‌ᬫ᭄ᬯᬂᬫᬦᬸᬗ᭄ᬕᭀᬦ᭄᭟᭗
᭟ᬢᬶᬕᬂᬲᭀᬭᭀᬄᬢᬶᬦ᭄ᬤᬓ᭄ᬢᬦ᭄ᬤᬓᬶᬂᬧᬶᬳᬗ᭄ᬓᬸᬄ᭞ᬳᬬ᭄ᬯᬮᬮᬶᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬲᬮᬄᬢᬶᬦ᭄ᬤᬓ᭄‌ᬤᬤᬶᬓᬾᬯᬸᬄ᭞ᬤᬤᬶᬲᬸᬫ᭄ᬮᬂᬲ᭄ᬮᬫᬶᬂᬲ᭄ᬯᬫᬶ᭞ᬫᬯᬲ᭄ᬢᬸᬓᬳᬸᬘᬧ᭄ᬫᬭᬶᬂᬯᭀᬂ᭟᭘᭟ᬳᬶᬯᬂᬲ᭄ᬯᬭᬫᬋᬩᬢ᭄ᬭᬶᬂᬯ᭄ᬯᬂᬚᬮᬸ᭞ᬗᬭᬦ᭄ᬭᬢᬸ
ᬗᭀᬧᭂᬢ᭄ᬕᬸᬫᬶ᭞ᬩᬮᬦᬾᬲᬫᬶᬫᬦᬶᬭᬸ᭞ᬭᬶᬂᬳᬸᬮᬄᬧ᭄ᬭᬪᬸᬦᬾᬲᬮᬶᬢ᭄᭞ᬤᬤᬶᬭᬩᬶᬕᬫ᭄ᬧᬂᬳᬾᬬᭀᬄ᭟᭙᭟ᬫᬦᬄᬲᬮᬄᬗ᭄ᬭᬸᬲᬓ᭄ᬯᬶᬚᬶᬦᬶᬂᬭᬢᬸ᭞ᬢᬶᬦᬶᬦ᭄ᬤᬭᬶᬂᬯ᭄ᬯᬂᬲᬪᬹᬫᬶ᭞ᬩᬮᬭᬢᬸᬲᬫᬶᬲᬸᬗ᭄ᬲᬸᬢ᭄᭞ᬢᬸᬦ [ 47 ][᭔᭖ 46B]
᭔᭖
ᬪᬯᬦᬶᬂᬪᬸᬧᬢᬶ᭞ᬓ᭄ᬭᬸᬲᬓᬦ᭄‌‌‌‌‌‌‌‌‌‌ᬯᬶᬢ᭄ᬲᬓᬶᬂᬯᬤᭀᬦ᭄᭟᭑᭐᭟ᬬᬦ᭄ᬭᬳᬬᬸᬮᬫ᭄ᬧᬳᬾᬢᬶᬕᬧᬸᬦᬶᬓᬸ᭞ᬢᬶᬦ᭄ᬤᬓ᭄ᬧᬵᬢᬹᬢ᭄‌ᬲ᭄ᬯᬭᬫᬦᬶᬲ᭄᭞ᬮᬦ᭄ᬳᬶᬥᭂᬧᬾᬚᬸᬚᬸᬃᬫᬦ᭄ᬭᬸᬲ᭄᭞ᬢ᭄ᬯᬶᬗᬭᬦ᭄ᬤᬾᬯᬦᬶᬂᬧᬸᬢ᭄ᬭᬶ᭞ᬬᬢᬗᭂᬫ᭄ᬩᬦ᭄ᬭᬶᬂᬧ
ᬢᬸᬭᭀᬦ᭄᭟᭑᭑᭟ᬮ᭄ᬯᬶᬃᬳᬶᬦᬶᬱ᭄ᬝᬫᬤᬕᬂᬲ᭄ᬮᬫ᭄ᬧᬄᬮᬓᬸ᭞ᬦᬸᬚᬸᬓᬝᬄᬫᬤ᭄ᬯᬾᬩᬢᬶ᭞ᬓᬮᬶᬄᬳᬓ᭄ᬯᬾᬄᬲᬗᬸᬦᬶᬧᬸᬦ᭄᭞ᬫᬦᬄᬜᬦᬾᬰᬸᬘᬶᬳ᭄ᬦᬶᬂ᭞ᬯᬶᬓᬸᬤᬾᬯᬦᭀᬭᬓᬢᭀᬦ᭄᭟᭑᭒᭟ᬳᬚᬧᬸᬢᬸᬲ᭄ᬳᬭᬭᬱ
ᬦ᭄ᬭᬶᬂᬲᬂᬓᬓᬸᬂ᭞ᬭᬶᬂᬲ᭄ᬬᬂᬭᬢ᭄ᬭᬶᬲᬳᬶᬲᬳᬶ᭞ᬧᬶᬦᬓᬯᬤᬄᬯ᭄ᬯᬂᬯᬥᬸ᭞ᬮᬓᬶᬳᬶᬓᬸᬫᬓᬤᬕᬶᬂ᭞ᬫᬓᬓᬮᬶᬄᬫᬗ᭄ᬤᬓᬯᭀᬢ᭄᭟᭑᭓᭟ᬳᬬ᭄ᬯᬦᬶᬤ᭄ᬭᬗᭂᬫ᭄ᬩᬦ᭄ᬲᬂᬚᬚᬮᬸ᭞ᬦᭀᬭᬓ᭄ᬦᬳᬮᬂᬳᬾᬮᬶᬂ᭞ᬳᬗᭂᬦ᭄ᬳᬗᭂᬦ᭄ᬫᬗ᭄ᬤᬵ
ᬧᬸᬮᬸᬂ᭞ᬬᬦᬶᬂᬮᬸᬧᬫᬭᬶᬂᬮᬓᬶ᭞ᬲᬵᬓ᭄ᬱᬵᬢ᭄‌ᬲ᭄ᬫᬭᬫᬜᭀᬮᭀᬂ᭟᭑᭔᭟ᬢᬦᬸᬘᬧᬦ᭄ᬫᬭᬶᬂᬳᬶᬲ᭄ᬢ᭄ᬭᬶᬤᬤᬶᬳᬬᬸ᭞ᬫᬲᬶᬄᬦᬵᬫᬶᬦᬶᬂᬳᬮᬵᬮᬓᬶ᭞ᬫᬭᬶᬂᬤᬰᬤᬾᬰᬓᬲᬸᬩ᭄᭞ᬧ᭄ᬭᬚ᭄ᬜᬦ᭄‌ᬳᬗᭂᬫ᭄ᬧᬸᬦᬵᬕᬭᬶ᭞ᬫᬃ

[᭔᭗ 47A]
᭔᭗
ᬫ᭄ᬫᬦᬶᬂᬲᬸᬂᬲᬸᬂᬲᬂᬓᬝᭀᬂ᭟᭑᭕᭟ᬮᬶᬫᬂᬚ᭄ᬭᬶᬚᬶᬳᬸᬧᬫᬶᬗ᭄ᬫᬶᬢ᭄ᬤᬶᬯᬫᬸ᭞ᬧᬕᭂᬃᬓᬸᬓᬸᬄᬗ᭄ᬭᬓ᭄ᬱᬮᬓᬶ᭞ᬳᬚᬯᬦᬶᬲᬶᬭᬫᬸᬭᬸᬕ᭄᭞ᬲᬭᬚᬓᬃᬬ᭄ᬬᬭᬶᬂᬚ᭄ᬭᭀᬧᬸᬭᬶ᭞ᬳᬘᬸᬫ᭄ᬩ᭄ᬯᬦᬭᬶᬂᬧᬢᬸᬭᭀᬦ᭄᭟᭑᭖᭟ᬳᬶᬩᬸᬚᬭᬶᬢ᭄ᬕᭂᬲᬾᬳᬗᭂᬫ᭄ᬩ
ᬦ᭄ᬮᬓᬸ᭞ᬲᬮ᭄ᬯᬶᬃᬓᬃᬱᬦᬶᬂᬮᬓᬶ᭞ᬤᬤᬶᬕᬫ᭄ᬧᬂᬕ᭄ᬮᬶᬲ᭄‌ᬓᬳᬢᬸᬃ᭞ᬇᬓᬸᬢᬦ᭄ᬤᬦᬾᬳᬱ᭄ᬝᬶᬢᬶ᭞ᬜᬸᬲᬸᬂᬉᬢ᭄ᬢᬫᬦᬶᬂᬓᬧ᭄ᬭᬪᭀᬦ᭄᭟᭑᭗᭟ᬫᬓᬫᬶᬯᬄᬢ᭄ᬕᭂᬲᬶᬂᬚᬭᬶᬧᬦᬸᬤᬸᬄ᭞ᬲᬢᬢᬲᬶᬭᬫᬗᬶᬭᬶᬂ᭞ᬲᬢᬸᬤᬸᬄᬢᬸᬤᬸᬄᬲᬂ
ᬩᬕᬸᬲ᭄᭞ᬲᬮᬯᬲᬾᬫᬭᬶᬂᬧᬸᬭᬶ᭞ᬳᬚᬲᬶᬭᬢᬦ᭄ᬧᬕᬸᬕᭀᬦ᭄᭟᭑᭘᭟ᬬᬾᬦᬸᬧᬫᬶᬢ᭄ᬮᭂᬗᬶᬂᬚᬭᬶᬓᬶᬢᬵᬦᬓᬸ᭞ᬳᬸᬗ᭄ᬕᬸᬮᬦᬲᬶᬭᬰ᭄ᬯᬫᬶ᭞ᬫᬶᬯᬄᬗᬭᬦ᭄‌ᬚ᭄ᬭᬶᬚᬶᬫᬥᬸ᭞ᬫᬦᬶᬲ᭄ᬢᬦᬵᬦ᭄ᬤᬓᬶᬦ᭄᭞ᬳᬾᬮᬶᬂᬲᬶᬭᬳᬮ
ᬮᬓᭀᬦ᭄᭟᭑᭙᭟ᬫᬮᬶᬄᬓᬘᬶᬂᬢ᭄ᬮᬲᬦᬧᬗᬲ᭄ᬢᬶᬢᬶ᭞ᬲᬲᬸᬮᬶᬢ᭄ᬲᬸᬮᬶᬢᬶᬂᬓᬃᬥᬶ᭞ᬢᬦ᭄ᬯᭂᬦᬂᬩᬸᬥᬶᬫᬸ᭞ᬏᬮᬶᬂᬤᬾᬯᬤᬤᬶᬇᬲ᭄ᬢ᭄ᬭᬶ᭞ᬫᬹᬮᬦᬶᬂᬯᬤᬄᬧᬢ᭄ᬫᭀᬦ᭄᭟᭒᭐᭟ᬫᬗ᭄ᬤᬢᬸᬳᬸᬦᭂᬢᭂᬧᬂᬧᬓᬃᬥᬶᬦ᭄ᬦᬶᬗ᭄ᬲᬸᬦ᭄᭞ [ 48 ][᭔᭗ 47B]
᭔᭗
ᬚᬵᬢᬶᬳᬶᬲ᭄ᬢ᭄ᬭᬶᬉᬢ᭄ᬢᬫᬶ᭞ᬉᬢ᭄ᬢᬫᬦᬶᬂᬚᬵᬢᬶᬫᬦ᭄ᬭᬸᬲ᭄᭞ᬧᬶᬢᬸᬳᬸᬧᬸᬢ᭄ᬭᬦᬵᬃᬧᬢᬶ᭞ᬭᬶᬂᬕᬕᬶᬡᬦᬶᬂᬚᬩᬚ᭄ᬭᭀ᭟᭐᭚ᬧᬸᬧᬸᬄᬕᬶᬡᬤ᭚᭑᭟ᬧᬸᬧᬸᬢ᭄ᬧᬓᬾᬮᬶᬗᬾᬲᬶᬭ᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬭᬯᬶ᭞ᬩᬸᬜ᭄ᬘᬶ
ᬗᬾᬫᬓᬶᬭᬾᬋᬓᭀ᭞ᬫᬧᬫᬶᬢ᭄ᬭᬶᬂᬬᬬᬄᬏᬡ᭄ᬥᬸᬂ᭞ᬯᬸᬲ᭄ᬫᬦᭂᬫ᭄ᬩᬄᬢᬸᬃᬫᬫᬃᬕ᭄ᬕ᭞ᬲᬤᬕ᭄ᬮᬶᬲ᭄᭞ᬩᬮᬫᬦ᭄ᬢ᭄ᬭᬶᬫᬗᬶᬭᬶᬗᬂ᭟᭒᭟ᬢᬦᬸᬘᬧᬦ᭄ᬫᬭᬶᬂᬤᬮᬦ᭄᭞ᬯᬸᬲ᭄ᬧ᭄ᬭᬧ᭄ᬢᬶᬭᬶᬂᬮᬾᬱᬦ᭄ᬧᬸᬭᬶ᭞ᬫᬳᬶᬤ᭄ᬭᬦ᭄ᬤᬩ᭄ᬤᬩ᭄‌ᬳᬮᭀ
ᬦ᭄᭞ᬲ᭄ᬯᬭᬦ᭄‌ᬫᬺᬤᬗ᭄ᬕᬦᬾᬳᬸᬫᬸᬂ᭞ᬕᬾᬕᬾᬃᬳᬸᬫ᭄ᬬᬂᬭᬶᬂᬩᬜ᭄ᬘᬶᬗᬄ᭞ᬗᬸᬮᬗᬸᬦᬶᬦ᭄᭞ᬳᬶᬮᬾᬦ᭄ᬳᬶᬮᬾᬦ᭄ᬭᬸᬧᬳᬾᬦ᭄ᬤᬄ᭟᭓᭟ᬫᬕᬦ᭄ᬢᬶᬕᬦ᭄ᬢᬶᬫᬲᭀᬮᬄ᭞ᬢᭀᬧᬾᬂᬫᬶᬯᬄᬕᬫ᭄ᬩᬸᬄᬩᬭᬶᬲ᭄᭞ᬳᬃᬚ᭄ᬚᬦᬾᬮᬯᬦ᭄ᬯᬬᬂᬯ᭄ᬯᭀᬂ᭞
ᬮᬾᬕᭀᬂᬳᬦ᭄ᬤᬶᬩᬭᭀᬂᬮᬦ᭄ᬤᬸᬂ᭞ᬦᬫ᭄ᬧᬶᬲᭀᬭᬾᬓᬯᬸᬯᬸᬲᬦ᭄᭞ᬭᬭᬶᬲ᭄‌ᬗ᭄ᬭᬜ᭄ᬚᬶᬂ᭞ᬩᬸᬜ᭄ᬘᬶᬗᬾᬭᬶᬂᬚ᭄ᬭᭀᬓᬤᬢ᭄ᬯᬦ᭄᭟᭔᭟ᬭᬶᬂᬯ᭄ᬗᬶᬦ᭄ᬜᬦᬾᬧᬸᬦᬶᬓ᭞ᬯᬬᬂᬕᬫ᭄ᬩᬃᬯᬬᬂᬓᬸᬮᬶᬢ᭄᭞ᬩᬭᬶᬲ᭄ᬥᬤᬧ᭄ᬮᬦ᭄ᬮᬫᭀᬜ᭄ᬚᭀᬂ᭞ᬘ

[᭔᭘ 48A]
᭔᭘
ᬮᭀᬦᬭᬗᬾᬲᬤᬮᬸ᭞ᬩᬭᬶᬲ᭄ᬚᬗ᭄ᬓᬗᬾᬫᬦᬶᬫ᭄ᬩᬮ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬮᬮᬫ᭄ᬧᬳᬦ᭄‌ᬫᬾᬖᬦ᭄ᬢᬓ᭟᭕᭟ᬩᬭᭀᬂᬭᬾᬦ᭄ᬢᬾᬢ᭄‌ᬩᬭᭀᬂᬫᬘᬦ᭄᭞ᬚᬚᬗᬾᬭᬦᬾᬢᬦ᭄ᬫᬭᬶ᭞ᬧᭂᬜ᭄ᬘᬓᬢᬫ᭄ᬩᬸᬃᬢᬫ᭄ᬬᬂᬋᬓᭀ᭞ᬦᬸᬕᬶ
ᬳᬾᬜ᭄ᬚᬶᬂᬜᬧᬸᬦᬶᬓᬸ᭞ᬫᬶᬚᬶᬮ᭄ᬳᬶᬤᬲᬂᬳ᭄ᬬᬂᬲᬹᬃᬬ᭄ᬬ᭞ᬰ᭄ᬭᬷᬦᬵᬃᬧᬢᬶ᭞ᬭᬭᬶᬲ᭄ᬫᭂᬤᬮ᭄ᬓᬩᭂᬜ᭄ᬘᬶᬗᬄ᭟᭖᭟ᬕᭂᬦ᭄ᬤᭀᬗᬦ᭄ᬭᬭᬶᬲ᭄ᬫᬲ᭄ᬯᬭ᭞ᬩᬮᬫᬦ᭄ᬢ᭄ᬭᬶᬫ᭄ᬯᬂᬪᬸᬧᬢᬶ᭞ᬫᬢᬢᬵᬢᬧ᭄ᬲᬵᬫ᭄ᬧᬸᬦ᭄ᬓᬢᭀᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬮᬸᬗ᭄ᬕᬸᬄ᭞
ᬓᬦᬦ᭄ᬓᬾᬭᬶᬧ᭄ᬭᬫᬾᬰ᭄ᬯᬃᬬ᭄ᬬ᭞ᬢᬸᬃᬫᬲᬦ᭄ᬤᬶᬂ᭞ᬩᬸᬜ᭄ᬘᬶᬗᬾᬭᬶᬂᬩᬮᬾᬓᭂᬫ᭄ᬩᬃ᭟᭗᭟ᬧᬢᬶᬄᬯᬺᬥᬦᬾᬗᬾᬜ᭄ᬘᬓᬂ᭞ᬦᬩ᭄ᬤᬩᬂᬯᬢᭂᬓ᭄ᬫᬗᬶᬭᬶᬂ᭞ᬫ᭄ᬯᬂᬉᬧᬓᬭᬦᬾᬓᬯᭀᬢ᭄᭞ᬳᬶᬤᬓᬪᬶᬱᬾᬓᬭᬢᬸ᭞ᬤ᭄ᬬᬄᬕᬾᬭᭀᬂᬦᭀ
ᬭᬧᬲᬄ᭞ᬫᬸᬗ᭄ᬕ᭄ᬯᬶᬂᬓᬶᬭᬶ᭞ᬳᬦᬭᬶᬂᬧᬮᬗ᭄ᬓᬵᬳ᭄ᬫᬵᬲ᭄᭟᭘᭟ᬮᬸᬗ᭄ᬓᬮᬸᬗ᭄ᬓᬦᬾᬤᬸᬫᬶᬮᬄ᭞ᬘᬢ᭄ᬭᬳᬕᬸᬗᬾᬫᬗᬧᬶᬢ᭄᭞ᬢᬸᬫ᭄ᬩᬓ᭄ᬫᬫᬲ᭄‌ᬢᬸᬗ᭄ᬕᬸᬮ᭄ᬋᬓᭀ᭞ᬢᭂᬢᭂᬧ᭄‌ᬮ᭄ᬯᬶᬃᬢᬢᬦᬶᬂᬭᬢᬸ᭞ᬫ᭄ᬯᬂᬲᬚᬶᬲᬚᬶᬦᬶᬂᬬᬵᬚ᭄ᬜ᭞ᬦ᭄ᬤᬢ [ 49 ][᭔᭘ 48B]
᭔᭘
ᬦ᭄ᬫᬭᬶ᭞ᬲᬂᬲᬥᬓᬫᬺᬢᬶᬱ᭄ᬝᬵ᭟᭙᭟ᬗᬸᬜ᭄ᬘᬃᬯᬾᬥᬵᬜ᭄ᬚᬬᬜ᭄ᬚᬬ᭞ᬳᬰᬦ᭄ᬢᬶᬲᬂᬳᬲ᭄ᬢᬰᬾᬦᬶ᭞ᬫ᭄ᬯᬂᬧ᭄ᬭᬰᬓ᭄ᬱᬶᬦᬾᬫᬳᭂᬗ᭄ᬕᭀᬦ᭄᭞ᬧᬸᬱ᭄ᬧᬦᬾᬫᬯᬃᬡ᭄ᬦᬲᬵᬫ᭄ᬧᬸᬦ᭄᭞ᬲᬗ᭄ᬓᬸᬚᭂᬫ᭄ᬩᬸᬂᬓᬮᬶᬄᬓᬸᬫ᭄ᬩ᭞ᬯᬸᬲ᭄ᬫᬤᬕᬶᬂ᭞ᬢᬶᬃᬢ᭄ᬣᬦᬾᬫᬩᬶ
ᬲ᭄ᬲᭀᬮᬲ᭄᭟᭑᭐᭟ᬲᬤᬕᬶᬂᬓᬸᬫ᭄ᬩᬧᬸᬦᬶᬓ᭞ᬫᬸᬜ᭄ᬘᬸᬓ᭄ᬮᬮᬂᬩᬶᬚᬓᬸᬦᬶᬂ᭞ᬲᬫ᭄ᬲᬫ᭄ᬜᬦᬾᬲᬵᬫ᭄ᬧᬸᬦ᭄ᬳᬯᭀᬃ᭞ᬫᬲᭂᬧ᭄ᬫᭂᬜᬦᬾᬓᬸᬫᬸᬓᬸᬲ᭄᭞ᬕᬡ᭄ᬥᬓ᭄ᬱᬢᬕᬦ᭄ᬤᭀᬢ᭄ᬨᬮ᭞ᬩᬸᬭᬢ᭄ᬯᬗᬶ᭞ᬍᬗᬯᬗᬶᬦᬾᬢᬦ᭄ᬧᬲᬄ
᭟᭑᭑᭟ᬯᬸᬲ᭄ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬳᬶᬦᬚ᭄ᬜᬵ᭞ᬲᬶᬭᬂᬧ᭄ᬭᬪᬸᬓᬢᬶᬃᬢ᭄ᬣᬳᬶᬦ᭄᭞ᬫᬶᬯᬄᬧ᭄ᬭᬫᬶᬕᬮᬸᬄᬕᬾᬭᭀᬂ᭞ᬬᬬᬳᬾᬲᬶᬭᬳᬫᬸᬯᬸᬲ᭄᭞ᬳᬾᬄᬦᬵᬦᬓ᭄ᬭᬤᬾᬦ᭄ᬥᬃᬫ᭄ᬫᬶᬓ᭞ᬦᬦᬾᬫᬗ᭄ᬓᬶᬦ᭄᭞ᬩᬧᬫᬲ᭄ᬭᬄᬭᬶᬂᬳᬶᬤᬾᬯ᭞
᭟᭑᭒᭟ᬲᬳᬦᬦᬶᬓᬂᬯᬯᭂᬗ᭄ᬓᬦ᭄᭞ᬧᬳᬬᬸᬤᬾᬯᬧᬂᬩ᭄ᬘᬶᬓ᭄᭞ᬬᬢᬤᬕᬶᬗᬶᬂᬓᬤᬢᭀᬦ᭄᭞ᬩᬮᬫᬦ᭄ᬢ᭄ᬭᬶᬫ᭄ᬯᬂᬧᬭᬭᬢᬸ᭞ᬳᬚᬲᬶᬭᬫᬗᬸᬩ᭄ᬤᬬᬂ᭞ᬓᬦᬂᬳᬲᬶᬄ᭞ᬭᬶᬂᬧᬡ᭄ᬥᬶᬢᬥᬗᬘᬃᬬ᭄ᬬ᭟᭑᭓᭟ᬪᬕᬯᬦ᭄ᬢ

[᭔᭙ 49A]
᭔᭙
ᬦᬾᬫᬦᬶᬫ᭄ᬩᬮ᭄᭞ᬢᬺᬡᬯᬶᬡ᭄ᬥᬸᬗᬫᬮᬶᬳᬶᬦ᭄᭞ᬤᬸᬄᬤᬾᬯᬭᬵᬦᬓ᭄ᬫᬲ᭄ᬳᬶᬗᭀᬂ᭞ᬳᬾᬮᬶᬗᬂᬢᬸᬢᬸᬭᬾᬤᬸᬫᬸᬦ᭄᭞ᬕᬸᬫᬦ᭄ᬢᬶᬭᬶᬂᬮᬾᬱᬦ᭄ᬧᬸᬭ᭞ᬳᬚᬮᬮᬶ᭞ᬫᬓᬧᬓ᭄ᬯᬦᬶᬂᬦᬵᬕᬭ᭟᭑᭔᭟ᬦᬶᬓᬶᬫ᭄ᬯᬱ᭄ᬝᬳᬤᬶᬕᬫ᭞
ᬧᬹᬃᬯ᭄ᬯᬳᬤᬶᬕᬫᬫᬮᬶᬄ᭞ᬲᬹᬃᬬ᭄ᬬᬳᬤᬶᬕᬫᬋᬓᭀ᭞ᬧᬳᬸᬕᭂᬃᬲᬂᬜ᭄ᬦᭂᬂᬭᬢᬸ᭞ᬫᬶᬯᬄᬧᬸᬱ᭄ᬝᬓᬓᬭᬵᬚᬳᬦ᭄᭞ᬲᬵᬭᬶᬲᬵᬭᬶ᭞ᬧᬵᬢᬹᬢ᭄ᬳᬗ᭄ᬕᭀᬦ᭄ᬗᬫᭀᬂᬚᬕᬢ᭄᭟᭑᭕᭟ᬮ᭄ᬯᬶᬄᬓᬜ᭄ᬘᬦ᭄ᬓᬡ᭄ᬥᬧᬸᬦᬶᬓ᭞ᬜᬦ᭄ᬤᬂᬤᬾᬯ
ᬧ᭄ᬮᬚᬳᬶᬦ᭄᭞ᬯᬶᬥᬷᬧᬧᬶᬜ᭄ᬘᬢᬦ᭄ᬳᬫᭀᬂ᭞ᬅᬢ᭄ᬫᬧ᭄ᬭᬲᬗ᭄ᬲᬧᬸᬦᬶᬓᬸ᭞ᬫᬶᬯᬄᬓᬜ᭄ᬘᬦᬶᬂᬯᬭᬶᬕ᭞ᬜᬦ᭄ᬤᬂᬳᬾᬲ᭄ᬢᬶ᭞ᬫᬓᬧ᭄ᬭᬩᭀᬢᬶᬂᬦᬵᬕᬭ᭟᭑᭖᭟ᬫᬮᬶᬄᬓᬫᭀᬓ᭄ᬱᬦ᭄ᬧᬸᬦᬶᬓ᭞ᬮᬦ᭄ᬳᬚᬶᬓᬧᬸᬢᬸᬲᬦ᭄‌ᬍᬯᬶᬄ᭞ᬓ
ᬦ᭄ᬤᬳᭂᬫ᭄ᬧᬢ᭄ᬲᬦᬾᬓᬯᭀᬢ᭄᭞ᬫᬓᬤᬲᬃᬲᭀᬭᭀᬄᬓᬯ᭄ᬭᬸᬄ᭞ᬧᬸᬦᬶᬓᬤᬾᬯᬲᬭᬢᬂ᭞ᬢᬸᬗ᭄ᬕᬸᬦ᭄‌ᬉᬭᬶᬧ᭄᭞ᬳᬗ᭄ᬕᭀᬦ᭄ᬧᬓᬾᬮᬶᬂᬭᬶᬂᬭᬕ᭟᭑᭗᭟ᬰᬵᬲ᭄ᬢ᭄ᬭᬲᬗ᭄ᬳᬵᬳᬫᭀᬂᬭᬕ᭞ᬰᬵᬲ᭄ᬢ᭄ᬭᬚᬾᬦ᭄ᬤ᭄ᬭᬢᬮᬶᬦ᭄ᬕᬸᬫᬶ᭞ [ 50 ][᭔᭙ 49B]
᭔᭙
ᬓᬸᬢ᭄ᬢᬭᬫᬦᬯᬕᬸᬕᭀᬦ᭄᭞ᬒᬁᬓᬭᬢ᭄ᬯᬶᬤᬲᬃᬳᬶᬧᬸᬦ᭄᭞ᬲᬭᭀᬤᬺᬢᬶᬦᬾᬧᬸᬦᬶᬓ᭞ᬮᬶᬦ᭄ᬢᬂᬍᬯᬶᬄ᭞ᬳᬕᭂᬫᬦ᭄ᬲᬂᬪᬹᬨᬮᬓ᭟᭑᭘᭟ᬢᬦ᭄ᬳᬤᭀᬄᬳᬤᬶᬧᬸᬭᬡ᭞ᬭᬵᬚᬧᬸᬭᬡᬦᬾᬫᬮᬶᬄ᭞ᬅᬱ᭄ᬝᬩ᭄ᬭᬢᬍᬯᬶᬄ
ᬓᬩᬯᭀᬲ᭄᭞ᬅᬱ᭄ᬝᬤᬰᬥᬃᬫ᭄ᬫᬳᬶᬓᬸ᭞ᬮᬯᬦ᭄ᬳᬳᬶᬸᬲ᭄ᬢᬤᬰᬩ᭄ᬭᬢ᭞ᬮᬶᬦ᭄ᬢᬂᬍᬯᬶᬄ᭞ᬗᬭᬦ᭄‌ᬩ᭄ᬭᬳ᭄ᬫᬵᬡ᭄ᬥᬧᬸᬭᬡᬵ᭟᭑᭙᭟ᬭᬢᬸᬢᬸᬦᬓᬯᬶᬪᬯᬦ᭄᭞ᬘᬫ᭄ᬧᬸᬄᬓᬢᭀᬦ᭄ᬫᬭᬶᬂᬪᬹᬫᬶ᭞ᬫ᭄ᬯᬄᬲᬂᬧ᭄ᬭᬪᬸᬓᬧ᭄ᬭᬫᬤᬦ᭄᭞ᬩᬮ
ᬳᬮᬶᬢ᭄ᬤᬤᬶᬧᬸᬭᬸᬦ᭄᭞ᬓᬤᬶᬫᬾᬡ᭄ᬥᬬᬦ᭄ᬳᬸᬧᬫ᭞ᬫᬗᬸᬗ᭄ᬕᬳᬶᬦ᭄᭞ᬤ᭄ᬯᬦᬶᬂᬢᬭᬸᬲᬵᬫ᭄ᬧᬸᬦᬺᬩᬄ᭟᭒᭐᭟ᬫᬗ᭄ᬓᬵᬰᬩ᭄ᬤᬦᬶᬂᬧᬡ᭄ᬥᬶᬢ᭞ᬲᬂᬧ᭄ᬭᬪᬸᬤᬳᬢ᭄ᬫᬶᬂᬲᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬯᭀᬲ᭄᭞ᬪᬶᬦᭀᬚᬦᬦ᭄ᬯᬢᭂ
ᬓ᭄ᬳᭂᬫ᭄ᬧᬸ᭞ᬯᬶᬓᬸᬲᬓ᭄ᬱᬶᬫᬓᬩᬾᬳᬦ᭄᭞ᬓᬵᬢᬹᬭᬦ᭄ᬲᬚᬶ᭞ᬧᬭᬭᬢᬸᬮᬦ᭄ᬧᬡ᭄ᬥᬶᬢ᭟᭒᭑᭟ᬲᬫ᭄ᬧᬸᬦ᭄ᬮᬶᬗ᭄ᬕᬶᬄᬓᬳᬸᬯᬸᬲᬦ᭄᭞ᬩᬮᬫᬦ᭄ᬢ᭄ᬭᬶᬳᬕᬸᬂᬳᬮᬶᬢ᭄᭞ᬯᬸᬲ᭄ᬲᬫᬶᬗᬾᬮᬶᬗᬶᬦ᭄ᬳᭂᬗ᭄ᬕᭀᬦ᭄᭞ᬫᬦᬫ᭄ᬯᬶᬳᬶ

[᭕᭐ 50A]
᭕᭐
ᬓᬦᬂᬢᬫᬸ᭞ᬳᬦ᭄ᬢᬸᬓ᭄ᬪᭀᬕᬱᬤ᭄ᬭᬱ᭞ᬳᬸᬗ᭄ᬕ᭄ᬯᬦᬶᬂᬲᬚᬶ᭞ᬫᬵᬲ᭄ᬫᬡᬶᬓ᭄ᬭᬚᬬᭀᬕ᭄ᬬ‌᭟᭒᭒᭟ᬢᭂᬢᭂᬧ᭄ᬯᬃᬡᬃᬦᬶᬂᬳᬾᬩᬢᬦ᭄᭞ᬳᬸᬭᬩ᭄ᬩᬭᬓ᭄ᬳᬸᬭᬩ᭄ᬧᬸᬢᬶᬄ᭞ᬚᬚ᭄ᬭᬸᬓ᭄ᬫᬶᬯᬄᬕᬕᭂᬘᭀᬓ᭄᭞ᬭᬸᬫ᭄ᬩᬄᬕᬶᬮᬾᬢᬶᬫ᭄ᬩᬸᬂᬓᬸᬮᬸᬩ᭄᭞ᬧᬸᬧᬸᬢ᭄
ᬫᬸᬗ᭄ᬕᬄᬭᬶᬂᬕᬶᬩᬸᬗᬦ᭄᭞ᬲᬫᬶᬳᬰ᭄ᬭᬷ᭞ᬳᭀᬮᬳᬦ᭄ᬲᬓᬤᬶᬓᬸᬦᬵ᭟᭒᭓᭟ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬫᬸᬗ᭄ᬕᬄ᭞ᬳᬾᬩᬢ᭄‌ᬧᬢᬸᬂᬫᬶᬯᬄᬕᬸᬮᬶᬂ᭞ᬩ᭄ᬭᬾᬗ᭄ᬓᬾᬲᬾᬮᬦ᭄ᬳᬾᬩᬢ᭄ᬩᬸᬭᭀᬦ᭄᭞ᬲᬢᬾᬍᬫ᭄ᬩᬢ᭄ᬲᬢᬾᬧᬸᬲᬸᬢ᭄᭞ᬲ
ᬢᬾᬓᬩ᭄ᬮᭂᬢ᭄ᬫᬶᬯᬄᬲ᭄ᬭᬧᬄ᭞ᬲᬢᬾᬳᬶᬲᬶ᭞ᬢᭂᬢᭂᬧ᭄ᬲᬫ᭄ᬧᬸᬦ᭄ᬲᬫᬶᬫᬸᬗ᭄ᬕᬄ᭟᭒᭔᭟ᬤᬕᬶᬂᬲᬸᬮᬗ᭄ᬕᬶᬦᬾᬓᭀᬘᬧ᭄᭞ᬦᬲᬶᬤᬾᬂᬤᬾᬂᬦᬲᬶᬓᬸᬦᬶᬂ᭞ᬦᬲᬶᬩᬦ᭄ᬤᭂᬂᬲᬵᬫ᭄ᬧᬸᬦ᭄ᬋᬓᭀ᭞ᬫᬶᬯᬄᬧᬧᬬᬲᬦ᭄ᬳᬶᬧᬸᬦ᭄᭞ᬓᬸᬜ᭄ᬘᬶᬕ᭄ᬤ
ᬗᬾᬫᬕᬸᬩᬄ᭞ᬚᭂᬧᬶᬢ᭄ᬩᬩᬶ᭞ᬓᬓᬸᬯᬸᬂᬮᬦ᭄ᬓᬲᬾᬮ᭄ᬲᬾᬮᬦ᭄᭟᭒᭕᭟ᬤᬕᬶᬂᬳᬶᬤᭂᬭᬦᬾᬓᭀᬘᬧ᭄᭞ᬳᬭᬓ᭄‌ᬩᬺᬫ᭄ᬲᬚᭂᬂᬫᬦᬶᬲ᭄᭞ᬲᬫᬶᬯᬸᬲ᭄ᬫᬘᬤᬂᬋᬓᭀ᭞ᬧᬦᬲ᭄ᬢᬬᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬯᬸᬲ᭄‌ᬲᬺᬕᭂᬧ᭄ [ 51 ][᭕᭐ 50B]
᭕᭐
ᬧᬸᬦᬂᬧᬗᬬᬄ᭞ᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬯᬸᬲ᭄ᬧᬸᬧᬸᬢ᭄ᬫᬲᬲᬵᬫ᭄ᬧᬸᬭᬦ᭄᭟᭒᭖᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬘᬯᬶᬲᬦ᭄᭞ᬳᬶᬧᬗᬬᬄᬦᬩ᭄ᬥᬳᬭᬶᬲ᭄᭞ᬫᬜᬧᬬᬲᬤᬵᬳᬮᭀᬦ᭄᭞ᬧᬸᬧᬸᬢᬂᬮᬾᬤᬂᬳᬶᬭᬢᬸ᭞ᬜᬶᬦᬵᬫ᭄ᬧᬹᬭ
ᬓᬃᬬ᭄ᬬᬦ᭄ᬢᬶᬢ᭄ᬬᬂ᭞ᬭᬢᬸᬲᬫᬶ᭞ᬳᬕᬸᬂᬳᬮᬶᬢ᭄ᬫᬗ᭄ᬤᬮᬾᬤᬂ᭟᭒᭗᭟ᬧᬶᬦᬶᬄᬭᬶᬳᬶᬦ᭄ᬓᬫᬃᬕ᭄ᬬᬂ᭞ᬲᬚᭂᬂᬫᬦᬶᬲᬾᬓᬧᬹᬚᬶ᭞ᬭᬭᬶᬲ᭄ᬓᬢᬹᬭᬦ᭄ᬧᬓᭀᬩᭀᬓ᭄᭞ᬳᬶᬧᬗᬬᬄᬲᬫᬶᬫᬵᬢᬹᬃ᭞ᬤᬸᬭᬸᬲ᭄ᬭᬢᬸᬫᬗ᭄ᬭᬬᬸᬦᬂ᭞ᬓᬶᬭᬂᬍᬯᬶᬄ
᭞ᬲ᭄ᬯᬾᬘ᭄ᬙᬭᬢᬸᬜᬶᬦᬫ᭄ᬧᬸᬭ᭟᭒᭘᭟ᬇᬤ᭄ᬭᬦᬾᬫᬮᬶᬄᬓᬫᬃᬕ᭄ᬬᬂ᭞ᬩᬺᬫᬾᬓᬵᬢᬹᬭᬂᬫᬗ᭄ᬓᬶᬦ᭄᭞ᬭᬶᬲᬵᬫ᭄ᬧᬸᬦ᭄ᬓᬢ᭄ᬭᬶᬫᬋᬓᭀ᭞ᬲᬫᬶᬲᬫᬶᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬭᬓ᭄ᬜᬦᬾᬫᬫᬸᬢᬸᬲᬂ᭞ᬦᬦᬾᬫᬗ᭄ᬓᬶᬦ᭄᭞
ᬭᬭᬶᬲ᭄‌ᬫᬗ᭄ᬕᬄᬲᬲᬗᬦᬦ᭄᭟᭒᭙᭟ᬧᬸᬧᬸᬢ᭄ᬢᬫ᭄ᬯᬶᬫᬗ᭄ᬭᬬᬸᬦᬂ᭞ᬯᬸᬲ᭄ᬲᬫᬶᬳᬮ᭄ᬯᬭᬦ᭄ᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬦᬸᬮ᭄ᬬᬗᬥᬢᭀᬦ᭄᭞ᬓᬳᬶᬭᬶᬂᬤᬾᬦᬶᬂᬧ᭄ᬭᬭᬢᬸ᭞ᬫᬸᬗ᭄ᬕᬄᬳᬦᬾᬂᬲᬶᬗ᭄ᬳᬲᬦ᭞ᬲᬋᬂᬧᬤ᭄ᬫᬶ᭞ᬧᬗᬶᬭᬶ

[᭕᭑ 51A]
᭕᭑
ᬗᬾᬲᬫᬶᬩᬸᬤᬮ᭄᭟᭓᭐᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬧᬸᬓᬸᬮ᭄ᬢᬶᬕ᭞ᬧ᭄ᬭᬭᬢᬸᬦᬾᬩᬸᬤᬮ᭄ᬲᬫᬶ᭞ᬯ᭄ᬗᬶᬦᬾᬫᬗ᭄ᬓᬶᬦ᭄ᬫᬗᭂᬦ᭄ᬢᭀᬲ᭄᭞ᬢᬸᬘᬧᬦ᭄ᬳᬶᬤᬲᬂᬧ᭄ᬭᬪᬸ᭞ᬫᬜ᭄ᬚᬶᬂᬫᬭᬶᬂᬧᬢᬸᬭᭀᬦᬦ᭄᭞ᬗᭂᬫ᭄ᬩᬦ᭄ᬧᬸᬢ᭄ᬭᬶ᭞ᬢᬦ᭄ᬫᬭᬶᬫᬗ
ᬭᬲᬭᬲ᭄᭟᭓᭑᭟ᬜᬯᬸᬧ᭄ᬜᬗ᭄ᬓᭀᬮ᭄ᬫᬗᬶᬫᬗᬂ᭞ᬫᬕ᭄ᬬᭂᬢ᭄‌ᬕ᭄ᬬᭂᬢ᭄ᬫᬲᬶᬄᬢᭀᬂᬤᬤᬶ᭞ᬤᬾᬦᬶᬂᬬᬓᬮᬶᬦ᭄ᬢᬂᬳᬩᭀᬢ᭄᭞ᬩᬵᬦ᭄ᬕᭂᬥᬾᬦᬾᬲᬮᬄᬳᬸᬓᬸᬃ᭞ᬳᭂᬗ᭄ᬓᬄᬩᭂᬗᬸᬘᬸᬗᬸᬄᬮᬤᬶᬗᬦ᭄᭞ᬓᬢᭀᬦ᭄ᬫᬶᬬᬶᬓ᭄᭞ᬓ
ᬮᬶᬧᬸᬢ᭄ᬳᬶᬤᬭᬶᬂᬕᬸᬡ᭄ᬦᬵ᭟᭓᭒᭟ᬭᬤᬾᬦ᭄ᬤᬾᬯᬶᬗᬯᬾᬢᬤᬄ᭞ᬲᭀᬮᬄᬫᬜᬶᬂᬫᬜᬶᬗ᭄ᬕᬸᬓᬶᬦ᭄᭞ᬤᬸᬄᬤᬾᬯᬭᬢᬸᬫᬵᬲ᭄ᬳᬶᬗᭀᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬵᬢᬹᬃᬜᬸᬜᬸᬃ᭞ᬦᬧᬶᬤᬾᬯᬓᬲᬸᬗ᭄ᬓᬦᬂ᭞ᬢᬶᬢ᭄ᬬᬂᬫᭂᬘᬶᬓ᭄᭞ᬫᬗ᭄ᬤᬭᬢᬸᬤᬸ
ᬭᬸᬲ᭄ᬮᬾᬤᬂ᭟᭓᭓᭟ᬤᬸᬭᬸᬲᬂᬲ᭄ᬯᬾᬘ᭄ᬙᬦ᭄ᬳᬶᬫᬶᬭᬄ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬢᬶᬢ᭄ᬬᬂᬲᬓᬶᬢ᭄᭞ᬮᬶᬦ᭄ᬢᬂᬯ᭄ᬗᬶᬭᬢᬸᬩᬯᭀᬲ᭄᭞ᬳᬶᬩᬸᬓ᭄ᬢᬶᬢ᭄ᬬᬗᬾᬓᬤᬸᬭᬸᬲ᭄᭞ᬓᬤᬶᬲᬭᬾᬲᬭᬾᬢᬶᬫ᭄ᬧᬲ᭄᭞ᬧᬢᬶᬓᭂᬜ᭄ᬚᬶᬃ᭞ᬳᬶᬤᬾᬯᬦ [ 52 ][᭕᭑ 51B]
᭕᭑
ᬫ᭄ᬩᬦᬶᬦ᭄ᬢᬶᬢ᭄ᬬᬂ᭟᭓᭔᭟ᬲ᭄ᬯᬾᬘ᭄ᬙᬳᬶᬤᬳᬦ᭄ᬢᬸᬓ᭄ᬲᬶᬧ᭄ᬝ᭞ᬫᬗ᭄ᬮᭂᬲᬸᬢᬸᬃᬫᬜ᭄ᬭᬄᬳᬭᬶᬲ᭄᭞ᬳᬲ᭄ᬫᬭᬕᬫᬦᬾᬳᬯᭀᬃ᭞ᬳᬘᬸᬫ᭄ᬩ᭄ᬯᬦᬦᬾᬫᬦᬸᬮᬸᬲ᭄᭞ᬫᬸᬧᬸᬓ᭄ᬭᬲ᭄ᬫᬶᬦᬶᬂᬧᬫᬺᬫᬦ᭄᭞ᬧᬸᬧᬸᬢ᭄ᬲᬯ᭄ᬗᬶ᭞ᬫᬢ᭄ᬮᬲᬦ᭄ᬢᬦ᭄ᬧᬦᬶᬤ᭄ᬭ᭟᭓᭕᭟ᬦ᭄ᬤᬵ
ᬢᬦ᭄ᬳᬸᬘᬧᬦ᭄ᬮᬫᬶᬦ᭄ᬬ᭞ᬳᬘᬸᬫ᭄ᬩ᭄ᬯᬦᬦᬾᬢᬦ᭄ᬫᬭᬶ᭞ᬗᭂᬫ᭄ᬩᬦ᭄ᬭᬩᬶᬭᬶᬂᬧᬢᬸᬭᭀᬦ᭄᭞ᬤ᭄ᬯᬦᬶᬂᬤᬳᬢᬶᬂᬓᬧᬸᬧᬸᬢ᭄᭞ᬦᭀᬭᬵᬦᬳᬶᬤᬓᬚᬩ᭞ᬭᬕᬦᬾᬓᬾᬭᬶᬲ᭄᭞ᬓᬮᬶᬧᬸᬢ᭄ᬩᬵᬦ᭄ᬕᬸᬡᬰᬰᬓ᭄᭟᭓᭖᭟ᬧᬜ᭄ᬚ᭄ᬭᭀᬯᬦ᭄ᬲᬫᬶ
ᬗᬾᬩᬾᬕᬂ᭞ᬕ᭄ᬢᬶᬗᬾᬫᬤ᭄ᬯᬾᬕᬸᬲ᭄ᬢᬶ᭞ᬓ᭄ᬫᭀᬫᬳᬶᬫᬗᭂᬫᭀᬮ᭄ᬫᭀᬮ᭄᭞ᬧᬦ᭄ᬧᬕᬕ᭄ᬲᬯᬸᬃᬕᬸᬬᬸ᭞ᬮᬫᬸᬦ᭄ᬩᬬᬦ᭄‌ᬢ᭄ᬯᬭᬦᬯᬂ᭞ᬕᬸᬦᬸᬂᬯᬶᬮᬶᬲ᭄᭞ᬫᬓ᭄ᬚᬂᬧᬥᬳᬩᬦ᭟᭓᭗᭟ᬳᬶᬧᬕᬾᬕ᭄ᬲᬯᬸᬃᬗᭀᬚᬳᬂ᭞ᬤᬶᬚᬗᬮᬶᬄᬩᬸ
ᬓᬚᬦᬶ᭞ᬫᬦᬄᬢᬶᬢ᭄ᬬᬂᬮᬶᬦ᭄ᬢᬂᬓᬲᭀᬩ᭄᭞ᬳᬦ᭄ᬢᬸᬓ᭄ᬢᬸᬫ᭄ᬩᬾᬦᬾᬫᬫᬗ᭄ᬕᬸᬄ᭞ᬧᬸᬢ᭄ᬭᬶᬍᬯᬶᬄᬓᬤᬶᬢᬸᬫ᭄ᬩᬮ᭄᭞ᬭᬫ᭄ᬩᬸᬢ᭄ᬓᬸᬦᬶᬂ᭞ᬢᬶᬦ᭄ᬤᬓᬾᬮ᭄ᬯᬶᬃᬤᭀᬮᭀᬂᬮ᭄ᬯᬦ᭟᭓᭘᭟ᬲᬸᬲᬸᬮᬫ᭄ᬩᬶᬄᬩᬲᬂᬩᭂᬕᬄ᭞ᬫᬸᬜᬶᬕᬩᭂᬂᬲ᭄ᬫᬸᬚᬤᬶᬕ᭄᭞ᬩ᭄ᬢᭂ

[᭕᭒ 52A]
᭕᭒
ᬓ᭄ᬩᬢᬶᬲᬾᬫᬫᭀᬦ᭄ᬢᭀᬢ᭄᭞ᬳᬶᬧᬕᬕ᭄ᬫᬸᬜᬶᬦᬾᬲᭂᬦ᭄ᬤᬸ᭞ᬳ᭄ᬥᬚᬘᬳᬶᬘᭀᬗᬄᬜᬾᬤ᭞ᬭᬚᬧᬸᬢ᭄ᬭᬶ᭞ᬫᬓᬢᬸᬫ᭄ᬩᬮᬶᬂᬓᬥᬢ᭄ᬯᬦ᭄᭟᭓᭙᭟ᬳᬗ᭄ᬕᬦᬶᬂᬧᭀᬮᬶᬄᬮᬾᬮᬗᬦ᭄᭞ᬦᬸᬫ᭄ᬩᬲ᭄ᬭᬜ᭄ᬚᬂᬫᬵᬚᬶᬓ᭄ᬥᬶᬓ᭄᭞ᬗᬸᬮᬄᬳ᭄ᬢᬶᬲ᭄ᬤᬶᬧᬢᬸᬭᭀ
ᬦ᭄᭞ᬓ᭄ᬮᬫ᭄ᬩᬸᬩᬦ᭄ᬢᬮ᭄‌ᬓᬲᬸᬃᬍᬫᬸᬄ᭞ᬳᬶᬫ᭄ᬩᬸᬳᬶᬦ᭄ᬲᬧᬸᬢᬾᬳᬜᬃ᭞ᬧᬸᬍᬲ᭄ᬳᭂᬢᬶᬲ᭄᭞ᬳᬫ᭄ᬩᬃᬩᬥᬸᬂᬮᬦ᭄ᬕᬕᬦ᭄ᬥᬦ᭄᭟᭔᭐᭟ᬫᬘᭂᬗ᭄ᬓᬾᬂᬦᬶᬩᬬᬦ᭄ᬋᬗᬦᬶᬸᬲ᭄᭞ᬕᭂᬧᬸᬓᭀᬮᬓ᭄ᬫᬫᬳᬶ᭞ᬫᬧᬶᬜ᭄ᬘᭂᬃᬳᬸᬮᬶᬤᬶᬧᬯᭀᬦ᭄᭞ᬳᬲᬶᬂᬢ᭄ᬓᬧᬥ
ᬗᬸᬤᬸᬄ᭞ᬫᬜ᭄ᬯᬂᬬᬾᬄᬩᬸᬲᬦ᭄ᬩᬸᬲᬦ᭄᭞ᬦᬶᬗᭂᬄᬫᬸᬜᬶ᭞ᬢᬸᬬᬸᬳᬾᬢᬢᬦ᭄ᬧᬧ᭄ᬯᬭ᭟᭔᭑᭟ᬢᬦ᭄ᬩᬕ᭄ᬬᬦᬾᬫᬫᬋᬓᬦ᭄᭞ᬲᬸᬓᬢ᭄ᬚᬦᬶᬦᬾᬤᬶᬧᬸᬭᬶ᭞ᬦ᭄ᬗᬶᬮ᭄‌ᬚ᭄ᬯᬩᬬᬦ᭄ᬤᬶᬧᬯᭀᬦ᭄᭞ᬳᬶᬧᬕᬕ᭄ᬫᬗ᭄ᬮᬾᬫᬾᬓ᭄ᬧᬗᬸᬲ᭄᭞ᬗᬶᬕᭂᬮ᭄ᬗ
ᬯᬾᬓᬓ᭄ᬥᬾᬓᬦ᭄᭞ᬳ᭄ᬤᬗᬮᬶᬫ᭄ᬮᬶᬫ᭄᭞ᬳᬸᬧᬄᬢᬫ᭄ᬧᬶᬳᬩᬶᬲ᭄ᬩᬸᬮᬦ᭄᭟᭔᭒᭟ᬦᬵᬳᬦ᭄ᬳᬸᬚᬭᬾᬫᬦᬶᬦ᭄ᬤ᭞ᬢᬦ᭄ᬳᬸᬘᬧᬦ᭄‌ᬲ᭄ᬯᬾᬦᬾᬫᬗ᭄ᬓᬶᬦ᭄᭞ᬦᬸᬚᬸᬰᬰᬶᬄᬓᬧᬢᬺᬓᭀ᭞ᬓᭂᬜ᭄ᬚᭂᬓᬦ᭄ᬧᬹᬃᬡ᭄ᬦᬫᬦ᭄ᬳᬶᬧᬸᬦ᭄᭞ᬭᬤᬾᬦ᭄ᬤᬾᬯᬶ [ 53 ][᭕᭒ 52B]
᭕᭒
ᬓᬚᬩᬬᬦ᭄᭞ᬫᬦ᭄ᬥᬯᬸᬳᬶᬦ᭄᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬫᬗᬶᬭᬶᬗᬂ᭟᭔᭓᭟ᬳᬶᬭᬶᬗᬂᬦᬶᬭᬫᬰᬸᬘ᭄ᬬᬦ᭄᭞ᬓᬢᬫᬦ᭄ᬩᬬᬦ᭄ᬦᬾᬚᬦᬶ᭞ᬧᬜ᭄ᬚ᭄ᬭᭀᬯᬦᬾᬗᬶᬭᬶᬂᬳᬾᬜ᭄ᬘᭀᬮ᭄᭞ᬢᬦ᭄ᬳᬸᬘᬧᬦ᭄ᬫᬭᬶᬂᬳ᭄ᬦᬸ᭞ᬉᬧᬓᬭᬦᬾᬫᬓ᭄ᬭᬫᬲ᭄᭞ᬲᬵ
ᬫ᭄ᬧᬸᬦ᭄ᬲᬫᬶ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬲᬦᬾᬫᬫ᭄ᬯᬢ᭄᭟᭔᭔᭟ᬲᬧ᭄ᬭᬧ᭄ᬢᬦᬾᬫᬭᬶᬂᬢᬫᬦ᭄᭞ᬭᬭᬶᬲ᭄ᬓᬘᬸᬦ᭄ᬥᬸᬓ᭄‌ᬦᬾᬫᬗ᭄ᬓᬶᬦ᭄᭞ᬲᬂᬤ᭄ᬬᬄᬉᬤ᭄ᬬᬢ᭄ᬫᬶᬓ᭞ᬤᬸᬫᬸᬦᬦ᭄ᬫᬓ᭄ᬭᬫᬲ᭄ᬤᬶᬢᬸ᭞ᬳᬬᬸᬦᬾᬮ᭄ᬯᬶᬃᬓᬤᬶᬕᬫ᭄ᬩᬃ᭞ᬮᬸᬫ᭄ᬮᬸᬫ᭄ᬕᬥᬶᬂ᭞ᬤᬾ
ᬯᬶᬕᬾᬭᭀᬂᬭᬭᬶᬲᬺᬩᬄ᭟᭔᭕᭟ᬗᬶᬦ᭄ᬢᬾᬗᭂᬫ᭄ᬩᬦ᭄‌ᬜᬯᬸᬧ᭄ᬳᬶᬫᬂ᭞ᬫᬧᭀᬓᭀᬄᬲᬋᬂᬓᬓᬮᬶᬄ᭞ᬓᬩ᭄ᬯᬢ᭄ᬫᬦ᭄ᬢᬸᬓ᭄ᬭᬶᬂᬓᬥᬢᭀᬦ᭄᭞ᬓᬭᬃᬬ᭄ᬬᬦᬂᬭᬶᬂᬧᬶᬗ᭄ᬕᬶᬃᬳ᭄ᬦᬸ᭞ᬯᬳᬸᬫᬾᬮᬶᬂᬫᬭᬶᬂᬭᬕ᭞ᬭᬤᬾᬦ᭄ᬤᬾᬯᬶ᭞ᬰᬩ᭄ᬤᬵ
ᬦᬾᬳᬫ᭄ᬕᬢ᭄‌ᬫ᭄ᬕᬢ᭄᭟᭔᭖᭟ᬓᬕ᭄ᬬᬢ᭄ᬳᬶᬤᬫᬗᬢᭀᬦᬂ᭞ᬫ᭄ᬯᬂᬧᬜ᭄ᬚ᭄ᬭᭀᬯᬦᬾᬫᬗᬶᬭᬶᬂ᭞ᬓᬫᭂᬫᭂᬕᬦ᭄ᬧᬥᬩ᭄ᬗᭀᬂ᭞ᬯ᭄ᬯᬂᬳᬧᬢ᭄ᬓᬦᬾᬓᬦ᭄ᬢᬸ᭞ᬚᭂᬫ᭄ᬧᬶᬭᬶᬂᬰᭀᬓᬧ᭄ᬭ᭄ᬬᬵᬓ᭞ᬫᬵᬢᬹᬃᬲᬶᬗ᭄ᬕᬶᬄ᭞ᬫᬦᬯᬶᬫᭂᬜ

[᭕᭓ 53A]
᭕᭓
ᬦ᭄ᬳᬶᬤᬾᬯ᭟᭔᭗᭟ᬤ᭄ᬬᬄᬕᬾᬭᭀᬂᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬤᬤᬶᬫ᭄ᬢᬸᬦᬬᬲᬦ᭄ᬤᬶ᭞ᬭᬭᬶᬲ᭄ᬩᬸᬤᬮ᭄ᬢᬸᬃᬫᬫᭀᬩᭀᬲ᭄᭞ᬧᬢᬶᬓᭂᬧᬕ᭄ᬧᬢᬶᬓᭂᬧᬸᬕ᭄᭞ᬓᬢᭀᬦ᭄‌ᬤ᭄ᬯᬶᬫᬲᬶᬄᬓᬳᬸᬬᬓ᭄᭞ᬢ᭄ᬮᬲ᭄ᬓᬦᬶᬦ᭄᭞ᬭᬄᬫ᭄ᬢᬸᬢᬵ
ᬦ᭄ᬧᬧ᭄ᬕᬢᬦ᭄᭟᭔᭘᭟ᬳᬾᬗ᭄ᬕᬮ᭄ᬮᬫ᭄ᬧᬳᬾᬤᬶᬫᬃᬕ᭄ᬕ᭞ᬫᬦᬸᬚᬸᬭᬭᬶᬲ᭄ᬓᬧᬸᬭᬶ᭞ᬗᬯᬾᬢᬗᬶᬲ᭄‌ᬤᭀᬳᭀᬤᭀᬳᭀ᭞ᬘᬶᬗᬓ᭄ᬢᬶᬢ᭄ᬬᬂᬤᬾᬯᬧ᭄ᬭᬪᬸ᭞ᬲᬭᬯᬸᬄᬢᬶᬢ᭄ᬬᬂᬫᬭᬶᬂᬢᬫᬦ᭄᭞ᬓᬲᬓᬶᬢᬶᬦ᭄᭞ᬭᬶᬂᬳᬦ᭄ᬢᬸᬓ᭄
ᬭᬳᬶᬦ᭄ᬳᬶᬤᬾᬯ᭟᭔᭙᭟ᬲᬫ᭄ᬧᬢ᭄ᬮᬸᬳᬸᬓᬵᬗ᭄ᬕᬾᬦ᭄ᬗᬶᬕᬮ᭄᭞ᬓᬾᬢ᭄ᬓᬾᬢ᭄ᬩᬦ᭄ᬤᬶᬮᬾᬢᬦ᭄ᬫᬭᬶ᭞ᬩᬢᬸᬳᬗ᭄ᬕᭀᬦᬫᬜᭀᬦ᭄ᬢᭀᬓ᭄᭞ᬲᬫ᭄ᬧᬾᬢᬶᬢ᭄ᬬᬂᬦᬦ᭄ᬥᬂᬢᬢᬸ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬳᬶᬤᬾᬯ᭞ᬲᬓᬶᬂᬧᬸᬭᬶ᭞ᬢᬶᬢ᭄ᬬᬂ
ᬜᬥ᭄ᬬᬧᬘᬂᬧ᭄ᬚᬄ᭟᭕᭐᭟ᬓᬶᬫᬸᬤ᭄ᬓᬦ᭄ᬢᬸᬦ᭄ᬭᬶᬂᬦᬵᬕᬭ᭞ᬘᬶᬦᬾᬤᬢᬶᬢ᭄ᬬᬂᬭᬶᬂᬕᬸᬫᬶ᭞ᬤᬤᭀᬲ᭄ᬳᬸᬚᬃᬳᬸᬚᬃᬭᬾᬓᬯᭀᬦ᭄᭞ᬮᬾᬤᬗᬂᬓᬳ᭄ᬬᬸᬦ᭄ᬳᬶᬭᬢᬸ᭞ᬯ᭄ᬬᬤᬶᬦ᭄ᬧ᭄ᬚᬄᬲᬮᬦ᭄ᬢᬂᬚᬮᬦ᭄᭞ᬢᬶᬢ᭄ᬬᬂᬧᬫᬶᬢ᭄᭞ᬤᬤᭀ [ 54 ][᭕᭓ 53B]
᭕᭓
ᬲ᭄ᬧᬸᬢ᭄ᬭᬶᬮᬶᬦ᭄ᬢᬂᬤᬸᬃᬮᬪ᭟᭐᭚ᬧᬸᬧᬸᬄᬤᬹᬃᬫ᭄ᬫ᭚᭑᭟ᬤᬤᬶᬓᬩᬗᬦ᭄ᬲᬂᬧ᭄ᬭᬪᬸᬫᬫ᭄ᬬᬃᬱ᭞ᬲᬳᬵᬲᬳᬶᬤᬫᬶᬚᬶᬮ᭄᭞ᬢᬸᬃᬓᬲᬯᬸᬧ᭄ᬳᬶᬤᬲᬂᬤ᭄ᬬᬄ᭞ᬫᬵᬲ᭄ᬫᬶᬭᬄᬢᬶᬢ᭄ᬬᬗᬾᬤᬾᬯ᭞ᬳᬚᬲᬶᬭᬯᬮᬂᬳᬢᬶ᭞ᬫ᭄ᬦᭂᬂᬳᬶ
ᬤᬾᬯ᭞ᬫᬮᬶᬗ᭄ᬕᬶᬄᬳᬦᬭᬶᬂᬧᬸᬭᬶ᭟᭒᭟ᬫᬲᬮᬸᬧᬸᬢ᭄‌ᬉᬤ᭄ᬬᬢ᭄ᬫᬶᬓᬧᬘᬂᬧ᭄ᬚᬄ᭞ᬳᬶᬤᬾᬯᬚᬷᬯᬦ᭄ᬩᭂᬮᬶ᭞ᬚᬸᬫ᭄ᬦᭂᬂᬚ᭄ᬯᬫᬶᬭᬄ᭞ᬤᬸᬭᬸᬲ᭄ᬭᬢᬸᬫᬲᬸᬘ᭄ᬬᬦ᭄᭞ᬳᬚᬲᬶᬭᬓᬭᬶᬓᬶᬗ᭄ᬓᬶᬂ᭞ᬲᬵᬫ᭄ᬧᬸᬦ᭄ᬫᬢᬶᬗ᭄ᬕᬮ᭄᭞ᬳᬶᬤᬾᬯ
ᬫᬡᬷᬓ᭄ᬧᬸᬭᬶ᭟᭓᭟ᬗᬸᬦᬸᬲ᭄ᬓᬤ᭄ᬕᬲᬂᬧ᭄ᬭᬪᬸᬭᬭᬶᬲ᭄ᬫᬫᬃᬕ᭄ᬕ᭞ᬲᬵᬫ᭄ᬧᬸᬦ᭄ᬓᬾᬲᬄᬭᬶᬂᬧᬸᬭᬶ᭞ᬢᬦ᭄‌ᬘᬭᬶᬢᬭᬶᬂᬤᬮᬦ᭄᭞ᬦᬸᬮ᭄ᬬᬧ᭄ᬭᬧ᭄ᬢᬭᬶᬂᬢᬫᬦ᭄᭞ᬯᬥᬦᬳᬩᬂᬢᬸᬃᬫ᭄ᬭᬶᬗᬶᬲ᭄᭞ᬭᬭᬶᬲ᭄ᬓᬲᬧ᭞ᬭᬶᬂᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭟
᭔᭟ᬋᬗᬢᬺᬗᬸᬢ᭄‌ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬧᬰᬩ᭄ᬥᬵ᭞ᬲᬳᬲᬭᬭᬶᬲ᭄ᬦᬸᬤᬶᬂ᭞ᬢᬸᬃᬳᬦᭂᬤᭂᬮ᭄ᬫᬸᬓ᭞ᬳᬸᬤᬸᬄᬓᬮᬶᬯᬢ᭄ᬘᬘᬤ᭄᭞ᬫᬵᬲᬶᬦ᭄ᬥᭀᬱᬦᬾᬤᬶᬢᬸᬦᬶ᭞ᬅᬄᬧᬸᬢ᭄ᬭᬶᬦᬶᬱ᭄ᬝᬵ᭞ᬕᬸᬂᬤᭀᬱᬓᬸᬭᬂᬧᬢᬶ᭟᭕᭟ᬫᬳᬶᬗᬶᬤ᭄

[᭕᭔ 54A]
᭕᭔
ᬓᬤ᭄ᬕᬦᬾᬚᬕᬫᬗᬶᬮᬗᬂ᭞ᬓᬓᬓᬓᬫᬗᬺᬩᬸᬢᬶᬦ᭄᭞ᬓᬤᬸᬭᬸᬲ᭄ᬳᬶᬤᬾᬯ᭞ᬗᬫᬃᬕ᭄ᬬᬂᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬫᬳᬶᬯᭂᬗᬦ᭄ᬫᬭᬶᬂᬭᬳᬶ᭞ᬕ᭄ᬮᬶᬲ᭄ᬓᬢᬸᬮᬸᬗᬦ᭄᭞ᬯᬾᬦ᭄ᬢᭂᬦ᭄‌ᬗᬺᬩᬸᬢᬶᬦ᭄‌ᬓ᭄ᬭᬶᬲ᭄᭟᭖᭟ᬓᬲᬶᬗᬶᬤᬂᬭᬤᬾᬦ᭄ᬤᬾ
ᬯᬶᬭᬶᬂᬧᬸᬭ᭄ᬬᬦ᭄᭞ᬓᬲᬸᬭᬸᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬃᬓᬵᬢᬹᬭᬦ᭄ᬩᬸᬤᬮ᭄᭞ᬳᬶᬤᬭᬸᬦ᭄ᬢᬸᬄᬯᬘᬦ᭞ᬬᬦ᭄ᬳᬶᬩᬍᬚᭂᬄᬳ᭄ᬦᬸᬤᬶᬦᬶ᭞ᬳᬄᬢᬦ᭄ᬯᬗ᭄ᬤᬾᬬᬦ᭄᭞ᬧᬘᬂᬗ᭄ᬫᬲᬶᬦ᭄ᬫᬢᬶ᭟᭗᭟ᬫᭀᬩᭀᬲ᭄ᬫᬦ᭄ᬢᬸᬓ᭄‌ᬲᬂᬧ᭄ᬭᬪᬸᬦᬸᬚᬸᬓᬧᬸᬭ᭄ᬬᬦ᭄᭞ᬗ
ᬦ᭄ᬤᬶᬓᬬᬂᬭᬶᬂᬭᬳᬶ᭞ᬲᬸᬓᬤᬾᬯᬶᬦᬶᬭ᭞ᬫᬗᬺᬗᭃᬳᬸᬚᬃᬦᬵᬣ᭞ᬫᬸᬧᬸᬓᬸᬮᬗᬸᬦᬂᬓ᭄ᬭᬰ᭄ᬫᬶᬦ᭄᭞ᬦ᭄ᬤᬵᬢᬦ᭄ᬧᬫᬾᬗ᭞ᬭᬶᬂᬧᬸᬭᬶᬲᬃᬯ᭄ᬯᬶᬓᬲᬶᬄ᭟᭘᭟ᬢᬦᬸᬘᬧᬦ᭄ᬲᬂᬧ᭄ᬭᬪᬸᬭᬶᬂᬓᬥᬢ᭄ᬯᬦ᭄᭞ᬭᬶᬂᬉᬤ᭄ᬬᬦᬫᬗ᭄ᬓᬶᬦ᭄᭞ᬤᬾᬯᬶᬉ
ᬤ᭄ᬬᬢ᭄ᬫᬶᬓ᭞ᬓᭃᬫ᭄ᬩᬦ᭄ᬭᬶᬂᬧᬭᬳᬶᬜ᭞ᬲᬲᬫ᭄ᬩᬢᬾᬳᬯᭀᬃᬢᬗᬶᬲ᭄᭞ᬤᬸᬄᬩᬶᬩᬶᬳᬶᬜ᭞ᬧᬸᬧᬸᬢ᭄ᬮᬘᬸᬭᬾᬚᬦᬶ᭟᭙᭟ᬓᬓᬦᭀᬭᬧᬲᬄᬲᬫᬶᬗᭂᬫ᭄ᬩᬦ᭄᭞ᬲᬵᬫ᭄ᬧᬸᬦ᭄ᬢᬶᬫᬶᬭᬦᬫ᭄ᬧᬶ᭞ᬲᬂᬤᬾᬯᬶᬓᬚᬩ᭞ᬫ᭄ᬢᬸᬲᬓᬾᬂ [ 55 ][᭕᭔ 54B]
᭕᭔
ᬩᬮᬾᬫᬵᬲ᭄᭞ᬧᬫᬃᬕ᭄ᬕᬶᬦᬾᬲᬤᬳᬭᬶᬲ᭄᭞ᬧ᭄ᬭᬶᬬᬓᬰᭀᬓ᭞ᬚᬫ᭄ᬧᬶᬭᬶᬂᬫᬵᬢᬹᬃᬫᬭᬶᬲ᭄᭟᭑᭐᭟ᬗᬶᬭᬶᬂᬭᬢᬸᬳᬲᬮᬶᬮᬫᬭᬶᬂᬢᬫᬦ᭄᭞ᬲᬵᬫ᭄ᬧᬸᬦ᭄ᬥᬸᬄᬓᬶᬢᬾᬂᬳᬢᬶ᭞ᬬᬢᬭᬯᬸᬄᬤᬸᬄᬓ᭞ᬓᬚᬷᬃᬡ᭄ᬦᬦᬾᬳᬾᬮᬶᬗᬂ᭞
ᬩ᭄ᬓᭂᬮᬾᬭᬯᬸᬄᬤᬸᬫᬤᬶ᭞ᬢ᭄ᬯᬄᬲᬸᬓᬤᬸᬓ᭞ᬢᭂᬫ᭄ᬯᬂᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟᭑᭑᭟ᬘᬢᬸᬃᬲᬫᬶᬭᬢᬸᬩ᭄ᬓᭂᬮᬾᬫᬜ᭄ᬚᬤ᭄ᬫ᭞ᬮᬭᬧᬢᬶᬓᬓᬮᬶᬄ᭞ᬢᬦ᭄ᬤᬤᭀᬲ᭄ᬮᬾᬫ᭄ᬧᬲᬂ᭞ᬕᬸᬂᬳᬮᬶᬢ᭄ᬓᬓᭀᬤᬕᬂ᭞ᬢᬦ᭄ᬤᬤᭀᬲ᭄ᬫᬮᬶᬄᬮᬾ
ᬫ᭄ᬧᬲᬶᬦ᭄᭞ᬧᬘᬂᬦᭀᬓᬂ᭞ᬫᬳᬢᬸᬃᬫᬗᬲᬶᬳᬲᬶᬄ᭟᭑᭒᭟ᬲᬧᬸᬦᬶᬓᬯᬦ᭄ᬢᬄᬤᬾᬯᬓᬭᬶᬕ᭄ᬲᬂ᭞ᬭᬯᬸᬄᬫᬕᬦ᭄ᬢᬶᬕᬦ᭄ᬢᬶ᭞ᬬᬦᬸᬧᬫ᭄ᬬᬂᬢᬶᬢ᭄ᬬᬂ᭞ᬗᭂᬲ᭄ᬢᬲ᭄ᬫᬃᬕ᭄ᬕᬶᬲᬤᬶᬦᬤᬶᬦ᭞ᬭᬶᬂᬰᬰᬶᬄᬓᬢᬶᬕᬦᬫ᭄ᬧᬶ᭞ᬧᬦᭂᬲ᭄ᬫᬗᭂᬦ᭄ᬢ
ᬓ᭄᭞ᬢᬭᬸᬳᬭᬂᬫᬭᬶᬂᬢᭂᬧᬶ᭟᭑᭓᭟ᬲᬧᬜ᭄ᬚᬂᬫᬃᬕ᭄ᬕᬦᬾᬧᬘᬂᬳᭂᬦ᭄ᬢᬦ᭄ᬲᬤᬶᬦ᭞ᬧᬦᭂᬲ᭄ᬢᬶᬲᬾᬢᬦ᭄ᬫᬭᬶ᭞ᬚᬕᬓᬧᬸᬗ᭄ᬕᬸᬳ᭞ᬲᬵᬫ᭄ᬧᬸᬦ᭄ᬤᬾᬯᬲᬸᬗ᭄ᬓᬯ᭞ᬦᬵᬳᬦ᭄ᬳᬸᬚᬃᬦᬶᬚᬫ᭄ᬧᬶᬭᬶᬂ᭞ᬫᬵᬢᬹᬃᬧᬳᬸᬗ᭄ᬕ᭄ᬯ᭞ᬫᬭᬶᬂᬭᬳᬤᬾᬦ᭄ᬤᬾᬯᬶ᭟

[᭕᭕ 55A]
᭕᭕
᭑᭔᭟ᬳᬭᬭᬦ᭄ᬢᬸᬦ᭄ᬫᬭᬶᬂᬲᭀᬭᬶᬂᬧᬥᬧ᭞ᬲᬫ᭄ᬩᬶᬮ᭄ᬳᬫᬚᬂᬰᬰᬶᬄ᭞ᬧᬦᬸᬮᬫᬾᬦᬾᬲᬂᬤ᭄ᬬᬄ᭞ᬢᬦ᭄ᬫᬭᬶᬫᬜᭂᬮ᭄ᬲᭂᬮ᭄ᬭᬕ᭞ᬉᬤ᭄ᬬᬢ᭄ᬫᬶᬓᬦᬦᬾᬚᬦᬶ᭞ᬳᬶᬩᬦᬳᬦᬂ᭞ᬧᬸᬢ᭄ᬭᬶᬦᬶᬱ᭄ᬝᬦᬸᬫᬤᬶ᭟᭑᭕᭟ᬳᬳᬄᬚᬷᬯᬮᬸᬗ᭄ᬳᬵᬳ
ᬧᬂᬓᬶᬢᬕᬦ᭄ᬢᬲ᭄᭞ᬯᬦᭂᬄᬓᬳᬶᬦᬦ᭄ᬥᬓᬶᬦ᭄᭞ᬳᬓᬸᬤᬂᬫ᭄ᬯᬢ᭄ᬤᬸᬄᬓ᭞ᬤᬤᬶᬢ᭄ᬯᬭᬩᬶᬲᬢ᭄ᬮᬄ᭞ᬳᬸᬮᬶᬂᬳᬾᬮᬶᬂᬲᬫ᭄ᬧᬾᬚᬦᬶ᭞ᬳᭂᬦ᭄ᬢᭀᬫᬓ᭄ᬭᬡ᭞ᬮᬰ᭄ᬘᬃᬬ᭄ᬬᬳᬓᬸᬗ᭄ᬫᬲᬶᬦ᭄᭟᭑᭖᭟ᬲᬶᬭᬰᭀᬓᬫᬧᬳᬸᬗᬸᬫᬵᬢᬹᬃᬲᭂᬫ᭄ᬩᬄ᭞ᬤᬸᬄ
ᬚ᭄ᬯᬶᬢᬦ᭄ᬢᬶᬢ᭄ᬬᬗᬾᬤᬾᬯᬶ᭞ᬫᬵᬲ᭄ᬫᬡᬷᬓ᭄ᬤᬾᬯᬢ᭞ᬗᬸᬤᬓᬤᬸᬭᬸᬲ᭄ᬧᬶᬲᬦ᭄᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬲᬶᬭᬓᬦ᭄ᬬ᭞ᬢᬦ᭄‌ᬯ᭄ᬭᬸᬄᬭᬶᬂᬭᬭᬬᭀᬕᬶ᭟᭑᭗᭟ᬳᬶᬩᬸᬳᬚᬶᬳᬤᭀᬄᬚᬕᬫ᭄ᬬᬃᬱᬬᬂ᭞ᬭᬶᬂᬢᬶᬢ᭄ᬬᬂᬦ᭄ᬫᬸᬓᬶᬂᬓᬶᬂ
᭞ᬯᬶᬥᬷᬢᬦ᭄ᬧᬗᬺᬗᭃ᭞ᬪᬝᬵᬭᬤᬾᬯᬮᬸᬧ᭞ᬢᬦ᭄ᬮᬶᬗᬸᬭᬶᬂᬧᬗᬲ᭄ᬢᬸᬢᬶ᭞ᬭᬶᬂᬚᬧᬬᭀᬕ᭞ᬢᬦ᭄ᬮᬾᬤᬂᬭᬶᬂᬲᬫᬵᬥᬶ᭟᭑᭘᭟ᬇᬄᬯᬶᬥᬷᬳᬧᬕᬸᬡᬦᬶᬂᬧᬗᬲ᭄ᬢᬯ᭞ᬯ᭄ᬬᬤᬶᬦ᭄ᬪᬓ᭄ᬢᬶᬭᬶᬂᬮᬓᬶ᭞ᬲᬫ᭄ᬬᬢᬦ᭄ᬧᬕᬸᬡ᭞ᬫᬶᬯᬄᬫᬤ [ 56 ][᭕᭕ 55B]
᭕᭕
ᬦᬧᬹᬡ᭄ᬬ᭞ᬦᭀᬭᬩ᭄ᬯᬢ᭄ᬫᬓᬲᬫᬶ᭞ᬫᬳᬶᬦᬩᬺᬡ᭞ᬗᬸᬮᬸᬭᬶᬦ᭄ᬓᬋᬧ᭄‌ᬤᬺᬗ᭄ᬕᬶ᭟᭑᭙᭟ᬬᬾᬦ᭄ᬓᬾᬦᬾᬲ᭄ᬬᬸᬉᬤ᭄ᬬᬢ᭄ᬫᬶᬓᬢᬦ᭄ᬧᬕᬸᬡ᭞ᬳᬧᬩ᭄ᬯᬢᬾᬦᬸᬫᬤᬶ᭞ᬪᬝᬵᬭᬢᬦ᭄ᬮᬾᬤᬂ᭞ᬲᬂᬳ᭄ᬬᬂᬯᬶᬥᬷᬢᬦᬶᬲᬸᬓ᭞ᬳᬸᬤᬸᬄᬓᬓᬲᬶᬭᬓ
ᬢ᭄ᬭᬶᬡᬶ᭞ᬋᬗᭃᬦᭂᬦ᭄ᬓᬶᬢ᭞ᬧᬲᬫ᭄ᬩᬢ᭄ᬓᬸᬦᬾᬫᬗ᭄ᬓᬶᬦ᭄᭟᭒᭐᭟ᬬᬦ᭄ᬭᬶᬂᬦᬧᬶᬫᬸᬗ᭄ᬕᬸᬄᬯᬾᬦ᭄ᬢᭂᬦ᭄ᬓᭀᬚᬭᬦ᭄ᬜᬵ᭞ᬓ᭄ᬭᬡᬫᬦ᭄ᬫᬸᬓᬶᬗ᭄ᬓᬶᬂ᭞ᬬᬾᬦ᭄ᬭᬶᬂᬧᬃᬯ᭄ᬯᬳᬧ᭞ᬬᬾᬦ᭄ᬲᬾᬳᬦᬭᬶᬂᬓᬡ᭄ᬥ᭞ᬭᬶᬂᬳᬤᬶᬧᬸᬭᬡᬫᬮᬶᬄ᭞ᬲᬵᬫ᭄ᬧᬸᬦ᭄ᬓᬳᬸᬘᬧ᭄
᭞ᬉᬤ᭄ᬬᬢ᭄ᬫᬶᬓᬓᬲ᭄ᬬᬲᬶᬄ᭟᭒᭑᭟ᬲᬦ᭄ᬤᬶᬧᬦᭂᬲ᭄ᬕᬸᬫᭂᬢᭂᬃᬳᬗ᭄ᬕᬦᬾᬲᬂᬤ᭄ᬬᬄ᭞ᬭᬶᬂᬲᭀᬃᬧᬤᬧᬫᬶᬮᬶᬃ᭞ᬳᬕᬾᬲᬶᬭᬓᬓ᭞ᬯᬾᬦ᭄ᬢᭂᬦ᭄ᬫᬗᬢᬹᬭᬂᬯ᭄ᬥᬓ᭄᭞ᬫᬶᬯᬄᬧᬧᬸᬲᭂᬃᬲᬃᬯ᭄ᬯᬳ᭄ᬢᬶᬲ᭄᭞ᬯᬾᬦᬶᬂᬘᬡ᭄ᬥᬦ᭞ᬯᬾᬦ᭄ᬢᭂᬦ᭄‌ᬮ᭄ᬬᬦ᭄ᬫᬗᬶᬮᬶ
ᬳᬶᬦ᭄᭟᭒᭒᭟ᬦᬶᬧ᭄ᬭ᭄ᬬᬓᬕᬶᬲᬸᬤᬦᬾᬗᬫ᭄ᬩᬶᬮ᭄ᬢᬶᬮᬫ᭄᭞ᬧᬶᬗᬗ᭄ᬕᬾᬢ᭄ᬮᬲ᭄‌ᬓᬳᬫ᭄ᬩᬶᬮ᭄᭞ᬫᬩᭀᬲ᭄ᬓᭀᬲ᭄‌ᬯᬸᬲ᭄ᬲᬫ᭄ᬬᬦ᭄᭞ᬫᬗ᭄ᬢᬶᬲ᭄ᬭᬶᬂᬉᬤ᭄ᬬᬦ᭞ᬤᬲ᭄ᬭᬳᬶᬦᬲᬵᬫ᭄ᬧᬸᬦ᭄ᬦᬫ᭄ᬧᬶ᭞ᬦ᭄ᬤᬢᬸᬘᬧᬦ᭄᭞ᬭᬶᬂᬫᬃᬕ᭄ᬕᬮᬗᬸᬦᬾᬫᬗ᭄ᬓᬶ

[᭕᭖ 56A]
᭕᭖
ᬦ᭄᭟᭒᭓᭟ᬗᬭᬦ᭄ᬲᬶᬭᬧ᭄ᬭᬪᬸᬤᬹᬃᬕ᭄ᬕᬳᬲ᭄ᬫᬮ᭞ᬭᬶᬂᬫᬃᬕ᭄ᬕᬮᬗᬸᬲᬶᬗ᭄ᬕᬶᬄ᭞ᬤᬳᬢ᭄ᬓᬪᬷᬦᬯ᭞ᬲᬶᬦᬾᬪᬭᬶᬂᬤᬦᬸᬚ᭞ᬫᬓᬵᬤᬶᬥᬦᬯᬧᬢᬶ᭞ᬯᬶᬪᬸᬳᬶᬂᬯᬤ᭄ᬯ᭞ᬧᬶᬸᬪᬸᬧᬢᬶᬢᬦ᭄ᬓᬶᬓᬶᬢᬶᬦ᭄᭟᭒᭔᭟ᬧᬭᬭᬢᬸᬫᬩᬮᬭᬢᬸ
ᬮᬶᬦ᭄ᬢᬂᬓ᭄ᬭᬸᬭ᭞ᬧᬜ᭄ᬚᬓ᭄ᬫᬧᬜ᭄ᬚᬓ᭄ᬲᬫᬶ᭞ᬧ᭄ᬭᬪᬸᬮ᭄ᬯᬶᬳᬶᬂᬯᬤ᭄ᬯ᭞ᬲᬸᬓᬯᬶᬃᬬ᭄ᬬᬢᬸᬃᬩᬸᬗᬄ᭞ᬯᬢᭂᬓ᭄ᬯᬮᬪᬦᬾᬢᬶᬦ᭄ᬤᬶᬄ᭞ᬲᬓ᭄ᬯᬾᬳᬶᬂᬩᬮ᭞ᬦᭂᬢᭂᬧᬂᬳᬚᬶᬯ᭄ᬕᬶᬕ᭄᭟᭒᭕᭟ᬭᬶᬂᬓᬥᬢ᭄ᬯᬦ᭄ᬳᬦᬧᬡ᭄ᬥᬶᬢᬫᬗᬚᬃ᭞ᬲᬫᬶᬭᬱᬦᬶᬂᬯ᭄ᬕᬶᬕ᭄᭞
ᬳᬶᬜ᭄ᬘᭂᬧᬦ᭄ᬭᬾᬄᬭᬾᬳᬦ᭄᭞ᬅᬚᬶᬲᬸᬮᬧ᭄ᬓᬲᬸᬫ᭞ᬓᬮ᭄ᬯᬶᬳᬦ᭄‌‌‌ᬲ᭄ᬬᬫ᭄ᬯᬦᬾᬫᬮᬶᬄ᭞ᬫᬶᬩᭂᬃᬫᬗᬫ᭄ᬩ᭄ᬯᬂ᭞ᬅᬚᬶᬘ᭄ᬬᬸᬫᬾᬢᬦ᭄ᬫᬭᬶ᭟᭒᭖᭟ᬯᬾᬦ᭄ᬢᭂᬦ᭄ᬫᬮᬶᬄᬜᬸᬲᬸᬧ᭄ᬫᬭᬶᬂᬪᬸᬝᬵᬮ᭞ᬫᬮᬶᬗ᭄ᬲᬾᬪᬯᬢᬦ᭄ᬫᬭᬶ᭞ᬢ᭄ᬯᬲ᭄ᬲᬓᬫᬵ
ᬓᬫ᭞ᬲ᭄ᬢᬢᬓᬳᬸᬮᬸᬭᬦ᭄᭞ᬢᬦ᭄ᬯ᭄ᬭᬸᬄᬭᬶᬂᬰᬲᬦᬬᬸᬓ᭄ᬢᬶ᭞ᬤᬤᬶᬅᬗ᭄ᬓᬭ᭞ᬓᬮᬶᬧᬸᬢ᭄ᬩᬵᬦ᭄ᬫᭀᬫᭀᬤᬺᬗ᭄ᬕᬶ᭟᭒᭗᭟ᬥᬯᬸᬄᬓᬮᬶᬄᬫᬶᬚᬶᬮ᭄ᬲᬶᬭᬰ᭄ᬭᬷᬥᬦᬸᬚ᭞ᬢᬫ᭄ᬩᬓ᭄ᬪᬬᬳᬗᬧᬶᬢ᭄᭞ᬫᬭᬭᬶᬂᬧᬲᬾᬪᬦ᭄᭞ᬧ [ 57 ][᭕᭖ 56B]
᭕᭖
ᬡ᭄ᬥᬶᬢᬩᬳᬸᬤᬦ᭄ᬥᬵ᭞ᬫᬶᬯᬄᬧᬢᬶᬄᬮᬦ᭄ᬧ᭄ᬭᬫᬦ᭄ᬢ᭄ᬭᬶ᭞ᬢᬢᬦ᭄ᬧᬮᬶᬗ᭄ᬕᬭᬦ᭄᭞ᬲ᭄ᬬᬸᬄᬧ᭄ᬦᬸᬄᬢᬦ᭄ᬧᬲᬶᬭᬶᬂ᭟᭒᭘᭟ᬓᬤᬶᬕᬸᬦᬸᬂᬫᭂᬫ᭄ᬩᬄᬢ᭄ᬓᬦᬶᬂᬧ᭄ᬭᬪᬸᬨᬮᬓ᭞ᬫᬲ᭄ᬬᬦ᭄ᬤᬦᬢ᭄ᬮᬲ᭄ᬧ᭄ᬭᬧ᭄ᬢᬶ᭞ᬮᬾᬦ᭄ᬫᬳᬯᬦ᭄ᬓᬸᬤ᭞ᬦᬸᬗ᭄ᬕᬂᬍᬫ᭄ᬩᬸᬮ
ᬦ᭄ᬕᬚᬄ᭞ᬫᬫ᭄ᬧᭂᬮ᭄ᬓᬤᬶᬳᬤ᭄ᬭᬶᬫ᭄ᬩᬶᬤ᭄᭞ᬫᬭᬶᬂᬩᬜ᭄ᬘᬶᬗᬄ᭞ᬳᬕᬾᬲᬫᬶᬫᬗ᭄ᬭᬜ᭄ᬚᬶᬂ᭟᭒᭙᭟ᬫᬲᬲᬵᬫ᭄ᬧᬸᬭᬦ᭄ᬢᬢᬮᬶᬗ᭄ᬕᬶᬄᬫ᭄ᬯᬂᬫᬜᬾᬩ᭞ᬧᬹᬃᬪ᭄ᬯᬓᬢᭀᬦ᭄ᬫᬗᭂᬦ᭄ᬤᬶᬄ᭞ᬧ᭄ᬮᬗ᭄ᬓᬫᬵᬲ᭄ᬥᬸᬫᬶᬮᬄ᭞ᬲᬵᬓ᭄ᬱᬵᬢ᭄ᬕᬸᬦᬸᬂᬤᬳᬦ᭞ᬲᬂ
ᬧ᭄ᬭᬪᬸᬳᬶᬋᬂᬫᬍᬗᬶᬲ᭄᭞ᬳᬦ᭄ᬥᬸᬲ᭄ᬳᬸᬧᬫ᭞ᬫᬮᬸᬗ᭄ᬕ᭄ᬯᬶᬂᬓᬹᬃᬱᬶᬫᬡᬶᬓ᭄᭟᭓᭐‌᭟ᬮᬶᬭᬶᬂᬮ᭄ᬯᬶᬃᬮᬢᬸᬮᬢᬸᬳᬶᬓᬂᬤᬳᬦ᭞ᬫᬲ᭄ᬮᭂᬤᬾᬢ᭄‌ᬗᬺᬲᬶᬂᬳᬢᬶ᭞ᬳᬶᬓᬂᬲ᭄ᬯᬭᬫᬡ᭄ᬥ᭞ᬤᬩ᭄ᬥᬩ᭄‌ᬓ᭄ᬭᬲ᭄ᬫᬮᬶᬄᬕᭀᬭ᭞ᬳᬗ᭄ᬕᬦᬶᬂᬕᬸᬭᬸᬄᬫᬦᬶᬢᬶᬃ᭞ᬭᬶᬂ
ᬋᬂᬋᬫᬱ᭞ᬢ᭄ᬗᭂᬢ᭄ᬳᬶᬓᬦᬂᬪᬹᬫᬶ᭟᭓᭑᭟ᬳᬾᬄᬧᬢᬶᬄᬧᬢᬄᬲᬶᬭᬲ᭄ᬥᬬ᭞ᬫ᭄ᬯᬄᬯᬢᭂᬓ᭄ᬫᬗᬚᬶ᭞ᬓᬮᬶᬄᬧᬭᬧᬡ᭄ᬥᬶᬢ᭞ᬲ᭄ᬬᬧᬢᬫᬓᭀᬮᬶᬳᬂ᭞ᬗᬫᬭᬦᬶᬦ᭄‌ᬮ᭄ᬯᬶᬃᬳᬶᬧᬾᬦ᭄‌ᬓ᭄ᬯᬶ᭞ᬫᬗ᭄ᬕᬶᬄᬲ᭄ᬢ᭄ᬭᬶᬉᬢ᭄ᬢᬫ᭞ᬳᬲᬶᬂᬜᬶᬤᬬᬂ᭞

[᭕᭗ 57A]
᭕᭗
ᬤᬤᬶᬦᬪᬾᬭᬶᬂᬧᬸᬭᬶ᭟᭓᭒᭟ᬮᬶᬫᬂᬗᬢᬸᬲ᭄ᬗᬰᬰᬶᬄᬫᬦ᭄ᬭᬶᬫᬮᬪ᭞ᬫᬗ᭄ᬕᭂᬄᬳᬦᬭᬶᬂᬧᬸᬭᬶ᭞ᬜ᭄ᬦᭂᬂᬪᬕᬯᬵᬦ᭄ᬢ᭞ᬦᭀᬭᬮ᭄ᬬᬦ᭄ᬧᬓᬃᬬ᭄ᬬᬦ᭄ᬬ᭞ᬧᬢᬶᬄᬯᬺᬥᬫᬵᬢᬹᬃᬲᬶᬗ᭄ᬕᬶᬄ᭞ᬤᬸᬭᬸᬲ᭄ᬢᬶᬗ᭄ᬕᬭᬂ᭞ᬫᬗ᭄ᬤᬢᬶᬢ᭄ᬬᬂᬢ᭄ᬮᬲ᭄ᬳᬸᬦᬶᬂ᭟᭓᭓᭟ᬗᬫ
ᬮᬶᬳᬦ᭄‌ᬬᬓ᭄ᬱᬭᬵᬚᬫᬯᬘᬦ᭞ᬗᬹᬦᬶᬤᬮᬸᬳᬶᬧ᭄ᬬᬦ᭄ᬓ᭄ᬯᬶ᭞ᬫᬗ᭄ᬕᬶᬄᬲ᭄ᬢ᭄ᬭᬶᬉᬢ᭄ᬢᬫ᭞ᬭᬶᬂᬢ᭄ᬮᭂᬗᬶᬂᬯᬦᬵᬦ᭄ᬢᬭ᭞ᬉᬤ᭄ᬬᬢ᭄ᬫᬶᬓᬫᬓᬦᬵᬫᬶ᭞ᬯᬶᬢ᭄ᬕᬶᬭᬶᬧᬸᬱ᭄ᬧ᭞ᬧᬸᬢ᭄ᬭᬦ᭄ᬭᬢᬸᬮᬶᬦ᭄ᬢᬂᬍᬯᬶᬄ᭟᭓᭔᭟ᬯᬯᬸᬗ᭄ᬮᬶᬮᬶᬃᬗᬸᬦᬶᬏᬜ᭄ᬚᬶᬂᬭᬶᬂᬧᬢᬸᬭ᭄ᬯ
ᬦ᭄᭞ᬤᬤ᭄ᬬᬜᬯᬾᬦ᭄ᬢᭂᬦ᭄ᬫᬮᬶᬄ᭞ᬳᬸᬚᬭᬶᬂᬧᬵᬦ᭄ᬢᬭ᭞ᬓᬬᬾᬓᬶᬓᬦᬂᬰᬩ᭄ᬥᬵ᭞ᬇᬓᬸᬚᭀᬤᭀᬦᬾᬲᬸᬚᬵᬢᬶ᭞ᬧᬓ᭄ᬯᬦᬶᬂᬪ᭄ᬯᬦ᭞ᬫᬓᬓᬜ᭄ᬘᬶᬗᬶᬂᬧᬸᬭᬶ᭟᭓᭕‌᭟ᬫᬗ᭄ᬓᬰᬩ᭄ᬤᬳᬧᬵᬦᬬᬦ᭄ᬢᬲᬥᬬ᭞ᬬᬦ᭄ᬲᬶᬭᬢᬸᬮᬸᬲ᭄ᬳᬲᬶᬄ
᭞ᬲᬓ᭄ᬯᬾᬄᬧ᭄ᬭᬬᭀᬕ᭄ᬬ᭞ᬫᬃᬫ᭄ᬫᬦᬶᬂᬳᬸᬫ᭄ᬦᭂᬗ᭞ᬓᬬᬦᭀᬭᬳᬦᬰᬓ᭄ᬢᬶ᭞ᬤᬳᬢ᭄ᬦᬶᬃᬕᬸᬡ᭄ᬦᬵ᭞ᬫᬦᬶᬢᬶᬲᬂᬪᬸᬧᬢᬶ᭟᭓᭖᭟ᬧ᭄ᬭᬫᬲᬯᬸᬃᬲᬶᬭᬧᬢᬶᬄᬢᬸᬮᬓᬾᬧᬂ᭞ᬧᬸᬓᬸᬮᬸᬧᬝᬶᬓ᭄ᬳᬚᬶ᭞ᬤᬾᬯᬧᬦᭂᬫ᭄ᬩᬳᬦ᭄᭞ᬗᬸᬤᬭ [ 58 ][᭕᭗ 57B]
᭕᭗
ᬢᬸᬲᭂᬗ᭄ᬓᬬᬂ᭞ᬤ᭄ᬯᬦᬶᬂᬤᬗᬦ᭄ᬢᬦ᭄ᬲᬶᬦᬶᬧᬶ᭞ᬧᬓᬃᬬ᭄ᬬᬦ᭄ᬳᬶᬤᬾᬯ᭞ᬳᬲᬮ᭄ᬳᬦᬭᬶᬂᬪᬹᬫᬶ᭟᭓᭗᭟ᬲᬲᭀᬭᬶᬂᬮᬗᬶᬢ᭄‌ᬲᬶᬦᬗ᭄ᬕᬭᬶᬂᬩᬸᬢᬮ᭞ᬳᬦ᭄ᬥᭂᬮᬦᬧᬝᬶᬓ᭄ᬳᬚᬶ᭞ᬬᬦ᭄ᬤᬸᬭᬸᬂᬢ᭄ᬮᬲᬺᬫ᭄ᬧᬓ᭄᭞ᬳᬲ᭄ᬢᬓᬶᬭᬶᬫ᭄ᬯᬂᬓᬦᬦ᭄᭞ᬢᬶᬢ᭄ᬬᬂ
ᬩᭀᬬᬧᬘᬂᬕᬶᬗ᭄ᬲᬶᬃ᭞ᬫᬧᬹᬡ᭄ᬬᬚᬷᬯ᭞ᬳᬦᬭᬶᬂᬚᭂᬂᬰ᭄ᬭᬶᬪᬸᬧᬢᬶ᭟᭓᭘᭟ᬮᬶᬦ᭄ᬢᬂᬲᬸᬓᬬᬓ᭄ᬱᬾᬦ᭄ᬤ᭄ᬭᬯᬳᬸᬫᬫ᭄ᬬᬃᬱ᭞ᬢᬸᬫ᭄ᬥᬸᬦ᭄ᬗᬫᬭᬦᬶᬦ᭄᭞ᬲᬓᬶᬂᬧ᭄ᬮᬗ᭄ᬓᬵᬭᬹᬓ᭄ᬫ᭞ᬢᬸᬮᬓᬾᬧᬂᬓᬢᭂᬧᬓ᭄᭞ᬳᬳᬄᬲᬬᬄᬓᬶᬧᬢᬶᬄ᭞ᬧᬸᬢᬸ
ᬲ᭄ᬧᬗᬚ᭄ᬬᬦ᭄᭞ᬳᬾᬗ᭄ᬕᬮ᭄‌ᬢᬸᬮᬸᬂᬕ᭄ᬮᬄᬚᬦᬶ᭟᭓᭙᭟ᬳᬸᬮᬶᬂᬥᬗᬸᬚᬕᬢ᭄ᬤᬶᬦᬶᬦᭀᬭᬓᬾᬯ᭄ᬭᬦ᭄᭞ᬲᬭᬵᬚᬓᬃᬬ᭄ᬬᬦᬾᬲᬸᬮᬶᬢ᭄᭞ᬫᬭᬧᬢᬶᬄᬧᬂᬫ᭄ᬮᬄ᭞ᬳᬶᬧᬢᬶᬄᬫᬵᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬲᬦ᭄ᬥᬶᬓᬦ᭄ᬲᬗᬚᬶ᭞ᬭᬭᬶᬲ᭄ᬫᬫᬃᬕ᭄ᬕᬵ᭞
ᬧᬭᬋᬫᬦ᭄ᬩᬸᬩᬃᬲᬫᬶ᭟᭔᭐᭟ᬦ᭄ᬤᬄᬢᬸᬘᬧᬦ᭄‌ᬢᬸᬮᬓᬾᬧᬂᬫᬭᬶᬂᬫᬃᬕ᭄ᬕ᭞ᬫᬗ᭄ᬮᬬᬂᬮᬫ᭄ᬧᬳᬾᬕ᭄ᬮᬶᬲ᭄᭞ᬫᬭᬶᬫᬵᬯᬦ᭄ᬮᭂᬫᬄ᭞ᬳᬫᬢᭂᬓ᭄ᬚᬧᬫᬦ᭄ᬢ᭄ᬭ᭞ᬳᬚᬶᬘ᭄ᬬᬸᬫᬾᬬᬢᬦ᭄ᬫᬭᬶ᭞ᬲᬃᬯ᭄ᬯᬶᬫᬗᬸᬗᬲ᭄᭞ᬗᭂᬢᬸᬢ᭄ᬓᭂᬧᭂᬳᬦ᭄ᬳᬗᬶ

[᭕᭘ 58A]
᭕᭘
ᬦ᭄᭟᭔᭑᭟ᬦᬸᬮ᭄ᬬᬯᬾᬦ᭄ᬢᭂᬦ᭄ᬳᬫ᭄ᬩᬸᬲᬦᬾᬫᬪᬷᬦᬬᬦ᭄᭞ᬲᬓᬶᬂᬧᬹᬃᬯ᭄ᬯᬫᬗᬶᬮᬶᬲ᭄᭞ᬳᬫ᭄ᬧᭂᬳᬂᬫᬵᬭᬸᬣ᭞ᬳᬸᬢᬸᬲᬦ᭄ᬗᭂᬢᬸᬢ᭄ᬗᭂᬮᬶᬲᬂ᭞ᬫᬫᬸᬮᬶᬗᬂᬓᬦᬦ᭄ᬓᬾᬭᬶ᭞ᬗ᭄ᬭᬲᬓ᭄ᬭᬶᬂᬳᬮᬲ᭄᭞ᬢ᭄ᬥᬸᬦ᭄ᬧᬗ᭄ᬓᬸᬂᬫᬸᬗ᭄ᬕᬄᬕᬶᬭᬶ᭟᭔᭒᭟ᬢᬦ᭄ᬫᬭᬶᬫᬲ᭄ᬭᬶᬂ
ᬯᬦᬫᬸᬦ᭄ᬤᬸᬓ᭄ᬳᬮᬲ᭄᭞ᬭᬶᬂᬧᬗ᭄ᬓᬸᬂᬭᬾᬚᬾᬂᬢᬺᬩᬶᬲ᭄᭞ᬫᬳᬶᬤᭂᬃᬭᬶᬂᬓᬦᬦ᭞ᬢᬸᬮᬓᬾᬧᬂᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬓ᭄ᬭᭀᬥᬫᬸᬦ᭄ᬢᬩ᭄‌ᬮ᭄ᬯᬶᬃᬳᬕ᭄ᬦᬶ᭞ᬳᬮᬶᬗ᭄ᬲᬾᬪᬯ᭞ᬫᬦᬤᬶᬭᬲᬾᬳᬤ᭄ᬫᬶᬢ᭄᭟᭔᭓᭟ᬫᬳᬶᬍᬳᬦ᭄ᬭᬭᬶᬲ᭄ᬫᬶᬚᬶᬮ᭄ᬭᬶᬂᬚ
ᬗ᭄ᬕᬮ᭞ᬯ᭄ᬬᬃᬚᬫ᭄ᬩᬢ᭄‌ᬢᬦ᭄ᬲᬶᬦᬶᬧᬶ᭞ᬫᬭᬸᬣᬦᬾᬢ᭄ᬓ᭞ᬫ᭄ᬯᬢ᭄ᬳᬫ᭄ᬩᬸᬭᬶᬂᬉᬢᬭ᭞ᬳᬸᬢᬸᬲᬦ᭄ᬗᭂᬢᬸᬢ᭄ᬲᬤᬕ᭄ᬮᬶᬲ᭄᭞ᬦᬫ᭄ᬧᬶᬤᬲ᭄ᬮᭂᬫᬄ᭞ᬭᬶᬂᬉᬤ᭄ᬬᬦᬫᬗ᭄ᬭᬜ᭄ᬚᬶᬂ᭟᭔᭔᭟ᬭᬤᬾᬦ᭄ᬤᬾᬯᬶᬲ᭄ᬬᬂᬭᬢ᭄ᬭᬶᬳᬶᬤᬳᬶᬭᬶᬓ᭞ᬢᬦ᭄ᬫᬭᬶᬗᬭᬶᬳᬭᬶᬄ᭞ᬮ
ᬦ᭄ᬳᬶᬜᬢᬢᬶᬕ᭞ᬳᬦᬫ᭄ᬩᬢ᭄ᬫᬦ᭄ᬤᬩᬕ᭄ᬬ᭞ᬳᬸᬢᬸᬲᬦ᭄ᬦᭂᬲᭂᬓ᭄ᬦᭀᬭᬍᬧᬶᬄ᭞ᬗᬯᬲ᭄ᬧᬤᬬᬂ᭞ᬭᬶᬂᬭᬹᬧᬫ᭄ᬯᬂᬧᬗᬺᬫᬶᬄ᭟᭔᭕᭟ᬘᬢᬸᬃᬫᬶᬓᬺᬱ᭄ᬡᬵᬓᬵᬮᬦᬶᬓᬦᬂᬯᬸᬮᬦ᭄᭞ᬧᬦᬸᬮᬫᬾᬦᬾᬲᬂᬤᬾᬯᬶ᭞ᬫᬗ᭄ᬤᬳᬕ᭄ᬮᬶᬲ᭄ᬧ᭄ᬚᬄ᭞ [ 59 ][᭕᭘ 58B]
᭕᭘
ᬦᬾᬧᬸᬢ᭄ᬭᬶᬉᬤ᭄ᬬᬢ᭄ᬫᬶᬓ᭞ᬳᬸᬢᬸᬲᬦ᭄ᬢ᭄ᬭᬂᬫᬫᬶᬭᬕᬶ᭞ᬮᬶᬦ᭄ᬢᬂᬧ᭄ᬭᬘᬬ᭞ᬲᬂᬧᬸᬢ᭄ᬭᬶᬦᬾᬧᬘᬂᬳᬸᬗ᭄ᬲᬶ᭟᭔᭖᭟ᬜ᭄ᬚᬸᬢᬶᬭᬹᬧᬳᬸᬢᬸᬲᬦᬾᬮ᭄ᬯᬶᬃᬓᬤᬶᬓᬸᬦ᭞ᬋᬡᬦᬾᬢᬦ᭄ᬲᬶᬦᬶᬧᬶ᭞ᬓ᭄ᬭᬸᬭᬭᬹᬧᬫᬓ᭄ᬭᬓ᭄᭞ᬫᬯ᭄ᬢᬸᬰᬩ᭄ᬤᬖᭀᬭ᭞ᬲᬂᬧᬶ
ᬦᬭᬦᬦ᭄ᬭᬭᬷᬲ᭄ᬧᬚ᭄ᬭᬶᬢ᭄᭞ᬓᬓᬓᬢᬶᬕ᭞ᬲᬫᬶᬫᬮᬬᬸᬧᬢᬶᬕ᭄ᬮᬶᬫ᭄᭟᭔᭗᭟ᬭᬤᬾᬦ᭄ᬤᬾᬯᬶᬓᬕ᭄ᬬᬢ᭄‌ᬯᬳᬸᬫᬫᬶᬋᬗᬂ᭞ᬗᬫ᭄ᬩᬶᬮ᭄‌ᬩᬸᬗ᭄ᬓᬸᬲᬦ᭄ᬳᬭᬶᬲ᭄᭞ᬫᬳᬸᬗᬸᬕᬕ᭄ᬮᬶᬲᬦ᭄᭞ᬧᬜ᭄ᬚ᭄ᬭᭀᬯᬦ᭄‌ᬢ᭄ᬮᬲ᭄ᬧᬢ᭄ᬮᬩ᭄ᬬᬂ᭞ᬚ
ᬕᬶᬳᬶᬤᬗᭂᬢᬸᬢ᭄ᬩᬸᬭᬶ᭞ᬳᬸᬢᬸᬲᬦᬾᬳᬶᬫᬂ᭞ᬲᬂᬤ᭄ᬬᬄᬓᬲᬦ᭄ᬤᭂᬃᬫᬗ᭄ᬓᬶᬦ᭄᭞᭔᭘᭞ᬲᬵᬫ᭄ᬧᬸᬦᬾᬓ᭄ᬦᬶᬭᬭᬶᬲ᭄ᬓᬩ᭄ᬯᬵᬢ᭄ᬫᬗ᭄ᬮᬬᬂ᭞ᬧᬦᬸᬮᬫᬾᬦᬾᬚ᭄ᬭᬢ᭄‌ᬚ᭄ᬭᬶᬢ᭄᭞ᬧᬭᬳᬶᬜᬦᬾᬫ᭄ᬬᬃᬱ᭞ᬗᬗ᭄ᬲᭂᬄᬫ᭄ᬮᬬᬸᬗᬮᬶᬦ᭄ᬢᬂ᭞ᬲᬫᬶᬫᬲᬦᬾᬳᬦ᭄ᬫᬃ
ᬕ᭄ᬕᬶ᭞ᬜᬸᬲᬸᬧ᭄ᬭᬶᬂᬳᬮᬲ᭄᭞ᬓᬮᬧᬸᬮᬧᬸᬢ᭄ᬭᬸᬲ᭄ᬧᬮᬶᬂ᭟᭔᭙᭟ᬓᬘ᭄ᬭᬶᬢᬭᬤᬾᬦ᭄ᬤᬾᬯᬶᬫᬗᬸᬫ᭄ᬩᬭ᭞ᬫᬲᬲᬫ᭄ᬩᬢᬦ᭄ᬳᬦᬗᬶᬲ᭄᭞ᬩᬶᬩᬶᬢᬸᬮᬸᬂᬦᬶᬭ᭞ᬫᬦᬶᬭᬯᬸᬲ᭄ᬢᬶᬦᬯᬦ᭄᭞ᬳᬦ᭄ᬢᬸᬓ᭄ᬧᬦ᭄ᬥᬸᬂᬦᬦᬾᬚᬦᬶ᭞ᬳᬾᬗ᭄ᬕᬮᬶᬦ᭄ᬕᬢ᭄ᬭ

[᭕᭙ 59A]
᭕᭙
ᬬᬂ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭟᭕᭐᭟ᬳᬾᬄᬳᬗᬶᬦ᭄ᬳᬫᬶᬦ᭄ᬢᬰ᭄ᬭᬡᬭᬶᬂᬓᬶᬢ᭞ᬳᭀᬃᬣᬬᬂᬭᬶᬂᬧᬸᬱ᭄ᬧᬲᬭᬷ᭞ᬭᬶᬂᬳᬶᬩᬸᬮᬦ᭄ᬬᬬᬄ᭞ᬅᬓᬸᬤᬤᬶᬚᬚᬭᬳᬦ᭄᭞ᬓᬓ᭄ᬩᬸᬭᬂᬢᬦ᭄ᬧᬓᬦ᭄ᬢᬶ᭞ᬮᬶᬦ᭄ᬢᬂᬤᬸᬄᬓᬶᬢ᭞ᬢᬦᬸᬭᬸᬂᬧᬘᬂᬫᬢᬶ᭟
᭕᭑᭟ᬢᬶᬕᬂᬤᬶᬦᬮᬯᬲ᭄ᬜᬦᬾᬭᬶᬂᬅᬫ᭄ᬩᬭ᭞ᬢᬦ᭄ᬫᬭᬶᬗᬸᬗ᭄ᬲᬶᬧᬸᬭᬶ᭞ᬲᬂᬢᬶᬕᬓᭀᬘᬧᬦ᭄᭞ᬫᬜᬸᬲᬸᬧ᭄ᬦᬸᬗ᭄ᬕᬮ᭄ᬦᬸᬗ᭄ᬕᬮ᭄᭞ᬰᭀᬓᬧ᭄ᬭ᭄ᬬᬵᬓᬚᬫ᭄ᬧᬶᬭᬶᬂ᭞ᬭᬶᬂᬯᬦᬯᬰ᭞ᬗᭀᬚᭀᬕ᭄‌ᬚ᭄ᬭᭀᬥᬸᬓᬸᬄᬲᬫᬶ᭟᭕᭒᭟ᬭᬶᬂᬢ᭄ᬗᬄ
ᬯᬾᬓᬂᬤᬾᬯᬱᬓᬯᬸᬯᬸᬲᬦ᭄᭞ᬳᬸᬢᬸᬲᬦᬾᬢ᭄ᬤᬸᬦ᭄ᬕᭂᬮᬶᬲ᭄᭞ᬭᬶᬂᬮᬗᬸᬦᬵᬕᬭ᭞ᬫ᭄ᬯᬢ᭄ᬤᬾᬯᬶᬉᬥ᭄ᬬᬢ᭄ᬫᬶᬓ᭞ᬲᬂᬧ᭄ᬭᬪᬸᬲᭂᬤᭂᬓ᭄‌ᬓᬢᬗ᭄ᬓᬶᬮ᭄᭞ᬦᬭᬶᬂᬧᬲᬾᬪᬦ᭄᭞ᬲᭀᬭᬶᬂᬧᬥᬧᬫᬶᬮᬶᬃ᭟᭐᭚ᬧᬸᬧᬸᬄᬰᬶᬦᭀᬫ᭄᭚
᭑᭟ᬤᬸᬢᬢ᭄ᬥᬸᬦ᭄ᬭᬶᬂᬧᬲᬾᬪᬦ᭄᭞ᬓᬕ᭄ᬬᬢ᭄ᬲᬂᬯᬢᭂᬓ᭄ᬫᬦᬗ᭄ᬓᬶᬮ᭄᭞ᬧ᭄ᬢᭂᬂᬤᭂᬤᭂᬢ᭄ᬓᬂᬦᬵᬕᬭ᭞ᬳᬗᬶᬦ᭄ᬢᬭᬶᬓ᭄ᬢᬦ᭄ᬲᬶᬦᬶᬧᬶ᭞ᬓᬪᬶᬦᬯᬳᬦ᭄ᬢᬸᬓ᭄‌ᬘᬶᬭᬶ᭞ᬍᬩᬸᬦᬾᬫᭀᬍᬓ᭄ᬫᬗ᭄ᬮᬶᬦᬸᬲ᭄᭞ᬯᬺᬓ᭄ᬱᬲᭂᬫ᭄ᬧᬮ᭄ᬭᬶᬂᬧᬲᬾᬪᬦ᭄᭞ᬦᬶᬓᬘᬶᬭᬶ [ 60 ][᭕᭙ 59B]
᭕᭙
ᬦᭀᬭᬩ᭄ᬘᬶᬓ᭄᭞ᬲᬂᬤ᭄ᬬᬄᬳᬬᬸ᭞ᬫᬓᬭᬘᬸᬦᬶᬂᬓᬥᬢ᭄ᬯᬦ᭄᭟᭒᭟ᬳᬦᬵᬦ᭄ᬢᬭᬧ᭄ᬢᭂᬂᬳᬶᬮᬂ᭞ᬫᬶᬚᬶᬮ᭄‌‌ᬳ᭄ᬬᬂᬫᬺᬢᬵᬗ᭄ᬕᬧᬢᬶ᭞ᬤᬰᬤᬰᬓᬢᬶᬗ᭄ᬳᬮᬦ᭄᭞ᬧᬦᬗ᭄ᬓᬶᬮᬦ᭄ᬓᬢᭀᬦ᭄ᬳᬰ᭄ᬭᬷ᭞ᬳᬸᬢᬸᬲᬦ᭄ᬗᬋᬧᬂᬳᬭᬶᬲ᭄᭞ᬫᬗᬢᬹᬭᬂᬧᬸᬢ᭄ᬭᬶᬳ
ᬬᬸ᭞ᬯᬃᬡ᭄ᬦᬮ᭄ᬯᬶᬃᬩᬸᬮᬦ᭄ᬧᬹᬃᬡ᭄ᬦᬫ᭞ᬮᬸᬫ᭄ᬮᬸᬫ᭄‌ᬜᬮᬂᬲᬶᬦᬃᬕᬥᬶᬂ᭞ᬲᬃᬯ᭄ᬯᬶᬗ᭄ᬮᭂᬲᬸ᭞ᬓᬩᬢᭂᬓ᭄ᬩᬵᬦ᭄ᬳᬶᬩᬸᬓ᭄ᬫᬦᬄ᭟᭓᭟ᬲᬂᬦᬵᬣᬋᬩᬄᬫᬕᭂᬩ᭄ᬬᬕ᭄᭞ᬯᬳᬸᬜᬶᬗᬓ᭄ᬧᬸᬢ᭄ᬭᬶᬍᬯᬶᬄ᭞ᬢᬦ᭄ᬤᬓᬲᭀᬭᬦ᭄ᬯᬶᬪᬵᬯ᭞ᬤᬸᬭᬸᬂᬫᬵᬤᬸᬲᬵᬫ᭄ᬧᬸ
ᬦ᭄ᬮᬶᬮᬶᬄ᭞ᬫᬘᬶᬭᬶᬧᬘᬂᬗ᭄ᬫᬲᬶᬦ᭄᭞ᬢ᭄ᬓᬾᬂᬯᬤ᭄ᬯᬧᬘᬂᬮᬫ᭄ᬧᬸᬲ᭄᭞ᬩᬮᬫᬦ᭄ᬢ᭄ᬭᬶᬫᬓᬩᬾᬳᬦ᭄᭞ᬫᬫᬸᬡ᭄ᬥᬸᬢ᭄‌ᬲᬂᬰ᭄ᬭᬷᬪᬸᬧᬢᬶ᭞ᬢᬸᬃᬧᬕ᭄ᬭᬸᬕᬶᬸᬤᬸᬕ᭄᭞ᬫᬗ᭄ᬭᬜ᭄ᬚᬶᬂᬭᬶᬂᬳᬩ᭄ᬬᬦ᭄ᬢᬭ᭟᭔᭟ᬭᬵᬤᬾᬦ᭄ᬤᬾᬯᬶᬓᬮᬶᬗ᭄ᬕᬬᬂ᭞ᬫᬭᬶᬂᬉᬤ᭄ᬬᬦᬮᬶᬦ᭄ᬢᬂ
ᬍᬯᬶᬄ᭞ᬲᬓᬶᬂᬋᬫ᭄ᬩᬬᬦ᭄ᬧᬭᬬᭀᬕ᭄ᬬ᭞ᬓᬓ᭄ᬫᬶᬢ᭄ᬭᬶᬂᬯᬢᭂᬓ᭄ᬫᬦ᭄ᬢ᭄ᬭᬶ᭞ᬧᬭᬯᬦᬶᬣᬢ᭄ᬮᬲ᭄ᬗᬶᬭᬶᬂ᭞ᬭᬶᬂᬩᬮᬾᬫᬵᬲ᭄‌‌ᬳᭂᬦ᭄ᬥᬶᬄᬫᬸᬭᬸᬩ᭄᭞ᬮᬾᬦ᭄ᬗᬢᬹᬭᬂᬲᬃᬯ᭄ᬯᬧᬸᬱ᭄ᬧ᭞ᬕᬕᬦ᭄ᬤᬦ᭄ᬮᬦ᭄‌ᬩᬸᬭᭀᬢ᭄ᬯᬗᬶ᭞ᬗᬯᬾᬮᬸᬮᬸᬢ᭄᭞ᬳᬗᬮᬧ᭄ᬘᬶ

[᭖᭐ 60A]
᭖᭐
ᬢ᭄ᬢᬦᬾᬲᬂᬤ᭄ᬬᬄ᭟᭕᭟ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬢᬶᬕᬂᬥᬯᬸᬄᬯᬳᬸᬗ᭄ᬮᬶᬮᬶᬃ᭞ᬰᬩ᭄ᬤᬦᬾᬮ᭄ᬯᬶᬃᬕᬸᬭᬸᬄᬓᬧᬢ᭄᭞ᬫᬗᬦ᭄ᬤᬶᬓᬭᬶᬂᬳᬶᬧᬢᬶᬄ᭞ᬢᬸᬮᬓᬾᬧᬂᬳᬫᬋᬓᬶᬦ᭄᭞ᬳᬗ᭄ᬮᬸᬂᬳᬗ᭄ᬕᬲᬃᬯ᭄ᬯᬶᬫᬵᬢᬹᬃ᭞ᬫᬗ᭄ᬯᭂᬓᬲᬂᬲᬵᬫ᭄ᬧᬸ
ᬜ᭄ᬚᬬ᭞ᬲᬧᬭᬶᬧᭀᬮᬳᬾᬲᬫᬶ᭞ᬲᬶᬗ᭄ᬕᬶᬄᬧ᭄ᬭᬪᬸ᭞ᬲᬂᬲᬸᬫᬳᬦᬭᬶᬂᬢᬫᬦ᭄᭟᭖᭟ᬲᬂᬧ᭄ᬭᬪᬸᬓᬮᬶᬦ᭄ᬢᬂᬚᬶᬃᬡ᭄ᬦᬵ᭞ᬳᬸᬤᬸᬄᬲᬬᬂᬧᬢᬶᬄᬚᬦᬶ᭞ᬦᬾᬮᬪᬦᬾᬫᬶᬓᭀᬮᬶᬳᬂ᭞ᬮᬶᬫᬂᬗᬢᬸᬲ᭄ᬳᬸᬮᬶᬂᬚᬦᬶ᭞ᬤᬤᬶᬧᬗᭂᬫ᭄ᬧ᭄ᬯᬦᬶᬂ
ᬧᬸᬭᬶ᭞ᬫᬓᬚᬚ᭄ᬦᭂᬗᬶᬂᬳᬮᬸᬦ᭄᭞ᬢᬸᬮᬓᬾᬧᬂᬫᬗᬶᬭᬶᬗᬂ᭞ᬥᬺᬥᬪᬓ᭄ᬢᬶᬭᬶᬂᬲᬂᬰ᭄ᬯᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬪᬶᬱᬾᬓᬪᬕᬯᬵᬦ᭄ᬢ᭟᭗᭟ᬏᬜ᭄ᬚᬶᬂᬏᬜ᭄ᬚᬶᬂᬓᬯᬸᬯᬸᬲᬦ᭄᭞ᬬᬓ᭄ᬱᬥᬶᬧᬓᭀᬘᬧ᭄ᬫᬗ᭄ᬓᬶᬦ᭄᭞ᬚᬕᬫᬭᬫᬭᬶᬂ
ᬢᬫᬦ᭄᭞ᬓᬘᬸᬡ᭄ᬥᬸᬓ᭄ᬭᬶᬂᬭᬤᬾᬦ᭄ᬤᬾᬯᬶ᭞ᬪᬹᬱᬡᬦᬾᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬫᬕᬕᬡ᭄ᬥᬦ᭄ᬲᬃᬯ᭄ᬯᬳᬭᬸᬫ᭄᭞ᬘᬶᬦᬸᬃᬡ᭄ᬦᬦ᭄‌ᬲᬺᬩᬸᬓ᭄ᬫᬲ᭄᭞ᬚᬾᬗ᭄ᬕᭀᬢ᭄ᬓᬧᬾᬂᬮᬦ᭄ᬯᭀᬓ᭄‌ᬩ᭄ᬭᬶᬓᬶᬸᬲ᭄᭞ᬳᬤᭂᬕ᭄ᬮᬦ᭄ᬤᬸᬂ᭞ᬭᬕᬳᬶᬋᬂᬢᬸᬃᬫᬓᬶ [ 61 ][᭖᭐ 60B]
᭖᭐
ᬮᬢ᭄᭟᭘᭟ᬬᬓ᭄ᬱᬧᬢᬶᬭᬭᬶᬲ᭄ᬫᬫᬃᬕ᭄ᬕ᭞ᬓᬳᬶᬭᬶᬂᬩᬦ᭄ᬩᬮᬫᬦ᭄ᬢ᭄ᬭᬶ᭞ᬫᬗᬯᬲᬃᬯ᭄ᬯᬲᬦ᭄ᬤᬗᬦ᭄᭞ᬪᬹᬱᬡᬫᬵᬲ᭄ᬭᬢ᭄ᬦᬵᬤᬶ᭞ᬪᭀᬕᬲᬤ᭄ᬭᬱᬦᬾᬍᬯᬶᬄ᭞ᬲᬃᬯ᭄ᬯᬨᬮᬫᬦᬶᬲ᭄ᬜᬸᬜᬸᬃ᭞ᬍᬗᬯᬗᬶᬫᬳᬶᬫ᭄ᬧᬸᬕᬦ᭄᭞ᬅᬓ᭄ᬯᬾᬄᬧᬸ
ᬱ᭄ᬧᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬢᬸᬃᬫᬦᬸᬚᬸ᭞ᬳᬶᬤᬫᬭᬶᬂᬉᬤ᭄ᬬᬦ᭟᭙᭟ᬧ᭄ᬭᬧ᭄ᬢᬭᬶᬂᬚᬩᬬᬦ᭄ᬢᬫᬦ᭄᭞ᬩᬩ᭄ᬯᬢᬦᬾᬓᬵᬢᬹᬃᬭᬶᬬᬶᬦ᭄᭞ᬲᬂᬤᬾᬯᬶᬫᬗ᭄ᬤᬳᬸᬦᬶᬗ᭞ᬬᬾᬦ᭄ᬲᬂᬧ᭄ᬭᬪᬸᬚᬕᬧ᭄ᬭᬧ᭄ᬢᬶ᭞ᬲᬂᬳᬬᬸᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬕᭂᬩ᭄ᬮᬕ᭄ᬗᬜ᭄ᬘᬶᬂ
ᬮᬯᬂᬲᬵᬫ᭄ᬧᬸᬦ᭄᭞ᬰ᭄ᬭᬷᬪᬸᬧᬢᬶᬭᬭᬶᬲ᭄ᬫᬸᬗ᭄ᬕᬄ᭞ᬦ᭄ᬧᬓ᭄ᬮᬯᬂᬦᬩ᭄ᬥᬳᬭᬶᬲ᭄᭞ᬭᬢᬸᬳᬬᬸ᭞ᬩᬸᬗ᭄ᬓᬳᬶᬦ᭄‌ᬢᬶᬢ᭄ᬬᬂᬮᬯᬗᬦ᭄᭟᭑᭐᭟ᬓᬓᬦ᭄ᬢᬢ᭄ᬓᬦᬗ᭄ᬓᬶᬮ᭞ᬓᬧᬶᬮᬗᬸᬢᬶᬢ᭄ᬬᬂᬫᬡᬶᬓ᭄᭞ᬜᬥ᭄ᬬᬢᬶᬢ᭄ᬬᬂᬦᬸᬦᬲ᭄ᬢᬫ᭄ᬩᬵ᭞ᬫᬶᬚᬶᬮ᭄ᬭᬢᬸ
ᬲᬓᬶᬂᬳᬭᬶᬲ᭄᭞ᬲᬦᬾᬤᬷᬩᬶᬢᬶᬢ᭄ᬬᬂᬲᬓᬶᬢ᭄᭞ᬳᬚᬢ᭄ᬯᬦ᭄‌‌ᬩᭂᬦ᭄ᬥᬸᬓᬤᬸᬭᬸᬲ᭄᭞ᬓᬲᬾᬧ᭄‌ᬫᬜᬧᬳᬶᬤᬾᬯ᭞ᬳᬦ᭄ᬢᬸᬓ᭄ᬭᬸᬦ᭄ᬢᬸᬄᬦᭀᬭᬳᬾᬮᬶᬂ᭞ᬲ᭄ᬯᬾᬘ᭄ᬙᬭᬢᬸ᭞ᬜᬶᬦᬵᬫ᭄ᬧᬸᬭᬳᬶᬯᬂᬢᬶᬢ᭄ᬬᬂ᭟᭑᭑᭟ᬗᬸᬤᬭᬢᬸ

[᭖᭑ 61A]
᭖᭑
ᬩᭂᬦ᭄ᬤᬸᬧᬶᬲᬦ᭄᭞ᬗᬫ᭄ᬦᭂᬗᬶᬦ᭄ᬢᬶᬢ᭄ᬬᬂᬲᬓᬶᬢ᭄᭞ᬧᬦᭂᬲ᭄ᬪᬭᬳᬗ᭄ᬕᬦ᭄ᬢᬶᬢ᭄ᬬᬂ᭞ᬫ᭄ᬥᬮ᭄ᬭᬢᬸᬦᬦᬾᬫᬗ᭄ᬓᬶᬦ᭄᭞ᬬᬦ᭄ᬢᬦ᭄‌ᬲ᭄ᬯᬾᬘ᭄ᬙᬫᬦᬫ᭄ᬩᬦᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬓᬤᬸᬭᬸᬲ᭄᭞ᬦ᭄ᬫᬸᬮᬭᬓᬲ᭄ᬫᬭᬦ᭄᭞ᬲ᭄ᬬᬂᬭᬢ᭄ᬭᬶᬳᬫᬗ᭄ᬕᬶᬄᬓᬶᬂᬓᬶᬂ᭞ᬬ
ᬢᬦᬵᬲᬸᬂ᭞ᬳᬶᬫᬶᬭᬄᬳᬦᬭᬶᬂᬢᬶᬢ᭄ᬬᬂ᭟᭑᭒᭟ᬯ᭄ᬬᬤᬶᬦ᭄ᬭᬢᬸᬦᭀᬭᬫ᭄ᬥᬮ᭄᭞ᬦᬸᬦᬲ᭄ᬯᬍᬲ᭄ᬲᬓᬶᬂᬳᬭᬶᬲ᭄᭞ᬗᬫᬶᬚᬶᬮᬂᬧᬗᬦ᭄ᬤᬶᬓ᭞ᬫᬗ᭄ᬤᬯᬾᬦ᭄ᬢᭂᬦ᭄‌ᬘᬶᬭᬶᬓᬲᬶᬄ᭞ᬫᭀᬦ᭄ᬫᭀᬦᬂᬢᬶᬢ᭄ᬬᬂᬭᬶᬂᬳᬢᬶ᭞ᬦᬾᬪᬸᬓ᭄ᬢ᭄ᬬᬂᬢᬶᬢ᭄ᬬᬂ
ᬲᬢᬸᬯᬸᬓ᭄᭞ᬓᬯᬸᬮᬬᬂᬚ᭄ᬯᬳᬶᬦᬶᬱ᭄ᬝᬵ᭞ᬚᬸᬭᬸᬲᬯᬸᬧ᭄ᬲᬗ᭄ᬓᭀᬮ᭄ᬳᬩᬶᬦ᭄᭞ᬳᬓ᭄ᬢᬾᬮ᭄ᬭᬢᬸ᭞ᬳᬸᬧᬳᬶᬦ᭄‌‌‌‌‌ᬓᬃᬡ᭄ᬦᬦ᭄ᬢᬶᬢ᭄ᬬᬂ᭟᭑᭓᭟ᬬᬦ᭄ᬦᭀᬭᬇᬘ᭄ᬙᬳᬜᬧ᭞ᬮᬾᬤᬂᬭᬢᬸᬳᬦ᭄ᬢᬸᬓ᭄ᬮᬶᬭᬶᬂ᭞ᬤ᭄ᬬᬲ᭄ᬢᬸᬫᬩ᭄ᬮᬢ᭄ᬚᭂᬦ᭄ᬤᬾᬮ᭞ᬢᬶᬢ᭄ᬬᬂ
ᬜᬥ᭄ᬬᬧᬘᬂᬗᬶᬭᬶᬂ᭞ᬤᬸᬄᬤᬾᬯᬭᬢᬸᬫᬵᬲ᭄ᬫᬡᬷᬓ᭄᭞ᬅᬢ᭄ᬫᬚ᭄ᬯᬶᬢᬦ᭄ᬢᬶᬢ᭄ᬬᬂᬭᬢᬸ᭞ᬳᬶᬤᬾᬯᬫᬜ᭄ᬚᬓᬂᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬭᬢᬸᬯᬮᬂᬳᬢᬶ᭞ᬧᬘᬶᬲᬸᬂᬲᬸᬂ᭞ᬫᬓᬲᬵᬭᬷᬦᬶᬂᬓᬥᬢ᭄ᬯᬦ᭄᭟᭑᭔᭟ᬢᬦ᭄ᬫᬭᬶᬦᭀᬕ᭄ᬢᭀ [ 62 ][᭖᭑ 61B]
᭖᭑
ᬕ᭄ᬮᬯᬗᬦ᭄᭞ᬫᬢᬗᬶᬭᬢᬸᬫᬢᬗᬶ᭞ᬬᬦ᭄ᬭᬢᬸᬓᬧᭀᬧᬶᬦᬸᬗ᭄ᬓᬦ᭄᭞ᬦᬸᬦᬲ᭄ᬢᬶᬢ᭄ᬬᬂᬫᬫᭂᬘᬶᬓᬶᬦ᭄᭞ᬯ᭄ᬬᬵᬤᬶᬦ᭄ᬭᬢᬸᬲᬸᬗ᭄ᬓᬦ᭄ᬧᬶᬗᬶᬢ᭄᭞ᬢᬶᬢ᭄ᬬᬂᬦᬫ᭄ᬩᬦᬶᬦ᭄ᬳᬶᬭᬢᬸ᭞ᬧᬸᬦᬧᬶᬦᬾᬓᬲᬸᬗ᭄ᬓᬦᬂ᭞ᬢᬸᬤᬸᬄᬢᬶᬢ᭄ᬬᬂᬫᬜᭂᬫ᭄ᬩᬭᬶ
ᬦ᭄᭞ᬲᬂᬤ᭄ᬬᬄᬳᬬᬸ᭞ᬢᬍᬃᬳᬶᬤᬢᬦ᭄ᬧᬰᬩ᭄ᬥᬵ᭟᭑᭕᭟ᬮᬶᬦ᭄ᬢᬂᬤᬾᬯᬫᬦᭂᬢᭂᬧᬂ᭞ᬦᭀᬭᬳᬲᬸᬂᬦᬭᬶᬂᬲᬓᬶᬢ᭄᭞ᬢᬦ᭄ᬪᬕ᭄ᬬᬦᬾᬫᬫᬋᬓᬦ᭄᭞ᬲᬫ᭄ᬧᬾᬯᬦᭂᬄᬫᬫᬸᬗᬸᬦᬶᬦ᭄᭞ᬫᬲᬶᬄᬢᭀᬂᬳᬤᬫᬦ
ᬫ᭄ᬧᬶ᭞ᬦᬵᬳᬦ᭄ᬳᬶᬓᬦᬂᬲ᭄ᬯᬢᬦᬸ᭞ᬓ᭄ᬢᭂᬩ᭄‌‌ᬓ᭄ᬢᭂᬩ᭄‌ᬦᬳᬜ᭄ᬘᬶᬢ᭄ᬢ᭞ᬗᬮᬶᬫ᭄ᬮᬶᬫ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬘᬂᬫᬦ᭄ᬢᬸᬓ᭄᭞ᬫᬗᭀᬚᭀᬕ᭄ᬳᬶᬤᬓᬧᬸᬭ᭄ᬬᬦ᭄᭟᭑᭖᭟ᬭᬭᬶᬲ᭄ᬦᬸᬚᬸᬓᬧᬫᬺᬫᬦ᭄᭞ᬓᬺᬧ᭄ᬬᬕ᭄‌ᬓᬺᬧ᭄ᬬᬸᬕ᭄ᬫᬗᬮᬶ
ᬫ᭄ᬮᬶᬫ᭄᭞ᬫᬕᬦ᭄ᬢᬸᬂᬕᬦ᭄ᬢᬸᬂᬭᬶᬂᬘᬶᬢ᭄ᬢ᭞ᬕᬤᬓ᭄ᬳᬸᬬᬂᬲᬂᬪᬹᬧᬢᬶ᭞ᬢᬦ᭄ᬧᬳᬗ᭄ᬕᬓᬦᬂᬓᬧ᭄ᬢᬶ᭞ᬲ᭄ᬫᬭᬢᬸᬭᬶᬤ᭄ᬥᬫᬗ᭄ᬮᬶᬧᬸᬢ᭄᭞ᬮᬸᬧᬳᬶᬤᬭᬶᬂᬓᬵᬕᬸᬗᬦ᭄᭞ᬭᬶᬂᬧᬗᬦ᭄‌ᬫᬶᬯᬄᬭᬶᬂᬭᬩᬶ᭞ᬢᬦ᭄ᬓᬮᬶᬗᬸ᭞ᬰ᭄ᬭᬶᬪᬸᬧ

[᭖᭒ 62A]
᭖᭒
ᬢᬶᬢᬦ᭄ᬧᬦᬶᬤ᭄ᬭ᭟᭑᭗᭟ᬦ᭄ᬤᬵᬢᬷᬢᬳᬶᬤᬭᬶᬂᬧᬸᬭ᭞ᬲᬵᬫ᭄ᬧᬸᬦ᭄ᬭᬗ᭄ᬓᬸᬂᬫᬵᬥ᭄ᬬᬭᬢ᭄ᬭᬶ᭞ᬯᬓ᭄ᬱᬶᬢᬦᬳᬶᬤᬲᬂᬤ᭄ᬬᬄ᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬜᭂᬮ᭄ᬲᭂᬮ᭄ᬭᬕᬢᬦ᭄ᬧᬯᬶᬥᬷ᭞ᬭᬶᬂᬳᬸᬫᬄᬫᬵᬲ᭄ᬗᭂᬦ᭄ᬤᬶᬄᬗᬸᬗ᭄ᬕᬸᬮ᭄᭞ᬲᬵᬫ᭄ᬧᬸ
ᬦ᭄ᬦᬫ᭄ᬧᬶᬤᬲ᭄ᬭᬳᬶᬦ᭞ᬧᬓ᭄ᬱᬶᬦᬾᬳᬸᬫᬸᬂᬫᬫᬸᬜᬶ᭞ᬳᬶᬦᬩ᭄ᬫᬵᬢᬹᬃ᭞ᬦᬗᬶᬦᬶᬦ᭄ᬲᬂᬓᬢᬸᬭᬶᬥᬦ᭄᭞᭑᭘᭟ᬲᬫᬶᬭᬡᬦᭂᬫ᭄ᬧᬸᬄᬧᬸᬱ᭄ᬧ᭞ᬢᬦ᭄ᬫᬭᬶᬭᬯᬸᬄᬗᬲᬶᬃᬲᬶᬃ᭞ᬫᬫ᭄ᬯᬢ᭄ᬕᬦ᭄ᬥᬦᬶᬂᬓᬸᬫᬸᬥ᭞ᬳᬘᬮᬯᬺᬓ᭄ᬱ
ᬦᬾᬲᬫᬶ᭞ᬲᬂᬳᬬᬸᬭᬭᬶᬲ᭄ᬳᬸᬫᬶᬚᬶᬮ᭄᭞ᬢ᭄ᬥᬸᬦ᭄ᬫᬭᬶᬂᬩᬮᬾᬢᬢᬹᬃ᭞ᬫᬸᬮᬶᬲᬄᬲᭀᬭᬶᬂᬳᬗ᭄ᬰᬦ᭞ᬭᬵᬕᬧᬦᭂᬲ᭄ᬢᬦ᭄ᬧᬢᬦ᭄ᬤᬶᬂ᭞ᬲᭂᬓᬃᬭᬹᬭᬹ᭞ᬮ᭄ᬯᬶᬃᬦᬗᬶᬲᬶᬦ᭄ᬲᬂᬤᬸᬄᬓᬶᬢ᭟᭑᭙᭟ᬫᬲ᭄ᬯᬭᬳᬶᬧᬦᬮᬶᬓᬦ᭄᭞ᬥᬯᬸᬄ
ᬧᬶᬲᬦ᭄ᬲᬵᬫ᭄ᬧᬸᬦ᭄ᬦᬫ᭄ᬧᬶ᭞ᬧᬓ᭄ᬱᬶᬚᬕ᭄ᬭᬫᬕᬸᬲᬸᬭᬦ᭄᭞ᬧᬸᬱ᭄ᬧᬭᬸᬦ᭄ᬢᬸᬄᬓᬢᭂᬫ᭄ᬧᬸᬳᬶᬦ᭄᭞ᬲᬵᬓ᭄ᬱᬵᬢ᭄ᬚᬯᬸᬄᬫᬦᬶᬩᬦᬶᬦ᭄᭞ᬮ᭄ᬯᬶᬃᬕ᭄ᬦᬶᬭᬸᬦ᭄ᬢᬸᬄᬫᬧᬸᬧᬸᬮ᭄᭞ᬓᬜ᭄ᬘᬦ᭄ᬲᭂᬓᬃᬲᬦᬾᬫᬵᬩᬂ᭞ᬗᭂᬦᬾᬦ᭄ᬳᬗ᭄ᬕ [ 63 ][᭖᭒ 62B]
᭖᭒
ᬬᬢᬦ᭄ᬫᬭᬶ᭞ᬳᬦᬩ᭄ᬗᬸᬮ᭄ᬕᬸᬮ᭄᭞ᬜᬓᬶᬢᬶᬦ᭄ᬳᬦᬓ᭄ᬲᬗ᭄ᬲᬭ᭟᭒᭐᭟ᬳᬘᬸᬫ᭄‌ᬯᬃᬡ᭄ᬦᬦᬾᬳ᭄ᬬᬂᬳᬸᬮᬦ᭄᭞ᬯᬯᬸᬲᬂᬳ᭄ᬬᬂᬭᬯᬶᬫᬶᬚᬶᬮ᭄᭞ᬳᬸᬧᬫᬶᬫᬸᬓᬦᬾᬲᬂᬤ᭄ᬬᬄ᭞ᬫᬫᬸᬮᬶᬲᬄᬭᬶᬂᬧᬺᬣᬶᬯᬶ᭞ᬯᬃᬡ᭄ᬦᬳᬸᬘᭂᬫ᭄ᬓᬧᬸᬧᬸᬭᬶ
ᬦ᭄᭞ᬭᬫ᭄ᬩᬸᬢ᭄ᬕᬾᬫ᭄ᬧᬾᬮ᭄‌ᬓᬧᬸᬢ᭄ᬮᭂᬩᬸ᭞ᬳᬗ᭄ᬕᬓᬶᬭᬶᬲ᭄ᬢᬦ᭄ᬧᬦᬶᬤ᭄ᬭ᭞ᬮ᭄ᬫᬄᬍᬩᬸᬓᬢᭀᬦ᭄ᬳᭂᬢᬶᬲ᭄᭞ᬲ᭄ᬕᬸᬲ᭄ᬕᬸ᭞ᬳᬗ᭄ᬕᬦᬶᬂᬯ᭄ᬯᬂᬲᬓᬶᬢ᭄ᬫᬦᬓ᭄᭟᭒᭑᭟ᬥᬯᬸᬄᬓᬮᬶᬄᬓᬯᬸᬯᬸᬲᬦ᭄᭞ᬤᬰᬤᬾᬰᬶᬲᬶᬦᬄᬲᬫᬶ᭞ᬲᬂᬧ᭄ᬭ
ᬪᬸᬦᬦ᭄ᬤᬂᬪᬹᬱᬡ᭞ᬜᬥ᭄ᬬᬫᬮᬶᬄᬗᬫᬭᬦᬶᬦ᭄᭞ᬲᬶᬦᬗ᭄ᬕᬸᬄᬮᬾᬤᬂᬲᬂᬤᬾᬯᬶ᭞ᬫᬘᬬᬲᬵᬫ᭄ᬧᬸᬦ᭄‌ᬭᬶᬂᬓᬬᬸᬦ᭄᭞ᬦᬬᬲᬦ᭄ᬤᬶᬓᬳᬶᬜ᭄ᬘᭂᬧᬂ᭞ᬚᬧᬫᬦ᭄ᬢ᭄ᬭᬦᬾᬯᬸᬲ᭄ᬧᬱ᭄ᬝᬶ᭞ᬲᬓᬶᬂᬥᬗᬹ᭞ᬘᭂᬘᭂᬄᬯᬦ᭄ᬢᬄ
ᬫᬶᬓᭀᬮᬶᬳᬂ᭟᭒᭒᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬋᬕᭂᬧᬦ᭄᭞ᬧᬢ᭄ᬫᭀᬦ᭄ᬳᬶᬭᬗ᭄ᬓᬾᬲᬵᬭᬷ᭞ᬫᬧᬲᬂᬳᬦᬭᬶᬂᬦᬾᬢ᭄ᬭ᭞ᬫᬭᬶᬂᬳᬸᬦ᭄ᬢᬸᬧ᭄ᬬᭀᬮᬲ᭄‌ᬍᬯᬶᬄ᭞ᬫᬭᬶᬂᬇᬭᬹᬂᬫᬶᬯᬄᬮᬝᬶ᭞ᬧᬗᬾᬕᬾᬃᬲ᭄ᬫᬭᬮᬸᬮᬸᬢ᭄᭞ᬤᬕᬶᬂᬧ

[᭖᭓ 63A]
᭖᭓
ᬧ᭄ᬢᭂᬢᬾᬓᭀᬘᬧ᭄᭞ᬧ᭄ᬭᬶᬧᬶᬳᬦ᭄ᬧᬦᬗ᭄ᬓᭂᬩ᭄ᬕᬸᬫᬶ᭞ᬲᬫᬶᬫᬸᬗ᭄ᬕᬸᬄ᭞ᬫᬡᬶᬓ᭄ᬳᬲᭂᬫ᭄‌ᬚᬶᬦᬄᬅᬃᬚ᭄ᬚᬸᬦ᭟᭒᭓᭟ᬮ᭄ᬯᬶᬃᬭᬶᬂᬰ᭄ᬭᬡᬳᬲᭂᬫ᭄‌ᬫ᭄ᬜᬦ᭄᭞ᬫᬓᬫᬶᬯᬄᬫᬶᬜᬓ᭄ᬯᬗᬶ᭞ᬳᬫ᭄ᬩᬸᬦ᭄ᬜᬦᬾᬫᬳᬶᬫ᭄ᬧᬸᬕᬦ᭄᭞ᬫᬶᬥᭂᬃᬓᬶᬯᬳᬶ
ᬤᬧᬶᬂᬢ᭄ᬭᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦᬸᬘᬧᬦ᭄ᬫᬭᬶᬂᬳᭂᬦᬸ᭞ᬮᬸᬫᬫ᭄ᬧᬄᬢᬦ᭄ᬧᬳᬶᬭᬶᬗᬦ᭄᭞ᬫᬗᬸᬗ᭄ᬲᬶᬭᬳᬤᬾᬦ᭄ᬤᬾᬯᬶ᭞ᬲᬕᬾᬢ᭄ᬭᬯᬸᬄ᭞ᬰ᭄ᬭᬷᬪᬹᬧᬢᬶᬭᬶᬂᬉᬤ᭄ᬬᬦ᭟᭒᭔᭟ᬲᬂᬳᬬᬸᬭᬭᬶᬲ᭄ᬓᬘᬶᬗᬓ᭄᭞ᬗᬶᬲᭂᬓ᭄ᬳᬶ
ᬲᭂᬓ᭄ᬭᬶᬂᬧᬺᬣᬶᬯᬶ᭞ᬲᬳᬃᬱᬳᬶᬤᬲᬂᬦᬵᬣ᭞ᬫᬳᬸᬗᬸᬫᬦᭂᬲᭂᬓᬶᬦ᭄᭞ᬲᬃᬯ᭄ᬯᬶᬫᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬤᬾᬯᬲᬂᬭᬢᬸᬳᬬᬸ᭞ᬲᬵᬫ᭄ᬧᬸᬦ᭄ᬤᬾᬯᬓᬤᬸᬄᬓᬶᬢᬦ᭄᭞ᬲᬸᬂᬲᬸᬂᬢᬶᬢ᭄ᬬᬂᬦᬦᬾᬚᬦᬶ᭞ᬢᬦ᭄ᬭᬳᬬᬸ᭞ᬫᬓᬸᬡ᭄ᬥᬄ
ᬳᬦᬭᬶᬂᬍᬫᬄ᭟᭒᭕᭟ᬰ᭄ᬭᬷᬤᬸᬃᬕ᭄ᬕᬵᬲ᭄ᬫᬮᬗᬦ᭄ᬤᬶᬓ᭞ᬭᬶᬂᬤ᭄ᬬᬄᬉᬤ᭄ᬬᬵᬢ᭄ᬫᬶᬓᬫᬮᬶᬄ᭞ᬮᬶᬦ᭄ᬢᬂᬮᬮᬶᬲ᭄ᬫᬭᬶᬂᬢᬶᬢ᭄ᬬᬂ᭞ᬭᬢᬸᬫᬶᬕᭂᬡ᭄ᬥᬳᬲ᭄ᬫᬭᬶ᭞ᬳᬭᬶᬕᬸᬫᬦ᭄ᬢᬸᬗᬶᬂᬅᬓ᭄ᬱᬶ᭞ᬲᬸᬧᬢ᭄ᬮᬭᬦ᭄ᬢᬶᬢ᭄ᬬᬂᬭᬢᬸ᭞ᬫᬦᬄᬢᬶᬢ᭄ᬬᬂᬦᭀᬭᬧᬲᬄ᭞ [ 64 ][᭖᭓ 63B]
᭖᭓
ᬫᬕᬦ᭄ᬢᬸᬂᬕᬦ᭄ᬢᬸᬂᬭᬶᬂᬳᬢᬶ᭞ᬬᬢᬦᬵᬲᬸᬂ᭞ᬫᬾᬄᬢᬶᬢ᭄ᬬᬂᬗ᭄ᬫᬲᬶᬦ᭄ᬧᭂᬚᬄ᭟᭒᭖᭟ᬕᬫᭂᬮ᭄ᬭᬢᬸᬚᬷᬯᬦ᭄ᬢᬶᬢ᭄ᬬᬂ᭞ᬲᭀᬮᬄᬳᬭᬶᬳᬾᬮᬶᬂᬩ᭄ᬮᬶ᭞ᬢᬶᬢ᭄ᬬᬂᬲᬸᬮᬳᭀᬮᬶᬄᬤᬾᬯ᭞ᬫᬹᬃᬘ᭄ᬙᬶᬢ᭄ᬢᬢᬶᬢ᭄ᬬᬂᬫᬵᬲ᭄ᬫᬡᬶᬓ᭄᭞ᬫᬦᭂᬲᭂᬓ᭄ᬫᬗᬲᬶᬳ
ᬲᬶᬄ᭞ᬫᬗ᭄ᬮᭂᬍᬫᭂᬲ᭄ᬭᬶᬂᬲᬂᬳᬬᬸ᭞ᬭᬤᬾᬦ᭄ᬤᬾᬯᬶᬓᬸᬓᬸᬄᬫᬦᬄ᭞ᬢᬦ᭄ᬳᭀᬩᬄᬦᭀᬭᬵᬦᬳᭀᬲᬶᬓ᭄᭞ᬚᬵᬢᬶᬫᬸᬮᬸᬲ᭄᭞ᬭᬚᬧᬸᬢ᭄ᬭᬶᬍᬯᬶᬄᬉᬢ᭄ᬢᬫ᭟᭒᭗᭟ᬓᬤᬶᬕᬸᬦᬸᬂᬳᬶᬓᬦᬂᬢ᭄ᬯᬲ᭄᭞ᬓᬢᭂᬫ᭄ᬧᬸᬄᬳᬦ᭄ᬢᬸᬓ᭄ᬫ
ᬭᬸᬣᬶ᭞ᬧᬕᭂᬄᬦᭀᬭᬳᬦᬕᬶᬗ᭄ᬕᬂ᭞ᬬᬓ᭄ᬱᬧᬢᬶᬗᬫᬮᬶᬳᬶᬦ᭄᭞ᬢᬦ᭄ᬲᬸᬫᬯᬸᬃᬭᬤᬾᬦ᭄ᬤᬾᬯᬶ᭞ᬲᬂᬧ᭄ᬭᬪᬸᬳᬶᬩᬸᬓ᭄ᬭᬶᬂᬓᬬᬸᬦ᭄᭞ᬓᬮᬶᬧᬸᬢ᭄ᬭᬶᬂᬭᬚᬲ᭄ᬫᬭ᭞ᬳᬾᬄᬢᬳᬭᬶᬭᬤᬾᬦ᭄ᬤᬾᬯᬶ᭞ᬮᬶᬦ᭄ᬢᬂᬳᬬᬸ᭞ᬭᬢ᭄ᬦᬦᬶᬂᬧᬸᬢ᭄ᬭᬶᬲᬚᬕᬢ᭄᭞
᭟᭒᭘᭟ᬳᬧᬕᬸᬡᬦ᭄ᬢᬫᭀᬳᬶᬢ᭞ᬳᬢᬹᬃᬢᬶᬢ᭄ᬬᬂᬢᬦ᭄ᬓᬘᬯᬶᬲ᭄᭞ᬳᬸᬮᬄᬢᬶᬢ᭄ᬬᬂᬦᭀᬭᬲᬮᬄ᭞ᬭᬵᬓ᭄ᬱᬲᬓᬺᬢ᭄ᬢᬶᬩ᭄ᬮᬶᬚᬵᬢᬶ᭞ᬫᬫ᭄ᬯᬢ᭄ᬓᬜ᭄ᬘᬦᬶᬂᬲᬸᬮᬶᬢ᭄᭞ᬯ᭄ᬬᬤᬶᬦ᭄ᬧ᭄ᬭᬂᬦᭀᬭᬓᬾᬗ᭄ᬕᬸᬄ᭞ᬇᬗ᭄ᬕᬶᬳᬦ᭄ᬳᬦ᭄ᬫᬸᬅᬦ᭄ᬢ

[᭖᭔ 64A]
᭖᭔
ᬓ᭞ᬗᬚᬧ᭄ᬳᬚᬧ᭄ᬳᬮᬶᬂᬗᬹᬦᬶ᭞ᬕᭂᬕᭃᬭᬢᬸ᭞ᬳᬬ᭄ᬯᬘᬮᬓᬦᬂᬫᬦᬄ᭟᭒᭙᭟ᬢᬃᬓ᭄ᬓᬦ᭄ᬭᬢᬸᬤᬳᬢ᭄ᬳᬶᬯᬂ᭞ᬲᬮᬄᬲᭂᬗ᭄ᬕᬸᬄᬫᬧᬓᬃᬥᬶ᭞ᬦᬧᬶᬫᬮᬶᬄᬲᬸᬫᭂᬗ᭄ᬓᬬᬂ᭞ᬤ᭄ᬯᬦᬶᬂᬢᬶᬢ᭄ᬬᬂᬜ᭄ᬚᬬᬪᬹᬫᬶ᭞ᬢ᭄ᬯᬶᬪᬓ᭄ᬢᬶᬓᬓᬵᬭᬶᬂᬳᬭᬶ᭞ᬭᬶᬂ
ᬧᬸᬭᬶᬫᬵᬲ᭄ᬗᬶᬭᬶᬂᬭᬢᬸ᭞ᬳᬶᬭᬶᬓᬤᬾᬯᬫᬲᬗ᭄ᬕ᭄ᬭ᭞ᬳᬢᬸᬭᬹᬢᬶᬢ᭄ᬬᬂᬫᬗᬶᬭᬶᬂ᭞ᬢᬦ᭄ᬳᭂᬢᬶᬲ᭄ᬭᬢᬸ᭞ᬫᬕᬸᬮᬶᬗᬦᬭᬶᬂᬍᬫᬄ᭟᭓᭐᭟ᬭᬶᬥᬥᬗ᭄ᬓᬸᬲᬫᬾᬦᬓ᭞ᬳᬢᬸᬭᬹᬤᬾᬯᬮᬶᬦ᭄ᬢᬂᬳᭂᬢᬶᬲ᭄᭞ᬧᬸᬧᬸᬢᬂᬓᬳ᭄ᬬᬸᬦ᭄ᬳᬶᬤᬾᬯ᭞ᬲᬮᬫ᭄ᬧᬄ
ᬢᬶᬢ᭄ᬬᬂᬫᬗᬶᬭᬶᬂ᭞ᬳ‌ᬬ᭄ᬯᬵᬤᭀᬄᬮᬦ᭄ᬓᬓᬳᬭᬶ᭞ᬳᬸᬚᬃᬓᬸᬜᬦ᭄ᬤᬂᬧᬶᬢᬸᬳᬸᬦ᭄᭞ᬲᬮᬶᬂᬕᬫᭂᬮ᭄ᬧᬶᬓᬳ᭄ᬬᬸᬦᬦ᭄᭞ᬚᬕᬫᬭᬩᬶᬭᬶᬂᬳᬤᬶ᭞ᬲ᭄ᬯᬾᬘ᭄ᬙᬭᬢᬸ᭞ᬢᬶᬢ᭄ᬬᬂᬫᬜᬶᬯᬶᬳᬶᬤᬾᬯ᭟᭓᭑᭟ᬳᬶᬤᬾᬯᬲᬬᬗᬂᬢᬶᬢ᭄ᬬᬂ᭞ᬲ
ᬮᬯᬲ᭄ᬓᬭᬶᬫᬉᬭᬶᬧ᭄᭞ᬫᬓᬶᬗ᭄ᬓᬶᬂᬳᬧᬕᬸᬡᬦ᭄ᬜᬵ᭞ᬳᬚᬢᬸᬮᬓ᭄ᬭᬶᬂᬳᬸᬚᬃᬩ᭄ᬮᬶ᭞ᬓᬾᬯᬮᬩ᭄ᬮᬶᬲᬶᬯᬶᬦ᭄ᬳᬤᬶ᭞ᬭᬶᬂᬫᬃᬕ᭄ᬕᬮᬗᬸᬲᬢᬸᬯᬸᬓ᭄᭞ᬗᬕᬸᬗᬶᬦ᭄‌ᬢ᭄ᬭᬶᬪᬸᬯᬦ᭞ᬧᬸᬢᬸᬲᬂᬢᬗᬶᬲᬾᬳᬤᬶ᭞ᬫᬗ᭄ᬤᬮᬶᬧᬸᬃ᭞ᬢᬶ [ 65 ][᭖᭔ 64B]
᭖᭔
ᬢ᭄ᬬᬂᬤᬾᬯᬳᬗ᭄ᬕᬾᬦ᭄ᬢᬫ᭄ᬩᬵ᭟᭓᭒᭟ᬩᬮᬥᬦᬸᬚᬧᬜ᭄ᬚᬓᬂ᭞ᬲᬓᬋᬧ᭄ᬢᬶᬢ᭄ᬬᬂᬦᬕᬶᬗᬶᬦ᭄᭞ᬬᬤᬶᬫᬓᬓᭀᬩᭀᬓ᭄ᬫᬶᬭᬄ᭞ᬲᬂᬳᬬᬸᬧ᭄ᬦᭂᬤ᭄ᬜᬯᬸᬭᬶᬦ᭄᭞ᬫᬢᬗᬶᬢᬸᬃᬫᬦᬸᬤᬶᬗᬶᬦ᭄᭞ᬰᬩ᭄ᬤᬦᬾᬢᬦ᭄ᬧᬓᬵᬮᬢᬸ᭞ᬳᬾᬄᬤᬹᬃ
ᬢ᭄ᬢᬓᬵᬮᬳᬥᬫ᭞ᬫᭀᬳᬶᬢᬓᬵᬲ᭄ᬫᬮᬯ᭄ᬕᬶᬕ᭄᭞ᬓᬵᬋᬧ᭄ᬭᬸᬲᬸᬄ᭞ᬭᬢᬸᬦᬶᬱ᭄ᬝᬳᬧᬮᬶᬗ᭟᭓᭓᭟ᬫ᭄ᬯᬄᬢᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬇᬗ᭄ᬕᬶᬄᬧᬵᬢᬹᬢ᭄ᬯᬦ᭄ᬢᬄᬳᬭᬶ᭞ᬳᬧᬮᬶᬗᬭᬶᬂᬳᬶᬤᬾᬯ᭄ᬯ᭞ᬳᬕᬸᬂᬫᬮᬳᬢᬶᬦ᭄‌ᬩ᭄ᬮᬶ᭞ᬳᬶ
ᬤᬾᬯᬲᬦᬾᬜᬓᬶᬢᬶᬦ᭄᭞ᬓᬮᬶᬦ᭄ᬢᬂᬢᬢ᭄ᬬᬂᬳᬸᬮᬗᬸᬦ᭄᭞ᬏᬫᬦᬂᬓᬳ᭄ᬬᬸᬦ᭄ᬳᬶᬤᬾᬯ᭞ᬲᬸᬂᬲᬸᬂᬢᬶᬢ᭄ᬬᬂᬭᬢᬸᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬦ᭄ᬥᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬦᭂᬫ᭄ᬩᬳᬦ᭄᭟᭓᭔᭟ᬫᬗᬕᬸᬗᬶᬦ᭄ᬧᬜ᭄ᬚᬓ᭄ᬢᬶᬢ᭄ᬬᬂ᭞ᬓᬲᬸᬂ
ᬲᬸᬂᬭᬶᬂᬚᬕᬢ᭄ᬤᬶᬦᬶ᭞ᬭᬢᬸᬳᬦᭀᬫ᭄ᬢᬶᬢ᭄ᬬᬂᬧᬶᬸᬘᬶᬸᬩᬚᬂ᭞ᬫᬤᬕᬶᬂᬓᬬᬸᬦ᭄ᬳᬶᬫᬡᬶᬓ᭄᭞ᬩᭀᬬᬢᬶᬢ᭄ᬬᬂᬫᬦᬸᬦᬳᬶᬦ᭄᭞ᬫᬓ᭄ᬭᬶᬥᬗᬶᬭᬶᬂᬳᬶᬭᬢᬸ᭞ᬲ᭄ᬬᬂᬥᬮᬸᬦᭀᬭᬧᬲᬄ᭞ᬗᭀᬤᬕᬂᬤᬕᬶᬗᬶᬂᬧᬸᬭᬶ᭞ᬭᬢᬸᬗᬸᬗ᭄ᬕᬸ

[᭖᭕ 65A]
᭖᭕
ᬮ᭄᭞ᬢᬶᬢ᭄ᬬᬂᬲᬫᬶᬫᬜᬾᬯᬓ᭟᭓᭕᭟ᬬᬦ᭄ᬳᬶᬤᬾᬯᬤᬸᬭᬸᬂᬯᬶᬓᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬕᬸᬂᬍᬯᬶᬄ᭞ᬓᬵᬱ᭄ᬝᬯᬪᬶᬱᬾᬓᬦ᭄ᬚᬕᬢ᭄‌ᬢᬶᬢ᭄ᬬᬂ᭞ᬤᬹᬃᬕ᭄ᬕᬵᬲ᭄ᬫᬮᬗᭀᬤᬕ᭄ᬕᬸᬫᬶ᭞ᬭᬢᬸᬰᬓ᭄ᬢᬶᬢᬦ᭄ᬧᬢᬦ᭄ᬤᬶᬂ᭞ᬭᬶᬂᬫᬃᬕ᭄ᬕᬮᬗᬸᬓᬯᬸᬯᬸ
ᬲ᭄᭞ᬳᬶᬤᬧᬵᬢᬹᬢ᭄ᬗᭂᬫ᭄ᬩᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬪᬓ᭄ᬢᬶᬜᬶᬯᬶᬳᬤᬶ᭞ᬤ᭄ᬯᬦᬶᬂᬧᬵᬢᬹᬢ᭄᭞ᬭᬢᬸᬤᬤᭀᬲ᭄ᬓᬜ᭄ᬘᬶᬂᬚᬕᬢ᭄᭟᭓᭖᭟ᬮᬶᬗ᭄ᬕᬶᬳᬶᬦ᭄ᬧᬶᬦᬸᬦᬲ᭄‌ᬢᬶᬢ᭄ᬬᬂ᭞ᬓᬩᬾᬚᬶᬗᬶᬭᬶᬂᬫᬩᬺᬲᬶᬄ᭞ᬳᬶᬭᬶᬂᬢᬶᬢ᭄ᬬᬂᬓᬧᬫᬺᬫᬦ᭄᭞ᬤᬸᬭᬸᬲᬂᬭ
ᬢᬸᬧᬕ᭄ᬮᬶᬲᬶᬦ᭄᭞ᬲᬓᬶᬢ᭄‌ᬢᬶᬢ᭄ᬬᬗᬾᬢᬫ᭄ᬩᬦᬶᬦ᭄᭞ᬓᬓ᭄ᬢᭂᬕ᭄ᬭᬶᬂᬥᬥᬫᬗ᭄ᬭᬸᬤᬸᬕ᭄᭞ᬳᬶᬤᬾᬯᬫᬭᬕᬉᬱᬤ᭄ᬥᬵ᭞ᬢ᭄ᬯᭂᬓ᭄ᬢᬶᬢ᭄ᬬᬂᬩᬵᬦ᭄ᬲᬸᬲᬸᬜᬗ᭄ᬓᬶᬄ᭞ᬫᬗ᭄ᬤᬾᬤᬸᬭᬸᬲ᭄᭞ᬢᬫ᭄ᬩᬦᬾᬓ᭄ᬘᬧᬂᬢᬶᬢ᭄ᬬᬂ᭟᭓᭗᭟ᬭᬤᬾᬦ᭄ᬤᬾᬯᬶᬭᬭᬶᬲ᭄
ᬦᬶᬫ᭄ᬩᬮ᭄᭞ᬓᬵᬮᬤᬸᬱ᭄ᬝᬫᬧᬶᬘᬭᬶ᭞ᬳᬧᬓᭀᬢᬦᬦᬏᬭᬂ᭞ᬤᬤᬶᬧ᭄ᬭᬪᬸᬜᭀᬮᭀᬂᬧᬸᬢ᭄ᬭᬶ᭞ᬬᬦ᭄ᬲᬂᬧ᭄ᬭᬪᬸᬦᬾᬉᬢ᭄ᬢᬫᬶ᭞ᬦ᭄ᬤᬢᬦ᭄ᬧᬶᬦ᭄ᬤ᭄ᬭᬶᬄᬧᬥᬭᬯᬸᬄ᭞ᬧ᭄ᬭᬧᬸᬢ᭄ᬭᬶᬗᬢᬹᬭᬂᬳᬯᬓ᭄᭞ᬓᬮᬶᬗ᭄ᬓᬾᬓᬯᭂᬗ᭄ᬓᬸᬲᬫᬶ [ 66 ][᭖᭕ 65B]
᭖᭕
᭞ᬳᬄᬳᬄᬳᬶᬸᬩᬸᬤᬸᬄ᭞ᬫᬫ᭄ᬯᬢᬂᬲ᭄ᬢ᭄ᬭᬷᬦᬭᬮ᭄ᬬᬦ᭄᭟᭓᭘᭟ᬅᬓᬸᬦᬭᬓᭀᬭᬓ᭄ᬱᬲ᭞ᬦᭀᬭᬵᬦᬹᬢ᭄ᬰᬲᬦᬬᬸᬓ᭄ᬢᬶ᭞ᬤᬸᬤᬹᬯᬗ᭄ᬰᬳᬄᬥᬦᬸᬚ᭞ᬲᬳᬸᬫᬸᬃᬳᬓᬸᬢᬦ᭄ᬤᬤᬶ᭞ᬳᬓᬓᬲᬶᬄᬯᬗ᭄ᬰᬪᬸᬢᬶ᭞ᬓᬮᬶᬂᬓᬾᬧᬘᬂᬫᬚᬗ᭄ᬓᬸ
ᬢ᭄᭞ᬲᬸᬓᬬᬦ᭄‌ᬗ᭄ᬫᬲᬶᬦ᭄ᬧ᭄ᬚᬄ᭞ᬦᭀᬭᬓᬸᬯᭂᬤᬶᬭᬶᬂᬧᬢᬶ᭞ᬬᬾᬦ᭄ᬓᭀᬢᬸᬳᬸ᭞ᬮᬮᬓᬶᬗᭀᬤᬕᬂᬚᬕᬢ᭄᭟᭓᭙᭟ᬬᬳᬶᬓᬶᬚᬷᬯᬗ᭄ᬓᬸᬳᬮᬧ᭄᭞ᬲᬚᬭᬶᬳᬓᬸᬢᬦ᭄ᬕᬶᬗ᭄ᬲᬶᬃ᭞ᬢᬦ᭄ᬲᬬᬂᬳᬓᬸᬭᬶᬂᬳᬓᬸ᭞ᬫᬦᭂᬲᭂᬓ᭄
ᬲᬃᬯ᭄ᬯᬶᬦᬗ᭄ᬢᬗᬶᬦ᭄᭞ᬢᬦ᭄ᬫᬭᬶᬫᬦᬸᬤᬶᬂᬦᬸᬤᬶᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬗᬸᬦ᭄ᬢᬸᬓ᭄᭞ᬳᬶᬩᬸᬓ᭄ᬫᬦᬄᬫᬫᬶᬋᬗᬂ᭞ᬮᬸᬮᬸᬢ᭄ᬳᬲᬶᬄᬤᬤᬶᬲᭂᬗᬶᬢ᭄᭞ᬭᬱᬫᬸᬭᬸᬩ᭄᭞ᬓᬩᬢᭂᬓ᭄ᬩᬵᬦ᭄ᬤᬸᬄᬓᬘᬶᬢ᭄ᬢ᭟᭔᭐᭟ᬦᬾᬢ᭄ᬭᬩᬂᬓᬤᬶᬢᬸᬚᬶᬩᬂ᭞ᬚᬚᬯᬶ
ᬦᬾᬄᬫᬗᬸᬩᬶᬃᬩᬶᬃ᭞ᬫᬸᬓᬭᬓ᭄ᬢᬮ᭄ᬯᬶᬃᬢᬶᬦᭂᬧᬓ᭄᭞ᬓ᭄ᬢᭂᬩ᭄ᬓᭂᬢᭂᬩ᭄ᬫᬫᬶᬦᭂᬳᬶᬦ᭄᭞ᬬᬦ᭄ᬢᬦ᭄ᬤᬶᬗᬶᬦ᭄ᬳᬦᬓ᭄ᬳᬦᬓ᭄ᬳᬶᬲ᭄ᬢ᭄ᬭᬷ᭞ᬬᬦ᭄ᬢᬶᬗ᭄ᬕᬮᬶᬦ᭄ᬳᬶᬦᬩ᭄ᬢᬓᬸᬢ᭄᭞ᬤ᭄ᬯᬧᬭᬳᬶᬓᬦᬂᬫᬦᬄ᭞ᬓᬲ᭄ᬮᭂᬓ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬋᬗᬢ᭄ᬋᬗᬸᬢ᭄᭞ᬫᭀ

[᭖᭖ 66A]
᭖᭖
ᬩᭀᬲ᭄ᬫᬦ᭄ᬢᬸᬓ᭄‌ᬓᬚ᭄ᬭᭀᬧᬸᬭ᭟᭔᭑᭟ᬢᬦ᭄ᬳᬸᬘᬧᬦ᭄‌ᬲ᭄ᬯᬾᬦᬶᬂᬢᬫᬦ᭄᭞ᬓᬧᬭᬦᬶᬦ᭄ᬲᬵᬭᬶᬲᬵᬭᬶ᭞ᬳᬦ᭄ᬢᬸᬓ᭄ᬧ᭄ᬭᬪᬸᬤᬹᬃᬕ᭄ᬕᬵᬲ᭄ᬫᬮ᭞ᬢᬦ᭄‌ᬚ᭄ᬦᭂᬓ᭄ᬚᭂᬦᭂᬓ᭄ᬫᬮᬶᬗ᭄ᬕᬶᬄ᭞ᬲᬓᬶᬂᬢᬫᬦ᭄‌ᬢ᭄ᬭᬸᬲ᭄ᬓᬧᬸᬭᬶ᭞ᬭᬯᬸᬳᬶᬂᬧᬸᬭᬶᬫ᭄ᬯᬄᬫᬯᬗ᭄ᬲᬸᬮ᭄᭞ᬫᬫᬸ
ᬚᬸᬓ᭄ᬫᬸᬚᬸᬓ᭄ᬭᬶᬂᬲᬂᬤ᭄ᬬᬄ᭞ᬓᬸᬓᬸᬄᬳᬶᬤᬭᬤᬾᬦ᭄ᬤᬾᬯᬶ᭞ᬭᬶᬂᬲᬂᬧ᭄ᬭᬪᬸ᭞ᬦᭀᬭᬳᬶᬤᬫᬭᬯᬢ᭄ᬫᬢ᭄ᬭ᭟᭔᭒᭟ᬲᬬᬵᬦ᭄ᬮᬫᬲᬬᬦ᭄ᬥᬸᬓ᭞ᬫᬜᬶᬗᬓᬶᬦ᭄ᬬᬓ᭄ᬱᬧᬢᬶ᭞ᬫᬧᬸᬧᬸᬮ᭄ᬧᬸᬧᬸᬮ᭄ᬥᬸᬄᬓᬶᬢ᭞ᬲᬸᬗ᭄ᬓᬦ᭄ᬓᬸᬭᬸᬳᬗ᭄ᬕᬓᬶᬭᬶᬲ᭄᭞ᬫᬗᬦ᭄ᬓᬶ
ᬦᬸᬫ᭄ᬓᬓᬶᬭᬗᬶᬦ᭄᭞ᬳᬦ᭄ᬢᬸᬓ᭄ᬥᬸᬄᬓᬦᬾᬓᬤᬸᬭᬸᬲ᭄᭞ᬏᬮᬶᬂᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬳᬕᬾᬭᬢᬸᬢᬶᬢ᭄ᬬᬂᬳᬫ᭄ᬩᬶᬮ᭄᭞ᬤᬸᬄᬲᬂᬩᬕᬸᬲ᭄᭞ᬗᬸᬤᬯᬦᭂᬄᬫᬫᬜ᭄ᬚᬓᬂ᭟᭔᭓᭟ᬓᬝᬄᬬᬦᬶᬂᬘᬭᬶᬢᬬᬂ᭞ᬧᬦᬸᬮᬫᬾᬭᬤᬾᬦ᭄ᬤᬾᬯᬶ᭞ᬭᬶᬂᬳᬶᬤᬭᬤᬾ
ᬦ᭄ᬥᬃᬫ᭄ᬫᬶᬓ᭞ᬲᬲᬫ᭄ᬩᬢᬾᬗᬲᬶᬳᬲᬶᬄ᭞ᬗᬧᬾᬳᬧᬾᬫᬗ᭄ᬤᬳᬫ᭄ᬩᬶᬮ᭄᭞ᬢᬶᬦᬯᬦ᭄ᬥᬦᬸᬚᬳᬕᬸᬂ᭞ᬭᬶᬂᬫᬃᬕ᭄ᬕᬮᬗᬸᬗ᭄ᬕᭀᬦ᭄ᬢᬶᬢ᭄ᬬᬂ᭞ᬢᬸᬃᬫᬓᬸᬭᬸᬂᬓᬤᬶᬧᬓ᭄ᬱᬶ᭞ᬲᬃᬯ᭄ᬯᬶᬓᬶᬗᬹ᭞ᬫᬦᬄᬢᬶᬢ᭄ᬬᬂᬦᭀᬭᬲᬸᬓ᭟᭔᭔᭟ᬬᬓ᭄ᬱᬾᬦ᭄ᬤ᭄ᬭᬲᬸᬫᬶ [ 67 ][᭖᭖ 66B]
᭖᭖
ᬗ᭄ᬓᬶᬦ᭄ᬳᭀᬲᬄ᭞ᬉᬧᬬᬦᬾᬢ᭄ᬮᬲ᭄ᬲᬫᬶ᭞ᬭᬚᬪᬹᬱᬡᬓᬶᬭᬶᬫᬂ᭞ᬳᬢᬹᬭᬂᬭᬶᬂᬭᬤᬾᬦ᭄ᬤᬾᬯᬶ᭞ᬓᬯᭂᬯᭂᬳᬶᬦ᭄ᬫᬵᬲ᭄ᬫᬡᬷᬓ᭄᭞ᬲᬫᬶᬲᬃᬯ᭄ᬯᬦᬸᬤᬹᬢ᭄ᬓᬬᬸᬦ᭄᭞ᬉᬤ᭄ᬬᬵᬢ᭄ᬫᬶᬓᬦ᭄ᬤᬢᬦᬵᬗ᭄ᬕ᭞ᬲᬂᬧ᭄ᬭᬪᬸᬓᬾᬯᭂᬄᬦᬦ᭄ᬤᬓᬶᬦ᭄᭞ᬮᬶᬦ᭄ᬢᬂᬩᬶᬗᬸᬂ᭞ᬓ᭄ᬮᬶᬧᬸᬢ᭄ᬥᬦᬓ
ᬲ᭄ᬫᬭᬦ᭄᭟᭐᭚ᬧᬸᬄᬲ᭄ᬫᬭᬦ᭄ᬥᬦ᭚᭑᭟ᬫ᭄ᬯᬦ᭄ᬢᬸᬦ᭄ᬓᬂᬘᬭᬶᬢᬦᬾᬫᬗ᭄ᬓᬶᬦ᭄᭞ᬧ᭄ᬭᬪ᭄ᬯᬶᬂᬮᬾᬱᬦ᭄ᬧᬸᬭᬓᭀᬘᬧ᭄᭞ᬲᬫ᭄ᬧᬸᬦ᭄ᬓᬮᬶᬄᬯᬃᬱᬲ᭄ᬯᬾᬦᬾ᭞ᬫᬗᭂᬫ᭄ᬩᬦ᭄ᬭᬤᬾᬦ᭄ᬤᬾᬯ᭄ᬬ᭞ᬤ᭄ᬬᬄᬳᬬᬸᬕᬾᬭᭀᬂᬧᬸᬦᬶᬓ᭞ᬯᬶᬕᬸᬡᬲᬬᬦ᭄ᬮᬸᬮᬸᬢ᭄᭞ᬧ᭄ᬭᬶᬬᬦᬶ
ᬭᬲᬬᬦ᭄ᬧᬹᬃᬡ᭄ᬦ᭟᭒᭟ᬯ᭄ᬭᬸᬄᬭᬤᬾᬦ᭄ᬤᬾᬯᬶᬦᬾᬫᬗ᭄ᬓᬶᬦ᭄᭞ᬭᬶᬂᬕᬸᬡᬦᬾᬲᬵᬫ᭄ᬧᬸᬦ᭄ᬧᬸᬦᬄ᭞ᬤᬳᬢᬶᬂᬳᭀᬲᬄᬘᬶᬢ᭄ᬢᬦᬾ᭞ᬓᬤᬶᬳᬾᬤᬦ᭄ᬗᬯᬕ᭄ᬳᬯᬕ᭄᭞ᬫᬶᬚᬶᬮ᭄ᬫᬦᬳᬾᬘᬺᬩᬓ᭞ᬓᬧᬺᬕᭀᬮᬦᬾᬫᬗ᭄ᬮᬶᬧᬸᬢ᭄᭞ᬲᬃᬯ᭄ᬯᬶᬦᬕᬶᬄ
ᬢᬢᬥᬳᬦ᭄᭟᭓᭟ᬧᬶᬦ᭄ᬤᬂᬓᬸᬮᬸᬓ᭄ᬧᬶᬦ᭄ᬤᬂᬓᬸᬘᬶᬢ᭄᭞ᬗᬯᬶᬥᬶᬲᬤᬶᬦᬤᬶᬦ᭞ᬳᬦᬓᬦ᭄ᬥᬍᬫᬾᬧᬓᭀ᭞ᬓᬧᬹᬚᬶᬭᬶᬂᬤᬾᬯᬶᬦᬶᬭ᭞ᬩᬮᬫᬦ᭄ᬢ᭄ᬭᬶᬧᬥᬳᭀᬲᬄ᭞ᬫᬗ᭄ᬢᭀᬦ᭄ᬧᬸᬢ᭄ᬭᬶᬦᬶᬂᬭᬢᬸ᭞ᬫᭀᬫᭀᬦᬾᬳᬮᬄᬥ

[᭖᭗ 67A]
᭖᭗
ᬦᬸᬚ᭟᭔᭟ᬕᬾᬕᬾᬃᬯᬦᬶᬣᬦᬶᬂᬧᬸᬭᬶ᭞ᬧᬭᬳᬶᬜᬫᬶᬯᬄᬓ᭄ᬭᬡ᭄ᬥᬦ᭄᭞ᬢᬦ᭄ᬫᬭᬶᬗᬸᬘᬧᬂᬋᬓᭀ᭞ᬭᬶᬂᬧᬸᬢ᭄ᬭᬶᬦᬾᬮᬶᬦ᭄ᬢᬂᬮᭀᬪ᭞ᬫᭀᬫᭀᬤ᭄ᬭᭀᬯᬓᬲ᭄ᬢᬢ᭞ᬫᬦᬦ᭄ᬥᬓᬶᬦ᭄ᬧᬥᬓᬾᬯᬸᬄ᭞ᬓᬜ᭄ᬘᬦᬶᬂᬯ᭄ᬯᬂᬅᬦ᭄ᬢᬄᬧᬸᬭ᭟᭕᭟
ᬲᬫᬶᬕ᭄ᬢᬶᬂᬦᬭᬶᬂᬳᬢᬶ᭞ᬫᬗᭀᬚᬳᬂᬦᭀᬭᬜᬦ᭄ᬥᬂ᭞ᬢᬦ᭄ᬥᬸᬕᬶᬤᬶᬦᬶᬫᬦᭀᬗᭀᬲ᭄᭞ᬳᬲᬶᬂᬚ᭄ᬫᬓ᭄ᬧᬥᬍᬧᬲ᭄᭞ᬩ᭄ᬯᬶᬦ᭄ᬢᬸᬬᬸᬳᬾᬩᬸᬓᬫᬢ᭄ᬬᬂ᭞ᬦᬶᬗᭂᬄᬫᬸᬜᬶᬳᬯᬓ᭄ᬢᬸᬬᬸᬄ᭞ᬩ᭄ᬢᭂᬓ᭄ᬩᭂᬢᭂᬓ᭄ᬦᬶᬗᭂᬄᬧ᭄ᬢᬵ᭟᭖᭟ᬫᬓᬸᬫ᭄ᬧᬸᬮᬦ᭄
ᬯᬗᬶᬂᬧᬸᬭᬶ᭞ᬫᬫᬶᬧᬶᬢ᭄ᬭᬤᬾᬦ᭄ᬧᬸᬢ᭄ᬭᬶᬬ᭞ᬫᬗ᭄ᬤᬯᬾᬦ᭄ᬢᭂᬦ᭄ᬮᬦ᭄ᬢᬭᬦᬾ᭞ᬳᬤᬮᬾᬦ᭄ᬦᬕᬶᬄᬫᬫᬶᬗ᭄ᬕᬢ᭄᭞ᬲᬸᬯᬸᬤ᭄ᬫᬫᬜ᭄ᬚᬓᬶᬦ᭄ᬪᬸᬢ᭞ᬓᬤᬾᬬᬦ᭄ᬧᬕᬕ᭄‌ᬕ᭄ᬮᬶᬲ᭄ᬫᬲᬯᬸᬃ᭞ᬫᭂᬦ᭄ᬤᭂᬧ᭄ᬫᭂᬦ᭄ᬤᭂᬧ᭄‌ᬤᬵᬮ᭄ᬬᬸᬦᬦ᭄ᬧᭂᬢ᭟᭗᭟ᬤᬵᬲ
ᬗᭂᬢ᭄ᬗᭂᬤᬸᬫᬶᬦ᭄ᬯᬶᬥᬷ᭞ᬫᬫᬶᬮᬶᬄᬕ᭄ᬦᬄᬫᬫᬜ᭄ᬚᬓ᭄᭞ᬯ᭄ᬬᬤᬶᬦ᭄ᬤᬶᬚᬓᭀᬫᬳᭂᬗ᭄ᬕᭀᬦ᭄᭞ᬢᬸᬤᬸᬄᬳᬯᬓᬾᬫᬜᬤ᭄ᬫ᭞ᬤᬾᬦᬶᬂᬭᬕᬦᬫ᭄ᬧᬶᬤᬸᬫᬦ᭄᭞ᬓᬢᬶᬢᬄᬭᬶᬂᬦᬾᬤᬶᬤᬸᬳᬸᬃ᭞ᬓᬧᬱ᭄ᬝᬶᬭᬶᬂᬳ᭄ᬬᬂᬯᬶᬰᬾᬱᬵ᭟᭘᭟ [ 68 ][᭖᭗ 67B]
᭖᭗
ᬲᬤᬸᬭᬸᬗᬾᬳᬶᬤᬳᬸᬦᬶᬂ᭞ᬳᬶᬤᬲᬦᬾᬜᬢ᭄ᬭᬶᬧ᭄ᬭᬕᬢ᭄᭞ᬳᬮᬳᬮᬶᬸᬬᬸᬦᬶᬂᬧᬢᭂᬫᭀᬦ᭄᭞ᬫᬦᭂᬫ᭄ᬯᬂᬲᬸᬓᬵᬤᬸᬓ᭞ᬧᬵᬢᬹᬢ᭄ᬭᬕᬦᬾᬦᬳᬦᬂ᭞ᬫᬭᬶᬂᬧᬥᬕᬧᬄᬕᬸᬧᬸᬄ᭞ᬫᬫ᭄ᬯᬢᬂᬫᬗᬮᬶᬄᬤᬳᬃ᭟᭙᭟ᬳᬕᬸᬂᬳᬮᬶᬢ᭄ᬫᬓ
ᬲᬫᬶ᭞ᬤᬸᬫᬤᬶᬫᬗᬮᬶᬄᬤᬳᬃ᭞ᬲᬜ᭄ᬚᬢᬦᬾᬤᬤ᭄ᬯᬳᬫᭀᬂ᭞ᬦᬾᬫᬵᬤᬦ᭄ᬫᬡᬷᬓ᭄ᬱᬓ᭄ᬘᬧ᭄᭞ᬮᬯᬦ᭄ᬫᬡᬶᬓ᭄‌ᬳᬲ᭄ᬢᬕᬶᬦ᭞ᬘᬗ᭄ᬓᭂᬫᬾᬧ᭄ᬢᬬᬂᬫᬮᬸ᭞ᬕᬸᬡᬦ᭄ᬧᬘᬸᬮᬾᬢᬫᬶᬬᬂ᭟᭑᭐᭟ᬧᬸᬦ᭄ᬧᬕᬾᬕ᭄‌ᬓ᭄ᬜᭂᬫ᭄ᬦᬸᬮᬸᬭᬶᬦ᭄᭞ᬫᬓ᭄ᬚᬶ
ᬢ᭄ᬲᬫ᭄ᬩᬶᬮ᭄ᬫᬧᭀᬮᬄ᭞ᬲᬚᬵᬩᬬᬦ᭄‌ᬩᬸᬓᬓᬾᬢᭀ᭞ᬲᭀᬮᬄᬩ᭄ᬮᬶᬦᬾᬢᬸᬳᬸᬢᬂ᭞ᬗᬸᬮᬄᬩ᭄ᬢᭂᬓ᭄ᬩᬲᬂᬤ᭄ᬯᬂ᭞ᬳᭂᬤᬩ᭄ᬜᬧᬢᬶᬓᬶᬫᬸᬤ᭄᭞ᬳᭂᬜᬾᬦ᭄ᬳᬦᬓᬾᬓᬤᭀᬯᬂ᭟᭑᭑᭟ᬳ᭄ᬤᬵᬳᭀᬩᬄᬳ᭄ᬤᬕᬸᬜ᭄ᬚᬶᬄ᭞ᬫᬫᬜ᭄ᬚᬓ᭄ᬭᬶᬂᬲᬂᬦᬵ
ᬣ᭞ᬲᭀᬓ᭄ᬤᬵᬫᬓᭂᬦ᭄ᬢᬳᬯᬓᬾ᭞ᬤ᭄ᬯᬦᬶᬂᬓᬸᬧᬶᬂᬢ᭄ᬯᬭᬗᬫᬄ᭞ᬫᬲᬶᬄᬩᬲᬗᬾᬩ᭄ᬢᭂᬓᬂ᭞ᬤᬢᬤᬢᬩᬬᬦ᭄ᬕᬸᬕᬸ᭞ᬳ᭄ᬤᬵᬫᬗ᭄ᬭᬸᬗᬸᬧ᭄ᬢᬓᬲᬃ᭟᭑᭒᭟ᬤᬬᬦ᭄ᬩᭂᬮᬶᬢᬶᬭᬸᬚᬦᬶ᭞ᬧᬲ᭄ᬫᭂᬗᬶᬦ᭄ᬩᬗᬸᬦ᭄‌ᬜᬓᬦ᭄᭞ᬇᬗᭂᬢᬂᬢᬸ

[᭖᭘ 68A]
᭖᭘
ᬢᬸᬭᬾᬓᬾᬢᭀ᭞ᬳᬧᬂᬤᬵᬩᬲᬗᬾᬮᬬᬄ᭞ᬲᬥ᭄ᬬᬬᬂᬓᬾᬢᭀᬫᬫᬜ᭄ᬚᬓ᭄᭞ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᭂᬢᬸ᭞ᬫᬗᬦ᭄ᬤᬶᬓᬲᬤᬩᬗ᭄ᬕ᭄ᬭᬲ᭄᭟᭑᭓᭟ᬧᬕᬕ᭄ᬧᬕᬾᬕ᭄ᬩᬬᬦ᭄ᬲᬗᬶᬢ᭄᭞ᬤ᭄ᬲᭂᬓ᭄ᬦᬶᬭᬚ᭄ᬯᬳᬾᬗ᭄ᬕᬮᬂ᭞ᬗᬶᬦ᭄ᬢᬾᬗᭂᬫ᭄ᬩᬦ᭄
ᬕ᭄ᬮᬶᬲ᭄ᬜᬮᬾᬫ᭄ᬧᭀᬄ᭞ᬳᬶᬧᬕᬾᬕ᭄‌ᬜ᭄ᬭᬾᬕ᭄ᬲᬾᬕ᭄ᬗᬶᬫᬗᬂ᭞ᬲᬶᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄‌ᬢ᭄ᬭᬕ᭄ᬬᬭᬢᬸ᭞ᬫᬶᬦ᭄ᬤᬂᬓᬸᬮᬸᬓ᭄‌ᬯᬸᬲ᭄ᬳᬸᬫᬤᬂ᭟᭑᭔᭟ᬤ᭄ᬬᬄᬕᬾᬭᭀᬂᬫᬩᬶᬲᬶᬓ᭄‌ᬩᬶᬲᬶᬓ᭄᭞ᬧᬕᬕ᭄ᬧᬕᬾᬕ᭄
ᬢᬸᬮᬸᬂᬦᬶᬭ᭞ᬮ᭄ᬯᬲ᭄ᬚᬦᬶᬓᬤᬾᬰᬩᭂᬦ᭄ᬤᬾ᭞ᬤᬶᬢᬸᬦᬶᬭᬳᬮ᭄ᬬᬂᬕᬸᬡ᭞ᬦᬾᬫᬵᬤᬦ᭄ᬳᬶᬢᬗ᭄ᬓᭂᬩ᭄ᬚᬕᬢ᭄᭞ᬦᬾᬦᬾᬫᬳᬸᬦ᭄ᬢᬮ᭄ᬫᬳᬶᬦᬸᬫ᭄᭞ᬳᬶᬕᬸᬭᬸᬦ᭄ᬫᭀᬤᬂᬯᬱ᭄ᬝᬦ᭄ᬜᬵ᭟᭑᭕᭟ᬦᬶᬭᬳᬲᬸᬂᬲᬢᬸᬲ᭄ᬭᬶᬗ᭄ᬕᬶᬢ᭄᭞ᬳᬗ᭄ᬕᭀᬦ᭄ᬦᬸᬓᬸᬭᬶᬂᬳᬶᬩ
ᬮ᭄ᬬᬦ᭄᭞ᬓᬭᬶᬦ᭄ᬜᬦᬾᬇᬩᬜ᭄ᬯᬂ᭞ᬳᬗ᭄ᬕᭀᬦ᭄ᬲᬗᬸᬫᬭᬶᬂᬚᬮᬦ᭄᭞ᬬᬦ᭄ᬢᭀᬦ᭄ᬤᬾᬦ᭄ᬳᬶᬩᬫᬩᬳᬦ᭄᭞ᬳᬚᬢᬸᬮᬓ᭄ᬭᬶᬂᬧᬶᬢᬸᬤᬸᬄ᭞ᬤ᭄ᬬᬲ᭄ᬢᬸᬓᬾᬧᬘᬂᬫᬶᬦᭂᬧᬦ᭄᭟᭑᭖᭟ᬳᬶᬧᬋᬓᬦ᭄‌ᬢ᭄ᬮᬲ᭄ᬫᬗᬶᬭᬶᬂ᭞ᬫᬦᬸᬦ [ 69 ][᭖᭘ 68B]
᭖᭘
ᬲ᭄ᬮᬦ᭄ᬢᬲ᭄ᬫᬚᬮᬦ᭄᭞ᬢᬸᬃᬲᬵᬫ᭄ᬧᬸᬦ᭄ᬫᬫᬶᬦ᭄ᬤᬄᬋᬓᭀ᭞ᬢᬦᬸᬘᬧᬦ᭄ᬫᬭᬶᬂᬫᬃᬕ᭄ᬕ᭞ᬮᬶᬦ᭄ᬢᬂᬤᬹᬭᬭᬶᬂᬦᬵᬕᬭ᭞ᬧᬸᬦ᭄ᬧᬕᬾᬕ᭄ᬓᭂᬤᬾᬓ᭄ᬫᬗ᭄ᬭᬸᬓ᭄ᬕᬸᬓ᭄᭞ᬳᬸᬤᬸᬄᬩ᭄ᬮᬶᬳᬶᬘᬂᬳᬦ᭄ᬢᭀᬲᬂ᭟᭑᭗᭟ᬚᬮᬦ᭄‌‌ᬫ᭄ᬭᬾᬭᬾᬦ᭄ᬩᭂᬮᬶᬤᬶᬦᬶ᭞ᬲᬫ᭄ᬩᬶᬮ᭄
‌ᬗᬺᬫ᭄ᬩᬸᬕ᭄ᬧᬳᬶᬢᬸᬗᬦ᭄᭞ᬳᬶᬧᬕᬕ᭄ᬫᬗᬸᬘᬧ᭄ᬳᬮᭀᬦ᭄᭞ᬦᬄᬳᬾᬗ᭄ᬕᬮᬶᬦ᭄ᬳᬤᬶᬧ᭄ᬢᬬᬂ᭞ᬳᬸᬮᬢ᭄ᬕᬢᬶᬲᬫᬶᬭᬡ᭞ᬲᬹᬃᬬ᭄ᬬᬦᬾᬳᬧᬂᬤᬵᬲᬸᬭᬸᬧ᭄᭞ᬳᬧᬂᬲᬶᬥᬦᬾᬩ᭄ᬯᬢᬂ᭟᭑᭘᭟ᬦᬬᬦ᭄ᬳᬶᬘᬂᬦᬦᬾᬚᬦᬶ᭞ᬚᬮᬦ᭄ᬩᭂᬮᬶᬫᬢᬸᬄ
ᬥᬬ᭞ᬩ᭄ᬯᬢ᭄ᬳᬧᬗᬮᬶᬄᬕᬸᬡᬦᬾ᭞ᬫ᭄ᬮᬄᬧᬶᬧᬶᬲᬾᬢᭀᬧ᭄ᬬᬓᬂ᭞ᬧᬥᬜᬾᬓᭂᬢ᭄ᬥᬸᬫ᭄‌‌ᬧᬢᬶᬲᬂ᭞ᬫ᭄ᬮᬶᬧᬵᬗᬗ᭄ᬕᭀᬮᬸᬯᬸᬂᬮᬸᬯᬸᬂ᭞ᬚᬮᬦ᭄‌‌ᬮ᭄ᬯᬲ᭄ᬫᬲ᭄ᬦᭂᬂᬲ᭄ᬦᭂᬂ᭟᭑᭙᭟ᬚᬮᬦ᭄ᬢᬸᬩᬳᬩᬫᬸᬮᬶᬄ᭞ᬳᭂᬦ᭄ᬢᭀᬳᭀᬭᬳᬂᬕᬸᬡᬫ᭄ᬮᬄ
᭞ᬤᬾᬦᬶᬂᬕᬸᬲ᭄ᬢᬶᬮᬶᬦ᭄ᬢᬂᬫᭀᬫᭀ᭞ᬩ᭄ᬯᬶᬦ᭄ᬤᬸᬮᬸᬭᬶᬦ᭄ᬩᬵᬦ᭄‌‌ᬧ᭄ᬯᬢ᭞ᬳᬧᬂᬩ᭄ᬜᬧᬬᬸᬓᭀᬭᬩ᭄᭞ᬳᬸᬤᬸᬄᬳᬤᬶᬦᭀᬭᬧᬢᬹᬢ᭄᭞ᬤ᭄ᬭᬸᬯᬓᬭᬶᬂᬧᬦᭂᬫ᭄ᬩᬳᬦ᭄᭟᭒᭐᭟ᬢᬦᬶᬫ᭄ᬦᬂᬓᬾᬢᭀᬳᬤᬶ᭞ᬩᬦᬶᬫᬭᬶᬂᬲᬲᬸᬳᬸ

[᭖᭙ 69A]
᭖᭙
ᬦᬦ᭄᭞ᬢᬸᬮᬄᬳᬶᬤᬸᬧ᭄‌‌ᬓᭀᬚᬭᬦᬾ᭞ᬳᬭᬶᬦ᭄ᬜᬦᬾᬫᬮᬶᬄᬦᬶᬫ᭄ᬩᬮ᭄᭞ᬬᬦ᭄ᬧᬵᬢᬹᬢᬾᬩ᭄ᬮᬶᬳᬋᬧᬂ᭞ᬢᬦᬸᬭᬸᬗᬦ᭄ᬓᭂᬦ᭄ᬢᬧᬵᬢᬹᬢ᭄᭞ᬮᬘᬸᬃᬬᬾᬦ᭄‌‌ᬚ᭄ᬫᭂᬢ᭄ᬳᭀᬬᭀᬗᬂ᭟᭒᭑᭟ᬧᬶᬦᭂᬄᬚᬦᬶᬳᬧᬂᬧᬱ᭄ᬝᬶ᭞ᬬᬾᬦ᭄ᬲᬂᬧ᭄ᬭᬪᬸ
ᬲᬵᬫ᭄ᬧᬸᬦ᭄ᬲᬶᬦᬄ᭞ᬓᬮᬶᬧᬸᬢ᭄ᬭᬶᬂᬕᬸᬡᬦ᭄ᬜᬦᬾ᭞ᬳᬶᬕᬮᬸᬄᬕᬾᬭᭀᬂᬧᬸᬦᬶᬓ᭞ᬮᬮᬶᬭᬶᬂᬭᬩᬶᬤᬶᬢᬫᬦ᭄᭞ᬓᬢᬸᬗ᭄ᬓᬸᬮ᭄ᬗᭂᬫ᭄ᬩᬦ᭄‌‌ᬳᬶᬮᬶᬫ᭄ᬩᬸᬃ᭞ᬚᬕᬢᬾᬧᬥᬤᬸᬄᬓᬶᬢ᭟᭒᭒᭟ᬯ᭄ᬯᬗᬶᬂᬧᬸᬭᬶᬫᬓᬲᬫᬶ᭞ᬫᬩᬸᬥᬶᬧᬘᬂᬫᬢᬶ
ᬗ᭄ᬕᬮ᭄᭞ᬤᬾᬦᬶᬂᬓᬮᬶᬦ᭄ᬢᬂᬯᬦᭂᬳᬾ᭞ᬲᬸᬫᬲᬢ᭄ᬜᬸᬂᬲᬸᬂᬤᬦᬸᬚ᭞ᬫᭀᬳᬘᬶᬢ᭄ᬢᬲᬃᬯ᭄ᬯᬪᬓ᭄ᬱ᭞ᬳᬶᬦᬩ᭄‌‌ᬩ᭄ᬮᬶᬢ᭄ᬯᬭᬮᬶᬗᬹ᭞ᬫᬾᬄᬩ᭄ᬮᬶᬓᬢᬸᬮᬭᬦ᭄ᬕᬸᬡ᭄ᬦ᭟᭒᭓᭟ᬤᬸᬓᬧᬦ᭄ᬦᬭᬳᬲᬶᬓᬶ᭞ᬗᬲᭀᬭᬂᬦᬭᬲᬚᬕᬢ᭄᭞
ᬳᭂᬦ᭄ᬢᭀᬮᬸᬄᬮᬶᬦ᭄ᬢᬂᬘ᭄ᬫᭂᬭᬾ᭞ᬜᬸᬭᬸᬤᬂᬧᬫᬹᬓ᭄ᬢᬾᬦ᭄‌‌ᬭᬚ᭞ᬢ᭄ᬯᬄᬫᬹᬮᬤᬶᬮᬾᬱᬦ᭄ᬧᬸᬭ᭞ᬳᬭᬹᬫ᭄ᬚᬕᬢᬾᬫᬗ᭄ᬮᬶᬧᬸᬢ᭄᭞ᬦᬾᬚᬦᬶᬩᭂᬗᬸᬦᬾᬦᬶᬫ᭄ᬩᬮ᭄᭟᭒᭔᭟ᬬᬦ᭄ᬢᭀᬂᬩᬶᬱᬳᬶᬘᬂᬮᬦ᭄‌‌ᬩ᭄ᬮᬶ᭞ᬫᬓᬃ [ 70 ][᭖᭙ 69B]
᭖᭙
ᬤ᭄ᬥᬶᬦᬶᬦ᭄ᬲᬦᬾᬭᬸᬲᬓ᭄᭞ᬓᬧ᭄ᬬᬵᬦ᭄ᬤᭂᬮ᭄‌‌ᬢ᭄ᬯᬄᬳᬯᬓᬾ᭞ᬤᬤᬶᬧᬦ᭄ᬯᬤᬶᬚ᭄ᬭᭀᬧᬸᬭ᭞ᬫᬗᭂᬫ᭄ᬧᬸᬳᬶᬤᬲᬂᬦᬵᬣ᭞ᬚᬮᬦ᭄ᬧᬶᬦᭂᬄᬳᬧᬂᬢᬸᬳᬸ᭞ᬫᬳᬸᬓᬾᬫᬨᬮᬯᬶᬃᬬ᭄ᬬ᭟᭒᭕᭟ᬳᬶᬧᬕᬕ᭄‌‌ᬘ᭄ᬗᬕ᭄ᬦᬾᬚᬦᬶ᭞ᬫᬶᬦᭂᬄᬧᬓᬾ
ᬮᬶᬂᬳᬤᬶᬦ᭄ᬜᬵ᭞ᬳᬳᬄᬲᬚᬩᬸᬓᬓᬾᬢᭀ᭞ᬫᬭᬩ᭄ᬮᬶᬗ᭄ᬤᬢ᭄ᬳᬲᬶᬩᬓ᭄᭞ᬬᬦ᭄ᬤᬵᬳᬤᬶᬫᬗᭀᬚᬳᬂ᭞ᬓᬓᬫᬹᬥᬫᬦᬄᬮᬸᬘᬸ᭞ᬓᬸᬤᬸᬳᬦ᭄ᬭᬶᬂᬩ᭄ᬢᭂᬓ᭄‌‌ᬩᬲᬂ᭟᭒᭖᭟ᬧᬵᬢᬹᬢ᭄ᬓᬤᬶᬫᬸᬜᬶᬦ᭄ᬳᬤᬶ᭞ᬚᬮᬦ᭄ᬗᬮᬶᬄᬢᬸᬩ
ᬦᬾᬫ᭄ᬮᬄ᭞ᬳᬧᬂᬤᬵᬲᬫ᭄ᬧᬾᬧᬶᬦ᭄ᬤᭀ᭞ᬲᬧᬶᬲᬦ᭄ᬳᬧᬂᬜᬶᬥᬬᬂ᭞ᬧᬸᬦ᭄ᬧᬕᬾᬕ᭄ᬭᬭᬶᬲ᭄ᬫᬗᬸᬘᬧ᭄᭞ᬳᬚᬶᬤᬰᬦᬸᬫ᭄ᬩᬲ᭄‌‌ᬤᬶᬢᬸ᭞ᬘ᭄ᬢᬶᬓᬾᬳᬶᬍᬩᬸᬃᬚᬕᬢ᭄᭟᭒᭗᭟ᬲᬂᬓᬮᬶᬄᬭᬭᬶᬲ᭄ᬫᬫᬃᬕᬶ᭞ᬲᬸᬭᬸᬧ᭄ᬲᬹᬃᬬ᭄ᬬᬦᬸᬮ᭄ᬬᬧ᭄ᬭᬧ᭄ᬢᬵ᭞ᬳ
ᬦᬭᬶᬂᬦᬵᬕᬭᬩᭂᬦ᭄ᬤᬾ᭞ᬫᭀᬮᬶᬳᬶᬂᬲᬶᬦᬥ᭄ᬬᬦ᭄ᬓᭀᬘᬧ᭄᭞ᬦᬫ᭄ᬧᬶᬲ᭄ᬫᭂᬂᬓᬯᬸᬯᬸᬲᬦ᭄᭞ᬩᬸᬤᬮ᭄ᬲᬓᬶᬂᬚᬕᬢ᭄‌‌ᬤᬶᬢᬸ᭞ᬢᬦ᭄ᬓᭀᬘᬧᬦ᭄ᬫᬭᬶᬂᬚᬮᬦ᭄᭟᭒᭘᭟ᬭᬯᬸᬄᬫᬭᬶᬂᬚ᭄ᬭᭀᬧᬸᬭᬶ᭞ᬧᬕᬕ᭄ᬧᬕᬾᬕ᭄‌‌ᬕ᭄ᬮᬶᬲ᭄ᬗᬢᬹᬭᬂ

[᭗᭐ 70A]
᭗᭐
ᬓᬢ᭄ᬭᬶᬫᬭᬶᬂᬤᬾᬯᬶᬕᬾᬭᭀᬂ᭞ᬲᬚᬓᬾᬕᬸᬡᬉᬢ᭄ᬢᬫ᭞ᬳᬚᬶᬓᬸᬤᬳᬶᬩᬧᬕᬕ᭄᭞ᬩᬓᬢ᭄ᬩᭂᬮᬶᬕᬸᬡᬦᬾᬤᬶᬢᬸ᭞ᬳᬶᬧᬕᬕ᭄‌‌ᬕ᭄ᬮᬶᬲ᭄ᬗᬢᬹᬭᬂ᭟᭒᭙᭟ᬳᬚᬶᬲ᭄ᬬᬤᬰᬧᬂᬓᬶᬢᬶᬂ᭞ᬳᬧᬂᬢᬶᬢ᭄ᬬᬂᬲᬭᬧ᭄ᬫᬘᬦ᭄᭞ᬫᬮᬶᬄᬳᬧᬂ
ᬢᬶᬢ᭄ᬬᬂᬕᭀᬦ᭄ᬤᭀᬂ᭞ᬮᬫᬸᬦ᭄ᬭᬢᬸᬢᬦ᭄ᬧᬗᭂᬕᬵ᭞ᬭᬤᬾᬦ᭄ᬤᬾᬯᬶᬭᬭᬶᬲ᭄ᬗᬸᬦ᭄ᬢᬮ᭄᭞ᬧᬕᬕ᭄ᬧᬕᬾᬕ᭄ᬧᭂᬲᬸᬗᬗ᭄ᬕᬸᬃ᭞ᬜᬭᬸᬜᬭᬸᬢ᭄ᬭᬸᬲ᭄ᬓᬧᬲᬃ᭟᭓᭐᭟ᬤ᭄ᬬᬄᬕᬾᬭᭀᬂᬯ᭄ᬢᭂᬗᬾᬲᬓᬶᬢ᭄᭞ᬳᬤᬸᬄᬳᬤᬸᬄᬫᬫᬸᬮᬶᬲᬄ᭞ᬓ᭄ᬩᬸᬲ᭄ᬜᬦᬾᬩᬸᬓ
ᬩᭀᬃᬩᭀᬃ᭞ᬲᬫ᭄ᬧᬾᬯ᭄ᬗᬶᬓᬯᬸᬯᬸᬲᬦ᭄᭞ᬗ᭄ᬯᬗ᭄ᬲᬸᬮᬂᬭᬄᬢᬦ᭄ᬧᬸᬢᬸᬲᬦ᭄᭞ᬢᬸᬮᬸᬂᬢᬶᬢ᭄ᬬᬂᬤᬸᬄᬩ᭄ᬮᬶᬩᬕᬸᬲ᭄᭞ᬢᬦᬸᬭᬸᬗᬦ᭄ᬢᬶᬢ᭄ᬬᬂᬧ᭄ᬚᬄ᭟᭓᭑᭟ᬧᬕ᭄ᬭᬸᬤᬸᬕ᭄‌‌ᬢ᭄ᬓᬦᬸᬮᬸᬗᬶᬦ᭄᭞ᬓᬸᬤᬂᬩᬮ᭄ᬬᬦ᭄ᬫᬶᬯᬄᬢᬫ᭄ᬩᬵ᭞ᬫᬢᬸᬮᬸᬂ
ᬲᬫᬶᬓᬚ᭄ᬭᭀ᭞ᬉᬱᬤ᭄ᬥᬦᬾᬲᬫᬶᬳᬮᬄ᭞ᬢᬫ᭄ᬩᬢᭀᬂᬳᬤᬕᬸᬡᬦ᭞ᬫᬦᬫ᭄ᬧᬶᬤᬲ᭄ᬮᭂᬫᬄᬲᬵᬫ᭄ᬧᬸᬦ᭄᭞ᬕᬮᬸᬄᬕᬾᬭᭀᬂᬭᬭᬶᬲ᭄ᬧ᭄ᬚᬄ᭟᭓᭒᭟ᬧᬚ᭄ᬭᬶᬢ᭄ᬢᬗᬶᬲᬾᬭᬶᬂᬧᬸᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬫᬸᬮᬶᬲᬄ᭞ᬧᬕᬕ᭄ᬧᬕᬾᬕ᭄ [ 71 ][᭗᭐ 70B]
᭗᭐
ᬤᭀᬳᭀᬤᭀᬳᭀ᭞ᬤᬾᬯᬦ᭄ᬢᬶᬢ᭄ᬬᬂᬲᬲᬸᬳᬸᬦᬦ᭄᭞ᬮᬮᬶᬲ᭄ᬳᬶᬤᬾᬯᬫᬢᬶᬗ᭄ᬕᬮ᭄᭞ᬤᬶᬚᬳᬮᬶᬄᬢᬶᬢ᭄ᬬᬂᬭᬢᬸ᭞ᬫᬓᬢᬸᬫ᭄ᬩᬮᬶᬂᬓᬥᬢ᭄ᬯᬦ᭄᭟᭓᭓᭟ᬚᬵᬢᬶᬢ᭄ᬯᬄᬫᬭᬹᬧᬲ᭄ᬥᬶᬄ᭞ᬦᭀᬭᬢᬸᬳᬸᬢ᭄ᬓᬦᬶᬂᬢ᭄ᬯᬲ᭄᭞ᬦᬸᬫᬤᬓᬂᬭᬶᬂᬳᬢᬶ
ᬦᬾ᭞ᬤᬾᬦᬶᬂᬯᬤᬶᬳᬾᬓᬮᬶᬦ᭄ᬢᬂ᭞ᬧ᭄ᬭᬫᬶᬰ᭄ᬯᬬ᭄ᬬᬭᬭᬶᬲ᭄ᬧ᭄ᬭᬧ᭄ᬢᬵ᭞ᬳᬶᬩᬸᬳᬚᬶᬭ᭄ᬬᬵᬯᬸᬦᬵᬯᬸᬦ᭄᭞ᬦᬸᬮᬫᬾᬫᬲᬲᬫ᭄ᬩᬢᬦ᭄᭟᭓᭔᭟ᬦᭀᬭᬦᬲ᭄ᬯᬾᬓᬦᬂᬓᬶᬗ᭄ᬓᬶᬂ᭞ᬲᬫᬶᬫᬳᬯᬦᬦ᭄ᬧ᭄ᬚᬄ᭞ᬳᬶᬤᬸᬧᬾᬫᬧᬸᬧᬸᬮᬺᬓᭀ᭞ᬢ᭄ᬯᬄᬫᬸᬮᬶᬄ
ᬫᬭᬶᬂᬧᬮᬢ᭄ᬭ᭞ᬯᬸᬲ᭄ᬧᬸᬢᬸᬲ᭄ᬳᬶᬓᬦᬂᬤᬸᬄᬓ᭞ᬳᬕ᭄ᬮᬶᬲ᭄‌‌ᬓᬹᬧᬓᬵᬭᬲᬵᬫ᭄ᬧᬸᬦ᭄᭞ᬓᬪᬱ᭄ᬫᬶᬇᬓᬦᬂᬰᬯ᭟᭓᭕᭟ᬢᭂᬢᭂᬧ᭄‌‌ᬮ᭄ᬯᬶᬃᬢᬢᬦᬵᬃᬧᬢᬶ᭞ᬧᬸᬢᬸᬲ᭄ᬳᬤᬶᬦᬓᬦᬂᬓᬃᬬ᭄ᬬ᭞ᬩᬳᬸᬥᬡ᭄ᬥᬮᬦ᭄ᬩᬮᬦᬾ᭞ᬫᬲᬸᬮᬸᬂᬲᬸᬮᬸᬂᬥ
ᬢᭂᬗ᭞ᬮᬦᬂᬇᬲ᭄ᬢ᭄ᬭᬶᬢᬦ᭄ᬧ᭄ᬕᬢᬦ᭄᭞ᬰᬯᬦᬾᬓᬢᬸᬦᭀᬦ᭄ᬲᬵᬫ᭄ᬧᬸᬦ᭄᭞ᬮᬬᭀᬦ᭄‌‌ᬮ᭄ᬯᬶᬃᬫᬦᬶᬲᬶᬂᬧ᭄ᬮᬯ᭟᭜᭟ᬧᬸᬧᬸᬄᬥᬂᬥᬂ᭚᭑᭟ᬕ᭄ᬮᬶᬲᬂᬘᬭᬶᬢᬓᭀᬘᬧ᭄ᬦᬦᬾᬫᬗ᭄ᬓᬶᬦ᭄᭞ᬘᬶᬦᬭᬶᬢ᭞ᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬢᬦ᭄ᬫᬭᬶᬫ

[᭗᭑ 71A]
᭗᭑
ᬗᬧᬾᬳᬧᬾ᭞ᬮᬶᬦ᭄ᬢᬂᬲ᭄ᬤᬶᬳᬾᬳᬸᬮᬗᬸᬦ᭄᭞ᬢᬦ᭄ᬧᬦᬶᬤᬺᬲ᭄ᬬᬂᬭᬢ᭄ᬭᬶ᭞ᬮ᭄ᬯᬶᬃᬳᬢᬸᬭᬹᬢᬸᬭᬹᬳᬬᬫ᭄᭞ᬳᬗ᭄ᬕᬲᬫ᭄ᬧᬾᬓᬸᬭᬸ᭞ᬮᬶᬦ᭄ᬢᬂᬓᬾᬯᬸᬄᬧ᭄ᬭᬫᬶᬰ᭄ᬯᬃᬬ᭄ᬬ᭞ᬫᬫᬯᭀᬲᬶᬦ᭄᭞ᬦᬭᬾᬦ᭄ᬤ᭄ᬭᬲᬸᬢᬫᬓᬶᬂᬓᬶᬂ᭞ᬦᬸᬮ᭄ᬬᬳᬶᬤᬫᬗᬦ᭄ᬤᬶᬓ᭟
᭒᭟ᬧᬕᬕ᭄ᬧᬕᬾᬕ᭄ᬲᬶᬭᬦᬦᬾᬚᬦᬶ᭞ᬳᬶᬭᬶᬗᬂᬳᬶᬤᬳᬦᬭᬶᬂᬢᬫᬦ᭄᭞ᬫᬗ᭄ᬤᬮᬶᬮᬲ᭄ᬯᬘᬶᬢ᭄ᬢᬦᬾ᭞ᬤᬸᬫᬤᬓ᭄ᬳᬕ᭄ᬮᬶᬲ᭄‌ᬮᬶᬧᬸᬃ᭞ᬓᬶᬗ᭄ᬓᬶᬗᬾᬭᬶᬂᬭᬵᬤᬾᬦ᭄ᬤᬾᬯᬶ᭞ᬳᬶᬩᬢ᭄ᬯᬄᬲ᭄ᬭᬳᬶᬦ᭄ᬦᬶᬭ᭞ᬗᭂᬫ᭄ᬩᬦ᭄ᬦᬦᬓ᭄ᬩᬕᬸᬲ᭄᭞ᬲ᭄ᬮᬯᬲᬾ
ᬦᭀᬭᬧᬹᬃᬡ᭄ᬦᬵ᭞ᬳᬧᬂᬬᬢ᭄ᬦ᭞ᬧᬕᬕ᭄ᬧᬕᬾᬕ᭄ᬤᬶᬢᬸᬗ᭄ᬫᬶᬢ᭄᭞ᬓᬤᬾᬬᬦ᭄ᬭᬭᬶᬲ᭄‌‌ᬜᬸᬯᬸᬦᬂ᭟᭓᭟ᬕ᭄ᬮᬶᬲ᭄ᬫᬗ᭄ᬭᬜ᭄ᬚᬶᬂᬧᬋᬓᬦ᭄ᬓᬮᬶᬄ᭞ᬫᬭᬶᬂᬧᬢᬸᬭᭀᬦ᭄‌‌ᬦᬺᬧᬢᬶᬧᬸᬢ᭄ᬭ᭞ᬲ᭄ᬤᭂᬓ᭄ᬳᬶᬤᬫᬦᬸᬮᬫᬾ᭞ᬧᬋᬓᬦ᭄ᬫᬵᬢᬹᬃᬳᬮᬸᬲ᭄‌‌ᬲᬶᬗ᭄ᬕᬶᬄ
ᬭᬢᬸᬲᬂᬲᬶᬦᬶᬯᬶ᭞ᬤᬸᬭᬸᬲ᭄ᬮᬶᬮᬬᬂᬤᬾᬯ᭞ᬳᬾᬮᬶᬗᬂᬚ᭄ᬯᬭᬢᬸ᭞ᬓᬚᬶᬃᬡ᭄ᬦᬦᬾᬲᬓᬶᬂᬓᬸᬦ᭞ᬫᬗᭂᬫ᭄ᬩᬦ᭄ᬭᬩᬶᬓᬮᬶᬦ᭄ᬢᬂᬍᬯᬶᬄ᭞ᬇᬭᬶᬓᬭᬶᬂᬉᬤ᭄ᬬᬦ᭟᭔᭟ᬤ᭄ᬯᬦᬶᬂᬓᬮᬶᬧᬸᬢ᭄ᬭᬢᬸᬦᭀᬭᬫᬾᬮᬶᬂ᭞ᬫᬭᬶᬂᬭᬩᬶᬳᬦᬭᬶᬂᬉ [ 72 ][᭗᭑ 71B]
᭗᭑
ᬤ᭄ᬬᬦ᭞ᬓᬸᬤᬂᬰᬰᬶᬄᬲᬵᬫ᭄ᬧᬸᬦ᭄ᬲ᭄ᬯᬾᬦᬾ᭞ᬳᬦ᭄ᬢᬸᬓ᭄ᬧᬢᬶᬗ᭄ᬕᬮ᭄ᬳᬶᬭᬢᬸ᭞ᬭᬶᬂᬤ᭄ᬬᬄᬉᬤ᭄ᬬᬵᬢ᭄ᬫᬶᬓᬗᬹᬦᬶ᭞ᬗᬸᬤᬭᬢᬸᬓᬮᬶᬦ᭄ᬢᬂ᭞ᬫᬗᬸᬮᬸᬭᬶᬦ᭄ᬗᬸᬦ᭄ᬗᬸᬦ᭄᭞ᬫᬭᬶᬂᬭᬩᬶᬲᬵᬫ᭄ᬧᬸᬦ᭄ᬮᬷᬡ᭞ᬳᬮᬄᬓ᭄ᬭᬜ᭄ᬚᬂᬢᬶᬢ᭄ᬬᬂᬗ᭄ᬢᭀᬦ᭄ᬮᬶᬦ᭄ᬢᬂᬕᭂᬢᬶᬂ᭞ᬧᬸᬢ᭄ᬭᬶᬦ᭄ᬭᬢᬸ
ᬮ᭄ᬯᬶᬃᬢᬸᬫ᭄ᬩᬮ᭄᭟᭕᭟ᬫᬗ᭄ᬓᬯᬸᬯᬸᬲᬾᬓᬤ᭄ᬬᬦ᭄ᬓᬓᬮᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬬ᭞ᬫᬮᬸᬗ᭄ᬕᬸᬳᬤᬩ᭄ᬤᬩ᭄᭞ᬯᬳᬸᬫᬾᬮᬶᬂᬭᬶᬂᬭᬩᬶᬦᬾ᭞ᬗᬦ᭄ᬤᬶᬓᬫᬦᬶᬲ᭄ᬳᬭᬹᬫ᭄᭞ᬳᬸᬤᬸᬄᬓᬓᬳᬢᭂᬄᬚᬦᬶ᭞ᬦᬶᬭᬧᬘᬂᬓᬢᬫᬦ᭄᭞ᬰ᭄ᬭᬸᬧᬢᬦᬾ
ᬲᬃᬯ᭄ᬯᬶᬫ᭄ᬢᬸ᭞ᬭᬸᬦ᭄ᬢᬸᬄᬳᬦᬭᬶᬂᬧᬗ᭄ᬓᭀᬦᬦ᭄᭞ᬫᬭᬶᬂᬧᬶᬧ᭄ᬬ᭞ᬲᬃᬯ᭄ᬯᬶᬘᭂᬘᭂᬄᬓᬲᬤ᭄ᬲᬤᬶᬦ᭄᭞ᬫᬗ᭄ᬭᬭᬶᬲ᭄ᬳᬶᬤᬫᬫᬃᬕ᭄ᬕ᭟᭖᭟ᬧᬋᬓᬦᬾᬓᬓᬮᬶᬄᬫᬗᬶᬭᬶᬂ᭞ᬢᬦᬸᬘᬧᬦ᭄‌‌ᬲ᭄ᬯᬾᬦᬾᬫᬭᬶᬂᬤᬮᬦ᭄᭞ᬦᭀᬭᬯᬦᬾᬄᬧᬗᬸᬗ᭄ᬲᬶᬦᬾ᭞
ᬫᬶᬯᬄᬓᬤᬾᬬᬦᬾᬢᬸᬫᬹᬢ᭄᭞ᬧ᭄ᬭᬧ᭄ᬢᬭᬶᬂᬉᬤ᭄ᬬᬦᬫᬗ᭄ᬓᬶᬦ᭄᭞ᬤᬤ᭄ᬬᬜᬮᬶᬦ᭄ᬢᬂᬰᬸᬦ᭄ᬬ᭞ᬢᬦᬫᬢᬫ᭄ᬧᬓ᭄ᬲᬧᬸ᭞ᬫᬮᬸᬫᬸᬢ᭄ᬳᬶᬓᬦᬂᬦᬢᬃ᭞ᬫᬶᬯᬄᬢᬺᬡ᭞ᬳᬢᬸᬩ᭄ᬮᭂᬫ᭄ᬧᬸᬬᬓ᭄ᬭᬶᬂᬓ᭄ᬭᬲᬶ᭞ᬦᭀᬭᬵᬦᬯ᭄ᬯᬂᬫᬦᬸᬗ᭄ᬕ᭄ᬯ᭟᭗᭟ᬭᬭᬶ

[᭗᭒ 72A]
᭗᭒
ᬲ᭄ᬫᬸᬗ᭄ᬕᬄᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬳᬸᬫᬄᬫᬵᬲ᭄‌‌ᬢ᭄ᬗᬳᬶᬂᬉᬤ᭄ᬬᬦ᭞ᬓᬮᬶᬧᬸᬢ᭄ᬳᬦ᭄ᬢᬸᬓ᭄ᬮᭂᬩᬸᬦᬾ᭞ᬳᬓ᭄ᬯᬾᬄᬫᬧᬸᬧᬸᬮ᭄ᬧᬸᬧᬸᬮ᭄᭞ᬲᬩᬂᬓᬓᬯᬦᬾᬫᬮᬶᬄ᭞ᬓᬝᬄᬳᬦᬭᬶᬂᬳᬸᬫᬄ᭞ᬲᬲ᭄ᬯᬾᬦᬾᬢᬦ᭄ᬓᬲᬧᬸ᭞ᬳᬶᬦᬩ᭄ᬩᭂᬗᭀᬂ
ᬬᬦ᭄ᬲᬯᬗᬂ᭞ᬓᬤᬶᬲ᭄ᬢ᭄ᬭᬶᬬᬵᬓᬢᬶᬗ᭄ᬕᬮᬶᬦ᭄ᬳᬦ᭄ᬢᬸᬓ᭄ᬮᬓᬶ᭞ᬓᬧᬬᬸᬥᬦ᭄‌‌ᬢ᭄ᬭᬸᬲ᭄ᬧ᭄ᬚᬄ᭟᭘᭟ᬧᬕᬕ᭄ᬧᬕᬾᬕ᭄ᬫᬳᬶᬤ᭄ᬭᬦ᭄ᬫᬜ᭄ᬮᬓ᭄ᬱᬓᬶᬦ᭄᭞ᬓᬯᬸᬓ᭄ᬓᬯᬸᬓ᭄‌‌ᬳᬦᬭᬶᬂᬉᬤ᭄ᬬᬦ᭞ᬢᬩ᭄ᬬᬘ᭄ᬓᬸᬄᬫᬶᬯᬄᬚᬳᬾ᭞ᬦᭀᬭᬵᬦᬬᬓᬢ᭄ᬫᬸ᭞
ᬲ᭄ᬧᬶᬢᬦ᭄ᬳᬦᬜᬯᬸᬭᬶᬦ᭄᭞ᬕ᭄ᬮᬶᬲ᭄ᬭᬭᬶᬲ᭄ᬓᬳᬸᬦᬶᬗᬂ᭞ᬭᬶᬂᬳᬶᬤᬲᬂᬧ᭄ᬭᬪᬸ᭞ᬫᬯᭂᬯᭂᬄᬳᬶᬓᬦᬂᬤᬸᬄᬓ᭞ᬤᬸᬄᬫᬵᬲ᭄ᬫᬶᬭᬄᬢᬶᬢ᭄ᬬᬗᬾᬳᬶᬤᬾᬯᬳᬭᬶ᭞ᬮᬮᬶᬲ᭄ᬫᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭟᭙᭟ᬧᬕᬕ᭄ᬧᬕᬾᬕ᭄‌‌ᬤᭀᬳᭀᬤᭀᬳᭀᬫ
ᬗ᭄ᬮᬶᬂ᭞ᬦᬸᬕᬶᬫᬸᬮᬶᬲᬄᬳᬦᬭᬶᬂᬍᬫᬄ᭞ᬢᬦ᭄ᬫᬭᬶᬜ᭄ᬭᬶᬢ᭄ᬫᬦᬸᬮᬫᬾ᭞ᬲᬸᬫᬶᬗ᭄ᬓᬶᬦ᭄ᬲᬗᬩᬕᬸᬲ᭄᭞ᬮ᭄ᬯᬶᬃᬢᬗᬶᬦᬶᬦ᭄ᬧᬸᬦᬂᬲ᭄ᬥᬶᬄ᭞ᬭᬭᬶᬲ᭄ᬓᬦ᭄ᬢᬸᬫᬕᬺᬩ᭄ᬬᬕ᭄᭞ᬯᬃᬡ᭄ᬦᬳᬸᬘᭂᬫ᭄ᬲᬵᬫ᭄ᬧᬸᬦ᭄᭞ᬭᬕᬫᬢᬶᬲ᭄ᬓᬤᬶᬰᬯ᭞ᬫᬾᬄᬫᬢᬶᬗ᭄ᬕ [ 73 ][᭗᭒ 72B]
᭗᭒
ᬮ᭄‌‌ᬲᬂᬳ᭄ᬬᬂᬉᬭᬶᬧ᭄ᬦᬦᬾᬫᬗ᭄ᬓᬶᬦ᭄᭞ᬲ᭄ᬯᬾᬦᭀᬭᬫᬗ᭄ᬮᬶᬮᬶᬭ᭟᭑᭐᭟ᬧᬋᬓᬦᬾᬩᬗᬸᬦ᭄ᬫᬜᬕ᭄ᬚᬕᬶᬦ᭄᭞ᬜᬯᬸᬧ᭄ᬜᬗ᭄ᬓᭀᬮ᭄‌‌ᬭᬭᬶᬲ᭄ᬫᬗᬶᬫᬗᬂ᭞ᬗᬚᬓ᭄ᬓᬧᬫᬺᬫᬦᬺᬓᭀ᭞ᬫᬲᬲᬫ᭄ᬩᬢᬦ᭄ᬧᬕ᭄ᬮᬸᬃ᭞ᬳᬶᬗ᭄ᬕᬶᬄᬤᬾᬯᬲᬂᬳᬧ᭄ᬓᬶᬓ᭄᭞
ᬫᬕᬦ᭄ᬢᬶᬕᬦ᭄ᬢᬶᬗᭀᬬᬕ᭄᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸ᭞ᬗᬸᬤᬮᬮᬶᬲ᭄ᬦᬶᬗ᭄ᬕᬮ᭄ᬢᬶᬢ᭄ᬬᬂ᭞ᬇᬩᬸᬬᬬᬄᬦᬾᬦ᭄ᬢᭂᬦ᭄ᬳᬶᬤᬫᬫᬗ᭄ᬕᬶᬳᬶᬦ᭄᭞ᬳᬶᬘ᭄ᬙᬭᬢᬸᬫᬗᬦ᭄ᬢᭀᬲᬂ᭟᭑᭑᭟ᬳᬶᬧᬕᬕ᭄ᬫᬗᬸᬢᬸᬲ᭄ᬳᬭᬶᬦᬾᬕ᭄ᬮᬶᬲ᭄᭞ᬓ᭄ᬫᬳᬸᬦᬶᬗᬂᬳᬾᬗ᭄ᬕ
ᬮᬂᬫᬚᬮᬦ᭄᭞ᬭᬶᬂᬲᬂᬧ᭄ᬭᬪᬸᬫ᭄ᬯᬂᬳᬶᬩᬸᬦ᭄ᬦᬾ᭞ᬭᬾᬄᬧᬸᬢ᭄ᬭᬦ᭄ᬳᬶᬤᬓᬦ᭄ᬢᬸ᭞ᬫᬾᬄᬳᬶᬤᬧᬘᬂᬗ᭄ᬫᬲᬶᬦ᭄᭞ᬧᬸᬦ᭄ᬧᬕᬾᬕ᭄ᬚᬕᬩᬸᬤᬮ᭄᭞ᬫᬗ᭄ᬮᬶᬮᬶᬃᬲᬂᬧ᭄ᬭᬪᬸ᭞ᬯᭂᬢᬸᬦ᭄‌‌ᬰᬩ᭄ᬤᬦᬾᬫᬗᬯᬕ᭄᭞ᬫᬶᬯᬄᬢᬗᬦ᭄‌‌ᬧᬕᬸᬭᬧᬾᬧᬢᬶᬩᬶᬸ
ᬓ᭄ᬩᬶᬲ᭄᭞ᬲᭀᬮᬳᬾᬓᬤᬶᬯ᭄ᬯᬂᬏᬤᬦ᭄᭟᭑᭒᭟ᬫᬢᬗᬶᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬶᬂᬓ᭄ᬮᬓ᭄‌‌ᬤᬶᬂᬓ᭄ᬮᬓ᭄᭞ᬢᬦ᭄ᬫᬭᬶᬫᬲᭀᬮᬄ᭞ᬭᬭᬶᬲ᭄ᬓᬧ᭄ᬮᬸᬓ᭄ᬧᬋᬓᬦᬾ᭞ᬗᬭᬲ᭄ᬳᬭᬲ᭄ᬢᬸᬃᬫᬗ᭄ᬮᬸᬢ᭄᭞ᬫᬰᬩ᭄ᬤᬫᬗᬲᬶᬄᬳᬲᬶᬄ᭞ᬫᬵᬲ᭄ᬢᬶᬢ᭄ᬬᬗᬾ

[᭗᭓ 73A]
᭗᭓
ᬳᬶᬫᬶᬭᬄ᭞ᬲᬵᬫ᭄ᬧᬸᬦ᭄ᬭᬢᬸᬩᭂᬦ᭄ᬥᬸ᭞ᬚᬕᬗᬫ᭄ᬦᭂᬗᬶᬦ᭄ᬢᬶᬢ᭄ᬬᬂ᭞ᬦᬳᭂᬦ᭄ᬳᬶᬯᬂ᭞ᬳᬦ᭄ᬢᬸᬓ᭄‌‌ᬲ᭄ᬯᬾᬦᬾᬗᬸᬢᬂᬳᬶᬬᬤᬶ᭞ᬳᬶᬭᬶᬓᬶᬳᬦᬭᬶᬂᬢᬫᬦ᭄‌᭟᭑᭓᭟ᬲᬃᬯ᭄ᬯᬶᬗᬶᬤᬸᬂᬲ᭄ᬯᬭᬦᬾᬳᬫᬦᬶᬲ᭄᭞ᬓᬲ᭄ᬮᬕ᭄ᬲ᭄ᬮᬕ᭄᭞ᬭᬶᬳᬦ᭄ᬢᬸᬓ᭄ᬩᬩᬱᬦ᭄᭞ᬢᬦᬵ
ᬫᬾᬮᬶᬂᬭᬶᬂᬭᬕᬦᬾ᭞ᬧᬕᬕ᭄ᬧᬕᬾᬕ᭄ᬓᬮᬶᬧᬸᬢ᭄᭞ᬧᬋᬓᬦ᭄ᬧᬸᬜᬸᬦᬦ᭄ᬤᬓᬶᬦ᭄᭞ᬓ᭄ᬫᬫᬳᬶᬓᬳᬸᬬᬓ᭄᭞ᬫᬓᬓᬮᬶᬄᬳᬶᬗᬸᬄ᭞ᬮᬶᬦ᭄ᬢᬂᬍᬲᬸᬢᬦ᭄ᬧᬦᬶᬤ᭄ᬭ᭞ᬤᬶᬢᬸᬧᬕᬕ᭄᭞ᬕᭂᬦ᭄ᬤᬂᬕᭂᬦ᭄ᬤᬶᬂᬫᬦᬦ᭄ᬤᬓᬶᬦ᭄᭞ᬗᬗ᭄ᬕᭀᬢᭂᬫ᭄ᬩᬂᬲᬲᬶᬦᭀ
ᬫᬦ᭄᭟᭐᭚ᬧᬸᬄᬰᬶᬦᭀᬫ᭄᭚᭑᭟ᬳᬶᬧᬕᬕ᭄ᬭᬭᬶᬲ᭄ᬦᬸᬧ᭄ᬥᬸᬧᬂ᭞ᬓᬾᬯᭂᬄᬢᬶᬢ᭄ᬬᬂᬫᬗ᭄ᬮᭂᬫᭂᬲᬶᬦ᭄᭞ᬳᬦᬓᬾᬮᬸᬄᬩ᭄ᬮᭀᬕ᭄ᬧᬶᬲᬦ᭄᭞ᬲᬸᬩᬫᬲ᭄ᬭᬄᬲᬳᬶᬲᬳᬶ᭞ᬳᬚᬓ᭄‌‌ᬗᭀᬫᭀᬂᬬᬫᬦᭂᬗᬶᬮ᭄᭞ᬓ᭄ᬜᬶᬂᬓ᭄ᬜᬶᬂᬳᬸᬮᬢ᭄‌‌ᬗ᭄ᬭᬸᬗᬸ
᭞ᬮᬶᬦ᭄ᬢᬂᬲᭂᬗ᭄ᬓᬩᬵᬦ᭄ᬫᬓ᭄ᬭᬸᬡ᭞ᬫᬗ᭄ᬮᭂᬫᭂᬲᬶᬦ᭄ᬳᬦᬓ᭄ᬦᭂᬗᬶᬮ᭄᭞ᬓᬤᬾᬦ᭄ᬳᬲᬸᬂ᭞ᬲᬧᬦᬸᬯᬸᬄᬢᭀᬂᬓ᭄ᬯᬍᬲᬂ᭟᭒᭟ᬕᬶᬢᬓᬶᬤᬸᬂᬢᭀᬂᬓᬗ᭄ᬕ᭄ᬯᬗ᭞ᬲᬫ᭄ᬧᬾᬓᭂᬜᭂᬮ᭄ᬫᬗ᭄ᬮᭂᬫᭂᬲᬶᬦ᭄᭞ᬫᬸᬜᬶᬫᬦᬶᬲ᭄ᬮᬦ᭄ᬩᬩᬱᬦ᭄᭞ᬫᬗ᭄ᬭᬸᬫ᭄ᬭᬸᬫᬶᬂᬭᬳᬶᬦ [ 74 ][᭗᭓ 73B]
᭗᭓
ᬯ᭄ᬗᬶ᭞ᬓᬧᬲᬗᬶᬦ᭄‌‌ᬧ᭄ᬬᭀᬮᬲ᭄ᬮᭂᬯᬶᬄ᭞ᬧᬗᬾᬕᬾᬃᬕᬸᬡᬢ᭄ᬯᬄᬮᬸᬧᬸᬢ᭄᭞ᬳᬶᬧᬕᬾᬕ᭄ᬭᬭᬶᬲ᭄ᬫᬗᬸᬘᬧ᭄᭞ᬲᬫᬶᬳᬶᬓᬳᬶᬯᬂᬩ᭄ᬮᬶ᭞ᬲ᭄ᬯᬭᬦᬶᬧᬸᬦ᭄᭞ᬫᬰᬺᬕ᭄ᬳᬦ᭄ᬢᬸᬓ᭄ᬢᬗ᭄ᬕᬸᬦ᭄ᬮᭀᬦ᭄ᬢᬃ᭟᭓᭟ᬫᬓ᭄ᬚᬶᬢ᭄ᬲᬫ᭄ᬩᬶᬮ᭄ᬫᬧᭀᬮᬄ᭞ᬢᭂᬫ᭄ᬩᬂᬰᬶᬦᭀᬫ᭄ᬫᬦᬸᬮᬸᬭᬶᬦ᭄᭞
ᬳᬗ᭄ᬕᬾᬦ᭄ᬗᭂᬫ᭄ᬧᬸᬳᬦᬓ᭄‌‌ᬏᬤᬦ᭄᭞ᬭᬶᬂᬧᬢᬸᬭᭀᬦ᭄ᬓᬕᭂᬡ᭄ᬥᬶᬗᬶᬦ᭄᭞ᬩᬳᬦ᭄ᬧ᭄ᬢᭂᬂᬩᬸᬓᬚᬦᬶ᭞ᬍᬫᬄᬯᬳᬸᬥᬯᬸᬄᬧᬶᬢᬸ᭞ᬯᬳᬸᬦ᭄ᬕᬓ᭄ᬧᬲ᭄ᬫᭂᬗᬦ᭄᭞ᬫᬓᭂᬲ᭄ᬬᬩ᭄ᬲᬸᬩᬫᬗᬶᬧᬶ᭞ᬩᬲ᭄ᬓᬤᬸᬭᬸᬲ᭄᭞ᬩᬵᬦ᭄ᬧᬸᬍᬲᬾᬓᬮᬶᬯ
ᬢᬦ᭄᭟᭔᭟ᬩ᭄ᬮᬸᬩᬸᬳᬾᬩᬲ᭄ᬓᬮᬶᬯᬢ᭄᭞ᬢᬸᬗ᭄ᬕᬮ᭄ᬧᬸᬍᬲᬂᬫᬗᬶᬧᬶ᭞ᬫᬗᬶᬧᬶᬫᬗᬮᬂᬩᬸᬮᬦ᭄᭞ᬫᬶᬭᬶᬩ᭄ᬧ᭄ᬤᬲ᭄‌‌ᬢ᭄ᬯᬭᬚᬵᬢᬶ᭞ᬓᬯᬶᬦ᭄ᬢᬂᬇᬥᭂᬧᬾᬧᬮᬶᬂ᭞ᬧᬢᬶᬕᬩᬕ᭄ᬧᬢᬶᬳᬸᬲᬸᬤ᭄᭞ᬳᬯᬓ᭄ᬩᬸᬣᬤᬤᬶᬧᬗ᭄ᬓᬄ᭞ᬫᬓᬶᬢ
ᬫᬗᭂᬦᭀᬢ᭄ᬕᬸᬫᬶ᭞ᬕᭂᬦ᭄ᬤᬶᬂᬗᬘᬸᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬬᬦ᭄ᬧᬹᬃᬡ᭄ᬦᬵ᭟᭕᭟ᬯᬳᬸᬤᬲ᭄ᬮᭂᬫᬄᬫᬚᬮᬦ᭄᭞ᬕᬸᬦᬸᬂᬧᬧᬶᬢᬸᬓᬧᬗ᭄ᬕᬶᬄ᭞ᬫᬳᬶᬤᭂᬃᬫᬫᬜ᭄ᬘᬤᬾᬰ᭞ᬫᬓᬶᬢᭂᬃᬩᬦ᭄ᬲᬃᬯ᭄ᬯᬲᬵᬭᬶ᭞ᬢᬢᬶᬕᬭᬶᬂᬢ᭄ᬗᬄᬯ᭄ᬬᬓ᭄ᬢᬶ᭞ᬲᬚᬫ

[᭗᭔ 74A]
᭗᭔
ᬥᬦᬸᬤᬶᬤᬸᬳᬸᬃ᭞ᬢ᭄ᬯᬄᬢᬢᬶᬕᬫᬘ᭄ᬮᭂᬩᬸᬢᬦ᭄᭞ᬧᬸᬦᬶᬓᬲᬓᬶᬂᬢ᭄ᬭᬶᬦᬥᬶ᭞ᬲᬫᬶᬓᬸᬫ᭄ᬧᬸᬮ᭄᭞ᬳᬸᬭᬸᬲᬦᬾᬓᬲᬵᬕᬭ᭟᭖᭟ᬦ᭄ᬢᭀᬫᬤᬦ᭄ᬢᬮᬕᬦᭀᬚ᭞ᬢᭀᬬᬦ᭄ᬜᬦᬾᬳ᭄ᬦᬶᬂᬍᬯᬶᬄ᭞ᬧᬗ᭄ᬮᬸᬓᬢᬦ᭄ᬤᬰᬫᬮ᭞ᬳᬸᬭᬸ
ᬲᬦ᭄ᬳᬶᬧᬸᬦᬾᬢ᭄ᬯᬶ᭞ᬧᬗ᭄ᬮᬸᬯᬃᬲᬵᬕᬭᬚᬵᬢᬶ᭞ᬧᬩᬺᬲ᭄ᬬᬦ᭄‌‌ᬯᬂᬓᬯ᭄ᬮᬲ᭄ᬬᬸᬦ᭄᭞ᬧᬓ᭄ᬱᬶᬦ᭄ᬳᬶᬧᬸᬦ᭄‌ᬘᬓᬺᬯᬓ᭞ᬪᬸᬱᬡᬦᬾᬢᬸᬜ᭄ᬚᬸᬂᬧᬸᬢᬶᬄ᭞ᬢ᭄ᬯᬄᬧ᭄ᬮᬓᬸᬢᬸᬲ᭄᭞ᬲᬚᬮᬯᬦᬾᬫᬓ᭄ᬚᬂ᭟᭗᭟ᬳᬦᬲᬭᬷᬦ᭄ᬜᬤᬶᬢᭂᬗᬄ᭞
ᬓ᭄ᬤᬶᬲ᭄ᬢᬶᬢᬶᬭᬦ᭄ᬦᬶᬗ᭄ᬕᬳᬶᬦ᭄᭞ᬚᬵᬢᬶᬦ᭄ᬜᬲᬋᬂᬢᬢᬶᬕ᭞ᬦᬾᬲ᭄ᬮᬶᬯᬄᬩᬭᬓ᭄ᬧᬸᬢᬶᬄ᭞ᬧᬮᬶᬂᬫᬫᬸᬜᬶᬳᬭᬶᬲ᭄᭞ᬫᬲᬶᬓ᭄ᬱᬶᬓᬦ᭄ᬫᬗᭂᬢᭂᬗ᭄ᬓᬸᬂ᭞ᬦᬾᬳᬲᬶᬓᬶᬗ᭄ᬫᬸᬢᭀᬬ᭞ᬲᬂᬳ᭄ᬬᬂᬢᬬᬳᬭᬦ᭄ᬦᬾᬓᬶ᭞ᬗᬯᬾᬲᭂᬩᬸᬦ᭄᭞ᬫᬢᬮᬸᬄ
ᬫᬥᬸᬲᬶᬦᬸᬗ᭄ᬕᬮ᭄᭟᭐᭚ᬧᬸᬧᬸᬄᬥᬂᬥᬂ᭚᭑᭟ᬭᬭᬶᬲ᭄ᬦᬶᬤ᭄ᬭᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬢᬸᬗ᭄ᬓᬸᬮᬂ᭞ᬳᭀᬮᬶᬄᬓᬓᬧᬕᬕ᭄᭞ᬓᬲᬋᬗᬶᬦ᭄ᬭᬶᬂᬳᬭᬶᬦᬾ᭞ᬲᬫᬶᬤᬳᬢᬶᬂᬍᬲᬸ᭞ᬫᬕᬤᬗᬶᬦ᭄ᬲᬳᬶᬲᬳᬶ᭞ᬓᬳᬸᬬᬓ᭄ᬭᬶᬂᬢ᭄ᬯ [ 75 ][᭗᭔ 74B]
᭗᭔
ᬦᬶᬭ᭞ᬧᬕᬕ᭄ᬲᬋᬂᬢᬸᬭᬹ᭞ᬓᬢᬸᬤᬸᬄᬳᬭᬶᬦ᭄ᬜᬗ᭄ᬭᬓ᭄ᬱ᭞ᬳᬧᬂᬬᬢ᭄ᬦ᭞ᬓᬓᬗᬶᬭᬶᬂᬳᬶᬤᬚᬦᬶ᭞ᬲᬶᬋᬧ᭄ᬫᬭᬶᬂᬧᬵᬢᬸᬭᭀᬦᬦ᭄᭟᭒᭟ᬓᬮᬸᬗ᭄ᬳᬂᬮᬸᬗ᭄ᬳᬂᬳᭀᬃᬣᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬧᬜᬸᬗ᭄ᬓᬦ᭄‌‌ᬦᬺᬧᬢᬶᬧᬸᬢ᭄ᬭ᭞ᬕᬕᬶᬲᭀᬦ᭄ᬧ᭄ᬭ
ᬫᬷᬰ᭄ᬯᬭᬶᬦᬾ᭞ᬦ᭄ᬤᬯᬸᬳᬶᬦ᭄ᬧᬭᬳᭂᬫ᭄ᬧᬸ᭞ᬮᬦ᭄ᬩᬮ᭄ᬬᬦ᭄ᬓᬵᬗ᭄ᬕᬾᬭᬶᬂᬧᬸᬭᬶ᭞ᬫᬶᬯᬄᬓᬜ᭄ᬘᬦ᭄ᬪᬸᬚᬗ᭄ᬕ᭞ᬓᭀᬘᬧ᭄ᬲᬫᬶᬭᬯᬸᬄ᭞ᬢᬸᬫᬸᬮᬶᬫᬭᬶᬂᬉᬤ᭄ᬬᬦ᭞ᬯᬸᬲ᭄ᬲᬬᬕ᭞ᬮ᭄ᬯᬶᬃᬢᬫ᭄ᬩᬦᬾᬫᬓᬲᬫᬶ᭞ᬯᬢᭂᬓ᭄‌‌ᬯ᭄ᬬᬥᬶᬧ᭄ᬭᬧ᭄ᬢ᭟᭓᭟ᬳᬶᬤᬧ᭄ᬭ
ᬡ᭄ᬥᬢ᭄ᬮᬲ᭄ᬫᬯᬾᬥᬲᬫᬶ᭞ᬫᬶᬯᬄᬩᬮ᭄ᬬᬦ᭄‌‌ᬫᬗᬸᬜ᭄ᬘᬭᬂᬫᬦ᭄ᬢ᭄ᬭᬵ᭞ᬪᬸᬚᬗ᭄ᬕᬫᬲᬂᬘᬭᬸᬦᬾ᭞ᬫ᭄ᬯᬂᬦᬲᬶᬢᬸᬮᬵᬓ᭄ᬲᬫ᭄ᬧᬸᬦ᭄᭞ᬮᬦ᭄ᬢᭀᬬᬦᬾᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬲᬗ᭄ᬓᬸᬚᭂᬫ᭄ᬩᬸᬂᬮᬦ᭄ᬓᬸᬫ᭄ᬩ᭞ᬩᬷᬚᬓᬸᬦᬶᬂᬲᬵᬫ᭄ᬧᬸᬦ᭄᭞ᬫᬵᬯᭀᬃᬲᬫ᭄ᬲ
ᬫ᭄‌‌ᬲ᭄ᬓᬃᬫᬯᬃᬡ᭄ᬦ᭞ᬫᬸᬜ᭄ᬘᬸᬓ᭄ᬮᬮᬂ᭞ᬮᬦ᭄ᬢᬶᬕᬂᬫᬸᬜ᭄ᬘᬸᬓ᭄‌‌ᬥᬧ᭄ᬥᬧ᭄ᬢᬶᬲ᭄᭞ᬲᬫᬶᬧᬸᬧᬸᬢ᭄ᬫᬶᬦᬦ᭄ᬢ᭄ᬭᬦᬦ᭄᭟᭔᭟ᬧᬫᬸᬕ᭄ᬧᬸᬕ᭄‌‌ᬧᬫᬜ᭄ᬘᬸᬢ᭄ᬕᬸᬡᬲᬫᬶ᭞ᬮᬦ᭄ᬧᬦᬸᬮᬓ᭄ᬧᬫᬮᬶᬓ᭄‌‌ᬲᬸᬫ᭄ᬧᬳᬦ᭄᭞ᬫᬮᬶᬄᬫᬓᬢᬸᬢᬸᬄᬜᬦᬾ᭞ᬧᬸᬧᬸ

[᭗᭕ 75A]
᭗᭕
ᬢ᭄ᬓᬕ᭄ᬮᬭᬂᬲᬵᬫ᭄ᬧᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬢᬗᬶᬦᬶᬦ᭄᭞ᬭᬭᬶᬲ᭄ᬲᬶᬦᬶᬭᬫ᭄ᬲᬶᬭᬫ᭄᭞ᬫᬶᬯᬄᬢᬫ᭄ᬩᬢᬸᬢᬸᬄ᭞ᬓᬓ᭄ᬚᬸᬳᬶᬤᬲᬂᬦᬵᬣ᭞ᬲᬋᬂᬲᬫ᭄ᬬᬦ᭄᭞ᬲᬸᬫᬶᬗ᭄ᬓᬶᬦ᭄ᬩᬗᭂᬢ᭄‌‌ᬚ᭄ᬭᬢ᭄‌‌ᬚ᭄ᬭᬶᬢ᭄᭞ᬏᬤᬦ᭄ᬳᬶᬤᬲᬬᬦ᭄‌‌ᬓ᭄ᬭᬲ᭄᭟᭕᭟ᬭᬭᬶᬲ᭄ᬗᬤᭂ
ᬕ᭄‌‌ᬓ᭄ᬭᭀᬥᬭᬥᬾᬦ᭄ᬫᬦ᭄ᬢ᭄ᬭᬶ᭞ᬓᬜ᭄ᬘᬦ᭄ᬳᭀᬱᬥᬲᬫᬶᬧᬩ᭄ᬮᬲᬢ᭄᭞ᬮᬶᬦ᭄ᬢᬂᬚ᭄ᬭᬶᬄᬓᬳᬸᬩᭂᬃᬋᬓᬾ᭞ᬭᬶᬂᬢᬫᬦ᭄ᬧᬢᬶᬓ᭄ᬧᬸᬕ᭄᭞ᬧᬡ᭄ᬥᬶᬢᬕᬾᬧᬾᬲᬫᬶ᭞ᬧᬳᬶᬚᬸᬫᬗᬤᬫ᭄ᬧ᭄ᬮᬂ᭞ᬫᬳᬾᬤ᭄ᬭᬦ᭄ᬓᬓᭂᬧᬸᬂ᭞ᬦᬸᬮ᭄ᬬᬯᬾᬦ᭄ᬢᭂᬦ᭄ᬓᬢᬸᬢᬸᬢᬦ᭄᭞
ᬳᬶᬤᬧ᭄ᬭᬡ᭄ᬥ᭞ᬓᬋᬩᬸᬢ᭄‌‌ᬫ᭄ᬯᬂᬓᬢᬫ᭄ᬧᬾᬮᬶᬦ᭄᭞ᬢᬸᬮᬸᬂᬩᬧᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭟᭖᭟ᬩᬸᬬᬃᬋᬓᬾᬕ᭄ᬮᬸᬗᬾᬳᬶᬤᬋᬱᬶ᭞ᬯᬦ᭄ᬢᬄᬳᬶᬤᬪᬵᬕᬯᬵᬦ᭄‌‌ᬤ᭄ᬯᬧᬭ᭞ᬓᬧᬸᬢ᭄ᬮᭂᬩᬸᬓᬂᬓᬾᬱᬦᬾ᭞ᬫᬭᬶᬂᬍᬫᬄᬓᬳᬶᬧᬸᬓ᭄᭞ᬳᬤᬸᬳᬤᬸᬄ
ᬳᬾᬗ᭄ᬕᬮ᭄ᬢᬸᬮᬸᬗᬶᬦ᭄᭞ᬳᬄᬳᬤᬄᬫᬢᬶᬩᬧ᭞ᬧᬋᬓᬦ᭄ᬕᭂᬮᬶᬲ᭄ᬦᬸᬮᬸᬂ᭞ᬫᬜᬯᬸᬧ᭄ᬳᬶᬤᬲᬂᬦᬵᬣ᭞ᬦᬺᬧᬵᬧᬸᬢ᭄ᬭ᭞ᬲᬃᬯ᭄ᬯᬗᬭᬲ᭄ᬗᬲᬶᬳᬲᬶᬄ᭞ᬤᬸᬄᬤᬾᬯᬉᬤ᭄ᬬᬢ᭄ᬫᬶᬓ᭟᭗᭟ᬗᬸᬤᬯᬳᬸᬤᬾᬯᬫᬗᬮᬳᬶᬦ᭄ᬩᭂᬮᬶ᭞ᬅᬢ᭄ᬫᬵ [ 76 ][᭗᭕ 75B]
᭗᭕
ᬚ᭄ᬯᬶᬢᬦ᭄ᬢᬶᬢ᭄ᬬᬗᬾᬳᬶᬤᬾᬯ᭞ᬓᬕ᭄ᬮᬸᬢ᭄ᬳᬶᬧᬕᬕ᭄ᬧᬕᬾᬕ᭄᭞ᬭᬭᬶᬲ᭄ᬓᬲᬸᬭᬸᬂᬫᬦ᭄ᬢᬸᬓ᭄᭞ᬭᬶᬂᬩᬮᬾᬭᬹᬓ᭄ᬫᬫᬗᬶᬗ᭄ᬕᬶᬮ᭄᭞ᬧᬡ᭄ᬥᬶᬢᬫᬶᬯᬄᬩᬮ᭄ᬬᬦ᭄᭞ᬫᬶᬯᬄᬯᬢᭂᬓ᭄ᬲᭂᬗ᭄ᬕᬸ᭞ᬲᬫᬶᬯᬦ᭄ᬢᬄᬫᬗᬶᬭᬶᬗᬂ᭞ᬕ᭄ᬮᬶᬲ᭄ᬳᬶᬧᬕᬕ᭄‌‌ᬫᬗ᭄ᬭᬸ
ᬫ᭄ᬭᬸᬫ᭄ᬲᬫ᭄ᬩᬶᬮᬂᬦᭂᬫ᭄ᬩᬗᬶᬦ᭄᭞ᬲᬂᬳᬦᭀᬫ᭄ᬲᬸᬗ᭄ᬓᬦᬾᬏᬤᬦ᭄᭟᭐᭚ᬧᬸᬧᬸᬄᬲᬶᬦᭀᬫ᭄᭚᭑᭟ᬬᬦ᭄ᬢᬦ᭄ᬯᬶᬥᬷᬲᬸᬂᬦᬸᬕ᭄ᬭᬳ᭞ᬩᭀᬬᬲᬶᬤ᭄ᬥᬩᬳᬦ᭄ᬗᬶᬲᬶ᭞ᬕᬚᬳᬾᬫ᭄ᬯᬂᬱᬤ᭄ᬭᬱ᭞ᬩᬵᬦ᭄‌‌ᬕ᭄ᬥᬾᬦᬾᬢᬦ᭄ᬲᬶᬦᬶᬧᬶ᭞
ᬳᬯᬓ᭄ᬩᬸᬣᬲᬳᬶᬲᬳᬶ᭞ᬲᬗ᭄ᬓᬦ᭄ᬫᬤᬦ᭄ᬩᬸᬣᬲ᭄ᬬᬸ᭞ᬫᬩᬸᬤᬶᬫᬦᬯᬂᬕᬚᬄ᭞ᬲᬤ᭄ᬭᬱᬳᬶᬥᭂᬧᬾᬲᬳᬶ᭞ᬧᬢᬶᬳᭂᬦ᭄ᬢᬸᬮ᭄᭞ᬳᬶᬩᬸᬣᬫᬩᬸᬥᬶᬦᬯᬂ᭟᭒᭟ᬕᬚᬄᬕ᭄ᬥᬾᬕᬮᬓ᭄ᬧᬶᬲᬦ᭄᭞ᬕ᭄ᬥᬾᬦᬦ᭄ᬓᬧᬶᬦᬶᬂᬕᬸᬫᬶ᭞ᬬᬦ᭄ᬢᬦ᭄ᬩᬶᬱᬫ
ᬦᬸᬤᬸᬳᬂ᭞ᬤᬤᬶᬫᬸᬲᬸᬄᬫᬜᬓᬶᬢᬶᬦ᭄᭞ᬫᬚᬮᬦ᭄ᬬᬓ᭄ᬫᬫᬳᬶ᭞ᬧᬢᬶᬓ᭄ᬧᬕ᭄‌‌ᬧᬢᬶᬓ᭄ᬧᬸᬕ᭄᭞ᬕᬚᬳᬾᬚᬸᬫᬄᬳᬮᬶᬄᬮ᭄ᬯᬲ᭄᭞ᬩᬵᬦ᭄ᬩᬸᬣᬦᬾᬫᬜᬧᬸᬢᬶᬦ᭄᭞ᬲᬗ᭄ᬓᬦ᭄ᬢᬸᬬᬸᬄ᭞ᬫᬮᬓ᭄ᬱᬡᬢ᭄ᬯᬭᬜᬶᬤ᭄ᬥᬬᬂ᭟᭓

[᭗᭖ 76A]
᭗᭖
᭟ᬕᬚᬄᬕ᭄ᬥᬾᬢ᭄ᬯᬭᬢᬯᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᬶᬗᭂᬢᬶᬦ᭄᭞ᬳᭂᬦ᭄ᬢᭀᬲᬦᬾᬓᬢᭀᬦᬂᬬ᭞ᬬᬲᬗ᭄ᬓᬦᬾᬫᬗᬸᬮᭀᬦᬶᬦ᭄᭞ᬲᬗ᭄ᬓᬦ᭄ᬜᬦᬾᬤᬤᬶᬧᬮᬶᬂ᭞ᬜᬦ᭄ᬤᬂᬳᬸᬩᭂᬃᬳᬧᬂᬢᬸᬳᬸ᭞ᬳᬯᬓᬾᬢ᭄ᬯᬶᬢᬦ᭄ᬧᬵᬯᬓ᭄᭞ᬕᬸᬫᬶᬦᬾ
ᬫᬮᬶᬄᬫᬕᬸᬫᬶ᭞ᬢᬶᬕᬳᬶᬓᬸ᭞ᬕᬸᬫᬶᬦᬾᬤᬩᬳᬗᬩ᭄ᬮᬲ᭄᭟᭔᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓ᭞ᬤ᭄ᬯᭂᬕ᭄ᬲᬚᬧᬕᬕ᭄ᬫᬕᭂᬡ᭄ᬥᬶᬂ᭞ᬮᬶᬦ᭄ᬢᬂᬋᬡᬘᬶᬢ᭄ᬢᬦᬶᬗ᭄ᬯᬂ᭞ᬕᬦ᭄ᬢᬶᬧᬕᬾᬕ᭄‌ᬩ᭄ᬯᬶᬦ᭄ᬫᬕᭂᬦ᭄ᬤᬶᬂ᭞ᬧᬸᬦ᭄ᬧᬕᬾᬕ᭄ᬫᬳᬢᬹᬃᬲᬶᬗ᭄ᬕᬶᬄ᭞ᬫᬲ᭄ᬮᭂᬤᬾᬢ᭄ᬫᬲ᭄ᬫᬸ
ᬓ᭄ᬜᬸᬂ᭞ᬫᬲᭀᬮᬄᬲᬫ᭄ᬩᬶᬮ᭄ᬫᬢᭂᬫ᭄ᬩᬂ᭞ᬮᬶᬦ᭄ᬢᬂᬧᬗᬶᬤ᭄ᬫᬦᬦ᭄ᬤᬓᬶᬦ᭄᭞ᬫᬮᬶᬄᬧᬗᬸᬲ᭄᭞ᬕᬶᬦᬦ᭄ᬢᬶᬓᬵᬗ᭄ᬕᬾᬦ᭄ᬦᭂᬫ᭄ᬩᬗᬂ᭟᭐᭚ᬧᬸᬄᬧᬸᬄᬕᬶᬦᬦ᭄ᬢᬶ᭚᭑᭟ᬳᬸᬮᬶᬂᬲ᭄ᬯᬾᬩᬵᬦ᭄ᬢᬶᬢ᭄ᬬᬂᬩᬶᬗᬸᬂ᭞ᬗᬮᬶᬄᬜᬫᬓᭂᬫᬫᬳᬶ᭞ᬩᬵᬦ᭄ᬳᭀᬃᬣ
ᬦᬾᬲᬳᬶᬕᬯᬂ᭞ᬇᬩᬧᬗᬮᬳᬶᬦ᭄ᬫᬢᬶ᭞ᬇᬫᬾᬫᬾᬬᬵᬲᬸᬩᬇᬮᬂ᭞ᬢᭀᬓ᭄ᬭᬡᬢᬶᬢ᭄ᬬᬂᬫᬚᬶᬜ᭄ᬚᬶᬦ᭄᭟᭒᭟ᬳᬤᬩ᭄ᬭᬬᬳᭀᬮᬲ᭄ᬦᬸᬢᬸᬃ᭞ᬜᬫᬓᭀᬘᬧ᭄ᬘᬢᬸᬃᬲᬫᬶ᭞ᬳᬦᬓ᭄ᬮᬸᬄᬮᬸᬄᬮᬦᬂᬮᬦᬂ᭞ᬳᬬᬸᬳᬬᬸ [ 77 ][᭗᭖ 76B]
᭗᭖
ᬩᬕᬸᬲ᭄ᬲᬫᬶ᭞ᬳᬤᬮᬾᬦ᭄ᬮᭂᬓᬤ᭄‌‌ᬲᬾᬧᬦᬦ᭄᭞ᬬᬳᬶᬩ᭄ᬮᬶᬍᬓᬤ᭄ᬲᬶᬤᬸᬭᬶ᭟᭓᭟ᬳᬶᬓ᭄ᬢᬸᬢ᭄ᬮᭂᬓᬤ᭄ᬲᬶᬫᬮᬸ᭞ᬮᬦ᭄ᬢᬲ᭄ᬚᬦᬶᬲᬸᬩᬫᬢᬶ᭞ᬫᬢᬶᬦ᭄ᬜᬤᬶᬩᬮᬶᬢ᭄ᬗᬄ᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬦ᭄ᬮᭀᬓᬶᬦ᭄᭞ᬩᬵᬦ᭄ᬲ᭄ᬫᬦᬾᬮᬶᬦ᭄ᬢᬂ
ᬭᬸᬗ᭄ᬓᬵ᭞ᬕᬕᬸᬫᬸᬓᬾᬯᬶᬱᬵᬕ᭄ᬦᬶ᭟᭔᭟ᬦᬸᬜᬫᬦᬾᬩ᭄ᬯᬶᬦ᭄ᬢᬢ᭄ᬮᬸ᭞ᬢᬺᬱ᭄ᬡᬵᬳᬚᬓ᭄‌‌ᬓ᭄ᬫᬫᬳᬶ᭞ᬦᬸᬚᬸᬧᬢᬸᬄᬲᬲ᭄ᬦᭂᬗᬦ᭄᭞ᬧᬢᬸᬭᬸᬲ᭄ᬦᭂᬂᬭᬶᬂᬓ᭄ᬤᬶᬲ᭄᭞ᬢᬶᬢᬶᬭᬦ᭄ᬮᬶᬦ᭄ᬢᬂᬉᬢ᭄ᬢᬫ᭞ᬗᬢᭂᬗ᭄ᬓᬸᬂᬫᬸᬜᬶᬦᬾᬫᬦᬶᬲ᭄᭟᭕᭟ᬲᭂᬗ᭄ᬓᬢᭀ
ᬗᭀᬲᬾᬗᬢᭂᬗ᭄ᬓᬸᬂ᭞ᬭᬶᬂᬢᬸᬢᬸᬂᬢᬭᬸᬫᭂᬦ᭄ᬤᭂᬧᬶᬦ᭄᭞ᬢ᭄ᬯᬭᬜᬓ᭄ᬗᬮᬶᬄᬧᬧᬶᬓᬢ᭄᭞ᬳᭂᬗ᭄ᬓᭂᬢ᭄‌‌ᬓᬮᬶᬲ᭄ᬧᭂᬦᬾᬓ᭄‌‌ᬲᬸᬓᬶᬮ᭄᭞ᬮᬓ᭄ᬱᬡᬳᬗ᭄ᬕᭀᬦ᭄ᬫᬓᬢᬂ᭞ᬚᬯᬶᬦᬶᬦ᭄ᬓᬮᬳᬶᬦ᭄ᬫᬸᬮᬶᬄ᭟᭖᭟ᬲᬂᬳᬦᭀᬫ᭄ᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬮᬶᬦ᭄ᬢᬂᬮᬾ
ᬤᬂᬳᬶᬤᬫ᭄ᬬᬃᬱᬶ᭞ᬧ᭄ᬭᬫᬶᬰ᭄ᬯᬭᬶᬮᬶᬦ᭄ᬢᬂᬲᬸᬓ᭞ᬯᬢᭂᬓ᭄‌‌ᬯ᭄ᬬᬥᬶᬫᬦ᭄ᬲᭂᬓᬶᬦ᭄᭞ᬕᬕᭀᬜ᭄ᬚᬓᬦᬾᬢᬸᬃᬳᬸᬫ᭄ᬬᬂ᭞ᬫᬗ᭄ᬭᬸᬗᬸᬢᭂᬫ᭄ᬩᬗᬾᬫᬦᬶᬲ᭄᭟᭐᭚ᬧᬸᬧᬸᬄᬥᬂᬥᬂ᭚᭑᭟ᬲᭂᬗ᭄ᬕᬸᬧᬗᬶᬗᬋᬧᬂᬳᬭᬶᬲ᭄᭞ᬫᬧᬫᬸᬗᬸᬭᬶᬂᬳᬶᬤ

[᭗᭗ 77A]
᭗᭗
ᬲᬂᬲᬸᬗ᭄ᬓᬦ᭄᭞ᬳᬾᬮᬶᬗᬂᬭᬢᬸᬚᬕᬢᬾ᭞ᬮᬷᬮᬬᬂᬓᬳ᭄ᬬᬸᬦᬾᬭᬢᬸ᭞ᬲᬸᬓᬦᬾᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬷ᭞ᬭᬢᬸᬫᬫᭂᬗ᭄ᬓᬸᬚᬕᬢ᭄᭞ᬢᬦ᭄ᬓᬶᬭᬗᬦ᭄ᬯᬂᬳᬬᬸ᭞ᬬᬢᬧᬘᬂᬫ᭄ᬭᬩᬶᬤᭀᬫᬲ᭄᭞ᬩᭀᬬᬲᭂᬗ᭄ᬓᬵ᭞ᬕᬮᬶᬳᬶᬦ᭄ᬯᬯᭂᬗ᭄ᬓᬦ᭄ᬲᬫᬶ᭞
ᬳᬦᬫᬭᬶᬂᬮᬾᬱᬦ᭄ᬧᬸᬭ᭟᭒᭟ᬤᬤᬶᬓ᭄ᬭᭀᬥᬳᬶᬤᬲᬗᬧ᭄ᬓᬶᬓ᭄᭞ᬚ᭄ᬭᭀᬲᭂᬗ᭄ᬕᬸᬭᬭᬶᬲ᭄ᬤᬦᬾᬓᬚᭂᬗ᭄ᬓᬵ᭞ᬢ᭄ᬮᬲ᭄ᬓᬩᬸᬢ᭄ᬩᬸᬢ᭄ᬭᬯᬶᬲ᭄ᬤᬦᬾ᭞ᬳᬤᬸᬄᬢᬸᬮᬸᬂᬚ᭄ᬯᬢᬸᬮᬸᬂ᭞ᬢᬸᬮᬸᬂᬩᬧᬓᬢ᭄ᬕᬓᬶᬦ᭄᭞ᬭᬄᬩᬧᬢᬦ᭄ᬧ᭄ᬕᬢᬦ᭄᭞ᬓᬸᬫᬶ
ᬲᬾᬓᬩᬸᬢ᭄ᬩᬸᬢ᭄᭞ᬫᬹᬃᬥᬦᬾᬤᬓᬶᬫᬕᬸᬬᬂ᭞ᬓᬢᬸᬮᬸᬗᬦ᭄᭞ᬭᬶᬂᬧᬕᬕ᭄ᬧᬕᬾᬕ᭄ᬫᬕᭂᬦ᭄ᬤᬶᬂ᭞ᬓᬢᭂᬫ᭄ᬩᬗᬶᬦ᭄ᬧᬕᬵᬦ᭄ᬢ᭄ᬬᬦ᭄᭟᭐᭚ᬧᬸᬄᬕᬶᬡᬦ᭄ᬢᬶ᭚᭑᭟ᬯᬮᬸᬬᬢᬶᬗ᭄ᬓᬄᬳᬶᬮᬸᬢᬸᬂ᭞ᬫᬫ᭄ᬓᬬᬲᬮᬄᬤᬮᬶᬄ᭞ᬮᬯᬢ᭄ᬳᬶᬩᬦᬾᬓᬤᬾ
ᬦᬂ᭞ᬮᬾᬬᬓ᭄‌‌ᬮ᭄ᬯᬫᬗᬚᬓ᭄ᬓᬲᬶᬄ᭞ᬫᬭᬧᬳᭂᬓ᭄ᬳᬸᬓᬸᬄᬦᬶᬫᬦ᭄᭞ᬘᬸᬗᬸᬄᬦᬾᬫᬓ᭄ᬧᬸᬕ᭄ᬗᭂᬮᬶᬂ᭟᭒᭟ᬳᬤᬸᬄᬳᬤᬸᬄᬬᬳᬶᬮᬸᬢᬸᬂ᭞ᬩᬵᬦ᭄ᬲᬓᬶᬢᬾᬢᬶᬤᭀᬂᬕᬶᬕᬶᬲ᭄᭞ᬤᬶᬓᬾᬢᭀᬦᬾᬜᬾᬦ᭄‌‌ᬲᭂᬮ᭄ᬲᭂᬮᬂ᭞ᬳᬯᬓᬾᬢ᭄ᬯᬄ [ 78 ][᭗᭗ 77B]
᭗᭗
ᬩᬶᬗᬸᬂᬧᬮᬶᬂ᭞ᬳᬸᬧᬫᬫ᭄ᬢᬾᬓᬶᬦ᭄ᬩᬶᬦ᭄ᬢᬂ᭞ᬢᭀᬦ᭄ᬤᬾᬦ᭄ᬤᬰᬲᬸᬩᬧᬮᬶᬂ᭟᭓᭟ᬮᬶᬦ᭄ᬢᬂᬧᬗ᭄ᬓᬄᬬᬳᬶᬮᬸᬢᬸᬂ᭞ᬗᬓᬸᬩᬶᬲᬗ᭄ᬚᬸᬓ᭄ᬳᬗᬶᬦ᭄᭞ᬫᬗᭀᬭᬳᬂᬩᬶᬲᬦ᭄ᬭᬂ᭞ᬫᬗᬸᬚᬦᬂᬩᬸᬓᬯᬶᬥᬷ᭞ᬓᬧᬄᬓᬧᬄᬤᬤᬶᬩᬮ᭄ᬬᬦ᭄᭞ᬗᬓᬸᬩᬶ
ᬲᬦᬸᬦ᭄ᬥᬸᬂᬕ᭄ᬭᬶᬂ᭟᭔᭟ᬭᬳᬤᬾᬦ᭄ᬥᬃᬫ᭄ᬫᬶᬓᬳᬢᬸᬭᬹ᭞ᬧᬕᬕ᭄ᬧᬕᬾᬕ᭄ᬬᬵᬫᬕᭂᬦ᭄ᬤᬶᬂ᭞ᬫᬜᬗ᭄ᬓ᭄ᬭᬶᬫᬂᬳᬦᬓ᭄ᬳᬾᬤᬦ᭄᭞ᬳᬤᬶᬦᬾᬭᬭᬶᬲ᭄ᬫᬫᬸᬜᬶ᭞ᬳᬓᬸᬲᬸᬩᬩᬮ᭄ᬬᬦ᭄ᬤᬾᬤᬦ᭄᭞ᬗᬮᬄᬳᬸᬗ᭄ᬓᬸᬃᬬᬫᬕᭂᬦ᭄ᬤᬶᬂ᭟᭐᭚ᬧᬸᬧᬸᬄᬧᬗ᭄ᬓᬸᬃ᭚᭑᭟
ᬲᬵᬤ᭄ᬯᬢ᭄ᬮᬸᬧᬢ᭄ᬧᬢ᭄ᬮᬶᬫ᭞ᬳ᭄ᬦᭂᬫ᭄ᬧᬶᬢᬸᬳᬓᬸᬢᬸᬲ᭄ᬜᬦᬾᬫᬮᬶᬄ᭞ᬳᬲ᭄ᬬᬤᬰᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬧᬸᬦᬶᬓᬯᬱ᭄ᬝᬜ᭞ᬘᬭᬩᬮᬶ᭞ᬗᬯᬶᬮᬗᬶᬦ᭄ᬳᬗ᭄ᬓᬦᬶᬧᬸᬦ᭄᭞ᬫᬵᬯᬓ᭄ᬳᬗ᭄ᬓᬢ᭄ᬯᬄᬳᬲ᭄ᬬ᭞ᬮᬦ᭄ᬯᬶᬦ᭄ᬥᬸᬳᬤᬰᬲᬫᬶ᭟᭒᭟
ᬬᬦ᭄ᬘᬭᬚᬯᬦᬾᬓᭀᬘᬧ᭄᭞ᬲᬶᬚᬶᬭᭀᬭᭀᬢ᭄ᬮᬸᬫ᭄ᬯᬂᬧᬧᬢ᭄ᬜᬫᬮᬶᬄ᭞ᬮᬶᬫᬦᭂᬫ᭄ᬧᬶᬢᬸᬯᭀᬮᬸᬲᬗᬲᬵᬫ᭄ᬧᬸᬦ᭄᭞ᬲᬤᬰᬦᬾᬳᬦᬤᬲ᭄᭞ᬳᬗ᭄ᬕᬾᬦ᭄ᬢᬫ᭄ᬩᬵᬳᬗ᭄ᬮᬸᬓᬢ᭄ᬩᬸᬤᬸᬄᬳᬸᬮᬗᬸᬦ᭄᭞ᬬᬾᬦ᭄ᬕᬫ᭄ᬧᬗᬂᬮᬶ

[᭗᭘ 78A]
᭗᭘
ᬦ᭄ᬢᬂᬕᬫ᭄ᬧᬂ᭞ᬳᬩᭀᬢ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭟᭓᭟ᬲᬢᬸᬤ᭄ᬯᬵᬢᬶᬕᬳᬫ᭄ᬧᬢ᭄᭞ᬮᬶᬫᬳ᭄ᬦᭂᬫ᭄ᬢᬸᬚᬸᬤ᭄ᬮᬧᬵᬦ᭄ᬜᬫᬮᬶᬄ᭞ᬲᭂᬫ᭄ᬩᬶᬮᬦ᭄ᬲᬧᬸᬮᬸᬄᬧᬸᬧᬸᬢ᭄᭞ᬘᬭᬫ᭄ᬮᬬᬸᬯᬱ᭄ᬝᬜ᭞ᬘᬶᬢ᭄ᬦᭀᬲᬵᬲᬶᬕᭀᬮᬓ᭄‌‌ᬘ᭄ᬬᬾᬢ᭄ᬧᬶᬓ᭄ᬜᬵ
ᬧᬸᬦᬶᬓᬸ᭞ᬓᬳᭀᬘᬧ᭄‌‌ᬯᬸᬲ᭄ᬳᬤᬰ᭞ᬘᬭᬘᬶᬦᬓᬯᬶᬮᬗᬶᬦ᭄᭟᭔᭟ᬩᬶᬘᬭᬫᬑᬮᬡ᭄ᬥᬶᬦᬾᬓᭀᬘᬧ᭄᭞ᬳᬶᬦ᭄‌‌ᬢ᭄ᬯᬾᬤ᭄ᬭᬶᬧᬶᬃᬧᬾᬧ᭄‌‌ᬲᬾᬲ᭄‌‌ᬲᬾᬧᭂᬦ᭄‌‌ᬳᬄᬫᬮᬶᬄ᭞ᬦᬾᬳᭂᬦ᭄ᬢᬶᬦ᭄ᬜᬦᬾᬧᬸᬦᬶᬓᬸ᭞ᬧᬸᬦ᭄ᬧᬕᬕ᭄‌‌ᬓ᭄ᬥᬾ
ᬓ᭄‌‌ᬗ᭄ᬭᬓ᭄ᬕᬓ᭄᭞ᬫᭂᬦ᭄ᬤᭂᬧ᭄ᬳᬤᬶᬓᬓᬢᬾᬚᬦᬶᬫᬦᬸᬢᬸᬃ᭞ᬫᬗᬢᬹᬭᬂᬘᬘᬗ᭄ᬓ᭄ᬭᬶᬫᬦ᭄᭞ᬓᬓᬶᬧᬸᬘᬸᬂᬫᬦᬸᬢᬸᬭᬶᬦ᭄᭟᭐᭚ᬧᬸᬄᬧᬸᬘᬸᬂ᭚᭑᭟ᬭᬫᬂᬭᬸᬫᬸᬂ᭞ᬳᬤᬲᭀᬂᬫᬳᬶᬭᬶᬩ᭄ᬲᬸᬯᬸᬂ᭞ᬚᬵᬢᬶᬧᬾᬕ᭄ᬧᬾᬕ᭄‌‌ᬲᭀᬂᬜ᭞ᬲᭀᬂᬓ
ᬢᬸᬗ᭄ᬕᬾᬂᬬᬫᬳᬶᬭᬶᬩ᭄᭞ᬢᬗ᭄ᬓᭂᬩ᭄ᬳᬫ᭄ᬩᬸᬂ᭞ᬫ᭄ᬥᬮ᭄ᬢᭀᬬᬫ᭄ᬕᬢ᭄ᬫᭂᬕᬢ᭄᭟᭒᭟ᬢᭀᬬᬦ᭄ᬳᬶᬧᬸᬦ᭄᭞ᬢ᭄ᬯᬭᬤᬤᬶᬢ᭄ᬤᬦ᭄ᬳᬲᬸ᭞ᬲᭀᬂᬜᬦᬾᬓᬲᬸᬫ᭞ᬳᬕᬸᬂᬳᬮᬶᬢ᭄‌‌ᬢ᭄ᬯᬄᬫᬫᬶᬦ᭄ᬥ᭄ᬭᬶ᭞ᬲᭀᬂᬧᬸᬦᬶᬓᬸ᭞ᬧᬶᬗᬶᬢ᭄ᬜᬦᬾᬦ᭄ᬤᬢᬦ᭄ᬧᬶ [ 79 ][᭗᭘ 78B]
᭗᭘
ᬭ᭟᭓᭟ᬧᬶᬗᬶᬢ᭄ᬳᬶᬧᬸᬦ᭄᭞ᬧᬶᬗᬶᬢᬦ᭄ᬭᬶᬂᬲ᭄ᬩᬸᬦ᭄‌‌ᬓᬸᬓᬸᬃ᭞ᬧᬶᬗᬶᬢ᭄ᬜᬦᬾᬯᬾᬭ᭞ᬦᬾᬘ᭄ᬭᬶᬢᬬᬂᬲᬳᬶᬲᬳᬶ᭞ᬧᬶᬗᬶᬢ᭄ᬳᬶᬧᬸᬦ᭄‌‌ᬤᬾᬦᬶᬂᬢᬶᬤᭀᬂᬳᬤᬧ᭄ᬤᬲ᭄᭟᭔᭟ᬬᬾᬦ᭄ᬲᭀᬂᬳᬶᬧᬸᬦ᭄᭞ᬲᬮ᭄ᬬᬸᬦ᭄ᬳᬦᬓᬾᬢᬳᬸᬦᬵᬗ᭄ᬳᬶᬂᬢ᭄ᬯᬭᬢᬢᬲ᭄᭞ᬮᬶᬗ᭄ᬕᬄ
ᬤᬍᬫ᭄ᬜᬦᬾᬲᬫᬶ᭞ᬢ᭄ᬯᬄᬲᬚᬮ᭄ᬬᬸ᭞ᬳᬦᬓ᭄ᬜᭂᬓ᭄‌‌ᬩᬦ᭄ᬘᬶᬍᬓ᭄ᬓᭂᬚᭀᬓᬦ᭄᭟᭕᭟ᬧᬕᬕ᭄ᬧᬕᬾᬕ᭄‌‌ᬫᬕᬦ᭄ᬢᬶᬕᬦ᭄ᬢᬶᬫᬓᬶᬤᬸᬂ᭞ᬦᬸᬧ᭄ᬥᬸᬧᬂᬲᬂᬦᬵᬣ᭞ᬧᬡ᭄ᬥᬶᬢᬦᬾᬓᬫ᭄ᬧᬶᬄᬲᬫᬶ᭞ᬲᬃᬯ᭄ᬯᬶᬗ᭄ᬭᬸᬗᬸ᭞ᬧᬋᬓᬦ᭄‌‌ᬦᭂᬫ᭄ᬩᬂᬮ᭄ᬯᬶᬃᬥᬂᬥᬂ᭟᭐
᭟ᬧᬸᬧᬸᬄᬥᬂᬥᬂ᭚᭑᭟ᬓᬶᬫᬸᬤ᭄ᬳᬶᬩᬮ᭄ᬬᬦ᭄ᬫᬶᬋᬗᬂᬲᬫᬶ᭞ᬚᬧᬫᬦ᭄ᬢ᭄ᬭ᭞ᬮᬦ᭄ᬯᬾᬥᬢᭀᬂᬲᬶᬮᬄ᭞ᬦᬸᬕᬶᬮᬶᬦ᭄ᬢᬂᬓᬩᬶᬮ᭄ᬩᬶᬮᬾ᭞ᬢᬫ᭄ᬩᬦᬾᬢᬦ᭄ᬓᬮᬶᬗᬸ᭞ᬮᬦ᭄ᬩᬩᬦ᭄ᬢᭂᬦ᭄ᬢᬦ᭄ᬓᬶᬓᬶᬢᬶᬦ᭄᭞ᬩ᭄ᬮᭀᬕ᭄‌‌ᬧᭀᬚᭀᬮ᭄ᬫᬗᬮᬳᬂ᭞ᬢᭀᬫᬓ᭄ᬭ
ᬡᬳᬶᬗᬸᬄ᭞ᬧᬡ᭄ᬥᬶᬢᬲᭂᬗ᭄ᬕᬸᬮᬦ᭄ᬩᬮ᭄ᬬᬦ᭄᭞ᬭᬭᬶᬲ᭄ᬩᬸᬤᬮ᭄᭞ᬧᬫᬃᬕ᭄ᬕᬶᬦᬾᬬᬾᬦᬸᬧᬫᬶ᭞ᬤ᭄ᬫᬂᬤ᭄ᬫᬸᬂᬫᬭᬶᬂᬳᬯᬦ᭄᭟᭐᭚ᬧᬸᬧᬸᬄᬤ᭄ᬫᬸᬂ᭚᭑᭟ᬲᬢᬾᬤᬄᬲᬶᬭᬦᬺᬧᬢᬶ᭞ᬓᬳᬶᬭᬶᬗᬂ᭞ᬭᬶᬂᬫᬦ᭄ᬢ᭄ᬭᬶᬮᬦ᭄ᬧᬭᬳᭂᬫ᭄ᬧᬸ᭞ᬫᬶ

[᭗᭙ 79A]
᭗᭙
ᬯᬄᬯᬢᭂᬓ᭄ᬲᭂᬗ᭄ᬕᬸ᭞ᬢᬦ᭄ᬯᬸᬯᬸᬲᬦ᭄ᬭᬶᬂᬫᬃᬕ᭄ᬕᬶ᭞ᬫᬦᬄᬜᬩᬵᬦ᭄ᬓᬾᬭᬂᬳᬾᬭᬂ᭞ᬲᬫᬶᬧᬥᬗᬸᬗ᭄ᬲᬶᬓᬸᬯᬸ᭞ᬭᬶᬂᬲᬵᬫ᭄ᬧᬸᬦᬾᬫᬳᬵᬭᬚ᭞ᬭᬶᬂᬳᬩ᭄ᬬᬦ᭄ᬢᬭᬗ᭄ᬭᬜ᭄ᬚᬶᬂ᭞ᬯᬢᭂᬓ᭄ᬓ᭄ᬭᬡ᭄ᬥᬦ᭄‌‌ᬢ᭄ᬮᬲ᭄ᬫᬫᭂᬦ᭄ᬤᬓ᭄᭞ᬯᬚᬶᬓ᭄ᬘᭀᬓᭀᬃᬲᬵᬫ᭄ᬧᬸᬦ᭄ᬓᬵ
ᬢᬹᬃ᭟᭒᭟ᬦ᭄ᬤᬢᬸᬘᬧᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬉᬤ᭄ᬬᬦ᭞ᬧᬋᬓᬦ᭄ᬓᬭᭀᬫᬗᭂᬫ᭄ᬧᬸ᭞ᬍᬲᬸᬦ᭄ᬜᬦᬾᬓ᭄ᬮᬮᬸ᭞ᬲ᭄ᬬᬂᬤᬮᬸᬗᬢᬹᬭᬂᬕᭂᬡ᭄ᬥᬶᬂ᭞ᬦᬸᬮ᭄ᬬᬦᬶᬤ᭄ᬭᬓᬍᬍᬧᬦ᭄᭞ᬳᬗ᭄ᬲᬸᬭᬦᬾᬧᬥᬕ᭄ᬭᬸᬲ᭄‌‌ᬕ᭄ᬭᬸᬲ᭄᭞ᬩᬳᬦ᭄ᬓᬸᬭᬸᬦᬾᬓᬮᬶᬦ᭄ᬢᬂ᭞ᬧᬋ
ᬓᬦ᭄ᬫᬓᬓᬮᬶᬄ᭞ᬢᬦ᭄ᬢᬳᬸᬭᬶᬂᬧᬚᬕᬢᬦ᭄᭞ᬲᬵᬫ᭄ᬧᬸᬦ᭄ᬦᬫ᭄ᬧᬶᬢ᭄ᬗᬄᬤᬮᬸ᭟᭓᭟ᬭᬳᬤ᭄ᬬᬦ᭄ᬭᬭᬶᬲ᭄ᬫᬦᬗᬶᬲ᭄᭞ᬮᬶᬦ᭄ᬢᬂᬰᬸᬦ᭄ᬬ᭞ᬓᬢᭀᬦ᭄ᬧᬋᬓᬦ᭄ᬗᬮᬶᬫ᭄ᬧ᭄ᬭᬸᬓ᭄᭞ᬚᬸᬫ᭄ᬮᬕ᭄ᬲᬗᬩᬕᬸᬲ᭄᭞ᬤᬤᬶᬳᬶᬚᬸᬳᬶᬤᬫᬶᬚᬶᬮ᭄᭞ᬲᬄ
ᬲᬓᬶᬂᬳᬸᬫᬄᬓᬦᬓ᭞ᬦᭀᬭᬓᬦ᭄ᬢᭂᬦ᭄ᬓᬂᬳᬶᬦᬸᬚᬸ᭞ᬢᬦᬵᬦᬳᬾᬮᬶᬂᬭᬶᬂᬭᬕ᭞ᬲᬓᬶᬂᬢᬫᬦ᭄ᬫᬗ᭄ᬭᬭᬶᬲ᭄᭞ᬫᬦᬸᬚᬸᬫᬭᬶᬂᬧᬰ᭄ᬘᬶᬫ᭞ᬮᬫ᭄ᬧᬳᬾᬲᬵᬫ᭄ᬧᬸᬦ᭄ᬗᬮᬗ᭄ᬓᬸᬂ᭟᭔᭟ᬲᬵᬫ᭄ᬧᬸᬦ᭄ᬩᬚᭂᬕ᭄ᬲᬹᬃᬬ᭄ᬬᬫᬗ᭄ᬓᬶᬦ᭄ [ 80 ][᭗᭙ 79B]
᭗᭙
᭞ᬓᭀᬘᬧᬦ᭄᭞ᬧᬋᬓᬦ᭄ᬯᬯᬸᬫᬳᬸᬗᬸ᭞ᬕᬸᬲ᭄ᬢᬶᬦᬾᬢᬦ᭄ᬓᬦ᭄ᬢᬸᬦ᭄᭞ᬫᬘ᭄ᬩᬸᬃᬫᬺᬋᬄᬳᬕ᭄ᬮᬶᬲ᭄᭞ᬫᬭᬶᬂᬢᬫᬦ᭄ᬫᬳᬶᬍᬳᬦ᭄᭞ᬦ᭄ᬤᬸᬮᬫᬾᬳᬶᬤᬲᬂᬧ᭄ᬭᬪᬸ᭞ᬧᬕᬾᬕ᭄ᬗᬸᬘᬧ᭄ᬭᬶᬂᬓᬓᬦ᭞ᬳᬸᬤᬸᬄᬩ᭄ᬮᬶᬤᬶᬚᬳᬮᬶᬄ᭞ᬳᬶᬧᬕᬕ᭄ᬳᬸᬚᬭᬾ
ᬩᬗ᭄ᬕ᭄ᬭᬲ᭄᭞ᬗᬸᬤᬳᬤᬶᬫᬶᬮ᭄ᬯᬢᬸᬭᬹ᭟᭕᭟ᬤ᭄ᬯᬦᬶᬂᬚᬦᬶᬢᬦ᭄ᬓᬧᬗ᭄ᬕᬶᬄ᭞ᬳᬧᬦᬵᬬ᭞ᬤᬶᬚᬚᬦᬶᬧᬘᬂᬭᬸᬭᬸᬄ᭞ᬳᬭᬶᬦᬾᬫᬲᬯᬸᬃ᭞ᬚᬮᬦ᭄‌ᬩ᭄ᬮᬶᬚ᭄ᬯᬓᬧᬸᬭᬶ᭞ᬓᬓᬦ᭄ᬜᬦᬾᬕ᭄ᬮᬶᬲ᭄ᬳᬗᬸᬘᬧ᭄᭞ᬲᬶᬂᬜᬓᬕᬾᬢ᭄ᬢᬸᬲᬶᬂᬫᬦ᭄ᬢᬸ
ᬓ᭄᭞ᬭᬕᬢᬸᬬᬸᬄᬢᬦ᭄ᬧᬕᬸᬡ᭞ᬢᬦ᭄ᬯᬗ᭄ᬤᬾᬬᬦᬶᬗᭂᬄᬫᬸᬜᬶ᭞ᬳᬯᬓ᭄ᬓᬢᬸᬤᬸᬄᬫᬗ᭄ᬭᬓ᭄ᬱᬵ᭞ᬓᬕᬾᬢ᭄ᬚᬦᬶᬦᭀᬭᬢᬸᬳᬸ᭟᭖᭟ᬫ᭄ᬮᬳᬦ᭄ᬚᬦᬶᬲᬸᬩᬳᬮᬶᬄ᭞ᬫᬭᬶᬂᬳᬮᬲ᭄᭞ᬳᬤ᭄ᬬᬧᬶᬦ᭄ᬭᬶᬂᬕᬸᬦᬸᬂᬕᬸᬦᬸᬂ᭞ᬤᬫᬗᬶᬢᬸᬂᬢᬸᬬᬸᬄ᭞
ᬲᬂᬓᬮᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬮᬫ᭄ᬧᬄᬜᬦᬾᬫᬫᬹᬃᬯ᭄ᬯᬦᬶ᭞ᬫᬜ᭄ᬮᬓ᭄ᬱᬓᬶᬦ᭄ᬬᬵᬲ᭄ᬬᬂᬥᬮᬸ᭞ᬢᬦ᭄ᬲᬄᬓᬓᬵᬮᬦ᭄ᬳᬭᬶᬦ᭄ᬬ᭞ᬬᬦ᭄ᬧᬶᬭᬂᬮᬾᬓ᭄ᬫᬓᬮᬫᬶ᭞ᬧᬋᬓᬦ᭄ᬢᬦ᭄ᬲᬄᬫᬫ᭄ᬯᬢᬂ᭞ᬓᬸᬭᬸᬮᬬᬄᬧᬢᬶᬳᭂᬦ᭄ᬢᬸᬮ᭄᭟᭗

[᭘᭐ 80A]
᭘᭐
᭟ᬧᬸᬦ᭄ᬧᬕᬾᬕ᭄ᬓᭂᬤᭂᬄᬫᬫᬸᬜᬶ᭞ᬭᬶᬂᬓᬓᬦ᭞ᬳᬦ᭄ᬢᭀᬲᬂᬢᬶᬢ᭄ᬬᬂᬤᬶᬤᬸᬮᬸ᭞ᬓᬓᬦ᭄ᬜᬫᬦᬸᬗ᭄ᬕᬸ᭞ᬤᬶᬚᬮᬓᬸᬚᬦᬶᬳᬤᬶ᭞ᬦᬶᬓᬯᬾᬦ᭄ᬢᭂᬦ᭄‌ᬲ᭄ᬯᬭᬦ᭄ᬳᬬᬫ᭄᭞ᬚᬮᬦ᭄ᬩᭂᬮᬶᬲᬶᬗ᭄ᬕᬄᬤᬶᬢᬸ᭞ᬲᬂᬓᬮᬶᬄᬦᬸᬮ᭄ᬬᬫᬚᬮᬦ᭄᭞ᬤᬦᬾᬤᬸ
ᬓᬸᬄᬓᬧᬗ᭄ᬕᬶᬄ᭞ᬢ᭄ᬮᬲ᭄ᬲᬫᬶᬲᬵᬫ᭄ᬧᬸᬦ᭄ᬓᬵᬢᬹᬭᬂ᭞ᬚ᭄ᬭᭀᬥᬸᬓᬸᬄᬫᬸᬜᬶᬦᬾᬳᬮᬸᬲ᭄᭟᭘᭟ᬳᬦ᭄ᬢᭀᬲ᭄ᬘᬳᬶᬤᬶᬦᬶᬚᬦᬶ᭞ᬚᬕᬧ᭄ᬭᬧ᭄ᬢᬵ᭞ᬭᬳᬤᬾᬦ᭄ᬥᬃᬫ᭄ᬫᬂᬓᬧ᭄ᬭᬪᬸ᭞ᬢᬦ᭄ᬲᬄᬫᬧᬶᬢᬸᬢᬸᬃ᭞ᬳᬸᬚᬭᬾᬳᬶᬤᬸᬓᬸᬄᬰᬓ᭄ᬢᬶ᭞ᬳᬦᬭᬶᬂᬕᬸᬦᬸᬂᬫᬬᬹᬭ
ᬓᬤᬾᬬᬦ᭄ᬢᬸᬫᬸᬢ᭄ᬫᬤᬥᬸᬓᬸᬄᬫᬢᬦ᭄ᬤᬸᬭᬦ᭄ᬨᬮᬩᬸᬗ᭄ᬓᬄ᭞ᬲᬂᬓᬮᬶᬄᬦᬭᬶᬂᬕᬶᬭᬶ᭞ᬧᬶᬭᬂᬰᬰᬶᬄᬳᬦᬵᬗ᭄ᬓᬦ᭞ᬘᬶᬦᬭᬶᬢᬧ᭄ᬭᬪᬸᬩᬸᬤᬸᬄ᭟᭙᭟ᬲ᭄ᬬᬂᬭᬢ᭄ᬭᬶᬳᬶᬤᬫᬫᬃᬕ᭄ᬕᬶ᭞ᬫᬭᬶᬂᬳᬮᬲ᭄᭞ᬢᬦ᭄ᬫᬭᬶᬫᬜᬸᬲᬸᬧ᭄ᬕᬸᬦᬸᬂ᭞ᬭᬭᬶᬲ᭄ᬳᬶᬤᬭᬸᬦ᭄ᬢᬸᬄ᭞
ᬭᬶᬂᬩᬸᬮᬓᬦ᭄‌‌ᬯᬳᬸᬫᬾᬮᬶᬂ᭞ᬢᬦ᭄ᬫᬭᬶᬫᬲᬲᬫ᭄ᬩᬢᬦ᭄᭞ᬫᬦᬸᬮᬫᬾᬲᬂᬤ᭄ᬬᬄᬳᬬᬸ᭞ᬤᬸᬄᬫᬵᬲ᭄ᬫᬶᬭᬄᬉᬤ᭄ᬬᬵᬢ᭄ᬫᬶᬓ᭞ᬤᭀᬂᬘᬶᬗᬓ᭄ᬢᬶᬢ᭄ᬬᬂᬳᬶᬓᬶᬂᬓᬶᬂ᭞ᬳᬲᬶᬂᬓᬢᭀᬦ᭄ᬬᬲᬯᬗᬂ᭞ᬳᬲᬶᬂᬳᬲᬶᬂᬬᬓᬧᬗ᭄ᬕᬸᬄ᭟᭑᭐᭟ᬫᬧᬦ᭄ᬫᬸᬮᬲ [ 81 ][᭘᭐ 80B]
᭘᭐
ᬓᬶᬂᬗᬹᬦᬶ᭞ᬳᬸᬘᬧᬗ᭞ᬳᬶᬫᬶᬭᬄᬲᬦᬾᬓᬲᬸᬂᬲᬸᬂ᭞ᬩᬗᭂᬢ᭄ᬗᬯᬾᬩᬸᬤᬸᬄ᭞ᬭᬶᬂᬯ᭄ᬗᬶᬦᬾᬧᬶᬂᬢ᭄ᬮᬸᬳᬩᬶᬦ᭄᭞ᬲᬋᬂᬢᬶᬢ᭄ᬬᬂᬫᬓᬭᭀᬦᬦ᭄᭞ᬢᬸᬗ᭄ᬕᬮ᭄ᬫᬗ᭄ᬭᬲᬬᬂᬕᬸᬦᬸᬂ᭞ᬯᬸᬲ᭄ᬩᬸᬮᬦᬦ᭄ᬢᭂᬫ᭄ᬯᬂᬢᬶᬢ᭄ᬬᬂ᭞ᬳᬶᬤᬾᬯᬫᬜᬓᬶᬢᬶᬦ᭄᭞ᬲᬵᬓ᭄ᬱᬢ᭄ᬳᬦ᭄ᬫᬸᬲ
ᬗ᭄ᬲᬭ᭞ᬲᬳᬶᬲ᭄ᬤᬶᬄᬗᬫᬾᬳ᭄ᬬᬂᬳᬬᬸ᭟᭑᭑᭟ᬳᬬᬸᬦᬾᬢᭀᬗᬤᬦᬦ᭄ᬤᬶᬗᬶᬦ᭄᭞ᬳᬗ᭄ᬕᬦ᭄ᬳᬶᬤᬾᬯ᭞ᬳᬮᬸᬲᬾᬜᬮᬂᬩᬸᬓᬕ᭄ᬭᬸᬲ᭄᭞ᬓᬤᬶᬩᬸᬮᬦ᭄ᬫᭂᬢᬸ᭞ᬫᬲ᭄ᬮᭂᬤᬾᬢ᭄ᬗᬗᭂᬦᬶᬦ᭄ᬳᬢᬶ᭞ᬕᬸᬍᬫᬾᬤᬲ᭄ᬥᬲᬦ᭄ᬳᬸᬚᬦ᭄᭞ᬮ᭄ᬯᬶᬃᬭᬫ᭄ᬩᬸᬢᬾᬤᭂᬫ᭄ᬤᭂᬫ᭄ᬳᭂ
ᬫ᭄ᬧᬸᬓ᭄᭞ᬳᬮᬶᬲᬾᬢᬚᭂᬧ᭄ᬫᬍᬜᬤ᭄᭞ᬲᬸᬲᬸᬦᬾᬮ᭄ᬯᬶᬃᬜᬸᬄᬕᬥᬶᬂ᭞ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬱ᭞ᬳᬸᬦ᭄ᬢᬸᬗᬧᬶᬢ᭄ᬗᬢᬶᬩᬂᬩᬸᬂ᭟᭑᭒᭟ᬲᬵᬫ᭄ᬧᬸᬦ᭄ᬭᬢᬸᬧᬘᬂᬮᬮᬶᬲ᭄᭞ᬦᬭᬶᬂᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬲᬋᬂᬲᬢᬸᬯᬸᬓ᭄᭞ᬫᬮᬶᬄᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬲᬶᬂ
ᬜᬢᬶᬢ᭄ᬬᬂᬫᬮ᭄ᬯᬦ᭄ᬫᬢᬶ᭞ᬤᬵᬗᬢᬹᬭᬶᬦ᭄ᬳᬶᬤᬧ᭄ᬭᬡ᭄ᬥᬵ᭞ᬳᬧᬂᬫᬶᬭᬄᬚ᭄ᬯᬫᬜᬬᬸᬢ᭄᭞ᬮᬦ᭄ᬢᬲ᭄ᬳᬶᬫᬶᬭᬄᬫᬸᬧᬸᬢᬂ᭞ᬕᭂᬦ᭄ᬢᬳᬶᬦ᭄ᬳᬦ᭄ᬢᬸᬓ᭄ᬧᬜ᭄ᬚ᭄ᬭᬶᬢ᭄᭞ᬢᭀᬬᬳᬶᬦ᭄ᬩᬵᬦ᭄ᬬᬾᬄᬢᬶᬗ᭄ᬳᬮ᭄᭞ᬥᬓ᭄ᬱᬶᬡᬳᬶᬦ᭄ᬩᬵᬦ᭄‌‌ᬘᬸᬗᬸᬄ᭟᭑᭓᭟ᬢᬢ᭄ᬩᬲᬶ

[᭘᭑ 81A]
᭘᭑
ᬦ᭄ᬩᬳᬦ᭄ᬧᬶᬧᬶ᭞ᬰᬯᬦ᭄ᬢᬶᬢ᭄ᬬᬂ᭞ᬲ᭄ᬧᬳᬾᬳᬗ᭄ᬕᬾᬦ᭄‌‌ᬯᬿᬓᬸᬫ᭄ᬓᬸᬫ᭄᭞ᬲ᭄ᬓᬃᬭᬸᬭᬳᬶᬦ᭄ᬩᬵᬦ᭄ᬓᭂᬜᬸᬂ᭞ᬯᬶᬤᬸᬩᬗᬾᬳᬗ᭄ᬕᬾᬦ᭄ᬫᬱ᭄ᬫᬶ᭞ᬳᬯᬸᬦ᭄ᬢᬶᬢ᭄ᬬᬗᬾᬳᬢᬹᬭᬂ᭞ᬭᬶᬂᬳᬶᬤᬲᬂᬓᬯᬶᬧᬸᬢᬸᬲ᭄᭞ᬫᬗ᭄ᬤᬮᬶᬗ᭄ᬕᬬᬂᬭᬶᬂᬓᬺᬢᬲ᭄᭞ᬳᬯᬸᬦᬾᬳᬗ᭄ᬕᬾᬦ᭄ᬫ
ᬗ᭄ᬲᬶ᭞ᬲᬵᬫ᭄ᬧᬸᬦ᭄ᬭᬢᬸᬫᬜᭂᬗ᭄ᬓᬬᬂ᭞ᬧᬭᬶᬧᭀᬮᬄᬓ᭄ᬭᬭᬦᬓᬸ᭟᭑᭔᭟ᬲᬶᬥᬓᬘᬸᬡ᭄ᬥᬸᬓ᭄ᬧᬂᬲᬳᬶ᭞ᬳᬯᬵᬲ᭄ᬤᬾᬯ᭞ᬭᬶᬂᬕᬶᬢᬢᬶᬢ᭄ᬬᬂᬫᬳᬸᬗ᭄ᬕᬸᬄ᭞ᬬᬾᬦ᭄ᬭᬢᬸᬳᬸᬮᬗᬸᬦ᭄᭞ᬭᬶᬓᬵᬮᬦᬶᬓᬦᬂᬯ᭄ᬗᬶ᭞ᬳᬶᬭᬶᬓᬤᬾᬯᬲᭀᬘᬧᬦ᭄᭞ᬳᬄᬲᬶᬦᬄ
ᬢᬶᬢ᭄ᬬᬂᬫᬲᬯᬸᬃ᭞ᬓᬾᬯᬦ᭄ᬢᭂᬦ᭄ᬤᬾᬯᬗᬸᬘᬧᬂ᭞ᬫᬗ᭄ᬤᬓᬾᬭᬢᬸᬳᬾᬮᬶᬂ᭞ᬦᬭᬶᬂᬢᬶᬢ᭄ᬬᬂᬳᬸᬮᬶᬂᬓᬸᬦ᭞ᬮᬭᬦᬶᬂᬓᬓᬦ᭄ᬢᬫᬵᬲ᭄ᬓᬸ᭟᭑᭕᭟ᬬᬦ᭄ᬲᬵᬫ᭄ᬧᬸᬦ᭄ᬭᬢᬸᬗ᭄ᬫᬲᬶᬦ᭄᭞ᬭᬶᬂᬅᬦ᭄ᬢᬓ᭞ᬳᬧᬂᬢᬦ᭄ᬫᬭᬶᬓᬘᬸᬡ᭄ᬥᬸᬓ᭄᭞ᬫᬦᭂᬫ᭄ᬯᬂᬓᬸᬮᬗᬸᬦ᭄
ᬦᭀᬭᬧᬲᬄᬭ᭄ᬬᬵᬓᬸᬳᬭᬶ᭞ᬲ᭄ᬮᬫ᭄ᬧᬄᬮᬓᬸᬦᬾᬤᬸᬫᬥ᭄ᬬ᭞ᬳᬧᬂᬢᬶᬢ᭄ᬬᬂᬲᬋᬂᬤᬶᬢᬸ᭞ᬬᬦ᭄ᬳᬤᬶᬤᬤᭀᬲ᭄ᬘᬦ᭄ᬤᬦ᭞ᬢᬶᬢ᭄ᬬᬂᬤᬤᬶᬲᬶᬓᬭᬶ᭞ᬧᬘᬂᬫᬗ᭄ᬮᬶᬮᬶᬢ᭄ᬳᬶᬤᬾᬯ᭞ᬢᬸᬮᬶᬳᬦᬵᬓᬸᬳᬤ᭄ᬬᬬᬸ᭟᭑᭖᭟ᬬᬦ᭄ᬳᬶᬤᬾᬯᬤ [ 82 ][᭘᭑ 81B]
᭘᭑
ᬤᭀᬲ᭄ᬘᬭᬶᬓ᭄᭞ᬓᬓᬯᬿᬦ᭄ᬬ᭞ᬳᬾᬮᬶᬗᬂᬤᬾᬯᬳᬤᬶᬳᬬᬸ᭞ᬬᬦ᭄ᬫᬦᬤᬶᬫᭂᬡ᭄ᬥᬸᬂ᭞ᬢᬶᬢ᭄ᬬᬂᬫᬵᬭᬸᬣᬦᬾᬢᬭᬶᬓ᭄᭞ᬬᬢᬦᬸᬫᬤᬶᬭᬶᬂᬍᬫᬄ᭞ᬢᬶᬢ᭄ᬬᬂᬧᬘᬂᬦᬤᭀᬲ᭄ᬚᬯᬸᬄ᭞ᬢᬦ᭄ᬲᬄᬢᬶᬩᬭᬶᬂᬳᬶᬤᬾᬯ᭞ᬭᬶᬋᬂᬋᬂᬳ
ᬯᭀᬃᬬ᭄ᬬᬤᬶ᭞ᬓᬮᬦᬶᬂᬮᬳ᭄ᬭᬸᬧᬲᬄ᭞ᬳᬢ᭄ᬗᬄᬫᬱᬓᬢ᭄ᬫᬸ᭟᭑᭗᭟ᬬᬦᬵᬭᬶᬫᬦᬤᬶᬰᬰᬶᬄ᭞ᬧᬶᬋᬂᬤᬾᬯ᭞ᬓᬓᬦ᭄ᬢᬤᬤᬶᬓᬘᬸᬘᬸᬃ᭞ᬫᬸᬦ᭄ᬬᬦᬸᬤᬹᬢ᭄ᬓᬡ᭄ᬬᬸᬦ᭄᭞ᬫᬢᬶᬗ᭄ᬕᬄᬭᬶᬂᬓᬬᬸᬮᬶᬕᬶᬃ᭞ᬲᬸᬓᬬᬦ᭄ᬫᬫᬚᬂᬳᬸᬮᬦ᭄᭞
ᬗᬶᬭᬶᬂᬥ᭄ᬬᬄᬫᬘᬂᬓᬸᬮᬗᬸᬦ᭄᭞ᬭᬶᬧᬥᭂᬫ᭄ᬳᬶᬓᬦᬂᬳᬸᬮᬦ᭄᭞ᬧᬲᬄᬢᬶᬢ᭄ᬬᬂᬭᬶᬂᬳᬶᬳᬭᬶ᭞ᬗᬰᬰᬶᬄᬳᬯᭀᬃᬭᬶᬂᬢᬶᬢ᭄ᬬᬂ᭞ᬳᬾᬮᬶᬗᬂᬭᬢᬸᬚᬦ᭄ᬫᬵᬓᬸᬂ᭟᭑᭘᭟ᬬᬦ᭄ᬭᬢᬸᬦᬤᭀᬲ᭄ᬢᬸᬓᬤ᭄‌‌ᬓ᭄ᬭᬶᬂ᭞ᬢᬶᬢ᭄ᬬᬂᬢᭀᬬ᭞ᬫᬶᬮᬶᬲ᭄ᬢᬢᬲ᭄ᬬᬂᬤ
ᬮᬸ᭞ᬫᬗ᭄ᬤᬓᬾᬫᬧᬸᬧᬸᬮ᭄᭞ᬲᬸᬓᬤᬸᬓᬲᬵᬭᬶᬲᬵᬭᬶ᭞ᬫᬜᬸᬓᬦᬶᬦ᭄ᬤᬕᬶᬂᬯ᭄ᬮᬳᬃ᭞ᬲᬓᬜ᭄ᬘᬦᬶᬂᬲᬫᬶᬤᬶᬢᬸ᭞ᬳᬶᬤᬾᬯᬯᬤᬳᬶᬂᬫᬺᬢ᭄ᬢ᭞ᬢᬶᬢ᭄ᬬᬂᬧᬶᬦᬓᬤᬕᬶᬂ᭞ᬫᬶᬯᬄᬢᬭᬸᬭᬶᬂᬧᬶᬗ᭄ᬕᬶᬃᬜ᭞ᬲᬫᬶᬲᬸᬓᬧᬥᬳᬢᬸᬩ᭄

[᭘᭒ 82A]
᭘᭒
᭟᭑᭙᭟ᬬᬢᬗᬯᬢᬭᬳᬭᬶ᭞ᬭᬶᬂᬓᬸᬫᬸᬥ᭞ᬲ᭄ᬤᭂᬂᬫᬦᭂᬥᭂᬂᬳᬭᬹᬫ᭄᭞ᬭᬶᬂᬢᬫᬦ᭄ᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬤᬶᬢᬸᬢᬶᬢ᭄ᬬᬂᬗᬶᬲᭂᬧ᭄ᬲᬵᬭᬶ᭞ᬭᬯᬸᬄᬫᬦᬤᬶᬩ᭄ᬭᬳ᭄ᬫᬵᬭ᭞ᬫᬸᬲᬸᬲᬶᬂᬓᬸᬰᬸᬫᬦ᭄ᬳᬶᬧᬸᬦ᭄᭞ᬢᬦ᭄ᬫᬭᬶᬫᬳᬲ᭄ᬭᬶᬂᬢᬫᬦ᭄᭞ᬗ᭄ᬭᬩᬲ᭄ᬓᬫ᭄ᬭᬶ
ᬓᬦ᭄ᬳᬭᬶ᭞ᬗᬶᬭᬶᬂᬭᬢᬸᬚ᭄ᬯᬧᬸᬧᬸᬢᬂ᭞ᬢ᭄ᬓᬦᬶᬂᬤ᭄ᬮᬳᬦ᭄ᬬᬫᬵᬲ᭄ᬓᬸ᭟᭒᭐᭟ᬲᬶᬗ᭄ᬕᬶᬄᬓᬝᬄᬬᬦ᭄‌‌ᬕᬶᬦᬸᬭᬶᬢ᭄᭞ᬭᬶᬂᬓᬦᬦ᭞ᬲᬶᬭᬂᬰ᭄ᬭᬷᬥᬃᬫ᭄ᬫᬶᬓᬧ᭄ᬭᬪᬸ᭞ᬮᬫ᭄ᬧᬳᬾᬫᬜᬸᬲᬸᬧ᭄᭞ᬫᬫᬶᬦ᭄ᬤ᭄ᬭᬶᬄᬉᬤ᭄ᬬᬢ᭄ᬫᬶᬓᬵᬭᬶ᭞ᬦᬫ᭄ᬧᭂᬓ᭄ᬭᬶᬂᬓᬭᬂᬦᬵᬕ
ᬭ᭞ᬧᭀᬦ᭄ᬤᭀᬓ᭄ᬰᬯᬄᬓ᭄ᬯᬾᬄᬓᬢ᭄ᬫᬸ᭞ᬫᬶᬯᬄᬢ᭄ᬕᬮ᭄ᬧᬕᬸᬦᬸᬗᬦ᭄᭞ᬧᬫᬃᬕ᭄ᬕᬶᬦᬾᬲᬤᬳᬭᬶᬲ᭄᭞ᬲᬦ᭄ᬤ᭄ᬬᬓᬵᬓᬶᬸᬮᬓᬂᬤᬾᬯᬱ᭞ᬲᬂᬲᬓᬶᬂᬳᬤ᭄ᬭᬶᬲᬂᬧ᭄ᬭᬪᬸ᭟᭐᭚ᬧᬸᬧᬸᬄᬳᬤ᭄ᬭᬶ᭚᭑᭟ᬓᭀᬘᬧ᭄ᬯᬾᬦ᭄ᬢᭂᬦ᭄ᬳᬦᬓ᭄ᬢᬢᬶᬕᬧ
ᬘᬸᬮ᭄᭞ᬭᬶᬂᬧᬕᬸᬦᬸᬗᬦᬾ᭞ᬭᬶᬂᬤᬾᬰᬓᬭᬂᬦᬾᬫᬗ᭄ᬓᬶᬦ᭄᭞ᬫᬜᬫᬢ᭄ᬯᬄᬲᬋᬂᬢᬢ᭄ᬮᬸ᭞ᬧᭀᬦ᭄ᬤᭀᬓ᭄ᬜᬦᬾᬬᬫᬧᬸᬦ᭄ᬤᬸᬄ᭞ᬳᬶᬚᬕᬩ᭄ᬤᬶᬮ᭄‌‌ᬫ᭄ᬯᬂᬳᬶᬢᬸᬫ᭄ᬩᬓ᭄᭞ᬯᬱ᭄ᬝᬦ᭄ᬜᬦᬾᬓᬯᬸᬯᬸᬲ᭄᭞ᬫᬢᬢᬦ᭄ᬤᬸᬭᬦ᭄ᬨᬮᬩᬸᬗ᭄ᬓᬄ᭞ [ 83 ][᭘᭒ 82B]
᭘᭒
ᬮᬦ᭄ᬨᬮᬕᬦ᭄ᬢᬸᬗᬾᬫᬯᬃᬡ᭄ᬦᬵ᭟᭒᭟ᬓᬭᬸᬲᬸᬳᬦ᭄ᬋᬓᬾᬳᬦ᭄ᬢᬸᬓ᭄ᬧᬦ᭄ᬤᬸᬂ᭞ᬭᬶᬂᬲᬪᬦ᭄‌‌ᬯ᭄ᬗᬶᬦᬾ᭞ᬓᬕ᭄ᬩᬕᬶᬦ᭄ᬲᬳᬶᬲᬳᬶ᭞ᬲᬂᬢᬶᬕᬢᬦ᭄ᬲᬄᬫᬦᬸᬗ᭄ᬕᬸ᭞ᬲᬩᬶᬮᬂᬲᬾᬧ᭄ᬳᬮᬶᬄᬧᬦ᭄ᬤᬸᬂ᭞ᬓᬲᬾᬮᬚᬕᬸᬗᬾᬳᬶᬘᬮ᭄᭞ᬓ᭄ᬭᬡᬲ᭄ᬩᭂᬢᬾ
ᬓᬤᬸᬭᬸᬲ᭄᭞ᬦᬸᬗ᭄ᬕᬶᬮ᭄‌‌ᬯ᭄ᬗᬶᬫᬳᬾᬤ᭄ᬭᬦ᭄᭞ᬳᬦ᭄ᬢᬸᬓ᭄‌‌ᬚ᭄ᬗᬳᬾᬓᬮᬶᬦ᭄ᬢᬂ᭟᭓᭟ᬧᬶᬦᬶᬄᬯᬾᬦ᭄ᬢᭂᬦᬺᬓᬾᬢ᭄ᬗᬄᬤᬮᬸ᭞ᬫᬓᬮᬫᬶᬦ᭄ᬜᬦᬾ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬧ᭄ᬭᬧ᭄ᬢᬶ᭞ᬧᬫᬃᬕᬶᬦᬾᬧᬢᬶᬳᭂᬦ᭄ᬢᬸᬮ᭄᭞ᬗᬧᬾᬳᬧᬾᬦᬶᬤ᭄ᬬᬄᬳᬬᬸ᭞
ᬢᬸᬫ᭄ᬩᬓ᭄‌‌ᬩ᭄ᬥᬶᬮ᭄ᬫᬶᬯᬄᬚᬕ᭞ᬲᬳᬲᬭᬭᬶᬲ᭄ᬫᬗᭂᬚᬸᬓ᭄᭞ᬳᬸᬫᬸᬂᬲ᭄ᬯᬭᬦᬾᬭᬶᬂᬰᬯᬄ᭞ᬳᬤᬫᬮᬶᬂᬢᬸᬮᬸᬂᬳᬶᬘᬂ᭟᭔᭟ᬧᬶᬲᬕᬦ᭄ᬜᬦᬾᬢ᭄ᬓᬫᬦᬸᬮᬸᬂ᭞ᬲᬺᬕᭂᬧ᭄ᬕᬕᬯᬦᬾ᭞ᬳᬭᬶᬢ᭄ᬧᭂᬦ᭄ᬢᭀᬂᬫᬶᬯᬄᬩ᭄ᬥᬶᬮ᭄᭞ᬲᬳᬲᬲᬫᬶᬫᬫᬸᬓᬸ
ᬮ᭄᭞ᬳᬤᬮᬾᬦ᭄ᬦᬶᬜ᭄ᬚᬓ᭄ᬫᬜᬶᬗ᭄ᬕᬸᬓ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲᬺᬩᬄ᭞ᬳᬲᬶᬂᬢ᭄ᬓᬧᬥᬦᬜ᭄ᬚᬸᬂ᭞ᬫᬸᬮᬶᬲᬄᬳᬶᬤᬭᬶᬂᬮ᭄ᬫᬄ᭞ᬲᬂᬫᬗᭀᬱᬬᬫᬫᬢ᭄ᬩᬢ᭄᭟᭕᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬳᬮᭀᬦ᭄ᬫᬯᬸᬯᬸᬲ᭄᭞ᬩᬧᬩ᭄ᬮᬶᬳᬬ᭄ᬯᬳ

[᭘᭓ 83A]
᭘᭓
ᬕᬾ᭞ᬦᬧᬶᬳᬶᬯᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓ᭄ᬭᬡᬲᬳᬱᬓᬤᬸᬭᬸᬲ᭄᭞ᬲᬂᬢᬶᬕᬫᬲᬯᬸᬃᬕᬗ᭄ᬲᬸᬮ᭄᭞ᬳ᭄ᬤᬵᬩ᭄ᬯᬶᬦ᭄ᬳᬶᬩᬫᬗᬸᬘᬧ᭄᭞ᬳᬶᬩᬲᬸᬩᬚᬵᬢᬶᬭᬸᬲᬸᬄᬲᬧ᭄ᬢᭂᬂᬧ᭄ᬢᭂᬂᬫᬜᭀᬭᬄ᭞ᬕ᭄ᬮᬄᬓᬳᬶᬦᬾᬳᬶᬩᬦᬾᬫᬬᬃ᭟
᭖᭟ᬲᬚᬢ᭄ᬯᬄᬕᭀᬩᬦ᭄ᬳᬶᬩᬦᬾᬩᬕᬸᬲ᭄᭞ᬓ᭄ᬤᬲ᭄‌‌ᬢ᭄ᬮᬧᬓᬦᬾ᭞ᬧᬦ᭄ᬢᭂᬲ᭄ᬤᬤᬶᬢᬸᬓᬂᬫᬮᬶᬂ᭞ᬳᬶᬦᬩ᭄‌‌ᬢᬸᬲᬶᬂᬤ᭄ᬫᭂᬦ᭄ᬢᬸᬬᬸᬄ᭞ᬲᬩᬶᬮᬂᬮ᭄ᬫᬄᬮ᭄ᬯᬲ᭄ᬗᬗ᭄ᬕᬸᬃ᭞ᬤᬶᬧ᭄ᬢᭂᬗᬾᬓᬤᬶᬮᬸᬩᬓ᭄᭞ᬩᬶᬲᬤᬤᬶᬲᬂᬳ᭄ᬬᬂᬓᬭᬸᬂ᭞ᬳᬲᬶᬂᬦᬶᬗ᭄ᬕᬶᬮ᭄
ᬬᬓᬶᬲᬶᬤᬂ᭞ᬓᬲᬾᬮᬚᬕᬸᬂᬓᬸᬘᬶᬢ᭄ᬲ᭄ᬬᬧ᭄᭟᭗᭟ᬓᬲᭂᬗ᭄ᬕᬸᬳᬂᬳᬶᬤᬫᬮᬶᬂᬢᬸᬳᬸ᭞ᬫᬭᬶᬂᬯ᭄ᬯᬂᬢᬦᬶᬦᬾ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬃᬯ᭄ᬯᬶᬦᬗᬶᬲ᭄᭞ᬢᬶᬢ᭄ᬬᬂᬧᬮᬶᬂᬗᬮᬓᬸᬮᬓᬸ᭞ᬧᬶᬦᬶᬄᬯᬾᬦ᭄ᬢᭂᬦ᭄ᬢᬶᬕᬂᬲᬦ᭄ᬢᬸᬦ᭄᭞ᬧᬫᬃᬕᬶᬦ᭄ᬢᬶᬢ᭄ᬬᬗᬾᬗ
ᬮᬲ᭄᭞ᬫᬜᬸᬲᬸᬧ᭄ᬭᬶᬂᬕᬸᬦᬸᬂᬕᬸᬦᬸᬂ᭞ᬓᬾᬱᬄᬫᬭᬶᬂᬮᬾᬱᬦ᭄ᬧᬸᬭ᭞ᬢᬦ᭄ᬳᬸᬦᬶᬂᬭᬶᬂᬧᬭᬦ᭄ᬧᬭᬦ᭄᭟᭘᭟ᬓᬕᬾᬢ᭄ᬢᬶᬢ᭄ᬬᬂᬇᬭᬶᬓᬶᬫᬦᬸᬚᬸ᭞ᬢᬦ᭄ᬯ᭄ᬭᬸᬄᬭᬶᬂᬢᬶᬩᬦᬾ᭞ᬤᬾᬦᬶᬸᬰᬦᬧᬶᬓᬾᬧᬸᬦᬶᬓᬶ᭞ᬚᬢᬶᬢᬶᬢ᭄ᬬᬂᬲᬮᬄᬳᬸᬦ᭄ᬤᬸᬓ᭄ [ 84 ][᭘᭓ 83B]
᭘᭓
᭞ᬦᭀᬭᬫᬱᬦᬶᬂᬮᬸᬫᬓᬸ᭞ᬦᬳᭂᬦ᭄ᬢᬶᬢ᭄ᬬᬂᬲᬮᬄᬢᬶᬦ᭄ᬤᬓ᭄᭞ᬢ᭄ᬓᬦᬾᬫᬦᬸᬚᬸᬤᬮᬸ᭞ᬲᬶᬦᬵᬫ᭄ᬧᬹᬭᬳᬶᬯᬂᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬲᬳᬸᬦᬶᬗ᭟᭙᭟ᬧᬸᬦ᭄ᬩᭂᬤᬶᬮ᭄ᬦᬶᬫ᭄ᬩᬮ᭄ᬳᬸᬚᬭᬾᬲᭂᬦ᭄ᬥᬸ᭞ᬳᬸᬤᬸᬄᬮ᭄ᬬᬸᬧ᭄ᬢᬦᬾ᭞ᬓᬩᬶᬱᬦᬾᬩᬦ᭄ᬢᬲ᭄ᬫ
ᬗ᭄ᬮᬶᬂ᭞ᬗᬯᬶᬧ᭄ᬢᬧᬂᬓᬕᬸᬕᬸ᭞ᬗᬓᬸᬳᬓᬸᬳᬯᬓ᭄ᬲᬵᬥᬸ᭞ᬤᬢᬤᬢᬩ᭄ᬯᬶᬦ᭄ᬢᬓᭀᬦᬂ᭞ᬓᬤᬾᬦ᭄ᬢᬾᬓᬳᬶᬫᬗᬸᬕᬸ᭞ᬳᬸᬚᬃᬘᭀᬭᬄᬗᬮ᭄ᬬᬸᬦᬂᬧ᭄ᬢᬵ᭞ᬫᬦᬸᬤᬶᬗᬶᬦ᭄ᬢᬸᬃᬫᬦᬶᬜ᭄ᬚᬓ᭄᭟᭑᭐᭟ᬳ᭄ᬤᬵᬫᬫᬸᬜᬶᬳᬶᬩᬫᬢᬢᬸᬄ᭞ᬦᬾ
ᬳᬶᬦᬦ᭄‌‌ᬘᭀᬭᬳᬾ᭞ᬩᬗ᭄ᬓᬵᬳᬶᬩᬚᬦᬶᬤᬶᬦᬶ᭞ᬢᬸᬲᬶᬂᬗᬸᬕᬸᬧ᭄ᬢᬦ᭄ᬭᬸᬲᬸᬄ᭞ᬲᬚᬚᬦᬶᬢᬸᬫ᭄ᬩᬾᬦ᭄‌‌ᬢ᭄ᬧᬸᬓ᭄᭞ᬧᭀᬗᬄᬳᬶᬩᬦᬾᬫᬗᬸᬘᬧ᭄᭞ᬧ᭄ᬢᬦ᭄‌‌ᬤᬸᬱ᭄ᬝᬲᬳᬶᬗᬧᬸᬲ᭄᭞ᬫᬗ᭄ᬭᬡᬬᬂᬳᬯᬓ᭄ᬮᭂᬧᬲ᭄᭞ᬳᬧᬂᬳᬶᬩᬳ᭄ᬦᬸᬳᬶᬤᬸ
ᬧᬂ᭟᭑᭑᭟ᬓᬩᬱ᭄ᬝᬳᬗ᭄ᬕᬦᬾᬢᬸᬃᬓᬳᬶᬫ᭄ᬧᬸᬲ᭄᭞ᬓᬮᬶᬦ᭄ᬢᬂᬢ᭄ᬓᭂᬓᬾ᭞ᬕ᭄ᬮᬶᬲ᭄ᬓᬢᬗ᭄ᬕᬸᬂᬦᬦᬾᬫᬗ᭄ᬓᬶᬦ᭄᭞ᬲᬸᬃᬬ᭄ᬬᬵᬓ᭄ᬲᬸᬃᬬ᭄ᬬᬓ᭄ᬲᬂᬫᬫᬶᬓᬸᬮ᭄᭞ᬫᬸᬜᬶᬦ᭄ᬜᬦᬾᬧᬢᬶᬓᬘᬸᬄ᭞ᬢᬦᬸᬘᬧᬦ᭄ᬫᬭᬶᬂᬚᬮᬦ᭄᭞ᬭᬯᬸᬄᬫᬭᬶᬂᬧᭀᬦ᭄ᬤᭀ

[᭘᭔ 84A]
᭘᭔
ᬓᬾᬲᬵᬫ᭄ᬧᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬧᬰᬩ᭄ᬤ᭞ᬦᬳᬦ᭄ᬭᬕᬧᬘᬂᬧ᭄ᬚᬄ᭟᭑᭒᭟ᬭᬶᬂᬦᬢᬃᬜᬦᬾᬭᬭᬶᬲ᭄ᬓᬚ᭄ᬫᬸᬄ᭞ᬳᬸᬮ᭄ᬬᬦ᭄ᬲ᭄ᬩᭂᬢ᭄ᬜᬦᬾ᭞ᬲᬮᬳᬾᬳ᭄ᬫᬲᬶᬦ᭄ᬚᬦᬶ᭞ᬳᬲᬶᬂᬢ᭄ᬓᬬᬫᬦᬜ᭄ᬚᬸᬂ᭞ᬩᬗ᭄ᬓᬳᬶᬩᬳᬾᬄᬲᬂᬭᬸᬲᬸᬄ᭞ᬩ᭄ᬭᬬᬦ᭄ᬓᬳᬶ
ᬳᬸᬮᬶᬤᬶᬚ᭞ᬯ᭄ᬬᬤᬶᬦ᭄ᬫᬢᬶᬢᬸᬲᬶᬂᬓᬾᬬᬸᬄ᭞ᬢᬸᬲᬶᬂᬓᬳᬶᬓᬲ᭄ᬩᭂᬮᬦ᭄᭞ᬤᬸᬤᬹᬓᬥᬂᬤᬸᬤᬹᬩ᭄ᬭᬬ᭟᭑᭓᭟ᬳᬶᬢᬸᬫ᭄ᬩᬓ᭄ᬩᭂᬥᬶᬮ᭄ᬭᬭᬶᬲ᭄ᬫᬯᬸᬯᬸᬲ᭄᭞ᬫᬭᬶᬂᬓᬓᬦ᭄ᬜᬦᬾ᭞ᬳᬶᬦᬩ᭄ᬢᬸᬲᬶᬂᬲᬫ᭄ᬧᬾᬫᬦᬶ᭞ᬬᬳᬶᬤᬸᬱ᭄ᬝᬲᬶᬦᬄᬮᬫ᭄ᬧᬸᬲ᭄᭞ᬚ
ᬮᬦ᭄ᬳᭂᬦ᭄ᬢᭀᬧᬶᬦᭂᬄᬫᬮᬸ᭞ᬩ᭄ᬮᬶᬦᬾᬓᬾᬯᭂᬄᬳᬚᬓ᭄ᬳᬶᬯᬂ᭞ᬓᬮᬶᬂᬓᬾᬲᬸᬩᬫᬳᬶᬫ᭄ᬧᬸᬲ᭄᭞ᬳᬧᬂᬤᬵᬦᬸᬬᬸᬳᬶᬦ᭄ᬩ᭄ᬭᬬ᭞ᬧᬘᬂᬗᬸᬢᬂᬩᬗ᭄ᬓᬾᬦ᭄ᬳᬦᬓ᭄᭟᭑᭔‌᭟ᬬᬦ᭄ᬧᬓ᭄ᬱᬢ᭄ᬕᭂᬦ᭄ᬳᬚᬓ᭄ᬢᬢ᭄ᬮᬸ᭞ᬩᬗ᭄ᬓᬾᬦ᭄ᬳᬶᬤᬸᬱ᭄ᬝᬦᬾ᭞ᬳᬶᬦᬩ᭄ᬢᬸᬲᬶᬂᬧᬘᬂ
ᬤᬤᬶ᭞ᬳᬦ᭄ᬢᬸᬓ᭄ᬳᬤᭀᬄᬚᬕᬦᬶᬓᬸᬮ᭄᭞ᬓᬮᬸᬤᬦ᭄ᬳᬶᬘᬂᬢᬦᬶᬫᬫ᭄ᬧᬸᬄ᭞ᬲ᭄ᬫᬦᬾᬓᬮᬶᬦ᭄ᬢᬂᬤᬸᬭ᭞ᬓᬓᬦ᭄ᬜᬦᬾᬳᬗ᭄ᬕᬸᬢ᭄ᬳᬗ᭄ᬕᬸᬢ᭄᭞ᬲᬚᬲᬚᬳᬤᬶᬲᬚ᭞ᬫᬓᬲᬫᬶᬫᬫᬢᬹᬢᬂ᭟᭑᭕᭟ᬭᬭᬶᬲ᭄ᬦᬶᬫ᭄ᬩᬮ᭄ᬳᬶᬚᬕᬫᬯᬸᬯᬸᬲ᭄ [ 85 ][᭘᭔ 84B]
᭘᭔
᭞ᬳᬦ᭄ᬢᭀᬲ᭄‌‌ᬤᬶᬧ᭄ᬢᭂᬗᬾ᭞ᬤᬶᬢᬸᬚᬮᬦ᭄ᬬᬓᭂᬫ᭄ᬩᬭᬶᬦ᭄᭞ᬚᬦᬶᬚᬮᬦ᭄ᬳᬦ᭄ᬢᭀᬲ᭄ᬫᬮᬸ᭞ᬤ᭄ᬧᬂᬳᬶᬬᬳ᭄ᬦᬸᬚᬶᬸᬫᬚ᭄ᬫᬸᬄ᭞ᬳᬭᬶᬧ᭄ᬩᭂᬮᬶᬦᬾᬓᬮᬶᬦ᭄ᬢᬂ᭞ᬫᬕᬤᬗᬶᬦ᭄ᬬᬳᬶᬫᬸᬲᬸᬄ᭞ᬲᬂᬢᬶᬕᬭᬭᬶᬲ᭄ᬫᬢᬶᬗ᭄ᬕᬮ᭄᭞ᬢᬸᬃᬫᬫᬸᬍᬲ᭄ᬲᬋᬂᬲᬫ᭄ᬬᬦ᭄᭞
᭟᭑᭖᭟ᬮᬮᬸᬦᬶᬓᬂᬤᬶᬯᬱᬧᬸᬦᬶᬓᬸ᭞ᬦᬗ᭄ᬕᬮ᭄ᬢᬶᬫᬶᬭᬦᬾ᭞ᬢ᭄ᬗᬄᬭᬢ᭄ᬭᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬢᬸᬫ᭄ᬩᬓ᭄‌‌ᬩ᭄ᬥᬶᬮ᭄ᬭᬭᬶᬲ᭄ᬩᬗᬸᬦ᭄᭞ᬳᬶᬚᬕᬓᬓᬦᬾᬲᬵᬫ᭄ᬧᬸᬦ᭄᭞ᬲᬂᬢᬶᬕᬫᬓᬶᬭᬾᬮ᭄ᬯᬲ᭄᭞ᬲᬬᬕᬧᬘᬂᬫᬫᬶᬓᬸᬮ᭄᭞ᬫᬯᬢᬮᬶᬫᬶᬯᬄ
ᬲᬦᬦ᭄᭞ᬫᬫ᭄ᬭᬦ᭄ᬢᭀᬲᬶᬦ᭄ᬩᬩ᭄ᬯᬢᬦ᭄ᬜᬵ᭟᭑᭗᭟ᬲᬂᬢᬶᬕᬲᬵᬫ᭄ᬧᬸᬦᬺᬓᬾᬫᬫᬶᬓᬸᬮ᭄᭞ᬳᬾᬗ᭄ᬕᬮ᭄ᬮᬫ᭄ᬧᬄᬜᬦᬾ᭞ᬧ᭄ᬮᬸᬄᬲᬶᬢᬄᬬᬲᬋᬂᬲᬫᬶ᭞ᬳᬩᭀᬢ᭄ᬜᬦᬾᬓᬮᬗ᭄ᬓᬸᬂ᭞ᬧ᭄ᬭᬾᬭᬾᬦᬾᬧᬜᬮᬄᬳᬗ᭄ᬓᬸᬄ᭞ᬢᬦ᭄ᬧᬲᬤᭀ
ᬓ᭄ᬫᬗᬺᬩ᭄ᬬᬸᬕᬂ᭞ᬜ᭄ᬗᬾᬓ᭄ᬳᬶᬩ᭄ᬥᬶᬮ᭄ᬫᬯᬸᬯᬸᬲ᭄᭞ᬳᬸᬤᬸᬄᬩ᭄ᬮᭂᬃᬳᬶᬩᬢᬸᬫ᭄ᬩᬓ᭄᭞ᬦᭀᬭᬫᬯᬗ᭄ᬲᬶᬢ᭄ᬫᬗ᭄ᬭᬾᬭᬾᬦᬂ᭟᭑᭘᭟ᬳᬾᬄᬢᬸᬫ᭄ᬩᬓ᭄‌‌ᬤ᭄ᬮᬶᬓᬂᬫᬢᬦᬾᬫᬮᬸ᭞ᬓ᭄ᬮᬾᬢ᭄ᬩᬯᭀᬂᬓᬳᬶᬦᬾ᭞ᬓ᭄ᬥᬾᬓ᭄ᬳᬶᬚᬕᬜᬯᬸᬭᬶᬦ᭄᭞ᬳᬦᬓ᭄ᬩᭂ

[᭘᭕ 85A]
᭘᭕
ᬮᭀᬕ᭄ᬳᬤᬶᬓᬤᬸᬭᬸᬲ᭄᭞ᬳ᭄ᬤᬵᬩ᭄ᬜᬧᬢᬶᬓᬘᬸᬄ᭞ᬳᬶᬢᬸᬫ᭄ᬩᬓ᭄ᬧ᭄ᬚᬂᬤᬶᬫᬮ᭄ᬯᬦ᭄᭞ᬳᬶᬦᬩ᭄ᬢᬸᬲᬶᬂᬳᬶᬳᬤᬶᬢᬸᬳᬸ᭞ᬫᬦ᭄ᬕᭂᬦ᭄ᬲᬓᬶᬂᬧᬸᬗ᭄ᬓᬸᬭᬦ᭄᭞ᬳ᭄ᬤᬲᬗᭂᬢ᭄ᬩᭂᬥᬶᬮ᭄ᬜᭂᬩᭂᬢᬂ᭟᭑᭙᭟ᬳᬭᬶᬦ᭄ᬜᬦᬾᬫᬦ᭄ᬕᭂᬦ᭄ᬤᬶᬫᬮᬸ᭞ᬳᬾᬜ᭄ᬘᭀᬮ᭄ᬧᬚᬮ
ᬦᬾ᭞ᬧᬥᬓ᭄ᬜᭂᬮ᭄ᬢᬶᬤᭀᬂᬕᬶᬕᬶᬲ᭄᭞ᬲᬸᬓᬸᬦᬾᬭᬭᬶᬲ᭄ᬓᬲ᭄ᬮᬶᬫ᭄ᬧᬸᬢ᭄᭞ᬳᬶᬢᬸᬫ᭄ᬩᬓ᭄ᬮᬩᬸᬄᬫᬜ᭄ᬭᬸᬤᬸᬓ᭄᭞ᬧᬸᬦ᭄‌‌ᬩ᭄ᬥᬶᬮ᭄ᬩᬸᬓᬧᬢᬸᬮᬤ᭄᭞ᬲᬦᬦᬾᬫᬗ᭄ᬮᭂᬫ᭄ᬧᬕ᭄ᬲᬸᬓᬸ᭞ᬓᬦᬶᬦ᭄ᬓᭂᬲᬾᬢ᭄ᬫᬘᬩ᭄ᬘᬩᬦ᭄᭞ᬭᬄᬜᬦᬾᬢᬦ᭄ᬧᬧ᭄ᬕᬢᬦ᭄
᭟᭒᭐᭟ᬓᬲ᭄ᬮᭂᬗᬕᬦ᭄ᬭᬭᬶᬲ᭄ᬫᬫᬸᬓᬸᬮ᭄᭞ᬫᬦᬶᬜ᭄ᬚᬓ᭄ᬢᬸᬦ᭄ᬤᬸᬦ᭄ᬦᬾ᭞ᬳᬶᬢᬸᬫ᭄ᬩᬓ᭄‌‌ᬮᬩᬸᬄᬜᬸᬗ᭄ᬓᭂᬮᬶᬂ᭞ᬭᬭᬶᬲ᭄ᬗᬫ᭄ᬩᬸᬮ᭄‌‌ᬬᬩᬗᬸᬦ᭄᭞ᬫᬗᭂᬫᭀᬮ᭄ᬫᭀᬮ᭄ᬳᬦ᭄ᬢᬶᬤᬶᬢᬸ᭞ᬬᬾᬦᬶᬂᬓᬳᬶᬢᭀᬦ᭄ᬤᬾᬦ᭄‌‌ᬢ᭄ᬓ᭞ᬤᬵᬦ᭄ᬤᬾᬦ᭄ᬗᬮᬳᬶᬦ᭄ᬫᬮᬸ᭞ᬳᬶᬢᬸᬫ᭄ᬩᬓ᭄ᬭᬭᬶᬲ᭄ᬫ
ᬢᬶᬗ᭄ᬕᬮ᭄᭞ᬚᬕᬩ᭄ᬥᬶᬮ᭄ᬧᬤᬤ᭄ᬯᬦᬦ᭄᭟᭒᭑᭟ᬲᬫ᭄ᬧᬾᬏᬜ᭄ᬚᬶᬂᬬᬫᬦᬸᬗ᭄ᬕᬸᬤᬶᬢᬸ᭞ᬗᬦ᭄ᬢᭀᬲᬂᬳᬤᬶᬦ᭄ᬦᬾ᭞ᬳᬶᬚᬕᬫᬗᬸᬘᬧ᭄ᬳᬭᬶᬲ᭄᭞ᬫᬤᬕᬶᬂᬓᬤᬶᬭᬶᬂᬢᬸᬢᬸᬃ᭞ᬲᬶᬦᭀᬗ᭄ᬕᬦᬾᬦᬦ᭄ᬥᬸᬃᬚᬕᬸᬂ᭞ᬚᬕᬸᬗᬾᬢ᭄ᬮᬄᬩ [ 86 ][᭘᭕ 85B]
᭘᭕
ᬗ᭄ᬓᬸᬂᬩᬗ᭄ᬓᬵ᭞ᬧᬕᭂᬳᬦ᭄ᬭᬸᬲᬓ᭄ᬘᬮᬸᬓ᭄ᬮᬸᬂ᭞ᬧᬬᬸᬤᬤᬶᬓᬓ᭄ᬥᬾᬓᬦ᭄᭞ᬭᬕᬧᭀᬘᭀᬮ᭄ᬦᭂᬫᬸᬚ᭄ᬗᬄ᭟᭒᭒᭟ᬳᬶᬩ᭄ᬥᬶᬮ᭄ᬫᬕᬾᬩ᭄ᬭᬲ᭄ᬗᬚᬓ᭄ᬦᬶᬓᬸᬮ᭄᭞ᬳᬚᬓ᭄ᬤᬤ᭄ᬯᬤᭀᬕᬾᬦ᭄᭞ᬓᬓᬲᬸᬩᬫᬦᬶᬫ᭄ᬧᬮᬶᬦ᭄᭞ᬤᬗᬦ᭄ᬢᭀᬲᬂ
ᬓᬸᬮᬸᬓ᭄ᬩᭂᬮᬸᬲ᭄᭞ᬜᬦᬦ᭄ᬚᬸᬫᬄᬮᬓᬃᬚᬸᬭᬸᬲ᭄᭞ᬳᬮᭀᬦ᭄ᬳᬮᭀᬦ᭄ᬳᬤᬶᬦᬗ᭄ᬕᬸᬂ᭞ᬤ᭄ᬯᬦᬶᬂᬓᬓᬗᬗ᭄ᬲᬦ᭄ᬳᭀᬤᬄ᭞ᬢ᭄ᬯᬭᬫᬫ᭄ᬧᬸᬄᬕᬕᬜ᭄ᬘᬗᬦ᭄᭟᭒᭓᭟ᬲᬋᬂᬓᬮᬶᬄᬫᬫᬶᬓᬸᬮ᭄ᬲᬂᬩᬕᬸᬲ᭄᭞ᬧᬥᬳᬩᭀᬢ᭄ᬜᬦᬾ᭞ᬩᬸ
ᬲᬦ᭄ᬩᬸᬲᬦ᭄ᬫᬗ᭄ᬭᬃᬬ᭄ᬬᬦᬶᬦ᭄᭞ᬳᬦ᭄ᬢᬸᬓ᭄ᬓᬸᬭᬸᬦᬾᬗ᭄ᬮᬗ᭄ᬓᬸᬂ᭞ᬳᬶᬓᬓᬮᬦ᭄ᬳᬭᬶᬦ᭄ᬳᬶᬧᬸᬦ᭄᭞ᬚᬮᬦ᭄ᬲᬸᬩᬤᬶᬦᬶᬓᬸᬢᬂ᭞ᬲᬸᬩᬍᬓᬮᬸᬤᬦ᭄ᬓᬸᬭᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬳᬜᬸᬤᬂ᭞ᬦᬭᬶᬂᬢᬸᬓᬤ᭄ᬚᬮᬢᬸᬦ᭄ᬤ᭟᭒᭔᭟ᬚᬕᬩ᭄ᬥᬶᬮ᭄‌‌ᬕ᭄ᬮᬶᬲᬺ
ᬓᬾᬫᬯᬗ᭄ᬲᬸᬮ᭄᭞ᬭᬯᬸᬄᬭᬶᬂᬳᬸᬫᬄᬦᬾ᭞ᬯ᭄ᬗᬶᬦᬾᬲᬵᬫ᭄ᬧᬸᬦ᭄ᬫᬦᬫ᭄ᬧᬶ᭞ᬲᬂᬩᬕᬸᬲ᭄ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬳᬗ᭄ᬕᬦᬾᬓᬦ᭄ᬢᬸᬦ᭄ᬫᬩ᭄ᬭᬶᬗ᭄ᬓᬸᬲ᭄᭞ᬳᬜᬸᬢ᭄ᬳᬶᬤᬮᬸᬜ᭄ᬘᬢ᭄ᬮᬸᬜ᭄ᬘᬢ᭄᭞ᬧᬢᬶᬓ᭄ᬧᬕ᭄ᬧᬢᬶᬓ᭄ᬧᬸᬕ᭄᭞ᬦᬾᬦ᭄ᬢᭂᬦ᭄ᬫᬾ

[᭘᭖ 86A]
᭘᭖
ᬮᬶᬂᬫᬭᬶᬂᬭᬕ᭞ᬓᬤᬶᬰᬯᬦᬶᬂᬓᬸᬫᬫ᭄ᬩᬂ᭟᭐᭚ᬧᬸᬧᬸᬄᬓᬸᬫᬫ᭄ᬩᬂ᭚᭑᭟ᬯᬓ᭄ᬱᬶᬢᬦ᭄ᬧ᭄ᬭᬡ᭄ᬥᬲᬩᬸᬥᬶᬦᬾᬫᬗ᭄ᬓᬶᬦ᭄᭞ᬳᬦᬭᬶᬂᬧᬰ᭄ᬭᬫᬦ᭄᭞ᬭᬶᬂᬕᬸᬦᬸᬂᬓᬭᬂᬦᬵᬕᬭᬶ᭞ᬭᬶᬂᬢ᭄ᬧᬶᬦᬶᬂᬚᬮᬢᬸᬦ᭄ᬤ᭟᭒᭟ᬅᬚ᭄ᬜᬦᬦ᭄ᬳᬶᬤ
ᬫᬮᬶᬮᬂᬮ᭄ᬯᬶᬃᬦᬶᬓᬂᬰᬰᬶᬄ᭞ᬫ᭄ᬯᬂᬧᬸᬢᬸᬲᬶᬂᬬᭀᬕ᭄ᬕ᭞ᬦᭀᬭᬵᬦᬲᬫᬓᬦᬂᬍᬯᬶᬄ᭞ᬯᬓ᭄ᬩᬚ᭄ᬭᬲᬶᬥᬶᬯᬓ᭄ᬬ᭟᭓᭟ᬯᬓ᭄ᬬᬦ᭄ᬳᬶᬤ᭞ᬓᬤᬶᬓᬸᬫᬸᬥᬲᬸᬫᬃᬫ᭄ᬭᬶᬓ᭄᭞ᬲ᭄ᬬᬂᬭᬢ᭄ᬭᬶᬢᬦ᭄ᬧ᭄ᬕᬢᬦ᭄᭞ᬭᬶᬂᬢ᭄ᬮᬕᬫᭀᬦᬉᬫᬶᬮᬶ᭞ᬫᬗᬾᬩᭂᬓᬶᬂᬪ᭄ᬯ
ᬦᬢᬸᬦ᭄ᬥ᭟᭔᭟ᬭᬶᬂᬧᬰ᭄ᬭᬫᬦ᭄᭞ᬰᬶᬱ᭄ᬬᬦ᭄ᬳᬶᬤᬢᬦ᭄ᬓᬶᬓᬶᬢᬶᬦ᭄᭞ᬚᬮᬸᬲ᭄ᬢ᭄ᬭᬶᬧ᭄ᬭᬧ᭄ᬢᬵ᭞ᬮ᭄ᬯᬶᬃᬢᬯᭀᬦ᭄ᬫᬗᬺᬩᬸᬢ᭄ᬲᬭᬷ᭞ᬭᬶᬂᬲᬫᬶᬧᬦᬶᬓᬂᬯ᭄ᬮᬳᬃ᭟᭕᭟ᬦ᭄ᬤᬵᬢᬸᬘᬧᬦ᭄‌‌ᬯᬸᬲ᭄ᬭᬳᬶᬦᬥᬯᬸᬄᬓᬮᬶᬄ᭞ᬲᬂᬲᬥᬓᬓᭀᬘᬧ᭄᭞ᬭᬶᬂᬚᬮᬢᬸ
ᬦ᭄ᬤᬫᬩᬺᬰᬶᬄ᭞ᬳᬓ᭄ᬯᬾᬄᬰᬶᬱ᭄ᬬᬦᬾᬗᬶᬭᬶᬗᬂ᭟᭖᭟ᬤᬤᬶᬓᬕ᭄ᬬᬢ᭄᭞ᬲᬂᬫᬗᬶᬭᬶᬂᬦᬦᬾᬚᬦᬶ᭞ᬯᬳᬸᬫᬗᬢᭀᬦᬂ᭞ᬳᬗ᭄ᬕᬦ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬶᬦᬗ᭄ᬕᬸᬄᬰᬯᬓᬸᬫᬫ᭄ᬩᬂ᭟᭗᭟ᬮᬸᬜ᭄ᬘᬢ᭄ᬮᬸᬜ᭄ᬘᬢ᭄᭞ᬓᬩ᭄ᬯᬢ᭄ᬭᬶᬂᬢᭀᬬᬦᬾᬫᬶ [ 87 ][᭘᭖ 86B]
᭘᭖
ᬮᬶ᭞ᬲᬂᬪᬷᬓ᭄ᬱᬸᬗᬦ᭄ᬤᬶᬓ᭞ᬳᬾᬗ᭄ᬕᬮ᭄ᬧᬸᬦ᭄ᬤᬸᬢ᭄ᬢᭀᬦᬾᬚᬦᬶ᭞ᬰᬶᬱ᭄ᬬᬦᬾᬧᬥᬗᬋᬧᬂ᭟᭘᭟ᬲᬋᬂᬓᬝᬄ᭞ᬫᬫ᭄ᬯᬢᬂᬗᬚᬓ᭄ᬓᬲᬶᬲᬶ᭞ᬕᬶᬲᬸᬫᬗᬢᬹᬭᬂ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬭᬢᬸᬋᬱᬶ᭞ᬦᬭᬫᬪᬱ᭄ᬝᬯᬸᬲ᭄᭞ᬧ᭄ᬚᬄ᭟᭙᭟ᬫᬯᬘᬦᬳᬶᬤᬧ᭄ᬭ
ᬦ᭄ᬤᬵᬭᬹᬫ᭄ᬳᬫᬦᬶᬲ᭄᭞ᬢᬸᬮᬸᬂᬚ᭄ᬯᬳᬾᬗ᭄ᬕᬮᬂ᭞ᬢᬮᬶᬦ᭄ᬜᬦᬾᬕ᭄ᬮᬶᬲ᭄ᬧ᭄ᬕᬢᬶᬦ᭄᭞ᬲᬵᬫ᭄ᬧᬸᬦ᭄ᬭᬫ᭄ᬧᬸᬂᬓᬶᬦᬃᬬ᭄ᬬᬦᬦ᭄᭟᭑᭐᭟ᬲᬵᬫ᭄ᬧᬸᬦ᭄ᬯᬸᬲᬦ᭄ᬳᬶᬤᬲᬥᬓᬫᬩᬺᬱᬶᬄ᭞ᬳᬗ᭄ᬕᬦᬾᬓᬳᬸᬲᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬤ᭄ᬯᬫᬾᬮᬶᬂ᭞ᬰᬶᬱ᭄ᬬᬦᬾᬲᬫᬶ
ᬓᬰ᭄ᬘᬃᬬ᭄ᬬᬦ᭄᭟᭑᭑᭟ᬲᬶᬦ᭄ᬯᬕᬢᬭᬵᬤᬾᬦ᭄ᬫᬦ᭄ᬢ᭄ᬭᬶᬦᬦᬾᬫᬗ᭄ᬓᬶᬦ᭄᭞ᬭᬶᬂᬧᬰ᭄ᬭᬫᬦ᭄ᬳᬶᬤ᭞ᬢᬦᬵᬧᬜ᭄ᬚᬂᬲᬂᬢᬶᬦᬭᬶ᭞ᬲᬕᬺᬳᬦ᭄ᬲᬫᬶᬗᬶᬭᬶᬗᬂ᭟᭑᭒᭟ᬲᬧ᭄ᬭᬧ᭄ᬢᬦᬾᬲᬂᬧᬡ᭄ᬥ᭄ᬬᬗᬃᬘ᭄ᬙᬡᬯᬶᬥᬷ᭞ᬲᬂᬢᬫ᭄ᬯᬶᬭᬶᬂᬧᬮᬗ᭄ᬓᬵ᭞ᬓᬳᬶᬭᬶᬂᬭᬶᬂᬰᬶ
ᬱ᭄ᬬᬲᬫᬶ᭞ᬢᬶᬦᬫ᭄ᬯᬶᬪᭀᬕᬱᬤ᭄ᬭᬱ᭟᭑᭓᭟ᬯᬸᬲ᭄ᬗᬃᬘ᭄ᬙᬡ᭞ᬳᬶᬤᬧ᭄ᬭᬡ᭄ᬥᬭᬭᬶᬲ᭄ᬫᬶᬚᬶᬮ᭄᭞ᬢ᭄ᬮᬲ᭄ᬲᬫᬶᬫᬮᬸᬗ᭄ᬕ᭄ᬯ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬩᬄᬳᬭᬶᬲ᭄᭞ᬳᬢᬓ᭄ᬯᬦ᭄ᬭᬶᬂᬲᬂᬲᬥᬓ᭟᭑᭔᭟ᬫᬳᬪᬭᬧᬸᬓᬸᬮᬸᬦ᭄ᬲᬂᬫᬳᬵᬋᬱᬶ᭞ᬲ᭄ᬯᬾ

[᭘᭗ 87A]
᭘᭗
ᬘ᭄ᬙᬦᬾᬭᬶᬂᬢᬶᬢ᭄ᬬᬂ᭞ᬫᬦᬸᬮᬸᬂᬯ᭄ᬯᬂᬓᬲᬶᬳᬲᬶᬄ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬯᬸᬲ᭄ᬧ᭄ᬭᬮᬬ᭟᭑᭕᭟ᬲᬧᬲᬶᬭᬧᬲᬵᬚ᭄ᬜᬲᬂᬫᬳᬵᬋᬱᬶ᭞ᬫᬹᬮ᭄ᬬᬓᬤᬶᬓᬶᬢ᭞ᬫᬦᬸᬮᬸᬂᬭᬶᬂᬳᬯᬓ᭄ᬫᬫᬶ᭞ᬫᬶᬯᬄᬦᬵᬫᬦᬶᬂᬧᬰ᭄ᬭᬫᬦ᭄᭟᭑᭖᭟ᬲᬶᬗ᭄ᬕᬶᬄᬧᬵᬢᬸᬢ᭄‌‌ᬦᬶᬫ᭄ᬩᬵ
ᬮ᭄ᬯᬘᬦᬲᬂᬋᬱᬶ᭞ᬗᬭᬦ᭄ᬕᬸᬦᬸᬂᬓᬭᬂ᭞ᬕ᭄ᬦᬳᬶᬂᬧᬰ᭄ᬭᬫᬦ᭄ᬳᬶᬓᬶ᭞ᬭᬶᬂᬢ᭄ᬧᬶᬦᬶᬂᬚᬮᬢᬸᬦ᭄ᬤᬵ᭟᭑᭗᭟ᬫᬧᬲᬵᬚ᭄ᬜᬵᬧ᭄ᬭᬡ᭄ᬥᬲᬩᬸᬤ᭄ᬥᬶᬫᬫᬶ᭞ᬳᬸᬗ᭄ᬕ᭄ᬯᬦᬶᬂᬧᬰ᭄ᬭᬫᬦ᭄᭞ᬲᬢᬯᬃᬱᬫᬓᬮᬫᬶ᭞ᬬᬸᬱᬦᬶᬗ᭄ᬯᬂᬯᬸᬲ᭄ᬫᬗ᭄ᬮᬶᬦ᭄ᬢᬂ᭟᭑᭙᭟ᬦᬫ᭄ᬧᬶᬯᬮᬾᬦ᭄
ᬫᬢᬓ᭄ᬯᬦ᭄ᬳᬶᬋᬱᬶᬕ᭄ᬮᬶᬲ᭄᭞ᬭᬶᬂᬲᬗ᭄ᬓᬦᬶᬂᬧᬭᬦ᭄᭞ᬮᬦ᭄ᬲᬗ᭄ᬓᬦᬶᬂᬓ᭄ᬦᬢᬮᬶ᭞ᬤᬸᬭᬸᬲ᭄ᬤᬾᬯᬧᬶᬤᬃᬣᬬᬂ᭟᭑᭙᭟ᬭᬶᬅᬚ᭄ᬜᬵᬦᬲᬵᬫ᭄ᬧᬸᬦ᭄ᬯᬶᬓᬦ᭄ᬳᬶᬤᬋᬱᬶ᭞ᬚᬵᬢᬶᬫᬭᬕᬰᬸᬓ᭄ᬮ᭞ᬲᬤᬸᬭᬸᬗᬾᬳᬶᬤᬳᬸᬦᬶᬂ᭞ᬭᬶᬂᬳᬮᬳᬬᬸᬦᬶᬂᬚᬕᬢ᭄᭟
᭒᭐᭟ᬓᬢᬢ᭄ᬯᬬᬂᬭᬶᬂᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲ᭄ᬮᬫ᭄ᬧᬳᬾᬲᬗ᭄ᬲᬭ᭞ᬲᬓᬶᬂᬓᬯᬶᬢ᭄ᬲᬫ᭄ᬧᬾᬫᬗ᭄ᬓᬶᬦ᭄᭞ᬕᬕ᭄ᬢᬸᬦ᭄‌‌ᬯ᭄ᬯᬂᬫᬫ᭄ᬬᬵᬃᬱ᭟᭒᭑᭟ᬳᬢᬹᬃᬳᬶᬭᬉᬫ᭄ᬉᬫ᭄‌‌ᬳᭂᬫ᭄ᬧᬸᬗ᭄ᬓᬸᬦᬾᬫᬗ᭄ᬓᬶᬦ᭄᭞ᬳᬧᬦᬬᬦᬶᬂᬗ᭄ᬯᬂ᭞ᬫᬗ᭄ᬤᬓᬾ [ 88 ][᭘᭗ 87B]
᭘᭗
ᬲᬶᬥᬓᬧᬗ᭄ᬕᬶᬄ᭞ᬭᬶᬂᬤ᭄ᬬᬄᬤᬾᬯᬶᬉᬤ᭄ᬬᬵᬢ᭄ᬫᬶᬓ᭟᭒᭒᭟ᬦᭀᬭᬧᬲᬄᬘᬶᬢ᭄ᬢᬦᬶᬗ᭄ᬯᬂᬭᬶᬲᬂᬤᬾᬯᬶ᭞ᬭᬶᬂᬤᬶᬚᬫᬕ᭄ᬦᬄ᭞ᬳᬶᬤᬧ᭄ᬭᬡ᭄ᬥᬫᬜᬯᬸᬭᬶᬦ᭄᭞ᬳᬭᬹᬫ᭄ᬳᬫᬦᬶᬲᬶᬂᬯᬘᬦ᭟᭒᭓᭟ᬲᬶᬗ᭄ᬕᬶᬄᬤᬾᬯᬵᬕᬸᬂᬅᬓ᭄ᬱᬫᬧᬝᬶᬓ᭄ᬳᬚᬶ᭞ᬗᬸ
ᬤᬳᬧᬮᬶᬗ᭞ᬓᬮᬶᬧᬸᬢ᭄ᬭᬶᬂᬫᬬᬦᬶᬂᬲ᭄ᬢ᭄ᬭᬶ᭞ᬫᬢ᭄ᬮᬲᬦ᭄ᬦᬶᬗ᭄ᬕᬮ᭄ᬦᬕᬭ᭟᭒᭔᭟ᬤᬸᬤᬹᬇᬓᬲᬶᬗ᭄ᬕᬶᬄᬤᬾᬯᬰ᭄ᬭᬷᬪᬸᬧᬢᬶ᭞ᬲ᭄ᬢ᭄ᬭᬷᬦᬶᬂᬉᬢ᭄ᬢᬫ᭞ᬲᬦᬾᬫᬓᬓᬜ᭄ᬘᬶᬂᬧᬸᬭᬶ᭞ᬫᬓᬤᬾᬯᬦᬶᬂᬓᬥᬢ᭄ᬯᬦ᭄᭟᭒᭕᭟ᬬᬦᬶᬂᬭᬹᬧᬮᬶᬦ᭄ᬢᬂᬭᬢᬸᬳ
ᬦ᭄ᬢᬸᬓ᭄ᬮᬶᬦᭂᬯᬶᬄ᭞ᬬᬾᬦ᭄ᬧᬸᬢ᭄ᬭᬶᬉᬢ᭄ᬢᬫ᭞ᬩᭀᬬᬓᬬᬸᬦ᭄ᬫᬦᬶᬗ᭄ᬕᬮᬶᬦ᭄᭞ᬲᬮᬓᬸᬲᬾᬮ᭄ᬯᬦ᭄ᬲᬶᬦᬋᬗᬦ᭄᭟᭒᭖᭟ᬧᬵᬢᬹᬢ᭄ᬤᬾᬯᬓᬢᬶᬗ᭄ᬕᬮᬶᬦ᭄ᬮᬫᬶᬮᬫᬶ᭞ᬤᬸᬤᬹᬲᬶᬦᬗ᭄ᬕᬸᬄᬬ᭞ᬳᬾᬮᬶᬗᬂᬳᬗ᭄ᬕᬦᬾᬫᬗ᭄ᬓᬶᬦ᭄᭞ᬲ᭄ᬢ᭄ᬭᬷᬧᬶᬢᬸᬮᬸᬂᬳᬭ
ᬦ᭄ᬬ᭟᭒᭗᭟ᬭᬶᬦᬵᬢ᭄ᬓᬮᬓᬲ᭄ᬫᬭᬦ᭄ᬭᬶᬂᬯ᭄ᬯᬂᬧᬯᬾᬲ᭄ᬢ᭄ᬭᬶ᭞ᬲᬶᬭᬓᬢᬸᬮᬸᬗᬦ᭄᭞ᬬᬦ᭄ᬧᬸᬢ᭄ᬭᬶᬓ᭄ᬦᬲ᭄ᬫᬭᬶ᭞ᬚᬮᬸᬯ᭄ᬦᬂᬢᬶᬦᬸᬮᬸᬗᬦ᭄᭟᭒᭘᭟ᬦᬶᬓᬸᬤᬾᬯᬲᬓᬶᬂᬓᬃᬱᬦᬶᬂᬳ᭄ᬬᬂᬯᬶᬥᬷ᭞ᬓᬂᬯ᭄ᬯᬂᬦᬗ᭄ᬕᬧ᭄ᬳᬸᬧᬄ᭞ᬫᬢ᭄ᬫᬸᬳ᭄ᬬᬸᬦ᭄‌‌ᬗᬚᬓ᭄ᬭᬩᬶ᭞ᬓ᭄ᬭ

[᭘᭘ 88A]
᭘᭘
ᬡᬦᬫ᭄ᬧᬶᬳᬸᬧᬄᬧᬸᬢ᭄ᬭ᭟᭒᭙᭟ᬲᬧᬸᬦᬶᬓᬲᬶᬗ᭄ᬕᬶᬄᬤᬾᬯᬰ᭄ᬭᬷᬦᬵᬃᬧᬢᬶ᭞ᬬᬾᬦ᭄ᬩᬶᬩᬶᬢᬾᬰᬸᬓ᭄ᬮ᭞ᬧᬓ᭄ᬭᬫᬶᬦᬾᬚᬮᬸᬲ᭄ᬢ᭄ᬭᬶ᭞ᬲᬶᬦᬄᬤᬾᬯᬧᭀᬮᬶᬄᬳᬸᬧᬄ᭟᭓᭐᭟ᬫᬵᬢᬹᬃᬲᭂᬫ᭄ᬩᬄᬰ᭄ᬭᬷᬥᬃᬫ᭄ᬫᬶᬓᬭᬶᬂᬲᬂᬋᬱᬶ᭞ᬢᬦ᭄ᬯᬦᭂᬄᬧᬸᬢ᭄ᬭᬦ᭄ᬭᬦᬓ᭄᭞ᬫ
ᬗ᭄ᬭᬸᬗᬸᬢᬢ᭄ᬯᬳᭂᬫ᭄ᬧᬸᬗ᭄ᬓ᭄ᬯᬶ᭞ᬮ᭄ᬯᬶᬃᬯᬋᬕ᭄ᬢᬦ᭄ᬧᬦᭂᬥ᭟᭓᭑᭟ᬫᬳᬵᬭᬚᬧᬶᬦᬸᬦᬲᬾᬭᬶᬂᬲᬂᬋᬱᬶ᭞ᬦᬧᬶᬗᬭᬦ᭄ᬲᬸᬓ᭄ᬮᬵ᭞ᬫᬢ᭄ᬫᬸᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬫᬗ᭄ᬤᬫᬧᬸᬢ᭄ᬭᬉᬢ᭄ᬢᬫ᭟᭓᭒᭟ᬲᬂᬲᬥᬓᬵᬫᬯᬘᬦᬭᬹᬫ᭄ᬳᬫᬦᬶᬲ᭄᭞ᬦᬾᬫᬸᬗ᭄ᬕᬸᬄᬭᬶᬂ
ᬢᬢ᭄ᬯᬵ᭞ᬲ᭄ᬫᬭᬕᬫᬦᬾᬚᬵᬢᬶ᭞ᬫᬓᬗᬭᬦ᭄ᬜᬧᬸᬦᬶᬓ᭟᭓᭓᭟ᬗᬭᬦ᭄ᬲᬸᬓ᭄ᬮ᭞ᬭᬶᬂᬚᬩᬚ᭄ᬭᭀᬲᬫᬶᬩᬺᬲᬶᬄ᭞ᬢᬦ᭄ᬓᬯᭀᬭᬦ᭄ᬮᬭ᭞ᬧᬢ᭄ᬫᬸᬦᬾᬰ᭄ᬯᬫᬷᬲ᭄ᬢ᭄ᬭᬷ᭞ᬤᬤᬶᬫᬧᬸᬢ᭄ᬭᬭᬳᬃᬚ᭄ᬚ᭞᭓᭔᭟ᬓᬦ᭄ᬢᬸᬦ᭄ᬓᬶᬭᬂᬓᭀᬢ᭄ᬢᬫᬦᬾᬭᬶᬂᬤᬾᬯᬳᬚᬶ᭞
ᬫᬹᬮ᭄ᬬᬓᬤᬶᬓᬶᬢ᭞ᬬᭀᬕ᭄ᬬᬫᬢᭂᬫ᭄ᬯᬂᬳᬚ᭄ᬜᬦᬮ᭄ᬯᬶᬄ᭞ᬫᬗ᭄ᬤᬫᬧᬸᬢ᭄ᬭᬉᬢ᭄ᬢᬫ᭟᭓᭕᭟ᬧᬵᬢᬹᬢ᭄ᬤᬾᬯ᭞ᬲᬂᬦᬵᬃᬧᬵᬢᬶᬫᬗᬸᬕ᭄ᬯᬦᬶᬦ᭄᭞ᬭᬶᬂᬲ᭄ᬫᬭᬕᬫ᭞ᬜᬦ᭄ᬤᬂᬧᬶᬲᬦ᭄ᬤᬾᬯᬧᬶᬦ᭄ᬤ᭄ᬭᬶ᭞ᬳᬚ᭄ᬜᬰᬸᬓ᭄ᬮᬫᬗ᭄ᬤᬯᬶᬓᬦ᭄᭟᭓᭖᭟ᬮᬶᬦ᭄ᬢᬂᬲᭂᬗ᭄ᬓ [ 89 ][᭘᭘ 88B]
᭘᭘
ᬮᬓ᭄ᬱᬡᬦᬾᬤᬾᬯᬵᬚᬶ᭞ᬬᬦ᭄ᬢᬦ᭄ᬧᬲᬸᬂᬳᬶᬤ᭞ᬲᬂᬳ᭄ᬬᬂᬯᬶᬥᬷᬫᬓᬓᬲᬶᬄ᭞ᬲᬫ᭄ᬪᬯᬤᬾᬯᬓᬲᬶᬥᬦ᭄᭟᭓᭗᭟ᬫᬵᬢᬹᬃᬲᭂᬫ᭄ᬩᬄ᭞ᬲᬂᬳᬧ᭄ᬓᬶᬓ᭄ᬦᬦᬾᬫᬗ᭄ᬓᬶᬦ᭄᭞ᬲ᭄ᬯᬾᬘᬫᬭᬶᬂᬢᬶᬢ᭄ᬬᬂ᭞ᬫᬗᬚᬃᬤᬕᬶᬗᬶᬂᬳᬚᬶ᭞ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶ
ᬗ᭟᭓᭘᭟ᬚᬵᬢᬶᬧᬶᬲᬦ᭄‌‌ᬢᬶᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬤᬸᬭᬸᬲ᭄ᬧᬶᬤᬃᬣᬬᬂ᭞ᬚᬵᬢᬶᬚᬵᬢᬶᬦᬶᬂᬧᬶᬓᬃᬥᬶ᭞ᬮᬓ᭄ᬱᬡᬦᬾᬗᬫᭀᬂᬭᬕ᭟᭓᭙᭟ᬢᬶᬢ᭄ᬬᬂᬦᬸᬦᬲ᭄‌‌ᬧᬹᬃᬯ᭄ᬯᬦᬶᬧᬸᬦ᭄ᬲᬧᬸᬦᬧᬶ᭞ᬦᬭᬦᬾᬲᬚᬕᬢ᭄᭞ᬦᬶᬓᬭᬢᬸᬧᬳᬶ
ᬘ᭄ᬙᬳᬶᬦ᭄᭞ᬩ᭄ᬓᭂᬮ᭄ᬢᬶᬢ᭄ᬬᬗᬾᬫᬜᬤ᭄ᬫ᭟᭔᭐᭟ᬜᬥ᭄ᬬᬢᬶᬢ᭄ᬬᬂᬫᬜ᭄ᬯᬶᬢᬭᬶᬂᬫᬳᬵᬋᬱᬶ᭞ᬫᬗᬢᬹᬭᬂᬚᬷᬯ᭞ᬲᬮᬫᬶᬮᬫᬶᬦᬾᬫᬳᬸᬭᬶᬧ᭄᭞ᬏᬭᬂᬦᬤᭀᬲ᭄ᬭᬢᬸᬦᬶᬱ᭄ᬝᬵ᭟᭔᭑᭟ᬲᬶᬗ᭄ᬕᬶᬄᬤᬾᬯᬲᬶᬭᬭᬢᬸᬮᬶᬦ᭄ᬢᬂᬍᬯᬶᬄ᭞ᬬᬦ᭄ᬬᭀ
ᬕ᭄ᬬᬓᬤᬶᬗ᭄ᬯᬂ᭞ᬅᬓ᭄ᬱᬫᬧᬝᬶᬓ᭄ᬦ᭄ᬭᬧᬢᬶ᭞ᬜᬥ᭄ᬬᬢᬶᬢ᭄ᬬᬂᬫᬗᬢᬹᬭᬂ᭟᭔᭒᭟ᬪᬶᬓ᭄ᬱᬸᬦᬵᬣᬜᬦ᭄ᬤᬂᬧᬶᬲᬦ᭄ᬲᬮᬾᬂᬲᬸᬦ᭄ᬤᬗᬶᬦ᭄᭞ᬧᬭᬲ᭄ᬧᬭᭀᬲ᭄ᬦᬬ᭞ᬭᬢᬸᬢᬸᬦᬧᬓᬾᬮᬶᬗᬶᬦ᭄᭞ᬯᬶᬓᬸᬤᬸᬄᬓᬓᬢᬸᬮᬸᬗ

[᭘᭙ 89A]
᭘᭙
ᬦ᭄᭟᭔᭓᭟ᬜᬥ᭄ᬬᬢᬶᬢ᭄ᬬᬂ᭞ᬪᬓ᭄ᬢᬶᬭᬶᬂᬲᬂᬰ᭄ᬭᬷᬪᬸᬧᬢᬶ᭞ᬲᬤᬕᬶᬗᬶᬂᬢᬢ᭄ᬯ᭞ᬳᬦᬦᬾᬭᬶᬂᬳᬦᬓ᭄ᬫᬫᬶ᭞ᬩᭀᬬᬵᬭᬕᬫᬗᬸᬩ᭄ᬥᬬᬂ᭟᭔᭔᭟ᬗ᭄ᬕᬶᬄᬤᬩ᭄ᬥᬩᬂᬫᬸᬂᬧᬸᬂᬭᬕᬓᬭᬶᬳᬮᬶᬢ᭄᭞ᬫ᭄ᬮᬚᬄᬗᬫᭀᬂᬭᬕ᭞ᬥᬃᬫ᭄ᬫᬧᬢᬹᬢᬾᬕᬸ
ᬕ᭄ᬯᬦᬶᬦ᭄᭞ᬳᬬ᭄ᬯᬤᬸᬍᬕ᭄ᬳᬦᬭᬶᬂᬯ᭄ᬯᬂ᭟᭔᭕᭟ᬳᬬ᭄ᬯᬩᬗ᭄ᬕᬵ᭞ᬫ᭄ᬯᬂᬩᭀᬗ᭄ᬕᬦ᭄ᬭᬶᬂᬭᬕᬦ᭄ᬦᬾᬓᬶ᭞ᬬᬢᬭᬶᬂᬯ᭄ᬯᬂᬦᬶᬱ᭄ᬝ᭞ᬬᬤ᭄ᬬᬧᬶᬦ᭄ᬓᬳᬸᬘᬧ᭄ᬭᬶᬭᬶᬄ᭞ᬤᬲᬸᬫ᭄ᬩᬸᬂᬗᬸᬗ᭄ᬕᬸᬮᬂᬭᬕ᭞᭔᭖᭟ᬢᬶᬭᬸᬢᬶᬭ᭄ᬯᬂ᭞ᬫᬦᬶᬗ᭄ᬓᬳᬂᬲᬭᬶᬲᬭᬶ᭞ᬫᬾᬗᭂᬢ᭄ᬲᬶᬭᬦᬦᬓ᭄᭞
ᬭᬕᬦᬾᬕᬮᬶᬄᬕᬮᬶᬳᬶᬦ᭄᭞ᬢᬸᬢᬸᬭᬾᬭᬢᬸᬳᬾᬮᬶᬗᬂ᭟᭔᭗᭟ᬲᬓᬶᬂᬳᬗ᭄ᬕ᭞ᬳᬮᬳᬬᬸᬲᬳᬶᬫᬶᬚᬶᬮ᭄᭞ᬳᬬ᭄ᬯᬢᬦ᭄ᬧᬯᬶᬯᬾᬓ᭞ᬗᭂᬫ᭄ᬧᬸᬱᬤ᭄ᬭᬶᬧᬹᬭᬶᬂᬳᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬮᬶᬪᬸᬢᬦ᭄᭟᭔᭘᭟ᬬᬾᬦ᭄ᬧᬸᬦᬶᬓ᭞ᬫᬗ᭄ᬮᬶ
ᬧᬸᬢ᭄ᬚᬕᬢᬾᬤᬶᬦᬶ᭞ᬤᬤᬶᬲᬗᬃᬏᬤᬦ᭄᭞ᬭᬶᬗ᭄ᬓᭂᬲ᭄ᬤᬾᬯᬳᬧᬂᬧᬱ᭄ᬝᬶ᭞ᬗ᭄ᬮᭂᬧᬲ᭄ᬧᬦᬳᬾᬲᬶᬦᬸᬗ᭄ᬕᬮ᭄᭟᭔᭙᭟ᬦᬳᬦ᭄ᬲᬩ᭄ᬤ᭞ᬲᬂᬧᬡ᭄ᬥ᭄ᬬᬭᬶᬂᬲᬂᬪᬸᬧᬢᬶ᭞ᬇᬘ᭄ᬙᬭᬶᬂᬧᬯᬭᬄ᭞ᬲᬤᬕᬶᬂᬤᬕᬶᬗᬶᬂᬧᬶᬗᬶᬢ᭄᭞ᬭ [ 90 ][᭘᭙ 89B]
᭘᭙
ᬤᬾᬦ᭄ᬫᬦ᭄ᬢ᭄ᬭᬶᬫᬫᬶᬋᬗᬂ᭟᭕᭐᭟ᬢ᭄ᬮᬲ᭄ᬓᬳᭀᬚᬄ᭞ᬭᬶᬂᬥᬂᬳ᭄ᬬᬂᬦᬪᬶᬦᬾᬫᬗ᭄ᬓᬶᬦ᭄᭞ᬤᬕᬶᬂᬓᬧᬸᬢᬸᬲᬦ᭄᭞ᬫᬓᬫᬶᬯᬄᬯᬾᬥᬲᬫᬶ᭞ᬅᬚᬶᬓᬯ᭄ᬭᬸᬳᬦ᭄ᬲᬹᬓ᭄ᬱ᭄ᬫᬵ᭟᭐᭚ᬧᬸᬄᬫᬖᬢ᭄ᬭᬸᬄ᭚᭑᭟ᬫᬗ᭄ᬮᬦ᭄ᬢᬸᬃ᭞ᬲᬶᬭᬵᬫ᭄ᬧᬸ
ᬳᬮᭀᬦ᭄ᬫᬦᬸᬢᬸᬃ᭞ᬲᬶᬗ᭄ᬕᬶᬄᬧ᭄ᬭᬪᬸᬲᬵᬫ᭄ᬧᬸᬦ᭄ᬭᬸᬦ᭄ᬢᬶᬓ᭄᭞ᬤ᭄ᬯᬦᬶᬂᬮᬗ᭄ᬖ᭄ᬬᬳᬸᬫᬵᬢᬹᬃ᭞ᬫᬭᬶᬂᬚᭂᬂᬲᬶᬭᬦᬵᬃᬧᬢᬶ᭞ᬢᬶᬢ᭄ᬬᬂᬦᬶᬗ᭄ᬕᬭᬂᬩᬩᬯᭀᬲ᭄᭟᭒᭟ᬓ᭄ᬯᬾᬳᬶᬂᬦᬭ᭞ᬫᬸᬂᬲᬯᬷᬚᬶᬚᬵᬢᬶᬦᬶᬧᬸᬦ᭄᭞ᬯ᭄ᬬᬓ᭄ᬢᬶᬭᬹᬧᬦᬾᬓᬓᬮᬶᬄ
᭞ᬯᬦ᭄ᬢᬄᬇᬲ᭄ᬢ᭄ᬭᬶᬮᬯᬦ᭄ᬚᬮᬸ᭞ᬓᬢᬸᬭᬸᬦᬂᬭᬶᬂᬳ᭄ᬬᬂᬯᬶᬥᬶ᭞ᬧᬳᬸᬕᭂᬃᬦᭀᬭᬵᬦᬲ᭄ᬬᭀᬲ᭄᭟᭓᭟ᬰᬵᬲ᭄ᬢ᭄ᬭᬳᬶᬓᬸᬧᬓᬃᬥᬶᬦᬾᬲᬂᬳ᭄ᬬᬂᬳᬕᬸᬂ᭞ᬯᬗᬸᬦᬦ᭄‌‌ᬳ᭄ᬬᬂᬫᬓᬲᬫᬶ᭞ᬓᬩᬾᬄᬳᬤ᭄ᬯᬾᬢᬗᬦ᭄ᬲᬸᬓᬸ᭞ᬦᬾᬢ᭄ᬭᬕ᭄ᬭᬡ
ᬓᬃᬡ᭄ᬦᬮᬝᬶ᭞ᬮᬦ᭄ᬧᬧᬸᬭᬸᬦᬶᬸᬲ᭄ᬮᬯᬦ᭄ᬧᬸᬝᬾ᭟᭔᭟ᬬᬦ᭄ᬭᬶᬂᬯᬥᬸ᭞ᬦᬭᬶᬂᬪᬕᬲᬦᬾᬄᬳᬶᬧᬸᬦ᭄᭞ᬲᬾᬬᭀᬲ᭄ᬜᬦᬾᬧᬢᭂᬄᬲᬫᬶ᭞ᬦᬭᬲᬚᬕᬢ᭄ᬲᬫ᭄ᬬᬵᬭᬹᬫ᭄᭞ᬯᬃᬡ᭄ᬦᬦ᭄ᬜᬦᬾᬭᬹᬧᬓᬮᬶᬄ᭞ᬧᬹᬃᬯ᭄ᬯᬦᬾᬦᭀᬭᬲ᭄ᬬᭀ

[᭙᭐ 90A]
᭙᭐
ᬲ᭄᭟᭕᭟ᬓᬝᬄᬳᬶᬧᬸᬦ᭄ᬲᬕᬸᬮ᭄ᬫᬵᬢᬦ᭄ᬓᬶᬭᬂᬭᬗ᭄ᬓᬸᬂ᭞ᬧᬸᬦᬶᬓᬗᬾᬩᭂᬓᬶᬂᬪᬹᬫᬶ᭞ᬲᬕᬸᬮ᭄ᬫᬧᬢᭀᬓᬦ᭄ᬦᬶᬧᬸᬦ᭄᭞ᬳᬸᬦ᭄ᬤᬕ᭄ᬭᭀᬭᬲ᭄ᬯᬗ᭄ᬲᬸᬮ᭄ᬯᬶᬚᬶ᭞ᬳᬮᬸᬲᬶᬦ᭄ᬚᬸᬕᬲᬶᬓᬶᬯᭀᬂ᭟᭖᭟ᬫ᭄ᬯᬂᬕᬸᬮ᭄ᬳᬶᬓᬸ᭞ᬢ᭄ᬕᭂᬲᬾᬳᬕᬸᬂᬫᬗᬸᬗ᭄ᬕᬸᬮ᭄᭞ᬫᬵᬦᬸᬱᬦᬾ
ᬯᬸᬲ᭄ᬫᬗᬃᬣᬶ᭞ᬭᬹᬧᬦᬶᬂᬚᬕᬢ᭄ᬮᬶᬦ᭄ᬢᬂᬭᬹᬫ᭄᭞ᬦᬾᬢ᭄ᬕᭂᬄᬗᬸᬗ᭄ᬕᬸᬮ᭄ᬳᬲᬶᬓᬶ᭞ᬳᬶᬗ᭄ᬕᬶᬄᬚᬵᬢᬶᬓᬂᬯᬗ᭄ᬰᬯᭀᬂ᭟᭗᭟ᬲᬦᬾᬢᭂᬥᬯᭀᬳᬶᬂᬩᬸᬥᬶᬓ᭄ᬭᬡᬯ᭄ᬭᬸᬄ᭞ᬲᬫᬶᬦᬵᬣᬮᬯᬦ᭄ᬫᬫᬶ᭞ᬪᬾᬤᬦᬸᬕ᭄ᬭᬳᬧᬸᬦᬶᬓᬸ᭞ᬧᬶᬲᬸᬓᬦᬾᬲᬂᬳ᭄ᬬᬂᬯᬶᬥᬷ᭞ᬧᬵ
ᬗ᭄ᬓᬢ᭄ᬮᬸᬳᬸᬃᬫᬥ᭄ᬬᬳᬲᭀᬃ᭟᭘᭟ᬰᬵᬲ᭄ᬢ᭄ᬭᬓᬢᬶᬗ᭄ᬳᬮ᭄᭞ᬓᬃᬥᬶᬦ᭄ᬯᬂᬚᬵᬢᬶᬦᬶᬧᬸᬦ᭄᭞ᬭᬹᬧᬦ᭄ᬢᬸᬮᬶᬲ᭄ᬦᬭᬲᬫᬶ᭞ᬪᬾᬤᬪᬾᬤᬮᬫ᭄ᬧᬄᬳᬶᬧᬸᬦ᭄᭞ᬩᬮᬶᬯ᭄ᬮᬡ᭄ᬥᬶᬘᬶᬦᬳᬭᬩᬶ᭞ᬗᬶᬯᬵᬦ᭄ᬗᭂᬦ᭄‌‌ᬮᬦ᭄ᬫᬗᬶᬲᭀᬃ᭟᭙᭟ᬘᬭᬓᬦᬾᬦᭀᬭᬲᬫᬶ
ᬓᬵᬕᬳᬶᬧᬸᬦ᭄᭞ᬪᬾᬤᬪᬾᬤᬇᬓᬂᬯᬃᬡ᭄ᬦᬶ᭞ᬓᬵᬗ᭄ᬕᬾᬧᬓᬾᬮᬶᬂᬭᬶᬂᬩᬸᬓᬸ᭞ᬩᬮᬶᬯ᭄ᬮᬡ᭄ᬥᬶᬘᬶᬦᬳᬭᬩᬶ᭞ᬅᬓ᭄ᬱᬭᬦᬾᬲᬫᬶᬲ᭄ᬬᭀᬲ᭄᭟᭑᭐᭟ᬫᬹᬮᬪᬾᬤᬰᬵᬲ᭄ᬢ᭄ᬭᬦᬶᬂᬮᭀᬓᬧᬸᬦᬶᬓᬸ᭞ᬓᬃᬱᬦᬶᬂᬯ᭄ᬯᬂᬫᬳᬵᬰᬸᬘᬷ᭞ᬚᬦ᭄ᬫᬲᬚᬕᬢ᭄ᬧ [ 91 ][᭙᭐ 90B]
᭙᭐
ᬯᬵᬭᬹᬫ᭄᭞ᬲᬫᬶᬧᬥᬓᬮᬶᬮᬦᬶᬦ᭄᭞ᬫᬗᬦ᭄ᬯᭀᬄᬩᬸᬥᬶᬯᭀᬄᬓᬯ᭄ᬭᭀᬄ᭟᭑᭑᭟ᬯᬸᬲ᭄ᬓᬲᬸᬗᬦ᭄‌‌ᬓ᭄ᬭᬳᬬᭀᬦ᭄ᬳᬾᬗᭂᬢ᭄ᬧᬸᬦᬶᬓᬸ᭞ᬗᬮᬧ᭄ᬯᭀᬄᬓᬯ᭄ᬭᬸᬄᬯᭀᬄᬩᬸᬤ᭄ᬥᬶ᭞ᬦᬸᬗ᭄ᬓᬧ᭄ᬳᭂᬗ᭄ᬕᭀᬦᬾᬭᬳᬬᬸ᭞ᬯᬶᬮᬂᬭᬦᬓ᭄ᬯᬶᬚᬶᬯᬶᬚᬶ᭞ᬯᭀᬄᬯᬶᬢ᭄ᬩᬸ
ᬤ᭄ᬥᬶᬯᬶᬢ᭄ᬓᬯ᭄ᬭᭀᬄ᭟᭑᭒᭟ᬧᬦ᭄ᬓᬶᬦᬃᬬ᭄ᬬᬧᬦᬸᬗ᭄ᬕᬮ᭄ᬭᬶᬗ᭄ᬓᭂᬲᬦ᭄ᬦᬶᬧᬸᬦ᭄᭞ᬰᬵᬲ᭄ᬢ᭄ᬭᬢᬸᬮᬶᬲᬦ᭄ᬳ᭄ᬬᬂᬯᬶᬥᬷ᭞ᬓᬃᬲᬕᬸᬕᬶᬸᬮ᭄ᬫᬓᬝᬄᬳᬶᬧᬸᬦ᭄᭞ᬭᬶᬦᬶᬗ᭄ᬓᭂᬲ᭄ᬓᬢᭀᬦ᭄‌‌ᬰᬓ᭄ᬢᬶ᭞ᬫᬗ᭄ᬤᬗᬃᬣᬶᬳᬦ᭄ᬤᬤᬶᬯ᭄ᬯᭀᬂ᭟᭑᭓᭟ᬬᬾᬦᬶᬂᬗᬗ᭄ᬕᬾᬰᬵᬲ᭄ᬢ᭄ᬭᬦ᭄ᬳᬷᬤᬲᬂᬳ᭄ᬬᬂᬳ
ᬕᬸᬂ᭞ᬰᬵᬲ᭄ᬢ᭄ᬭᬗ᭄ᬮᬶᬧᬸᬢ᭄‌‌ᬚ᭄ᬭᭀᬦᬶᬂᬯᬃᬡ᭄ᬦᬶ᭞ᬓᬾᬳᬶᬂᬰᬵᬲ᭄ᬢ᭄ᬭᬫᬵᬦᬹᬢ᭄ᬳᬗ᭄ᬓᬸᬄ᭞ᬫᬓᬗᬭᬦ᭄‌‌ᬰᬵᬲ᭄ᬢ᭄ᬭᬉᬭᬶᬧ᭄᭞ᬧᬸᬦᬶᬓᬤᬾᬯᬧᬶᬢᬸᬯᭀᬦ᭄᭟᭑᭔᭟ᬳᬩᭀᬢ᭄ᬳᬶᬧᬸᬦ᭄‌‌ᬗᬫᭀᬂᬩᬸᬥᬶᬳᬕᬮ᭄ᬳᬕᬸᬮ᭄᭞ᬫᬗᬗ᭄ᬕᬶᬢ᭄ᬲᬲ᭄ᬢ᭄ᬭᬳᬓᬶᬓᬶᬢ᭄᭞ᬭᬶᬗ᭄ᬓᭂ
ᬲ᭄ᬚᬗ᭄ᬓᭂᬧ᭄‌‌ᬲ᭄ᬯᬭᬦᬶᬧᬸᬦ᭄᭞ᬳᬶᬭᬶᬓᬤᬾᬯᬫᬘᬶᬭᬶ᭞ᬇᬓᬂᬩᬸᬥᬶᬮᬸᬳᬸᬃᬳᬲᭀᬃ᭟᭑᭕᭟ᬬᬾᬦ᭄ᬲᬶᬭᬳ᭄ᬬᬸᬦ᭄‌‌ᬫᬶᬳᬢ᭄ᬢᬸᬮᬶᬲ᭄‌‌ᬳ᭄ᬬᬂᬳᬕᬸᬂ᭞ᬳᬗᬗ᭄ᬕᬾᬢᬶᬗ᭄ᬳᬮᬶᬂᬳᬢᬶ᭞ᬰᬵᬲ᭄ᬢ᭄ᬭᬢᬸᬮᬶᬲᬦ᭄ᬳ᭄ᬬᬂᬳᬕᬸᬂ᭞ᬢᬦ᭄ᬓᭂᬦᬲᬶᬭᬢᬶᬗ᭄ᬳᬮᬶ᭞ᬭᬶᬂᬢᬶᬗ᭄ᬳ

[᭙᭑ 91A]
᭙᭑
ᬮ᭄ᬓᬭᭀᬫᬮᬸᬮᭀᬂ᭟᭑᭖᭟ᬢᬶᬗ᭄ᬳᬮ᭄ᬭᭀᬭᭀᬬᬦᬶᬂᬲᬶᬭᬓᬃᬬ᭄ᬬᬵᬦ᭄ᬥᬸᬮᬸ᭞ᬓᬦ᭄ᬢᭂᬦ᭄ᬯᬶᬥᬷᬭᬹᬧᬓᬮᬶᬄ᭞ᬓᬳᬦᬦᬶᬭᬲᬂᬳ᭄ᬬᬂᬳᬕᬸᬂ᭞ᬢᬦ᭄ᬓᭂᬦᬲᬶᬭᬢᬶᬗ᭄ᬳᬮᬶ᭞ᬢᬦᬵᬦᬳ᭄ᬬᬂᬯᬶᬥᬷᬭᭀᬭᭀ᭟᭑᭗᭟ᬚᬢᬶᬯᬶᬦ᭄ᬥᬸᬫᬗ᭄ᬮᬶᬧᬸᬢ᭄ᬯᬢᭂᬓ᭄ᬢᬸᬫᬸᬯᬸᬄ᭞ᬬ
ᬦ᭄ᬤᬶᬦᬸᬮᬸᬢᬶᬗ᭄ᬳᬮ᭄ᬲᬯᬷᬚᬶ᭞ᬓᭂᬜ᭄ᬘᭂᬂᬢ᭄ᬭᬂᬢᬶᬗ᭄ᬳᬮ᭄ᬳᬦᬓᬸ᭞ᬢᬦ᭄ᬫᬭᬶᬘᬶᬢ᭄ᬢᬦᬶᬂᬳᬢᬶ᭞ᬢᬸᬗ᭄ᬕᬍᬦ᭄ᬢᬶᬗ᭄ᬳᬮ᭄ᬲᬂᬳᬦᭀᬫ᭄᭟᭑᭘᭟ᬬᬾᬦᬶᬂᬲᬫᬃ᭞ᬫᬢᬲ᭄ᬫᬃᬳᬶᬓᬵᬦ᭄ᬤᬸᬮᬸ᭞ᬓ᭄ᬭᬡᬢᬦ᭄‌‌ᬢ᭄ᬭᬂᬳᬶᬓᬂᬯᬃᬡ᭄ᬦᬶ᭞ᬤᬾᬦᬶᬂᬲᬫᬃᬭᬶᬂᬧᬦ᭄ᬤᬸᬮᬸ᭞ᬮᬦ᭄ᬢᬶᬗ᭄ᬳᬮ᭄ᬓᬮᬶᬄᬗ
ᬩᬶᬃᬩᬶᬃ᭞ᬳᬶᬓᬲᬲᬭᬶᬦᬶᬂᬧᬢ᭄ᬫᭀᬦ᭄᭟᭑᭙᭟ᬲᬲᬃᬲᬸᬲᬸᬃ᭞ᬤᬶᬚᬚ᭄ᬫᬓ᭄ᬤᬶᬚᬳᬸᬲᬸᬤ᭄᭞ᬦᬫ᭄ᬧᬶᬯᬮᬾᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬭᬸᬂᬯᬋᬕ᭄ᬭᬦᬓᬵᬫ᭄ᬧᬸ᭞ᬫᬗᬺᬗᭃᬧᬶᬢᬸᬢᬸᬃᬚᬵᬢᬶᬚᬵᬢᬶ᭞ᬲᬂᬪᬶᬓ᭄ᬱᬸᬫᬮᬶᬄᬫᬫᬯᭀᬲ᭄᭟᭒᭐᭟ᬫᬦᬶᬲ᭄ᬳᬭᬸᬫ᭄
ᬯᬘᬶᬓᬦᬾᬲᬶᬭᬵᬫ᭄ᬧᬸ᭞ᬰᬶᬱ᭄ᬬᬦᬫ᭄ᬧᬶᬳᬫᬋᬓᬶᬦ᭄᭞ᬳᬶᬗ᭄ᬲᬸᬦ᭄ᬢᬜᬭᬶᬂᬲᬂᬧ᭄ᬭᬪᬸ᭞ᬯ᭄ᬭᬸᬄᬳᬯᬓ᭄ᬢᬲᬶᬭᬂᬫᬸᬦᬶ᭞ᬲᬂᬳᬫ᭄ᬬᬃᬱᬲᬫᬶᬩ᭄ᬗᭀᬂ᭟᭒᭑᭟ᬳᬶᬭᬶᬓᬯᬸᬲ᭄ᬳᬦᬭᬶᬂᬳᬗ᭄ᬕᬲᬂᬧ᭄ᬭᬪᬸ᭞ᬲᬲ᭄ᬫᬶᬢᬦ᭄ᬳᬶᬤᬳ᭄ᬬᬂᬯᬶᬥᬷ᭞ᬓᬾᬯᬮᬫᬫᬶᬳᬢᬸᬢᬸᬃ [ 92 ][᭙᭑ 91B]
᭙᭑
᭞ᬫᬗᬢᬹᬭᬶᬦ᭄‌‌ᬰ᭄ᬭᬷᬪᬸᬧᬢᬶ᭞ᬮᬶᬦ᭄ᬢᬂᬓᬾᬬᬸᬄᬲᬶᬭᬗᬫᭀᬂ᭟᭒᭒᭟ᬥᬃᬫ᭄ᬫᬧᬵᬢᬹᬢ᭄ᬤᬲᬭᬾᬫᬗᬫᭀᬂᬧᬸᬦᬶᬓᬸ᭞ᬦᭀᬭᬓ᭄ᬦᬳᭀᬩᬄᬫᬮᬶᬄ᭞ᬫᬹᬮᬭᬕᬓᬯᭂᬗ᭄ᬓᬸ᭞ᬳᬚᬲᬶᬭᬳᬮᬂᬳᬾᬮᬶᬂ᭞ᬤᬳᬢ᭄ᬤᬾᬯᬳᬩᭀᬢ᭄‌‌ᬭᬾᬧᭀᬢ᭄᭟
᭒᭓᭟ᬦᬶᬓᬧᬵᬢᬹᬢ᭄‌‌ᬜᬦ᭄ᬤᬂᬧᬶᬲᬦ᭄ᬲᭂᬫ᭄ᬩᬄᬲᬸᬯᬸᬦ᭄᭞ᬓᬯ᭄ᬭᬸᬳᬾᬗᬭᬦ᭄ᬲᬸᬚᬢᬶ᭞ᬳᬚᬲᬶᬭᬳᬢᬸᬫ᭄ᬧᬂᬲᬸᬄ᭞ᬤᬗᬦ᭄ᬜᬦᬾᬢᬦ᭄ᬲᬶᬦᬶᬧᬶ᭞ᬓᬾᬯᬮᬮᬶᬦ᭄ᬢᬂᬤᬾᬯᬳᬩᭀᬢ᭄᭟᭒᭔᭟ᬤᬸᬄᬧᬸᬓᬸᬮᬸᬦ᭄‌‌ᬲᬸᬦ᭄ᬳᬦᭂᬥᬭᬦᬓᬵᬫ᭄ᬧᬸ
ᬢᬦ᭄ᬯᬦᭂᬄᬭᬵᬦᬓ᭄ᬫᬳᬵᬃᬱᬶ᭞ᬤᬺᬲᬵᬓ᭄ᬱᬢ᭄ᬳᬗ᭄ᬕᬦᬶᬗ᭄ᬲᬸᬦ᭄᭞ᬓᬢᬾᬢᬾᬲᬦ᭄ᬲᬜ᭄ᬚᬶᬯᬦᬶ᭞ᬫᬗᬺᬗᭃᬧᬶᬢᬸᬢᬸᬃᬓᬯᭀᬢ᭄᭟᭒᭕᭟ᬦᬸᬦᬲ᭄ᬫᬮᬶᬄᬢᬢ᭄ᬯᬬᬂᬤᬸᬄᬋᬱᬶᬭᬢᬸ᭞ᬲ᭄ᬫᬭᬕᬫᬦᬾᬲᬸᬚᬵᬢᬶ᭞ᬫᬗ᭄ᬤᬾᬲᬸᬦ᭄ᬲᬶᬤ᭄ᬥᬧᬗᬯ᭄ᬭᬸᬄ᭞ᬭᬶᬂᬤ
ᬕᬶᬂᬜᬫᬓᬲᬫᬶ᭞ᬕᬸᬫᬦ᭄ᬢ᭄ᬬᬧ᭄ᬭᬡ᭄ᬥᬫᬩᬯᭀᬲ᭄᭟᭐᭚ᬧᬸᬄᬕᬶᬡᬦ᭄ᬢᬶ᭚᭑᭟ᬦᬾᬲᬸᬚᬵᬢᬶᬤᬲᬃᬳᬶᬧᬸᬦ᭄᭞ᬲᬸᬓᬮᬶᬮᬍᬕᬯᬢ᭄ᬯᬶ᭞ᬲ᭄ᬫᬭᬕᬫᬦᬾᬧᬱ᭄ᬝᬶᬓ᭞ᬫᬲᬂᬕᬫᬦᬾᬉᬢ᭄ᬢᬫᬶ᭞ᬫᬦᬺᬳᬂᬧᬸᬢ᭄ᬭᬉᬢ᭄ᬢᬫ᭞

[᭙᭒ 92A]
᭙᭒
ᬫᬗ᭄ᬤᬫᬗ᭄ᬭᬳᬬ᭄ᬯᬂᬕᬸᬫᬶ᭟᭒᭟ᬯᬶᬘᬓ᭄ᬱᬡᬮᬶᬦ᭄ᬢᬂᬩᬕᬸᬲ᭄᭞ᬢᬶᬦᬹᬢ᭄ᬫᬭᬶᬂᬢᬢᬓ᭄ᬭᬫᬶ᭞ᬳᬦ᭄ᬤᬤᬶᬧᬓ᭄ᬯᬦᬶᬂᬦᬬ᭞ᬤ᭄ᬯᬦᬶᬂᬤᬤᬶᬘᬢ᭄ᬭᬦ᭄᭞ᬪᬹᬫᬶ᭞ᬓᬰᬸᬦ᭄ᬬᬢᬦᬾᬳᬶᬜ᭄ᬘᭂᬧᬂ᭞ᬧᬸᬦᬶᬓᬧᬓ᭄ᬭᬫᬦᬾᬮ᭄ᬯᬶᬄ᭟᭓᭟ᬤᬸᬭᬸᬲᬂᬭᬢᬸᬧᬶᬢᬸᬳᬸ
ᬦ᭄᭞ᬳᬚ᭄ᬜᬮ᭄ᬯᬶᬄᬳᬗ᭄ᬕᬾᬦ᭄ᬦᬸᬮᬸᬭᬶᬦ᭄᭞ᬮᬓᬶᬲ᭄ᬢ᭄ᬭᬶᬫᬗᬶᬜ᭄ᬘᭂᬧᬂ᭞ᬳᬕᭂᬫᬦ᭄ᬲᬂᬫᬯᬕᬸᬫᬶ᭞ᬳᬾᬮᬶᬗᬂᬤᬾᬯᬲᬂᬦᬵᬣ᭞ᬤ᭄ᬯᬦᬶᬂᬧᬜ᭄ᬘᬫᬓᬲᬫᬶ᭟᭔᭟ᬲ᭄ᬫᬭᬕᬫᬮᬶᬦ᭄ᬢᬂᬳᬬᬸ᭞ᬧᬸᬦᬶᬓᬭᬢᬸᬳᬲ᭄ᬢᬶᬢᬶ᭞ᬗᭂᬫ᭄ᬩᬦ᭄ᬭᬩᬶᬭᬶᬂᬧᬫᬺᬫᬦ᭄
᭞ᬫᬗ᭄ᬤᬧᬓᬃᬥᬶᬦᬾᬩ᭄ᬘᬶᬓ᭄᭞ᬲᬶᬗ᭄ᬕᬶᬄᬤᬾᬯᬰ᭄ᬭᬷᬥᬃᬫ᭄ᬫᬶᬓ᭞ᬫᬗ᭄ᬤᬲᬶᬥᬫᬧᬸᬢ᭄ᬭᬍᬯᬶᬄ᭟᭕᭟ᬲ᭄ᬫᬭᬢᬸᬭᬶᬤᬳᬶᬓᬸ᭞ᬢ᭄ᬕᭂᬲ᭄ᬜᬦᬾᬓᬶᬭᬂᬩ᭄ᬘᬶᬓ᭄᭞ᬫᬦᬄᬗᬫᬂᬚᬢᬸᬓ᭄ᬭᬫ᭞ᬓᬕᬾᬢ᭄ᬤᬤᭀᬲ᭄ᬓᬃᬥᬶᬦᬾᬧ᭄ᬮᬶᬄ᭞ᬤᬤᬶᬧᬸᬢ᭄ᬭᬦᬾᬫᬫᬹᬃᬓ᭄ᬓ᭞
ᬦᭀᬭᬚ᭄ᬦᭂᬓ᭄ᬦᬶᬗᭂᬄᬫᬸᬜᬶ᭟᭖᭟ᬲ᭄ᬫᬭᬦᬮᬢᬦ᭄ᬭᬳᬬᬸ᭞ᬫᬦᬄᬤᬸᬄᬓᬶᬢᬭᬶᬂᬓ᭄ᬭᬰ᭄ᬫᬶᬦ᭄᭞ᬲᬶᬂᬜᬦᬥᬶᬭᬶᬂᬧᬢᭂᬫ᭄ᬯᬦ᭄᭞ᬢᬦ᭄ᬧ᭄ᬕᬢ᭄ᬧᬸᬢ᭄ᬭᬦᬾᬲᬓᬶᬢ᭄᭞ᬲᬫ᭄ᬧᬾᬤᬸᬳᬸᬃᬦ᭄ᬫᬸᬮᬭ᭞ᬲᬂᬮᬶᬗ᭄ᬲᬶᬃᬓᬾᬯᭂᬄᬦᬦ᭄ᬤᬓᬶᬦ᭄᭟᭗᭟ᬲ᭄ᬫᬭᬕᬡ [ 93 ][᭙᭒ 92B]
᭙᭒
ᬓᬯᬸᬯᬸᬲ᭄᭞ᬫᬾᬗᭂᬢ᭄ᬫᬭᬶᬂᬫᬺᬓᬓ᭄ᬘᬸᬮᬶᬕ᭄᭞ᬭᬶᬂᬲᬚ᭄ᬭᭀᬦᬶᬂᬳᬘᬸᬫ᭄ᬩ᭄ᬯᬦ᭞ᬲᬶᬂᬜᬲᬥ᭄ᬬᬧᬘᬂᬦᬥᬶ᭞ᬓᬧᬸᬗ᭄ᬓᬸᬃᬳᬶᬓᬦᬂᬧᬸᬢ᭄ᬭ᭞ᬫᬺᬓᬓ᭄ᬩᭀᬩᬩ᭄ᬢᬸᬃᬫᬫᬮᬶᬂ᭟᭘᭟ᬲ᭄ᬫᬭᬢᬸᬭᬧᬫᬸᬧᬸᬢ᭄᭞ᬯ᭄ᬯᬂᬯᬥᬸᬧᬓ᭄ᬱᬢᬸᬭᭀᬦᬶᬦ᭄᭞ᬓᬕᬾᬢ᭄
ᬧᬸᬦᬶᬓᬫᬦᬥ᭄ᬬᬂ᭞ᬧᬸᬢ᭄ᬭᬩ᭄ᬮᭀᬕ᭄ᬲᬶᬕᬸᬕ᭄ᬢᬸᬮᬶ᭞ᬲᬗᬃᬢᭀᬂᬓ᭄ᬦᬤᬶᬳᬚᬃ᭞ᬫᬡᬶᬲᬮᬳᬾᬫᬦᬤᬶ᭟᭙᭟ᬫᬸᬂᬧᬸᬂᬭᬢᬸᬤᬸᬭᬸᬂᬳᬲᬸᬦᬸ᭞ᬳᬾᬮᬶᬂᬳᬾᬮᬶᬂᬤᬾᬦ᭄ᬧᬓᬾᬮᬶᬂ᭞ᬳᬗ᭄ᬕᬾᬦ᭄ᬧᬶᬢᬸᬢᬸᬃᬢᬢᬫ᭄ᬬᬦ᭄᭞ᬧᬶᬲᬸᬓᬦᬶᬦ᭄‌‌ᬢ᭄ᬭᬸᬡᬢ᭄ᬭᬸᬡᬷ᭞ᬧᬶ
ᬮᬶᬄᬲᬶᬥᬫᬜᬸᬲᬸᬧᬂ᭞ᬦ᭄ᬮᭂᬩᬂᬭᬶᬂᬲ᭄ᬫᬭᬕᬫᬶ᭟᭑᭐᭟ᬧᬶᬦᬸᬦᬲᬾᬲᬂᬳᬩᬕᬸᬲ᭄᭞ᬩᭀᬬᬓᬾᬤᬤᭀᬲ᭄ᬢᬫ᭄ᬩᬦᬶᬦ᭄᭞ᬋᬋᬳᬂᬫᬭᬶᬂᬉᬱᬤ᭄ᬥ᭞ᬭᬶᬂᬩᬮ᭄ᬬᬦ᭄‌‌ᬓᭀᬦ᭄ᬢᬾᬗᬾᬫᬮᬶᬄ᭞ᬳᬶᬭᬶᬓᬓᬾᬧᬶᬢᬸᬮᬸᬗᬂ᭞ᬮᬭᬦᬾᬫᬗ᭄ᬤᬫᬕᬶ
ᬗ᭄ᬲᬶᬃ᭟᭑᭑᭟ᬲᬂᬲᬥᬓᬵᬲ᭄ᬫᬸᬕᬸᬬᬸ᭞ᬲᬵᬫ᭄ᬧᬸᬦ᭄ᬭᬢᬸᬫᬗᬸᬕ᭄ᬯᬦᬶᬦ᭄᭞ᬯ᭄ᬬᬓ᭄ᬢᬶᬲᬶᬤ᭄ᬥᬶᬫᬢᬢᬫ᭄ᬩᬦ᭄᭞ᬬᬾᬦ᭄ᬦᬸᬮᬸᬗᬶᬦ᭄ᬳᬦᬓ᭄ᬳᬸᬭᬶᬧ᭄᭞ᬬᬾᬦ᭄ᬧ᭄ᬚᬄᬢᬦ᭄ᬓᬢᬸᬮᬸᬗᬦ᭄᭞ᬫᬘᬶᬳ᭄ᬦᬫᬯᬸᬓᬾᬲᬫᬶ᭟᭑᭒᭟ᬤ᭄ᬯᬦᬶᬂᬢᭀᬂᬲᬶᬤ᭄ᬥᬵ

[᭙᭓ 93A]
᭙᭓
ᬓᬢᬸᬮᬸᬂ᭞ᬭᬶᬂᬲᬦᬾᬓᭃᬜ᭄ᬚᭂᬓᬦ᭄ᬫᬢᬶ᭞ᬲᬸᬚᬵᬢᬶᬦ᭄ᬳᬶᬧᬸᬦ᭄ᬫᬳᬮ᭄ᬬᬦ᭄᭞ᬢᭀᬂᬢᬸᬮᬸᬂᬭᬶᬂᬳᬦᬓ᭄ᬲᬓᬶᬢ᭄᭞ᬫᬗᬾᬯᭂᬳᬶᬦ᭄ᬳᬦᬓ᭄ᬥᬸᬄᬓ᭞ᬲᬵᬫ᭄ᬧᬸᬦ᭄ᬮᬘᬸᬃᬫᬮᬶᬄᬳ᭄ᬮᬸᬤᬶᬦ᭄᭟᭑᭓᭟ᬰᬶᬱ᭄ᬬᬯᬦᬾᬄᬳᬸᬫᬵᬢᬹᬃ᭞ᬳ᭄ᬗᭀᬦ᭄ᬢᬶᬢ᭄ᬬᬂᬭᬢᬸ
ᬋᬱᬶ᭞ᬤᬳᬢ᭄ᬲᬶᬥᬶᬓᭀᬘᬧᬗ᭞ᬗᬾᬤᬾᬗᬂᬢ᭄ᬭᬂᬲᬂᬜᬓᬶᬢᬶᬦ᭄᭞ᬳᭂᬫ᭄ᬧᬸᬥᬂᬳ᭄ᬬᬂᬫᬦᬢ᭄ᬯᬬᬂ᭞ᬤᬵᬗᬸᬕᬸᬳᬸᬘᬧᬦ᭄ᬧᬮᬶᬂ᭟᭑᭔᭟ᬓᬮᬶᬂᬧᬮᬶᬂᬩᬶᬲᬢᬸᬳᬸ᭞ᬲᬗᬃᬏᬤᬦ᭄ᬬᬲᬯᬯᬶ᭞ᬳᬸᬘᬧᬦᬾᬗᬯᬕ᭄ᬳᬯᬕ᭄᭞ᬤᬢᬳᬸ
ᬘᬧᬂᬜᬓᬶᬢᬶᬦ᭄᭞ᬓᬤᭀᬂᬢᬸᬯᭀᬦ᭄ᬫᬗᬸᬕ᭄ᬯᬦ᭞ᬳᬸᬫᬄᬳᬸᬯᬸᬕ᭄ᬧ᭄ᬬᬦᬓ᭄ᬫᬢᬶ᭟᭑᭕᭟ᬢᬦ᭄ᬯᬗ᭄ᬤᬾᬲ᭄ᬤᬶᬄᬗᬸᬦ᭄ᬗᬸᬦ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦ᭄ᬧᬓᬶᬃᬢ᭄ᬢᬶ᭞ᬤᬢᬤᬢᬓᬲᭂᬮ᭄ᬲᭂᬮᬂ᭞ᬧᬸᬭᬲᬗ᭄ᬕᬄᬓᬳᬫ᭄ᬩᬸᬮᬶᬦ᭄᭞ᬜᬫᬳᭀᬮᬲ᭄ᬓᬤᬾ
ᬦ᭄ᬩᬗ᭄ᬕ᭞ᬫᬢᬸᬢᬸᬭᬦ᭄‌‌ᬓ᭄ᬫᬫᬳᬶ᭟᭑᭖᭟ᬲᬗ᭄ᬓᬦ᭄ᬜᬦᬾᬫᬮᬸᬭᬸᬭᬸᬄ᭞ᬳᬧᬂᬤᬵᬗᬫᬂᬲᬳᬶ᭞ᬬᬦ᭄ᬫᬮᬚᬳᬶᬦ᭄ᬳᬓ᭄ᬱᬭ᭞ᬳ᭄ᬤᬫᬮᬸᬫᬗᬸᬕ᭄ᬯᬦᬶᬦ᭄᭞ᬳᬯᬲ᭄ᬤᬾᬯᬳᬧᬂᬧ᭄ᬤᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬭᬶᬦ᭄᭟᭑᭗᭟ᬬᬾᬦ᭄ [ 94 ][᭙᭓ 93B]
᭙᭓
ᬯᬂᬲᬚᬦᭀᬭᬯ᭄ᬭᬸᬄ᭞ᬓᭀᬚᬭᬦᬾᬲᬧᬸᬦᬧᬶ᭞ᬲᬂᬲᬥᬓᬫᬦᬢ᭄ᬯᬬᬂ᭞ᬬᬾᬦ᭄ᬢ᭄ᬭᬶᬯᬗ᭄ᬰᬢᬦ᭄ᬦᭂᬢᭂᬧᬶᬦ᭄᭞ᬤᬸᬤᬹᬲᬯᬗ᭄ᬰᬦᬶᬓᬂᬯ᭄ᬯᬂ᭞ᬫᬗᬤᬓᬂᬭᬸᬲᬓ᭄ᬪᬸᬫᬶ᭟᭑᭘᭟ᬬᬸᬃᬚᬕᬢ᭄ᬓᬓ᭄ᬯᬾᬳᬦ᭄ᬧᬦ᭄ᬤᬸᬂ᭞ᬗᭀᬧᭂᬢᬶᬦ᭄ᬲᬂᬫᬯᬪᬹ
ᬫᬶ᭞ᬥᬃᬫ᭄ᬫᬯᬗ᭄ᬰᬇᬓᬸᬦᬵᬫ᭞ᬫᬾᬗᭂᬢ᭄ᬲᬶᬭᬰ᭄ᬭᬷᬦᬵᬃᬧᬢᬶ᭞ᬳᬶᬓᬸᬯᬗ᭄ᬰᬓᬧᬮᬶᬗᬦ᭄᭞ᬢᬦ᭄ᬫᬦᬹᬢᬶᬂᬢᬢᬓ᭄ᬭᬫᬶ᭟᭑᭙᭟ᬲᬂᬧ᭄ᬭᬪᬸᬫᬮᬶᬄᬳᬸᬫᬢᬹᬃ᭞ᬲ᭄ᬯᬾᬘᬭᬢᬸᬦᬦᬾᬫᬗ᭄ᬓᬶᬦ᭄᭞ᬮᬶᬗ᭄ᬕᬦᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬫ
ᬢᬹᬃᬧᬸᬬᬸᬂᬭᬶᬂᬲᬂᬋᬱᬶ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬥᬶᬦᬓ᭄ᬱᬶᬡᬦ᭄᭞ᬧᬸᬭᬸᬦ᭄ᬢᬶᬢ᭄ᬬᬂᬫᬶᬓ᭄ᬥᭂᬳᬶᬦ᭄᭟᭒᭐᭟ᬓᬜ᭄ᬘᬦ᭄ᬦᬭᬦᬾᬧᬸᬦᬶᬓᬸ᭞ᬧᬤᬾᬳᬶᬯᬂᬳᬯᭀᬃᬲ᭄ᬫᬭᬷ᭞ᬩᭀᬬᬓᬾᬤᬤᭀᬲ᭄ᬓᬮᬸᬓᬢ᭄᭞ᬫᬭᬶᬂᬲᭂᬗ᭄ᬕᬸᬥᬮᬂᬋᬱᬶ᭞ᬫᬗ᭄ᬤᬫ
ᬮᬦᬾᬫᬭᬭᬤᬦ᭄᭞ᬯᬾᬤᬗ᭄ᬕᬯ᭄ᬯᬂᬫᬭᬶᬂᬪᬹᬫᬶ᭟᭒᭑᭟ᬯᬸᬲ᭄ᬓᬱ᭄ᬝᬯᬤᬤᭀᬲ᭄ᬚᬸᬭᬸ᭞ᬥᬮᬗᬾᬫᬗ᭄ᬮᬸᬓᬢ᭄‌‌ᬲᬳᬶ᭞ᬲᭂᬗ᭄ᬕᬸᬦᬾᬫᬹᬮᬫᬯᬾᬤ᭄ᬥ᭞ᬮᬦ᭄ᬧᬢᬶᬃᬢ᭄ᬣᬦ᭄ᬳᬶᬤᬋᬱᬶ᭞ᬲᬶᬦᬗ᭄ᬕᭂᬄᬳᭂᬫ᭄ᬧᬸᬦᬶᬂᬚᬕᬢ᭄᭞ᬘᬢᬸᬃᬯᬗ᭄ᬰ

[᭙᭔ 94A]
᭙᭔
ᬦᬾᬫᬶᬂᬲᬶᬗ᭄ᬕᬶᬄ‌᭟᭒᭒᭟ᬋᬱᬶᬲᬩᬸᬤᬶᬫᬯᬸᬯᬸᬲ᭄᭞ᬰ᭄ᬭᬗ᭄ᬕᬭᬳᬭᬹᬫ᭄ᬳᬫᬦᬶᬲ᭄᭞ᬬᬦ᭄ᬢᬦᬵᬦᬫᬦᭂᬢᭂᬧᬂ᭞ᬳᬲ᭄ᬫᬭᬕᬫᬦᬾᬮ᭄ᬯᬶᬄ᭞ᬫᬓᬫᬶᬯᬄᬥᬃᬫ᭄ᬫᬢᬢ᭄ᬯ᭞ᬚᬧᬬᭀᬕᬮᬦ᭄ᬲᬫᬵᬥᬶ᭟᭒᭓᭟ᬤᬶᬚᬕᬫᭂᬮ᭄ᬤᬶᬚᬳᬸᬲᬸᬤ᭄᭞
ᬫᬮᬦᬾᬫᬗ᭄ᬤᬫᬕᬶᬗ᭄ᬲᬶᬃ᭞ᬯ᭄ᬬᬤᬶᬦ᭄ᬮᬸᬓᬢ᭄ᬳᬦ᭄ᬢᬸᬓ᭄ᬯᬾᬥ᭞ᬓᬸᬫ᭄ᬪᬲᬗ᭄ᬓᬸᬧᬸᬱ᭄ᬧᬫᬮᬶᬄ᭞ᬫᬾᬲᬶᬢᭀᬬᬦᬾᬫᬩᬶᬓᬲ᭄᭞ᬲᬫ᭄ᬲᬫ᭄ᬮᬮᬂᬩᬷᬚᬓᬸᬦᬶᬂ᭟᭒᭔᭟ᬳᬄᬲᬫ᭄ᬪᬯᬧᬶᬲᬦ᭄ᬭᬢᬸ᭞ᬫᬗ᭄ᬤᬫᬮᬶᬄᬓᬤ᭄ᬬᬗᬸᬦᬶ᭞ᬲᬶᬫᬅ
ᬤᬢ᭄ᬳᬶᬓᬸᬦᬵᬫ᭞ᬳᬕᭂᬫᬦ᭄ᬳᬶᬘᬢᬸᬃᬚᬦ᭄ᬫ᭞ᬫᬓᬰᬶᬫᬦᬶᬂᬦᬵᬕᬭ᭞ᬤᬸᬤᬹᬳᬶᬓᬸᬦᬾᬲᬸᬚᬵᬢᬶ᭟᭒᭕᭟ᬦᬾᬲᬸᬚᬵᬢᬶᬦᬶᬂᬭᬳᬬᬸ᭞ᬢᬦ᭄ᬮ᭄ᬬᬦ᭄‌‌ᬲ᭄ᬫᬭᬕᬫᬶ᭞ᬳ᭄ᬦᭂᬂᬳ᭄ᬦᭂᬂᬗᬶᬂᬅᬚ᭄ᬜᬵᬦ᭞ᬦᬶᬓᬸᬩᬶᬩᬶᬢᬶᬂᬉᬢ᭄ᬢᬫᬶ᭞ᬬᬾᬦ᭄ᬧᬸᬦᬶᬓᬫᬦ
ᬤᭀᬲᬂ᭞ᬢᬦ᭄ᬧᬢᬦ᭄ᬥᬶᬂᬓᬦᬂᬍᬯᬶᬄ᭟᭒᭖᭟ᬮ᭄ᬯᬶᬄᬭᬳᬬᬸᬮᬸᬦᬲ᭄ᬮᬦᬸᬲ᭄᭞ᬢᬦ᭄ᬧᬗᬧᬳᬧᬫᬮᬶᬄ᭞ᬬᬢᬍᬧᬲ᭄ᬳᬸᬧᬓᬭ᭞ᬧᬲᬶᬓᭂᬧᬦᬾᬯᬸᬲ᭄ᬧᬱ᭄ᬝᬶ᭞ᬤᬍᬫ᭄ᬲᬭᬷᬭᬦᬾᬳᬦ᭞ᬓᬦᬂᬩᬶᬩᬶᬢᬶᬂᬅᬕᬫᬶ᭟᭒᭗ [ 95 ][᭙᭔ 94B]
᭙᭔
᭟ᬢᬦᬵᬦᬲᬲᬫᬦᬶᬧᬸᬦ᭄᭞ᬬᬾᬦᬶᬂᬚᬤ᭄ᬫᬯᬸᬲ᭄ᬫᬗᬃᬣᬶ᭞ᬫᬗᭀᬤᬕ᭄ᬤᬕᬶᬗᬶᬂᬮᭀᬓ᭞ᬦᭀᬭᬳᬦᬳᬧᬫᬮᬶᬄ᭞ᬭᬶᬳᬗ᭄ᬕᬦᬶᬭᬂᬲᬸᬚᬦ᭞ᬲᬶᬭᬂᬧ᭄ᬭᬪᬸᬫᬜᬯᬸᬭᬶᬦ᭄᭟᭒᭘᭟ᬳᬶᬩᬮ᭄ᬬᬦ᭄ᬳᬸᬘᬧᬂᬭᬢᬸ᭞ᬳᭂᬚᬶᬫ᭄ᬲᬾᬢᬦ᭄ᬤᬾ
ᬯᬫᬮᬶᬄ᭞ᬪᬸᬢᬤ᭄ᬗᭂᬦ᭄‌‌ᬓᭀᬘᬧᬗ᭞ᬮᬾᬬᬓ᭄ᬤᬾᬱ᭄ᬝᬶᬮᬦ᭄ᬧᬫᬮᬶ᭞ᬧᬸᬦᬶᬓᬗᬲᭀᬭᬂᬚᬦ᭄ᬫ᭞ᬳᬸᬦᬶᬂᬫᬜᬓᬶᬢᬶᬦ᭄ᬚᬤ᭄ᬫᬶ᭟᭒᭙᭟ᬓᬓ᭄ᬯᬾᬳᬦ᭄ᬦᬭᬦᬾᬩᬶᬗᬸᬂ᭞ᬕᬸᬕᭀᬦ᭄ᬢᬸᬯᭀᬦ᭄ᬓᬢᬶᬦ᭄ᬤᬶᬳᬦ᭄᭞ᬢᬦᬄᬕᬸᬦᬸᬂᬢ᭄ᬗᭂᬢ᭄ᬕᬸᬕ᭄ᬯᬦ᭄
᭞ᬢᬭᬸᬳᬕᬸᬂᬓᬢᬓᬸᬢᬶᬦ᭄᭞ᬲᬗ᭄ᬕᬄᬫᬾᬭᬸᬘᬡ᭄ᬥᬶᬧᬸᬭ᭞ᬲᬫᬶᬧᬓᬃᬥᬶᬦᬶᬂᬚᬤ᭄ᬫᬶ᭟᭓᭐᭟ᬳᬦ᭄ᬢᬸᬓ᭄ᬩᬶᬗᬸᬗᬾᬓᬤᬸᬭᬸᬲ᭄᭞ᬤᬢᬳᬗ᭄ᬓᭂᬃᬓᬳᬭᬦᬶᬦ᭄᭞ᬢᬸᬦᭀᬦ᭄ᬧᬭᬸᬂᬯᬢᬸᬓᬭᬂ᭞ᬳᬦ᭄ᬢᬸᬓ᭄‌‌ᬤ᭄ᬗᭂᬦ᭄ᬩᬸᬢᬩᬸᬢᬶ᭞ᬢᬦᬵᬢᬸᬳᬸᬫ
ᬳᬵᬭᬚ᭞ᬇᬓᬦᬂᬯ᭄ᬯᬂᬧᬸᬦ᭄ᬗᬭᬦᬶᬦ᭄᭟᭓᭑᭟ᬫᬦᬸᬱᬦᬾᬧᬶᬦᬶᬄᬮᬸᬳᬸᬃ᭞ᬤᬾᬯᬪᬝᬵᬭᬦᬢᬓᬶᬦ᭄᭞ᬓᬵᬮᬤ᭄ᬗᭂᬦ᭄ᬧᬥᬦᭂᬫ᭄ᬩᬄ᭞ᬳᬶᬚᬶᬫ᭄ᬲᬾᬢᬦ᭄ᬢᬦᬯᬦᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬮᬦ᭄ᬳᬶᬰ᭄ᬯᬭ᭞ᬦᬶᬓᬫᬸᬓ᭄ᬬᬦᬶᬂᬧᬧᬢᬶᬄ᭟᭓᭒᭟

[᭙᭕ 95A]
᭙᭕
ᬳᬬ᭄ᬯᬲᬗ᭄ᬲᬬᬲᬂᬧ᭄ᬭᬪᬸ᭞ᬓᬾᬯᬮ᭄ᬬᬤᬾᬯᬳᬱ᭄ᬝᬶᬢᬶ᭞ᬗᬫᭀᬂᬭᬕᬦᬾᬲ᭄ᬢᬢ᭞ᬳᬚᬫᬫᬶᬮᬶᬄᬗ᭄ᬕᭀᬦ᭄ᬮᬶᬗ᭄ᬕᬶᬄ᭞ᬲᬳᬦᬦᬶᬂᬲᬃᬯ᭄ᬯᬧᬗᬦ᭄᭞ᬫᬓᬲᬫᬶᬦᭀᬭᬯᬶᬘᬶ᭟᭓᭓᭟ᬰᬸᬓ᭄ᬮᬦᬶᬂᬳᬢᬶᬧᬸᬦᬶᬓᬸ᭞ᬢᬦ᭄ᬓᬯᭀᬭᬦ᭄ᬧᬸᬦᬧᬫᬮᬶᬄ᭞
ᬳᬗ᭄ᬕᬦᬶᬂᬯ᭄ᬯᬂᬫᬹᬮᬫᬮ᭞ᬓ᭄ᬭᬡᬦᬶᬂᬰᬯᬧᬶᬦ᭄ᬤ᭄ᬭᬶᬄ᭞ᬲᬓ᭄ᬯᬾᬳᬶᬂᬯ᭄ᬯᬂᬲᬃᬯ᭄ᬯᬪᬓ᭄ᬱ᭞ᬦᬵᬳᬦ᭄ᬰᬩ᭄ᬤᬦᬶᬂᬫᬳᬵᬃᬱᬶ᭟᭓᭔᭟ᬳᬢᬹᬃᬳᬶᬭᬭᬵᬚᬲᬸᬦᬸ᭞ᬲ᭄ᬯᬾᬘ᭄ᬙᬭᬢᬸᬫᬮᬶᬄᬓ᭄ᬤᬶᬓ᭄᭞ᬫᬦᬢ᭄ᬯᬬᬂᬲᬤᬕᬶᬂᬜ᭞ᬤᬕᬶᬂᬮᭀᬦ᭄ᬢᬃᬦᬾᬉᬢ᭄ᬢᬫᬶ᭞ᬚᬧᬫᬦ᭄ᬢ᭄ᬭ
ᬧᬲᬶᬓᭂᬧᬦ᭄᭞ᬫᬓᬫᬶᬯᬄᬤᬕᬶᬂᬧ᭄ᬭᬶᬧᬷᬄ᭟᭓᭕᭟ᬲᬫᬶᬮ᭄ᬯᬶᬄᬧᬶᬢ᭄ᬓᭂᬢ᭄ᬳᬶᬧᬸᬦ᭄᭞ᬳᬚᬯᬾᬭᬦᭀᬭᬲᬶᬥᬶ᭞ᬧᬗᬸᬘᬧᬾᬫᬭᬶᬂᬮᭀᬦ᭄ᬢᬃ᭞ᬲᬂᬧᬡ᭄ᬥ᭄ᬬᬳᬮᭀᬦ᭄ᬜᬯᬸᬭᬶᬦ᭄᭞ᬜᬦ᭄ᬤᬂᬧᬶᬲᬦ᭄‌‌ᬤᬾᬯᬧ᭄ᬬᬃᬱ᭞ᬦᬵᬗ᭄ᬳᬶᬂᬳᬚᬫᬗᬸ
ᬕᭀᬦᬶᬦ᭄᭟᭓᭖᭟ᬧᬸᬦᬶᬓᬫ᭄ᬯᬱ᭄ᬝᬧᬢᬓᬸᬢ᭄᭞ᬲ᭄ᬯᬭᬦᬾᬭᬶᬂᬮᭀᬦ᭄ᬢᬃᬲᬫᬶ᭞ᬚᬧᬢ᭄ᬕᭂᬲᬾᬧᬗᬚᬧ᭄‌‌ᬫᬦ᭄ᬢ᭄ᬭᬳᬶᬓᬸᬚᬵᬢᬶᬦᬶᬂᬢ᭄ᬭᬶ᭞ᬩᬬᬸᬇᬥᭂᬧ᭄ᬫᬶᬯᬄᬰᬩ᭄ᬤ᭞ᬦᬶᬓᬳᬫᭀᬂᬳᬧᬂᬧᬱ᭄ᬝᬶ᭟᭓᭗᭟ᬩᬬᬸᬗᬭᬦ᭄ [ 96 ][᭙᭕ 95B]
᭙᭕
ᬢᬶᬦ᭄ᬤᬓ᭄ᬳᬶᬓᬸ᭞ᬫᬗ᭄ᬤᬳᬶᬤᬾᬯᬫ᭄ᬮᬧᬦᬶᬦ᭄᭞ᬳᬬ᭄ᬯᬲᬫ᭄ᬧᬾᬫᬭᬶᬂᬯ᭄ᬯᬂ᭞ᬮᬫ᭄ᬧᬳᬾᬲᬳᬶᬳᬱ᭄ᬝᬶᬢᬶ᭞ᬦᭀᬭᬫᬗ᭄ᬯᬶᬥᬷᬦᬶᬂᬮ᭄ᬬᬦ᭄᭞ᬯᬶᬯᬾᬓᬗᬭᬦ᭄ᬭᬶᬂᬓᬃᬥᬶ᭟᭓᭘᭟ᬰᬩ᭄ᬤᬗᬭᬦ᭄ᬧᬯᬸᬯᬸᬲ᭄᭞ᬳᬸᬮᬢ᭄ᬫᬭᬹᬫ᭄‌‌ᬓ᭄ᬜᬶᬃᬫᬦᬶᬲ᭄᭞ᬮ
ᬕᭂᬄᬤᬾᬯᬫᬭᬶᬂᬰᬩ᭄ᬥᬵ᭞ᬫᬵᬦᬹᬢ᭄ᬫᬭᬶᬂᬲᭀᬮᬄᬩ᭄ᬘᬶᬓ᭄᭞ᬳᬬ᭄ᬯᬲᬮᬳᬶᬂᬧᬗᬃᬱ᭄ᬬᬦ᭄᭞ᬗ᭄ᬯᬘᬾᬦ᭄ᬮᭀᬦ᭄ᬢᬃᬲᬵᬭᬶᬲᬵᬭᬶ᭟᭓᭙᭟ᬳᬶᬥᭂᬧ᭄ᬩᬸᬥᬶᬗᬭᬦ᭄ᬳᬶᬧᬸᬦ᭄᭞ᬩᬸᬤ᭄ᬥᬶᬢᬢ᭄ᬯᬦᬾᬲᬸᬚᬵᬢᬶ᭞ᬩᬸᬥᬶᬲᬫᬺᬢ᭄ᬢᬶᬦᬶᬓᬤᬾᬯ᭞ᬬᬾ
ᬦ᭄ᬚᬢᬶᬓᭂᬜ᭄ᬘᬶᬗᬶᬂᬳᬢᬶ᭞ᬩ᭄ᬦᭂᬃᬳᬶᬓᬂᬧᬗᬱ᭄ᬝᬯ᭞ᬜᬸᬂᬲᬸᬂᬳᬶᬤᬲᬂᬳ᭄ᬬᬂᬯᬶᬥᬷ᭟᭔᭐᭟ᬳᬚᬳᬕᬮ᭄‌‌ᬩᬸᬥᬶᬳᬕᬸᬮ᭄᭞ᬭᬶᬂᬚᬩᬚ᭄ᬭᭀᬫᬗ᭄ᬤᬰᬸᬘᬶ᭞ᬲᬵᬫ᭄ᬧᬸᬦ᭄ᬤᬾᬯᬫᬲᬦᬾᬳᬦ᭄᭞ᬭᬶᬂᬚ᭄ᬭᭀᬳᬩᬂᬚᬩᬧᬸᬢᬶᬄ᭞ᬳᬾᬮᬶᬂᬲᬶᬭᬫᬵ
ᬳᬭᬚ᭞ᬬᬾᬦ᭄ᬫᬗ᭄ᬓᬳᬢᬶᬦᬶᬂᬪᬸᬢᬶ᭟᭔᭑᭟ᬗᬭᬦ᭄ᬧᬲᬶᬓ᭄ᬧᬦ᭄ᬳᬶᬓᬸ᭞ᬓᬵᬗ᭄ᬕᬾᬦ᭄‌‌ᬫᭀᬕ᭄ᬩᭀᬕᬶᬦ᭄ᬯᬂᬳᬮᬶᬢ᭄᭞ᬦᬭᬦᬾᬓᬶᬭᬂᬧᬗᬃᬣ᭄ᬬᬦ᭄᭞ᬗᭂᬫ᭄ᬩᬦ᭄ᬲᬓᬶᬢ᭄ᬓᬮᬶᬦ᭄ᬢᬂᬚ᭄ᬭᬶᬄ᭞ᬫᬗ᭄ᬤᬯᬾᬦ᭄ᬢᭂᬦ᭄ᬓᬲᬸᬫ᭄ᬩᬸᬗᬂ᭞ᬓᬕᭂᬕᬵᬭᬶᬂᬤᬍ

[᭙᭖ 96A]
᭙᭖
ᬫ᭄ᬳᬢᬶ᭟᭔᭒᭟ᬯᬶᬸᬧ᭄ᬭᬶᬧᬶᬄᬳᬶᬧᬸᬦ᭄ᬢᭂᬕᭂᬲ᭄ᬳᬶᬧᬸᬦ᭄᭞ᬯ᭄ᬯᬂᬕᭂᬢᬧ᭄ᬫᬗ᭄ᬤᬗᬸᬕᭀᬦᬶᬦ᭄᭞ᬓᬵᬮᬯ᭄ᬗᬶᬓᬢᬸᬤᬸᬳᬂ᭞ᬫᬮᬶᬄᬳᬤᭀᬄᬓ᭄ᬫᬫᬳᬶ᭞ᬗᬸᬮᬄᬕᬫ᭄ᬧᬂᬦᬸᬤᬸᬄᬳᬦᬓ᭄᭞ᬤ᭄ᬯᬦᬶᬂᬯᬾᬦ᭄ᬢᭂᬦ᭄ᬓᬲᬸᬗ᭄ᬓᭂᬫᬶᬦ᭄᭟᭔᭓᭟ᬚᬶᬦᬄᬅᬃᬚ᭄ᬚᬸᬦ
ᬫᬡᬶᬓ᭄ᬓᬲᬸᬩ᭄᭞ᬳᬢᬩᬸᬗ᭄ᬲᭂᬮ᭄ᬩᬸᬮᬶᬄ᭞ᬧᬸᬦᬶᬓᬢᬍᬃᬩᬩᬗ᭄ᬕᬦ᭄᭞ᬳᬗ᭄ᬕᬾᬦ᭄ᬗᬕᬶᬭᬲ᭄ᬫᬦᬄᬚ᭄ᬭᬶᬄ᭞ᬳᬗ᭄ᬕᬦ᭄ᬳᬶᬤᬲᬂᬲᬸᬚᬦ᭞ᬫᬲᬓᬾᬧᬘᬂᬗᬸᬕ᭄ᬯᬦᬶᬦ᭄᭟᭔᭔᭟ᬲᬩᬸᬓ᭄ᬧᬶᬯᭀᬮᬲ᭄ᬓᬕᬸᬕᬸ᭞ᬫ᭄ᬯᬂᬧᬗᬲᬶᬳᬲᬶᬄᬫ
ᬮᬶᬄ᭞ᬓᬲᬦ᭄ᬤᬂᬫᬓᬓᬋᬧᬦ᭄᭞ᬫᬮᬓ᭄ᬱᬡᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬫᬶᬢᬸᬭᬸᬢ᭄ᬧᬗᬸᬘᬧ᭄ᬩᬮ᭄ᬬᬦ᭄᭞ᬲᬵᬫ᭄ᬧᬸᬦ᭄ᬤᬾᬯᬫᬗᬸᬕ᭄ᬯᬦᬶᬦ᭄᭟᭔᭕᭟ᬤ᭄ᬯᬦᬶᬂᬮᬮᬓᬶᬩ᭄ᬮᭀᬕ᭄ᬧᬘᬸᬮ᭄᭞ᬫᬯᭂᬯᭂᬄᬓᬶᬫᬸᬤ᭄ᬫᬫᬸᬜᬶ᭞ᬧᬧ᭄ᬢᭂᬢ᭄ᬳᬗ᭄ᬕᬾᬦ᭄‌‌ᬗᬕᬶᬭᬲ᭄
ᬫᬗ᭄ᬤᬾᬓᬾᬧᭀᬗᬄᬫᬫᬸᬜᬶ᭞ᬫᬗᬗ᭄ᬕᬸᬭᬶᬦ᭄ᬓᬕᬾᬮᬦ᭞ᬧᬂᬘᬮᬸᬄᬧᭀᬗᬄᬫᬫᬸᬜᬶ᭟᭔᭖᭟ᬳᬄᬳᬄᬩᭀᬬᬦᬦᬾᬢᬸᬳᬸ᭞ᬬᬾᬦᬶᬂᬤᬸᬤᬹᬚᭀᬤᭀᬚᬵᬢᬶ᭞ᬦᬭᬲᬫᬶᬗᬚᬓ᭄‌‌ᬓᬃᬫ᭄ᬫ᭞ᬲᬤᬸᬭᬸᬗᬾᬯᬸᬲ᭄ᬓᬧᬱ᭄ᬝᬶ᭞ᬭᬶᬂ [ 97 ][᭙᭖ 96B]
᭙᭖
ᬲᬂᬳ᭄ᬬᬂᬧ᭄ᬭᬫᬯᬶᬰᬾᬱ᭞ᬯᬾᬦ᭄ᬢᭂᬦ᭄ᬥᬸᬫᬸᬦ᭄‌‌ᬯᬾᬦ᭄ᬢᭂᬦ᭄ᬓᬸᬭᬶ᭟᭔᭗᭟ᬳᬾᬮᬶᬂᬲᬶᬭᬳᬚᬩᬶᬗᬸᬂ᭞ᬫᬗᭂᬕᬵᬧᬓᬃᬥᬶᬦ᭄ᬚᬤ᭄ᬫᬶ᭞ᬳᬚᬗᭀᬮᬄᬳᬦᬓ᭄ᬯᬶᬓᬦ᭄᭞ᬭᬶᬂᬳᬗ᭄ᬕᬤᬾᬯᬕᬮᬶᬳᬶᬦ᭄᭞ᬤ᭄ᬯᬦᬶᬂᬲᬗᬸᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭞ᬦᬾᬳᬢᬶ
ᬕᬚ᭄ᬯᬳᬫᭀᬗᬶᬦ᭄᭟᭔᭘᭟ᬳᬚᬯᬾᬭᬢ᭄ᬕᭂᬲ᭄ᬳᬶᬧᬸᬦ᭄᭞ᬳᬬ᭄ᬯᬗᬸᬘᬧ᭄ᬫᬲᭀᬮᬄᬧ᭄ᬮᬶᬄ᭞ᬥᬃᬫ᭄ᬫᬲᬵᬥᬸᬩᬸᬥᬶᬫᬮᬶᬮᬂ᭞ᬚᬸᬚᬸᬃᬫᬗᬱ᭄ᬝᬶᬢᬶᬯᬶᬥᬷ᭞ᬬᬾᬦᬶᬂᬲᬶᬗ᭄ᬲᬮ᭄ᬦᬾᬢᬢᬶᬕ᭞ᬫᬹᬢᬂᬳᬮᬭᬶᬂᬳ᭄ᬬᬂᬯᬶᬥᬷ᭟᭔᭙᭟ᬬᬾᬦᬶᬂᬲᬶᬭᬯᬸᬲ᭄ᬫᬶᬢᬸ
ᬳᬸ᭞ᬢᬦ᭄ᬯᭂᬦᬂᬫᬗᬸᬘᬧ᭄ᬮᭂᬩᬶᬄ᭞ᬓᬤᬶᬧᬭᬶᬬᬾᬦᬸᬧᬫ᭞ᬲᬃᬯ᭄ᬯᬗᬸᬦ᭄ᬢᬸᬮ᭄‌‌ᬯᬸᬲ᭄ᬫᬤᬕᬶᬂ᭞ᬢᬦ᭄ᬯᭂᬦᬩᬯᬄᬳᬫᭀᬚᬃ᭞ᬬᭀᬕ᭄ᬬᬦᬶᬂᬯ᭄ᬯᬂᬯᬸᬲ᭄ᬫᬤᬕᬶᬂ᭟᭕᭐᭟ᬚᬦ᭄ᬫᬲᬫᬶᬫᬹᬮᬩᬕᬸᬲ᭄᭞ᬩ᭄ᬓᭂᬮᬾᬤᬸᬫᬤᬶᬧᬱ᭄ᬝᬶ᭞ᬢ᭄ᬭᬶᬚᬢᬦᬾᬫᬭᬶᬂᬳᬗ᭄ᬕ
᭞ᬦᬧᬶᬦᬾᬫᬮᬶᬯᭂᬯᭂᬳᬶᬦ᭄᭞ᬬᬾᬦ᭄ᬓᬶᬭᬗᬶᬦ᭄ᬤᬤᭀᬲ᭄ᬘᬘᬤ᭄᭞ᬳᬸᬜ᭄ᬚᬸᬓᬶᬦ᭄ᬓᬶᬭᬗᬦ᭄ᬫᬮᬶᬄ᭟᭕᭑᭟ᬲᬂᬧ᭄ᬭᬪᬸᬫᬮᬶᬄᬳᬸᬫᬢᬹᬃ᭞ᬮᬾᬤᬂᬭᬢᬸᬫᬗ᭄ᬢᬸᬭᬶᬦ᭄᭞ᬯᬗ᭄ᬰᬦᬭᬦᬾᬭᬶᬂᬚᬕᬢ᭄᭞ᬫᬓᬵᬤᬶᬚᬯᬲ᭄ᬮᬫ᭄‌‌ᬩᬮᬶ᭞ᬘᬶᬦᬯ᭄ᬮᬦ᭄ᬤᬶᬫᬶ

[᭙᭗ 97A]
᭙᭗
ᬯᬄᬳᬭᬩ᭄᭞ᬅᬕᬫᬦᬾᬲᬧᬸᬦᬧᬶ᭟᭕᭒᭟ᬚᬵᬢᬶᬦᬾᬅᬕᬫᬳᬶᬓᬸ᭞ᬮᬶᬦ᭄ᬢᬂᬭᬢᬸᬭᬶᬂᬉᬢ᭄ᬢᬫᬶ᭞ᬤᬸᬤᬹᬕᬫᬦᬶᬂᬓ᭄ᬭᬶᬲ᭄ᬢᬸᬫ᭄ᬩᬓ᭄᭞ᬚᬦ᭄ᬫᬦᬾᬲᬮᬄᬧᬦᬫ᭄ᬧᬶ᭞ᬓᭀᬚᬭᬂᬕᬫᬦᬾᬭᬸᬲᬓ᭄᭞ᬦᬾᬗᬸᬘᬧᬂᬩᬶᬗᬸᬂᬧᬮᬶᬂ᭟᭕᭓᭟ᬤᬸᬭᬸᬂ
ᬢᬶᬢ᭄ᬬᬂᬦᬳᬦ᭄ᬫᬗ᭄ᬕᬸᬄ᭞ᬭᬶᬂᬓᬭᬸᬲᬓᬦ᭄ᬳᬕᬫᬶ᭞ᬬᬾᬦᬶᬂᬕᬫᬦ᭄ᬥᬸᬳᬸᬂᬢᬸᬫ᭄ᬩᬓ᭄᭞ᬳᬸᬦᬶᬂᬭᬸᬲᬓ᭄ᬧᬦ᭄ᬤᬸᬂᬫᬮᬶᬂ᭞ᬧ᭄ᬬᬵᬃᬱᬓ᭄ᬦᬫᬳᬵᬭᬚ᭞ᬤ᭄ᬯᬦᬶᬂᬓ᭄ᬭᬶᬲ᭄ᬧᬓᬃᬥᬶᬦ᭄ᬚᬤ᭄ᬫᬶ‌᭟᭕᭔᭟ᬰᬶᬫᬅᬤᬢ᭄‌‌ᬯᬱ᭄ᬝᬦᬶᬧᬸᬦ᭄᭞ᬓᬫᬃᬕ᭄ᬬᬂᬭᬶᬂᬯᬗ᭄ᬰᬦ᭄ᬚᬦ᭄ᬫᬶ᭞
ᬫᬘᬶᬳ᭄ᬦᬲᬓᬶᬂᬲᬦ᭄ᬤᬗᬦ᭄᭞ᬰᬶᬫᬅᬤᬢ᭄ᬲᬦᬾᬄᬲᬫᬶ᭞ᬤᬕᬶᬂᬕᬫᬚᬵᬢᬶᬢᬸᬗ᭄ᬕᬮ᭄᭞ᬲᬸᬂᬲᬸᬗᬭᬶᬂᬯᬢᭂᬓ᭄ᬳᬸᬭᬶᬧ᭄᭟᭕᭕᭟ᬢ᭄ᬯᬄᬲᬾᬯᭀᬲ᭄ᬮᬦ᭄ᬢᬭᬦ᭄ᬳᬶᬧᬸᬦ᭄᭞ᬳᬲ᭄ᬢᬶᬢᬶᬦᬾᬭᬶᬂᬳ᭄ᬬᬂᬯᬶᬥᬷ᭞ᬲᬓᬶᬂᬫᬵᬲ᭄ᬚᬶᬤ᭞ᬳᬶᬯᭀᬂᬳᬭᬩ᭄᭞ᬲᬓᬶᬂᬓ᭄ᬭᬶ
ᬲ᭄ᬢᬸᬲ᭄‌‌ᬦᬭᬯ᭄ᬮᬡ᭄ᬥᬶ᭞ᬯᬂᬘᬶᬦᬲᬓᬶᬂᬧ᭄ᬭᬢᬶᬫ᭞ᬲᬓᬶᬂᬧᬸᬭᬦᬭᬩᬮᬶ᭟᭕᭖᭟ᬚᬯᬶᬳᬶᬲ᭄ᬮᬫ᭄‌‌ᬯᬦ᭄ᬢᬄᬧᬢᬸᬄ᭞ᬫᬦᬶᬭᬸᬕᬫᬳᬭᬩᬶ᭞ᬭᬶᬳᬶᬦ᭄‌‌ᬚᬯᬕᬫᬩᬸᬤ᭄ᬥ᭞ᬓᬭᬶᬳᬕᬸᬂᬫᬚᬧᬳᬶᬢ᭄᭞ᬕᬸᬫᬦ᭄ᬢᬶᬧᬗᬾᬭᬦ᭄‌‌ᬤ᭄ᬫᬓ᭄᭞ᬯᬂᬚ [ 98 ][᭙᭗ 97B]
᭙᭗
ᬯᬶᬕᭂᬦ᭄ᬢᭀᬲ᭄ᬳᬕᬫᬶ᭟᭕᭗᭟ᬫᬵᬦᬹᬢ᭄ᬭᬶᬂᬳᬕᭂᬫᬦ᭄ᬳᬶᬧᬸᬦ᭄᭞ᬳᬸᬚᬭᬾᬫ᭄ᬢᬸᬭᬶᬂᬮᬝᬶ᭞ᬯᭀᬂᬩᬮᬶᬤᬾᬯᬪᬝᬵᬭ᭞ᬫᬦᬸᬦᬲ᭄ᬣᬶᬃᬢ᭄ᬣᬫᬪᬓ᭄ᬢᬶ᭞ᬇᬱᬭᭀᬄᬳᬮᬄᬳᬶᬂᬯ᭄ᬮᬡ᭄ᬥ᭞ᬘᬶᬦᬢ᭄ᬯᬄᬧᬾᬓᭀᬂᬧᬶᬦᬸᬚᬶ᭟᭕᭘᭟ᬅᬭᬩ᭄ᬭᬶᬂᬫᬸᬳᬫᬤ᭄ᬭᬲᬸᬮ᭄᭞ᬓ
ᬫ᭄ᬓᬄᬫᬫᬸᬗ᭄ᬕᬄᬓᬵᬚᬶ᭞ᬦᬤ᭄ᬬᬦ᭄ᬕᬸᬦ᭄ᬤᬸᬮ᭄‌‌ᬗᬗ᭄ᬕᭀᬦ᭄ᬲᬸᬃᬩᬦ᭄᭞ᬩᬚᬸᬚᬸᬩᬄᬓᬮᬸᬂᬢᬱ᭄ᬩᬶᬄ᭞ᬫᬓᬸᬧ᭄ᬮᬸᬓ᭄ᬗᬗ᭄ᬕᭀᬲᬭᬸᬗᬦ᭄᭞ᬚᬮᬾᬃᬘᬶᬦᬫ᭄ᬯᬂᬫᬢᭀᬧᬶ᭟᭕᭙᭟ᬲᬦ᭄ᬤᬗᬦ᭄‌‌ᬯ᭄ᬮᬡ᭄ᬥᬶᬳᬶᬓᬸ᭞ᬘ᭄ᬮᬦᬚᬲ᭄ᬫᬮᬶᬄᬫᬢᭀᬧᬶ᭞ᬚᬯᬩᬮᬶᬢᬸᬗ᭄ᬕᬮ᭄
ᬲᬦ᭄ᬤᬂ᭞ᬤᬾᬦᬶᬂᬯᬶᬯᬶᬢ᭄ᬜᬦᬾᬢᬸᬗ᭄ᬕᬶᬮ᭄᭞ᬦᬸᬭᬸᬢ᭄ᬧᬗᬾᬭᬦᬾᬲ᭄ᬯᬂᬲ᭄ᬯᬂ᭞ᬫᬘᬶᬳ᭄ᬦᬲᬓᬶᬂᬧᬗᬗ᭄ᬕᬶ᭟᭖᭐᭟ᬯ᭄ᬮᬡ᭄ᬥᬶᬦᬾᬓᬂᬧᬶᬮᬶᬄᬓᬸᬓᬸᬄ᭞ᬢᭂᬢᭂᬧ᭄ᬫᬗᬕᭂᬫ᭄ᬧᬗᬗ᭄ᬕᬶ᭞ᬦᬶᬓᬸᬢᬦ᭄ᬤᬰᬸᬘᬶᬫᬸᬮ᭄ᬬ᭞ᬫᬶᬂᬲᬶᬗ᭄ᬕᬶᬄᬲᬂᬦᬵᬃᬧᬢᬶ᭞ᬚᬯᬮᬦ᭄ᬩᬮᬶᬦᬾᬩᭀ
ᬦ᭄ᬤᬦ᭄᭞ᬲᬦ᭄ᬤᬗᬦᬾᬫᬭᭀᬩᬄᬲᬳᬶ᭟᭖᭑᭟ᬲᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬩᬶᬗᬸᬂ᭞ᬫᬗᬦ᭄ᬢᭂᬦᬂᬲᭀᬮᬄᬚᬦ᭄ᬫᬶ᭞ᬫᬦᬶᬭᬸᬗᬗ᭄ᬕᬾᬤᬸᬤᬹᬕ᭄ᬮᬄ᭞ᬗᬗ᭄ᬕᬾᬓᬸᬧ᭄ᬮᬸᬓ᭄‌‌ᬘ᭄ᬮᬦᬫᬮᬶᬄ᭞ᬗᬗ᭄ᬕᬾᬯᬲ᭄ᬢ᭄ᬭᬲᬲᬭᬸᬗᬦ᭄᭞ᬢᬦ᭄ᬤᬩᬶᬗᬸᬂᬧ᭄ᬢᭂᬂᬳᬢᬶ᭟᭖᭒᭟ᬧᬶ

[᭙᭘ 98A]
᭙᭘
ᬗᬗ᭄ᬕᬾᬦᬾᬦᬶᬭᬸᬦᬶᬭᬸ᭞ᬘᬭᬳᬭᬩ᭄ᬫᬶᬭᬶᬩ᭄ᬳᬶᬭᬶᬩ᭄᭞ᬫᬳᬶᬤᭂᬃᬗᬯᬫᬢᬕᭂᬮᬧ᭄᭞ᬦᬶᬓᬲᭀᬮᬄᬢᬦ᭄ᬧᬲᬶᬭᬶᬂ᭞ᬲᬫᬃᬓᬳᬮᬶᬗᬦ᭄ᬧᬤᬂ᭞ᬢᬦ᭄ᬫᬵᬦᬹᬢ᭄ᬳᬕᭂᬫ᭄‌‌ᬦᬺᬧᬢᬶ᭟᭖᭓᭟ᬬᬾᬦ᭄ᬢᬸᬭᬸᬦᬦ᭄ᬩᬮᬶᬢᬸᬳᬸ᭞ᬬᭀᬕ᭄ᬬᬫᬵᬦᬹᬢ᭄ᬭᬶᬂᬦᬵᬃ
ᬧᬢᬶ᭞ᬫᬢᬦ᭄ᬤᬗᬗ᭄ᬕᭀᬢᬶᬗ᭄ᬳᬮ᭄‌‌ᬢ᭄ᬭᬂ᭞ᬢ᭄ᬯᬭᬦᬶᬭᬸᬮ᭄ᬬᬦ᭄ᬧᬗᬗ᭄ᬕᬶ᭞ᬢᬦ᭄ᬗᬗ᭄ᬕᭀᬢᬶᬗ᭄ᬳᬮ᭄‌‌ᬮᬧᬶᬲᬦ᭄᭞ᬢᬶᬦᬹᬢ᭄ᬫᬭᬶᬂᬢᬢᬓ᭄ᬭᬫᬶ᭟᭖᭔᭟ᬧᬸᬦ᭄ᬭᬦᬓ᭄ᬚᬜ᭄ᬚᬦ᭄ᬫᬫᬸᬳᬸᬦ᭄᭞ᬭᬶᬂᬧᬤᬤ᭄ᬯᬬᬦ᭄ᬫᬳᬵᬋᬱᬶ᭞ᬦᬭᬦᬾᬗᬕᭂᬫ᭄ᬳᬕᬫ᭞ᬯᬗ᭄ᬰᬦᬧᬶ
ᬧᬶᬦᬶᬄᬍᬯᬶᬄ᭞ᬧᬗᬱ᭄ᬝᬯᬦᬾᬓᬲᬸᬫ᭞ᬓᬢ᭄ᬭᬶᬫᬭᬶᬂᬳ᭄ᬬᬂᬯᬶᬥᬷ᭟᭖᭕᭟ᬲᬂᬋᬱᬶᬳᬮᭀᬦ᭄ᬳᬫᬸᬯᬸᬲ᭄᭞ᬲᬶᬗ᭄ᬕᬶᬄᬭᬦᬓ᭄ᬲᬧᬸᬦᬶᬓᬶ᭞ᬬᬾᬦ᭄ᬧᬶᬢᬸᬢᬸᬃᬦᬪᬾᬦᬶᬗ᭄ᬯᬂ᭞ᬲᬶᬭᬥᬂᬳ᭄ᬬᬂᬧᬸᬢᬸᬲ᭄‌‌ᬩᬸᬥᬶ᭞ᬅᬕᬫᬦᬾᬢᬦ᭄ᬧᬭᬸᬧ᭞ᬲᬂᬧ᭄ᬭᬪᬸ
ᬦ᭄ᬲᭂᬓ᭄ᬗᬸᬗ᭄ᬓᬸᬭᬶᬦ᭄᭟᭐᭚ᬧᬸᬄᬧᬗ᭄ᬓᬸᬃ᭚᭑᭟ᬦᭀᬭᬦᬾᬫᬤᬕᬶᬂᬦᭀᬭ᭞ᬮᬶᬦ᭄ᬢᬂᬲᭂᬗ᭄ᬓᬵᬬᬦ᭄ᬳᬶᬤᬾᬯᬫ᭄ᬮᬚᬳᬶᬦ᭄᭞ᬬᬦ᭄ᬢᬦ᭄ᬦᬸᬗ᭄ᬕᬮᬶᬂᬧᬦ᭄ᬥᬸᬮᬸ᭞ᬢᬦ᭄ᬲᬶᬥᬫᬗᬦ᭄ᬢᭂᬦᬂ᭞ᬬᬾᬦᬶᬂᬓᬭᬶ᭞ᬗᬗ᭄ᬕᬾᬅᬓ᭄ᬱᬶᬮᬧᬶᬲ᭄ᬧᬶᬢᬸ᭞ᬢᬶᬗᬮᬾᬓᬮᬶᬄ [ 99 ][᭙᭘ 98B]
᭙᭘
ᬫᬦ᭄ᬭᬯᬂ᭞ᬲᭀᬘᬦ᭄ᬢᭂᬩᬸᬬᬾᬦ᭄ᬳᬸᬧᬫᬶ᭟᭒᭟ᬤᬸᬤᬹᬚᬧᬫᬦ᭄ᬢ᭄ᬭᬬᭀᬕ᭞ᬤᬸᬤᬹᬩ᭄ᬭᬢ᭞ᬫ᭄ᬯᬂᬬᬰᬮᬦ᭄ᬲᬫᬵᬥᬶ᭞ᬢᬧᬢᬧᬶᬚᬸᬕᬤᬸᬤᬹ᭞ᬕᬫ᭄ᬧᬂᬜᬦᬾᬮ᭄ᬯᬶᬄᬕᬫ᭄ᬧᬂ᭞ᬬᬾᬦ᭄ᬢᬶᬦ᭄ᬤᬓᬶᬦ᭄᭞ᬲᭂᬗ᭄ᬓᬦ᭄ᬜᬦᬾᬤᬳᬢ᭄ᬭᬢᬸ᭞ᬳᬗ᭄ᬕᬦᬶᬂ
ᬯᬂᬫᬫᬋᬓᬦ᭄᭞ᬘᬮᬸᬳᬾᬦᬗ᭄ᬓᬶᬮ᭄ᬓᬧᬸᬭᬶ᭟᭓᭟ᬲᬢᬢᬭᬶᬂᬚ᭄ᬭᭀᬳᬦ᭄ᬢᭀᬲᬂ᭞ᬤᬥᬯᬸᬳᬦ᭄ᬳᬶᬤᬲᬂᬰ᭄ᬭᬶᬪᬸᬧᬢᬶ᭞ᬲᬓᬶᬂᬤᬗᬸᬦ᭄ᬤᬢᬦ᭄ᬢᬳᬸ᭞ᬦᬫ᭄ᬧᬯᬘᬦᬦ᭄ᬳᬶᬤ᭞ᬦᬾᬫᬃᬕ᭄ᬕᬶᬦᬶᬦ᭄‌‌ᬳᬓ᭄ᬯᬾᬄᬳᬸᬦᬶᬂᬲᬓᬶᬂᬤᬸᬫᬸᬦ᭄
ᬏᬜ᭄ᬚᬂᬏᬲᬸᬓ᭄ᬦᭀᬭᬢᬢᬲ᭄᭞ᬦᬶᬓᬘᬶᬳ᭄ᬦᬦᬾᬢᬦ᭄ᬳᬸᬦᬶᬂ᭟᭔᭟ᬳᬶᬓᬂᬦᬭᬲ᭄ᬬᬸᬲᬶᬦᬸᬗ᭄ᬕᬮ᭄᭞ᬓᬤᬶᬳᬶᬤ᭞ᬲᬂᬧ᭄ᬭᬪᬸᬳᬭᬶᬫᬹᬃᬣᬶ᭞ᬘᬢᬸᬃᬦᬫᬦᬾᬓᬯᬸᬯᬸᬲ᭄᭞ᬯᬶᬢ᭄ᬧ᭄ᬭᬚ᭄ᬜᬦ᭄‌‌ᬫᬫᬋᬓᬦ᭄᭞ᬭᬶᬲᬂᬪᬹᬧᬢᬶ᭞
ᬲ᭄ᬬᬂᬥᬮᬸᬦᬸᬗ᭄ᬕᬸᬤᬶᬢᬸ᭞ᬓ᭄ᬭᬡᬘᬢᬸᬃᬫᬤ᭄ᬯᬾᬧᬭᬩ᭄᭞ᬲᬫᬧᬥᬍᬯᬶᬄᬍᬯᬶᬄ᭟᭕᭟ᬲᬗᬭᬶᬫᬹᬃᬢ᭄ᬢᬶᬧᬸᬦᬶᬓ᭞ᬲᬤᬸᬭᬸᬗᬾ᭞ᬢ᭄ᬯᬄᬳᬶᬤᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬩᬾᬢᬾᬮ᭄ᬢᬶᬗᬮ᭄‌‌ᬢ᭄ᬭᬸᬲ᭄ᬧᬗ᭄ᬭᬸᬗᬸ᭞ᬳᬶᬤᬤᬤᭀᬲ᭄ᬢᭂᬮᬶᬓ᭄

[᭙᭙ 99A]
᭙᭙
ᬚᬕᬢ᭄᭞ᬳᬦ᭄ᬢᬸᬓ᭄ᬓᬯ᭄ᬭᬸᬄ᭞ᬓᬵᬍᬫ᭄ᬭᬶᬂᬢ᭄ᬭᬶᬮᭀᬓᬤᬸᬫᬸᬦ᭄᭞ᬫᬓᬧᬓ᭄ᬯᬦᬶᬂᬩ᭄ᬯᬦ᭞ᬫᬓᬘᬢ᭄ᬭᬦ᭄ᬦᬶᬓᬂᬪᬹᬫᬶ᭟ᬧᬤ᭄ᬫᬦᬪᬦᬾᬓᭀᬘᬧᬦ᭄᭞ᬫᬺᬲᬶᬥᬬᬂᬗᬫᭂᬮ᭄ᬧᬜ᭄ᬘᭂᬃᬕᬸᬫᬶ᭞ᬉᬭᬶᬧᬶᬂᬪ᭄ᬯᬦᬳᬶᬓᬸ᭞ᬯᬦ᭄ᬢᬄᬳᬶᬤᬓᬳᬸᬘᬧ᭄᭞
ᬦᬵᬫᬦ᭄ᬳᬶᬤᬮᬶᬦ᭄ᬢᬂᬰᬸᬘᬶᬫᬦᬸᬮᬸᬲ᭄᭞ᬧᬤ᭄ᬫᬯᬶᬚᬬᬫᬹᬮ᭄ᬬ᭞ᬋᬗᭃᬦ᭄ᬲᬶᬭᬰ᭄ᬭᬷᬦᬵᬃᬧᬢᬶ᭟᭗᭟ᬦᬵᬫᬦᬶᬭᬚᬦᬃᬥᬦ᭞ᬲ᭄ᬢᬢᬯᬦ᭄ᬢᬄᬳᬶᬤᬗᬫᬺᬢ᭄ᬢᬦᬶᬦ᭄᭞ᬪᭀᬕᬵᬃᬣᬪᬹᬱᬡᬲᬵᬫ᭄ᬧᬸᬦ᭄᭞ᬲ᭄ᬬᬂᬭᬢ᭄ᬭᬶᬢᬦ᭄ᬧᬸᬢᬸᬲᬦ᭄᭞ᬓᬤᬶᬯᬃ
ᬱᬵᬫᬗ᭄ᬮ᭄ᬬᬳᬶᬦ᭄ᬚᬕᬢ᭄ᬯᬶᬩᬸᬄ᭞ᬲᬓᬵᬳᬸᬩᬦᬶᬂᬅᬓᬱ᭞ᬲᬗ᭄ᬕᬲᬗ᭄ᬕᬦᬶᬂᬧᬺᬢᬶᬯᬶ᭟᭘᭟ᬧᬫᬸᬦ᭄ᬢᬢ᭄ᬲᬂᬓᬺᬱ᭄ᬡᬵ᭞ᬲ᭄ᬯᬾᬘ᭄ᬙᬦᬾᬭᬶᬂᬚᬕᬢ᭄ᬲᬵᬭᬶᬲᬵᬭᬶ᭞ᬢᬃᬓ᭄ᬦᬾᬂᬘᬶᬦᬾᬤᬭᬢᬸ᭞ᬲᬤᬸᬓ᭄ᬧᬜ᭄ᬦᭂᬂᬳᬶᬤ᭞ᬬᬾᬦᬸᬧᬫᬶᬲᬂᬳ᭄ᬬᬂᬳᬭᬶᬇᬘ᭄ᬙ
ᬫᬦᬸᬭᬸᬦ᭄᭞ᬗᬯᬢᬭᬭᬶᬂᬫᬵᬦᬸᬱ᭞ᬗᬫᬺᬢᬦᬶᬦ᭄‌‌ᬚᬕᬢ᭄ᬲᬫᬶ᭟᭙᭟ᬲᬂᬧ᭄ᬭᬪᬸᬫᬮᬶᬄᬦᬸᬦᬲᬂ᭞ᬤᬸᬭᬸᬲ᭄ᬭᬢᬸᬕ᭄ᬮᬶᬲᬂᬧᬶᬢᬸᬢᬸᬭᬶᬦ᭄᭞ᬧᬶᬮᬶᬄᬲᬶᬤ᭄ᬥᬭᬦᬓ᭄ᬳᭂᬫ᭄ᬧᬸ᭞ᬫᬶᬢᬸᬳᬸᬓᬤᬶᬳᬃᬱ᭞ᬲᬶᬭᬥᬂᬳ᭄ᬬᬂᬦᬸᬕᬶᬫᬮᬶᬄᬫᬧᬶᬢᬸ [ 100 ][᭙᭙ 99B]
᭙᭙
ᬢᬸᬃ᭞ᬢᭂᬫ᭄ᬩᬂᬤᬾᬯᬭᬶᬂᬳᬜᬶᬸᬚ᭄ᬜᬦ᭞ᬢᬸᬢᬸᬭᬾᬕᬮᬶᬄᬕᬮᬶᬳᬶᬦ᭄᭟᭑᭐᭟ᬥᬃᬫ᭄ᬫᬲᬵᬥᬸᬳᬗ᭄ᬕᬾᬦ᭄ᬤᬲᬃ᭞ᬫᬗᬺᬋᬄᬤᬕᬶᬂᬰᬸᬓ᭄ᬮᬦᬾᬚᬵᬢᬶ᭞ᬳᬦᬓ᭄ᬫᬸᬮᬳᬤᬤᬶᬢᬸ᭞ᬫᬺᬢᬦᬾᬓᬧᬸᬢ᭄ᬯᬶᬱ᭞ᬓᬩᬂᬓᬩᬂᬮᬧᬶᬲ᭄ᬮᬧᬶᬲ᭄ᬧ᭄ᬢᭂᬂᬧᬶᬢᬸ᭞
ᬲᬵᬤ᭄ᬭᬶᬧᬹᬤᬍᬫ᭄ᬧᬸᬦᬶᬓ᭞ᬦᬶᬓᬤᬾᬯᬲᬳᬶᬧ᭄ᬭᬗᬶᬦ᭄᭟᭑᭑᭟ᬧᬸᬦᬶᬓᬤᬤᭀᬲ᭄ᬕᬕᭀᬤᬦ᭄᭞ᬲ᭄ᬭᬚᬓᬃᬬ᭄ᬬ᭞ᬮᬦ᭄ᬮᬫ᭄ᬧᬄᬓᬳᬶᬫ᭄ᬩᬗᬶᬦ᭄᭞ᬦᭀᬭᬧᬲᬄᬲ᭄ᬮᬫ᭄ᬧᬄᬮᬓᬸ᭞ᬦᬵᬗ᭄ᬳᬶᬂᬓᬾᬢᬦ᭄ᬓᬢᬶᬗᬮᬦ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬫᬧᬶᬦᬸ
ᬦᬲ᭄ᬤᬳᬢ᭄ᬚᬸᬚᬸᬢ᭄᭞ᬭᬶᬂᬤᬶᬚᬭᬢᬸᬫᬕ᭄ᬦᬄ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭟᭑᭒᭟ᬲᬂᬧ᭄ᬭᬡ᭄ᬥ᭄ᬬᬕᬸᬬᬸᬯᬘᬦ᭞ᬦᭀᬭᬤᬸᬭᬭᬶᬬᬯᬭᬦᬓ᭄ᬫᬫᬶ᭞ᬋᬋᬄᬭᬶᬂᬚ᭄ᬭᭀᬓᬭᬶᬫ᭄ᬢᬸ᭞ᬩᬸᬮᬓ᭄ᬩᬮᬶᬓ᭄ᬢᬦᬵᬦ᭞ᬬᬾᬦᬸᬧᬫᬶᬗ᭄ᬢᭀᬦ᭄‌‌ᬓᬃᬡ᭄ᬦᬲᬫᬾᬦᬶᬧᬸᬦ᭄᭞ᬯ᭄ᬬ
ᬤᬶᬦ᭄ᬫᬫᬸᬢᭂᬃᬧᬶᬂᬤᭀᬫᬲ᭄᭞ᬭᬕᬢᬸᬬᬸᬄᬢᬦ᭄ᬓᬅᬓ᭄ᬱᬶ᭟᭑᭓᭟ᬲᬵᬫ᭄ᬧᬸᬦ᭄ᬓᬢᬶᬗ᭄ᬳᬮ᭄ᬲᬢᬢ᭞ᬦᬵᬗ᭄ᬳᬶᬂᬤᬸᬤᬹᬧᬦᬶᬗ᭄ᬳᬮ᭄ᬲᭀᬘᬓᬮᬶᬄ᭞ᬗᬭᬦ᭄ᬧᬗᬺᬗᭃᬧᬸᬦᬶᬓᬸ᭞ᬩᭀᬬᬧᬗᬺᬗᭃᬦ᭄ᬓᬃᬡ᭄ᬦ᭞ᬯᬸᬲ᭄ᬓᬳᬸᬗᬲ᭄᭞ᬦᭀᬭᬧᬗᭂᬦ᭄ᬥᬸᬲᬶᬂ

[᭑᭐᭐ 100A]
᭑᭐᭐
ᬳᬶᬭᬸᬂ᭞ᬳᬶᬗ᭄ᬕᬶᬄᬭᬱᬤᬹᬤᬹᬭᬱ᭞ᬭᬱᬦᬶᬂᬳᬗ᭄ᬕᬦ᭄ᬢᬇᬓᬶ᭟᭑᭔᭟ᬬᬾᬦ᭄ᬳᬸᬘᬧᬂᬲᬫᬶᬳᬶᬯᬂ᭞ᬬᬾᬦ᭄ᬮᬫ᭄ᬧᬳᬶᬦ᭄‌‌ᬤᬸᬤᬹᬢᬶᬦ᭄ᬤᬓᬶᬂᬫᬃᬕ᭄ᬕᬶ᭞ᬲᬂᬧ᭄ᬭᬪᬸᬫᬮᬶᬄᬳᬸᬫᬢᬹᬃ᭞ᬓᬬᬵᬗᬧᬮᬓ᭄ᬱᬡ᭞ᬢᬶᬦ᭄ᬤᬓ᭄ᬢᬦ᭄ᬤᬸᬓ᭄‌᭞ᬤᬸᬄᬭᬦᬓ᭄ᬲᬶᬭᬧᬸ
ᬓᬸᬮᬸᬦ᭄᭞ᬲᬂᬲᬥᬓᬵᬲᬸᬂᬦᬸᬕ᭄ᬭᬳ᭞ᬦᬂᬳ᭄ᬦᬶᬂᬗᬶᬂᬅᬚ᭄ᬜᬵᬦᬍᬯᬶᬄ᭟᭑᭕᭟ᬲᬶᬗ᭄ᬕᬶᬄᬯᬳ᭄ᬬᬫ᭄ᬯᬂᬤ᭄ᬬᬵᬢ᭄ᬫᬶᬓ᭞ᬓᬤᬶᬧᬸᬱ᭄ᬧᬤᬸᬄᬤᬾᬯᬲᬂᬪᬸᬧᬢᬶ᭞ᬳᬭᬸᬫ᭄ᬜᬦᬾᬢᬦ᭄ᬓᬤᬸᬮᬸ᭞ᬮ᭄ᬯᬶᬃᬕᭂᬦ᭄ᬥᬶᬲ᭄‌‌ᬬᬦ᭄ᬪᬶᬦᬬᬂ᭞ᬭᬱᬍᬕᬶ᭞ᬫᬦᬶᬲ᭄ᬜᬦᬾᬢᬦ᭄ᬓᬧ
ᬗ᭄ᬕᬸᬄ᭞ᬫᬮᬶᬄᬭᬶᬂᬢᬲᬶᬓ᭄ᬳᬸᬧᬫ᭞ᬭᬱᬦ᭄ᬜᬦᬾᬲ᭄ᬭᬶᬂᬓᬧᬗ᭄ᬕᬶᬄ᭟᭑᭖᭟ᬭᬶᬂᬢᭀᬬᬩᬯᭀᬲᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬬᬾᬦ᭄ᬭᬱᬦ᭄ᬜᬦᬾᬲᬫᬶ᭞ᬦᬭᬦᬾᬲᬚᬕᬢ᭄ᬭᬢᬸ᭞ᬳᬸᬦᬶᬂᬜᬦᬾᬗᬸᬘᬧᬂ᭞ᬧᬫᬸᬧᬸᬢ᭄ᬜᭂᬃ᭞ᬦᭀᬭᬯᬦᬾᬄᬳᬸᬚᬳᬶ
ᬧᬸᬦ᭄᭞ᬬᬾᬦ᭄ᬓᬶᬭᬗᬶᬦ᭄ᬤᬤᭀᬲ᭄ᬢᬸᬦ᭞ᬯᭂᬯᭂᬳᬶᬦ᭄ᬓᬶᬭᬗᬦ᭄ᬫᬮᬶᬄ᭟᭑᭗᭟ᬦᭀᬭᬳᬦᬦᬭᬯᬶᬓᬦ᭄᭞ᬫᬗᬸᬘᬧᬂᬭᬲᬦ᭄ᬢᭀᬬᬦᬾᬧᬱ᭄ᬝᬶ᭞ᬭᬾᬄᬫᬹᬮᬢᬶᬢᬶᬲᬶᬂᬯᬶᬱ᭄ᬡᬸ᭞ᬗᬫᭂᬮ᭄‌‌ᬫᬺᬢ᭄ᬢᬯᬶᬢ᭄ᬓᬸᬦ᭞ᬯᬸᬲ᭄ᬫᬫᬜ᭄ᬚᬓ᭄ᬭᬶᬂᬫᬵᬦᬸᬱ [ 101 ][᭑᭐᭐ 100B]
᭑᭐᭐
ᬲᬓᬶᬂᬥᬗᬸ᭞ᬳᬗ᭄ᬕᬾᬦ᭄ᬫᬭᬢᭂᬗᬦ᭄ᬭᬶᬂᬮᭀᬓ᭞ᬧ᭄ᬭᬳᬓ᭄ᬚᬦᬦᬾᬫᬜ᭄ᬚᬸᬲᬶᬦ᭄᭟᭑᭘᭟ᬲᬫᬗ᭄ᬓᬦᬫᬳᬵᬭᬚ᭞ᬫᬹᬮᬓᬃᬥᬶᬦ᭄ᬲᬂᬯᬶᬓᬸᬉᬢ᭄ᬢᬫᬶ᭞ᬦᭀᬭᬜᬦ᭄ᬤᬂᬳᭀᬩᬄᬭᬢᬸ᭞ᬩᬜᬸᬬᬾᬄᬢ᭄ᬯᬄᬢᭀᬬ᭞ᬬᬤ᭄ᬬᬧᬶᬦ᭄ᬢᬶᬃᬢ᭄ᬣᬮᬶᬦ᭄ᬢᬂᬓ᭄ᬯᬾᬄᬯ
ᬱ᭄ᬝᬦᬶᬧᬸᬦ᭄᭞ᬚᬵᬢᬶᬦ᭄ᬜᬦᬾᬯᬦ᭄ᬢᬄᬢᭀᬬ᭞ᬳᬸᬦᬶᬂᬦᬭᬦᬾᬗᬤᬦᬶᬦ᭄᭟᭑᭙᭟ᬲᬦᬾᬧᬦ᭄ᬤᬸᬲᬶᬦ᭄ᬯᬦ᭄ᬢᬄᬬᬵ᭞ᬳᬶᬧᬸᬦ᭄ᬗᬫᬜ᭄ᬚᬸᬲᬶᬦ᭄ᬳᬧᬂᬲᬲᬳᬶ᭞ᬳᬸᬦᬶᬂᬭᬕᬗᭀᬚᬳᬂᬮ᭄ᬬᬸ᭞ᬧᬂᬳᬶᬫ᭄ᬩᬶᬄᬕᬦ᭄ᬢᬶᬯᬤᬄᬬᬾᬦᬶᬂᬢᬶᬃᬢ᭄ᬢᬳᬭᬂᬧᬶᬲᬦ᭄
ᬯᬂᬧᬗᬯ᭄ᬭᬸᬄ᭞ᬋᬋᬄᬫᬭᬶᬂᬥᬦᬸᬦ᭄ᬢᭀᬬ᭞ᬫᬶᬦᬗᬸᬬᬸᬄᬫᬗᬶᬲᬶᬗᬶᬦ᭄᭟᭒᭐᭟ᬦᭀᬭᬵᬦᬰᬸᬘᬶᬦᬶᬂᬢᭀᬬ᭞ᬚᬯᬶᬦᬶᬂᬳᬶᬤᬧ᭄ᬭᬡ᭄ᬥᬲᬶᬥᬶ᭞ᬗᬫᭂᬮ᭄ᬫᬺᬢ᭄ᬢᬰᬸᬓ᭄ᬮᬳᬶᬓᬸ᭞ᬲ᭄ᬬᬂᬭᬢ᭄ᬭᬶᬫ᭄ᬯᬂᬲ᭄ᬮᬶᬤ᭄ᬲᬜ᭄ᬚ᭞ᬲᬓᬶᬂᬓᬸᬦ᭞ᬳᬲᬸᬂᬭᬶᬂᬯᬢᭂᬓ᭄ᬢᬶᬦᬸ
ᬯᬸᬄ᭞ᬭᬶᬓᬤᬾᬯᬫᬧᬶᬦᬸᬦᬲ᭄᭞ᬲᬂᬫᬦᬸᬦᬲ᭄ᬫᬗ᭄ᬮᬸᬕ᭄ᬭᬳᬶᬦ᭄᭟᭒᭑᭟ᬯᬶᬢ᭄ᬲᬢᬸᬯᬸᬓ᭄ᬳᬶᬤᬮᬸᬕ᭄ᬭ᭞ᬤᬸᬭᬸᬂᬦᬸᬦᬲ᭄‌‌ᬕ᭄ᬮᬶᬲᬦ᭄ᬓᬮᬸᬕ᭄ᬭᬳᬶᬦ᭄᭞ᬫᬥᬦᬧᬹᬡ᭄ᬬᬓᬯᬸᬯᬸᬲ᭄᭞ᬢᬦ᭄ᬧ᭄ᬕᬢ᭄ᬫᬗᬸᬜ᭄ᬘᬃᬯᬾᬥ᭞ᬦᭀᬭᬢᬸᬤᬸᬄ᭞ᬗ

[᭑᭐᭑ 101A]
᭑᭐᭑
ᬮᬶᬦᬶᬂᬭᬳᬶᬦᬤᬮᬸ᭞ᬲ᭄ᬯᬭᬦ᭄ᬕᭂᬡ᭄ᬝᬦᬾᬫᬋᬫ᭄ᬧ᭄ᬬᬂ᭞ᬢᭀᬂᬓᬧᬶᬋᬂᬬᬦ᭄ᬫᬫᬸᬜᬶ᭟᭒᭒᭟ᬲᬦᬾᬫᬗᬺᬗᬫᬰ᭄ᬯᬭ᭞ᬦᬾᬫᬰ᭄ᬯᬭᬫᬗᬺᬗᬲᬳᬶᬲᬳᬶ᭞ᬫᬦᬤᭀᬲ᭄ᬢᬫ᭄ᬩᬲᬢᬸᬯᬸᬓ᭄᭞ᬳᬫᭂᬧᭂᬢᬶᬂᬪᬸᬯᬦ᭞ᬯ᭄ᬯᬗᬶᬂᬧᬤᬵᬲᬵᬓ᭄ᬱᬵᬢ᭄ᬯᬬᬂ
ᬲᭀᬮᬄᬳᬶᬧᬸᬦ᭄᭞ᬓᬲᭀᬮᬳᬂᬭᬶᬂᬚ᭄ᬭᭀᬥᬮᬂ᭞ᬮᬸᬧᬳᬾᬮᬶᬂᬭᬶᬂᬲ᭄ᬬᬂᬭᬢ᭄ᬭᬶ᭟᭒᭓᭟ᬲ᭄ᬭᬶᬂᬲ᭄ᬭᬶᬂᬳᬶᬥᬮᬂᬗ᭄ᬮᬫ᭄ᬧᬳᬂᬲᭀᬮᬳᬶᬂᬚᬦ᭄ᬫᬶᬓᬲᬶᬫ᭄ᬩᬶᬗᬶᬦ᭄᭞ᬫᬩ᭄ᬮᬢ᭄ᬓᭂᬮᬶᬃᬲᭀᬮᬄᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬜᬫᬗ᭄ᬮᬯᬢᬂ᭞ᬭᬬᬭᬸᬬᬸᬢᬸᬃᬓᬲ᭄ᬬᬢᬂᬲᬫᬶᬚ᭄ᬫᬸᬃ
ᬭᬶᬯᬸᬲ᭄ᬜᬦᬾᬫᬧ᭄ᬯᬬᬗᬦ᭄᭞ᬫᬲᬶᬫ᭄ᬧᭂᬦ᭄ᬭᬶᬂᬕ᭄ᬥᭀᬕ᭄ᬲᬫᬶ᭟᭒᭔᭟ᬳᬶᬗ᭄ᬕᬶᬄᬧᬸᬧᬸᬢ᭄ᬦᬦᬓ᭄ᬳᬶᬗ᭄ᬯᬂ᭞ᬳᬬ᭄ᬯᬲᬶᬭᬳᬮᬂᬳᬾᬮᬶᬂᬭᬶᬂᬓᬃᬥᬶ᭞ᬳᬚᬧᬲᬄᬢᬲᬢᬸᬯᬸᬓ᭄᭞ᬰ᭄ᬯᬫᬶᬲ᭄ᬢ᭄ᬭᬶᬉᬧᬫ᭞ᬲᬵᬭᬶᬲᬵᬭᬶ᭞ᬳᬬ᭄ᬯᬢ᭄ᬮᬕ᭄‌‌ᬭᬶᬂᬧᬢ᭄ᬫᬸ᭞ᬬᬾᬦ᭄ᬦᭀᬭᬓ
ᬤᬶᬫᬗ᭄ᬓᬦ᭞ᬲᬵᬓ᭄ᬱᬵᬢ᭄ᬚᬶᬦᬳᬶᬓᬂᬓᬃᬥᬶ᭟᭒᭕᭟ᬓᬲ᭄ᬯᬾᬦ᭄ᬭᬢᬸᬦᬶᬗ᭄ᬕᬮ᭄ᬧᬸᬭ᭞ᬬᬬᬄᬳᬶᬩᬸᬩᬳᬸᬤᬦ᭄ᬤᬵᬓᬲᬶᬳᬶᬦ᭄᭞ᬫᬦ᭄ᬢᬸᬓ᭄ᬭᬢᬸᬤᬾᬯᬧ᭄ᬭᬪᬸ᭞ᬧᬳᬬᬸᬓᬂᬦᬵᬕᬭ᭞ᬢᬦ᭄ᬭᬳᬬᬸᬩᬮᬫᬦ᭄ᬢ᭄ᬭᬶᬲ᭄ᬥᬶᬄᬗᬸᬦ᭄ᬗᬸᬦ᭄᭞ᬓᬤᬶ [ 102 ][᭑᭐᭑ 101B]
᭑᭐᭑
ᬭᬡᬸᬢᬦ᭄ᬧᬢᭀᬬ᭞ᬰᬸᬦ᭄ᬬᬧᬸᬭᬮᬾᬱᬦ᭄ᬧᬸᬭᬶ᭟᭒᭖᭟ᬲᬂᬧ᭄ᬭᬪᬸᬜᬯᬶᬲ᭄ᬯᬘᬦ᭞ᬬᬾᬦᬶᬂᬢᬶᬢ᭄ᬬᬂᬤᬸᬭᬸᬂᬲᬶᬥᬓᬧᬗ᭄ᬕᬶᬄ᭞ᬳᬭᬶᬉᬤ᭄ᬬᬢ᭄ᬫᬶᬓᬳᬶᬓᬸ᭞ᬫᬶᬦ᭄ᬤᬄᬭᬦᬓ᭄ᬫᬢᬸᬮᬓ᭄᭞ᬤᬸᬓᬦ᭄ᬧ᭄ᬭᬡ᭄ᬥ᭞ᬫᬵᬲᬶᬦ᭄ᬢᬶᬢ᭄ᬬᬂᬧᬘᬂᬮᬫ᭄ᬧᬸᬲ᭄᭞ᬲᬤᬸᬭᬸᬂ
ᬳᬶᬗᭀᬂᬫᬢᭂᬫ᭄ᬯ᭞ᬫᬭᬶᬂᬲᬶᬭᬭᬵᬤᬾᬦ᭄ᬤᬾᬯᬶ᭟᭒᭗᭟ᬓᬧᭀᬭᬢᬸᬤᬸᬭᬸᬲ᭄‌‌ᬲ᭄ᬯᬾᬘ᭄ᬙ᭞ᬧᬶᬢᬸᬤᬸᬳᬶᬦ᭄ᬢᬶᬢ᭄ᬬᬂᬫᬃᬕᬶᬦᬾᬫᬗ᭄ᬓᬶᬦ᭄᭞ᬭᬶᬂᬕ᭄ᬦᬳᬾᬲᬂᬳᬬᬸ᭞ᬫᬗ᭄ᬤᬓᬾᬓᬧᬗ᭄ᬕᬸᬳ᭞ᬬᬦ᭄ᬢᬦ᭄ᬳᬶᬘᬯᬗ᭄ᬤᬾᬢᬶᬢ᭄ᬬᬂᬧᬘᬂᬫᬦ᭄ᬢᬸᬓ᭄᭞ᬲᬸᬓᬵ
ᬬᬦ᭄ᬢᬶᬢ᭄ᬬᬂᬫᬫᬜ᭄ᬚᬓ᭄᭞ᬳᬦᬭᬶᬂᬚᭃᬂᬫᬳᬵᬫᬸᬦᬶ᭟᭒᭘᭟ᬲᬂᬧ᭄ᬭᬡ᭄ᬥ᭄ᬬᬭᬭᬶᬲ᭄ᬗᬦ᭄ᬤᬶᬓ᭞ᬲᬶᬗ᭄ᬕᬶᬄᬤᬾᬯᬲᬂᬰ᭄ᬭᬷᬥᬃᬫ᭄ᬫᬶᬓᬳᬚᬶ᭞ᬮᬶᬦ᭄ᬢᬂᬲᭂᬗ᭄ᬓᬫᬃᬕ᭄ᬕᬶᬦ᭄ᬦᬶᬧᬸᬦ᭄᭞ᬫᬫᬹᬃᬯ᭄ᬯᬇᬓᬂᬧᬭ᭞ᬤᬹᬃᬕᬫᬵᬯᬦ᭄᭞ᬩ᭄ᬮᬢ᭄ᬳᬮᬲ᭄ᬫᬶᬯᬄᬕᬸᬦᬸᬂ᭞ᬧᬭᬸᬂ
ᬚᬸᬭᬂᬫ᭄ᬯᬂᬩᬗᬯᬦ᭄᭞ᬫᬗ᭄ᬭᬸᬭᬸᬄᬭᬳᬤᬾᬦ᭄ᬤᬾᬯᬶ᭟᭒᭙᭟ᬭᬶᬂᬫᬃᬕ᭄ᬕᬮᬗᬸᬫᬕ᭄ᬦᬄ᭞ᬦᬵᬣᬤᬦᬸᬚᬫᬫᬦ᭄ᬤᬸᬂᬦᬦᬾᬗᬹᬦᬶ᭞ᬤᬹᬃᬕ᭄ᬕᬵᬲ᭄ᬫᬮᬦᬾᬓᬯᬸᬯᬸᬲ᭄᭞ᬮᬶᬦ᭄ᬢᬂᬯᬶᬪᬸᬳᬶᬂᬯᬤ᭄ᬯ᭞ᬩᬮᬫᬦ᭄ᬢ᭄ᬭᬶᬤᬺᬥᬳᬦᬶᬯᬶᬢ᭄ᬯᬦᬶᬧᬸᬦ᭄᭞ᬧᬾᬓ

[᭑᭐᭒ 102A]
᭑᭐᭒
ᬭᬓ᭄ᬱᬲᬢᬦ᭄ᬓᬶᬭᬂ᭞ᬰᬓ᭄ᬢᬶᬫᬦ᭄ᬢᬕᬸᬡᬲᬫᬶ᭟᭓᭐᭟ᬦᬵᬗ᭄ᬳᬶᬂᬢᬦ᭄ᬲᭀᬃᬲᬶᬭᬦᬦᬓ᭄᭞ᬢᬦ᭄ᬓᬸᬭᬂᬭᬶᬂᬫᬃᬕ᭄ᬕᬫᬓᬓᬦ᭄ᬢᬶ᭞ᬚᬬᬭᬢᬸᬫᬕᬕ᭄ᬩᬸᬕ᭄᭞ᬲᬶᬭᬤᬾᬯᬦᬶᬂᬚᬕᬢ᭄᭞ᬫᭂᬗ᭄ᬓᬸᬪᬹᬫᬶ᭞ᬫᬓᬢ᭄ᬥᬸᬂᬯᬢᭂᬓ᭄ᬭᬢᬸ᭞ᬭᬶᬂᬳᬯᬦ᭄ᬫᬫᬗ᭄ᬕᬸᬄ
ᬮᬪ᭞ᬯᬢᭂᬓ᭄ᬧᬸᬢᬸᬲ᭄ᬫᬓᬓᬦ᭄ᬢᬶ᭟᭓᭑᭟ᬲᬂᬧ᭄ᬭᬪᬸᬭᬭᬶᬲ᭄ᬫᬜᭂᬫ᭄ᬩᬄ᭞ᬲᬳᬲᬵᬗ᭄ᬮᬸᬢ᭄ᬚᭂᬂᬫᬳᬵᬫᬸᬦᬶ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬚᭂᬂᬳᭂᬫ᭄ᬧᬸ᭞ᬥᬂᬕᬸᬭ᭄ᬯᬵᬲᬸᬂᬦᬸᬕ᭄ᬭᬳ᭞ᬅᬚᬶᬫ᭄ᬦᭂᬂ᭞ᬉᬢ᭄ᬢᬫᬦᬶᬂᬳᬚ᭄ᬜᬧᬸᬢᬸᬲ᭄᭞ᬲᬂᬓᬲᬸᬗᬦ᭄ᬭᬭᬶᬲ᭄ᬦᬸᬦᬲ᭄᭞ᬯᬸᬲ᭄ᬫᬜᬸ
ᬫ᭄ᬩᬄᬭᬭᬶᬲ᭄ᬫᬶᬚᬶᬮ᭄᭟᭐᭚ᬧᬸᬧᬸᬄᬫᬶᬚᬶᬮ᭄᭚᭑᭟ᬫᬫᬹᬃᬯ᭄ᬯᬢᬶᬦ᭄ᬤᬓᬾᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬫᬦᬸᬚᬸᬭᬶᬂᬧᬗ᭄ᬮᭀᬂ᭞ᬇᬓᬂᬘᬦ᭄ᬤ᭄ᬭᬲᬧ᭄ᬢᬫᬷᬦᬾᬫᬗ᭄ᬓᬾ᭞ᬮᬫ᭄ᬧᬄᬳᬶᬭᬲᬃᬯ᭄ᬯᬶᬤᬩ᭄ᬥᬩ᭄ᬳᬭᬶᬲ᭄᭞ᬦᭀᬭᬦᬫᬗᬶᬭᬶᬂ᭞ᬦᬫ᭄ᬧᬶᬯᭂᬗᬶᬓᬯᬸᬯᬸ
ᬲ᭄᭟᭒᭟ᬲ᭄ᬬᬂᬤᬮᬸ᭞ᬦᬸᬮ᭄ᬬᬳᬶᬤᬫᬫᬃᬕ᭄ᬕᬶ᭞ᬧᬗᬸᬗ᭄ᬲᬶᬦᬾᬋᬓᭀ᭞ᬓᬫᬃᬕᬮᬗᬸᬓᭀᬭᬵᬦᬯᬦᬾᬄ᭞ᬫᬸᬗ᭄ᬕᬄᬕᬸᬦᬸᬂᬢ᭄ᬥᬸᬦ᭄ᬧᬗ᭄ᬓᬸᬂᬳᬭᬶᬲ᭄᭞ᬲᬧ᭄ᬢᭂᬂᬗᬾᬫᬫᬃᬕ᭄ᬕᬶ᭞ᬥᬸᬰᬸᬦ᭄ᬩᬲᬸᬭᬾᬓᬧᬗ᭄ᬕᬸᬄ᭟᭓᭟ᬭᬭᬶᬲ᭄ᬗᭀᬚᭀᬕ᭄ᬳᬶᬤᬕᬂᬦᬲᬶ᭞ᬲᬃ [ 103 ][᭑᭐᭒ 102B]
᭑᭐᭒
ᬯ᭄ᬯᬶᬫᬧᬶᬢᬓᭀᬦ᭄᭞ᬦᬕᬭᬦᬧᬶᬓᬾᬯᬱ᭄ᬝᬦ᭄ᬜᬦᬾ᭞ᬚ᭄ᬭᭀᬤᬕᬂᬦᬸᬮ᭄ᬬᬳᬸᬫᬢᬹᬃᬳᬭᬶᬲ᭄᭞ᬧᬫᬸᬜᬶᬦᬾᬫᬦᬶᬲ᭄᭞ᬦᬶᬓᬶᬗᬭᬦ᭄‌‌ᬤᬾᬰᬩᬲᬸᬃ᭟᭔᭟ᬳᬮᬸᬲ᭄ᬳᬢᬸᬭᬾᬳᬶᬤᬕᬂᬦᬲᬶ᭞ᬤ᭄ᬯᬦᬶᬂᬪᬯᬓᬯᭀᬢ᭄᭞ᬩᬕᬸᬲ᭄ᬳᬦᬸ
ᬮᬸᬲ᭄ᬧᭂᬓᬶᬓᬾ᭞ᬩ᭄ᬗᭀᬂᬓᬲᭀᬩ᭄ᬫᬦᬄᬜᬦᬾᬯ᭄ᬬᬓ᭄ᬢᬶ᭞ᬫᬧᬶᬢᬓᬾᬦ᭄ᬳᬭᬶᬲ᭄᭞ᬫᬭᬶᬂᬳᬶᬤᬲᬗᬩᬕᬸᬲ᭄᭟᭕᭟ᬳᬶᬗ᭄ᬕᬶᬄᬢᬶᬢ᭄ᬬᬂᬦᬭᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞ᬤᬤᬶᬯ᭄ᬯᬂᬢᬦ᭄ᬧᬳᭂᬗ᭄ᬕᭀᬦ᭄᭞ᬢᬃᬯ᭄ᬭᬸᬄᬭᬶᬂᬩᬧᬫᬶᬯᬄᬫᬾᬫᬾ᭞ᬳᬶᬢᬫ᭄ᬢᬫ᭄ᬳ
ᬭᬦ᭄ᬢᬶᬢ᭄ᬬᬗᬾᬚᬵᬢᬶ᭞ᬳᬲᬶᬂᬳᬲᬶᬂᬗ᭄ᬯᬾᬳᬶᬦ᭄᭞ᬳᬶᬭᬶᬓᬢᬶᬢ᭄ᬬᬂᬗᬮᬸᬗ᭄ᬲᬸᬃ᭟᭖᭟ᬭᬶᬂᬳᬗᭂᬦ᭄ᬳᬶᬤᬲᬂᬰ᭄ᬭᬷᬪᬸᬧᬢᬶ᭞ᬢᬦ᭄ᬓᬯᬷᬃᬬ᭄ᬬᬦᬺᬓᭀ᭞ᬚᬕᬗ᭄ᬭᬸᬭᬸᬄᬧᬗᬧ᭄ᬢᬶᬦᬾ᭞ᬧᬢᬓᬾᬦᬾᬭᬶᬂᬳᬶᬤᬕᬂᬦᬲᬶ᭞ᬫᬗ᭄ᬤᬕ᭄ᬮᬶᬲ᭄‌‌ᬓᬧᬗ᭄ᬕᬶᬄᬢᬸᬃᬘᭂᬘᭂᬄ
ᬳᬶᬤᬫᬯᬸᬯᬸᬲ᭄᭟᭗᭟ᬇᬗ᭄ᬕᬶᬄᬩᬶᬩᬶ᭞ᬦ᭄ᬥᬯᭂᬕ᭄ᬧᬶᬲᬦ᭄ᬫᬮᬶᬄ᭞ᬳᬕᬸᬗᬾᬗᬯᭂᬗ᭄ᬓᭀᬦ᭄᭞ᬲᬦᬾᬫᬗᭀᬤᬕ᭄ᬥᬸᬰᬸᬦ᭄ᬩᬲᬸᬭᬾ᭞ᬳᬶᬤᬕᬂᬦᬲᬶᬫᬢᬸᬢᬸᬃᬳᬭᬶᬲ᭄᭞ᬧᬵᬢᬹᬢ᭄ᬜᬧᬸᬦᬶᬓᬶ᭞ᬧ᭄ᬭᬪᬸᬤᬸᬃᬕᬦᬾᬓᬯᬸᬯᬸᬲ᭄᭟᭘

[᭑᭐᭓ 103A]
᭑᭐᭓
᭟ᬤᬳᬢ᭄ᬓᬧᬸᬮᬸᬢ᭄‌‌ᬳᬶᬤᬕᬂᬦᬲᬶ᭞ᬭᬶᬂᬭᬹᬧᬦᬾᬲᬂᬳᬦᭀᬫ᭄᭞ᬦᭀᬗᭀᬲ᭄ᬤᬶᬦᬶᬘ᭄ᬦᬶᬂᬳᬚᬓ᭄ᬫᬾᬫᬾ᭞ᬢᬸᬮᬸᬗᬶᬦ᭄ᬩᬶᬩᬶᬫᬤᬕᬂᬦᬲᬶ᭞ᬲᬂᬩᬕᬸᬲ᭄ᬫᬶᬂᬲᬶᬗ᭄ᬕᬶᬄ᭞ᬲ᭄ᬓᭂᬦ᭄ᬳᬶᬤᬫᬢᬢᬸᬮᬸᬂ᭟᭙᭟ᬤᬕᬗᬾᬮᬳᬶᬲ᭄ᬢᬦ᭄ᬲᬶᬦᬶᬧᬶ᭞ᬳᬶᬢ
ᬫ᭄ᬢᬫ᭄ᬤᬶᬧᬯᭀᬦ᭄᭞ᬳᬾᬜ᭄ᬘᭀᬮ᭄ᬫᬗᬬᬳᬶᬦ᭄ᬩᬶᬩᬶᬦᬾ᭞ᬗᬯᬾᬚᬗᬦ᭄‌‌ᬲᬫ᭄ᬩᬶᬮ᭄ᬗᬗ᭄ᬓᬶᬤ᭄‌‌ᬦᬲᬶ᭞ᬲᬫ᭄ᬩᭂᬮᬾᬢᬦ᭄ᬫᬭᬶ᭞ᬗᭀᬭᬾᬂᬳᬶᬯᬓ᭄ᬥᬥᬃᬢᬮᬸᬄ᭟᭑᭐᭟ᬤᬕᬗᬦᬾᬦᭀᬭᬦᬳᭂᬦ᭄ᬓᬭᬶ᭞ᬮᬳᬶᬲᬾᬫᬳᭀᬲᭀᬕ᭄᭞ᬭᬵ
ᬳᬶᬦᬤᬮᬸᬭᬗ᭄ᬓᬸᬂᬭᬫᬾᬦᬾ᭞ᬩᬢᬶᬦ᭄ᬜᬦᬾᬦᬶᬓᭂᬮ᭄ᬢᬸᬃᬗ᭄ᬮᬶᬮᬶᬂ᭞ᬲᬸᬕᬶᬄᬳᬶᬤᬕᬂᬦᬲᬶ᭞ᬲᬸᬓᬢ᭄ᬳᬶᬢᬫ᭄ᬢᬫᬾᬤᬶᬢᬸ᭟᭑᭑᭟ᬦᬸᬚᬸᬤᬮᬸ᭞ᬩᬶᬩᬶᬦᬾᬫᬫᬸᬜᬶ᭞ᬭᬶᬂᬳᬶᬢᬫ᭄ᬢᬫ᭄ᬋᬓᭀ᭞ᬚᬮᬦ᭄ᬫᬦᬶᬘ᭄ᬦᬶᬂᬳᬚᬓ᭄ᬫᬾᬫᬾ᭞ᬫᬩ᭄ᬮᬜ᭄ᬚ᭞ᬤᬾ
ᬦᬶᬂᬢ᭄ᬮᬲ᭄ᬲᬫᬶ᭞ᬢᬸᬲᬶᬂᬳᬤᬝᬲᬶᬓ᭄᭞ᬢᬩ᭄ᬬᬩᬯᬂᬚᬳᬾᬘ᭄ᬓᬸᬄ᭟᭑᭒᭟ᬩᬾᬜ᭄ᬚᬂᬲ᭄ᬫᭂᬂᬕᬕᬶᬲᬸᬦ᭄ᬫᬫᬃᬫᬶᬸᬕ᭄ᬕᬶ᭞ᬮᬫ᭄ᬧᬄᬜᬦᬾᬳᬾᬜ᭄ᬘᭀᬮ᭄᭞ᬳᬶᬢᬫ᭄ᬢᬫ᭄ᬫᬦᬸᬢᬸᬕ᭄ᬩᬶᬩᬶᬦ᭄ᬜᬦᬾ᭞ᬲᬓᬶᬂᬧᬸᬗ᭄ᬓᬸᬃᬢᬶᬦ᭄ᬥᬓ᭄ᬜᬦᬾᬕᬶᬧᬶᬄ᭞ᬢᬦ᭄ [ 104 ][᭑᭐᭓ 103B]
᭑᭐᭓
ᬘᬭᬶᬢᬤᬶᬫᬃᬕ᭄ᬕᬶ᭞ᬫᬭᬶᬂᬧᬲᬃᬲᬵᬫ᭄ᬧᬸᬦ᭄ᬭᬯᬸᬄ᭟᭑᭓᭟ᬧᬢᬶᬮᬸᬧ᭄ᬮᬸᬧ᭄‌‌ᬳᬶᬢᬫ᭄ᬢᬫ᭄‌‌ᬜᬋᬗᬶᬦ᭄᭞ᬲᬫᬫᬶᬤᭂᬃᬋᬓᭀ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌‌ᬫᬩ᭄ᬮᬜ᭄ᬚᬦᬾᬫᬗ᭄ᬓᬶᬦ᭄᭞ᬲᬂᬳ᭄ᬬᬂᬭᬯᬶᬋᬓᭀᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬕ᭄ᬮᬶᬲ᭄ᬫᬓᬶᬭᬾᬫᬸᬮᬶᬄ᭞
ᬩᬩ᭄ᬮᬜ᭄ᬚᬦᬾᬕ᭄ᬮᬶᬲ᭄ᬓᬧᬶᬓᬸᬮ᭄᭟᭑᭔᭟ᬧ᭄ᬮᬸᬄᬲᬶᬢᬄᬲᬫᬶᬧᬥᬤᬶᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬳᬾᬜ᭄ᬘᭀᬮ᭄᭞ᬫᬦᬶᬓᬸᬮ᭄ᬜᬸᬯᬸᬦ᭄ᬲᬋᬂᬩᬶᬩᬶᬦᬾ᭞ᬦᬸᬮ᭄ᬬᬭᬯᬸᬄᬭᬶᬂᬳᬸᬫᬄᬜᬦᬾᬕ᭄ᬮᬶᬲ᭄᭞ᬲᬕᬾᬢ᭄ᬦᬦᬾᬫᬗ᭄ᬓᬶᬦ᭄᭞ᬯ᭄ᬯᬂᬫᬩ᭄ᬮᬜ᭄ᬚ
ᬗᬦ᭄ᬢᭀᬲ᭄ᬳᬸᬬᬸᬢ᭄᭟᭑᭕᭟ᬧᬳᬶᬫᬗᬶᬦ᭄‌‌ᬚ᭄ᬯᬫᬗ᭄ᬭᬢᭂᬂᬩᬶᬩᬶ᭞ᬲᭂᬤᬸᬓᬾᬩᬸᬓᬓ᭄ᬮᭀᬄ᭞ᬳᬸᬮᬶᬂᬢᬸᬦᬶ᭞ᬢ᭄ᬬᬂᬫᬗᬦ᭄ᬢᭀᬲ᭄ᬫᬾᬫᬾ᭞ᬲᬩᬶᬮᬂᬢ᭄ᬓᬧᬥᬫᬚᬶᬜ᭄ᬚᬶᬦ᭄᭞ᬓ᭄ᬯᬾᬄᬫᬗᬦ᭄ᬢᭀᬲ᭄ᬦᬲᬶ᭞ᬳᬶᬤᬕᬂᬫᬗ᭄ᬭᬢᭂᬂᬕᬶᬲᬸ᭟᭑᭖᭟ᬦᬸ
ᬕᬶᬳᬾᬯᭂᬦᬦ᭄‌‌ᬫᬗᬬᬳᬶᬦ᭄ᬦᬲᬶ᭞ᬦᬸᬮ᭄ᬬᬲᬫᬶᬳ᭄ᬗᭀᬦ᭄᭞ᬢᬦ᭄ᬧᬢᬦ᭄ᬥᬶᬗᬦ᭄ᬳᬦ᭄ᬢᬸᬓ᭄ᬮᬳᬶᬲᬾ᭞ᬢᬦ᭄‌‌ᬧᬧ᭄ᬕᬢᬦ᭄ᬲᬮᬫᬶᬦᬾᬲᬳᬶ᭞ᬲ᭄ᬯᬾᬦᬾᬢᬶᬕᬂᬰᬰᬶᬄ᭞ᬲ᭄ᬬᬂᬤᬮᬸᬕᬾᬕᬾᬃᬳᬸᬫᬸᬂ᭟᭑᭗᭟ᬲᬩᬶᬮᬂᬢ᭄ᬮᬲ᭄‌‌ᬤᬕᬗ

[᭑᭐᭔ 104A]
᭑᭐᭔
ᬦᬾᬫᬗ᭄ᬓᬶᬦ᭄᭞ᬳᬶᬢᬫ᭄ᬢᬫ᭄ᬓᬕᬸᬭᭀᬦ᭄᭞ᬢᬶᬸᬓᬢᬸᬤᬸᬄᬭᬶᬂᬩᬶᬩᬶᬦᬾᬦ᭄ᬤᬾᬯᬾᬓ᭄᭞ᬓᬧᬲᬃᬫᬩ᭄ᬮᬜ᭄ᬚᬲᬳᬶᬲᬳᬶ᭞ᬫᬦᬸᬫ᭄ᬩᬲ᭄ᬦᬧᬶᬮ᭄ᬯᬶᬃ᭞ᬓᬲ᭄ᬯᬾᬦᬺᬓᬾᬲᬵᬫ᭄ᬧᬸᬦ᭄ᬘᬮᬸᬄ᭟᭑᭘᭟ᬲ᭄ᬫᭂᬂᬧᬶᬲᬦ᭄‌‌ᬓᬧᬲᬃᬦᬾᬫᬗ᭄ᬓᬶᬦ᭄᭞ᬦᬸᬫ᭄ᬩᬲ᭄ᬘᬦᬂ
ᬭᭀᬓᭀ᭞ᬲᬃᬯ᭄ᬯᬕᬕᬦ᭄ᬥᬦ᭄‌‌ᬫᬶᬯᬄᬲ᭄ᬓᬭᬾ᭞ᬭᬭᬶᬲ᭄ᬓᬤᭀᬲ᭄ᬫᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬳᬢᬢᬜ᭄ᬚᬳᬭᬶᬲ᭄᭞ᬫᬳᬶᬍᬳᬦ᭄ᬧᬢᬶᬮᬸᬧ᭄ᬮᬸᬧ᭄᭟᭑᭙᭟ᬢᬸᬫ᭄ᬩᬲᬶᬦ᭄ᬢᬶᬢ᭄ᬬᬂ᭞ᬲ᭄ᬓᬃᬦᬾᬫ᭄ᬭᬶᬓ᭄ᬫ᭄ᬭᬶᬓ᭄᭞ᬫ᭄ᬯᬂᬕᬕᬦ᭄ᬥᬦ᭄ᬩᬯᭀᬲ᭄᭞ᬫᬶᬯᬄᬲ᭄ᬥᬄᬓᬮᬶᬦ᭄ᬢᬂᬕ
ᬥᬶᬗᬾ᭞ᬯ᭄ᬯᬂᬚ᭄ᬭᭀᬦᬾᬲᬫᬶᬧᬥᬜᬯᬸᬭᬶᬦ᭄᭞ᬭᬯᬸᬄᬫᬦᬸᬫ᭄ᬩᬲᬶᬦ᭄᭞ᬘᬦᬂᬜᬦᬾᬲᬫᬶᬤᬸᬭᬸᬲ᭄᭟᭒᭐᭟ᬳᬶᬢᬫ᭄ᬢᬫ᭄ᬦᬸᬮᬶᬫᬳᬢᬹᬃᬳᬭᬶᬲ᭄᭞ᬲᬃᬯ᭄ᬯᬶᬫᬜ᭄ᬮᬾᬫ᭄ᬧᭀᬄ᭞ᬯᬯᬗᬾᬦ᭄ᬢᬸᬫ᭄ᬩᬲ᭄ᬫᬶᬭᬄᬲ᭄ᬓᬭᬾ᭞ᬳᬢᬸᬭᬂᬭᬶᬂᬧᬸᬢ᭄ᬭᬦ᭄ᬲᬂᬦᬵᬃᬧ
ᬢᬶ᭞ᬯᬯ᭄ᬦᭂᬗᬦ᭄‌‌ᬲ᭄ᬢ᭄ᬭᬶ᭞ᬯ᭄ᬯᬂᬚ᭄ᬭᭀᬦᬾᬭᬭᬶᬲ᭄ᬫᬯᬸᬯᬸᬲ᭄᭟᭒᭑᭟ᬳᬦᬭᬶᬂᬚ᭄ᬭᭀᬦᭀᬭᬳᬦᬳᬶᬲ᭄ᬢ᭄ᬭᬷ᭞ᬳᬶᬤᬓᬵᬦ᭄ᬢᬸᬦ᭄ᬳᬦᭀᬫ᭄᭞ᬲᬂᬧ᭄ᬭᬪᬸᬤᬸᬭᬸᬂᬗᬮᬧ᭄ᬭᬩᬶᬦᬾ᭞ᬮᬦᬂᬢ᭄ᬯᬄᬲᬶᬦᬸᬗ᭄ᬕᬮ᭄ᬲᬦᬾᬓᬭᬶ᭞ᬦᭀᬭᬳᬦᬫᬮᬶᬄ᭞ᬕ [ 105 ][᭑᭐᭔ 104B]
᭑᭐᭔
ᬢ᭄ᬭᬦᬾᬫᬗ᭄ᬓᬶᬦ᭄‌‌ᬢ᭄ᬭᬂᬲᬵᬫ᭄ᬧᬸᬦ᭄᭟᭒᭒᭟ᬳᬶᬤᬕᬂᬫᭀᬩᭀᬲ᭄‌‌ᬲᬄᬢᬦ᭄ᬧᬧᬫᬶᬢ᭄᭞ᬭᬶᬂᬧᬲᬭᬾᬩ᭄ᬗᭀᬂ᭞ᬭᬭᬶᬲ᭄ᬩᬸᬤᬮ᭄ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬲᭀᬭᬾ᭞ᬲᬃᬯ᭄ᬯᬶᬗᬯᬶᬦᬵᬬᬦᬭᬶᬂᬫᬃᬕ᭄ᬕᬶ᭞ᬦ᭄ᬤᬵᬢᬦ᭄ᬲᬶᬤ᭄ᬥᬓᬵᬧ᭄ᬢᬶ᭞ᬕᬯᬾᬦᬾᬫᬸᬧᬸᬓᬸᬮᬗᬸᬦ᭄᭟᭒᭓᭟
ᬮᬫ᭄ᬧᬳᬾᬲᬃᬯ᭄ᬯᬶᬫᬦᭀᬮᬶᬄᬦᭀᬮᬶᬄ᭞ᬲᬶᬂᬚᬮᬦ᭄ᬫᬜᭀᬦ᭄ᬢᭀᬮ᭄᭞ᬳᭂᬗ᭄ᬲᭂᬓ᭄ᬫᬦᬄᬭᬶᬂᬳᬶᬯᬂᬓᬵᬧ᭄ᬢᬶᬦᬾ᭞ᬭᬭᬶᬲ᭄ᬓᬩ᭄ᬯᬢ᭄‌‌ᬕᬕᬯᬦᬾᬫᬸᬮᬶᬄ᭞ᬲᬧ᭄ᬭᬧ᭄ᬢᬦᬾᬫᬗ᭄ᬓᬶᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬲᬵᬫ᭄ᬧᬸᬦ᭄ᬲᬸᬭᬸᬧ᭄᭟᭒᭔᭟ᬩᬶᬩᬶᬦ᭄ᬜᬦᬾᬭᬭᬶ
ᬲ᭄ᬫᬜᬕ᭄ᬚᬕᬶᬦ᭄᭞ᬤᬳᬢ᭄ᬩᬶᬩᬶᬳᭂᬗᭀᬦ᭄᭞ᬤᬾᬦᬶᬂᬮᬶᬦ᭄ᬢᬂᬲᬜ᭄ᬚᬢᭂᬓᬦᬾ᭞ᬳᬶᬢᬫ᭄ᬢᬫ᭄‌‌ᬳᬮᭀᬦ᭄ᬭᬭᬶᬲ᭄ᬜᬯᬸᬭᬶᬦ᭄᭞ᬓᬸᬭᬸᬢᬶᬢ᭄ᬬᬂᬩᬶᬩᬶ᭞ᬧᬥᬾᬯᬾᬓᬦ᭄ᬢᬸᬲᬶᬂᬦᬯᬸ᭟᭒᭕᭟ᬫᬦᬶᬢᬾᬫᬾᬫᬾᬧᬘᬂᬜᬋᬗᬶᬦ᭄᭞ᬗᬶᬭᬶᬂᬳᬮᭀ
ᬦ᭄ᬳᬮᭀᬦ᭄᭞ᬳᬶᬢᬫ᭄ᬢᬫ᭄ᬳᬮᬸᬲ᭄‌‌ᬧᭂᬲᬸᬦ᭄ᬫᬸᬜᬶᬦᬾ᭞ᬲᬶᬋᬧ᭄ᬲᬫᬶᬤᬾᬦᬶᬂᬮᬶᬦ᭄ᬢᬂᬯ᭄ᬗᬶ᭞ᬓᭀᬘᬧ᭄‌‌ᬏᬜ᭄ᬚᬶᬂᬏᬜ᭄ᬚᬶᬂ᭞ᬳᬶᬬᬳᬶᬢᬫ᭄ᬢᬫ᭄ᬭᬭᬶᬲ᭄ᬩᬗᬸᬦ᭄᭟᭒᭖᭟ᬩᬗᬸᬦ᭄ᬩᬶᬩᬶ᭞ᬚᬮᬦ᭄‌‌ᬮ᭄ᬯᬲ᭄ᬦᬾᬫᬗ᭄ᬓᬶᬦ᭄᭞ᬮᬗ᭄ᬓᬸᬂᬭᬶᬂᬥᬯᬸᬄᬭᭀ᭞

[᭑᭐᭕ 105A]
᭑᭐᭕
ᬩᬶᬩᬶᬦ᭄ᬜᬦᬾᬩᬗᬸᬦ᭄ᬢᬸᬃᬫᬓᬶᬭᬾ᭞ᬲᬃᬯ᭄ᬯᬶᬳᬶᬫᬂᬮᬫ᭄ᬧᬳᬾᬤᬶᬫᬃᬕ᭄ᬕᬶ᭞ᬮᬸᬗ᭄ᬳᬲᬋᬂᬓᬮᬶᬄ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭟᭒᭗᭟ᬳᬓ᭄ᬯᬾᬄᬩᬩ᭄ᬮᬜ᭄ᬚᬦᬾᬬᬵᬳᬶᬩᬶᬩᬶ᭞ᬩᬲᬾᬮᬦ᭄‌‌ᬩ᭄ᬯᬄᬧᬫᭀᬃ᭞ᬫ᭄ᬯᬂᬩᬩᬱᬬᬦ᭄‌‌ᬲᬯᬃ
ᬡ᭄ᬦᬶᬯᬃᬡ᭄ᬦᬶᬦᬾ᭞ᬓᭀᬫᬓ᭄ᬫᬶᬯᬄᬓᬬᬸᬳᬧᬶ᭞ᬘ᭄ᬦᬶᬂᬫᬳᬶᬫᬸᬮᬶᬄ᭞ᬳᭂᬦ᭄ᬢᭀᬲᬳᬂᬘᬳᬶᬦᬶᬓᬸᬮ᭄᭟᭒᭘᭟ᬳᬶᬩᬶᬩᬶᬫᬚᬮᬦ᭄ᬢᬦ᭄ᬧᬦᭀᬮᬶᬄ᭞ᬫᬦᬳᬾᬲᬂᬳᬦᭀᬫ᭄᭞ᬭᬭᬶᬲ᭄ᬫᬗᬯᬾᬓᬲᬮᬶᬢᬦᬾ᭞ᬯᬸᬲ᭄ᬓᬢᭀᬦ᭄ᬩᬶᬩᬶᬦᬾ
ᬤᭀᬄᬫᬫᬃᬕ᭄ᬕᬶ᭞ᬯᬯᬸᬓᬢᬸᬢᬸᬢᬶᬦ᭄᭞ᬲᬳᬗᬾᬓᬢᬶᬗ᭄ᬕᬮ᭄‌‌ᬤᬶᬢᬸ᭟᭒᭙᭟ᬓᬲ᭄ᬯᬾᬦ᭄ᬩᬶᬩᬶᬦᬾᬚᬸᬫᬄᬗᬦ᭄ᬢᭀᬲᬶᬦ᭄᭞ᬳᬶᬢᬫ᭄ᬢᬫ᭄‌‌ᬯᬯᬸᬓᬢᭀᬦ᭄᭞ᬢᬸᬃᬫᬢᬮᬂᬓᬢᬶᬗᬮ᭄ᬢᭂᬓᬦᬾ᭞ᬳᬸᬤᬸᬄᬢᬫ᭄ᬢᬫ᭄‌‌ᬳᬶᬦᬩ᭄ᬢᬦ᭄ᬧᬓᬸᬧᬶᬂ᭞ᬮᬶᬫᬦᬾ
ᬢ᭄ᬯᬄᬚᬦᬶ᭞ᬳᬗ᭄ᬕᭀᬦ᭄ᬜᬓᬦ᭄ᬳᬧᬂᬧᬸᬯᬸᬦ᭄᭟᭓᭐᭟ᬳᬶᬢᬫ᭄ᬢᬫ᭄ᬳᬫᬢᭂᬓ᭄ᬳᬚᬶᬯᬶᬗᬶᬢ᭄᭞ᬕ᭄ᬮᬶᬲ᭄ᬗᬭᬜ᭄ᬚᬶᬂᬭᬶᬂᬧᬯᭀᬦ᭄᭞ᬦᬸᬕᬶᬓᬩᭀᬃᬩᭀᬃᬓᬮᬶᬄᬢᬗᬦᬾ᭞ᬕ᭄ᬦᬶᬦᬾᬫᬸᬭᬸᬩ᭄ᬢᬦ᭄ᬧᬢᬦ᭄ᬥᬶᬂ᭞ᬗ᭄ᬭᬸᬤᬸᬓ᭄ᬳᬶᬓᬂᬕ᭄ᬦᬶ᭞ᬩᬶᬩᬶᬦ᭄ᬜᬦᬾᬢᬸᬮᬸᬂᬢᬸᬮᬸᬂ᭟ [ 106 ][᭑᭐᭕ 105B]
᭑᭐᭕
᭓᭑᭟ᬳᬶᬢᬫ᭄ᬢᬫ᭄ᬧᬸᬯᬸᬦ᭄ᬓᬢᭂᬥᬵᬕ᭄ᬦᬶ᭞ᬫᬜᬓᬦ᭄ᬭᬶᬂᬧᬯᭀᬦ᭄᭞ᬲ᭄ᬯᬭᬦ᭄ᬕᭂᬦ᭄ᬤᭀᬗᬦᬾᬩᬸᬮᬸᬲᬺᬓᬾ᭞ᬫᬕᬸᬲᬸᬭᬵᬦ᭄ᬯᬶᬢᭂᬓᬦᬸᬮᬸᬗᬶᬦ᭄᭞ᬭᬯᬸᬄᬫᬜᬶᬭᬫᬶᬦ᭄᭞ᬫᬢᬢᬸᬮᬸᬂᬳᬦ᭄ᬢᬸᬓ᭄ᬩᬜᬸ᭟᭓᭒᭟ᬕᬕ᭄ᬮᬶᬲᬦ᭄ᬳᬶᬢᬫ᭄ᬢᬫ᭄‌‌ᬫ᭄ᬤᬮ᭄ᬓᬸᬭᬶ᭞
ᬫᬗ᭄ᬮᬦ᭄ᬢᬲ᭄ᬫᬓᬯᭀᬦ᭄᭞ᬯ᭄ᬯᬗᬶᬂᬩᬲᬸᬃᬓᬮᬶᬦ᭄ᬢᬂᬳᬸᬫᬸᬂᬜᬦᬾ᭞ᬲᬢᬾᬤᬳᬾᬢᬦᬵᬦᬫᬗ᭄ᬕᬶᬳᬶᬦ᭄᭞ᬫᬕᬸᬲᬸᬭᬦ᭄ᬲᬫᬶ᭞ᬳᬧ᭄ᬯᬶᬦ᭄ᬜᬦᬾᬧᬥᭂᬫ᭄ᬲᬵᬫ᭄ᬧᬸᬦ᭄᭟᭓᭓᭟ᬓᭀᬘᬧᬦ᭄‌‌ᬩᬶᬩᬶᬦᬾᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬮᬶᬂᬤᭀᬳᭀ
ᬤᭀᬳᭀ᭞ᬳᬦ᭄ᬢᬸᬓ᭄ᬳᬸᬫᬳᬾᬢ᭄ᬮᬲ᭄ᬧᬸᬯᬸᬦ᭄ᬋᬓᬾ᭞ᬓᬮᬸᬤᬦ᭄ᬳᬶᬢᬫ᭄ᬢᬫ᭄‌‌ᬢᬦ᭄ᬓᬧᬗ᭄ᬕᬶᬄ᭞ᬯᬯᬸᬗ᭄ᬭᬱᬤᬶᬳᬢᬶ᭞ᬫᬧᬗᭂᬦᬦ᭄ᬲᭂᬤᬶᬄᬗᬸᬦ᭄ᬗᬸᬦ᭄᭟᭓᭔᭟ᬓᬘ᭄ᬭᬶᬢᬳᬶᬢᬫ᭄ᬢᬫ᭄‌‌ᬦᬦᬾᬫᬗ᭄ᬓᬶᬦ᭄᭞ᬢᬶᬦ᭄ᬤᬓᬾᬗᬸᬮᭀᬦ᭄᭞ᬢ
ᬦ᭄ᬧᬫᬾᬗᬫᬾᬗᬢᬶᬦ᭄ᬤᬓᬾ᭞ᬢᬦ᭄ᬯᬃᬡ᭄ᬦᬮᬫ᭄ᬧᬳᬾᬭᬶᬂᬫᬃᬕ᭄ᬕᬶ᭞ᬢᬦ᭄ᬓᬃᬯ᭄ᬯᬦ᭄ᬳᬶᬦᬸᬗ᭄ᬲᬶ᭞ᬧᬫᬃᬕ᭄ᬕᬶᬦᬾᬮ᭄ᬯᬶᬃᬦᬶᬂᬕᬫ᭄ᬩᬸᬄ᭟᭐᭚ᬧᬸᬄᬕᬫ᭄ᬩᬸᬄ᭚᭑᭟ᬳ᭄ᬬᭂᬕ᭄‌‌ᬢ᭄ᬯᬲ᭄ᬳᬶᬤᬲᬂᬧ᭄ᬭᬪᬸ᭞ᬗᬗᭂᬦ᭄ᬳᬗᭂᬦ᭄ᬲᬶᬭᬤ᭄ᬬᬄᬳᬬᬸ᭞ᬢᬦ᭄ᬤ᭄ᬯᬧᬸ

[᭑᭐᭖ 106A]
᭑᭐᭖
ᬢᬸᬲ᭄ᬳᬦᬭᬶᬂᬘᬶᬢ᭄ᬢᬧᬶᬂᬓᬮᬶᬄ᭞ᬬᬢᬦᭀᬭᬵᬦᬓᬧᬗ᭄ᬕᬸᬄ᭞ᬲᬶᬭᬧᬸᬢ᭄ᬭᬶᬦᬶᬤ᭄ᬬᬄᬳᬦᭀᬫ᭄᭟᭒᭟ᬦᬬᬳᬓ᭄ᬯᬾᬄᬓᬧᬗ᭄ᬕᬸᬄ᭞ᬲᬵᬓ᭄ᬱᬵᬢ᭄ᬮᬫ᭄ᬧᬄᬲᬂᬫᬘᬂᬓᬸᬮᬗᬸᬦ᭄᭞ᬤ᭄ᬬᬱ᭄ᬝᬸᬜᬸᬲᬸᬧ᭄ᬫᬭᬶᬂᬢ᭄ᬮᭂᬂᬕᬳᬦᬕᬶᬭᬶ᭞ᬳᬫ᭄ᬩᬾᬮᬦᬶ
ᬧᬘᬂᬮᬫ᭄ᬧᬸᬲ᭄᭞ᬚᬵᬢᬶᬲᬢ᭄ᬬᬭᬶᬂᬲᬂᬳᬦᭀᬫ᭄᭟᭓᭟ᬳᬤ᭄ᬬᬧᬶᬫᬸᬗ᭄ᬕᬄᬭᬶᬂᬕᬸᬦᬸᬂ᭞ᬮᬗ᭄ᬓᬸᬂᬩᬕ᭄ᬬᬬᬦ᭄ᬓᭀᬝᬓᬧᬗ᭄ᬕᬸᬄ᭞ᬳᭀᬮᬶᬄᬦᬸᬓᬃᬳᬚ᭄ᬜᬦᬍᬯᬶᬄ᭞ᬫᬾᬫ᭄ᬩᭂᬄᬫᬯᬸᬯᬸᬳᬶᬂᬓᬘ᭄ᬭᬸᬄ᭞ᬭᬕᬫᬹᬮᬢᭀᬲᬶᬂᬓᬝᭀᬂ᭟᭔᭟ᬫ
ᬭᬶᬂᬲ᭄ᬯᬢᬦᬸᬧᬸᬧᬸᬢ᭄᭞ᬭᬋᬫ᭄ᬩᬬᬦ᭄ᬳᬶᬤᬲᬂᬩᬕᬸᬲ᭄᭞ᬕᭂᬦ᭄ᬢᭀᬲ᭄ᬦᬫᬓᬤ᭄ᬬᬫᬭᬶᬂᬩᬲᬹᬃᬗᬹᬦᬶ᭞ᬳᬶᬢᬫ᭄ᬢᬫ᭄ᬲᬦᬾᬓᬯᬸᬯᬸᬲ᭄᭞ᬧᬧᬭᬩᬾᬭᬵᬤᬾᬦ᭄ᬳᬦᭀᬫ᭄᭟᭕᭟ᬫᬗ᭄ᬓᬘᬶᬢᬦᬾᬭᬶᬂᬳ᭄ᬦᬸ᭞ᬫᬗ᭄ᬮᬮᬦᬫᬭᬶᬂᬤᬸᬰᬸᬦ᭄ᬤᬸᬰᬸᬦ᭄᭞ᬢ
ᬦ᭄ᬥᬸᬫᬤᬾᬮᬫ᭄ᬧᬳᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬸᬗ᭄ᬕᬄᬕᬸᬦᬸᬂᬢ᭄ᬥᬸᬦ᭄ᬧᬭᬸᬂ᭞ᬧᬫᬃᬕ᭄ᬕᬶᬦᬾᬤᬩ᭄ᬤᬩ᭄ᬳᬮᭀᬦ᭄᭟᭖᭟ᬦᬸᬮ᭄ᬬᬢᬫᬦ᭄ᬓᬘᬸᬦ᭄ᬥᬸᬓ᭄᭞ᬗᬭᬦᬶᬂᬢᬫᬦ᭄‌‌ᬯᬶᬲᬃᬕ᭄ᬕᬫᬸᬭᬸᬩ᭄᭞ᬤ᭄ᬭᬸᬯᬾᬦ᭄ᬳᬶᬤᬧ᭄ᬭᬪᬸᬫᬭᬶᬂᬩᬜ᭄ᬚᬃᬲᬵᬭᬷ᭞ᬧ᭄ᬭᬪᬸᬓᬵ [ 107 ][᭑᭐᭖ 106B]
᭑᭐᭖
ᬮᬶᬦ᭄ᬢᬂᬯᬶᬪᬹᬄ᭟ᬓᬲᬶᬯᬶᬭᬶᬂᬩᬮᬓᬝᭀᬂ᭟᭗᭟ᬢᬫᬦ᭄ᬮᬶᬦ᭄ᬢᬂᬭᬳᬬᬸ᭞ᬓᬜ᭄ᬘᬦ᭄ᬧᬸᬱ᭄ᬧᬦᬾᬲᬫᬶᬫᬸᬗ᭄ᬕᬸᬄ᭞ᬇᬭᬶᬓᬳᬶᬤᬲᬂᬦᬵᬃᬧᬢᬶᬗ᭄ᬭᬜ᭄ᬚᬶᬂ᭞ᬫᬮᬶᬄᬮᬶᬦ᭄ᬢᬂᬰᬹᬦ᭄ᬬᬦ᭄ᬳᬶᬧᬸᬦ᭄᭞ᬦᭀᬭᬳᬦᬯ᭄ᬯᬂᬫᬦᬸᬗ᭄ᬕᭀᬦ᭄᭟᭘᭟ᬓᬲᭀᬩ᭄ᬳᬶ
ᬤᬲᬂᬧ᭄ᬭᬪᬸ᭞ᬦᭀᬤ᭄ᬬᬉᬤ᭄ᬬᬦᬦᬾᬳᬮᬮᬗᬸᬢ᭄᭞ᬮᬶᬦ᭄ᬢᬂᬳᬢᬸᬩ᭄‌‌ᬚᬶᬫ᭄ᬩᬭᬾᬢᬦ᭄ᬧᬢᬦ᭄ᬥᬶᬂ᭞ᬳᬸᬫᬳᬶᬂᬢᬫᬦ᭄ᬭᬳᬬᬸ᭞ᬦᬵᬕᬧᬸᬱ᭄ᬧᬦᭀᬭᬳᬤᭀᬄ᭟᭙᭟ᬤᬤ᭄ᬬᬘᬶᬢ᭄ᬢᬾᬂᬳᬸᬮᬗᬸᬦ᭄᭞ᬳᬦᭀᬦ᭄ᬧᬸᬱ᭄ᬧᬦᬾᬳᬰ᭄ᬭᬷᬫᬧᬸᬧᬸ
ᬮ᭄᭞ᬫᬾᬗᭂᬢ᭄ᬫᬭᬶᬂᬦᬭᬾᬦ᭄ᬤ᭄ᬭᬖᬭᬶᬡᬷᬗᬹᬦᬶ᭞ᬭᬶᬂᬳᬮ᭄ᬧᬲᬭᬦᬾᬤᬸᬫᬸᬦ᭄᭞ᬓᬮᬵᬘᬸᬫ᭄ᬩ᭄ᬯᬦᬭᬶᬂᬧᬢᬸᬭᭀᬦ᭄᭟᭑᭐᭟ᬭᬭᬶᬲ᭄ᬫᬫᭂᬢᬶᬓ᭄ᬲᬦ᭄ᬢᬸᬦ᭄᭞ᬲᬃᬯ᭄ᬯᬶᬫᬦᬸᬮᬫᬾᬦᬶᬤ᭄ᬬᬄᬳᬬᬸ᭞ᬫᬲᬲᬫ᭄ᬩᬢᬦ᭄‌‌ᬢᬦ᭄ᬫᬭᬶᬳᬶᬤᬦᬗᬶ
ᬲ᭄᭞ᬗᬧᬾᬳᬧᬾᬭᬶᬂᬲᬂᬳᬬᬸ᭞ᬤᬶᬚᬳᬶᬤᬾᬯᬫᬳᭂᬗ᭄ᬕᭀᬦ᭄᭟᭑᭑᭟ᬧᬦᬸᬗ᭄ᬕᬸᬦ᭄ᬢᬫᬦ᭄ᬭᬯᬸᬄ᭞ᬫᬭᬶᬓ᭄ᬱᬉᬤ᭄ᬬᬦᬲᬋᬂᬘᬢᬸᬃ᭞ᬓᬧᬗ᭄ᬕᬸᬄᬳᬦᬓ᭄ᬩᬕᬸᬲ᭄‌‌ᬲ᭄ᬥᭂᬓ᭄ᬫᬦᬗᬶᬲ᭄᭞ᬳᬕᬾᬳᬢᬜᬲᬂᬘᬢᬸᬃ᭞ᬗ᭄ᬕᬶᬄᬢᬶᬢ᭄ᬬᬂᬫᬵᬢᬸᬃ

[᭑᭐᭗ 107A]
᭑᭐᭗
ᬧᬶᬢᬓᭀᬦ᭄᭟᭑᭒᭟ᬲᬂᬩᬕᬸᬲ᭄ᬢᬦᬵᬲᬯᬸᬃ᭞ᬳᬗᬯᬾᬲᭀᬮᬄᬮ᭄ᬯᬶᬃᬦᬶᬂᬯ᭄ᬯᬂᬩᬸᬤᬸᬄ᭞ᬓᬜ᭄ᬘᬦ᭄ᬧᬸᬱ᭄ᬧᬓᬭᬸᬲᬓ᭄ᬭᬶᬂᬲᬂᬦᬭᬧᬢᬶ᭞ᬲᬧᬭᬶᬧᭀᬮᬄᬮ᭄ᬯᬶᬃᬩᬸᬤᬸᬄ᭞ᬗᬯᬾᬲ᭄ᬩᭂᬢ᭄ᬲᬂᬫᬗ᭄ᬢᭀᬦ᭄᭟᭑᭓᭟ᬫ᭄ᬢᬸᬰᬩ᭄ᬤᬦᬾᬗᬘᬸᬄ᭞ᬤᬤ᭄ᬬ
ᬜᬏᬮᬶᬓ᭄ᬲᬫᬶᬲᬂᬗ᭄ᬭᬸᬗᬸ᭞ᬤᬸᬓᬦ᭄ᬜᬦᬾᬲᬂᬫᬶᬋᬗᬂᬲᬫᬶ᭞ᬲᬂᬘᬢᬸᬃᬲᬳᬲᬗ᭄ᬚᬸᬓ᭄᭞ᬓᬪᬱ᭄ᬝᬵᬭᬭᬶᬲ᭄ᬓᬳᭀᬭᭀᬲ᭄᭟᭑᭔᭟ᬫ᭄ᬦᬾᬢᬫ᭄ᬧᬶᬲᬮᬄᬫᬸ᭞ᬫᬺᬓᬓ᭄ᬘᬸᬮᬶᬕ᭄ᬮᬶᬦ᭄ᬢᬂᬳᬶᬩᬭᬸᬲᬸᬄ᭞ᬫᬗ᭄ᬭᬸᬲᬓ᭄ᬢᬦᭂᬫᬦ᭄ᬳᬶᬤᬲᬂᬪᬹᬧᬢᬶ᭞ᬲᬂ
ᬩᬕᬸᬲ᭄ᬲᬵᬫ᭄ᬧᬸᬦ᭄ᬓᬳᬶᬫ᭄ᬧᬸᬲ᭄᭞ᬲᬋᬂᬘᬢᬸᬃᬧᬸᬦ᭄ᬫᬧᭀᬓᭀᬄ᭟᭑᭕᭟ᬲᬂᬓᬧᬸᬲᬦ᭄ᬓᬧᬸᬡ᭄ᬥᬸᬢ᭄᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬭᬶᬂᬫᬃᬕ᭄ᬕᬶᬲᬵᬫ᭄ᬧᬸᬦ᭄᭞ᬲᬧ᭄ᬭᬧ᭄ᬢᬦᬾᬭᬶᬂᬧᬸᬭᬶᬓᬵᬢᬹᬭᬂᬫᬗ᭄ᬓᬶᬦ᭄᭞ᬫᬭᬶᬂᬚᭂᬂᬳᬶᬤᬲᬂᬧ᭄ᬭᬪᬸ᭞ᬧᬋᬓᬦ᭄ᬫᬵᬢᬹᬃᬜᬮᬾᬫ᭄ᬧᭀᬄ
᭟᭑᭖᭟ᬲᬶᬗ᭄ᬕᬶᬄᬭᬢᬸᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬧᭀᬮᬶᬄᬦᬭᬏᬤᬦ᭄ᬭᬢᬸ᭞ᬫᬗ᭄ᬭᬸᬲᬓ᭄ᬢᬦᭂᬫᬦ᭄ᬭᬶᬂᬢᬫᬦ᭄ᬪᬸᬧᬢᬶ᭞ᬤᬳᬢ᭄ᬮᬗ᭄ᬓᬸᬂᬘᬸᬮᬶᬕ᭄ᬳᬶᬧᬸᬦ᭄᭞ᬚᬦ᭄ᬫᬳᬶᬓᬸᬮᬶᬦ᭄ᬢᬂᬓᬯᭀᬦ᭄᭟᭑᭗᭟ᬤᭀᬱᬦ᭄ᬳᬶᬧᬸᬦ᭄ᬫᬗ᭄ᬮᬗ᭄ᬓᬸᬂ᭞ᬢᬶᬢ᭄ᬬᬂᬗ [ 108 ][᭑᭐᭗ 107B]
᭑᭐᭗
ᬦ᭄ᬢᭀᬲ᭄‌‌ᬯᬘᬦᬲᬂᬧ᭄ᬭᬪᬸ᭞ᬳᬤ᭄ᬬᬧᬶᬦ᭄ᬫᬫᬥ᭄ᬫᬂᬢᬶᬢ᭄ᬬᬂᬫᬗᬶᬭᬶᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬦ᭄ᬤᬸᬮᬸ᭞ᬫᬗᬦ᭄ᬤᬶᬓᬤᬩ᭄ᬥᬩ᭄ᬳᬮᭀᬦ᭄᭟᭑᭘᭟ᬳᬬ᭄ᬯᬓᬶᬢᬓᬤᬸᬭᬸᬲ᭄᭞ᬳᬫᬭᬶᬪᬯᬫᬭᬶᬂᬯ᭄ᬯᬂᬩᬸᬤᬸᬄ᭞ᬳᬤ᭄ᬬᬧᬶᬦ᭄ᬫᬗ᭄ᬮᬶᬦ᭄ᬢᬂᬲᭀᬮᬄᬜᬦᬾ
ᬯ᭄ᬕᬶᬕ᭄᭞ᬚᬸᬕᬢᬦ᭄ᬬᭀᬕ᭄ᬬᬫᬳᬶᬫ᭄ᬧᬸᬲ᭄᭞ᬫᬸᬮᬲᭀᬮᬄᬜᬦᬾᬓᬯᭀᬦ᭄᭟᭑᭙᭟ᬢᬶᬦᬶᬦ᭄ᬤᬤᬤᬶᬳᬕᬸᬂ᭞ᬳᬦ᭄ᬤᬤᬶᬳᬸᬚᬃᬳᬸᬚᬃᬢᬦ᭄ᬧᬵᬢᬹᬢ᭄᭞ᬳᬕᬾᬓᬶᬢᬍᬧᬲᬦ᭄ᬳᬶᬓᬦᬂᬢᬮᬶ᭞ᬧᬋᬓᬦ᭄ᬫᬗᬶᬭᬶᬂᬲᬵᬫ᭄ᬧᬸᬦ᭄᭞
ᬦᬸᬮ᭄ᬬᬧ᭄ᬭᬪᬸᬫᬧᬶᬢᬓᭀᬦ᭄᭟᭒᭐᭟ᬳᬾᬄᬢᬲᬶᬭᬯ᭄ᬯᬂᬩᬕᬸᬲ᭄᭞ᬲᬓᬶᬂᬦ᭄ᬤᬶᬲᬗ᭄ᬓᬦ᭄ᬢᬲᬶᬭᬭᬯᬸᬄ᭞ᬲᬗᬩᬕᬸᬲ᭄ᬦᬸᬮ᭄ᬬᬫᬯᬘᬦᬳᬭᬶᬲ᭄᭞ᬢᬶᬢ᭄ᬬᬂᬦᬶᬱ᭄ᬝᬵᬓᬯ᭄ᬮᬲ᭄ᬬᬸᬦ᭄᭞ᬮᬶᬦ᭄ᬢᬂᬫᬘᬸᬂᬳᬯᬓ᭄ᬳᬶᬗᭀᬂ᭟᭐᭚ᬧᬸᬧᬸᬄᬧᬸᬘᬸᬂ᭚᭑᭟
ᬲᬶᬗ᭄ᬕᬶᬄᬧ᭄ᬭᬪᬸ᭞ᬳᬶᬢᬫ᭄ᬢᬫ᭄ᬢᬶᬢ᭄ᬬᬂᬓᬯᬸᬯᬸᬲ᭄᭞ᬦᭀᬭᬯ᭄ᬭᬸᬄᬭᬶᬂᬲᬗ᭄ᬓᬦ᭄᭞ᬫᬾᬫᬾᬩᬧᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬮᬶᬦ᭄ᬢᬂᬮᬘᬸᬃ᭞ᬢᬦ᭄‌‌ᬚ᭄ᬦᭂᬓ᭄‌‌ᬚ᭄ᬦᭂᬓ᭄ᬫᬕ᭄ᬦᬄ᭟᭒᭟ᬢᬶᬢ᭄ᬬᬂᬳᬶᬤᬸᬧ᭄‌ᬭᬶᬂᬚᬮᬦ᭄ᬫᬗ᭄ᬮᬸᬗ᭄ᬲᬸᬃ᭞ᬯᬋᬕ᭄ᬭᬶᬂᬲᬫ᭄ᬩᬗᬦ᭄᭞ᬮᬘᬸ

[᭑᭐᭘ 108A]
᭑᭐᭘
ᬭᬾᬢᬦ᭄ᬧᭀᬮᬶᬄᬗ᭄ᬤᬶᬄ᭞ᬮᬬᬄᬤᬸᬭᬸᬲ᭄᭞ᬫᬓᭂᬦ᭄ᬢᬦᭀᬭᬫᬦᭂᬥ᭟᭓᭟ᬢᬫ᭄ᬢᬫ᭄ᬫᬵᬢᬹᬃ᭞ᬦᬵᬕᬭᬦᬧᬶᬧᬸᬦᬶᬓᬸ᭞ᬲᬂᬦᬵᬣᬗᬦ᭄ᬤᬶᬓ᭞ᬗᬭᬦ᭄ᬧᬸᬭᬶᬩᬜ᭄ᬚᬃᬲᬭᬷ᭞ᬰ᭄ᬭᬷᬪᬸᬧᬢᬶᬲᬶᬮᬶᬂᬯᬗᬶᬳᬓᬸᬦᬵᬫ᭟᭔᭟ᬲᬶᬭᬧ᭄ᬭᬪᬸ᭞ᬫᬗᬦ᭄ᬥᬶ
ᬓᬫᬦᬶᬲ᭄ᬳᬭᬹᬫ᭄᭞ᬤᬶᬦᬶᬓᬾᬫᬕ᭄ᬦᬄ᭞ᬤᬾᬦᬶᬂᬲᬸᬩᬦᬫ᭄ᬧᬶᬯ᭄ᬗᬶ᭞ᬲᬶᬗ᭄ᬕᬶᬄᬭᬢᬸ᭞ᬳᬢᬹᬃᬜᬦᬾᬬᬳᬶᬢᬫ᭄ᬢᬫ᭄᭟᭕᭟ᬲᬶᬭᬂᬧ᭄ᬭᬪᬹ᭞ᬫᬗ᭄ᬭᬜ᭄ᬚᬶᬂᬭᬶᬂᬧᬸᬭᬶᬳᬕᬸᬂ᭞ᬳᬶᬢᬫ᭄ᬢᬫ᭄ᬭᬶᬂᬚᬩ᭞ᬳᬶᬘ᭄ᬙᬾᬦ᭄ᬳᬚᭂᬗᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬥᬮᬸ᭞ᬫ
ᬦᬶᬤᬺᬲᬋᬂᬧᬋᬓᬦ᭄᭟᭖᭟ᬦ᭄ᬤᬵᬦ᭄ᬓᬯᬸᬯᬸᬲ᭄᭞ᬯ᭄ᬗᬶᬦᬾᬲᬵᬫ᭄ᬧᬸᬦ᭄ᬮᬗ᭄ᬓᬸᬂ᭞ᬏᬜ᭄ᬚᬶᬂᬓᬯᬸᬯᬸᬲᬦ᭄᭞ᬧᬶᬦᬶᬄᬯᬾᬦ᭄ᬢᭂᬦ᭄ᬥᬯᬸᬄᬓᬮᬶᬄ᭞ᬳᬢᬧ᭄ᬲᬵᬫ᭄ᬧᬸᬦ᭄᭞ᬩᬮᬫᬦ᭄ᬢ᭄ᬭᬶᬭᬶᬂᬧᬲᬾᬪᬦ᭄᭟᭗᭟ᬲᬫᬶᬦᬸᬗ᭄ᬕᬸ᭞ᬩᬳᬸᬥᬡ᭄ᬥᬫᬶᬯᬄᬳᭂᬫ᭄ᬧᬸ
᭞ᬕ᭄ᬮᬶᬲ᭄ᬫᬶᬚᬶᬮ᭄ᬲᬂᬦᬵᬣ᭞ᬧᬦᬗ᭄ᬓᬶᬮᬦ᭄ᬓᬢᭀᬦ᭄ᬳᬰ᭄ᬭᬷ᭞ᬳᬩ᭄ᬭᬫᬸᬭᬸᬩ᭄᭞ᬲᬂᬦᬵᬣᬭᬭᬶᬲ᭄ᬫᬮᬶᬗ᭄ᬕ᭟᭘᭟ᬭᬭᬶᬲ᭄ᬫᬸᬯᬸᬲ᭄᭞ᬳᬢᬜᬭᬶᬂᬳᬮᬳᬬᬸ᭞ᬧ᭄ᬭᬬᭀᬕ᭄ᬬᬗᬢᬹᬭᬂ᭞ᬓ᭄ᬭᬳᬬᭀᬦ᭄ᬯᬯᭂᬗ᭄ᬓᬦ᭄ᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ [ 109 ][᭑᭐᭘ 108B]
᭑᭐᭘
ᬭᬋᬫ᭄ᬩᬬᬦ᭄ᬭᬶᬂᬧᬲᬾᬪᬦ᭄᭟᭙᭟ᬳᬶᬤᬧ᭄ᬭᬪᬸ᭞ᬗᬦ᭄ᬥᬶᬓᬳᬲ᭄ᬫᬸᬕᬸᬬᬸ᭞ᬦ᭄ᬤᬯᬸᬳᬶᬦ᭄ᬳᬶᬢᬫ᭄ᬢᬫ᭄᭞ᬢᬦ᭄ᬳᬸᬘᬧᬦ᭄ᬮᬫ᭄ᬧᬳᬾᬕ᭄ᬮᬶᬲ᭄᭞ᬲᬕᬾᬢ᭄ᬭᬯᬸᬄᬳᬶᬢᬫ᭄ᬢᬫ᭄ᬫᬵᬢᬹᬃᬲᭂᬫ᭄ᬩᬄ᭟᭑᭐᭟ᬲᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬓᬯᬸᬮᬤᬸᬰᬸᬦ᭄᭞ᬲᬂᬦᬵᬣᬗ
ᬦ᭄ᬤᬶᬓ᭞ᬤᬶᬦᬶᬘᬳᬶᬚᬦᬶᬗᬶᬭᬶᬂ᭞ᬤᬸᬄᬧᬸᬓᬸᬮᬸᬦ᭄᭞ᬤᬾᬯᬦᬵᬣᬧᬦᭂᬫ᭄ᬩᬳᬦ᭄᭟᭑᭑᭟ᬫᬾᬯᭂᬄᬭᬢᬸ᭞ᬬᬾᬦᬶᬂᬢᬶᬢ᭄ᬬᬂᬗᬶᬭᬶᬂᬮᬸᬫᬓᬸ᭞ᬓᬤᭀᬂᬲᬵᬫ᭄ᬧᬸᬦ᭄ᬦᬧᬓ᭄᭞ᬮᬫ᭄ᬧᬄᬢᬶᬢ᭄ᬬᬂᬲᬓᬶᬂᬗᬹᬦᬶ᭞ᬲᭂᬗ᭄ᬓᬵᬭᬢᬸ᭞ᬢᬶᬢ᭄ᬬᬂᬚᬕᬗᭀᬩᬄᬮᬫ᭄ᬧᬄ
᭟᭑᭒᭟ᬲᬫᬶᬕᬸᬬᬸ᭞ᬯ᭄ᬯᬂᬧᬲᬾᬪᬦ᭄ᬧᬥᬗ᭄ᬭᬸᬗᬸ᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬯᬂᬕᬸᬦᬸᬂᬫᬦᬫ᭄ᬧᬶᬫᬸᬜᬶ᭞ᬢᬸᬲᬶᬂᬢᬳᬸ᭞ᬳᬶᬩᬭᬶᬂᬢᬢᬦᬵᬕᬭ᭟᭑᭓᭟ᬳᬚᬓ᭄ᬳᬓᬸ᭞ᬤᬶᬦᬶᬳᬶᬩᬢ᭄ᬯᬄᬲᬢᬸᬯᬸᬓ᭄᭞ᬢᬫ᭄ᬢᬫ᭄ᬫᬢᬹᬃᬲᭂᬫ᭄ᬩᬄ᭞ᬬᬾᬦ᭄ᬫᬦᬸᬯᬸᬓ᭄ᬢᬶᬢ᭄ᬬᬂ
ᬳᬚ᭄ᬭᬶᬄ᭞ᬭᬶᬂᬲᬂᬧ᭄ᬭᬪᬸ᭞ᬫᬗ᭄ᬤᬢᬶᬢ᭄ᬬᬂᬦᭀᬭᬮᬗ᭄ᬖ᭄ᬬ᭟᭑᭔᭟ᬲᬃᬯ᭄ᬯᬶᬳᬸᬫᬸᬂ᭞ᬓᬕᬸᬬᭀᬦᬦ᭄ᬳᬢᬹᬃᬳᬶᬧᬸᬦ᭄᭞ᬲᬂᬦᬵᬣᬗᬦ᭄ᬤᬶᬓ᭞ᬫᬫᬋᬓᬦ᭄ᬳᬶᬩᬤᬶᬦᬶ᭞ᬢᬫ᭄ᬢᬫ᭄ᬫᬵᬢᬹᬃ᭞ᬢᬦ᭄ᬥᬸᬕᬶᬧᬋᬓ᭄ᬲᬢᬢ᭟᭑᭕᭟ᬲᬗ᭄ᬓᬸᬃᬫᬶᬓᬸᬄ᭞ᬤ

[᭑᭐᭙ 109A]
᭑᭐᭙
ᬬᬦ᭄ᬳᬶᬩᬓᬕᭀᬓ᭄ᬳᬓᬸ᭞ᬭᬶᬭᬶᬄᬩᬫ᭄ᬧ᭄ᬢᬵ᭞ᬩ᭄ᬮᭀᬕ᭄‌‌ᬧᭀᬚᭀᬮ᭄ᬳᬶᬩᬫᬫᬸᬜᬶ᭞ᬤᬤᬶᬳᬮᬸᬄ᭞ᬩᬳᬦᬶᬩᬦᬸᬮᬓ᭄‌‌ᬧ᭄ᬢ᭟᭑᭖᭟ᬢ᭄ᬕᭂᬲ᭄ᬳᬶᬓᬸ᭞ᬫᬫᬋᬓᬦ᭄ᬗᬶᬭᬶᬂᬧ᭄ᬭᬪᬸ᭞ᬓᬵᬮᬳᬶᬤᬮᬸᬗ᭄ᬳᬵ᭞ᬫᬦᬢᬲᬶᬦ᭄ᬤᬾᬰᬤᬾᬰᬶ᭞ᬩ
ᬋᬂᬗᬶᬢᬸᬂ᭞ᬲᬓ᭄ᬯᬾᬄᬚᬷᬯᬦᬶᬂᬯᬯᭂᬗ᭄ᬓᬦ᭄᭟᭑᭗᭟ᬦᬗ᭄ᬕᬮ᭄ᬫᬵᬢᬹᬃ᭞ᬬᬳᬶᬢᬫ᭄ᬢᬫ᭄ᬭᬶᬂᬲᬂᬧ᭄ᬭᬪᬹ᭞ᬦᬶᬓᬮᬶᬦ᭄ᬢᬂᬲᭂᬗ᭄ᬓ᭞ᬓᬢᬸᬦᬦ᭄ᬢᬶᬢ᭄ᬬᬂᬦᬸᬫᬤᬶ᭞ᬗᬶᬢᬸᬂᬩᬸᬮᬸ᭞ᬭ᭄ᬬᬗ᭄ᬕᬦ᭄ᬢᬶᬢ᭄ᬬᬂᬢᬦ᭄ᬲᬸᬫᬦ᭄ᬥᬂ᭟᭑᭗᭟ᬓᬮᬶᬂᬗᬶᬢᬸᬂ᭞ᬲᬦᬾᬳᬤᭀᬄᬤᬳ
ᬢ᭄ᬓᬾᬬᬸᬄ᭞ᬚᬕᬭᬯᬸᬄᬦᬢᬲ᭄᭞ᬫᬫ᭄ᬥᬲᬶᬦ᭄ᬦᬭᬲᬫᬶ᭞ᬲᬶᬦᬄᬭᬢᬸ᭞ᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬮ᭄ᬬᬢ᭄᭟᭑᭙᭟ᬮᬶᬦ᭄ᬢᬂᬓᬾᬬᬸᬄ᭞ᬧᬘᬂᬗᬾᬮᬶᬗᬂᬧᬸᬦᬶᬓᬸ᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬢᬸᬲᬶᬂᬇᬩᬲ᭄ᬭᬳᬶᬦ᭄ᬓᬳᬶ᭞ᬧᬘᬂᬗᬶᬢᬸᬂ᭞ᬓᬾᬯᬮᬩᬋᬂ
ᬦᬩ᭄ᬤᬩᬂ᭟᭒᭐᭟ᬢᬫ᭄ᬢᬫ᭄ᬫᬵᬢᬹᬃ᭞ᬢᬩᬸᬄᬕ᭄ᬢᬃᬲ᭄ᬫᬸᬓᭂᬜᬸᬂ᭞ᬢᬶᬢ᭄ᬬᬂᬢ᭄ᬮᬲ᭄ᬫᬫᬶᬦ᭄ᬤᬄ᭞ᬦᬩ᭄ᬥᬩᬂᬤᬕᬶᬗᬶᬂᬪᬹᬫᬶ᭞ᬍᬩᬄᬕ᭄ᬮᬶᬦ᭄ᬢᬸᬂ᭞ᬤᬾᬯᬳᬶᬦᬩ᭄‌‌ᬢᭀᬂᬲᬸᬫᬦ᭄ᬥᬂ᭟᭒᭑᭟ᬓ᭄ᬭᬡᬦᬶᬧᬸᬦ᭄᭞ᬓᬦ᭄ᬢᬸᬦ᭄ᬫᬗ᭄ᬓᬶᬦ᭄‌‌ᬚᬸᬭᬂᬧᬗ᭄ᬓᬸᬂ᭞ᬓᬮᬶᬂᬓᬾᬤᬾ [ 110 ][᭑᭐᭙ 109B]
᭑᭐᭙
ᬯᬾᬓ᭄ᬢᬶᬢ᭄ᬬᬂ᭞ᬗ᭄ᬮᬜ᭄ᬘᬗᬶᬦ᭄ᬧᬓᬃᬤ᭄ᬥᬶᬦ᭄ᬯᬶᬥᬷ᭞ᬢᬶᬦ᭄ᬤᬓ᭄ᬳᬶᬗ᭄ᬲᬸᬦ᭄᭞ᬲᬩᬦ᭄ᬤᬶᬦᬦ᭄ᬤᬢᬦ᭄ᬲᬫ᭟᭒᭒᭟ᬲᬯᬸᬃᬕᬸᬬᬸ᭞ᬲᬂᬦᬣᬯᬯᬸᬗ᭄ᬭᬸᬗᬸ᭞ᬦᬄᬳᬶᬩᬢᬫ᭄ᬢᬫ᭄᭞ᬕᬯᬾᬦ᭄ᬳᬶᬩᬦᬾᬧᬂᬲᬳᬶ᭞ᬚᬸᬭᬸᬲᬧᬸᬄ᭞ᬲᬓᬶᬂᬧᬸᬭᬶᬢ᭄ᬭᬸᬲ᭄ᬓᬚᬩ᭟᭒᭓᭟ᬲᬶ
ᬗ᭄ᬕᬶᬄᬧ᭄ᬭᬪᬸ᭞ᬜᬥ᭄ᬬᬢᬶᬢ᭄ᬬᬂᬗᬶᬭᬶᬂᬳᬶᬭᬢᬸ᭞ᬯ᭄ᬯᬂᬧᬲᬾᬪᬦ᭄ᬩᬸᬩᬃ᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬭᬯᬶ᭞ᬳᬦᬓ᭄ᬳᬕᬸᬂ᭞ᬗ᭄ᬭᬜ᭄ᬚᬶᬂᬓᬚ᭄ᬭᭀᬓᬥᬢ᭄ᬯᬦ᭄᭟᭒᭔᭟ᬦ᭄ᬤᬦ᭄ᬓᬯᬸᬯᬸᬲ᭄᭞ᬳᬶᬢᬫ᭄ᬢᬫ᭄ᬲᬢᬢᬜᬧᬸᬄ᭞ᬭᬳᬶᬦᬧᬶᬂᬢᬶᬕ᭞ᬯ᭄ᬗᬶᬦ᭄ᬜᬦᬾᬢ᭄ᬯᬄ
ᬧᬶᬂᬓᬮᬶᬄ᭞ᬭᬶᬂᬲ᭄ᬬᬂᬤᬮᬸ᭞ᬳᬶᬢᬫ᭄ᬢᬫ᭄‌‌ᬢᬦ᭄ᬳᬦᬶᬤ᭄ᬭ᭟᭒᭕᭟ᬲᬫᬶᬳᬮᬸᬲ᭄᭞ᬕᬥᬶᬂᬜᬮᬂᬢ᭄ᬮᬲ᭄ᬓᬲᬧᬸᬄ᭞ᬭᬯᬸᬳᬶᬂᬧᬫᬺᬫᬦ᭄᭞ᬓᬳᭀᬲᬓᬶᬦ᭄ᬫᬓᬲᬫᬶ᭞ᬢᬢᬲ᭄ᬲᬵᬫ᭄ᬧᬸᬦ᭄᭞ᬲᬳᬶᬗ᭄ᬓᬄᬳᬶᬗ᭄ᬓᬸᬄᬭᬶᬂᬧᬸᬭᬶ᭟᭒᭖᭟ᬲᬲ᭄ᬯᬾᬦᬶᬧᬸᬦ᭄
ᬢᬦᬵᬦᬯ᭄ᬯᬂᬫᬫᬗ᭄ᬕᬸᬄ᭞ᬳᬶᬢᬫ᭄ᬢᬫ᭄ᬫᬦᬶᬤ᭄ᬭ᭞ᬕᬕᬯᬾᬦᬾᬜᬫ᭄ᬧᬢ᭄ᬲᬳᬶ᭞ᬦᬸᬦᬲ᭄ᬲᬗᬸ᭞ᬢᬍᬃᬲᬫ᭄ᬩᬶᬮᬗᬜᬫ᭄ᬧᬢ᭄᭟᭒᭗᭟ᬲᬂᬰ᭄ᬭᬷᬧ᭄ᬭᬪᬸ᭞ᬧᬶᬂᬭᬶᬬᬶᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬧᬡ᭄ᬥᬶᬢᬦᬾᬧ᭄ᬭᬧ᭄ᬢ᭞ᬲᬾᬓᭂᬢ᭄ᬧᬶᬢᬸᬓ᭄ᬯᬾᬄᬜᬲ

[᭑᭑᭐ 110A]
᭑᭑᭐
ᬫᬶ᭞ᬥᬮᬂᬲᭂᬗ᭄ᬕᬸ᭞ᬭᬹᬧᬯᬾᬦ᭄ᬢᭂᬦ᭄ᬢᬶᬕᬂᬤᬰ᭟᭒᭘᭟ᬩᬮ᭄ᬬᬦ᭄ᬳᬶᬧᬸᬦ᭄᭞ᬭᬯᬸᬄᬯᬦ᭄ᬢᬄᬧ᭄ᬮᬓᬸᬢᬸᬲ᭄᭞ᬳᬢᬢᬵᬮᬸᬗ᭄ᬕᬸᬄᬳᬢᬧ᭄᭞ᬯᬸᬲ᭄ᬗᬭᬬᬸᬦᬂᬫᬶᬦᬸᬫ᭄ᬲᬫᬶ᭞ᬫᬯᭀᬲ᭄ᬤᬶᬢᬸ᭞ᬲᬤᬕᬶᬂᬮᭀᬦ᭄ᬢᬃᬉᬢᬫ᭟᭒᭙᭟ᬢᬦ᭄ᬓᬳᬶᬢᬸᬂ᭞ᬳᬶ
ᬢᬫ᭄ᬢᬫ᭄ᬮᬫᬶᬦᬾᬤᬶᬢᬸ᭞ᬦᬸᬚᬸᬰᬸᬓ᭄ᬮᬦ᭄ᬓᬧᬢ᭄᭞ᬯᬢᭂᬓᬺᬱᬶᬦᬾᬫᬩᬺᬱᬶᬄ᭞ᬦᬫ᭄ᬧᬶᬤᬮᬸ᭞ᬫᬭᬋᬫᬦ᭄ᬭᬶᬂᬚ᭄ᬭᭀᬭᬚ᭄ᬬ᭟᭓᭐᭟ᬢ᭄ᬗᬄᬤᬮᬸ᭞ᬯᬸᬲ᭄ᬫᬱᬦᬶᬂᬲ᭄ᬧᬶᬫᬸᬫᬸᬂ᭞ᬫᬩᬶᬲᬶᬓ᭄ᬯᬘᬦ᭞ᬗᬋᬫ᭄ᬩᬬᬂᬳᬚᬶᬯᬶᬗᬶᬢ᭄᭞ᬢᬫ᭄ᬢᬫ᭄ᬫᬲᬸᬓ᭄᭞
ᬜᬭᬸᬜᬭᬸᬬᬫᬜᬫ᭄ᬧᬢ᭄᭟᭓᭑᭟ᬜᭂᬗᬾᬓ᭄ᬫᬸᬯᬸᬲ᭄᭞ᬧ᭄ᬭᬡ᭄ᬥᬕ᭄ᬥᬾᬮᬗ᭄ᬓᬸᬂ᭞ᬳᬄᬳᬄᬳᬶᬩᬢᬫ᭄ᬢᬫ᭄᭞ᬗᬶᬫᬸᬃᬗᬶᬫᬸᬃᬢ᭄ᬓᬫᬳᬶ᭞ᬢ᭄ᬯᬭᬧᬵᬢᬹᬢ᭄᭞ᬤᬸᬭᬸᬂᬫᬱᬦᬶᬂᬫᬜᬫ᭄ᬧᬢ᭄᭟᭓᭒᭟ᬓᭂᬫᬧ᭄ᬲᬸ᭞ᬢ᭄ᬯᬭᬜᬦ᭄ᬤᬂᬳᬶᬩᬫᬗ᭄ᬭᬸᬗᬸ᭞
ᬯᬓ᭄ᬮᭂᬢᭂᬄᬳᬤᬦ᭞ᬦᬾᬚᬵᬢᬶᬫᬵᬤᬦ᭄ᬧᬕᭀᬃᬱᬶ᭞ᬯᬢᭂᬓ᭄ᬧᬸᬢᬸᬲ᭄᭞ᬗᬋᬫ᭄ᬩᬬᬂᬤᬕᬶᬂᬰᬵᬲ᭄ᬢ᭄ᬭᬉᬢ᭄ᬢᬫ᭟᭓᭓᭟ᬭᬭᬶᬲ᭄ᬫᬵᬢᬹᬃ᭞ᬜ᭄ᬮᬾᬫ᭄ᬧᭀᬄᬳᬶᬢᬫ᭄ᬢᬫ᭄‌‌ᬤᬶᬢᬸ᭞ᬲᬶᬗ᭄ᬕᬶᬄᬭᬢᬸᬧ᭄ᬭᬡ᭄ᬥᬵ᭞ᬮᬾᬤᬂᬭᬢᬸᬫᬗ᭄ᬢᬸᬭᬶᬦ᭄᭞ᬲ [ 111 ][᭑᭑᭐ 110B]
᭑᭑᭐
ᬦᬾᬢᬸᬳᬸ᭞ᬫᬮᬦ᭄ᬢᬶᬢ᭄ᬬᬗᬾᬘᬶᬳ᭄ᬦᬬᬂ᭟᭓᭔᭟ᬭᬹᬧᬦ᭄ᬳᬶᬧᬸᬦ᭄᭞ᬫᬮᬦᬾᬭᬶᬂᬳᬗ᭄ᬕᬦᬶᬂᬳᬸᬮᬸᬦ᭄᭞ᬬᬢᬫ᭄ᬭᬕᬰᬸᬓ᭄ᬮ᭞ᬭᬹᬧᬦ᭄ᬲᬸᬘᬶᬲᬧᬸᬦᬧᬶ᭞ᬮᬾᬤᬂᬭᬢᬸ᭞ᬦᬢ᭄ᬯᬬᬂᬭᬹᬧᬦᬶᬂᬰᬸᬓ᭄ᬮᬵ᭟᭓᭕᭟ᬢᬶᬢ᭄ᬬᬂᬮᬘᬸᬃ᭞ᬓᬳᬭᬦ᭄ᬮᭂᬢᭂᬄᬳᬕᬸᬂ᭞
ᬦᬧᬶᬦ᭄ᬢᬶᬢ᭄ᬬᬂᬓᬶᬭᬂ᭞ᬢᬸᬦᬬᬦ᭄ᬭᬶᬂᬭᬢᬸᬋᬱᬶ᭞ᬓᬸᬧᬶᬂᬘᬸᬗᬸᬄ᭞ᬫᬢᬩᬸᬗᬸᬢ᭄ᬢᬶᬢ᭄ᬬᬂᬗ᭄ᬮᬄ᭟᭓᭖᭟ᬫᬮᬶᬄᬫᬸᬯᬸᬲ᭄᭞ᬳᬶᬤᬧ᭄ᬭᬡ᭄ᬥᬕᬕᬶᬲᬸᬦ᭄᭞ᬳᬤᬄᬘᬳᬶᬢᬫ᭄ᬢᬫ᭄᭞ᬲᬗᭂᬢ᭄ᬧ᭄ᬢᬦᬾᬜᬸᬕ᭄ᬚᬸᬕᬶᬦ᭄᭞ᬬᬾᬦ᭄ᬲᬂᬪᬶᬓ᭄ᬱᬸ᭞ᬢᬸᬲᬶᬂᬦᬸᬢᬸᬃ
ᬩᬩᬚᬗᬦ᭄᭟᭐᭚ᬧᬸᬄᬰᬶᬦᭀᬫ᭄᭚᭑᭟ᬢᬶᬭᬸᬢᬶᬭ᭄ᬯᬂᬫᬲᭀᬮᬄ᭞ᬳᬯᬓᬾᬕᬮᬶᬄᬕᬮᬶᬳᬶᬦ᭄᭞ᬕᭀᬩᬦᬾᬫᬮᬸᬧᭂᬤᬲᬂ᭞ᬫ᭄ᬓᬳᬗ᭄ᬕᭀᬦ᭄ᬫᬜᬸᬮᬸᬳᬶᬦ᭄᭞ᬤᬶᬢᬸᬲᬸᬩᬲᬶᬦᬄᬚᬵᬢᬶᬕᭀᬩᬓᬲᬃᬢ᭄ᬯᬶᬦ᭄ᬩᬕᬸᬲ᭄᭞ᬫ᭄ᬓ
ᬦᬾᬢ᭄ᬭᬂᬗᬾᬤᬾᬗᬂ᭞ᬲᭀᬮᬳᬾᬫᬮᬶᬄᬲᬸᬮᬸᬳᬶᬦ᭄᭞ᬳᬮᬳᬬᬸ᭞ᬢᬸᬢᬸᬭᬾᬳᬗ᭄ᬕᬾᬦ᭄‌‌ᬜᬶᬳ᭄ᬦᬬᬂ᭟᭒᭟ᬳᬶᬢᬫ᭄ᬢᬫ᭄ᬫᬳᬢᬹᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬧ᭄ᬬᬵᬃᬱᬭᬢᬸᬲᬫᬶ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬧᬶᬦᬸᬦᬲ᭄᭞ᬜᬥ᭄ᬬᬢᬶᬢ᭄ᬬᬂᬫᬗ᭄ᬤᬵ

[᭑᭑᭑ 111A]
᭑᭑᭑
ᬳᬸᬦᬶᬂ᭞ᬭᬶᬂᬢᬶᬗ᭄ᬓᬳᬾᬦᬗᬸᬦ᭄ᬲᬫᬵᬥᬶ᭞ᬫᬶᬲᬥ᭄ᬬᬫ᭄ᬭᬕᬧᬸᬢᬸᬲ᭄᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬯᬶᬭᬾᬄᬭᬢᬸᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬮᬶᬦ᭄ᬢᬂᬧᬸᬢᬸᬲ᭄᭞ᬜᬶᬥᬬᬂᬫᬲᭂᬳᬶᬦ᭄‌‌ᬰᬵᬲ᭄ᬢ᭄ᬭ᭟᭓᭟ᬲᬶᬦᬵᬫ᭄ᬧᬸᬭᬳᬢᬹᬃᬢᬶᬢ᭄ᬬᬂ᭞ᬚᬵᬢᬶᬢᬶ
ᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬢᬶᬢ᭄ᬬᬂᬚᬸᬚᬸᬢ᭄ᬫᬦᬸᬦᬲᬂ᭞ᬳᬧᬂᬢᬶᬢ᭄ᬬᬂᬲᬸᬯᬸᬤ᭄ᬧᬮᬶᬂ᭞ᬓ᭄ᬢᬸᬭᬶᬦ᭄ᬢᬶᬢ᭄ᬬᬂᬦᬾᬚᬢᬶ᭞ᬦᬵᬗ᭄ᬳᬶᬂᬢᬶᬢ᭄ᬬᬂᬫᬵᬢᬹᬃᬧᬸᬬᬸᬂ᭞ᬦᭀᬭᬵᬦᬤᬶᬦᬓ᭄ᬱᬶᬡᬦ᭄᭞ᬦᬾᬓᬵᬢᬹᬃᬭᬶᬂᬭᬢᬸᬋᬱᬶ᭞ᬳᬓ᭄ᬯᬾᬄᬭᬢᬸ᭞ᬲᬦᬾᬜᬦ᭄ᬤᬂ
ᬢᬸᬦᬲ᭄ᬢᬶᬢ᭄ᬬᬂ᭟᭔᭟ᬮᬾᬤᬂᬭᬢᬸᬫᬫᬯᭀᬲᬂ᭞ᬳᭂᬜ᭄ᬘᬾᬦ᭄ᬧᬵᬢᬹᬢ᭄ᬳᭂᬜ᭄ᬘᬾᬦ᭄ᬲᬮᬶᬢ᭄᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬥᬸᬭᬸᬂᬢᬢᬲ᭄᭞ᬫᬗᬾᬮᬶᬗᬶᬦ᭄ᬫᬮᬸᬓᬹᬭᬶ᭞ᬓᬾᬯᬮᬓᭂᬘᬧᬶᬂᬅᬚᬶ᭞ᬧᬗ᭄ᬕᬶᬄᬢᬶᬢ᭄ᬬᬂᬜᬦ᭄ᬢᬸᬂᬜᬦ᭄ᬢᬸᬂ᭞ᬢᬶᬢ᭄ᬬᬂᬧᬗ᭄ᬓᬄᬫᬗᭀ
ᬦᬾᬓᬂ᭞ᬤᬸᬭᬸᬂᬳᬸᬦᬶᬂᬫᬗᬦ᭄ᬢᭂᬦᬶᬦ᭄᭞ᬢᬸᬃᬓᬤ᭄ᬮᬸᬫᬸᬓ᭄᭞ᬮ᭄ᬯᬶᬃᬧᬘ᭄ᬭᬓᬾᬦᬾᬮᬶᬗᭂᬩᬂ᭟᭕᭟ᬢᬶᬢ᭄ᬬᬂᬧᬸᬭᬸᬦ᭄ᬓᬕᬸᬬᭀᬦᬦ᭄᭞ᬫᬭᬶᬂᬚᭂᬂᬧᬭᬋᬫᬦ᭄ᬲᬫᬶ᭞ᬢᬶᬢ᭄ᬬᬫᬵᬢᬹᬃᬗᬯᬕ᭄ᬳᬯᬕ᭄᭞ᬢᬦᬶᬓᬯᬸᬄᬢᬦᬶᬓᬗᬶᬦ᭄᭞ᬢᬶᬢ᭄ᬬᬂ [ 112 ][᭑᭑᭑ 111B]
᭑᭑᭑
ᬓ᭄ᬥᭂᬄᬚᬕᬗᬶᬭᬶᬂ᭞ᬍᬢᭂᬳᬾᬫᬗ᭄ᬤᬾᬢᬦ᭄ᬓᬦ᭄ᬢᬸᬦ᭄᭞ᬫᬦᬸᬯᬸᬢᬶᬦ᭄ᬳᬦᬓ᭄ᬯᬶᬓᬦ᭄᭞ᬓᬳᬸᬘᬧ᭄ᬫᬮᬤᬸᬫᬥᬶ᭞ᬢᬸᬦᬳᬢᬹᬃ᭞ᬲᬵᬫ᭄ᬧᬸᬦᬂᬩᬗᭂᬢ᭄ᬫᬫᭂᬦ᭄ᬥ᭄ᬯᬂ᭟᭖᭟ᬩᬗ᭄ᬕ᭄ᬭᬲ᭄ᬫᭀᬚᬃᬳᬶᬤᬧ᭄ᬭᬡ᭄ᬥ᭞ᬧᬤᬶᬗᭂᬳᬂᬢᬫ᭄ᬢᬫ᭄ᬚᬦᬶ᭞ᬲᬚᬩᬸᬓᬫᬸᬜᬶᬦ᭄ᬳᬶ
ᬩ᭞ᬫᬗ᭄ᬮᬄᬫᬢᬘᬸᬗᬸᬄᬓᬸᬧᬶᬂ᭞ᬳᬤ᭄ᬬᬧᬶᬦ᭄ᬩᬶᬱᬫᬫᬸᬜᬶ᭞ᬓ᭄ᬦᭂᬄᬳᬶᬩᬢ᭄ᬯᬭᬧᬢᬸᬄ᭞ᬢ᭄ᬯᬭᬩᬶᬱᬫᬗᬶᬜ᭄ᬘᭂᬧᬂ᭞ᬤᬕᬶᬂᬫᬦ᭄ᬢ᭄ᬭᬯᬾᬥᬰ᭄ᬭᬸᬢ᭄ᬢᬶ᭞ᬳᬚᬘᬯᬸᬄ᭞ᬮᬶᬦ᭄ᬢᬂᬧᬶᬗᬶᬢ᭄ᬳᬶᬩᬢᬫ᭄ᬢᬫ᭄᭟᭗᭟ᬩᬲ᭄ᬮᬶᬯᬢ᭄ᬧᬶᬦᬸᬦᬲ᭄ᬳᬶᬩ᭞ᬦᬕᬶᬄ
ᬫᬢᬸᬯᬸᬢᬶᬦ᭄ᬓᬳᬶ᭞ᬢᬸᬢᬸᬃᬳᬧᬲᬸᬩᬢᬯᬂ᭞ᬚᬕ᭄ᬳᬮᬸᬄᬳᬶᬩᬫᬫᬸᬜᬶ᭞ᬓᬮᬶᬂᬓᬾᬗᬮᬶᬄᬲᬫᬵᬥᬶ᭞ᬦᬯᬂᬢᬸᬢᬸᬃᬜᬦ᭄ᬢᬸᬂᬜᬦ᭄ᬢᬸᬂ᭞ᬤᬾᬦᬶᬂᬫᬹᬮᬮᬶᬦ᭄ᬢᬂᬲᭂᬗ᭄ᬓᬵ᭞ᬳᬦᬾᬢᬶᬤᭀᬂᬢᬶᬤᭀᬂᬢᬕᬶᬄ᭞ᬭᬶᬂᬢᬮᬾᬂᬮᬸᬂ᭞ᬳᬶᬦᬩ᭄ᬳᬶᬩᬢ᭄ᬯᬭᬦᬯᬂ᭟᭘᭟
ᬩᬶᬱᬦᬾᬩᬦ᭄ᬢᬲ᭄ᬫᭂᬢᬬᬂ᭞ᬤᬶᬢᬸᬢᬸᬭᬾᬳᬶᬩᬗᬮᬶᬄ᭞ᬩᭀᬕ᭄ᬩᭀᬕ᭄ᬳᬶᬩᬦᬾᬓᬮᬶᬯᬢ᭄᭞ᬳᬗ᭄ᬕᬾᬦ᭄ᬫᬜᬸᬕ᭄ᬚᬸᬕᬶᬦ᭄ᬓᬳᬶ᭞ᬓᬳᬶᬲᬸᬩᬓᬗ᭄ᬕᭀᬤᬶᬦᬶ᭞ᬫᬗᬶᬜ᭄ᬘᭂᬧᬂᬤᬕᬶᬂᬢᬸᬢᬸᬃ᭞ᬫᬫᬸᬢᬸᬲᬂᬓᬡ᭄ᬥᬵᬳᭂᬫ᭄ᬧᬢ᭄᭞ᬢ᭄ᬯᬭᬓᬾᬗ᭄ᬕᬸᬄ

[᭑᭑᭒ 112A]
᭑᭑᭒
ᬫᬦᬶᬫ᭄ᬧᬮᬶᬦ᭄᭞ᬓᬜ᭄ᬘᬦ᭄ᬢᬸᬢᬸᬃ᭞ᬫᬓ᭄ᬚᬂᬲᬸᬩᬤᬶᬦᬶᬗ᭄ᬭᬕ᭟᭙᭟ᬳᬶᬢᬫ᭄ᬢᬫ᭄‌‌ᬫᬮᬶᬄᬦᬸᬦᬲᬂ᭞ᬤᬾᬯᬩᬸᬢᬦᬾᬲᬸᬚᬵᬢᬶ᭞ᬓᭀᬘᬧ᭄ᬢᬸᬗ᭄ᬕᬮ᭄ᬧᬕ᭄ᬦᬄᬜ᭞ᬬᬾᬦ᭄ᬧᬸᬦᬧᬶᬭᬢᬸᬫ᭄ᬮᬢᬶᬦ᭄᭞ᬳᬯᬶᬦᬦ᭄ᬤᬾᬯᬦᬾᬲᬸᬓᬶᬮ᭄᭞ᬤᬸᬭᬸᬂᬢᬶᬢ᭄ᬬᬂᬦᬳᭂ
ᬦ᭄ᬫᬗ᭄ᬕᬸᬄ᭞ᬳᬶᬤᬧ᭄ᬭᬡ᭄ᬥᬫᬗᬦ᭄ᬤᬶᬓ᭞ᬩᬧᬚᬦᬶᬫᬦᬸᬢᬸᬭᬶᬦ᭄᭞ᬳᬧᬂᬢᬳᬸ᭞ᬧᬤᬶᬗᭂᬳᬂᬳᬧᬂᬢᬢᬲ᭄᭟᭑᭐᭟ᬤᬸᬍᬕ᭄ᬳᬢᬶᬫᬵᬯᬓ᭄ᬯᬶᬱ᭄ᬬ᭞ᬫᬺᬢ᭄ᬢᬦᬾᬫᬦᬳᬾᬳ᭄ᬦᬶᬂ᭞ᬩᬬᬸᬧᬗᬯᬓᬶᬂᬩᬸᬢ᭞ᬤᬾᬯᬦᬾᬲᬸᬯᬸᬗᬶᬂᬩᬸᬤ᭄ᬥᬶ᭞ᬧᬮᬶᬗ᭄ᬕᬦᬶᬂ
ᬪᬹᬢᬕ᭄ᬢᬶᬄ᭞ᬓᬾᬢᭀᬘᬳᬶᬳᬧᬂᬢᬳᬸ᭞ᬮᬫᬸᬦ᭄‌ᬩ᭄ᬯᬢ᭄ᬫᬦᬓᭀᬦᬂ᭞ᬲᬵᬭᬶᬦ᭄ᬕᭂᬢᬶᬳᬾᬲᬸᬚᬵᬢᬶ᭞ᬤᬶᬢᬸᬓᬸᬫ᭄ᬧᬸᬮ᭄᭞ᬧᬮᬶᬗ᭄ᬕᬦ᭄ᬤᬾᬯᬉᬢ᭄ᬢᬫ᭟᭑᭑᭟ᬳᬶᬢᬫ᭄ᬢᬫ᭄ᬫᬮᬶᬄᬦᬸᬦᬲᬂ᭞ᬤᬾᬦᬶᬂᬭᬢᬸᬮᬶᬦ᭄ᬢᬂᬳᬸᬦᬶᬂ᭞ᬜᬸᬭᬸᬧᬂᬤᬾᬯᬭᬶᬂᬭᬕ᭞
ᬳᬶᬦᬩ᭄ᬭᬢᬸᬦᬳᭂᬦ᭄ᬫᬗ᭄ᬕᬶᬄ᭞ᬭᬶᬂᬧᬲᬸᬓ᭄ᬯᭂᬢᬸᬦ᭄ᬜᬲᬫᬶ᭞ᬕ᭄ᬦᬄᬤᬾᬯᬪᬹᬢᬇᬓᬸ᭞ᬗᬸᬤᬢᬢᬃᬭᬢᬸᬗᭀᬚᬄ᭞ᬳᬶᬦ᭄ᬤᬬᬂᬯᬗ᭄ᬲᬶᬢᬶᬦ᭄ᬓᬶᬥᬶᬓ᭄᭞ᬚᬵᬢᬶᬦ᭄ᬦᬶᬧᬸᬦ᭄᭞ᬲᬵᬫ᭄ᬧᬸᬦ᭄ᬭᬢᬸᬫᬗᬸᬩ᭄ᬥᬬᬂ᭟᭑᭒᭟ᬭᬹᬧᬦ᭄‌‌ᬪᬹᬣᬓᬮᬶᬄ [ 113 ][᭑᭑᭒ 112B]
᭑᭑᭒
ᬤᬾᬯ᭞ᬭᬶᬂᬤᬶᬚᬭᬢᬸᬫᬮᬶᬗ᭄ᬕᬶᬄ᭞ᬦᬳᬦ᭄ᬭᬢᬸᬜᬧᬤᬾᬯ᭞ᬫᬶᬯᬄᬗᬸᬤᬸᬄᬪᬹᬢᬪᬹᬢᬶ᭞ᬳᬶᬦᬩ᭄ᬲᬫ᭄ᬧᬸᬦ᭄ᬢᬢᬲ᭄ᬚᬢᬶ᭞ᬤᬾᬯᬭᬶᬂᬩᬸᬥᬶᬦᬾᬲᬸᬯᬸᬂ᭞ᬕ᭄ᬢᬶᬄᬧᬮᬶᬗ᭄ᬕᬦᬶᬂᬪᬹᬣ᭞ᬓᬲᭀᬩ᭄ᬢᬶᬢ᭄ᬬᬂᬫᬫᬶᬭᬕᬶ᭞ᬤᬤᬶᬳᬶᬗᬸᬄ᭞
ᬭᬢᬸᬢᬶᬢ᭄ᬬᬂᬫᬫᬶᬋᬗᬂ᭟᭑᭓᭟ᬳᬸᬦᬶᬂᬭᬢᬸᬫᬦᬢ᭄ᬯᬬᬂ᭞ᬭᬶᬂᬢᬸᬢᬸᬭᬾᬭᬢᬸᬗᬮᬶᬄ᭞ᬳᬗ᭄ᬕᭀᬦ᭄ᬫᬫᭀᬕ᭄ᬩᭀᬕᬶᬦ᭄ᬢᬶᬢ᭄ᬬᬂ᭞ᬫᬲᬜᬓ᭄ᬢᬶᬢ᭄ᬬᬂᬗᬸᬕᭀᬦᬶᬦ᭄᭞ᬮᬶᬫ᭄ᬧᬤ᭄ᬭᬢᬸᬫᬫᭀᬕ᭄ᬩᭀᬕᬶᬦ᭄᭞ᬩᬵᬦᬾᬢᬶᬢ᭄ᬬᬂᬲᬓᬶᬂᬕᬸᬦᬸᬂ᭞ᬫᬗᬦ᭄ᬤᬶ
ᬓᬢᬦ᭄ᬧᬚᬗ᭄ᬓ᭞ᬗᬓᬸᬳᬓᬸᬭᬕᬳᬸᬦᬶᬂ᭞ᬲ᭄ᬦᭂᬂᬦᬸᬢᬸᬃ᭞ᬗᬍᬧᬸᬕᬂᬤᬕᬶᬂᬧᬩ᭄ᬯᬦ᭄᭟᭑᭔᭟ᬳᬶᬤᬧ᭄ᬭᬡ᭄ᬥᬓᬳᬾᬫ᭄ᬗᬦ᭄᭞ᬳᬶᬢᬫ᭄ᬢᬫ᭄‌‌ᬫᬮᬶᬄᬫᬫᬸᬜᬶ᭞ᬚᬸᬫᬄᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬮᭀᬦ᭄ᬢᬃ᭞ᬦᬶᬓᬲᬫᬶᬍᬯᬶᬄ᭞ᬲᬲ᭄ᬮᬶᬓᬦ᭄ᬧᬸᬦᬶ
ᬦᬶᬓᬲᬫᬶ᭞ᬧᬗᬶᬯᬉᬱᬤ᭄ᬥᬢ᭄ᬦᬸᬂ᭞ᬫᬶᬯᬄᬢᬸᬢᬸᬃᬓᬧᬸᬢᬸᬲᬦ᭄᭞ᬲᬓᬜ᭄ᬘᬦ᭄ᬓᬡ᭄ᬥᬦᬾᬲᬫᬶ᭞ᬥᬃᬫ᭄ᬫᬧᬸᬢᬸᬲ᭄᭞ᬫᬶᬯᬄᬢᬸᬢᬸᬭᬶᬂᬓᬫᭀᬓ᭄ᬱᬦ᭄᭟᭑᭕᭟ᬬᬾᬦᬶᬂᬲᬫᬶᬯᬶᬮᬂᬢᬶᬢ᭄ᬬᬂ᭞ᬧᬶᬮᬶᬄᬯᬾᬦ᭄ᬢᭂᬦ᭄ᬮᬶᬫᬂᬓ᭄ᬢᬶ᭞ᬧᬸᬦᬶᬓᬳᬫ᭄ᬩᬶᬮ᭄

[᭑᭑᭓ 113A]
᭑᭑᭓
ᬢ᭄ᬮᬲᬂ᭞ᬮᬫᬸᬦ᭄ᬭᬢᬸᬲ᭄ᬦᭂᬂᬗᬸᬫᬶᬓ᭄᭞ᬰᬵᬲ᭄ᬢ᭄ᬭᬯᬭᬶᬖᬫᬮᬶᬄ᭞ᬯᬿᬥᬰ᭄ᬭᬸᬢ᭄ᬣᬷᬫᬦ᭄ᬢ᭄ᬭᬯᬶᬪᬸᬄ᭞ᬓᬶᬤᬸᬂᬓᬓᬯᬶᬦ᭄ᬢᬦ᭄ᬓᬶᬭᬂ᭞ᬫ᭄ᬯᬂᬳᬚᬶᬯ᭄ᬕᬶᬕᬾᬫᬮᬶᬄ᭞ᬳᬫ᭄ᬩᬶᬮ᭄ᬭᬢᬸ᭞ᬜᬤ᭄ᬬᬢᬶᬢ᭄ᬬᬂᬫᬗᬢᬹᬭᬂ᭟᭑᭖᭟ᬲᭂᬗ᭄ᬕᬸᬫᬥᬾᬭᬭᬶᬲ᭄ᬦᬗ᭄ᬕᬮ᭄᭞ᬲᬚᬩᬸᬓᬫᬸ
ᬜᬶᬦ᭄ᬘᬳᬶ᭞ᬭᬹᬧᬦ᭄ᬤᬾᬯᬮᬯᬦ᭄ᬩᬸᬢ᭞ᬤᬶᬢᬸᬫᬲᬶᬄᬢ᭄ᬯᬭᬧᬗ᭄ᬕᬶᬄ᭞ᬳᬾᬄᬢᬫ᭄ᬢᬫ᭄ᬦᬦᬾᬚᬦᬶ᭞ᬩᬧᬢᬾᬚᬦᬶᬫᬦᬸᬢᬸᬃ᭞ᬓᬸᬧᬶᬂᬘᬳᬶᬦᬾᬩᬾᬓ᭄ᬩᬾᬓᬂ᭞ᬧᬢᭂᬫᬸᬦ᭄ᬰᬵᬲ᭄ᬢ᭄ᬭᬦᬾᬕᬸᬮᬶᬲ᭄᭞ᬳᬸᬮᬶᬂᬤᬶᬢᬸ᭞ᬤᬲᬭᬾᬫᬓᬶᬢᬦᬯᬂ᭟᭑᭗᭟
ᬤᬰᬓ᭄ᬱᬭᬦᬾᬓᬶᬲᬶᬤᬂ᭞ᬤ᭄ᬯᬦᬶᬂᬳᭂᬦ᭄ᬢᭀᬧᬶᬦᬶᬄᬍᬯᬶᬄ᭞ᬳᬸᬓᬸᬤ᭄ᬳᬸᬓᬸᬤ᭄‌‌ᬬᬢᬶᬗ᭄ᬕᬮᬂᬳᬧᬂᬬᬫᬗᬯᬶᬦ᭄ᬤᬸᬲᬫᬶ᭞ᬤᬶᬲᬸᬩᬦᬾᬬᬫᬧᬶᬮ᭄ᬧᬶᬮ᭄᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬦᬶᬂᬯᬶᬡ᭄ᬥᬸ᭞ᬓᬾᬢᭀᬘᬳᬶᬳᬧᬂᬢᬯᬂ᭞ᬮᬫᬸᬦ᭄ᬩᬫᬓᬶᬢᬭᬶᬭᬶᬄ᭞
ᬳᬸᬮᬶᬤᬶᬢᬸ᭞ᬰᬵᬲ᭄ᬢ᭄ᬭᬦᬾᬳᬧᬗᬳᬶᬮᬂ᭟᭑᭘᭟ᬤᬶᬳᬶᬮᬗᬾᬫᬭᬶᬂᬮᭀᬦ᭄ᬢᬃ᭞ᬲᬸᬩᬤᬶᬭᬕᬦᬾᬦᬥᬶ᭞ᬳᬸᬮᬶᬤᬶᬢᬸᬬᬳᬯᬸᬕᬂ᭞ᬤᬰᬩᬬᬸᬤᬶᬢᬸᬦᬥᬶ᭞ᬤᬰᬩᬬᬸᬦᬾᬫᬕᬮᬶᬄ᭞ᬭᬶᬂᬧᬤ᭄ᬫᬯᬺᬥᬬᬫᬸᬗ᭄ᬕᬸᬄ᭞ᬫᬦᬥᬶᬤ [ 114 ][᭑᭑᭓ 113B]
᭑᭑᭓
ᬲᬃᬓᬯ᭄ᬭᬸᬳᬦ᭄᭞ᬗᭂᬫ᭄ᬧᬸᬚᬷᬯᬓ᭄ᬫᬫᬳᬶ᭞ᬳᬧᬂᬳᬮᬸᬄ᭞ᬗᭂᬲᭂᬂᬫᬮᬦᬶᬂᬰᬭᬷᬭ᭟᭑᭙᭟ᬗ᭄ᬲᭂᬂᬩᬩᬳᬶᬭᬶᬗᬯᬓ᭄᭞ᬫᬶᬯᬄᬭᬶᬂᬧᬓᬸᬩᭀᬦ᭄ᬫᬮᬶᬄ᭞ᬫᬰ᭄ᬭᬡᬢᭂᬫ᭄ᬩᬕᬫ᭄ᬭᬚᬄ᭞ᬅᬁᬓ᭄ᬱᬭᬤᬤ᭄ᬯᬧᬗ᭄ᬭᬶᬳᬶᬦ᭄᭞ᬫ᭄ᬯᬂᬒᬁᬓᬭᬦᬾᬲᬦᬸ
ᬗ᭄ᬕᬶᬮ᭄᭞ᬓᬾᬢᭀᬢᬫ᭄ᬢᬫ᭄ᬳᬧᬂᬢᬳᬸ᭞ᬳᬯᬦᬦ᭄ᬳᬦᬓᬾᬦᬯᬂ᭞ᬳ᭄ᬤᬳᬶᬩᬫᬜᬶᬕᬸᬕᬶᬦ᭄᭞ᬯᬶᬡ᭄ᬥᬸᬢ᭄ᬮᬸ᭞ᬫᬚᬚᬃᬤᬸᬳᬸᬭᬶᬂᬒᬁᬓᬭ᭟᭒᭐᭟ᬫᬮᬶᬄᬩᬶᬲᬄᬫᬵᬃᬥᬘᬦ᭄ᬤ᭄ᬭ᭞ᬓ᭄ᬘᭂᬓ᭄‌‌ᬫᬸᬮᬸᬘᬦ᭄ᬤ᭄ᬭᬫᬮᬶᬄ᭞ᬢᬮᬾᬂᬫᬲᬶᬄᬫᬹᬮᬸᬘᬦ᭄ᬤ᭄ᬭ᭞ᬢᭂᬗ᭄ᬕᭂᬓ᭄ᬢᬬ
ᬦᬾᬳᬩ᭄ᬲᬶᬓ᭄᭞ᬅᬃᬤ᭄ᬥᬘᬦ᭄ᬤ᭄ᬭᬫᬗᬶᬍᬳᬶᬦ᭄᭞ᬲᬸᬩᬢᭂᬢᭂᬧ᭄ᬧᬥᬤᬶᬢᬸ᭞ᬫᬰ᭄ᬭᬡᬩᬵᬦ᭄ᬳᬲᭂᬧ᭄‌‌ᬫ᭄ᬜᬦ᭄᭞ᬳᬦᬾᬓᬾᬢᭀᬬᬧ᭄ᬮᬚᬳᬶᬦ᭄᭞ᬜᬦ᭄ᬤᬂᬓᬤᬸᬢ᭄᭞ᬳᬗ᭄ᬕᭀᬦ᭄ᬧᬲᬶᬓᭂᬧᬦ᭄ᬳᬯᬓ᭄᭟᭒᭑᭟ᬳᬶᬢᬫ᭄ᬢᬫ᭄ᬫᬲᬯᬸᬃᬤᬩ᭄ᬤᬩ᭄᭞ᬧᬵ
ᬢᬹᬢ᭄‌‌ᬚ᭄ᬭᭀᬲᭂᬗ᭄ᬕᬸᬦᬾᬫᬗ᭄ᬓᬶᬦ᭄᭞ᬫᬧᬶᬤᬃᬣᬫᬭᬶᬂᬢᬶᬢ᭄ᬬᬂ᭞ᬧᬸᬦᬶᬓᬫᬮᬶᬄᬩᬯᭀᬲᬶᬦ᭄᭞ᬲᬦᬾᬓᭀᬘᬧ᭄ᬳᬸᬦᬶᬂᬉᬭᬶᬧ᭄᭞ᬧᬜ᭄ᬘᬯᬶᬱᬬᬧᬸᬦᬶᬓᬸ᭞ᬲᬦᬾᬫᬵᬤᬦ᭄‌‌ᬘᬢᬸᬃᬮᭀᬓ᭞ᬫᬡᬶᬓ᭄ᬳᬱ᭄ᬝᬕᬶᬦᬫᬮᬶᬄ᭞ᬳᭂᬜ᭄ᬘᬾᬦ᭄ᬳᬶᬓᬸ

[᭑᭑᭔ 114A]
᭑᭑᭔
᭞ᬦᬾᬫᬵᬤᬦ᭄ᬫᬡᬷᬓ᭄ᬲᬓ᭄ᬘᬧ᭄᭟᭒᭒᭟ᬓᭀᬘᬧ᭄ᬢᭀᬂᬤᬤᬶᬳᭂᬗ᭄ᬲᬧᬂ᭞ᬫᬹᬮᬧᬶᬘ᭄ᬙᬦ᭄ᬲᬳ᭄ᬬᬂᬯᬶᬥᬷ᭞ᬢ᭄ᬓᬧᬶᬂᬭᬕᬯᬶᬱᬬ᭞ᬧᬸᬦᬶᬓᬢᬢ᭄ᬯᬬᬂᬫᬮᬶᬄ᭞ᬫᬗ᭄ᬤᬢᬶᬢ᭄ᬬᬂᬲᬋᬂᬭᬶᬭᬶᬄ᭞ᬦᬵᬗ᭄ᬳᬶᬂᬓᬾᬳᬧᬗᬧᬵᬢᬹᬢ᭄᭞ᬩᬳᬦ᭄ᬢᬶᬢ᭄ᬬᬂᬫᬦᬶᬗ᭄ᬓᬳᬂ᭞ᬫ
ᬗ᭄ᬤᬢ᭄ᬭᬂᬢᬸᬢᬸᬭᬾᬫᬗ᭄ᬓᬶᬦ᭄᭞ᬭᬶᬂᬚ᭄ᬭᭀᬲᭂᬗ᭄ᬕᬸ᭞ᬫᬗ᭄ᬤᬧ᭄ᬤᬲ᭄‌‌ᬢᬶᬢ᭄ᬬᬂᬦᬯᬂ᭟᭒᭓᭟ᬯᬾᬦ᭄ᬢᭂᬦ᭄ᬲᬲᬶᬫ᭄ᬩᬶᬂᬭᬶᬂᬮᭀᬦ᭄ᬢᬃ᭞ᬓᭀᬘᬧ᭄ᬩᬋᬂᬳᬚᬓ᭄ᬫᬶᬚᬶᬮ᭄᭞ᬧᬸᬦᬶᬓᬜᬫᬦᬾᬧᬢ᭄ᬧᬢ᭄᭞ᬚ᭄ᬭᭀᬲᭂᬗ᭄ᬕᬸᬤᬦᬾᬜᬯᬸᬭᬶᬦ᭄᭞ᬢᬸᬯᬶᬲᬚᬓᬾᬢᭀᬘᬳᬶ
᭞ᬗᭂᬫ᭄ᬧᬸᬭᬕᬦᬾᬲᬢᬸᬯᬸᬓ᭄᭞ᬫᬸᬗ᭄ᬕ᭄ᬯᬶᬂᬢᬸᬢᬸᬃᬓᬡ᭄ᬥᬵᬫ᭄ᬧᬢ᭄᭞ᬢ᭄ᬯᬭᬢᬳᬾᬦ᭄ᬫᬫ᭄ᬮᬲᬶᬦ᭄᭞ᬓᬬᬂᬮᬫ᭄ᬧᬸᬲ᭄᭞ᬫᬲᬶᬳᭂᬦ᭄ᬢᭀᬫᬦᬦ᭄ᬥᬦᬂ᭟᭒᭔᭟ᬳᭂᬗ᭄ᬓᬾᬦ᭄‌‌ᬚᬢᬶᬦᬾᬢᭀᬢᭀᬦᬦ᭄᭞ᬲᬸᬩᬢᬳᬾᬦ᭄‌‌ᬚ᭄ᬭᭀᬦᬾᬫᬗ᭄ᬕᬶᬄ᭞ᬫᬮᬄ
ᬢᬶᬢ᭄ᬬᬂᬗᬓᬸᬜᬫ᭞ᬳᬶᬢᬫ᭄ᬢᬫ᭄‌‌ᬧ᭄ᬦᭂᬤ᭄ᬜᬯᬸᬭᬶᬦ᭄᭞ᬢᬩᬸᬄᬕ᭄ᬢᬃᬢ᭄ᬯᬭᬧᬗ᭄ᬕᬶᬮ᭄᭞ᬗᬸᬤᬢ᭄ᬯᬭᬢᬳᬾᬦ᭄ᬢᭂᬧᬸᬓ᭄᭞ᬢᬶᬤᭀᬂᬓᬾᬲᬮᬄᬧᬗᬃᬣ᭄ᬬᬦ᭄᭞ᬳᬾᬗ᭄ᬕᬮ᭄‌‌ᬚ᭄ᬭᭀᬫᬗᬸᬕ᭄ᬯᬦᬶᬦ᭄᭞ᬩᬶᬱᬦᬸᬢᬸᬃ᭞ᬓᬤᬾᬦ᭄ᬳᬤᬩᬸᬢᬧᬢ᭄ [ 115 ][᭑᭑᭔ 114B]
᭑᭑᭔
ᬧᬢ᭄᭟᭒᭕᭟ᬳᬄᬦᭀᬭᬬᬲᬦᬾᬲᬚ᭞ᬢᭀᬂᬩᬶᬱᬬᬗᭂᬫ᭄ᬧᬸᬳᬸᬭᬶᬧ᭄᭞ᬓᬾᬯᬮᬓ᭄ᬘᬧ᭄ᬭᬶᬂᬭᭀᬦ᭄ᬢᬮ᭄᭞ᬭᬕᬦᬾᬢ᭄ᬮᭂᬩ᭄ᬫᬗᬸᬕ᭄ᬯᬦᬶᬦ᭄᭞ᬧᬸᬦᬶᬓᬳᬗ᭄ᬕᬾᬦ᭄ᬦᬸᬢᬸᬭᬶᬦ᭄᭞ᬳᬧᬂᬢᬶᬢ᭄ᬬᬂᬜᬓ᭄ᬗᬸᬕᬸ᭞ᬲᬵᬫ᭄ᬧᬸᬦ᭄ᬓᬤᬸᬭᬸᬲ᭄ᬗᬸᬘᬧᬂ᭞ᬲᬦᬾᬩᭀ
ᬬᬳᬗ᭄ᬕᬾᬦ᭄ᬗᭂᬤᬶᬕ᭄᭞ᬭᬕᬩᬶᬗᬸᬂ᭞ᬫᬗᬸᬕᬸᬳᬶᬥᭂᬧ᭄ᬳᬶᬥᭂᬧᬦ᭄᭟᭒᭖᭟ᬳ᭄ᬤᬓᬭᬶᬂᬫᬗᭂᬦ᭄ᬤᭂᬮᬂ᭞ᬳᬮᬶᬄᬲᬫᬺᬢ᭄ᬢᬶᬦᬾᬚᬵᬢᬶ᭞ᬦᬾᬪᬸᬓ᭄ᬢ᭄ᬬᬂᬳᬧᬂᬲᬚ᭞ᬳᬚᬲᬫᬃᬫᬦᬸᬢᬸᬭᬶᬦ᭄᭞ᬧᬧᬶᬦᭂᬄᬢᬶᬢ᭄ᬬᬗᬾᬧᬮᬶᬂ᭞ᬳᬦᬓ᭄ᬫᬸᬮᬲᬳᬶᬢ᭄ᬧᬸᬓ᭄
ᬜᬫᬦᬾᬫᬲᬸᬓ᭄ᬭᬶᬂᬭᬕ᭞ᬓ᭄ᬫᬫᬳᬶᬲᬳᬶᬲᬳᬶ᭞ᬢ᭄ᬯᬭᬩᬶᬗᬸᬂ᭞ᬲᬳᬶᬢᬸᬦ᭄ᬤᬾᬦ᭄‌‌ᬗ᭄ᬭᬓ᭄ᬱᬚᬷᬯ᭟᭒᭗᭟ᬚ᭄ᬭᭀᬲᭂᬗ᭄ᬕᬸᬳᬶᬩᬸᬓ᭄ᬭᬶᬂᬫᬦᬄ᭞ᬳᭂᬗ᭄ᬲᭂᬓ᭄ᬢᭀᬂᬩᬶᬲᬫᬫᬸᬜᬶ᭞ᬢᭀᬂᬩᬓᬢ᭄ᬩᬵᬦ᭄‌‌ᬗᬸᬲᬸᬤᬂ᭞ᬤᬮᬂᬓᬸᬓᬸᬄᬫᬜᬯᬸᬭᬶᬦ᭄
᭞ᬳ᭄ᬤᬲᬗᭂᬢ᭄ᬫᬤᬸᬯᬸᬭᬶᬦ᭄᭞ᬘᬳᬶᬢᬫ᭄ᬢᬫ᭄ᬥᬵᬓᬤᬸᬭᬸᬲ᭄᭞ᬫᬸᬮᬤᬶᬦᬶᬳᬸᬫᬄᬰᬵᬲ᭄ᬢ᭄ᬭ᭞ᬩᬾᬄᬢᬾᬫᬫᬦ᭄ᬫᬦᬶᬫ᭄ᬧᬮᬶᬦ᭄᭞ᬢᬸᬲᬶᬂᬇᬩᬸᬓ᭄᭞ᬳᬸᬮᬶᬂᬘ᭄ᬦᬶᬓ᭄‌‌ᬓᬸᬢᬸᬦ᭄ᬰᬲ᭄ᬢ᭄ᬭ᭟᭒᭘᭟ᬳᬄᬦᬾᬓᬾᬢᭀᬲᬸᬩᬢᬯᬂ᭞ᬤᬕᬶᬂᬲᬫᬺᬢ᭄ᬢᬶ

[᭑᭑᭕ 115A]
᭑᭑᭕
ᬦᬾᬲᬫᬶ᭞ᬫᬫᬦ᭄ᬲᬶᬂᬜᬸᬫ᭄ᬩᬸᬗᬂᬳᬯᬓ᭄᭞ᬚᬦᬶᬫᬫᬦ᭄ᬫᬗᭀᬭᬳᬶᬦ᭄᭞ᬢᬶᬗ᭄ᬓᬳᬾᬦᬗᬸᬦ᭄ᬲᬫᬥᬶ᭞ᬳᬤᬤᬶᬰᬵᬲ᭄ᬢ᭄ᬭᬦᬾᬫᬸᬗ᭄ᬕᬸᬄ᭞ᬫᬗ᭄ᬤᬤᬲᬭᬶᬦ᭄ᬩᬵᬦ᭄ᬓᭂᬤᬲ᭄᭞ᬳᬦᬾᬳᬮᬸᬲ᭄ᬭᬸᬭᬸᬲ᭄ᬳᬢᬶ᭞ᬲᬓᬶᬂᬭᬸᬭᬸᬲ᭄᭞ᬩᬵᬦ᭄ᬫᬶᬜ᭄ᬘᭂᬭᬂᬧ
ᬳᬶᬢᬸᬗᬦ᭄᭟᭒᭙᭟ᬧᬗᬯᬲᬾᬳᬧᬂᬢ᭄ᬭᬂ᭞ᬬᬦ᭄ᬲᬸᬩᬫᬦ᭄ᬭᬯᬂᬳ᭄ᬦᬶᬂ᭞ᬳ᭄ᬦᬶᬂᬗᬾᬲᬸᬚᬵᬢᬶᬫᬹᬮ᭄ᬬ᭞ᬢᭀᬲᬳᬶᬳᬘᭂᬧ᭄ᬧᬢᬶᬢᬶᬲ᭄᭞ᬓᬾᬢᭀᬘᬳᬶᬩᬸᬮᬓ᭄ᬩᬮᬶᬓ᭄᭞ᬲᬓᬶᬂᬤᬩ᭄ᬤᬩ᭄ᬲᬓᬶᬂᬳᬮᬸᬲ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬲᬫᬭᬦ᭄᭞
ᬬᬦ᭄ᬲᬫᬃᬩᬳᬸᬓᬅᬓ᭄ᬱᬶ᭞ᬤᬵᬦ᭄ᬤᬾᬦ᭄ᬗᬸᬕᬸ᭞ᬓᬭᬶᬓᬢ᭄ᬓᭂᬧ᭄‌‌ᬩᬵᬦ᭄ᬲᬾᬢ᭄᭟᭓᭐᭟ᬲᬸᬚᬵᬢᬶᬦᬾᬦᭀᬭᬤᬤ᭄ᬯ᭞ᬬᬦ᭄ᬲᬶᬤ᭄ᬥᬩᬳᬦ᭄ᬫᬢᬶᬢᬶᬲ᭄᭞ᬳᬮᬳᬬᬸᬦᭀᬭᬲᬫᬃ᭞ᬲᬃᬯ᭄ᬯᬳᬦᬦᬾᬭᬶᬂᬪᬹᬫᬶ᭞ᬦᬵᬗᬶᬂᬧᬦ᭄ᬢᭂᬲᬂᬗᬶᬗᭂᬢᬶᬦ᭄᭞ᬲ
ᬓᬶᬂᬧᬦ᭄ᬢᭂᬲ᭄ᬫᬗ᭄ᬕᬸᬄᬧᬵᬢᬹᬢ᭄᭞ᬲᬓᬶᬂᬧᬵᬢᬹᬢ᭄ᬫᬦᬦ᭄ᬤᬦᬂ᭞ᬫᬬᬸᬚᬸᬄᬫᬦᬳᬾᬳ᭄ᬦᬶᬂ᭞ᬳ᭄ᬦᬶᬂᬳᬶᬓᬸ᭞ᬗᬯᭂᬢ᭄ᬯᬂᬬᬵᬩᬾᬢᬾᬮ᭄ᬢᬶᬗᬮ᭄᭟᭓᭑‌᭟ᬢᬶᬗ᭄ᬳᬮᬾᬲᬸᬚᬢᬶᬦᬾᬢ᭄ᬭᬂ᭞ᬳᬸᬮᬶᬤᬶᬢᬸᬳᬯᬲ᭄ᬮᬶᬂᬮᬶᬂ᭞ᬳᬧᬂᬲᬫ᭄ᬧᬾᬫᬦ᭄ᬫᬸᬕ᭄ᬮᬂ᭞ᬳ [ 116 ][᭑᭑᭕ 115B]
᭑᭑᭕
ᬲᬶᬂᬤᬮᬶᬄᬬᬓᬧᬶᬢ᭄ᬯᬶ᭞ᬤᬮᬶᬄᬓᬗᬶᬦ᭄‌‌ᬚᬵᬢᬶᬓᬗᬶᬦ᭄᭞ᬤᬮᬶᬄᬓᬯᬸᬄᬚᬵᬢᬶᬓᬯᬸᬄ᭞ᬬᬦ᭄ᬤᬮᬶᬄᬘᬘᬤ᭄‌‌ᬬᬘᬘᬤ᭄᭞ᬬᬦ᭄‌‌ᬮ᭄ᬬᬗᬂᬮᬶᬦ᭄ᬢᬂᬍᬯᬶᬄ᭞ᬬᬦᬶᬂᬚᬸᬚᬸᬄ᭞ᬧᬳᭂᬓ᭄‌‌ᬢ᭄ᬯᬭᬩᬓᬢ᭄ᬚᭂᬫᬓ᭄᭟᭓᭑᭟ᬳᬶᬢᬫ᭄ᬢᬫ᭄‌‌ᬓ᭄ᬜᭂ
ᬫ᭄ᬫᬦᬶᬫ᭄ᬩᬮ᭄᭞ᬲᬳᬓ᭄ᬜᬶᬃᬳᬭᬹᬫᬦᬶᬲ᭄᭞ᬯ᭄ᬬᬤᬶᬦ᭄ᬳᬦᬾᬓᬾᬢᭀᬢᬯᬂ᭞ᬧᬺᬮᬷᬡᬫᬫᬦ᭄ᬢᬦ᭄ᬳᬸᬦᬶᬂ᭞ᬳᬧᬦᬾᬧᬺᬮᬶᬡᬲᬳᬶ᭞ᬳᬶᬦ᭄ᬤᬬᬂᬫᬫᬦ᭄ᬚᬦᬶᬫ᭄ᬮᬸᬢ᭄᭞ᬲᬕᬾᬢ᭄ᬫᬫᬦ᭄ᬲᬸᬩᬦᬯᬂ᭞ᬳᬶᬦ᭄ᬥᬬᬂᬯᬗ᭄ᬲᬶᬢᬂᬓ᭄ᬥᬶᬓ᭄᭞ᬤᬵᬚᬮ᭄ᬬᬸ
᭞ᬲᭀᬓ᭄ᬢᬸᬚ᭄ᬯᬂᬲᬦᬾᬭᬶᬂᬳᬯᬓ᭄᭟᭓᭓᭟ᬫᬸᬓᬳᬩᬂᬓᬩᬢᭂᬓ᭄ᬚᭂᬗᬄ᭞ᬚ᭄ᬭᭀᬤᬮᬂᬭᬭᬶᬲ᭄ᬓᬾᬫ᭄ᬗᬦ᭄᭞ᬮᬶᬦ᭄ᬢᬂᬳᬶᬩᬸᬓ᭄ᬫᬫᬶᬦᭂᬳᬶᬦ᭄᭞ᬳᭂᬜ᭄ᬘᬾᬦ᭄ᬳᬸᬲᬸᬤ᭄‌‌ᬜ᭄ᬘᬾᬦ᭄‌‌ᬚ᭄ᬫᬓ᭄᭞ᬩ᭄ᬗᬂᬩ᭄ᬗᭀᬂᬓ᭄ᬫᬓ᭄‌‌ᬓ᭄ᬫᬶᬓ᭄᭞ᬚ᭄ᬭᬶᬚᬶᬦᬾᬘᭂᬘᭂᬄᬧ᭄ᬢᬾᬓᬶᬦ᭄᭞ᬓ᭄ᬜᬶᬃᬓ᭄ᬜᬶᬃ
ᬳᬶᬦᬩ᭄ᬢᬸᬳᬸ᭞ᬚᭂᬗ᭄ᬓᬚᭂᬗ᭄ᬓᬸᬬᬫᬦ᭄ᬕᬓ᭄᭞ᬩᬸᬲᬦ᭄ᬩᬸᬲᬦ᭄ᬬᬫᬓᬶᬲᬶᬤ᭄᭞ᬧᬢᬶᬳᬸᬲᬸᬤ᭄᭞ᬚ᭄ᬭᬶᬚᬶᬦᬾᬫᬗ᭄ᬮᬸᬂᬲᬫ᭄ᬧᬢ᭄᭟᭓᭔᭟ᬫᬸᬓᬵᬩᬂᬓᬩᬢᭂᬓ᭄‌‌ᬚ᭄ᬗᬄ᭞ᬓᬮᬸᬤᬦ᭄ᬬᬓᬓ᭄ᬥᬾᬓᬶᬦ᭄᭞ᬫᬲᬯᬸᬢ᭄ᬫᬸᬜᬶᬦᬾᬩᬗ᭄ᬕ᭄ᬭᬲ᭄

[᭑᭑᭖ 116A]
᭑᭑᭖
᭞ᬮᬯᬸᬢᬂᬚᬦᬶᬢᬶᬫ᭄ᬧᬮᬶᬦ᭄᭞ᬩᬮ᭄ᬬᬦ᭄ᬓᬲᬸᬩ᭄ᬭᬭᬶᬲ᭄ᬜᬯᬶᬲ᭄᭞ᬮᬗ᭄ᬓᬸᬗᬦ᭄ᬭᬶᬂᬧᬶᬢᬸᬂᬧᬸᬮᬸᬄ᭞ᬧᬓᬸᬫ᭄ᬧᬸᬮᬦ᭄ᬯᬢᭂᬓ᭄ᬯᬶᬓᬦ᭄᭞ᬓᬓᬲᭀᬭᬂᬳᬦᬓ᭄‌‌ᬘ᭄ᬯᬶᬮ᭄᭞ᬲᬫᬶᬤᭂᬓᬸᬲ᭄᭞ᬳᬶᬦᬩ᭄ᬓᬢᬸᬦᬬᬦ᭄ᬰᬲ᭄ᬢ᭄ᬭ᭟᭓᭕᭟ᬳᬸᬮᬶᬂᬓᬸᬦᬮᬶᬦ᭄ᬢᬂ
ᬓᭀᬘᬧ᭄᭞ᬭᬶᬭᬶᬳᬾᬭᬶᬂᬚᬕᬢ᭄ᬥᬶᬦᬶ᭞ᬳᬧᬓ᭄ᬭᬡᬯᭀᬂᬲᬶᬦᬸᬗ᭄ᬕᬮ᭄᭞ᬫᬮᬶᬄᬳᬶᬧᬸᬦ᭄ᬫᬗᭂᬦ᭄ᬤᭀᬦᬶᬦ᭄᭞ᬲᬵᬓ᭄ᬱᬵᬢ᭄ᬥᬾᬂᬥᬾᬂᬗᬮᬶᬄᬳᬧᬶ᭞ᬮᬶᬦ᭄ᬢᬂᬚ᭄ᬗᬄᬢᬶᬢ᭄ᬬᬂᬭᬢᬸ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬩᬧᬲᬸᬩᬫᬦᬶᬫ᭄ᬧᬮᬶᬦ᭄᭞ᬳᭂᬤ
ᬢᬓᬸᬢ᭄᭞ᬚ᭄ᬗᬳᬂᬕᬸᬫᬶᬦᬾᬩᬧ᭟᭓᭖᭟ᬩᬮ᭄ᬬᬦ᭄ᬓᬲᬸᬩ᭄ᬫᬗᬋᬧᬂ᭞ᬫᬰᬶᬮᬦᬸᬫ᭄ᬧᬸᬓᬂᬩᬢᬶᬲ᭄᭞ᬫᬚᭂᬚᭂᬗ᭄ᬓᬶᬂᬫᬕᬕ᭄ᬚᭂᬭᬦ᭄᭞ᬕ᭄ᬢᬃᬧᬫᬸᬜᬶᬦᬾᬦᬶᬗ᭄ᬮᬶᬲ᭄᭞ᬗᬯᬾᬢᬤᬄᬲᬃᬯ᭄ᬯᬶᬫᬦ᭄ᬮᬶᬓ᭄᭞ᬮᬶᬫᬦ᭄ᬜᬦᬾᬫ᭄ᬦᬾᬓ᭄‌‌ᬢᬸᬯᬸᬦ᭄᭞ᬲᭀ
ᬮᬄᬮ᭄ᬯᬶᬃᬫᬜ᭄ᬬᬢᬂᬯᬬᬂ᭞ᬳᬶᬢᬫ᭄ᬢᬫ᭄‌‌ᬢᬸᬃᬓᬢᬂᬢᬗᬶᬦ᭄᭞ᬳ᭄ᬥᬓᬶᬫᬸᬤ᭄᭞ᬚᬦᬶᬲᬸᬩᬬᬘᭂᬦ᭄ᬢᭀᬓᬂ᭟᭓᭗᭟ᬦᬄᬳᭀᬜᬗᬂᬚᬦᬶᬢᭀᬕ᭄ᬢᭀᬕᬂ᭞ᬤᬬᬦ᭄ᬳᬶᬩᬦᬦᬾᬲᬸᬮᬶᬢ᭄᭞ᬧᬢᬓᭀᬦ᭄ᬦᬦᬗᬾᬪᬸᬓ᭄ᬢ᭄ᬬᬂ᭞ᬳ [ 117 ][᭑᭑᭖ 116B]
᭑᭑᭖
ᬧᬚᬵᬢᬶᬫᬵᬤᬦ᭄ᬓᬗᬶᬦ᭄᭞ᬦᬄᬮᬯᬸᬢᬂᬚᬦᬶᬲᬳᬸᬢᬶᬦ᭄᭞ᬳᬧᬤᬕᬶᬂᬜᬦᬾᬤᬶᬢᬸ᭞ᬲᬕᬾᬢ᭄‌‌ᬢᭀᬂᬩᬶᬲᬦᬸᬢᬸᬭᬂ᭞ᬫ᭄ᬮᬄᬲᬸᬩᬘᬳᬶᬫᬕ᭄ᬥᬶ᭞ᬤᬵᬫᬦᬸᬢᬸᬃ᭞ᬫᬗ᭄ᬭᬾᬯᭂᬤᬶᬦ᭄ᬭᬋᬫ᭄ᬩᬬᬦ᭄᭟᭓᭘᭟ᬳᬶᬢᬫ᭄ᬢᬫ᭄‌‌ᬓ᭄ᬜᬶᬃᬫᬦᬗ᭄ᬕ
ᬮ᭄᭞ᬚᬵᬢᬶᬦ᭄ᬜᬦᬾᬫᬵᬤᬦ᭄ᬓᬗᬶᬦ᭄᭞ᬧᬸᬦᬶᬓᬗᬭᬦ᭄ᬓᬯᬶᬢᬦ᭄᭞ᬲᬳᬦᬦᬾᬫᬭᬶᬂᬪᬹᬫᬶ᭞ᬧᬫᬶᬚᬶᬮ᭄ᬲᬹᬃᬬ᭄ᬬᬦᬾᬓᬗᬶᬦ᭄᭞ᬲᬶᬦ᭄ᬢᬭᬶᬂᬳᬸᬓᬸᬦᬾᬫᬸᬗ᭄ᬕᬸᬄ᭞ᬲᬫᬶᬚᬦ᭄ᬫᬫᬗᬸᬘᬧᬂ᭞ᬳ᭄ᬬᬂᬇᬰ᭄ᬯᬭᬤᬾᬯᬦᬾᬢ᭄ᬯᬶ᭞ᬫᬶᬲᬶᬧᬸᬬᬸᬂ᭞ᬳᬗᬶᬦ᭄ᬫᬸ
ᬦᬶᬦᭀᬭᬫᬵᬯᬓ᭄᭟᭓᭙᭟ᬲᬗ᭄ᬓᬦ᭄ᬲᭂᬗ᭄ᬓᬲᬦ᭄ᬫᭂᬮᬚᬄ᭞ᬫᬗᬮᬶᬄᬭᬹᬧᬦᬶᬂᬳᬗᬶᬦ᭄᭞ᬢᭀᬂᬤᬤᬶᬧᬘᬂᬧᬕᬸᬭ᭄ᬯᬂ᭞ᬫᬗ᭄ᬭᬸᬭᬸᬄᬫᬗ᭄ᬤᬓᬧᬗ᭄ᬕᬶᬄ᭞ᬭᬲᬢ᭄ᬕᭂᬳᬦ᭄ᬭᬶᬂᬮᬗᬶᬢ᭄᭞ᬳᭂᬚᭀᬄᬜᬬᬦ᭄ᬧᬘᬂᬚᬸᬚᬸᬄ᭞ᬬᬤ᭄ᬬᬧᬶᬦ᭄ᬫᬓᬾᬄᬕᬕ᭄ᬮ
ᬭᬦ᭄᭞ᬫᬶᬲᬥ᭄ᬬᬫᬗ᭄ᬢᬸᬢ᭄‌‌ᬩᬸᬭᬶ᭞ᬢᬸᬲᬶᬂᬩᬸᬯᬸᬂ᭞ᬦᬾᬫᭂᬦ᭄ᬤᭂᬧ᭄ᬫᭂᬦ᭄ᬤᭂᬧ᭄‌‌ᬫᬓᬢᬂ᭟᭔᭐᭟ᬬᬤ᭄ᬬᬧᬶᬦ᭄‌‌ᬮ᭄ᬬᬸᬦᬫ᭄ᬧᬶᬮᭀᬦ᭄ᬢᬃ᭞ᬓᭀᬘᬧ᭄ᬲᬦᬾᬍᬯᬶᬄᬍᬯᬶᬄ᭞ᬮᬫᬸᬦ᭄ᬦᬦᬂᬢ᭄ᬯᬭᬦᬯᬂ᭞ᬫᬗᬶᬗᭂᬃᬩᬲᬲᬲᬶᬫ᭄ᬩᬶᬂ᭞ᬫ᭄ᬮᬳ

[᭑᭑᭗ 117A]
᭑᭑᭗
ᬦ᭄ᬲᭂᬧᭂᬮ᭄ᬳᬧᬂᬳᬶᬮᬶᬤ᭄᭞ᬮᬫᬸᬦ᭄‌‌ᬢ᭄ᬯᬭᬩᬶᬲᬫᬫ᭄ᬮᬸᬢ᭄᭞ᬩᬱᬋᬲ᭄ᬯᬤᬶᬃᬖᬧ᭄ᬮᬸᬢ᭞ᬢᬢᬶᬕᬲᬗ᭄ᬓᬦᬶᬂᬚᬵᬢᬶ᭞ᬤᬫᬜ᭄ᬮᬶᬫᬸᬃ᭞ᬜᬸᬗ᭄ᬓᭂᬫᬶᬦ᭄ᬳᬶᬥᭂᬧ᭄ᬳᬶᬥᭂᬧᬦ᭄᭟᭔᭑᭟ᬲᬦᬾᬩᭀᬬᬓᬤᬾᬦ᭄ᬲᬚ᭞ᬲᬦᬾᬢᬸᬳᬸᬓᬤᬾᬦ᭄ᬢᬸᬲᬶᬂ
᭞ᬚᬵᬢᬶᬤ᭄ᬭᬸᬯᬾᬢᬶᬤᭀᬂᬢᬯᬂ᭞ᬩᬵᬦ᭄ᬓᭂᬦᭂᬄᬦᬦᬗᬾᬧᬮᬶᬂ᭞ᬢ᭄ᬯᬭᬩᬶᬲᬫᬗᬶᬗᭂᬢᬶᬦ᭄᭞ᬩᬦ᭄ᬕᭀᬩᬦᬾᬮᬶᬦ᭄ᬢᬂᬲᬭᬸ᭞ᬧᬫᬹᬃᬢ᭄ᬢᬶᬦᬶᬂᬭᬚᬄᬢᬫᬄ᭞ᬳᬾᬦ᭄ᬤᬄᬭᬹᬧᬦᬾᬓᬅᬓ᭄ᬱᬶ᭞ᬩᭀᬬᬳᬶᬓᬸ᭞ᬚᬵᬢᬶᬦᬶᬂᬯᬳ᭄ᬬᬥ᭄ᬬᬵᬢ᭄ᬫᬶᬓ᭟᭔
᭒᭟ᬓᬾᬯᬮᬩᬶᬲᬫᬫᬘ᭞ᬲᬸᬩᬦᬦᬂᬗᬗ᭄ᬓᭂᬦ᭄ᬭᬶᬭᬶᬄ᭞ᬳᬶᬭᬶᬂᬢᬶᬢ᭄ᬬᬂᬭᬶᬂᬧ᭄ᬭᬦᭂᬫᬦ᭄᭞ᬩᬩᬯᭀᬲᬾᬲᬮᬶᬂᬮᬗ᭄ᬓᬸᬗᬶᬦ᭄᭞ᬩᬗᭂᬢ᭄ᬫᬧᬶᬳᬧᬶᬳᬸᬦᬶᬂ᭞ᬳᬦ᭄ᬢᬸᬓ᭄‌‌ᬮ᭄ᬬᬸᬦᬾᬫᬗ᭄ᬮᬄᬢᬸᬢᬸᬃ᭞ᬓᬩᬶᬲᬦᬾᬩᬵᬦ᭄ᬫᬗᭀᬃᬣ᭞ᬲᬫᬶᬢᭀᬂᬳᬤᬫ
ᬪᬸᬓ᭄ᬢᬶ᭞ᬩᭀᬬᬗᬸᬕᬸ᭞ᬤᬸᬭᬸᬂᬫᬵᬤᬦ᭄ᬳᬦᬓ᭄ᬯᬶᬓᬦ᭄᭟᭔᭓᭟ᬚᬦ᭄ᬫᬧᬤᬲᬫᬶᬩᭀᬩᬩ᭄᭞ᬫᬸᬜᬶᬦ᭄ᬜᬦᬾᬢᬦ᭄ᬧᬪᬸᬓ᭄ᬢᬶ᭞ᬲᬫᬶᬩᬸᬤᬸᬄᬗᬯᬕ᭄ᬳᬯᬕ᭄᭞ᬲᬦᬾᬗᬸᬤᬸᬄᬢᬦ᭄ᬳᬸᬦᬶᬗᬶᬦ᭄᭞ᬳᬶᬭᬶᬓᬶᬲᬶᬦᬄᬫᬘᬶᬭᬶ᭞ᬫᬮᬶᬄ [ 118 ][᭑᭑᭗ 117B]
᭑᭑᭗
ᬳᬚ᭄ᬩᭀᬲ᭄‌‌ᬢᬦ᭄ᬢᬳᬸ᭞ᬓᬮᬶᬗ᭄ᬓᬾᬦᬾᬫᬦᬶᬢᬯᬂ᭞ᬫᬘᬶᬳ᭄ᬦᬫᬳᬸᬓᬾᬲᬫᬶ᭞ᬮᬶᬦ᭄ᬢᬂᬍᬢᬸᬄ᭞ᬩᬗ᭄ᬓᬾᬦᬾᬲᬳᬶᬳᬶᬦ᭄ᬤᭂᬗᬂ᭞᭔᭔᭟ᬲᬂᬧ᭄ᬭᬪᬸᬲᬸᬫ᭄ᬮᬗᬶᬂᬫᬦᬄ᭞ᬭᬶᬂᬳᬶᬢᬫ᭄ᬢᬫ᭄‌‌ᬢᭀᬲ᭄ᬦᬶᬂᬍᬯᬶᬄ᭞ᬦᬸᬮ᭄ᬬᬢ᭄ᬤᬸᬦ᭄ᬫᬗᬦ᭄ᬤᬶᬓ᭞ᬤᬸᬄᬢᬶᬗ᭄ᬕᬭᬂᬘ᭄ᬦᬶᬂ
ᬫᬗ᭄ᬓᬶᬦ᭄᭞ᬫᬶᬦᬩ᭄ᬢᬦ᭄ᬯᭀᬂᬲᬸᬤ᭄ᬭᬢ᭄ᬯᬶ᭞ᬲᬓᬶᬂᬪᬵᬯᬦᬵᬣᬭᬢᬸ᭞ᬘᬬᬍᬯᬶᬄᬲᬸᬫ᭄ᬮᬧ᭄ᬕᬮᬂ᭞ᬢᬢ᭄ᬯᬬᬂᬚ᭄ᬯᬦᬾᬲᬸᬚᬢᬶ᭞ᬲᬦᬾᬢᬸᬳᬸ᭞ᬲᬵᬫ᭄ᬧᬸᬦᬂᬫᬮᬓ᭄ᬱᬡᬜᬫᬃ᭟᭔᭕᭟ᬳᬶᬢᬫ᭄ᬢᬫ᭄ᬫᬵᬢᬹᬃᬳᬸᬦᬶᬗ᭞ᬢᬶᬢ᭄ᬬᬂᬧᬸᬢ᭄ᬭᬦ᭄‌‌ᬰ᭄ᬭᬷᬦᬵᬃᬧ
ᬢᬶ᭞ᬫᬧᬸᬢ᭄ᬭᬚᬮᬸᬲᬶᬦᬸᬗ᭄ᬕᬮ᭄᭞ᬯᬦ᭄ᬢᬄᬢᬶᬢ᭄ᬬᬂᬲᬦᬾᬓᬭᬶ᭞ᬪᬹᬧᬢᬶᬭᬶᬂᬮᬾᬱᬦ᭄ᬧᬸᬭᬶ᭞ᬤᬸᬃᬬᬱᬢᬶᬢ᭄ᬬᬂᬧᬸᬓᬸᬮᬸᬦ᭄᭞ᬰ᭄ᬭᬷᬥᬃᬫ᭄ᬫᬶᬓᬧᬦ᭄ᬮᬄᬢᬶᬢ᭄ᬬᬂ᭞ᬢᬶᬗ᭄ᬕᬮ᭄ᬭᬩᬶᬲᬵᬫ᭄ᬧᬸᬦ᭄ᬮᬫᬶ᭞ᬮᬶᬦ᭄ᬢᬂᬳᬬᬸ᭞ᬲᬶᬭᬤᬾᬯᬶᬉᬤ᭄ᬬᬢ᭄ᬫᬶᬓ᭟᭔᭖᭟ᬯᬸᬲ᭄
ᬮᬗ᭄ᬓᬸᬂᬭᬶᬂᬓᬮᬶᬄᬯᬃᬱ᭞ᬓᬾᬲᬄᬢᬶᬢ᭄ᬬᬂᬲᬓᬶᬂᬧᬸᬭᬶ᭞ᬩ᭄ᬯᬢ᭄ᬫᬗ᭄ᬢᬸᬢ᭄ᬲᬶᬭᬲᬂᬤ᭄ᬬᬄ᭞ᬯᬸᬲ᭄ᬳᬦᬳᭀᬃᬣᬓᬧᬗ᭄ᬕᬶᬄ᭞ᬓᬧᬦ᭄ᬤᬸᬂᬳᬶᬤᬲᬂᬤᬾᬯᬶ᭞ᬲᬵᬫ᭄ᬧᬸᬦ᭄ᬫᬭᬶᬂᬫᬃᬕ᭄ᬕᬮᬗᬸ᭞ᬲᬂᬰ᭄ᬭᬷᬤᬹᬃᬕ᭄ᬕᬵᬲ᭄ᬫᬮᬦᬵᬫ᭞ᬳᬶᬗ᭄ᬕᬶᬄᬓᬃᬬ᭄ᬬᬦ᭄ᬢᬶᬢ᭄ᬬᬂᬫᬗ᭄ᬓᬶ

[᭑᭑᭘ 118A]
᭑᭑᭘
ᬦ᭄᭞ᬤ᭄ᬬᬲ᭄ᬢᬸᬮᬫ᭄ᬧᬸᬲ᭄᭞ᬮᬫᬸᬦ᭄ᬲᬸᬢᬶᬦ᭄ᬤᬶᬄᬭᬶᬂᬲᬂᬤ᭄ᬬᬄ᭟᭔᭗᭟ᬮᬫᬸᬦ᭄ᬭᬢᬸᬤᬸᬭᬸᬲ᭄ᬳᬶᬘ᭄ᬙ᭞ᬢᬸᬮᬸᬂᬢᬶᬢ᭄ᬬᬂᬦᬦᬾᬫᬗ᭄ᬓᬶᬦ᭄᭞ᬭᬶᬂᬤᬶᬚᬚᬕᬢ᭄ᬧᬸᬦᬶᬓ᭞ᬫᬗ᭄ᬤᬢᬶᬢ᭄ᬬᬂᬕ᭄ᬮᬶᬲ᭄ᬫᬗ᭄ᬕᬶᬳᬶᬦ᭄᭞ᬳᬫ᭄ᬮᬤ᭄ᬧ᭄ᬭᬡᬫᬶᬦ᭄ᬢᬓᬲᬶᬄ᭞ᬲᬂᬦᬭᬾᬦ᭄ᬤ᭄ᬭᬓ
ᬯ᭄ᬮᬲ᭄ᬳ᭄ᬬᬸᬦ᭄᭞ᬤᬸᬄᬤᬾᬯᬰ᭄ᬭᬷᬥᬃᬫ᭄ᬫᬶᬓ᭞ᬕᭂᬂᬳᬫ᭄ᬧᬸᬭᬦᬦᬾᬫᬗ᭄ᬓᬶᬦ᭄᭞ᬩᭀᬬᬓᬵᬢᬹᬃ᭞ᬮ᭄ᬯᬶᬃᬦᬶᬂᬧᬗ᭄ᬤᬶᬄᬳᬶᬤᬾᬯ᭟᭔᭘᭟ᬬᬦ᭄ᬳᬶᬤᬾᬯᬯᬦ᭄ᬢᬄᬮᬾᬤᬂ᭞ᬗᬶᬭᬶᬂᬓᬾᬚ᭄ᬦᭂᬓ᭄ᬳᬶᬭᬶᬓᬶ᭞ᬓᬲᬸᬂᬲᬸᬂᬭᬶᬂᬩᬮᬫᬦ᭄ᬢ᭄ᬭ᭄ᬬ᭞ᬯᬢᭂᬓ᭄ᬯᬶᬓᬸᬫᬜᬯᬸᬭᬶᬦ᭄
ᬩᬮ᭄ᬬᬦ᭄ᬥᬮᬂᬲᭂᬗ᭄ᬕᬸᬫᬮᬶᬄ᭞ᬫᬓᬩᬾᬳᬦ᭄ᬲᬫᬶᬢ᭄ᬥᬸᬦ᭄᭞ᬮᬸᬧᬸᬢ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬩᬶᬗᬸᬂᬢᬶᬢ᭄ᬬᬂᬫᬗᬯᬶᬦᬶᬦ᭄᭞ᬳᬶᬗ᭄ᬕᬶᬄᬭᬢᬸᬲᬶᬦᬵᬫ᭄ᬧᬹᬭᬳᬢᬹᬃᬢᬶᬢ᭄ᬬᬂ᭟᭔᭙᭟ᬮᬾᬤᬂᬤᬾᬯᬲᬸᬂᬲᬸᬂᬢᬶᬢ᭄ᬬᬂ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬭᬶᬦ᭄᭞
ᬩᭀᬬᬗ᭄ᬯᬂᬧᬘᬂᬲᬸᬫᬗ᭄ᬕ᭞ᬧ᭄ᬭᬪᬸᬲᬶᬮᬶᬯᬗᬶᬜᬯᬶᬲ᭄᭞ᬢᬸᬮᬸᬲᬂᬇᬘ᭄ᬙᬦ᭄ᬳᬶᬘ᭄ᬦᬶᬂ᭞ᬳᬬ᭄ᬯᬲᬶᬭᬦᬦᬓ᭄ᬳᬶᬚᬸ᭞ᬧᬘᬂᬫᬦᬶᬗ᭄ᬕᬮᬶᬦ᭄ᬩᬧ᭞ᬢᬸᬢᬸᬭᬾᬫᬮᬶᬄᬍᬍᬤᬶᬦ᭄᭞ᬲᬦᬾᬢᬸᬳᬸ᭞ᬤᬕᬶᬂᬢᬸᬢᬸᬭᬾᬘᬶᬳ᭄ᬦᬬᬂ᭟᭕᭐᭟ᬯᬾ [ 119 ][᭑᭑᭘ 118B]
᭑᭑᭘
ᬦ᭄ᬢᭂᬦ᭄‌‌ᬯᬗ᭄ᬰᬶᬢ᭄ᬓᬫᬶᬫᬶᬢᬦ᭄᭞ᬲᬵᬕᬭᬦᬾᬢᬦ᭄ᬧᬢᭂᬧᬶ᭞ᬢᬫ᭄ᬧᬓᬶᬂᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭞ᬳᭂᬦ᭄ᬤᬶᬳ᭄ᬦᬂᬳᭂᬦ᭄ᬤᬶᬳ᭄ᬦᬶᬂ᭞ᬫᬶᬯᬄᬳᬸᬦᬶᬦᬶᬂᬯ᭄ᬯᬂᬧᬢᬶ᭞ᬲ᭄ᬯᬭᬦ᭄ᬭᭀᬦ᭄ᬢᬃᬧᭀᬮᭀᬲ᭄ᬳᬶᬓᬸ᭞ᬬᬦ᭄ᬳᬶᬤᬾᬯᬵᬲᬸᬂᬦᬸᬕ᭄ᬭᬳ᭞ᬩᬧᬜᬥ᭄ᬬᬲᬋᬂᬲᬫᬶ᭞
ᬤᬤᭀᬲ᭄ᬘᬭᬸ᭞ᬢ᭄ᬓᬦᬶᬂᬲᬫᬭᬮᬕ᭟᭐᭚ᬧᬸᬄᬲ᭄ᬫᬭᬦ᭄ᬥᬦ᭚᭑᭟ᬲᬺᬗ᭄ᬕᬭᬳᬭᬹᬫ᭄ᬜᬯᬸᬭᬶᬦ᭄᭞ᬲᬂᬧ᭄ᬭᬪᬸᬮᬾᬱᬦ᭄ᬧᬸᬭ᭞ᬲᬶᬗ᭄ᬕᬶᬄᬧ᭄ᬭᬪᬸᬮᬶᬦ᭄ᬢᬂᬓᬣᭀᬂ᭞ᬫᬸᬕᬳᬫᬗ᭄ᬕᬶᬄᬓᬲᬥ᭄ᬬᬦ᭄᭞ᬓᬧᬗ᭄ᬕᬸᬄᬦᬭᬾᬦ᭄ᬤ᭄ᬭᬧᬸᬢ᭄ᬭ᭄ᬬ᭞ᬚᬬ
ᬢᬶᬢ᭄ᬬᬂᬫᬕᬕ᭄ᬩᬸᬕ᭄᭞ᬤᬸᬫᭀᬕᬶᬫᬦ᭄ᬭᬸᬯᬾᬬᬂᬧᬸᬭ᭟᭒᭟ᬳᬶᬭᬶᬓᬢᬶᬢ᭄ᬬᬂᬫᬗᬶᬭᬶᬂ᭞ᬲᬮ᭄ᬯᬶᬃᬦᬶᬂᬧᬶᬓᬃᬱᬦ᭄ᬩᬧ᭞ᬗ᭄ᬕᬶᬄᬫᬗ᭄ᬓᬾᬤᬸᬭᬸᬂᬫᬱᬦᬾ᭞ᬓᬦ᭄ᬢᬸᬦ᭄ᬢᬶᬢ᭄ᬬᬂᬫᬦ᭄ᬤᬪᬕ᭄ᬬ᭞ᬧ᭄ᬭᬪᬸᬲᬶᬮᬶᬯᬗᬶᬦᬗ᭄ᬕᬮ᭄᭞ᬫᬃᬕ᭄ᬕᬶᬲᬶᬭᬦᬦᬓ᭄ᬩᬕᬸᬲ᭄᭞
ᬫᭀᬖᬵᬦᭂᬫᬸᬤᬶᬕ᭄ᬚᬬ᭟᭓‌᭟ᬬᬾᬦᬵᬦᬓ᭄ᬧᬓᬾᬬᬸᬳᬶᬂᬚᬸᬭᬶᬢ᭄᭞ᬳᬕᬾᬲᬶᬭᬫᬧᬸᬢᬸᬲᬦ᭄᭞ᬬᬾᬓᬶᬳᬚᬓ᭄ᬧᬧᬢᬶᬳᬾ᭞ᬓᬂᬗᬭᬦ᭄ᬧᬢᬶᬄᬲᬸᬥᬃᬫ᭄ᬫ᭞ᬩᬧᬳᬲᬸᬂᬭᬶᬂᬳᬶᬤᬾᬯ᭞ᬫᬗᬶᬭᬶᬂᬲᬢᬶᬩᬮᬓᬸ᭞ᬳᬋ

[᭑᭑᭙ 119A]
᭑᭑᭙
ᬧᬂᬓᬩᬬᬵᬦ᭄ᬢᬓ᭟᭔᭟ᬫᬗ᭄ᬮᭀᬃᬧᬭᬦᬾᬘ᭄ᬦᬶᬂ᭞ᬭᬶᬓᬸᬳᬦᬦᬪᬾᬦ᭄ᬩᬧ᭞ᬳᬶᬭᬶᬓᬤᬾᬯᬳᬢᬓᭀᬦ᭄᭞ᬤᬸᬓᬸᬄᬢᬸᬫᬮᬸᬂᬧᬸᬦ᭄ᬦᬵᬫ᭞ᬤᬾᬦᬶᬂᬤᬳᬢᬶᬂᬓᬺᬢ᭄ᬢᬵᬃᬣ᭞ᬚᬮᬭᬦ᭄ᬫᬗ᭄ᬤᬫᬗ᭄ᬕᬸᬄ᭞ᬫᬃᬕ᭄ᬕᬓᬮᬗᬸᬦᬵᬕᬭ᭟᭕᭟ᬭᬵᬤᬾᬦ᭄ᬫ
ᬫᬶᬂᬲᬶᬗ᭄ᬕᬶᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬧᬫᬃᬕ᭄ᬕᬶᬦᬾᬲᬤᬳᬕᬾ᭞ᬳᬶᬧᬢᬶᬄᬦᬸᬮᬶᬗᬶᬭᬶᬗᬂ᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬭᬶᬂᬦᬵᬕᬭ᭞ᬦ᭄ᬤᬢᬸᬘᬧᬦ᭄ᬲᬗᬓᬦ᭄ᬢᬸᬦ᭄᭞ᬭᬭᬶᬲ᭄‌‌ᬗ᭄ᬭᬜ᭄ᬚᬶᬂᬭᬶᬂᬓᬥᬢ᭄ᬯᬦ᭄᭟᭖᭟ᬮᬫ᭄ᬧᬄᬲᬶᬭᬲᬂᬓᬮᬶᬄ᭞ᬫᬗᬸᬗ᭄ᬲᬶᬫ
ᬭᬶᬂᬉᬢ᭄ᬢᬭ᭞ᬗᬸᬗ᭄ᬲᬶᬧᭀᬦ᭄ᬤᭀᬓ᭄‌‌ᬚ᭄ᬭᭀᬤᬸᬓᬸᬳᬾ᭞ᬢᬦᬸᬘᬧᬦ᭄ᬫᬭᬶᬂᬤᬮᬦ᭄᭞ᬗ᭄ᬕᬶᬄᬕ᭄ᬮᬶᬲᬶᬂᬘᬭᬶᬢᬓᭀᬘᬧ᭄᭞ᬓᬕᬾᬢ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᭀᬦ᭄ᬤᭀᬓ᭄‌‌ᬳᬶᬤᬸᬓᬸᬄᬳᬶᬓ᭟᭗᭟ᬧᬜ᭄ᬚ᭄ᬭᭀᬯᬦ᭄ᬳᬾᬜ᭄ᬘᭀᬮ᭄‌‌ᬜᬕ᭄ᬚ
ᬕᬶᬦ᭄᭞ᬓᬕ᭄ᬬᬢ᭄ᬲᬶᬭᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬓᬾᬮᬶᬗᬦ᭄ᬋᬓᬾᬦᬶᬚᬳᬾ᭞ᬕᬸᬲ᭄ᬢᬶᬦ᭄ᬳᬶᬩᬚᬦᬶᬤᬶᬚ᭞ᬦᬶᬚᬳᬾᬜ᭄ᬮᬾᬫ᭄ᬧᭀᬄᬜᬸᬫ᭄ᬩᬄ᭞ᬫᬗ᭄ᬮᬶᬂᬤᬦᬾᬲ᭄ᬕᬸᬲ᭄ᬕᬸ᭞ᬇᬦ᭄ᬤᬶᬓᬾᬢ᭄ᬮᬲ᭄‌‌ᬓᬳᬢᬹᬭᬂ᭟᭘᭟ᬤᬦᬾᬤᬸᬓᬸᬄᬭᬭᬶ [ 120 ][᭑᭑᭙ 119B]
᭑᭑᭙
ᬲ᭄ᬫᬶᬚᬶᬮ᭄᭞ᬗᬦ᭄ᬤᬶᬓᬳᬶᬘ᭄ᬙᬫᬜᬧ᭞ᬕᬸᬲ᭄ᬢᬶᬧᬢᬶᬄᬭᬯᬸᬄᬢᭂᬫ᭄ᬩᬾ᭞ᬧᬸᬦᬶᬓᬲᬶᬭᬓᬷᬭᬶᬗᬂ᭞ᬳᬶᬧᬢᬶᬄᬭᬭᬶᬲ᭄ᬦᬢ᭄ᬯᬬᬂ᭞ᬫᬗᬶᬭᬶᬗᬂᬲᬶᬭᬂᬧ᭄ᬭᬪᬸ᭞ᬪᬹᬧᬢᬶᬭᬶᬂᬮᬾᬱᬦ᭄ᬧᬸᬭ᭟᭙᭟ᬦᬸᬮ᭄ᬬᬳᬶᬤᬸᬓᬸᬄᬯᭀᬢ᭄ᬲᬵᬭᬶ᭞ᬳᬭᬹ
ᬫ᭄ᬳᬫᬦᬶᬲ᭄ᬫᬜᬧ᭞ᬲᬶᬗ᭄ᬕᬶᬄᬧ᭄ᬭᬪᬸᬮᬶᬦ᭄ᬢᬂᬓᬯᭀᬢ᭄᭞ᬤᬸᬭᬸᬲ᭄ᬭᬢᬸᬫᬮᬸᬗ᭄ᬕ᭄ᬯ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬮᬶᬗ᭄ᬕ᭞ᬢᬦ᭄ᬳᬤᭀᬄᬳᬶᬧᬢᬶᬄᬲᬵᬫ᭄ᬧᬸᬦ᭄᭞ᬢᬸᬃᬓᬵᬢᬹᬭᬦ᭄ᬲᬃᬯ᭄ᬯᬨᬮ᭟᭑᭐᭟ᬳᬶᬤᬸᬓᬸᬄᬫᬳᬢᬹᬃᬳᬭᬶᬲ᭄᭞ᬅᬫ᭄ᬧᬹᬭ
ᬤᬾᬯᬲᬂᬦᬵᬣ᭞ᬳᬢᬹᬭᬦ᭄ᬢᬶᬢ᭄ᬬᬗᬾᬓᬯᭀᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬮᬶᬦ᭄ᬢᬂᬦᬶᬱ᭄ᬝᬵ᭞ᬗ᭄ᬕᬶᬄᬪᬸᬓ᭄ᬢᬶᬓ᭄‌‌ᬢᬶᬢ᭄ᬬᬂᬲᬢᬢ᭞ᬫᬯᭂᬢᬸᬲᬓᬶᬂᬤᬥᬸᬓᬸᬄ᭞ᬲᬮᬫᬶᬦᬾᬦᭀᬭᬵᬦᬲᬶᬯᬄ᭟᭑᭑᭟ᬲᬂᬦᬵᬣᬓ᭄ᬜᬶᬂᬜᬯᬸᬭᬶᬦ᭄᭞ᬲᬵᬫ᭄ᬧᬸ
ᬦ᭄ᬫᬮᬶᬄᬫᬫᬜ᭄ᬚᬗᬂ᭞ᬢᬶᬢ᭄ᬬᬂᬢᬍᬃᬮᬶᬦ᭄ᬢᬂᬓᬯᭀᬦ᭄᭞ᬤᬹᬃᬬᬰᬮᬦ᭄ᬓᬚᬦ᭄ᬢᬓ᭞ᬧᭀᬮᬶᬄᬜ᭄ᬮᬂᬦᬵᬫᬓᬵᬕᬸᬗᬦ᭄᭞ᬚᬵᬢᬶᬦᬶᬧᬸᬦ᭄ᬯᬦ᭄ᬢᬄᬧᬢᬸᬄ᭞ᬢᬦᬵᬦᬲᭀᬃᬢᬦ᭄ᬤᬸᬳᬸᬭᬦ᭄᭟᭑᭒᭟ᬳᬶᬥᬸᬓᬸᬄᬳᬸᬫᬢᬸᬃᬳ

[᭑᭒᭐ 120A]
᭑᭒᭐
ᬭᬶᬲ᭄᭞ᬦᬧᬶᬭᬢᬸᬳᬸᬮᬢ᭄ᬕᬢ᭞ᬭᬯᬸᬄᬭᬢᬸᬓᬤᬶᬢᭂᬫ᭄ᬩᬾ᭞ᬧ᭄ᬭᬧ᭄ᬢᬫᬭᬶᬂᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬢᬢ᭄ᬯᬶᬬᬦ᭄ᬢᬶᬢ᭄ᬬᬗᬾᬭᬯᬸᬄ᭞ᬦᬸᬦᬲ᭄ᬢᬸᬮᬸᬂᬫᬭᬶᬂᬩᬧ‌᭟᭑᭓᭟ᬯᬸᬲ᭄ᬮᬫᬶᬓᬶᬘ᭄ᬙᬮᬦ᭄ᬧᬸᬢ᭄ᬭᬶ᭞ᬧᬶᬦᬶᬄᬯᬾ
ᬦ᭄ᬢᭂᬦ᭄ᬓᬮᬶᬄᬯᬃᬱ᭞ᬉᬤ᭄ᬬᬢ᭄ᬫᬶᬓᬓᬂᬦᬵᬫᬦᬾ᭞ᬧᬸᬦᬶᬓᬲᬥ᭄ᬬᬬᬂᬦᬶᬭ᭞ᬭᬶᬂᬤᬶᬚᬧᬵᬢᬹᬢ᭄ᬫᬃᬕᬦ᭄ᬜ᭞ᬗᬸᬗ᭄ᬲᬶᬚᬕᬢ᭄ᬫᬚᬮᬗᬸ᭞ᬲᬶᬭᬂᬤᬾᬯᬶᬯᬸᬲ᭄ᬳᬶᬭᬶᬓ᭟᭑᭔᭟ᬬᬾᬦᬶᬂᬩᬧᬢᬸᬮᬸᬲ᭄ᬳᬲᬶᬄ᭞ᬫᬭᬶᬂᬦᬶᬭᬓᭀᬮᬲ᭄ᬳᬃᬱ᭞ᬮᬓ᭄ᬱ
ᬡᬦᬾᬫᬧᬶᬓᭂᬦᭀᬄ᭞ᬧᬸᬦᬶᬓᬦᬾᬧᬳᬶᬘ᭄ᬙᬬᬂ᭞ᬤ᭄ᬯᬦᬶᬂᬳᭀᬃᬣᬶᬦᬾᬲᬵᬫ᭄ᬧᬸᬦ᭄‌‌ᬢᬾᬮ᭞ᬰᬢ᭄ᬭᬸᬰᬓ᭄ᬢᬶᬬᬓ᭄ᬱᬳᬕᬸᬂ᭞ᬮᬗ᭄ᬓᬸᬂᬯᬶᬪᬸᬄᬫᬭᬶᬂᬯᬤ᭄ᬯ᭟᭑᭕᭟ᬫᬾᬲᭂᬫ᭄ᬳᬶᬤᬸᬓᬸᬄᬫᬜᬯᬶᬲ᭄᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭ᭞ᬚᬕᬢ᭄ᬳᬶᬓ
ᬮᬶᬦ᭄ᬢᬂᬳᬤᭀᬄ᭞ᬢᬸᬳᬸᬓᬤᬶᬓᬂᬳᬶᬦᬸᬘᬧ᭄᭞ᬲ᭄ᬮᬫᬶᬦ᭄ᬢᬶᬢ᭄ᬬᬗᬾᬕᭂᬲᬂ᭞ᬚ᭄ᬦᭂᬓ᭄ᬭᬶᬂᬕᬸᬦᬸᬂᬲᬸᬫᬾᬭᬸ᭞ᬯᬦ᭄ᬢᬄᬳᭀᬃᬣᬧᬗ᭄ᬕᬶᬄᬢᬶᬢ᭄ᬬᬂ᭟᭑᭖᭟ᬮᬾᬤᬂᬭᬢᬸᬦᬦᬾᬫᬗ᭄ᬓᬶᬦ᭄᭞ᬇᬭᬶᬓᬶᬭᬢᬸᬫᬲᬗ᭄ᬕ᭄ᬭ᭞ᬳᬬ᭄ᬯᬲᬂᬧ᭄ᬭᬪᬸᬕᬕᬶ [ 121 ][᭑᭒᭐ 120B]
᭑᭒᭐
ᬲᭀᬦ᭄᭞ᬤᬩ᭄ᬤᬩᬂᬭᬢᬸᬤᬩ᭄ᬤᬩᬂ᭞ᬥᬃᬫ᭄ᬫᬢᬸᬮᬭᬢᬸᬫᬃᬕ᭄ᬬᬂ᭞ᬦᬬᬦᬾᬦᬦ᭄ᬤᬶᬗᬶᬦ᭄ᬫᬸᬲᬸᬄ᭞ᬚᬦᬵᬦᬸᬭᬕᬦᬾᬕ᭄ᬮᬭᬂ᭟᭑᭗᭟ᬦᭀᬭᬜᬦ᭄ᬤᬂᬢᬶᬢ᭄ᬬᬂᬫᬮᬶᬄ᭞ᬫᬗᬢᬹᬭᬂᬓᬉᬢ᭄ᬢᬫᬦ᭄᭞ᬧ᭄ᬭᬪᬸᬯᬸᬲ᭄ᬮᬶᬦ᭄ᬢᬂᬓᬯᭀᬢᬾ᭞ᬮᬶ
ᬫ᭄ᬧᬤ᭄ᬫᬭᬶᬂᬲᬂᬲᬸᬚᬦ᭞ᬧᬸᬭᬸᬦ᭄ᬢᬶᬢ᭄ᬬᬂᬫᬓᬾᬮᬶᬗᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬢᬸᬫ᭄ᬧᬂᬲᬸᬄ᭞ᬗᬫᬃᬕ᭄ᬬᬂᬥᬃᬫ᭄ᬫᬮᬓ᭄ᬱᬡ᭟᭑᭘᭟ᬪᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬕᬸᬲ᭄ᬢᬶ᭞ᬫᬧᬹᬡ᭄ᬬᬭᬶᬂᬚᭂᬂᬲᬂᬦᬵᬣ᭞ᬦᬶᬓᬶᬲᬜ᭄ᬚᬢᬘᬓ᭄ᬭᬦᬾ᭞ᬳᬗ᭄ᬕᬾᬦ᭄ᬫ
ᬧᬕ᭄‌‌ᬬᬓ᭄ᬱᬭᬚ᭞ᬫᬶᬯᬄᬅᬚᬶᬥᬦᬸᬃᬥᬭ᭞ᬫᬳᬭᬚᬫᬫᬶᬢᬸᬳᬸ᭞ᬚᬸᬫ᭄ᬦᭂᬂᬳᬶᬤᬳᬶᬭᬶᬓ᭟᭑᭙᭟ᬲᬫᬵᬦ᭄ᬢᬭᬓᬮᬶᬄᬰᬰᬶᬄ᭞ᬧᬸᬢᬸᬲ᭄ᬫᬭᬶᬂᬤᬦᬸᬃᬥᬭ᭞ᬳᬶᬥᬸᬓᬸᬄᬫᬳᬢᬹᬃᬳᬮᭀᬦ᭄᭞ᬮᬾᬤᬂᬭᬢᬸᬧᬓᬳ᭄ᬬᬸ
ᬦᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬤ᭄ᬯᬦᬶᬂᬲᬵᬫ᭄ᬧᬸᬦ᭄ᬯᬸᬲ᭄ᬧᬸᬢᬸᬲ᭄᭞ᬳᬶᬭᬧᬫᬶᬢ᭄ᬫᬭᬶᬂᬩᬧ᭟᭒᭐᭟ᬧᬂᬭᬳᬚᭂᬂᬩᬧᬓᬭᬶ᭞ᬧᬸᬦᬶᬓᬳᬚᬓ᭄ᬫᬦᬶᬭ᭞ᬧᬜ᭄ᬚ᭄ᬭᭀᬯᬦᬾᬦᬶᬮᬸᬄᬚᬳᬾ᭞ᬤᬾᬦᬶᬂᬢ᭄ᬯᬶᬓᬓᬲᬶᬄᬳᬶᬤ᭞

[᭑᭒᭑ 121A]
᭑᭒᭑
ᬭᬶᬂᬲᬂᬳᬬᬸᬉᬤ᭄ᬬᬢ᭄ᬫᬶᬓ᭞ᬦᬶᬚᬳᬾᬳᬮᭀᬦ᭄ᬳᬸᬫᬢᬹᬃ᭞ᬚ᭄ᬭᭀᬥᬸᬓᬸᬄᬢᬶᬢ᭄ᬬᬂᬫᬫᬶᬦ᭄ᬤᬄ᭟᭒᭑᭟ᬢᬶᬢ᭄ᬬᬂᬫᬗᬺᬋᬄᬲᬂᬤᬾᬯᬶ᭞ᬫᬗᬶᬭᬶᬂᬳᬶᬤᬲᬂᬦᬵᬣ᭞ᬳᬶᬤᬸᬓᬸᬄᬗᬦ᭄ᬤᬶᬓᬳᬮᭀᬦ᭄᭞ᬦᬄᬚᬮᬦ᭄ᬜᬳᬶᬳᬧᬂᬫ᭄ᬮᬄ᭞ᬳᬶᬭᬶᬂᬲᬶᬭ
ᬫᬳᬵᬭᬚ᭞ᬫᭀᬖᬫᬦ᭄ᬫᬸᬭᬳᬬᬸ᭞ᬫᬫᬗ᭄ᬕᬸᬄᬓᬥᬷᬃᬕᬬᬸᬱᬦ᭄᭟᭒᭒᭟ᬕᬸᬦᬸᬂᬫᬳᬾᬦ᭄ᬤ᭄ᬭᬦᬾᬳᬸᬗ᭄ᬲᬶ᭞ᬗᬶᬤᬸᬮ᭄‌‌ᬩ᭄ᬦᭂᬃᬓᬦᬂᬫᬃᬕ᭄ᬕ᭞ᬲᬓᬶᬂᬳᬶᬭᬶᬓᬶᬢᬶᬩᬦᬾ᭞ᬯᬾᬦ᭄ᬢᭂᬦ᭄ᬧᬺᬡᬄᬓᬓᬦ᭄ᬢᬶᬢ᭄ᬬᬂ᭞ᬳᬶᬭᬶᬓᬤᬦᬾᬫᬕ᭄ᬦᬄᬜ
ᬦ᭄ᬤᬂᬳᬗ᭄ᬕᬾᬦ᭄‌‌ᬓᬦ᭄ᬢᬶᬭᬢᬸ᭞ᬫᬓᬗᬭᬦ᭄ᬥᬸᬓᬸᬄᬩᬗ᭄ᬕ᭄ᬭᬲ᭄᭟᭒᭓᭟ᬯᬸᬲ᭄ᬧᬫᬶᬢ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬧᬲᬄᬲᬵᬋᬂᬢᬢᬶᬕ᭞ᬲᬤᬳᬮᭀᬦ᭄ᬮᬫ᭄ᬧᬳᬾ᭞ᬫᬦᬸᬯᬸᬢ᭄ᬕᬶᬭᬶᬭᬶᬂᬯᬦ᭞ᬲ᭄ᬬᬂᬭᬢ᭄ᬭᬶᬳᬶᬤᬮᬸᬫᬫ᭄ᬧᬄ᭞ᬢᬦᬸᬘᬧᬦ᭄ᬫᬭᬶᬂ
ᬳ᭄ᬦᬸ᭞ᬧ᭄ᬭᬧ᭄ᬢᬭᬶᬂᬧᬸᬓᬸᬳᬶᬂᬘᬮ᭟᭒᭔᭟ᬢ᭄ᬥᬸᬦᬶᬂᬮ᭄ᬯᬄᬧᬗ᭄ᬓᬸᬂᬢᬺᬩᬶᬲ᭄᭞ᬫᬾᬤᭂᬭᬦ᭄ᬳᬶᬤᬇᬭᬶᬓ᭞ᬫᬭᬶᬂᬕᬶᬭᬶᬫᬳᬾᬦ᭄ᬤ᭄ᬭᬦᬾ᭞ᬓᬾᬢ᭄ᬓᬾᬢ᭄ᬩᬦ᭄ᬤᬶᬮ᭄ᬧᬘᭂᬢ᭄ᬕᬮᬓ᭄᭞ᬤ᭄ᬯᬦᬶᬂᬋᬧᭂᬢᬾᬓᬮᬶᬦ᭄ᬢᬂ᭞ᬇᬓᬂᬲᬸᬓᬸᬢᬦ᭄‌‌ᬮ᭄ᬯᬶᬃᬲᬸᬓᬸ᭞ [ 122 ][᭑᭒᭑ 121B]
᭑᭒᭑
ᬭᬸᬤᬶᬭᬢᬦ᭄ᬧᬧ᭄ᬕᬢᬦ᭄᭟᭒᭕᭟ᬧᬓ᭄ᬱᬶᬦᬾᬳᬸᬫᬸᬂᬫᬫᬸᬜᬶ᭞ᬩᬕᭂᬃᬲᬸᬕᭂᬫ᭄ᬓᬮᬶᬤᬸᬗᬦ᭄᭞ᬲᬢᬯᬦᬦᬾᬜᬕᬾᬕᬾᬃ᭞ᬫᬲᬯᬂᬰᬩ᭄ᬤᬦᬾᬲᬂᬤ᭄ᬬᬄ᭞ᬗᬦ᭄ᬤᬶᬓᬦᬕᬶᬄᬧᬧᬕᬦ᭄᭞ᬳᬶᬭᬶᬓᬳᬶᬤᬗᬍᬲᬸ᭞ᬰ᭄ᬭᬸᬧᬢ
ᬦᬾᬢᬦ᭄ᬧᬸᬢᬸᬲᬦ᭄᭟᭒᭖᭟ᬲᬫᬶᬭᬡᬦᬾᬗᬲᬶᬃᬲᬶᬃ᭞ᬫᬲ᭄ᬲᭀᬓ᭄ᬳᬸᬦᬶᬦᬶᬂᬘ᭄ᬫᬭ᭞ᬳᬦᬭᬶᬂᬕᭂᬕᭂᬃᬧᬥᬲᭀᬬᭀᬃ᭞ᬮᬦ᭄ᬲ᭄ᬯᬭᬦᬶᬂᬳᬸᬮᬸᬄᬩᬸᬂᬩᬂ᭞ᬳᬸᬦᬶᬦᬾᬫᬺᬥᬸᬓᭀᬫᬮ᭞ᬮ᭄ᬯᬶᬃᬳᬗᬺᬋᬫᬶᬄᬲᬂᬳᬬᬸ᭞ᬗᬹᬦᬶᬓᬵᬮᬭᬶᬂᬧᬵ
ᬫᬺᬫᬦ᭄᭟᭒᭗᭟ᬫ᭄ᬯᬂᬳᬶᬫᬬᬹᬭᬫᬲᬦ᭄ᬤᬶᬂ᭞ᬭᬶᬂᬢᬭᬸᬮᬶᬕᬶᬃᬫᬢᬶᬗ᭄ᬕᬄ᭞ᬭᬶᬲᬸᬓᬦ᭄ᬜᬦᬾᬫᬗᬶᬮᭀ᭞ᬳᬸᬮᬸᬦᬾᬗ᭄ᬭᬾᬤᬾᬧ᭄ᬤᬸᬫᬶᬮᬄ᭞ᬓᬢᭂᬫ᭄ᬧᬸᬄᬲ᭄ᬦᬦᬶᬂᬲᬹᬃᬬ᭄ᬬ᭞ᬲᭀᬮᬄᬜᬦᬾᬗᬯᬾᬳᬶᬩᬸᬓ᭄᭞ᬫᬶᬤᬶᬲᬂᬤᬸᬓᬓᬲ᭄ᬫᬭᬦ᭄᭟
᭒᭘᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬲ᭄ᬤᬶᬄᬓᬶᬂᬓᬶᬂ᭞ᬲᬲᬫ᭄ᬩᬢᬾᬳᬫ᭄ᬮᬤ᭄ᬧ᭄ᬭᬡ᭞ᬳᬸᬄᬳᬸᬤᬸᬄᬧᬓ᭄ᬱᬶᬜᬮᬸᬮᭀᬂ᭞ᬳᬶᬭᬶᬩ᭄‌‌ᬧ᭄ᬤᬲ᭄‌‌ᬭᬶᬂᬲᬗ᭄ᬲᬭ᭞ᬜᬶᬧ᭄ᬢᬳᬶᬦ᭄ᬳᬦᬓ᭄ᬯᬶᬬᭀᬕ᭞ᬳᬶᬧᬢᬶᬄᬫᬵᬢᬹᬃᬧᬳᬸᬗᬸ᭞ᬲᬶᬗ᭄ᬕᬶᬄᬤᬾᬯᬧᬦᭂᬫ᭄ᬩᬳᬦ᭄

[᭑᭒᭒ 122A]
᭑᭒᭒
᭟᭒᭙᭟ᬤᬸᬭᬸᬲᬂᬭᬢᬸᬫᬢᬗᬶ᭞ᬗᬸᬤᬤᬢᬭᬢᬸᬧ᭄ᬬᬵᬃᬱ᭞ᬫᬃᬕ᭄ᬕᬶᬭᬢᬸᬳᬮᭀᬦ᭄ᬳᬮᭀᬦ᭄᭞ᬳᬶᬭᬶᬂᬢᬶᬢ᭄ᬬᬂᬫᬲᬸᬲᬸᬧᬦ᭄᭞ᬫᬳᬲᬶᬂᬓᬦᬦᬯᬰ᭞ᬫᬗ᭄ᬤᬾᬓᬾᬲᬶᬤ᭄ᬥᬓᬧᬗ᭄ᬕᬸᬄ᭞ᬭᬤᬾᬦ᭄ᬤᬾᬯᬶᬉᬤ᭄ᬬᬵᬢ᭄ᬫᬶᬓ᭟᭓᭐᭟ᬦᬵ
ᬳᬦ᭄ᬢᬗ᭄ᬕᬸᬄᬬᬳᬶᬧᬢᬶᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬫᬃᬕ᭄ᬕ᭞ᬮᬸᬫᬫ᭄ᬧᬄᬫᬜᬸᬲᬸᬧᬺᬓᬾ᭞ᬲᬂᬓᬮᬶᬄᬭᬭᬶᬲ᭄ᬗᬶᬭᬶᬗᬂ᭞ᬲᬢᬶᬩᬧᬭᬦᬶᬂᬮᬫ᭄ᬧᬄ᭞ᬭᬯᬸᬄᬭᬶᬂᬢᭂᬧᬶᬦᬶᬂᬓᬶᬥᬸᬮ᭄᭞ᬭᬶᬂᬳᬤᬄᬕᬶᬭᬶᬫᬳᬾᬦ᭄ᬤ᭄ᬭ᭟᭓᭑᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢ
ᬦᬦᬾᬫᬗ᭄ᬓᬶᬦ᭄᭞ᬭᬶᬂᬩᬩᬳᬶᬂᬧᬥᬸᬓᬸᬳᬦ᭄᭞ᬳᬲᬸᬦᬾᬜᬕ᭄ᬚᬕ᭄ᬫᬗᭀᬗ᭄ᬓᭀᬂ᭞ᬦᬶᬘ᭄ᬓᬸᬄᬳᬶᬫᬂᬫᬜᬕ᭄ᬚᬕ᭄᭞ᬦᬶᬚᬳᬾᬯᬸᬲ᭄ᬓᬳᬾᬮᬶᬗᬦ᭄᭞ᬩᬵᬦ᭄ᬳᬶᬲᭂᬗᬾᬲᬮᬶᬂᬕ᭄ᬮᬸᬢ᭄᭞ᬭᬶᬂᬧᬸᬗ᭄ᬓᬸᬃᬳᬶᬤᬲᬂᬦᬵᬣ᭟᭐᭚ᬧᬸᬧᬸᬄᬧᬗ᭄ᬓᬸᬃ
᭚᭑᭟ᬲᬓᬶᬂᬍᬕᬦᬾᬓᬮᬶᬦ᭄ᬢᬂ᭞ᬫᬧᬶᬢᬸᬢᬸᬃ᭞ᬢᬦ᭄ᬲᬄᬲᬮᬶᬂᬢᬗᬶᬲᬶᬦ᭄᭞ᬳᬾᬮᬶᬂᬲᬤᬸᬓᬾᬤᬸᬫᬸᬦ᭄᭞ᬲᬸᬓᬦᬾᬗᬶᬭᬶᬂᬲᬂᬤ᭄ᬬᬄ᭞ᬓ᭄ᬭᬯᬸᬳᬦ᭄‌‌ᬤᬹᬃᬕ᭄ᬕᬵᬫ᭄ᬮᬬᬸᬧᬢᬶᬓᭂᬧᬸᬕ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫ᭄ᬬᬃᬱ᭞ᬭᬭᬶᬲ᭄ᬳᬶᬤ [ 123 ][᭑᭒᭒ 122B]
᭑᭒᭒
ᬦᭀᬮᬶᬄᬓᬸᬭᬶ᭟᭒᭟ᬳᬄᬪᬕ᭄ᬬᬓᭀᬓᬧᬗ᭄ᬕᬸᬳ᭞ᬳᬸᬤᬸᬄᬘ᭄ᬓᬸᬄᬳᬧᬓ᭄ᬭᬡᬦᬾᬤᬶᬦᬶ᭞ᬕᬸᬲ᭄ᬢᬶᬦᬾᬤᬶᬚᬫᬮᬸᬗ᭄ᬕᬸᬄ᭞ᬦᬶᬘ᭄ᬓᬸᬄᬫᬵᬢᬹᬃᬲᭂᬫ᭄ᬩᬄ᭞ᬭᬚᬧᬸᬢ᭄ᬭᬶ᭞ᬓᬧᬦ᭄ᬤᬸᬂᬭᬶᬂᬬᬓ᭄ᬱᬵᬤᬸᬫᬸᬦ᭄᭞ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬓᬓᭂᬩᬸᬭᬂ᭞ᬭᬶᬂᬳᬫ᭄ᬩᬭᬳᭂ
ᬗ᭄ᬓᬶᬓ᭄ᬳᭂᬂᬓᬶᬓ᭄᭟᭓᭟ᬳᬚ᭄ᬭᬶᬄᬢᬶᬢ᭄ᬬᬂᬗᬾᬓᬮᬶᬦ᭄ᬢᬂ᭞ᬦᬸᬕᬶᬢᬶᬢ᭄ᬬᬂᬫ᭄ᬮᬬᬸᬲᬮᬶᬂᬮᬗ᭄ᬓᬸᬗᬶᬦ᭄᭞ᬢᬦᬶᬳᬮᬲ᭄ᬚᬸᬭᬂᬧᬗ᭄ᬓᬸᬂ᭞ᬲᬦᬾᬮᬶᬦ᭄ᬢᬗᬶᬦ᭄ᬢᬶᬢ᭄ᬬᬂ᭞ᬓᬾᬯᬮᬢᬗᬶᬲ᭄ᬭᬚᬧᬸᬢ᭄ᬭᬶᬦᬾᬤᬸᬫᬸᬦ᭄᭞ᬧᬶᬭᬕᬶᬦ᭄ᬢᬶᬢ᭄ᬬᬂᬭᬶᬂᬳᬫ᭄ᬩᬭ᭞ᬢᬸᬫᬶ
ᬩᬢᬶᬢ᭄ᬬᬂᬳᬶᬭᬶᬓᬶ᭟᭔᭟ᬧᬮᬲ᭄ᬭᬢᬸᬫᬃᬕ᭄ᬕᬦ᭄ᬢᬶᬢ᭄ᬬᬂ᭞ᬫᬭᬶᬂᬯ᭄ᬯᬂᬚ᭄ᬭᭀᬦ᭄ᬘᭀᬓᭀᬃᬳᬶᬤᬾᬯᬲᬫᬶ᭞ᬤᬦᬾᬥᬸᬓᬸᬄᬭᬭᬶᬲ᭄ᬦᬸᬤᬸᬓ᭄᭞ᬳᭀᬮᬲ᭄ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬓᬗᬭᬦ᭄᭞ᬥᬸᬓᬸᬄᬩᬗ᭄ᬕ᭄ᬭᬲ᭄‌‌ᬦᬾᬓᬯᬸᬯᬸᬲ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ
᭞ᬯ᭄ᬓᬲᬂᬫᬦᬶᬭᬧ᭄ᬭᬧ᭄ᬢᬶ᭟᭕᭟ᬦᬶᬘ᭄ᬓᬸᬄᬳᬾᬜ᭄ᬘᭀᬮ᭄ᬗᬢᬹᬭᬂ᭞ᬭᬶᬂᬳᬶᬥᬸᬓᬸᬄ᭞ᬬᬾᬦ᭄ᬲᬂᬦᬵᬃᬧᬢᬶᬧ᭄ᬭᬧ᭄ᬢᬶ᭞ᬕ᭄ᬮᬶᬲ᭄ᬫᭂᬤᬮ᭄‌‌ᬚ᭄ᬭᭀᬥᬸᬓᬸᬄ᭞ᬭᬸᬫ᭄ᬫᬫᬦᬶᬲ᭄ᬳᬜᬧ᭞ᬲᬶᬗ᭄ᬕᬶᬄᬧ᭄ᬭᬪᬸ᭞ᬓᬤᬶᬢᭂᬫ᭄ᬩᬾᬭᬢᬸᬭᬯᬸᬄ᭞ᬲᬸᬫᬧ᭄ᬭᬶᬂᬧᬥᬸᬓᬸᬳᬦ᭄᭞ᬗᬶᬭᬶᬂ

[᭑᭒᭓ 123A]
᭑᭒᭓
ᬓᬾᬭᬢᬸᬫᬮᬶᬗ᭄ᬕᬶᬄ᭟᭖᭟ᬅᬓ᭄ᬱᬫᬓᬯᬸᬮᬦᬶᬱ᭄ᬝᬵ᭞ᬳᬦᬫ᭄ᬧᬶᬯᬮᬾᬦ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬓᬾᬫᬜ᭄ᬚᬗᬂᬯᬸᬯᬸᬲ᭄᭞ᬦᬶᬭᬮᬶᬦ᭄ᬢᬂᬲᬗ᭄ᬲᬭ᭞ᬯᬸᬲ᭄ᬫᬮᬸᬗ᭄ᬕᬸᬄ᭞ᬳᬕ᭄ᬬᬳᬶᬥᬸᬓᬸᬄᬫᬢᬫ᭄ᬬᬸ᭞ᬨᬮᬩᬸᬗ᭄ᬓᬄᬮᬦ᭄ᬓᭂᬮᬤᬶᬲᬩ᭄ᬭᬂ᭞ᬮ
ᬦ᭄ᬯᬾᬦᬶᬂᬓ᭄ᬮᬶᬦ᭄ᬢᬂᬰᬸᬘᬶ᭟᭗᭟ᬲᬵᬫ᭄ᬧᬸᬦ᭄ᬲᬫᬶᬓᬳᬢᬹᬭᬂ᭞ᬲ᭄ᬯᬾᬘ᭄ᬙᬳᬶᬤ᭞ᬫᬦ᭄ᬭᬶᬫᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬫ᭄ᬯᬄᬳᬢᬓ᭄ᬯᬦ᭄ᬤᬦᬾᬥᬸᬓᬸᬄ᭞ᬭᬶᬂᬲᬗ᭄ᬓᬦᬾᬥᬢᭂᬗ᭞ᬓᬢᬢ᭄ᬯᬬᬂᬫᬭᬶᬂᬳᬶᬤᬲᬗᬩᬕᬸᬲ᭄᭞ᬦᭀᬭᬯᬦᬾᬄᬮ᭄ᬯᬶᬃᬦᬶᬂ
ᬳᬃᬱ᭞ᬓᬲᭀᬩ᭄ᬳᬶᬥᬸᬓᬸᬄᬫᬫ᭄ᬬᬵᬃᬱᬶ᭟᭘᭟ᬧᬶᬮᬶᬄᬮᬾᬤᬂᬓᬾᬳᬶᬤᬾᬯ᭞ᬳᬶᬭᬶᬂᬢᬶᬢ᭄ᬬᬂᬚ᭄ᬯᬳᬶᬭᬶᬓᬶ᭞ᬓᬮᬶᬦ᭄ᬢᬂᬳᬗᭂᬦ᭄ᬢᬶᬢ᭄ᬬᬂᬭᬶᬂᬲᬂᬧ᭄ᬭᬪᬹ᭞ᬬᬾᬦ᭄‌‌ᬰᬢ᭄ᬭᬸᬦᬾᬲᬂᬦᬵᬣ᭞ᬮᬶᬦ᭄ᬢᬂᬰᬓ᭄ᬢᬶ᭞ᬫᬾᬯᭂᬄᬭᬢᬸᬧᬘᬂᬗ᭄ᬮᬸᬭᬸᬕ᭄᭞ᬤ᭄ᬯᬦᬶᬂᬲᬂᬧ᭄ᬭ
ᬪᬹᬲᬶᬦᬸᬗ᭄ᬕᬮ᭄᭞ᬥᬦᬸᬚᬦᬾᬓᭀᬝᬶᬓᭀᬝᬶ᭟᭙᭟ᬮᬾᬤᬂᬳᬶᬤᬫᬳᬵᬭᬚ᭞ᬲᬫᬵᬦ᭄ᬢᬭᬫᬓᬲ᭄ᬯᬾᬦᬾᬫᬗᬚᬶ᭞ᬅᬚᬶᬧᬧᬦᬳᬦ᭄ᬲᬵᬫ᭄ᬧᬸᬦ᭄᭞ᬮᬦ᭄ᬳᬚᬶᬧᬦᬯᬸᬢᬦ᭄᭞ᬗᬸᬬᬸᬧ᭄ᬩᬸᬬᬸ᭞ᬭᬶᬓᬵᬮᬦᬶᬂ [ 124 ][᭑᭒᭓ 123B]
᭑᭒᭓
ᬧ᭄ᬭᬂᬳᬚᬸᬮᬸᬓ᭄᭞ᬲᬫᬶᬲᬵᬫ᭄ᬧᬸᬦ᭄ᬯᬸᬲ᭄‌‌ᬓ᭄ᬭᬕᬬᬂ᭞ᬦᬭᬶᬂᬲᬶᬭᬰ᭄ᬭᬷᬪᬹᬧᬢᬶ᭟᭑᭐᭟ᬲᬫ᭄ᬬᬦ᭄ᬢᬫᬢᬶᬂᬧᬗᬚ᭄ᬬᬦ᭄᭞ᬭᬶᬂᬳᬶᬥᬸᬓᬸᬄ᭞ᬮᬯᬲᬾᬓᬮᬶᬄᬰᬰᬶᬄ᭞ᬤᬦᬾᬥᬸᬓᬸᬄᬦᬸᬮ᭄ᬬᬫᬵᬢᬹᬃ᭞ᬧᬸᬓᬸᬮᬸᬦ᭄ᬫᬳᬵᬭᬚ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬫᬭᬶᬂᬚᭂᬂᬧ᭄ᬭ
ᬪᬸ᭞ᬫᬗᬢᬹᬳᬶᬲᬹᬢ᭄ᬢᬫ᭞ᬗᬭᬦ᭄ᬳᬶᬲᬸᬘᬦ᭄ᬤ᭄ᬭᬕ᭄ᬦᬶ᭟᭑᭑᭟ᬲᬂᬧ᭄ᬭᬪᬹᬭᬭᬶᬲ᭄ᬫᬦ᭄ᬭᬶᬫ᭞ᬯᬸᬲ᭄ᬓᬯᬱ᭞ᬧᬲᬸᬂᬳᬶᬥᬸᬓᬸᬄ᭠ᬲᬫᬶ᭞ᬮᬸᬗ᭄ᬳᬵᬓᬂᬤᬾᬯᬱᬲᬵᬫ᭄ᬧᬸᬦ᭄᭞ᬢᬶᬫᬶᬭᬦᬾᬫᬦᬗ᭄ᬕᬮ᭄᭞ᬫᬯᭀᬲ᭄ᬤᬶᬢᬸ᭞ᬳᬶᬥᬸᬓᬸᬄᬗᬶᬭᬶᬂᬲᬂᬧ᭄ᬭᬪᬸ᭞ᬓᬵ᭠
ᬜ᭄ᬘᬦ᭄ᬦᬬᬦᬶᬂᬧᬬᬸᬥᬦ᭄᭞ᬲᬂᬳᬦᭀᬫ᭄‌ᬗᬦ᭄ᬤᬶᬓᬫᬮᬶᬄ᭟᭑᭒᭟ᬧᬫᬃᬕ᭄ᬕᬶᬦᬾᬲᬸᬓᬤᬸᬓ᭞ᬦᬶᬓᬯᬦ᭄ᬢᬄᬢᬢ᭄ᬯᬬᬂᬲᬦᬾᬫᬗ᭄ᬓᬶᬦ᭄᭞ᬲᬨᬮᬓᬾᬫᬫᬦ᭄ᬳᬲᬸᬂ᭞ᬭᬶᬢᬶᬢ᭄ᬬᬂᬳᬶᬓᬢᬸᬦᬦ᭄᭞ᬤᬦᬾᬥᬸᬓᬸᬄ᭞ᬳᬭᬹᬫ᭄ᬫᬫᬦᬶᬲ᭄ᬫᬳ
ᬢᬹᬃ᭞ᬳᬕᭃᬂᬭᬢᬸᬲᬶᬦᬵᬫ᭄ᬧᬹᬭ᭞ᬫᬧ᭄ᬬᬸᬗᬸᬭᬶᬂᬚᭂᬂᬦᬵᬃᬧᬢᬶ᭟᭑᭓᭟ᬲᬵᬫ᭄ᬧᬸᬦ᭄ᬭᬢᬸᬲᬸᬗ᭄ᬓᬦ᭄ᬫᬦᬄ᭞ᬗ᭄ᬓᭂᬮᬾᬘᬢᬸᬃᬫᬹᬮᬲᬳᬶᬧᬗ᭄ᬕᬶᬄ᭞ᬯᬷᬚᬶᬯᬷᬚᬶᬢ᭄ᬕᭂᬲ᭄ᬳᬶᬧᬸᬦ᭄᭞ᬧᬺᬣᬫᬗᬭᬦ᭄‌ᬩ᭄ᬭᬦ᭄ᬢ᭞ᬮᬦ᭄ᬓᬧᬶᬂᬭ᭄ᬯ᭞ᬗᬭᬦ᭄ᬲᭀᬧᬦ

[᭑᭒᭔ 124A]
᭑᭒᭔
ᬧᬸᬦᬶᬓᬸ᭞ᬓᬧᬶᬂᬢᬶᬕᬗᬭᬦ᭄ᬳᬯᬵᬲ᭄᭞ᬗᬭᬦ᭄‌‌ᬚᬢᬶᬧᬶᬂᬧᬢ᭄‌‌‌‌ᬚᬢᬶᬗ᭄ᬭᬜ᭄ᬚᬶᬂᬧᬶᬂᬧᬢ᭄‌‌ᬬᬾᬓᬶ᭟᭑᭔᭟ᬢᬶᬗ᭄ᬳᬍᬦ᭄ᬧᬦᬸᬗ᭄ᬕᬮ᭄ᬳᬶᬓ᭞ᬧᬲᭂᬫᭀᬦᬾᬲᬦᬾᬘᬢᬸᬃᬧᬸᬦᬶᬓᬶ᭞ᬳᬶᬓᬂᬩ᭄ᬭᬦ᭄ᬢᬫᬸᬓ᭄ᬬᬦ᭄ᬳᬶᬧᬸᬦ᭄᭞ᬢ᭄ᬕᭂᬲᬾᬦᭂᬫᬸᬮᬭ᭞ᬮᬦ᭄ᬲᭀᬧᬦᬢ᭄ᬕᭂᬲᬾᬮᬫ᭄ᬧᬳᬶᬂᬮ
ᬓᬸ᭞ᬳᬯᬵᬲ᭄‌‌ᬢ᭄ᬕᭂᬲᬾᬓᬢᬶᬗ᭄ᬳᬮᬦ᭄᭞ᬚᬵᬢᬶᬢ᭄ᬕᭂᬲᬾᬗᭂᬘᬧᬶᬦ᭄᭟᭑᭕᭟ᬩ᭄ᬭᬦ᭄ᬢᬳᬸᬫᬶᬸᬦᬶᬸᬧᬫᬶᬦᬶᬂᬘᬃᬫ᭄ᬫᬵ᭞ᬲᭀᬧᬦᬵᬳᬶᬗ᭄ᬕᬶᬄᬤᬕᬶᬂᬳᬸᬧᬫᬶ᭞ᬳᬯᬵᬲ᭄ᬳᬸᬧᬫᬶᬭᬶᬂᬩᬮᬸᬂ᭞ᬚᬵᬢᬶᬲᬸᬫ᭄ᬲᬸᬫ᭄ᬳᬸᬧᬫ᭞ᬲᬦᬾᬗᬧᬸᬢ᭄᭞ᬯᬦ᭄ᬢᬄᬓᬸᬮᬶ
ᬢ᭄ᬲᬶᬦᬄᬳᬶᬧᬸᬦ᭄᭞ᬭᬶᬂᬚ᭄ᬭᭀᬲᬫᬶᬳᬶᬦᬗ᭄ᬓᭂᬩᬦ᭄᭞ᬬᬦᭀᬭᬮᬸᬓᬭᬶᬂᬓᬸᬮᬶᬢ᭄᭟᭑᭖᭟ᬲᬮᬫᬶᬦᬾᬢᬦ᭄ᬓᬢᬶᬗ᭄ᬳᬮᬦ᭄᭞ᬤ᭄ᬯᬦᬶᬂᬲᬵᬫ᭄ᬧᬸᬦ᭄ᬓᬫ᭄ᬯᬢ᭄‌‌ᬭᬶᬂᬳᬶᬓᬸᬮᬶᬢ᭄᭞ᬧᬸᬦᬶᬓᬯᬯᬤᬄᬳᬶᬧᬸᬦ᭄᭞ᬗᬧᬸᬢ᭄ᬤᬕᬶᬂᬉᬢ᭄ᬢᬫ᭞ᬗᬸᬢᬫᬬᬂ᭞
ᬩᬮᬸᬂᬫᬸᬓ᭄ᬬᬦᬶᬂᬧᬓᬸᬓᬸᬄ᭞ᬫᬫᬕᭂᬳᬂᬲ᭄ᬭᬚᬓᬃᬬ᭄ᬬ᭞ᬲᬸᬫ᭄ᬲᬸᬫᬾᬫᬺᬢ᭄ᬢᬰᬸᬘᬶ᭟᭑᭗᭟ᬧᬦᬸᬗ᭄ᬕᬶᬮᬶᬂᬘ᭠ᬢᬸᬃᬇᬓ᭞ᬦᬤᬶᬓᬸᬓᬸᬲ᭄᭞ᬮᬦ᭄ᬳᬗᭂᬦ᭄ᬤᬤᬶᬳᬗᬶᬦ᭄᭞ᬤᬤᬶᬧᬗᬸᬘᬧ᭄ᬫᬯᭂᬢᬸ᭞ᬳᬮᬳᬬᬸᬦᬶᬂᬳᬸᬚᬃ᭞ᬤᬤᭀᬲ᭄ᬫᬸ [ 125 ][᭑᭒᭔ 124B]
᭑᭒᭔
ᬲᬸᬄ᭞ᬫᬶᬯᬄᬓᬦ᭄ᬢᬶᬯᬦ᭄ᬢᬄᬇᬓᬸ᭞ᬳᬶᬘᬃᬫ᭄ᬫᬲᬫᬶᬦᬳᬦᬂ᭞ᬦᬦ᭄ᬤᬓᬶᬦ᭄ᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟᭑᭘᭟ᬲᭀᬧᬦᬓᬸᬦᬂᬮᬮᬫ᭄ᬧᬄ᭞ᬗᭂᬦᬶᬭᬓᭂᬦ᭄᭞ᬋᬕᭂᬤᬾᬓᬦᬂᬫᬃᬕ᭄ᬕᬶ᭞ᬗᬺᬲ᭄ᬬᬓᬶᬦ᭄ᬢᬶᬢᬄᬭᬳᬬᬸ᭞ᬮᬦ᭄ᬲᬦᬾᬫ᭄ᬯᬱ᭄ᬝᬳᬯᬵᬲ᭄᭞
ᬫᬫᬸᬗ᭄ᬕᭂᬮᬶᬦ᭄᭞ᬫᬮᬦᬾᬢᬗ᭄ᬓᬶᬲ᭄ᬧᬂᬭᬫ᭄ᬧᬸᬂ᭞ᬫᬮᬶᬫᬯᬱ᭄ᬝᬚᬵᬢᬶᬳᬶᬓ᭞ᬢᬦ᭄ᬲᬫᬃᬦ᭄ᬥᬸᬮᬸᬭᬶᬂᬅᬓ᭄ᬱᬶ᭟᭑᭙᭟ᬢ᭄ᬓᬦᬶᬂᬩ᭄ᬭᬦ᭄ᬢᬲᭀᬧᬦ᭞ᬢᬦ᭄ᬧᬵᬢᬹᬢ᭄‌‌ᬲᬩᬭᬂᬢᬶᬗ᭄ᬓᬳᬶᬂᬫᬃᬕ᭄ᬕᬶ᭞ᬤᬸᬃᬮᬪᬕᬯᬾᬦᬶᬂᬮᬓᬸ᭞ᬳᬯᬲ᭄ᬚᬢᬶᬳᬶᬓᬦ᭞
ᬦᭀᬭᬓ᭄ᬦ᭞ᬓᬢᬫ᭄ᬧᬶᬧᬫᭀᬭᬶᬂᬤᬸᬦᬸᬂ᭞ᬪᬸᬱᬡᬢᬸᬗ᭄ᬕᬮᬶᬂᬢᬶᬗ᭄ᬓᬄ᭞ᬓᬂᬘᬢᬸᬃᬢᬦ᭄ᬓᭂᬦᬕᬫ᭄ᬧᬶᬮ᭄᭟᭒᭐᭟ᬮ᭄ᬯᬶᬃᬫᬺᬢ᭄ᬢᬳᬶᬍᬳᬶᬦ᭄ᬯᬶᬱ᭄ᬬ᭞ᬲᬢᬢᬯᬶᬱ᭄ᬬᬦᬾᬓᬧᬗ᭄ᬕᬶᬄᬭᬶᬬᬶᬦ᭄᭞ᬲᬸᬘᬶᬦᬾᬘᬭᬸᬩᬶᬦ᭄ᬮᭂᬢᬸᬄ᭞ᬤᬤᭀᬲ᭄ᬮᭂᬢᭂᬳᬾᬲᬢᬢ᭞ᬧ᭄ᬢᭂᬂᬧᬶ
ᬢᬸ᭞ᬗ᭄ᬮᬶᬧᬸᬢ᭄ᬤᬤᬶᬧ᭄ᬢᭂᬂᬳᬕᬸᬂ᭞ᬳᬓ᭄ᬯᬾᬄᬰᬢ᭄ᬭᬸᬧᬦ᭄ᬥᬸᬂᬕᬮᬓ᭄᭞ᬫᬮᬦᬶᬂᬳᬗ᭄ᬕᬗᬯᬶᬦᬶᬦ᭄᭟᭒᭑᭟ᬮ᭄ᬯᬶᬃᬦᬶᬂᬩᬘᬶ᭠ᬦ᭄‌‌ᬬᬦᬸᬧᬫ᭞ᬓᬜ᭄ᬘᬦ᭄ᬳᬲᬸ᭞ᬲᬸᬓᬬᬗᬫᬭᬦᬶᬦ᭄᭞ᬤ᭄ᬯᬦᬶᬂᬧᬹᬃᬡ᭄ᬦᬫᬭᬶᬂᬍᬢᬸᬄ᭞ᬤᬹᬄᬤᬾᬯᬫᬳᬵᬭᬚ᭞ᬧᬶ

[᭑᭒᭕ 125A]
᭑᭒᭕
ᬦᭂᬄᬭᬢᬸ᭞ᬫᬮᬦᬾᬤᬳᬢ᭄ᬫᬗ᭄ᬮᬶᬧᬸᬢ᭄᭞ᬫᬭᬶᬂᬳᬗ᭄ᬕᬲᬂᬦᬵᬣ᭞ᬓᬭᬡᬓᬳᬶᬘᬮᬦ᭄ᬭᬩᬶ᭟᭒᭒᭟ᬧᬶᬓ᭄ᬦᬦ᭄‌‌ᬩ᭄ᬭᬦ᭄ᬢᬲᭀᬧᬦ᭞ᬳᬫ᭄ᬩᬮᬦᬶᬂᬫᬫᬗ᭄ᬕᬸᬄᬓᬤᬶᬫᬗ᭄ᬓᬶᬦ᭄᭞ᬳᬯᬲ᭄ᬚᬢᬶᬦᭀᬭᬓᬦ᭄ᬢᬸᬦ᭄᭞ᬓᬲᭀᬭᬂᬭᬚᬄᬢᬫᬄ
ᬮ᭄ᬯᬶᬃᬧᬧᬶᬓᬢ᭄᭞ᬮ᭄ᬯᬶᬃᬳᬗ᭄ᬕᬦᬾᬲᬂᬧ᭄ᬭᬪᬹ᭞ᬓ᭄ᬭᬡᬫᬸᬲᬸᬄᬧ᭄ᬭᬧ᭄ᬢᬕᬮᬓ᭄᭞ᬓᬤᬶᬳᬲᬸᬗᭂᬤᬸᬲ᭄ᬩᬘᬶᬦ᭄᭟᭒᭓᭟ᬬᬾᬦ᭄ᬲᬂᬦᬵᬣᬯᬸᬲ᭄ᬓᬯᬱ᭞ᬧᬦᬸᬗ᭄ᬕᬮᬦ᭄ᬳᬶᬓᬸᬳᬯᬲ᭄‌‌ᬫᬶᬯᬄᬚᬵᬢᬶ᭞ᬮ᭄ᬯᬶᬃᬦᬶᬂᬧᬸᬱ᭄ᬧᬫᬵᬫ᭄ᬩᬸᬳᬭᬹᬫ᭄᭞ᬢ
ᬦ᭄ᬫᬭᬶᬳᬶᬩ᭄ᬭᬫᬭ᭞ᬲᬫᬶᬭᬯᬸᬄ᭞ᬫᬗᬸᬘᬸᬧᬂᬧᬸᬱ᭄ᬧᬳᬭᬹᬫ᭄᭞ᬫᬫ᭄ᬯᬢᬂᬳᬶᬫᬥᬸᬧ᭄ᬮᬯ᭞ᬓᬜ᭄ᬘᬦᬶᬂᬲᬸᬓᬭᬶᬂᬲᬭᬶ᭟᭒᭔᭟ᬢᬦᬵᬦᬫᬾᬯᭂᬳᬶᬂᬧᬸᬱ᭄ᬧ᭞ᬦ᭄ᬤᬵᬢᬦ᭄ᬳᭀᬩᬄ᭞ᬢᬦᭀᬲᬶᬓ᭄ᬲᬵᬭᬶᬲᬵᬭᬶ᭞ᬲᬫᬗ᭄ᬓᬲᬶᬭᬂᬧ᭄ᬭᬪᬸ᭞ᬲᬸᬓᬯᬶᬃ᭠
ᬬ᭄ᬬᬭᬶᬂᬭᬚ᭄ᬬ᭞ᬳᬤᭀᬄᬭᬢᬸ᭞ᬳᬲᬸᬦᬾᬕᬮᬓ᭄ᬫᬗ᭄ᬭᬸᬤᬸᬕ᭄᭞ᬭᬯᬸᬄᬳᬶᬧᬸᬦ᭄‌‌ᬗ᭄ᬭᬩᬲ᭄ᬧᬸᬱ᭄ᬧᬵ᭞ᬲᬧᬸᬦᬶᬓᬬᬾᬦᬸᬧᬫᬶ᭟᭒᭕᭟ᬲᬶᬗ᭄ᬕᬶᬄᬩᬬᬶᬸᬯᬄᬬᬦ᭄ᬳᬶᬦᬸᬘᬧ᭄᭞ᬤᬦᬾᬥᬸᬓᬸᬄᬫᬓᬾᬮᬶᬂᬰ᭄ᬭᬶᬦᬵᬃᬧᬢᬶ᭞ᬯ᭄ᬗᬶᬦᬾᬫ [ 126 ][᭑᭒᭕ 125B]
᭑᭒᭕
ᬢᬶᬗ᭄ᬕᬮ᭄ᬲᬵᬫ᭄ᬧᬸᬦ᭄᭞ᬏᬜ᭄ᬚᬶᬗᬾᬓᬯᬸᬯᬸᬲᬦ᭄᭞ᬲᬶᬦᬂᬕᬮᬂ᭞ᬥᬶᬓ᭄ᬤᬰᬤᬾᬰᬲᬵᬫ᭄ᬧᬸᬦ᭄᭞ᬯᬸᬲ᭄ᬫᬶᬚᬶᬮ᭄ᬲᬳ᭄ᬬᬂᬪᬵᬱ᭄ᬓᬭ᭞ᬲᬂᬦᬵᬣᬭᬭᬶᬲ᭄ᬫᬜᬯᬶᬲ᭄᭟᭒᭖᭟ᬲᬶᬗ᭄ᬕᬶᬄᬬᭀᬕ᭄ᬬᬳᬸᬚᬃᬫᬫᬦ᭄᭞ᬓᬤᬳᬢᬦ᭄‌‌ᬳᬶᬯᬂᬢᬶᬢ᭄ᬬᬗᬾᬦᬦ᭄ᬤᬗᬶ
ᬦ᭄᭞ᬯᬳᬸᬢᬶᬢ᭄ᬬᬂᬮ᭄ᬯᬶᬃᬫᬳᬸᬗᬸ᭞ᬳᬗ᭄ᬕᬦᬶᬂᬢᬭᬸᬮᬝ᭞ᬢᭂᬧᬾᬦ᭄ᬚᬯᬸᬄ᭞ᬯᬳᬸᬓ᭄ᬧᬶᬢ᭄ᬤᬯᬸᬦ᭄ᬳᬶᬧᬸᬦ᭄᭞ᬢᬦ᭄ᬫᬭᬶᬚᬕᬫᬧᬸᬱ᭄ᬧ᭞ᬫᬜᬭᬢᬂᬯᭀᬳᬾᬯᬺᬥᬶ᭟᭒᭗᭟ᬢᬶᬢ᭄ᬬᬂᬫᬸᬗ᭄ᬕᭂᬮᬶᬦ᭄ᬧᬶᬢᬺᬱ᭄ᬡᬵ᭞ᬤ᭄ᬯᬦᬶᬂᬓᬩᬯᭀᬲ᭄‌‌ᬦᭀᬭᬳᬦᬫᬮᬶᬄ
᭞ᬧᬶᬲᬸᬓᬦ᭄ᬩᬧᬓᬲᬸᬯᬸᬦ᭄᭞ᬦᬶᬘ᭄ᬓᬸᬄᬢᬸᬦᬲ᭄ᬢᬶᬢ᭄ᬬᬂ᭞ᬲᬓᬶᬂᬲᬵᬫ᭄ᬧᬸᬦ᭄᭞ᬓᬓᬲᬶᬄᬳᬶᬤᬲᬂᬳᬬᬸ᭞ᬦᬶᬘ᭄ᬓᬸᬄᬫᬵᬢᬹᬃᬫᬦᭂᬫ᭄ᬩᬄ᭞ᬚ᭄ᬭᭀᬥᬸᬓᬸᬄᬢᬶᬢ᭄ᬬᬂᬫᬧᬫᬶᬢ᭄᭟᭒᭘᭟ᬩᭀᬬᬢᬶᬢ᭄ᬬᬂᬧᬘᬂᬮᬸᬧ᭞ᬭᬶᬂᬧᬲ᭄ᬯᬾᬘ᭄ᬙᬦ᭄‌‌ᬚ᭄ᬭᭀᬥᬸᬓᬸᬄᬲ᭠
ᬓᬤᬶᬗᬸᬦᬶ᭞ᬲᬂᬘᬢᬸᬃᬫᬧᬫᬶᬢ᭄ᬲᬵᬫ᭄ᬧᬸᬦ᭄᭞ᬳᬶᬤᬸᬓᬸᬄᬗᬲ᭄ᬢᬸᬗ᭄ᬓᬭ᭞ᬫᬸᬕᬶᬫᬸᬕᬶ᭞ᬚᬬᬲᬶᬭᬤᬸᬄᬲᬂᬧ᭄ᬭᬪᬸ᭞ᬫᬫᬗ᭄ᬕᬸᬄᬓᬥᬶᬃᬖᬬᬸᬱᬦ᭄᭞ᬢ᭄ᬓᬦᬶᬂᬲᬫᬶᬧᬗᬶᬭᬶᬂ᭟᭒᭙᭟ᬧᭀᬫᬧᭀᬫᬳᬬ᭄ᬯᬮᬸᬧ᭞ᬫᬭᬶᬂᬧᬦᬸᬗ᭄ᬕᬮᬦᬾ

[᭑᭒᭖ 126A]
᭑᭒᭖
ᬓᬓᬮᬶᬄ᭞ᬳᬭᬹᬫᬾᬫᬤᬲᬃᬩ᭄ᬗᬸ᭞ᬫᬹᬮᬢᬸᬗ᭄ᬕᬶᬮᬶᬂᬕ᭄ᬦᬄ᭞ᬦᭀᬭᬧᬲᬄ᭞ᬚ᭄ᬮᬾᬫ᭄ᬮᬳᬾᬲᬳᬶᬫᬧᬸᬧᬸᬮ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬢ᭄ᬮᬲ᭄‌‌ᬜᬸᬳᬸᬦᬂ᭞ᬫ᭄ᬩᬮᬾᬦᬶᬦ᭄ᬳᬶᬤᬫᬧᬫᬶᬢ᭄᭟᭓᭐᭟ᬭᬶᬂᬦᬾᬭᬶᬣᬶᬤᬾᬯᬦᬵᬣ᭞ᬓᬦᬂᬫᬃᬕ᭄ᬕ᭞ᬜᬦ᭄ᬤᬂᬇᬓᬵ
ᬳᬶᬦᬸᬗ᭄ᬲᬶ᭞ᬥᬸᬓᬸᬄᬲᬸᬥᬃᬫ᭄ᬫᬶᬓᬯᬸᬯᬸᬲ᭄᭞ᬧᬸᬱ᭄ᬧᬢᬦᬾᬓᬱ᭄ᬝᬯ᭞ᬲᬶᬗ᭄ᬕᬶᬄᬭᬢᬸ᭞ᬧ᭄ᬭᬡᬄᬓᬓᬢ᭄ᬯᬶᬦᬶᬓᬸ᭞ᬢᬫ᭄ᬧᭂᬓᬶᬂᬕᬸᬦᬸᬂᬅᬃᬚ᭄ᬚᬸᬦ᭞ᬧᬢᬧᬦᬾᬮᬶᬦ᭄ᬢᬂᬯᬺᬥᬶ᭟᭓᭑᭟ᬦᬵᬳᬦ᭄ᬲ᭄ᬯᬦᭂᬄᬳᬶᬥᬸᬓᬸᬄᬩᬗ᭄ᬕ᭄ᬭᬲ᭄᭞ᬲᬂᬘᬢᬸᬃᬫᬫᬶᬢᬸ᭠
ᬳᬸᬢ᭄ᬮᬲ᭄ᬫᬗᬶᬭᬶᬂ᭞ᬦᬸᬮᬶᬧᬫᬶᬢ᭄‌‌ᬢ᭄ᬭᬸᬲ᭄ᬮᬸᬫᬓᬸ᭞ᬫᬜᬸᬲᬸᬧ᭄ᬫᬭᬶᬂᬓᬦᬦ᭞ᬲᬶᬭᬧ᭄ᬭᬪᬸ᭞ᬓᬳᬶᬭᬶᬂᬲᬂᬢᬶᬕᬳᬶᬓᬸ᭞ᬚᬳᬾᬘ᭄ᬓᬸᬄᬦᭀᬭᬧᬲᬄ᭞ᬫ᭄ᬯᬂᬤᬦᬾᬧᬢᬶᬄᬲᬸᬥᬃᬫ᭄ᬫᬶ᭟᭓᭒᭟ᬯᬸᬲ᭄ᬭᬯᬸᬄᬭᬶᬂᬯᬦᬯᬰ᭞ᬢᬶᬲ᭄ᬢᬶᬲ᭄ᬫᬵᬡ᭄ᬥᬲ᭄ᬦᬦᬾᬲᬂᬳ᭄ᬬᬂᬭ
ᬯᬶ᭞ᬦᬸᬮ᭄ᬬᬫᬓᬸᬍᬫ᭄ᬳᬶᬭᬶᬓᬸ᭞ᬭᬶᬢ᭄ᬮᭂᬗᬶᬂᬯᬦᬯᬰ᭞ᬲᬋᬂᬘᬢᬸᬃ᭞ᬫᬓᬲᬸᬃᬩᬵᬦ᭄‌‌ᬕᭀᬤᭀᬂᬓᬬᬸ᭞᭠ᬲᬂᬧ᭄ᬭᬪᬸᬮᬶᬮᬶᬃᬫᬦᬶᬤ᭄ᬭ᭞ᬮ᭄ᬯᬶᬃᬪᬶᬓ᭄ᬱᬸᬜᬫ᭄ᬩᬂᬲᬫᬵᬥᬶ᭟᭓᭓᭟ᬤᬲ᭄ᬭᬳᬶᬦᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬫᬶᬕᬢᬶᬦᬾᬫ [ 127 ][᭑᭒᭖ 126B]
᭑᭒᭖
ᬦᭂᬫ᭄ᬧᬸᬄᬫᬗᬲᬶᬃᬲᬶᬃ᭞ᬓᬳᭂᬢᬸᬩ᭄ᬭᬶᬂᬕᭂᬕᭂᬭᬶᬂᬕᬸᬦᬸᬂ᭞ᬦᬗᬶᬦᬶᬦ᭄ᬬᬦ᭄ᬲᬯᬗᬂ᭞ᬭᬶᬲᬂᬢᬸᬭᬸ᭞ᬓᬮᬶᬤᬸᬗᬦ᭄‌‌ᬘ᭄ᬮᭂᬗᬓ᭄‌‌ᬘ᭄ᬮᭂᬗᬸᬓ᭄᭞ᬳᬶᬦᬗᭀᬕᬄᬲᬂᬳᬦᬶᬤ᭄ᬭ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟᭓᭔᭟ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬏᬄᬢᬧᬢᬶᬄ
ᬫᬾᬄᬭᬳᬶᬦᬫᬦᬫ᭄ᬧᬶ᭞ᬩᬵᬦ᭄ᬲ᭄ᬯᬭᬦ᭄ᬧᬓ᭄ᬱᬶᬦᬾᬳᬸᬫᬸᬂ᭞ᬳᬶᬦᬩ᭄ᬬᬫᬦᬸᬤᬸᬳᬂ᭞ᬚᬳᬾᬘ᭄ᬓᬸᬄᬮᬦ᭄ᬳᬶᬧᬢᬶᬄᬲᬫᬶᬩᬗᬸᬦ᭄᭞ᬲᬶᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄᭞ᬗᬶᬭᬶᬂᬓᬾᬭᬢᬸᬫᬫᬃᬕ᭄ᬕᬶ᭟᭓᭕᭟ᬲᬂᬘᬢᬸᬃᬭᬭᬶᬲ᭄ᬫᬫᬃᬕ᭄ᬕ᭞ᬲᬤᬳᬭᬶ᭠
ᬲ᭄᭞ᬮᬫ᭄ᬧᬳᬾᬮᬦ᭄ᬧᬗᬶᬭᬶᬂ᭞ᬲᬕᬾᬢ᭄ᬚᬗ᭄ᬕᬮᬓᬘᬸᬦ᭄ᬤᬸᬓ᭄᭞ᬯ᭄ᬬᬃᬜᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬤᬂᬓᬱ᭄ᬡᬵ᭞ᬢ᭄ᬭᬡᬦᬾᬲᬯᬯᬤᬶᬢᬸ᭞ᬲᬃᬯ᭄ᬯᬗ᭄ᬭᬯᬶᬢ᭄ᬓᬢᬶᬗ᭄ᬳᬮᬦ᭄᭞ᬧᬤᬂᬍᬧᬲᬾᬗ᭄ᬮᬶᬮᬶᬢ᭄‌‌᭟᭓᭖᭟ᬮ᭄ᬯᬶᬃᬢᬗᬶᬦᬶᬦ᭄ᬓᬦᬂᬤᬸᬄᬓᬶᬢ᭞
ᬲᬂᬧ᭄ᬭᬪᬸᬰ᭄ᬭᬸᬧᬢᬦᬾᬤᬺᬲ᭄ᬫᬶᬚᬶᬮ᭄᭞ᬳᬶᬓᬶᬤᬂᬩᬶᬦᬮ᭄ᬓᬤᬸᬮᬸ᭞ᬮᬓᬶᬩᬶᬫᬧᬮ᭄ᬬᬢ᭄‌‌ᬩᬮᬸᬢ᭄ᬳᬸᬦᬶᬦᬾᬚᬗᬶᬄᬜᬍᬕᬸᬓ᭄᭞ᬧᭀᬮᬄᬦᬸᬦ᭄ᬥᬸᬦᬶᬦ᭄ᬲᬂᬧᬲᬄ᭞ᬜᬮᬾᬫ᭄ᬧᭀᬄᬭᬭᬶᬲ᭄ᬫᬦᬗᬶᬲ᭄᭟᭓᭗᭟ᬫᬶᬚᬶ᭠

[᭑᭒᭗ 127A]
᭑᭒᭗
ᬮ᭄ᬯᬘᬦᬲᬶᬕ᭄ᬲᬶᬕᬦ᭄᭞ᬳᬸᬤᬸᬄᬲᬢᭀ᭞ᬫᬧᬶᬭᬶᬂᬗᬓᬸᬓᬲᬶᬳᬲᬶᬄ᭞ᬳᬶᬦᬩ᭄ᬓᭀᬢᬢᬲ᭄ᬭᬶᬂᬳᬓᬸ᭞ᬦᬦ᭄ᬤᬂᬯᬶᬬᭀᬕᬲᬗ᭄ᬲᬭ᭞ᬭᬭᬶᬲ᭄ᬕᬶᬲᬸ᭞ᬳᬶᬧᬢᬶᬄᬫᬵᬢᬹᬃᬧᬯᬸᬗᬸ᭞ᬳᬧᬲᬶᬭᬓᬤᬶᬫᬾᬤᬦ᭄᭞ᬳᬭᬶᬡᬳᬶᬓᬸᬢᬗᬶᬲᬶᬦ
ᬦ᭄᭟᭓᭘᭟ᬫᬱᬦᬶᬂᬰᬰᬶᬓᬲᬗ᭄ᬳᬵ᭞ᬩᬸᬭᭀᬦ᭄ᬳᬮᬲ᭄‌‌ᬯᬦ᭄ᬢᬄᬩᬶᬦᬮ᭄ᬧᬕᭂᬚᬶᬃ᭞ᬲᬧᬸᬦᬶᬓᬕᬫᬦ᭄ᬳᬶᬧᬸᬦ᭄᭞ᬗᬶᬭᬶᬂᬭᬢᬸᬕᬕ᭄ᬮᬶᬲᬦ᭄᭞ᬲᬗ᭄ᬳ᭄ᬬᬂᬭᬯᬶ᭞ᬲ᭄ᬤᭂᬂᬩᬚᭂᬕ᭄ᬮᬶᬦ᭄ᬢᬂᬓᭂᬩᬸᬲ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬫᬃᬕ᭄ᬕ᭞ᬲᬲᬫ᭄ᬩᬢᬾᬗᬲᬶᬄᬳᬵ
ᬲᬶᬄ᭟᭓᭙᭟ᬕᬸᬦᬸᬗᬾᬓᬸᬮᭀᬦ᭄ᬓᬢᬶᬗ᭄ᬳᬮ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬲᬤᬳᬭᬶᬲ᭄᭞ᬧᬫᬦ᭄ᬧᬢᬶᬄᬢᬶᬗᬮ᭄ᬳᬶᬓᬸ᭞ᬕᬸᬦᬸᬂᬦᬧᬶᬧᬸᬦᬶᬓ᭞ᬤᬳᬢ᭄ᬳᬰ᭄ᬭᬷ᭞ᬳᬶᬧᬢᬶᬄᬦᬸᬮ᭄ᬬᬫᬵᬢᬹᬃ᭞ᬫᬦᬯᬶᬕᬸᬦᬸᬂᬅᬃᬚ᭄ᬚᬸᬦ᭞ᬫᬗᬸᬗ᭄ᬓᬸᬮ᭄ᬪᬲ᭄ᬯᬭᬳᬰ᭄ᬭᬷ᭟᭔᭐᭟ᬲᬫᬶᬳᬸᬮ
ᬗᬸᬦ᭄ᬫᬜᬶᬗᬓ᭄᭞ᬲᬂᬧ᭄ᬭᬪᬸᬲᬃᬯ᭄ᬯᬶᬗᬦ᭄ᬤᬶᬓᬧᬕ᭄ᬮᬶᬲᬶᬦ᭄᭞ᬮᬫ᭄ᬧᬳᬾᬤᬳᬢ᭄ᬧᬳᬶᬚᬸ᭞ᬫᬮᬶᬮᬂᬘᬶᬢ᭄ᬢᬦᬶᬭ᭞ᬯᬳᬸᬗᬓ᭄ᬱᬶ᭞ᬕᬸᬦᬸᬗᬾᬢ᭄ᬕᭂᬄᬫᬗᬸᬗ᭄ᬕᬸᬮ᭄᭞ᬯᬳᬸᬲᬶᬦᬧ᭄ᬯᬦ᭄ᬳᬶᬓᬂᬤᬸᬄᬓ᭞ᬕᬸᬦᬸᬗᬾᬓᬤᬶᬗᬸᬮᬧᬶᬦ᭄᭟᭔᭑᭟ᬥᬢᭂᬂᬭᬶᬂᬳ [ 128 ][᭑᭒᭗ 127B]
᭑᭒᭗
ᬥᬳᬶᬂᬳᬘᬮ᭞ᬢᬫ᭄ᬧᬶᬓᬶᬥᬸᬮ᭄᭞ᬦᬸᬮ᭄ᬬᬢᬫᬦ᭄ᬓᬧᬗ᭄ᬕᬶᬄ᭞ᬉᬤ᭄ᬬᬦᬮᬶᬦ᭄ᬢᬂᬭᬳᬬᬸ᭞ᬧᬸᬱ᭄ᬧᬦᬾᬦᭂᬥᭂᬂᬓᭂᬫ᭄ᬩᬂ᭞ᬯᬃᬡᬯᬃᬡᬶ᭞ᬫᬢᬢᬫᬢᬸᬭᬸᬢ᭄ᬢᬸᬭᬸᬢ᭄᭞ᬫᬶᬦᬵᬓ᭄ᬯᬾᬄᬗᬸᬫ᭄ᬩᬂᬭᬶᬂᬢ᭄ᬮᬕ᭞ᬢᭀᬬᬦ᭄ᬧᬜ᭄ᬘᭀᬭᬦᬾᬰᬸᬘᬷ᭟᭔᭒᭟ᬫᬦ᭄ᬤᬬᭀᬦᬶᬯᬸ
ᬲ᭄ᬫᬦᬗ᭄ᬕᬮ᭄᭞ᬳᬶᬭᬶᬓᬫᬓᭀᬍᬫ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬳᬸᬫᬄᬢᬫᬦ᭄ᬭᬳᬬᬸ᭞ᬘᬶᬢ᭄ᬢᬦᬾᬫᬳᬭᬚ᭞ᬦᭀᬭᬵᬦᬮ᭄ᬬᬦ᭄‌‌ᬲᬦᬾᬗ᭄ᬯᬗᬸᬦ᭄ᬢᬫᬦ᭄ᬳᬶᬓᬸ᭞ᬓᬓᬗᬾᬳᬶᬥᬸᬓᬸᬄᬩᬗ᭄ᬕ᭄ᬭᬲ᭄᭞ᬳᬦᬵᬫᬥᬸᬓᬸᬄᬲᬸᬥᬃᬫ᭄ᬫᬶ᭟᭔᭓᭟ᬢᬦᬸᬘᬧᬦ᭄ᬭᬶᬂ
ᬯ᭄ᬗᬶᬦ᭄ᬬ᭞ᬏᬜ᭄ᬚᬶᬂᬏᬜ᭄ᬚᬶᬂᬋᬓᬾᬓᬯᬸᬯᬸᬲ᭄ᬫᬗ᭄ᬓᬶᬦ᭄᭞ᬤᬰᬤᬾᬰᬲᬶᬦᬂᬲᬵᬫ᭄ᬧᬸᬦ᭄᭞ᬲᬹᬃᬬ᭄ᬬᬦᬾᬦᬸᬗ᭄ᬕᬂᬳᬘᬮ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬯᬳᬸᬋᬓᬾᬳᬶᬤᬫᬸᬗᬸ᭞ᬫᬰᬸᬘᬶᬫᬭᬶᬂᬧᬜ᭄ᬘᭀᬭᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬧᬢᬶᬄ᭟᭔᭔᭟ᬓᭀᬘᬧ᭄ᬫᬗ᭄ᬓᬶ᭠
ᬦ᭄‌‌ᬦᬶᬮᬸᬄᬢᬩ᭄ᬬ᭞ᬲᬵᬫ᭄ᬧᬸᬦ᭄ᬮᬫᬶ᭞ᬗᬶᬭᬶᬂᬥᬸᬓᬸᬄᬲᬸᬥᬃᬫ᭄ᬫᬶ᭞ᬤᬦᬾᬧ᭄ᬘᬓ᭄ᬦᬸᬤᬸᬓ᭄ᬳᬶᬧᬸᬦ᭄᭞ᬲ᭄ᬫᭂᬂᬳᬾᬜ᭄ᬘᭀᬮ᭄ᬓᬧᬵᬜ᭄ᬘᭀᬭᬦ᭄᭞ᬜᬸᬳᬸᬦ᭄ᬯᬮᬸᬄ᭞ᬜᬥ᭄ᬬᬧᬘᬂᬗᬫ᭄ᬩᬶᬮ᭄‌‌ᬩᬜᬸ᭞ᬓᬘᬸᬦ᭄ᬤᬸᬓ᭄ᬳᬶᬤᬲᬂᬦᬵᬣ᭞ᬓᬕ᭄ᬬᬢ᭄‌‌ᬮ᭄ᬯᬶᬃᬍᬩᬸᬭᬶᬂ᭠

[᭑᭒᭘ 128A]
᭑᭒᭘
ᬕᭂᬦ᭄ᬥᬶᬲ᭄᭟᭐᭚ᬧᬸᬄᬥᬂᬥᬂᬕᭂᬡ᭄ᬥᬶᬲ᭄᭚᭑᭟ᬭᬭᬶᬲ᭄ᬗᬦ᭄ᬤᬶᬓᬲᬂᬲ᭄ᬭᬶᬦᬵᬃᬧᬢᬶ᭞ᬳᬾᬄᬢᬩ᭄ᬬ᭞ᬩᬕ᭄ᬬᬓᭀᬓᬘᬸᬡ᭄ᬥᬸᬓ᭞ᬤᬶᬚᬓᬾᬕᬸᬲ᭄ᬢᬶᬦ᭄ᬳᬶᬩᬦᬾ᭞ᬮᬸᬄᬢᬩ᭄ᬬᬦᭂᬫ᭄ᬩᬄᬫᬵᬢᬹᬃ᭞ᬬᬾᬦ᭄ᬳᬶᬤᬦᬭᬾᬦ᭄ᬤ᭄ᬭᬧᬸᬢ᭄ᬭᬶ᭞ᬓᬧᬦ᭄ᬤᬸᬂᬭᬶᬂᬥᬦᬸ
ᬚ᭞ᬓᬓ᭄ᬩᭂᬭᬂᬲᬵᬫ᭄ᬧᬸᬦ᭄᭞ᬳᬚ᭄ᬭᬶᬄᬢᬶᬢ᭄ᬬᬗᬾᬓᬮᬶᬦ᭄ᬢᬂ᭞ᬲᬋᬂᬢᬶᬕ᭞ᬚᬳᬾᬘ᭄ᬓᬸᬄᬫᬵᬢᬹᬃᬯ᭄ᬬᬓ᭄ᬢᬶ᭞ᬮ᭄ᬯᬶᬃᬦᬶᬂᬳᬢᬹᬃᬦᬶᬢᬩ᭄ᬬ᭟᭒᭟ᬳᬸᬫᬸᬂᬋᬓᬾᬢᬗᬶᬲᬾᬦᬾᬫᬗ᭄ᬓᬶᬦ᭄᭞ᬇᬭᬶᬓᬵᬫᬭᬶᬂᬢ᭄ᬮᭂᬗᬶᬂᬉᬤ᭄ᬬᬦ᭞ᬳᬾᬮᬶᬂᬭᬶᬂᬲᬸᬓᬤᬸᬓ
ᬦᬾ᭞ᬫ᭄ᬯᬂᬲᬗ᭄ᬲᬭᬦᬾᬤᬸᬫᬸᬦ᭄᭞ᬲᬕᬾᬢ᭄ᬦᬾᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬦᭀᬭᬲᬾᬲᬫᬶᬲᬸᬓ᭞ᬤᬤ᭄ᬬᬜᬫᬢᬸᬢᬸᬃᬯᬸᬲ᭄ᬲᬫᬶᬋᬓᬾᬫᬰᬸᬘ᭄ᬬᬦ᭄᭞ᬫᬗᬦ᭄ᬤᬶᬓ᭞ᬰ᭄ᬭᬷᬭᬳᬤ᭄ᬬᬦ᭄ᬥᬃᬫ᭄ᬫᬶᬓᬳᬚᬶ᭞ᬤᬸᬄᬢᬩ᭄ᬬᬦ᭄ᬤᬶᬫᬕ᭄ᬦᬄ᭟᭓᭟ᬦᬶᬮᬸᬄ᭠
ᬢᬩ᭄ᬬᬦᬸᬮ᭄ᬬᬫᬵᬢᬹᬃᬳᬭᬶᬲ᭄᭞ᬥᬸᬓᬸᬄᬲᬸᬥᬃᬫ᭄ᬫᬶᬳᭀᬮᬲ᭄ᬭᬶᬂᬢᬶᬢ᭄ᬬᬂ᭞ᬫᬦᬸᬤᬸᬓ᭄ᬫᬭᬶᬂᬳᬮᬲᬾ᭞ᬓ᭄ᬭᬡᬢᬶᬢ᭄ᬬᬂᬳᬶᬗ᭄ᬕᬶᬄᬓᬦ᭄ᬢᬸᬦ᭄᭞ᬫᬳᬸᬭᬶᬧ᭄ᬲᬓᬤᬶᬫᬗ᭄ᬓᬶᬦ᭄᭞ᬮᬾᬤᬂᬭᬢᬸᬲᬸᬫᬶᬫ᭄ᬧᬂ᭞ᬭᬶᬂᬧᭀᬦ᭄ᬤᭀᬓ᭄ᬳᬶᬥᬸᬓᬸᬄ᭞ᬲᬂᬧ᭄ᬭᬪᬸᬳ [ 129 ][᭑᭒᭘ 128B]
᭑᭒᭘
ᬮᭀᬦ᭄ᬯᬘᬦ᭞ᬭᬹᬫᬵᬫᬦᬶᬲ᭄᭞ᬳᬶᬩᬫᬚᬮᬦ᭄ᬭᬸᬫᬶᬳᬶᬦ᭄᭞ᬯ᭄ᬓᬲᬂᬦᬶᬭᬧ᭄ᬭᬧ᭄ᬢ᭟᭔᭟ᬦᬶᬮᬸᬄᬢᬩ᭄ᬬᬳᬶᬫᬂᬫᬭᬶᬂᬫᬃᬕ᭄ᬕᬶ᭞ᬓᬵᬢᬹᬢ᭄ᬩᬸᬭᬶᬭᬶᬂᬲᬂᬦᬵᬣ᭞ᬮᬫ᭄ᬧᬳᬾᬦᭀᬭᬦᬲ᭄ᬯᬾ᭞ᬯᬸᬲ᭄ᬲᬫ᭄ᬧᬸᬦ᭄ᬦᬸᬭ᭄ᬯᬂᬩᬜᬸ᭞ᬕᬕᬶᬲᬸᬦ᭄ᬗᬢᬹᬭᬂᬳᬭᬶᬲ᭄
᭞ᬳᬢᬸᬃᬜᬦᬾᬦᬶᬮᬸᬄᬢᬩ᭄ᬬ᭞ᬭᬶᬂᬤᬦᬾᬚ᭄ᬭᭀᬥᬸᬓᬸᬄ᭞ᬧ᭄ᬭᬪᬸᬮᬾᬱᬦ᭄ᬧᬸᬭᬧ᭄ᬭᬧ᭄ᬢᬵ᭞ᬫᬓᬦᬵᬫᬶᬳᬶᬤᬭᬵᬤᬾ᭠ᬦ᭄‌‌ᬥᬃᬫ᭄ᬫᬶᬓᬵᬚᬶ᭞ᬓᬧᬗ᭄ᬕᬸᬄᬦᬭᬶᬂᬢᬫᬦ᭄᭟᭕᭟ᬚ᭄ᬭᭀᬥᬸᬓᬸᬄᬢᬸᬫᬸᬮᬶᬤᬦᬾᬫᬶᬚᬶᬮ᭄᭞ᬦᬸᬮ᭄ᬬᬓᬘᬸᬡ᭄ᬥᬸᬓ᭄‌‌ᬲᬂᬧ᭄ᬭᬪ᭄ᬯᬶᬂ
ᬦᬢᬃ᭞ᬳᬶᬥᬸᬓᬸᬄᬤᬩ᭄ᬤᬩ᭄ᬳᬢᬹᬭᬾ᭞ᬳᬲᬬᬸᬢ᭄ᬭᬶᬂᬲᬂᬧ᭄ᬭᬪᬹ᭞ᬅᬓ᭄ᬱᬫᬓᬯᬸᬮᬫᬶᬲ᭄ᬓᬶᬦ᭄᭞ᬲᬂᬦᬵᬣᬕ᭄ᬮᬶᬲ᭄ᬫᬦᬶᬫ᭄ᬩᬮ᭄᭞ᬳᬬ᭄ᬯᬧᬜ᭄ᬚᬂᬯᬸᬯᬸᬲ᭄᭞ᬫᬦᬶᬭᬤᬳᬢ᭄ᬓᬮᬶᬦ᭄ᬢᬂ᭞ᬭᬶᬂᬤᬸᬄᬓᬶᬢ᭞ᬳᬶᬦᬩ᭄ᬩᬧᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬲᬤᬸᬭᬸᬂᬦᬶᬭᬧ᭄ᬭᬧ᭄ᬢᬵ᭟᭖᭟ᬤ
ᬦᬾᬤᬸᬓᬸᬄᬫᬾᬲᭂᬫ᭄ᬳᬜᬯᬸᬭᬶᬦ᭄᭞ᬲᬶᬗ᭄ᬕᬶᬄᬧ᭄ᬭᬪᬹ᭞ᬮ᭄ᬯᬶᬃᬳᬶᬗᬦ᭄ᬤᬶᬓ᭞ᬧᬜ᭄ᬚ᭄ᬭᭀᬯᬦᬾᬦᬸᬮ᭄ᬬᬳᬕᬾ᭞ᬨᬮᬩᬸᬗ᭄ᬓᬄᬯᬸᬲ᭄ᬓᬵᬢᬹᬃ᭞ᬫᬓᬫᬶᬯᬄᬯᬾᬦᬶᬂᬰᬸᬘᬶ᭞ᬲᬂᬦᬵᬣᬕ᭄ᬮᬶᬲ᭄ᬫᬦ᭄ᬭᬶᬫ᭞ᬮᬦ᭄ᬳᬶᬧᬢᬶᬄᬲᬵᬫ᭄ᬧᬸᬦ᭄᭞ᬦᬫ᭄ᬧᬶᬲᭀᬭᬾᬓ

[᭑᭒᭙ 129A]
᭑᭒᭙
ᬯᬸᬯᬸᬲᬦ᭄᭞ᬓᬂᬓᭀᬘᬧ᭄‌‌ᬯ᭄ᬗᬶᬦᬾᬫᬗ᭄ᬓᬶᬦ᭄ᬦᬫ᭄ᬧᬶᬄ᭞ᬳᬸᬮᬸᬂᬢᬩᭂᬄᬧᬸᬦᬶᬓ᭟᭗᭟ᬲᬂᬦᬵᬣᬗᬦ᭄ᬤᬶᬓᬵᬫᬶᬦ᭄ᬢᬓᬵᬲᬶᬄ᭞ᬳᬸᬤᬸᬄᬩᬧᬤᬸᬓᬸᬄᬢᬸᬮᬸᬂᬚ᭄ᬯᬢᬶᬢ᭄ᬬᬂ᭞ᬫᬗ᭄ᬤᬲᬶᬥᬚᬸᬕᬫᬗ᭄ᬓᬾ᭞ᬫᬗ᭄ᬤᬶᬕ᭄‌‌ᬫᬃᬕ᭄ᬕᬮᬗᬸ᭞ᬬᬦ᭄ᬩᬧᬢᬸᬮᬸᬂᬳᬲᬶᬄ᭞
ᬭᬶᬂᬢᬶᬢ᭄ᬬᬂᬓᬯ᭄ᬮᬲᬵᬃᬱ᭞ᬤᬳᬢᬶᬂᬧᬓᬾᬯᬸᬄ᭞ᬳᬶᬥᬸᬓᬸᬄᬭᬭᬶᬲ᭄ᬳᬗᬸᬘᬧ᭄᭞ᬲᬳᬵᬓ᭄ᬜᬶᬂ᭞ᬅᬓ᭄ᬱᬫᬧᬢᬶᬓ᭄ᬦ᭄ᬭᬧᬢᬶ᭞ᬫᬵᬢᬹᬃᬭᬶᬂᬚᭂᬂᬲᬂᬦᬵᬣ᭟᭘᭟ᬤᬳᬢᬶᬂᬲᭂᬗ᭄ᬓᬵᬬᬦ᭄‌‌ᬰ᭄ᬭᬷᬪᬸᬧᬢᬶ᭞ᬚᬕᬗ᭄ᬭᬸᬦ᭄ᬤᬄ᭞ᬭᬶᬂᬮᬗᬸᬦᬵᬕᬭ᭞ᬥᬦᬸᬚ
ᬮᬶᬦ᭄ᬢᬂᬰᬓ᭄ᬢᬶᬦᬾ᭞ᬮᬦ᭄ᬯᬤ᭄ᬯᬮᬶᬦ᭄ᬢᬂᬯᬶᬪᬸᬄ᭞ᬫᬃᬕ᭄ᬕᬲᬺᬧᭂᬢ᭄ᬫᬮᬶᬄᬲ᭄ᬭᬶᬧᬶᬢ᭄᭞ᬬᬦ᭄ᬢᬦ᭄ᬧᬸᬢᬸᬲᬶᬂᬦᬵᬬ᭞ᬦᭀᬭᬜᬦ᭄ᬤᬂᬭᬢᬸ᭞ᬲᬂᬧ᭄ᬭᬪᬹᬳᬮᭀᬦ᭄ᬫᬦᬶᬫ᭄ᬩᬮ᭄᭞ᬲᬳᬵᬫᬦᬶᬲ᭄᭞ᬤᬸᬭᬸᬲ᭄ᬲ᭄ᬯᬾᬘ᭄ᬙᬩᬧᬫᬗ᭄ᬓᬶᬦ᭄᭞ᬭᬶᬂᬯᬂᬓᬢᬸᬦᬦ᭄ᬦᬵᬬ᭟᭙᭟
ᬯᬦ᭄ᬢᬄᬢᬶᬢ᭄ᬬᬂᬜᬥ᭄ᬬᬦᬦᬾᬫᬗ᭄ᬓᬶᬦ᭄᭞ᬫᬦᬸᬦᬲ᭄‌‌ᬳᬚᬭᬦ᭄ᬫᬭᬶᬂᬩᬧ᭞ᬳᬬ᭄ᬯᬫᬓᬸᬩ᭄ᬥᬳᬶᬘ᭄ᬙᬦᬾ᭞ᬭᬶᬂᬢᬶᬢ᭄ᬬᬂᬦᬾᬓᬯ᭄ᬮᬲ᭄ᬳ᭄ᬬᬸᬦ᭄᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬰ᭄ᬭᬷᬪᬹᬧᬢᬶ᭞ᬫᭀᬚᬃᬤᬸᬓᬸᬄᬲᬸᬥᬃᬫ᭄ᬫ᭞ᬤᬸᬄᬲᬶᬭᬧ᭄ᬭᬪᬸᬬᬾᬦᬶᬂᬬᭀᬕ᭄ᬬ [ 130 ][᭑᭒᭙ 129B]
᭑᭒᭙
ᬓᬤᬶᬦᬶᬗ᭄ᬯᬂ᭞ᬳᬶᬗᬢᬹᬭᬓᭂᬦ᭄‌‌ᬭᬶᬂᬦᬬᬦᬬᬦᬶᬂᬚᬵᬢᬶ᭞ᬫᬗ᭄ᬤᬧ᭄ᬭᬪᬸᬤᬶᬕ᭄ᬚᬬ᭟᭑᭐᭟ᬚᬦᬵᬦᬸᬭᬕᬦᬾᬜᬦ᭄ᬤᬂᬳᬾᬱ᭄ᬝᬶ᭞ᬲᬓᬶᬂᬳᬶᬭᬶᬓᬧᬓ᭄ᬯᬦᬶᬂᬦᬵᬬ᭞ᬢᭀᬮᬶᬳᬦ᭄ᬫᬭᬶᬂᬳᬗ᭄ᬕᬦᬾ᭞ᬲᬸᬓᬢᬾᬲᬦᬾᬧᬵᬢᬹᬢ᭄᭞ᬭᬵᬕᬵᬤᬶᬦᬾᬧ᭄ᬭ
ᬗᬶᬦ᭄ᬭᬶᬳᬶᬦ᭄᭞ᬬᬾᬦ᭄ᬧᬸᬦᬶᬓᬯᬸᬲ᭄ᬳᬮᬄ᭞ᬦᭀᬭᬦᬫᬗᬶᬫᬸᬃ᭞ᬫᬺᬢ᭄ᬢᬦᬶᬦ᭄ᬮᬶᬮᬍᬕᬯ᭞ᬭᬶᬂᬲ᭄ᬬᬂᬭᬢ᭄ᬭᬶ᭞ᬫᬗ᭄ᬤᬲᬶᬤ᭄ᬥᬤᬤᭀᬲ᭄ᬓᬦ᭄ᬢᬶ᭞ᬫᬮᬦᬾᬦᬥᬶᬅᬫᬺᬢ᭄ᬢ᭟᭑᭑᭟ᬲᬦᬾᬘᬢᬸᬃᬚ᭄ᬯᬭᬢᬸᬳᬲ᭄ᬢᬶᬢᬶ᭞ᬤ᭄ᬯᬦᬶᬂᬧᬸᬦᬶᬓ᭞ᬢᬮᬶᬦᬶᬂᬳᬗ᭄ᬕ᭞ᬓᬳ
ᬕᭂᬫ᭄ᬭᬶᬂᬫᬵᬦᬸᬱᬦᬾ᭞ᬳᬮᭀᬦ᭄ᬧ᭄ᬭᬪᬸᬫᬯᬸᬯᬸᬲ᭄᭞ᬫᬃᬕ᭄ᬕᬦᬶᬧᬸᬦ᭄ᬲᬧᬸᬦᬧᬶ᭞ᬫ᭄ᬯᬂᬳᬧᬫᬓᬗᬭᬦ᭄᭞ᬳᬕᭂᬫᬦ᭄ᬲᬂᬧ᭄ᬭᬪᬸ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬫᬳᬵᬭᬚ᭞ᬧ᭄ᬬᬵᬃᬱᬓ᭄ᬦᬵᬳᬢᬹᬭᬾᬥᬸᬓᬸᬄᬲᬸᬥᬃᬫ᭄ᬫᬶ᭞ᬓ᭄ᬱᬫᬓ᭄ᬦᬤᬸᬄᬲᬂᬦᬵᬣ᭟᭑᭒᭟ᬗᬭᬦᬶᬂᬳᬕᭂᬫ
ᬦ᭄ᬲᬂᬪᬸᬧᬢᬶ᭞ᬓᬂᬧ᭄ᬭᬣᬫ᭞ᬗᬭᬦ᭄ᬳᬣᬬᭀᬕ᭞ᬭᬵᬚᬬᭀᬕᬧᬶᬂᬓᬮᬶᬳᬾ᭞ᬪᬓ᭄ᬢᬶᬬᭀᬕᬓᬧᬶᬂᬢ᭄ᬮᬸ᭞ᬤ᭄ᬯᬶᬚᬢᬶᬧᬶᬂᬘᬢᬹᬃᬳᬶᬗ᭄ᬕᬶᬄ᭞ᬜᬦ᭄ᬤᬂᬇᬓᬓᬢᭂᬢᭂᬧᬂ᭞ᬦᬾᬳᬕᭂᬫ᭄ᬲᬢᬸᬯᬸᬓ᭄᭞ᬳᬕᭂᬫᬦ᭄ᬳᬶᬘᬢᬸᬃᬚᬦ᭄ᬫ᭞ᬫᬓᬫᬶᬯᬄᬧᬺᬢ

[᭑᭓᭐ 130A]
᭑᭓᭐
ᬫᬲᬂᬰ᭄ᬭᬷᬪᬹᬧᬢᬶ᭞ᬮᬦ᭄ᬢ᭄ᬭᬶᬯᬗ᭄ᬰᬧᬸᬦᬶᬓ᭟᭑᭓᭟ᬳᬢᬬᭀᬕᬗᬭᬦ᭄ᬳᬗ᭄ᬕᬦ᭄ᬢᬬᬾᬓᬶ᭞ᬭᬵᬚᬬᭀᬕᬳᬶᬗᬭᬦᬶᬂᬫᬦᬄ᭞ᬪᬓ᭄ᬢᬶᬬᭀᬕᬗᬭᬦ᭄ᬜᬦᬾ᭞ᬯᬸᬲ᭄ᬓᬲᬶᬥᬦ᭄ᬧᬸᬦᬶᬓᬸ᭞ᬫᬶᬯᬄᬗᬭᬦᬶᬂᬤ᭄ᬯᬶᬚᬵᬢᬶ᭞ᬧᬸᬢᬸᬲᬶᬂᬩᬸᬤ᭄ᬥᬶᬇᬓᬸ᭞ᬲᬶ
ᬭᬧᬂᬯ᭄ᬭᬸᬄ᭞ᬳᬬ᭄ᬯᬢᬲᬶᬭᬮᬸᬧ᭞ᬤᬾᬦ᭄ᬢᬳᬯᬲ᭄᭞ᬳᬮᬳᬬᬸᬦᬶᬂᬪᬹᬫᬶ᭞ᬪᬹᬫᬶᬫᬗᬭᬦ᭄ᬰᬭᬷᬭ᭟᭑᭔᭟ᬰᬭᬷᬭᬗᬭᬦ᭄ᬳᬗ᭄ᬕᬚᬵᬢᬶ᭞ᬚᬵᬢᬶᬦᬶᬂᬳᬗ᭄ᬕᬓᬢᬶᬗ᭄ᬳᬮᬦ᭄᭞ᬦᬾᬫᬫ᭄ᬯᬢ᭄ᬳᬮᬳᬬᬸᬦᬾ᭞ᬦᬤᭀᬲ᭄ᬧᬜ᭄ᬚᬓ᭄ᬲᬢᬸᬳᬸᬓ᭄
ᬭᬶᬂᬪᬝᬵᬭᬫᬶᬯᬄᬩᬸᬢᬶ᭞ᬳᬶᬓᬤᬾᬯᬦᬶᬂᬳᬯᬓ᭄᭞ᬫᬗ᭄ᬭᬾᬄᬲᬯᬢᭂᬓ᭄ᬳᬶᬤᬸᬧ᭄᭞ᬗᬭᬦ᭄ᬳᬮᬸᬲ᭄ᬫᬶᬯᬄᬓᬲᬃ᭞ᬳᬯᬲᬓ᭄ᬦᬵ᭞ᬲᬮᬯᬲᬾᬓᬭᬶᬫᬳᬸᬭᬶᬧ᭄᭞ᬳᭀᬲᬶᬓᬶᬂᬭᬵᬢ᭄ᬲᬢᬢ᭟᭑᭕᭟ᬰ᭄ᬭᬷᬦᬵᬃᬧᬢᬶᬫᬮᬶᬄᬫᬜᬯᬸᬭᬶᬦ᭄᭞ᬓᬬᬳ
ᬧᬫᬫᬦ᭄ᬓᬦᬂᬮᬫ᭄ᬧᬄ᭞ᬢᬸᬮᬸᬲᬓ᭄ᬦᬧᬶᬢᬸᬢᬸᬭᬾ᭞ᬫᬃᬫ᭄ᬫᬦᬶᬗ᭄ᬲᬸᬦ᭄ᬧᬗᬯ᭄ᬭᬸᬄ᭞ᬭᬶᬂᬲᬢᬶᬦ᭄ᬤᬓ᭄ᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬳᬶᬤᬸᬓᬸᬄᬫᬵᬢᬹᬃᬲᭂᬫ᭄ᬩᬄ᭞ᬧᬸᬓᬸᬮᬸᬦ᭄ᬲᬂᬧ᭄ᬭᬪᬸ᭞ᬲᬸᬚᬵᬢᬶᬇᬓᬦᬂᬮᬫ᭄ᬧᬄ᭞ᬳᬬ᭄ᬯᬮᬸᬧ᭞ᬲᬫᬓ᭄ᬦᬗᬫᭀᬂᬩᬸ [ 131 ][᭑᭓᭐ 130B]
᭑᭓᭐
ᬤ᭄ᬥᬶ᭞ᬢᬦ᭄ᬧᬾᬦ᭄ᬤᬄᬲᬹᬃᬬ᭄ᬬᬫᬃᬕ᭄ᬕ᭟᭑᭖᭟ᬫᬗ᭄ᬓᬮᬫ᭄ᬧᬳᬾᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬦᭀᬭᬫᬶᬮᬶᬄᬫᬭᬶᬂᬫᬃᬕ᭄ᬕ᭞ᬲᬫᬚ᭄ᬯᬳᬮᬳᬬᬸᬦ᭄ᬜᬦᬾ᭞ᬢᬦᬵᬦᬯᬾᬘᬶᬦ᭄ᬳᬶᬧᬸᬦ᭄᭞ᬫᬮᬶᬄᬦᭀᬭᬳᬦᬯᬗᬶ᭞ᬲᬧᬸᬦᬶᬓᬲᬂᬦᬵᬣ᭞ᬳᬶᬗ᭄ᬕᬶᬄᬦ᭄ᬤ
ᬯᭂᬕ᭄ᬫᬵᬢᬹᬃᬧᬶᬯᬸᬗᬸ᭞ᬧᬸᬭᬸᬦ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬬᬦ᭄ᬬᭀᬕ᭄ᬬ᭞ᬫᬭᬶᬂᬚᭂᬂᬧᬢᬶᬓ᭄ᬦᬵᬃᬧᬢᬶ᭞ᬧ᭄ᬭᬪᬸᬦᬶᬫ᭄ᬩᬮ᭄ᬯᬘᬦ᭟᭑᭗᭟ᬳᬧᬦ᭄ᬤᬸᬭᬸᬂᬲᬸᬦ᭄ᬯᬦᭂᬄᬫᬫ᭄ᬬᬵᬃᬱᬶ᭞ᬤᬸᬭᬸᬲᬂᬫᬫᬦ᭄‌‌ᬫᬮᬶᬄᬢᬢ᭄ᬯᬬᬂ᭞ᬫᬦᬲᬭᬶᬦ᭄ᬭᬕᬵᬤᬶᬦᬾ᭞ᬳᬧᬂᬫᬮᬶ
ᬢ᭄ᬲᬢᬸᬯᬸᬓ᭄᭞ᬤᬦᬾᬤᬸᬓᬸᬄᬫᬵᬢᬹᬃᬳᬭᬶᬲ᭄᭞ᬤᬯᬸᬢ᭄ᬳᬶᬓᬦᬂᬓᬵᬮ᭞ᬗᬰᬰᬶᬄᬳᬶᬓᬸ᭞ᬢ᭄ᬕᭂᬧᬂᬳᬫᬜ᭄ᬘᬤᬾᬰ᭞ᬳᬬ᭄ᬯᬮᬸᬧ᭞ᬫᬮᬦᬾᬧᬂᬫᬓᬶᬂᬫᬭᬶᬂ᭞ᬢᬦ᭄ᬫᬗ᭄ᬭᬸᬲᬓ᭄ᬦᬕᬭ᭟᭑᭘᭟ᬭᬶᬂᬫᬱᬓᬲᬗ᭄ᬳᬫᬗ᭄ᬤᬍᬯᬶᬄ᭞ᬘᬘᬭᭀ
ᬦᬾᬭᬢᬸᬉᬢ᭄ᬢᬫᬬᬂ᭞ᬲᬃᬯ᭄ᬯᬰᬸᬘᬶᬳᬢᬸᬭᬦᬾ᭞ᬜᭂᬧ᭄ᬬᬂᬲᬤᬶᬦᬦᬶᬧᬸᬦ᭄᭞ᬲᬶᬧᭂᬂᬰᬸᬦ᭄ᬬᬳᬧᬂᬚᬵᬢᬶ᭞ᬬᬦ᭄ᬲᬂᬧ᭄ᬭᬪᬸᬓᬲᬶᬤ᭄ᬥᬦ᭄᭞ᬲᬶᬤ᭄ᬥᬚᬵᬢᬶᬢᬸᬳᬸ᭞ᬧᬸᬦᬶᬓᬓᬮᬶᬦ᭄ᬢᬂᬤᬗᬦ᭄᭞ᬫᬗᬲᭀᬭᬂ᭞ᬤᬸᬭᬢ᭄ᬫᬓᬦᬾᬦᬺᬧᬢᬶ᭞

[᭑᭓᭑ 131A]
᭑᭓᭑
ᬤᬸᬭᬸᬂᬢᬸᬫ᭄ᬩᬓ᭄‌‌ᬯᬸᬲ᭄ᬳᬮᬄ᭟᭑᭙᭟ᬭᬕᬚ᭄ᬦᭂᬓ᭄ᬫᬮᬶᬗ᭄ᬕᬶᬄᬭᬶᬂᬧᬸᬭᬶ᭞ᬫᬸᬲᬸᬳᬾᬤᭀᬄ᭞ᬲᬫᬶᬲᬵᬫ᭄ᬧᬸᬦ᭄ᬧ᭄ᬚᬄ᭞ᬦᭀᬭᬳᬦᬧᬓᬾᬯᬸᬳᬾ᭞ᬧᬸᬦᬶᬓᬓ᭄ᬭᬶᬲ᭄ᬩᬩᬭᬸ᭞ᬩᭀᬬᬭᬢᬸᬓᬤᬶᬫᬗ᭄ᬓᬶᬦ᭄᭞ᬰᬯᬦᬾᬓᬤᬸᬓᬶᬢᬦ᭄᭞ᬧᬢᬶᬧ
ᬭᬕ᭄ᬧᬸᬭᬸᬕ᭄᭞ᬍᬯᬶᬄᬲᭂᬗ᭄ᬓᬳᬶᬓᬦᬂᬮᬫ᭄ᬧᬄ᭞ᬗᬮᬫ᭄ᬧᬳᬶᬦ᭄‌‌ᬮ᭄ᬯᬶᬃᬧᬶᬢᬸᬢᬸᬭᬶᬂᬫᬳᬵᬃᬱᬶ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬲᬂᬦᬵᬣ᭟᭒᭐᭟ᬲᬶᬗ᭄ᬕᬶᬄᬳᬤᭀᬄᬭᬢᬸᬬᬦ᭄ᬳᬸᬧᬫᬶ᭞ᬳᬗ᭄ᬕᬦᬶᬂᬦᬶᬃᬫ᭄ᬫᬮᬦᬶᬂᬢᭀᬬ᭞ᬢᬦ᭄ᬳᬚᭂᬕ᭄ᬓᬳ᭄ᬦᬶᬗᬦᬾ᭞ᬤ᭄ᬬ
ᬲ᭄ᬢᬸᬦᭀᬭᬦᬚᬯᬸᬄ᭞ᬢᬦ᭄ᬓᬯᭀᬭᬦ᭄ᬳᭂᬫ᭄ᬩᬄᬫᬮᬶᬄ᭞ᬯᬶᬢ᭄ᬫᬸᬮᬫᬯᬤᬄᬢᬦᬄ᭞ᬫᬓ᭄ᬭᬡᬢᬦ᭄ᬫᬸᬮᬸᬲ᭄᭞ᬳ᭄ᬦᬶᬗᬾᬯᬦ᭄ᬢᬄᬓᬯᭀᬭᬦ᭄᭞ᬳᬦ᭄ᬢᬸᬓ᭄ᬢᬦᬄ᭞ᬯ᭄ᬬᬤᬶᬦ᭄ᬲᬭᬶᬂᬳᬯᬲ᭄ᬮᬶᬂᬮᬶᬂ᭞ᬋᬕᭂᬤ᭄ᬜᬦᬾᬢᬦ᭄ᬧᬲᬄ᭟᭒᭑᭟ᬓᬾᬯᬮᬍᬢᬸᬄᬜ
ᬦᬾᬳᬓ᭄ᬤᬶᬓ᭄᭞ᬦᭀᬭᬦᬬᭀᬕ᭄ᬬᬧᬲᬄᬲᬢᬢ᭞ᬫᬓᬶᬂᬫᬭᬶᬂᬲᬲᬫᬦᬾ᭞ᬲᬫᬵᬮᬶᬢᬾᬢᬦ᭄ᬧᬸᬢᬸᬲ᭄᭞ᬬᬦ᭄ᬲᬵᬫ᭄ᬧᬸᬦ᭄ᬳᬕᬸᬗᬾᬰᬸᬘᬶ᭞ᬗᬫᭀᬂᬩᬸᬥᬶᬲᬢᬢ᭞ᬦᭀᬭᬳᬕᬮ᭄ᬳᬕᬸᬮ᭄᭞ᬳᬶᬓᬸᬗᬭᬦ᭄ᬯᬃᬫ᭄ᬫᬰᬸᬦ᭄ᬬ᭞ᬯᬸᬲ᭄ᬓ [ 132 ][᭑᭓᭑ 131B]
᭑᭓᭑
ᬯᬱᬲᬓᬵᬋᬧ᭄ᬲᬫᬶᬲᬫᬶᬫᬤᬕᬶᬂ᭞ᬯᬶᬓᬦᬶᬂᬲᬗ᭄ᬓᬦ᭄ᬧᬭᬦ᭄᭟᭒᭒᭟ᬬᬦᬶᬂᬲᬫᬳᬗᬾᬓᬓᬮᬶᬄ᭞ᬲᬦᬾᬰᬸᬘᬶᬫ᭄ᬯᬂᬍᬢᬸᬄᬧᬸᬦᬶᬓ᭞ᬢᬦ᭄ᬓᬲᬶᬥᬦ᭄ᬧᬗ᭄ᬕᬯᬾᬦᬾ᭞ᬓᬮᬶᬂᬓᬾᬳᬕᬸᬂᬍᬢᬸᬄ᭞ᬮ᭄ᬯᬶᬃᬫᬾᬕᬗᬾᬩᭂᬓᬶᬂᬕᬸᬫᬶ᭞ᬢ
ᬦ᭄ᬯᭂᬭᬸᬄᬭᬶᬂᬧᬭᬦ᭄ᬧᬭᬦ᭄᭞ᬦᬥᬶᬫᬦᬄᬩᬶᬗᬸᬂ᭞ᬰᬢ᭄ᬭᬸᬳᬤᭀᬄᬭᬯᬸᬄᬫᬗᬧ᭄᭞ᬮ᭄ᬯᬶᬃᬧᬧᬶᬓᬢ᭄‌‌ᬫᬮᬦᬶᬂ᭠ᬳᬗ᭄ᬕᬫᬗ᭄ᬮᬶᬦ᭄ᬤᬶᬄ᭞ᬭᬩᬶᬓᬸᬧ᭄ᬓᬸᬧ᭄‌‌ᬚ᭄ᬯᬂᬳᬦᬓ᭄᭟᭒᭓᭟ᬕᬸᬬᬸᬕᬸᬬᬸᬫᬲᬶᬮᬶᬄᬲᬶᬮᬶᬄ᭞ᬗᬮᬧ᭄ᬓᬲᭀᬃᬳᬶᬤᬫᬳᬵᬭ
ᬚ᭞ᬤᬾᬦᬶᬂᬓᬢᬸᬳ᭄ᬯᬦ᭄ᬮᬫ᭄ᬧᬳᬾ᭞ᬓᬤᬶᬳᬸᬚᬃᬳᬶᬤᬸᬓᬸᬄ᭞ᬮᬶᬦ᭄ᬢᬂᬢᬶᬢ᭄ᬬᬂᬳᬶᬯᬂᬫᬃᬕ᭄ᬕᬶ᭞ᬢᬦ᭄ᬲᬶᬫ᭄ᬧᬂᬮ᭄ᬯᬶᬃᬳᬶᬦᬸᬘᬧ᭄᭞ᬫᬤᬓ᭄ᬲᬶᬥᬭᬢᬸ᭞ᬲᬓᬤᬶᬧᬶᬢᬸᬤᬸᬄᬩᬧ᭞ᬢᬶᬢ᭄ᬬᬂᬜᬥ᭄ᬬ᭞ᬫᬢᬓᬶᬢᬓᬶᬦᬶᬦ᭄ᬤᬓᬶᬦ᭄᭞ᬲᬢᬸᬗ᭄ᬕᬸᬦ᭄ᬲᬸᬦ᭄ᬳ
ᬕᭂᬲᬂ᭟᭒᭔᭟ᬢᬦᬸᬘᬧᬦ᭄‌‌ᬲ᭄ᬯᬾᬦᬾᬢᬶᬕᬂᬯ᭄ᬗᬶ᭞ᬫᬩᬩᬯᭀᬲ᭄‌‌ᬳᬶᬤᬲᬋᬂᬢᬶᬕ᭞ᬤᬸᬭᬸᬲᬂᬫᬮᬶᬄᬳᬶᬘ᭄ᬙᬦᬾ᭞ᬬᬦ᭄ᬩᬧᬢᬸᬮᬸᬲ᭄ᬳᬲᬸᬂ᭞ᬳᬸᬚᬭᬾᬰ᭄ᬭᬷᬦᬵᬃᬧᬢᬶ᭞ᬳᬶᬤᬸᬓᬸᬄᬫᬗᬢᬹᬭᬂ᭞ᬅᬚᬶᬲ᭄ᬬᬫ᭄ᬯᬓᬵᬲ᭄ᬢᬸ᭞ᬫᬶᬯᬄᬅᬚᬶ᭠

[᭑᭓᭒ 132A]
᭑᭓᭒
ᬤᬦᬸᬃᬥᬭ᭞ᬲᬵᬫ᭄ᬧᬸᬦ᭄ᬢᬫᬢ᭄‌‌ᬲᬂᬧ᭄ᬭᬪᬸᬓᬵᬢᬹᬭᬦ᭄ᬫᬮᬶᬄ᭞ᬳ᭄ᬭᬸᬳᬗᬶᬦ᭄ᬓᬪᬷᬦᬯ᭟᭒᭕‌᭟ᬲᬯᬢᬭᬮᬫᬶᬦᬾᬳᬰᬰᬶᬄ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬭᬶᬓᬫᬗᬚ᭄ᬬ᭞ᬳᬶᬤᬸᬓᬸᬄᬢ᭄ᬕᭂᬲ᭄ᬳᬢᬹᬭᬾ᭞ᬤ᭄ᬯᬦᬶᬂᬫᬗ᭄ᬓᬶᬦ᭄ᬯᬸᬲ᭄ᬧᬸᬧᬸᬢ᭄᭞ᬫᬃᬕ᭄ᬕᬶᬭᬢᬸᬲᬓᬶᬂ
ᬳᬭᬶᬲ᭄᭞ᬓᬃᬬ᭄ᬬᬦᬾᬚ᭄ᬯᬧᬸᬧᬸᬢᬂ᭞ᬳᬬ᭄ᬯᬫᬸᬧᬸᬓᬸᬮᬗᬸᬦ᭄᭞ᬦᭀᬭᬲᬶᬥᬓᬃᬬ᭄ᬬᬗᬭᬦ᭄᭞ᬬᬾᬦ᭄ᬢᬸᬫᬸᬲᬂ᭞ᬧᬶᬢᬸᬢᬸᬭᬾᬮ᭄ᬫᬄᬯᭂᬗᬶ᭞ᬦᬶᬃᬕᬸᬡᬓᬦᬂᬓᬃᬬ᭄ᬬ᭟᭒᭖᭟ᬢᬦᬵᬧᬜ᭄ᬚᬂᬲᬶᬭᬰ᭄ᬭᬷᬦᬵᬃᬧᬢᬶ᭞ᬫᬫᬶᬲᬶᬗ᭄ᬕᬶᬄᬓᬤᬶᬳᬶᬗᬦ᭄ᬤᬶᬓ᭞ᬭᬶᬂ
ᬤᬶᬚᬋᬓᬾᬫᬃᬕ᭄ᬕᬶᬦᬾ᭞ᬦᬸᬚᬸᬓᬫᬃᬕ᭄ᬕᬮᬗᬸ᭞ᬤᬦᬾᬤᬸᬓᬸᬄᬫᬵᬢᬹᬃᬳᬭᬶᬲ᭄᭞ᬩ᭄ᬦᭂᬃᬭᬢᬸᬫᬫᬹᬃᬯ᭄ᬯ᭞ᬢᬢᬦ᭄ᬲ᭠ᬮᬄᬤᬸᬦᬸᬂ᭞ᬫᬮᬶᬄᬲᬂᬦᬵᬣᬗᬦ᭄ᬤᬶᬓ᭞ᬲᬳᬫᬦᬶᬲ᭄᭞ᬲᬸᬓᬢᬦ᭄ᬲᬸᬓᬦᬾᬫᬗ᭄ᬓᬶᬦ᭄᭞ᬮᬸᬄᬢᬩ᭄ᬬᬢᬸᬦᬲ᭄ᬢᬶᬢ᭄ᬬᬂ
᭟᭒᭗᭟ᬦᭀᬭᬧᬜ᭄ᬚᬂᬳᬶᬤᬸᬓᬸᬄᬜᬯᬸᬭᬶᬦ᭄᭞ᬤ᭄ᬯᬦᬶᬂᬫᬹᬮ᭞ᬤ᭄ᬭᬸᬯᬾᬦ᭄ᬤᬾᬯᬶᬳᬸᬬᬄ᭞ᬩᭀᬬᬤᬤᭀᬲ᭄ᬧᬘᬂᬮᬸᬧ᭞ᬧᬸᬦᬶᬓᬲᬦᬾᬘᬢᬸᬃ᭞ᬢ᭄ᬯᬄᬓᬓᬲᬶᬄᬰ᭄ᬭᬶᬪᬹᬧᬢᬶ᭞ᬳᬮᬳᬬᬸᬢᬦ᭄ᬧᬲᬄ᭞ᬓᬯᬸᬮᬲᬵᬫ᭄ᬧᬸᬦ᭄ᬯᭂᬭᬸᬄ [ 133 ][᭑᭓᭒ 132B]
᭑᭓᭒
᭞ᬚᬬᬭᬢᬸᬭᬶᬂᬧᬬᬸᬥᬦ᭄᭞ᬦᭀᬭᬳᬮᬄ᭞ᬳᬢᬹᬭᬾᬧᬝᬶᬓ᭄ᬦ᭄ᬭᬧᬢᬶ᭞ᬳᬓ᭄ᬯᬾᬄᬫᬫᬗ᭄ᬕᬸᬳᬂᬮᬪᬵ᭟᭒᭘᭟ᬲᬕᬺᬳᬦ᭄ᬲᬫᬶᬲᬵᬫ᭄ᬧᬸᬦ᭄ᬫᬧᬫᬶᬢ᭄᭞ᬦᬶᬮᬸᬄᬢᬩ᭄ᬬᬵᬫᬧᬫᬶᬢ᭄ᬯᬸᬲ᭄ᬫᬜᭂᬫ᭄ᬩᬄ᭞ᬳᬶᬥᬸᬓᬸᬄᬗᬶᬭᬶᬗᬂᬋᬓᬾᬭᬯᬸᬄᬭᬶᬂᬚᬩ
ᬲᬵᬫ᭄ᬧᬸᬦ᭄᭞ᬗᬸᬦᬶᬗᬂᬕᬸᬦᬸᬗᬾᬓᬗᬶᬦ᭄᭞ᬳᬬ᭄ᬯᬜᬶᬫ᭄ᬧᬗᬶᬦ᭄ᬳᬯᬦ᭄᭞ᬘᬶᬢ᭄ᬭᬓᬸᬝᬢᬸᬚᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬦᬸᬳᬸᬢᬂ᭞ᬯᬸᬲ᭄ᬫᬫᬶᬦ᭄ᬤᬄ᭞ᬓᬶᬦᬩᬾᬳᬦ᭄ᬮᬦ᭄ᬧᬗᬶᬭᬶᬂ᭞ᬍᬧᬲ᭄ᬫᬭᬶᬂᬧᬥᬸᬓᬸᬳᬦ᭄᭟᭒᭙᭟ᬤᬸᬓᬸᬄᬲᬸᬥᬃᬫ᭄ᬫᬶᬫᬯ᭠
ᬗ᭄ᬲᬸᬮ᭄ᬫᬮᬶᬄ᭞ᬢᬦᬸᬘᬧᬦ᭄‌‌ᬳᬦᬭᬶᬂᬧᬰ᭄ᬭᬫᬦ᭄᭞ᬓᭀᬘᬧᬦ᭄ᬲᬂᬰ᭄ᬭᬷᬮᬫ᭄ᬧᬳᬾ᭞ᬓᬳᬶᬭᬶᬂᬲᬋᬂᬘᬢᬸᬃ᭞ᬮᬫ᭄ᬧᬳᬶᬭᬲᬤᬳᬭᬶᬲ᭄᭞ᬲ᭄ᬬᬂᬭᬢ᭄ᬭᬶᬢᬦ᭄ᬧᬭᬵᬃᬬ᭄ᬬᬦᬦ᭄᭞ᬫᬵᬦᬹᬢ᭄ᬕᭂᬕᭂᬭᬶᬂᬕᬸᬦᬸᬂ᭞ᬫᬃᬕ᭄ᬕᬮᬶᬦ᭄ᬢᬶᬸᬓᬸᬮᬶᬦ᭄ᬢᬂᬲᭂᬗ᭄ᬓᬵ᭞ᬤᬸᬃ
ᬕ᭄ᬕᬫᬯᬦ᭄᭞ᬋᬧᭂᬢᬺᬧᭂᬢ᭄ᬮᬶᬦ᭄ᬢᬂᬲ᭄ᬭᬶᬧᬶᬢ᭄᭞ᬯᬿᬲ᭄ᬭᬬᬸᬓᬧᬗ᭄ᬕᬸᬳ᭟᭓᭐᭟ᬢᬦ᭄ᬧᬢᬦ᭄ᬤᬶᬂᬮᬶᬗ᭄ᬕᬄᬜᬦᬾᬯ᭄ᬬᬓ᭄ᬢᬶ᭞ᬤᭂᬕ᭄ᬤᭂᬕ᭄ᬢᭀᬬᬦᬾᬮᬶᬦ᭄ᬢᬦᬶᬃᬫ᭄ᬫᬮ᭞ᬳᬭᬵᬃᬬ᭄ᬬᬦ᭄ᬮᬦ᭄ᬧᬗᬶᬭᬶᬗᬾ᭞ᬳᬕᬾᬫᬰᬸᬘᬶᬲᬵᬫ᭄ᬧᬸᬦ᭄᭞ᬯᬸᬲ᭄ᬧᬸ

[᭑᭓᭓ 133A]
᭑᭓᭓
ᬧᬸᬢ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬗᬸᬗ᭄ᬲᬶᬫᬫᬹᬃᬯ᭄ᬯ᭞ᬫᬗ᭄ᬕᬸᬄᬯ᭄ᬮᬳᬃᬳᬕᬸᬂ᭞ᬲᬸᬭᬦᬥᬶᬫᬓᬗᬭᬦ᭄᭞ᬯᬸᬲ᭄ᬳᬭᬯᬸᬲ᭄‌‌ᬮᬸᬫᬫ᭄ᬧᬦᬶᬸᬄᬫᬗᬸᬮ᭄ᬯᬦ᭄ᬳᬕ᭄ᬮᬶᬲ᭄᭞ᬧ᭄ᬭᬧ᭄ᬢᬫᬭᬶᬂᬥᬦᬸᬦ᭄ᬢᭀᬬ᭟᭓᭑᭟ᬓᬪᬶᬦᬯᬮᬶᬗ᭄ᬕᬳᬾᬢᬦ᭄ᬲᬶᬦᬶᬧᬶ᭞ᬓᬵᬱ᭄ᬝᬯᬭᬡᬸ
ᬬᬾᬄᬫᬸᬦᬗᬭᬦ᭄᭞ᬮᭀᬃᬓᬶᬥᬸᬮ᭄ᬓᬘᬶᬗᬓ᭄ᬋᬓᬾ᭞ᬤᬾᬦᬶᬂᬤᬳᬢ᭄ᬳᬸᬮᬗᬸᬦ᭄᭞ᬳᬶᬭᬶᬓᬫᬓᭀᬍᬫ᭄ᬳᬭᬶᬲ᭄᭞ᬰᬹᬦ᭄ᬬᬢᬶᬲ᭄ᬓᬤᬳᬢᬦ᭄᭞ᬢᬸᬜ᭄ᬚᬸᬂᬯᬶᬮᬶᬲ᭄ᬤᬶᬢᬸ᭞ᬦᭀᬭᬦᬮ᭄ᬬᬦ᭄ᬫᬭᬶᬂᬢ᭄ᬮᬕ᭞ᬲᬥᬢᭂᬗᬾ᭞ᬓᬮᬶᬦ᭄ᬢᬂᬚᬶᬃᬡ᭄ᬦᬦᬾ
ᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬲᬸᬘ᭄ᬬᬦ᭄᭟᭓᭒᭟ᬓᬮᬮᬾᬦ᭄ᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬓᬳᬶᬭᬶᬂᬭᬶᬂᬳᬶᬧᬢᬶᬄᬮᬦ᭄ᬳᬶᬜ᭞ᬢ᭄ᬕᬮᬶᬗ᭄ᬕᬄᬧᬜᬦ᭄ᬤᬶᬗᬾ᭞ᬕ᭄ᬦᬳᬾᬮᬶᬦ᭄ᬢᬂᬭᬳᬬᬸ᭞ᬓᬳᬶᬤ᭄ᬭᬦ᭄ᬭᬶᬂᬲᬃᬯᬲᬵᬭᬷ᭞ᬯᬗᬶᬦᬾᬫᬳᬶᬫ᭄ᬧᬸᬕᬦ᭄᭞ᬳᬗᬶᬦ᭄ᬤ
ᬩ᭄ᬤᬩ᭄ᬳᬮᬸᬲ᭄᭞ᬳᬦᭂᬫ᭄ᬧᬸᬄᬓᬫ᭄ᬭᬶᬓᬦ᭄ᬧᬸᬱ᭄ᬧ᭞ᬳᬶᬓᬸᬫᬸᬤ᭄ᬥᬵᬫᬳᭀᬮᬳᬦ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬫᬭᬶᬂᬳᬵᬤ᭄ᬭᬶᬘᬶᬢ᭄ᬭᬓᬸᬝ᭟᭐᭚ᬧᬸᬄᬳᬤ᭄ᬭᬶ᭚᭑᭟ᬲᬫᬶᬦᬶᬤ᭄ᬭᬭᬶᬂᬧᬶᬗ᭄ᬕᬶᬭᬶᬂᬭᬡᬸ᭞ᬫᬭᬶᬂᬘᬶᬢ᭄ᬭᬓᬸᬝᬦᬾ᭞ᬭᬶᬂᬫ᭠ [ 134 ][᭑᭓᭓ 133B]
᭑᭓᭓
ᬥ᭄ᬬᬦᬶᬂᬕᬸᬦᬸᬂᬗ᭄ᬭᬯᬶᬢ᭄᭞ᬳᬶᬥᬸᬓᬸᬄᬰᬓ᭄ᬢᬶᬓᬯᬸᬯᬸᬲ᭄᭞ᬫᬗᬦ᭄ᬤᬶᬓᬲᬤᬳᬮᬸᬲ᭄᭞ᬳᬦᬭᬶᬂᬧᬋᬓᬦᬾᬤᬤ᭄ᬯ᭞ᬧᬕᬕ᭄ᬧᬕᬾᬕ᭄‌‌ᬓ᭄ᬫᬧᭂᬲᬸ᭞ᬦᬭᬶᬂᬢᬫᬦ᭄ᬫᬕ᭄ᬮᬶᬦ᭄ᬤᭂᬗᬦ᭄᭞ᬲᬵᬫ᭄ᬩᬶᬮᬂᬫᬗᬫ᭄ᬩᬶᬮ᭄ᬢᭀᬬ᭟᭒᭟ᬧᬕᬕ᭄ᬧᬕᬾᬕ᭄
ᬕ᭄ᬮᬶᬲ᭄ᬫᬗᬶᬭᬶᬂᬲᬵᬫ᭄ᬧᬸᬦ᭄᭞ᬫᬦᬾᬂᬢᬾᬂᬩᬘᭀᬓᬾ᭞ᬫᬶᬯᬄᬘᭀᬦ᭄ᬢᬗᬾᬓᬳᬸᬦ᭄ᬤᬶᬢ᭄᭞ᬳᬶᬫᬂᬢ᭄ᬤᬸᬦ᭄‌‌ᬕ᭄ᬭᬡ᭄ᬥᬂᬕ᭄ᬭᬸᬡ᭄ᬥᬸᬂ᭞ᬤᬶᬫᬃᬕ᭄ᬕᬶᬦᬾᬲᬫ᭄ᬩᬶᬮ᭄ᬫᬓᬶᬤᬸᬂ᭞ᬳᬸᬬᬸᬢ᭄ᬲᬫ᭄ᬩᬶᬮᬂᬫᬧᭀᬮᬄ᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬭᬶᬂᬳ᭄ᬦᬸ᭞ᬭᬭᬶᬲ᭄ᬧ᭄ᬭᬧ᭄ᬢᬭᬶᬂᬢᬫ
ᬦ᭄᭞ᬯᬳᬸᬫᬶᬚᬶᬮ᭄ᬲᬂᬳ᭄ᬬᬂᬲᬹᬃᬬ᭄ᬬ᭟᭓᭟ᬓᬕ᭄ᬬᬢ᭄ᬧᬋᬓᬦᬾᬯᬯᬸᬭᬯᬸᬄ᭞ᬭᬶᬂᬧᬶᬗ᭄ᬕᬶᬃᬢᭀᬬᬦᬾ᭞ᬓᬢᭀᬦ᭄ᬦᬵᬭᬲᬶᬋᬧ᭄ᬲᭂᬧᬶ᭞ᬦ᭄ᬲᭂᬓ᭄ᬫᬗᬸᬗ᭄ᬓᬸᬮᬶᬦ᭄ᬲᬵᬫ᭄ᬧᬸᬦ᭄᭞ᬧᬸᬦ᭄ᬧᬕᬕ᭄ᬭᬭᬶᬲ᭄ᬫᬯᬸᬯᬸᬲ᭄᭞ᬳᬦᬓ᭄‌‌ᬫ᭄ᬯᬦᬶᬳᬤᬶᬤᬤ᭄ᬯ᭞ᬳᬤᬶ
ᬦᬾᬫᬲᬯᬸᬃᬕᬸᬬᬸ᭞ᬦᬶᬓᬶᬳ᭄ᬮᬸᬄᬮᬸᬄᬲᬋᬂᬢᬢᬶᬕ᭞ᬕᬕᬾᬮᬦ᭄‌‌ᬩ᭄ᬮᬶᬳᬶᬦᬩ᭄‌‌ᬢ᭄ᬓᬵ᭟᭔᭟ᬫᬕᬸᬮ᭄ᬕᬸᬮᬦᬺᬓᬾᬧᬥᬳᬸᬬᬸᬢ᭄᭞ᬳᬦ᭄ᬢᬸᬓ᭄ᬓᬲ᭄ᬯᬾᬦ᭄ᬜᬦᬾ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬢᬗᬶ᭞ᬧᬕᬕ᭄ᬧᬕᬾᬕ᭄ᬭᬭᬶᬲ᭄ᬫᬗ᭄ᬮᬸᬃ᭞ᬓᬾᬮᬶᬗᬦ᭄ᬕᬸᬲ᭄ᬢᬶ

[᭑᭓᭔ 134A]
᭑᭓᭔
ᬦᬾᬭᬯᬸᬄ᭞ᬫᬕᬸᬬᬂᬭᬶᬂᬚᭂᬗ᭄ᬕ᭄ᬬᬦ᭄ᬳᬶᬤ᭞ᬍᬕᬦᬾᬓᬩᬢᭂᬓ᭄‌‌ᬲᬸᬗ᭄ᬲᬸᬢ᭄᭞ᬢᬗᬶᬲᬾᬢᬦ᭄ᬧᬧ᭄ᬕᬢᬦ᭄᭞ᬲᬂᬧ᭄ᬭᬪᬸᬗᭂᬫ᭄ᬩᭂᬗᬶᬂᬢᬶᬗ᭄ᬳᬮ᭄᭟᭕᭟ᬲ᭄ᬭᬸᬧᬢᬦᬾᬢᬦ᭄ᬫᬭᬶᬫ᭄ᬢᬸ᭞ᬜᬶᬗᬓ᭄ᬧᬋᬓᬦᬾ᭞ᬮ᭄ᬯᬶᬃᬓ᭄ᬢᬸᬲ᭄ᬳᬶᬓᬦᬂᬳᬢᬶ᭞ᬤ᭄ᬯᬦᬶᬂᬓᬓᬲᬶ
ᬳᬾᬢᬸᬳᬸ᭞ᬢᬺᬱ᭄ᬡᬦᬾᬢᬶᬦ᭄ᬤᬶᬄᬲᬢᬸᬯᬸᬓ᭄᭞ᬓᬲ᭄ᬯᬾᬦ᭄ᬧᬥᬓᬩ᭄ᬮᭂᬕ᭄ᬩᭂᬕᬦ᭄᭞ᬳᬶᬧᬢᬶᬄᬭᬭᬶᬲ᭄ᬗᬭᬸᬗᬸ᭞ᬓᬕ᭄ᬬ᭠ᬢ᭄ᬤᬦᬾᬫᬫᬶᬋᬗᬂ᭞ᬫᬶᬯᬄᬧᬜ᭄ᬚ᭄ᬭᭀᬯᬦᬾᬲᬫ᭄ᬬᬦ᭄᭟᭖᭟ᬢᬗᬶᬲᬾᬳᬸᬫᬸᬂᬲᬫᬶᬧᬲ᭄ᬕᬸ᭞ᬲᬫᬵᬦ᭄ᬢᬭᬲ᭄ᬯᬾᬦᬾ᭞ᬭ
ᬳᬤᬾᬦ᭄ᬫᬦ᭄ᬢ᭄ᬭᬶᬫᬰᬸᬘᬶ᭞ᬓᬮᬶᬄᬳᬶᬜᬗᬶᬭᬶᬂᬲᬵᬫ᭄ᬧᬸᬦ᭄᭞ᬮᬦ᭄ᬳᬶᬧᬢᬶᬄᬤᬦᬾᬢᬸᬫᬸᬢ᭄᭞ᬦᬶᬃᬫ᭄ᬫᬮᬳᬶᬓᬦᬂᬫᬦᬄ᭞ᬗᬦ᭄ᬤᬶᬓᬬᬂᬲᬸᬓᬤᬸᬓ᭞ᬲᬗ᭄ᬲᬭᬦᬾᬲᬫ᭄ᬧᬾᬧ᭄ᬭᬧ᭄ᬢ᭟᭗᭟ᬧᬕᬕ᭄ᬧᬕᬾᬕ᭄ᬫᬗᬢᬹᬭᬂᬮᬘᬸᬃ᭞ᬲᬢᬶᬩᬧ
ᬭᬦᬾ᭞ᬫᬗ᭄ᬭᬸᬭᬸᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬾᬫᬫᬜ᭄ᬚᬓ᭄ᬭᬶᬂᬳᬶᬤᬸᬓᬸᬄ᭞ᬧᬶᬦᬶᬄᬯᬾᬦ᭄ᬢᭂᬦ᭄ᬓᬮᬶᬄᬢᬳᬸᬦ᭄᭞ᬳᬶᬗ᭄ᬕᬶᬄᬲ᭄ᬯᬾᬦ᭄ᬢᬶᬢ᭄ᬬᬂᬫᬫᬜ᭄ᬚᬓ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬗᬶᬭᬶᬂᬭᬢᬸ᭞ᬳᬶᬘᬮ᭄ᬭᬢᬸᬓᬭᬶᬲᬸᬗ᭄ᬓᬦ᭄᭞ᬏᬭᬂᬢᬶᬢ᭄ᬬᬗᬾᬓ [ 135 ][᭑᭓᭔ 134B]
᭑᭓᭔
ᬮᬶᬦ᭄ᬢᬂ᭟᭘᭟ᬳᬶᬤᬸᬓᬸᬄᬰᬓ᭄ᬢᬶᬦᬾᬫᬦᬸᬤᬸᬓ᭄᭞ᬤᬶᬢ᭄ᬗᬄᬳᬮᬲᬾ᭞ᬓ᭄ᬭᬡᬓᬦ᭄ᬢᬸᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬬᬂᬗᬦ᭄ᬢᭀᬲ᭄ᬭᬢᬸ᭞ᬓᭀᬘᬧ᭄ᬭᬢᬸᬧᬘᬂᬭᬯᬸᬄ᭞ᬲᬕᬾᬢ᭄ᬭᬢᬸᬫᬗ᭄ᬓᬶᬦ᭄ᬧ᭄ᬭᬧ᭄ᬢᬵ᭞ᬲᬥ᭄ᬬᬦ᭄ᬢᬶᬢ᭄ᬬᬂᬗᬾᬫᬦᬸᬮᬸᬲ᭄᭞ᬢᬦ᭄ᬲᬶ
ᬫ᭄ᬧᬂᬓᬤᬶᬳᬶᬦᬸᬘᬧ᭄᭞ᬚᬵᬢᬶᬳᬶᬥᬸᬓᬸᬄᬯᬓ᭄ᬩᬚ᭄ᬭ᭟᭙᭟ᬗᬶᬭᬶᬂᬚ᭄ᬯᬫᬗ᭄ᬓᬶᬦ᭄‌‌ᬳᬶᬭᬢᬸᬫᬦ᭄ᬢᬸᬓ᭄᭞ᬤ᭄ᬯᬦᬶᬂᬮᬶᬦ᭄ᬢᬂᬲ᭄ᬯᬾᬦᬾ᭞ᬯᬸᬲ᭄ᬫᬢᬶᬗ᭄ᬕᬮ᭄ᬫᬭᬶᬂᬧᬸᬭᬶ᭞ᬳᬶᬩᬸᬳᬚᬶᬲᬶᬦᬄᬗᬸᬦ᭄ᬗᬸᬦ᭄᭞ᬓᬮᬶᬄᬩᬮᬫᬦ᭄ᬢ᭄ᬭᬶᬦ᭄ᬭᬢᬸ᭞ᬲᬂᬦᬵᬣᬭᬭᬶᬲ᭄ᬗ
ᬦ᭄ᬤᬶᬓ᭞ᬤᬸᬭᬸᬂᬫᬱᬦ᭄ᬦᬶᬭᬫᬦ᭄ᬢᬸᬓ᭄᭞ᬬᬦ᭄ᬢᬦ᭄ᬓᬧᬗ᭄ᬕᬸᬄᬲᬂᬤ᭄ᬬᬄ᭞ᬭᬤᬾᬦ᭄ᬤᬾᬯᬶᬉᬤ᭄ᬬᬵᬢ᭄ᬫᬶᬓ᭟᭑᭐᭟ᬧᬕᬕ᭄ᬧᬕᬾᬕ᭄‌‌ᬓ᭄ᬥᭂᬄᬢᬸᬃᬫᬜᬸᬭᬸᬂ᭞ᬳᬾᬮᬶᬗᬂᬚᬕᬢᬾ᭞ᬓᬢᬶᬗ᭄ᬕᬮᬶᬦ᭄ᬯᬸᬲ᭄ᬮᬫᬶ᭞ᬳᬶᬭᬢᬸᬗᬤᭂᬕ᭄ᬭᬢᬸᬗᬯᭂᬗ᭄ᬓᬸ᭞ᬓᬲᬸᬂᬲᬸᬂᬭᬶᬂ
ᬚᬕᬢ᭄ᬤᬶᬢᬸ᭞ᬳᬦᬓ᭄ᬳᬶᬲ᭄ᬢ᭄ᬭᬶᬪᭀᬬᬓᬶᬭᬂ᭞ᬚᬯᬢ᭄ᬲᬦᬾᬮᬶᬦ᭄ᬢᬂᬳᬬᬸ᭞ᬮ᭄ᬯᬶᬄᬭᬶᬂᬭᬹᬧᬦᬾᬲᬂᬤ᭄ᬬᬄ᭞ᬤᬤᭀᬲ᭄ᬫᬫ᭄ᬯᬢᬂᬧᬸᬢ᭄ᬭᬶᬳᬶᬘᬮ᭄᭟᭑᭑᭟ᬰᬺᬗ᭄ᬕᬭᬳᬮᭀᬦ᭄ᬲᬂᬧ᭄ᬭᬪᬸᬫᬯᬸᬯᬸᬲ᭄᭞ᬯ᭄ᬬᬓ᭄ᬢᬶᬮ᭄ᬯᬶᬃᬳᬸᬚᬭᬾ᭞ᬓᬤᭀᬂᬦᬶᬭᬦᬶ

[᭑᭓᭕ 135A]
᭑᭓᭕
ᬗ᭄ᬕᬮ᭄ᬧᬸᬭᬶ᭞ᬏᬭᬂᬬᬦ᭄ᬦᭀᬭᬓᬧᬗ᭄ᬕᬸᬄ᭞ᬬᬤ᭄ᬬᬦ᭄ᬓᬾᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬚᬮᬦ᭄ᬓᬾᬳᬶᬭᬳᬶᬭᬶᬗᬂ᭞ᬲᬶᬫ᭄ᬧᬂᬭᬶᬂᬧᭀᬦ᭄ᬤᭀᬓ᭄ᬳᬶᬥᬸᬓᬸᬄ᭞ᬳᬧᬂᬳᬶᬗ᭄ᬲᬸᬦ᭄ᬢᬢᬲ᭄‌‌ᬯ᭄ᬭᬸᬳ᭞ᬲᬫ᭄ᬩᬶᬮ᭄ᬦᬶᬭᬦᬸᬦᬲ᭄ᬓᬓ᭟᭑᭒᭟ᬢᬦ᭄ᬧᬵᬢᬹᬢ᭄ᬢᬶᬗ᭄ᬓᬳᬾᬳᬜᭀ
ᬮᭀᬂᬫᬦ᭄ᬢᬸᬓ᭄᭞ᬫᬫᬶᬭᬢ᭄ᬤᬦᬦᬾ᭞ᬓᬾᬢᭀᬓᬓᬧ᭄ᬮᬚᬳᬶᬦ᭄᭞ᬫᬮᬶᬄᬢᬸᬬᬸᬄᬫᬗᬶᬗᬸ᭞ᬫᬮᬶᬄᬤᬦᬾᬮᬶᬦ᭄ᬢᬂᬧᬸᬢᬸᬲ᭄᭞ᬜᬦ᭄ᬤᬂᬤᬶᬢᬸᬫᬧᬶᬦᬸᬦᬲ᭄᭞ᬫᬸᬂᬧᬸᬂᬫᬗ᭄ᬕᬶᬄᬳᬦᬓ᭄ᬪᬶᬓ᭄ᬱᬸ᭞ᬤᬦᬾᬧᬢᬶᬄᬫᬢᬹᬢᬂ᭞ᬧᬕᬕ᭄ᬧᬕᬾᬕ᭄ᬫᬵᬢᬹᬃᬲᭂ
ᬫ᭄ᬩᬄ᭟᭑᭓᭟ᬳᬶᬗ᭄ᬕᬶᬄᬫᬃᬕᬶᬢᬶᬢ᭄ᬬᬂᬗᬶᬭᬶᬂᬭᬢᬸ᭞ᬕ᭄ᬮᬶᬲ᭄ᬫᬫ᭄ᬯᬢ᭄‌‌ᬩᬘᭀᬓᬾ᭞ᬳᬶᬧᬕᬾᬕ᭄‌‌ᬘᭀᬦ᭄ᬢᬗᬾᬓᬵᬫ᭄ᬩᬶᬮ᭄᭞ᬲᬵᬕᬺᬳᬦ᭄ᬗᬸᬗ᭄ᬕᬸᬳᬶᬦ᭄ᬕᬸᬦᬸᬂ᭞ᬳᬶᬧᬢᬶᬄᬮᬦ᭄ᬚᬳᬾᬘ᭄ᬓᬸᬄ᭞ᬦᬶᬮᬸᬄᬢᬩ᭄ᬬᬦᭀᬭᬧᬲᬄ᭞ᬳᬶᬧᬕᬾᬕ᭄ᬗᬶᬭᬶᬂᬤᬶᬧᬸᬗ᭄ᬓᬸᬃ᭞ᬳᬶᬧᬕᬵ
ᬕ᭄‌‌ᬗᬶᬭᬶᬂᬤᬸᬭ᭄ᬬᬦ᭄᭞ᬲᭀᬮᬄᬜᬦᬾᬓᬤᬶᬓᬸᬦ᭟᭑᭔᭟ᬫᬕᭀᬜ᭄ᬚᬓᬦ᭄ᬲᬫᬶᬧᬥᬳᬸᬫᬸᬂ᭞ᬗᬗᬶᬦᬂ᭠ᬧᬭᬦᬾ᭞ᬗᬫᬸᬗ᭄ᬕᬳᬂᬲᬤᬳᬭᬶᬲ᭄᭞ᬢᭀᬬᬫᬸᬦᬵᬲᬵᬫ᭄ᬧᬸᬦ᭄ᬮᬗ᭄ᬓᬸᬂ᭞ᬲᬕᬾᬢ᭄ᬫᬗ᭄ᬕᬶᬄᬫᬃᬕ᭄ᬕᬮᬶᬩᬸᬢ᭄᭞ᬧ᭄ᬢᭂ [ 136 ][᭑᭓᭕ 135B]
᭑᭓᭕
ᬗᬾᬢᬦ᭄ᬧᬲᬶᬗ᭄ᬲᬶᬗᬦ᭄᭞ᬮᬫ᭄ᬧᬳᬾᬲᬫᬶᬲᬮᬶᬂᬕ᭄ᬮᬸᬢ᭄᭞ᬫᬓᬶᬢᬸᬢ᭄ᬲᬃᬯ᭄ᬯᬶᬗᬸᬗ᭄ᬕᬳᬂ᭞ᬫᬃᬕ᭄ᬕᬧ᭄ᬢᭂᬂᬓᬮᬶᬯᬢᬦ᭄᭟᭑᭕᭟ᬳᬗᬶᬦᬾᬩᬋᬢ᭄ᬫᬗ᭄ᬓᬶᬦ᭄ᬓᬘᬸᬦ᭄ᬤᬸᬓ᭄᭞ᬓᬮᬶᬦ᭄ᬢᬂᬚᭂᬚᭂᬳᬾ᭞ᬮᬸᬫᬓᬸᬲᬃᬯ᭄ᬯᬶᬫᬗᬶᬮ᭄ᬕᬶᬮ᭄᭞ᬳᬦ᭄ᬢᬸᬓ᭄ᬤᬶᬗᬶᬦᬾ
ᬓᬮᬗ᭄ᬓᬸᬂ᭞ᬮᬫ᭄ᬧᬳᬾᬤᬩ᭄ᬤᬩ᭄ᬫᬓᬶᬢᬸᬢ᭄᭞ᬧᬫᬃᬕ᭄ᬕᬶᬦᬾᬦᭀᬭᬕᬶᬂᬗ᭄ᬕᬶᬂ᭞ᬫᬜᬥ᭄ᬬᬬᬂᬦᭀᬭᬫᬸᬦ᭄ᬤᬸᬃ᭞ᬓᭀᬘᬧ᭄‌‌ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬂᬳᬕ᭄ᬭᬦᬶᬂᬘᬶᬢ᭄ᬭᬓᬸᬝ᭟᭑᭖᭟ᬫᬮᬶᬮᬂᬓᬗᬶᬦ᭄ᬓᬯᬸᬄᬮᭀᬃᬓᬶᬥᬸᬮ᭄᭞ᬤᬶᬢᬸᬓᬸ᭠
ᬮᬗᬸᬦᬾ᭞ᬭᬱᬢᬦ᭄ᬧᬩᬮᬶᬓ᭄‌‌ᬧ᭄ᬭᬶᬳᬢᬶᬦ᭄᭞ᬳᬦ᭄ᬤᬧ᭄ᬳᬤᭀᬄᬧᬸᬦ᭄ᬓᬤᬸᬮᬸ᭞ᬯᬾᬦ᭄ᬢᭂᬦ᭄ᬫᬘᬘᬤ᭄ᬳᬶᬧᬸᬦ᭄᭞ᬩᬵᬦ᭄‌‌ᬫᬸᬂᬫᬸᬗᬾᬢᬦ᭄ᬧᬳ᭄ᬯᬂ᭞ᬮᬶᬗ᭄ᬕᬄᬜᬦᬾᬢᬢᬦ᭄ᬧᬢᬗ᭄ᬕᬸ᭞ᬳᬭᬃᬬ᭄ᬬᬦ᭄ᬳᬶᬤᬳᬶᬭᬶᬓ᭞ᬫᬥ᭄ᬬᬧᬵᬤᬓᬳᬸᬗ᭄ᬓᬸᬮᬦ᭄᭟᭑᭗
᭟ᬲᬶᬦᬂᬕᬮᬂᬦᭀᬭᬳᬦᬥᬮᬸ᭞ᬢᬦ᭄ᬓᬯᬷᬃᬬ᭄ᬬᬦ᭄ᬲ᭄ᬬᬗᬾ᭞ᬘᬓ᭄ᬭᬯᬓᬚ᭄ᬯᬫᬫᬸᬜᬶ᭞ᬓᬲ᭄ᬯᬾᬦ᭄ᬳᬶᬤᬫᬗ᭄ᬭᬭᬦ᭄ᬢᬸᬦ᭄᭞ᬗ᭄ᬭᬲᬭᬲᬬᬂᬭᬶᬂᬓᬳ᭄ᬬᬸᬦ᭄᭞ᬭᬱᬦᬶᬓᬮ᭄ᬯᬶᬃᬧᬗᬶᬧ᭄ᬬᬦ᭄᭞ᬳᬶᬧᬢᬶᬄᬫᬵᬢᬹᬃᬧᬯᬸᬗᬸ᭞ᬗᬶᬭᬶᬂᬓᬾᬭᬢᬸᬫᬫᬃᬕ᭄ᬕ᭞ᬫ

[᭑᭓᭖ 136A]
᭑᭓᭖
ᬗ᭄ᬤᬳᬕ᭄ᬮᬶᬲ᭄ᬭᬢᬸᬧ᭄ᬭᬧ᭄ᬢ᭟᭑᭘᭟ᬧᬋᬓᬦ᭄ᬗᬋᬧᬂᬭᬭᬶᬲ᭄ᬫᬵᬢᬹᬃ᭞ᬗᬸᬤᬭᬢᬸᬓᬲ᭄ᬯᬾᬦ᭄᭞ᬓᬦ᭄ᬢᬸᬦ᭄ᬳᬤᭀᬄᬓᬂᬳᬶᬦᬸᬂᬲᬶ᭞ᬕ᭄ᬮᬶᬲ᭄‌‌ᬚᬸᬫ᭄ᬮᬕ᭄ᬳᬶᬤᬳᬦᬓᬾᬳᬕᬸᬂ᭞ᬧᬋᬓᬦ᭄ᬗᭂᬫ᭄ᬩᬦ᭄ᬮᬸᬫᬓᬸ᭞ᬢᬺᬡᬯᬶᬮᬶᬲᬾᬲᬢᬢ᭞ᬫᬗᬧᬶᬢ᭄ᬫᬃᬕᬦᬾᬫᬦ᭄ᬭᬸ
ᬲ᭄᭞ᬢ᭄ᬮᬕᬦᭀᬚᬓᬧᬗ᭄ᬕᬸᬳ᭞ᬧᬕᬕ᭄ᬧᬕᬾᬕ᭄ᬫᬗᬢᬹᬭᬂ᭟᭑᭙᭟ᬭᬤᬾᬦ᭄ᬫᬗᬋᬧᬂᬭᬭᬶᬲ᭄ᬢᭂᬤᬸᬦ᭄᭞ᬳᬦᬭᬶᬂ᭠ᬢ᭄ᬮᬕᬦᬾ᭞ᬮᬦ᭄ᬧᬗᬶᬭᬶᬂᬲᬋᬂᬲᬫᬶ᭞ᬓᬤᬮᭀᬦ᭄‌‌ᬳᬶᬭᬶᬓᬫᬜ᭄ᬚᬸᬲ᭄᭞ᬫᬗᬸᬫ᭄ᬩᬂᬲᬫᬶᬫᬓᬸᬩᬸᬓ᭄᭞ᬳᬦ᭄ᬢᬸᬓ᭄ᬯᬗᬶ
ᬦᬾᬓᬮᬶᬦ᭄ᬢᬂ᭞ᬲᬯᬂᬫᬦᬶᬲ᭄ᬭᬲᬦ᭄ᬳᬶᬧᬸᬦ᭄᭞ᬮ᭄ᬯᬶᬃᬯᬮᬶᬯᬶᬲ᭄ᬫᬲᬲᬶᬍᬫᬦ᭄᭞ᬩᬶᬦᬮ᭄ᬗᬸᬫ᭄ᬩᬂᬫᬭᬶᬂᬢᬮᬕ᭟᭒᭐᭟ᬧᬸᬧᬸᬢ᭄‌‌ᬫᬰᬸᬘᬶᬳᬶᬤᬲᬂᬧ᭄ᬭᬪᬸ᭞ᬫᬶᬯᬄᬧᬗᬶᬭᬶᬗᬾ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬫᬹᬃᬯ᭄ᬯᬮᬫ᭄ᬧᬳᬾᬫᬦ᭄ᬭᬸᬲ᭄᭞ᬢ᭄ᬮᬕᬧᭂᬢᬓ᭄ᬓᭂᬧ
ᬗ᭄ᬕᬸᬄ᭞ᬢᭀᬬᬦ᭄ᬜᬦᬾᬍᬯᬶᬄᬦᬶᬃᬫ᭄ᬫᬮ᭞ᬮᬫ᭄ᬧᬳᬾᬗᬮᬶᬯᬢ᭄ᬲᬵᬫ᭄ᬧᬸᬦ᭄᭞ᬤᬦᬾᬥᬸᬓᬸᬄᬓᬧᬗ᭄ᬕᬸᬳ᭞ᬭᬶᬂᬭ᭄ᬯᬦᬶᬂᬓ᭄ᬮᬤᬶᬫᬰᬶᬮ᭟᭒᭑‌᭟ᬲᬳᬕᬸᬬᬸᬳᬶᬥᬸᬓᬸᬄᬢᬸᬫ᭄ᬥᬸᬦ᭄᭞ᬮᬶᬦ᭄ᬤ᭄ᬭᬶᬄᬯᬘᬦᬦᬾ᭞ᬫᬫᭂᬦ᭄ᬤᬓᬶᬦ᭄‌‌ᬰ᭄ᬭᬷᬦᬵᬃ [ 137 ][᭑᭓᭖ 136B]
᭑᭓᭖
ᬧᬢᬶ᭞ᬭᬳᬚᭂᬂᬳᬶᬭᬢᬸᬭᬯᬸᬄ᭞ᬜᬫ᭄ᬩᬸᬢ᭄ᬢᬗᬦᬾᬲᬂᬧ᭄ᬭᬪᬸ᭞ᬲᬂᬩᬕᬸᬲ᭄ᬦᬶᬫ᭄ᬩᬮ᭄ᬯᬘᬦ᭞ᬗ᭄ᬕᬶᬄᬢᬶᬢ᭄ᬬᬂᬲᬫᬭᬳᬬᬸ᭞ᬳᬶᬥᬸᬓᬸᬄᬗᬢᬹᬭᬶᬦ᭄ᬲᬶᬫ᭄ᬧᬂ᭞ᬭᬭᬶᬲ᭄ᬭᬯᬸᬄᬫᬭᬶᬂᬧᭀᬦ᭄ᬤᭀᬓᬦ᭄᭟᭒᭒᭟ᬲᬵᬫ᭄ᬧᬸᬦ᭄ᬲᬫᬶᬓᬵᬢᬹᬭᬦ᭄ᬫᬮᬸᬗ᭄ᬕᬸᬄ
᭞ᬢ᭄ᬯᬄᬲᬸᬓᬤᬸᬓᬦᬾ᭞ᬓᬹᬘᬧᬂᬫᬲᬶᬮᬶᬄᬲᬶᬮᬶᬄ᭞ᬧᬕᬕ᭄ᬧᬕᬾᬕ᭄ᬭᬭᬶᬲ᭄ᬭᬯᬸᬄ᭞ᬫᬗᬢᬹᬭᬂᬧᬗᬦ᭄ᬓᬶᬦᬸᬫ᭄᭞ᬲᬓᬜ᭄ᬘᬦᬶᬂᬨᬮᬩᬸᬗ᭄ᬓᬄ᭞ᬳᬶᬥᬸᬓᬸᬄᬗᬢᬹᬭᬂᬲᬵᬫ᭄ᬧᬸᬦ᭄᭞ᬳᬫ᭄ᬧᬸᬭᬳᬢᬹᬭᬦ᭄ᬢᬶᬢ᭄ᬬᬂ᭞ᬫᬶᬚᬶᬮ᭄ᬲᬓᬶᬂᬤᬥᬸ
ᬓᬸᬳᬦ᭄᭟᭒᭓᭟ᬭᬵᬤᬾᬦ᭄ᬥᬃᬫ᭄ᬫᬶᬓᬦᬭᬶᬫᬲᬵᬫ᭄ᬧᬸᬦ᭄᭞ᬫᬶᬚᬶᬮ᭄ᬯᬘᬦᬦᬾ᭞ᬤ᭄ᬬᬲ᭄ᬢᬸᬢᬦ᭄ᬓᬲᬸᬗᬦ᭄ᬦᬧᬶ᭞ᬲ᭄ᬯᬾᬘ᭄ᬙᬦ᭄ᬩᬧᬦᬾᬓᬲᬸᬳᬸᬦ᭄᭞ᬕᬦ᭄ᬢᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬭᬯᬸᬄ᭞ᬦᬶᬓᬩᬧᬧᬶᬲᬸᬓᬬᬂ᭞ᬲᬤᬸᬭᬸᬗᬾᬢᬶᬢ᭄ᬬᬂᬫᬵᬢᬹᬃ᭞ᬩ
ᬧᬲᬵᬫ᭄ᬧᬸᬦ᭄ᬲᬳᬸᬦᬶᬗ᭞ᬭᬶᬂᬢᬶᬢ᭄ᬬᬂᬫᬭᬕᬲᬗ᭄ᬲᬭ᭟᭒᭔᭟ᬓ᭄ᬢᬸᬭᬶᬦ᭄ᬢᬶᬢ᭄ᬬᬂᬫᬃᬕᬦᬾᬧᬵᬢᬹᬢ᭄᭞ᬳᬦ᭄ᬢᬸᬓ᭄ᬓᬢᬸᬦᬦᬾ᭞ᬳᬶᬦᬕᬸᬡᬢᬸᬦᬰᬓ᭄ᬢᬶ᭞ᬓᬯᬶᬪᬯᬦ᭄ᬓᬶᬭᬂᬢᬸᬳᬸ᭞ᬇᬥᬸᬓᬸᬄᬳᬮᭀᬦ᭄ᬳᬗᬸᬘᬧ᭄᭞ᬲᬳᬫᬦᬶᬲ᭄

[᭑᭓᭗ 137A]
᭑᭓᭗
ᬲ᭄ᬫᬸᬕᬸᬬᬸ᭞ᬲᬶᬗ᭄ᬕᬶᬄᬤᬾᬯᬫᬳᬵᬭᬚ᭞ᬳᬶᬤᬾᬯᬧᬸᬢ᭄ᬭᬰᬲᬡ᭄ᬦ᭟᭒᭕᭟ᬲᬶᬗ᭄ᬕᬶᬄᬤᬾᬯᬲᬂᬳᬩᬕᬸᬲ᭄᭞ᬢᬦ᭄ᬲᬮᬄᬳᬸᬚᬭᬾ᭞ᬲᬤᬸᬭᬸᬗᬾᬢᬶᬢ᭄ᬬᬂᬳᬸᬦᬶᬂ᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬯᬦ᭄ᬢᬄᬭᬢᬸ᭞ᬫᬭᬶᬂᬧᬶᬤᬩ᭄ᬤᬩ᭄ᬧᬸᬦᬶᬓᬸ᭞ᬢᬦ᭄ᬳᬤᭀᬄ
ᬮ᭄ᬯᬶᬃᬲᬂᬲᬸᬚᬦ᭞ᬦᬫᭀᬂᬮᬫ᭄ᬧᬄᬲᬮᬄᬢᬸᬚᬸ᭞ᬢᬸᬦᬮᬶᬯᬢ᭄ᬳᬶᬓᬸᬗᬭᬦ᭄᭞ᬫᬕᭂᬦ᭄ᬢᭀᬲ᭄ᬦᬪᬶᬂᬧᬶᬂᬧᬜ᭄ᬘ᭟᭒᭖᭟ᬲᬂᬧ᭄ᬭᬪᬸᬭᬭᬶᬲ᭄ᬦᬶᬫ᭄ᬩᬮ᭄ᬫᬵᬢᬹᬃ᭞ᬢᬦ᭄ᬲᬶᬫ᭄ᬧᬂᬳᬸᬚᬭᬾ᭞ᬯᬦ᭄ᬢᬄᬢᬶᬢ᭄ᬬᬂᬲᬮᬶᬢ᭄ᬢᬫ᭄ᬧᬶ᭞ᬦ᭄ᬤᬶᬗᬭᬦ᭄ᬳᬸᬭᬶᬧᬶᬂᬯᬶᬡ᭄ᬥᬸ᭞ᬮᬗ᭄ᬓᬸ
ᬗᬶᬂᬳᬫᭂᬢᭂᬂᬲᬵᬫ᭄ᬧᬸᬦ᭄᭞ᬳᬶᬥᬸᬓᬸᬄᬦᬶᬫ᭄ᬩᬮ᭄ᬯᬘᬦ᭞ᬤᬸᬄᬧ᭄ᬬᬃᬱᬳᬢᬹᬃᬲᬗ᭄ᬳᬸᬮᬸᬦ᭄᭞ᬕ᭄ᬮᭂᬂᬳᬓᭂᬦᬶᬓᬦᬂᬫᬦᬄ᭞ᬫᬢᬶᬢᬶᬲ᭄ᬢᬸᬂᬢᬸᬂᬗᬶᬂᬫᬦᬄ᭟᭒᭗᭟ᬭᬲᬦᬶᬂᬚᬵᬢᬶᬓᬧᬗ᭄ᬕᬸᬄᬳᬶᬓᬸ᭞ᬓᬘᬶᬃᬬ᭄ᬬᬦ᭄ᬳᬗ᭄ᬕᬦᬾ᭞ᬮ᭄ᬯᬶᬃᬗ᭄ᬭᬜ᭄ᬚᬶᬗᬶᬂᬮᬯᬂᬳᬭᬶᬲ᭄
᭞ᬲᬫᬭᬱᬦᬾᬫᬯᭂᬢᬸ᭞ᬳᬸᬦ᭄ᬤᬕᬦᬶᬂᬮᬯᬂᬳᬶᬓᬸ᭞ᬧᬜ᭄ᬘᬳᬭᬦᬶᬂᬮᬯᬗᬦ᭄᭞ᬓᬫᭀᬢ᭄ᬭᬶᬂᬳᬗ᭄ᬕᬦᬶᬂᬧ᭄ᬭᬪᬸ᭞ᬦᬺᬧᬧᬸᬢ᭄ᬭᬫᬗᬦ᭄ᬤᬶᬓ᭞ᬤᬸᬭᬸᬲᬂᬢᬶᬗ᭄ᬕᬭᬂᬩᬧ᭟᭒᭘‌᭟ᬳᬶᬗ᭄ᬕᬶᬄᬗᬭᬦ᭄‌‌ᬜᬦᬾᬧᬸᬦᬶᬓᬸ᭞ᬳᬢᬹᬃᬳᬶ [ 138 ][᭑᭓᭗ 137B]
᭑᭓᭗
ᬥᬸᬓᬸᬳᬾ᭞ᬰᬩ᭄ᬤᬫ᭄ᬢᬸᬲᬓᬶᬂᬯᭀᬲᬶᬓ᭄᭞ᬳᭀᬲᬶᬓ᭄ᬳᬶᬓᬸᬗᬭᬦ᭄ᬩᬬᬸ᭞ᬩᬬᬸᬳᬶᬓᬸᬫ᭄ᬥᬮ᭄ᬳᬶᬧᬸᬦ᭄᭞ᬳᬶᬗ᭄ᬕᬶᬄᬫ᭄ᬥᬮ᭄ᬲᬓᬶᬂᬘᬶᬧ᭄ᬢ᭞ᬘᬶᬧ᭄ᬢᬫ᭄ᬥᬮ᭄ᬲᬓᬶᬂᬓᬳ᭄ᬬᬸᬦ᭄᭞ᬯ᭄ᬢᬸᬦᬶᬂᬓᬳ᭄ᬬᬸᬦ᭄ᬲᬓᬶᬂᬩᬸᬥ᭄ᬬ᭞ᬩᬸᬤ᭄ᬥᬶᬓᬓᬸᬯᬸᬗᬦᬶᬂᬳ᭄ᬬᬂ᭟᭒᭙᭟
ᬫᬗ᭄ᬓᬧᬯᬭᬯᬭᬄᬤᬦᬾᬥᬸᬓᬸᬄ᭞ᬗᭀᬚᬄᬓᬥᬃᬫ᭄ᬫᬦᬾ᭞ᬧᬂᬯ᭄ᬭᬸᬄᬲᬶᬭᬫᬦᬄᬩᬸᬤ᭄ᬥᬶ᭞ᬗᬭᬦ᭄ᬧᬜ᭄ᬘᭀᬦ᭄ᬤ᭄ᬭᬶᬬᬳᬶᬓᬸ᭞ᬧᬜ᭄ᬘᬓ᭄ᬯᬾᬄᬫᬦᬄᬧᬸᬦᬶᬓᬸ᭞ᬗᬭᬦ᭄ᬜᬦᬾᬲ᭄ᬯᬂᬲ᭄ᬯᬂ᭞ᬓᬲᬶᬧ᭄ᬢᬫᬸᬥᬧᬸᬦᬶᬓᬸ᭞ᬮᬦ᭄ᬯᬶᬓ᭄ᬱᬶᬧ᭄ᬢᬏᬓᬕᬺᬢ᭞ᬦᬶᬃ
ᬭᬸᬥᬧᬜ᭄ᬘᬲᬥᬬ᭟᭓᭐᭟ᬳᬶᬓᬸᬓᬩᬾᬄᬳᬸᬦ᭄ᬤᬕᬶᬂᬓᬬᬸᬦ᭄᭞ᬮ᭄ᬯᬶᬃᬧᬮᬶᬢ᭄ᬳᭂᬚᬦᬾ᭞ᬧᬮᬶᬢ᭄ᬧᬍᬢ᭄ᬧᬜ᭄ᬘᬲᬫᬶ᭞ᬳᬶᬓᬸᬧᬗᬯ᭄ᬭᬸᬄᬭᬸᬫᬸᬳᬸᬦ᭄᭞ᬧ᭄ᬬᬃᬱᬓ᭄ᬦᬲᬶᬭᬧ᭄ᬭᬪᬸ᭞ᬤᬾᬦ᭄ᬢᬲᬵᬫ᭄ᬧᬸᬦ᭄ᬳᬕᬕᬸᬭ᭄ᬯ᭞ᬮ᭄ᬯᬶᬃᬦᬶᬂᬲᭂᬧᬢ᭄ᬲᬶᬓᬸᬲᬶᬓᬸ᭞
ᬢᬶᬫ᭄ᬩᬂᬢᬶᬫ᭄ᬩᬭᬶᬂᬕ᭄ᬯᬕᬃᬪ᭞ᬲᬂᬧ᭄ᬭᬪᬸᬫᬵᬢᬹᬃᬤᬸᬭᬸᬲᬂ᭟᭓᭑᭟ᬇᬓᬂᬫᬦᬄᬪᬾᬤᬭᬢᬸ᭞ᬫᬓᬓ᭄ᬭᬫᬦ᭄ᬜᬦᬾ᭞ᬳᬶᬓᬂᬓᬲᬶᬧ᭄ᬢᬓᬧᬶᬂᬭᬶᬬᬶᬦ᭄᭞ᬓᬤᬶᬫᬦᬄᬭᬭᬾᬢᬸᬳᬸ᭞ᬦᭀᬭᬮᬗ᭄ᬕᭂᬂᬫᬦᬄᬳᬶᬧᬸᬦ᭄᭞ᬳᬲᬶᬂᬳᬜᬃᬓᬧᬗ᭄ᬕᬸ

[᭑᭓᭘ 138A]
᭑᭓᭘
ᬳ᭞ᬓᬢᭀᬦ᭄‌‌ᬩ᭄ᬘᬶᬓ᭄ᬢᬸᬃᬓᬧᬸᬮᬸᬢ᭄᭞ᬰᬩ᭄ᬥᬳᬜᬃᬤᬾᬦ᭄ᬕᬸᬕ᭄ᬯᬦ᭞ᬚᬵᬢᬶᬯ᭄ᬢᬸᬦᬶᬂᬓᬲᬶᬧ᭄ᬢ᭟᭓᭒᭟ᬓ᭄ᬭᬫᬦᬶᬂᬗᬭᬦ᭄ᬫᬸᬥᬧᬸᬦᬶᬓᬸ᭞ᬢ᭄ᬭᬸᬡᬢ᭄ᬭᬸᬡᬶᬮ᭄ᬯᬶᬭᬾ᭞ᬫᭀᬫᭀᬫᬹᬃᬓ᭄ᬓᬅᬗ᭄ᬓᬭᬢ᭄ᬯᬶ᭞ᬮᭀᬪᬲᬧᬓᬤᬶᬳᬓᬸ᭞ᬢᬃᬯ᭄ᬭᬸᬄᬭᬶᬂᬳ
ᬮᬳᬬᬸ᭞ᬳᬯᬓᬾᬚ᭄ᬯᬳᬦ᭄ᬤᭂᬮᬂ᭞ᬳᬓᬸᬯᬦᬶᬧ᭄ᬭᬚ᭄ᬜᬦ᭄‌‌ᬳᬓᬸ᭞ᬳᬓᬸᬰᬓ᭄ᬢᬶᬦᭀᬭᬲᬫ᭞ᬫᬗ᭄ᬓᬦᬵᬓᬋᬧᬶᬂ᭠ᬫᬹᬥ᭟᭓᭓᭟ᬓᬸᬦᬂᬓ᭄ᬭᬫᬦᬶᬂᬯᬶᬓ᭄ᬱᬧ᭄ᬢᬳᬶᬓᬸ᭞ᬯ᭄ᬭᬸᬄᬳᬗ᭄ᬕᬄᬳᬸᬗ᭄ᬕᬸᬳᬾ᭞ᬭᬶᬂᬧᬥᬢᬢᬦᬶᬂᬚᬦ᭄ᬫᬶ᭞ᬫᬮᬓ᭄ᬱᬡᬦᬾ
ᬭᬳᬬᬸ᭞ᬯᬶᬯᬾᬓᬢᬶᬦ᭄ᬤᬓᬶᬂᬢᬦ᭄ᬤᬸᬓ᭄᭞ᬫᬵᬦᬹᬢ᭄ᬳᬸᬘᬧᬶᬂᬰᬲᬦ᭞ᬰᬶᬮᬦᬾᬬᬸᬓ᭄ᬢᬶᬤᬸᬫᬸᬦᬸᬂ᭞ᬓᬮᬯᬦ᭄ᬲᬢ᭄ᬬᬭᬶᬂᬯᬘᬦ᭞ᬯ᭄ᬢᬸᬦ᭄ᬜᬦᬾᬲᬓᬶᬂᬯᬶᬓ᭄ᬱᬶᬧ᭄ᬢ᭟᭓᭔᭟ᬓᬧᬶᬂᬘᬢᬸᬃᬏᬓᬕᬺᬢᬦᬶᬧᬸᬦ᭄᭞ᬫᬦᬸᬗ᭄ᬕᬮ᭄ᬳᬭᬦᬾ᭞ᬦᬶᬓᬯᬸᬲ
ᬳᬾᬓᬓᬵᬧ᭄ᬢᬶ᭞ᬗᬸᬕ᭄ᬯᬦᬶᬦ᭄ᬓᬰᬸᬦ᭄ᬬᬢᬦ᭄‌‌ᬦ᭄ᬭᬸᬲ᭄᭞ᬢᬦᬵᬋᬧ᭄ᬓᬯᬷᬃᬬ᭄ᬬᬦ᭄ᬧ᭄ᬭᬪᬸ᭞ᬫᬓᬫᬶᬯᬄᬲᬸᬓᬯᬳ᭄ᬬ᭞ᬓᬾᬯᬮ᭄ᬬᬮᬗ᭄ᬕᭂᬂᬫᬦᬸᬚᬸ᭞ᬫᬭᬶᬂᬓᬦᬷᬃᬪᬦᬦ᭄ᬚᬸᬕ᭞ᬫᬶᬚᬶᬮᬶᬂᬏᬓᬕᬺᬢ᭟᭓᭕᭟ᬦᬶᬭᬸᬤ᭄ᬥᬓᬧᬶᬂᬧᬜ᭄ᬘᬧᬸᬦᬶᬓᬸ᭞ᬳᬸᬦ᭄ᬤ [ 139 ][᭑᭓᭘ 138B]
᭑᭓᭘
ᬕ᭄ᬳᬸᬦ᭄ᬤᬕᬦᬾ᭞ᬲᬓᬶᬂᬏᬓᬕᬺᬢᬗ᭄ᬭᬭᬶᬲ᭄᭞ᬦᬸᬗ᭄ᬓᬧ᭄ᬓᬦᬶᬃᬭᬸᬥᬳᬶᬓᬸ᭞ᬗ᭄ᬭᬾᬄᬳᬗ᭄ᬕᬧ᭄ᬭᬶᬄᬳᬗ᭄ᬕᬦ᭄ᬭᬢᬸ᭞ᬗᬭᬦ᭄ᬧᬲᬫ᭄ᬯᬦᬶᬂᬦᬬ᭞ᬫᬗ᭄ᬭᬾᬄᬭᬱᬚᬵᬢᬶᬳᬶᬓᬸ᭞ᬫᬓᬢ᭄ᬕᭂᬲ᭄‌‌ᬚᬵᬢᬶᬦ᭄ᬭᬱ᭞ᬢᬸᬗ᭄ᬕᬮ᭄ᬭᬱᬲᬫᬸᬥᬬ᭟᭓᭖᭟ᬳᬧᬦ᭄ᬭᬲᬦᭀᬭᬵᬦᬭ᭄ᬯ
ᬢ᭄ᬮᬸ᭞ᬳᬫᭀᬂᬧᬦᬸᬗ᭄ᬕᬮᬾ᭞ᬭᬱᬦᬶᬂᬳ᭄ᬬᬂᬫᬹᬃᬪᬾᬂᬪᬹᬫᬶ᭞ᬪᬯᬦᬦᬶᬂᬭᬹᬥᬇᬓᬸ᭞ᬬᬦ᭄ᬫᬗ᭄ᬓᬦᬧᬦᬸᬚᬸ᭞ᬢᬦ᭄ᬓᬲᭀᬃᬤᬾᬦ᭄ᬳᬾᬓᬕᬺᬢ᭞ᬗᬗ᭄ᬕᬾᬯᬶᬯᬾᬓᬲᬢᬸᬯᬸᬓ᭄᭞ᬯ᭄ᬭᬸᬄᬫᬓᬪᬾᬤᬪᬾᬤᬦ᭄ᬬ᭞ᬤᬕᬶᬂᬲ᭄ᬓᬮᬦᬶᬰ᭄ᬓᬮ᭟᭓᭗᭟ᬭᬶᬂᬯ
ᬳ᭄ᬬᬵᬤ᭄ᬬᬵᬢ᭄ᬫᬶᬓᬗᬭᬦ᭄ᬜᬇᬓᬸ᭞ᬬᬭ᭄ᬯᬪᬶᬦᬾᬤ᭄ᬥᬦᬾ᭞ᬭᬶᬂᬚᬩᬚ᭄ᬭᭀᬳᬧᬂᬚᬵᬢᬶ᭞ᬲᬓᬶᬂᬭᭀᬭᭀᬮᬫ᭄ᬧᬄᬳᬶᬧᬸᬦ᭄᭞ᬧᬗᬸᬗ᭄ᬲᬶᬦᬾᬲᬦᬾᬧᬵᬢᬹᬢ᭄᭞ᬗᬸᬗ᭄ᬲᬶᬳᬸᬭᬶᬧ᭄ᬓᬤ᭄ᬬᬵᬢ᭄ᬫᬶᬓᬦ᭄᭞ᬳᬧᬦ᭄‌‌ᬭ᭄ᬯᬳᬸᬭᬶᬧ᭄ᬜᬳᬶᬓᬸ᭞ᬢ᭄ᬕᭂᬲ᭄ᬧᬢᬶᬮᬦ᭄
ᬳᬸᬭᬶᬧ᭄ᬦ᭄ᬬ᭞ᬇᬓᬂᬧᬢᬶᬳᬸᬭᬶᬧ᭄‌‌ᬧ᭄ᬯᬬ᭟᭓᭘᭟ᬗᬭᬧ᭄ᬳᬸᬭᬶᬧ᭄ᬗᬯᬧᬢᬶᬦᬶᬧᬸᬦ᭄᭞ᬇᬗᭂᬃᬚᬸᬕᬫᬗ᭄ᬓᬾ᭞ᬫᬗ᭄ᬓᬾᬳᬶᬤᬸᬧ᭄‌‌ᬩᬾᬲᬸᬓ᭄ᬫᬢᬶ᭞ᬲᬶᬫ᭄ᬧᭂᬦᬦᬯᬗ᭄ᬰᬶᬢᬾᬧ᭄ᬭᬪᬸ᭞ᬫ᭄ᬮᬓ᭄ᬱᬡᬳᬧᬂᬢᬸᬳᬸ᭞ᬬᬦ᭄ᬯᬸᬲ᭄ᬦᬸᬗ᭄ᬕᬮᬶᬂᬯᬶᬭᬸᬥ᭞ᬢᬦᬵ

[᭑᭓᭙ 139A]
᭑᭓᭙
ᬦᬳᬾᬮᬶᬓ᭄ᬮᬯᬦ᭄ᬳ᭄ᬬᬸᬦ᭄᭞ᬧᬲ᭄ᬭᬳᬦᬵᬭᬕᬚᬷᬯ᭞ᬫᬭᬶᬂᬲᬂᬳ᭄ᬬᬂᬯᬶᬥᬷᬯᬱ᭟᭓᭙᭟ᬬᬾᬦ᭄ᬫᬫ᭄ᬭᬶᬄᬤ᭄ᬬᬄᬉᬤ᭄ᬬᬢ᭄ᬫᬶᬓᬳᬶᬓᬸ᭞ᬮᬸᬄᬝᬲᬶᬓ᭄ᬗᬭᬦᬾ᭞ᬓᬲᬸᬫᬭᬱᬚᬵᬢᬶ᭞ᬦᬶᬃᬭᬸᬥᬦᬾᬳᬗ᭄ᬕᬾᬦ᭄ᬗᭂᬧᬸᬂ᭞ᬳᬬ᭄ᬯᬲᬶᬭᬳᬢᬸᬫ᭄ᬧᬂᬲᬸᬄ᭞ᬓᬲᬶ
ᬧ᭄ᬢᬫᬹᬥᬯᬶᬓ᭄ᬱᬶᬧ᭄ᬢ᭞ᬏᬓᬕᬺᬢᬮ᭄ᬯᬶᬄᬳᬶᬧᬸᬦ᭄᭞ᬫᬦᬸᬗ᭄ᬓᬧ᭄ᬳᬸᬦ᭄ᬤᬕ᭄ᬧᬶᬂᬳᭂᬫ᭄ᬧᬢ᭄᭞ᬤᬸᬫᬤᬓᬵᬫᬭᬶᬂᬯᬶᬭᬹᬥ᭞᭟᭔᭐᭟ᬮ᭄ᬯᬶᬄᬲᭂᬗ᭄ᬓᬕ᭄ᬦᬄᬜᬦᬾᬧᬸᬦᬶᬓᬸ᭞ᬫᬶᬯᬄᬫᬃᬕ᭄ᬕᬦ᭄ᬜᬦᬾ᭞ᬳᬭᬂᬯᬾᬦ᭄ᬢᭂᬦ᭄ᬦᬭᬳᬸᬦᬶᬂ᭞ᬫᬃᬕ᭄ᬕᬮᬗᬸᬕᬫ᭄ᬧᬂᬭᬢᬸ᭞ᬗᬸ
ᬧᬤᬶᬚᬕᬢ᭄ᬧᬸᬦᬶᬓᬸ᭞ᬬᬾᬦᬶᬂᬗᭂᬫ᭄ᬩᬦ᭄ᬤᬾᬯᬶᬉᬬᬄ᭞ᬫᬾᬯᭂᬄᬮᬶᬦ᭄ᬢᬂᬘ᭄ᬮᬢ᭄‌‌ᬘ᭄ᬮᬸᬢ᭄᭞ᬤᬾᬦᬶᬂᬭᬱᬦᬾᬉᬢ᭄ᬢᬵᬫ᭟ᬧ᭄ᬭᬢᬓ᭄ᬚᬦᬦᬾᬗᬸᬧᬤ᭄ᬬᬂ᭟᭔᭑᭟ᬲᭂᬧᬢ᭄ᬲᬶᬓᬸᬲᬶᬓᬸᬦᭂᬦ᭄ᬧᬸᬦᬶᬓᬸ᭞ᬳᬬ᭄ᬯᬲᬶᬭᬳᬕᬾ᭞ᬫᬬᬸᬥᬬᬦ᭄ᬥᬸᬭᬸᬂᬯ᭄ᬬᬤᬶ
᭞ᬤᬸᬭᬸᬂᬯᬶᬓᬦ᭄ᬤᬤᬶᬯᬶᬓᬸ᭞ᬮᬦ᭄ᬫᬬᭀᬕᬬᭀᬕ᭄ᬬᬤᬸᬭᬸᬂ᭞ᬳᬬ᭄ᬯᬗᭂᬦ᭄ᬢᬲ᭄‌‌ᬤᬸᬭᬸᬂᬢᬢᬲ᭄᭞ᬫᬧᬶᬢᬸᬢᬸᬃᬤᬸᬭᬸᬂᬓ᭄ᬢᬸᬃ᭞ᬫᬵᬚᬃᬳᬚᬃᬤᬸᬭᬸᬂᬧᬚᬃ᭞ᬧᬚᬃᬗᬭᬦ᭄ᬕᬮᬂᬯᬾᬢᬦ᭄᭟᭔᭒᭟ᬓᬥᬃᬫ᭄ᬫᬦᬾᬤᬾᬯᬲᬦᬾᬚᬸᬚᬸᬃ᭞ᬫᬗ᭄ᬓᬮ [ 140 ][᭑᭓᭙ 139B]
᭑᭓᭙
ᬓ᭄ᬱᬡᬦᬾ᭞ᬭᬕᬰᬭᬷᬭᬵᬯᬸᬲ᭄ᬮᬶᬂᬮᬶᬂ᭞ᬫᬶᬮᬶᬄᬫᬃᬕ᭄ᬕᬳᬮᬳᬬᬸ᭞ᬬᬾᬦᬶᬂᬳᬸᬮᬳᬾᬳᬬᬸᬫᬦ᭄ᬭᬸᬲ᭄᭞ᬢᬦ᭄ᬧᬶᬦ᭄ᬤ᭄ᬭᬶᬄᬮᬪᬧ᭄ᬭᬧ᭄ᬢ᭞ᬮ᭄ᬯᬶᬃᬯᬳ᭄ᬯᬳᬦ᭄ᬫᬲᬓ᭄ᬭᬸᬦ᭄ᬢᬸᬄ᭞ᬢᬦ᭄ᬧᬶᬦ᭄ᬤ᭄ᬭᬶᬄᬢᬦ᭄ᬧᬶᬦᬭᬦ᭄᭞ᬗᬭᬦ᭄ᬗᬫ᭄ᬩᬶᬮ᭄‌‌ᬢᬦ᭄ᬧᬢᬗᬦ᭄᭟
᭔᭓᭟ᬳᬶᬓᬂᬮᬫ᭄ᬧᬄᬚᬵᬢᬶᬢ᭄ᬭᬶᬧᬸᬦᬶᬓᬸ᭞ᬫᬗ᭄ᬓᬦᬮ᭄ᬯᬶᬃᬜᬦᬾ᭞ᬦᬶᬱ᭄ᬝᭀᬫᬥ᭄ᬬᭀᬢ᭄ᬢᬫᬦᬾᬓᬶ᭞ᬧᬸᬧᬸᬢ᭄ᬳᬶᬥᬸᬓᬸᬄᬫᬢᬸᬢᬸᬃ᭞ᬧᬶᬦᬶᬄᬯᬾᬦ᭄ᬢᭂᬦ᭄ᬢᬶᬕᬂᬥᬮᬸ᭞ᬦᬺᬧᬧᬸᬢ᭄ᬭᬓᬳᬶᬭᬶᬗᬂ᭞ᬳᬲᬮᬶᬮᬭᬶᬂᬳᬶᬥᬸᬓᬸᬄ᭞ᬫᬸᬗ᭄ᬕᬄᬫᬭᬶᬂ
ᬕᬸᬦᬸᬂᬫ᭄ᬜᬦ᭄᭞ᬕᬸᬫᬦ᭄ᬢᬶᬕᬦ᭄ᬢᬶᬯᬘᬦ᭟᭐᭚ᬧᬸᬄᬕᬶᬡᬦ᭄ᬢᬶ᭚᭑᭟ᬲᬋᬂᬓᬮᬶᬄᬫᬧᬶᬢᬸᬢᬸᬃ᭞ᬳᬦᬭᬶᬂᬳᬕ᭄ᬭᬦᬶᬂᬉᬓᬶᬃ᭞ᬢᬫ᭄ᬧᭂᬓ᭄ᬕᬸᬦᬸᬂᬘᬶᬢ᭄ᬭᬓᬸᬝ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬯᬦ᭄ᬢᬄᬫᬫᬦ᭄᭞ᬜᬹᬓ᭄ᬱ᭄ᬫ
ᬬᬂᬫᬓᬲᬫᬶ᭟᭒᭟ᬲᬮ᭄ᬯᬶᬃᬲ᭄ᬯᬾᬘ᭄ᬙᬦᬾᬯᬳᬸ᭞ᬮᬾᬤᬂᬩᬧᬫᬗ᭄ᬢᬸᬭᬶᬦ᭄᭞ᬬᬦ᭄ᬢᬸᬦᬍᬯᬶᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬗᭀᬚᬳᬂᬫᬓᬲᬫᬶ᭞ᬤᬦᬾᬥᬸᬓᬸᬄᬫᬵᬢᬹᬃᬤᬩ᭄ᬥᬩ᭄᭞ᬤᬸᬭᬸᬲ᭄ᬭᬢᬸᬰ᭄ᬭᬷᬦᬵᬃᬧᬢᬶ᭟᭓᭟ᬦᬭᬾᬦ᭄ᬤ᭄ᬭᬧᬸᬢ᭄ᬭ

[᭑᭔᭐ 140A]
᭑᭔᭐
ᬫᬯᬸᬯᬸᬲ᭄᭞ᬧ᭄ᬬᬃᬱᬩᬧᬤᬾᬦᬵᬢᬶᬢᬶ᭞ᬳᬶᬗ᭄ᬕᬶᬄᬘᬘ᭄ᬢᬬᬦ᭄ᬢᬶᬢ᭄ᬬᬂ᭞ᬤᬕᬶᬂᬧᬶᬢᬸᬢᬸᬭᬾᬲᬫᬶ᭞ᬲᬦᬾᬢᬶᬕᬳᭀᬚᬄᬢᬶᬢ᭄ᬬᬂ᭞ᬲᬓᬶᬂᬦᬶᬱ᭄ᬝᬦᬶᬂᬧᬗ᭄ᬭᬶᬳᬶᬦ᭄᭟᭔᭟ᬧᬶᬓᭀᬮᬶᬄᬦᬶᬱ᭄ᬝᬧᬸᬦᬶᬓᬸ᭞ᬗᬱ᭄ᬝᬯᬭᬶᬂᬲᬂᬳ᭄ᬬᬂᬯᬶᬥᬷ᭞ᬧᬦᬸᬕ᭄ᬭᬳᬦ᭄ᬢᬍᬃᬦᬶ
ᬱ᭄ᬝ᭞ᬧᬶᬓᭀᬮᬶᬄᬗ᭄ᬯᬂᬲᬧᬸᬦᬶᬓᬶ᭞ᬗᬗ᭄ᬕᬾᬕᬕ᭄ᬮᬭᬦ᭄ᬳᬓ᭄ᬱᬭᬫᬗᬘᭂᬧ᭄ᬳᬘᭂᬧ᭄ᬧᬶᬓᭀᬮᬶᬄ᭟᭕᭟ᬚᬧᬫᬦ᭄ᬢ᭄ᬭᬦᬾᬓᬲᬸᬫ᭄ᬩᬸᬂ᭞ᬧᬹᬚᬩ᭄ᬭᬢᬮᬦ᭄ᬲᬫᬵᬥᬶ᭞ᬚᬧᬬᭀᬕᬫᬶᬯᬄᬤ᭄ᬬᬦ᭞ᬧᬗᬱ᭄ᬝᬯᬳᬗᬗ᭄ᬕᬾᬧ᭄ᬭᬶᬄ᭞ᬫ᭄ᬢᬸᬲᬓᬶᬂᬫᬦᬄᬮᭀ
ᬪ᭞ᬅᬗ᭄ᬓᬭᬫᬹᬃᬓ᭄ᬓᬗᬲ᭄ᬢᬶᬢᬶ᭟᭖᭟ᬳᬶᬓᬓᬩᬾᬄᬦᬶᬱ᭄ᬝᬮᬓᬸ᭞ᬕᬢᬶᬦᬶᬓᬂᬧᬗᬱ᭄ᬝᬶᬢᬶ᭞ᬫᬶᬓᭀᬮᬶᬳᬂᬲᬃᬯ᭄ᬯᬳᬶᬧ᭄ᬬᬦ᭄᭞ᬮᬶᬦ᭄ᬢᬂᬓᬸᬮᬸᬩ᭄ᬧᬶᬘᬦ᭄ᬯᬶᬥᬷ᭞ᬓᬵᬓ᭄ᬯᬾᬳᬦ᭄ᬤᬕᬶᬗᬾᬜᬸᬗ᭄ᬲᬂ᭞ᬓᬲ᭄ᬯᬾᬦ᭄‌‌ᬲ᭄ᬯᬾᬦ᭄ᬯᬯᬸᬓᬧᬗ᭄ᬕᬶᬄ᭟᭗᭟ᬲᬦᬾ
ᬫᬥ᭄ᬬᬓᭀᬘᬧ᭄ᬳᬶᬧᬸᬦ᭄᭞ᬫ᭄ᬢᬸᬭᬶᬂᬧᬦ᭄ᬭᬶᬫᬾᬂᬩᬸᬤ᭄ᬥᬶ᭞ᬕᬸᬫᬦ᭄ᬢᬸᬂᬭᬲᬾᬂᬳᬺᬥᬬ᭞ᬳᬶᬭᬶᬓᬓᬢᬶᬗ᭄ᬳᬮ᭄ᬳᬭᬶᬲ᭄᭞ᬮ᭄ᬯᬶᬃᬯᬯᬬᬗᬦ᭄ᬲᬓ᭄ᬥᬧ᭄᭞ᬳᬫᬥ᭄ᬬᬦᬸᬕ᭄ᬭᬳᬶᬂᬯᬶᬥᬷ᭟᭘᭟ᬮᬪᬦᬶᬂᬉᬢ᭄ᬢᬫᬇᬓᬸ᭞ᬮᬓ᭄ᬱᬡᬦᬾᬲ [ 141 ][᭑᭔᭐ 140B]
᭑᭔᭐
ᬧᬸᬦᬶᬓᬶ᭞ᬲᬸᬓᬮᬶᬮᬫ᭄ᬯᬂᬮᬕᬯ᭞ᬦᭀᬭᬵᬦᬓᬂᬧᬶᬦ᭄ᬭᬶᬄ᭞ᬓᬕᬾᬢ᭄ᬳᬦᬮᬪᬢ᭄ᬓ᭞ᬢᬦ᭄ᬚᬮᬸᬓ᭄ᬕᬜ᭄ᬚᬭᬦ᭄ᬫᬷᬮᬶ᭟᭙᭟ᬦᭀᬭᬵᬦᬭᬱᬧᬓᬾᬬᬸᬄ᭞ᬫ᭄ᬢᬸᬦᬾᬲᬓᬶᬂᬉᬢ᭄ᬢᬫᬶ᭞ᬓᬤᬶᬫᬲᬓᬶᬂᬯ᭄ᬯᬳ᭄ᬯᬳᬦ᭄᭞ᬢᬦ᭄ᬫᬭᬶᬲᬗᭀᬮᬄ
ᬫᬮᬶᬄ᭞ᬓᬾᬯᬮᬲᬸᬓᬍᬕᬯ᭞ᬗᬗ᭄ᬕᬾᬥᬃᬫ᭄ᬫᬧᬗᬲ᭄ᬢᬶᬢᬶ᭟᭑᭐᭟ᬫᬾᬲᭂᬫ᭄ᬳᬶᬥᬸᬓᬸᬄᬲᬸᬫᬯᬸᬃ᭞ᬧᬵᬢᬹᬢ᭄ᬤᬾᬯᬰ᭄ᬭᬷᬦᬵᬃᬧᬢᬶ᭞ᬬᬾᬦ᭄ᬲᬯᬯᬗᬯᬫᬦᬄ᭞ᬳᬗ᭄ᬕᬦᬶᬂᬢᭀᬬᬤᭂᬕ᭄ᬥᭂᬕ᭄‌‌ᬳ᭄ᬦᬶᬂ᭞ᬫᬯ᭄ᬢᬸᬲᬓᬶᬂᬩᬸᬮᬓᬦ᭄᭞ᬢᬦ᭄ᬓᬯᭀᬭᬦ᭄ᬦᬧᬶ
ᬫᬮᬶᬄ᭟᭑᭑᭟ᬲᬸᬓᬘᬶᬢ᭄ᬢᬲᬂᬳᬩᬕᬸᬲ᭄᭞ᬫᬦ᭄ᬭᬶᬫᬾᬂᬘᬶᬢ᭄ᬢᬳᬸᬢᬫᬶ᭞ᬫᬮᬶᬄᬩᬧᬫᬶᬤᬃᬣᬬᬂ᭞ᬓᭀᬢ᭄ᬢᬫᬦ᭄ᬕᬸᬦᬸᬂᬧᬸᬦᬶᬓᬶ᭞ᬭᬶᬂᬓᬶᬥᬸᬮ᭄ᬓᬸᬮᭀᬦ᭄‌‌ᬮᭀᬃᬯᬾᬢᬦ᭄᭞ᬳᬦ᭄ᬤᬧᬦ᭄ᬭᬶᬂᬕᬸᬦᬸᬂᬳᬶᬓᬶ᭟᭑᭒᭟ᬲᬦᬾᬄᬲᬦᬾᬄᬭᬹᬧᬦᬶᬧᬸᬦ᭄
ᬢᬦ᭄ᬲᬫᬇᬓᬂᬯᬃᬡ᭄ᬦᬶ᭞ᬫᬶᬯᬄᬧᬸᬓᬸᬳᬶᬂᬳᬘᬮ᭞ᬫᬳᬶᬤᭂᬃᬲᬫᬶᬫᬤᬕᬶᬂ᭞ᬢᭀᬬᬫᬤᬦᬸᬭᬹᬧᬦ᭄ᬬ᭞ᬮ᭄ᬯᬶᬄᬜᬦᬾᬲᬮᬶᬂᬮᬶᬗ᭄ᬕᬾᬦᬶᬦ᭄᭟᭑᭓‌᭟ᬤᬸᬭᬸᬲ᭄ᬮᬾᬤᬂᬩᬧᬥᬸᬓᬸᬄ᭞ᬦᬢ᭄ᬯᬬᬂᬧᬸᬦᬶᬓᬲᬫᬶ᭞ᬫᬗ᭄ᬤᬢᬶᬢ᭄ᬬᬂᬲᬳᬸ

[᭑᭔᭑ 141A]
᭑᭔᭑
ᬦᬶᬗ᭞ᬭᬶᬂᬢᬶᬢ᭄ᬬᬂᬓᬯ᭄ᬮᬲᬵᬲᬶᬄ᭞ᬳᬶᬤᬸᬓᬸᬄᬫᬲᬯᬸᬃᬩᬦ᭄ᬩᬦ᭄᭞ᬲᬶᬗ᭄ᬕᬶᬄᬧ᭄ᬬᬃᬱᬰ᭄ᬭᬷᬦᬵᬃᬧᬢᬶ᭟᭑᭔᭟ᬬᬢ᭄ᬦᬵᬚ᭄ᬯᬲᬶᬭᬧ᭄ᬭᬪᬸ᭞ᬧ᭄ᬯᬭᬄᬯᬭᬄᬲᬸᬦ᭄ᬲᬸᬚᬵᬢᬶ᭞ᬲᬓᬶᬂᬧᬹᬃᬯ᭄ᬯᬤᬾᬯᬳᬯᬲ᭄᭞ᬋᬗ᭄ᬯᬓ᭄ᬦᬯᬷᬚᬶᬯᬷᬚᬶ᭞ᬭᬹᬧᬦ᭄ᬬᬮᬦ᭄ᬦ
ᬫᬦ᭄ᬬ᭞ᬧᬳᬶᬤᭂᬃᬩ᭄ᬯᬦᬳᬶᬓᬶ᭟᭑᭕᭟ᬭᬶᬂᬧᬸᬓᬸᬳᬶᬂᬕᬸᬦᬸᬂᬳᬶᬓᬸ᭞ᬢ᭄ᬧᬶᬯᬾᬢᬦ᭄ᬓᬂᬧᬶᬦᬸᬚᬶ᭞ᬮᬶᬗ᭄ᬕᬦ᭄ᬳᬶᬤᬳ᭄ᬬᬂᬇᬰ᭄ᬯᬭ᭞ᬰ᭄ᬯᬾᬝᬯᬃᬡ᭄ᬦᬦᬾᬫᬓᭂᬡ᭄ᬥᬶᬢ᭄᭞ᬫᬓᬲᬫᬶᬫ᭄ᬯᬃᬡ᭄ᬦᬧ᭄ᬢᬓ᭄᭞ᬭᬡᬸᬢᬸᬜ᭄ᬚᬸᬂᬢᬍᬃᬧᬸᬢᬶᬄ᭟᭑᭖᭟ᬢᭀᬬ
ᬦ᭄ᬦᬾᬦᬶᬃᬫᬮᬫᬦ᭄ᬭᬸᬲ᭄᭞ᬮᬶᬗ᭄ᬕᬄᬤᭂᬕ᭄ᬤᭂᬕ᭄‌‌ᬢᬸᬃᬫᬳᬶᬮᬶᬃ᭞ᬢᬸᬓᬤ᭄ᬲ᭄ᬭᬬᬸᬳᬶᬓᬸᬗᬭᬦ᭄᭞ᬫᬦᭂᬫ᭄ᬧᬸᬄᬚᬕᬢᬾᬓᬗᬶᬦ᭄᭞ᬲᬯᬯᭂᬗ᭄ᬓᬦᬶᬂᬫᬬᬹᬭ᭞ᬗᬫᬺᬢ᭄ᬢᬦᬶᬦ᭄‌‌ᬮ᭄ᬯᬶᬃᬫᬳᬸᬭᬶᬧ᭄᭟᭑᭗᭟ᬓᬧᬶᬂᬓᬮᬶᬄᬕ᭄ᬦᬾᬬᬦ᭄ᬧᬸᬦᬶᬓᬸ᭞ᬤᬤᬸᬭᬹᬧ
ᬦᬾᬲᬯᬯᬶ᭞ᬳ᭄ᬬᬂᬫᬶᬲᭀᬭᬤᬾᬯᬢᬦ᭄ᬬ᭞ᬢ᭄ᬮᬕᬢᬸᬜ᭄ᬚᬸᬂᬢᬍᬃᬲᬫᬶ᭞ᬯᬃᬡ᭄ᬦᬦ᭄ᬜᬦᬾᬦᭀᬭᬲᬶᬯᬄ᭞ᬲᬯᭂᬗ᭄ᬓᬦᬶᬂᬓᬚᬓᬗᬶᬦ᭄᭟᭑᭘᭟ᬯᬾᬦ᭄ᬢᭂᬦ᭄ᬢᬸᬓᬤ᭄ᬜᬦᬾᬧᬸᬦᬶᬓᬸ᭞ᬫᬳᬶᬮᬶᬫ᭄ᬩᬄᬜᬦᬾᬦᬶᬂ᭞ᬯᬾᬦᬵᬃᬫ᭄ᬫᬥᬳᬶᬓᬗᬭ᭠ [ 142 ][᭑᭔᭑ 141B]
᭑᭔᭑
ᬦ᭄᭞ᬦᭂᬫ᭄ᬧᬸᬄᬚᬕᬢ᭄‌‌ᬧᬸᬱ᭄ᬧᬲᬵᬭᬷ᭞ᬧᬸᬭᬶᬦ᭄ᬦᬶᬤ᭄ᬬᬄᬉᬤ᭄ᬬᬵᬢ᭄ᬫᬶᬓ᭞ᬯᬿᬧᬸᬦᬶᬓᬗᬫᬺᬢ᭄ᬢᬦᬶᬦ᭄᭟᭑᭙᭟ᬓᬧᬶᬂᬢᬶᬕᬵᬗ᭄ᬕᬶᬄᬧᬸᬓᬸᬮᬸᬦ᭄᭞ᬭᬶᬂᬥᬓ᭄ᬱᬶᬡᬦᬾᬫᬗ᭄ᬓᬶᬦ᭄᭞ᬳ᭄ᬬᬂᬩ᭄ᬭᬳ᭄ᬫᬵᬧᬸᬦᬶᬓᬗᬭᬦ᭄᭞ᬭᬡᬸᬢᬸᬜ᭄ᬚᬸᬂᬳᬩᬂᬲᬫᬶ᭞ᬲᬯᬃᬡ᭄ᬦᬦ᭄ᬓᬶᬥᬸ
ᬮᬾᬭᬓ᭄ᬝ᭞ᬦᭀᬭᬲᬦᬾᬄᬫᬓᬲᬫᬶ᭟᭒᭐᭟ᬯᬮᬳᬃᬳᬕᬸᬂᬫᬗ᭄ᬭᬸᬤᬸᬓ᭄᭞ᬓᬮᬶᬩ᭄ᬭᬦ᭄ᬢᬲ᭄ᬳᬶᬓᬸᬦᬫᬶ᭞ᬓᬮᬶᬮᬸᬗ᭄ᬓᬵᬫᬳᭀᬍᬓᬦ᭄᭞ᬗᭂᬫ᭄ᬩᬳᬶᬦ᭄ᬮᬗᬸᬦᬵᬕᬭᬶ᭞ᬕ᭄ᬦᬄᬭᬶᬧᬹᬦᬾᬲᬂᬦᬵᬣ᭞ᬓᬜ᭄ᬘᬦ᭄‌‌ᬬᬓ᭄ᬱᬓᬫᬺᬢ᭄ᬢᬦᬶᬦ᭄᭟᭒᭑᭟ᬫᬭᬶᬂᬦᬭᬶ
ᬣᬶᬓᬧᬶᬂᬘᬢᬸᬃ᭞ᬓᬸᬭᬡ᭄ᬝᬭᬹᬧᬦᬾᬲᬫᬶ᭞ᬳ᭄ᬬᬂᬭᬸᬤ᭄ᬭᬤᬾᬯᬢᬦᬶᬓ᭞ᬢ᭄ᬮᬕᬢᬸᬜ᭄ᬚᬸᬂᬢᬍᬃᬲᬫᬶ᭞ᬯᬯᭂᬗ᭄ᬓᬦ᭄ᬮᬸᬤ᭄ᬭᬵᬩ᭄ᬯᬦ᭞ᬦᭀᬭᬪᬾᬤᬫᬓᬲᬫᬶ᭟᭒᭒᭟ᬢᬸᬓᬤ᭄ᬫᬓᬶᬭᬶᬲ᭄ᬧᬸᬦᬶᬓᬸ᭞ᬗᬭᬦ᭄ᬜᬦᬾᬫᬦ᭄ᬤᬓᬶᬦᬶ᭞ᬢᭀᬬᬦ᭄ᬜᬦᬾ
ᬤᬳᬢ᭄ᬦᬶᬃᬫ᭄ᬫᬮ᭞ᬗᭂᬫ᭄ᬩᬳᬶᬦ᭄ᬧᬸᬮᭀᬫᬜᭂᬢᬶ᭞ᬗᬫᭂᬃᬢ᭄ᬢᬦᬶᬦ᭄‌ᬮ᭄ᬯᬶᬃᬫᬗ᭄ᬓ᭄ᬬᬦ᭄᭞ᬯᬯᭂᬗ᭄ᬓᬦ᭄ᬧᬸᬦᬶᬓᬲᬫᬶ᭟᭒᭓᭟ᬧᬶᬂᬧᬜ᭄ᬘᬧᬰ᭄ᬘᬶᬫᬇᬓᬸ᭞ᬧᬷᬝᬭᬹᬧᬦ᭄ᬜᬦᬾᬲᬫᬶ᭞ᬫᬳᬤᬾᬯᬤᬾᬯᬢᬦᬶᬓ᭞ᬢᬸᬜ᭄ᬚᬸᬂᬉᬤ᭄ᬬᬦᬦᬾᬓᬸᬦᬶᬂ᭞

[᭑᭔᭒ 142A]
᭑᭔᭒
ᬦᭀᬭᬳᬦᬫᬲᬦᬾᬳᬦ᭄᭞ᬲᬯᬃᬡ᭄ᬦᬓᬯᬸᬳᬾᬲᬫᬶ᭟᭒᭔᭟ᬧᭂᬫ᭄ᬩᬳᬶᬂᬯᬿᬘᭂᬩᬸᬃᬘᭂᬩᬸᬃ᭞ᬗᬭᬦ᭄ᬢᬸᬓᬤ᭄ᬲᬸᬭᬦᬥᬶ᭞ᬲᬸᬮᬸᬓ᭄ᬫᬤᬍᬫ᭄‌‌ᬢᬦ᭄ᬢᭂᬮᬕ᭄᭞ᬦᬶᬓᬲᬦᬾᬫᬗᭂᬫ᭄ᬩᬳᬶᬦ᭄᭞ᬢᬶᬩᬵᬓᬦᬸᬱᬓᬫ᭄ᬩᬗᬦ᭄᭞ᬓᬓᬸᬯᬸᬩ᭄ᬦᬾᬓᬫᬺ
ᬢᬦᬶᬦ᭄᭟᭒᭕᭟ᬓᬧᬶᬂᬱᬤ᭄ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬦᬭᬶᬂᬯᬬᬩ᭄ᬬᬩᬯᭀᬲᬶᬦ᭄᭞ᬰᬗ᭄ᬓᬭᬤᬾᬯᬢᬦ᭄ᬜᬵ᭞ᬚᬶᬗ᭄ᬕᬭᬹᬧᬦᬾᬲᬸᬚᬵᬢᬶ᭞ᬓᬸᬫᬸᬥᬦᬶᬂᬢᬫᬦ᭄ᬚᬶᬗ᭄ᬕ᭞ᬤᬕᬶᬂᬓ᭄ᬮᭀᬤ᭄ᬓᬯᬸᬳᬾᬲᬫᬶ᭟᭒᭖᭟ᬯᬾᬢᬫ᭄ᬧᬓᬶᬸᬢᬸᬓᬤ᭄ᬳᬶᬧᬸᬦ᭄᭞ᬲᬸᬮᬸ
ᬓ᭄ᬳᭂᬫ᭄ᬩᬄᬜᬦᬾᬲᬳᬶ᭞ᬢᬶᬩᬵᬓᬓᬳᬯᬸᬦ᭄ᬦᬕᬭ᭞ᬧᬸᬭᬶᬦ᭄ᬳᬶᬤᬰ᭄ᬭᬷᬦᬵᬃᬧᬢᬶ᭞ᬓᬂᬲᬵᬫ᭄ᬧᬸᬦ᭄ᬗᭂᬫᬲᬶᬦ᭄ᬧᭂᬚᬄ᭞ᬢᭀᬬᬳᬶ᭠ᬓᬗᬫᬺᬢ᭄ᬢᬦᬶᬦ᭄᭟᭒᭗᭟ᬓᬧᬶᬂᬲᬧ᭄ᬢᬦᬾᬓᬳᬶᬢᬸᬂ᭞ᬭᬶᬂᬳᬸᬢᬭᬤᬾᬰᬫᬮᬶᬄ᭞ᬳ᭄ᬬᬂᬯᬶᬱ᭄ᬡᬸᬫᬓᬤᬾᬯᬢ᭞ᬳᬶᬋᬂ᭠
ᬯᬃᬡ᭄ᬦᬦᬾᬲᬸᬚᬵᬢᬶ᭞ᬲᬤᬕᬶᬂᬓ᭄ᬮᭀᬤ᭄ᬧᬸᬦᬶᬓ᭞ᬢ᭄ᬮᬕᬢᬸᬜ᭄ᬚᬸᬂᬳᬶᬋᬂᬲᬫᬶ᭟᭒᭘᭟ᬯᬾᬦ᭄ᬢᭂᬦ᭄ᬢᬸᬓᬤ᭄ᬦᬶᬂᬫᬦ᭄ᬭᬸᬲ᭄᭞ᬢᭀᬬᬦ᭄ᬜᬦᬾᬮᬶᬦ᭄ᬢᬂᬰᬸᬘᬷ᭞ᬯᬿᬚᬳ᭄ᬦᬯᬶᬫᬓᬦᬵᬫ᭞ᬦᭂᬫ᭄ᬧᬸᬄᬓᬸᬝᬮᬾᬱᬦ᭄ᬧᬸᬭᬶ᭞ᬭᬚ᭄ᬬᬦ᭄ᬲᬶᬭᬫᬳᬵᬭᬚ [ 143 ][᭑᭔᭒ 142B]
᭑᭔᭒
᭞ᬯ᭄ᬯᬂᬯᬯᭂᬗ᭄ᬓᬦ᭄ᬫᬫᬜ᭄ᬚᬸᬲᬶᬦ᭄᭟᭒᭙᭟ᬧᬶᬂᬅᬱ᭄ᬝᬧᬶᬤᭂᬭᬾᬧᬸᬧᬸᬢ᭄᭞ᬭᬶᬂᬐᬃᬱᬦ᭄ᬬᬫᬓᬲᬫᬶ᭞ᬳ᭄ᬬᬂᬲᬫ᭄ᬩᬸᬗᬭᬦ᭄ᬤᬾᬯ᭠ᬢ᭞ᬪᬷᬭᬹᬯᬃᬡ᭄ᬦᬦ᭄ᬜᬦᬾᬲᬫᬶ᭞ᬢ᭄ᬮᬕᬢᬸᬜ᭄ᬚᬸᬂᬦᭀᬭᬲᬶᬯᬄ᭞ᬯᬯᭂᬗ᭄ᬓᬦᬶᬂᬓ᭄ᬮᭀᬤ᭄ᬓᬗᬶᬦ᭄᭟᭓᭐᭟ᬚᬫ᭄ᬩᬸᬤ᭄ᬯᬶᬧᬓᬮᬶ
ᬦᬶᬧᬸᬦ᭄᭞ᬢᭀᬬᬦᬾᬫᬳᬫ᭄ᬩᬸᬫ᭄ᬭᬶᬓ᭄᭞ᬮᬩᬸᬄᬜᬦᬾᬓᬲᬕᬭ᭞ᬦᬶᬓᬶᬫᬷᬮᬶᬲ᭄ᬬᬂᬭᬢ᭄ᬭᬶ᭞ᬲᬵᬕᬭᬫᬥᬸᬫᬦᬢᬓ᭄᭞ᬫᬦᬶᬲ᭄ᬜᬦᬾᬢᬦ᭄ᬲᬶᬦᬶᬧᬶ᭟᭓᭑᭟ᬢᬦ᭄ᬯᬦᭂᬄᬢᬶᬢ᭄ᬬᬂᬫᬗ᭄ᬭᬸᬗᬸ᭞ᬭᬶᬂᬢᬢ᭄ᬯᬦ᭄ᬕᬸᬦᬸᬗᬾᬲᬫᬶ᭞ᬲᬂᬧ᭄ᬭᬪᬹᬭᬭᬶᬲ᭄ᬫᬦᬸ
ᬦᬲ᭄᭞ᬥᬸᬓᬸᬄᬰᬓ᭄ᬢᬶᬦᬸᬮ᭄ᬬᬜᬯᬶᬲ᭄᭞ᬲᬶᬗ᭄ᬕᬶᬄᬭᬶᬂᬫᬥ᭄ᬬᬧᬸᬦᬶᬓ᭞ᬧᬦᬸᬗ᭄ᬕᬦᬶᬸᬮᬦ᭄ᬦᬶᬓᬲᬫᬶ᭞᭓᭒᭟ᬭᬶᬂᬫᬥ᭄ᬬᬧᬸᬦᬶᬓᬭᬢᬸ᭞ᬭᬶᬂᬅᬥᬳᬶᬂᬕᬸᬦᬸᬂᬳᬶᬗ᭄ᬕᬶᬄ᭞ᬮᬶᬗ᭄ᬕᬦ᭄ᬳᬶᬤᬲᬂᬳ᭄ᬬᬂᬰᬶᬯ᭞ᬫᬜ᭄ᬘᬭᬹᬧᬦ᭄ᬜᬦᬾᬲᬫᬶ᭞ᬢᬸᬜ᭄ᬚᬸᬗᬾᬳᬫᬵ᭠
ᬜ᭄ᬘᬯᬃᬡ᭄ᬦᬵ᭞ᬫ᭄ᬯᬂᬯᬃᬡ᭄ᬦᬦ᭄ᬯᬯᭂᬗ᭄ᬓᬦ᭄ᬲᬫᬶ᭟᭓᭓᭟ᬢ᭄ᬮᬕᬫᭀᬦᬯᬱ᭄ᬝᬦᬶᬧᬸᬦ᭄᭞ᬫᬳᬶᬍᬄᬤᬤᭀᬲ᭄ᬧᬦᭂᬧᬶ᭞ᬓᬸᬫᬸᬥᬓᬺᬱ᭄ᬡᬇᬭᬶᬓ᭞ᬧᬶᬗᬶᬢ᭄ᬜᬦᬾᬢᬦ᭄ᬲᬶᬦᬶᬧᬶ᭞ᬭᬚᬧᬶᬦᬸᬮᬄᬧᬸᬦᬶᬓ᭞ᬫᬫᬬᭀᬦᬶᬦ᭄ᬚᬕᬢ᭄ᬲᬫᬶ᭟᭓᭔᭟ᬭᬶᬂ

[᭑᭔᭓ 143A]
᭑᭔᭓
ᬚᬕᬢ᭄ᬢᬶᬕᬦᬾᬭᬢᬸ᭞ᬦᭀᬭᬲᬫᬳᬦ᭄ᬢᬸᬓ᭄ᬧᬶᬗᬶᬢ᭄᭞ᬳᬚ᭄ᬭᬶᬄᬳᬶᬤᬳ᭄ᬬᬂᬫᬵᬭᬸᬣ᭞ᬫᬦᭂᬫ᭄ᬧᬸᬄᬢᬸᬜ᭄ᬚᬸᬗᬾᬯᬶᬮᬶᬲ᭄᭞ᬲᬶᬋᬧ᭄‌‌ᬮ᭄ᬯᬶᬃᬢ᭄ᬓᬫᬧᬋ᭞ᬭᬚᬧᬶᬦᬸᬮᬄᬦᬶᬩᬾᬦᬶᬦ᭄᭟᭓᭕᭟ᬲᬚ᭄ᬭᭀᬦᬶᬂᬯᬿᬫᭀᬦᬳᬶᬧᬶᬸᬓᬸ᭞ᬢ᭄ᬮᬕᬦᭀᬚᬮᬶᬦ᭄ᬢᬂ
ᬫ᭄ᬭᬶᬓ᭄᭞ᬯᬃᬡ᭄ᬦᬓᬸᬦᬶᬂᬢᭀᬬᬳᬶᬓ᭞ᬦᬶᬓᬧᬢᬷᬃᬢ᭄ᬣᬦ᭄ᬳᬸᬢ᭄ᬢᬫᬶ᭞ᬧᬗ᭄ᬮᬸᬓᬢᬦ᭄ᬤᬰᬫᬮ᭞ᬳᬲᬶᬂᬯ᭄ᬯᬂᬫᬳᬋᬧ᭄ᬲᬸᬘᬷ᭟᭒᭖᭟ᬲᬚ᭄ᬭᭀᬦᬶᬂᬢ᭄ᬮᬕᬦᭀᬚᬭᬢᬸ᭞ᬢᭀᬬᬲ᭄ᬯᬾᬣᬮᬶᬦ᭄ᬢᬂᬍᬯᬶᬄ᭞ᬢᬶᬃᬢ᭄ᬣᬧᬗᬸᬭᬶᬧᬶᬂᬚᬕᬢ᭄᭞ᬓᬜ᭄ᬘᬦ᭄ᬧ᭄ᬚᬄᬫ
ᬢᬶᬉᬭᬶᬧ᭄᭞ᬤ᭄ᬭᬸᬯᬾᬦ᭄ᬳᬶᬤᬲᬂᬳ᭄ᬬᬂᬰᬶᬯ᭞ᬤᬤᭀᬲ᭄ᬧᬗᬸᬭᬶᬧᬶᬂᬧ᭄ᬭᬡᬷ᭟᭓᭗᭟ᬲᬂᬧ᭄ᬭᬪᬸᬭᬭᬶᬲ᭄ᬫᬯᬸᬯᬸᬲ᭄᭞ᬦᬧᬶ᭠ᬓ᭄ᬭᬡᬢᭀᬂᬫᬳᬸᬭᬶᬧ᭄᭞ᬲᬦᬾᬲᬵᬫ᭄ᬧᬸᬦ᭄ᬫᬵᬯᬓ᭄ᬧᭂᬚᬄ᭞ᬬᬾᬦ᭄ᬚᬢᬶᬧᬗᬸᬭᬶᬧ᭄‌‌ᬚᬦ᭄ᬫᬶ᭞ᬦᬾᬢᬶᬩᬭᬶᬂᬫᬥ᭄ᬬᬧ᭠
ᬤᬵ᭞ᬳᬶᬥᬸᬓᬸᬄᬭᬭᬶᬲ᭄ᬜᬯᬸᬭᬶᬦ᭄᭟᭓᭘᭟ᬲᬧᬸᬦᬶᬓᬶᬓ᭄ᬭᬡᬦᬶᬧᬸᬦ᭄᭞ᬢᬷᬃᬢ᭄ᬣᬦᬾᬮ᭄ᬯᬶᬄᬧᬸᬦᬶᬓᬶ᭞ᬯᬸᬲ᭄ᬢᬫ᭄ᬧᭀᬓᬫᬥ᭄ᬬᬧᬵᬤ᭞ᬦᭀᬚᬫᭀᬦᬫᬜᬫ᭄ᬧᬸᬳᬶᬦ᭄᭞ᬬᬦ᭄ᬢᬸᬮᬾᬦ᭄ᬬᬓᬢᬶᬩᬓᬂ᭞ᬧ᭄ᬚᬄᬲᬢᬳᬸᬦ᭄‌‌ᬳᬸᬭᬶ [ 144 ][᭑᭔᭓ 143B]
᭑᭔᭓
ᬧ᭄ᬮᬕᬶ᭟᭓᭙᭟ᬦᬯᬲᬗ᭄ᬳᬯᬲ᭄ᬢᬦᬶᬧᬸᬦ᭄᭞ᬧᬸᬧᬸᬢ᭄ᬲᬗᬫᬓᬲᬫᬶ᭞ᬢ᭄ᬓᬦᬶᬂᬫᬥ᭄ᬬᬧᬸᬦᬶᬓ᭞ᬗᬶᬭᬶᬂᬓᬧᭀᬦ᭄ᬤᭀᬓᬦ᭄ᬫᬗ᭄ᬓᬶᬦ᭄᭞ᬓᬃᬬ᭄ᬬᬦᬾᬭᬢᬸᬘᬯᬶᬲᬂ᭞ᬫᬫ᭄ᬭᬶᬄᬳᬶᬤᬭᬵᬤᬾᬦ᭄ᬤᬾᬯᬶ᭟᭔᭐᭟ᬳᬶᬓᬂᬓᬃᬬ᭄ᬬᬢᬦ᭄ᬢᬸᬮᬸᬲ᭄᭞ᬓ᭄ᬮᬮᬾᬦ᭄ᬭ
ᬢᬸᬫᬫ᭄ᬬᬃᬱᬶ᭞ᬬᬾᬦᬶᬂᬢᬶᬢ᭄ᬬᬂᬫᬦᬢ᭄ᬯᬬᬂ᭞ᬓᬦ᭄ᬤᬦ᭄ᬕᬸᬦᬸᬂᬳᬓᬾᬄᬓᬭᬶ᭞ᬏᬲᬸᬓ᭄ᬬᬦ᭄ᬯᬸᬲ᭄‌‌ᬮᬩ᭄ᬤᬓᬃᬬ᭄ᬬ᭞ᬳᬶᬭᬶᬓᬫᬮᬶᬄᬩᬯᭀᬲᬶᬦ᭄᭟᭔᭑᭟ᬲᬂᬧ᭄ᬭᬪᬸᬭᬭᬶᬲ᭄ᬫᬯᬗ᭄ᬲᬸᬮ᭄᭞ᬳᬶᬥᬸᬓᬸᬄᬭᬭᬶᬲ᭄ᬫᬗᬶᬭᬶᬂ᭞ᬢᬦ᭄ᬳᬸᬘᬧᬦ᭄ᬫᬭᬶᬂ᭠
ᬤᬮᬦ᭄᭞ᬓᬧᭀᬦ᭄ᬤᭀᬓᬦᬺᬓᬾᬧ᭄ᬭᬧ᭄ᬢᬶ᭞ᬭᬬᬸᬦᬦᬾᬯᬸᬲ᭄ᬳᬸᬫᬤᬂ᭞ᬨᬮᬩᬸᬗ᭄ᬓᬄᬢᬷᬃᬣᬰᬸᬘ᭄ᬙᬶ᭟᭔᭒᭟ᬢᬦ᭄ᬯᬃᬡ᭄ᬦᬵᬦᭂᬦ᭄‌‌ᬲ᭄ᬯᬾᬦᬾᬤᬶᬢᬸ᭞ᬤᬦᬾᬥᬸᬓᬸᬄᬫᬵᬢᬹᬃᬳᬭᬶᬲ᭄᭞ᬲᬶᬗ᭄ᬕᬶᬄᬤᬾᬯᬫᬳᬵᬭᬚ᭞ᬳᬤᬦ᭄ᬢᬲᬶᬭᬮᬸᬫᬭᬶᬲ᭄᭞ᬮᬫᬓ
ᬦᬾᬓᬧᬗ᭄ᬕᬸᬳ᭞ᬲᬶᬭᬦᬭᬾᬦ᭄ᬤ᭄ᬭᬖᬭᬶᬡᬶ᭟᭔᭓᭟ᬳᬬ᭄ᬯᬓᬸᬭᬂᬬᬢ᭄ᬦᬭᬢᬸ᭞ᬲᬭᬯᬸᬳᬾᬫᬶᬯᬄᬭᬶᬂᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬓᬤᬶᬜᬫᬃ᭞ᬧᬕᬕ᭄ᬧᬕᬾᬕ᭄ᬫᬗ᭄ᬤᬗᬶᬭᬶᬂ᭞ᬳᬤᬮᬶᬳᬦ᭄ᬗᬤᭀᬮ᭄ᬲ᭄ᬓᬃ᭞ᬫᬲᬦ᭄ᬤᬗᬦ᭄‌‌ᬮ᭄ᬯᬶᬃᬦᬶᬂᬇᬲ᭄ᬢ᭄ᬭᬷ᭟᭔᭔᭟ᬫᬗ᭄ᬤᬢᬦ᭄ᬓᬘᬷᬃ

[᭑᭔᭔ 144A]
᭑᭔᭔
ᬬ᭄ᬬᬦ᭄ᬭᬢᬸ᭞ᬫᬤᬥᬸᬓᬸᬦ᭄ᬢᭂᬓᬾᬂᬧᬸᬭᬷ᭞ᬲᬫ᭄ᬩᬶᬮ᭄ᬭᬢᬸᬗᬤᭀᬮ᭄ᬧᬸᬱ᭄ᬧ᭞ᬲᬶᬦᬄᬳᬶᬤᬧᬘᬂᬧᬗ᭄ᬕᬶᬄ᭟ᬦᬺᬧᬧᬸᬢ᭄ᬭᬶᬳᬶᬤᬲᬸᬗ᭄ᬓᬦ᭄᭞ᬗᬗᭂᬦᬵᬗᭂᬦ᭄ᬲᬂᬪᬹᬧᬢᬶ᭟᭔᭕᭟ᬲᬃᬯ᭄ᬯᬬᬸᬥᬩᬓ᭄ᬢᬭᬢᬸ᭞ᬮᬦ᭄ᬳᬢᬸᬭᬦ᭄ᬢᬶᬢ᭄ᬬᬂᬫᬮᬶᬄ᭞ᬧᬰᬸᬧᬢᬶᬰᬵᬲ᭄ᬢ᭄ᬭᬗᬭᬦ᭄᭞
ᬳᬗ᭄ᬕᬾᬦ᭄ᬫᬫᬧᬲ᭄ᬬᬵᬓ᭄ᬱᬧᬢᬶ᭞ᬲᬸᬓᬘᬶᬢ᭄ᬢᬦᬾᬫᬦ᭄ᬭᬶᬫ᭞ᬦᬺᬧᬧᬸᬢ᭄ᬭᬦᬸᬮ᭄ᬬᬧᬫᬶᬢ᭄᭟᭔᭖᭟ᬭᬶᬂᬚᭂᬂᬤᬦᬾᬳᬶᬥᬸᬓᬸᬄ᭞ᬓᬤ᭄ᬬᬦᬾᬓᬮᬶᬄᬫᬗᬶᬭᬶᬂ᭞ᬮᬗ᭄ᬓᬸᬂᬫᬭᬶᬂᬧᬥᬸᬓᬸᬳᬦ᭄᭞ᬧᬗᬗ᭄ᬕᬾᬦᬾᬘᬭᬳᬶᬲ᭄ᬢ᭄ᬭᬷ᭞ᬫᬗᬸᬗ᭄ᬲᬶᬥᬓ᭄ᬱᬶᬡᬤᬾ
ᬰ᭞ᬕᬕᬫᬦ᭄ᬲᬫᬶᬓᬵᬫᭀᬗᬶᬦ᭄᭟᭐᭚ᬧᬸᬄᬤ᭄ᬫᬸᬂ᭚᭑᭟ᬓᬯᬃᬡ᭄ᬦᬳᬶᬤᬭᬶᬂᬫᬃᬕᬶ᭞ᬲᬋᬂᬢᬶᬕ᭞ᬧᬱ᭄ᬝᬶᬳᬸᬩᬬᬵᬦᬾᬲᬵᬫ᭄ᬧᬸᬦ᭄᭞ᬧᬋᬓᬦ᭄ᬫᬦᬶᬓᬸᬮ᭄᭞ᬳᬦ᭄ᬢᬸᬓ᭄ᬩᬾᬲᬾᬓ᭄ᬧᬥᬳᬶᬫ᭄ᬩᬶᬄ᭞ᬲᬧ᭄ᬢᬤᬾᬯᬱᬮᬸᬫᬫ᭄ᬧᬄ᭞ᬦ᭄ᬤᬦ᭄ᬳᬸᬘᬧᬦ᭄
ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬢ᭄ᬧᬶᬦᬶᬂᬯᬯᭂᬗ᭄ᬓᬦ᭄᭞ᬫᬲᬶᬗᬶᬤᬦ᭄ᬮᬸᬫᬭᬶᬲ᭄᭞ᬳᬭᬃᬬ᭄ᬬᬦ᭄ᬲᭀᬭᬶᬂᬯᬡ᭄ᬥᬶᬭ᭞ᬪᬹᬱᬡᬦᬾᬮ᭄ᬯᬶᬃᬧᬗᬮᬸ᭟᭒᭟ᬗᬦ᭄ᬤᬶᬓᬲᬂᬰ᭄ᬭᬷᬪᬹᬧᬢᬶ᭞ᬳᬸᬤᬸᬄᬓᬓ᭞ᬳᬬ᭄ᬯᬵᬢᬫᬢᬢᬳᬢᬹᬃ᭞ᬇᬗ᭄ᬲᬸᬦ᭄ᬦᬤᭀᬲ᭄ᬯᬥᬸ᭞᭠ [ 145 ][᭑᭔᭔ 144B]
᭑᭔᭔
ᬳᬶᬧᬕᬕ᭄ᬗᬗ᭄ᬓᭂᬦᬶᬦ᭄ᬭᬩᬶ᭞ᬳᬓᬾᬢᭀᬫᬧᬭᬶᬩᬱ᭞ᬳᬶᬧᬕᬾᬗᬓᬸᬳᬶᬧᬾᬦ᭄ᬓᬸ᭞ᬤᬾᬲᬓ᭄ᬜᬸᬜᬸᬃᬳᬭᬦᬶᬭ᭞ᬤᬤᬶᬲᬮᬄᬧᬗᬫ᭄ᬩᬶᬮ᭄᭞ᬗᬓᬸᬳᬯᬓ᭄ᬓᬓᬸᬢᬗᬦ᭄᭞ᬲᬶᬂᬜᬳᬤᬦᭂᬢᭂᬲ᭄ᬤᬶᬢᬸ᭟᭓᭟ᬲᬶᬗ᭄ᬕᬶᬄᬩᬯᬄᬩᬯᬄᬬᬾᬦ᭄ᬕᬶᬦᬸᬭᬶᬢ᭄
᭞ᬭᬋᬫ᭄ᬩᬬᬦ᭄᭞ᬲᬋᬂᬢᬶᬕᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬸᬮᬶᬕ᭄ᬮᬶᬲ᭄ᬮᬸᬫᬓᬸ᭞ᬓᭀᬘᬧ᭄ᬮᬫ᭄ᬧᬳᬾᬧ᭄ᬭᬧ᭄ᬢᬶ᭞ᬳᬦᬭᬶᬂᬮᬗᬸᬦᬵᬕᬭ᭞ᬓᬧᬲᬃᬭᬭᬶᬲ᭄ᬫᬦᬸᬚᬸ᭞ᬭᬭᬶᬲ᭄ᬦᭂᬤᬸᬦᬂᬤᬕᬗᬂᬦ᭄᭞ᬲᬃᬯ᭄ᬯᬲ᭄ᬓᬭᬾᬫᬯᬃᬡ᭄ᬦᬶ᭞ᬍᬗᭂᬯᬗᬶᬫᬕᬕᬦ᭄ᬤᬦ᭄᭞ᬳᬫ᭄ᬩᬸᬦᬾ᭠
ᬯᬗᬶᬫᬓᭂᬩ᭄ᬬᬸᬃ᭟᭔᭟ᬯ᭄ᬯᬗᬶᬂᬧᬲᬃᬓᭀᬘᬧ᭄ᬫᬗ᭄ᬓᬶᬦ᭄᭞ᬢᬦ᭄ᬧᬸᬢᬸᬲᬦ᭄᭞ᬢ᭄ᬓᬦ᭄ᬜᬦᬾᬫᬤᬸᬮᬸᬃᬤᬸᬮᬸᬃ᭞ᬫᬵᬤᬸᬓ᭄ᬮᬦᬂᬯᬥᬸ᭞ᬳᬸᬫᬸᬂᬳᬸᬮᬶᬄᬓᭀᬝᬶᬓᭀᬝᬶ᭞ᬫᬵᬦᬸᬱᬬᬓ᭄ᬱᬫᬳᭀᬭᬦ᭄᭞ᬯᬯᭂᬗ᭄ᬓᬦᬶᬂᬫᬃᬕ᭄ᬕᬮᬗᬸ᭞ᬕᬦ᭄ᬤᬃᬯ᭄ᬯᬚᬶᬫ᭄ᬧᬶᬲᬘ᭞ᬬ
ᬫᬫᬲᬃᬮᬸᬄᬫ᭄ᬯᬦᬶ᭟ᬧᬥᬫᬫ᭄ᬯᬢ᭄ᬤᬕᬗᬦ᭄ᬜ᭞ᬲᬓᬜ᭄ᬘᬦᬶᬂᬨᬮᬕᬦ᭄ᬢᬸᬂ᭟᭕᭟ᬮᬗ᭄ᬲᬢ᭄ᬩᬸᬮ᭄ᬯᬦ᭄ᬲᬮᬓ᭄ᬯᬦᬶ᭞ᬫᬶᬯᬄᬦᬗ᭄ᬓᬵ᭞ᬫᬗ᭄ᬕᬶᬲ᭄‌‌ᬘ᭄ᬭᭀᬭᬶᬂᬤ᭄ᬮᬶᬫᬲᭂᬦ᭄ᬢᬸᬮ᭄᭞ᬤᬸᬭᬾᬦ᭄‌‌ᬫ᭄ᬯᬂᬓᬧᬸᬦ᭄ᬤᬸᬂ᭞ᬚ᭄ᬯᭂᬢ᭄ᬲᭀᬢᭀᬂᬲᬸᬫᬕᬫᬮᬶᬄ᭞ᬚᬫ᭄ᬩᬸᬧᬓᬾᬮ᭄ᬓᬮᬶᬕᭂ

[᭑᭔᭕ 145A]
᭑᭔᭕
ᬢᬲ᭄᭞ᬲᬸᬫᬗ᭄ᬓᬵᬮᬯᬦ᭄ᬓᬢᬶᬫᬸᬦ᭄᭞ᬚ᭄ᬭᬸᬓ᭄ᬦᬶᬧᬶᬲ᭄ᬮᬯᬦ᭄ᬧᬶᬲᬂ᭞ᬢᬗ᭄ᬳᬸᬮᬸᬦ᭄ᬮᬯᬦ᭄ᬫᬸᬦ᭄ᬢᬶᬲ᭄᭞ᬓᬮ᭄ᬬᬵᬲᭂᬫ᭄ᬮᬦ᭄‌‌ᬢᬾᬭᭀᬂᬳᬶᬓ᭞ᬓᬸᬘᬮ᭄ᬘᬶᬮ᭄ᬫᬶᬯᬄᬘᭂᬫ᭄ᬧᬮᬸᬓ᭄᭟᭖᭟ᬬᬓ᭄ᬱᬢ᭄ᬭᬸᬡᬓᭀᬘᬧ᭄ᬫᬗ᭄ᬓᬶᬦ᭄᭞ᬢ᭄ᬓᬾᬂᬧᬲᬃ᭞ᬳᬰᬶᬮᬫᬧᬸᬦ᭄ᬥᬸᬄᬧᬸᬦ᭄ᬥᬸᬄ᭞ᬫᬵᬦᬹᬢ᭄
ᬲᬸᬓᬦ᭄ᬳᬶᬧᬸᬦ᭄᭞ᬕ᭄ᬦᬳᬾᬫᬧᬮᬶᬄᬧᬮᬶᬄ᭞ᬯᬾᬦ᭄ᬢᭂᬦ᭄ᬮ᭄ᬬᬦ᭄ᬲᬋᬂᬳᬤᬰ᭞ᬓ᭄ᬯᬢ᭄ᬳᬫᬗᬦ᭄ᬨᬮᬕᬦ᭄ᬢᬸᬂ᭞ᬚ᭄ᬗᬄᬜᬦᬾᬲᬮᬶᬂᬲ᭄ᬯᬓᬂ᭞ᬫᬦᬥᬄᬲᬮᬶᬂᬳᭂᬡ᭄ᬥᬶᬕ᭄᭞ᬫᬵᬕᬸᬂᬳᬕᬸᬗᬦ᭄ᬧᬗᬬᬄ᭞ᬩᬵᬦ᭄ᬤᬕᬗᬾᬫᬦᬶᬲ᭄ᬳᬬᬸ᭟᭗᭟ᬳᬤᬮᬾᬦ᭄ᬲᬦᬾᬓᬧᭂᬜ᭄ᬘᬶᬮ᭄
᭞ᬓᬧ᭄ᬦᬸᬳᬦ᭄᭞ᬩ᭄ᬢᭂᬓ᭄ᬩᬱᬂᬳᬤᬸᬄᬳᬤᬸᬄ᭞ᬗᬸᬢᬄᬢᬸᬮᬸᬂᬢᬸᬮᬸᬂ᭞ᬢᬢ᭄ᬥᬦᬾᬫ᭄ᬢᬸᬲᬫᬶ᭞ᬢᬦ᭄ᬩᬶᬲᬬᬫᬦᬥᬄ᭞ᬤ᭄ᬫᭂᬦ᭄ᬳᬢᬶᬦᬾᬓᬳᬚᬸᬫ᭄᭞ᬮᬕᬸᬢᬾᬮ᭄ᬬᬸᬫᬗ᭄ᬮᬄᬅᬃᬣ᭞ᬢᭀᬳᬗ᭄ᬕᭀᬦ᭄ᬫᬫᭀᬕ᭄ᬩᭀᬕᬶᬦ᭄᭞ᬗᬸᬢᬄᬫᬶᬲᬶᬂᬦᬭᬶᬂᬧᬲᬃ᭞ᬯ᭄ᬯᬂᬫᬦᭀᬦ᭄ᬢᭀᬦ᭄ᬓᬩᬾᬄ
ᬚᭂᬫᬸᬃ᭟᭘᭟ᬲᬋᬂᬭᭀᬭᬲ᭄‌‌ᬓᭀᬘᬧ᭄ᬫᬗ᭄ᬓᬶᬦ᭄᭞ᬬᬓ᭄ᬱᬢ᭄ᬭᬸᬡ᭞ᬲᬫᬶᬩ᭄ᬢᬸᬄᬩ᭄ᬢᬄᬫᬶᬦᬹᬫ᭄᭞ᬗᬶᬢᭂᬃᬤᬕᬶᬂᬲᬗᬸ᭞ᬲᬚᭂᬂᬯᬬᬳᬾᬢᬦ᭄ᬫᬭᬶ᭞ᬇᬯᬓ᭄ᬮᭂᬫ᭄ᬩᬸᬲᬢᬾᬳᬬᬫ᭄᭞ᬮᬯᬃᬧᭂᬜᬸᬧᬶᬦ᭄ᬤᬂᬓᬸᬮᬸᬩ᭄᭞ᬳᬾᬩᬢ᭄ᬓᬫ᭄ᬩᬶᬂᬧᭂᬘᭂᬮ᭄ᬚᬭᬦ᭄᭞ᬇᬯᬓ᭄ᬓᭂ [ 146 ][᭑᭔᭕ 145B]
᭑᭔᭕
ᬩᭀᬦᬾᬫᬮᬶᬄ᭞ᬫᬗᬶᬦᭂᬫ᭄ᬫᬦ᭄ᬤᭀᬕ᭄ᬳᭂᬦ᭄ᬤᭀᬕᬦ᭄᭞ᬏᬭᬂᬬᬾᬦ᭄ᬓᬲᭀᬃᬫᬗᬶᬦᬸᬫ᭄᭟᭙᭟ᬭᬵᬓ᭄ᬱᬲᬮᬾᬦ᭄ᬩᭂᬢᬄᬦᬶᬥᬶᬓ᭄᭞ᬧᬭᬶᬓᭀᬱ᭞ᬲᬧᬶᬲᬦ᭄ᬢᭂᬮᬲ᭄ᬧᬶᬢᬸᬂᬯᬮᬸᬄ᭞ᬮᬩ᭄ᬮᬩᬦᬾᬳᬓ᭄ᬯᬮᬶ᭞ᬳᬶᬓᬢ᭄ᬮᬲ᭄ᬓᬶᬦᬸᬫ᭄ᬲᬧᬶᬲᬦ᭄᭞ᬫᬗᬦ᭄ᬤᭂᬮ᭄ᬳᬯᬓᬾ
ᬕᬗ᭄ᬲᬸᬄ᭞ᬮᬾᬦ᭄ᬫᬢ᭄ᬧᬸᬓ᭄ᬢᭂᬧᬸᬓ᭄ᬢᬗᬦ᭄᭞ᬗᬸᬚᬶᬯᬢ᭄ᬫᬦᬂᬢᬗᬶᬦ᭄᭞ᬲᬹᬃᬬ᭄ᬬᬓᬾᬢᬦ᭄ᬧᬧ᭄ᬕᬢᬦ᭄᭞ᬯ᭄ᬯᬂᬫᬦᭀᬦ᭄ᬢᭀᬦ᭄ᬧᬥᬳᬸᬫᬸᬂ᭟᭑᭐᭟ᬤᬤ᭄ᬬᬜᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬬᬵᬫᬫᬸᬜᬄ᭞ᬫᬸᬜᬶᬦᬾᬫᬯ᭄ᬢᬸᬗᬘᬸᬄ᭞ᬲᬫᬶᬓᬢᭀᬦ᭄ᬫᬸᬲᬸᬄ᭞ᬫᬦᬗ᭄ᬢᬗᬶ
ᬦ᭄ᬥᭂᬗ᭄ᬓᬓ᭄‌‌ᬥᭂᬗ᭄ᬓᬶᬓ᭄᭞ᬚᬕᬢᬾᬫᬳᬶᬓ᭄ᬢᭀᬕᬂ᭞ᬓᬚᬓᬗᬶᬦᬾᬢ᭄ᬮᬲ᭄ᬓᬵᬫᬹᬓ᭄᭞ᬳᬲᬶᬂᬢ᭄ᬓᬓᬢᭀᬦ᭄ᬓᬶᬥᬂ᭞ᬓᬓ᭄ᬧᬸᬂ᭠ᬓᬢᬶᬫ᭄ᬧᬸᬕᬶᬦ᭄᭞ᬧ᭄ᬢᭂᬂᬳᬸᬬᬸᬢ᭄ᬫᬕᬸᬲᬸᬭᬢ᭄᭞ᬦᬾᬚᬳᬶᬮ᭄ᬗᬸᬘᬧᬂᬳᬫᬹᬓ᭄᭟᭑᭑᭟ᬯᬾᬦ᭄ᬢᭂᬦ᭄ᬭᬸᬦ᭄ᬢᬸᬄᬓᬢᬶᬦ᭄ᬤᬶᬳᬦ᭄᭞ᬲᬮᬶᬂᬳᬸ
ᬬᬓ᭄᭞ᬳᬤᬗ᭄ᬮᬶᬂᬲ᭄ᬕᬸᬲ᭄ᬕᬸ᭞ᬯᬦᬾᬄᬳᬤᬸᬄᬳᬤᬸᬄ᭞ᬯᬾᬦ᭄ᬢᭂᬦ᭄ᬮᬓᬶᬮᬶᬦ᭄ᬢᬂᬲ᭄ᬗᬶᬢ᭄᭞ᬮᬸᬄᬜᬦᬾᬳᬸᬬᬓ᭄ᬢᬶᬫ᭄ᬧᬮ᭄᭞ᬲᬳᬲᬦᭂᬤᭂᬮ᭄ᬫᬗᬺᬕᬸᬢ᭄᭞ᬯ᭄ᬯᬂᬧᬲᬃᬲᬫᬶᬧᬥᬲ᭄ᬭᬩ᭄᭞ᬯᬢᭂᬓ᭄ᬮᬓᬶᬜᬕ᭄ᬚᬕᬶᬦ᭄᭞ᬫᬗᭂᬫ᭄ᬩᬭᬶᬦ᭄ᬢᬸᬃᬫᬫ᭄ᬮᬲᬂ᭞ᬲᬳᬲᬅ

[᭑᭔᭖ 146A]
᭑᭔᭖
ᬓ᭄ᬯᬾᬄᬫᬫ᭄ᬓᬸᬮ᭄᭟᭑᭒᭟ᬓᬝᬄᬜᬦᬾᬫᬧᭀᬮᬄᬘᬸᬮᬶᬕ᭄᭞ᬚ᭄ᬭᭀᬦᬶᬂᬧᬲᬃ᭞ᬮᬦᬂᬯᬤᭀᬦ᭄ᬲᬫᬶᬫᬵᬤᬸᬓ᭄᭞ᬦᬫ᭄ᬧᬶᬄᬮᬶᬗ᭄ᬲᬶᬃᬲᬵᬫ᭄ᬧᬸᬦ᭄᭞ᬯ᭄ᬯᬂᬫᬫᬲᬃᬧᬥᬫᬸᬮᬶᬄ᭞ᬳᬦ᭄ᬢᬸᬓ᭄ᬦᬕᬭᬦᬾᬮᬶᬗ᭄ᬕᬄ᭞ᬲᬫ᭄ᬧᬾᬶᬮᬶᬗ᭄ᬲᬶᬃᬫᬲᬶᬄᬓᬦ᭄ᬢᬸᬦ᭄᭞ᬦᬸᬮ᭄ᬬᬲᬫᬶᬧᬥ
ᬩᬸᬤᬮ᭄᭞ᬓᬝᬄᬯ᭄ᬯᬂᬲᬦᬾᬓᬭᬶ᭞ᬫᬫᭀᬦ᭄ᬥᭀᬓ᭄ᬲᬚ᭄ᬭᭀᬦᬶᬂᬧᬲᬃ᭞ᬓᬦ᭄ᬢᬸᬦ᭄ᬫᬤᭀᬮᬦ᭄ᬲ᭄ᬬᬂᬥᬮᬸ᭟᭑᭓‌᭟ᬧᬕᬕ᭄ᬧᬕᬾᬕ᭄ᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬋᬂᬭᬩᬶᬦᬾᬤᬾᬲᬓ᭄ᬜᬸᬜᬸᬃ᭞ᬚ᭄ᬭᭀᬦᬶᬂᬧᬲᬃᬓᬦ᭄ᬢᬸᬦ᭄᭞ᬫᭀᬦ᭄ᬤᭀᬓ᭄ᬫᬤᭀᬮᬦ᭄ᬲᬳᬶ᭞ᬲᭀᬭᬾᬤᬾ᭠
ᬯᬱᬓᭀᬘᬧ᭄᭞ᬦᬭᬶᬂᬧᬲᬃᬫᬲᬦᬶᬂᬲᬵᬫ᭄ᬧᬸᬦ᭄ᬫᬗᬗ᭄ᬕᬸᬃ᭞ᬮᬦᬂᬲ᭄ᬢ᭄ᬭᬷᬫᬦᬸᬫ᭄ᬩᬲ᭄᭞ᬯᬦᬾᬄᬫᬧᬳ᭄ᬬᬲ᭄ᬓᬭᬶ᭞ᬮ᭄ᬬᬦ᭄ᬫᬧᬸᬧᬸᬃᬫᬕᬕᬡ᭄ᬥᬦ᭄᭞ᬯᬢᭂᬓ᭄ᬢ᭄ᬭᬸᬡᬦᬾᬫᬗᬗ᭄ᬕᬸᬃ᭟᭑᭔᭟ᬳᬶᬧᬕᬕ᭄ᬳᬾᬜ᭄ᬘᭀᬮ᭄ᬫᬗᬬᬳᬶᬦ᭄᭞ᬫ᭄ᬯᬂᬳᬭᬶᬦ᭄ᬜ᭞ᬩᬵᬦ᭄ᬭᬫᬾᬦᬾᬯ᭄ᬯᬂᬫᬦᬸᬓᬸ᭞ᬮᬾ
ᬦ᭄ᬫᬦᬸᬫ᭄ᬩᬲ᭄ᬢᬸᬜ᭄ᬚᬸᬂ᭞ᬮᬦ᭄ᬕᭂᬫ᭄ᬧᭀᬮᬦᬾᬫᬮᬶᬄ᭞ᬯᬾᬦ᭄ᬢᭂᬦ᭄ᬦᬗᬸᬦ᭄ᬧᬧᬳ᭄ᬬᬲᬦ᭄᭞ᬫᬗᬶᬮᭀᬧᬸᬧᬸᬢ᭄ᬫᬚ᭄ᬦᬸ᭞ᬧ᭄ᬭᬯᬦᬶᬣᬫᬲᬲᬜ᭄ᬚᬦ᭄᭞ᬫᬜᬥ᭄ᬬᬬᬂᬫ᭄ᬮᬮᬶ᭞ᬲᬫᬶᬧᬥᬦᬸᬫ᭄ᬩᬲ᭄‌‌ᬲ᭄ᬓᬃ᭞ᬤᬾᬲᬓ᭄ᬜᬸᬜᬸᬃᬕ᭄ᬮᬶᬲ᭄ᬫᬯᬸᬯᬸᬲ᭄᭟᭑᭕᭟ᬦᬶᬓᬶᬢᬸᬜ᭄ᬚᬸᬂᬦᬶᬮᬯᬝᬶ᭞ᬦᬾ [ 147 ][᭑᭔᭖ 146B]
᭑᭔᭖
ᬉᬢ᭄ᬢᬫ᭞ᬓᬃᬱᬓᬾᬚ᭄ᬭᭀᬫᬦᬸᬓᬸ᭞ᬦᬯᬄᬲᬂᬫᬦᬸᬓᬸ᭞ᬫᬮᬶᬫᬂᬳᬢᬸᬲ᭄ᬳᬓᬢᬶᬄ᭞ᬳᬚᬶᬲ᭄ᬬᬸᬲᬦᬾᬳᬧᬲᬂ᭞ᬧᬫᬸᬜᬶᬦᬾᬥᬾᬲᬓ᭄ᬜᬸᬜᬸᬃ᭞ᬩᭀᬬᬤᬤᭀᬲ᭄ᬫᬮᬶᬄᬢᬯᬄ᭞ᬧᬗᬃᬕ᭄ᬕᬦ᭄ᬜᬦᬾᬧᬱ᭄ᬝᬶ᭞ᬦᬾᬮᬓᬶᬜ᭄ᬮᬾᬫ᭄ᬧᭀᬄᬫᬶᬍᬕᬦ᭄᭞ᬢ᭄ᬭᬸᬡᬦᬾᬫ
ᬲᬯᬸᬃᬕᬸᬬᬸ᭟᭑᭖᭟ᬗᬸᬤᬩᬲ᭄ᬫᬳᬮ᭄ᬕᬸᬲ᭄ᬢᬶᬫᬦ᭄ᬲᭂᬓᬂ᭞ᬦᬾᬧᬸᬢᬶᬄᬮᬜ᭄ᬚᬃᬫᬲᬯᬸᬃ᭞ᬦᬧᬶᬓ᭄ᬭᬡᬦ᭄ᬳᬶᬧᬸᬦ᭄᭞ᬫᬧᬦ᭄ᬫᬸᬮᬾᬦᬾᬧᬸᬦᬶᬓᬶ᭞ᬤ᭄ᬯᬦᬶᬂᬳᬮᬸᬲ᭄‌‌ᬗ᭄ᬭᬯᬶᬢ᭄ᬧᬶᬲᬦ᭄᭞ᬧᬸᬦ᭄ᬧᬕᬾᬕ᭄ᬫᬲᬯᬸᬃᬓ᭄ᬜᬸᬂ᭞ᬳᬧᬦ᭄ᬮᬭᬂᬧᬸᬦᬶᬓ᭞ᬫᬢᬜ᭄ᬚᭂᬓ᭄ᬢᬸᬃᬫᬓ᭄ᬚᬶ
ᬢ᭄᭞ᬫᬗᬚᬸᬫᬂᬤᬕᬗᬦ᭄ᬜ᭞ᬧᭀᬮᬳᬾᬫᬦᬸᬤᬹᬢ᭄ᬓᬳ᭄ᬬᬸᬦ᭄᭟᭑᭗᭟ᬢᬸᬜ᭄ᬚᬸᬗᬾᬪᬶᬭᬹᬧᬸᬦᬶᬓᬶ᭞ᬓᭀᬚᬭᬦ᭄ᬜ᭞ᬫᬸᬦᬄᬳᬶᬧᬾᬦ᭄ᬢᬦ᭄ᬭᬳᬬᬸ᭞ᬓᬯᬶᬕᬸᬡᬦ᭄ᬳᬶᬧᬸᬦ᭄᭞ᬓᬮᬶᬄᬜᬳᬶᬢᬸᬜ᭄ᬚᬸᬂᬧᬸᬢᬶᬄ᭞ᬧᬳ᭄ᬬᬲ᭄ᬲᬂᬦᭀᬦ᭄ᬢᭀᬦ᭄ᬋᬚᬂ᭞ᬢᬸᬜ᭄ᬚᬸᬗᬾ
ᬓᬸᬦᬶᬂᬧᬸᬦᬶᬓᬸ᭞ᬫᬦᭀᬦ᭄ᬢᭀᬦ᭄ᬕᬫ᭄ᬩᬸᬄᬲᬸᬫ᭄ᬧᬗᬂ᭞ᬳᬶᬢᬸᬜ᭄ᬚᬸᬂᬳᬩᬂᬫᬮᬶᬄ᭞ᬜᬦ᭄ᬤᬂᬧᬶᬲᬦ᭄ᬘᬘᬸᬦ᭄ᬤᬸᬓᬂ᭞ᬓᬵᬮᬦᬶᬂᬧ᭄ᬲᬸᬫᬗᬗ᭄ᬕᬸᬃ᭟᭑᭘᭟ᬮᬳᬶᬲ᭄ᬜᬦᬾᬢᬦ᭄ᬲᬶᬦᬶᬧᬶ᭞ᬢᬦ᭄ᬲᬶᬭᬶᬓᬦ᭄᭞ᬢ᭄ᬭᬸᬡᬦᬾᬫᬦᬸᬓᬸ᭞ᬫᬶᬯᬄᬧᬭᬯᬥᬸ᭞ᬓᬧᬸᬮᬸᬢ᭄ᬧᬥᬦᬶ᭠

[᭑᭔᭗ 147A]
᭑᭔᭗
ᬗᬮᬶᬦ᭄᭞ᬭᬶᬂᬧᭀᬮᬄᬜᬦᬾᬳᬶᬤᬕᬂ᭞ᬲᬶᬂᬲᭀᬮᬳᬂᬲᬫᬶᬧᬗᬸᬲ᭄᭞ᬫᬸᬜᬶᬦᬾᬫᬦᬶᬲ᭄ᬫᬓᭂᬫ᭄ᬧ᭄ᬬᬂ᭞ᬳᬶᬧᬕᬕ᭄ᬲ᭄ᬫᬸᬧᬗᬶᬤ᭄‌‌ᬫᬸᬜᬶᬦᬾᬫᬳᬶᬫ᭄ᬩᬸᬄᬲᭀᬮᬄ᭞ᬫᬯᭂᬯᭂᬄᬧᬮ᭄ᬬᬢᬾᬩᬮᬸᬢ᭄᭟᭑᭙᭟ᬧᬶᬭᬂᬰᬰᬶᬄᬫᬓᬮᬫᬶ᭞ᬫᬤᬤᬕᬂ᭞ᬯ᭄ᬯᬂᬤᬦᬸᬚᬲ
ᬫᬶᬘᬮᬸᬄ᭞ᬮᬦ᭄ᬲ᭄ᬭᬶᬂᬫᬢᬸᬢᬸᬮᬸᬂ᭞ᬫᬦᬸᬮᬸᬗᬶᬦ᭄ᬳᬦᬓ᭄ᬲᬓᬶᬢ᭄᭞ᬥᬾᬱᬓ᭄ᬜᬸᬜᬸᬃᬫᬢᬢᬫ᭄ᬩᬦ᭄᭞ᬮᬶᬦ᭄ᬢᬂᬲᬶᬤ᭄ᬥᬶᬫᬢᬢᬸᬮᬸᬂ᭟ᬬᬓ᭄ᬱᬫᬵᬦᬸᬱᬦᬾᬯᭀᬮᬲ᭄᭞ᬲᬵᬫ᭄ᬧᬸᬦ᭄ᬓᬧᬸᬮᬗᬶᬦ᭄ᬲᬶᬄ᭞ᬧᬸᬦᬶᬓᬓ᭄ᬭᬡᬦ᭄ᬜᬵ᭞ᬘᬮᬸᬄᬫᬭᬶᬂᬫᬃᬕ᭄ᬕᬮᬗᬸ᭟᭒᭐᭟ᬓ
ᬮᬸᬗᬂᬮᬸᬗᬂᬓᬂᬳᭀᬃᬣᬶ᭞ᬫᬢᬢᬫ᭄ᬩᬦ᭄᭞ᬳᬦ᭄ᬢᬸᬓ᭄ᬲᬶᬤ᭄ᬥᬶᬦᬾᬓᬯᬸᬯᬸᬲ᭄᭞ᬫᬮᬶᬄᬩᬮ᭄ᬬᬦ᭄ᬯᬥᬸ᭞ᬫᬕᬢ᭄ᬭᬭᬯᬸᬄᬓᬧᬸᬭᬶ᭞ᬧᬭᬳᬶᬜᬦᬾᬭᬶᬂᬢᬫᬦ᭄᭞ᬕᬾᬕᬾᬃᬲᬫᬶᬯᬸᬲ᭄ᬫᬗ᭄ᬭᬸᬗᬸ᭞ᬕ᭄ᬮᬶᬲ᭄ᬓᬵᬢᬹᬃᬭᬶᬂᬬᬓ᭄ᬱᬭᬵᬚ᭞ᬲᬸᬗ᭄ᬓᬦᬾᬭᬵᬤᬾᬦ᭄ᬤᬾᬯᬶ᭞ᬉᬤ᭄ᬬ
ᬢ᭄ᬫᬶᬓᬫᬭᬶᬂᬢᬫᬦ᭄᭞ᬮᬶᬦ᭄ᬢᬂᬓᬸᬭᬸᬲᬵᬫ᭄ᬧᬸᬦ᭄ᬥᬗᬹ᭟᭒᭑᭟ᬲᬶᬗ᭄ᬕᬶᬄᬤᬾᬯᬰ᭄ᬭᬷᬦᬵᬃᬧᬢᬶ᭞ᬤᬸᬄᬅᬓ᭄ᬱᬫ᭞ᬳᬢᬹᬭᬾᬧᬣᬶᬓ᭄ᬲᬂᬧ᭄ᬭᬪᬸ᭞ᬤᬳᬢᬶᬂᬓᬯᬸᬯᬸᬲ᭄᭞ᬦᬭᬯᬥᬸᬤᬤᭀᬲ᭄‌‌ᬯ᭄ᬬᬥᬶ᭞ᬬᭀᬕ᭄ᬬᬲᬶᬭᬧᬢᬸᬮᬸᬗᬂ᭞ᬲᬸᬗ᭄ᬓᬦᬾᬦᬭᬾᬦ᭄ᬤ᭄ᬭᬯ [ 148 ][᭑᭔᭗ 147B]
᭑᭔᭗
ᬥᬸ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬓᬵᬗ᭄ᬕᭀᬳᬶᬩᬦᬾᬚᬦᬶ᭞ᬫᬗᭂᬫ᭄ᬩᬦ᭄ᬲᬂᬤ᭄ᬬᬄᬭᬶᬂᬢᬫᬦ᭄᭞ᬫᬢᬸᬮᬸᬗᬂᬚᬦᬶᬤᬶᬢᬸ᭟᭒᭒᭟ᬮᬫᬓᬦᬾᬕ᭄ᬮᬶᬲ᭄ᬓᬧᬗ᭄ᬕᬶᬄ᭞ᬭᬶᬂᬲᬂᬲᬸᬫ᭞ᬳᬸᬮᬶᬂᬲ᭄ᬯᬾᬳᬓᬸᬳᬸᬮᬗᬸᬦ᭄᭞ᬳᬘᬸᬫ᭄ᬩ᭄ᬯᬦᬭᬶᬲᬗᬭᬹᬫ᭄᭞ᬧᬜ᭄ᬚ᭄ᬭᭀᬯᬦᬾᬫᬵ
ᬢᬹᬃᬲᬶᬗ᭄ᬕᬶᬄ᭞ᬯᬸᬲ᭄ᬫᬧᬫᬶᬢ᭄ᬢᬸᬃᬫᬜᬸᬫ᭄ᬩᬄ᭞ᬓᬚᬩᬕ᭄ᬮᬶᬲ᭄ᬮᬸᬫᬓᬸ᭞ᬫᬫᬸᬜᬶᬫᬭᬶᬂᬦᬶᬤᬾᬲᬓ᭄᭞ᬚ᭄ᬭᭀᬩᬮ᭄ᬬᬦ᭄ᬢᬸᬮᬸᬂᬚᬦᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭᬧᬸᬢ᭄ᬭᬶᬲᬸᬗ᭄ᬓᬦ᭄᭞ᬳᬶᬗ᭄ᬕᬶᬄᬧᬜᬸᬗ᭄ᬓᬦᬾᬍᬲᬸ᭟᭒᭓᭟ᬲᬓᬶᬂᬧᬶᬢᬸᬤᬸᬄᬦᬺᬧᬢᬶ᭞ᬗᬸᬢᬸᬲ᭄ᬢᬶᬢ᭄ᬬᬂ᭞ᬫᬗ᭄ᬤᬳᬸᬕᬶ
ᬚ᭄ᬭᭀᬦᬾᬓᬳ᭄ᬬᬸᬦ᭄᭞ᬗᬢᬹᬭᬂᬧᬶᬢᬸᬮᬸᬂ᭞ᬲᬨᬮᬓᬾᬚ᭄ᬭᭀᬦᬾᬪᬓ᭄ᬢᬶ᭞ᬧᬕᬕ᭄ᬧᬕᬾᬕ᭄ᬫᬦᭂᬲᭂᬓᬂ᭞ᬗᬸᬚᬶᬯᬢ᭄ᬭᬶᬂᬥᬾᬰ᭠ᬓ᭄ᬜᬸᬜᬸᬃ᭞ᬕ᭄ᬦᬶᬢᬾᬢ᭄ᬯᬄᬩᬓᬢ᭄ᬕᬲ᭄ᬕᬲ᭄᭞ᬲᬂᬩᬕᬸᬲ᭄‌‌ᬯ᭄ᬭᬸᬳᬶᬂᬯᬗ᭄ᬰᬶᬢ᭄᭞ᬫᬲᬯᬸᬃᬢᬦᬵᬧᬜ᭄ᬚᬂ᭞ᬢᬶᬢ᭄ᬬᬂᬗᬶᬭᬶᬂᬏᬜ᭄ᬚᬂᬏᬲᬸ᭠
ᬓ᭄᭟᭒᭔᭟ᬳᬸᬢᬸᬲᬦᬾᬭᬭᬶᬲ᭄ᬫᬸᬮᬶᬄ᭞ᬢᬦ᭄ᬯᬃᬡ᭄ᬦᬦᬦ᭄᭞ᬯ᭄ᬗᬶᬦᬾᬲᬵᬫ᭄ᬧᬸᬦ᭄ᬮᬗ᭄ᬓᬸᬂ᭞ᬫᬲᬦᬶᬂᬳᬢᬸᬭᬹ᭞ᬲᬂᬢᬶᬕᬧᬩᬶᬲᬶᬓ᭄‌‌ᬩᬶᬲᬶᬓ᭄᭞ᬗᬋᬫ᭄ᬩᬬᬂᬧᬗᬸᬧᬬ᭞ᬩᬾᬜ᭄ᬚᬂᬲᬲᬸᬩᬦᬾᬭᬯᬸᬄ᭞ᬯᬸᬲ᭄ᬧᬸᬢᬸᬲ᭄ᬭᬭᬶᬲ᭄ᬫᬦᬶᬤ᭄ᬭ᭞ᬲ᭄ᬫᭂᬂᬯᬸᬲ᭄ᬳᭂᬦ᭄ᬤᬕ᭄ᬳᬳᬶ᭞ᬲᬂᬢᬶᬕ

[᭑᭔᭘ 148A]
᭑᭔᭘
ᬭᬭᬶᬲ᭄ᬗᬧᬸᬭ᭄ᬬᬂ᭞ᬮᬫ᭄ᬧᬳᬶᬂᬳᬯᬦ᭄‌‌ᬮ᭄ᬯᬶᬃᬕᬫ᭄ᬩᬸᬄ᭟᭐᭚ᬧᬸᬄᬕᬫ᭄ᬩᬸᬄ᭚᭑᭟ᬓᭀᬘᬧᬦ᭄ᬫᬗ᭄ᬓᬶᬦ᭄ᬭᬯᬸᬄ᭞ᬭᬶᬂᬩᬜ᭄ᬘᬶᬗᬄᬧᬜ᭄ᬚ᭄ᬭᭀᬯᬦ᭄ᬫᬦᬸᬗ᭄ᬕᬸ᭞ᬳᬶᬩᬮ᭄ᬬᬦ᭄ᬦᬸᬕᬶᬕ᭄ᬮᬶᬲ᭄ᬲᬵᬫ᭄ᬧᬸᬦ᭄ᬓᬳᬸᬮᬧᬶᬦ᭄᭞ᬓᬶᬭᬶᬗᬂᬓᬢᬫᬦ᭄ᬲᬵᬫ᭄ᬧᬸᬦ᭄᭟ᬩᬶᬩᬶᬳᬶᬜᬫᬵᬢᬹᬃᬳ
ᬮᭀᬦ᭄᭟᭒᭟ᬮᬓᬶᬦᬾᬫᬗ᭄ᬤᬓᬦ᭄ᬢᬸᬦ᭄᭞ᬭᬶᬂᬚᬩᬵᬦ᭄ᬢᬫᬦᬾᬦᬸᬗ᭄ᬕᬸ᭞ᬢᬦ᭄ᬧᬸᬭᬸᬦ᭄ᬢᬶᬢ᭄ᬬᬂᬗᬶᬭᬶᬂᬲᬂᬧ᭄ᬭᬪᬹᬧᬢᬶ᭞ᬫᬜᬮᬸᬩᬂᬯ᭄ᬯᬂᬚᬚᬮᬸ᭞ᬫᬗ᭄ᬤᬢᬦ᭄ᬫᬦ᭄ᬫᬸᬓᬯᭀᬦ᭄᭟᭓᭟ᬤᬾᬱᬓ᭄ᬜᬸᬜᬸᬃᬫᬯᬸᬯᬸᬲ᭄᭞ᬩᬧᬦᬤᬶᬦᬶᬫᬮᬸᬫᬮᬸᬗ᭄ᬕᬸᬄ᭞ᬧᬕᬕ᭄ᬧ
(ᬮᬓᬶᬦᬾᬫᬗ᭄ᬤᬓᬦ᭄ᬢᬸᬦ᭄‌‌)ᬕᬾᬕ᭄‌‌ᬦᬸᬮ᭄ᬬᬓ᭄ᬜᭂᬫ᭄‌‌ᬳᬭᬶᬲ᭄ᬜᬯᬸᬭᬶᬦ᭄᭞ᬦᬄᬫᬾᬫᬾᬦᬧᬂᬭᬳᬬᬸ᭞ᬗᬢᬹᬭᬂᬢᬫ᭄ᬩᬤᬤᬸᬓᭀᬦ᭄᭟᭔᭟ᬚ᭄ᬭᭀᬩᬮ᭄ᬬᬦ᭄ᬕᭂᬮᬶᬲ᭄ᬮᬸᬫᬓᬸ᭞ᬩᬶᬩᬶᬳᬶᬜᬗᭂᬫ᭄ᬩᬦ᭄ᬲᬓᬶᬂᬧᬸᬗ᭄ᬓᬸᬃ᭞ᬧᬸᬦ᭄ᬧᬕᬾᬕ᭄ᬲᬯᬸᬃᬕᬸᬬᬸᬫᬗᬸᬚᬶᬯᬵ
ᬢᬶᬦ᭄᭞ᬲᬲᬦ᭄ᬢᬸᬦᬾᬢᬶᬗ᭄ᬓᭂᬩ᭄ᬯᬓᬸᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄‌‌ᬚ᭄ᬭᭀᬦᬾᬮᭀᬂ᭟᭕᭟ᬤ᭄ᬯᬦᬶᬂᬲ᭄ᬮᬶᬃᬢᬓ᭄ᬱᬸᬳᬕᬸᬂ᭞ᬲᬵᬫ᭄ᬧᬸᬦᬂᬚ᭄ᬭᭀᬦᬾᬳᬫ᭄ᬧᬄᬘᬯᬸᬄᬤᬶᬢᬸ᭞ᬬᬦ᭄ᬢᬦ᭄ᬧᭀᬮᬶᬄᬳᬸᬧᬄ᭞ᬳᬜ᭄ᬘᬗᬦᬾᬗᬫ᭄ᬩᬶᬢ᭄᭞ᬫᬗ᭄ᬤᬢᬦ᭄ᬓᬲᬾᬧ᭄ᬦᭂᬫ᭄ᬧᬸᬄ᭞ [ 149 ][᭑᭔᭘ 148B]
᭑᭔᭘
ᬫᬗ᭄ᬤᬢᬦ᭄‌‌ᬚ᭄ᬭᭀᬦᬾᬓᬲᬾᬫ᭄ᬧᭀᬢ᭄᭟᭖᭟ᬧᬜ᭄ᬚ᭄ᬭᭀᬯᬦ᭄ᬤᬤᬶᬮᬸᬘᬸ᭞ᬳᬶᬗ᭄ᬕᬶᬄᬗᬶᬭᬶᬂᬢᬶᬢ᭄ᬬᬂᬦᭀᬭᬧᬸᬭᬸᬦ᭄᭞ᬫᬫᬃᬕ᭄ᬕᬶᬳᬶᬩᬮ᭄ᬬᬦ᭄‌‌ᬗ᭄ᬭᬜ᭄ᬚᬶᬂᬭᬶᬂᬧᬸᬭᬶ᭞ᬢᬦ᭄ᬲᬸᬫ᭄ᬮᬂᬭᬶᬂᬳᬸᬚᬃᬳᬶᬧᬸᬦ᭄᭞ᬮᬫ᭄ᬧᬄᬜᬦᬾᬤᬩ᭄ᬥᬩ᭄ᬳᬮᭀᬦ᭄᭟᭗᭟ᬓᭀᬘᬧ᭄ᬫ
ᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬳᬕ᭄ᬮᬶᬲ᭄ᬭᬯᬸᬄᬭᬶᬂᬢᬫᬦ᭄ᬲᬂᬧ᭄ᬭᬪᬹ᭞ᬩᬶᬩᬶᬳᬶᬜᬫᬗ᭄ᬯᬓᬲᬂᬭᬶᬂᬢ᭄ᬯᬦ᭄ᬤᬾᬯᬶ᭞ᬲᬶᬗ᭄ᬕᬶᬄᬤᬾᬯᬤᬸᬄᬲᬂᬳᬬᬸ᭟ᬯᬾᬦ᭄ᬢᭂᬦ᭄ᬩᬮ᭄ᬬᬦ᭄ᬮᬶᬦ᭄ᬢᬂᬓᬯᭀᬢ᭄᭟᭘᭟ᬦᭀᬭᬮ᭄ᬬᬦ᭄ᬭᬓᬦ᭄ᬭᬢᬸ᭞ᬰ᭄ᬭᬷᬥᬦᬸᬚᬳᬕᬸᬂᬲᬦᬾᬳᬲᬸᬂ᭞ᬫᬦᬸᬤᬸᬳᬂ
ᬤᬦᬾᬥᬸᬓᬸᬦ᭄ᬫᬦᬫ᭄ᬩᬦᬶᬦ᭄᭞ᬲᬂᬤᬾᬯᬶᬭᬭᬶᬲ᭄ᬫᬯᬸᬗᬸ᭞ᬦᬩ᭄ᬤᬫᬦᬶᬲ᭄ᬲᬃᬯ᭄ᬯᬶᬳᬮᭀᬦ᭄᭟᭙᭟ᬩᬶᬩᬶᬳᬶᬜᬮᬶᬦ᭄ᬢᬂᬳᬲᬸᬂ᭞ᬫᬦᬫ᭄ᬩᬦᬶᬦ᭄ᬫᬭᬶᬂᬲᬸᬗ᭄ᬓᬦ᭄ᬦᬶᬗ᭄ᬲᬸᬦ᭄᭞ᬲᬓᬶᬂᬦᬧᬶᬤᬥᬸᬓᬸᬦᬾᬫᬦ᭄ᬤᬶ᭞ᬧᬸᬦ᭄ᬩᬬᬦ᭄ᬫᬦᬶᬫ᭄ᬩᬮ᭄ᬫᬵᬢᬹᬃ᭞ᬓᭀᬘᬧ᭄ᬲᬓᬶᬂ
ᬮᬾᬱᬦ᭄ᬧᬸᬭ᭟᭑᭐᭟ᬦᬄᬩᬬᬦ᭄ᬓᭂᬫᬧᭂᬲᬸ᭞ᬳᬚᬓ᭄ᬫᬳᬶᬳᬶᬥᬸᬓᬸᬦ᭄ᬧᬸᬦᬶᬓᬸ᭞ᬓᬾᬦ᭄ᬩᬬᬦ᭄ᬳᬦᭂᬫ᭄ᬩᬄ᭞ᬧᬫᬶᬢ᭄‌‌ᬭᬭᬶᬲ᭄ᬫᬶᬚᬶᬮ᭄᭞ᬭᬯᬸᬄᬫᬭᬶᬂᬤᬥᬸᬓᬸᬦ᭄᭞ᬭᬯᬸᬄᬯᬸᬲ᭄ᬧᬸᬧᬸᬢ᭄‌‌ᬩᬩᬯᭀᬲ᭄᭟᭑᭑᭟ᬦᭀᬭᬵᬦᬲ᭄ᬯᬾᬕ᭄ᬮᬶᬲ᭄ᬭᬯᬸᬄ᭞

[᭑᭔᭙ 149A]
᭑᭔᭙
ᬦᬭᬶᬂᬳᬸᬫᬄᬢᬫᬦ᭄ᬫᬗᬸᬗ᭄ᬕᬸᬮ᭄᭞ᬤᬦᬾᬥᬸᬓᬸᬦ᭄ᬫᬗ᭄ᬭᬜ᭄ᬚᬶᬂ᭞ᬫᬭᬶᬂᬚ᭄ᬭᭀᬧᬸᬭᬶ᭞ᬫᬗ᭄ᬮᬸᬂᬳᬗ᭄ᬕᬭᬭᬶᬲ᭄ᬫᬵᬢᬹᬃ᭞ᬤ᭄ᬬᬄᬉᬤ᭄ᬬᬢ᭄ᬫᬶᬓᬯᬸᬲ᭄ᬓᬢᭀᬦ᭄᭟᭑᭒᭟ᬭᬵᬤᬾᬦ᭄ᬤᬾᬯᬶᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬇᬘᬫᬾᬫᬾᬦᬫ᭄ᬩᬦᬶᬦ᭄ᬳᬶᬗ᭄ᬲᬸᬦ᭄᭞ᬯᬵᬲ᭄ᬧᬥᬲᬵᬫ᭄ᬧᬸᬦ᭄ᬭᬳᬤᬾᬦ᭄ᬤᬾᬯᬶ
᭞ᬲᬶᬭᬮᬓᬶᬲᬵᬫ᭄ᬧᬸᬦ᭄ᬭᬯᬸᬄ᭞ᬤ᭄ᬯᬦᬶᬂᬲᬫᬶᬲᬶᬦᬄᬓᬢᭀᬦ᭄᭟᭑᭓᭟ᬫᬕᬶᬭᬂᬚ᭄ᬭᭀᬦᬶᬂᬓᬮ᭄ᬪᬸ᭞ᬲᬂᬰ᭄ᬯᬫᬶᬫᬭᬶᬂᬳᬗᭂᬦ᭄ᬲᬵᬫ᭄ᬧᬸᬦᬯ᭄ᬭᬸᬄ᭞ᬫ᭄ᬢᬸᬉᬧᬬᬦᬾᬦᬸᬤᬸᬄᬦᬦᬾᬫᬗ᭄ᬓᬶᬦ᭄᭞ᬭᬶᬂᬧᬭᬳᬶᬜᬦ᭄ᬳᬶᬧᬸᬦ᭄᭞ᬋᬋᬳᬂᬢᬶᬢ᭄ᬬᬂᬩᬸᬦ᭄ᬓᬮᭀᬢ᭄᭟᭑᭔᭟᭠
ᬦᬶᬓᬢᬫ᭄ᬩᬦᬾᬧᬵᬢᬹᬢ᭄᭞ᬳᬗ᭄ᬕᬾᬦ᭄ᬳᬸᬭᬧ᭄ᬲᭂᬫ᭄ᬩᬃᬫᬶᬯᬄᬚᬫᬸ᭞ᬦᬶᬧᬜ᭄ᬚ᭄ᬭᭀᬯᬦ᭄ᬲᬫᬶᬋᬓᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬫᬗᬺᬋᬄᬢᬫ᭄ᬩᬧᬸᬦᬶᬓᬸ᭞ᬲᬂᬓᬮᬶᬄᬲ᭄ᬮᬫᬩᬯᭀᬲ᭄᭟᭑᭕᭟ᬯᬶᬢ᭄ᬲᬗ᭄ᬲᬭᬦᬾᬥᬗᬹ᭞ᬓᬳᬸᬚᬗᬂᬓᬩᬾᬄᬲᬫ᭄ᬧᬾᬓ᭄ᬢᬸᬃ᭞ᬢ᭠
ᬦ᭄ᬧᬸᬢᬸᬲ᭄‌‌ᬰ᭄ᬭᬸᬧᬢᬦᬾᬧᬥᬫᬶᬚᬶᬮ᭄᭞ᬧᬜ᭄ᬚ᭄ᬭᭀᬯᬦᬾᬫᬗ᭄ᬓᬶᬦ᭄ᬭᬯᬸᬄ᭞ᬲᬂᬓᬮᬶᬄᬜᬤ᭄ᬲᬤᬶᬦ᭄ᬧᬦᭀᬦ᭄᭟᭑᭖᭟ᬢᬫ᭄ᬩᬦᬾᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬓᬢᬗ᭄ᬕᬧ᭄ᬢᬫ᭄ᬩᬦᬾᬭᬶᬂᬚ᭄ᬭᭀᬥᬸᬓᬸᬦ᭄᭞ᬓᬢᬶᬩᬓᬂᬭᬶᬂᬳᬶᬤᬭᬤᬾᬦ᭄ᬤᬾᬯᬶ᭞ᬲᬂᬳᬬᬸᬭᬭᬶᬲ᭄ᬫ [ 150 ][᭑᭔᭙ 149B]
᭑᭔᭙
ᬯᬸᬯᬸᬲ᭄᭞ᬫ᭄ᬭᬲᬍᬕᬫᬦᬄᬳᬶᬗᭀᬂ᭟᭑᭗᭟ᬚ᭄ᬭᭀᬩᬮ᭄ᬬᬦ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬯᬸᬲ᭄ᬫᬧᬫᬶᬢ᭄ᬭᬶᬂᬲᬂᬤ᭄ᬬᬄᬳᬬᬸ᭞ᬲᬵᬫ᭄ᬧᬸᬦ᭄ᬫᭂᬢᬸᬫᬗᬦ᭄ᬤᬶᬓᬭᬤᬾᬦ᭄ᬤᬾᬯᬶ᭞ᬫᬦᬶᬫᬳᬶᬤᬾᬰᬓ᭄ᬜᬸᬜᬸᬃ᭞ᬫᬮᬶᬄᬢᬸᬮᬸᬗᬦᬇᬗᭀᬂ᭟᭑᭘᭟ᬩᬮ᭄ᬬᬦ᭄ᬢᬦᬵᬧᬜ᭄ᬚᬂᬳᬢᬹᬃ᭞ᬩᬾᬜ᭄ᬚᬂᬲ᭄ᬫᭂᬂ
ᬫᬮᬶᬄᬢᬶᬢ᭄ᬬᬂᬭᬯᬸᬄ᭞ᬫᬗ᭄ᬭᬭᬶᬲ᭄‌‌ᬤᬾᬰᬓ᭄ᬜᬸᬜᬸᬃᬤᬦᬾᬫᬫᬃᬕ᭄ᬕᬶ᭞ᬧᬕᬕ᭄ᬧᬕᬾᬕ᭄ᬯᬸᬲ᭄ᬓᬘᬸᬡ᭄ᬥᬸᬓ᭄᭞ᬭᬶᬂᬚᬩᬦ᭄ᬢᬫᬦᬾᬗᬦ᭄ᬢᭀᬲ᭄᭞᭑᭙᭟ᬧᬸᬧᬸᬢ᭄ᬫᬩᬩᬯᭀᬲ᭄ᬤᬶᬢᬸ᭞ᬲᬂᬢᬶᬕᬓᬧᬲᬭᬾᬫᬦᬸᬚᬸ᭞ᬫᬤᭀᬮᬦ᭄ᬲᬃᬯ᭄ᬯᬶᬧᬸᬱ᭄ᬧᬦᬾᬮᬶᬦ᭄ᬢᬂᬯᬗᬶ᭞ᬗᬫᬾ
ᬯ᭄ᬯᬂᬭᬯᬸᬄᬫᬦᬸᬓᬸ᭞ᬫᬕᬕᬦ᭄ᬤᬦ᭄ᬮᬦᬂᬯᬤᭀᬦ᭄᭟᭒᭐᭟ᬩᬾᬜ᭄ᬚᬂᬲ᭄ᬫᭂᬂᬓᬯᬸᬯᬸᬲ᭄᭞ᬫᬮᬶᬄᬓᬢᬫᬦ᭄ᬦᬶᬤᬾᬰᬓ᭄ᬜᬸᬜᬸᬃ᭞ᬢᬵᬗ᭄ᬓᬶᬮ᭄ᬭᬶᬂᬳᬶᬤᬭᬤᬾᬦ᭄ᬤᬾᬯᬶ᭞ᬧᬕᬕ᭄ᬧᬕᬾᬕ᭄ᬦᭀᬭᬢᬸᬫᬸᬢ᭄᭞ᬓᬦ᭄ᬢᬸᬦ᭄ᬭᬶᬂᬧᬗᬦ᭄ᬢᭀᬲ᭄᭟᭒᭑᭟ᬳᬕ᭄ᬮᬶᬲ᭄ᬮᬫ᭄ᬧᬳᬾᬭᬯᬸᬄ᭞ᬭᬶᬂᬉᬤ᭄ᬬ
ᬦᬢᬗ᭄ᬓᬶᬮ᭄ᬭᬶᬂᬲᬂᬳᬬᬸ᭞ᬗᬢᬹᬭᬂᬢᬫ᭄ᬩᬫᬶᬯᬄᬯ᭄ᬤᬓ᭄ᬲᬦᬾᬫ᭄ᬭᬶᬓ᭄᭞ᬲᬂᬧᬸᬢ᭄ᬭᬶᬭᬭᬶᬲ᭄ᬫᬯᬸᬯᬸᬲ᭄᭞ᬫᬾᬫᬾᬤᬾᬰᬓ᭄ᬮᬶᬦ᭄ᬢᬂᬢᬸᬯᭀᬦ᭄᭟᭒᭒᭟ᬭᬶᬂᬢᬫᬦ᭄ᬦᬸᬚᬸᬲᬸᬯᬸᬂ᭞ᬲ᭄ᬤᭂᬂᬳᬾᬧᭀᬢ᭄ᬧᬜ᭄ᬚ᭄ᬭᭀᬯᬦᬾᬤᬶᬢᬸ᭞ᬮ᭄ᬯᬶᬃᬧᬢᭂᬫ᭄ᬯᬂᬩᬩᬯᭀᬲᬾᬰ᭄ᬯᬫᬶᬇᬲ᭄ᬢ᭄ᬭᬷ᭞᭠

[᭑᭕᭐ 150A]
᭑᭕᭐
ᬗᬯᬶᬮᬗᬂᬚᬕᬫᬦ᭄ᬢᬸᬓ᭄᭞ᬫᬗ᭄ᬓᬾᬯ᭄ᬗᬶᬫᬗ᭄ᬭᭀᬭᭀᬤ᭄᭟᭒᭓᭟ᬳᬢᬹᬭᬾᬲᬂᬤ᭄ᬬᬄᬳᬬᬸ᭞ᬳᬦ᭄ᬢᭀᬲᬂᬢᬶᬢ᭄ᬬᬂᬭᬶᬂᬫᬗ᭄ᬓᬾᬤᬮᬸ᭞ᬭᬶᬂᬚᬩᬬᬦ᭄ᬢᬫᬦᬾᬳᬦ᭄ᬢᭀᬲ᭄ᬭᬶᬂᬓᬶᬭᬶ᭞ᬫᬥ᭄ᬬᬤᬮᬸᬢᬶᬢ᭄ᬬᬂᬭᬯᬸᬄ᭞ᬓᬸᬤᬩᬓ᭄ᬢᬳᬗ᭄ᬕᬾᬦ᭄ᬗᬦ᭄ᬢᭀᬲ᭄᭟᭒᭔᭟ᬉᬩ
ᬬᬧᬱ᭄ᬝᬶᬲᬵᬫ᭄ᬧᬸᬦ᭄᭞ᬫ᭄ᬤᬮ᭄ᬳᬶᬧᬶᬸᬩᬮ᭄ᬬᬦ᭄ᬓᬧᬲᬃᬦᬸᬚᬸ᭞ᬳᬶᬧᬕᬾᬕ᭄ᬓᬢᬸᬤᬸᬄᬦᬸᬫ᭄ᬩᬲ᭄ᬓᬸᬤᬫᬗ᭄ᬓᬶᬦ᭄᭞ᬢᬦᬵᬧᬜ᭄ᬚᬂᬫᬫᬃᬕ᭄ᬕᬶᬲᬵᬫ᭄ᬧᬸᬦ᭄᭞ᬓᬤᬶᬧᬦᬸᬤᬸᬄᬲᬂᬓᬢᭀᬂ᭟᭒᭕᭟ᬓᬸᬤᬯᬤᭀᬦ᭄ᬓᬢᬸᬓᬸ᭞ᬳᬕ᭄ᬮᬶᬲ᭄ᬓᬵᬢᬹᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬓᬓᬧᬕᬕ᭄ᬫᬗ
ᬦᭀᬲ᭄ᬭᬶᬂᬫᬃᬕ᭄ᬕᬓᬶᬭᬶ᭞ᬢᬸᬗ᭄ᬕᬗᬦᬾᬳᬩᬤᬶᬢᬸ᭞ᬭᬶᬂᬚᬩᬦ᭄ᬢᬫᬦᬾᬳᬦ᭄ᬢᭀᬲ᭄᭟᭒᭖᭟ᬜᬦᬦ᭄ᬭᬶᬂᬢ᭄ᬗᬄᬤᬮᬸ᭞ᬳᬦ᭄ᬢᭀ᭠ᬲ᭄ᬳᬶᬤᬲᬂᬦᬭᬾᬦ᭄ᬤ᭄ᬭᬯᬥᬸ᭞ᬦᬶᬭᬓᬾᬲᬄᬦᬾᬚᬦᬶ᭞ᬤᬶᬢᬸᬗᬦ᭄ᬢᬶ᭞ᬢᬸᬗ᭄ᬕᬗᬦᬾᬳᬩᬤᬶᬢᬸ᭞ᬭᬶᬂᬚᬩᬦ᭄ᬢᬫᬦᬾᬳᬦ᭄ᬢᭀᬲ᭄᭟
᭒᭗᭟ᬧᬲᬗ᭄ᬓᬾᬢᬦᬾᬧᬸᬧᬸᬢ᭄᭞ᬦ᭄ᬤᬾᬯᬾᬓ᭄ᬳᬶᬧᬕᬾᬕ᭄ᬗᬶᬭᬶᬂᬲᬂᬧ᭄ᬭᬪᬹ᭞ᬮᬸᬗᬂᬤᬾᬯᬱᬯ᭄ᬗᬶᬦᬾᬫᬗ᭄ᬓᬶᬦ᭄ᬦᬫ᭄ᬧᬶᬄ᭞ᬧᬋᬓᬦᬾᬮᬸᬗ᭄ᬳᬵᬲᬵᬫ᭄ᬧᬸᬦ᭄᭞ᬮ᭄ᬯᬶᬃᬳᬸᬩᬬᬦᬾᬓᬳᬦ᭄ᬢᭀᬲ᭄᭟᭒᭘᭟ᬯ᭄ᬗᬶᬤᬸᬮᬸᬭᬶᬜ᭄ᬚᬯᬸᬄ᭞ᬧ᭄ᬢᭂᬂᬤᭂᬤᭂᬢ᭄ᬫᬤᬸᬮᬸᬭᬦ᭄ᬲᬶᬦ᭄ᬥᬸᬂ [ 151 ][᭑᭕᭐ 150B]
᭑᭕᭐
᭞ᬧᬋᬓᬦᬾᬓᬲ᭄ᬯᬾᬦ᭄ᬗᬦ᭄ᬢᭀᬲ᭄᭞ᬭᬵᬤᬾᬦ᭄ᬤᬾᬯᬶ᭞ᬲᬫ᭄ᬧᬾᬗᬸᬦ᭄ᬥᬧ᭄ᬗᬦ᭄ᬢᭀᬲ᭄‌‌ᬤᬶᬢᬸ᭞ᬫᬲᬸᬮᬾᬮᬾᬕ᭄ᬭᬭᬶᬲ᭄ᬫᬗ᭄ᬭᭀᬓ᭄᭟᭒᭙᭟ᬯᬦᬾᬄᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬲᬓᬶᬂᬕᬸᬦᬸᬂᬩᬢᬸᬭᬶᬗ᭄ᬕᬶᬢ᭄ᬭᬯᬸᬄ᭞ᬚᬸᬭᬸᬧᬦ᭄ᬥᬸᬂᬯᬗ᭄ᬰᬚᬶᬫ᭄ᬓᬮᬶᬦ᭄ᬢᬂᬭᬸᬲᬶᬢ᭄᭞ᬮ᭄ᬯᬲ᭄ᬫᬫᬮᬶᬂᬩᬶᬮᬂᬤ
ᬮᬸ᭞ᬓᬤᬶᬫᬶᬦᬗᬸᬫ᭄ᬩᬂᬗᬭᭀ᭟᭐᭚ᬧᬸᬄᬓᬸᬫᬫ᭄ᬩᬂ᭚᭑᭟ᬫᬵᬲ᭄ᬓᬫᬫ᭄ᬩᬂᬚᬶᬫ᭄ᬫᬫ᭄ᬩᬗᬶᬂᬓᭂᬫ᭄ᬩᬗᬶᬂᬳᬢᬶ᭞ᬩᬗᬸᬦ᭄ᬬᬫᬭᬩ᭄ᬭᬩᬦ᭄᭞ᬲᬓᬶᬂᬕ᭄ᬯᬦ᭄ᬜᬦᬾᬳᬸᬫᬶᬚᬶᬮ᭄᭞ᬭᬶᬂᬯᬳᬸᬤᬮᬸᬓᭀᬘᬧᬦ᭄᭟᭒᭟ᬯᬸᬲ᭄ᬓᬱ᭄ᬝᬯ᭞ᬩᭀᬜ᭄ᬚᭀᬃᬜᬦ᭄ᬢᬸᬂᬫᬓᬦᬵᬫᬶ᭞ᬚᬶᬫ᭄ᬳᬮᬲ᭄
ᬧᬸᬦᬶᬓ᭞ᬫᬓᬶᬭᬾᬚᬕᬫᬫᬃᬕ᭄ᬕᬶ᭞ᬲᬺᬕᭂᬧ᭄ᬲᬜ᭄ᬚᬢᬲᬦ᭄ᬤᬗᬦ᭄᭟᭓᭟ᬕ᭄ᬥᬾᬧᭀᬢᬕ᭄‌‌ᬫᬢᬩᬭᬓ᭄ᬭᬫ᭄ᬩᬸᬢ᭄ᬓᬸᬦᬶᬂ᭞ᬕᬶᬜ᭄ᬘᭂᬃᬫᬧ᭄ᬭᬶᬲᭂᬢᬦ᭄᭞ᬘᬸᬗᬸᬄᬜᬫ᭄ᬩᬸᬕᬶᬕᬶᬧᬸᬢᬶᬄ᭞ᬓᬸᬮᬶᬢ᭄ᬪᬶᬭᬹᬩᬸᬓᬕᬶᬮᬧ᭄᭟᭔᭟ᬳᬯᬓ᭄ᬫᬓ᭄ᬯᬮ᭄‌‌ᬓᬸᬮᬶᬢ᭄ᬜᬦᬾᬓᬾᬲ᭄ᬓᬾᬲ᭄‌‌ᬕᬸᬤᬶ
ᬕ᭄᭞ᬕ᭄ᬥᬾᬦᬾᬩᬢᬶᬓ᭄ᬮᬦ᭄᭞ᬢᬗᬦᬾᬳᬓᬲ᭄ᬫᬮᬶᬂᬗ᭄ᬩᬶᬂ᭞ᬚ᭄ᬭᬶᬚᬶᬦ᭄ᬜᬦᬾᬮ᭄ᬯᬶᬃᬳᬸᬮᬓᬦ᭄᭟᭕᭟ᬯ᭄ᬢᬶᬲ᭄ᬜᬦᬾᬮ᭄ᬯᬶᬃᬢᬸᬕᬸᬢᬸᬕᬸᬭᬶᬂᬘᬭᬶᬓ᭄᭞ᬢ᭄ᬮᬧᬓᬦᬾᬓ᭄ᬩᬢ᭄᭞ᬧᬮ᭄ᬬᬢ᭄ᬕᬮᬓ᭄ᬓᬤᬶᬢᬝᬶᬢ᭄᭞ᬲ᭄ᬯᬭᬖᭀᬭᬳᬮᬄᬓᬶᬮᬧ᭄‌᭟᭖᭟ᬮᬶᬦ᭄ᬢᬂᬓ᭄ᬭᬸᬭᬳᬯᬓᬾ

[᭑᭕᭑ 151A]
᭑᭕᭑
ᬫᬩᬸᬮᬸᬲᬫᬶ᭞ᬳᬮᬶᬲ᭄ᬓᬤᬶᬫᬾᬖ᭞ᬓᬸᬫᬶᬲᬾᬋᬧᭂᬢ᭄ᬮᬦ᭄‌‌ᬯᭀᬓ᭄ᬩ᭄ᬭᬶᬲ᭄᭞ᬢᬗ᭄ᬓᬄᬮᬶᬗ᭄ᬕᬄᬢᬶᬦ᭄ᬤᬓ᭄ᬕᬜ᭄ᬘᬂ᭟᭗᭟ᬦ᭄ᬤᬦ᭄ᬓᭀᬘᬧᬦ᭄‌‌ᬓᬾᬲᬄᬫᬭᬶᬂᬕᬸᬦᬸᬂᬭᬶᬗ᭄ᬕᬶᬢ᭄᭞ᬮᬫ᭄ᬧᬄᬫᬦᭂᬤᬸᬦᬂ᭞ᬕᬜ᭄ᬘᬂᬮ᭄ᬯᬶᬃᬍᬲᬸᬂᬜᬸᬭᬶᬭᬶᬢ᭄᭞ᬢᬦ᭄ᬳᬸᬘᬧᬦ᭄ᬫᬭᬶᬂᬚᬮᬦ᭄᭟᭘᭟ᬳᬾᬗ᭄ᬕᬮ᭄ᬧ᭄ᬭ
ᬧ᭄ᬢᬵᬳᬶᬚᬶᬫ᭄ᬳᬮᬲ᭄ᬦᬦᬾᬫᬗ᭄ᬓᬶᬦ᭄᭞ᬭᬶᬂᬮᬗᬸᬦᬵᬕᬭ᭞ᬢ᭄ᬗᬄᬯ᭄ᬗᬶᬲᬵᬫ᭄ᬧᬸᬦ᭄ᬦᬫ᭄ᬧᬶ᭞ᬧ᭄ᬭᬬᬗ᭄ᬭᬜ᭄ᬚᬶᬂᬭᬶᬂᬚ᭄ᬭᭀᬧᬸᬭ᭟᭙᭟ᬓᭀᬘᬧ᭄ᬳᬶᬤᬭᬤᬾᬦ᭄ᬤᬾᬯᬶᬯᬯᬸᬫᬶᬚᬶᬮ᭄᭞ᬲᬓᬶᬂᬳᬸᬫᬄᬢᬫᬦ᭄᭞ᬓᬤᬶᬳᬸᬩᬬᬦᬾᬳᬸᬗ᭄ᬲᬶ᭞ᬧᬢᬶᬳᭂᬦ᭄ᬢᬸᬮ᭄ᬲᬤᬤᬩ᭄ᬤᬩ᭄᭟᭑᭐᭟
ᬧ᭄ᬢᭂᬂᬥᭂᬥᭂᬢ᭄‌‌ᬫᬾᬖᬦᬾᬤᬸᬮᬸᬭᬶᬦ᭄ᬭᬶᬭᬶᬲ᭄᭞ᬳᬶᬗ᭄ᬕᬶᬄᬮ᭄ᬯᬶᬃᬦᬸᬤᬸᬳᬂ᭞ᬢᬢᬶᬢᬾᬲᬂᬜᬸᬦ᭄ᬤᬭᬶᬦ᭄᭞ᬲᬯᬂᬢᬺᬱ᭄ᬡᬫᬢᬸᬤᬸᬳᬂ᭟᭑᭑᭟ᬓᬲ᭄ᬯᬾᬦ᭄ᬳᬶᬤᬮᬸᬫᬫ᭄ᬧᬄᬫᬗᬮᬶᬄᬫᬃᬕ᭄ᬕᬶ᭞ᬮᬫᬫᬦᬶᬩᬬᬂ᭞ᬭᬶᬂᬚᬩᬮᬫᬶᬫᬗᬶᬮ᭄ᬕᬶᬮ᭄᭞ᬳᬶᬚᬶᬫ᭄ᬳᬮᬲ᭄ᬭᬭᬶᬲ᭄ᬧ᭄ᬭᬧ᭄ᬢᬵ᭟᭑᭒᭟
ᬯᬯᬸᬓᬢᭀᬦ᭄ᬓᬸᬤᬦᬾᬭᬭᬶᬲ᭄ᬢᬸᬗ᭄ᬕᬗᬶᬦ᭄᭞ᬮᬫ᭄ᬧᬄᬮ᭄ᬯᬶᬃᬧᬚᭀᬕᬂ᭞ᬚᬶᬫᬾᬢ᭄ᬓᬦᭂᬫ᭄ᬧᬸᬄᬢᬮᬶ᭞ᬯᬳᬸᬗᬘᭀᬓ᭄ᬭᬶᬂᬚᬩᬬᬦ᭄᭟᭑᭓᭟ᬦᬾᬓᭀᬚᬭᬦ᭄᭞ᬲᬥ᭄ᬬᬦ᭄ᬳᬯᬓᬾᬫᬫᬮᬶᬂ᭞ᬢᭀᬦ᭄ᬤᬾᬦ᭄ᬳᬮᬶᬄᬩᬓᬢ᭄᭞ᬳᬸᬮ᭄ᬬᬦ᭄ᬩᭂᬦᭂᬄᬩᬦ᭄ᬦᬶᬦ᭄ᬤᬓᬶᬦ᭄ [ 152 ][᭑᭕᭑ 151B]
᭑᭕᭑
᭞ᬢᬮᬶᬦ᭄ᬓᬸᬥᬦᬾᬓᬚ᭄ᬫᬓ᭄᭟᭑᭔᭟ᬲᬫᬶᬫ᭄ᬦᭂᬂᬤ᭄ᬯᬦᬶᬂᬮᬫ᭄ᬧᬳᬾᬫᬫᬮᬶᬂ᭞ᬧᬸᬍᬲ᭄ᬢᬶᬲ᭄ᬳᬶᬧᬕᬕ᭄᭞ᬢᭀᬂᬢᬳᬸᬓᬩᬾᬕᬮ᭄ᬫᬮᬶᬂ᭞ᬤᬤᬶᬤᬹᬱ᭄ᬝᬓᬫᬮᬶᬗᬦ᭄᭟᭑᭕᭟ᬮᬶᬦ᭄ᬢᬂᬲᬸᬓᬫᬦᬄᬜᬦᬾᬫᬧᬶᬓᭀᬮᬶᬄ᭞ᬜᬥ᭄ᬬᬧᬘᬂᬩᬸᬤᬮ᭄᭞ᬢᬦ᭄ᬯ᭄ᬭᬸᬄᬭᬶᬂ᭠
ᬪᬕ᭄ᬬᬫᬢᬶᬦ᭄ᬤᬶᬄ᭞ᬤᬾᬦᬶᬂᬧ᭄ᬢᭂᬗᬾᬓᬮᬶᬦ᭄ᬢᬂ᭟᭑᭖᭟ᬫᬲᬸᬮᬾᬮᬾᬕ᭄‌‌ᬬᬳᬶᬧᬕᬕ᭄ᬫᬗᬶᬧᬶ᭞ᬗᬶᬧᬶᬓᬩ᭄ᬮᬩᬭᬦ᭄᭞᭠ᬧ᭄ᬕᬢ᭄ᬳᬯᬦᬾᬤᬶᬫᬃᬕ᭄ᬕᬶ᭞ᬩᭀᬜ᭄ᬚᭀᬃᬜᬦ᭄ᬢᬸᬂᬭᬭᬶᬲ᭄ᬮᬸᬗ᭄ᬳᬵ᭟᭑᭗᭟ᬫᬳᬶᬤ᭄ᬭᬦ᭄ᬧᬥᬫ᭄ᬦᭂᬂᬬᬤᬶᬫᬃᬕ᭄ᬕᬶ᭞ᬤᬾᬦᬶᬂᬲᬫᬶᬘᭀᬭᬄ᭞
ᬫ᭄ᬦᭂᬂᬲᬂᬤᬾᬯᬶᬫᬮᬶᬗ᭄ᬕᬶᬄ᭞ᬓᬲᭂᬗ᭄ᬕᬸᬄᬳᬶᬧᬸᬦ᭄ᬳᬶᬧᬕᬕ᭄᭟᭑᭘᭟ᬢᬦ᭄ᬳᬸᬘᬧᬦ᭄‌‌ᬢᬶᬦ᭄ᬤᬓᬾᬳᬶᬚᬶᬫ᭄ᬮᬸᬫᬭᬶᬲ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬤᬸᬭ᭞ᬧᬓ᭄ᬱᬶᬦᬾᬭᬫᬾᬫᬫᬸᬜᬶ᭞ᬲᬬᬦ᭄ᬲᬬᬦ᭄ᬢᬢᬲ᭄ᬕᬮᬂ᭟᭑᭙᭟ᬳᬶᬚᬶᬫ᭄ᬲᬾᬢᬦ᭄‌‌ᬩᬸᬦᬸᬄᬚᬭᬦ᭄ᬓᬧᬳᬶᬤ᭄᭞ᬢᬦ᭄
ᬲᬸᬫ᭄ᬮᬗᬶᬂᬲᬥ᭄ᬬ᭞ᬦᬶᬓᬓ᭄ᬭᬡᬢᬦ᭄ᬧᬦᭀᬮᬶᬄ᭞ᬓᬲᭂᬗ᭄ᬕᬸᬄᬚᬭᬦ᭄‌‌ᬓᬾᬯᬮ᭟᭒᭐᭟ᬗᬫᭂᬗ᭄ᬕᬳᬂᬮᬫ᭄ᬧᬄᬜᬦᬾᬲᬤᬳᬭᬶᬲ᭄᭞ᬦᬹᬢ᭄ᬕᭂᬕᭂᬃᬮᬸᬫᬫ᭄ᬧᬄ᭞ᬭᬯᬸᬄᬫᬭᬶᬂᬕᬸᬦᬸᬂᬭᬶᬗ᭄ᬕᬶᬢ᭄᭞ᬫᬭᬶᬂᬕ᭄ᬯᬦᬶᬓᬂᬳᬘᬮ᭟᭒᭑᭟ᬲᬢ᭄ᬓᬦᬾᬭᬶᬂᬕ᭄ᬯᬯᬳᬸᬫ

[᭑᭕᭒ 152A]
᭑᭕᭒
ᬦᭀᬮᬶᬄ᭞ᬫᬓᭂᬲ᭄ᬬᬩ᭄ᬢᬸᬃᬋᬩᬄ᭞ᬩᬵᬦ᭄ᬓᭂᬦ᭄ᬤᭂᬮᬾᬫᬧᬶᬓᭀᬮᬶᬄ᭞ᬧᬸᬦ᭄ᬚᬶᬫ᭄ᬫᬕᬸᬬᬂᬭᬶᬂᬍᬫᬄ᭟᭒᭒᭟ᬤᬤᬶᬓᬕ᭄ᬬᬢ᭄ᬳᬸᬤ᭄ᬬᬢ᭄ᬫᬶᬓᬦᬦᬾᬫᬗ᭄ᬓᬶᬦ᭄᭞ᬯᬳᬸᬫᬗᬢᭀᬦᬂ᭞ᬫᬶᬗᭂᬢᬶᬗᭂᬢ᭄‌‌ᬚ᭄ᬭᭀᬦᬶᬂᬳᬢᬶ᭞ᬤᬸᬤᬹᬧᬋᬓᬦ᭄ᬳᬶᬧᬕᬕ᭄᭟᭒᭓᭟ᬦᬸᬮ᭄ᬬᬢ᭄ᬥᬸ᭠
ᬦ᭄ᬫᬦᭂᬲᭂᬓᬂᬭᬤᬾᬦ᭄ᬤᬾᬯᬶ᭞ᬘᬸᬢᭂᬢ᭄ᬳᬶᬓᬂᬫᬦᬄ᭞ᬦᭀᬭᬵᬦᬘᬶᬢ᭄ᬢᬳᬚ᭄ᬭᬶᬄ᭞ᬲᬃᬯ᭄ᬯᬶᬫᬦᬶᬲ᭄ᬫᬗᬦ᭄ᬤᬶᬓ᭟᭒᭔᭟ᬏᬄᬢᬲᬧᬓᬧᬶᬳᭀᬮᬲ᭄‌‌ᬭᬶᬂᬲᬸᬦ᭄ᬳᬶᬓᬶ᭞ᬫᬦᬸᬦ᭄ᬢᬸᬦ᭄ᬢᬸᬗ᭄ᬕᬗᬦ᭄᭞ᬗᬚᬓ᭄ᬫᬸᬗ᭄ᬕᬄᬭᬶᬂᬯᬦᬵᬤ᭄ᬭᬶ᭞ᬮᬫᬓᬦᬾᬗ᭄ᬲᬸᬦ᭄ᬫᬯ᭄ᬭᬸᬳ᭟᭒᭕᭟ᬬᬦ᭄ᬫᬵ
ᬦᬸᬱᬬᬓ᭄ᬱᬳᬦ᭄ᬢᬸᬯᬗ᭄ᬰᬚᬶᬫ᭄᭞ᬳᬕᬾᬧᬶᬤᬃᬣᬬᬂ᭞ᬩᭀᬜ᭄ᬚᭀᬃᬜᬦ᭄ᬢᬸᬂᬫᬗᬧ᭄ᬭᬶᬕ᭄ᬧ᭄ᬭᬶᬕ᭄᭞ᬯᬳᬸᬩᬗᬸᬦ᭄ᬫᬗ᭄ᬭᬓ᭄ᬕᬓ᭄᭟᭒᭖᭟ᬫᬤᬤᬶᬂᬓ᭄ᬮᬶᬂᬫᬧᭀᬮᬄᬲᬫ᭄ᬩᬶᬮ᭄ᬫᬫᬸᬜᬶ᭞ᬲᬶᬗ᭄ᬕᬶᬄᬧᬦᭂᬫ᭄ᬩᬳᬦ᭄᭞ᬤᬾᬯᬳᬬᬸᬓᬤᬶᬭᬢᬶᬄ᭞ᬢᭀᬲ᭄ᬦᬶᬂᬚᬶᬫ᭄ᬯᬦ᭄ᬢᬄᬢᬶᬢ᭄ᬬᬂ᭟᭒
᭗᭟ᬩᭀᬜ᭄ᬚᭀᬃᬜᬦ᭄ᬢᬸᬂᬳᬭᬦ᭄ᬢᬶᬢ᭄ᬬᬂᬯᬸᬲ᭄ᬓᬱ᭄ᬝᬯᬶ᭞ᬢᬺᬳᬶᬂᬚᬶᬫ᭄ᬲᬾᬢᬦ᭄᭞ᬕᬯᬾᬦ᭄ᬢᬶᬢ᭄ᬬᬗᬾᬫᬫᬮᬶᬂ᭞ᬲᬩᬶᬮᬂᬯ᭄ᬗᬶᬫᬮᬵᬓ᭄ᬱᬡᬵ᭟᭒᭘᭟ᬲᬓᬶᬂᬓᬸᬦ᭞ᬭᬶᬂᬕ᭄ᬯᬦᬶᬂᬩᬢᬸᬭᬶᬗ᭄ᬕᬶᬢ᭄᭞ᬧᬕ᭄ᬦᬳᬦ᭄ᬢᬶᬢ᭄ᬬᬂ᭞ᬗᬹᬦᬶᬤᬮᬸᬇᬲᭂᬂᬫ᭄ᬮᬮᬶ᭞ᬫᬫᬦ᭄ᬥᬸᬂᬓᬮᬗᬸᬦᬵᬕᬭ᭟ [ 153 ][᭑᭕᭒ 152B]
᭑᭕᭒
᭒᭙᭟ᬪᬕ᭄ᬬᬦ᭄ᬢᬶᬢ᭄ᬬᬂ᭞ᬧᭀᬮᬶᬄᬓᬸᬥᬫᬶᬫ᭄ᬩᬸᬄᬧᬸᬢ᭄ᬭᬶ᭞ᬲ᭄ᬬᬧᬳᬭᬦ᭄ᬳᬶᬤᬾᬯ᭞ᬳᬬᬸᬮ᭄ᬯᬶᬃᬲᬸᬢᬬᭀᬦᬶ᭞ᬮ᭄ᬯᬶᬄᬲ᭄ᬯᬾᬘ᭄ᬙᬫᬦᬸ᭠ᬢᬸᬕ᭄ᬢᬶᬢ᭄ᬬᬂ᭟᭓᭐᭟ᬦᬫ᭄ᬧᬶᬯᬮᬾᬦ᭄ᬲᬶᬭᬂᬤᬾᬯᬶᬳᬭᬹᬫ᭄ᬳᬫᬦᬶᬲ᭄᭞ᬫᬹᬮᬚᬢᬸᬓ᭄ᬭᬫ᭞ᬢ᭄ᬓᬾᬦ᭄ᬢᬶᬢ᭄ᬬᬂᬓᬓᬂᬳ᭄ᬚᬶᬫ᭄᭞ᬳ᭄ᬬᬂᬯᬶᬥᬷᬳᬶ
ᬘ᭄ᬙᬫᬦᭂᬫ᭄ᬯᬂ᭟᭓᭑᭟ᬳᬭᬦ᭄ᬢᬶᬢ᭄ᬬᬂᬲᬂᬥ᭄ᬬᬄᬝᬲᬶᬓ᭄ᬕᬸᬫᬶ᭞ᬤᬾᬯᬦᬶᬂᬓᬥᬢ᭄ᬯᬦ᭄᭞ᬧ᭄ᬭᬧᬸᬢ᭄ᬭᬶᬮᬗᬹᬦᬵᬕᬭᬶ᭞ᬢᬢᬦ᭄ᬲᬸᬓᬳᬭᬩᬶᬮ᭄ᬬᬦ᭄᭟᭓᭒᭟ᬲᬥ᭄ᬬᬦ᭄ᬢᬶᬢ᭄ᬬ᭞ᬯᬯᬸᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬲ᭄ᬯᬾᬩᬵᬦ᭄ᬗᬚᬧ᭄ᬳᬚᬧ᭄᭞ᬢᬦ᭄ᬫᬭᬶᬢᬶᬢ᭄ᬬᬂᬫᬗᬶᬧᬶ᭞ᬮᬶᬦ᭄ᬢᬂᬢᬶᬢ᭄ᬬᬂᬓᬲ᭄ᬫ
ᬭᬦ᭄᭟᭓᭓᭟ᬳᭂᬗ᭄ᬓᬶᬓ᭄ᬳᭂᬗ᭄ᬓᬶᬓ᭄‌‌ᬳᬸᬮᬶᬂᬓᬸᬦᬍᬫᬄᬯᭂᬗᬶ᭞ᬯᬳᬸᬢᬶᬢ᭄ᬬᬂᬲᬥ᭄ᬬ᭞ᬓᬢᭂᬫᬸᬭᬶᬂᬩ᭄ᬮᬶᬚᬶᬫ᭄᭞ᬤᬸᬭᬸᬲ᭄ᬤᬸᬤᬸᬓ᭄‌‌ᬓᬸᬤ᭠ᬢᬶᬢ᭄ᬬᬂ᭟᭓᭔‌᭟ᬫᬸᬗ᭄ᬕ᭄ᬯᬶᬂᬫᬗ᭄ᬓᬶᬦ᭄‌‌ᬲᬧᬸᬦᬧᬶᬳᬶᬘᬦᬾᬩ᭄ᬮᬶ᭞ᬲᬸᬓᬮ᭄ᬯᬶᬄᬢᬦ᭄ᬲᬸᬓ᭞ᬢᬶᬗ᭄ᬕᬭᬂᬚ᭄ᬯᬳᬶᬘ᭄ᬙᬦᬾᬩ᭄ᬮᬶᬚᬶᬫ᭄‌‌ᬲᬾᬢᬦ᭄ᬭᬭᬶ
ᬲ᭄ᬫᬦᬗ᭄ᬕᬮ᭄᭟᭓᭕᭟ᬮᬶᬦ᭄ᬢᬂᬤᬾᬯ᭞ᬫᬦᬄᬢᬶᬢ᭄ᬬᬂᬫ᭄ᬮᭂᬤ᭄ᬭᬶᬂᬳᬤᬶ᭞ᬓᬮᬶᬂᬲᬸᬩᬓᬃᬫ᭄ᬫ᭞ᬢᬶᬢ᭄ᬬᬂᬳᬦᭀᬫ᭄ᬭᬢᬸᬢ᭄ᬭᬸᬡᬶ᭞ᬳᬶᬤᬾᬯᬲᬬᬗᬂᬢᬶᬢ᭄ᬬᬂ᭟᭓᭖᭟ᬗᬶᬭᬶᬂᬭᬢᬸᬗ᭄ᬭᬜ᭄ᬚᬶᬂᬗᬶᬂᬕ᭄ᬯᬧᬕ᭄ᬮᬶᬲᬶᬦ᭄᭞ᬗᭀᬦ᭄ᬫᬦᬄᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶᬫᬜᬯᬸᬭᬶ

[᭑᭕᭓ 153A]
᭑᭕᭓
ᬦ᭄᭞ᬫᬗ᭄ᬓᬾᬤᬮᬸᬜᬥ᭄ᬬᬢᬶᬢ᭄ᬬᬂ᭟᭓᭗᭟ᬦᬸᬚᬸᬮ᭄ᬫᬄᬤᬾᬯᬱᬦᬾᬦᭀᬭᬩ᭄ᬘᬶᬓ᭄᭞ᬩ᭄ᬮᬶᬢᬶᬢ᭄ᬬᬂᬓᬵᬭᬶᬧᬦ᭄᭞ᬫᬕᬤᬂᬗᬹᬦᬲᬯ᭄ᬗᬶ᭞ᬧᬦᬤᬶᬦ᭄‌‌ᬓ᭄ᬭᬫᬦᬾᬘᬘᬤ᭄᭟᭓᭘᭟ᬢᬶᬢ᭄ᬬᬂᬜᬥ᭄ᬬ᭞ᬫᬗ᭄ᬤᬫᬳᭀᬓᬩᬗ᭄ᬰᬚᬶᬫ᭄᭞ᬲᬦᬾᬮᬶᬦ᭄ᬢᬂᬓ᭄ᬭᬸ
ᬭ᭞ᬗᬶᬭᬶᬂᬦᬶᬓᬧᬓᬃᬥᬶᬦᬶᬦ᭄᭞ᬧᬥᬫᬢᭂᬫ᭄ᬯᬂᬓᬍᬕᬦ᭄᭟᭓᭙᭟ᬫᬗ᭄ᬤᬲᬫᬩᬬᬸᬦᬾᬫᬢᭂᬫ᭄ᬯᬂᬓ᭄ᬭᬰ᭄ᬫᬶᬦ᭄᭞ᬦᬭᬶᬂᬧᬢᬸᬭᭀᬦᬦ᭄᭞ᬲᬥ᭄ᬬᬳᭀᬓᬦᬾᬫᬦᬶᬯᬶ᭞ᬧᬸᬭᬸᬱᬫᬦᬶᬭᬸᬩᬧ᭟᭔᭐᭟ᬬᬾᬦᬶᬂᬫᬗ᭄ᬓᬶᬦ᭄‌ᬩᬬᬸᬳᭂᬦ᭄ᬤᬸᬓ᭄ᬲᬫᬶ᭠
ᬳᬭᬶᬧ᭄᭞ᬦᬥᬶᬳᬦᬓ᭄ᬲᬮᬄ᭞ᬢᬦ᭄ᬫᬦᬹᬢ᭄ᬓᬃᬫ᭄ᬫᬦᬶᬂᬚᬶᬫ᭄᭞ᬫᭂᬢᬸᬕᭂᬢᬧ᭄ᬫᬦᬄᬥᬃᬫ᭄ᬫ᭟᭔᭑᭟ᬭᬕᬳᭀᬤᬄᬫᬓᬃ᭠ᬥᬶᬦᬶᬦ᭄ᬲᬮᬄᬓ᭄ᬭᬫᬶ᭞ᬫᭂᬕᬢᬂᬢᬸᬭᬸᬦᬦ᭄᭞ᬢᬦ᭄ᬫᬤ᭄ᬯᬾᬲᬦ᭄ᬢᬦᬫᬮᬶᬂ᭞ᬦᭀᬭᬮᬸᬧ᭄ᬢᬫᬦᬄᬢᬶᬢ᭄ᬬᬂ᭟᭔᭒᭟ᬤᬤᬶᬧᬹᬃᬡ᭄ᬦᬵ᭞ᬫ
ᬦᬄᬜᬦᬾᬫᬗᬸᬕ᭄ᬯᬦᬶᬦ᭄᭞ᬚᬶᬫ᭄ᬳᬮᬲ᭄ᬫᬗᬸᬘᬧ᭄᭞ᬜᬦᬦ᭄ᬯᭂᬗᬶᬳᬧᬂᬫᬹᬱ᭄ᬝᬶ᭞ᬭᬤᬾᬦ᭄ᬤᬾᬯᬶᬫᬲᬯᬸᬃᬦᬄ᭟᭔᭓᭟ᬫᬃᬕ᭄ᬕᬶᬓᬓ᭞ᬓᬧᬢᬸᬭᭀᬦ᭄‌‌ᬤ᭄ᬯᬦᬶᬂᬳᬭᬶᬧ᭄᭞ᬭᬶᬂᬯ᭄ᬗᬶᬦᬾᬢ᭄ᬮᬲᬂ᭞ᬧᬗᬳᭂᬢᬦᬾᬳᬸᬮᬶᬂᬫᬗ᭄ᬓᬶᬦ᭄᭞ᬤ᭄ᬯᬦᬶᬂᬍᬲᬸᬗᬶᬭᬶᬂᬦᬶ [ 154 ][᭑᭕᭓ 153B]
᭑᭕᭓
ᬤ᭄ᬭ᭟᭔᭔᭟ᬤᬤᬶᬫᬦᬸᬄᬩᭀᬜ᭄ᬚᭀᬃᬜᬦ᭄ᬢᬸᬂᬓᬫᬦᬶᬲᬶᬦ᭄᭞ᬭᬭᬶᬲ᭄ᬲᬶᬦᬋᬗᬦ᭄᭞ᬓᬕ᭄ᬯᬦ᭄ᬜᬦᬾᬯᬸᬲ᭄‌‌ᬗ᭄ᬭᬜ᭄ᬚᬶᬂ᭞ᬢᬦ᭄ᬳᬦᬲ᭄ᬮᬂᬭᬶᬂᬉᬧᬬ᭟᭔᭕᭟ᬫᬲᬋᬗᬦ᭄‌‌ᬧᭀᬮᬄᬳᬮᬓᬶᬭᬩᬶ᭞ᬧᬸᬦ᭄ᬚᬶᬫ᭄‌‌ᬩᬄᬫᬕᬺᬩ᭄ᬬᬕ᭄᭞ᬓᬚᬸᬭᬸᬳᬦ᭄
ᬦᬵᬬᬲᬦ᭄ᬤᬶ᭞ᬧᬸᬍᬲᬾᬓᬩᬢᭂᬓ᭄ᬫᬃ᭟᭔᭖᭟ᬦ᭄ᬤᬕ᭄ᬲᬹᬃᬬ᭄ᬬ᭞ᬭᬳᬶᬦᬦᬾᬓᭀᬘᬧ᭄ᬫᬗ᭄ᬓᬶᬦ᭄᭞ᬧᬸᬍᬲᬾᬳᬶᬧᬕᬕ᭄᭞ᬜᬸᬮᬾᬮᬾᬕ᭄ᬭᬶᬂᬢ᭄ᬧᬶᬦ᭄ᬫᬃᬕ᭄ᬕᬶ᭞ᬦᭀᬭᬢᬳᬸᬧᬚᬕᬢᬦ᭄᭟᭔᭗᭟ᬲᬫᬵᬦ᭄ᬢᬭ᭞ᬥᬯᬸᬄᬭᭀᬯᬸᬲ᭄ᬲᬂᬳ᭄ᬬᬂᬭᬯᬶ᭞ᬯ᭄ᬯᬂᬫ
ᬫᬲᬃᬢ᭄ᬓ᭞ᬢᬦ᭄ᬧ᭄ᬕᬢ᭄‌‌ᬮ᭄ᬯᬶᬃᬧᬲᬶᬃᬉᬓᬶᬃ᭞ᬮᬦᬂᬇᬲ᭄ᬢ᭄ᬭᬶᬫᬤᬤᬕᬂ᭟᭔᭘᭟ᬲᬫᬶᬳᬸᬬᬸᬢ᭄‌‌ᬳᬲᬶᬂᬢ᭄ᬓᬫᬗᭂᬤᬾᬓᬶᬦ᭄᭞ᬗᬸᬘᬧᬂᬳᬶᬧᬕᬕ᭄᭞ᬳᬗ᭄ᬲᬸᬭᬦᬾᬮ᭄ᬯᬶᬃᬕᭀᬂᬕ᭄ᬤᬶᬕ᭄᭞ᬧᭂᬦ᭄ᬢᬲᬦᬾᬮᬶᬸᬲᬫᬶᬓᬕ᭄ᬬᬢ᭄᭟᭔᭙᭟ᬤᭀᬓᬃᬓᬸᬤᬳᬸᬬᬸᬢ᭄ᬗᬮᬶ
ᬦ᭄ᬢᬂᬭᬶᬂᬫᬃᬕ᭄ᬕᬶ᭞ᬳᬶᬧᬕᬕ᭄ᬫᬓᭂᬮ᭄ᬬᬩᬦ᭄᭞ᬯᬳᬸᬩᬗᬸᬦ᭄ᬤᬤᬶᬧᬮᬶᬂ᭞ᬫᬗᬶᬗᭂᬢ᭄ᬳᬶᬗᭂᬢᬂᬳᬯᬓ᭄᭟᭕᭐᭟ᬘ᭄ᬗᬃᬘ᭄ᬗᬸᬃᬳᬶᬧᬕᬕ᭄‌ᬗ᭄ᬮᬶᬂᬯᬭᬯᬶᬭᬶ᭞ᬫᬦᬓᭀᬦᬂᬚᬭᬦ᭄᭞ᬓᬮᬸᬤᬦ᭄ᬬᬓᬓ᭄ᬥᬾᬓᬶᬦ᭄᭞ᬭᬶᬂᬧᬲᬭᬾᬫᬳᬶᬍᬳᬦ᭄᭟᭕᭑᭟

[᭑᭕᭔ 154A]
᭑᭕᭔
ᬲᬲᬫ᭄ᬩᬢᬾ᭞ᬢᬦ᭄ᬪᬕ᭄ᬬᬦᬾᬫᬦᬸᬫᬤᬶ᭞ᬗᬶᬭᬶᬂᬧᬓᬬᬸᬦᬦ᭄᭞ᬢᬦ᭄ᬢᬸᬮᬸᬲ᭄ᬪᬓ᭄ᬢᬶᬫᬦᬶᬯᬶ᭞ᬫᬢᬶᬦᬾᬗᬮᬶᬄᬳᬯᬦᬦ᭄᭟᭕᭒᭟ᬮᬶᬦ᭄ᬢᬂᬳᬶᬩᬸᬓ᭄ᬬᬳᬶᬧᬕᬕ᭄ᬫᬫᬶᬦᭂᬳᬶᬦ᭄᭞ᬮᬓᬃᬦᬫ᭄ᬧᬶᬤᬤᬸᬓᬦ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬲᬫ᭄ᬩᬶᬮ᭄ᬲ᭄ᬥᬶᬄ
ᬅᬄᬫᬫᬋᬓᬦ᭄ᬤᬸᬃᬮᬪ᭟᭐᭚ᬧᬸᬄᬤᬹᬃᬫ᭄ᬫ᭚᭑᭟ᬕᬾᬕᬾᬃᬳᬸᬫᬸᬂᬧᬜ᭄ᬚ᭄ᬭᭀᬯᬦᬾᬦᬭᬶᬂᬢᬫᬦ᭄᭞ᬗᬶᬩᬸᬓᬂᬭᬤᬾᬦ᭄ᬤᬾᬯᬶ᭞ᬳᬢᬜᬢᬶᬦᬜᬦ᭄᭞ᬢᬦ᭄ᬫᬭᬶᬫᬕᬸᬲᬸᬭᬦ᭄᭞ᬦᬫ᭄ᬧᬶᬄᬩᬚᭂᬕ᭄ᬲᬂᬳ᭄ᬬᬂᬭᬯᬶ᭞ᬢᬦ᭄ᬓᬧᬗ᭄ᬕᬸᬳᬵ᭞ᬭᬶᬂ
ᬢᬫᬦ᭄ᬓᬲ᭄ᬮᬓ᭄ᬱᬓᬶᬦ᭄᭟᭒᭟ᬕ᭄ᬮᬶᬲ᭄ᬗᬧᬸᬭ᭄ᬬᬂᬧᬜ᭄ᬚ᭄ᬭᭀᬯᬦᬾᬫᬗᬢᬹᬭᬂ᭞ᬢᬦᬸᬘᬧᬦ᭄ᬭᬶᬂᬫᬃᬕ᭄ᬕᬶ᭞ᬢᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬳᬶᬭᬶᬓᬭᬶᬂᬧᬲᬾᬪᬦ᭄᭞ᬲᬂᬧ᭄ᬭᬪᬹᬲᭂᬤᭂᬓ᭄‌‌ᬢᬶᬦᬗ᭄ᬓᬶᬮ᭄᭞ᬓᭀᬘᬧᬦ᭄ᬧ᭄ᬭᬧ᭄ᬢ᭞ᬧᬜ᭄ᬚ᭄ᬭᭀᬯᬦᬾᬫᬗᬸᬪᬓ᭄ᬢᬶ᭟᭠
᭓᭟ᬲᬶᬗ᭄ᬕᬶᬄᬧ᭄ᬭᬪᬹᬤᬾᬯᬦᬵᬣᬧᬦᭂᬫ᭄ᬩᬳᬦ᭄᭞ᬮᬸᬧᬸᬢ᭄ᬳᬶᬗᬸᬮᬸᬦ᭄ᬫᬗ᭄ᬫᬶᬢ᭄᭞ᬖᬃᬯ᭄ᬯᬦᬾᬭᬶᬂᬢᬫᬦ᭄᭞ᬥ᭄ᬬᬄᬤᬾᬯᬶ᭠ᬉᬤ᭄ᬬᬵᬢ᭄ᬫᬶᬓ᭞ᬦᬾᬫᬗ᭄ᬓᬶᬦ᭄ᬢᬦᬵᬦᬓᬭᬶ᭞ᬢᬦ᭄ᬓᬧᬗ᭄ᬕᬸᬳᬵ᭞ᬯᬸᬲ᭄ᬲᬫᬶᬓᬲ᭄ᬮᬓ᭄ᬱᬓᬶᬦ᭄᭟᭔᭟ᬲᬓᬶᬂᬏᬜ᭄ᬚᬶᬂᬯ᭄ᬯᬂᬚ᭄ᬭᭀ [ 155 ][᭑᭕᭔ 154B]
᭑᭕᭔
ᬢ᭄ᬮᬲ᭄ᬲᬋᬂᬗᬶᬩᬸᬓᬂ᭞ᬢᬦ᭄ᬯᬾᬦ᭄ᬢᭂᬦ᭄ᬫᬫᬗ᭄ᬕᬶᬳᬶᬦ᭄᭞ᬲᬂᬦᬵᬣᬓᬩᬗᬦ᭄᭞ᬯᬯᬸᬳᬶᬤᬫᬫ᭄ᬬᬃᬱ᭞ᬢᬸᬫ᭄ᬥᬸᬦ᭄ᬭᬭᬶᬲ᭄ᬦᬸᬤᬶᬗᬶᬦ᭄᭞ᬫᬦᭂᬥᭂᬮ᭄ᬫᬸᬓ᭞ᬯ᭄ᬯᬂᬫᬜᬾᬩᬫᬗᬺᬩᬸᬢᬶᬦ᭄᭟᭕᭟ᬮᬶᬦ᭄ᬢᬂᬚ᭄ᬭᬶᬄᬧᬜ᭄ᬚ᭄ᬭᭀᬯᬦᬾᬭᬭᬶᬲ᭄ᬫᬗ᭄ᬤᬫ᭄ᬧᬮ᭄᭞ᬫ᭄ᬮᬬᬸᬳ
ᬦᬦ᭄ᬤᬂᬲᬓᬶᬢ᭄᭞ᬯᬷᬭᬫᬦ᭄ᬢ᭄ᬭᬶᬦᬾᬲ᭄ᬭᬩ᭄᭞ᬫᬫᭂᬓᬸᬮ᭄ᬫᬳᬵᬭᬚ᭞ᬫᬧᬶᬳᬸᬗᬸᬲᬤᬳᬭᬶᬲ᭄᭞ᬗᬶᬭᬶᬂᬤᬩ᭄ᬥᬩᬂ᭞ᬳᬬ᭄ᬯᬤᬾᬯᬦᬵᬃᬧᬢᬶ᭟᭖᭟ᬓᬤᬸᬭᬸᬲ᭄ᬤᬸᬓᬭᬶᬂᬯᬤ᭄ᬯᬦᬾᬫᬢ᭄ᬯᬂ᭞ᬦᬶᬓᬩᬯᭀᬲ᭄ᬤᬾᬦ᭄ᬬᬸᬓ᭄ᬢᬶ᭞ᬬᬾᬦ᭄ᬬᬧᬶᬦᭂᬚᬳᬦ᭄᭞ᬲ᭄ᬬ
ᬧᬫᬮᬶᬄᬢᬶᬦᬜᬦ᭄᭞ᬦᭀᬭᬵᬦᬧᬸᬭᬸᬦ᭄ᬫᬦᬗ᭄ᬓᬶᬮ᭄᭞ᬚᬕᬫᬗᬢᬹᬭᬂ᭞ᬫᬗ᭄ᬤᬾᬦᬾᬢᬾᬢᬾᬄᬚᬵᬢᬶ᭟᭗᭟ᬧᬸᬢᬸᬲ᭄ᬧᬶᬤᬃᬣᬦᬵᬦᬓᬂᬢᬶᬦᬜᬦ᭄᭞ᬭᬶᬂᬤᬶᬚᬧᬘᬂᬳᬸᬗ᭄ᬲᬶ᭞ᬧᬸᬦᬶᬓᬩᬯᭀᬲᬂ᭞ᬭᬕᬓᬶᬭᬂᬯᬶᬯᬾᬓ᭞ᬯᬂᬯᬥᬸᬳ
ᬦ᭄ᬥᭂᬮᬂᬗ᭄ᬫᬶᬢ᭄᭞ᬤᬤ᭄ᬬᬜᬕᬫ᭄ᬧᬂ᭞ᬲᬂᬫᬮᬓ᭄ᬱᬡᬫᬮᬶᬂ᭟᭘᭟ᬯᬸᬲ᭄ᬫᬮᬸᬗ᭄ᬕᬸᬄᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬅᬄᬢᬧᬢᬶᬄᬫᬦ᭄ᬢ᭄ᬭᬶᬲᬫᬶ᭞ᬳᬗᬧᬉᬧᬬ᭞ᬫᬗ᭄ᬓᬾᬫᬗ᭄ᬭᬸᬭᬸᬄᬲᬂᬤ᭄ᬬᬂ᭞ᬫᬃᬕ᭄ᬕᬦᬾᬲᬶᬤ᭄ᬥᬓᬧᬗ᭄ᬕᬶᬄ᭞ᬬᬤ᭄ᬬᬲ᭄ᬢᬸᬫᬬᬸᬤ᭄ᬥ᭞ᬮᬄ

[᭑᭕᭕ 155A]
᭑᭕᭕
ᬢᬶᬫ᭄ᬩᬂᬲᬶᬭᬧᬢᬶᬄ‌᭟᭙᭟ᬤᬦᬾᬧᬢᬶᬄᬢᬸᬮᬓᬾᬧᬂᬫᬗ᭄ᬓᬶᬦ᭄ᬧ᭄ᬭᬧ᭄ᬢ᭞ᬭᬶᬂᬧᬲᬾᬪᬦ᭄ᬫᬦᬗ᭄ᬓᬶᬮ᭄᭞ᬭᬯᬸᬄᬲᬓᬶᬂᬢᬫᬦ᭄᭞ᬦ᭄ᬕᭂᬲ᭄ᬳᬶᬘᬮᬾᬲᬂᬤ᭄ᬬᬄ᭞ᬲᬦᬾᬲᬸᬫ᭄ᬮᬗᬶᬂᬳᬢᬶ᭞ᬦᭀᬭᬳᬦᬮ᭄ᬬᬦ᭄᭞ᬩᬮ᭄ᬬᬦᬾᬦᬾᬫᬦᬫ᭄ᬩᬦᬶᬦ᭄᭞᭟
᭑᭐᭟ᬲᬧᬸᬦᬶᬓᬳᬢᬹᬃᬜᬳᬶᬢᬸᬮᬓᬾᬧᬂ᭞ᬯᬸᬲ᭄ᬓᬧᭂᬃᬘ᭄ᬙᬬᬫᬗ᭄ᬓᬶᬦ᭄᭞ᬳᭀᬮᬶᬄᬲᬂᬦᬭᬾᬦ᭄ᬤ᭄ᬭ᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓ᭞ᬯᬷᬭᬫᬦ᭄ᬢ᭄ᬭᬶᬚᬮᬦ᭄ᬚᬦᬶ᭞ᬭᬸᬭᬸᬄᬳᬶᬩᬮ᭄ᬬᬦ᭄᭞ᬳᬧᬂᬫᬸᬱ᭄ᬝᬶᬓᬧᬗ᭄ᬕᬶᬄ᭟᭑᭑᭟ᬯᬷᬭᬫᬦ᭄ᬢ᭄ᬭᬶᬓᬩᬾᬄᬧᬥᬫ᭠
ᬲᬯᬸᬭᬦ᭄᭞ᬚᬸᬫᭂᬦᭂᬂᬧᬣᬶᬓ᭄ᬳᬚᬶ᭞ᬳᬶᬗᬸᬮᬸᬦ᭄ᬲᬸᬫᬦ᭄ᬤᬂ᭞ᬫᬗ᭄ᬭᬸᬭᬸᬄᬧᬸᬦ᭄ᬳᬶᬩᬮ᭄ᬬᬦ᭄᭞ᬬᬓ᭄ᬱᬭᬵᬚᬫᬜᬯᬸᬭᬶᬦ᭄᭞ᬮᬄᬧᬶᬦ᭄ᬚᬳᬦ᭄᭞ᬬᬦ᭄ᬗᬚᬓ᭄ᬭᬤᬾᬦ᭄ᬤᬾᬯᬶ᭟᭑᭒᭟ᬬᬦ᭄ᬢᬦ᭄ᬲᬋᬂᬭᬵᬤᬾᬦ᭄ᬤᬾᬯᬶᬭᬶᬂᬳᬶᬩᬮ᭄ᬬᬦ᭄᭞ᬳᬬ᭄ᬯᬢᬗᬫ᭄ᬚᬳᬶ᭞
ᬳᬕᬾᬳᬢᬹᬭᬦ᭞ᬧ᭄ᬭᬤᬾᬦᬾᬓᬸᬯ᭄ᬭᬸᬳ᭞ᬳᭀᬮᬶᬄᬳᬢᬜᬭᬶᬂᬯ᭄ᬬᬤᬶ᭞ᬦᬵᬳᬦ᭄ᬯᬘᬦ᭞ᬧ᭄ᬭᬫᬦ᭄ᬢ᭄ᬭᬶᬦᬾᬫᬶᬂᬲᬶᬗ᭄ᬕᬶᬄ᭟᭑᭓᭟ᬭᬭᬶᬲ᭄ᬫᬗ᭄ᬓᬢ᭄‌‌ᬕᬾᬕᬾᬃᬳᬸᬫᬸᬂᬲᬳᬩᬮ᭞ᬕᭂᬦ᭄ᬤᭀᬗᬦᬾᬓᬕ᭄ᬥᬶᬕ᭄᭞ᬓᬸᬫ᭄ᬧᬸᬮ᭄ᬭᬶᬂᬩᬜ᭄ᬘᬶᬗᬄ᭞ᬳᬶᬧᬕᬕ᭄ᬭᬭᬶ [ 156 ][᭑᭕᭕ 155B]
᭑᭕᭕
ᬲ᭄‌‌ᬫ᭄ᬬᬃᬱ᭞ᬫᬗᬶᬫᬗᬂᬕ᭄ᬮᬶᬲ᭄ᬫᬕ᭄ᬤᬶ᭞ᬗᬮᬶᬯᬢ᭄ᬤᬾᬰ᭞ᬓᬘᬸᬡ᭄ᬥᬸᬓ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟᭑᭔᭟ᬕᬕᬶᬲᬸᬦᬺᬗᬲ᭄ᬳᬶᬧᬕᬕ᭄ᬫᬗᬢᬸᬭᬂ᭞ᬭᬶᬂᬧᬳᬶᬦ᭄ᬤᬶᬓᬦ᭄ᬲᬫᬶ᭞ᬗᬶᬭᬶᬂᬓᬾᬕ᭄ᬮᬶᬲᬂ᭞ᬫᬗ᭄ᬤᬢᬦ᭄ᬓᬢᬸᬢᬸᬢᬦ᭄᭞ᬦᬧᬶᬦᬾᬭᬢᬸᬢᬶᬦ᭄ᬤᬶᬳᬶᬦ᭄᭞ᬢᬦᬵᬦᬪᬹᬓ᭄ᬢᬵ᭞
ᬤᬦᬾᬥᬸᬓᬸᬄᬢᬸᬦᬲᬶᬦ᭄᭟᭑᭕᭟ᬓᬕᬾᬢ᭄ᬲᬥ᭄ᬬᬧᭀᬮᬶᬄᬩᬩᬯᭀᬲ᭄ᬳᬶᬭᬶᬓ᭞ᬯᬳᬸᬭᬢᬸᬓᬶᬦ᭄ᬓᬶᬦᬶᬦ᭄᭞ᬬ᭠ᬤ᭄ᬬᬧᬶᬦ᭄ᬫᬬᬸᬤ᭄ᬟ᭞ᬲᬂᬦᬵᬣᬓᬧᭂᬦ᭄ᬤᭂᬢᬦ᭄᭞ᬦ᭄ᬤᬢᬦ᭄ᬧᬰᬩ᭄ᬤᬫᬫᬃᬕ᭄ᬕᬶ᭞ᬳᬕ᭄ᬮᬶᬲᬶᬂᬳᬯᬦ᭄᭞ᬭᬶᬂᬧᬥᬸᬓᬸᬳᬦ᭄‌‌ᬧ᭄ᬭᬧ᭄ᬢᬶ᭞᭑᭖
᭟ᬰᬺᬗ᭄ᬕᬭᬤᬦᬾᬥᬸᬓᬸᬄᬫᬵᬢᬹᬃᬜᬧ᭞ᬲᬶᬗ᭄ᬕᬶᬄᬤᬾᬲᬂᬦ᭄ᬭᬧᬢᬶ᭞ᬲᬵᬫ᭄ᬧᬸᬦᬂᬫᬫᬜ᭄ᬚᬗᬂ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬦᬶᬗ᭞ᬧᬶᬤᬩ᭄ᬤᬩ᭄ᬮᬘᬸᬭᬾᬫᬗ᭄ᬓᬶᬦ᭄᭞ᬧᬭᬶᬧᬹᬃᬡ᭄ᬦᬬᬂ᭞ᬲᬂᬧᬸᬢ᭄ᬭᬶᬧᬘᬂᬓ᭄ᬦᬶ᭟᭑᭗᭟ᬭᬤᬾᬦ᭄ᬫᬦ᭄ᬢ᭄ᬭᬶᬢᭂᬕᭂᬕ᭄ᬳᬶᬤᬢᬦ᭄ᬧᬰᬩ᭄ᬤ᭞ᬫᬗᭂᬫ᭄ᬩᭂᬂ
ᬯᬾᬦᬶᬂᬅᬓ᭄ᬱᬶ᭞ᬤᬸᬄᬓᬶᬢᬦᬾᬓᬮᬶᬦ᭄ᬢᬂ᭞ᬢᬦ᭄ᬧᬸᬢᬸᬲᬦ᭄ᬓᬢᭂᬫ᭄ᬯᬂ᭞ᬧᬕᬕ᭄ᬧᬕᬾᬕ᭄ᬓᬮᬶᬦ᭄ᬢᬂᬚ᭄ᬭᬶᬄ᭞ᬳᬭᬸᬫ᭄ᬯᬘᬦ᭞ᬳᬶᬥᬸᬓᬸᬄᬫᬵᬢᬹᬃᬳᬭᬶᬲ᭄᭟᭑᭘᭟ᬲᬶᬗ᭄ᬕᬶᬄᬭᬢᬸᬪᬹᬧᬢᬶᬭᬶᬂᬮᬾᬱᬦ᭄ᬧᬸᬭ᭞ᬳᬬ᭄ᬯᬢᬯᬮᬂᬳᬢᬶ᭞ᬲᬸᬗ᭄ᬲᬸᬢ᭄ᬓᬲᬸ

[᭑᭕᭖ 156A]
᭑᭕᭖
ᬗ᭄ᬓᬯᬦ᭄᭞ᬤᬸᬭᬸᬂᬫᬲᬦᬶᬂᬲᬥ᭄ᬬ᭞ᬤᬸᬄᬓᬦᬾᬓᬭᬶᬳᬓ᭄ᬤᬶᬓ᭄᭞ᬧᬘᬂᬦ᭄ᬫᭀᬓᬂ᭞ᬢᬦ᭄ᬓᭂᬦᬾᬂᬚ᭄ᬯᬮᬾᬫ᭄ᬧᬲᬶᬦ᭄᭟᭑᭙᭟ᬭᬵᬤᬾᬦ᭄ᬤᬾᬯᬶᬫᬗ᭄ᬓᬶᬦ᭄ᬓᬦ᭄ᬢᬸᬦ᭄ᬭᬶᬂᬚ᭄ᬭᭀᬦᬶᬂᬕ᭄ᬯ᭞ᬓᬧᬡ᭄ᬥᬸᬂᬭᬶᬂᬯᬗ᭄ᬰᬚᬶᬫ᭄᭞ᬤᬸᬓ᭄ᬯᭂᬗᬶᬧᬸᬦᬶᬓ᭞ᬳᬶᬧᬕᬕ᭄ᬓᬍᬍᬧ
ᬦ᭄᭞ᬫᬫᭂᬦ᭄ᬤᬓᬶᬦ᭄ᬭᬤᬾᬦ᭄ᬤᬾᬯᬶ᭞ᬧᬦ᭄ᬥᬸᬗᬾᬢ᭄ᬓᬵ᭞ᬳᬗᬫᬾᬢ᭄ᬓᬸᬥᬦᬾᬕ᭄ᬮᬶᬲ᭄᭟᭒᭐᭟ᬢᬦ᭄ᬯ᭄ᬭᬸᬄᬳᬶᬚᬶᬫ᭄‌‌ᬬᬦ᭄ᬓᬸᬤᬦᬾᬫᬾᬲᬶᬚᬦ᭄ᬫ᭞ᬭᬶᬂᬕᬸᬦᬸᬂᬯᬯᬸᬳᬸᬦᬶᬂ᭞ᬫᬭᬶᬂᬳᬶᬤᬲᬂᬥ᭄ᬬᬄ᭞ᬳᬶᬤᬲᬵᬫ᭄ᬧᬸᬦ᭄ᬫᬗᬸᬧᬬ᭞ᬗᬸᬮᬸᬓ᭄ᬳᬸᬮᬸᬓ᭄ᬳᬶᬚᬶᬫ᭄
ᬯ᭄ᬕᬶᬕ᭄᭞ᬲᬵᬫ᭄ᬧᬸᬦᬂᬲᬗ᭄ᬲᬬ᭞ᬲᬶᬦᬄᬚᬬᬦᬵᬃᬧᬢᬶ᭟᭒᭑‌᭟ᬤᬤᬶᬚᬷᬃᬡ᭄ᬦᬘᬶᬢ᭄ᬢᬦᬾᬳᬶᬤᬲᬂᬦᬵᬣ᭞ᬗᬺᬗᭃ᭠ᬳᬶᬥᬸᬓᬸᬄᬲᬶᬸᬮᬶᬸᬤ᭄ᬭᬶᬰᬓ᭄ᬢᬶ᭞ᬢᬦ᭄ᬫᬤ᭄ᬯᬳᬸᬚᬃᬦ᭄ᬬ᭞ᬲᬂᬧ᭄ᬭᬪᬸᬗᬸᬫᬦ᭄ᬤᭂᬮᬂ᭞ᬰᬩ᭄ᬤᬦᬾᬧᬲᬶᬮᬶᬄᬲᬶᬮᬶᬄ᭞ᬦᬭᬶᬂᬧᬢᬵᬧᬦ᭄᭞᭠
ᬓᭀᬘᬧᬦ᭄ᬲᬂᬗᬮᬶᬄ᭟᭒᭒᭟ᬧᬩ᭄ᬮᬲᬢ᭄ᬯᬷᬭᬫᬦ᭄ᬢ᭄ᬭᬶᬮᬗᬸᬦᬵᬕᬭ᭞ᬲᬺᬕᭂᬧ᭄ᬲᬜ᭄ᬚᬢᬲᬫᬶ᭞ᬲ᭄ᬬᬦ᭄ᬤᬦᬮᬦ᭄ᬓᬸᬤᬓᭀᬝᬶᬓᭀᬝᬶᬓᬂᬯᬤ᭄ᬯ᭞ᬓᬧᭂᬧᭂᬢᬦ᭄ᬤᬾᬰᬤᬾᬰᬶ᭞ᬦᬭᬶᬂᬧᬗ᭄ᬓᬸᬂᬮ᭄ᬯᬄ᭞ᬭᬯᬸᬄᬓᬕᬶᬭᬶᬕᬶᬭᬶ᭟᭒᭓᭟ᬫᬦ᭄ᬤᬪᬕ᭄ᬬᬯᬷ [ 157 ][᭑᭕᭖ 156B]
᭑᭕᭖
ᬭᬫᬦ᭄ᬢ᭄ᬭᬶᬫᬓᬩᬾᬳᬦ᭄᭞ᬢᬦᬵᬦᬫᬫᬗ᭄ᬕᬶᬳᬶᬦ᭄᭞ᬲᬲ᭄ᬯᬾᬦᬾᬭᬶᬗ᭄ᬳᬮᬲ᭄᭞ᬳᬶᬩᬮ᭄ᬬᬦ᭄ᬢᬦ᭄ᬓᬘᬷᬃᬬ᭄ᬬᬦ᭄᭞ᬤᬾᬦᬶᬂᬗᬗ᭄ᬕᭀᬘᬭᬮᬓᬶ᭞ᬤᬤ᭄ᬬᬜᬩᬸᬤᬮ᭄᭟ᬩᬯᬸᬥᬦ᭄ᬤᬦᬾᬲᬫᬶ᭟᭒᭔᭟ᬲᬫᬶᬫᬵᬢᬹᬃᬓᬧᬸᬭᬶᬫᬭᬶᬂᬬᬓ᭄ᬱᬭᬚ᭞ᬲᬶᬗ᭄ᬕᬶᬄ
ᬤᬾᬯᬪᬹᬧᬢᬶ᭞ᬦᬾᬦ᭄ᬢᭂᬦ᭄ᬓᬧᬗ᭄ᬕᬸᬳ᭞ᬖᬃᬯ᭄ᬯᬤᬾᬯᬪᬝᬵᬭ᭞ᬫᬶᬯᬄᬩᬮ᭄ᬬᬦ᭄ᬦᬾᬦᬫ᭄ᬩᬦᬶᬦ᭄᭞ᬲᬵᬫ᭄ᬧᬸᬦ᭄ᬲᬤᬬ᭞ᬯᬸᬲ᭄ᬧᬝᬶᬓ᭄ᬫᬜ᭄ᬮᬓ᭄ᬱᬓᬶᬦ᭄᭟᭒᭕᭟ᬬᬓ᭄ᬱᬧᬢᬶᬤᬹᬃᬕ᭄ᬕᬵᬲ᭄ᬫᬮᬗᬦ᭄ᬤᬶᬓᬬᬂ᭞ᬭᬶᬂᬧᬗᭂᬫ᭄ᬧ᭄ᬯᬦᬶᬂᬧᬸᬭᬶ᭞ᬭᬶᬂᬳᬶᬢᬸᬮᬓᬾ᭠
ᬧᬂ᭞ᬳᬗᬧᬧᬸᬦᬂᬉᬧᬬ᭞ᬢᬦ᭄ᬮᬾᬦ᭄ᬩᬧᬢ᭄ᬯᬄᬦᬾᬚᬦᬶ᭞ᬳᬋᬧᬂᬦᬶᬭ᭞ᬧᬓᬾᬯᭂᬳᬾᬦᬦᬾᬫᬗ᭄ᬓᬶᬦ᭄᭟᭒᭖᭟ᬬᬾᬦ᭄ᬓᬲᬶᬥᬦ᭄ᬳᭀᬮᬶᬄᬕᬃᬭ᭄ᬯᬦ᭄ᬦᬶᬭ᭞ᬫᬶᬯᬄᬳᬶᬩᬮ᭄ᬬᬦ᭄ᬭᬸᬲᬶᬢ᭄᭞ᬦᬶᬓᭂᬮ᭄ᬮᬪᬦ᭄‌‌ᬩᬧ᭞ᬲ᭄ᬭᬶᬩᬸᬢᬫ᭄ᬧᬶᬗᬩᬸᬮᬦ᭄᭞ᬫᬗ᭄ᬓᬢ᭄ᬲ
ᬤᬶᬦᬦᬾᬚᬦᬶ᭞ᬳᬶᬢᬸᬮᬓᬾᬧᬂ᭞ᬢᬦ᭄ᬧᬜ᭄ᬚᬂᬢ᭄ᬮᬲ᭄ᬫᬗᬶᬭᬶᬂ᭟᭒᭗᭟ᬯᬸᬲ᭄ᬫᬦᭂᬫ᭄ᬩᬄᬭᬭᬶᬲ᭄ᬫᬧᬫᬶᬢ᭄ᬫᭂᬢ᭄ᬯ᭞ᬳᬯᬦᬶᬂᬕᬕᬦᬕ᭄ᬮᬶᬲ᭄᭞ᬢ᭄ᬥᬸᬦ᭄ᬫᬭᬶᬂᬍᬫᬄ᭞ᬫᬲᬸᬓ᭄ᬓᬤᬾᬱᬤᬾᬰ᭞ᬕᬸᬦᬸᬂᬳᬮᬲ᭄ᬓᬲ᭄ᬮᬓ᭄ᬱᬓᬶᬦ᭄᭞ᬫ᭄ᬯᬂᬧᬗ᭄ᬓᬸᬂᬚᬸᬭᬂ᭞ᬫᬲᬶᬄ

[᭑᭕᭗ 157A]
᭑᭕᭗
ᬢ᭄ᬯᬭᬓᬧᬗ᭄ᬕᬶᬄ᭟᭒᭘᭟ᬓᭀᬘᬧ᭄ᬫᬗ᭄ᬓᬶᬦ᭄‌‌ᬭᬤᬾᬦ᭄ᬤᬾᬯᬶᬉᬤ᭄ᬬᬵᬢ᭄ᬫᬶᬓ᭞ᬳᬦᬭᬶᬂᬕ᭄ᬯᬦᬶᬂᬉᬓᬶᬃ᭞ᬲᬵᬫ᭄ᬧᬸᬦ᭄ᬓᬮᬶᬄᬤᬶᬦ᭞ᬚᬶᬫ᭄ᬳᬮᬲ᭄ᬓᬭᬶᬦᬶᬤ᭄ᬭ᭞ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᬶᬚᬶᬮ᭄᭞ᬗᬫ᭄ᬩᬶᬮ᭄ᬩᬸᬗ᭄ᬓᬸᬲᬦ᭄᭞ᬧᬶᬗᬗ᭄ᬕᬾᬦᬾᬓᬳᬫ᭄ᬩᬶᬮ᭄᭟᭒᭙᭟
ᬓᬕᬾᬢ᭄ᬳᬤᬲᬦ᭄ᬤᬗᬦ᭄ᬮᬓᬶᬓᬘᬶᬗᬓ᭄᭞ᬚᬮᬾᬃᬩᬚᬸᬮᬦ᭄ᬧᭂᬓᬶᬃ᭞ᬧᬸᬦᬶᬓᬓᬲᬦ᭄ᬤᬂ᭞ᬫᬮᬮᬶᬗ᭄ᬲᬾᬂᬮ᭄ᬯᬶᬃᬮᬦᬂ᭞ᬧ᭄ᬤᬂᬜᬦᬾᬳᬶᬚᬶᬫ᭄ᬘᬸᬮᬶᬕ᭄᭞ᬭᬭᬶᬲ᭄ᬓᬩᬓ᭄ᬢ᭞ᬯᬶᬫ᭄ᬩᬦᬾᬮ᭄ᬯᬶᬃᬮᬮᬓᬶ᭟᭓᭐᭟ᬦᬵᬬᬧᬱ᭄ᬝᬶᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸ᭠
ᬦ᭄ᬓᬳᬕᭂᬫᬂ᭞ᬢᬸᬫᬸᬮᬶᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬓᬸᬤᬦᬾᬓᬢᬸᬗ᭄ᬕᬂ᭞ᬓᬧ᭄ᬘᬸᬢ᭄‌‌ᬓᬕ᭄ᬢᬓᬂ᭞ᬮᬫ᭄ᬧᬳᬾᬭᬳᬶᬦᬯ᭄ᬗᬶ᭞ᬢᬢᬦ᭄‌‌ᬭᬃᬬ᭄ᬬᬦᬦ᭄᭞ᬧᬶᬢᬸᬂᬤᬶᬦᬭᬶᬂᬫᬃᬕ᭄ᬕᬶ᭟᭓᭑᭟ᬫᬘᬭᬶᬢᬢᬸᬮᬓᬾᬧᬂᬗ᭄ᬢᬸᬢ᭄ᬲᬂᬥ᭄ᬬᬄ᭞ᬗᭂᬦ᭄ᬤᭀᬲ᭄‌‌ᬳᭂᬩᭀᬓ᭄ᬫᬫᬳᬶ᭞ᬭ
ᬭᬶᬲ᭄ᬓᬧᬗ᭄ᬕᬸᬳ᭞ᬤᬤ᭄ᬬᬵᬢᬓᬸᬢ᭄‌‌ᬫᬶᬢ᭄ᬯᬶᬬᬂ᭞ᬤᬾᬦᬶᬂᬭᬹᬧᬦᬾᬮᬮᬓᬶ᭞ᬤᬸᬤᬹᬭᬶᬂᬫᬦᬄ᭞ᬫᬲᬶᬗᬶᬤᬦ᭄ᬲᬂᬫ᭠ᬫ᭄ᬭᬶᬄ᭟᭓᭒‌᭟ᬤᬤᬶᬍᬲᬸᬭᬤᬾᬦ᭄ᬤᬾᬯᬶᬦᬸᬗ᭄ᬕᬂᬓᬸᬤ᭞ᬓᬵᬮᬲᭀᬭᬾᬫᬦᬫ᭄ᬧᬶ᭞ᬫᬭᬃᬬ᭄ᬬᬦ᭄‌‌ᬲᭀᬭᬶᬂᬓ᭄ᬭᭀᬬ᭞ᬭᬶᬂᬢ᭄ᬮᭂ [ 158 ][᭑᭕᭗ 157B]
᭑᭕᭗
ᬗᬶᬂᬯᬦᬯᬰ᭞ᬳᬾᬫᭂᬂᬲᬶᬭᬭᬵᬤᬾᬦ᭄ᬤᬾᬯᬶ᭞ᬧᬘᬂᬫᬫᬃᬕ᭄ᬕ᭞ᬢᬦ᭄ᬯ᭄ᬭᬸᬄᬦᬾᬧᬘᬂᬳᬸᬗ᭄ᬲᬶ᭟᭐᭚ᬫᬖᬢ᭄ᬭᬸᬄ᭚᭑᭟ᬓᬜ᭄ᬘᬶᬓᬾᬢ᭄ᬫᬮᬶᬂᬭᬶᬂᬘᬦ᭄ᬤ᭄ᬭᬵᬰᬶᬄᬤᬦᬾᬤᬸᬫᬸᬦ᭄᭞ᬤᬸᬓᬶᬂᬢᬫᬦ᭄ᬳᬮ᭄ᬧᬲᬵᬭᬷ᭞ᬧᬶᬢ᭄ᬓᭂᬢᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬩᬾ
ᬲᬸᬓ᭄ᬬᬦ᭄ᬓᬩᬬᬧᬢᬶ᭞ᬬᬤ᭄ᬬᬦ᭄ᬫᬦ᭄ᬫᬸᬧᬓᬾᬬᭀᬄ᭟᭒᭟ᬭᬶᬓᬕ᭄ᬮᬶᬲ᭄ᬭᬤᬾᬦ᭄ᬤᬾᬯ᭄ᬬᬰᬶᬮᬮᬸᬗ᭄ᬕᬸᬄ᭞ᬳᬦᬭᬶᬂᬲᭀᬭᬶᬂᬯᬭᬶᬗᬶᬦ᭄᭞ᬭᬶᬂᬫᬥ᭄ᬬᬦᬶᬂᬳᬮᬲ᭄ᬳᬕᬸᬂ᭞ᬳᬗ᭄ᬦᬶᬗᬂᬘᬶᬧ᭄ᬢᬧᬲ᭄ᬢᬶ᭞ᬲᭀᬮᬳᬾᬤᬩ᭄ᬤᬩ᭄ᬢᬸᬃᬳᬮᭀᬦ᭄᭟᭓᭟ᬳᬲᬶᬤᬓᭂᬧ᭄ᬳᬱ᭄ᬝᬦᬶᬭᬵ
ᬓᬮᬶᬄᬲᬵᬫ᭄ᬧᬸᬦ᭄᭞ᬦᭀᬭᬮ᭄ᬬᬦᬶᬓᬂᬳᬶᬦᬶᬱ᭄ᬝ᭞ᬲᬫᬵᬥᬶᬭᬶᬂᬚ᭄ᬭᭀᬦᬶᬂᬓᬮ᭄ᬪᬸ᭞ᬕᬸᬭᬸᬦᬶᬭᬓᬂᬲᬸᬚᬵᬢᬶ᭞ᬫᬗ᭄ᬤᬳᬶᬘ᭄ᬙᬲᬸᬂᬩᬩᬯᭀᬲ᭄᭟᭔᭟ᬦ᭄ᬤᬢᬦ᭄ᬲᬮᬄᬧᬗᬲ᭄ᬢᬯᬫᬗ᭄ᬤᬭᬯᬸᬄ᭞ᬳᬕ᭄ᬭᬡᬰᬶᬓᬫᬫᬹᬱ᭄ᬝᬶ᭞ᬢᬦ᭄ᬫᬗᬺᬗᭃᬢᬦ᭄ᬫᬗ᭄ᬭᬸᬗᬸ᭞ᬫ
ᬗ᭄ᬤᬾᬲᬶᬥᬚ᭄ᬯᬓᬧᬗ᭄ᬕᬶᬄ᭞ᬕᬸᬭᬸᬦᬶᬭᬦᬸᬮ᭄ᬬᬓᬢᭀᬦ᭄᭟᭕᭟ᬜᬮᬦ᭄ᬢᬭᬘᬦ᭄ᬤ᭄ᬭᬵᬰᬶᬄᬦᬸᬮ᭄ᬬᬓᬤᬸᬮᬸ᭞ᬦ᭄ᬤᬢᬦ᭄ᬲᬫᬃᬓᬂᬧᬗᬓ᭄ᬱᬶ᭞ᬲᬶᬭᬦᬶᬦ᭄ᬬᬵᬮᭀᬦ᭄ᬫᬯᬸᬯᬸᬲ᭄᭞ᬤᬸᬄᬲᬶᬭᬦᬭᬾᬦ᭄ᬤ᭄ᬭᬧᬸᬢ᭄ᬭᬶ᭞ᬍᬲᬸᬳᬓᭂᬦ᭄ᬭᬦᬓ᭄ᬳᬶᬗᭀᬂ᭟᭖᭟ᬯᬸᬲ᭄ᬗ

[᭑᭕᭘ 158A]
᭑᭕᭘
ᬍᬲᬸᬉᬤ᭄ᬬᬢ᭄ᬫᬶᬓᬲᬫ᭄ᬩᬶᬮ᭄ᬫᬵᬢᬹᬃ᭞ᬲᬶᬭᬦᬶᬦᬶᬯᬸᬲ᭄ᬓᬳᬓ᭄ᬱᬶ᭞ᬳᬫ᭄ᬥᭂᬓ᭄ᬭᬶᬚᭂᬂᬲᬂᬕᬸᬭᬸ᭞ᬰᬩ᭄ᬤᬦᬶᬭᬫ᭄ᬮᬤᬲᬶᬄ᭞ᬲᬗᬬᬸᬲᬃᬯ᭄ᬯᬶᬜᬮᬾᬫ᭄ᬧᭀᬄ᭟᭗᭟ᬢᬸᬮᬸᬂᬳᬶᬗ᭄ᬲᬸᬦ᭄‌‌ᬢ᭄ᬓᬦᬶᬂᬪᬬᬓᬾᬯᬸᬄ᭞ᬫᬭᬶᬂᬢ᭄ᬮᭂᬗᬶᬂᬯᬦᬕᬶᬭᬶ᭞ᬢᬦᬵᬦᬯ᭄ᬭᬸᬄᬭᬶᬂᬮᭀᬃ᭠
ᬓᬶᬥᬸᬮ᭄᭞ᬧᬦ᭄ᬤᬸᬂᬬᬓ᭄ᬱᬲᬦᬾᬗᬹᬦᬶ᭞ᬫᬾᬄᬓᬢ᭄ᬫᬸᬭᬶᬂᬲᬂᬓᬢᭀᬂ᭟᭘᭟ᬲᬮᬄᬢᬶᬦ᭄ᬤᬓ᭄ᬜᬥ᭄ᬬᬳᬶᬗ᭄ᬲᬸᬦ᭄ᬧᬘᬂᬫᬦ᭄ᬢᬸᬓ᭄᭞ᬮᬕᬶᬓᬵᬫᬾᬢ᭄ᬳᭀᬮᬶᬄᬫᬮᬶᬂ᭞ᬩᭀᬜ᭄ᬚᭀᬃᬜᬦ᭄ᬢᬸᬂᬳᬦᬾᬂᬕᬸᬦᬸᬂ᭞ᬳᬭᬦ᭄ᬜᬳᬶᬓᬦᬂᬫᬮᬶᬂ᭞ᬲᬥ᭄ᬬᬳᭀᬮᬶᬄᬲᬸ
ᬦ᭄ᬫᬩᭀᬗᭀᬄ᭟᭙᭟ᬢ᭄ᬮᬲ᭄ᬓᬾᬭᬗᬦ᭄ᬲᬂᬓᬮᬶᬄᬳᬶᬗ᭄ᬕᬶᬄᬧᬸᬦᬶᬓᬸ᭞ᬦᬶᬓᬫᬃᬫ᭄ᬫᬦ᭄ᬦᬶᬗ᭄ᬲᬸᬦ᭄ᬳᬶᬓᬶ᭞ᬦ᭄ᬤᬸᬮᬫᬾᬦᬶᬦᬶᬧᬂ᭠ᬭᬯᬸᬄ᭞ᬤᬳᬢ᭄ᬳᬶᬗ᭄ᬲᬸᬦ᭄‌‌ᬫᬾᬯᭂᬄᬭᬶᬂᬫᬃᬕ᭄ᬕᬶ᭞ᬢᬦ᭄ᬧᬓᬦ᭄ᬢᬶᬤᬤᭀᬲ᭄ᬯᬤᭀᬦ᭄᭟᭑᭐᭟ᬓᬩ᭄ᬦᭂᬭᬦ᭄ᬤᬾᬦᬶᬗ᭄ᬲᬸᬦ᭄ᬳᬗ
ᬗ᭄ᬕᭀᬚᬮᬸ᭞ᬮᬫᬓᬦᬾᬦ᭄ᬤᬢᬦ᭄ᬯᬦᬶ᭞ᬳᬲᬶᬂᬳᬲᬶᬂᬯ᭄ᬯᬂᬓᬧᬗ᭄ᬕᬸᬄ᭞ᬲᬧᬜ᭄ᬚᬂᬧᬜ᭄ᬚᬗᬶᬂᬫᬃᬕ᭄ᬕᬶ᭞ᬫᬦᬶᬭᬓᬮᬶᬦ᭄ᬢᬏᬬᭀᬄ᭟᭑᭑᭟ᬦᬫ᭄ᬧᬶᬯᬮᬾᬦ᭄‌‌ᬘᬦ᭄ᬤ᭄ᬭᬳᬲᬶᬄᬤᬦᬾᬫᬸᬯᬸᬲ᭄᭞ᬳᬶᬗ᭄ᬕᬶᬄᬤᬾᬯᬓᬤᬶᬭᬣᬶᬄ᭞ᬓᬯᬸᬮᬜᬥ᭄ᬬᬫᬦᬸ [ 159 ][᭑᭕᭘ 158B]
᭑᭕᭘
ᬮᬸᬂ᭞ᬳᬬ᭄ᬯᬲ᭄ᬫᬂᬯᬮᬂᬳᬢᬶ᭞ᬢᬦᬵᬦᬧᬘᬂᬫᬓᬾᬬᭀᬄ᭟᭑᭒᭟ᬢᬦ᭄ᬯᬗ᭄ᬤᬾᬬᬦ᭄ᬲᬓᬮᬶᬄᬧᬘᬂᬭᬯᬸᬄ᭞ᬗ᭄ᬢᬸᬢ᭄ᬢᬶᬦ᭄ᬤᬓᬾᬲᬂᬤᬾᬯᬶ᭞ᬦᬶᬓᬶᬧᬦᬸᬮᬓᬶᬂᬫᬸᬲᬸᬄ᭞ᬯᬗᬸᬦᬦᬾᬮᬶᬦ᭄ᬢᬂᬧᬱ᭄ᬝᬶ᭞ᬦᬶᬦᬶᬚᬶᬫ᭄ᬫᬓᬃᬬ᭄ᬬᬢᭀᬕᭀᬕ᭄᭟᭑᭓‌᭟ᬳᬦ᭄ᬢᬸᬓ᭄ᬧᬭ
ᬲ᭄ᬯᬗᬸᬦᬦᬾᬯᬮᬸᬬᬲᬵᬫ᭄ᬧᬸᬦ᭄᭞ᬮ᭄ᬯᬶᬃᬯᬶᬫ᭄ᬩᬦᬾᬭᬵᬤᬾᬦ᭄ᬤᬾᬯᬶ᭞ᬳᬰ᭄ᬭᬷᬲᬶᬦᬂᬭᬹᬧᬦᬶᬧᬸᬦ᭄᭞ᬜᬮᬶᬕ᭄ᬜᬮᬂᬮᬶᬦ᭄ᬢᬂᬭᬯᬶᬢ᭄᭞ᬲᬲ᭄ᬫᬶᬢᬦᬾᬮ᭄ᬯᬶᬃᬲᬂᬳᬦᭀᬫ᭄᭟᭑᭔᭟ᬳᬬᬸᬦᬶᬂᬕᬫ᭄ᬩᬃᬯᬮᬸᬬᬬᬾᬦ᭄ᬓᬤᬸᬮᬸ᭞ᬫᬲᬶᬤ᭄ᬓᬸᬮ᭄ᬯᬶᬃᬫᬦᬗᬶᬲ᭄
᭞ᬫᬮᬶᬗ᭄ᬕᬶᬄᬲᬃᬯ᭄ᬯᬶᬗᬍᬲᬸ᭞ᬲᬓᬶᬂᬧᬸᬗ᭄ᬓᬸᬃᬬᬦ᭄ᬢᬶᬗᬮᬶᬦ᭄᭞ᬦᬧᬶᬫᬮᬶᬄᬲᬓᬶᬂᬳᬤᭀᬄ᭟᭑᭕᭟ᬭᬸᬧᬚᬵᬢᬶᬦᭀᬭ᭠ᬲᬦᬾᬄᬳᬶᬧᬸᬦ᭄᭞ᬫᬵᬢᬹᬃᬦᬶᬦᬶᬘᬦ᭄ᬤ᭄ᬭᬰᬶᬄ᭞ᬲᬶᬗ᭄ᬕᬶᬄᬤᬾᬯᬧᬸᬱ᭄ᬧᬲᬦ᭄ᬢᬸᬦ᭄᭞ᬤᬸᬭᬸᬲᬂᬭᬢᬸᬘᬘᬤᬶᬦ᭄᭞ᬯᬗᬸᬦ
ᬦᬾᬦᬶᬭᬸᬲᬂᬳᬦᭀᬫ᭄᭟᭑᭖᭟ᬦᬺᬧᬯᬥᬸᬫᬗᬦ᭄ᬤᬶᬓᬫᬦᬶᬲ᭄ᬜᬸᬜᬸᬃ᭞ᬢᬦ᭄ᬜᬦ᭄ᬤᬂᬘᬾᬤᬦᬶᬦ᭄ᬫᬮᬶᬄ᭞ᬳᬶᬗ᭄ᬕᬶᬄᬢᬶ᭠ᬢ᭄ᬬᬂᬧᬸᬭᬸᬦ᭄ᬫᬵᬢᬹᬃ᭞ᬦᬧᬶᬓ᭄ᬭᬡᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬧ᭄ᬕᬢ᭄ᬦᭂᬫᬸᬧᬓᬾᬬᭀᬄ᭟᭑᭗᭟ᬦᬗ᭄ᬕᬮ᭄ᬫᬢᬹᬃᬦᬶᬦᬶᬚᬶᬫ᭄ᬲᬳᬓᭂ

[᭑᭕᭙ 159A]
᭑᭕᭙
ᬜᬸᬂ᭞ᬲᬸᬓᬤᬸᬄᬓᬶᬢᬦᬾᬓᬭᬶ᭞ᬤᬸᬭᬸᬂᬫᬲᬦᬶᬂᬗ᭄ᬕᬶᬄᬭᬫ᭄ᬧᬸᬂ᭞ᬩᬩᬓ᭄ᬢᬦᬾᬓᬂᬮᬫ᭄ᬧᬳᬶᬦ᭄᭞ᬢᬦ᭄ᬧ᭄ᬕᬢ᭄ᬦᭂᬫᬸᬧᬓᬾᬬᭀᬄ᭟᭑᭘᭟ᬢᬦ᭄ᬯᬗ᭄ᬤᬾᬬᬦ᭄ᬓᬧᬗ᭄ᬕᬸᬄᬭᬶᬂᬲᬶᬭᬧ᭄ᬭᬪᬹ᭞ᬳᬦᬭᬶᬂᬫᬬᬹᬭᬧᬸᬭᬶ᭞ᬳᬧᬦ᭄ᬓᬧᬱ᭄ᬝᬶᬫᬫᬥᬸ᭞ᬤᬸᬄᬲᬶᬭᬦᬭᬾᬦ᭄ᬤ᭄ᬭᬧᬸ
ᬢ᭄ᬭᬶ᭞ᬳᬦᬭᬶᬂᬧᬸᬭᬶᬫᬬᬹᬭ᭟᭑᭙᭟ᬦᬵᬫᬲᬶᬭᬭᬤᬾᬦ᭄ᬧᬸᬢ᭄ᬭ᭄ᬬᬵᬲ᭄ᬫᬭᬢᬾᬚᬸᬦ᭄᭞ᬢᬦᬵᬦᬲᬦ᭄ᬢᬦᬫᬮᬶᬄ᭞ᬧᬸᬦᬶᬓᬲᬲᬶᬓᬶᬯᬥᬸ᭞ᬳᬦᬓ᭄ᬦᬶᬭᬰ᭄ᬭᬶᬦᬵᬃᬧᬢᬶ᭞ᬪᬹᬧᬢᬶᬤᬳᬢᬶᬂᬓᬢᭀᬂ᭟᭒᭐᭟ᬲᬸᬓᬯᬶᬃᬬ᭄ᬬᬭᬶᬂᬫᬬᬹᬭᬮᬶᬦ᭄ᬢᬂᬯᬶᬪᬸᬄ᭞ᬦᭀ
ᬭᬓᬶᬭᬂᬦᬧᬶᬫᬮᬶᬄ᭞ᬳᬶᬭᬶᬓᬤᬾᬯᬫᬮᬸᬗ᭄ᬕᬸᬄ᭞ᬳᬦ᭄ᬢᭀᬲᬂᬦᬭᬾᬦ᭄ᬤ᭄ᬭᬰ᭄ᬯᬫᬶ᭞ᬳᬦᬦᬶᬂᬓᬂᬤᬾᬰᬧᬹᬃᬯ᭄ᬯ᭟᭒᭑᭞᭟ᬫᬮᬶᬄᬲᬵᬫ᭄ᬧᬸᬦ᭄ᬗᬧᬾᬬᬧᬾᬲᬓᬶᬂᬥᬗᬸ᭞ᬧᬸᬢ᭄ᬭᬦᬶᬭᬰ᭄ᬭᬶᬦᬵᬃᬧᬢᬶ᭞ᬜᬸᬫ᭄ᬧ᭄ᬦᬬᬂᬮᬓᬶᬦ᭄ᬭᬢᬸ᭞ᬫᬓᬶᬂᬓᬶᬂᬭᬳᬶᬯᬶᬸᬦᬯ᭄ᬗᬶ
᭞ᬢᬦ᭄ᬫᬭᬶᬳᬶᬤᬫᬗᬦ᭄ᬢᭀᬲ᭄᭟᭒᭒᭟ᬦᬬᬦ᭄ᬢᬶᬢ᭄ᬬᬂᬩᬶᬮᬶᬄᬩᬶᬮᬶᬄᬭᬢᬸᬧᬵᬢᬸᬢ᭄᭞ᬬᭀᬕ᭄ᬬᬳᬗᬗ᭄ᬕᬾᬮᬮᬓᬶ᭞ᬓᬫᬬᬹᬭᬫᬗ᭄ᬓᬾᬭᬯᬸᬄ᭞ᬗᬓᬸᬧᬸᬢ᭄ᬭᬮᬾᬱᬦ᭄ᬧᬸᬭᬷ᭞ᬫᬩᬩᭀᬭᭀᬲ᭄ᬢᬸᬃᬓᬤᬮᭀᬦ᭄‌᭟᭒᭓᭟ᬭᬤᬾᬦ᭄ᬤᬾᬯᬶ᭞᭠ [ 160 ][᭑᭕᭙ 159B]
᭑᭕᭙
ᬳᬲ᭄ᬫᬸᬕᬸᬬᬸᬫᬯᬸᬯᬸᬲ᭄᭞ᬲᬶᬗ᭄ᬕᬶᬄᬧᬵᬢᬹᬢ᭄ᬦᬶᬦᬶᬚᬶᬫ᭄᭞ᬢᬶᬢ᭄ᬬᬂᬜᬥ᭄ᬬᬫᬫᬶᬢᬸᬳᬸ᭞ᬳᬸᬦᬶᬂᬢᬶᬢ᭄ᬬᬂᬗᬫᬃᬕ᭄ᬕᬶᬦᬶᬦ᭄᭞ᬧᬜᬸᬤᬶᬦᬾᬲᬸᬦ᭄ᬢᬦ᭄ᬢᬸᬫᭀᬦ᭄᭟᭒᭔᭟ᬘᬦ᭄ᬤ᭄ᬭᬳᬰᬶᬄᬗᬫᬮᬶᬳᬶᬦ᭄ᬫᬮᬶᬄᬫᬵᬢᬹᬃ᭞ᬫᬫᬹᬃᬯ᭄ᬯᬫᬃᬕ᭄ᬕᬦᬾᬳᬸᬗ᭄ᬲᬶ᭞ᬦᭀᬭᬲᬶᬫ᭄ᬧᬂ
ᬦᬵᬦᬓ᭄ᬳᬬᬸ᭞ᬢᭀᬕᭀᬕᬾᬫᬗ᭄ᬓᬶᬦ᭄ᬩᬯᭀᬲᬶᬦ᭄᭞ᬲᬂᬫᬫ᭄ᬭᬶᬄᬫᬗ᭄ᬤᬓᬧᬶᬗᭀᬦ᭄᭟᭒᭕᭟ᬘᬦ᭄ᬤ᭄ᬭᬰᬶᬄᬳᬚᬳᬦ᭄ᬫᬗᬺᬋᬄᬩᬜᬸ᭞ᬭᬵᬤᬾᬦ᭄ᬤᬾᬯᬶᬓᬲᬶᬭᬫᬶᬦ᭄᭞ᬓᬲᬸᬢ᭄ᬲᬸᬢ᭄ᬳᬗ᭄ᬕᬦᬾᬲᬵᬫ᭄ᬧᬸᬦ᭄᭞ᬢᭀᬕᭀᬕ᭄ᬳᬶᬓᬓᬲᬶᬭᬫᬶᬦ᭄᭞ᬭᬶᬂ
ᬧᬜ᭄ᬚᬸᬲᬦ᭄ᬢᭀᬬᬦᬾᬓᬯᭀᬦ᭄᭟᭒᭖᭟ᬦᬺᬧᬯᬥᬸ᭞ᬲᬦ᭄ᬤᬗᬦᬾᬲᬵᬫ᭄ᬧᬸᬦ᭄‌‌ᬓ᭄ᬭᬗ᭄ᬲᬸᬓ᭄᭞ᬫᬪᬹᬱᬡᬘᬭᬮ᭠ᬓᬶ᭞ᬲᬦ᭄ᬤᬗᬦ᭄ᬲᬫᬶᬭᬳᬬᬸ᭞ᬧᬶᬲᬸᬓᬦ᭄ᬦᬶᬘᬦ᭄ᬤ᭄ᬭᬳᬰᬶᬄ᭞ᬫ᭄ᬯᬂᬤᬸᬳᬸᬂᬦᬶᬸᬮᬦ᭄ᬤᬾᬬᬦ᭄ᬧᬭᭀᬲ᭄᭟᭒᭗᭟ᬩᬕᬸᬲ᭄ᬕᭂᬜ᭄ᬚᬶᬂᬯ
ᬥᬦᬦᬾᬦᬺᬧᬯᬥᬸ᭞ᬢᬦ᭄ᬓᭂᬦᬘᬶᬦᬾᬤᬫᬮᬶᬄ᭞ᬓᬸᬤᬦᬾᬢᬸᬫ᭄ᬧᬓ᭄ᬲᬵᬫ᭄ᬧᬸᬦ᭄᭞ᬮᬸᬗ᭄ᬓᬮᬸᬗ᭄ᬓᬦᬾᬮᬶᬦ᭄ᬢᬂ᭠ᬳᬰ᭄ᬭᬷ᭞ᬓᬤᬶᬕᬶᬮᬧ᭄ᬢᬸᬃᬗᬮᬾᬜ᭄ᬘᭀᬓ᭄᭟᭒᭘᭟ᬫᬜᬸᬂᬓ᭄ᬮᬶᬢ᭄‌‌ᬓ᭄ᬭᬶᬲ᭄ᬧᭂᬤᬂᬫᬶᬯᬄᬧ᭄ᬘᬸᬢ᭄᭞ᬳᬫ᭄ᬯᬶᬢ᭄ᬫᬭᬶᬂᬦᬶᬦᬶᬚᬶ

[᭑᭖᭐ 160A]
᭑᭖᭐
ᬫ᭄᭞ᬘᬦ᭄ᬤ᭄ᬭᬳᬰᬶᬄᬫᬵᬢᬹᬃᬳᬮᬸᬲ᭄᭞ᬫᬃᬕ᭄ᬕᬶᬤᬾᬯᬲᬓᬶᬂᬳᬭᬶᬲ᭄᭞ᬫᬵᬲ᭄ᬫᬶᬭᬄᬤᬾᬯᬲᬂᬳᬦᭀᬫ᭄᭟᭒᭙᭟᭠ᬗᬯᬾᬢᬦᬮᬫ᭄ᬧᬳᬾᬲᬂᬳᬬᬸ᭞ᬳᬬᬳᬾᬓᬕ᭄ᬢᬓ᭄ᬳᬭᬶᬲ᭄᭞ᬫᬦᬸᬳᬸᬢ᭄ᬕᭂᬕᭂᬭᬶᬂᬕᬸᬦᬸᬂ᭞ᬦᬶᬦᬶᬚᬶᬫ᭄ᬓᭀᬘᬧᬦ᭄ᬫᬗ᭄ᬓᬶᬦ᭄
᭞ᬦᬸᬮ᭄ᬬᬫᬸᬲ᭄ᬦᬵᬦᭀᬭᬓᬢᭀᬦ᭄᭟᭓᭐‌᭟ᬓᬂᬓᭀᬘᬧᬦ᭄ᬳᬶᬚᬶᬫ᭄ᬳᬮᬲ᭄‌‌ᬩᭀᬜ᭄ᬚᭀᬃᬜᬦ᭄ᬢᬸᬂ᭞ᬯᬯᬸᬩᬗᬸᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬧᬢᬶᬕᬩᬕ᭄ᬧᬢᬶᬳᬸᬲᬸᬤ᭄᭞ᬓᬯᬸᬓ᭄ᬓᬯᬸᬓ᭄ᬧᭂᬲᬸᬫᬸᬮᬶᬄ᭞ᬩ᭄ᬗᬂᬩ᭄ᬗᭀᬂᬬᬫᬜᭀᬦ᭄ᬢᭀᬮ᭄᭟᭓᭑᭟
ᬩᬾᬜ᭄ᬚᬂᬲ᭄ᬫᭂᬂᬳᭂᬦ᭄ᬤᬕ᭄ᬲᬹᬃᬬ᭄ᬬᬕᬮᬂᬢᬶᬫᬸᬃ᭞ᬲᬂᬤᬾᬯᬶᬦ᭄ᬤᬢᬦ᭄ᬓᬧᬗ᭄ᬕᬶᬄ᭞ᬗ᭄ᬭᬜ᭄ᬚᬶᬗᬶᬂᬕ᭄ᬯᬗᬫ᭄ᬩᬶᬮ᭄ᬧᬮᬸ᭞ᬲᭂᬩᭂᬢ᭄ᬜᬦᬾᬢᬦ᭄ᬧᬢᬦ᭄ᬤᬶᬂ᭞ᬗᬩᬃᬳᬩᬃᬓᬤᬶᬩᭀᬃᬩᭀᬃ᭟᭓᭒᭟ᬢ᭄ᬭᬸᬲ᭄ᬫᬗ᭄ᬭᬸᬲᬓ᭄ᬭᬶᬂᬓᬦᬦᬧᬢᬶᬮᬸᬧ᭄ᬮᬸᬧ᭄᭞ᬢ᭄ᬥᬸᬦ᭄ᬧᬗ᭄ᬓᬸᬂᬫᬸᬗ᭄ᬕᬄᬕᬶ᭠
ᬭᬶ᭞ᬫᬗᬺᬋᬄᬦᭀᬭᬓᬧᬗ᭄ᬕᬸᬄ᭞ᬲ᭄ᬗᬶᬢ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭞ᬫ᭄ᬢᬸᬬᬾᬄᬫᬢᬧᬘ᭄ᬭᭀᬤᭀᬓ᭄᭟᭜᭟ᬧᬸᬄᬫᬶᬚᬶᬮ᭄᭚᭑᭟ᬢᬦᬸᬘᬧᬦ᭄‌‌ᬲ᭄ᬯᬾᬦ᭄ᬜᬦᬾᬫᬗᬮᬶᬄ᭞ᬳᬶᬧᬸᬦ᭄ᬳᬶᬚᬶᬫ᭄‌‌ᬩᭀᬜ᭄ᬚᭀᬃ᭞ᬫᬤᬸᬮᬸᬭᬦ᭄ᬢᬗᬶᬲ᭄ [ 161 ][᭑᭖᭐ 160B]
᭑᭖᭐
ᬲᬲᬫ᭄ᬩᬢᬾ᭞ᬮ᭄ᬫᬄᬧ᭄ᬢᭂᬂᬳᬶᬧᬸᬦ᭄ᬫᬜᬸᬮᬶᬓ᭄ᬱᬶᬓ᭄᭞ᬢᬦ᭄ᬫᬦᬹᬢᬶᬂᬫᬃᬕ᭄ᬕᬶ᭞ᬳᬗᬧᬾᬳᬧᬾᬲᬂᬳᬬᬸ᭟᭒᭟ᬭᬭᬶᬲ᭄ᬓᬘᬸᬡ᭄ᬥᬸᬓ᭄ᬢᭀᬕᭀᬕ᭄ᬦᬾᬫᬗ᭄ᬓᬶᬦ᭄᭞ᬓᬢᭀᬦ᭄ᬲᬓᬶᬂᬳᬤᭀᬄ᭞ᬳᬶᬩᭀᬜ᭄ᬚᭀᬃᬜᬦ᭄ᬢᬸᬂᬮᬶᬦ᭄ᬢᬂᬍᬕᬦᬾ᭞ᬓᬲᭂᬗ᭄ᬕᬸᬳᬂᬳᬶᬤᬭᬵ
ᬤᬾᬦ᭄ᬤᬾᬯᬶ᭞ᬕᬕᬶᬲᬸᬦ᭄‌‌ᬫᬜᬕ᭄ᬚᬕᬶᬦ᭄᭞ᬚᬕ᭄ᬚᬕ᭄ᬜᬯᬸᬧ᭄‌‌ᬢ᭄ᬭᬸᬲ᭄ᬫᬦᬶᬓᬸᬮ᭄᭟᭓᭟ᬫᬕᬶᬫᭂᬄᬕᬶᬫᭂᬄᬫᬲᬶᬄᬮᬯᬦᬶᬦ᭄᭞ᬤ᭄ᬯᬦᬶᬂᬤᬳᬢ᭄ᬳᬩᭀᬢ᭄᭞ᬫᬗᬲᬶᬳᬲᬶᬄᬧᭂᬲᬸᬦ᭄ᬫᬸᬜᬶᬦᬾ᭞ᬲᬶᬗ᭄ᬕᬶᬄᬤᬾᬯᬫᬵᬲ᭄ᬢᬶᬢ᭄ᬬᬗᬾᬫᬡᬶᬓ᭄᭞ᬗᬸᬤᬚ᭄ᬯᬗ᭠
ᬫ᭄ᬩᬸᬮᬶᬦ᭄᭞ᬫᭀᬩᭀᬲ᭄ᬤᬾᬯᬚᬕᬫᬦ᭄ᬢᬸᬓ᭄᭟᭔‌᭟ᬭᬭᬶᬲ᭄ᬓᬕ᭄ᬮᬸᬢ᭄‌‌ᬢᭀᬕᭀᬕᬾᬧᬗ᭄ᬮᬶᬗᬶᬦ᭄᭞ᬤᬸᬄᬤᬾᬯᬲᬂᬳᬦᭀᬫ᭄᭞ᬲᬧᬸᬦᬧᬶᬤᬾᬯᬓ᭄ᬭᬡᬦᬾ᭞ᬓ᭄ᬯᬾᬄᬲᬲᬫ᭄ᬩᬢ᭄ᬳᬶᬚᬶᬫ᭄‌‌ᬯ᭄ᬕᬶᬕ᭄᭞ᬢᬦ᭄ᬫᬭᬶᬫᬦᬗᬶᬲ᭄᭞ᬗᬫᬾᬳᬫᬾᬳᬶᬤᬲᬂ᭠
ᬗᬬᬸ᭟᭕᭟ᬗᬗ᭄ᬲᭂᬳᬂᬩᬬᬸ᭞ᬋᬓᭀᬜᬸᬫᬸᬦᬶᬦ᭄᭞ᬮᬫ᭄ᬧᬄᬜᬳᬮᭀᬦ᭄᭞ᬳᬶᬚᬶᬫ᭄ᬳᬮᬲ᭄ᬘᭂᬘᭂᬄᬳᬂᬲᭂᬕᬦᬾ᭞ᬧ᭄ᬮᬸᬄᬜᬦᬾᬢᬦ᭄ᬧ᭄ᬕᬢᬦ᭄ᬗᭂᬘᬶᬃ᭞ᬢᬦ᭄ᬫᬭᬶᬗ᭄ᬮᬯᬦᬶᬦ᭄᭞ᬳᬮᭀᬦ᭄ᬳᬮᭀᬦ᭄ᬫᬸᬗ᭄ᬕᬄᬕᬸᬦᬸᬂ᭟᭖᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬫ

[᭑᭖᭑ 161A]
᭑᭖᭑
ᬥ᭄ᬬᬦᬶᬂᬉᬓᬶᬃ᭞ᬤᬾᬦᬶᬂᬮᬶᬦ᭄ᬢᬂᬳᬩᭀᬢ᭄᭞ᬳᬶᬩᭀᬜ᭄ᬚᭀᬃᬜᬦ᭄ᬢᬸᬂᬳᬮᬸᬲ᭄ᬫᬸᬜᬶᬦᬾ᭞ᬗᬶᬭᬶᬂᬤᬾᬯᬳᬭᬬ᭄ᬬᬦ᭄ᬳᬶᬭᬶᬓᬶ᭞ᬅᬫ᭄ᬧᬹᬭᬬᬂᬳᬸᬕᬶ᭞ᬳᬦ᭄ᬢᬸᬓ᭄ᬳᬤᭀᬄᬢᬶᬢ᭄ᬬᬂᬍᬲᬸ᭟᭗᭟ᬗᬸᬤᬫ᭄ᬦᭂᬂᬭᬢᬸᬓᬤᬶᬭᬢᬶᬄ᭞ᬤᬸᬄᬤᬾᬯᬲᬂᬳ
ᬦᭀᬫ᭄ ᬢᬳᭂᬦ᭄ᬢᬶᬢ᭄ᬬᬂᬫᬤ᭄ᬯᬾᬓᬳᬶᬯᬗᬦᬾ᭞ᬓᬮᬶᬯᬢᬦ᭄ᬢᬶᬢ᭄ᬬᬂᬧᬸᬍᬲ᭄ᬢᬶᬲ᭄᭞ᬢᬦ᭄ᬓᬬᬸᬗᭂᬮᬸᬦᬶᬦ᭄᭞ᬗᬸᬤᬓᬶ᭠ᬫᬸᬤ᭄ᬤᬾᬯᬦᬸᬦ᭄ᬤᬸᬦ᭄᭟᭘᭟ᬤ᭄ᬯᬦᬶᬂᬢᬶᬢ᭄ᬬᬂᬓᬮᬶᬦ᭄ᬢᬗᬶᬗ᭄ᬳᬭᬶᬧ᭄᭞ᬭᬯᬸᬄᬲᬓᬶᬂᬜᭀᬮᭀᬂ᭞ᬲᬢᬢᬢ᭄ᬯᬄᬅᬤᬢ᭄᭠
ᬢᬶᬢ᭄ᬬᬗᬾ᭞ᬢᬶᬕᬂᬤᬶᬦᬫᬫᬸᬍᬲ᭄‌‌ᬲ᭄ᬬᬂᬯ᭄ᬗᬶ᭞ᬲᬵᬫ᭄ᬧᬸᬦᬂᬚ᭄ᬯᬳᬚ᭄ᬭᬶᬄ᭞ᬫᬦᬸᬦ᭄ᬤᬸᬦ᭄ᬢᬶᬢ᭄ᬬᬂᬳᬢᬸᬭᬹ᭟᭙᭟ᬬᬦ᭄ᬳᬶᬲᭂᬂᬭᬢᬸᬦᬦ᭄ᬤᬂᬲ᭄ᬫᬭᬶ᭞ᬳᬬ᭄ᬯᬤᬾᬯᬫᭀᬩᭀᬲ᭄᭞ᬫᬜᬶᬧ᭄ᬢᬳᬶᬦ᭄ᬳᬦ᭄ᬢᬸᬓ᭄ᬢᬢᬶᬗ᭄ᬓᬳᬾ᭞ᬫᬚᬸᬮᬸᬓᬂᬓᬬᬸᬦ᭄ᬫᬭᬶᬂᬭᬩᬶ᭞ᬳᬾ
ᬮᬶᬗᬂᬚ᭄ᬯᬫᬗ᭄ᬓᬶᬦ᭄᭞ᬓᬧᬸᬗ᭄ᬓᬸᬃᬲᬵᬫ᭄ᬧᬸᬦᬂᬗᬫ᭄ᬩᬸᬮ᭄᭟᭑᭐᭟ᬧᬫᬸᬜᬶᬦ᭄ᬚᬶᬫᬾᬫᬗᬲᬶᬳᬲᬶᬄ᭞ᬗ᭄ᬭᬸᬫ᭄ᬭᬸᬫ᭄ᬥ᭄ᬬᬄᬢᭀᬕᭀᬕ᭄᭞ᬳᬭᬃᬬ᭄ᬬᬦ᭄ᬦᬭᬶᬂᬫᬥ᭄ᬬᬦ᭄‌‌ᬉᬓᬶᬭᬾ᭞ᬲᬃᬯ᭄ᬯᬶᬫᬗ᭄ᬮᬸᬢ᭄‌‌ᬘᭂᬘᭂᬄᬫᬦᬶᬫᬦᬶᬦ᭄᭞ᬤᭀᬂᬯᬍᬲᬂᬳ [ 162 ][᭑᭖᭑ 161B]
᭑᭖᭑
᭞ᬚᬶᬫ᭄ᬳᬮᬲ᭄ᬫᬮᬶᬄᬫᬗᬧ᭄ᬮᬸᬕ᭄᭟᭑᭑᭟ᬫᬕ᭄ᬮᭂᬤᬸᬕ᭄‌‌ᬕᬶᬤᬢ᭄ᬜᬦᬾᬧᬸᬦ᭄ᬚᬶᬫ᭄᭞ᬯᬯᬸᬫ᭄ᬭᬲᬓᬢᭀᬲ᭄᭞ᬤᬶᬢᬸᬫᬓᬶᬭᬓᬶᬭᬤ᭄ᬬᬵᬢᬶᬦᬾ᭞ᬧᭂᬧᭂᬓ᭄ᬓᬧᭂᬘᬶᬓ᭄ᬧᭂᬘᬶᬓ᭄‌‌ᬲᬫᬶ᭞ᬯᬳᬸᬓᬳᬸᬦᬶᬗᬶᬦ᭄᭞ᬮᬮᬶᬗ᭄ᬲᬾᬦ᭄ᬧᬭᬲ᭄ᬧᬸᬦᬶᬓᬸ᭟᭑᭒
᭟ᬭᬭᬶᬲ᭄ᬓᬕ᭄ᬮᬸᬢ᭄‌‌ᬢᭀᬕᭀᬕᬾᬧᬗ᭄ᬮᬶᬗᬶᬦ᭄᭞ᬤᬸᬄᬤᬾᬯᬲᬂᬳᬦᭀᬫ᭄᭞ᬲᬧᬸᬦᬧᬶᬤᬾᬯᬓ᭄ᬭᬡᬦᬾ᭞ᬓ᭄ᬯᬾᬄᬲᬲᬵᬫ᭄ᬩᬢ᭄ᬳᬶᬚᬶᬫ᭄ᬯᭂᬕᬶᬕ᭄᭞ᬢᬦ᭄ᬫᬭᬶᬫᬦᬗᬶᬲ᭄᭞ᬳᬸᬢᬸᬲᬦᬾᬫᬗ᭄ᬓᬶᬦ᭄ᬭᬯᬸᬄ᭟᭑᭓᭟ᬗᭂᬦ᭄ᬤᬸᬲ᭄ᬳᬫ᭄ᬩᬸ᭞ᬤᬦᬾᬓ᭄ᬫᬫᬳᬶ᭞ᬫᬦᬹ
ᬢ᭄ᬳᬗᬶᬦ᭄ᬳᬮᭀᬦ᭄᭞ᬫ᭄ᬲᬢ᭄ᬫᬶᬩᭂᬃᬫᬭᬶᬂᬳᬫ᭄ᬩᬭᬦᬾ᭞ᬳᬸᬢᬸᬲᬦᬾᬢᬦ᭄ᬫᬭᬶᬗᬮᬶᬂᬮᬶᬂ᭞ᬓᬤᬶᬧᬓ᭄ᬱᬶᬓᬓ᭄ᬮᬶᬓ᭄᭞ᬦᬸᬮ᭄ᬬ᭠ᬳᬦᬓᬂᬓᬤᬸᬮᬸ᭟᭑᭔᭟ᬢᬸᬮᬓᬾᬧᬂᬧᬢᬶᬄᬮᬗᬸᬧᬸᬭᬶ᭞ᬲᬵᬫ᭄ᬧᬸᬦ᭄ᬤᬦᬾᬗ᭄ᬢᭀᬦ᭄᭞ᬲᬧᬭᬶᬧᭀᬮᬄᬩᭀᬜ᭄ᬚᭀᬃᬜ
ᬦ᭄ᬢᬸᬗᬾ᭞ᬲᬓᬶᬂᬳᬫ᭄ᬩᬭᬯᬸᬲ᭄ᬳᬯᬵᬲ᭄ᬓᬮᬶᬂᬮᬶᬂ᭞ᬓᬘᬶᬗᬓ᭄ᬲᬂᬤᬾᬯᬶ᭞ᬳᬓᬭᭀᬦᬦ᭄ᬭᬶᬂᬯᭀᬂᬚᬮᬸ᭟᭑᭕᭟ᬭᬭᬶᬲ᭄ᬢᭂᬤᬸᬦ᭄ᬤᬦᬾᬫᬜᬕ᭄ᬚᬕᬶᬦ᭄᭞ᬲᬵᬫ᭄ᬧᬸᬦ᭄ᬳᬦᬭᬶᬂᬲᭀᬃ᭞ᬲᬳᬲᬤᬦᬾᬫᬗᬺᬩᬸᬢᬺᬓᬾ᭞ᬚᬶᬫ᭄ᬳᬮᬲ᭄ᬓᬲᬾᬧᬓ᭄ᬲᬓᬶᬳᬸ᭠

[᭑᭖᭒ 162A]
᭑᭖᭒
ᬭᬶ᭞ᬢᬗ᭄ᬓᭂᬚᬸᬢ᭄ᬫᬦᭀᬮᬶᬄ᭞ᬧᬭᬶᬓᭀᬱᬭᬭᬶᬲ᭄ᬗᭂᬧᬸᬂ᭟᭑᭖᭟ᬳᬶᬧᬸᬦ᭄ᬳᬶᬚᬶᬫ᭄᭞ᬢᬦ᭄ᬫᬭᬶᬫᬗᬸᬗ᭄ᬲᬶ᭞ᬢᬭᬸᬦᬾᬗᬭᭀᬧᭀᬤ᭄᭞ᬦᬾᬓᬢᭂᬫ᭄ᬧᬸᬄᬭᬶᬂᬢ᭄ᬗᬄᬓᬦᬦᬦᬾ᭞ᬢᬸᬮᬓᬾᬧᬂᬧᬢᬶᬄᬫᬦᬂᬢᬗᬶᬦ᭄᭞ᬲᬮᬄᬩᬵᬳ᭄ᬫᬲᬶᬦ᭄᭞ᬜᭀ
ᬮᭀᬂᬕᬃᬯ᭄ᬯᬦᬾᬲᬂᬧ᭄ᬭᬪᬸ᭟᭑᭗᭟ᬚᬶᬫ᭄ᬧᬾᬢᬦ᭄‌‌ᬫ᭄ᬦᭂᬂᬫᬗ᭄ᬢᬸᬢ᭄ᬩᬸᬭᬶ᭞ᬦᬾᬢ᭄ᬭᬩᬂᬫᬜ᭄ᬭᭀᬢᭀ᭞ᬕ᭄ᬮᬶᬲ᭄ᬓᬢᬸᬢᬸᬢᬦ᭄ᬳᬶᬧᬵᬢᬶᬄᬫᬗ᭄ᬓᬾ᭞ᬫᬕᬸᬮᬸᬗᬦ᭄ᬬᬸᬤ᭄ᬥᬦᬾᬲᬂᬓᬮᬶᬄ᭞ᬫᬕᬸᬮᬸᬗᬦ᭄ᬬᬸᬥᬦᬾᬲᬂᬓᬮᬶᬄ᭞ᬫᬕᬸᬍᬢ᭄ᬫᬧᬦ᭄ᬢᬶᬂ᭞ᬲᬮᬶᬂᬳᬸᬗ᭄ᬲᬶᬧᬸᬦ᭄
ᬫᬕᬸᬢ᭄ᬕᬸᬢ᭄᭟᭑᭘᭟ᬲᬫᬶᬓᬸᬓᬸᬄᬫᬦᬳᬦᬂᬲᬓᬶᬢ᭄᭞ᬫᬬᬸᬤ᭄ᬥᬲᬮᬶᬂᬳᭀᬭᭀᬲ᭄᭞ᬩᬸᬭᭀᬦ᭄ᬳᬮᬲ᭄ᬓᬮᬶᬦ᭄ᬢᬂᬚ᭄ᬭᬶᬳᬾ᭞ᬢ᭄ᬮᬲ᭄ᬫᬮᬬᬸᬧᬢᬶᬧᬸᬭᬸᬕᬶᬦ᭄᭞ᬳᬦᬾᬂᬯᬦᬕᬶᬭᬶ᭞ᬳᬮᬲ᭄ᬓᬦᬦᬢ᭄ᬮᬲ᭄ᬭᬸᬩᬸᬄ᭟᭑᭙᭟ᬢᬦᬸᬘᬧᬦ᭄‌‌ᬮᬫᬶᬦᬾᬳ
ᬚᬸᬭᬶᬢ᭄᭞ᬦᭀᬭᬵᬦᬓᬲᭀᬃ᭞ᬓᭀᬘᬧ᭄ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬫᬗ᭄ᬓᬾ᭞ᬳᬦᬭᬶᬂᬧᬢᬧᬦ᭄ᬥᬸᬓᬸᬄᬰᬓ᭄ᬢᬶ᭞ᬫ᭄ᬯᬂᬧᬋᬓᬦ᭄‌‌ᬲᬫᬶ᭞ᬦᬭᬶᬂᬘᬶᬢ᭄ᬭᬓᬸᬝᬕᬸᬦᬸᬂ᭟᭒᭐᭟ᬲ᭄ᬫᭂᬂᬯᬳᬸ᭞ᬫᬶᬚᬶᬮ᭄ᬲᬂᬳ᭄ᬬᬂᬭᬯᬶ᭞ᬯᬢᭂᬓᬶᬂᬫᬳᭂᬗ᭄ᬕᭀᬦ᭄᭞ᬫᬭᬶᬂᬧᭀᬦ᭄ᬤᭀᬓ᭄ᬥᬸᬓᬸᬄᬰ [ 163 ][᭑᭖᭒ 162B]
᭑᭖᭒
ᬓ᭄ᬢᬶᬦᬾ᭞ᬤᬸᬯᬸᬃᬤᬯᬸᬦ᭄‌‌ᬓ᭄ᬮᬤᬶᬫᬮᬶᬗ᭄ᬕᬶᬄ᭞ᬲᬫᬶᬋᬓᬾᬦᬗ᭄ᬓᬶᬮ᭄᭞ᬓᬮᬶᬄᬳᬶᬤᬲᬗᬩᬕᬸᬲ᭄᭟᭒᭑᭟ᬳᬶᬥᬸᬓᬸᬄᬰᬓ᭄ᬢᬶᬗᬦ᭄ᬤᬶᬓᬳᬭᬶᬲ᭄᭞ᬲᬃᬯ᭄ᬯᬶᬗᬸᬘᬧ᭄ᬳᬮᭀᬦ᭄᭞ᬧ᭄ᬬᬃᬱᬤᬾᬯᬲᬂᬦᬵᬣᬢᬸᬢᬸᬭᬾ᭞ᬲᬦᬾᬜᬦ᭄ᬤᬂᬤᬾᬯᬳᬸᬗ᭄ᬲᬶ᭞ᬢ᭄ᬯᬄᬚ
ᬕᬢᬾᬓᬗᬶᬦ᭄᭞ᬫᬃᬕ᭄ᬕᬦᬾᬚᬬᬲᬂᬧ᭄ᬭᬪᬸ᭟᭒᭒᭟ᬤ᭄ᬯᬦᬶᬂᬲᬵᬫ᭄ᬧᬸᬦ᭄‌‌ᬓᬧᬱ᭄ᬝᬶᬭᬶᬂᬯᬶᬥᬷ᭞ᬳᬦ᭄ᬫᬸᬧᬓᬾᬬᭀᬄ᭞ᬓᬭᬶᬓᬶᬤᬶᬓ᭄ᬓᬦ᭄ᬢᬸᬦ᭄ᬧᬫᬶᬤᬸᬓᬦᬾ᭞ᬬᭀᬕ᭄ᬬᬲᬶᬭᬦᬵᬃᬧᬢᬶᬢᬦ᭄ᬤᬗᬶᬦ᭄᭞ᬳᬶᬤᬭᬵᬤᬾᬦ᭄ᬤᬾᬯᬶ᭞ᬭᬶᬂᬫᬬᬹᬭᬯᬸᬲ᭄ᬫᬮᬸᬗ᭄ᬕᬸᬄ᭞᭒
᭓᭟ᬢᬦ᭄ᬧᬵᬢᬹᬢ᭄ᬫᬧ᭄ᬭᬂᬓᬮᬗᬸᬧᬸᬭᬶ᭞ᬤ᭄ᬯᬦᬶᬂᬕ᭄ᬦᬄᬓᬯᭀᬢ᭄᭞ᬳᬶᬤᬾᬯᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬰᬸᬘᬶᬦᬾ᭞ᬲᬶᬦᬄᬧᬧ᭄ᬭᬂᬢᬤᬾᬯᬓᬮᬶᬮᬶᬄ᭞ᬲᬓᬶᬂᬲᬂᬳ᭄ᬬᬂᬯᬶᬥᬷ᭞ᬳᬲᬸᬂᬫᬃᬕ᭄ᬕᬫᬕᬕᭂᬩᬸᬕ᭄᭟᭒᭔᭟ᬮ᭄ᬯᬶᬄᬩ᭄ᬘᬶᬓ᭄‌‌ᬫᬃᬕ᭄ᬕᬤᬾᬯᬦᬾᬫᬗ᭄ᬓᬶᬦ᭄᭞ᬤᬸᬄᬤᬾᬯᬲᬂ
ᬓᬢᭀᬂ᭞ᬳᬶᬓᬓᬩᬾᬄᬳᬚᬓ᭄ᬧᬗᬶᬭᬶᬗᬾ᭞ᬫᬗ᭄ᬮᬸᬗᬦᬶᬦ᭄ᬓᬫᬬᬹᬭᬧᬸᬭᬶ᭞ᬬᬦ᭄ᬲᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬖᬭᬶᬡᬶᬦᬾᬲᬶᬭᬧ᭄ᬭᬪᬸ᭟᭒᭕᭟ᬫᬗᬶᬦ᭄ᬤᬶᬢ᭄ᬧᬸᬢ᭄ᬭᬶᬫᬮᬶᬄᬳᬲᬶᬓᬶ᭞ᬧᬸᬢ᭄ᬭᬶᬳᬬᬸᬳᬦᭀᬫ᭄᭞ᬳᬶᬗ᭄ᬕᬶᬄᬧᬸᬦᬶᬓᬓᬱᬱ᭄ᬝᬶᬚᭀᬤᭀ᭠

[᭑᭖᭓ 163A]
᭑᭖᭓
ᬦᬾ᭞ᬯᬸᬲ᭄ᬧᬘᬂᬭᬶᬂᬳᬶᬤᬦᬺᬧᬧᬸᬢ᭄ᬭᬶ᭞ᬢᬦ᭄‌‌ᬓ᭄ᬦᬧᬶᬯᬮᬶᬦ᭄᭞ᬦᬵᬫᬤ᭄ᬬᬄᬲ᭄ᬫᬭᬢᬾᬚᬸᬦ᭄᭟᭒᭖᭟ᬲᬓᬶᬂᬳᬶᬭᬶᬓᬫᬓᬓᬦ᭄ᬢᬶ᭞ᬥᬺᬥᬭᬶᬲᬂᬳᬦᭀᬫ᭄᭞ᬤᬳᬢ᭄ᬫᬓ᭄ᬯᬾᬄᬩᬮᬧᬾᬓᬦᬾ᭞ᬚᬕᬢ᭄ᬓᬪᬷᬦᬯᬮᬶᬦ᭄ᬢᬂᬰᬸᬘᬶ᭞ᬧ᭄ᬤᬲ᭄ᬬᬓ᭄ᬱᬵ
ᬧᬢᬶ᭞ᬧᬶᬦ᭄ᬤᬳᬦ᭄ᬤᬾᬲᬂᬧ᭄ᬭᬪᬸ᭟᭒᭗᭟ᬓᬜ᭄ᬘᭂᬦ᭄ᬮᭂᬢᬸᬄᬢᬦ᭄ᬯᬦᬶᬦᭂᬲᭂᬓᬶᬦ᭄᭞ᬤᬾᬦᬶᬂᬮᬶᬦ᭄ᬢᬂᬓᬲᭀᬩ᭄᭞ᬤ᭄ᬯᬦᬶᬂᬫ᭠ᬗ᭄ᬮᬶᬦ᭄ᬢᬂᬳᬕᬸᬂᬰᬸᬘᬷᬦᬾ᭞ᬓ᭄ᬭᬡᬤᬾᬯᬫᬗ᭄ᬓᬶᬦ᭄‌‌ᬚ᭄ᬯᬫᬫᬃᬕ᭄ᬕᬶ᭞ᬫᬗ᭄ᬤᬲᬶᬤ᭄ᬥᬳᬕ᭄ᬮᬶᬲ᭄᭞ᬓᬧᬗ᭄ᬕᬸᬄᬭᬶᬂᬦᬺᬧᬯᬥᬸ᭟᭒᭘᭟
ᬢᬦ᭄ᬧᬜ᭄ᬚᬂᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬗᬶᬭᬶᬂ᭞ᬫᬓᬶᬭᬾᬭᬶᬂᬧᭀᬦ᭄ᬤᭀᬓ᭄᭞ᬓᬓᬳᬶᬜᬫᬶᬯᬄᬧᬧᬢᬶᬳᬾ᭞ᬢᬸᬫᬹᬢ᭄ᬚᬕᬲ᭠ᬫᬶᬫᬗᬶᬭᬶᬂ᭞ᬓᬫᬬᬹᬭᬧᬸᬭᬶ᭞ᬫᬓᬶᬭᬾᬧᬘᬂᬮᬸᬫᬓᬸ᭟᭒᭙᭟ᬲᬫᬶᬯᬸᬲ᭄ᬫᬧᬫᬶᬢ᭄‌‌ᬭᬶᬂᬥᬸᬓᬸᬄᬰᬓ᭄ᬢᬶ᭞ᬗᬶᬭᬶᬗᬂᬲᬂᬓ
ᬝᭀᬂ᭞ᬤᬦᬾᬳᬶᬤᬸᬓᬸᬄᬳᬮᬸᬲ᭄ᬳᬸᬚᬭᬾ᭞ᬫᭀᬖᬫᭀᬕᬤᬾᬯᬫᬓᬲᬫᬶ᭞ᬫ᭄ᬦᬗᬶᬂᬳᬚᬸᬭᬶᬢ᭄᭞ᬢᬶᬦ᭄ᬤᬓᬾᬦ᭄ᬫᬸᬭᬳᬬᬸ᭟᭓᭐᭟ᬬᬾᬦ᭄ᬭᬢᬸᬧᬘᬂᬓᬾᬯᭂᬄᬭᬶᬂᬫᬃᬕ᭄ᬕᬶ᭞ᬬᬢᬭᬶᬂᬧᬮᬸᬕᭀᬦ᭄᭞ᬳᬸᬦ᭄ᬤᬗᭂᬦ᭄ᬢᬶᬢ᭄ᬬᬂᬤᬾᬯᬤᬾᬦ᭄ᬳᬕᬾ᭞ᬢᬶᬢ᭄ᬬᬂᬜ [ 164 ][᭑᭖᭓ 163B]
᭑᭖᭓
ᬥ᭄ᬬᬭᬯᬸᬄᬫᬦᬸᬮᬸᬗᬶᬦ᭄᭞ᬧ᭄ᬭᬪᬹᬫᬵᬢᬸᬃᬲᬶᬗ᭄ᬕᬶᬄ᭞ᬫᬫᬹᬃᬯ᭄ᬯᬳᬶᬤᬮᬸᬫᬓᬸ᭟᭓᭑᭟ᬫᬦᭂᬤᬸᬦᬂᬮᬫ᭄ᬧᬳᬾᬦᬺᬧᬢᬶ᭞ᬲᬃᬯ᭄ᬯᬶᬤᬩ᭄ᬤᬩ᭄ᬳᬮᭀᬦ᭄᭞ᬢᬦᬵᬤᭀᬄᬳᬶᬧᬢᬶᬄᬲᬸᬥᬃᬫ᭄ᬫᬶᬦᬾ᭞ᬢᬶᬕᬂᬯᬂᬧᬭᬳᬶᬜᬗᬶᬭᬶᬂ᭞ᬧᬕᬕ᭄ᬧᬕᬾᬕ᭄ᬫᬮᬶᬄ᭞ᬫᬗᬶᬭᬶᬗᬂᬲ
ᬓᬾᬂᬧᬸᬗ᭄ᬓᬸᬃ᭟᭓᭒᭟ᬳᬶᬧᬋᬓᬦ᭄ᬫᬧᭀᬮᬄᬢᬦ᭄ᬯᬄᬯᬶᬄ᭞ᬳᬚᬳᬮᭀᬦᬵᬮᭀᬦ᭄᭞ᬳᬶᬧᬕᬾᬕ᭄ᬦᬗ᭄ᬕᬮ᭄ᬧᭂᬲᬸᬫᬸᬜᬶᬦᬾᬳᬧᬓ᭄ᬭᬡᬳᬤᭀᬄᬬᬦ᭄ᬢᬶᬦ᭄ᬤᬓᬶᬦ᭄᭞ᬮ᭄ᬬᬢᬶᬦ᭄ᬧᬳᭂᬓ᭄ᬕᬢᬶ᭞ᬓᬓᬦ᭄ᬜᬦᬾᬲᬯᬸᬃᬕᬸᬬᬸ᭟᭓᭓᭟ᬧᬧᬶᬦᭂᬄᬩ᭄ᬮᬶ᭞ᬲᬓᬶᬂᬚᬸᬕᬸ
ᬮ᭄ᬕᬢᬶ᭞ᬢ᭄ᬯᬄᬳᬗ᭄ᬕᭀᬦ᭄ᬕᬕᬸᬬᭀᬦ᭄᭞ᬳᬗ᭄ᬕᬾᬦ᭄ᬦᬸᬢᬸᬃᬜᬭ᭄ᬯᬂᬓᭂᬜᭂᬮᬾ᭞ᬓᬓᬚᬦᬶᬫᬦᬸᬢᬸᬭᬶᬦ᭄ᬳᬤᬶ᭞ᬦᬾᬗᬺᬡᬦᬶᬦ᭄ᬳᬢᬶ᭞ᬳᬗ᭄ᬕᭀᬦ᭄ᬢᬶᬫ᭄ᬩᬂᬧᬸᬧᬸᬄᬧᬸᬘᬸᬂ᭟᭐᭚ᬧᬸᬄᬧᬸᬘᬸᬂ᭚᭑᭟ᬧᬕᬾᬕ᭄‌‌ᬗ᭄ᬭᬸᬗᬸ᭞ᬓᬓᬦ᭄ᬜᬦᬾᬫᬦᬸᬢᬸᬃ᭞ᬬᬾᬦ᭄ᬕᬜ᭄ᬘᬗᬶᬂ
ᬢᬶᬦ᭄ᬤᬓ᭄᭞ᬲᬕᬜ᭄ᬘᬂᬕᬜ᭄ᬘᬗᬶᬂᬚᬦ᭄ᬫᬶ᭞ᬬᬾᬦᬶᬂᬳᬸᬓᬸᬃ᭞ᬲᬵᬢᬸᬲ᭄ᬨᬮ᭄‌‌ᬦᬾᬳᬭᬳᬶᬦ᭟᭒᭟ᬬᬾᬦ᭄ᬧᬦ᭄ᬤᬸᬮᬸ᭞ᬍᬩᬶᬄᬍᬩᬶᬄᬕᬜ᭄ᬘᬗᬶᬧᬸᬦ᭄᭞ᬦᬵᬗ᭄ᬳᬶᬂᬬᬾᬦᬶᬂᬢᬶᬗ᭄ᬕᬃ᭞ᬢᬦ᭄ᬧᬳᬮᬶᬂᬳᬮᬶᬂᬦᬧᬶ᭞ᬬᬾᬦᬶᬂᬳᬸᬓᬸᬃ᭞ᬲ᭄ᬬᬸᬨᬮ᭄‌‌ᬤᬤᬶᬳᬧᬮ᭄ᬬᬵ

[᭑᭖᭔ 164A]
᭑᭖᭔
ᬢ᭄᭟᭓᭟ᬬᬾᬦᬶᬂᬳᬶᬢᬸᬂᬳᬓᬶᬚᬧᬦ᭄ᬲᬸᬩᬭᬫ᭄ᬧᬸᬂ᭞ᬓᬾᬢᭀᬬᬾᬦ᭄ᬩᬦ᭄ᬤᬶᬗᬂ᭞ᬕᬜ᭄ᬘᬗᬶᬂᬮ᭄ᬬᬢ᭄‌‌ᬫ᭄ᬯᬂᬚᬮᬦᬶᬦ᭄᭞ᬓᬲᭀᬃᬳᬶᬓᬸ᭞ᬢ᭄ᬓᬾᬦ᭄ᬕᬕᬜ᭄ᬘᬗᬦ᭄ᬫᬦᬄ᭟᭔᭟ᬫᬦᬄᬳᬶᬓᬸ᭞ᬢᬸᬲᬶᬂᬲᭂᬗ᭄ᬓᬵᬩ᭄ᬮᬢᬶᬦ᭄ᬕᬸᬦᬸᬂ᭞ᬚᬯᬢ᭄ᬫᬲ᭄ᬮᬢ᭄ᬲᬕᬭ᭞ᬳᬶᬫ
ᬦᬄᬢᬸᬲᬶᬂᬗᬶᬫ᭄ᬧᬲᬶᬦ᭄᭞ᬢ᭄ᬓᭂᬤ᭄ᬤᬶᬢᬸ᭞ᬫ᭄ᬯᬄᬫᬩᬮᬶᬓ᭄‌‌ᬢ᭄ᬯᬄᬳᬚᬳᬦ᭄᭟᭕᭟ᬢᬸᬲᬶᬂᬓᬸᬭᬸ᭞ᬳᬚᬳᬦ᭄ᬫᬩᬮᬶᬓ᭄ᬭᬯᬸᬄ᭞ᬲᭂᬗ᭄ᬓᬩᬵᬦ᭄ᬗᬸᬓᬸᬭᬂ᭞ᬕᬜ᭄ᬘᬂᬫᬦᬳᬾᬫᬫᬃᬕ᭄ᬕᬶ᭞ᬕ᭄ᬮᬶᬲ᭄ᬫᬲᬯᬸᬢ᭄᭞ᬳᬤᬶᬦ᭄ᬜᬦᬾᬫᬗ᭄ᬮᬸᬯᭂᬦᬂ᭟᭖᭟ᬓ᭄ᬭᬡ
ᬗᬸᬗ᭄ᬕᬸᬮ᭄᭞ᬓᬲᭀᬩ᭄ᬳᬶᬘᬂᬫᬗ᭄ᬭᬸᬗᬸ᭞ᬭᬶᬂᬦᬾᬫᬵᬤᬦ᭄ᬫᬦᬄ᭞ᬓᬾᬦ᭄ᬓᬾᬦ᭄ᬩᬵᬦ᭄ᬫᬗᬸᬮᬦᬶᬦ᭄᭞ᬳᬧᬂᬘᬮᬸᬄ᭞ᬩᬶᬱᬫᬗᬸᬤᬸᬳᬂᬫᬦᬄ᭟᭗᭟ᬳᬧᬂᬢᬳᬸ᭞ᬓᬸᬚᬂᬚᬦᬶᬩᬵᬦ᭄ᬫᬳᬸᬦ᭄ᬤᬸᬓ᭄᭞ᬗᬚᬓ᭄ᬫᬳᭀᬫᭀᬗᬦ᭄᭞ᬫᬦᬳᬾᬳᬧᬂᬜᬯᬸᬭᬶ
ᬦ᭄᭞ᬲ᭄ᬮᬫ᭄ᬧᬄᬮᬓᬸ᭞ᬩᬶᬲᬳᬚᬓ᭄ᬫᬳᬶᬢᬸᬗᬦ᭄᭟᭘᭟ᬓᬓᬦ᭄ᬳᬶᬧᬸᬦ᭄᭞ᬳᬶᬧᬕᬕ᭄ᬭᬭᬶᬲ᭄ᬫᬲᬯᬸᬢ᭄᭞ᬬᬾᬦᬶᬂᬳᬦᬓ᭄ᬩᬶᬱ᭞ᬲᬶᬥᬲᬳᬶᬫᬗᭀᬫᭀᬗᬶᬦ᭄᭞ᬲᬦᬾᬢᬳᬸ᭞ᬫᬲᬶᬄᬳᬶᬤᬲᬂᬲᬸᬚᬦ᭟᭙᭟ᬬᬦ᭄ᬢᬦ᭄ᬓᬸᬮᬸᬩ᭄‌‌ᬩᬵᬦ᭄ᬩᭂᬮᬶᬗ᭄ᬭᬸᬗᬸ᭠ [ 165 ][᭑᭖᭔ 164B]
᭑᭖᭔
ᬤᬸᬫᬸᬦ᭄᭞ᬲᬤᬸᬓ᭄ᬭᬶᬂᬧᬢᬵᬧᬦ᭄᭞ᬤᬦᬾᬥᬸᬓᬸᬄᬫᬗ᭄ᬯᬗ᭄ᬲᬶᬢᬶᬦ᭄᭞ᬓᭀᬘᬧ᭄ᬢᬸᬳᬸ᭞ᬲ᭄ᬯᬭᬫᬶᬸᬦ᭄ᬫᬦᬄᬗᬾᬩᭂᬓ᭄ᬚᬕᬢ᭄᭟᭑᭐᭟ᬩᬦ᭄ᬤᬶᬂᬳᬶᬧᬸᬦ᭄᭞ᬳᬸᬦ᭄ᬤᬕ᭄ᬧᬢ᭄ᬧᬢ᭄ᬮᬶᬫᬧᬸᬧᬸᬢ᭄᭞ᬬᬾᬦ᭄ᬲᬦ᭄ᬢᬶᬭᬶᬂᬲ᭄ᬯᬭ᭞ᬫᬓᬲᬦ᭄ᬢ᭄ᬭᬶᬂᬲ᭄ᬯᬭᬦ᭄ᬚᬦ᭄ᬫᬶ᭞ᬢᬸᬲᬶᬂᬮᬗ᭄ᬓᬸᬂ᭞᭠
ᬳᬤᭀᬄᬜᬦᬾᬳᬢ᭄ᬗᬄᬨᬮ᭄᭟᭑᭑᭟ᬲ᭄ᬯᬭᬦ᭄ᬓᬸᬮ᭄ᬓᬸᬮ᭄᭞ᬢ᭄ᬯᬄᬢᬶᬕᬂᬨᬮ᭄ᬢᬸᬲᬶᬂᬮᬗ᭄ᬓᬸᬂ᭞ᬬᬦ᭄ᬫᬭᬶᬬᭂᬫ᭄ᬫᬲ᭄ᬯᬭ᭞ᬢ᭄ᬯᬄᬳᬧᬸᬮᭀᬓᬳᬾᬩᭂᬓᬶᬦ᭄᭞ᬲᬦᬾᬓᬲᬸᬩ᭄᭞ᬲ᭄ᬯᬭᬦ᭄ᬳᬶᬤᬲᬂᬲᬵᬃᬚ᭄ᬚᬦ᭟᭑᭒᭟ᬗᬭᬦ᭄ᬳᬶᬓᬸᬢᬸᬓᬂᬓᬯᬶᬲᬦᬾᬓᬲᬸᬩ᭄᭞ᬩᬵ
ᬓ᭄ᬭᬶᬂᬚᬦᬮᭀᬓ᭞ᬲ᭄ᬯᬭᬦ᭄ᬲᬃᬚ᭄ᬚᬦᬦᬾᬳᬤᬶ᭞ᬢᬸᬲᬶᬂᬮᬗ᭄ᬓᬸᬂ᭞ᬯᬦ᭄ᬢᬄᬫᬭᬶᬂᬫᬥ᭄ᬬᬧᬵᬤ᭟᭑᭓᭟ᬲᬦᬾᬗᬸᬗ᭄ᬕᬸᬮ᭄᭞ᬢᬸᬲᬶᬂᬳᬤᬲᬫᬳᬶᬓᬸ᭞ᬩᬦ᭄ᬲᬦ᭄ᬢᭂᬭᬶᬂᬲ᭄ᬯᬭ᭞ᬲᬂᬲᬸᬚᬦᬧᬶᬦᬶᬄᬍᬯᬶᬄ᭞ᬮᬶᬦ᭄ᬢᬂᬗᬸᬗ᭄ᬕᬸᬮ᭄᭞ᬫᬗᬾᬩ᭄ᬓᭂᬓᬶᬂᬢ᭄ᬭᬶᬪᬹᬯᬦ᭞᭑᭔᭟
ᬫᬗᬺᬭᬦ᭄ᬢᬸᬦ᭄᭞ᬲᬂᬧ᭄ᬭᬪᬹᬭᬶᬂᬧᬸᬓᬸᬄᬕᬸᬦᬸᬂᬭᬭᬶᬲ᭄ᬫᬗᬦ᭄ᬤᬶᬓ᭞ᬳᬧᬓᬓᬓᬧᬺᬩᬢᬶᬦ᭄᭞ᬓ᭄ᬭᬡᬳᬸᬬᬸᬢ᭄᭞ᬳᬶᬧᬕᬕ᭄ᬕᬶᬲᬸᬗᬢᬹᬭᬂ᭟᭑᭕᭟ᬧᬜ᭄ᬚᬓ᭄ᬭᬢᬸ᭞ᬳᬶᬧᬕᬕ᭄ᬳᬶᬧᬸᬦ᭄ᬫᬦᬸᬢᬸᬃ᭞ᬓᭀᬘᬧ᭄ᬲᬂᬲᬸᬚᬦ᭞ᬫᬸᬜᬶᬦᬾᬗᬾᬩᭂ

[᭑᭖᭕ 165A]
᭑᭖᭕
ᬗᬶᬸᬓᬶᬂᬪᬹᬫᬶ᭞ᬳ᭄ᬗᭀᬦ᭄ᬭᬢᬸ᭞ᬫᬦᬄᬢᬶᬢ᭄ᬬᬂᬫᬫ᭄ᬬᬃᬱ᭟᭑᭖᭟ᬲᬯᬸᬃᬕᬸᬬᬸ᭞ᬲᬂᬧ᭄ᬭᬪᬹᬭᬭᬶᬲ᭄ᬫᬯᬸᬯᬸᬲ᭄᭞ᬩ᭄ᬦᭂᬄᬓᬾᬢᭀᬓᬓ᭞ᬮᬫᬸᬦ᭄ᬩᬵᬫᬓᬶᬢᬳᬸᬦᬶᬂ᭞ᬫ᭄ᬮᬚᬄᬫᬮᬸ᭞ᬫᬓ᭄ᬭᬸᬓ᭄ᬲᬚ᭄ᬭᭀᬦᬶᬂᬅᬦ᭄ᬢᬶᬕ᭟᭑᭗᭟ᬲᬫᬶᬕᬸᬬᬸ᭞ᬫᬦᭂ
ᬲᭂᬲ᭄ᬦᬸᬦᬲ᭄ᬧᬶᬢᬸᬢᬸᬃ᭞ᬲᭀᬭᬾᬓᬯᬸᬯᬸᬲᬦ᭄᭞ᬫᬓᭀᬍᬫ᭄ᬳᬶᬭᬶᬓᬲᬫᬶ᭞ᬧᬥᬍᬲᬸ᭞ᬫᬓᬲᬸᬃᬳᬦ᭄ᬢᬸᬓ᭄ᬭᭀᬦ᭄ᬭᭀᬦᬦ᭄᭟᭑᭘᭟ᬢᬦ᭄ᬓᬯᬸᬯᬸᬲ᭄‌‌ᬭᬶᬂᬯ᭄ᬗᬶᬦ᭄ᬜᬦᬾᬧᬸᬦᬶᬓᬸ᭞ᬲ᭄ᬫᭂᬂᬓᬯᬸᬯᬸᬲᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬢᬗᬶ᭞ᬲᬫᬶᬩᬗᬸ
ᬦ᭄᭞ᬯᬢᭂᬓ᭄ᬧᬗᬶᬭᬶᬂᬢ᭄ᬮᬲᬦ᭄᭟᭑᭙᭟ᬯᬸᬲ᭄ᬫᬳᬸᬗᬸ᭞ᬲᬂᬧ᭄ᬭᬪᬸᬭᬭᬶᬲ᭄ᬮᬸᬫᬓᬸ᭞ᬫᬜᬸᬲᬸᬧ᭄ᬭᬶᬂᬳᬮᬲ᭄᭞ᬢᬫ᭄ᬧᭂᬓ᭄ᬫᬭᬶᬂᬕᬸᬦᬸᬂᬭᬶᬗ᭄ᬕᬶᬢ᭄᭞ᬳᬮᬲ᭄ᬳᬢᬸᬩ᭄᭞ᬲᬫᬶᬕᬮᬂᬋᬫ᭄ᬧᬓ᭄ᬧᬮ᭄ᬧᬮ᭄᭟᭒᭐᭟ᬲᬂᬳᬩᬕᬸᬲ᭄᭞ᬦᬸᬮ᭄ᬬᬵᬮᭀᬦ᭄ᬳᬶᬤ
ᬫᬯᬸᬯᬸᬲ᭄᭞ᬳᬄᬳᬧᬫᬓ᭄ᬭᬡ᭞ᬘᬶᬗᬓ᭄ᬫᬳᬶᬧᬢᬶᬄᬳᬾᬗ᭄ᬕᬮᬶᬦ᭄᭞ᬇᬦᬩ᭄ᬫᬸᬲᬸᬄ᭞ᬦᬸᬦ᭄ᬥᬸᬦᬶᬦ᭄ᬤᬸᬄᬓᬶᬢᬦ᭄ᬦᬶᬭ᭟᭒᭑᭟ᬬᬢ᭄ᬦᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬹᬫᬗᬫ᭄ᬩᬶᬮ᭄ᬳᬶᬲᬸ᭞ᬫᬓᬫᬶᬯᬄᬮᬗ᭄ᬓᬧ᭄᭞ᬧᬋᬓᬦ᭄ᬫᬶᬯᬄᬧᬧᬢᬶᬄ᭞ᬲᬺᬕᭂᬧ᭄ᬲᬵ᭠ [ 166 ][᭑᭖᭕ 165B]
᭑᭖᭕
ᬫ᭄ᬧᬸᬦ᭄᭞ᬲᬫᬶᬬᬢ᭄ᬦᬗᬕᭂᬫ᭄ᬧᬦᬄ᭟᭒᭒᭟ᬫ᭄ᬭᬾᬗᬂᬤᬶᬢᬸ᭞ᬓᬸᬭᬶᬓᬳᭂᬧ᭄ᬮᬦ᭄ᬤᬶᬤᬸᬳᬸᬃ᭞ᬢᬦ᭄ᬫᬭᬶᬗᬯᬲᬂ᭞ᬮᬫ᭄ᬧᬄᬳᬶᬤᬲᬤᬳᬭᬶᬲ᭄᭞ᬲᬃᬯ᭄ᬯᬶᬜᬸᬲᬸᬧ᭄᭞ᬲᬕᬾᬢ᭄ᬳᬦᬳᬤᬸᬳᬶᬂᬯ᭄ᬯᬂ᭟᭒᭓᭟ᬯᬸᬲ᭄ᬓᬭᬸᬗᬸ᭞ᬚᬗ᭄ᬕᭂᬮ᭄ᬳᬶᬤᬓᬲ᭄ᬯᬾᬦ᭄ᬤᬶ
ᬢᬸ᭞ᬲ᭄ᬯᬭᬦᬾᬢᬦ᭄ᬢᬢᬲ᭄᭞ᬬᬸᬥᬦᬾᬲ᭄ᬤᭂᬂᬫᬮᬶᬮᬶᬢ᭄᭞ᬩᭀᬜ᭄ᬚᭀᬃᬜᬦ᭄ᬢᬸᬂ᭞ᬫᬚᬸᬮᬸᬓ᭄ᬭᬶᬂᬢᬸᬮᬓᬾᬧᬂ᭟᭒᭔᭟ᬲᬬᬦ᭄ᬤᬗᬸ᭞ᬲᬂᬧ᭄ᬭᬪᬹᬢᬫ᭄ᬧᭂᬓ᭄ᬲᬵᬫ᭄ᬧᬸᬦ᭄᭞ᬓᬾᬯᬮᬲ᭄ᬮᬾᬂᬩᬢ᭄ᬩᬢ᭄᭞ᬫᬸᬜᬶᬦ᭄ᬜᬦᬾᬓᬧ᭄ᬬᬃᬱᬶ᭞ᬲᬶᬦᬄᬲᬵᬫ᭄ᬧᬸ᭠
ᬦ᭄᭞ᬫᬋᬩᬢᬶᬦ᭄ᬭᬚᬧᬸᬢ᭄ᬭ᭄ᬬ᭟᭒᭕᭟ᬫᬸᬜᬶᬦ᭄ᬳᬶᬧᬸᬦ᭄᭞ᬲᬂᬓᬮᬶᬄᬲ᭄ᬥᭂᬓ᭄ᬫᬕ᭄ᬮᬸᬢ᭄᭞ᬳᬄᬤᬸᬱ᭄ᬝᬘᬨᬮ᭞ᬓᬧᬸᬭᬶᬧᬸᬭᬶᬫᬫᬮᬶᬂ᭞ᬖᬃᬯ᭄ᬯᬦ᭄ᬧ᭄ᬭᬪᬹ᭞ᬦᬵᬫᬤᬾᬯᬶᬉᬤ᭄ᬬᬢ᭄ᬫᬶᬓ᭟᭒᭖᭟ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄᭞ᬲᬂᬲᬧ᭄ᬢᬲᬶᬦᬄᬫᬗ᭄ᬭᬸᬗᬸ᭞ᬳᬕ᭄ᬮᬶ᭠
ᬲ᭄ᬫᬮᬓ᭄ᬱᬡ᭞ᬲᬂᬧ᭄ᬭᬪᬸᬫᬶᬯᬄᬳᬶᬧᬢᬶᬄ᭞ᬯᬸᬲ᭄ᬓᬤᬸᬮᬸ᭞ᬧ᭄ᬭᬪᬸᬫᬦ᭄ᬢ᭄ᬭᬶᬓᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭟᭒᭗᭟ᬕ᭄ᬮᬶᬲ᭄ᬓᬢᬸᬚᬸ᭞ᬕ᭄ᬦᬶᬳᬲ᭄ᬢ᭄ᬭᬵᬗᭂᬦᬾᬲᬵᬫ᭄ᬧᬸᬦ᭄᭞ᬳᬶᬧᬢᬶᬄᬫᬦᬗ᭄ᬕᬮ᭄᭞ᬳᬦ᭄ᬢᬸᬓ᭄ᬭᬸᬅᬃᬤ᭄ᬥᬤᬤᬮᬶ᭞ᬧ᭄ᬚᬄᬲᬵᬫ᭄ᬧᬸᬦ᭄᭞ᬲᬂᬓᬮᬶᬲ᭄ᬤᭂᬂᬫᬬᬸᬤ᭄ᬥᬵ

[᭑᭖᭖ 166A]
᭑᭖᭖
᭟᭒᭘᭟ᬓᬮᬶᬄᬳᬶᬲᬸ᭞ᬲᬵᬫ᭄ᬧᬸᬦᬺᬓᬾᬓᬲᬫ᭄ᬩᬸᬢ᭄᭞ᬓᬢᭀᬦ᭄ᬳᬶᬓᬸᬂᬰᬯ᭞ᬤᬸᬤᬹᬚᬦ᭄ᬫᬫᬓᬓᬮᬶᬄ᭞ᬬᬓ᭄ᬱᬵᬢᬸᬳᬸ᭞ᬮᬯᬦ᭄ᬚᬶᬫ᭄‌‌ᬫᬢᬦ᭄ᬤᬶᬗᬦ᭄᭟᭒᭙᭟ᬲᬂᬰ᭄ᬭᬶᬧ᭄ᬭᬪᬹ᭞ᬫᬗᬦ᭄ᬤᬶᬓᬤᬳᬢ᭄ᬲᭂᬦ᭄ᬤᬸ᭞ᬳᬧᬓ᭄ᬭᬡᬳᬶᬩ᭞ᬫᬗᬺᬩᬢᬶᬦ᭄
ᬭᬤᬾᬦ᭄ᬤᬾᬯᬶ᭞ᬫᬲᬶᬦ᭄ᬮᬫ᭄ᬧᬸᬦ᭄᭞ᬢ᭄ᬯᬭᬳᬶᬩᬧᭀᬮᬶᬄᬪᬹᬓ᭄ᬢ᭄ᬬ᭟᭓᭐᭟ᬳᬓ᭄ᬯᬾᬄᬤᬶᬢᬸᬧᬫᬢ᭄ᬩᬢᬾᬲᬂᬳᬩᬕᬸᬲ᭄᭞ᬢᬦ᭄ᬫᬭᬶᬫᬸᬭᬶᬗᬂ᭞ᬓᬢᭀᬦ᭄ᬭᬶᬂᬫᬥ᭄ᬬᬦᬶᬂᬉᬓᬶᬃ᭞ᬭᬤᬾᬦ᭄ᬕᬮᬸᬄ᭞ᬤ᭄ᬯᬦᬶᬂᬳᬤᭀᬄᬫ᭄ᬭᬯᬢ᭄ᬫᬢ᭄ᬭ᭟᭓᭑᭟ᬭᬭᬶᬲ᭄ᬦᬸᬤᬸᬄᬧᬋ
ᬓᬦ᭄ᬓᬮᬶᬄᬓᬕᬸᬦᬸᬂ᭞ᬧᬕᬕ᭄ᬧᬕᬾᬕ᭄ᬳᬶᬫᬂ᭞ᬲᬋᬂᬓᬮᬶᬄᬫᬜᬕ᭄ᬚᬕᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬤᭀᬳᭀᬤᭀᬳᭀᬗ᭄ᬮᬶᬂᬫᬕᬸᬬᬂ᭟᭓᭒᭟ᬓᬲ᭄ᬯᬾᬦ᭄ᬤᬶᬢᬸ᭞ᬧᬜ᭄ᬚ᭄ᬭᭀᬯᬦ᭄ᬢᬢᬶᬕᬦᬸᬢᬸᬕ᭄᭞ᬩᬋᬂᬬᬫᬕᬸᬬᬂ᭞ᬓᬢᭀᬦ᭄ᬭᬤᬾᬦ᭄ᬤᬾᬯᬶᬲᭂᬤᬶᬄ᭞ᬢ
ᬦ᭄ᬧᬲᬯᬸᬃ᭞ᬓᬢᬗ᭄ᬓᬶᬮᬶᬦ᭄ᬲᬋᬂᬧᬜ᭄ᬘ᭟᭓᭓᭟ᬕ᭄ᬮᬕ᭄ᬮᬸ᭞ᬤᬦᬾᬧᬢᬶᬄᬲᬋᬂᬲᬂᬧ᭄ᬭᬪᬸ᭞ᬳᬾᬗ᭄ᬕᬮ᭄ᬫᬳᬶᬳᬚᬓ᭄᭞ᬫᬵᬲᬶᬄᬢᬦ᭄ᬫᬗ᭄ᬮᬶᬗᬸᬲᬫᬶ᭞ᬤᬲᬂᬧ᭄ᬭᬪᬸ᭞ᬤᬳᬢ᭄ᬤᬸᬓᬭᬭᬶᬲ᭄ᬫᬸᬗ᭄ᬕᬄ᭟᭓᭔᭟ᬓᭀᬘᬧ᭄ᬭᬯᬸᬄ᭞ᬳᬶᬧᬢᬶᬄᬗᬶᬭᬶᬂᬲᬂᬧ᭄ᬭᬪᬸ᭞ᬳ [ 167 ][᭑᭖᭖ 166B]
᭑᭖᭖
ᬕᬸᬬᬸᬯᬘᬦ᭞ᬗᬋᬧᬂᬫᬗᬲᬶᬄᬳᬲᬶᬄ᭞ᬗᬸᬲᬸᬤ᭄ᬳᬸᬲᬸᬤ᭄᭞ᬢᭀᬕᭀᬕ᭄ᬫᭂᬦᭂᬂᬢᬦ᭄ᬧᬗᬸᬘᬧ᭄᭟᭓᭕᭟ᬓᬵᬮᬤᬶᬢᬸ᭞ᬓᬘᬷᬃᬬ᭄ᬬᬦ᭄ᬕᬫ᭄ᬩᬭᬾᬲᬵᬫ᭄ᬧᬸᬦ᭄᭞ᬤ᭄ᬯᬦᬶᬂᬢ᭄ᬭᬂᬧᬧᬶᬡ᭄ᬥᬵᬦ᭄᭞ᬫᬳᬾᬫ᭄ᬩᭂᬄᬥᬸᬄᬓᬶᬢᬾᬂᬳᬢᬶ᭞ᬲ᭄ᬤᬶᬄᬗᬸᬦ᭄ᬗᬸᬦ᭄᭞ᬲᬲᬫ᭄ᬩᬢᬾ
ᬮ᭄ᬯᬶᬃᬕᬶᬡᬤ᭟᭐᭚ᬧᬸᬄᬕᬶᬦᬵᬤ᭚᭑᭟ᬮᬶᬦ᭄ᬢᬂᬮᬮᬶᬲ᭄‌‌ᬚ᭄ᬯᬳᬶᬤᬾᬯ᭞ᬦᬶᬗ᭄ᬕᬮ᭄ᬢᬶᬢ᭄ᬬᬂᬓᬲᬶᬳᬲᬶᬄ᭞ᬤᬸᬄᬤᬾᬯᬭᬢᬸᬫᬵᬲ᭄ᬳᬶᬗᭀᬂ᭞ᬧᬸᬧᬸᬢᬂᬳᬶᬘ᭄ᬙᬦ᭄ᬳᬶᬭᬢᬸ᭞ᬮᬯᬲ᭄ᬩᬵᬦ᭄ᬢᬶᬢ᭄ᬬᬂᬗᬸᬫ᭄ᬩᬭ᭞ᬲᬫ᭄ᬧᬾᬫᬗ᭄ᬓᬶᬦ᭄᭞ᬯᬳᬸᬳᬤᬶᬓᬧᬗ᭄ᬕᬸᬄᬳ
᭟᭒᭟ᬲᬦᬾᬲᬵᬫ᭄ᬧᬸᬦ᭄‌‌ᬯ᭄ᬬᬓ᭄ᬢᬶᬳᬶᬯᬂ᭞ᬘᬨᬮᬢᬶᬢ᭄ᬬᬂᬭᬶᬂᬳᬤᬶ᭞ᬓᬤᬸᬭᬸᬲ᭄ᬫᬦᬤᭀᬲ᭄ᬢᭀᬕᭀᬕ᭄᭞ᬩᭀᬬᬲᬓᬶᬂᬩᭂᬦ᭄ᬤᬸᬦ᭄ᬭᬢᬸ᭞ᬫᬜᬸᬲᬸᬧᬂᬳᬶᬯᬂᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬲᬶᬦᬵᬫ᭄ᬧᬹᬭᬳᬶᬯᬂᬢᬶᬢ᭄ᬬᬂ᭟᭓᭟ᬤᬳᬢ᭄ᬫᬓ᭄ᬯᬾᬄᬬᬦᬸᬘᬧᬂ
ᬧᬦ᭄ᬤᬸᬮᬫᬾᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬫᬥ᭄ᬬᬦᬶᬂᬉᬓᬶᬃᬋᬓᭀ᭞ᬯᬸᬲ᭄ᬓᬮᬶᬄᬤᬶᬦᬲ᭄ᬬᬂᬤᬮᬸ᭞ᬲᬫᬶᬲ᭄ᬤᬶᬄᬢᬦ᭄ᬧᬦᬶᬤ᭄ᬭ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬯᬳᬸᬫᬾᬗᭂᬢ᭄ᬭᬶᬂᬉᬪᬬ᭟᭔᭟ᬲᬗ᭄ᬓᬾᬢᬦᬾᬭᬶᬂᬧᬢᬵᬧᬦ᭄᭞ᬫᬭᬶᬂᬓᬶᬥᬸᬓᬸᬄᬰᬓ᭄ᬢᬶ᭞ᬭᬶᬂᬳᬗᭂᬦ᭄

[᭑᭖᭗ 167A]
᭑᭖᭗
ᬳᬶᬤᬫᬩᬯᭀᬲ᭄᭞ᬢᬦ᭄ᬫᬭᬶᬫᬦᬸᬦᬲ᭄ᬢᬸᬮᬸᬂ᭞ᬲᬯᬾᬕᬤᬦᬾᬥᬢ᭄ᬗ᭞ᬢᬸᬃᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬤᬦᬾᬫᬗᬦ᭄ᬤᬶᬓ᭟᭕᭟ᬲᬶᬗ᭄ᬕᬶᬄᬤᬾᬯᬫᬳᬵᬭᬚ᭞ᬗᬸᬤᬭᬢᬸᬓᬤᬶᬧᬮᬶᬂ᭞ᬳᬾᬤᬦ᭄ᬤᬾᬯᬫᬭᬶᬂᬢᭀᬕᭀᬕ᭄᭞ᬓᬤᬶᬮᬸᬧᬭᬶᬂᬧᬶᬢᬸ
ᬢᬸᬃ᭞ᬳᬶᬧᬕᬕ᭄ᬳᬤᭀᬄᬗᭀᬚᬳᬂ᭞ᬓ᭄ᬭᬡᬧᬮᬶᬂ᭞ᬤᬳᬢ᭄ᬩᬶᬗᬸᬂᬯᬯᬤᭀᬦᬦ᭄᭟᭖᭟ᬳᬤᬶᬦᬾᬫᭀᬚᬃᬜᬫ᭄ᬩᬤ᭞ᬩ᭄ᬮᬶᬳᬶᬘᬂᬢ᭄ᬯᬄᬩᬋᬂᬲᭂᬤᬶᬄ᭞ᬓᬩᬢᭂᬓ᭄ᬫᬦᬳᬾᬳ᭄ᬗᭀᬦ᭄᭞ᬩᬵᬦ᭄ᬭᬸᬧᬦ᭄ᬕᬫ᭄ᬩᬭᬾᬢᬸᬳᬸ᭞ᬲᬓᬶᬂᬯᬶᬓᬦᬾᬗᬯᬶᬦᬂ᭞ᬯᬮᬸ
ᬬᬚᬵᬢᬶ᭞ᬢᭀᬕᭀᬕᬾᬓᬤᬶᬲᬂᬥ᭄ᬬᬄ᭟᭗᭟ᬫᬾᬲᭂᬫ᭄ᬳᬶᬥᬸᬓᬸᬄᬗᬦ᭄ᬤᬶᬓ᭞ᬧ᭄ᬬᬵᬃᬱᬤᬾᬯᬲᬋᬂᬲᬫᬶ᭞ᬓ᭄ᬭᬡᬵ᭠ᬦ᭄ᬳᬶᬧᬸᬦ᭄ᬯᬾᬦ᭄ᬢᭂᬦ᭄‌‌ᬢᭀᬕᭀᬕ᭄᭞ᬕᬦ᭄ᬤᬃᬯ᭄ᬯᬶᬳᬲᬸᬂᬫᬦᬸᬮᬸᬂ᭞ᬦᬶᬘᬦ᭄ᬤ᭄ᬭᬳᬰᬶᬄᬯᬱ᭄ᬝᬦ᭄ᬜ᭞ᬫᬓᬓᬦ᭄ᬢᬶ᭞ᬳᬦᬭᬶᬂᬖᬃᬯ᭄ᬯᬦ᭄ᬳᬶ
ᬤᬾᬯ᭟᭘᭟ᬤ᭄ᬯᬦᬶᬂᬲᬂᬓᬮᬶᬄᬲᬳᬲ᭞ᬤᬳᬢ᭄ᬫᬩᬸᬢᭂᬂᬧᬸᬦ᭄ᬫᬫ᭄ᬭᬶᬄ᭞ᬧᬶᬗᬗ᭄ᬕᬾᬦᬾᬕ᭄ᬮᬶᬲ᭄ᬓᬕᭂᬦ᭄ᬢᭀᬲ᭄᭞ᬫᬲᬦ᭄ᬤᬗ᭠ᬦ᭄‌‌ᬮ᭄ᬯᬶᬃᬚᬚᬮᬸ᭞ᬫᬗ᭄ᬤᬢᬦᬵᬦᬓᬘᬷᬃᬬ᭄ᬬᬦ᭄᭞ᬓᬕᭂᬦ᭄ᬢᭀᬲᬶᬦ᭄᭞ᬳᬦ᭄ᬢᬸᬓ᭄ᬕᬫ᭄ᬩᬃᬢᭀᬕᭀᬕ᭄ᬧᬭᬲ᭄᭟᭙᭟ᬤᭀᬦᬶᬂᬧ᭄ᬭ [ 168 ][᭑᭖᭗ 167B]
᭑᭖᭗
ᬚ᭄ᬜᬦᬾᬳᬶᬕᬦ᭄ᬤᬃᬯ᭄ᬯ᭞ᬳᬶᬗ᭄ᬕᬶᬄᬳᬚᬳᬦ᭄ᬲᬵᬫ᭄ᬧᬸᬦ᭄ᬦᬥᬶ᭞ᬳᬶᬫᬸᬲᬸᬄᬫᬗ᭄ᬤᬓᬧᬶᬗ᭄ᬕᭀᬦ᭄᭞ᬲᬧᬸᬦᬶᬓᬲᬗ᭄ᬓᬦᬶᬧᬸᬦ᭄᭞ᬫᬸᬲᬸᬄᬲᬵᬫ᭄ᬧᬸᬦ᭄ᬧᬶᬦᭂᬚᬳᬦ᭄᭞ᬤᬾᬦ᭄ᬦᬃᬧᬢᬶ᭞ᬦᬾᬗᬸᬗ᭄ᬲᬶᬭᬩᬶᬦ᭄ᬳᬶᬤᬾᬯ᭟᭑᭐᭟ᬤᬸᬭᬸᬲᬂᬤᬾᬯᬫᬫᬃᬕ᭄ᬕ᭞ᬢᬶᬗ᭄ᬕ
ᬮᬶᬦ᭄ᬢᭀᬕᭀᬕ᭄ᬧᬸᬦᬶᬓᬶ᭞ᬯᬦ᭄ᬢᬄᬮᬮᬶᬗ᭄ᬲᬾᬦ᭄ᬲᬗᬦᭀᬫ᭄᭞ᬢᬦ᭄ᬜᬦ᭄ᬤᬂᬲᬸᬗ᭄ᬲᬸᬢᬂᬭᬢᬸ᭞ᬭᬤᬾᬦ᭄ᬤᬾᬯᬶᬉᬤ᭄ᬬᬢ᭄ᬫᬶᬓ᭞ᬦᬦᬾᬚᬵᬢᬶ᭞ᬓᬭᬶᬳᬶᬤᬦᬸᬗ᭄ᬕᬂᬓᬸᬥ᭟᭑᭑᭟ᬧᬶᬦᬶᬄᬢᬫ᭄ᬧᭂᬓ᭄ᬭᬶᬂᬦᬵᬕᬭ᭞ᬮᭀᬃᬯᬾᬢᬦ᭄ᬲᬓᬶᬂᬳᬶᬭᬶᬓᬶ᭞᭠
ᬫᬯᬱ᭄ᬝᬭᬶᬂᬚᬕ᭄ᬫᬬᬹᬭ᭞ᬳᬧᬂᬬᬢ᭄ᬦᬤᬾᬯᬧ᭄ᬭᬪᬹ᭞ᬭᬯᬸᬄᬭᬶᬂᬫᬬᬹᬭᬤᬾᬰ᭞ᬫᬗ᭄ᬤᬤᬶᬕ᭄ᬮᬶᬲ᭄᭞ᬧ᭄ᬭᬪᬹᬲᬶᬮᬶᬯᬗᬶᬳᬸᬦ᭄ᬤᬂ᭟᭑᭒᭟ᬲᬶᬦᬄᬦ᭄ᬫᬸᬲᬸᬓᬤᬸᬓ᭞ᬢ᭄ᬓᬦᬶᬂᬤᬾᬯᬫᬩᬸᬜ᭄ᬘᬶᬂ᭞ᬫᬸᬲᬸᬄᬲᬳᬩᬮᬳᬯᭀᬃ᭞ᬧ᭄ᬭᬪᬸᬤᬹᬃᬕ᭄ᬕᬵᬲ᭄ᬫᬮᬭᬯᬸᬄ᭞ᬜ
ᬥ᭄ᬬᬫᬜ᭄ᬬᬢᬶᬦ᭄‌‌ᬳᬶᬤᬾᬯ᭞ᬫᬗᬺᬩᬸᬢᬶᬦ᭄᭞ᬲᬂᬥ᭄ᬬᬄᬉᬤ᭄ᬬᬢ᭄ᬫᬶᬓ᭟᭑᭓᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞᭠ᬢᬶᬢ᭄ᬬᬂᬯᬦ᭄ᬢᬄᬢ᭄ᬮᬲ᭄ᬫᬗᬶᬭᬶᬂ᭞ᬤᬦᬾᬤᬸᬓᬸᬄᬦ᭄ᬤᬢᬦ᭄ᬓᬢᭀᬦ᭄᭞ᬲᬂᬧ᭄ᬭᬪᬸᬮᬸᬫᬫ᭄ᬧᬄᬲᬵᬫ᭄ᬧᬸᬦ᭄᭞ᬢᬦᬸᬘᬧᬦ᭄

[᭑᭖᭘ 168A]
᭑᭖᭘
ᬫᬭᬶᬂᬫᬃᬕ᭄ᬕ᭞ᬮᬦ᭄ᬧᬗᬶᬭᬶᬂ᭞ᬮᬫ᭄ᬧᬄᬧᬸᬢ᭄ᬭᬶᬦᬾᬓᭀᬘᬧᬦ᭄᭟᭑᭔᭟ᬫ᭄ᬘᬸᬢ᭄ᬓᬸᬥᬫᬗᬶᬫᬗᬂ᭞ᬭᬯᬸᬄᬫᬭᬶᬂᬢ᭄ᬧᬶᬲᬶᬭᬶᬂ᭞ᬲᬂᬳ᭄ᬬᬂᬲᬹᬃᬬ᭄ᬬᬗᬾᬤᬾᬧ᭄ᬓᬸᬮᭀᬦ᭄᭞ᬢᬶᬲ᭄ᬢᬶᬲ᭄ᬫᬦ᭄ᬤᬲ᭄ᬦᬦᬶᬧᬸᬦ᭄᭞ᬯ᭄ᬯᬗᬶᬂᬫᬬᬹᬭᬓᭀᬘᬧᬦ᭄᭞ᬍᬕᬲᬫᬶ᭞
ᬫᬲᬜ᭄ᬚᬦ᭄ᬭᬶᬂᬩᬜ᭄ᬘᬶᬗᬄ᭟᭑᭕᭟ᬯᬢᭂᬓ᭄ᬳᬶᬲ᭄ᬢ᭄ᬭᬶᬦᬾᬫᬫᬲᬃ᭞ᬭᬤᬾᬦ᭄ᬕᬮᬸᬄᬭᬭᬶᬲ᭄ᬧ᭄ᬭᬧ᭄ᬢᬶ᭞ᬢ᭄ᬤᬸᬦ᭄ᬭᬶᬂᬩᬜ᭄ᬘᬶᬗᬄᬋᬓᭀ᭞ᬓᬸᬥᬦᬾᬭᬭᬶᬲ᭄ᬓᬢᬸᬦ᭄ᬢᬸᬦ᭄᭞ᬯ᭄ᬯᬂᬫᬗ᭄ᬢᭀᬦ᭄ᬲᬫᬶᬓᬕ᭄ᬬᬢ᭄᭞ᬫᬜᬶᬗᬓᬶᬦ᭄᭞ᬥᬢᭂᬗᬦᬾᬯᬸᬲ᭄ᬗᬮᬶᬦ᭄ᬢᬂ᭟᭑
᭖᭟ᬕᬾᬕᬾᬃᬳᬸᬫᬸᬂᬲᬂᬫᬜᬶᬗᬓ᭄᭞ᬩ᭄ᬗᭀᬂᬓᬲᭀᬩ᭄ᬫᬓᬲᬫᬶ᭞ᬲᬫ᭄ᬬᬦ᭄ᬦᬭᬦᬾᬯᬦ᭄ᬢᬄᬗᭀᬦ᭄᭞ᬗᬢᭀᬦᬂᬳᬦᬓᬾᬩᬕᬸᬲ᭄᭞ᬲᬂᬢᬫ᭄ᬯᬶᬭᬭᬶᬲ᭄ᬗᬦ᭄ᬤᬶᬓ᭞ᬲᬃᬯ᭄ᬯᬶᬓᭂᬜᬶᬂ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬧᬶᬦᬸᬦᬲ᭄᭟᭑᭗᭟ᬤ᭄ᬯᬦᬶᬂᬢᬶᬢ᭄ᬬᬂᬤᬸᬭᬸᬂᬢ
ᬢᬲ᭄᭞ᬦᬵᬕᬭᬦᬧᬶᬧᬸᬦᬶᬓᬶ᭞ᬳᬦ᭄ᬢᬸᬓ᭄‌‌ᬓ᭄ᬭᬸᬭᬢᬶᬢ᭄ᬬᬂᬕᬯᭀᬓ᭄᭞ᬲᬂᬢᬶᬦᬜᬦ᭄ᬲᬸᬫᬯᬸᬃ᭞ᬧᬸᬦᬶᬓᬶᬚᬕᬢ᭄ᬫᬬᬹᬭ᭞ᬭᬢᬸᬍᬯᬶᬄ᭞ᬜ᭄ᬚᬬᬪᬹᬫᬶᬭᬶᬂᬢ᭄ᬭᬶᬮᭀᬓ᭟᭑᭘᭟ᬲᬂᬫᬮᬶᬗ᭄ᬲᬾᬪᬵᬯᬗᬸᬘᬧ᭄᭞ᬯ᭄ᬓᬲᬂᬭᬶᬂᬰ᭄ᬭᬷᬪᬸᬧᬢᬶ᭞ᬦᬶ [ 169 ][᭑᭖᭘ 168B]
᭑᭖᭘
ᬭᬚᬕᬢᬗ᭄ᬓᬶᬮ᭄ᬓᬚ᭄ᬭᭀ᭞ᬕᬢᬶᬦᬶᬭᬦᬾᬓᬳᬸᬢᬸᬲ᭄᭞ᬲᬓᬶᬂᬧ᭄ᬭᬪᬸᬮᬾᬱᬦ᭄ᬧᬸᬭ᭞ᬦᭀᬭᬫᬮᬶᬄ᭞ᬓ᭄ᬦᬩᬧᬫᬗᬢᬹᬭᬂ᭟᭑᭙᭟ᬧᬋᬓᬦᬾᬫᬜᬸᬳᬸᬦᬂ᭞ᬦᭀᬭᬧᬜ᭄ᬚᬂᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬢᬸᬫᬸᬮᬶᬭᬭᬶᬲ᭄ᬗᬥᬢᭀᬦ᭄᭞ᬲᬂᬧ᭄ᬭᬪᬸᬲ᭄ᬤᭂᬂ
ᬧᬓᬾᬬᬸᬄ᭞ᬓᬢᬗ᭄ᬓᬶᬮ᭄ᬭᬶᬂᬩᬳᬸᬤᬦ᭄ᬤ᭞ᬭᬶᬂᬚ᭄ᬭᭀᬧᬸᬭᬶ᭞ᬧᬸᬢ᭄ᬭᬦᬾᬫᬢᬢᬗᬶᬲᬦ᭄᭟᭒᭐᭟ᬗᬹᬦᬶᬥᬮᬸᬫᬜᬸ᭠ᬫ᭄ᬧ᭄ᬦᬵ᭞ᬜᬸᬫ᭄ᬧ᭄ᬦᬬᬂᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬧᬸᬢ᭄ᬭᬲᬓᬶᬂᬮᬾᬱᬦ᭄ᬧᬸᬭ᭞ᬰ᭄ᬭᬷᬥᬃᬫ᭄ᬫᬶᬓᬦᬾᬓᬯᬸᬯᬸᬲ᭄᭞ᬩᬕᬸᬲᬾᬢᬦ᭄ᬲ
ᬫᬦ᭄ᬧᬥ᭞ᬮᬶᬦ᭄ᬢᬂᬕᭂᬜ᭄ᬚᬶᬂ᭞ᬤᬾᬯᬦ᭄ᬧᬜ᭄ᬚᬶᬦᬾᬤᬶᬚᬕᬢ᭄᭟᭒᭑᭟ᬢᬦ᭄ᬫᬭᬶᬫᬢᬢᬗᬶᬲᬦ᭄᭞ᬗᬧᬾᬬᬧᬾᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬳᬸᬫᬸᬂᬭᬶᬂᬚ᭄ᬭᭀᬓᬥᬢᭀᬦ᭄᭞ᬤ᭄ᬬᬄᬤᬾᬯᬶᬲ᭄ᬫᬭᬢᬾᬚᬸᬦ᭄᭞ᬳᬾᬫᭂᬂᬧᬭᬯᬶᬓᬹᬲᬫ᭄ᬬᬦ᭄᭞ᬫᬶᬯᬄ
ᬯ᭄ᬬᬤᬶ᭞ᬧᬋᬓᬦᬾᬭᬭᬶᬲ᭄ᬢᭂᬓ᭟᭒᭒᭟ᬫᬗ᭄ᬮᬸᬂᬳᬗ᭄ᬕᬫᬵᬢᬹᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬤᬾᬯᬰ᭄ᬭᬷᬦᬵᬃᬧᬢᬶ᭞ᬥᬢᭂᬗ᭠ᬦ᭄ᬭᬶᬂᬚᬩᬗᬦ᭄ᬢᭀᬲ᭄᭞ᬚᬕᬦᬗ᭄ᬓᬶᬮ᭄ᬭᬶᬂᬲᬂᬧ᭄ᬭᬪᬸ᭞ᬫᬗ᭄ᬭᬕᬫᬦᬸᬗ᭄ᬕᬂᬓᬸᬤ᭞ᬮᬶᬦ᭄ᬢᬂᬧ᭄ᬓᬶᬓ᭄᭞ᬓᬤᬶᬧᬜ᭄ᬚᬶᬦᬾᬭᬶᬂ᭠

[᭑᭖᭙ 169A]
᭑᭖᭙
ᬕᬫ᭄ᬩᬃ᭟᭒᭓᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᬚ᭄ᬯᬧᬢᬶᬄᬚᬕ᭄ᬚᬕᬶᬦ᭄᭞ᬳᬾᬗ᭄ᬕᬮᬂᬳᬶᬭᬶᬗᬂᬓᬚ᭄ᬭᭀ᭞ᬲᬵᬦ᭄ᬤᬶᬓᬦ᭄ᬳᬶᬧᬢᬶᬄᬫ᭄ᬢᬸ᭞ᬕ᭄ᬮᬶᬲ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬯᬸᬲ᭄ᬓᬧᬗ᭄ᬕᬶᬄ᭞ᬳᬶᬤᬲᬂᬫᬗᬾᬓᬪᬵᬯ᭟᭒᭔᭟ᬳᬶᬧᬢᬶᬄᬲ᭄ᬓᭂᬦ᭄ᬦᬸᬦᬲᬂ᭞ᬤ᭄ᬯᬦᬶᬂᬢᬶ
ᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬲᬮᬶᬢ᭄ᬭᬯᭀᬲ᭄᭞ᬲᬂᬢᬶᬦᬜᬦ᭄ᬳᬮᭀᬦ᭄ᬫᬸᬯᬸᬲ᭄᭞ᬢᬶᬢ᭄ᬬᬂᬧᬸᬢ᭄ᬭᬦ᭄ᬮᬾᬱᬦ᭄ᬧᬸᬭ᭞ᬜᬥ᭄ᬬᬢᬗ᭄ᬓᬶᬮ᭄᭞ᬭᬶᬂᬳᬶᬤᬧ᭄ᬭᬪᬸᬫᬬᬹᬭ᭟᭒᭕᭟ᬳᬶᬧᬢᬶᬄᬫᬳᬢᬹᬃᬲᭂᬫ᭄ᬩᬄ᭞ᬗᬶᬭᬶᬂᬤᬾᬯᬰ᭄ᬭᬷᬦᬵᬃᬧᬢᬶ᭞ᬳᬶᬤᬾ᭠
ᬯᬓᬵᬢᬹᬭᬦ᭄ᬓᬚ᭄ᬭᭀ᭞ᬭᬶᬂᬳᬶᬤᬲᬂᬦᬵᬣᬭᬢᬸ᭞ᬥᬢᭂᬗᬦᬾᬭᬭᬶᬲ᭄ᬗᬧᬸᬭ᭄ᬬᬂ᭞ᬲᬃᬯ᭄ᬯᬶᬗ᭄ᬭᬜ᭄ᬚᬶᬂ᭞ᬤᬦᬾᬧᬢᬶᬄᬫ᭠ᬗᬶᬭᬶᬗᬂ᭟᭒᭖᭟ᬧᬋᬓᬦᬾᬜᬫ᭄ᬩᬸᬢ᭄ᬓᬸᬤ᭞ᬤ᭄ᬭᬸᬯᬾᬦ᭄ᬳᬶᬤᬲᬂᬳᬧ᭄ᬓᬶᬓ᭄᭞ᬓᭀᬘᬧ᭄ᬮᬫ᭄ᬧᬳᬾᬗᬥᬢᭀᬦ᭄᭞ᬧ᭄ᬭᬵ
ᬧ᭄ᬢᬦᬾᬭᬶᬧᬸᬭᬶᬳᬕᬸᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬜᬧ᭞ᬭᬶᬂᬲᬂᬧ᭄ᬭᬧ᭄ᬢᬶ᭞ᬭᬭᬶᬲ᭄ᬓᬢᬹᬭᬦ᭄ᬫᬮᬶᬗ᭄ᬕᬵ᭟᭒᭗᭟ᬧ᭄ᬮᬗ᭄ᬓᬫᬡᬶᬓ᭄ᬯᬸᬲ᭄ᬘᬸᬫᬤᬂ᭞ᬦᬸᬮ᭄ᬬᬳᬶᬤᬕ᭄ᬮᬶᬲ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬮᭀᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬲᬮᬄᬲᭂᬗ᭄ᬕᬸᬄ᭞ᬳᬶᬗ᭄ᬕᬶᬄ [ 170 ][᭑᭖᭙ 169B]
᭑᭖᭙
ᬤᬾᬯᬲᬧᬲᬶᬭ᭞ᬮᬶᬦ᭄ᬢᬂᬧ᭄ᬓᬶᬓ᭄᭞ᬲ᭄ᬯᬪᬵᬯᬦᬾᬲᬸᬫ᭄ᬮᬧ᭄ᬕᬮᬂ᭟᭒᭘᭟ᬲᬂᬳᬦᭀᬫ᭄ᬫᬢᬹᬃᬳᬸᬦᬶᬗ᭞ᬢᬶᬢ᭄ᬬᬂᬭᬤᬾᬦ᭄ᬥᬃᬫ᭄ᬫᬶᬓᬳᬚᬶ᭞ᬧᬸᬢᬺᬲᬓᬶᬂᬮᬾᬱᬦ᭄ᬧᬸᬭ᭞ᬳᬶᬗ᭄ᬕᬶᬄᬓ᭄ᬭᬡᬢᬶᬢ᭄ᬬᬂᬭᬯᬸᬄ᭞ᬫᬗ᭄ᬕᬸᬄᬤᬸᬄᬓᬶᬢᬭᬶᬂᬳᬮᬲ᭄᭞ᬢᬶᬢ᭄ᬬᬂᬧᬮᬶᬂ᭞ᬫᬩᬩᬸ
ᬭᬸᬢᬦ᭄ᬳᭀᬮᬶᬳ᭟᭒᭙᭟ᬧᬗᬶᬭᬶᬗᬾᬲᬫᬶᬳᬶᬘᬮ᭄᭞ᬓᬩᬾᬄᬢᬦᬵᬦᬓᬧᬗ᭄ᬕᬶᬄ᭞ᬭᬶᬂᬢ᭄ᬮᭂᬗᬶᬂᬓᬦᬦᬓᬯᭀ᭠ᬢ᭄᭞ᬤ᭄ᬯᬦᬶᬂᬳᬦ᭄ᬢᬸᬓ᭄ᬮᬫᬶᬦ᭄ᬳᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬧᭂᬃᬦᬄᬳᬭᬶᬦ᭄ᬢᬶᬢ᭄ᬬᬂ᭞ᬢᬦ᭄ᬓᬧᬗ᭄ᬕᬶᬄ᭞ᬧᬸᬦᬶᬓᬦᬾᬓᬋᬋᬄᬢᬶᬢ᭄ᬬᬂ᭟᭓᭐᭟
ᬲ᭄ᬬᬂᬭᬢ᭄ᬭᬶᬫᬦᬸᬗ᭄ᬕᬂᬓᬸᬤ᭞ᬓᬕᬾᬢ᭄ᬫᬗ᭄ᬕᬸᬄᬓᬤᬶᬫᬗ᭄ᬓᬶᬦ᭄᭞ᬳᬶᬭᬶᬓᬶᬢᬶᬢ᭄ᬬᬂᬫᬗᭀᬚᭀᬕ᭄᭞ᬲᬶᬗ᭄ᬕᬶᬄᬭᬢᬸᬤᬾᬯᬧ᭄ᬭᬪᬸ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬩᬱ᭞ᬭᬢᬸᬲᬫᬶ᭞ᬦᬵᬕᬭᬦᬧᬶᬯᬲ᭄ᬢᬦ᭄ᬜ᭟᭓᭑᭟ᬧ᭄ᬭᬪᬸᬫᬬᬹᬭᬫᬦᬗ᭄ᬕᬮ᭄᭞ᬩᬧ
ᬦᬾᬗᭀᬤᬕ᭄ᬥᬶᬦᬶ᭞ᬓᬱ᭄ᬝᬯᬭᬶᬂᬚᬕᬢ᭄ᬫᬬᬹᬭ᭞ᬫᬦ᭄ᬤᬪᬕ᭄ᬬᬜ᭄ᬦᭂᬂᬭᬢᬸ᭞ᬦᭀᬭᬫᬲᭂᬦ᭄ᬢᬦᬮᬦᬂ᭞ᬯᬾᬦ᭄ᬢᭂᬦ᭄‌‌ᬇᬲ᭄ᬢ᭄ᬭᬶ᭞ᬲᬫ᭄ᬢᭀᬦ᭄ᬳᬶᬤᬾᬯᬲᬶᬦᬸᬗ᭄ᬕᬮ᭄᭟᭓᭒᭟ᬪᬕ᭄ᬬᬦ᭄ᬩᬧᬦᬾᬫᬦᭂᬓ᭞ᬳᬾᬗ᭄ᬕᬮ᭄ᬯᬦ᭄ᬢᬄᬘ᭄ᬦᬶᬂᬧ᭄ᬭᬧ᭄ᬢᬶ᭞ᬲᬓᬶᬂᬤᬷᬩᬶ

[᭑᭗᭐ 170A]
᭑᭗᭐
ᬲᬂᬤ᭄ᬬᬄᬳᬦᭀᬫ᭄᭞ᬫᬦ᭄ᬤᬸᬮᬫᬾᬯ᭄ᬯᬂᬮᬦᬂᬳᬶᬓᬸ᭞ᬢᬗᬶᬲᬾᬢᬦ᭄ᬧᬧᬸᬢᬸᬲᬦ᭄᭞ᬓᬧᬗ᭄ᬕᬶᬳᬶᬦ᭄᭞ᬭᬵᬦᬓ᭄ᬭᬶᬂᬚ᭄ᬭᭀᬦᬶᬂᬲᬸᬫ᭄ᬧ᭄ᬦᬵ᭟᭓᭓᭟ᬬᬦ᭄ᬢᬦ᭄ᬳᬶᬤᬾᬯᬢᬸᬮᬸᬲ᭄᭞ᬲ᭄ᬯᬾᬘ᭄ᬙ᭞ᬦᬸᬤᬸᬓ᭄ᬩᬧᬦᬦᬾᬚᬦᬶ᭞ᬚ᭄ᬦᭂᬗᬂᬩᬧᬓᬧ᭄ᬭᬪᭀᬦ᭄᭞ᬳᬶᬭᬶ
ᬗᬭᬶᬂᬲᬂᬥ᭄ᬬᬄᬲᬸᬗ᭄ᬲᬸᬢ᭄᭞ᬳᬶᬤᬾᬯᬫᬚᬢᬸᬓ᭄ᬭᬫ᭞ᬭᬶᬂᬢ᭄ᬯᬦ᭄ᬧᬸᬢ᭄ᬭᬶ᭞ᬲ᭄ᬫᬭᬢᬾᬚᬸᬦ᭄ᬓᬂᬦᬵᬫ᭟᭓᭔᭟ᬲᬂᬩᬕᬸᬲ᭄ᬫᬳᬢᬹᬃᬲᭂᬫ᭄ᬩᬄ᭞ᬩᬾᬜ᭄ᬚᬂᬧᬸᬗ᭄ᬓᬸᬃᬢᬶᬢ᭄ᬬᬂᬗᬶᬭᬶᬂ᭞ᬫᬗ᭄ᬓᬶᬦ᭄ᬓᬭᬶᬢᬶᬢ᭄ᬬᬂᬗᬦ᭄ᬢᭀᬲ᭄᭞ᬳᬭᬶᬦ᭄ᬢᬶᬢ᭄ᬬᬂᬤᬸᬭᬸᬂᬭᬯᬸᬄ᭞ᬢᬦ᭄ᬓᬧᬗ᭄ᬕᬸᬄ᭠
ᬭᬶᬂᬓᬦᬦ᭞ᬢᬍᬃᬧᬮᬶᬂ᭞ᬦᬵᬫᬭᬵᬤᬾᬦ᭄ᬳᬸᬤ᭄ᬬᬵᬢ᭄ᬫᬶᬓ᭟᭓᭕᭟ᬢᬶᬢ᭄ᬬᬂᬫᬶᬚᬶᬮ᭄ᬯᬦ᭄ᬢᬄᬓᭂᬫ᭄ᬩᬃ᭞ᬮᬓᬶᬮᬓᬶᬲᬋᬂᬓᬮᬶᬄ᭞ᬮᬾᬤᬂᬭᬢᬸᬧᬘᬂᬗᬦ᭄ᬢᭀᬲ᭄᭞ᬫᬗ᭄ᬤᬳᬭᬶᬦ᭄ᬢᬶᬢ᭄ᬬᬂᬫᬗ᭄ᬕᬸᬄ᭞ᬭᬶᬂᬧᬚᬢᬸᬓ᭄ᬭᬫᬦ᭄ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬅᬫ᭄ᬧᬹ
ᬭᬧᬶᬦᬸᬦᬲ᭄ᬢᬶᬢ᭄ᬬᬂ᭟᭓᭖᭟ᬧ᭄ᬭᬪᬸᬫᬬᬹᬭᬫᬵᬢᬹᬢᬂ᭞ᬩᬳᬸᬤᬦ᭄ᬤᬦᬾᬜᬯᬸᬭᬶᬦ᭄᭞ᬬᬾᬦ᭄ᬭᬢᬸᬓᬭᬶᬫᬜᬦ᭄ᬢᭀᬲ᭄᭞ᬲᬂᬤᬾᬯᬶᬮᬶᬦ᭄ᬢᬂᬳᬸᬮᬗᬸᬦ᭄᭞ᬲᬶᬦᬄᬓᬸᬭᬸᬳᬦ᭄ᬢᬸᬓ᭄ᬮᬫ᭞ᬫᬗᬦ᭄ᬢᭀᬲᬶᬦ᭄᭞ᬓᬮᬶᬗ᭄ᬓᬾᬲᬵᬫ᭄ᬧᬸᬦ᭄ᬓᬧ᭄ᬬᬃ [ 171 ][᭑᭗᭐ 170B]
᭑᭗᭐
ᬱᬵ᭟᭓᭗᭟ᬬᬾᬦ᭄ᬧᬵᬢᬹᬢ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬩ᭄ᬘᬶᬓ᭄ᬋᬋᬄᬦᬦᬾᬫᬗ᭄ᬓᬶᬦ᭄᭞ᬳᬭᬶᬦᬾᬳᬶᬗ᭄ᬕᬶᬄᬲᬂᬳᬦᭀᬫ᭄᭞ᬳᬢᬕ᭄ᬩᬮᬧᬾᬓᬦ᭄ᬭᬢᬸ᭞ᬜ᭄ᬮᬓ᭄ᬱᬓᬶᬦ᭄ᬭᬶᬂᬯᬦᬯᬰ᭞ᬫᬗ᭄ᬤᬤᬶᬕ᭄ᬮᬶᬲ᭄᭞ᬧ᭄ᬯᬭᬗᬦ᭄ᬳᬶᬤᬳ᭄ᬬᬦᬓ᭄᭟᭓᭘᭟ᬲᬂᬧ᭄ᬭᬪᬸᬫᬮᬶᬄ
ᬗᬦ᭄ᬤᬶᬓ᭞ᬧᬵᬢᬹᬢ᭄ᬓᬤᬶᬳᬸᬚᬃᬧᬢᬶᬄ᭞ᬢᬶᬗ᭄ᬓᬄᬗᬺᬋᬄᬮ᭄ᬯᬶᬃᬫᬩᭀᬭᭀᬲ᭄᭞ᬩᬾᬜ᭄ᬚᬂᬲ᭄ᬫᭂᬂᬳᬧᬂᬓᬸᬫ᭄ᬧᬸᬮ᭄᭞ᬤᬶᬩᬜ᭄ᬘᬶᬗᬄᬦ᭄ᬤᬕ᭄ᬲᬹᬃᬬ᭄ᬬ᭞ᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ᬩᬧᬧᬢᬶᬄᬫᬗᬾᬜ᭄ᬘᬓᬂ᭟᭓᭙᭟ᬤᬾᬦᬶᬂᬲᬵᬫ᭄ᬧᬸᬦ᭄ᬯᬸᬲ᭄‌‌ᬢᬶᬫᬶᬭ᭞ᬩᬸᬤ
ᬮ᭄ᬩᬧᬦᬦᬾᬫᬗ᭄ᬓᬶᬦ᭄᭞ᬯᬷᬭᬫᬦ᭄ᬢ᭄ᬭᬶᬦᬾᬫᬓᬯᭀᬦ᭄᭞ᬫᬧᬫᬶᬢ᭄ᬭᬶᬂᬲᬂᬧ᭄ᬭᬪᬹ᭞ᬫᬶᬚᬶᬮ᭄ᬲᬓᬶᬂᬚ᭄ᬭᭀᬓᬥᬢ᭄ᬯᬦ᭄᭞ᬯᬢᭂᬓ᭄ᬫᬦ᭄ᬢ᭄ᬭᬶ᭞ᬫᬗᬶᬗᭂᬢᬶᬦ᭄ᬧᬸᬭᬶᬲ᭄ᬯᬂᬲ᭄ᬯᬂ᭟᭔᭐᭟ᬫᬯᬦ᭄ᬢᬸᬦ᭄‌‌ᬘᬭᬶᬢᬦᬾᬓᭀᬘᬧ᭄᭞ᬩᬩᬯᭀᬲᬾᬭᬶᬂᬚ᭄ᬭᭀᬧᬸᬭᬶ᭞
ᬯᬦᬶᬣᬦᬶᬂᬧᬸᬭᬶᬋᬓᭀ᭞ᬗᬢᬹᬭᬂᬧᬦᬫ᭄ᬬᬸᬲᬵᬫ᭄ᬧᬸᬦ᭄᭞ᬢᭂᬢᭂᬧ᭄‌‌ᬮ᭄ᬯᬶᬃᬢᬢᬦᬶᬂᬦᬵᬣ᭞ᬭᬹᬓ᭄ᬫᬫᬡᬷᬓ᭄᭞᭠ᬧ᭄ᬭᬗ᭄ᬓᬢᬦ᭄ᬲᬭᬚᬬᭀᬕ᭄ᬬ᭟᭔᭑᭟ᬓᬩ᭄ᬬᬬᬳᭀᬃᬣᬶᬭᬶᬂᬧᬸᬭ᭞ᬧᬜ᭄ᬚ᭄ᬭᭀᬯᬦ᭄ᬧᬥᬧᬩᬶᬲᬶᬓ᭄᭞ᬫᬗᬸᬘᬧᬂ᭠

[᭑᭗᭑ 171A]
᭑᭗᭑
ᬢ᭄ᬯᬄᬲᬂᬳᬦᭀᬫ᭄᭞ᬳᭂᬦ᭄ᬢᭀᬫᬵᬤᬦ᭄ᬩᬕᬸᬲ᭄ᬫᬦ᭄ᬭᬸᬲ᭄᭞ᬤᬶᬧᬤᬢᭀᬂᬳᬤᬧᬥ᭞ᬩᬕᬸᬲ᭄ᬕᭂᬜ᭄ᬚᬶᬂ᭞ᬧᬧᬘᬗᬦ᭄ᬳᬶᬤᬲᬂᬤ᭄ᬬᬄ᭟᭔᭒᭟ᬭᬤᬾᬦ᭄ᬤᬾᬯᬶᬫᬗ᭄ᬭᬸᬧᬢ᭞ᬯᬳᬸᬫᬶᬋᬂᬯ᭄ᬯᬂᬧᬩᬶᬲᬶᬓ᭄᭞ᬓᬓᬩᬬᬦ᭄ᬲᬚᬓᬾᬢᭀ᭞ᬯ᭄ᬯᬂ
ᬚ᭄ᬭᭀᬦᬾᬲᬯᬸᬃᬕᬸᬬᬸ᭞ᬗ᭄ᬕᬶᬄᬯ᭄ᬬᬓ᭄ᬢᬶᬧᬂᬢᬶᬢ᭄ᬬᬂᬩᬗ᭄ᬓᬵ᭞ᬤᬸᬭᬸᬂᬫᬗ᭄ᬕᬶᬄ᭞ᬳᬦ᭄ᬢᬸᬓ᭄ᬩᬕᬸᬲ᭄ᬳᭂᬗᭀᬦ᭄ᬢᬶᬢ᭄ᬬᬂ᭟᭔᭓᭟ᬯᬳᬸ᭠ᬫ᭄ᬬᬃᬱᬕᬤᬓ᭄ᬳᬸᬬᬂ᭞ᬓ᭄ᬧᭂᬳᬦ᭄ᬳᭀᬃᬣᬦᬾᬧᬱ᭄ᬝᬶ᭞ᬕᬺᬩ᭄ᬬᬕ᭄‌‌ᬕᬺᬩ᭄ᬬᬸᬕ᭄ᬭᬶᬂᬧᬢᬸᬭᭀᬦ᭄᭞ᬗᬚᬧ᭄ᬳᬚᬧ᭄ᬧᬂᬓᬘᬸᬦ᭄ᬤᬸᬓ᭄
᭞ᬫᬜᬭ᭄ᬯᬂᬳᬶᬤᬓᬚᬩ᭞ᬫᬦᬶᬜ᭄ᬚᭀᬯᬶᬦ᭄᭞ᬫᬦᬸᬳᬸᬢ᭄ᬳᬸᬘᬧ᭄ᬳᬶᬩᬬᬦ᭄᭟᭔᭔᭟ᬗᬶᬦ᭄ᬢᬾᬗᭂᬫ᭄ᬩᬦ᭄ᬫᬗᬶᬭᬶᬗᬂ᭞ᬜ᭠ᬭᬸᬜᬭᬸᬫᬚᬂᬰᬰᬶᬄ᭞ᬫᬲᬶᬗᬶᬤᬦ᭄ᬳᬶᬤᬋᬓᭀ᭞ᬓᭀᬘᬧ᭄ᬢᬫ᭄ᬩᬦ᭄ᬳᬶᬤᬭᬯᬸᬄ᭞ᬲᬂᬢᬫ᭄ᬯᬶᬲ᭄ᬥᭂᬓ᭄‌‌ᬗ᭄ᬭᬬᬸᬦᬂ᭞ᬭᬤᬾᬦ᭄ᬤᬾ
ᬯᬶ᭞ᬫᬳᬮᬶᬗᬦ᭄ᬲ᭄ᬓᬃᬰᬶᬦ᭄ᬯᬫ᭄᭟᭐᭚ᬧᬸᬧᬸᬄᬰᬶᬦᭀᬫ᭄᭚᭑᭟ᬩᬯᬄᬓᬂᬕᬶᬦᭀᬱ᭄ᬝᬶᬦᬶᬭ᭞ᬲᬶᬭᬂᬧ᭄ᬭᬪᬸᬓᬮᬶᬄᬢᬫ᭄ᬯᬶ᭞ᬫᬗᬦ᭄ᬗᬶᬦᬸᬫ᭄ᬲᬃᬯ᭄ᬯᬶᬳᬾᬦᬓ᭄᭞ᬭᬬᬸᬦᬦ᭄ᬲᬃᬯ᭄ᬯᬉᬢ᭄ᬢᬫᬶ᭞ᬫᬶᬯᬄᬲᬃᬯ᭄ᬯᬨᬮᬫᬦᬶᬲ᭄᭞ᬧ᭄ᬭᬪᬸᬫᬬᬹᬭ [ 172 ][᭑᭗᭑ 171B]
᭑᭗᭑
ᬫᬯᬸᬯᬸᬲ᭄᭞ᬫᬭᬶᬂᬯᬦᬶᬣᬧᬗᬬᬄ᭞ᬳᬢᬹᬭᬶᬦ᭄ᬭᬳᬤᬾᬦ᭄ᬤᬾᬯᬶ᭞ᬫᬗ᭄ᬤᬫ᭄ᬢᬸ᭞ᬓᬧᬗ᭄ᬕᬸᬄᬭᬶᬂᬭᬓᬦ᭄ᬳᬶᬤ᭟᭒᭟ᬲᬗᬶᬦᬸᬢᬸᬲ᭄ᬫᬗᬶᬫᬗᬂ᭞ᬢᬗ᭄ᬓᬶᬮ᭄ᬫᬭᬶᬂᬭᬤᬾᬦ᭄ᬤᬾᬯᬶ᭞ᬲᬂᬤᬾᬯᬶᬫ᭄ᬬᬵᬃᬱᬤᬸᬫᬸᬦᬦ᭄᭞ᬳᬕ᭄ᬮᬶᬲ᭄‌‌ᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬗᬶᬦ᭄ᬢᬾᬗᭂᬫ᭄ᬩ
ᬦ᭄ᬦᬾᬫᬗᬶᬭᬶᬂ᭞ᬳᬸᬢᬸᬲᬦᬾᬕ᭄ᬮᬶᬲ᭄ᬓᬘᬸᬦ᭄ᬤᬸᬓ᭄᭞ᬭᬭᬶᬲ᭄ᬫᬵᬢᬹᬃᬭᬶᬂᬚᭂᬂᬳᬶᬤ᭞ᬲᬶᬗ᭄ᬕᬶᬄᬭᬢᬸᬓᬤᬶᬭᬣᬶᬄ᭞ᬫᬗ᭄ᬤᬭᬯᬸᬄ᭞᭠ᬳᬶᬤᬾᬯᬳᬦᬭᬶᬂᬚᬩ᭟᭓᭟ᬳᬶᬩᬸᬳᬚᬶᬫᬦᬸᬤᬸᬳᬂ᭞ᬜᬧᬳᬶᬤᬲᬂᬳᬧ᭄ᬓᬶᬓ᭄᭞ᬦᭀᬭᬮ᭄ᬬᬦ᭄ᬯᬦ᭄ᬢᬄᬧᬸᬦᬶᬓ᭞ᬳᬶᬓᬂ
ᬳᬶᬦᬧᬾᬲᬂᬤᬾᬯᬶ᭞ᬲᬶᬗ᭄ᬕᬶᬄᬧᬸᬦᬶᬓᬯᬸᬲ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬤᬾᬯᬶᬲᬯᬸᬃᬓ᭄ᬜᬸᬂ᭞ᬦᬄᬩᬋᬂᬦᬶᬭᬳᬦ᭄ᬢᭀᬲᬂ᭞ᬦᬶᬭᬫᬓᬶᬭᬾᬦᬾᬫᬗ᭄ᬓᬶᬦ᭄᭞ᬧᬋᬂᬭᬯᬸᬄ᭞ᬳᬶᬭᬶᬗᬂᬳᬚᬓ᭄ᬫᬓ᭄ᬚᬂ᭟ᬤᬳᬢ᭄ᬳᬶᬤᬫᬜᬥ᭄ᬬᬬᬂ᭞ᬓᬧᬗ᭄ᬕᬶᬄᬭᬤᬾᬦ᭄ᬤᬾᬯᬶ᭞ᬢᬸᬫᬸᬮᬶ᭠
ᬫᬦᬦ᭄ᬤᬂᬧᬳ᭄ᬬᬲ᭄᭞ᬓᬓᬳᬶᬜᬫᬫᬳ᭄ᬬᬲᬶᬦ᭄᭞ᬳᬦ᭄ᬢᬸᬓ᭄ᬲ᭄ᬓᬃᬲᬃᬯ᭄ᬯᬯᬗᬶ᭞ᬧᬢᬳᬾᬕᭂᬫ᭄ᬧᬸᬓ᭄‌‌ᬮ᭄ᬯᬶᬃᬯᬓᬸᬮ᭄᭞ᬫᬲᬸᬫ᭄ᬧᬂᬢᬸᬜ᭄ᬚᬸᬗᬾᬧᬶᬢ᭞ᬫᬕᬕᬦ᭄ᬤᬦ᭄ᬲᬃᬯ᭄ᬯᬯᬗᬶ᭞ᬮᬶᬦ᭄ᬢᬂᬳᬬᬸ᭞ᬧᬸᬲᬸᬗᬾᬍᬄᬢᬸᬃᬫᬍᬜᬤ᭄᭟᭕᭟ᬚ᭄ᬦᬸᬳᬾ

[᭑᭗᭒ 172A]
᭑᭗᭒
ᬫᬮᬶᬦ᭄ᬢᬂᬳᬲᬢ᭄᭞ᬫᬢᭂᬮ᭄ᬢᭂᬮ᭄ᬧᬸᬧᬸᬢ᭄ᬫᬘᬺᬫᬶ᭞ᬳᬫ᭄ᬩᬸᬯᬗᬶᬫᬳᬶᬫ᭄ᬧᬸᬕᬦ᭄᭞ᬲᬺᬩᬸᬓ᭄ᬫᬲᬾᬧᬓᬜᬶᬢ᭄ᬜᬶᬢ᭄᭞ᬲ᭄ᬮᬾᬦ᭄ᬤᬂᬳᬭᬂᬲᬸᬢ᭄ᬭᬯᬶᬮᬶᬲ᭄᭞ᬘᬃᬫ᭄ᬫᬦᬾᬓᬸᬦᬶᬂᬓᬤᬸᬮᬸ᭞ᬫᬕᬢ᭄ᬭᬢᬸᬂᬢᬸᬗᬶᬂᬦ᭄ᬭᭀᬚ᭞ᬳᬲ᭄ᬫᬸᬩᬂᬮ᭄ᬯᬶᬃᬦᬂᬢᬗᬶᬦ᭄᭞ᬭ
ᬕᬕᭂᬫᬸᬄ᭞ᬲᬸᬲᬸᬭᬸᬧᬶᬢ᭄ᬜᬗ᭄ᬓᬶᬄᬜᬮᬂ᭟᭖᭟ᬍᬫ᭄ᬩᬸᬂᬍᬫ᭄ᬩᬸᬢ᭄ᬫᬕᬾᬮᭀᬳᬦ᭄᭞ᬗᬲᭀᬭᬂᬳᭂᬫ᭄ᬩᬸᬂᬧ᭄ᬭᬶᬂᬕᬥᬶᬂ᭞ᬫᬥ᭄ᬬᬭᬫ᭄ᬧᬶᬂᬳᬤᭂᬕ᭄ᬮᬜ᭄ᬚᬃ᭞ᬲᬲ᭄ᬫᬶᬢᬦᬾᬮ᭄ᬯᬶᬃᬕᭂᬡ᭄ᬥᬶᬲ᭄᭞ᬫᬯᬲ᭄ᬢ᭄ᬭᬲᬸᬢ᭄ᬭᬢᬗᬶ᭞ᬫᬘᬯᬶᬩᬵᬦ᭄ᬯᬾᬢᬢᬸᬃ᭞ᬯ᭄ᬢᬶᬲᬾᬜᬮᬂ
ᬫᬫᬸᬤᬓ᭄᭞ᬯᬶᬫ᭄ᬩᬦᬾᬗᬲᭀᬭᬂᬰᬰᬶᬄ᭞ᬬᬦ᭄ᬫᬦ᭄ᬥᬸᬮᬸ᭞ᬮᬜ᭄ᬘᬶᬧ᭄ᬳᬮᬄᬢᬚᬶᬧᬗᬦ᭄᭟᭗᭟ᬢᬃᬚ᭄ᬚᬦᬾᬢᬚᭂᬧ᭄ᬫᬍᬜᬤ᭄᭞ᬗᬲᭀᬭᬂᬓᬫ᭄ᬧᬶᬤᬶᬂᬲ᭄ᬭᬶᬡ᭄ᬥᬶᬢ᭄᭞ᬮᬝᬶᬦᬾᬜᬮᬂᬘ᭄ᬧᬶᬮᬦ᭄᭞ᬧᬸᬧᬸᬢ᭄ᬧᬓᬶᬭᬾᬦᬾᬫᬗ᭄ᬓᬶᬦ᭄᭞ᬧ
ᬭᬳᬶᬜᬦᬾᬫᬗᬶᬭᬶᬂ᭞ᬮ᭄ᬯᬶᬃᬕᬥᬶᬂᬕᬥᬶᬂᬳᬫ᭄ᬢᬸ᭞ᬫᬗᬶᬭᬶᬗᬂᬲᬂᬳᬬᬸᬤ᭄ᬬᬄ᭞ᬫᬓᭂᬩ᭄ᬬᬄᬓᬤᬶᬭᬢᬶᬄᬫᬶᬚᬶᬮ᭄᭞᭠ᬦᬸᬤᬸᬢ᭄ᬓᬬᬸᬦ᭄᭞ᬲᬂᬲᬸᬫᬫᬦᬫ᭄ᬧᬘᬦᬂ᭟᭘᭟ᬲᬓᬶᬂᬳᬤᭀᬄᬫᬗᬯᬲᬂ᭞ᬢᬦ᭄ᬫᬭᬶᬫᬗᬥᬸᬅᬓ᭄ᬱᬶ᭞ᬓᬤᬶᬧ [ 173 ][᭑᭗᭒ 172B]
᭑᭗᭒
ᬓᭀᬢᬾᬓᬶᬂᬓᬶᬮᬢ᭄᭞ᬫᬓᭂᬩ᭄ᬬᬓ᭄ᬳᬶᬦᬩ᭄ᬦᬢᬸᬦᬶᬦ᭄᭞ᬲᬮᬶᬂᬳᬯᬲ᭄ᬲᬮᬶᬂᬮᬶᬂᬮᬶᬂ᭞ᬮ᭄ᬯᬶᬃᬳᬬᬫ᭄ᬯᬶᬓᬦ᭄ᬫᬚᬸᬮᬸ᭠ᬓ᭄᭞ᬫᬯᭂᬯᭂᬄᬳᬍᬧᬶᬂᬤᬫᬃ᭞ᬲᬂᬤ᭄ᬬᬄᬫᬗᬶᬗᭂᬢᬶᬂᬳᬢᬶ᭞ᬩᬦᬶᬢᬓᬸᬢ᭄᭞ᬤᬤᬮᬶᬳᬦᬾᬭᬶᬂᬳᬶᬧ᭄ᬬᬦ᭄᭟᭙᭟ᬫ
ᬚᬤᭂᬂᬲᬬᬦ᭄ᬦᭂᬲᭂᬓᬂ᭞ᬲᬂᬤᬾᬯᬶᬲᬯᬂᬓᬩᬶᬮ᭄ᬩᬶᬮ᭄᭞ᬮ᭄ᬯᬶᬃᬓᬲᭀᬭᬦ᭄ᬓᬯᬶᬪᬵᬯᬦ᭄᭞ᬳᬸᬤᭂᬧ᭄ᬢᬶᬗᬮ᭄ᬲ᭄ᬫᬸᬚ᭄ᬗᬶᬲ᭄᭞ᬫᬦᬄᬢᬸᬭᬶᬤᬦᬾᬯ᭄ᬥᬶ᭞ᬓᬩᬢᭂᬓ᭄ᬫᬦᬳᬾᬓᬶᬫᬸᬤ᭄᭞ᬩᬳᬸᬚᬕᬫᬲᭀᬘᬧᬦ᭄᭞ᬓᬓ᭄ᬢᭂᬕ᭄ᬩᬬᬸᬦᬾᬦᬶ᭠
ᬢᬶᬃ᭞ᬮᬶᬦ᭄ᬢᬂᬳᬶᬩᬸᬓ᭄᭞ᬢᬦ᭄ᬫᬭᬶᬗᭂᬚᭀᬳᬂᬢᬶᬗᬮ᭄᭟᭑᭐᭟ᬫᬦᬶᬲ᭄ᬧᬗᬸᬘᬧᬾᬲᬂᬤ᭄ᬬᬄ᭞ᬫᬜᬧᬲᬂᬯᬳᬸᬧ᭄ᬭᬧ᭄ᬢᬶ᭞ᬩ᭄ᬮᬶᬩᬕᬸᬲ᭄‌‌ᬗ᭄ᬕᬶᬄᬯᬯᬸᬧ᭄ᬭᬧ᭄ᬢ᭞ᬢᬸᬫᭂᬤᬸᬦ᭄ᬲᬗᬦᭀᬫ᭄ᬳᬕ᭄ᬮᬶᬲ᭄᭞ᬜᬫ᭄ᬩᬸᬢ᭄‌‌ᬢᬗᬦᬾᬲᬂᬤᬾᬯᬶ᭞ᬳᬲᬮᬫ
ᬦ᭄ᬗᬥᬸᬓ᭄ᬜᬸᬂ᭞ᬲᬂᬩᬕᬸᬲ᭄ᬳᬮᭀᬦ᭄ᬫᬦᬗ᭄ᬕᬮ᭄᭞ᬗᬢᬾᬮ᭄ᬢᬾᬮ᭄ᬮᬢᬶᬦᬾᬓᬮᬶᬲ᭄᭞ᬓᬤᬶᬚᬸᬭᬸᬄ᭞ᬓᬢᬶᬦ᭄ᬤᬶᬳᬦ᭄ᬲᬮᭀᬥᬓ᭟᭑᭑᭟ᬯᬳᬸᬲᭀᬭᬾᬢᬶᬢ᭄ᬬᬂᬧ᭄ᬭᬧ᭄ᬢ᭞ᬓᬩᬩᬲ᭄ᬢᬶᬩᬵᬇᬭᬶᬓᬶ᭞ᬧᬮᬶᬂᬢᬶᬢ᭄ᬬᬂᬭᬶᬂᬓᬦᬵᬦ᭞ᬫᬩᬩᬸᬭᬸᬦ᭄ᬤᬢ

[᭑᭗᭓ 173A]
᭑᭗᭓
ᬦ᭄ᬳᭀᬮᬶᬄ᭞ᬯᬾᬦ᭄ᬢᭂᬦ᭄ᬳᬭᬶᬦ᭄ᬢᬶᬢ᭄ᬬᬂᬮᬓᬶ᭞ᬤᬸᬭᬸᬂᬯᬦ᭄ᬢᬄᬚ᭄ᬯᬓᬧᬗ᭄ᬕᬸᬄ᭞ᬭᬤᬾᬦ᭄ᬳᬸᬤ᭄ᬬᬢ᭄ᬫᬶᬓᬗᬭᬦ᭄᭞ᬓᬱ᭄ᬝᬯᬩᬕᬸᬲ᭄ᬭᬶᬂᬪᬹᬫᬶ᭞ᬲ᭄ᬯᬾᬘ᭄ᬙᬭᬢᬸ᭞ᬭᬶᬂᬢᬶᬢ᭄ᬬᬂᬓᬯ᭄ᬮᬲᬵᬃᬱ᭟᭑᭒᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬦᬗ᭄ᬕᬮ᭄᭞ᬬᬾᬦ᭄ᬯᬦ᭄ᬢᬄᬭᬢᬸᬦᬕᬶᬗᬶ
ᬦ᭄᭞ᬜ᭄ᬦᭂᬂᬭᬶᬂᬚᬕᬢ᭄ᬫᬬᬹᬭ᭞ᬓᬲᬸᬂᬲᬸᬂᬭᬶᬂᬩᬮᬫᬦ᭄ᬢ᭄ᬭᬶ᭞ᬢᬦ᭄ᬪᬕ᭄ᬬᬦ᭄ᬢᬶᬢ᭄ᬬᬂᬦᬸᬫᬤᬶ᭞ᬢᬦᬵᬦᬲᬲᬦᬓ᭄ᬚᬮᬸ᭞ᬓ᭠ᬬᬸᬦ᭄ᬤᬾᬯᬲᬸᬂᬲᬸᬂᬢᬶᬢ᭄ᬬᬂ᭞ᬦᬩᭂᬳᬶᬦ᭄ᬚᬕᬢᬾᬤᬶᬦᬶ᭞ᬦᬢᬓ᭄ᬲᬯᬸᬃ᭞ᬲᬂᬩᬕᬸᬲ᭄ᬫᬗᬾᬓᬪᬵᬯ᭟᭑᭓᭟ᬲᬶᬦᬵᬫ᭄ᬧᬹᬭ
ᬳᬢᬹᬃᬢᬶᬢ᭄ᬬᬂ᭞ᬮᬾᬤᬂᬭᬢᬸᬫᬗᬦ᭄ᬢᭀᬲᬶᬦ᭄᭞ᬬᬾᬦ᭄ᬯᬸᬲ᭄ᬳᬭᬶᬦ᭄ᬢᬶᬢ᭄ᬬᬂᬧ᭄ᬭᬧ᭄ᬢᬵ᭞ᬭᬶᬓᬢᬶᬢ᭄ᬬᬂᬢ᭄ᬮᬲ᭄ᬫᬗᬶᬭᬶᬂ᭞ᬲᬂᬳᬬᬸᬫᬵᬢᬹᬃᬲᬶᬗ᭄ᬕᬶᬄ᭞ᬫᬥ᭄ᬬᬭᬢ᭄ᬭᬶᬦᬗ᭄ᬕᬮ᭄ᬲᬵᬫ᭄ᬧᬸᬦ᭄᭞ᬲᬂᬢᬫ᭄ᬯᬶᬓᬵᬢᬹᬭᬦ᭄ᬦᬶᬤ᭄ᬭ᭞ᬲᬂᬲᬸᬫᬭᬭᬶᬲ᭄ᬫᬧᬫᬶᬢ᭄᭞ᬧᬘᬮᬸᬩ᭄ᬘᬸ
ᬩ᭄᭞ᬧᬗᬶᬭᬶᬗᬾᬗᬧᬸᬭ᭄ᬬᬂ᭟᭑᭔᭟ᬭᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬫᬦᬶᬤ᭄ᬭ᭞ᬮᬶᬦ᭄ᬢᬂᬓᬸᬭᬸᬦᬾᬫᬫᬃᬕ᭄ᬕᬶ᭞ᬦᭀᬭᬯ᭄ᬭᬸᬄᬭᬶᬂᬧᬚᬕᬢᬦ᭄᭞ᬓᭀᬘᬧ᭄ᬲᬂᬳᬬᬸᬭᬶᬂᬧᬸᬭᬶ᭞ᬫᬕᬦ᭄ᬢᬸᬂᬕᬦ᭄ᬢᬸᬗᬶᬂᬓᬵᬧ᭄ᬢᬶ᭞ᬭᬱᬲᬸᬫ᭄ᬮᬧᬶᬂᬧᬦ᭄ᬤᬸᬮᬸ᭞ᬭᬵᬤᬾᬦ᭄ᬩᬕᬸᬲ᭄‌‌ᬰ᭄ᬭᬷᬥᬃ [ 174 ][᭑᭗᭓ 173B]
᭑᭗᭓
ᬫ᭄ᬫᬶᬓ᭞ᬕᬤᬓ᭄ᬳᬸᬬᬂᬭᬵᬤᬾᬦ᭄ᬤᬾᬯᬶ᭞ᬕᬺᬩ᭄ᬬᬕᬺᬩ᭄ᬬᬸᬕ᭄᭞ᬲᬯ᭄ᬗᬶᬢᬢᬦ᭄ᬧᬦᬶᬤ᭄ᬭ᭟᭑᭕᭟ᬧᬲ᭄ᬫᭂᬗᬦ᭄ᬳᭂᬦ᭄ᬤᬕ᭄ᬲᬹᬃᬬ᭄ᬬ᭞ᬯᬷᬭᬫᬦ᭄ᬢ᭄ᬭᬶᬦᬾᬯᬸᬲ᭄ᬫᬶᬚᬶᬮ᭄᭞ᬕᭂᬦ᭄ᬤᭀᬗᬦ᭄ᬲᬵᬫ᭄ᬧᬸᬦ᭄ᬢᬶᬦᭂᬧᬓ᭄᭞ᬩᬮᬧᬾᬓᬢ᭄ᬮᬲ᭄ᬧ᭄ᬭᬧ᭄ᬢᬶ᭞ᬲᭀᬮᬄᬮ᭄ᬯᬶᬃᬦᬗᬸᬦ᭄‌‌ᬚᬸ
ᬭᬶᬢ᭄᭞ᬲᬺᬕᭂᬧ᭄ᬲᬜ᭄ᬚᬢᬵᬢᬸᬃᬳᬸᬫᬸᬂ᭞ᬭᬭᬶᬲ᭄ᬮᬸᬫᬫ᭄ᬧᬄᬲᬕᬺᬳᬦ᭄᭞ᬯᬷᬭᬫᬦ᭄ᬢ᭄ᬭᬶᬦᬾᬗᭀᬋᬕᬶᬦ᭄᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂ᭞ᬢ᭄ᬧᬶᬲᬶᬭᬶᬗᬶᬂᬦᬵᬕᬭ᭟᭑᭖᭟ᬳᬾᬗ᭄ᬕᬮ᭄ᬮᬫ᭄ᬧᬳᬾᬤᬶᬫᬃᬕ᭄ᬕ᭞ᬧ᭄ᬭᬧ᭄ᬢᬭᬶᬂᬢ᭄ᬧᬶᬦᬶᬂᬉᬓᬶᬃ᭞ᬫᬗ᭄ᬭᬜ᭄ᬚᬶᬂᬭᬶᬂᬯᬦ
ᬯᬱ᭞ᬓᬓ᭄ᬯᬾᬳᬦ᭄‌‌ᬩᬸᬭᭀᬦᬾᬓ᭄ᬦᬶ᭞ᬢᬶᬕᬂᬥᬮᬸᬲ᭄ᬯᬾᬦᬾᬫᬗ᭄ᬓᬶᬦ᭄᭞ᬩᬮᬫᬬᬸᬭᬫᬩᬸᬭᬸ᭞ᬭᬳᬶᬦᬫᬾᬄ᭠ᬩᬚᭂᬕ᭄ᬲᬹᬃᬬ᭄ᬬ᭞ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬦᬸᬮᬶᬓ᭄ᬭᬸᬗᬸ᭞ᬳᭀᬮᬶᬄᬳᬶᬤᬰ᭄ᬭᬷᬥᬃᬫ᭄ᬫᬶᬓ᭟᭑᭗᭟ᬓᬕ᭄ᬬᬢ᭄ᬯᬳᬸᬫᬫ᭄ᬬᬵᬃ᭠
ᬱ᭞ᬫᬶᬯᬄᬧᬗᬶᬭᬶᬗᬾᬲᬫᬶ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬲᬶᬦᬄᬫᬸᬲᬸᬄᬩᬧᬧᬢᬶᬄ᭞ᬬᬢ᭄ᬦᬬᬢ᭄ᬦᬲᬋᬂᬲᬫᬶ᭞ᬧᬦᬄᬮᬗ᭄ᬓᬧ᭄ᬕᬫᭂᬮ᭄ᬳᬸᬯᬸᬲ᭄᭞ᬲ᭄ᬦᬤᬯᬸᬲ᭄ᬭᬶᬦᬗ᭄ᬲᬸᬓᬦ᭄᭞ᬫᬗᬋᬧᬂᬮᬦᬂᬇᬲ᭄ᬢ᭄ᬭᬶ᭞ᬬᬤᬶᬦ᭄ᬮᬫ᭄ᬧᬸᬲ᭄᭞ᬮᬫᬸᬦ᭄ᬢᬶᬦ᭄ᬤᬶᬄᬭᬶᬂᬲᬂ᭠

[᭑᭗᭔ 174A]
᭑᭗᭔
ᬦᬵᬣ᭟᭑᭘᭟ᬲᬬᬦ᭄ᬢᬫ᭄ᬧᭂᬓᬦᬂᬲᬹᬃᬬ᭄ᬬᬓ᭄᭞ᬲᬂᬧ᭄ᬭᬪᬸᬮᬦ᭄ᬤᬦᬾᬧᬢᬶᬄ᭞ᬕᬦ᭄ᬤᬾᬯᬦᬾᬯᬸᬲ᭄ᬧᬶᬦᭂᬦ᭄ᬢᬂ᭞ᬓᬢᭀᬦ᭄ᬯᬤ᭄ᬯᬦᬶᬓᬸᬮ᭄ᬚᬭᬶᬂ᭞ᬳᬓ᭄ᬯᬾᬄᬳᬲᬸᬦᬾᬧᬩ᭄ᬮᭂᬲᬶᬢ᭄᭞ᬫᬗ᭄ᬢᬸᬢ᭄ᬩᬸᬭᭀᬦᬾᬫ᭄ᬮᬬᬸ᭞ᬩᬮᬕᬦᬓᬩᬾᬄᬲ᭄ᬗᬧ᭄᭞᭠
ᬚᬗ᭄ᬕᭂᬮ᭄ᬫᬗᬦ᭄ᬢᭀᬲ᭄ᬳᬶᬧᬢᬶᬄ᭞ᬯᬸᬲ᭄ᬓᬤᬸᬮᬸ᭞ᬲᬂᬳᬦᭀᬫ᭄ᬭᬶᬂᬢ᭄ᬮᭂᬗᬶᬂᬓᬦᬦ᭟᭑᭙᭟ᬯᬷᬭᬫᬦ᭄ᬢ᭄ᬭᬶᬦᬾᬗᬋᬧᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓᬳᬢᬹᬭᬶᬦ᭄᭞ᬳᭀᬮᬶᬄᬯᬤ᭄ᬯᬦᬾᬲᬸᬫᬸᬓ᭞ᬫᬶᬯᬄᬤᬦᬾᬕᬸᬲ᭄ᬢᬶᬧᬢᬶᬄ᭞ᬲᬵᬫ᭄ᬧᬸᬦ᭄ᬲᬫᬶᬫᬦᬫ᭄ᬧᭂᬓᬶᬦ᭄
ᬓᭀᬘᬧ᭄ᬳᬶᬤᬲᬂᬳᬩᬕᬸᬲ᭄᭞ᬳᬸᬭᬸᬂᬳᬶᬤᬫᭂᬦ᭄ᬢᬂᬧᬦᬄ᭞ᬤ᭄ᬯᬦᬶᬂᬤᬸᬤᬹᬓᬢᭀᬦ᭄ᬳᬭᬶ᭞ᬲᬃᬯ᭄ᬯᬶᬓ᭄ᬜᬸᬂ᭞ᬫᬗᬋᬧᬂᬕ᭄ᬮᬶᬲ᭄ᬳᬢᬜ᭟᭒᭐᭟ᬳᬾᬄᬲᬧᬓᬶᬢᬓᭀᬲᬧ᭞ᬓᬘᬸᬦ᭄ᬤᬸᬓ᭄ᬭᬶᬂᬯᬦᬕᬶᬭᬶ᭞ᬫᬳᬶᬭᬶᬗᬦ᭄ᬩᬮᬥᬶᬓ᭞ᬫᬲᬯᬸᬃᬤᬦᬾᬳᬶᬧᬢᬶᬄ
᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬸᬚᬵᬢᬶ᭞ᬧ᭄ᬭᬪᬹᬫᬬᬹᬭᬫᬗᬸᬤᬸᬄ᭞ᬜ᭄ᬮᬓ᭄ᬱᬓᬶᬦ᭄ᬭᬶᬂᬯᬦᬯᬱ᭞ᬳᬭᬶᬦᬾᬥᬃᬫ᭄ᬫᬶᬓᬳ᭠ᬚᬶ᭞ᬓᭀᬘᬧ᭄ᬩᬶᬗᬸᬂ᭞ᬫᬩᬩᬸᬭᬸᬭᬶᬂᬓᬦᬦ᭞᭒᭑᭟ᬓᭀᬘᬧ᭄ᬭᬤᬾᬦ᭄ᬳᬸᬤ᭄ᬬᬢ᭄ᬫᬶᬓ᭞ᬧᬦ᭄ᬮᬄᬳᬶᬤᬦᬭᬾᬦ᭄ᬤ᭄ᬭᬵᬭᬶ᭞ᬧᬸ [ 175 ][᭑᭗᭔ 174B]
᭑᭗᭔
ᬦᬶᬓᬲᬥ᭄ᬬᬬᬂᬢᬶᬢ᭄ᬬᬂ᭞ᬓ᭄ᬭᬡᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬲᬂᬳᬩᬕᬸᬲ᭄‌‌ᬗ᭄ᬭᬲᬾᬂᬳᬢᬶ᭞ᬗᬸᬫᬦ᭄ᬤᭂᬮᬂᬭᬶᬂᬲ᭄ᬯᬢᬦᬸ᭞ᬓᬲ᭄ᬯᬾᬦ᭄ᬳᬶᬤᬓᬧ᭄ᬦᭂᬢᬦ᭄᭞ᬲᬸᬫ᭄ᬮᬂᬭᬶᬂᬭᬳᬤᬾᬦ᭄ᬤᬾᬯᬶ᭞ᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬳᬶᬦ᭄ᬤᬬᬂᬩᬧᬢᬶᬗ᭄ᬕᬭᬂ᭟᭒᭒᭟ᬧᬢᬶᬄᬫᬬᬹᬭ
ᬗᬸᬦᬶᬗᬂ᭞ᬳᬶᬢᬶᬕᬂᬤᬶᬦᬯᬸᬲ᭄ᬧ᭄ᬭᬧ᭄ᬢᬶ᭞ᬲᬸᬭᬸᬧ᭄ᬲᬹᬃᬬ᭄ᬬᬦᬸᬗ᭄ᬕᬂᬓᬸᬥ᭞ᬭᬯᬸᬄᬳᬶᬤᬢᬦ᭄ᬧᬗᬶᬭᬶᬂ᭞ᬫᬗ᭄ᬓᬶᬦ᭄ᬯᬸᬲ᭄ᬳᬦᬭᬶᬂᬧᬸᬭᬶ᭞ᬓᬲᬗ᭄ᬕ᭄ᬭᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬭᬯᬸᬄᬳᬶᬤᬮ᭄ᬯᬶᬃᬢᬸᬤᬸᬳᬂ᭞ᬳᬦᬓ᭄ᬳᬶᬤᬓᬧ᭄ᬭᬶᬬᬢᬶᬦ᭄᭞ᬓᬧᬶᬮᬗᬸ᭞ᬫᬗ᭄ᬕᬸᬄᬮ
ᬓᬶᬭᬶᬂᬧᬗᬶᬧ᭄ᬬᬦ᭄᭟᭒᭓᭟ᬫᬧᬭᬩ᭄ᬭᬤᬾᬦ᭄ᬥᬃᬫ᭄ᬫᬶᬓ᭞ᬲᬫ᭄ᬧᬾᬳᬶᬤᬲ᭄ᬤᬶᬄᬓᬶᬗ᭄ᬓᬶᬂ᭞ᬯᬢᭂᬓ᭄ᬭᬢᬸᬲᬫᬶᬳᭀᬲᬄ᭞ᬓᬮᬶᬄᬳᬶᬤᬧ᭄ᬭᬪᬹᬮᬶᬗ᭄ᬲᬶᬃ᭞ᬫᬧᬸᬢ᭄ᬭᬳᬶᬤᬳᬲᬶᬓᬶ᭞ᬗᬭᬦ᭄‌‌ᬤ᭄ᬬᬄᬲ᭄ᬫᬭᬢᬾᬚᬸᬦ᭄᭞ᬳᬬᬸᬦᬾᬫᬗᬬᬂᬳᬬᬂ᭞ᬲᬂᬳᬶᬦ
ᬧ᭄ᬢᬶᬕ᭄ᬮᬶᬲᬦ᭄ᬧ᭄ᬭᬧ᭄ᬢᬶ᭞ᬓ᭄ᬭᬡᬦᬶᬧᬸᬦ᭄᭞ᬓᬹᬢᬸᬲ᭄ᬢᬶᬢ᭄ᬬᬂᬫᬭᬶᬂᬳᬮᬲ᭄᭟᭒᭔᭟ᬤ᭄ᬯᬦᬶᬂᬚᬕᬓᬯᬭᬗᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬫᬗᬶᬭᬶᬂ᭞ᬬᬦ᭄ᬢᬦ᭄ᬭᬯᬸᬄᬭᬳᬶᬦ᭄ᬳᬶᬤ᭞ᬓᭀᬘᬧ᭄ᬭᬶᬂᬳᬮᬲᬾᬧᬮᬶᬂ᭞ᬫᬶᬯᬄᬯᬤ᭄ᬯᬦᬾᬫᬗᬶᬭᬶᬂ᭞ᬲᬧᬸᬦᬶᬓᬓ᭄ᬭ

[᭑᭗᭕ 175A]
᭑᭗᭕
ᬡᬦ᭄ᬳᬶᬧᬸᬦ᭄᭞ᬲᬂᬩᬕᬸᬲ᭄ᬗᬸᬫᬦ᭄ᬤᭂᬮᬂ᭞ᬗᬦ᭄ᬤᬶᬓᬳᬭᬹᬫᬵᬫᬦᬶᬲ᭄᭞ᬳᬶᬗ᭄ᬕᬶᬄᬧᬵᬢᬹᬢ᭄᭞ᬢᬶᬢ᭄ᬬᬂᬯᬦ᭄ᬢᬄᬳᬭᬶᬦ᭄‌‌ᬳᬶᬤ᭟᭒᭕᭟ᬳᬶᬗ᭄ᬕᬶᬄᬢᬶᬢ᭄ᬬᬂᬦᭀᬭᬧᬜ᭄ᬚᬂ᭞ᬫᬦᬗ᭄ᬓᬶᬮ᭄ᬭᬯᬸᬄᬓᬧᬸᬭᬶ᭞ᬭᬶᬂᬳᬶᬤᬧ᭄ᬭᬪᬸᬫᬬᬸᬭ᭞ᬯᬤ᭄ᬯᬦᬾᬫᬢᬸᬧ᭄ᬢᬸ
ᬧ᭄ᬲᬫᬶ᭞ᬲᬕᬺᬳᬦ᭄ᬲᬫᬶᬫᬗᬶᬭᬶᬂ᭞ᬲᬂᬳᬦᭀᬫ᭄ᬭᬭᬶᬲ᭄ᬮᬸᬫᬓᬸ᭞ᬳᬸᬫᬸᬂᬲᬸᬃᬬ᭄ᬬᬓᬾᬭᬶᬂᬳᬮᬲ᭄᭞ᬢᬦ᭄ᬳᬸᬘᬧᬦ᭄ᬫᬭᬶᬂᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬳᬦᬭᬶᬂᬫᬬᬹᬭᬤᬾᬰ᭟᭒᭖᭟ᬕᬾᬕᬾᬃᬳᬸᬫᬸᬂᬭᬶᬂᬩᬜ᭄ᬘᬶᬗᬄ᭞ᬓᬕ᭄ᬬᬢ᭄ᬲᬳᬶᬲᬶᬦᬶᬂᬧᬸ
ᬭᬶ᭞ᬳᬶᬫᬂᬫ᭄ᬢᬸᬓᬚᬩᬬᬦ᭄᭞ᬫᬜᬥ᭄ᬬᬬᬂᬫᬗ᭄ᬤᬳᬸᬦᬶᬂ᭞ᬳᬲᬶᬂᬗᭂᬢᭀᬦ᭄ᬮᬶᬂᬮᬸᬂᬧᬮᬶᬂ᭞ᬓᬲᭀᬩ᭄ᬭᬶᬂᬳᬦᬓᬾᬩᬕᬸᬲ᭄᭞ᬦᭀᬭᬳᬾᬮᬶᬂᬫᬭᬶᬂᬳᬯᬓ᭄᭞ᬧᬦᬓ᭄‌‌ᬗᭂᬮᬶᬂᬢᬦ᭄ᬓᬢᭀᬮᬶᬄ᭞ᬮᬶᬦ᭄ᬢᬂᬮᬸᬮᬸᬢ᭄᭞ᬦᭀᬭᬳᬦᬫᬓᬶᬚᬧ
ᬦ᭄᭟᭒᭗᭟ᬯᬦᬾᬄᬳᬦᬜᬓᬶᬢ᭄ᬫᬦᬓ᭄᭞ᬓᬲ᭄ᬯᬾᬦ᭄ᬳᬶᬧᬸᬦ᭄ᬦᬦ᭄ᬤᬂᬲᬓᬶᬢ᭄᭞ᬩᬮ᭄ᬬᬦᬾᬲ᭄ᬥᭂᬓ᭄ᬫᬫᬦ᭄ᬢ᭄ᬭ᭞ᬫᬦᬸᬮᬸᬗᬶᬦ᭄ᬳᬦᬓ᭄ᬜᬓᬶᬢ᭄᭞ᬓᬕ᭄ᬬᬢ᭄ᬯᬯᬸᬫᬫᬶᬭᬕᬶ᭞ᬮᬮᬶᬗᭀᬦᬾᬓ᭄ᬫᬦ᭄ᬢ᭄ᬭᬦ᭄ᬦᬶᬧᬸᬦ᭄᭞ᬲᬂᬜᬓᬶᬢ᭄ᬭᬭᬶᬲ᭄ᬓᬢᬶᬗ᭄ᬕ [ 176 ][᭑᭗᭕ 175B]
᭑᭗᭕
ᬮ᭄᭞ᬓᬧᬲᬃᬜᬥ᭄ᬬᬫᬩᬮᬶᬄ᭞ᬫᬗ᭄ᬤᬫᬗ᭄ᬕᬸᬄ᭞ᬳᬦᬓᬾᬩᬕᬸᬲ᭄ᬭᬶᬂᬚᬩ᭟᭒᭘᭟ᬢᬦ᭄ᬓᬮᬶᬗᬸᬯ᭄ᬯᬂᬳᬫᬦᬓ᭄᭞ᬫᬫᬶᬲᬸᬄᬳᬦᬓᬾᬜᬓᬶᬢ᭄᭞ᬩᬸᬬᬸᬢ᭄ᬩᬮ᭄ᬬᬦ᭄‌‌ᬢᬦ᭄ᬧᬢ᭄ᬫᬄ᭞ᬳᬶᬦᬩ᭄ᬢᭀᬂᬢ᭄ᬭᬕ᭄ᬬᬦᬂᬓᬳᬶ᭞ᬢᬢ᭄ᬧᬶᬳᭀᬭᬄ
ᬬᬫᬕ᭄ᬤᬶ᭞ᬕ᭄ᬥᬾᬕ᭄ᬥᬾᬫ᭄ᬭᬶᬄᬲᬲᬦ᭄ᬢᬸᬦ᭄᭞ᬓᬮᬸᬤᬦ᭄ᬩᬳᬂᬫᬗᬫᬄ᭞ᬢᬸᬲᬶᬂᬳᬶᬩᬫᬗᭂᬦᭂᬳᬶᬦ᭄᭞ᬳᬤᬸᬄᬳᬤᬸᬄ᭞ᬧᬦᬓ᭄ᬜᬦᬾᬭᬭᬶᬲ᭄ᬮᭂᬓᬤ᭄᭟᭒᭙᭟ᬓᭀᬘᬧ᭄ᬳᬶᬤᬲᬂᬦᬵᬣ᭞ᬲᬋᬂᬢᬫ᭄ᬯᬶᬯᬳᬸᬫ᭄ᬬᬃᬱᬶ᭞ᬧᬋᬓᬦ᭄ᬯᬸᬲ᭄ᬫᬗ
ᬢᬹᬭᬂ᭞ᬧ᭄ᬭᬪᬸᬫᬬᬸᬭᬭᬭᬶᬲ᭄ᬫᬶᬚᬶᬮ᭄᭞ᬲᬶᬦᬋᬗᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮᬦ᭄ᬤᬾᬯᬶᬲ᭄ᬫᬭᬢᬾᬚᬸᬦ᭄᭞ᬦᬶᬜ᭄ᬚᭀᬲᬓᬶᬂᬚᬩᬢ᭄ᬗᬄ᭞ᬫᬳᬮᬶᬗᬦ᭄ᬳᬜ᭄ᬘᬓ᭄ᬲᬚᬶ᭞ᬲᬂᬰ᭄ᬭᬷᬧ᭄ᬭᬪᬹ᭞ᬫᬜᬧᬲᬂᬯᬳᬸᬧ᭄ᬭᬧ᭄ᬢ᭟᭓᭐᭟ᬲᬂᬳᬬᬸᬫᬗᬾᬓᬪᬵᬯ
᭞ᬕᬕᬶᬲᬸᬦ᭄ᬳᬶᬤᬫᭂᬦ᭄ᬤᬓᬶᬦ᭄᭞ᬯᬳᬸᬓᬢᭀᬦ᭄ᬭᬓᬦ᭄ᬳᬶᬤ᭞ᬜᬮᬾᬫ᭄ᬧᭀᬄᬭᬭᬶᬲ᭄ᬫᬪᬓ᭄ᬢᬶ᭞ᬲᬃᬯ᭄ᬯᬶᬗᭂᬫ᭄ᬩᭂᬂᬯᬾᬦᬶᬂᬅᬓ᭄ᬱᬶ᭞ᬫᬗ᭄ᬮᬸᬢ᭄ᬚᬗ᭄ᬕ᭄ᬬᬦᬾᬲᬂᬭᬯᬸᬄ᭞ᬲᬶᬗ᭄ᬕᬶᬄᬤᬾᬯᬯᬳᬸᬧ᭄ᬭᬧ᭄ᬢ᭞ᬳᬸᬚᬭᬾᬫᬲᬯᬂᬢᬗᬶᬲ᭄᭞ᬲᬃᬯ᭄ᬯᬶᬫ᭄ᬓᬸᬮ᭄᭞ᬯᬘᬦᬦᬾ

[᭑᭗᭖ 176A]
᭑᭗᭖
ᬫ᭄ᬕᬢ᭄ᬫᭂᬕᬢ᭄᭟᭓᭑᭟ᬲᬂᬫᬗ᭄ᬢᭀᬦ᭄‌‌ᬓᬳᬾᬫᭂᬗᬦ᭄᭞ᬧᬩᬶᬲᬶᬓ᭄ᬩᬶᬲᬶᬓ᭄ᬭᬶᬂᬧᬶᬗ᭄ᬕᬶᬃ᭞ᬫᬗᬸᬘᬧ᭄ᬲᬋᬂᬢᬶᬫ᭄ᬧᬮ᭞ᬗᬸᬤᬳᬤᬶᬦᬾᬪᬓ᭄ᬢᬶᬦᬶᬦ᭄᭞ᬲᬶᬦᬸᬃᬩᬳᬦ᭄ᬫᬗᭂᬦᭂᬳᬶᬦ᭄᭞ᬧ᭄ᬭᬪᬸᬮᬶᬗ᭄ᬲᬶᬃᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬜᬫ᭄ᬩᬸᬢ᭄ᬮᬸᬗᬬᬦ᭄ᬲᬂᬧ᭄ᬭᬧ᭄ᬢᬵ᭞
ᬓᬵᬢᬹᬭᬦ᭄ᬗᬭᬜ᭄ᬚᬶᬂᬓᬧᬸᬭᬶ᭞ᬲᬂᬤ᭄ᬬᬄᬳᬬᬸ᭞ᬫᬗᬶᬭᬶᬗᬂᬓᬚ᭄ᬭᭀᬧᬸᬭ᭟᭓᭒᭟ᬫᬦ᭄ᬢ᭄ᬭᬶᬩᬳᬸᬤᬦ᭄ᬤᬢ᭄ᬮᬲ᭄᭞ᬫᬗᬺᬫ᭄ᬧᭂᬕ᭄ᬭᬯᬸᬄᬓᬧᬸᬭᬶ᭞ᬩᬮᬧᬾᬓᬲᬫᬶᬩᬸᬤᬮ᭄᭞ᬓᭀᬘᬧᬦ᭄ᬳᬦᬭᬶᬂᬧᬸᬭᬶ᭞ᬯᬸᬲᬫᬶᬳᬢᬢᬵᬮᬶᬗ᭄ᬕᬶᬄ᭞ᬫᬶ
ᬯᬄᬧᬭᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄᭞ᬓᭀᬘᬧ᭄ᬲᬂᬫᬗᬾᬓᬪᬯ᭞ᬢᬦ᭄ᬧᬲᬄᬫᬗᬲᬶᬳᬲᬶᬄ᭞ᬲ᭄ᬕᬸᬲ᭄ᬕᬸ᭞ᬲᬸᬓᬦᬾᬫᬧ᭄ᬯᬭᬥᬸᬄᬓ᭟᭓᭓᭟ᬧ᭄ᬭᬪᬸᬫᬬᬹᬭᬦᭂᬢᭂᬲᬂ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬮᬶᬢ᭄ᬳᬃᬱᬩᬧᬜᬶᬗᬓ᭄᭞ᬗᬸᬤᬳ
ᬭᬶᬦᬾᬪᬓ᭄ᬢᬶᬦᬶᬦ᭄᭞ᬢᬦ᭄‌‌ᬰᬲᬦᬦᬶᬂᬪᬹᬧᬢᬶ᭞ᬗᬲᭀᬭᬶᬦ᭄ᬰᬲᬦᬦ᭄ᬭᬢᬸ᭞ᬲᬂᬯᬳᬸᬧ᭄ᬭᬧ᭄ᬢᬫᬦᬗ᭄ᬕᬮ᭄᭞ᬤᬸᬤᬹᬲᬦᬓ᭄‌‌ᬤᬾᬯᬳᬚᬶ᭞ᬚᬵᬢᬶᬦ᭄ᬳᬶᬧᬸᬦ᭄᭞ᬳᬶᬤᬯᬦ᭄ᬢᬄᬖᬃᬯ᭄ᬯᬦ᭄‌‌ᬢᬶᬢ᭄ᬬᬂ᭟᭓᭔᭟ᬢᬶᬢ᭄ᬬᬂᬚᬵᬢᬶᬰ᭄ᬭᬷᬥᬃᬫ᭄ᬫᬶ [ 177 ][᭑᭗᭖ 176B]
᭑᭗᭖
ᬓ᭞ᬧᬸᬢ᭄ᬭᬲᬓᬶᬂᬮᬾᬱᬦ᭄ᬧᬸᬭᬶ᭞ᬳᬶᬗ᭄ᬕᬶᬄᬳᬶᬤᬉᬤ᭄ᬬᬢ᭄ᬫᬶᬓ᭞ᬳᭀᬓᬦ᭄ᬭᬢᬸᬧᬸᬱ᭄ᬧᬲᬵᬭᬷ᭞ᬩᭀᬬᬢᬸᬳᬸᬮᬓᬶᬮᬓᬶ᭞ᬚᬵᬢᬶᬳᬶᬤᬯᬦ᭄ᬢᬄᬯᬥᬸ᭞ᬭᬤᬾᬦ᭄ᬤᬾᬯᬶᬫᬶᬤᬃᬣᬬᬂ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬭᬢᬸᬲᬫᬶ᭞ᬢᬶᬢ᭄ᬬᬂᬭᬯᬸᬄ᭞ᬲᬓᬶᬂᬦᬬ
ᬗᬾᬓᬪᬵᬯ᭟᭓᭕᭟ᬚ᭄ᬭᬶᬄᬢᬶᬢ᭄ᬬᬗᬾᬦᬭᬶᬂᬫᬃᬕ᭄ᬕ᭞ᬤ᭄ᬯᬦᬶᬂᬢᬶᬢ᭄ᬬᬂᬫ᭄ᬭᬕᬳᬶᬲ᭄ᬢ᭄ᬭᬶ᭞ᬫᬩ᭄ᬭᬶᬬᬕ᭄ᬭᬶᬂᬧᬦᬗ᭄ᬓᬶᬮᬦ᭄᭞ᬲᬂ᭠ᬫ᭄ᬬᬃᬱᬮᬦᬂᬇᬲ᭄ᬢ᭄ᬭᬶ᭞ᬤᬾᬦᬶᬂᬧᬲ᭄ᬢᬶᬭᬹᬧᬮᬓᬶ᭞ᬓ᭄ᬭᬡᬲᬫᬶᬲᬮᬄᬲᭂᬗ᭄ᬕᬸᬄ᭞ᬲᬂᬤᬾᬯᬶᬓᬵᬢᬹᬭᬦ᭄ᬯᬱ᭄ᬝ᭄ᬭ᭞ᬧ᭄ᬭᬫᬗ᭄ᬓᬾ
ᬭᬭᬶᬲ᭄ᬫᬲᬮᬶᬦ᭄᭞ᬗᬗ᭄ᬕᬾᬯᬥᬸ᭞ᬳᬬᬸᬦᬾᬫᬗᬬᬂᬳᬬᬂ᭟᭓᭖᭟ᬫᬲᬦ᭄ᬤᬶᬂᬭᬶᬂᬧᬮᬗ᭄ᬓᬵᬫᬵᬲ᭄᭞ᬓᬮᬶᬄᬳᬶ᭠ᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬦ᭄ᬤᬢᬦ᭄ᬳᬤᭀᬄᬫᬸᬗ᭄ᬕ᭄ᬯᬶᬂᬓᬶᬯ᭞ᬓᬢᭀᬦ᭄ᬓᬤᬶᬕᬸᬦᬸᬂᬲᬵᬭᬷ᭞ᬧᬸᬢ᭄ᬭᬶᬫᬬᬸᬭᬜᬋᬗᬶᬦ᭄᭞ᬤ᭄ᬬᬄ
ᬤᬾᬯᬶᬲ᭄ᬫᬭᬢᬾᬚᬸᬦ᭄᭞ᬫᬜᬦ᭄ᬤᬶᬂᬤ᭄ᬬᬄᬉᬤ᭄ᬬᬢ᭄ᬫᬶᬓ᭞ᬫᬮᬸᬗ᭄ᬕᬸᬄᬳᬦᬭᬶᬂᬓᬶᬭᬶ᭞ᬲᬫᬶᬳᬬᬸ᭞ᬮ᭄ᬯᬶᬃᬰᬰᬗ᭄ᬓᬫ᭄ᬢᬸᬓᭂᬫ᭄ᬩᬃ᭟᭓᭗᭟ᬲᬸᬓᬘᬶᬢ᭄ᬢᬦᬾᬲᬂᬦᬵᬣ᭞ᬜᬶᬗᬓ᭄ᬧᬸᬢ᭄ᬭᬮᬦᬂᬳᬶᬲ᭄ᬢ᭄ᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬦᬢ᭄ᬯᬬᬂ᭞ᬫᬭᬶᬂᬯ᭠

[᭑᭗᭗ 177A]
᭑᭗᭗
ᬢᭂᬓ᭄ᬭᬢᬸᬲᬫᬶ᭞ᬲᬓᬶᬂᬓᬯᬶᬢ᭄ᬭᬯᬸᬄᬫᬗ᭄ᬓᬶᬦ᭄᭞ᬢᬦ᭄ᬲᬄᬤᬸᬄᬓᬶᬢᬓᬧᬗ᭄ᬕᬸᬄ᭞ᬲᬮᬯᬲᬾᬳᬶᬤᬗᬸᬫ᭄ᬩᬭ᭞ᬲᬫ᭄ᬧᬾᬦᬶᬗ᭄ᬕᬮ᭄‌‌ᬮᬾᬱᬦ᭄ᬧᬸᬭᬶ᭞ᬲᬫᬶᬳᬶᬩᬸᬓ᭄᭞ᬲᬂᬫ᭄ᬬᬃᬱᬭᬶᬂᬧᬦᬗ᭄ᬓᬶᬮᬦ᭄᭟᭓᭘᭟ᬲᬫᬶᬲᬵᬫ᭄ᬧᬸᬦ᭄‌‌ᬲᬵ
ᬳᬸᬦᬶᬗ᭞ᬭᬶᬂᬤᬸᬄᬓᬶᬢᬦᬾᬲᬂᬓᬮᬶᬄ᭞ᬧ᭄ᬭᬪᬹᬫᬬᬹᬭᬗᬦ᭄ᬤᬶᬓ᭞ᬳᬮᬸᬲ᭄ᬧᬗᬸᬘᬧᬾᬮᬶᬦ᭄ᬤ᭄ᬭᬶᬄ᭞ᬧ᭄ᬬᬃᬱᬤᬾ᭠ᬯᬫᬓᬢ᭄ᬭᬶᬦᬶ᭞ᬫᬓᬵᬤᬶᬢ᭄ᬯᬄᬦᬦᬓ᭄ᬩᬕᬸᬲ᭄᭞ᬮᬾᬤᬂᬚᬕᬧᬢ᭄ᬭᬶᬫᬾᬦᬂ᭞ᬭᬶᬂᬲᬂᬤ᭄ᬬᬄᬳᬦᭀᬫ᭄ᬳᬶᬭᬶᬓᬶ᭞ᬫᬗ᭄ᬤᬢᬸ
ᬮᬸᬲ᭄᭞ᬫᬦᬶᬭᬫᬤ᭄ᬯᬾᬲᬦ᭄ᬢᬵᬦ᭟᭓᭑᭟ᬲᬶᬗ᭄ᬕᬶᬄᬤᬾᬯᬉᬤ᭄ᬬᬢ᭄ᬫᬶᬓ᭞ᬮᬾᬤᬂᬫᬮᬶᬗ᭄ᬕᬳᬶᬭᬶᬓᬶ᭞ᬜ᭄ᬦᭂᬂᬭᬶᬂᬚᬕᬢ᭄ᬫᬬᬹᬭ᭞ᬓᬲᬸᬲᬸᬂᬭᬶᬂᬩᬮᬫᬦ᭄ᬢ᭄ᬭᬶ᭞ᬫᬘᭂᬓᬶᬦ᭄ᬮᭀᬓᬳᬶᬭᬶᬓᬶ᭞ᬫᬫ᭄ᬜᬦ᭄‌‌ᬲ᭄ᬫᬭᬢᬾᬚᬸᬦ᭄᭞ᬲᬂᬓᬮᬶᬄᬦᭀᬭᬵ
ᬦᬧᬜ᭄ᬚᬂ᭞ᬢᬶᬢ᭄ᬬᬂᬗᬶᬭᬶᬂᬰ᭄ᬭᬶᬪᬹᬧᬢᬶ᭞ᬦᬸᬮ᭄ᬬᬫᭂᬢᬸ᭞ᬓᬜ᭄ᬘᬦᬶᬂᬪᭀᬕᬱᬤ᭄ᬭᬱ᭟᭔᭐᭟ᬫᬶᬦᬸᬫ᭄ᬳᬕᭀᬱ᭄ᬝᬶᬢᬦ᭄ᬢᭂᬮᬕ᭄᭞ᬯᬸᬲ᭄ᬭᬋᬫ᭄ᬩᬬᬦ᭄ᬲᬂᬋᬱᬶ᭞ᬓᬶᬭᬂᬫᬮᬶᬄᬲᭀᬮᬲ᭄ᬤᬶᬦ᭞ᬤᬾᬯᬱᬲᬂᬤ᭄ᬬᬄᬫᬩᬸᬜ᭄ᬘᬶᬂ᭞ᬫᬗᬶᬭᬶᬂᬭᬳ [ 178 ][᭑᭗᭗ 177B]
᭑᭗᭗
ᬤᬾᬦ᭄‌‌ᬯᬶᬸᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬫᬥ᭄ᬬᬤᬮᬸ᭞ᬧᬭᬭᬢᬸᬧᬸᬧᬸᬢ᭄ᬦᬤᬄ᭞ᬯᬷᬭᬫᬦ᭄ᬢ᭄ᬭᬶᬢ᭄ᬮᬲ᭄ᬫᬧᬫᬶᬢ᭄᭞ᬲᬂᬳᬩᬕᬸᬲ᭄᭞ᬓᬵᬢᬹᬭᬦ᭄ᬦᬶᬤ᭄ᬭᬗᬧᬸᬭ᭄ᬬᬂ᭟᭔᭑᭟ᬏᬜ᭄ᬚᬶᬂᬏᬜ᭄ᬚᬶᬂᬓᬯᬸᬯᬸᬲᬦ᭄᭞ᬫᬳᬸᬗᬸᬲᬶᬭᬂᬪᬸᬧᬢᬶ᭞ᬦᬸᬮ᭄ᬬᬫ᭄ᬥᬮ᭄ᬓᬧᬲᬾ
ᬪᬦ᭄᭞ᬳᬢᬧ᭄ᬩᬳᬸᬤᬦ᭄ᬤᬦᬗ᭄ᬓᬶᬮ᭄᭞ᬧᬡ᭄ᬥᬶᬢᬮᬦ᭄ᬯᬷᬭᬫᬦ᭄ᬢ᭄ᬭᬶ᭞ᬭᬵᬤᬾᬦ᭄ᬳᬦᭀᬫ᭄ᬭᬭᬶᬲ᭄ᬫᬢᬹᬃ᭞ᬭᬋᬫ᭄ᬩᬬᬦ᭄ᬭᬶᬂ᭠ᬧᬲᬾᬪᬦ᭄᭞ᬦᭀᬭᬮ᭄ᬬᬦ᭄‌‌ᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬮᬸᬂ᭞ᬢ᭄ᬓᬾᬂᬤᬶᬦᬧᬩᬸᬜ᭄ᬘᬶᬗᬦ᭄᭟᭔᭒᭟ᬭᬤᬾ
ᬦ᭄ᬥᬃᬫ᭄ᬫᬶᬓᬗᬦ᭄ᬤᬶᬓ᭞ᬭᬶᬂᬤᬦᬾᬧᬢᬶᬄᬲᬸᬥᬃᬫ᭄ᬫᬶ᭞ᬩᬾᬜ᭄ᬚᬂᬩᬧᬳᬸᬢᬸᬲ᭄ᬦᬶᬭ᭞ᬩᬸᬤᬮ᭄ᬫᬭᬶᬂᬩᬜ᭄ᬚᬃᬲᬵᬭᬷ᭞ᬳᬢᬹᬭᬶᬦ᭄‌‌ᬰ᭄ᬭᬷᬲᬶᬮᬶᬯᬗᬶ᭞ᬯ᭄ᬓᬲᬂᬓᬃᬬ᭄ᬬᬦ᭄ᬫᬦᬶᬗ᭄ᬲᬸᬦ᭄᭞ᬫᬗ᭄ᬤᬫᬳᬶᬭᬶᬗᬦ᭄ᬧᬜ᭄ᬚᬓ᭄᭞ᬰᬺᬕᭂᬧ᭄ᬲᬳᬵᬯᬷᬭᬫᬦ᭄ᬢ᭄ᬭᬶ᭞
ᬬᬾᬦᬶᬂᬢᬸᬳᬸ᭞ᬮ᭄ᬯᬶᬃᬦᬶᬂᬉᬩᬬᬦᬾᬓᬸᬦ᭟᭔᭓᭟ᬲᬶᬗ᭄ᬕᬶᬄᬭᬢᬸᬭᬢᬸᬲᬫ᭄ᬬᬦ᭄᭞ᬢᬦ᭄ᬢᬸᬮᬸᬲ᭄ᬚᬕᬫᬩᬸᬜ᭄ᬘᬶᬂ᭞ᬓ᭄ᬭᬡᬭᬶᬧᬸᬧᬘᬂᬧ᭄ᬭᬧ᭄ᬢ᭞ᬯᬦ᭄ᬢᬄᬢᬶᬢ᭄ᬬᬂᬫᬗᬯᬶᬦᬶᬦ᭄᭞ᬲᬧᬸᬦᬧᬶᬭᬢᬸᬲᬫᬷ᭞ᬤ᭄ᬯᬦᬶᬂᬢᬶᬢ᭄ᬬᬂᬫ᭄ᬯᬢ᭄ᬧᬓᬾᬬᬸᬄ᭞ᬧ᭄ᬭ

[᭑᭗᭘ 178A]
᭑᭗᭘
ᬪᬸᬤᬹᬃᬕ᭄ᬕᬲ᭄ᬫᬮᬦᬵᬫ᭞ᬳᭀᬮᬶᬄᬗᬫᬾᬢ᭄ᬭᬤᬾᬦ᭄ᬤᬾᬯᬶ᭞ᬬᬓ᭄ᬱᬳᬕᬸᬂ᭞ᬫᬩᬸᬢᭂᬂᬫᬗ᭄ᬢᬸᬢ᭄ᬢᬶᬢ᭄ᬬᬂ᭟᭔᭔᭟ᬩᬳᬸᬤᬡ᭄ᬥᬫᬵᬢᬹᬃᬲᭂᬫ᭄ᬩᬄ᭞ᬲᬵᬫ᭄ᬧᬸᬦ᭄ᬭᬢᬸᬯᬮᬂᬳᬢᬶ᭞ᬢᬶᬢ᭄ᬬᬂᬭᬢᬸᬧᬚᬸᬮᬸᬓᬂ᭞ᬭᬶᬢ᭄ᬓᬦᬶᬂᬬᬓ᭄ᬱᬧᬢᬶ᭞ᬳᬬ᭄ᬯᬢᬳᬸ
ᬭᬸᬂᬫᬩᬸᬜ᭄ᬘᬶᬂ᭞ᬤᬸᬤᬹᬢᭀᬲᬶᬂᬯᬷᬭᬭᬢᬸ᭞ᬬᬾᬦ᭄ᬧᬤᬾᬗᬸᬦ᭄ᬤᬸᬭᬂᬓᬃᬬ᭄ᬬ᭞ᬯᬷᬭᬫᬦ᭄ᬢ᭄ᬭᬶᬦᬾᬜᬯᬸᬭᬶᬦ᭄᭞ᬲᬂᬗ᭄ᬕᬶᬄᬧ᭄ᬭᬪᬹ᭞ᬢᬶᬢ᭄ᬬᬂᬤᬤᭀᬲ᭄ᬢᬫ᭄ᬩᬓ᭄ᬩᬬ᭟᭔᭕᭟ᬬᬦ᭄ᬤᬸᬭᬸᬂᬋᬫ᭄ᬧᬓ᭄ᬳᬱ᭄ᬝᬦ᭄‌ᬗ᭄ᬯᬂ᭞ᬲᬫ᭄ᬧᬸᬦ᭄ᬭᬢᬸᬚᬕᬕᬶᬗ᭄ᬲᬶᬃ᭞ᬳ
ᬦᬭᬶᬂᬩᬮᬾᬧ᭄ᬯᬭᬗᬦ᭄᭞ᬧᬸᬢᬸᬲ᭄ᬳᬸᬩᬬᬦᬾᬫᬗ᭄ᬓᬶᬦ᭄᭞ᬦᬫ᭄ᬧᬶᬮᬶᬗ᭄ᬲᬶᬃᬲᬗ᭄ᬬᬂᬭᬯᬶ᭞ᬩᬮᬫᬦ᭄ᬢ᭄ᬭᬶᬢ᭄ᬮᬲ᭄ᬳᬸᬫᬦ᭄ᬢᬸᬓ᭄᭞ᬯᬢᭂᬓ᭄ᬭᬢᬸᬦᬾᬗᬧᬸᬭ᭄ᬬᬂ᭞ᬢᬦᬸᬘᬧᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬲ᭄ᬫᭂᬂᬲᬵᬫ᭄ᬧᬸᬦ᭄᭞ᬓᭀᬘᬧ᭄ᬧᬧᬢᬶᬳᬾᬮᬸᬗ᭄ᬳᬵ᭟
᭔᭖᭟ᬧᬢᬶᬄᬲᬸᬥᬃᬫ᭄ᬫᬶᬜᬯᬶᬲᬂ᭞ᬫᬓᬶᬭᬾᬚᬕᬫᬫᬃᬕ᭄ᬕᬶ᭞ᬧᬢᬶᬄᬫᬬᬹᬭᬢᬢᬶᬕ᭞ᬜᬋᬗᬶᬦ᭄ᬓᬩᬜ᭄ᬚᬃᬲᬭᬷ᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬤᬶᬫᬃᬕ᭄ᬕᬶ᭞ᬯᬦᬯᬱᬲᬵᬫ᭄ᬧᬸᬦ᭄ᬮᬗ᭄ᬓᬸᬂ᭞ᬢᬶᬕᬂᬤᬶᬦᬫᬭᬶᬂᬚᬮᬦ᭄᭞ᬧ᭄ᬭᬧ᭄ᬢᬫᬭᬶᬂᬩᬜ᭄ᬚᬃᬲᬵᬭᬷ᭞ᬳᬶ᭠ [ 179 ][᭑᭗᭘ 178B]
᭑᭗᭘
ᬗ᭄ᬕᬶᬄᬧᬸᬧᬸᬢ᭄᭞ᬤᬕᬶᬂᬩᬩᬯᭀᬲᬾᬭᬶᬂᬧᬸᬭ᭄ᬬᬦ᭄᭟᭔᭗᭟ᬲᬂᬳᬶᬦᬸᬦ᭄ᬤᬂᬦᭀᬭᬧᬜ᭄ᬚᬂ᭞ᬲᬬᬕᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬺᬕᭂᬧ᭄ᬲᬜ᭄ᬚᬢᬲᬦ᭄ᬤᬗᬦ᭄᭞ᬩᬮᬧᬾᬓᬢ᭄ᬮᬲ᭄ᬫᬗᬶᬭᬶᬂ᭞ᬓᬮᬶᬄᬯᬢᭂᬓ᭄ᬯᬷᬭᬫᬦ᭄ᬢ᭄ᬭᬶ᭞ᬢᬦ᭄ᬳᬸᬘᬧᬦ᭄ᬫᬭᬶᬂᬳ᭄ᬦᬸ᭞ᬯᬓ᭄ᬱᬶᬢᬦᬭᬶᬂ
ᬫᬬᬹᬭ᭞ᬫᬦᬶᬫ᭄ᬩᬗᬂᬦᬬᬲᬦ᭄ᬤᬶ᭞ᬗ᭄ᬮᬭᬶᬦ᭄‌‌ᬰᬢ᭄ᬭᬸ᭞ᬮᬦ᭄ᬕᬕ᭄ᬮᬭᬦᬶᬂᬧ᭄ᬯᬭᬗᬦ᭄᭟᭔᭘᭟ᬦᬾᬫᬗ᭄ᬓᬶᬦ᭄ᬓᬮᬸᬗᬂᬮᬸᬗᬂ᭞ᬳᭀᬃᬣᬦᬾᬭᬯᬸᬄᬲᬸᬚᬵᬢᬶ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬯᬸᬲ᭄ᬤᬶᬦᬸᬢᬦ᭄᭞ᬘᬭᬓᬤᬶᬦᬦ᭄ᬤᭂᬮ᭄ᬧ᭄ᬭᬧ᭄ᬢᬶ᭞ᬗᬯ᭄ᬓᬲᬂᬬᬓ᭄ᬱᬧ
ᬢᬶ᭞ᬤᬾᬯᬶᬦᬶᬭᬲᬶᬭᬂᬧ᭄ᬭᬪᬸ᭞ᬳᬶᬭᬶᬓᬦᬭᬶᬂᬫᬬᬹᬭ᭞ᬢ᭄ᬓᬦᬶᬂᬤᬶᬦᬫᬩᬸᬜ᭄ᬘᬶᬂ᭞ᬲᬫᬶᬓᬵᬢᬹᬃ᭞ᬫᬭᬶᬂᬧ᭄ᬭᬪᬹᬤᬹᬃᬕ᭄ᬕᬵᬲ᭄ᬫᬮ᭟᭐᭚ᬧᬸᬄᬤᬹᬃᬫ᭄ᬫᬵ᭚᭑᭟ᬮᬶᬦ᭄ᬢᬂᬲ᭄ᬗᬶᬢ᭄ᬲᬂᬧ᭄ᬭᬪᬹᬤᬹᬃᬕ᭄ᬕᬲ᭄ᬫᬮ᭞ᬯᬳᬸᬫᬗᬺᬗᭃᬳᭀᬃᬣᬶ᭞ᬫᬸᬓᬵᬩᬂᬮ᭄ᬯᬶᬃᬢ᭄ᬧᬵ᭠
ᬓ᭄᭞ᬢᬦ᭄ᬚᭂᬦᭂᬓ᭄ᬫᬮᬸᬗ᭄ᬕᬸᬳᬵ᭞ᬫᬗᬦ᭄ᬤᬶᬓᬭᬶᬂᬳᬶᬧᬢᬶᬄ᭞ᬳᬾᬗ᭄ᬕᬮᬂᬩᬧ᭞ᬓ᭄ᬫᬕᭂᬦ᭄ᬤᭀᬗᬦᬾᬕᭂᬤᬶᬕ᭄᭟᭒᭟ᬳᬶᬫᬂᬫᬸᬗ᭄ᬕᬄᬢᬦ᭄ᬓᭀᬩᭂᬃᬦᬶᬕ᭄ᬢᬶᬕ᭄‌‌ᬕᭂᬦ᭄ᬤᭀᬗᬦ᭄᭞ᬦᬸᬮ᭄ᬬᬲ᭄ᬭᬩ᭄ᬩᬮᬫᬦ᭄ᬢ᭄ᬭᬶ᭞ᬯᬸᬲ᭄‌‌ᬲᬺᬕᭂᬧ᭄ᬲᬜ᭄ᬚᬢ᭞ᬓᬸᬫ᭄ᬧᬸᬮ᭄ᬫ

[᭑᭗᭙ 179A]
᭑᭗᭙
ᬭᬶᬂᬩᬜ᭄ᬘᬶᬗᬄ᭞ᬦᬗ᭄ᬓᬶᬮ᭄ᬲᬂᬰ᭄ᬭᬷᬪᬸᬧᬢᬶ᭞ᬲᬫᬶᬦᬸᬦᬲᬂ᭞ᬲᬂᬦᬵᬣᬫᬜᬯᬸᬭᬶᬦ᭄᭟᭓᭟ᬏᬄᬢᬓᬶᬢᬧᬢᬶᬄᬧᬵᬢᬶᬄᬓᬸᬧᬺᬲᬫ᭞ᬳᬢᬕ᭄ᬯᬤ᭄ᬯᬦᬾᬲᬫᬶ᭞ᬏᬜ᭄ᬚᬶᬂᬏᬲᬸᬓ᭄ᬫᬗ᭄ᬓᬢ᭄᭞ᬓᬫᬬᬹᬭᬦᬵᬕᬭ᭞ᬫᬗᬫᬾᬢ᭄ᬭᬳᬤᬾᬦ᭄ᬤᬾᬯᬶ᭞ᬯᬸᬲ᭄ᬓᬩᬸ
ᬜ᭄ᬘᬶᬗᬂ᭞ᬧ᭄ᬭᬂᬓ᭄ᬭᬸᬭᬳᬗ᭄ᬕᬾᬦ᭄ᬗᬫ᭄ᬩᬶᬮ᭄᭟᭔᭟ᬫᬵᬢᬹᬃᬲᬶᬗ᭄ᬕᬶᬄᬯᬷᬭᬫᬦ᭄ᬢ᭄ᬭᬶᬦᬾᬲᬤᬬ᭞ᬩᬸᬤᬮ᭄ᬓᬧᭀᬦ᭄ᬤᭀᬓ᭄ᬲᬫᬶ᭞ᬗᬸᬫ᭄ᬧᬸᬮᬂᬲᬜ᭄ᬚᬢ᭞ᬢᬦ᭄ᬳᬸᬦᬶᬗᭂᬦ᭄ᬯᭂᬗᬶᬦ᭄ᬬ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬳᬾᬜ᭄ᬚᬶᬂ᭞ᬦᬭᬶᬂᬩᬜ᭄ᬘᬶᬗᬄ᭞ᬫᬦᬸᬗ᭄ᬕᬸᬰ᭄ᬭᬷᬦᬵᬃᬧᬢᬶ᭟᭕᭟ᬦᬸ᭠
ᬮ᭄ᬬᬫᬶᬚᬶᬮ᭄ᬲᬶᬭᬧ᭄ᬭᬪᬸᬤᬹᬃᬕ᭄ᬕᬵᬲ᭄ᬫᬮ᭞ᬓᬪᬷᬦᬯᬧᬸᬦᬂᬅᬓ᭄ᬱᬶ᭞ᬲᬵᬓ᭄ᬱᬵᬢ᭄ᬲᬹᬃᬬ᭄ᬬᬓᭂᬫ᭄ᬩᬃ᭞ᬫᬓ᭄ᬭᬓ᭄‌ᬮ᭄ᬯᬶᬃᬲ᭄ᬯᬭᬦᬶᬂᬕ᭄ᬮᬧ᭄᭞ᬳᬕᬸᬗᬾᬓᬕᬶᬭᬶᬕᬶᬭᬶ᭞ᬳᬕ᭄ᬮᬶᬲ᭄ᬮᬸᬫᬫ᭄ᬧᬄ᭞ᬩᬮᬦᬾᬓᭀᬝᬶᬓᭀᬝᬶ᭟᭖᭟ᬕᬾᬕᬾᬃᬳᬸᬫᬸᬂᬧᬚ᭄ᬭᬶᬢ᭄ᬧᬥᬫᬓᬶ
ᬓᬶᬓᬦ᭄᭞ᬫᬗᬸᬦᬸᬲ᭄ᬓᬤ᭄ᬕᬲᬫᬶ᭞ᬫᬳᬶᬗᬶᬤ᭄ᬧᭂᬤᬂᬦ᭄ᬬ᭞ᬓᬤᬶᬲᬵᬕᬭᬧᬲᬂ᭞ᬫᬦᭂᬫ᭄ᬧᬸᬄᬲᬸᬓᬸᬦᬶᬂᬉᬓᬶᬃ᭞ᬢᬦ᭄‌‌ᬧᬧ᭄ᬕᬢᬦ᭄᭞ᬮ᭄ᬯᬶᬃᬧᬵᬫ᭄ᬩᬄᬧᬲᬶᬃᬉᬓᬶᬃ᭟᭗‌᭟ᬓᬧᭂᬧᭂᬢᬦ᭄ᬥᬶᬓ᭄‌‌ᬤᬰᬤᬾᬰᬲᬫ᭄ᬬᬦ᭄᭞ᬦ᭄ᬤᬢᬦ᭄ᬫᬭᬶᬧᬚ᭄ᬭᬶᬢ᭄᭞ᬯᬸᬲ᭄ᬮ [ 180 ][᭑᭗᭙ 179]
᭑᭗᭙
ᬗ᭄ᬓᬸᬂᬦᬵᬕᬭ᭞ᬫᬜᬸᬲᬸᬧ᭄ᬭᬶᬂᬓᬦᬦ᭞ᬓᬧ᭄ᬮᬶᬗᬦ᭄ᬩᬸᬭᭀᬦᬾᬲᬫᬶ᭞ᬫᬓᬓᬭᬲᬓ᭄᭞ᬜᭂᬫ᭄ᬧᬾᬮ᭄‌‌ᬯᬺᬓ᭄ᬱᬦᬾᬲᬫᬶ᭟᭘᭟ᬢᬦ᭄ᬳᬸᬘᬧᬦ᭄ᬮᬫᬶᬦ᭄ᬜᬦᬾᬫᬭᬶᬂᬤᬮᬦ᭄᭞ᬮᬫ᭄ᬧᬄᬮ᭄ᬯᬶᬃᬳᬸᬚᬦ᭄ᬳᬗᬶᬦ᭄᭞ᬓᬕᬾᬢ᭄ᬓᬢᬸᬢᬸᬢᬦ᭄᭞ᬭᬶᬂᬢ᭄ᬮᭂ᭠
ᬗᬶᬂᬯᬦᬯᬰ᭞ᬮᬫ᭄ᬧᬄᬧ᭄ᬭᬪᬸᬲᬶᬮᬶᬂᬯᬗᬶ᭞ᬮᬦ᭄ᬩᬮᬕᬦ᭞ᬜᬸᬤᬶᬫᬬᬹᬭᬧᬸᬭᬶ᭟᭙᭟ᬢ᭄ᬮᬲ᭄ᬳᬢᬜᬬᬓ᭄ᬱᬵᬧᬢᬶᬤᬹᬃᬕ᭄ᬕᬵᬲ᭄ᬫᬮ᭞ᬭᬶᬂᬧ᭄ᬭᬪᬹᬲᬶᬮᬶᬂᬯᬗᬶ᭞ᬲ᭄ᬬᬧᬢᬓᬤ᭄ᬬᬵᬕ᭄ᬬ᭞ᬮᬸᬫᬫ᭄ᬧᬄᬲᬳᬩᬮ᭞ᬲᬂᬧ᭄ᬭᬪᬹᬭᬭᬶᬲ᭄ᬜᬯᬸᬭᬶᬦ᭄᭞
ᬓᬶᬢᬓᭀᬲᬧ᭞ᬬᬓ᭄ᬱᬮ᭄ᬯᬶᬃᬦᬗᬸᬦ᭄ᬚᬸᬭᬶᬢ᭄᭟᭑᭐᭟ᬮᬶᬦ᭄ᬢᬂᬓ᭄ᬭᬸᬭᬰᬩ᭄ᬤᬮ᭄ᬯᬶᬃᬕᬸᬭᬸᬄᬓᬧᬢ᭄᭞ᬳᬄᬳᬄᬳᬸᬄᬳᬓᬸᬇᬓᬶ᭞ᬤᬹᬃᬕ᭄ᬕᬲ᭄ᬫᬮᬦᬵᬫ᭞ᬧ᭄ᬭᬪ᭄ᬯᬶᬂᬮᬗᬸᬦᬵᬕᬭ᭞ᬜᬥ᭄ᬬᬵᬓᬸᬗᬫᬾᬢ᭄ᬧᬸᬢ᭄ᬭᬶ᭞ᬫᬭᬶᬂᬫᬬᬹᬭ᭞ᬳᬲᬶᬂᬯᬦᬶᬫᬗ᭄ᬫᬲᬶᬦ᭄᭞
᭟᭑᭑᭟ᬰ᭄ᬭᬷᬫᬬᬹᬭᬲᬮᬄᬗᬫᬾᬢ᭄‌‌ᬖᬃᬯ᭄ᬯᬦᬶᬗ᭄ᬯᬂ᭞ᬚᬷᬯᬦᬾᬫᬗ᭄ᬫᬲᬶᬦ᭄᭞ᬢᬶᬦᬸᬕᭂᬮ᭄ᬕᬸᬮᬸᬦ᭄ᬬ᭞ᬕ᭄ᬮᬗ᭄ᬕᬂᬳᬓᭂᬦᬂᬦ᭄ᬭᬄ᭞ᬧ᭄ᬭᬪᬹᬲᬶᬮᬶᬂᬯᬗᬶᬜᬯᬶᬲ᭄᭞ᬬᬦ᭄ᬤᬸᬭᬸᬂᬋᬫ᭄ᬧᬓ᭄᭞ᬅᬱ᭄ᬝᬦ᭄ᬓᬸᬫᬓᬓᬮᬶᬄ᭟᭑᭒᭟ᬳᬬ᭄ᬯᬢᬓᭀᬜ᭠

[᭑᭘᭐ 180A]
᭑᭘᭐
ᬧᬓᬤ᭄ᬬᬵᬓᬸᬫᭀᬚᬃ᭞ᬓᬸᬫᬓᬢᬫ᭄ᬩᬓ᭄ᬧᬢᬶ᭞ᬢᬮᬶᬗᬦᬶᬂᬫᬬᬹᬭ᭞ᬳᬬ᭄ᬯᬓᬤ᭄ᬮᬸᬭᬸᬂᬫᭀᬚᬃ᭞ᬬᬢ᭄ᬦᬬᬢ᭄ᬦᬬᬵᬓ᭄ᬱᬧᬢᬶ᭞ᬕ᭄ᬮᬶᬲ᭄ᬓᬭᬶᬬᬶᬦᬂ᭞ᬬᬸᬤ᭄ᬥᬦᬾᬫᬗᬺᬲᬺᬲᬶᬦ᭄᭟᭑᭓᭟ᬲᬮᬶᬂᬳᬸᬗ᭄ᬲᬶᬲᬮᬶᬂᬳᬸᬗ᭄ᬲᭂᬂᬫᬢᬶᬦ᭄ᬤᬶᬳᬦ᭄᭞ᬭ
ᬯᬸᬄᬓᬕᬶᬭᬶᬕᬶᬭᬶ᭞ᬚ᭄ᬫᬸᬃᬓᬦᬂᬯᬤ᭄ᬯ᭞ᬫᬳᬸᬤ᭄ᬭᬦ᭄ᬫᬕᬸᬮᬸᬗᬦ᭄᭞ᬲᬮᬶᬄᬢᬶᬦ᭄ᬤᬶᬄᬫᬦᬗ᭄ᬓᬶᬲᬶᬦ᭄᭞ᬢ᭄ᬓᬾᬂᬧᬗ᭄ᬓᬸᬂᬮ᭄ᬯᬄ᭞ᬓᬸᬦᬧᬦᬾᬫᬢᬶᬫ᭄ᬧᬶᬓ᭄᭟᭑᭔᭟ᬲᬫᬶᬋᬡᬩᬮᬬᬓ᭄ᬱᬭᬶᬂᬧᬬᬸᬤ᭄ᬥᬦ᭄᭞ᬦᬥᬄᬰᬯᬮᬦ᭄ᬕᭂᬢᬶᬄ᭞ᬧ᭄ᬭᬗᬾᬓ
ᬮᬶᬄᬤᬶᬦ᭞ᬲ᭄ᬬᬂᬭᬢ᭄ᬭᬶᬢᬦ᭄ᬭᬾᬭᬾᬦᬦ᭄᭞ᬓᭀᬘᬧ᭄ᬳᬦᬫᬗ᭄ᬫᬲᬶᬦ᭄᭞ᬧᬢᬶᬄᬫᬬᬹᬭ᭞ᬫᬓᬢ᭄ᬭᬶᬦᭂᬫᬸᬧᬢᬶ᭟᭑᭕᭟ᬧᬢᬶᬄᬕᬗ᭄ᬕᬵᬧᭂᬚᬄᬳᭀᬮᬶᬄᬢᬦ᭄ᬓᭀᬩᭂᬃ᭞ᬧᬧᬢᬶᬄᬬᬓ᭄ᬱᬧᬢᬶ᭞ᬮᬾᬦ᭄ᬧᬢᬶᬄᬲᬶᬡ᭄ᬥᬸᬮ᭞ᬓᬲᭀᬃᬭᬶᬂᬕ᭄ᬦᬶᬘ
ᬦ᭄ᬤ᭄ᬭ᭞ᬮᬦ᭄ᬧᬢᬶᬄᬰ᭄ᬭᬶᬓᬦ᭄ᬢᬶᬫᬢᬶ᭞ᬳᭀᬮᬶᬄᬤᬦᬸᬚ᭞ᬫᬗᬭᬦ᭄‌‌ᬘᬦ᭄ᬤ᭄ᬭᬕ᭄ᬦᬶ᭟᭑᭖᭟ᬤᬤᬶᬫ᭄ᬮᬬᬸᬥᬢᭂᬂᬓ᭠ᬫᬬᬹᬭᬤᬾᬰ᭞ᬫᬗᬭᬦ᭄ᬧᬢᬶᬄᬲᬸᬥᬃᬫᬶ᭞ᬲᬵᬫ᭄ᬧᬸᬦ᭄‌‌ᬯ᭄ᬭᬸᬄᬭᬶᬂᬫᬃᬕ᭄ᬕ᭞ᬫᬗᬶᬭᬶᬗᬂᬲᬂᬦᬵᬣ᭞ᬧᬢᬶᬄᬲᬓᬶᬂᬩ [ 181 ][᭑᭘᭐ 180B]
᭑᭘᭐
ᬜ᭄ᬚᬃᬲᬵᬭᬷ᭞ᬗ᭄ᬭᬜ᭄ᬚᬶᬂᬓᬧᬸᬭ᭄ᬬᬦ᭄᭞ᬫᬵᬢᬹᬃᬭᬶᬂᬲᬂᬪᬹᬧᬢᬶ᭟᭑᭗᭟ᬲᭂᬤᭂᬓ᭄ᬓᬸᬫ᭄ᬧᬸᬮ᭄‌‌ᬮ᭄ᬯᬶᬃᬭᬶᬂᬫᬦ᭄ᬢ᭄ᬭᬶᬭᬶᬂᬚ᭄ᬭᭀᬧᬸᬭ᭞ᬓᬃᬬ᭄ᬬᬦ᭄ᬲᬂᬰ᭄ᬭᬷᬪᬸᬧᬢᬶ᭞ᬲᬵᬫ᭄ᬧᬸᬦ᭄ᬫᬗᬯᬶᬢᬂ᭞ᬦᬾᬫᬦᬶᬧᬩᬸᬜ᭄ᬘᬶᬗᬦ᭄᭞ᬳᬶᬮᬾᬦ᭄ᬳᬶᬮᬾᬦ᭄ᬦᬧᬶᬮ᭄ᬯᬶᬃ᭞ᬲᬫᬶᬯᬸᬲ᭄ᬧ᭄ᬭᬧ᭄ᬢ᭞ᬕᭀᬂ
ᬩ᭄ᬥᬶᬮ᭄‌‌ᬓᬸᬫᬭᬶᬢᬶᬕ᭄᭟᭑᭘᭟ᬫᬶᬯᬄᬩᬮᬓᭀᬝᬶᬓᭀᬝᬶᬢᬦ᭄ᬧ᭄ᬕᬢᬦ᭄᭞ᬗᬢᬹᬃᬓᬃᬬ᭄ᬬᬭᬶᬂᬧᬸᬭᬶ᭞ᬓᬮᬶᬄᬲᬲᭀᬮᬳᬦ᭄᭞ᬢᬦᬵᬦᬓᬧᬸᬢᬸᬲᬦ᭄᭞ᬢᬶᬦᬩᭂᬄᬳᬶᬓᬦᬂᬪᬳᬶᬭᬶ᭞ᬮᬦ᭄ᬢᬫ᭄ᬯᬶᬧ᭄ᬭᬧ᭄ᬢ᭞ᬤᬾᬦᬶᬂᬓᬳᬸᬦ᭄ᬤᬂᬲᬫᬶ᭟᭑᭙᭟ᬳᬸᬢᬸ
ᬲᬦᬾᬭᬭᬶᬲ᭄ᬤᬦᬾᬫᬵᬢᬹᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬤᬾᬯᬦᬵᬃᬧᬢᬶ᭞ᬫᬸᬂᬧᬸᬂᬫᬭᬶᬂᬧᬭᬋᬫᬦ᭄᭞ᬳᬶᬗ᭄ᬕᬶᬄᬢᬦᬵᬦᬧ᭠ᬜ᭄ᬚᬂ᭞ᬢᬶᬢ᭄ᬬᬂᬯᬯᬸᬯᬦ᭄ᬢᬄᬧ᭄ᬭᬧ᭄ᬢᬶ᭞ᬲᬓᬶᬂᬫᬗᬸᬦ᭄ᬤᬂ᭞ᬲᬂᬧ᭄ᬭᬪᬸᬲᬶᬮᬶᬂᬯᬗᬶ᭟᭒᭐᭟ᬲᬵᬫ᭄ᬧᬸᬦ᭄ᬭᬯᬸᬄᬮᬸᬫᬫ᭄ᬧᬄᬢᬶᬢ᭄ᬬᬂᬭᬶᬂᬓ
ᬦᬦ᭞ᬫᬗᬶᬭᬶᬂᬲᬂᬪᬸᬧᬢᬶ᭞ᬘᬶᬦᬦ᭄ᬤᬓ᭄ᬭᬓ᭄ᬱᬲ᭞ᬲᬶᬗ᭄ᬕᬶᬄᬲᬂᬤᬹᬃᬕ᭄ᬕᬲ᭄ᬫᬮ᭞ᬭᬫᬾᬫᬦᭂᬫ᭄ᬧᬸᬳᬶᬂᬚᬸᬭᬶᬢ᭄᭞᭠ᬫᬗ᭄ᬕᬸᬄᬢᬦ᭄ᬲᬥ᭄ᬬ᭞ᬧᬢᬶᬄᬢ᭄ᬭᬶᬯᬸᬲ᭄ᬗᭂᬫᬲᬶᬦ᭄᭟᭒᭑᭟ᬧ᭄ᬭᬪᬸᬮᬶᬗ᭄ᬲᬶᬃᬭᬶᬂᬫᬬᬹᬭᬫᬗᬦ᭄ᬤᬶᬓ᭞ᬳᬧᬦᬬᬦᬾ᭠

[᭑᭘᭑ 181A]
ᬚᬦᬶ᭞ᬳᬶᬧᬢᬶᬄᬫᬦᬗ᭄ᬕᬮ᭄᭞ᬫᭂᬗ᭄ᬓᬸᬪᬹᬫᬶᬫᬗᬭᬦ᭄᭞ᬲᬶᬗ᭄ᬕᬶᬄᬭᬢᬸᬫᬓᬲᬫᬶ᭞ᬬᬾᬦ᭄ᬦᬬᬦ᭄ᬢᬶᬢ᭄ᬬᬂ᭞ᬳᬬ᭄ᬯᬳᬸᬭᬸᬂᬫᬩᬸᬜ᭄ᬘᬶᬂ᭟᭒᭒᭟ᬩᬕᬶᬓᬮᬶᬄᬩᬳᬸᬤᬦ᭄ᬤᬩᬮᬧᬾᬓ᭞ᬳᬩᬕᬶᬗᬥᬸᬚᬸᬭᬶᬢ᭄᭞ᬮ᭄ᬬᬦ᭄ᬫᬗᬺᬦ᭄ᬢᭂᬩᬶᬦ᭄ᬧᬸᬭ᭞
ᬫᬗ᭄ᬤᬧᬸᬢᬸᬲ᭄ᬓᬂᬓᬃᬬ᭄ᬬ᭞ᬲᬯᬸᬃᬫᬦᬸᬓ᭄ᬫᬓᬲᬫᬶ᭞ᬚᬕᬜᬸᬳᬸᬦᬂ᭞ᬯ᭄ᬬᬤᬶᬦ᭄‌‌ᬗ᭄ᬫᬲᬶᬦ᭄ᬧᬢᬶ᭟᭒᭓᭟ᬧᬢᬶᬄᬓᬮᬶᬄᬫᬓᬧᬜᭂᬩᭂᬳᬶᬂᬧᬸᬭ᭞ᬫᬓᬘᬮᬶᬗᬶᬂᬧᬸᬭᬶ᭞ᬫᬓᬗᬭᬦᬶᬭ᭞ᬧᬣᬶᬄᬫᭂᬗ᭄ᬓᬸᬦᬵᬕᬭ᭞ᬓᬮᬶᬄᬧᬢᬶᬄᬫᭂ
ᬗ᭄ᬓᬸᬪᬹᬫᬶ᭞ᬮᬶᬦ᭄ᬢᬂᬧ᭄ᬭᬯᬷᬭ᭞ᬯᬶᬤᬕ᭄ᬥᬗᬤ᭄ᬯᬵᬚᬸᬭᬶᬢ᭄᭟᭒᭔᭟ᬤᬦᬾᬧᬢᬶᬄᬫᭂᬗ᭄ᬓᬸᬦᬵᬕᬭᬗᬤᬸᬧ᭄ᬭᬂ᭞ᬯᬸᬲ᭄ᬲᬺ᭠ᬕᭂᬧ᭄ᬮᬦ᭄ᬧᬗᬶᬭᬶᬂ᭞ᬳᬓ᭄ᬯᬾᬄᬢᬸᬗ᭄ᬕᬗᬦ᭄ᬬ᭞ᬓᬸᬥᬕᬚᬄᬫ᭄ᬯᬄᬭᬣ᭞ᬳᬸᬩᬬᬦᬾᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬧᬥᬧ᭄ᬭᬬᬢ᭄ᬦ᭞
ᬫᭂᬗ᭄ᬓᬸᬪᬸᬫᬶᬭᬶᬂᬧᬸᬭᬶ᭟᭒᭕᭟ᬭᬭᬶᬲ᭄ᬫᬗ᭄ᬓᬢ᭄ᬳᬶᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬧᬸᬗ᭄ᬕᬯᬲᭀᬮᬲᬶᬓᬶ᭞ᬗᬭᬦ᭄ᬜᬦᬾᬲ᭄ᬯᬂᬲ᭄ᬯᬂ᭞ᬧᬺᬣᬫᬲᬺᬗ᭄ᬕᬪᬤ᭄ᬭ᭞ᬓᬮᬶᬄᬲᬂᬧᬸᬦ᭄ᬢᬂᬧᬦ᭄ᬢᬶᬂ᭞ᬧᬶᬂᬢ᭄ᬭᬶᬫᬕᬥ᭞ᬤᬹᬃᬫᬸᬓᬮᬦ᭄ᬲᬹᬃᬬ᭄ᬬᬢᬶ᭟᭒᭖᭟ᬲᬂᬲᬦ᭄ᬤ [ 182 ][᭑᭘᭑ 181B]
᭑᭘᭑
ᬯᬶᬭᬵᬗ᭄ᬕᬤᬲᬸᬭᬗ᭄ᬕᬦ᭞ᬧᬶᬂᬤᬰᬧᬢᬶᬄᬓᬤᬶ᭞ᬧᬫᬸᬦ᭄ᬢᬢ᭄ᬲᬶᬗ᭄ᬳᬮ᭞ᬳᬓ᭄ᬯᬾᬄᬜᬓᬂᬲᬸᬫᬸᬓ᭞ᬫᬳᬶᬭᬶᬗᬦ᭄ᬯᬢᭂᬓ᭄ᬫᬦ᭄ᬢ᭄ᬭᬶ᭞ᬲᬫᬶᬭᭀᬂᬤᬰ᭞ᬧᬭᬚᬸᬭᬸᬦᬾᬫᬮᬶᬄ᭟᭒᭗᭟ᬮᬶᬫᬂᬧᬸᬮᬸᬄᬫ᭄ᬯᬂᬯᬤ᭄ᬯᬦᬾᬓᬮᬶᬄᬮᬓ᭄ᬱᬵ᭞ᬧᬸᬧᬸᬢ᭄
ᬲ᭄ᬦᬤᬲᬫᬶ᭞ᬓᬮᬶᬳᬶᬂᬩᬩ᭄ᬓᭂᬮᬦ᭄᭞ᬳᬸᬫ᭄ᬬᬂᬭᬭᬶᬲ᭄ᬳᬸᬫᬗ᭄ᬓᬢ᭄᭞ᬲ᭄ᬯᬭᬦ᭄‌‌ᬩ᭄ᬥᬶᬮ᭄ᬓᬸᬫᬭᬶᬢᬶᬕ᭄᭞ᬫᬶᬯᬄᬫ᭄ᬭᬤᬗ᭄ᬕ᭞ᬢᬸᬮᬸᬧ᭄ᬲᬗ᭄ᬓᬢᬸᬃᬫᬫᬃᬕ᭄ᬕᬶ᭟᭒᭘᭟ᬕᬾᬕᬾᬃᬳᬸᬫᬸᬂᬩ᭄ᬬᭀᬫᬦ᭄ᬢᬭᬓᬧᭂᬧᭂᬢᬦ᭄᭞ᬲᬹᬃᬬ᭄ᬬᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬫᬵ᭠
ᬳᬯᬦ᭄ᬲ᭄ᬬᬦ᭄ᬤᬦ᭞ᬯᬢᭂᬓ᭄ᬭᬢᬸᬦᬾᬲᬫ᭄ᬬᬦ᭄᭞ᬮᬦ᭄ᬧᬭᬚᬸᬭᬸᬦᬾᬫᬮᬶᬄ᭞ᬫᬦᬸᬗ᭄ᬕᬂᬓᬸᬥ᭞ᬲᬫᬶᬕᬶᬭᬂᬫᬭᬶᬂᬫᬃᬕ᭄ᬕᬶ᭟᭒᭙᭟ᬢᬃᬳᬸᬘᬧᬦ᭄ᬮᬫ᭄ᬧᬳᬾᬯᬤ᭄ᬯᬫᬬᬹᬭ᭞ᬮᬗ᭄ᬓᬸᬂᬫᬭᬶᬂᬦᬵᬕᬭᬶ᭞ᬓᬤᬶᬕᬸᬦᬸᬂᬫᭂᬫ᭄ᬩᬤ᭄᭞ᬢᭂᬓᬭᬶᬂᬭᬵ
ᬡᬲᬪᬵ᭞ᬬᬸᬤ᭄ᬥᬦᬾᬓᬢᭀᬦ᭄ᬫᬢᬶᬕ᭄ᬢᬶᬕ᭄᭞ᬳᬓ᭄ᬯᬾᬳᬦ᭄ᬧ᭄ᬚᬄ᭞ᬭᬸᬥᬶᬭᬮ᭄ᬯᬶᬃᬚᬮᬤᬶ᭟᭓᭐᭟ᬳᬸᬚᬦ᭄ᬳᬶᬭᬶᬲ᭄ᬦᬫ᭄ᬧᬶᬲᭀᬭᬾᬓᬯᬸᬯᬸᬲᬦ᭄᭞ᬬᬸᬤ᭄ᬥᬦᬾᬓᬤᬶᬜᬧᬶᬄ᭞ᬓᬵᬮᬗᬦ᭄ᬢᬶᬫᬶᬭ᭞ᬲᬂᬫᬬᬸᬤ᭄ᬥᬓᬍᬲ᭄ᬯᬦ᭄᭞ᬫ᭠

[᭑᭘᭒ 182A]
᭑᭘᭒
ᬭᬬ᭄ᬬᬦ᭄ᬭᬶᬂᬲᬸᬓᬸᬦᬶᬂᬉᬓᬶᬃ᭞ᬲᬂᬤᬹᬃᬕ᭄ᬕᬲ᭄ᬫᬮ᭞ᬩᬸᬤᬮ᭄ᬓᬮᬗᬹᬧᬸᬭᬶ᭟᭓᭑᭟ᬓᭀᬘᬧ᭄ᬤᬦᬾᬳᬶᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬮᬦ᭄ᬧ᭄ᬭᬪᬸᬲᬶᬮᬶᬂᬯᬗᬶ᭞ᬫᬗᬺᬫ᭄ᬩᬬᬂᬬᬸᬤ᭄ᬥ᭞ᬦᬦ᭄ᬤᬶᬗᬶᬦ᭄ᬳᬶᬤᬦᬸᬚ᭞ᬕᬕ᭄ᬮᬭᬦᬾᬲᬦᬾᬫᬦᬶ᭞ᬦᬾᬓᬧᬵᬢᬹᬢᬂ᭞ᬘᬓᬻ
ᬩ᭄ᬬᬸᬳᬗᬋᬲᬺᬲᬶᬦ᭄᭟᭓᭒᭟ᬢ᭄ᬗᬄᬯ᭄ᬗᬶᬭᬶᬂᬫᬬᬹᬭᬘᬶᬦᬭᬶᬢ᭞ᬜᬯᬶᬲᬂᬧᬬᬲ᭄ᬩᬸᬜ᭄ᬘᬶᬂ᭞ᬯᬢᭂᬓ᭄‌‌ᬓ᭄ᬭᬦ᭄ᬤᬦ᭄ᬧ᭄ᬭᬵᬧ᭄ᬢ᭞ᬫᬬᬲᬶᬦ᭄ᬲᬂᬤ᭄ᬬᬄᬭ᭄ᬯ᭞ᬫᬶᬯᬄᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬫᬦᬦ᭄ᬤᬂᬧᬬᬲ᭄᭞ᬫᬪᬹᬱᬡᬫᬵᬲ᭄ᬫᬡᬶᬓ᭄᭟᭓᭓᭟ᬢᬦ᭄‌
ᬯᬸᬯᬸᬲᬦ᭄ᬓᬫᬹᬮ᭄ᬬᬦᬶᬓᬂᬪᬹᬱᬡᬵ᭞ᬩᬕᬸᬲᬾᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬮ᭄ᬯᬶᬃᬳ᭄ᬬᬂᬫᬦᭀᬪᬯ᭞ᬫᬜᬤ᭄ᬫᬫᬦᬶᬢᬄᬚᬕᬢ᭄᭞ᬤᬾᬯᬶᬦᬶᬭᬫᬓᬓᬮᬶᬄ᭞ᬤ᭄ᬬᬄᬉᬤ᭄ᬬᬢ᭄ᬫᬶᬓ᭞ᬮᬦ᭄ᬲ᭄ᬫᬭᬢᬾᬚᬸᬦ᭄ᬫᬮᬶᬄ᭟᭓᭔᭟ᬯᬶᬫ᭄ᬩᬫ᭄ᬮᭀᬓ᭄᭞‌‌ᬳᬗ᭄ᬕᬦᬶᬂᬳ᭄ᬬᬂ᭠
ᬰᬰᬗ᭄ᬓᬓᭂᬫ᭄ᬩᬃ᭞ᬮ᭄ᬯᬶᬃᬚᬫ᭄ᬩᬾᬩᬕᬶᬓᬮᬶᬄ᭞ᬢᬦ᭄ᬓᭂᬦᬘᬶᬦᬾᬤ᭞ᬪᬹᬱᬡᬦᬾᬲᬃᬯ᭄ᬯᬫᬵᬲ᭄᭞ᬦ᭄ᬤᬵᬢᬦ᭄ᬧᬦᬶᬤ᭄ᬭᬲᬯ᭄ᬗᬶ᭞ᬫᬸᬓᬦᬾᬓᭂᬫ᭄ᬩᬸᬂ᭞ᬮ᭄ᬯᬶᬃᬳᬸᬮᬦ᭄ᬓᬲ᭄ᬦᬾᬦᬶᬂᬭᬯᬶ᭟᭓᭕᭟ᬓᭀᬘᬧ᭄ᬫᬗ᭄ᬓᬶᬦ᭄‌‌ᬢᬢᬲ᭄ᬭᬳᬶᬦᬓᬫᬦ᭄ᬢ᭄ᬬᬦ᭄᭞ᬩᬸᬜ᭄ᬘᬶ [ 183 ][᭑᭘᭒ 182B]
᭑᭘᭒
ᬗᬾᬭᬭᬶᬲ᭄ᬫᬶᬚᬶᬮ᭄᭞ᬫᬗᬶᬤ᭄ᬭᬶᬦ᭄ᬩᬜ᭄ᬘᬶᬗᬄ᭞ᬓᬺᬫ᭄ᬧᭂᬕ᭄ᬭᬶᬂᬯᬤ᭄ᬯᬦᬶᬭ᭞ᬫᬫᬲ᭄ᬢᬸᬫ᭄ᬩᬓ᭄‌‌ᬫᬶᬯᬄᬩᭂᬤᬶᬮ᭄᭞ᬫᬺᬤᬗ᭄ᬕᬩᬸᬩᬃ᭞ᬫ᭄ᬭᬶᬬᭂᬫ᭄ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭟᭓᭖᭟ᬦ᭄ᬤᬵᬦ᭄ᬳᬸᬘᬧᬦ᭄‌‌ᬬᬓ᭄ᬱᬤᬹᬃᬕ᭄ᬕᬲ᭄ᬫᬮ᭞ᬲᬄᬦᬭᬶᬂᬮᬗᬹᬧᬸᬭᬶ᭞ᬫᬳᬯᬦ᭄ᬭᬣ
ᬪ᭄ᬭ᭞ᬓᬳᬾᬩᭂᬓᬦ᭄ᬲᬲᭀᬯᬦ᭄᭞ᬳᬕᬸᬂᬍᬯᬶᬄᬢᬦ᭄ᬧᬢᬦ᭄ᬤᬶᬂ᭞ᬫᬓᬸᬥᬳᬲ᭄ᬢ᭞ᬫᬦᬭᬶᬓ᭄ᬳᬾᬗ᭄ᬕᬮ᭄‌‌ᬕᬸᬫ᭄ᬭᬶ᭠ᬢ᭄᭟᭓᭗‌᭟ᬳᬾᬩᭂᬓ᭄ᬧ᭄ᬦᬸᬄᬯᬷᬭᬫᬦ᭄ᬢ᭄ᬭᬶᬦᬾᬲ᭄ᬦᬤ᭞ᬫᬗᭂᬫ᭄ᬩᬦ᭄‌‌ᬰ᭄ᬭᬷᬪᬹᬧᬢᬶ᭞ᬳᬦᬭᬶᬂᬲ᭄ᬬᬦ᭄ᬤᬦ᭞ᬮᬦ᭄ᬫᬾᬲᬶᬧᬦᬄ᭠
ᬮᬗ᭄ᬓᬧ᭄᭞ᬤᬸᬮᬂᬫᬗᬧ᭄ᬫᬜ᭄ᬭᬢᬶᬦᬶᬦ᭄᭞ᬗ᭄ᬭᬓ᭄ᬫᬓᬶᬓᬶᬓᬦ᭄᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬧ᭄ᬭᬧ᭄ᬢᬶ᭟᭓᭘᭟ᬦᬸᬮ᭄ᬬᬓᬢᭀ᭠ᬦ᭄‌‌ᬩ᭄ᬬᬸᬳᬦ᭄ᬰᬢ᭄ᬭᬸᬦᬾᬓ᭄ᬭᬸᬭ᭞ᬚᬗ᭄ᬕᭂᬮ᭄ᬲᬂᬬᬓ᭄ᬱᬧᬢᬶ᭞ᬳᬕ᭄ᬮᬶᬲ᭄‌‌ᬢᬶᬦᬶᬫ᭄ᬧᬮᬦ᭄᭞ᬫᬗ᭄ᬯᬗᬸᬦ᭄‌‌ᬕ᭄ᬮᬃᬫᬓᬭ᭞ᬫᬤᬹᬃ
ᬕ᭄ᬕᬫᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ᬮ᭄ᬯᬶᬃᬓᬮᬵᬦ᭄ᬢᬓ᭞ᬦᬤᬄᬚᬕᬢ᭄ᬳᬗᬺᬲᬺᬲᬶᬦ᭄᭟᭓᭙᭟ᬯᬶᬢ᭄ᬯᬶᬥᬕ᭄ᬥᬵᬳᬶᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬮᬦ᭄ᬧ᭄ᬭᬪᬸᬲᬶᬮᬶᬂᬯᬗᬶ᭞ᬗᭀᬋᬕᬶᬦ᭄ᬭᬶᬂᬢ᭄ᬗᬄ᭞ᬕ᭄ᬮᬶᬲ᭄ᬫᬕᭂᬧ᭄ᬬᬸᬓ᭄ᬓᬂᬬᬸᬤ᭄ᬥ᭞ᬤᬦᬯᬦᬾᬫᬾᬯᭂᬄᬗ᭄ᬭᬜ᭄ᬚᬶᬂ᭞ᬭᬶᬂ

[᭑᭘᭓ 183A]
᭑᭘᭓
ᬩ᭄ᬬᬸᬳᬘᬓ᭄ᬭ᭞ᬫᬸᬦ᭄ᬤᬸᬃᬳᬶᬤᬿᬢ᭄ᬬᬧᬢᬶ᭟᭔᭐᭟ᬲᬓᬶᬂᬳᬤᭀᬄᬬᬸᬥᬦᬾᬫᬩ᭄ᬮᬢ᭄ᬩᬗᬯᬦ᭄᭞ᬢᬦ᭄ᬫᬭᬶᬲ᭄ᬮᬾᬂᬧᬦᬳᬶᬦ᭄᭞ᬳᬓ᭄ᬯᬾᬄᬓ᭄ᬦᬧᬦᬄ᭞ᬘᬓᬺᬩ᭄ᬬᬸᬳᬗᬋᬧᬂ᭞ᬋᬫ᭄ᬧᬓ᭄‌‌ᬕ᭄ᬮᬃᬬᬓ᭄ᬱᬧᬢᬶ᭞ᬫᬓᬭᬩ᭄ᬬᬸᬳ᭞
ᬲᬾᬯᬸᬯᬦ᭄‌‌ᬬᬓ᭄ᬱᬦᬾᬫᬢᬶ᭟᭔᭑᭟ᬓᬲᬹᬃᬬ᭄ᬬᬓᬶᬦ᭄ᬲᬓᬶᬂᬯᬤ᭄ᬯᬦᬶᬂᬫᬬᬹᬭ᭞ᬫᬸᬲᬸᬄᬜᬓᬯ᭄ᬭᬶᬦ᭄‌‌ᬯ᭄ᬭᬶᬦ᭄᭞ᬫ᭄ᬮᬬᬸᬫᬗᬤᬫ᭄ᬧᬮ᭄᭞ᬮ᭄ᬯᬶᬃᬢᬫ᭄ᬩᬓ᭄ᬳᬸᬬᬓ᭄‌‌ᬩ᭄ᬮᬩᬃ᭟ᬧ᭄ᬭᬪᬹᬬᬓ᭄ᬱᬯᬦ᭄ᬢᬄᬓᬭᬶ᭞ᬓᬢᬶᬗ᭄ᬕᬮ᭄ᬩᬮ᭞ᬮ᭄ᬯᬶᬃᬧᬜ᭄ᬘᬸᬂ
ᬫᬍᬚᭂᬃᬓᬭᬶ᭟᭔᭒᭟ᬤᬳᬢ᭄ᬫᬾᬭᬂᬧ᭄ᬭᬪᬹᬮᬗᬸᬦᬵᬕᬭ᭞ᬢᬶᬗ᭄ᬕᬮᬶᬦ᭄‌‌ᬯᬤ᭄ᬯᬲᬫᬶ᭞ᬗᬺᬕ᭄ᬧᬂᬚᬧᬫᬦ᭄ᬢ᭄ᬭ᭞ᬗᬯ᭄ᬢᬸᬳᬂᬳᬚᬶᬲ᭄ᬬᬫᭀᬳ᭞ᬕ᭄ᬮᬶᬲ᭄ᬓᬢᬶᬩᬓᬂᬦᬾᬫᬗ᭄ᬓᬶᬦ᭄᭞ᬭᬶᬂᬘᬓᬺᬩ᭄ᬬᬸᬳ᭞ᬭᬶᬂᬧᬾᬓᬲᬶᬮᬶᬂᬯᬗᬶ᭟᭔᭓᭟ᬤᬤ᭄ᬬᬜᬩ᭄ᬯ
ᬓᬓ᭄ᬦᬦᬶᬦ᭄‌‌ᬲ᭄ᬬᬫᭀᬳ᭞ᬩᬶᬗᬸᬂᬢᬦ᭄‌‌ᬗ᭄ᬢᭀᬦ᭄ᬲᬫᬶ᭞ᬢᬃᬯ᭄ᬭᬸᬧᬭᬦ᭄ᬧᬭᬦ᭄᭞ᬩᬮᬤᬦᬸᬚᬦᬾᬢᬸᬮ᭠ᬓ᭄᭞ᬢ᭄ᬮᬲ᭄ᬲᬫᬶᬫᬜᬸᬃᬬ᭄ᬬᬓᬶᬦ᭄᭞ᬲᬂᬤᬹᬃᬕ᭄ᬕᬲ᭄ᬫᬮ᭞ᬫᬦᬸᬤᬸᬄᬯᬷᬭᬫᬦ᭄ᬢ᭄ᬭᬶ᭟᭔᭔᭟ᬳᬕᬾᬲᬶᬭᬳᬤᬦ᭄ᬓᬫᬬᬹᬭ᭠ [ 184 ][᭑᭘᭓ 183B]
᭑᭘᭓
ᬤᬾᬰ᭞ᬥ᭄ᬧᬂᬳᬶᬫᬸᬲᬸᬄᬓᬭᬶ᭞ᬤᬾᬦᬶᬂᬢᬦ᭄ᬧᬗᬧ᭞ᬪᬹᬓ᭄ᬢᬶᬦᬾᬚᬮᬦ᭄‌‌ᬩ᭄ᬯᬢᬂ᭞ᬮᬓᬶᬦ᭄ᬜᬦᬾᬚ᭄ᬯᬧᬢᬾᬦᬶᬦ᭄᭞ᬲᬚᬶᬦᬾᬢᬤᬄ᭞ᬧᬦᬫ᭄ᬬᬸᬦ᭄ᬜᬦᬾᬲᬫᬶ᭟᭔᭕᭟ᬕ᭄ᬮᬶᬲ᭄ᬮᬸᬫᬫ᭄ᬧᬄᬗ᭄ᬭᬸᬤᬸᬕ᭄ᬓᬤᬶᬯ᭄ᬮᬳᬃᬳᬘᬮ᭞ᬫᬦᬶᬩᬦᬶᬦ᭄
ᬳᬸᬤᬤᬶ᭞ᬢᬦ᭄ᬘᬭᬶᬢᬭᬶᬂᬳᬯᬦ᭄᭞ᬲᬵᬫ᭄ᬧᬸᬦ᭄ᬢᭂᬓᬾᬂᬦᬵᬕᬭ᭞ᬩᬮᬤᬦᬸᬚᬲᬫᬶ᭞ᬫᬗᬫᬸᬓ᭄ᬭᬶᬂᬯ᭄ᬯᬂ᭞ᬭᬶᬂᬩᬜ᭄ᬘᬶᬗᬄᬓ᭄ᬯᬾᬄᬫᬢᬶ᭟᭔᭖᭟ᬫᬕᬸᬲᬸᬭᬦ᭄‌‌ᬳᬦᬋᬓᬾᬫᬗᬢᬹᬭᬂ᭞ᬫᬭᬶᬂᬰ᭄ᬭᬷᬪᬸᬧᬢᬶ᭞ᬲ᭄ᬥᭂᬓ᭄ᬭᬶᬂᬧᬯᬭᬗᬦ᭄᭞ᬫ᭄ᬦᭂᬂᬳ
ᬚᬳᬦ᭄ᬳᬶᬤ᭞ᬫᭂᬢᬸᬳᬗᬶᬦ᭄ᬢᬦ᭄ᬧᬢᬦ᭄ᬤᬶᬂ᭞ᬮ᭄ᬯᬶᬃᬳ᭄ᬬᬂᬲ᭄ᬫᬭ᭞ᬤᬵᬦᬳᬶᬤᬫᬓᬓᬦ᭄ᬢᬶ᭟᭐᭚ᬧᬸᬄᬲ᭄ᬫᬭᬦ᭄ᬥᬦ᭚᭑᭟ᬲᬢᬸᬲ᭄ᬢᬫ᭄ᬩᬦᬓᬂᬳᬗᬶᬦ᭄᭞ᬲᬶᬤᬸᬂᬳᬕᬸᬂᬓᬪᬷᬦᬯ᭞ᬳᬕ᭄ᬮᬶᬲ᭄ᬓᬢᬶᬩᬓᬂᬋᬓᭀ᭞ᬭᬶᬂᬰᬢ᭄ᬭᬸᬦᬾᬓ᭄ᬭᬸᬭᬕᬮ
ᬓ᭄᭞ᬓ᭄ᬢᭂᬲ᭄ᬓᬩ᭄ᬯᬂᬓᬳᬩᬮᬂ᭞ᬓᬵᬢᬸᬩ᭄ᬭᬶᬂᬳᬗᬶᬦ᭄ᬮᬶᬦᬸᬲ᭄᭞ᬪ᭄ᬭᬱ᭄ᬝᬵᬫᬸᬲᬸᬳᬾᬭᬶᬂᬚᬩ᭟᭒᭟ᬢ᭄ᬮᬲ᭄ᬢᬶᬩᬵᬭᬶᬂ᭠ᬮᬗᬹᬧᬸᬭᬶ᭞ᬲᬶᬭᬧ᭄ᬭᬪᬸᬤᬹᬃᬕ᭄ᬕᬲ᭄ᬫᬮ᭞ᬲᬫᬶᬮᬦ᭄ᬩᬮᬧᬾᬓᬦᬾ᭞ᬳᬓ᭄ᬯᬾᬄᬮᬭᬰᬶᬱᬦ᭄ᬧ᭄ᬚᬄ᭞ᬳᬗᬶᬦᬾᬢᬦ᭄

[᭑᭘᭔ 184A]
᭑᭘᭔
ᬧᬧ᭄ᬕᬢᬦ᭄᭞ᬫᬦᭂᬫ᭄ᬧᬸᬄᬓᬕᬸᬦᬸᬂᬕᬸᬦᬸᬂ᭞ᬢ᭄ᬓᬭᬶᬂᬩᬮᬲᭂᬗ᭄ᬓᬮ᭟᭓᭟ᬢ᭄ᬮᬲ᭄ᬲᬫᬶᬩᬸᬓᬲᬧ᭄ᬲᬧᬶᬦ᭄᭞ᬘ᭄ᬥᬂᬓᬤᬶᬦᬾᬓᬸᬦ᭞ᬳᬓ᭄ᬯᬾᬄᬭᬸᬦ᭄ᬢᬸᬄᬭᬶᬂᬚᬸᬭᬂᬚ᭄ᬭᭀ᭞ᬦᬦ᭄ᬤᬂᬮᬭᬭᬶᬂᬓᬦᬦ᭞ᬫᬢᬸᬧ᭄ᬢᬸᬧ᭄ᬩᬮᬦᬾᬲᬫ᭄ᬬᬦ᭄᭞ᬦᬗ᭄ᬓᬶᬮ᭄ᬭᬶᬂᬳᬶᬤᬲᬂ
ᬧ᭄ᬭᬪᬸ᭞ᬮᬦ᭄ᬧᬢᬶᬄᬫᭂᬗ᭄ᬓᬸᬦᬵᬕᬭ᭟᭔᭟ᬲᬶᬭᬂᬧ᭄ᬭᬪᬸᬲᬶᬮᬶᬂᬯᬗᬶ᭞ᬳᬭᬃᬬ᭄ᬬᬦ᭄‌‌ᬢ᭄ᬮᭂᬗᬶᬂᬓᬦᬵᬦ᭞ᬲᬶᬦᬾᬪᬭᬶᬂᬩ᭠ᬮᬋᬓᬾ᭞ᬢᬦ᭄ᬫᬭᬶᬫᬳᬚᬃᬳᬚᬃ᭞ᬕᬕ᭄ᬮᬭᬦᬾᬭᬶᬂᬧᬬᬸᬤ᭄ᬥᬦ᭄᭞ᬦᬦ᭄ᬤᬓᬶᬦ᭄ᬥᬦᬸᬚᬳᬕᬸᬂ᭞ᬩᬸᬜ᭄ᬘᬶᬗᬾᬫᬗ᭄ᬓᬶᬦ᭄
ᬓᭀᬘᬧᬦ᭄᭟᭕᭟ᬳᬰᬦ᭄ᬢᬶᬲᬂᬅᬱ᭄ᬝᬲᬾᬦᬶ᭞ᬳᬦᬭᬶᬂᬩᬮᬾᬧᬯᬭᬗᬦ᭄᭞ᬧᬸᬢ᭄ᬭᬶᬦᬾᬫᬗᬧᬶᬢᬺᬓᭀ᭞ᬭᬵᬤᬾᬦ᭄ᬥᬃᬫ᭄ᬫᬶᬓᬭᬶᬂᬫᬥ᭄ᬬ᭞ᬉᬤ᭄ᬬᬢ᭄ᬫᬶᬓᬭᬶᬂᬓᬦᬦ᭄᭞ᬭᬶᬂᬓᬶᬭᬶᬲ᭄ᬫᬭᬢᬾᬚᬸᬦ᭄᭞ᬯᬸᬲ᭄ᬓᬋᬫ᭄ᬧᭂᬕ᭄ᬭᬶᬂᬩᬮᬲᬗ᭄ᬖ᭄ᬬᬵ᭟᭖᭟ᬓ
ᬢᭀᬦ᭄ᬓᬤᬶᬕᬸᬦᬸᬂᬲᬵᬭᬷ᭞ᬲᬹᬃᬬ᭄ᬬᬦᬾᬓᬳᬧᬶᬢ᭄ᬩᬸᬮᬦ᭄᭞ᬫᬗ᭄ᬓᬵᬳᬸᬘᬧᬦ᭄ᬲᬂᬗ᭄ᬢᭀᬦ᭄᭞ᬫᬗ᭄ᬤᬬᭀᬦᬶᬦᬾᬫᬦᬗ᭄ᬕᬮ᭄᭞ᬧᬸᬧᬸᬢ᭄ᬳᬶᬮᬾᬦᬶᬂᬧ᭄ᬯᬭᬗᬦ᭄᭞ᬲᬲᭀᬮᬳᬦ᭄ᬫᬯᬦ᭄ᬢᬸᬦ᭄ᬯᬦ᭄ᬢᬸᬦ᭄᭞ᬭᬶᬂᬯ᭄ᬗᬶᬦ᭄‌‌ᬜᬦᬾᬧᬸᬦᬶᬓ᭟᭗᭟ᬗ᭄ᬭᬫ᭄ᬧᭂ [ 185 ][᭑᭘᭔ 184B]
᭑᭘᭔
ᬤ᭄ᬓᬃᬬ᭄ᬬᬦᬾᬦᬵᬃᬧᬢᬶ᭞ᬢ᭄ᬓᬦᬶᬂᬭᬵᬳᬶᬦᬩᬾᬜ᭄ᬚᬂ᭞ᬚᬕᬜ᭄ᬦᭂᬂᬓᬧ᭄ᬭᬪᭀᬦ᭄᭞ᬜ᭄ᬚᬬᬜ᭄ᬚᬬᬲᬶᬭᬂᬭᬵᬦᬓ᭄᭞ᬦᭀᬭᬮ᭄ᬬᬦ᭄ᬭᬤᬾᬦ᭄ᬥᬃᬫ᭄ᬫᬶᬓ᭞ᬧᬘᬂᬓᬪᬶᬱᬾᬓᬭᬢᬸ᭞ᬖᬃᬯ᭄ᬯᬦᬶᬭᬗᬶᬭᬶᬂᬓᬃᬭ᭄ᬯ᭟᭘᭟ᬢᬦ᭄ᬯᬸᬯᬸᬲᬦ᭄ᬓᬦᬂᬯ᭄ᬗᬶ᭞ᬥᬯᬸᬓᬮᬶᬄᬲᬵᬫ᭄ᬧᬸᬦᬵ
ᬳ᭄ᬬᬲ᭄᭞ᬫᬶᬚᬶᬮ᭄ᬲᬂᬳᬶᬦᬚ᭄ᬜᬦᬺᬓᬾ᭞ᬮᬦ᭄ᬓᬓᬮᬶᬄᬖᬃᬯ᭄ᬯᬦᬶᬭ᭞ᬧᬦᬗ᭄ᬓᬶᬮᬦ᭄ᬳᬢᬢᬩᬵᬧ᭄᭞ᬕᬥᬶᬂᬕᬥᬶᬂᬗᬶᬭᬶᬂᬲᬵᬫ᭄ᬧᬸᬦ᭄᭞ᬭᬶᬂᬓᬦᬦ᭄ᬓᬶᬭᬶᬲᬂᬢᬶᬕ᭟᭙᭟ᬚᬳᬾᬘ᭄ᬓᬸᬄᬢᬍᬃᬗᬶᬭᬶᬂ᭞ᬫᬓᬫᬶᬯᬄᬦᬶᬮᬸᬄᬢᬩ᭄ᬬ᭞ᬫᬗᬧᬶᬢ᭄ᬳᬶᬤᬲᬂᬓᬢᭀᬂ᭞ᬲ
ᬫᬶᬳᬬᬸᬧᬸᬢᬶᬄᬜᬮᬂ᭞ᬢᬦᬵᬤᭀᬄᬫᬦᬫ᭄ᬧᬘᬦᬂ᭞ᬳᬶᬧᬕᬕ᭄ᬧᬕᬾᬕ᭄ᬓᬯᬸᬯᬸᬲ᭄᭞ᬫᬦᭂᬤᬸᬗᬶᬦ᭄ᬫᬗᬧᬶᬢᬂ᭟᭑᭐᭟ᬕᭀᬂᬩ᭄ᬥᬶᬮᬾᬓᬸᬫᬭᬶᬢᬶᬕ᭄᭞ᬫᬗᬶᬭᬶᬗᬂᬲᬂᬳᬶᬦᬵᬚ᭄ᬜ᭞ᬢ᭄ᬓᬾᬂᬧᬺᬲᬤ᭄ᬥᬦᬾᬓᬯᭀᬢ᭄᭞ᬳᬶᬭᬶᬓᬯᬸᬲ᭄ᬓᬪᬶᬱᬾᬓᬵ᭞
ᬧᬜᬶᬯ᭄ᬬᬦ᭄ᬚᬕᬢ᭄ᬫᬬᬹᬭ᭞ᬅᬱ᭄ᬝᬲᬾᬦᬶᬗᬧᬶᬢ᭄ᬲᬵᬫ᭄ᬧᬸᬦ᭄᭞ᬗᬸᬜ᭄ᬘᬃᬯᬾᬤᬜ᭄ᬚᬬᬜ᭄ᬚᬬ᭟᭑᭑‌᭟ᬫᬧᬸᬮᬶᬄᬤᬦᬸᬚᬧᬢᬶ᭞ᬫᬩᬸᬢᭂᬂᬜᬦᬾᬓᬮᬶᬦ᭄ᬢᬂ᭞ᬯᬸᬲ᭄ᬩᬶᬦᬦ᭄ᬢᬶᬂᬭᬶᬂᬫᬵᬭᬸᬣᬦᬾ᭞ᬫᬕᬶᬮᬶᬄᬬᬓ᭄ᬱᬵᬦᬾᬧ᭄ᬭᬚ᭄ᬜᬦ᭄᭞ᬧ

[᭑᭘᭕ 185A]
᭑᭘᭕
ᬢᬶᬄᬲᬸᬫᬹᬓᬭᭀᬂᬤᬰ᭞ᬧᬭᬧᬸᬗ᭄ᬕᬯᬮᬶᬫᬂᬳ᭄ᬬᬸ᭞ᬯᬶᬭᬫᬦ᭄ᬢ᭄ᬭᬶᬢᬦ᭄ᬯᬶᬦᬶᬮᬂ᭟᭑᭒᭟ᬩᬘᬓᬦ᭄ᬯᬢᭂᬓ᭄ᬧᬧᬢᬶᬄ᭞ᬦᬾᬧᬺᬣᬫᬳᬶᬢᬦ᭄ᬓᭀᬩᬃ᭞ᬓᬮᬶᬄᬳᬶᬧᬢᬶᬄᬓᬸᬭᬗ᭄ᬓᬾᬂ᭞ᬧᬶᬂᬢᬶᬕᬵᬕ᭄ᬦᬘᬦ᭄ᬤ᭄ᬭ᭞ᬘᬢᬸᬃᬘᬦ᭄ᬤ᭄ᬭᬕ᭄ᬦᬦᬵᬫ᭞ᬮᬶᬫᬳᬶᬩᬋ
ᬢ᭄ᬫᬗ᭄ᬮᬶᬦᬸᬲ᭄᭞ᬲᬮᬂᬳᬗᬶᬦ᭄ᬩᬋᬂᬢᬶᬕ᭟᭑᭓᭟ᬤᬸᬫ᭄ᬭᬓ᭄ᬱᬵᬮᬯᬦ᭄ᬤᬸᬫ᭄ᬭᬓ᭄ᬱᬶ᭞ᬤᬹᬃᬕ᭄ᬕᬓᬵᬮᬮᬦ᭄ᬤᬸᬃᬕ᭄ᬕᬫᬸᬓ᭞ᬓᬵᬮᬓ᭄ᬬᬮᬦ᭄ᬓᬮᬧᬭᭀᬦ᭄᭞ᬩᬦ᭄ᬤᬸᬲᬮᬦ᭄ᬢᬸᬮᬓ᭄ᬫᬶᬂᬫᬂ᭞ᬍᬦ᭄ᬤᬍᬦ᭄ᬤᬶᬖᭀᬭᬓᭀᬮ᭞ᬓᬵᬮᬤᬹᬃᬕ᭄ᬕᬗᬭᬦᬶᬧᬸᬦ᭄᭞ᬤᬹᬃᬓᬵ
ᬮᬯᬸᬲ᭄ᬓᬮᬶᬄᬤᬰ᭟᭑᭔᭟ᬕ᭄ᬮᬶᬲ᭄ᬳᬸᬫᬗ᭄ᬓᬢ᭄‌‌ᬫᬗ᭄ᬮᭀᬮᭀᬲᬶᬦ᭄᭞ᬧᬸᬦᬶᬓᬯᬸᬲ᭄‌‌ᬓᬺᬢ᭄ᬢᬬᬰ᭞ᬤᬗᬸᬤᬗᬸᬢᬦᬵᬦᬲᭀᬃ᭞ᬳᬲᬶᬂᬓᬧᬭᬕ᭄ᬯᬸᬲᬺᬩᬄ᭞ᬮᬶᬮᬶᬄᬲᬫᬶᬢᬦ᭄ᬧᬗᬸᬘᬧ᭄᭞ᬚᬬᬤᬦᬾᬫᬕᬕ᭄ᬩᬸᬕ᭄᭞ᬳᬓ᭄ᬯᬾᬄᬳᭀᬮᬶᬄᬚᬚᬭ
ᬳᬦ᭄᭟᭑᭕‌᭟ᬫᬗ᭄ᬓᬢ᭄ᬲᬕᬺᬳᬦ᭄ᬕᭂᬮᬶᬲ᭄᭞ᬓ᭄ᬯᬾᬄᬫᬳᬯᬦ᭄ᬕᬕᬦ᭞ᬮ᭄ᬯᬶᬃᬫᬾᬖᬲᬸᬫᬳᬩᬺᬓᬾ᭞ᬳᬤᬮᬾᬦ᭄ᬫᬳᬯᬦ᭄ᬮᭂᬫᬄ᭞ᬦᬸᬗ᭄ᬕᬂᬓᬸᬥᬕᬚᬄᬭᬣ᭞ᬲᬸᬃᬬ᭄ᬬᬓᬾᬭᬶᬂᬫᬃᬕ᭄ᬕᬳᬸᬫᬸᬂ᭞ᬧ᭄ᬭᬓᬝᬮ᭄ᬯᬶᬃᬰᬩ᭄ᬤᬦᬶᬂᬕ᭄ᬮᬧ᭄᭟᭑᭖᭟ [ 186 ][᭑᭘᭕ 185B]
᭑᭘᭕
᭟ᬢᬗᭂᬄᬯᬤ᭄ᬯᬲᬶᬮᬶᬂᬯᬗᬶ᭞ᬕ᭄ᬮᬶᬲ᭄ᬜᬯᬶᬲᬂᬩᬩ᭄ᬬᬸᬳᬦ᭄᭞ᬦᬵᬫᬦᬶᬂᬕ᭄ᬮᬃᬚ᭄ᬮᬤᬶᬋᬓᬾ᭞ᬯᬤ᭄ᬯᬬᬓ᭄ᬱᬦᬾᬫᬗ᭄ᬯᬗᬸᬦᬂ᭞ᬫᬧᬶᬦ᭄ᬤᬉᬓᬶᬃᬓᬦᬵᬦ᭞ᬤᬤ᭄ᬬᬜᬳᬾᬗ᭄ᬕᬮ᭄ᬫᬢᭂᬫ᭄ᬧᬸᬄ᭞ᬳᬗ᭄ᬕᬦᬶᬂᬲᬵᬕᬭᬧᬲᬂ᭟᭑᭗᭟ᬭᬫᬾᬧᬲ᭄ᬮᬸᬭᬶᬂᬧᬺᬚᬸᬭᬶᬢ᭄᭞
ᬤᬦᬸᬚᬧᬢᬶᬓᭀᬘᬧᬦ᭄᭞ᬫᬗ᭄ᬮᭂᬧᬲᬓᭂᬦ᭄ᬳᬶᬲᬸᬦᬾ᭞ᬮ᭄ᬯᬶᬃᬯᬃᬱᬲᬓᬶᬂᬳᬫ᭄ᬩᬭ᭞ᬫᬗᭂᬦᬾᬦ᭄ᬯᬤ᭄ᬯᬫᬵᬦᬸᬱ᭞ᬓᬵᬓ᭄ᬯᬾᬳᬦ᭄ᬫᬦᬦ᭄ᬤᬂᬮᬫ᭄ᬧᬸᬲ᭄᭞ᬫᬓᬺᬧ᭄‌‌ᬢᬦ᭄ᬧᬧ᭄ᬕᬢᬦ᭄᭟᭑᭘᭟ᬦᬸᬮ᭄ᬬᬤᬦᬾᬫᬦᬦ᭄ᬤᬶᬗᬶᬦ᭄᭞ᬳᬶᬧᬢᬶᬄᬫᭂᬗ᭄ᬓᬸᬦᬵ
ᬕᬭ᭞ᬳᬦ᭄ᬢᬸᬓ᭄ᬰᬭᬵᬕ᭄ᬦᬶᬗ᭄ᬭᭀᬧᭀᬤ᭄᭞ᬪᬱ᭄ᬫᬶᬓᬂᬪᬸᬢᬧᬩ᭄ᬮᭂᬲᬢ᭄᭞ᬫᬭᬶᬂᬳᬫ᭄ᬩᬭᬓᬢᬸᬦ᭄ᬯᬦ᭄᭞ᬰᬾᬱᬦ᭄ᬧ᭄ᬚᬄᬲᬫᬶᬫ᭄ᬮᬬᬸ᭞ᬫᬶᬯᬄᬧ᭄ᬭᬪᬸᬤᬹᬃᬕ᭄ᬕᬲ᭄ᬫᬮ᭟᭑᭙᭟ᬘᬦ᭄ᬤ᭄ᬭᬵᬕ᭄ᬦᬶᬩᬋᬢ᭄ᬳᬗᬶᬦ᭄᭞ᬤᬹᬃᬫᬹᬓᬢ᭄ᬓᬦᬶᬂᬯᬤ᭄ᬯ᭞ᬪ᭄ᬭᬱ᭄ᬝᬕ᭄ᬲᭂᬂᬯᬸᬲ᭄ᬓᬩᭀᬃ
ᬩᭀᬃ᭞ᬧᬸᬦ᭄ᬢᬸᬮᬓ᭄ᬫᬶᬂᬫᬂᬫᬗ᭄ᬯᬍᬲᬂ᭞ᬢᭀᬲ᭄ᬤᬦᬸᬚᬓᬺᬢ᭄ᬢᬬᬰ᭞ᬧᬢᬶᬄᬲᬓᬶᬂᬫᬃᬕ᭄ᬕᬮᬗᬹ᭞ᬳᬦ᭄ᬢᬸᬓ᭄ᬳᬶᬲᬸᬲᬫ᭄ᬩᬃᬢᬓ᭟᭒᭐᭟ᬩ᭄ᬭᬱ᭄ᬝᬧᬥᭂᬫ᭄ᬰᬭᬕ᭄ᬦᬶ᭞ᬤ᭄ᬯᬱ᭄ᬝᬂᬮᬗᬶᬢᬾᬫᬮᬶᬮᬂ᭞ᬓᭀᬘᬧ᭄ᬤᬦᬾᬫᬭᬶᬂᬲᭀᬃ᭞ᬲᬮᬶᬂᬳᬸᬗ᭄ᬲᬶᬫᬳᬶᬍᬳᬦ᭄

[᭑᭘᭖ 186A]
᭑᭘᭖
᭞ᬲᬫᬶᬧᬥᬯᬶᬥᬕ᭄ᬤᬾᬂᬧ᭄ᬭᬂ᭞ᬲᬶᬮᬶᬄᬤᬦ᭄ᬤᬲᬶᬮᬶᬄᬢᬸᬚᬸ᭞ᬋᬫ᭄ᬧᬓ᭄ᬕᭂᬮᬃᬬᬓ᭄ᬱᬭᬵᬚ᭟᭒᭑᭟ᬲᬶᬩᭂᬄᬕ᭄ᬭᬃᬧᭂᬚᬄᬓᬓᬮᬶᬄ᭞ᬧᬧᬢᬶᬄᬮᬶᬦ᭄ᬢᬗᬶᬂᬓ᭄ᬭᬸᬭ᭞ᬥᬗᬸᬥᬗᬸᬢᬦ᭄ᬓᬲᭀᬃ᭞ᬲᬂᬓᬵᬮᬤᬹᬃᬕᬫ᭄ᬯᬂᬍᬦ᭄ᬤ᭞ᬦᬵᬫᬦᬶᬓᬂᬯᬸᬲ᭄ᬳᬦ᭄ᬢᬓ᭞ᬫᬧᬸᬮᬶᬳᬶᬓᬂ
ᬬᬓ᭄ᬱᬭᬢᬸ᭞ᬦᬗᬸᬦ᭄‌‌ᬩ᭄ᬬᬸᬳᬫᬤᬹᬃᬕ᭄ᬕᬫ᭟᭒᭒᭟ᬯᬗᬸᬦᬦᬾᬭᬹᬧᬓᬮᬶᬄ᭞ᬫᬓᬗᬭᬦ᭄ᬲᬓᬢᬕ᭄ᬮᬃ᭞ᬫᬭᬶᬂᬓᬶᬭᬶᬕᬕ᭄ᬮᬭᬦᬾ᭞ᬪᬸᬧᬢᬶᬦᬾᬫᬭᬶᬂᬢ᭄ᬗᬄ᭞ᬗᬶᬢᭂᬃᬳᬶᬤᬦᬵᬣᬭᬚ᭞ᬓᬦᬦ᭄ᬥᬸᬫᬸᬓ᭄ᬳᬗᬸᬦ᭄ᬳᬗᬸᬦ᭄᭞ᬗᬭᬦᬶᬓᬂᬩᬩ᭄ᬬᬸ᭠
ᬳᬦ᭄᭟᭒᭓᭟ᬩ᭄ᬬᬸᬳᬦ᭄ᬧ᭄ᬭᬪᬹᬲᬶᬮᬶᬂᬯᬗᬶ᭞ᬫᬗᬭᬦ᭄ᬳᬸᬓᬶᬃᬲᬵᬕᬭ᭞ᬦᬦ᭄ᬤᬶᬗᬶᬦ᭄ᬬᬵᬓ᭄ᬱᬧᬢᬶᬦᬾ᭞ᬯᬗᬸᬦᬦᬫᭂᬗ᭄ᬓᬸᬦᬵᬕᬭ᭞ᬤᬹᬃᬕ᭄ᬕᬫᬾᬯᭂᬄᬧᬤ᭄ᬫᬩ᭄ᬬᬸᬳ᭞ᬧᬸᬦᬶᬓᬫᬯᬦ᭄ᬢᬄᬳᬚ᭄ᬫᬸᬃ᭞ᬧᬬᬸᬥᬦᬾᬧ᭄ᬭᬂᬢᬦ᭄ᬤᬶᬗᬦ᭄᭟᭒᭔᭟ᬤᬸᬫᬸᬓ᭄ᬳᬗᬸᬦ᭄ᬳᬗᬸ
ᬦ᭄ᬦᬶᬦ᭄ᬤᬶᬄ᭞ᬋᬫ᭄ᬧᬓ᭄ᬕᭂᬮᬃᬉᬓᬶᬃᬲᬵᬕᬭ᭞ᬲᬂᬤᬹᬃᬕ᭄ᬕᬲ᭄ᬫᬮᬦᬸᬮ᭄ᬬᬵᬕᬾ᭞ᬗᬲᬸᬓᬶᬦ᭄ᬧᬸᬦᬂᬕᬕ᭄ᬮᬭᬦ᭄᭞ᬢᬦ᭄ᬫᬭᬶᬫᬗᬸ᭠ᬬᭂᬂᬧ᭄ᬥᬂ᭞ᬧᬭᬶᬓᭀᬱᬦᬸᬮ᭄ᬬᬵᬗᬫᬸᬓ᭄᭞ᬦᬣᬵᬲᬶᬮᬶᬂᬯᬗᬶᬧ᭄ᬚᬄ᭟᭒᭕᭟ᬯᬸᬲ᭄ᬓᬋᬩᬸᬢ᭄ᬓᬩᬾᬭᬗᬶᬦ᭄᭞ᬳᭀᬮᬶᬄᬧ᭄ᬭᬪᬹ᭠ [ 187 ][᭑᭘᭖ 186B]
᭑᭘᭖
ᬤᬹᬃᬕ᭄ᬕᬵᬲ᭄ᬫᬮ᭞ᬩᬮᬓᭀᬱᬫ᭄ᬮᬬᬸᬕᬾᬧᬾ᭞ᬗᬲᬸᬓᬶᬦ᭄ᬧᬸᬦᬂᬕᬕ᭄ᬮᬭᬦ᭄᭞ᬦᭂᬤᬸᬦᬶᬦ᭄ᬧᬗ᭄ᬓᬸᬂᬫ᭄ᬯᬂᬚᬸᬭᬂ᭞ᬓᬤᬶᬓ᭄ᬦᬲ᭄ᬧᬢᬶᬓᭂᬧᬸᬕ᭄᭞ᬓᬩᬸᬭᬸᬭᬶᬂᬧᬱᬸᬭᬵᬚ᭟᭒᭖᭟ᬓᭀᬘᬧᬦ᭄ᬧ᭄ᬭᬂᬤᬦᬾᬧᬢᬶᬄ᭞ᬫᬢᭂᬫ᭄ᬧᬸᬄᬭᬶᬂᬳᬶᬤᬦᬸᬚ᭞ᬳᬶᬢᬦ᭄‌‌ᬓᭀ᭠
ᬩᬃᬧᬗᭀᬋᬕᬾ᭞ᬲᬫᬲᬫᬯᬶᬤᬕ᭄ᬤᬾᬂᬧ᭄ᬭᬂ᭞ᬫᬢᬗ᭄ᬓᬶᬲ᭄ᬳᬗ᭄ᬕᬦᬶᬂᬓᬶᬮᬢ᭄᭞ᬓᬲᬾᬧ᭄ᬳᬶᬢᬦ᭄ᬓᭀᬩᬃᬤᬶᬢᬸ᭞ᬋᬫᬸᬓ᭄ᬓᬩᬤ᭄ᬩᬵᬦ᭄ᬕᬥ᭟᭒᭗᭟ᬧ᭄ᬭᬪᬹᬬᬓ᭄ᬱᬫᬦᬸᬮᬸᬗᬶᬦ᭄᭞ᬫᬗᬫᬸᬓ᭄ᬲᬓᬶᬂᬳᬶᬭᬶᬗᬦ᭄᭞ᬢ᭄ᬮᬲ᭄ᬧᬲᬄᬧᬜ᭄ᬩᭂᬄᬕ᭄ᬮᬭᬾ᭞ᬲᬾᬧᬦ᭄
ᬧ᭄ᬚᬄᬫ᭄ᬮᬬᬸᬕᭂᬧᬂ᭞ᬳᬶᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬓᬓᬶᬢᭂᬃᬓ᭄ᬦᬶᬓᭃᬚᬸᬓ᭄᭞ᬯᬸᬲ᭄ᬓᬪᬱ᭄ᬝᬓᬲᬓᬶᬢᬦ᭄᭟᭒᭘᭟ᬫ᭄ᬮᬬᬸᬳᬶᬧᬢᬶᬄᬲᬸᬥᬃᬫ᭄ᬫᬶ᭞ᬕ᭄ᬮᬶᬲ᭄ᬓᬧᬸᬭᬶᬗᬯ᭄ᬓᬲᬂ᭞ᬭᬶᬂᬳᬶᬤᬲᬂᬧ᭄ᬭᬪᬸᬳᬦᭀᬫ᭄᭞ᬯᬳᬸᬧᬸᬧᬸᬢ᭄ᬫᬧᭀᬤ᭄ᬕᬮ᭞ᬫᬮᬸᬗ᭄ᬕ᭄ᬯᬶᬂᬲᬶᬗ᭄ᬳᬵᬱᬦᬫᬲ᭄
ᬓᬲᬦ᭄ᬤᬶᬂᬭᬶᬂᬲᬂᬤ᭄ᬬᬄᬳᬬᬸ᭞ᬳᬸᬢᬸᬲᬦᬾᬯᬸᬲ᭄ᬗᬢᬹᬭᬂ᭟᭒᭙᭟ᬦᬗ᭄ᬕᬮ᭄ᬧᬢᬶᬄᬫᭂᬯᬶᬸᬗ᭄ᬓᬸᬪᬸᬫᬶ᭞ᬚᬸᬫ᭄ᬦᭂᬂᬚ᭄ᬯᬧᬦᭂᬫ᭄ᬩᬵᬳᬦ᭄᭞ᬳᬦ᭄ᬤᭂᬍᬦ᭄ᬳᬶᬗᬸᬮᬸᬦ᭄ᬫᬗ᭄ᬓᬾ᭞ᬦᬦ᭄ᬤᬶᬗᬶᬦ᭄ᬤᬦᬸᬚᬭᬵᬚ᭞ᬕᬶᬲᬸᬤᬦᬾᬯᬸᬲ᭄ᬳᬸᬫᬗ᭄ᬓᬢ᭄᭞ᬓᬘᬦ᭄ᬤᬓ᭄ᬭᬶᬂᬬᬓ᭄ᬱᬵ

[᭑᭘᭗ 187A]
᭑᭘᭗
ᬭᬢᬸ᭞ᬧᬬᬸᬤ᭄ᬥᬦᬾᬩᬸᬓᬢᬶᬫ᭄ᬩᬂ᭟᭓᭐᭟ᬯᬷᬭᬫᬦ᭄ᬢ᭄ᬭᬶᬫ᭄ᬮᬬᬸᬚ᭄ᬭᬶᬄ᭞ᬢᬸᬮᬓ᭄ᬫᬮᬶᬄᬓᬧᬬᬸᬤ᭄ᬥᬦ᭄᭞ᬤᬾᬦᬶᬂᬕᬸᬲ᭄ᬢᬶᬦᬾᬯᬸᬲ᭄ᬓᬢᭀᬦ᭄᭞ᬫᬢᬸᬮᬸᬂᬭᬶᬂᬭᬡᬲᬪ᭞ᬭᬤᬾᬦ᭄ᬥᬃᬫ᭄ᬫᬶᬓᬓᭀᬘᬧᬦ᭄᭞ᬗ᭄ᬢᬸᬢ᭄ᬓᬧᬬᬸᬥᬦ᭄ᬲᬵᬫ᭄ᬧᬸᬦ᭄᭞ᬗᬸᬗ᭄ᬓᬸ
ᬭᬶᬦ᭄ᬫᭂᬗ᭄ᬓᬸᬦᬵᬕᬭ᭟᭐᭚ᬧᬸᬄᬧᬗ᭄ᬓᬸᬃ᭟᭑᭟ᬫᬦᬸᬗ᭄ᬕᬂᬭᬣᬓᭂᬜ᭄ᬘᬦ᭞ᬳᬩ᭄ᬭᬫᬸᬭᬸᬩ᭄᭞ᬢᬾᬚᬦᬾᬮ᭄ᬯᬶᬃᬢᬝᬶᬢ᭄᭞ᬤᬸᬫᬶᬮᬄᬮ᭄ᬯᬶᬃᬲᬹᬃᬬ᭄ᬬᬫ᭄ᬢᬸ᭞ᬧᬲᬸᬂᬦᬶᬭᬲᬂᬬᬬᬄ᭞ᬭᬶᬂᬫᬬᬹᬭ᭞ᬮᬦ᭄ᬪᬸᬱᬡᬵᬦ᭄ᬤᬶᬄᬫᬸᬭᬸᬩ᭄᭞ᬧᬲᬸᬂᬳᬶᬤᬧ᭄ᬭ
ᬫᬾᬰ᭄ᬯᬃᬬ᭄ᬬ᭞ᬳᬭᬦᬶᬂᬓᬸᬥᬰ᭄ᬭᬷᬕᬥᬶᬂ᭟᭒᭟ᬲ᭄ᬭᬢᬶᬦᬾᬧᬢᬶᬄᬲᬸᬥᬃᬫ᭄ᬫᬵ᭞ᬧᬕᬕ᭄ᬧᬕᬾᬕ᭄ᬫᬗᬧᬶᬢ᭄ᬓᬦᬦ᭄ᬓᬶᬭᬶ᭞ᬗᬯᬮᬗ᭄ᬓᬄᬫᬶᬯᬄᬳᬶᬲᬸ᭞ᬳᬕ᭄ᬮᬶᬲ᭄ᬳᬶᬤᬫᬫᬃᬕ᭄ᬕ᭞ᬮᬫ᭄ᬧᬳᬶᬂᬭᬣ᭞ᬫᬲ᭄ᬭᬸᬯᬶᬢ᭄ᬲᬸᬫᬲᬢ᭄ᬫᬩᬸᬃ᭞ᬲᬸᬗᬸᬦᬾᬳᬸᬫᬸᬂᬫᬲ᭄ᬯᬭ᭞᭠
ᬚᬷᬃᬡ᭄ᬦᬵᬯᬷᬭᬫᬦ᭄ᬢ᭄ᬭᬶᬗᬶᬭᬶᬂ᭟᭓᭟ᬧ᭄ᬭᬧ᭄ᬢᬭᬶᬂᬢ᭄ᬮᭂᬗᬶᬂᬭᬡᬵᬗ᭄ᬕ᭞ᬓᬢᭀᬦ᭄ᬧᬧ᭄ᬭᬗᬾᬧᬢᬶᬄᬫᭂᬗ᭄ᬓᬸᬪᬹᬫᬶ᭞ᬓᬓᭂᬫ᭄ᬩᬸᬮᬦ᭄ᬤᬦᬾᬤᬶᬢᬸ᭞ᬳᭀᬮᬶᬄᬩᬮᬤᬦᬸᬚ᭞ᬕᬾᬕᬾᬃᬳᬸᬫ᭄ᬬᬂ᭞ᬮᬦ᭄ᬲ᭄ᬯᬭᬦ᭄ᬢᬸᬗ᭄ᬕᬗᬦ᭄ᬳᬶᬧᬸᬦ᭄᭞ᬳᬯᭀᬃᬳᬸᬦᬶᬦᬶᬂᬫᬺᬥ᭠ [ 188 ][᭑᭘᭗ 187B]
᭑᭘᭗
ᬗ᭄ᬕ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬦᬸᬮᬸᬗᬶᬦ᭄᭟᭔᭟ᬳᬕ᭄ᬮᬶᬲ᭄ᬫᬗ᭄ᬮᭂᬧᬲ᭄ᬯᬭᬵᬲ᭄ᬢ᭄ᬭ᭞ᬫᬦᬶᬩᬦᬶᬦ᭄ᬯᬤ᭄ᬯᬦᬾᬬᬓ᭄ᬱᬧᬢᬶ᭞ᬲᬳᬰ᭄ᬭᬵᬓᬍᬧᬲᬂᬲᬵᬫ᭄ᬧᬸᬦ᭄᭞ᬧ᭄ᬗᭂᬤ᭄ᬧᬦᬶᬩᬦᬶᬂᬧᬦᬄ᭞ᬓᬤᬶᬳᬸᬚᬦ᭄᭞ᬲᬓᬶᬂᬮᬗᬶᬢ᭄‌‌ᬦ᭄ᬤᬢᬦ᭄ᬧᬸᬢᬸᬲ᭄᭞ᬩᬮᬭᬵᬓ᭄ᬱ
ᬲᬵᬓ᭄ᬯᬾᬄᬧ᭄ᬚᬄ᭞ᬫ᭄ᬯᬂᬢᬸᬗ᭄ᬕᬗᬦ᭄ᬓᬸᬤᬳᬲ᭄ᬢᬶ᭟᭕᭟ᬯᬗ᭄ᬓᬾᬦ᭄ᬕᬚᬄᬫ᭄ᬯᬂᬓᬸᬤ᭞ᬓᬤᬶᬕᬸᬦᬸᬂ᭞ᬮᬦ᭄ᬲ᭄ᬬᬦ᭄ᬤᬦᬦᬾᬫᬮᬶᬄ᭞ᬭᬸᬤᬶᬭᬦ᭄ᬯᬤ᭄ᬯᬦᬾᬮᬫ᭄ᬧᬸᬲ᭄᭞ᬗ᭄ᬫᬲᬶᬦ᭄ᬭᬶᬂᬧᬬᬸᬤ᭄ᬥᬦ᭄᭞ᬮ᭄ᬯᬶᬃᬲᬵᬕᬭ᭞ᬗᬾᬩᭂᬓᬶᬦ᭄ᬓᬦᬦᬵᬗ᭄ᬭᬸᬤᬸᬓ᭄᭞ᬯᬗ᭄ᬓᬾᬦᬶᬂᬢᬸᬗ᭄ᬕ
ᬗᬦ᭄ᬓᬫ᭄ᬩᬂ᭞ᬮ᭄ᬯᬶᬃᬩᬦᬯᬬᬾᬦ᭄ᬳᬸᬧᬫᬶ᭟᭖᭟ᬢᬸᬗ᭄ᬕᬸᬮ᭄ᬓᬭᬶᬭᬶᬂᬧᬪ᭄ᬭᬢᬦ᭄᭞ᬮ᭄ᬯᬶᬃᬩᬶᬤᬓᬶᬂ᭞ᬩᬦᬯᬢᭂᬫ᭄ᬧᬸᬄᬳᬗᬶᬦ᭄᭞ᬮᬦ᭄ᬪᬹᬱᬡᬦᬶᬂᬯᬢᭂᬓ᭄ᬭᬢᬸ᭞ᬓᬸᬫ᭄ᬮᭂᬫ᭄ᬭᬶᬂᬲᬫᬸᬤ᭄ᬭᬵᬭᬄ᭞ᬬᬾᬦᬸᬧᬫᬶ᭞ᬫᬶᬦᬳᬸᬭᬂᬓᬮᬶᬄᬬᬸᬬᬸ᭞ᬫᬕ᭄ᬢᭂᬫ᭄ᬓᬧᬶᬢᬾᬳᬩᬂ᭞
ᬭᬶᬂᬢᭂᬗ᭄ᬕᭂᬓ᭄ᬲᬂᬦ᭄ᬫᬸᬧᬢᬶ᭟᭗᭟ᬢᬗᬾᬄᬧ᭄ᬭᬗᬾᬬᬦ᭄ᬳᬸᬦᬶᬗᬂ᭞ᬭᬶᬂᬲ᭄ᬬᬂᬤᬮᬸ᭞ᬬᬸᬥᬦᬾᬲᬮᬶᬂᬳᬸᬗ᭄ᬲᬶ᭞ᬗᬋᬧᬂᬳᬶᬤᬿᬢ᭄ᬬᬳᬕᬸᬂ᭞ᬗᬯᬍᬲ᭄ᬳᬦ᭄ᬢᬸᬓ᭄ᬭᬸᬯᬸᬗ᭄ᬓᬮ᭄᭞ᬲᬯᬸᬓᬶᬭ᭞ᬓᬢᬶᬩᬓᬂᬢᬸᬃᬫᬗ᭄ᬭᬸᬤᬸᬓ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬕ᭄ᬮᬶᬲ᭄ᬫᬫᬧ

[᭑᭘᭘ 188A]
᭑᭘᭘
ᬕ᭄᭞ᬳᬦ᭄ᬢᬸᬓ᭄ᬭᬸᬢᭂᬗ᭄ᬕᬮᬍᬯᬶᬄ᭟᭘᭟ᬋᬫᬸᬓ᭄ᬳᬶᬓᬦᬂᬳ᭄ᬭᬸᬯᬸᬗ᭄ᬓᬮ᭄᭞ᬦᬸᬕᬶᬫᬮᬶᬄ᭞ᬫᬗᬯᬭᬬᬂᬬᬓ᭄ᬱᬧᬢᬶ᭞ᬳᭀᬮᬶᬄᬰᬭᬕ᭄ᬦᬶᬫᬸᬭᬸᬩ᭄᭞ᬯᬸᬲᬵᬫ᭄ᬧᬸᬦ᭄ᬓᬢᬶᬩᬓᬂ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬬᬢ᭄ᬦᬳᬶᬤᬫᬧᬕ᭄ᬲᬵᬫ᭄ᬧᬸᬦ᭄᭞ᬳᬦ᭄ᬢᬸᬓ᭄ᬳᬶᬲᬸ
ᬲᬫ᭄ᬩᬃᬢᬓ᭞ᬯᬶᬦᬱᬵᬳᬶᬓᬦᬂᬕ᭄ᬦᬶ᭟᭙᭟ᬫᬤᬸᬮᬸᬭᬦ᭄‌‌ᬕ᭄ᬦᬶᬳᬲ᭄ᬢ᭄ᬭᬵ᭞ᬓᬢᬶᬩᬓᬶᬦ᭄᭞ᬯᬤ᭄ᬯᬦᬾᬬᬓ᭄ᬱᬧᬢᬶ᭞ᬫᬗ᭄ᬮᭂᬧᬲ᭄ᬘᬓ᭄ᬭᬫ᭄ᬯᬂᬮᬶᬫ᭄ᬧᬸᬂ᭞ᬧᬸᬧᬸᬢ᭄ᬲᬫᬶᬫᬶᬦᬦ᭄ᬢ᭄ᬭᬦ᭄᭞ᬮᬩ᭄ᬤᬓᬃᬬ᭄ᬬᬇᬢᬦ᭄ᬧᬾᬢᬸᬂᬯᬸᬲ᭄ᬜᭂᬫ᭄ᬧᬸᬦᬸ᭞ᬳᬶᬍᬦ᭄ᬤᬶ᭠
ᬮᬦ᭄ᬩᬧᬹᬂᬢᬶᬕ᭞ᬰᬹᬭᬾᬂᬭᬡᬦ᭄ᬤᬂᬧᬢᬶ᭟᭑᭐᭟ᬫᬶᬯᬄᬩᬮᬦ᭄ᬜᬦᬾᬪ᭄ᬭᬱ᭄ᬝ᭞ᬲᬵᬫ᭄ᬧᬸᬦ᭄ᬓᭂᬤᬸᬫᬦ᭄ᬧᬦᬄᬯᬷᬚᬶᬯᬷ᭠ᬚᬶ᭞ᬢᬦ᭄ᬧᬗᬸᬦ᭄ᬤᬶᬮᬶᬯᬸᬲ᭄ᬮᬫ᭄ᬧᬸᬲ᭄᭞ᬭᬶᬂᬫᬥ᭄ᬬᬦᬶᬂᬭᬡᬵᬗ᭄ᬕ᭞ᬮᬶᬦ᭄ᬢᬂᬲᭂᬗᬶᬢ᭄᭞ᬳᬶᬤᬦᬯᬭᬵᬚᬫᬗ᭄ᬮᭂᬫ᭄ᬧᬸᬂ᭞ᬳᬗ
ᬫᬹᬓ᭄ᬫᬭᬶᬂᬧᬪ᭄ᬭᬢᬦ᭄᭞ᬮ᭄ᬯᬶᬃᬗᬩᬲ᭄ᬘᬦ᭄ᬤᬸᬂᬭᬶᬂᬕᬶᬭᬶ᭟᭑᭑᭟ᬩᬮᬫᬵᬦᬸᬱᬵᬓ᭄ᬯᬾᬄᬧ᭄ᬚᬄ᭞ᬲᬂᬤᬹᬃᬕ᭄ᬕᬲ᭄ᬫᬮᬗᬫᬹᬓ᭄ᬭᬶᬂᬚᬸᬭᬶᬢ᭄᭞ᬤᬤ᭄ᬬᬦ᭄ᬜᬧᬥᬳᬸᬫᬸᬦ᭄ᬤᬸᬃ᭞ᬲᬰᬾᬱᬦᬶᬓᬂᬧ᭄ᬚᬄ᭞ᬦᬦ᭄ᬤᬂᬓᬦᬶᬦ᭄᭞ᬳᬤᬗᭂᬗ᭄ᬲᬶᬮ᭄ᬮᬶᬦ᭄ᬢᬂᬢᬓᬸᬢ᭄᭞ᬭ [ 189 ][᭑᭘᭘ 188B]
᭑᭘᭘
ᬤᬾᬦ᭄ᬫᬦ᭄ᬢ᭄ᬭᬶᬗᭂᬢᭂᬳᬵᬲ᭞ᬫᬫᬦ᭄ᬤᬸᬓᬶᬦ᭄ᬲᬂᬬᬓ᭄ᬱᬧᬵᬢᬶ᭟᭑᭒᭟ᬗᬾᬓᬧᬵᬤᬫᭂᬦ᭄ᬢᬂᬧᬦᬄ᭞ᬧ᭄ᬭᭀᬤ᭄ᬪᬸᬝᬫᭂᬢᬸᬳᬗᬶᬦ᭄ᬮᬶᬦ᭄ᬢᬂᬢᬭᬶᬓ᭄᭞ᬫᬗ᭄ᬮᬶᬦᬸᬲ᭄ᬭᬭᬶᬲ᭄ᬫᬦᭂᬫ᭄ᬧᬸᬄ᭞ᬭᬶᬂᬧ᭄ᬭᬪᬸᬤᬹᬃᬕ᭄ᬕᬲ᭄ᬫᬮ᭞ᬩᬮᬬᬓ᭄ᬱᬵ᭞ᬪ᭄ᬭᬱ᭄ᬝᬲᬫᬢ᭄ᬮᬲ᭄ᬓ
ᬢᭂᬫ᭄ᬧᬸᬄ᭞ᬓᬳᬫ᭄ᬧᭂᬳᬂᬯᬸᬲ᭄ᬓᬸᬫᬫ᭄ᬩ᭄ᬯᬂ᭞ᬲᬫ᭄ᬪᬯᬢᬶᬩᬦᬾᬲᬫᬶ᭟᭑᭓᭟ᬯᬾᬦ᭄ᬢᭂᬦ᭄ᬢᬶᬩᬵᬭᬶᬂᬳᬸᬫᬄᬦ᭄ᬬ᭞ᬮᬾᬦ᭄ᬦᬾᬗᭂᬗ᭄ᬲᬸᬢ᭄ᬭᬶᬂᬢᬸᬂᬢᬸᬂᬗᬶᬂᬕᬶᬭᬶ᭞ᬮ᭄ᬬᬦ᭄ᬢᬶᬩᬵᬭᬶᬂᬚᬸᬭᬂᬧᬭᬸᬂ᭞ᬯᬦᬾᬄᬫᬭᬶᬂᬲᬫᬸᬤ᭄ᬭ᭞ᬲᬦᬾᬮᬘᬸᬃ᭞ᬮ᭄ᬯᬶᬃᬮᬬᬂᬮᬬᬂᬢᬦ᭄ᬢᬸ
ᬭᬸᬦ᭄᭞ᬮᬾᬫ᭄ᬩᬓ᭄ᬮᬾᬫ᭄ᬩᬓ᭄ᬭᬶᬂᬳᬫ᭄ᬩᬭ᭞ᬓᬮᬶᬦᬸᬲ᭄ᬩᬵᬦ᭄ᬳᬗᬶᬦ᭄ᬢᬭᬶᬓ᭄᭟᭑᭔᭟ᬢᬦ᭄ᬓᬾᬢᬸᬂᬬᬓ᭄ᬱᬦᬾᬧ᭄ᬚᬄ᭞ᬧ᭄ᬭᬪᬹᬤᬹᬃᬕ᭄ᬕᬵᬲ᭄ᬫᬮᬭᬸᬦ᭄ᬢᬸᬄᬭᬶᬂᬧᬸᬭᬶ᭞ᬏᬭᬂᬓᬲᭀᬃᬭᬶᬂᬳᬶᬫᬸᬲᬸᬄ᭞ᬳᬕ᭄ᬮᬶᬲ᭄ᬗᬸᬫ᭄ᬧᬸᬮᬂᬩᬮ᭞ᬓᭀᬝᬶᬓᭀᬝᬶ᭞ᬕᭂᬦ᭄ᬤᭀᬗᬦ᭄ᬓᬢᭂ
ᬧᬓ᭄ᬲᬵᬫ᭄ᬧᬸᬦ᭄᭞ᬲᭀᬭᬾᬲᬵᬫ᭄ᬧᬸᬦ᭄ᬫᬢᬸᬧ᭄ᬢᬸᬧᬦ᭄᭞ᬯᬢᭂᬓ᭄ᬲᬦᬾᬢᭂᬫ᭄ᬧᬸᬄᬳᬗᬶᬦ᭄᭟᭑᭕᭟ᬦ᭄ᬤᬢᬦ᭄ᬫᬭᬶᬫᬧᬸᬮᬶᬳᬂ᭞ᬲᬂᬧ᭄ᬭᬪᬹᬫᬦᬸᬗ᭄ᬕᬗᬶᬂᬫᬢ᭄ᬢᬳᬲ᭄ᬢᬶ᭞ᬯᬢᭂᬓ᭄ᬧᬢᬶᬄᬲᬦᬾᬓᬦ᭄ᬢᬸᬦ᭄᭞ᬫᬦᬸᬗ᭄ᬕᬂᬓᬸᬤᬕᬚᬄ᭠

[᭑᭘᭙ 189A]
᭑᭘᭙
ᬭᬣ᭞ᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬓᬾᬲᬄᬫᬭᬶᬂᬫᬃᬕ᭄ᬕᬮᬗᬸ᭞ᬯ᭄ᬗᬶᬧ᭄ᬭᬧ᭄ᬢᬭᬶᬂᬧᬧ᭄ᬭᬗᬦ᭄᭞ᬢᬗᭂᬄᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭟᭑᭖᭟ᬯᬤ᭄ᬯᬦᬾᬲᬫᬶᬗᬋᬧᬂ᭞ᬢ᭄ᬗᬄᬯ᭄ᬗᬶᬲ᭄ᬬᬢᬾᬲᬮᬶᬂᬢᬶᬦ᭄ᬤᬶᬄ᭞ᬧ᭄ᬭᬚᬸᬭᬶᬢ᭄ᬲᬫᬶᬓᬸᬭᬸ᭞ᬲ᭄ᬬᬂᬭᬢ᭄ᬭᬶᬧᬸᬦ᭄ᬫᬬᬸᬤ᭄ᬥ᭞ᬲ
ᬮᬶᬂᬢᬶᬕ᭄ᬢᬶᬕ᭄᭞ᬲ᭄ᬮᬾᬂᬩᬾᬭᬂᬢᬸᬳᬸᬓ᭄ᬫᬦᬸᬳᬸᬓ᭄᭞ᬳᬭᬶᬧ᭄ᬜᬦᬾᬓᬮᬶᬯᬢᬦ᭄᭞ᬫᬫᬸᬍᬲ᭄ᬲᬫ᭄ᬩᬶᬮ᭄ᬳᬚᬸᬭᬶᬢ᭄᭟᭑᭗᭟ᬯᬾᬦ᭄ᬢᭂᬦ᭄ᬧᬸᬍᬲ᭄ᬓᬍᬍᬧᬦ᭄᭞ᬲᬃᬯ᭄ᬯᬗᬶᬧᬶᬬᬫᬗᬥᬸᬚᬸᬭᬶᬢ᭄᭞ᬦᭀᬭᬯᬦᬾᬄᬳᬶᬧ᭄ᬬᬦ᭄ᬳᬶᬧᬸᬦ᭄᭞ᬳᬤᬵ
ᬮᬾᬦ᭄ᬓᬧᬸᬧᬸᬗᬦ᭄᭞ᬫᬦᭂᬩᭂᬓᬶᬦ᭄᭞ᬲᬦᬾᬧᬸᬍᬲ᭄‌‌ᬗ᭄ᬯᬍᬲ᭄ᬗᬫᬹᬓ᭄᭞ᬗᬯᬕ᭄ᬳᬯᬕ᭄ᬫᬮᬶᬄᬋᬩᬄ᭞ᬓᬤᬶᬕᬫ᭄ᬩᬭᬶᬂᬳᬚᬸᬭᬶᬢ᭄᭟᭑᭘᭟ᬮᬾᬦ᭄ᬳᬤᬳᬶᬧᬶᬢ᭄ᬫᬲᬹᬃᬬ᭄ᬬᬓ᭄᭞ᬓᬤᬳᬢᬦ᭄᭞ᬧᬸᬭᬹᬱᬭᬶᬂᬳᬚᬸᬭᬶᬢ᭄᭞ᬭᭀᬂᬧᬦ᭠
ᬮᬶᬓ᭄ᬦᬶᬤ᭄ᬭᬲᬵᬫ᭄ᬧᬸᬦ᭄᭞ᬯᬳᬸᬫᬾᬗᭂᬢ᭄ᬭᬶᬂᬳᬯᬓ᭄᭞ᬯᬷᬭᬫᬦ᭄ᬢ᭄ᬭᬶ᭞ᬗᬚᬚ᭄ᬗᬄᬥᬾᬯᬾᬓ᭄ᬳᬶᬧᬸᬦ᭄᭞ᬳᬸᬤᬸᬄᬦᬶᬱ᭄ᬝᬳᬦᬤᬶᬯ᭄ᬯᬂ᭞ᬧᬸᬍᬲ᭄ᬭᬶᬂᬭᬡᬫᬗᬶᬧᬶ᭟᭑᭙᭟ᬦᬯᬫᬷᬭᬶᬂᬓᬺᬱ᭄ᬗᬵᬧᬓ᭄ᬱ᭞ᬮᬶᬦ᭄ᬢᬂᬓᬸᬍᬫ᭄᭞ᬯᬯᬸᬫᬶᬚᬶᬮ᭄ᬲᬂᬳ᭄ᬬᬂ [ 190 ][᭑᭘᭙ 189B]
᭑᭘᭙
ᬰᬰᬶᬄ᭞ᬓᬸᬫᬫ᭄ᬩ᭄ᬯᬂᬫᬦᬸᬗ᭄ᬕᬂᬕᬸᬦᬸᬂ᭞ᬥᬶᬓ᭄ᬤᬾᬰᬓᬲᬸᬦ᭄ᬤᬭᬦ᭄᭞ᬯᬸᬲ᭄ᬫᬓᬶᬦ᭄ᬓᬶᬦ᭄᭞ᬬᬸᬥᬦᬾᬲᬵᬤᬸᬓ᭄ᬧᬸᬦᬶᬓᬸ᭞ᬓᬦ᭄ᬤᬸᬕᬶᬢᬢᬲ᭄ᬭᬳᬶᬦ᭞ᬭᬫᬾᬧᬢᭂᬫ᭄ᬧᬸᬳᬶᬂᬚᬸᬭᬶᬢ᭄᭟᭒᭐᭟ᬓᭀᬘᬧ᭄ᬳᬶᬤᬿᬢ᭄ᬬᬭᬵᬚ᭞ᬫᬜᬶᬗ᭄ᬲ᭄ᬬᬾᬂ
ᬫᬦᬶᬩᬓᬂᬅᬚᬶᬯ᭄ᬕᬶᬕ᭄᭞ᬓᬂᬳᬭᬦ᭄ᬧᬦᬯᬸᬢ᭄ᬩᬬᬸ᭞ᬓᬯᬶᬰᬾᬱᬦᬶᬂᬪᬸᬝ᭞ᬗᬸᬫᬦ᭄ᬤᭂᬮᬂ᭞ᬲᬂᬬᬓ᭄ᬱᬫᬲᬸᬫ᭄ᬩᬃᬲᬵᬫ᭄ᬧᬸᬦ᭄᭞ᬳᬶᬄᬓᭀᬂᬤᬹᬱ᭄ᬝᬯ᭄ᬯᬂᬫᬬᬹᬭ᭞ᬢ᭄ᬭᬶᬫᬲᬮᬄᬓᭀᬦᬾᬚᬦᬶ᭟᭒᭑᭟ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄‌‌ᬓᬢᬶᬩᬓᬂ
᭞ᬳᬗᬶᬦ᭄ᬭᬶᬬᬸᬢ᭄᭞ᬫᬗ᭄ᬮᬶᬦᬸᬲ᭄ᬫᬗᭂᬦᬦᬶᬦ᭄᭞ᬩᬮᬫᬬᬹᬭᬓᬢᭂᬫ᭄ᬧᬸᬄ᭞ᬭᬶᬂᬫᬥ᭄ᬬᬦᬶᬂᬭᬡᬵᬗ᭄ᬕ᭞ᬲᬫᬶᬢᬶᬩᬵ᭞ᬩᬬᬸᬦ᭄ᬜᬦᬾᬓᬤᬶᬳᭂᬫ᭄ᬩᬸᬲ᭄᭞ᬍᬲᬸᬲᬫᬶᬢᬦ᭄ᬧᬗᬸᬘᬧ᭄᭞ᬳᬸᬦᬶᬂᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭟᭒᭒᭟ᬭᬶᬂᬧᬗᬸ
ᬧᬬᬦᬶᬂᬤᬿᬢ᭄ᬬ᭞ᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄‌‌ᬕ᭄ᬮᬶᬲ᭄ᬳᬶᬤᬫᬦᬶᬫ᭄ᬧᬮᬶᬦ᭄᭞ᬳᬦ᭄ᬢᬸᬓ᭄ᬳᬚᬶᬲ᭄ᬬᬫᭀᬳᬓᬲ᭄ᬢᬸ᭞ᬯᬸᬲ᭄ᬲᬵᬫ᭄ᬧᬸᬦ᭄ᬓᬢᬶᬩᬓᬂ᭞ᬫᬗᭂᬦᬦᬶᬦ᭄᭞ᬫᬭᬶᬂᬯᬤ᭄ᬯᬬᬓ᭄ᬱᬭᬢᬸ᭞ᬲᬫᬶᬩᬸᬢᬢᬸᬃᬫᬗ᭄ᬭᬗ᭄ᬓᬂ᭞ᬮᬸᬫᬓᬸᬧᬢᬶᬕᬪ᭠

[᭑᭙᭐ 190A]
᭑᭙᭐
ᬩᬶᬦ᭄᭟᭒᭓᭟ᬬᬢ᭄ᬦᬧᬢᬶᬄᬢᬸᬮᬓ᭄ᬫᬶᬂᬫᬂ᭞ᬫ᭄ᬲᬢ᭄ᬫᬶᬩᭂᬃ᭞ᬫᬳᬦ᭄ᬤᭂᬮ᭄‌‌ᬫᬾᬖᬢᬶᬧᬶᬲ᭄᭞ᬢᬦᬵᬦᬯᬦᬶᬢᬸᬫ᭄ᬥᬸᬦ᭄᭞ᬧᬘᬂᬦᬗᬄᬧᬩ᭄ᬭᬢᬦ᭄᭞ᬬᬓ᭄ᬱᬭᬵᬚ᭞ᬓᬲᬾᬧ᭄ᬤᬦᬾᬧᬘᬂᬫ᭄ᬮᬬᬸ᭞ᬕ᭄ᬮᬶᬲ᭄ᬢᭂᬫ᭄ᬧᬸᬄᬓᬯᬶᬰᬾᬱᬦ᭄᭞ᬦ᭄ᬤᬢᬦ᭄ᬯ᭄ᬭᬸᬄ
ᬦᬾᬧᬘᬂᬳᬸᬗ᭄ᬲᬶ᭟᭒᭔᭟ᬤᬦᬸᬚᬭᬚᬫᬕᬳᬂ᭞ᬮᬫ᭄ᬧᬳᬾᬢᬦ᭄ᬫᬭᬶᬧᬢᬶᬧᬸᬭᬸᬕᬶᬦ᭄᭞ᬤᬦᬸᬚᬦᬾᬲᬫᬶᬧᬕ᭄ᬮᬸᬃ᭞ᬓᬤᬶᬯᬶᬚᬸᬂᬳᬗᬺᬱ᭞ᬯᬾᬦ᭄ᬢᭂᬦ᭄ᬭᬸᬦ᭄ᬢᬸᬄ᭞ᬫᬜ᭄ᬩᬸᬭᬶᬦ᭄ᬚᬸᬭᬂᬧᬗ᭄ᬓᬸᬂ᭞ᬧ᭄ᬚᬄᬫᬱ᭄ᬝᬓᬦ᭄ᬬᬩᭂᬦ᭄ᬢᬃ᭞ᬢᬶᬩᬾᬂᬯᬢᬸᬲ᭠
ᬮᬶᬂᬢᬶᬦ᭄ᬥᬶᬄ᭟᭒᭕᭟ᬓᭀᬘᬧ᭄ᬭᬳᬤᬾᬦ᭄‌‌ᬥᬃᬫ᭄ᬫᬶᬓ᭞ᬫᬶᬯᬄᬧᬢᬶᬄ᭞ᬗᬶᬸᬲ᭄ᬭᬢᬶᬗᬭᬦ᭄ᬲᬸᬥᬃᬫ᭄ᬫᬶ᭞ᬧᬕᬕ᭄ᬧᬕᬾᬕ᭄ᬗᬧᬶᬢ᭄ᬧ᭄ᬭᬪᬹ᭞ᬭᬶᬂᬲᬮᬸᬦᬶᬂᬲ᭄ᬬᬦ᭄ᬤᬦ᭞ᬮᬦ᭄ᬳᬶᬧᬢᬶᬄ᭞ᬫᭃᬗ᭄ᬓᬸᬪᬸᬫᬶᬲᬋᬂᬤᬶᬢᬸ᭞ᬓᬲᬾᬧᬦ᭄ᬳᬶᬤᬫᬢᬶᬗ᭄ᬕᬮ᭄᭞
ᬢᬍᬃᬳᬶᬤᬓᬓ᭄ᬦᬦᬶᬦ᭄᭟᭒᭖᭟ᬳᭀᬮᬶᬄᬓᬯᬶᬰᬾᬱᬦ᭄ᬩᬸᬣ᭞ᬫᬗ᭄ᬮᭂᬲᬸᬭᬶᬂᬲᬮᬸᬦᬶᬂᬭᬣᬫᬦᬶᬓ᭄᭞ᬦ᭄ᬤᬵᬢᬦ᭄‌‌ᬯ᭄ᬭᬸᬄᬭᬶᬂᬮᭀᬃᬓᬶᬤᬸᬮ᭄᭞ᬭᬱᬢᬦ᭄ᬧᬳᬢ᭄ᬫᬵᬗ᭄ᬕ᭞ᬦᬭᬶᬂᬥᬥ᭞ᬓᬓ᭄ᬢᭂᬕᬾᬫ᭄ᬭᬲᬓᬦ᭄ᬢᬸ᭞ᬫᬶᬯᬄ [ 191 ][᭑᭙᭐ 190B]
᭑᭙᭐
ᬧᬢᬶᬄᬩᬮᬵᬥᬶᬓ᭞ᬓᬤᬶᬢᬺᬡᬢᭂᬫ᭄ᬧᬸᬄᬳᬗᬶᬦ᭄᭟᭒᭗᭟ᬦᭀᬭᬯ᭄ᬭᬸᬄᬭᬶᬂᬧᬭᬦ᭄ᬧᬭᬦ᭄᭞ᬓᬾᬯᬮᬤᬦᬸᬚᬲᬫᬶᬧᬓ᭄ᬭᬶᬲᬶᬓ᭄᭞ᬗᬩᬕ᭄ᬮᬫ᭄ᬧᬄᬜᬦᬾᬫᬵᬤᬸᬓ᭄᭞ᬫᬭᬶᬂᬩᬮᬫᬵᬦᬸᬱ᭞ᬢᬦ᭄ᬓᬘᬶᬃᬬ᭄ᬬᬦ᭄᭞ᬳᭂᬜ᭄ᬘᬾᬦ᭄ᬢᬶᬫ᭄
ᬧᬮ᭄‌‌ᬳᭂᬜ᭄ᬘᬾᬦ᭄ᬫᬸᬲᬸᬄ᭞ᬦᬵᬗ᭄ᬳᬶᬂᬧᬗᬤᬸᬳᬶᬂᬬᬓ᭄ᬱᬵ᭞ᬮᬶᬦ᭄ᬢᬂᬖᭀᬭᬫᬗᬺᬲᬺᬲᬶᬦ᭄᭟᭒᭘᭟ᬓᬕᬾᬢ᭄ᬳᬦᬯ᭄ᬯᬂᬲᬶ᭠ᬦᬸᬗ᭄ᬕᬮ᭄᭞ᬮᬸᬧᬸᬢ᭄‌‌ᬢᬦ᭄ᬓᭂᬦᬉᬧᬵᬬᬦᬶᬂᬩᬸᬢᬶ᭞ᬳᬶᬗ᭄ᬕᬶᬄᬧᬸᬦᬶᬓᬕ᭄ᬮᬶᬲ᭄ᬫᬮᬬᬸ᭞ᬧ᭄ᬭᬧ᭄ᬢᬫᬭᬶᬂᬦᬵᬕᬭ᭞ᬫᬗ᭄ᬯᭂᬓᬲᬂ᭞ᬭᬶᬂ
ᬖᬃᬯ᭄ᬯᬦᬾᬲᬂᬧ᭄ᬭᬪᬹ᭞ᬭᬶᬂᬤ᭄ᬬᬄᬤᬾᬯᬶᬉᬤ᭄ᬬᬵᬢ᭄ᬫᬶᬓ᭞ᬲ᭄ᬫᬭᬢᬾᬚᬸᬦ᭄ᬫᬜᬦ᭄ᬤᬶᬂ᭟᭒᭙᭟ᬯᬳᬸᬳᬶᬤᬫᬫ᭄ᬬᬃᬱ᭞ᬓᬦ᭄ᬢᬸᬭᬸᬦ᭄ᬢᬸᬄᬫᬭᬶᬂᬧᬮᬗ᭄ᬓᬵᬫᬡᬶᬓ᭄᭞ᬤ᭄ᬬᬄᬤᬾᬯᬶᬲ᭄ᬫᬭᬢᬾᬚᬸᬦ᭄᭞ᬕ᭄ᬮᬶᬲ᭄ᬜᬯᬸᬧ᭄ᬭᬓᬦ᭄ᬳᬶᬤ᭞ᬚᬳᬾᬘᭂᬓᬸᬄ᭞ᬮᬦ᭄ᬦᬶᬢᬩ᭄ᬬ
ᬦ᭄ᬤᬵᬢᬦ᭄ᬓᬦ᭄ᬢᬸᬦ᭄᭞ᬕᬶᬲᬸᬲᬫᬶᬫᬜᭂᬫ᭄ᬩᬄ᭞ᬭᬫᬾᬢᬗᬶᬲᬾᬭᬶᬂᬧᬸᬭᬶ᭟᭒᭐᭟ᬳᬶᬗ᭄ᬕᬶᬄᬤᬾᬯᬉᬤ᭄ᬬᬢ᭄ᬫᬶᬓ᭞ᬗᬸ᭠ᬤᬮᬮᬶ᭞ᬲᬂᬳᬬᬸᬓᬤᬶᬭᬣᬶᬄ᭞ᬤᬶᬚᬋᬋᬄᬢᬶᬢ᭄ᬬᬂᬭᬢᬸ᭞ᬬᬦ᭄ᬤᬾᬯᬦᬶᬗ᭄ᬕᬮ᭄ᬲᬾᬤ᭞ᬢᬦᬸᬭᬸᬗᬦ᭄᭞ᬢᬶᬢ᭄ᬬᬂᬲᭂ

[᭑᭙᭑ 191A]
᭑᭙᭑
ᬤᬶᬄᬗᬸᬦ᭄ᬗᬸᬦ᭄᭞ᬫ᭄ᬜᬦᬾᬦᬗᬶᬲ᭄ᬫᬓᬸᬦ᭄ᬤᬄ᭞ᬲ᭄ᬬᬫᭀᬳᭀᬮᬲ᭄ᬫᬓᬦ᭄ᬢᬶ᭟᭐᭚ᬧᬸᬄᬕᬶᬡᬵᬦ᭄ᬢᬶ᭚᭑᭟ᬢᬗᬶᬲᬾᬭᬶᬂᬧᬸᬭᬶᬳᬸᬫᬸᬂ᭞ᬢᬦ᭄ᬫᬭᬶᬫᬗᬲᬶᬳᬲᬶᬄ᭞ᬇᬩᬸᬳᬚᬶᬭᬭᬶᬲ᭄ᬫᭂᬤᬮ᭄᭞ᬫᬜᬯᬸᬧ᭄ᬭᬳᬤᬾᬦ᭄ᬤᬾᬯᬶ᭞ᬓᬮᬶᬗ᭄ᬕᬶᬳᬂ
ᬭᬶᬂᬧ᭄ᬮᬗ᭄ᬓᬫᬵᬲ᭄᭞ᬥᬗᬹᬳᬶᬤᬦᭀᬭᬫᬾᬮᬶᬂ᭟᭒᭟ᬳᬶᬗ᭄ᬕᬶᬄᬤᬸᬄᬓᬦᬾᬲᬂᬳᬬᬸ᭞ᬤᬳᬢ᭄ᬫᬓ᭄ᬯᬾᬄᬬᬦ᭄ᬕᬶᬦᬸᬭᬶᬢ᭄᭞ᬓᬾᬫ᭄ᬗᬦ᭄ᬲᬂᬓᬯᬷᬰ᭄ᬯᬭ᭞ᬫᬗᬺᬜ᭄ᬘᬦᬬᬂᬧᬗᬯᬶ᭞ᬲᬂᬧ᭄ᬭᬪᬹᬫᬋᬩᬸᬢ᭄‌‌ᬖᬭ᭞ᬮ᭄ᬯᬶᬃᬧᬳᬸᬦ᭄ᬢᬸᬮᬯᬦ᭄ᬯᭂᬲᬶ᭟᭓᭟ᬲ
ᬫᬲᬫᬳᬧᭂᬲ᭄ᬳᬶᬧᬸᬦ᭄᭞ᬲᬧᬸᬦᬶᬓᬬᬾᬦᬸᬧᬫᬶ᭞ᬫᬧ᭄ᬭᬂᬭᬶᬂᬤᬦᬯᬭᬵᬚ᭞ᬢᬦ᭄ᬫᬭᬶᬫᬋᬩᬸᬢ᭄‌‌ᬪᬹᬓ᭄ᬢᬶ᭞ᬢᬦ᭄ᬫᬭᬶᬧᬓ᭄ᬭᬓᬶᬂᬳᬶᬜ᭞ᬚᬳᬾᬘ᭄ᬓᬸᬄᬗᬲᬶᬳᬲᬶᬄ᭟᭔᭟ᬮᬮᬶᬭᬢᬸᬤᬸᬓᬶᬂᬤᬸᬫᬸᬦ᭄᭞ᬳᬶᬭᬶᬂᬢᬶᬢ᭄ᬬᬂᬭᬶᬂᬯᬦᬵᬤ᭄ᬭᬶ᭞ᬪᬓ᭄ᬢᬶ᭠
ᬦ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬗ᭄ᬮᬬᬦᬶᬦ᭄ᬧᬫᬢᬶᬫᬢᬶ᭞ᬯᬳᬸᬚᬶᬃᬡ᭄ᬦᬫᬦᬄᬢᬶᬢ᭄ᬬᬂ᭞ᬓᬧᬗ᭄ᬕᬸᬄᬭᬶᬂᬤ᭄ᬬᬄᬤᬾᬯᬶ᭟᭕᭟ᬬᬾᬦᬶᬂᬫᬗ᭄ᬓᬶᬦ᭄ᬭᬢᬸᬫᬵᬦ᭄ᬢᬸᬓ᭄᭞ᬦᬶᬗ᭄ᬕᬮ᭄ᬢᬶᬢ᭄ᬬᬂᬓᬵᬲᬶᬳᬲᬶᬄ᭞ᬤᬸᬄᬤᬾᬯᬭᬢᬸᬫᬵᬲ᭄ᬫᬶᬭᬄ᭞ᬳᬬᬸᬦᬾᬦᭀᬭᬦ [ 192 ][᭑᭙᭑ 191B]
᭑᭙᭑
ᬦ᭄ᬤᬶᬗᬦ᭄᭞ᬢᬦ᭄ᬲᬫᬭᬶᬂᬚᬦᬮᭀᬓ᭞ᬗᬲᭀᬭᬂᬤᬾᬯᬶᬰ᭄ᬭᬷᬓᬦ᭄ᬤᬶ᭞᭖᭟ᬤᬶᬚᬳᬮᬶᬄᬤᬶᬚᬭᬸᬭᬸᬄ᭞ᬳᬶᬗ᭄ᬕᬶᬄᬤᬾᬯᬓᬤᬶᬭᬢᬶᬄ᭞ᬓᬜ᭄ᬘᬦ᭄ᬭᬢ᭄ᬯᬶᬂᬚᬕᬢ᭄ᬢᬶᬕ᭞ᬬᬾᬦᬶᬂᬫᬗ᭄ᬕᬸᬄᬤᬸᬄᬫᬵᬲ᭄ᬫᬡᬷᬓ᭄᭞ᬲᬶᬦᬄᬮᬸᬧᬭᬶᬂᬧᬓᬃᬬ᭄ᬬᬦ᭄᭞ᬓᬧᬸᬮᬸ
ᬢ᭄ᬭᬶᬂᬭᬵᬤᬾᬦ᭄ᬤᬾᬯᬶ᭟᭗᭟ᬲᬂᬳ᭄ᬬᬂᬳᬭᬶᬲᬶᬦᬄᬩᬶᬗᬸᬂ᭞ᬬᬾᬦᬶᬂᬯ᭄ᬭᬸᬄᬭᬶᬂᬫᬵᬲ᭄ᬫᬡᬶᬓ᭄᭞ᬫᬶᬗ᭄ᬕᬢ᭄ᬳᬶᬤᬫᬭᬶᬂᬰ᭄ᬯᬃᬕᬦ᭄᭞᭠ᬢ᭄ᬯᬄᬳᬶᬫᬶᬭᬄᬦᬾᬓᬧᬸᬚᬶ᭞ᬢᬸᬭᬸᬦ᭄ᬫᬭᬶᬂᬫᬥ᭄ᬬᬧᬵᬤ᭞ᬮᬸᬧᬫᬭᬶᬂᬳᬶᬤᬾᬯᬶᬰ᭄ᬭᬷ᭟᭘᭟ᬚᬯᬢ᭄ᬲᬸᬗ᭄ᬓᬯᬦᬾᬧᬸᬢᬸᬲ᭄
ᬬᬾᬦ᭄ᬳᬶᬤᬾᬯᬫᬗᬸᬗ᭄ᬓᬸᬭᬶᬦ᭄᭞ᬲᬶᬦᬄᬩᬶᬗᬸᬂᬓᬩᬸᬗᭂᬗᬦ᭄᭞ᬳᭀᬲᬄᬳᭀᬮᬶᬄᬲᬂᬤ᭄ᬬᬄᬤᬾᬯᬶ᭞ᬓᬧᬸᬲᭂᬗᬦ᭄ᬫᭂᬮᬶᬓᬭᬲ᭄᭞ᬮᬸᬗ᭄ᬳᬵᬫᬦᬶᬗ᭄ᬕᬮ᭄ᬧᬗᬯᬶ᭟᭙᭟ᬳᬤ᭄ᬬᬧᬶᬦ᭄ᬲᬂᬫᬭᬕᬪᬶᬓ᭄ᬱᬸ᭞ᬲ᭄ᬥᭂᬓ᭄ᬳᬶᬤᬫᬗᬸᬮᬶᬦᬶᬂ᭞ᬦ᭄ᬧᭂᬢᬂᬫᬗᬸᬜ᭄ᬘᬃ
ᬯᬾᬥ᭞ᬬᬾᬦᬶᬂᬭᬢᬸᬫᬜ᭄ᬮᭀᬬᭀᬕᬶᬦ᭄᭞ᬫᬾᬄᬮᬮᬶᬳᬶᬤᬳᬚᬳᬦ᭄᭞ᬯᬾᬤᬵᬳᬶᬮᬂᬕᭂᬦ᭄ᬢᬲᭂᬧᬶ᭟᭑᭐᭟ᬓᬮᬶᬗ᭄ᬓᬾᬲᬂᬢ᭄ᬭᬸᬡᬭᬢᬸ᭞ᬫᬗ᭄ᬕᬸᬄᬤᬾᬯᬓᬤᬶᬭᬣᬶᬄ᭞ᬓᬦ᭄ᬢᭂᬦ᭄ᬳᬸᬬᬂᬫᬓ᭄ᬬᬬᬗᬦ᭄᭞ᬩᬸᬤᬸᬄᬫᬭᬶᬂᬭᬵᬤᬾ

[᭑᭙᭒ 192A]
᭑᭙᭒
ᬦ᭄ᬤᬾᬯᬶ᭞ᬢᬦᬵᬦᬮᭀᬕᬲ᭄ᬗᬸᬚᬂ᭞ᬫᬶᬜ᭄ᬘᬃᬕᭂᬜ᭄ᬚᬃᬕᭂᬜ᭄ᬚᬶᬃ᭟᭑᭑᭟ᬳᬶᬗ᭄ᬕᬶᬄᬩᬯᬄᬬᬦ᭄ᬯᬶᬦᬸᬯᬸᬲ᭄᭞ᬧᬦ᭄ᬤᬸᬮᬫᬾᬯ᭄ᬯᬗᬶᬂᬧᬸᬭᬶ᭞ᬯᬳᬸᬫᬾᬮᬶᬂᬳᬶᬤᬲᬂᬤ᭄ᬬᬄ᭞ᬮᬸᬗ᭄ᬳᬬᬦᬾᬧᬢᬶᬓᭂᬩᬶᬲ᭄᭞ᬰᬩ᭄ᬤᬦᬾᬳᬫ᭄ᬕᬢ᭄ᬫᭂᬕᬢ᭄᭞ᬦᬫ᭄ᬩᬢ᭄ᬦᬵ
ᬫ᭄ᬩᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟᭑᭒᭟ᬫ᭄ᬜᬦᬾᬭᬭᬶᬲ᭄ᬫᬫ᭄ᬓᬸᬮ᭄᭞ᬲᬶᬗ᭄ᬕᬶᬄᬭᬢᬸᬭᬵᬤᬾᬦ᭄ᬤᬾᬯᬶ᭞ᬳᬾᬮᬶᬗᬂᬭᬢᬸᬳᬾᬮᬶᬗᬂ᭞ᬲᬫ᭄ᬧᬸᬦᬂᬤᬸᬄᬓᬶᬢᬾᬂᬳᬢᬶ᭞ᬭᬤᬾᬦ᭄ᬤᬾᬯᬶᬉᬤ᭄ᬬᬵᬢ᭄ᬫᬶᬓ᭞ᬗᬤᭂᬕ᭄ᬕᬶᬲᬸᬓᬤᬶᬧᬮᬶᬂ᭟᭑᭓᭟ᬓᬧᬭᭀᬦ᭄ᬤᬳᬢ᭄ᬳᬶᬚᬸ᭞ᬫᬢ᭄ᬮ
ᬲᬦ᭄ᬳᬶᬤᬗᬸᬦᬸᬲ᭄‌‌ᬓ᭄ᬭᬶᬲ᭄᭞ᬯᬳᬸᬚᬕᬜᬸᬥᬸᬓ᭄ᬭᬕ᭞ᬲᬢ᭄ᬬᬫᬭᬶᬂᬲᬶᬭᬂᬮᬓᬶ᭞ᬜᬥ᭄ᬬᬫᬓᬭᭀᬦᬦ᭄ᬲᬾᬤ᭄ᬥᬵ᭞ᬫ᭄ᬦᭂᬂᬓᬤ᭄ᬕᬦᬾᬫᬳᬶᬗᬶᬤ᭄᭟᭑᭔᭟ᬓᬲᭂᬗ᭄ᬕᬸᬄᬤᬍᬫᬶᬂᬓᬮ᭄ᬪᬸ᭞ᬯᬸᬲ᭄ᬧᬮᬢ᭄ᬭᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬗ᭄ᬫᬲᬶᬦ᭄ᬭᬶᬂᬭᬵᬡᬵᬗ᭄ᬕᬦ
᭞ᬯᬢᭂᬓ᭄ᬳᬶᬜᬫᬜᬕ᭄ᬚᬕᬶᬦ᭄᭞ᬫᬶᬯᬄᬧᬓ᭄ᬭᬓ᭄ᬫᭂᬜᬦ᭄ᬳᬶᬤ᭞ᬲᬃᬯ᭄ᬯᬶᬫ᭄ᬓᬸᬮ᭄ᬭᬤᬾᬦ᭄ᬤᬾᬯᬶ᭟᭑᭕᭟ᬧᬕᭂᬄᬘᬶᬢ᭄ᬢᬦᬶᬭᬮᬫ᭄ᬧᬸᬲ᭄᭞ᬯᬦᭂᬄᬢᬶᬢ᭄ᬬᬂᬦᬦ᭄ᬤᬂᬲᬓᬶᬢ᭄᭞ᬮᬶᬂᬤᬾᬯᬶᬗᬺᬕᭂᬧ᭄ᬘᬸᬭᬶᬕ᭞ᬤᬾᬯᬶᬢᬾᬚᬸᬦ᭄ᬫᬗᬺᬩᬸᬢᬶᬦ᭄᭞ᬤᬸᬄᬤᬾ [ 193 ][᭑᭙᭒ 192B]
᭑᭙᭒
ᬯᬶᬉᬤ᭄ᬬᬢ᭄ᬫᬶᬓᬵᬭᬄ᭞ᬫᬵᬲ᭄ᬓ᭄ᬯᬶᬓᬶᬢᬓᬓᬳᬭᬶᬄ᭟᭑᭖᭟ᬦᬧᬶᬦᬾᬲᬭᬢᬂᬮᬫ᭄ᬧᬸᬲ᭄᭞ᬲᬂᬧ᭄ᬭᬪᬸᬓᬭᬶᬫᬳᬸᬭᬶᬧ᭄᭞ᬬᬾᬦᬶᬂᬲᬵᬫ᭄ᬧᬸᬦ᭄ᬳᬶᬤᬢᬾᬮ᭞ᬦᬵᬃᬧᬢᬶᬗ᭄ᬫᬲᬶᬦ᭄ᬧᬢᬶ᭞ᬜᬥ᭄ᬬᬢᬶᬢ᭄ᬬᬂᬗᬶᬭᬶᬂᬤᬾᬯ᭞ᬫᬜᬢ᭄ᬬᬳᬶᬦ᭄ᬲᬶᬭᬂᬰ᭄ᬯᬫᬶ᭟᭑᭗᭟
ᬓᬓᬧ᭄ᬭᬪᬸᬓᬭᬶᬫᬵᬲ᭄ᬓᬸ᭞ᬭᬶᬂᬲᬮᬸᬦᬶᬂᬭᬣᬫᬡᬶᬓ᭄᭞ᬓᬦ᭄ᬢᬸᬮ᭄ᬯᬶᬃᬳᬸᬚᬃᬘᬭᬓ᭞ᬢᬶᬢ᭄ᬬᬂᬜᬥ᭄ᬬᬗᬶᬭᬶᬂᬫᬗ᭄ᬓᬶᬦ᭄᭞ᬦᭂᬦᬂᬚᬵᬢᬶᬦᬶᬂᬕᬢ᭄ᬭ᭞ᬤᬸᬄᬫᬵᬲ᭄ᬫᬶᬭᬄᬓᬸᬲᬂᬤᬾᬯᬶ᭟᭑᭘᭟ᬫᬗ᭄ᬓᬢᬗ᭄ᬕᬸᬄᬲᬂᬳᬭᬹᬫ᭄᭞ᬫᬍᬲᬸᬉᬤ᭄ᬬᬢ᭄ᬫᬶᬓᬵᬭᬶᬲ᭄᭞
ᬗᬦ᭄ᬤᬶᬓᬰᬩ᭄ᬤᬦᬾᬩᬦ᭄ᬩᬦ᭄᭞ᬳᬭᬶᬗ᭄ᬓᬸᬘᬯᬶᬲᬂᬫᬗ᭄ᬓᬶᬦ᭄᭞ᬦᭂᬦᬂᬧ᭄ᬭᬪᬹᬭᬶᬂᬧᬬᬸᬤ᭄ᬥᬦ᭄᭞ᬭᬣᬦᬾᬲᬵᬫ᭄ᬧᬸᬦ᭄ᬫᬘᬯᬶᬲ᭄᭟᭑᭙᭟ᬯᬸᬲ᭄ᬲᬺᬕᭂᬧ᭄ᬳᬶᬤᬲᬂᬳᬬᬸ᭞ᬓᬮᬶᬄᬫᭂᬜᬦ᭄‌‌ᬮᬦ᭄ᬳᬸᬱᬥᬶ᭞ᬲᬦ᭄ᬤᬶᬮᬝᬦᬾᬉᬢ᭄ᬢᬫ᭞ᬧᬲᬸᬂᬦᬶᬦᬶᬘᬦ᭄ᬤ᭄ᬭ
ᬳᬲᬶᬄ᭞ᬲᬳᬲᬜ᭄ᬚᬢᬲᬦ᭄ᬤᬗᬦ᭄᭞ᬚᬳᬾᬘ᭄ᬓᬸᬄᬢᬩ᭄ᬬᬗᬶᬭᬶᬂ᭟᭒᭐᭟ᬕ᭄ᬮᬶᬲ᭄ᬫᬸᬗ᭄ᬕᬄᬦᬭᬾᬦ᭄ᬤ᭄ᬭᬯᬥᬸ᭞ᬲ᭄ᬫᬭᬵᬢᬾᬚᬸᬦ᭄ᬫᬜ᭄ᬭᬢᬶ᭞ᬫᬦᬸᬗ᭄ᬕᬂᬓ᭄ᬭᬾᬢᬳᬩ᭄ᬭᬵ᭞ᬮᬦ᭄ᬧᬜ᭄ᬚ᭄ᬭᭀᬯᬦ᭄‌‌ᬓᬢ᭄ᬭᬶᬦᬶ᭞ᬫᬓᭂᬩ᭄ᬬᬓ᭄ᬧ᭄ᬘᬸᬢ᭄ᬫᬲ᭄ᬯᬭ᭞ᬢᬾᬂᬢᭀᬂ

[᭑᭙᭓ 193A]
᭑᭙᭓
ᬲ᭄ᬬᬦ᭄ᬤᬦᬦᬾᬕᬸᬫ᭄ᬭᬶᬢ᭄᭟᭒᭑᭟ᬢᬦᬸᬘᬧᬦ᭄ᬫᬭᬶᬂᬳ᭄ᬦᬸ᭞ᬳᬾᬗ᭄ᬕᬮ᭄ᬮᬫ᭄ᬧᬳᬾᬲᬂᬤᬾᬯᬶ᭞ᬫᬭᬶᬂᬲᬫᬭᬵᬤᬶ᭠ᬮᬕ᭞ᬕ᭄ᬮᬶᬲ᭄ᬓᬸᬮᬶᬮᬶᬂᬫᬗᬶᬗᭂᬢᬶᬦ᭄᭞ᬓᬜ᭄ᬘᬦ᭄ᬭᬣᬧᬶᬦᬭᬶᬓ᭄ᬱ᭞ᬦᭀᬭᬲᬫᬭᬶᬂᬦᬵᬃᬧᬢᬶ᭟᭒᭒᭟ᬲᬢᬓ᭄‌‌ᬓ᭄ᬯᬾᬄ
ᬜᬲᬫᬶᬤᬸᬤᬹ᭞ᬳᬶᬩᬸᬓ᭄ᬘᬶᬢ᭄ᬢᬦᬾᬲᬂᬤᬾᬯᬶ᭞ᬓᬮᬮᬸᬮᬫ᭄ᬧᬳᬶᬂᬭᬣ᭞ᬓᬸᬥᬓ᭄ᬮᭂᬫ᭄‌‌ᬦᬸᬮ᭄ᬬᬫᬵᬢᬶ᭞ᬭᬶᬂᬭᬹᬤᬶᬭᬦᬶᬂᬧᬧ᭄ᬭᬗᬦ᭄᭞ᬓᬤᬶᬅᬃᬡ᭄ᬦᬯᬫᬗᬾᬯᭂᬳᬶᬦ᭄᭟᭒᭓᭟ᬲ᭄ᬬᬦ᭄ᬤᬦᬦᬾᬓᬸᬫ᭄ᬮᬫ᭄ᬲᬵᬫ᭄ᬧᬸᬦ᭄᭞ᬦᬸᬮ᭄ᬬᬢ᭄ᬥᬸᬦ᭄ᬭᬤᬾ
ᬦ᭄ᬤᬾᬯᬶ᭞ᬓᬮᬶᬄᬫ᭄ᬜᬦ᭄ᬫᬤᬭᬢᬦ᭄᭞ᬚᬳᬾᬘ᭄ᬓᬸᬄᬢᬩ᭄ᬬᬫᬮᬶᬄ᭞ᬬᬢ᭄ᬦᬲᬫᬗᬯᬮᬗ᭄ᬓᬧ᭄᭞ᬢᬦᬵᬦᬫᬾ᭠ᬮᬶᬂᬭᬶᬂᬳᬚ᭄ᬭᬶᬄ᭟᭒᭔᭟ᬫᬗ᭄ᬭᭀᬩᭀᬓ᭄ᬭᬄᬕ᭄ᬮᬶᬲ᭄ᬮᬸᬫᬓᬸ᭞ᬯᬗ᭄ᬓᬾᬦ᭄ᬓᬸᬥᬕᬚᬄᬲ᭄ᬭᬢᬶ᭞ᬳᬫᭂᬫ᭄‌‌ᬕᬦ᭄ᬤᬦ᭄ᬜᬦᬾᬓ᭄ᬭᬸᬭ᭞ᬢ
ᬦᬵᬦᬳᬋᬧᬶᬂᬕ᭄ᬢᬶᬂ᭞ᬫᬶᬤᭂᬃᬲᬫ᭄ᬧᬾᬩᬚᭂᬕ᭄ᬲᬹᬃᬬ᭄ᬬ᭞ᬲᬸᬓᬸᬍᬲᬸᬗ᭄ᬮᭂᬩ᭄ᬮᭂᬩ᭄‌‌ᬕ᭄ᬢᬶᬄ᭟᭒᭕᭟ᬫᬭᬃᬬ᭄ᬬᬦ᭄ᬫᬭᬶᬂᬲᭀᬭᬶᬂᬢᬸᬗ᭄ᬕᬸᬮ᭄᭞ᬳᬸᬦᬶᬦᬶᬂᬕ᭄ᬯᬓ᭄‌‌ᬗᬺᬲᬶᬂᬳᬢᬶ᭞ᬫᬗᬮᬸᬧ᭄ᬳᬮᬸᬧ᭄ᬫᬶᬦᬸᬫ᭄ᬭᬄ᭞ᬳᬘᬦ᭄ᬤᬘᬦ᭄ᬤᬳᬤᬶᬗ᭄ᬓ᭄ᬭᬶᬓ᭄᭞ᬫᬗᭂᬩᭂᬭᬂᬩᬲᬂ [ 194 ][᭑᭙᭓ 193B]
᭑᭙᭓
ᬩᬲᬂ᭞ᬦᬶᬘᬶᬧᬶᬭᬄᬦᬥᬄᬤᬕᬶᬂ᭟᭒᭖᭟ᬲᬫ᭄ᬪᬯᬳᬦᬓᬤᬸᬮᬸ᭞ᬪᬲ᭄ᬯᬭᬓᬂᬭᬣᬫᬡᬶᬓ᭄᭞ᬢᬾᬚᬗᬸᬗ᭄ᬕᬸᬮ᭄ᬓᬸᬮᬶᬮᬶᬗᬦ᭄᭞ᬗ᭄ᬮᬶᬧᬸᬢ᭄ᬲᬶᬭᬰ᭄ᬭᬷᬦᬵᬃᬧᬢᬶ᭞ᬭᬤᬾᬦ᭄ᬤᬾᬯᬶᬉᬤ᭄ᬬᬢ᭄ᬫᬶᬓ᭞ᬕᬕᬶᬲᬸᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭟᭒᭗᭟ᬮᬦ᭄ᬤᬾᬯᬶᬲ᭄ᬫ
ᬭᬢᬾᬚᬸᬦ᭄᭞ᬗᬤᭂᬕ᭄ᬗᬯᬮᬗ᭄ᬓᬧ᭄ᬳᬕ᭄ᬮᬶᬲ᭄᭞ᬫᬗᬶᬭᬶᬗᬂᬭᬓᬦ᭄ᬳᬶᬤ᭞ᬚᬳᬾᬘ᭄ᬓᬸᬄᬬᬢ᭄ᬦᬲᬫᬶ᭞ᬫᬗ᭄ᬢᬸᬢ᭄ᬮᬫ᭄ᬧᬄᬲᬂᬤ᭄ᬬᬄ᭞ᬢᬦ᭄ᬧᬳᬶᬢᬸᬂᬕ᭄ᬮᬶᬲ᭄ᬮᬸᬫᬭᬶᬲ᭄᭟᭒᭘᭟ᬧ᭄ᬭᬧ᭄ᬢᬭᬶᬂᬇᬦᬸᬗ᭄ᬲᬶᬲᬵᬫ᭄ᬧᬸᬦ᭄᭞ᬓᬢᭀᬦ᭄ᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬲᬃᬯ᭄ᬯᬶ᭠
ᬗ᭄ᬮᬶᬧᬸᬢ᭄ᬭᬶᬂᬲ᭄ᬬᬦ᭄ᬤᬦ᭞ᬮ᭄ᬯᬶᬃᬮᬬᭀᬦ᭄ᬯᬳᬸᬳᬶᬦᬓ᭄ᬱᬶ᭞ᬯᬚᬲᭂᬦ᭄ᬢᬓ᭄ᬓᬧᬦᭂᬲᬦ᭄᭞ᬮ᭄ᬬᭂᬧ᭄ᬘᬶᬗᬓᬾᬓᬢᭀᬦᬵᬰ᭄ᬭᬷ᭟᭒᭙᭟ᬓᬓ᭄ᬢᭂᬕ᭄ᬤᬦᬾᬓᬦ᭄ᬢᬸ᭞ᬦᬸᬮ᭄ᬬᬫᬸᬗ᭄ᬕᬄᬭᬵᬤᬾᬦ᭄ᬤᬾᬯᬶ᭞ᬳᬦᬭᬶᬂᬓ᭄ᬭᬾᬢᬓᭂᬜ᭄ᬘᬦ᭞ᬲᬦ᭄ᬤᬶᬮᬝᬢᬫ᭄ᬩᬍᬯᬶᬄ
᭞ᬧᬸᬦᬶᬓᬕ᭄ᬮᬶᬲ᭄ᬓᬢᬶᬩᬓᬂ᭞ᬓᬧᬓᬶᬦᬸᬫ᭄ᬓᬓᭂᬢᬶᬲᬶᬦ᭄᭟᭓᭐᭟ᬲᬂᬓᬦ᭄ᬢᬸᬭᬭᬶᬲ᭄ᬫᬳᬸᬗᬸ᭞ᬢᬸᬫᬸᬮᬶᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬘᬶᬢ᭄ᬢᬮ᭄ᬯᬶᬃᬓᬤᬶᬧᬗᬶᬧ᭄ᬬᬦ᭄᭞ᬫᬗᬦ᭄ᬤᬶᬓᬗᬲᬶᬳᬲᬶᬄ᭞ᬭᬶᬂᬕᬃᬯ᭄ᬯᬦᬾᬯᬳᬸᬧ᭄ᬭᬧ᭄ᬢ᭞ᬭᬤᬾᬦ᭄ᬤᬾᬯᬶᬫᬜᬯᬸ᭠

[᭑᭙᭔ 194A]
᭑᭙᭔
ᬭᬶᬦ᭄᭟᭓᭑᭟ᬬᬾᬦᬶᬂᬦᭀᬭᬢᬶᬢ᭄ᬬᬂᬭᬯᬸᬄ᭞ᬫᬦᬸᬮᬸᬗᬶᬦ᭄‌‌ᬰ᭄ᬭᬷᬦᬵᬃᬧᬢᬶ᭞ᬦᬦ᭄ᬤᬂᬮᬭᬭᬶᬂᬧᬬᬸᬤ᭄ᬥᬦ᭄᭞ᬩᭀᬬᬘᬶᬗᬓ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬗ᭄ᬓᬦ᭄ᬮᬫᬭᬶᬂᬧᬬᬸᬤ᭄ᬥᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬯᬳᬸᬫᬾᬮᬶᬂ᭟᭓᭒᭟ᬗᬭᬲᬵᬭᬲ᭄ᬲᬃᬯ᭄ᬯᬶᬫᬗ᭄ᬮᬸᬢ᭄᭞ᬢᬸᬫᬸᬲ᭄ᬳᬶ
ᬘ᭄ᬙᬦᬾᬫᬵᬲ᭄ᬫᬡᬶᬓ᭄᭞ᬫᬦᬸᬮᬸᬂᬭᬶᬂᬭᬡᬲᬪᬵ᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬲᬨᬮᬤᬾᬯᬳᬲᬸᬗ᭞ᬫᬓᬦ᭄ᬢᬶᬦᬶᬦ᭄ᬩᬮᬲᬓᬶᬢ᭄᭟᭓᭓᭟ᬲᬂᬤ᭄ᬬᬄᬦᭀᬭᬧᬜ᭄ᬚᬂᬳᬢᬹᬃ᭞ᬮᬦ᭄ᬳᬶᬧᬢᬶᬄᬓᬓ᭄ᬢᬶᬲᬶᬦ᭄᭞ᬫᬸᬓ᭄ᬬᬦᬶᬂᬫᭃᬗ᭄ᬓᬸᬦᬵᬕᬭ᭞ᬮᬦ᭄
ᬧᬋᬓᬦᬾᬓᬓᬮᬶᬄ᭞ᬧᬕᬕ᭄ᬧᬕᬾᬕ᭄ᬭᬭᬶᬲ᭄ᬦᭂᬕᬓ᭄᭞ᬫᬲᬶᬓ᭄ᬱᬶᬓᬦ᭄ᬫᬗᬸᬫᬶᬮ᭄ᬫᬶᬮ᭄᭟᭓᭔᭟ᬩᬤᬄᬪᬕ᭄ᬬᬦ᭄‌‌ᬢᬶᬢ᭄ᬬᬂᬭᬢᬸ᭞ᬤᬤᬶᬧᬋᬓᬦᬸᬫᬤᬶ᭞ᬦᭀᬭᬯᬦᭂᬄᬫᬦᬄᬢᬶᬢ᭄ᬬᬂ᭞ᬫᬤᬓ᭄ᬢᬸᬲᬶᬂᬢᬳᬾᬦ᭄ᬫᬢᬶ᭞ᬯ᭄ᬬᬤᬶᬦ᭄ᬫᬦ᭄ᬫᬸᬲᭂᬗ᭄ᬓᬮᬵ᭞
ᬮᬫᬸᬦ᭄ᬢᬸᬲᬶᬂᬢᬳᬾᬦ᭄ᬫᬢᬶ᭟᭓᭕᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬢᭂᬤᬸᬦ᭄᭞ᬫᬳᬶᬤᭂᬃᬲᬃᬯ᭄ᬯᬶᬦᬫ᭄ᬩᬦᬶᬦ᭄᭞ᬲᬫᬶᬢ᭄ᬮᬲ᭄ᬯᬸᬲ᭄ᬓᬢᬸᬮᬸᬗᬦ᭄᭞ᬲᬦᬾᬓᬦ᭄ᬢᬸᬦ᭄ᬫᬶᬯᬄᬫᬢᬶ᭞ᬩᬮᬫᬦ᭄ᬢ᭄ᬭᬶᬦᬾᬳᬦ᭄ᬢᬓ᭞ᬫᬶᬯᬄᬧ᭄ᬭᬪᬸᬲᬶᬮᬶᬂᬯᬗᬶ᭟᭓᭖᭟ᬩᬮᬭᬵᬓ᭄ᬱ [ 195 ][᭑᭙᭔ 194B]
᭑᭙᭔
ᬲᬦᬾᬓᬦ᭄ᬢᬸᬦ᭄᭞ᬧᬤᬸᬯᬸᬄᬫᬕᬳᬂᬲᬫᬶ᭞ᬓᭀᬘᬧ᭄ᬧᬢᬶᬄᬢᬸᬮᬓ᭄ᬫᬶᬂᬫᬂ᭞ᬫᬾᬭᬂᬗ᭄ᬢᭀᬦ᭄ᬲᬓᬶᬂᬮᬗᬶᬢ᭄᭞ᬕᬸᬲ᭄ᬢᬶᬦ᭄ᬜᬦᬾᬬᬓ᭄ᬱᬭᬵᬚ᭞ᬓᬦ᭄ᬢᬸᬦ᭄ᬢᬦᬵᬦᬜᬶᬗᬓᬶᬦ᭄᭟᭓᭗᭟ᬧᬢᬶᬄᬢᬸᬮᬓ᭄ᬫᬶᬂᬫᬂᬢ᭄ᬤᬸᬦ᭄᭞ᬫᬦᬸᬮᬸᬗᬶᬦ᭄‌‌ᬬᬓ᭄ᬱᬧ
ᬢᬶ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬜᬶᬗᬓ᭄᭞ᬰᬢ᭄ᬭᬸᬦᬾᬢᬦᬵᬦᬗᬦᬶᬦ᭄᭞ᬦᬸᬕᬶᬫᬾᬭᬂᬭᬶᬂᬉᬪᬬ᭞ᬗᬶᬭᬶᬂᬥᬸᬓᬸᬄᬲᬦᬾ᭠ᬗᬹᬦᬶ᭟᭓᭘᭟ᬲᬗ᭄ᬓᬾᬢᬦᬾᬧᬱ᭄ᬝᬶᬤᬸᬫᬸᬦ᭄᭞ᬬᬾᬦᬶᬂᬫᬗ᭄ᬕᬸᬄᬪᬬᬧᬢᬶ᭞ᬫᬗ᭄ᬤᬕ᭄ᬮᬶᬲ᭄ᬤᬦᬾᬳᬶᬦᬸᬦ᭄ᬤᬂ᭞ᬦᬶᬓᬓ᭄ᬭᬡᬲ
ᬦᬾᬫᬗ᭄ᬓᬶᬦ᭄᭞ᬫ᭄ᬦᭂᬂᬲᬵᬓ᭄ᬱᬡᬗᬱ᭄ᬝᬯ᭞ᬤᬦᬾᬥᬸᬓᬸᬄᬓᬢᭀᬦ᭄ᬫᬶᬚᬶᬮ᭄᭟᭐᭚ᬧᬸᬧᬸᬄᬫᬶᬚᬶᬮ᭄᭚᭑᭟ᬲᬓᬶᬂᬢᬦᬵᬦᬓᭀᬘᬧᬦ᭄ᬧ᭄ᬭᬧ᭄ᬢᬶ᭞ᬤᬦᬾᬤᬸᬓᬸᬄᬓᬢᭀᬦ᭄᭞ᬲᬂᬧ᭄ᬭᬪᬸᬢ᭄ᬤᬸᬦ᭄‌‌ᬭᬶᬂᬲ᭄ᬬᬦ᭄ᬤᬦᬦᬾ᭞ᬲᬶᬦ᭄ᬯᬕᬢᬦ᭄ᬲᬂᬯᬳᬸᬧ᭄ᬭ
ᬧ᭄ᬢᬶ᭞ᬫ᭄ᬯᬂᬧᬗᬶᬭᬶᬂᬲᬫᬶ᭞ᬫᬜᭂᬫ᭄ᬩᬄᬭᬭᬶᬲ᭄ᬳᬸᬫᬵᬢᬹᬃ᭟᭒᭟ᬮᬸᬗᬬᬦᬾᬲᬶᬭᬲᬂᬪᬹᬧᬢᬶ᭞ᬕ᭄ᬮᬶᬲ᭄ᬲᬶᬦᬫ᭄ᬩᬸᬢᬺᬓᭀ᭞ᬳᭀᬮᬶᬄᬳᬶᬥᬸᬓᬸᬄᬳᬮᬸᬲ᭄ᬳᬸᬚᬭᬾ᭞ᬤᬸᬄᬤᬾᬯᬥᬃᬫ᭄ᬫᬶᬓᬵᬚᬶ᭞ᬦᬧᬶᬳᬸᬮᬢ᭄ᬕᬢᬶ᭞ᬓᬤ᭄ᬬᬵᬕ᭄ᬬᬗᬚᬧ᭄ᬳᬶᬗᬸᬮᬸᬦ᭄

[᭑᭙᭕ 195A]
᭑᭙᭕
᭟᭓᭟ᬳᬸᬚᬭᬾᬲ᭄ᬥᭂᬂᬫᬲᬶᬮᬶᬲᬶᬮᬶᬄ᭞ᬓᭀᬘᬧ᭄ᬲᬂᬓᬢᭀᬂ᭞ᬦᬵᬃᬧᬢᬶᬫᬬᬹᬭᬋᬓᬾ᭞ᬫᬓᬵᬤᬶᬳᬶᬤᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬦᬸᬗ᭄ᬕᬂᬭᬣᬫᬡᬶᬓ᭄᭞ᬓᬧᬬᬸᬤ᭄ᬥᬦ᭄ᬳᬶᬤᬭᬯᬸᬄ᭟᭔᭟ᬢᬸᬫᭂᬤᬸᬦ᭄ᬳᬦᬭᬶᬂᬲ᭄ᬬᬦ᭄ᬤᬦᬕ᭄ᬮᬶᬲ᭄᭞ᬭᬶᬓᬯᬳᬸᬓᬢᭀ
ᬦ᭄᭞ᬲᬂᬳᬦᬓ᭄ᬫᬢ᭄ᬯᬂᬮᬦ᭄ᬧᬢᬶᬳᬾ᭞ᬦ᭄ᬲᭂᬓ᭄ᬳᬶᬤᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬲᬳᬵᬢᬜᬳᬭᬶᬲ᭄᭞ᬧ᭄ᬭᬪᬸᬳᬦᭀᬫ᭄ᬭᬭᬶᬲ᭄ᬫᬵᬢᬹᬃ᭟᭕᭟ᬦᬪᬾᬦ᭄ᬢᬶᬢ᭄ᬬᬂ᭞ᬤᬦᬾᬥᬸᬓᬸᬄᬰᬓ᭄ᬢᬶ᭞ᬳᬕ᭄ᬮᬶᬲ᭄ᬗᬮᬧ᭄ᬓᬲᭀᬃ᭞ᬧ᭄ᬭᬪᬹᬯᬺᬥᬫᬦᬶᬲᬵᬭᬹᬫ᭄ᬳᬸᬚᬭᬾ᭞᭠
ᬤᬸᬄᬭᬳᬚᭂᬂᬲᬶᬭᬯᬯᬸᬧ᭄ᬭᬧ᭄ᬢᬶ᭞ᬤᬦᬾᬥᬸᬓᬸᬄᬜᬯᬶᬲ᭄᭞ᬳᬶᬗ᭄ᬕᬶᬄᬧᬵᬢᬹᬢ᭄ᬤᬾᬯᬧ᭄ᬭᬪᬹ᭟᭖᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬦᬸᬮ᭄ᬬᬫᬵᬢᬹᬃᬫᬮᬶᬄ᭞ᬲᬶᬗ᭄ᬕᬶᬄᬧ᭄ᬭᬪᬹᬓᬯᭀᬢ᭄᭞ᬓ᭄ᬭᬡᬢᬶᬢ᭄ᬬᬂᬗᬸᬦ᭄ᬤᬂᬤᬦᬾ᭞ᬤ᭄ᬯᬦᬶᬂᬤᬳᬢ᭄ᬫᬾᬯᭂᬄᬓᬤᬶᬫᬗ᭄ᬓᬶᬦ᭄᭞ᬭᬶᬂᬤ
ᬍᬫ᭄ᬳᬚᬸᬭᬶᬢ᭄᭞ᬫᬦᬦ᭄ᬤᬶᬗᬶᬦ᭄ᬬᬓ᭄ᬱᬭᬢᬸ᭟᭗᭟ᬫᭀᬮᬶᬄᬢᬶᬢ᭄ᬬᬗᬾᬓᬭᬶᬫᬉᬭᬶᬧ᭄᭞ᬦᬶᬓᬭᬢᬸᬩᬯᭀᬲ᭄᭞ᬢᬸᬫᬸᬮᬶᬲᬫᬶᬩᬮᬫᬦ᭄ᬢ᭄ᬭᬶᬦᬾ᭞ᬥᬃᬫ᭄ᬫᬦᬶᬂᬬᬸᬤ᭄ᬥᬭᬢᬸᬩᬯᭀᬲᬶᬦ᭄᭞ᬦᭂᬫ᭄ᬧᬸᬄᬬᬓ᭄ᬱᬧᬢᬶ᭞ᬦᬦ᭄ᬤᬂ᭠ [ 196 ][᭑᭙᭕ 195B]
᭑᭙᭕
ᬮᬭᬳᬶᬧᬸᬦ᭄ᬓᬦ᭄ᬢᬸᬦ᭄᭟᭘᭟ᬤᬳᬢ᭄ᬓᬵᬗᭂᬦ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬶᬦ᭄᭞ᬭᬶᬂᬳᬶᬫᬸᬲᬸᬄᬓᬲᭀᬃ᭞ᬓᬤᬶᬩᬯᬶᬫᬕᬳᬂᬮᬫ᭄ᬧᬄᬜᬦᬾ᭞ᬧ᭄ᬭᬪᬸᬮᬶᬗ᭄ᬲᬶᬃᬕ᭄ᬮᬶᬲ᭄ᬳᬶᬤᬜᬯᬸᬭᬶᬦ᭄᭞ᬲᬶᬗ᭄ᬕᬶᬄᬲᬗᬧ᭄ᬓᬶᬓ᭄᭞ᬓ᭄ᬭᬡᬓᬵᬗᭂᬦ᭄ᬫᬭᬶᬂᬫᬸᬲᬸᬄ᭟᭙᭟ᬭᬤᬾᬦ᭄ᬫᬦ᭄ᬢ᭄ᬭᬶ
ᬳᬯᭀᬢ᭄ᬲᬭᬶᬦᬗᬶᬲ᭄᭞ᬦᭀᬭᬫᬦᬄᬳᬶᬗᭀᬂ᭞ᬫᬫ᭄ᬚᬳᬶᬯᬢᭂᬓ᭄ᬤᬦᬸᬚᬦᬾ᭞ᬲᬵᬫ᭄ᬧᬸᬦ᭄ᬳᬶᬧᬸᬦ᭄ᬦᬦ᭄ᬤᬂᬩᬸᬢᬲᬫᬶ᭞ᬢᬦ᭄ᬤᬦᭀᬭᬯᬦᬶ᭞ᬫᬕᬮᬓ᭄ᬫᬭᬶᬂᬳᬶᬗ᭄ᬲᬸᬦ᭄᭟᭑᭐᭟ᬧ᭄ᬭᬪᬹᬫᬬᬹᬭᬫᬯᬘᬦᬵᬭᬶᬲ᭄᭞ᬤᬸᬄᬤᬾᬯᬲᬂ᭠
ᬳᬦᭀᬫ᭄᭞ᬬᭀᬕ᭄ᬬᬬᬓ᭄ᬱᬗ᭄ᬫᬲᬶᬦ᭄ᬧᬢᬶᬦᬾ᭞ᬓᬵᬋᬧᬶᬂᬤᬦᬯᬲᬫᬶᬯ᭄ᬕᬶᬕ᭄᭞ᬦᭀᬭᬳᬦᬫᬮᬶᬄ᭞ᬕᬫᬵᬦ᭄ᬳᬶᬧᬸᬦ᭄ᬲᬦᬾᬧᬵᬢᬹᬢ᭄᭟᭑᭑᭟ᬤᬶᬜ᭄ᬘᬾᬦ᭄ᬤᬾᬯ᭞ᬓ᭄ᬭᬡᬓᬭᬶᬓᬲᬶᬄ᭞ᬭᬶᬂᬳᬶᬯᬗᬮ᭄ᬓᬯᭀᬦ᭄᭞ᬢᬦ᭄ᬫᬵᬦᬹᬢ᭄ᬭᬶᬂ
ᬚᬦ᭄ᬫᬰᬲᬦᬦᬾ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬢ᭄ᬮᬲ᭄ᬫᬧᬫᬶᬢ᭄᭞ᬫᬗᬦ᭄ᬤᬶᬓᬲᬃᬯ᭄ᬯᬶᬲᭂᬦ᭄ᬥᬸ᭟ᬦᬶᬫ᭄ᬩᬮ᭄ᬯᬘᬦᬳᬶᬥᬸᬓᬸᬄᬰᬓ᭄ᬢᬶ᭞ᬤᬸᬄᬤᬾᬯᬲᬂᬓᬝᭀᬂ᭞ᬬᭀᬕ᭄ᬬᬲᬂᬧ᭄ᬭᬪᬹᬮᬶᬗ᭄ᬲᬶᬃᬳᬸᬚᬭᬾ᭞ᬓᬜ᭄ᬘᬦᬶᬂᬯ᭠

[᭑᭙᭖ 196A]
᭑᭙᭖
ᬗᬮ᭄‌‌ᬯ᭄ᬦᬂᬧᬢᬾᬦᬶᬦ᭄᭞ᬘᭀᬭᬳᬾᬢ᭄ᬯᬄᬳ᭄ᬫᬲᬶᬦ᭄᭞ᬫᬦ᭄ᬤᬸᬂᬕᬃᬯ᭄ᬯᬦ᭄ᬲᬶᬭᬧ᭄ᬭᬪᬹ᭟᭑᭓᭟ᬜᬦ᭄ᬤᬂᬘᭀᬭᬳᬾᬤᬾᬯᬧᬢᬾᬦᬶᬦ᭄᭞ᬮᬗ᭄ᬕ᭄ᬬᬭᬶᬂᬲᬂᬳᬦᭀᬫ᭄᭞ᬧᬸᬦᬶᬓᬢᬶᬫ᭄ᬩᬂᬭᬶᬂᬚ᭄ᬭᭀᬓᬧ᭄ᬢᬶᬦᬾ᭞ᬳᬬ᭄ᬯᬲᬮᬄᬲᬶᬄᬭᬶᬂᬫᬸᬲᬸᬄᬯ᭄ᬕᬶ
ᬕ᭄᭞ᬧᬫᬹᬃᬓ᭄ᬓᬦᬾᬧᬱ᭄ᬝᬶ᭞ᬢᬦ᭄ᬫᬶᬦ᭄ᬢᬮᬸᬧᬸᬢ᭄ᬭᬶᬂᬧ᭄ᬭᬪᬹ᭟᭑᭔᭟ᬢᬶᬫ᭄ᬩᬂᬢᬶᬫ᭄ᬩᬂᬤᬾᬯᬦᬾᬓᬓᬮᬶᬄ᭞ᬫᬭᬶᬂᬳᬗᭂᬦ᭄ᬩᬯᭀᬲ᭄᭞ᬳᬮᬳᬬᬸᬦ᭄ᬫᬸᬲᬸᬄᬫ᭄ᬯᬂᬓᬦ᭄ᬢᬶᬦᬾ᭞ᬦᬾᬜᬦ᭄ᬤᬂᬉᬭᬶᬧ᭄ᬫᬶᬯᬄᬧᬢᬾᬦᬶᬦ᭄᭞ᬲᬶᬗ᭄ᬕᬶᬄᬰ᭄ᬭᬷᬦᬵᬃᬧᬢᬶ᭞ᬳᬬ᭄ᬯ
ᬤᬾᬯᬲᬮᬄᬢᬸᬚᬸ᭟᭑᭕᭟ᬳᬾᬫᭂᬂᬲᬶᬭᬦᬵᬃᬧᬢᬶᬳᬚᬶ᭞ᬦᬸᬮ᭄ᬬᬫᬜ᭄ᬮᬾᬫ᭄ᬧᭀᬄ᭞ᬫᬫ᭄ᬓᬸᬮ᭄ᬚᭂᬂᬤᬦᬾᬳᬶᬥᬸᬓᬸᬳᬾ᭞ᬓᬥᬃᬫ᭄ᬫᬦᬾᬩᬧᬭᬶᬂᬳᬚᬸᬭᬶᬢ᭄᭞ᬦ᭄ᬤᬶᬓᬬᬂᬤᬾᬯᬫᬮᬶᬄ᭞ᬤᬦᬾᬥᬸᬓᬸᬄᬲᬯᬸᬃᬕᬸᬬᬸ᭟᭑᭖᭟᭠
ᬳᬬ᭄ᬯᬢᬲᬶᬭᬲᬮᬄᬧᬗᬃᬣᬶ᭞ᬋᬗ᭄ᬯᬦᬶᬂᬩᬩᬯᭀᬲ᭄᭞ᬳᬗ᭄ᬕᬦᬶᬂᬳᬦ᭄ᬢᬶᬕᬉᬧᬫᬶᬦᬾ᭞ᬭᬹᬧᬦᬾᬯᬦ᭄ᬢᬄᬧ᭄ᬢᬓᬶᬂᬓᬸᬮᬶᬢ᭄᭞ᬭᬶᬂᬚ᭄ᬭᭀᬢᬦ᭄ᬲᬯᬯᬶ᭞ᬲᬶᬦᬄᬯᬾᬦ᭄ᬢᭂᬦ᭄ᬯᬃᬡ᭄ᬦᬶᬦ᭄ᬳᬶᬧᬸᬦ᭄᭟᭑᭗᭟ᬚ᭄ᬭᭀᬦᬶᬂᬓᬸᬮᬶᬢ᭄᭞ᬯᬾᬦ᭄ᬢᭂ [ 197 ][᭑᭙᭖ 196B]
᭑᭙᭖
ᬦ᭄ᬭᬸᬧᬓᬮᬶᬄ᭞ᬧᬸᬢᬶᬄᬓᬸᬦᬶᬂᬭᬶᬂᬚ᭄ᬭᭀ᭞ᬫᬦᬤᭀᬲ᭄ᬧᬶᬢᬶᬓ᭄ᬓᬸᬦᬶᬂᬜᬦᬾ᭞ᬓᬸᬦᬶᬂᬳᬶᬓᬂᬢᬮᬸᬄᬗᬭᬦ᭄‌‌ᬲᬵᬭᬷ᭞ᬓᬂᬰᬭᬷᬭᬳᬶᬗ᭄ᬕᬶᬄ᭞ᬳᬦᬤᭀᬲ᭄ᬳᬗ᭄ᬕᬓᬤᬸᬮᬸ᭟᭑᭘᭟ᬧᬸᬢᬶᬄᬳᬶᬓᬂᬢᬮᬸᬄᬢᬢᬦ᭄ᬓᬭᬶ᭞ᬓᬢᬶᬗ᭄ᬕᬮ᭄ᬢᬵ
ᬦ᭄ᬓᬢᭀᬦ᭄᭞ᬤᬤᭀᬲ᭄ᬫᬗ᭄ᬮᬶᬧᬸᬢ᭄ᬭᬹᬧᬦ᭄ᬧᬶᬢᬶᬓᬾ᭞ᬫᬓ᭄ᬭᬡᬳᬶᬧᬸᬦ᭄ᬳᬸᬦᬶᬂᬮᬸᬫᬭᬶᬲ᭄᭞ᬳᬶᬗ᭄ᬕᬶᬄᬬᬦ᭄ᬉᬧᬫᬶ᭞ᬲᬧᬸᬦᬶᬓᬤᬾᬯᬧ᭄ᬭᬪᬸ᭟᭑᭙᭟ᬳᬚᬲᬫᬃᬭᬶᬂᬯᬢᭂᬓ᭄ᬤᬸᬫᬤᬶ᭞ᬳᬬ᭄ᬯᬲᬮᬄᬅᬃᬣᭀᬲ᭄᭞ᬳᬦᬤᬶ
ᬯ᭄ᬯᬂᬧᬶᬮᬶᬄᬉᬢ᭄ᬢᬫᬦᬾ᭞ᬓ᭄ᬭᬡᬩᬶᬗᬸᬂᬦᬭᬦᬾᬭᬶᬂᬪᬹᬫᬶ᭞ᬦᬾᬫᬹᬮ᭄ᬬᬭᬶᬂᬲᬶᬲᬶ᭞ᬫᬗ᭄ᬮᬶᬧᬸᬢ᭄ᬭᬶᬂᬯᬶᬘᬶᬦ᭄ᬦᬶᬧᬸᬦ᭄᭟᭒᭐᭟ᬲᬵᬫ᭄ᬧᬸᬦ᭄ᬕᬮᬂᬍᬫᬄᬫᬗᬶᬮᬶᬤᬶᬦ᭄᭞ᬗᬯᬶᬦᬂᬓᬧᬶᬗᭀᬦ᭄᭞ᬓᬮᬶᬧᬸᬢ᭄ᬕᬮᬂᬤᬤᬶᬩᬶᬗᬸ
ᬗᬾ᭞ᬫᬓ᭄ᬭᬡᬭᬢᬸᬳᬶᬯᬂᬧᬶᬦᬹᬚᬶ᭞ᬘᭀᬭᬳᬾᬲᬬᬗᬂᬲᬳᬶ᭞ᬮᬓ᭄ᬱᬡᬦ᭄ᬥᬃᬫ᭄ᬫᬦᬾᬩᬶᬗᬸᬂ᭟᭒᭑᭟ᬧᬶᬢᬸᬳᬸᬦ᭄ᬳᬸᬚᬭᬾᬧ᭄ᬭᬪᬸᬮᬶᬗ᭄ᬲᬶᬃ᭞ᬤᬸᬄᬤᬾᬯᬲᬂᬳᬦᭀᬫ᭄᭞ᬲ᭄ᬯᬾᬦᬦ᭄ᬤᬂᬲᬗ᭄ᬲᬭᬤᬦᬸᬚᬦᬾ᭞ᬇ

[᭑᭙᭗ 197A]
᭑᭙᭗
ᬓᬂᬲᬮᬄᬯ᭄ᬦᬂᬯᬸᬲ᭄ᬧᬢᬾᬦᬶᬦ᭄᭞ᬤᭀᬱᬦᬾᬯ᭄ᬭᬢ᭄ᬧᬢᬶ᭞ᬦᬵᬳᬦ᭄ᬮᬓ᭄ᬱᬡᬲᬂᬲᬵᬥᬸ᭟᭒᭒᭟ᬬᬦ᭄ᬢᬦ᭄ᬧᬢᬾᬦᬶᬦ᭄‌‌ᬳᬶᬧᬸᬦ᭄ᬭᬓ᭄ᬱᬲᬶ᭞ᬢᬦ᭄ᬧᬸᬢᬸᬲᬶᬂᬳᬯᭀᬃ᭞ᬚᬕᬤᬾᬯᬫᬢᭂᬫ᭄ᬯᬂᬚᬸᬭᬶᬢᬾ᭞ᬮᬄᬤᬾᬯᬳᬾ
ᬗ᭄ᬕᬮ᭄ᬰᬢ᭄ᬭᬸᬦᬾᬧ᭄ᬚᬳᬶ᭞ᬰᬭᬧᬰᬸᬧᬢᬶ᭞ᬳᬗ᭄ᬕᬾᬦ᭄ᬗᬮᬧ᭄ᬚᬷᬯᬦᬶᬧᬸᬦ᭄᭟᭒᭓᭟ᬫᬗ᭄ᬤᬢᬦ᭄ᬘᬶᬦᬾᬤᬰ᭄ᬭᬷᬦᬵᬃᬧᬢᬶ᭞ᬢᬦ᭄ᬓᬳᬸᬘᬧ᭄ᬓᬯᭀᬦ᭄᭞ᬢᬶᬗ᭄ᬓᬳᬾᬫᬫᬢᬶᬫᬢᬶᬋᬓᬾ᭞ᬯᬸᬲ᭄ᬧᬶᬦ᭄ᬚᬳᬦ᭄ᬤᬾᬧᬰᬸᬧᬢᬶ᭞ᬳᬶᬭᬵ᭠
ᬓ᭄ᬱᬲᬧᬢᬶ᭞ᬓᬩᬾᬄᬓᬲᬶᬄᬩᬮᬦᬶᬧᬸᬦ᭄᭟᭒᭔᭟ᬭᬶᬂᬲᬵᬫ᭄ᬧᬸᬦ᭄ᬫᬗᭂᬫᬲᬶᬦ᭄ᬧᬢᬶ᭞ᬫᬭᬶᬂᬲᬵᬕᬭᬮᭀᬃ᭞ᬩᬶᬦ᭄ᬯᬂᬗᬓᭂᬦ᭄ᬩᬗ᭄ᬓᬾᬦ᭄‌‌ᬤᬦᬸᬚᬦᬾ᭞ᬢᭂᬫ᭄ᬧᬸᬄᬳᬦ᭄ᬢᬸᬓ᭄ᬳᬗᬶᬦ᭄ᬢᬭᬶᬓ᭄᭞ᬫᬗ᭄ᬤᬦᭀᬭᬓᬭᬶ᭞ᬫᬓᭀ
ᬧᭂᬢᬶᬦ᭄ᬲᬶᬭᬂᬧ᭄ᬭᬪᬸ᭟᭒᭕᭟ᬦᬵᬳᬦ᭄ᬢᬗ᭄ᬕᬸᬄᬤᬦᬾᬥᬸᬓᬸᬄᬰᬓ᭄ᬢᬶ᭞ᬫ᭄ᬯᬂᬬᬬᬄᬲᬂᬳᬦᭀᬫ᭄᭞ᬢᬦ᭄ᬫᬭᬶᬗ᭠ᬚᬚ᭄ᬗᬄᬳᬸᬚᬭᬾ᭞ᬤᬤᬶᬓ᭄ᬭᭀᬥ᭞ᬲᬂᬩᬕᬸᬲ᭄ᬫᬫ᭄ᬬᬃᬱᬶ᭞ᬓᬤᬶᬓᬵᬮᬵᬕ᭄ᬦᬶ᭞ᬦᬥᬄᬚᬕᬢ᭄ᬤᬸᬃᬕ᭄ᬕᬵᬗ᭄ᬮᬶᬧᬸᬢ᭄᭟ [ 198 ][᭑᭙᭗ 197B]
᭑᭙᭗
᭚ᬧᬸᬧᬸᬄᬤᬹᬃᬫ᭄ᬫ᭚᭑᭟ᬓᬂᬰᬭᭀᬢ᭄ᬢᬫᬧᬰᬸᬧᬢᬶᬨᬢᬵᬲ᭄ᬢ᭄ᬭ᭞ᬫᬦ᭄ᬢ᭄ᬭᬭᬶᬦ᭄ᬕᭂᬧ᭄ᬫᬮᬶᬄ᭞ᬲᬫᬵᬥᬶᬲᬓ᭄ᬱᬡᬵ᭞ᬲᬶᬭᬲᬂᬦᬺᬧᬲᬸᬢ᭞ᬢᬸᬂᬢᬸᬗᬶᬂᬳᬶᬲᬸᬫᬮᬸᬗᬶᬤ᭄᭞ᬦᬵᬮᬰᬭᬷᬭ᭞ᬓᬵᬮᬭᬹᬧᬗᬺᬲᬺᬲᬶᬦ᭄᭟᭒᭟ᬓ
ᬢᬶᬩᬓᬂᬳᭀᬮᬶᬄᬳᬶᬤᬰ᭄ᬭᬷᬥᬃᬫ᭄ᬫᬶᬓ᭞ᬰᬭᬰᬹᬭᬵᬲ᭄ᬢ᭄ᬭᬗ᭄ᬭᬭᬶᬲ᭄᭞ᬫᬦᬸᬯᬸᬓ᭄ᬧ᭄ᬭᬪᬜ᭄ᬭᬫ᭄ᬩᬄ᭞ᬫᬗ᭄ᬮᬶᬫ᭄ᬧᬸᬂᬫᬜᬾᬭᬾᬢ᭄ᬕᭂᬢᬶᬄ᭞ᬗᬫᬹᬓ᭄ᬤᬦᬸᬚ᭞ᬳᬯᭀᬃᬢ᭄ᬮᭂᬗᬶᬂᬳᬚᬸᬭᬶᬢ᭄᭟᭓᭟ᬪ᭄ᬭᬱ᭄ᬝᬧ᭄ᬚᬄᬩᬮᬤᬦᬸᬚᬲᬫ᭄ᬬᬦ᭄
ᬢᬸᬮᬓ᭄ᬫᬶᬂᬫᬂᬦᬸᬮ᭄ᬬᬕ᭄ᬮᬶᬲ᭄᭞ᬫ᭄ᬯᬂᬳᬶᬤᬦᬸᬚᬭᬵᬚᬮᬾᬦ᭄ᬧᬧᬢᬶᬳᬾᬧᬜ᭄ᬘ᭞ᬓᬢᭀᬦ᭄ᬯᬶᬰᬾᬱᬦᬶᬂᬳᬭᬶ᭞ᬤᬳᬢᬶᬂᬓ᭄ᬭᬸᬭ᭞ᬕᬮᬓ᭄ᬗᬫᬳᬫᬄᬲᬫᬶ᭟᭔᭟ᬗᬸᬗ᭄ᬲᬶᬫᬮᬬᬸᬜᬸᬤᬶᬢ᭄ᬓᬾᬂᬦᬵᬕᬭ᭞ᬧᬶᬢᬸᬤᬦᬸᬚᬲ
ᬫᬶ᭞ᬜᬥ᭄ᬬᬬᬂᬳᬯᬓ᭄ᬦ᭄ᬬ᭞ᬫᬗ᭄ᬤᬾᬦᬾᬫᬳᬸᬭᬶᬧ᭞ᬧ᭄ᬮᬬᬸᬦᬾᬲᬮᬶᬂᬮᬗ᭄ᬓᬸᬗᬶᬦ᭄᭞ᬯᬸᬲ᭄ᬓᬢᬸᬮᬸᬗᬦ᭄᭞ᬓ᭄ᬭᬡᬫᬗᭂᬤᬢ᭄ᬲᬫᬶ᭟᭕᭟ᬤᬦᬾᬥᬸᬓᬸᬄ᭞ᬭᬭᬶᬲ᭄ᬫᬵᬢᬹᬃᬭᬶᬂᬲᬂᬦᬵᬣ᭞ᬤᬸᬭᬸᬲ᭄ᬤᬾᬯᬦᬵᬃᬧᬢᬶ᭞ᬳᬶᬲᬸ

[᭑᭙᭘ 198A]
᭑᭙᭘
ᬦ᭄ᬢᬶᬩᬓᬂ᭞ᬬᬢ᭄ᬦᬲᬶᬭᬲᬂᬦᬵᬣ᭞ᬫᬗ᭄ᬮᭂᬧᬲ᭄ᬧᬰᬸᬧᬢᬶᬕ᭄ᬮᬶᬲ᭄᭞ᬯᬸᬲ᭄ᬮᬩ᭄ᬥᬓᬃᬬ᭄ᬬ᭞ᬓ᭄ᬥᬸᬫᬦ᭄ᬧᬦᬄᬲ᭠ᬫᬶ᭟᭖᭟ᬫᬲᬥᬦᬓᬂᬧᬦᬄᬫᬳᭀᬢ᭄ᬢᬫ᭞ᬧᬶᬢᬸᬓᬢᬸᬩ᭄‌‌ᬓᬂᬬᬓ᭄ᬱᬶ᭞ᬧ᭄ᬚᬄᬲᬧᬶᬲᬦᬦ᭄᭞ᬢᬸᬫᬸ
ᬮ᭄ᬯᬶᬓᬦᬂᬧᬦᬄ᭞ᬳᬶᬥᬸᬓᬸᬄᬫᬓᬾᬮᬶᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬮᬬ᭞ᬳᬗᬶᬦ᭄ᬳᬗ᭄ᬕᬾᬦ᭄‌‌ᬦᬶᬩᬓᬶᬦ᭄᭟᭗᭟ᬫᭂᬦ᭄ᬢᬂᬧᬦᬄ᭞ᬧ᭄ᬭᭀᬤ᭄ᬪᬹᬢᬫ᭄ᬢᬸᬧᬯᬦ᭞ᬫᬗ᭄ᬮᬶᬦᬸᬲ᭄ᬢᬦ᭄ᬧᬢᬦ᭄ᬤᬶᬂ᭞ᬳᬕ᭄ᬮᬶᬲ᭄ᬓᬢᬶᬩᬓᬂ᭞ᬭᬶᬂᬰᬢ᭄ᬭᬸᬦᬾᬯᬸ
ᬲ᭄ᬧᭂᬚᬄ᭞ᬮ᭄ᬯᬶᬃᬓᭂᬤᬸᬓ᭄‌‌ᬯᬗ᭄ᬓᬾᬦᬾᬲᬫᬶ᭞ᬢ᭄ᬮᬲ᭄ᬓᬳᬩᬮᬂ᭞ᬭᬸᬦ᭄ᬢᬸᬄᬫᬭᬶᬂᬳᭀᬤᬤ᭄ᬥᬶ᭟᭘᭟ᬤᬳᬢᬶᬂᬋᬡᬇᬯᬓ᭄ᬳᬶᬓᬂᬲᬫᬸᬤ᭄ᬭ᭞ᬳᬦᬥᬄᬯᬗ᭄ᬓᬾᬲᬫᬶ᭞ᬓᬸᬦᬧᬦᬶᬂᬬᬓ᭄ᬱ᭞ᬍᬫᬸᬓᬩᬾᬄᬓᬯᬋᬕᬦ᭄᭞ᬫᬘᬦ᭄ᬤᬧᬸ
ᬦ᭄‌‌ᬯᬭᬯᬶᬭᬶ᭞ᬲᬫᬶᬫᬗᬸᬫ᭄ᬩᬂ᭞ᬗᬭᭀᬫᬗᬺᬩᬸᬢ᭄ᬤᬕᬶᬂ᭟᭙᭟ᬲᬵᬫ᭄ᬧᬸᬦ᭄‌‌ᬪ᭄ᬭᬱ᭄ᬝᬫᬸᬲᬸᬄᬦᬶᬭᬫᬳᬵᬭᬚ᭞ᬓᬸᬫ᭄ᬮᭂᬫ᭄ᬫᬭᬶᬂᬳᭀᬤᬤᬶ᭞ᬢ᭄ᬓᬦᬶᬂᬭᬢᬸᬦ᭄ᬬ᭞ᬪᬹᬨᬮᬓᬦᬾᬚᬷᬃᬡ᭄ᬦᬵ᭞ᬲᬸᬫᬸᬬᬸᬕ᭄ᬭᬶᬂᬰ᭄ᬭᬷᬦᬵᬃᬧᬢᬶ᭞ᬫᬭᬶᬂᬧᬩ᭄ᬭ [ 199 ][᭑᭙᭘ 198B]
᭑᭙᭘
ᬢᬦ᭄᭞ᬩᬮᬵᬤᬶᬲᬫᬶᬢᬗ᭄ᬓᬶᬮ᭄᭟᭑᭐᭟ᬫᭂᬗ᭄ᬓᬸᬪᬹᬫᬶ᭞ᬮᬦ᭄ᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬫ᭄ᬯᬂᬧ᭄ᬭᬪᬸᬲᬶᬮᬶᬂᬯᬗᬶ᭞ᬮᬦ᭄ᬧᬢᬶᬄᬲᬸᬥᬃᬫ᭄ᬫ᭞ᬧᬕᬕ᭄ᬧᬕᬾᬕ᭄ᬢᬦ᭄ᬧᬲᬄ᭞ᬢᬦᬵᬤᭀᬄᬧ᭄ᬭᬪᬹᬮᬶᬗ᭄ᬲᬶᬃ᭞ᬲᬫᬶᬳᬭᬃᬬ᭄ᬬᬦ᭄᭞ᬭᬶᬂᬲᭀ
ᬭᬶᬂᬢᭂᬗ᭄ᬭᬦ᭄ᬓᬭᬶ᭟᭑᭑᭟ᬢᬢᬵᬮᬸᬗ᭄ᬕᬸᬄᬲᬫᬶᬜᬾᬩᬭᬶᬂᬲᬂᬦᬵᬣ᭞ᬳᬾᬩᭂᬓᬶᬂᬯᬤ᭄ᬯᬦᬾᬲᬫᬶ᭞ᬭᬶᬂᬢ᭄ᬕᬮ᭄ᬧᬧ᭄ᬭᬗᬦ᭄᭞ᬲᬲᬵᬫ᭄ᬧᬸᬦᬾᬯᬸᬲ᭄ᬚᬬ᭞ᬲᬋᬂᬤᬦᬾᬥᬸᬓᬸᬄᬰᬓ᭄ᬢᬶ᭞ᬖᬃᬯ᭄ᬯᬦᬾᬧ᭄ᬭᬧ᭄ᬢ᭞ᬲᬂᬓᬭᭀᬓᬤᬶᬭᬣᬶᬄ
᭟᭑᭒᭟ᬚᬳᬾᬘ᭄ᬓᬸᬄᬮᬦ᭄ᬮᬸᬄᬢᬩ᭄ᬬᬫᬗᬶᬭᬶᬗᬂ᭞ᬦᬫ᭄ᬧᬢᬷᬃᬣᬉᬱᬥᬶ᭞ᬲᬂᬥ᭄ᬬᬄᬫᬓᬭᭀᬦᬦ᭄᭞ᬧ᭄ᬭᬲᬫᬢᬫᬜᭂᬫ᭄ᬩᬄ᭞ᬲᬶᬗ᭄ᬕᬶᬄᬩᬧᬯᬸᬲ᭄ᬧ᭄ᬭᬧ᭄ᬢᬶ᭞ᬭᬶᬂᬳᬷᬦᬦᬶᬂᬭᬵᬦᬓ᭄᭞ᬳᬶᬘᬦᬸᬮᬸᬂᬲᬂᬦᬵᬣ᭞ᬤᬳᬢ᭄ᬦᬦ᭄ᬤᬂᬓᬧ᭄ᬭᬶ᭠
ᬳᬢᬶᬦ᭄᭞ᬫᬭᬶᬂᬧᬬᬸᬥᬦ᭄᭞ᬳᬶᬥᬸᬓᬸᬄᬫᬵᬢᬹᬃᬲᬶᬗ᭄ᬕᬶᬄ᭟᭑᭓᭟ᬫᬲᬶᬮᬶᬄᬲᬶᬮᬶᬄᬗᬮᬧ᭄ᬓᬲᭀᬃᬫᬯᬘᬦ᭞ᬲᬸᬓᬤᬸᬓᬦᬾᬗᬹᬦᬶ᭞ᬲᬃᬯ᭄ᬯᬶᬓᬢᬢ᭄ᬯᬬᬂ᭞ᬫ᭄ᬯᬂᬜᬸᬲᬸᬧᬶᬂᬓᬦᬦ᭞ᬮᬦ᭄‌‌ᬲ᭄ᬯᬾᬘ᭄ᬙᬦᬶᬘᬦ᭄ᬤ᭄ᬭᬳᬰᬶᬄ᭞ᬲ

[᭑᭙᭙ 199A]
᭑᭙᭙
ᬤᬸᬓ᭄ᬭᬶᬂᬗ᭄ᬳᬮᬲ᭄᭞ᬓᬓᭂᬫ᭄ᬩᬭᬶᬦ᭄ᬳᭀᬮᬶᬄᬚᬶᬫ᭄᭟᭑᭔᭟ᬳᬶᬗ᭄ᬕᬶᬄᬩᬯᬄᬬᬦᬸᬘᬧᬂᬓᬦᬂᬳᬸᬚᬃ᭞ᬢᬦ᭄ᬯᬸᬲ᭄ᬫᬲᬶᬮᬶᬄᬲᬶᬮᬶᬄ᭞ᬭᬶᬂᬫᬥ᭄ᬬᬦᬶᬂᬭᬡ᭞ᬭᬶᬂᬲᬵᬫ᭄ᬧᬸᬦ᭄ᬮᬩ᭄ᬥᬓᬃᬬ᭄ᬬ᭞ᬫᬯᬘᬦᬧ᭄ᬭᬪᬹᬮᬶᬗ᭄ᬲᬶᬃ᭞ᬗᬶᬭᬶᬂᬓᬾᬩᬸᬤᬮ᭄᭞ᬢ᭄ᬓᬾᬂ
ᬦᬵᬕᬭᬲᬫᬶ᭟᭑᭕᭟ᬩᬧᬥᬸᬓᬸᬄᬫ᭄ᬓᬲ᭄ᬳᬶᬭᬶᬂᬢᬶᬢ᭄ᬬᬂᬩᬸᬤᬮ᭄᭞ᬫᬭᬶᬂᬫᬬᬹᬭᬧᬹᬭᬶ᭞ᬧᬶᬂᬓᬮᬶᬄᬳᬶᬤᬾ᭠ᬯ᭞ᬲᬂᬦᬵᬣᬲᬶᬮᬶᬂᬯᬗ᭄ᬬ᭞ᬫᬶᬯᬄᬩᬳᬸᬤᬦᬲᬫᬶ᭞ᬗᬶᬭᬶᬗᬂᬢᬶᬢ᭄ᬬᬂ᭞ᬲᬸᬫᭂᬧᭂᬃᬲᬦᬾᬫᬗ᭄ᬓᬶᬦ᭄᭟᭑᭖
᭟ᬮᬶᬦ᭄ᬢᬂᬲᬸᬓᬧᬦ᭄ᬭᬶᬫᬦᬶᬂᬘᬶᬢᬦᬶᬗ᭄ᬯᬂ᭞ᬭᬶᬂᬳᬶᬘᬦ᭄ᬳᬶᬤᬾᬯᬲᬫᬶ᭞ᬲᬸᬥᬶᬳᬦᬸᬮᬸᬂᬢᬶᬢ᭄ᬬᬂ᭞ᬢᭂᬳᭂᬃᬫ᭄ᬦᬂᬭᬶᬂᬭᬡᬵ᭞ᬫᬸᬲᬸᬳᬾᬗ᭄ᬫᬲᬶᬦ᭄ᬫᬢᬶ᭞ᬲᬨᬮᬲ᭄ᬯᬾᬘ᭄ᬙ᭞ᬗᬶᬭᬶᬂᬲᬶᬫ᭄ᬧᬂᬓᬧᬸᬭᬶ᭟᭑᭗᭟ᬦᬵᬗ᭄ᬳᬶᬂᬤᬾᬯᬢᬦᬵᬦᬮᬪ
ᬧᬸᬦᬧ᭞ᬲᬓᬾᬯᬮᬚ᭄ᬯᬳᬸᬦᬶᬂ᭞ᬭᬶᬂᬦᬵᬕᬭᬦ᭄ᬢᬶᬢ᭄ᬬᬂ᭞ᬫᬭᬶᬂᬫᬬᬹᬭᬤᬾᬰ᭞ᬲᬯᬢᬭᬫᬓᬮᬫᬶ᭞ᬢᬶᬕᬧᬢ᭄ᬮᬶᬫ᭞ᬦᭂᬫ᭄ᬧᬶᬢᬸᬤᬶᬦᬳᬶᬗ᭄ᬕᬶᬄ᭟᭑᭘᭟ᬲᬧᬸᬦᬶᬓᬧ᭄ᬭᬪᬹᬮᬶᬗ᭄ᬲᬶᬃᬫᬧᬶᬯ᭄ᬓᬲ᭄᭞ᬳᬶᬥᬸᬓᬸᬄᬢ᭄ᬮᬲ᭄ᬫᬗᬶᬭᬶᬂ [ 200 ][᭑᭙᭙ 199B]
᭑᭙᭙
᭞ᬮᬦ᭄ᬲᬂᬢᬫ᭄ᬯᬶᬦᬵᬣ᭞ᬧᬭᬬᭀᬕ᭄ᬬᬫᬫᬵᬢᬹᬢᬂ᭞ᬧᬥᬗᬤᭂᬕ᭄ᬫᬫᬶᬂᬲᬶᬗ᭄ᬕᬶᬄ᭞ᬭᬭᬶᬲ᭄ᬫᬫᬃᬕ᭄ᬕ᭞ᬮ᭄ᬯᬶᬃᬳᭂᬫ᭄ᬩᬳᬶᬂᬧᬲᬶᬃᬉᬓᬶᬃ᭟᭐᭚ᬧᬸᬧᬸᬄᬅᬤ᭄ᬭᬶ᭚᭑᭟ᬕᬾᬕᬾᬃᬳᬸᬫ᭄ᬬᬂᬯᬤ᭄ᬯᬦᬾᬕᬸᬫᬸᬭᬸᬄ᭞ᬫᬶᬯᬄᬢᬸᬗ᭄ᬕᬗᬦᬾ᭞ᬕᬚᬭᬣᬯᬸᬲ᭄ᬫ
ᬘᬯᬶᬲ᭄᭞ᬮᬦ᭄ᬲᬗ᭄ᬓᬫᬲ᭄ᬯᬭᬳᬸᬫᬸᬂ᭞ᬫ᭄ᬯᬂᬕᬸᬩᬃᬫᬺᬥᬗ᭄ᬕᬦᬶᬧᬸᬦ᭄᭞ᬧᬭᬚᬸᬭᬸᬦᬸᬗ᭄ᬕᬂᬓᬸᬥ᭞ᬦᬸᬗ᭄ᬕᬂᬕᬚᬄ᭠ᬯᬢᭂᬓ᭄ᬭᬢᬸ᭞ᬳᬚᬾᬚᬾᬃᬗᬧᬶᬢᬶᬂᬫᬃᬕ᭄ᬕ᭞ᬫᬫᬵᬲ᭄ᬩᭂᬤᬶᬮ᭄ᬗᬧᬶᬢ᭄ᬚᬮᬦ᭄᭟᭒᭟ᬲᬫᬶᬬᬢ᭄ᬦᬯᬢᭂᬓ᭄ᬧᬭᬭᬢᬸ᭞ᬓ
ᬮᬶᬄᬧᬗᬶᬭᬶᬗᬾ᭞ᬧᬘᬂᬫᬵᬦ᭄ᬢᬸᬓ᭄ᬫᬭᬶᬂᬧᬸᬭᬶ᭞ᬓᭀᬘᬧᬦ᭄ᬳᬶᬤᬲᬂᬧ᭄ᬭᬪᬸ᭞ᬳᬓ᭄ᬭᬫ᭄ᬭᬶᬂᬭᬣᬳᬮᬸᬗ᭄ᬕᬸᬄ᭞ᬳᬦᬭᬶᬂᬭᬣᬤᬸᬫᬶᬮᬄ᭞ᬰ᭄ᬭᬷᬯᬺᬥᬲᬋᬂᬳᬶᬥᬸᬓᬸᬄ᭞ᬧ᭄ᬭᬪᬹᬳᬦᭀᬫ᭄ᬓᬮᬶᬄᬕᬃᬯ᭄ᬯ᭞ᬳᬦᬭᬶᬂᬭᬣᬓᬜ᭄ᬘᬦ᭟᭓᭟ᬲᬂᬲ᭄ᬭ
ᬢᬶᬧᬢᬶᬄᬲᬸᬥᬃᬫ᭄ᬫᬇᬓᬸ᭞ᬓᬮᬶᬄᬧᬕᬕ᭄ᬧᬕᬾᬕ᭄᭞ᬢᬸᬫᬸᬢ᭄ᬫᬭᬶᬂᬗ᭄ᬕᭀᬦᬶᬂᬓᬸᬲᬶᬃ᭞ᬮᬸᬄᬢᬩ᭄ᬬᬮᬦ᭄ᬚ᭠ᬳᬾᬘ᭄ᬓᬸᬄ᭞ᬢᬦ᭄ᬲᬄᬫᬗᭂᬫ᭄ᬩᬦ᭄ᬲᬂᬳᬬᬸ᭞ᬲᬫᬶᬳᬦᬸᬗ᭄ᬕᬂᬭᬣ᭞ᬓᬢᭀᬦ᭄ᬓᬤᬶᬕᬸᬦᬸᬂᬫᬸᬭᬸᬩ᭄᭞ᬤᬳᬢ᭄ᬤᬸᬫᬶᬮᬄ

[᭒᭐᭐ 200A]
᭒᭐᭐
ᬓᬢᬶᬗ᭄ᬳᬮᬦ᭄᭞ᬪᬲ᭄ᬯᬭᬲ᭄ᬦᬦᬶᬂᬭᬣ᭟᭔᭟ᬲᬦᬾᬗᬸᬗ᭄ᬓᬸᬭᬶᬦ᭄ᬳᬦᬓᬾᬳᬕᬸᬂ᭞ᬲ᭄ᬬᬦ᭄ᬤᬦᬭᬹᬓ᭄ᬫᬦᬾ᭞ᬯᬦ᭄ᬢᬄᬧ᭄ᬭᬪᬹᬲᬶᬮᬶᬂᬯᬗᬶ᭞ᬇᬭᬶᬓᬳᬶᬤᬫᬮᬸᬗ᭄ᬕᬸᬄ᭞ᬳᬓ᭄ᬯᬾᬄᬲᬋᬂᬧᬭᬭᬢᬸ᭞ᬫ᭄ᬯᬂᬧᬢᬶᬄᬫᭂᬗ᭄ᬓᬸᬦᬵᬕᬭ᭞ᬮᬦ᭄ᬫᭂᬗ᭄ᬓᬸ
ᬪᬹᬫᬶᬫᬮᬸᬗ᭄ᬕᬸᬄ᭞ᬤᬤᬶᬲ᭄ᬭᬢᬶᬳᬋᬧᬦ᭄᭞ᬳᬩ᭄ᬭᬫᬸᬭᬹᬩ᭄ᬓᬦᬂᬭᬣ᭟᭕᭟ᬓᬝᬄᬭᬣᬦᬾᬗᬶᬭᬶᬂᬤᬶᬧᬸ᭠ᬗ᭄ᬓᬸᬃ᭞ᬯᬢᭂᬓ᭄ᬪᬸᬧᬢᬶᬦᬾ᭞ᬢᬦ᭄ᬯᬶᬦᬶᬮᬂᬲᬫᬶᬍᬯᬶᬄ᭞ᬲᬕᬺᬳᬦ᭄ᬲᬫᬶᬮᬸᬫᬓᬸ᭞ᬕᬾᬕᬾᬃᬳᬸᬫᬸᬂᬦᬭᬶᬂᬳ᭄ᬦᬸ᭞ᬲ
ᬓ᭄ᬱᬵᬢ᭄ᬕᬸᬦᬸᬂᬩ᭄ᬬᬤ᭄ᬫᭃᬫ᭄ᬩᬄ᭞ᬤᬸᬫᬶᬮᬄᬫᬗᭂᬦ᭄ᬥᬶᬄᬫᬸᬭᬸᬩ᭄᭞ᬭᬫᬾᬲ᭄ᬯᬭᬦᬶᬂᬢᬸᬗ᭄ᬕᬗᬦ᭄᭞ᬳᬯᭀᬃᬳᬸᬦᬶᬦᬶᬂᬫ᭄ᬭᬤᬗ᭄ᬕᬵ᭟᭖᭟ᬤᬩ᭄ᬤᬩ᭄ᬮᬫ᭄ᬧᬳᬾᬳᬦᬭᬶᬂᬳ᭄ᬦᬸ᭞ᬳᬓ᭄ᬯᬾᬄᬕᬶᬦᭀᬲ᭄ᬢᬶᬦᬾ᭞ᬤᬦᬾᬥᬸᬓᬸᬄᬭᬶᬂᬦᬵᬃᬧᬢᬶ᭞ᬳ
ᬲᬶᬂᬓᬢᭀᬦ᭄‌‌ᬫ᭄ᬯᬓᬭᬸᬗᬸ᭞ᬲᬧᬜ᭄ᬚᬂᬫᬃᬕ᭄ᬕᬶᬫᬢᬸᬢᬸᬃ᭞ᬲᬶᬗ᭄ᬕᬶᬄᬤᬾᬯᬫᬳᬵᬭᬚ᭞ᬳᬬ᭄ᬯᬲᬶᬭᬳᬕ᭠ᬮ᭄ᬳᬕᬸᬮ᭄᭞ᬗᬫᭀᬂᬩᬸᬤ᭄ᬥᬶᬫᬶᬯᬄᬭᬕ᭞ᬓᬲᬸᬂᬲᬸᬂᬫᬭᬶᬂᬫᬬᬹᬭ᭞᭗᭟ᬢᬦ᭄ᬪᬷᬦᬲᭀᬮᬄᬧᬓ᭄ᬱᬶᬘ᭄ᬮᭂᬧᬸ [ 201 ][᭒᭐᭐ 200B]
᭒᭐᭐
ᬓ᭄᭞ᬳᬭᬹᬫ᭄ᬯᬶᬘᬭᬦᬾ᭞ᬤᬕᬶᬂᬜᬧ᭄ᬯᭂᬓ᭄ᬫᬓᬲᬫᬶ᭞ᬢᬦᬵᬦᬜᬦ᭄ᬤᬂᬢᬶᬦᬶᬭᬸ᭞ᬗᬮᬶᬄᬧᬗᬦ᭄‌‌ᬤᬮᬸᬤᬮᬸ᭞ᬇᬓᬸᬫᬦᬄᬥᭂᬥᭂᬢ᭄ᬗᬭᬦ᭄᭞ᬩᬦ᭄ᬤᬶᬗᬉᬧᬫᬦᬶᬧᬸᬦ᭄᭞ᬓᬤᬶᬲᭀᬮᬳᬶᬂᬫᬬᬹᬭ᭞ᬕᭀᬩᬩᬕᬸᬲ᭄‌‌ᬲᭀᬮᬄᬤ
ᬩ᭄ᬤᬩ᭄᭟᭘᭟ᬫᬯᭂᬯᭂᬄᬫᬸᬜᬶᬦᬾᬫᬺᬥᬸᬳᬭᬹᬫ᭄᭞ᬯᬳᬸᬦ᭄ᬤᬵᬕ᭄ᬲᬹᬃᬬ᭄ᬬᬦᬾ᭞ᬫᬗ᭄ᬭᬾᬤᬾᬧ᭄ᬓᬫ᭄ᬧᬶᬤᬾᬳᬰ᭄ᬭᬷ᭞ᬦᬶᬓᬦᬾᬜᬦ᭄ᬤᬂᬢᬶᬭᬸ᭞ᬲᬩᬭᬂᬢᬶᬗ᭄ᬓᬄᬳᬤᭂᬕ᭄ᬭᬢᬸ᭞ᬲᬓᬶᬂᬏᬜ᭄ᬚᬶᬂᬓᬢᬗ᭄ᬓᬶᬮ᭞ᬦ᭄ᬤᬢᬦ᭄ᬳᭀᬩᬄᬗᬯᬾᬮᬸ
ᬮᬸᬢ᭄᭞ᬗᬥᬸᬪᬵᬯᬰᬩ᭄ᬤᬢᬶᬗ᭄ᬳᬮ᭄᭞ᬲᭀᬮᬄᬯᬳ᭄ᬬᬇᬓᬸᬗᬭᬦ᭄᭟᭙᭟ᬮᬶᬦ᭄ᬢᬂᬧᬵᬢᬹᬢ᭄ᬳᬸᬦᬶᬦᬶᬂᬧᬸᬯᬸᬄᬢᬶᬭᬸ᭞ᬳᬶᬗ᭄ᬕᬶᬄᬳᬸᬧᬫᬶᬦᬾ᭞ᬳᬲᬶᬂᬳᬋᬧ᭄ᬚᬕᬪᬓ᭄ᬢᬶ᭞ᬭᬶᬂᬳᬶᬤᬲᬂᬳ᭄ᬬᬂᬲᬶᬦᬸᬳᬸᬦ᭄᭞ᬦᭀᬭᬳᭀᬲᬶᬓ᭄ᬦᭀᬭᬕᬶᬗ᭄ᬕᬂ᭞᭠
ᬗᬲ᭄ᬢᬯᬲᬮᬫ᭄ᬧᬄᬮᬓᬸ᭞ᬫ᭄ᬭᬶᬓ᭄ᬳᬭᬹᬫ᭄ᬓᬦᬂᬮᬫ᭄ᬧᬄ᭞ᬓᬵᬧ᭄ᬢᬶᬤ᭄ᬬᬵᬢ᭄ᬫᬶᬓᬗᬭᬦ᭄᭟᭑᭐᭟ᬬᬾᬦ᭄ᬩᬘᬶᬘ᭄ᬙᬳᬸᬦᬶᬦᬾᬮᬶᬦ᭄ᬢᬂᬮ᭄ᬬᬸ᭞ᬳᬓ᭄ᬯᬾᬄᬘᬶᬦᬾᬤᬦᬾ᭞ᬳᬦ᭄ᬢᬸᬓ᭄ᬗᭀᬘᬾᬧᬸᬦ᭄ᬫᬫᬸᬜᬶ᭞ᬲᬶᬦᬄᬓᬝᬄᬲᬮᬄᬢᭂ

[᭒᭐᭑ 201A]
᭒᭐᭑
ᬫ᭄ᬧᬸᬄ᭞ᬳᬶᬓᬤᬤᬶᬫᬦᬄᬇᬩᬸᬓ᭄᭞ᬢᬦ᭄ᬪᬷᬦᬲᭀᬮᬄᬳᬶᬚᬮᬓ᭄᭞ᬫᬸᬜᬶᬓᬲᬃᬲᭀᬮᬄᬗᬶᬫᬸᬄ᭞ᬫ᭠ᬗ᭄ᬯᬗᬸᬦᬂᬲᬂᬲᬃᬕ᭄ᬕ᭞ᬗᬯᬾᬕ᭄ᬢᬶᬂᬲᬂᬫᬫ᭄ᬬᬵᬃᬱ᭟᭑᭑᭟ᬳᬲᬧᬸᬦᬶᬓᬜᬦ᭄ᬤᬂᬧᬶᬢᬸᬳᬸᬦ᭄᭞ᬧᬶᬳᬸᬗᬸᬦ᭄ᬢᬶᬢ᭄ᬬᬗᬾ᭞
ᬤᬾᬯᬧ᭄ᬭᬪᬸᬫᬓᬲᬫᬶ᭞ᬲᬮᬫᬶᬦᬾᬗᬥᭂᬕ᭄‌‌ᬧ᭄ᬭᬪᬹ᭞ᬳᬬ᭄ᬯᬮᬸᬧᬤᬤᬶᬳᬕᬸᬂ᭞ᬲᬶᬗ᭄ᬕᬶᬄᬤᬾᬯᬲᬂᬓᬢᬶᬕ᭞ᬧ᭄ᬭᬪᬸᬫᬬᬹᬭᬭᬸᬫᬸᬳᬸᬦ᭄᭞ᬧ᭄ᬭᬪᬸᬮᬶᬗ᭄ᬲᬶᬃᬓᬧᬶᬂᬭ᭄ᬯ᭞ᬲᬶᬮᬶᬂᬯᬗᬶᬓᬧᬶᬂᬢᬶᬕ᭟᭑᭒᭟ᬤ᭄ᬯᬦᬶᬂᬤᬾᬯᬲᬫᬶᬲᬵᬫ᭄ᬧᬸ
ᬦ᭄ᬫᬸᬗ᭄ᬕᬸᬄ᭞ᬭᬶᬂᬚᬕᬢ᭄ᬢᬶᬕᬦᬾ᭞ᬓᬘᬭᬶᬢᬗᭂᬫ᭄ᬧᬸᬕᬸᬫᬶ᭞ᬲᭀᬮᬄᬓᬓᬸᬮ᭄ᬜᬦ᭄ᬤᬂᬢᬶᬭᬸ᭞ᬳᬶᬧᬸᬦ᭄ᬫᬕ᭄ᬦᬄᬭᬶᬂ᭠ᬳᭂᬡ᭄ᬥᬸᬢ᭄᭞ᬦᬶᬓᬧᬲ᭄ᬫᭀᬦ᭄ᬭᬶᬂᬭᬕ᭞ᬤᬾᬦᬶᬂᬋᬡᬫᬭᬶᬂᬩᬜᬸ᭞ᬢᭂᬕᭂᬲᬾᬮᬷᬮᬮᬕᬯ᭞ᬭᬶᬂᬰᬯᬄᬳᬶᬧᬸᬦ᭄ᬫᬕ᭄ᬦᬄ
᭟᭑᭓᭟ᬲᬢᬢᬳᬶᬧᬸᬦ᭄‌‌ᬜᬸᬗ᭄ᬓᭂᬫᬶᬦ᭄ᬧᬵᬢᬹᬢ᭄᭞ᬗ᭄ᬕᭀᬦᬾᬤᬶᬮᬶᬗ᭄ᬕᬳᬾ᭞ᬦᭀᬭᬇᬩᬸᬓ᭄‌‌ᬦᭀᬭᬕᬸᬜ᭄ᬚᬶᬄ᭞ᬦᭀᬭᬓᬾᬯᭂᬄᬯ᭄ᬬᬤᬶᬦ᭄ᬳᭂᬚᬸᬓ᭄᭞ᬯ᭄ᬬᬤᬶᬦ᭄ᬳᬶᬧᬸᬦ᭄ᬧᬘᬂᬮᬫ᭄ᬧᬸᬲ᭄᭞ᬢ᭄ᬯᬭᬳᬶᬧᬸᬦ᭄ᬫᬗᬾᬯᭂᬳᬂ᭞ [ 202 ][᭒᭐᭑ 201B]
᭒᭐᭑
ᬤᬾᬦᬶᬂᬧᬸᬦ᭄ᬫᬦᬶᬦ᭄ᬥᬶᬄᬧᬵᬢᬹᬢ᭄᭞ᬗᬃᬤ᭄ᬥᬶᬳ᭄ᬢᬶᬲᬾᬓᬮᬶᬦ᭄ᬢᬂ᭞ᬦᭀᬭᬳᬶᬧᬸᬦ᭄ᬦᬳᭂᬦᬺᬗᬲ᭄᭟᭑᭔᭟ᬚᭂᬕ᭄‌‌ᬫ᭄ᬦᭂᬂᬲᬓᬾᬂᬋᬡᬦᬾᬗᬗ᭄ᬕᬸᬃ᭞ᬭᬶᬂᬢ᭄ᬗᬄᬘᬭᬶᬓᬾ᭞ᬓᬕᬾᬢ᭄ᬦᬭᬢ᭄ᬓᬵᬲᭂᬗᬶᬢ᭄᭞ᬫᬦᬥᬄᬳᬸᬮᬫ᭄ᬳᬶᬓᬓᬸᬮ᭄᭞ᬦᭀᬭᬕᬮ
ᬓ᭄‌ᬦᭀᬭᬇᬩᬸᬓ᭄᭞ᬦᭀᬭᬲᭂᬗ᭄ᬓᬫᬫ᭄ᬯᬢᬂ᭞ᬤ᭄ᬯᬦᬶᬂᬳᬶᬧᬸᬦ᭄ᬦᭀᬭᬫ᭄ᬮᬬᬸ᭞ᬦᬦ᭄ᬤᬂᬋᬡᬫᬭᬶᬂᬳᬯᬓ᭄᭞ᬜ᭄ᬭᬄᬳᬗ᭄ᬕᬚᬷᬯᬲᬢᬢ᭟᭑᭕᭟ᬤ᭄ᬯᬦᬶᬂᬮᬗ᭄ᬕᭂᬂᬳᬶᬧᬸᬦ᭄ᬦᭀᬗᭀᬲ᭄ᬤᬶᬢᬸ᭞ᬫᬗ᭄ᬫᬶᬢ᭄ᬧᬭᬶᬦᬾ᭞ᬦᬭᬶᬂᬰᬯᬄᬲ᭄ᬬᬂᬭᬵᬢ᭄ᬭᬶ᭞ᬓ᭄ᬭᬡ
ᬦ᭄ᬳᬶᬧᬸᬦ᭄ᬲᬫᬶᬗᬸᬦ᭄ᬢᬸᬮ᭄᭞ᬧᬭᬶᬦᬾᬫᬳᬶᬲᬶᬧ᭄ᬦᬸᬄ᭞ᬓᬜ᭄ᬘᬦ᭄ᬧᬸᬬᬸᬂᬳᬶᬧᬸᬦ᭄ᬲᬸᬗ᭄ᬕᬃ᭞ᬦᭀᬭᬵᬦᬕᬸᬡᬦᬶᬧᬸᬦ᭄᭞ᬭᬶᬂᬰᬯᬄᬳᬶᬧᬸᬦ᭄ᬫᬓᬸᬢᬂ᭞ᬲᬂᬫᬫ᭄ᬯᬢᬂᬤᬕᬶᬂᬜ᭟᭑᭖᭟ᬮᬾᬤᬂᬧ᭄ᬭᬪᬸᬢᬶᬕᬫᬗ᭄ᬭᬸᬗᬸ᭞ᬢᬸᬢᬸᬃᬳᬶᬥᬸᬓᬸᬳᬾ᭞ᬲᬧᬵ
ᬜ᭄ᬚᬂᬧᬜ᭄ᬚᬗᬶᬂᬫᬃᬕ᭄ᬕᬶ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬩᬧᬥᬸᬓᬸᬄ᭞ᬢᬶᬢ᭄ᬬᬂᬜᬥ᭄ᬬᬯᬦ᭄ᬢᬄᬜᬸᬳᬸᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄‌‌ᬧ᭄ᬭᬧ᭄ᬢ᭞ᬳᬦᬭᬶᬂᬦᬵᬕᬭᬲᬵᬫ᭄ᬧᬸᬦ᭄᭞ᬇᬭᬶᬓᬫᬭᬶᬂᬫᬬᬹᬭ᭞ᬯᬢᭂᬓ᭄ᬭᬢᬸᬢ᭄ᬥᬸᬦ᭄ᬲᬫ᭄ᬬᬦ᭄᭟᭑᭗᭟᭠

[᭒᭐᭒ 202A]
᭒᭐᭒
ᬫᬗ᭄ᬭᬜ᭄ᬚᬶᬂᬲᬫᬦᬭᬶᬂᬧᬸᬭᬶᬳᬕᬸᬂ᭞ᬫᬶᬯᬄᬧᬧᬢᬶᬳᬾ᭞ᬓᬮᬶᬄᬯᬢᭂᬓ᭄ᬫᬦ᭄ᬢ᭄ᬭᬶᬲᬫᬶ᭞ᬲᭀᬭᬾᬓᬂᬤᬾᬯᬱᬲᬵ᭠ᬫ᭄ᬧᬸᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬦᬸᬮ᭄ᬬᬲᬸᬭᬹᬧ᭄᭞ᬧᬭᬭᬢᬸᬯᬸᬲ᭄ᬳᬚᬚᬃ᭞ᬳᬮᬶᬗ᭄ᬕᬶᬄᬭᬶᬂᬧᬮᬗ᭄ᬓᬵᬢᬢᬹᬃ᭞ᬤᬸᬫᬶᬮᬄᬭᬶᬂᬧ
ᬦᬗ᭄ᬓᬶᬮᬦ᭄᭞ᬫᬯᭂᬯᭂᬄᬳᬍᬧᬶᬂᬤᬫᬃ᭟᭑᭘᭟ᬢᬦ᭄ᬫᬭᬶᬚᬶᬃᬡ᭄ᬦᬓᬵᬮᬦᬶᬂᬤᬮᬸ᭞ᬯᬢᭂᬓ᭄ᬪᬸᬧᬢᬶᬦᬾ᭞ᬳ᭠ᬢᬬᬸᬩ᭄ᬲᬫ᭄ᬩᬶᬮ᭄ᬫᬕᭀᬱ᭄ᬝᬶ᭞ᬳᬤᬮᬾᬦ᭄ᬳᬗᬶᬤᬸᬂᬳᬶᬤᬸᬂ᭞ᬢᬦ᭄ᬲᬄᬲᬃᬯ᭄ᬯᬶᬫᬧᬶᬢᬸᬢᬸᬃ᭞ᬓᬫᭀᬮᬶᬳᬦ᭄ᬭᬶᬂᬧᬬᬸᬤ᭄ᬥᬵ
ᬦ᭄᭞ᬲᬫ᭄ᬩᬶᬮᬂᬫᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬭᬬᬸᬦᬦ᭄ᬲᬫᬶᬉᬢ᭄ᬢᬫ᭞ᬇᬭᬶᬓᬭᬶᬂᬤᬍᬫ᭄ᬭᬚ᭄ᬬ᭟᭑᭙᭟ᬓᭀᬘᬧ᭄ᬯᭂᬗᬶᬦᬾᬲᬵᬫ᭄ᬧᬸᬦ᭄ᬓᬮᬮᬸ᭞ᬯᬢᭂᬓ᭄ᬪᬸᬧᬢᬶᬦᬾ᭞ᬦᬸᬮ᭄ᬬᬩᬸᬤᬮ᭄ᬢᭂᬮᬲ᭄ᬫᬧᬫᬶᬢ᭄᭞ᬲ᭄ᬯᬂᬲ᭄ᬯᬂᬫᬗᬸᬗ᭄ᬲᬶᬭᬶᬂᬓᬸᬯᬸ᭞ᬲᬂᬧ᭄ᬭ
ᬪᬹᬦᬸᬮ᭄ᬬᬗᬥᬢᬸᬦ᭄᭞ᬫᬶᬯᬄᬢᬫ᭄ᬯᬶᬫᬳᬵᬭᬚ᭞ᬲᬶᬮᬶᬂᬯᬗᬶᬮᬦ᭄ᬳᬶᬥᬸᬓᬸᬄ᭞ᬯᬸᬲ᭄ᬫᬦᬶᬤ᭄ᬭᬭᬶᬂᬚ᭄ᬭᭀᬧᬸᬭ᭞ᬩᬾᬜ᭄ᬚᬂᬲ᭄ᬫᭂᬂᬓᬯᬸᬯᬸᬲᬦ᭄᭟᭒᭐᭟ᬥᬯᬸᬄᬓᬮᬶᬄᬫᬶᬚᬶᬮ᭄ᬲᬶᬭᬂᬧ᭄ᬭᬪᬸ᭞ᬩᭂᬩᭂᬢ᭄ᬧᬲᬾᬪᬦᬾ᭞ᬫᬶᬯᬄᬩ [ 203 ][᭒᭐᭒ 202B]
᭒᭐᭒
ᬳᬸᬥᬦ᭄ᬤᬲᬫᬶ᭞ᬪᬕᬯᬵᬦ᭄ᬢᬧᬭᬪᬶᬓ᭄ᬱᬹ᭞ᬳᬢᬧ᭄ᬲᬫ᭄ᬬᬢᬢᬵᬮᬸᬗ᭄ᬕᬸᬄ᭞ᬧ᭄ᬭᬪᬹᬮᬶᬗ᭄ᬲᬶᬃᬫᬯᬘᬦ᭞ᬲᬶᬗ᭄ᬕᬶᬄᬭᬢᬸᬭᬢᬸᬪᬶᬓ᭄ᬱᬹ᭞ᬓᬧᬵᬢᬹᬢᬦ᭄ᬲᬶᬭᬦᬵᬦᬓ᭄᭞ᬤ᭄ᬯᬦᬶᬂᬯᬸᬲ᭄ᬚᬬᬭᬶᬂᬧ᭄ᬭᬂ᭟᭒᭑᭟ᬥᬂᬳ᭄ᬬᬂᬪᬕᬯᬦ᭄ᬢᬕ᭄ᬮᬶᬲ᭄ᬫᬯᬸᬯᬸᬲ᭄
᭞ᬧᬺᬢᬶᬱ᭄ᬝᬧᬵᬢᬹᬢᬾ᭞ᬤ᭄ᬯᬦᬶᬂᬭᬯᬸᬄᬭᬶᬂᬳᬚᬸᬭᬶᬢ᭄᭞ᬉᬧᬓᬵᬭᬦ᭄ᬢᬢᬭᬢᬸ᭞ᬧ᭄ᬭᬪᬹᬳᬦᭀᬫ᭄ᬕᭂᬮᬶᬲ᭄ᬫᬯᬸᬯᬸᬲ᭄᭞ᬳᬸᬦ᭄ᬤᬂᬳᬶᬩᬸᬳᬚᬶᬦ᭄ᬢᬶᬢ᭄ᬬᬂ᭞ᬲᬓᬶᬂᬮᬦᬂᬲᬓᬶᬂᬯᬥᬸ᭞ᬓᬦᬵᬕᬭᬮᬾᬱᬦ᭄ᬧᬸᬭ᭞ᬮᬦ᭄ᬧᬸᬱ᭄ᬧᬲᬵᬭᬷᬧᬸᬦᬶᬓ᭟᭒᭒᭟
ᬧᬭᬬᭀᬕ᭄ᬬᬦᬾᬲᬫᬶᬳᬸᬫᬢᬹᬃ᭞ᬫᬫᬵᬢᬹᬢᬂᬋᬓᬾ᭞ᬦᬫ᭄ᬧᬶᬯᬮᬾᬦ᭄ᬧ᭄ᬭᬪᬹᬮᬶᬗ᭄ᬲᬶᬃ᭞ᬲᬦᬾᬩᬾᬜ᭄ᬚᬂᬩᬧᬮᬸᬫᬓᬸ᭞ᬫᭂᬗ᭄ᬓᬸᬪᬹᬫᬶᬧᬸᬱ᭄ᬧᬲᬦ᭄ᬢᬸᬦ᭄᭞ᬓᬮᬾᬱᬦ᭄ᬧᬸᬭᬯᬦ᭄ᬢᬄᬩᬧ᭞ᬫᭂᬗ᭄ᬓᬸᬦᬵᬕᬭᬓᬯᬸᬯᬸᬲ᭄᭞ᬳᬕᬾ
ᬩᬧᬳᬸᬦ᭄ᬤᬂᬳᬶᬤ᭞ᬮᬫᬓᬦᬾᬲᬶᬭᬯ᭄ᬭᬸᬳ᭟᭐᭚ᬫᬖᬢ᭄ᬭᬸᬄ᭚᭑᭟ᬓᬯᬸᬯᬸᬲᬦ᭄‌‌ᬤᬶᬯᬵ᭠ᬗ᭄ᬓᬭᬮᬶᬗ᭄ᬲᬶᬃᬲᬵᬫ᭄ᬧᬸᬦ᭄᭞ᬧᬦᬗ᭄ᬓᬶᬮᬦ᭄ᬩᬸᬩᬃᬲᬫᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬥᬢᬸᬦ᭄᭞ᬢᬦᬸᬘᬧᬦ᭄ᬦᬭᬶᬂᬯ᭄ᬗᬶ᭞ᬭ᭠

[᭒᭐᭓ 203A]
᭒᭐᭓
ᬳᬶᬦᬩᬾᬜ᭄ᬚᬂᬫᬗᬦ᭄ᬢᭀᬲ᭄᭟᭒᭟ᬓᭀᬘᬧᬦ᭄ᬧᬧᬢᬶᬳᬾᬓᬮᬶᬄᬮᬸᬫᬓᬸ᭞ᬓ᭄ᬯᬾᬄᬩᬮᬫᬦ᭄ᬢ᭄ᬭᬶᬦᬾᬗᬶᬭᬶᬂ᭞ᬲᬄᬲᬓᬶᬂᬫᬬᬹᬭᬲᬵᬫ᭄ᬧᬸᬦ᭄᭞ᬫᬦᬸᬚᬸᬮᬾᬱᬦ᭄ᬧᬸᬭᬶ᭞ᬮᬾᬦ᭄ᬓᬧᬸᬱ᭄ᬧᬲᬵᬭᬷᬗᭀᬚᭀᬕ᭄᭟᭓᭟ᬳᬦᬯᬸ
ᬲ᭄ᬮᬫ᭄ᬧᬳᬾᬲᬂᬓᬳᬸᬢᬸᬲ᭄᭞ᬤᬦᬾᬧᬢᬶᬄᬫᭂᬗ᭄ᬓᬸᬪᬹᬫᬶ᭞ᬫᭂᬗ᭄ᬓᬸᬦᬵᬕᬭᬢᬦ᭄ᬓᬦ᭄ᬢᬸᬦ᭄᭞ᬓᭀᬘᬧ᭄ᬲᬂᬧ᭄ᬭᬪᬹᬭᬶᬂᬧᬸᬭᬶ᭞ᬲᬋᬂᬳᬶᬥᬸᬓᬸᬄᬫᬗᬦ᭄ᬢᭀᬲ᭄᭟᭔᭟ᬮᬶᬦ᭄ᬢᬂᬚᬷᬃᬡ᭄ᬦᬲᬂᬧ᭄ᬭᬪᬹᬢᬢ᭄ᬮᬸ᭞ᬫᬸᬗ᭄ᬕ᭄ᬯᬶᬂᬤᬶᬃᬖᬱᬦᬫᬡᬶᬓ᭄᭞ᬤᬦᬾ
ᬥᬸᬓᬸᬄᬗᬦ᭄ᬤᬶᬓᬳᬭᬹᬫ᭄᭞ᬤᬸᬄᬤᬾᬯᬧ᭄ᬭᬪᬹᬓᬢ᭄ᬭᬶᬡᬶ᭞ᬓᬶᬭᬂᬋᬡᬬᬦ᭄ᬢᬃᬩᬯᭀᬲ᭄᭟᭕᭟ᬯ᭄ᬯᬂᬉᬭᬶᬧ᭄ᬲᬤᬶᬦᬦᬾᬳᬬ᭄ᬯᬢᬸᬗ᭄ᬓᬸᬮ᭄᭞ᬲᬮᬫ᭄ᬧᬄᬮᬓᬸᬳᬬ᭄ᬯᬫᬡ᭄ᬥᬸᬂ᭞ᬩᬸᬥᬶᬳᬕᬮ᭄‌‌ᬩᬸᬥᬶᬤ᭄ᬫᬶᬢ᭄᭞ᬧᬹᬃᬯ᭄ᬯᬦᬾᬢᬦ᭄ᬮᬾᬦ᭄
ᬲᬓᬶᬂᬗ᭄ᬓᭀ᭟᭖᭟ᬦᭀᬭᬓ᭄ᬦᬕᬶᬦᬫᭂᬮ᭄ᬓᬂᬯᬸᬲ᭄ᬓᬲᬸᬳᬸᬦ᭄᭞ᬫᬃᬫ᭄ᬫᬦ᭄ᬳᬮᬮᬦ᭄ᬩᭂᬘᬶᬓ᭄᭞ᬲᬦᬾᬧᬵᬢᬹᬢ᭄ᬮᬯ᭠ᬦ᭄ᬮᬸᬧᬸᬢ᭄᭞ᬦᬾᬢᬫ᭄ᬧᬶᬫ᭄ᬯᬂᬧᬶᬦᬶᬮᬶᬄ᭞ᬧᬹᬃᬯ᭄ᬯᬦᬾᬯ᭄ᬭᬸᬳᬲᬓᬶᬂᬗ᭄ᬓᭀ᭟᭗᭟ᬫᬹᬮᬧᬱ᭄ᬝᬶᬤᬸᬄᬤᬾᬯᬦᬵᬫᬦᬶᬂᬧ᭄ᬭ [ 204 ][᭒᭐᭓ 203B]
᭒᭐᭓
ᬪᬸ᭞ᬫᬶᬯᬄᬳᬲ᭄ᬬᬧᬡ᭄ᬥᬶᬢᬵᬥᬶ᭞ᬯᬶᬓᬸᬯᬶᬓᬸᬓᬂᬯᭂᬗ᭄ᬓᬸ᭞ᬳᬬ᭄ᬯᬧ᭄ᬕᬢ᭄ᬧᬶᬦᬾᬢ᭄ᬓᬵᬲᬶᬄ᭞ᬭᬗ᭄ᬲᬸᬓ᭄ᬓᬉᬢ᭄ᬢᬫᬦᬶᬂᬯ᭄ᬯᭀᬂ᭟᭘᭟ᬳᬬ᭄ᬯᬲᬶᬳᬤᬮᬦᬶᬭᬾᬄᬓᬂᬮᬸᬧᬸᬢ᭄᭞ᬳᬗᬋᬧᬓᭂᬦ᭄ᬧᬢᬶᬢᬶᬲ᭄᭞ᬳᬜᬸᬤᬶᬲᬦᬾᬭᬳᬬᬸ᭞ᬧ
ᬲ᭄ᬭᬳᬦᬳᬗ᭄ᬕᬩᬸᬤ᭄ᬥᬶ᭞ᬓᬂᬳᬫᭂᬗ᭄ᬓᬸᬕᬫ᭄ᬧᬂᬓᬾᬬᭀᬄ᭟᭙᭟ᬲᬶᬗ᭄ᬕᬶᬄᬧ᭄ᬭᬪᬸᬓᬢᬶᬕᬯᬸᬲ᭄ᬯᬶᬓᬹᬯᬶᬓᬹ᭞ᬯᬶᬓᬹᬲᬰᬓᬦᬶᬂᬪᬹᬫᬶ᭞ᬚᬵᬢᬶᬩᬸᬤ᭄ᬥᬶᬚ᭄ᬯᬧᬶᬓᬸᬓᬸᬄ᭞ᬧᬸᬗ᭄ᬕᬢ᭄ᬧᬶᬦᬓᬾᬂᬲᬶᬲᬶ᭞ᬢᬶᬗ᭄ᬓᬄᬮᬓᬸᬳᬩᭀᬢ᭄ᬭᬾᬧᭀᬢ᭄᭟᭑᭐᭟
ᬳᬬ᭄ᬯᬧᬸᬢᬸᬲ᭄ᬳᬭᬭᬱᬦ᭄ᬮᬯᬦ᭄ᬯᬶᬓᬹ᭞ᬧᬗ᭄ᬭᬯᬸᬄᬭᬶᬂᬧᬫ᭄ᬮᭂᬗᬶᬂᬩᬸᬤ᭄ᬥᬶ᭞ᬫᬶᬯᬄᬧᬸᬗ᭄ᬕᬯᬳᬕᬸᬂᬳᬕᬸᬂ᭞ᬳᬚᬭᬯᬸᬄᬭᬶᬂ᭠ᬧᬦᬭᬶ᭞ᬍᬢᬸᬄᬮᬫ᭄ᬧᬳᬾᬢᬦ᭄ᬳᬯᭀᬃ᭟᭑᭑᭟ᬯ᭄ᬢᬸᬦ᭄ᬜᬦᬾᬳᬯᬵᬲ᭄ᬤᬾᬯᬤᬾᬦᬵᬯᬸᬯᬸᬲ᭄᭞ᬗᬲ᭄ᬢᬶᬢᬶᬦᬾᬢ᭠
ᬦ᭄ᬓᬅᬓ᭄ᬱᬶ᭞ᬗᬗᭂᬦᬵᬗᭂᬦ᭄ᬭᬶᬂᬲ᭄ᬬᬂᬤᬮᬸ᭞ᬳᬬ᭄ᬯᬤᬾᬯᬲᬮᬄᬢᬫ᭄ᬧᬶ᭞ᬳᬾᬫᬦ᭄ᬳᬦ᭄ᬤᬤᬶᬮᬮᬓᭀᬦ᭄᭟᭑᭒᭟ᬯᬶᬓᬹᬫᬸᬯᬸᬄᬭᬢ᭄ᬦᬾᬲ᭄ᬢ᭄ᬭᬷᬯᬶᬚᬶᬮ᭄ᬳᬶᬧᬸᬦ᭄᭞ᬓᬲᬗ᭄ᬕᬭᬶᬂᬤᬾᬯᬵᬥᬶ᭞ᬮᬫ᭄ᬧᬄᬩᬸᬤ᭄ᬥᬶᬲᬦᬾᬧᬵᬢᬹᬢ᭄᭞ᬭᬢᬸ

[᭒᭐᭔ 204A]
᭒᭐᭔
ᬯᬓᬶᬮ᭄ᬪᬝᬭᬵᬤᬶ᭞ᬧᬳᬸᬕᭂᬃᬦᬾᬓᬮᬶᬦ᭄ᬢᬂᬓᬯᭀᬢ᭄᭟᭑᭓᭟ᬧᭀᬫᬧᭀᬫᬓᭂᬤᬸᬫᬦ᭄ᬫᬦᬸᬱᬮᬸᬳᬸᬃ᭞ᬲᬓᬶᬂᬲ᭄ᬯᬾᬘ᭄ᬙᬦ᭄ᬪᬝᬭᬵᬥᬶᬲᬵᬫ᭄ᬧᬸᬦᬂᬗᭀᬩᬄᬧᬶᬓᬸᬓᬸᬄ᭞ᬮᬕᬯᬂᬢ᭄ᬯᬲ᭄ᬳᬗᬸᬓᬸᬳᬶᬦ᭄᭞ᬮᬫᬓᬦᬾᬯᬲ᭄ᬓᬶᬢᬾᬂᬤᭀᬦ᭄
᭟᭑᭔᭟ᬳᬚᬦᬃᬓ᭄ᬓᬓᬸᬭᬗᬦ᭄‌‌ᬬᬾᬦᬶᬂᬧ᭄ᬭᬪᬸ᭞ᬢ᭄ᬫᬄᬳᬗᬦ᭄ᬤᭂᬮᬶᬂᬢᬶᬧᬶᬲ᭄᭞ᬗᬭᬦᬶᬂᬧᬦ᭄ᬤᬸᬓ᭄ᬢᬸᬫ᭄ᬧᬂᬲᬸᬄ᭞ᬭᬶᬂᬭᬢᬸᬗᬾᬩᭂᬓᬶᬂᬕᬸᬫᬶ᭞ᬢᬦ᭄ᬓᭂᬦᬧ᭄ᬭᬪ᭄ᬯᬮᬂᬳᬢᭀᬲ᭄᭟᭑᭕᭟ᬢᬶᬧᬶᬲ᭄ᬢᬶᬧᬶᬲ᭄‌‌ᬲᬸᬲᬢ᭄ᬬᬭᬶᬂᬲᬂᬳ᭄ᬬᬂᬕᬸᬭᬸ᭞ᬓᬹᬗ᭄ᬓᬸᬮ
ᬦ᭄ᬳᭀᬮᬶᬄᬓᬰᬓ᭄ᬢᬶᬦ᭄᭞ᬗᬫᭀᬂᬓᬯᬶᬪᬵᬯᬦ᭄ᬩᬯᬸᬃ᭞ᬧᬸᬢᬸᬲᬶᬂᬢ᭄ᬯᬲ᭄ᬜᬗ᭄ᬕᬜᬸᬗ᭄ᬕᬶ᭞ᬮᬶᬦ᭄ᬢᬂᬕᬫ᭄ᬧᬂᬳᬩᭀᬢ᭄ᬳᬩᭀᬢ᭄᭟᭑᭖᭟ᬦᭀᬭᬓ᭄ᬦᬲ᭄ᬮᬂᬲ᭄ᬮᬂᬳᬯᬲ᭄ᬤᬾᬦ᭄ᬯᬶᬦᬸᬯᬸᬲ᭄᭞ᬳᬯᬲᭂᬦ᭄ᬳᬸᬩᭂᬤᬶᬂᬧᬢᬶ᭞ᬩᬩᬬᬦᬶᬂᬢ᭄ᬯᬲ᭄ᬳᬫᬳᬸᬃ᭞ᬬᬾᬦᬶᬂᬮᬸ
ᬧᬸᬢ᭄ᬳᬗ᭄ᬕᬦ᭄ᬢᬾᬓᬶ᭞ᬦᬸᬧᬓᬾᬯᬸᬳᬶᬂᬮᬬᭀᬦ᭄᭟᭑᭗᭟ᬗᬫᭀᬂᬭᬵᬕᬢ᭄ᬭᬂᬦᭀᬭᬦᬩᬶᬗᬸᬂ᭞ᬮᬯᬦ᭄ᬓᬫᬹᬮ᭄ᬬ᭠ᬦᬶᬂᬧᬵᬢᬶ᭞ᬳᬩᭀᬢᬾᬢᬶᬦᬶᬢᬄᬧ᭄ᬭᬪᬸ᭞ᬪᬯᬦᬾᬳᬫ᭄ᬩᬦᬶ᭞ᬓ᭄ᬭᬡᬫ᭄ᬓᬸᬮ᭄ᬕᬫ᭄ᬧᬂᬳᬾᬯᭀᬄ᭟᭑᭘᭟ᬦᭀᬭᬇᬘ᭄ᬙ [ 205 ][᭒᭐᭔ 204B]
᭒᭐᭔
ᬬᬾᬦ᭄ᬗᬯᬕ᭄ᬧᬫᭀᬂᬭᬶᬂᬤᬸᬦᬸᬂ᭞ᬓᬯ᭄ᬦᬗᬦ᭄ᬦᭀᬭᬳ᭄ᬦᬶᬂ᭞ᬦᭀᬭᬯ᭄ᬦᬂᬦ᭄ᬫᬸᬳᬦᬸᬂ᭞ᬯ᭄ᬦᬂᬳᬶᬓᬸᬓᬶᬭᬂᬳ᭄ᬦᬶᬂ᭞ᬫᬃᬕ᭄ᬕᬦᬾᬢᬦ᭄ᬓᭂᬦᬧᬶᬦ᭄ᬤᭀ᭟᭑᭙᭟ᬰ᭄ᬭᬷᬥᬃᬫ᭄ᬫᬶᬓᬳᬦᬶᬫ᭄ᬩᬮ᭄ᬳᬮᭀᬦ᭄ᬫᬯᬸᬯᬸᬲ᭄᭞ᬳᬓ᭄ᬯᬾᬄᬧᬫᬃᬕ᭄ᬕᬶᬦᬶᬂᬧᬢᬶ᭞ᬧ᭄ᬭᬪ᭄ᬯᬶᬂᬲᬶᬮᬶᬯᬗᬶᬫᬸᬯᬸᬲ᭄᭞ᬭᭀᬓ᭄ᬯᬾᬄ
ᬳᬶᬗ᭄ᬲᬸᬦ᭄ᬗᭂᬫᬲᬶᬦ᭄᭞ᬳᬩᬮᬶᬓ᭄ᬭᬶᬂᬕᬃᬯ᭄ᬯᬦᬶᬭᬵ᭟᭒᭐᭟ᬦᬾᬭᬳᬬᬸᬲᬯᬶᬚᬶᬓᬫᬸᬮ᭄ᬬᬦ᭄ᬳᬶᬧᬸᬦ᭄᭞ᬲ᭄ᬦᬦᬾᬗᬾᬩᭂᬓᬶᬦ᭄ᬕᬸᬫᬶ᭞ᬲᬸᬦ᭄ᬫᬢᬶᬩᬮᬶᬓ᭄ᬭᬶᬂᬳᬶᬓᬸ᭞ᬳᬭᬦ᭄ᬯᬶᬢᬶᬲᬯᬶᬚᬶ᭞ᬭᬳᬬᬸᬢᬦᬵᬦᬭᭀᬭᭀ᭟᭒᭑᭟ᬲᬯᬸᬃᬥᬸᬓᬸᬄᬇᬓᬸᬗᬯᬕ᭄ᬗᬤᬸ
ᬓ᭄ᬳᬤᬸᬓ᭄᭞ᬭᬯᭀᬲ᭄ᬓᭀᬘᬧ᭄‌‌ᬦᭀᬭᬤᬤᬶ᭞ᬬᬾᬦ᭄ᬩᬧᬢᬦ᭄ᬳᬃᬱᬦᬶᬭᬸ᭞ᬮᬓ᭄ᬱᬡᬦ᭄ᬜᬦᬾᬲᬂᬫᬫ᭄ᬭᬶᬄ᭞ᬫᬮᬸᬫᬶᬮᬸᬓᬧᬶᬮᬬᭀᬦ᭄᭟᭒᭒᭟ᬰ᭄ᬭᬷᬥᬃᬫ᭄ᬫᬶᬓᬳᬜᭂᬫ᭄ᬩᬄᬳᬮᭀᬦ᭄ᬳᬫᬶᬸᬯᬶᬸᬲᬶᬸᬗ᭄ᬮᬸᬗ᭄ᬲᬸᬃ᭞ᬳᬶᬥᬸᬓᬸᬄᬗᬦ᭄ᬤᬶᬓᬫᬮᬶᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂ
ᬩᭀᬬᬓᬬᬸᬦ᭄᭞ᬳᬯᭀᬢ᭄ᬲᬭᬷᬧ᭄ᬭᬪᬸᬮᬶᬗ᭄ᬲᬶᬃ᭞ᬩᬾᬲᬸᬓ᭄ᬭᬶᬂᬳᬦ᭄ᬢᬓᬦ᭄ᬳᬶᬗᭀᬂ᭟᭒᭓᭟ᬳᬶᬗ᭄ᬕᬶᬄᬩᬾᬲᬸᬓ᭄ᬳᬶᬗ᭄ᬕᬶᬄᬫᬗ᭄ᬓᬾᬲᬫᬦ᭄ᬳᬶᬧᬸᬦ᭄᭞ᬢᬦᬵᬦᬳ᭄ᬬᬂᬳᭀᬢᬶᬧᬢᬶ᭞ᬯᬸᬲ᭄ᬲᬫᬶᬫᬸᬗ᭄ᬕᬄᬭᬶᬂᬳᬶᬗ᭄ᬲᬸᬦ᭄᭞ᬯ᭄ᬯᬂᬯᬸᬲ᭄‌‌ᬯ᭄ᬭᬸᬄᬭᬶᬂᬳᬯᬓ᭄ᬫᬫᬶ᭞

[᭒᭐᭕ 205A]
᭒᭐᭕
ᬮᬶᬯᬢ᭄ᬲᬹᬓ᭄ᬱ᭄ᬫᬳᬯᬓ᭄ᬳᬶᬗᭀᬂ᭟᭒᭔᭟ᬉᬚᬃᬥᬸᬓᬸᬄᬳᬶᬓᬸᬳᬫ᭄ᬩᭂᬓ᭄ᬩᬶᬗᬸᬂᬧ᭄ᬗᬸᬂ᭞ᬗᬸᬤᬳᬯᬓᬾᬳᬓ᭄ᬯᬶᬦ᭄᭞ᬧᬦᬫ᭄ᬧᬶᬦᬾᬲᬲᬃᬗ᭄ᬭᬸᬂ᭞ᬗᬸᬤᬳᬶᬓᬦᬾᬕᬸᬕ᭄ᬯᬦᬶᬦ᭄᭞ᬫᬗᬚᬸᬫᬂᬲᬾᬢ᭄ᬭᬭᬢᭀᬦ᭄᭟᭒᭕᭟ᬧᬓ᭄ᬱᬗᬤᬾᬦ᭄ᬰᬭᬷᬭᬪᬝᬵᬭ
ᬕᬸᬭᬸ᭞ᬲᬢᬸᬯᬸᬄᬓᬯᬶᬰᬾᬱᬦᬶ᭞ᬮᬦᬂᬯᬤᭀᬦ᭄ᬢᬦ᭄ᬲᬶᬦᬶᬓᬸ᭞ᬤᬾᬦᬶᬂᬫᬹᬮᬦᬶᬂᬲᬯᬶᬚᬶ᭞ᬫᬓ᭄ᬭᬰ᭄ᬭᬡᬭᬕᬲᬶᬦᬶᬓᭀᬦ᭄᭟᭒᭖᭟ᬧᬸᬦᬶᬓᬸᬲᬫᬃᬕ᭄ᬥᬾᬢᬦ᭄‌‌ᬓ᭄ᬦᬢᬶᬭᬸ᭞ᬚᬦ᭄ᬫᬫᭀᬗ᭄ᬓᬓ᭄ᬫᬗᭂᬗ᭄ᬓᭀᬓᬶᬦ᭄᭞ᬢᬸᬢᬸᬃᬩᬸᬤᬸᬄᬗ
ᬯᬶᬳᬗ᭄ᬓᬸᬄ᭞ᬧᬸᬦᬶᬓᬤᬸᬤᬹᬧᬸᬦᬶᬓᬶ᭞ᬳᬶᬗ᭄ᬕᬶᬄᬓᬾᬢᭀᬤᬹᬤᬹᬓᬾᬢᭀ᭟᭒᭗᭟ᬬᬾᬦᬶᬂᬓᬾᬢᭀᬩ᭄ᬘᬶᬓ᭄ᬤᬾᬯᬫᬭᬶᬂᬳᬶᬗ᭄ᬲᬸᬦ᭄᭞ᬤ᭄ᬯᬦᬶᬂᬭᬢᬸᬳᬩᭀᬢ᭄ᬩᬸᬤ᭄ᬥᬶ᭞ᬗᬹᬦᬶᬧ᭄ᬭᬪᬰᬵᬲ᭄ᬢ᭄ᬭᬪᬳᬸ᭞ᬮᬫᬸᬦ᭄ᬢᬦ᭄ᬳᬃᬱᬢᬶᬦᬗ᭄ᬓᬶᬮ᭄᭞ᬧᬧᬢᬶᬄ
ᬓᬂᬓᬶᬦᭀᬦ᭄ᬓᭀᬦ᭄᭟᭒᭗᭟ᬰ᭄ᬯᬡ᭄ᬥᬬᬾᬦ᭄ᬫᬗ᭄ᬭᬗ᭄ᬲᬸᬓ᭄ᬪᬸᬱᬡᬦ᭄ᬭᬢᬸ᭞ᬳᬶᬘᬮ᭄ᬭᬸᬧᬦᬶᬂᬧᬧᬢᬶᬄ᭞ᬲᬶᬦᬶᬯᬶ᭠ᬧᬸᬗ᭄ᬕᬯᬳᬕᬸᬂ᭞ᬦᭀᬭᬳᬦᬦᭀᬭᬳᬸᬦᬶᬂ᭞ᬤᬶᬦᬮᬶᬄᬧᬱ᭄ᬝᬶᬲᬂᬓᬝᭀᬂ᭟᭒᭙᭟ᬬᬾᬦ᭄ᬯᬂᬳᬯᬵᬲ᭄‌‌ᬫᬲᬓᬾ [ 206 ][᭒᭐᭕ 205B]
᭒᭐᭕
ᬜᬓ᭄ᬳᬶᬧᬸᬦ᭄ᬲ᭄ᬮᬶᬲᬸᬢ᭄᭞ᬰ᭄ᬯᬡ᭄ᬥᬰ᭄ᬯᬡ᭄ᬥᬧᬶᬢ᭄ᬯᬶ᭞ᬰᬲ᭄ᬢ᭄ᬭᬩᬳᬸᬰᬵᬲ᭄ᬢ᭄ᬭᬩᬳᬸ᭞ᬬᬾᬦ᭄ᬦᭀᬭᬓᬳᬶᬘ᭄ᬙᬾᬦ᭄ᬜᬶᬮᬶᬄ᭞ᬫᬸᬲ᭄ᬦᬵᬭᬹᬧᬦᬾᬲᬂᬓᬝᭀᬂ᭟᭓᭐᭟ᬬᬾᬦ᭄ᬲᬸᬯᬦ᭄ᬤᬢᬢ᭄ᬓᬮᬯᬳᬸᬓᬤᬸᬮᬸ᭞ᬲᬂᬧ᭄ᬭᬪᬸᬢᬦ᭄ᬓᬳᬓ᭄ᬱᬶ᭞ᬬᬾᬦ᭄ᬰᬲ᭄ᬢ᭄ᬭᬩᬳᬸᬓ
ᬦ᭄ᬥᬸᬮᬸ᭞ᬰ᭄ᬯᬡ᭄ᬥᬢᬦ᭄ᬓᬳᬓ᭄ᬱᬶ᭞ᬳᬯᬲᭂᬦ᭄ᬧᬦᬸᬗ᭄ᬕᬮ᭄ᬭᭀᬭᭀ᭟᭓᭑᭟ᬳᬧᬬᬬᬰ᭄ᬯᬡ᭄ᬥᬬᬰᬲ᭄ᬢ᭄ᬭᬩᬳᬸ᭞ᬬᬾᬳᬶᬓᬳᬭᬦ᭄ᬬᬲᬶᬓᬶ᭞ᬓᭂᬫ᭄ᬩᬭᬶᬦ᭄‌‌ᬚ᭄ᬯᬵᬧᬂᬲᬶᬭᬯ᭄ᬭᬸᬄ᭞ᬫᬗ᭄ᬤᬍᬧᬲ᭄ᬳᬸᬧᬤ᭄ᬭᬯᬶ᭞ᬫᬗ᭄ᬤᬢᬦ᭄ᬧᭀᬭᬶᬂᬧᬗᭂᬦ᭄ᬤᭀᬕ᭄
᭟᭓᭒᭟ᬦᭀᬭᬓ᭄ᬦᬓᬂᬧᬶᬦ᭄ᬭᬶᬄᬧ᭄ᬭᬶᬄᬧᬘᬂᬕᬶᬦ᭄ᬮᬸᬢ᭄᭞ᬢᬸᬮᬾᬦ᭄ᬳᬗᬤᬂᬳᬤᬂᬲᬶᬲᬶᬧ᭄᭞ᬬᬾᬦ᭄ᬓᬯ᭄ᬯᬦᬾᬧᬘᬂᬕᬸᬕᬸ᭞ᬲᬬᬦ᭄ᬧᬸᬢᭂᬓ᭄ᬓᬮᬶᬄᬳ᭄ᬦᬶᬂ᭞ᬲᬬᬦ᭄ᬲᬬᬦ᭄ᬫᬩ᭄ᬮᬢ᭄ᬳᬤᭀᬄ᭟᭓᭓᭟ᬳᬧᬦ᭄ᬳᬶᬓᬸᬤᬸᬭᬸᬂᬧᬵᬢᬹᬢ᭄ᬓᬮᬶᬄᬳᬶᬧᬸᬦ᭄
᭞ᬚᬵᬢᬶᬢ᭄ᬯᬄᬰ᭄ᬯᬡ᭄ᬥᬧᬢᬶᬄ᭞ᬧᬦ᭄ᬕᬸᬲ᭄ᬢᬶᬦᬾᬲᬲ᭄ᬢ᭄ᬭᬩᬳᬸ᭞ᬦᬵᬗ᭄ᬳᬶᬂᬢᬦ᭄ᬧᬲᬄᬢᬦ᭄ᬢᬸᬗ᭄ᬕᬶᬮ᭄᭞ᬦᭀᬭᬳᬤᭀᬄᬦᭀᬭᬳᬫᭀᬃ᭟᭓᭔᭟ᬦᭂᬫ᭄ᬩᬄᬫᬾᬲᭂᬫ᭄‌‌ᬰ᭄ᬭᬷᬥᬃᬫ᭄ᬫᬶᬓᬲᬃᬯ᭄ᬯᬶᬫ᭄ᬓᬸᬮ᭄᭞ᬰᬺᬗ᭄ᬕᬭᬳᬶᬥᬸᬓᬸᬄᬫᬗ᭄ᬮᬶᬂ᭞ᬳᬯᬦ

[᭒᭐᭖ 206A]
᭒᭐᭖
ᬦ᭄ᬤᬾᬯᬫᬦᬸᬗ᭄ᬓᬸᬮ᭄᭞ᬯᬸᬲ᭄ᬓ᭄ᬭᬱᬓᬾᬫᬭᬶᬂᬕᬮᬶᬄ᭞ᬧ᭄ᬭᬪᬸᬫᬬᬹᬭᬜᬮᬾᬫ᭄ᬧᭀᬄ᭟᭓᭕᭟ᬳᬶᬗ᭄ᬕᬶᬄᬧᬸᬦᬶᬓᬶᬦᭀᬭᬮ᭄ᬬᬦ᭄ᬲᬦᬾᬫᭂᬗ᭄ᬓᬸ᭞ᬦᬵᬫᬕᬸᬲ᭄ᬢᬶᬫᬫᬹᬃᬯ᭄ᬯᬦᬶ᭞ᬧ᭄ᬭᬪᬸᬓᬮᬶᬄᬫᬶᬮᬸᬦᬸᬗ᭄ᬓᬸᬮ᭄᭞ᬧ᭄ᬭᬬᬢ᭄ᬦᬲᬶᬭᬵᬯᭀᬢ᭄ᬲᬭᬷ
᭞ᬗᬚᬸᬫ᭄ᬭᬶᬂᬫᬬᬹᬭᬓᬝᭀᬂ᭟᭓᭖᭟ᬧᬡ᭄ᬥᬶᬢᬮᬾᬦ᭄‌‌ᬤᬤ᭄ᬬᬜᬯᬾᬦ᭄ᬢᭂᬦ᭄ᬫᬯᬸᬯᬸᬲ᭄᭞ᬓᬧᬸᬗ᭄ᬓᬸᬃᬬᬾᬦ᭄ᬢᬶᬢ᭄ᬬᬂᬫᬵᬢᬶ᭞᭠ᬯᬦ᭄ᬢᬄᬘᬳ᭄ᬬᬓᬂᬯᬶᬦᬸᬗ᭄ᬕᬸ᭞ᬤᬸᬦᬸᬗᬾᬳ᭄ᬬᬂᬉᬢᬶᬧᬢᬶ᭞ᬬᬾᬦ᭄ᬭᬶᬂᬩᬾᬲᬸᬓ᭄‌‌ᬮᬦ᭄ᬭᬶᬂᬫᬗ᭄ᬓᭀ᭟᭓᭗᭟ᬫᬦᬄᬢᬶ᭠
ᬢ᭄ᬬᬂᬗᬘᭂᬧ᭄ᬥᬬᬧᬂᬓᬢ᭄ᬫᬸ᭞ᬢ᭄ᬓᬾᬂᬧᬢᬶᬲᬸᬦ᭄ᬩᬸᬜ᭄ᬘᬶᬂ᭞ᬭᬶᬂᬕᬸᬲ᭄ᬢᬶᬦᬾᬲᬂᬳ᭄ᬬᬂᬳᬬᬸ᭞ᬲᬵᬫ᭄ᬧᬸᬦ᭄‌‌ᬗ᭄ᬭᬜ᭄ᬚᬶᬂᬚ᭄ᬭᭀᬦᬶᬂᬧᬸᬭᬶ᭞ᬦᭀᬭᬳᬤᭀᬄᬫᬭᬶᬂᬇᬗᭀᬂ᭟᭓᭘᭟ᬉᬚᬃᬥᬸᬓᬸᬄᬬᬾᬦ᭄ᬮᬸᬧᬸᬢ᭄ᬓᬤᬸᬭᬸᬲ᭄᭞ᬳᬫᬲᬂᬦᬵᬬᬫᬗ᭄ᬕᬶᬄᬧ᭄ᬮᬶᬄ᭞ᬗᭀ᭠
ᬮᬄᬳᬯᬓ᭄ᬓᬤᭀᬂᬘᬮᬸᬄ᭞ᬢ᭄ᬓᬾᬦ᭄ᬕᬸᬲ᭄ᬢᬶᬲᬮᬄᬲᬮᬶᬄ᭞ᬕᬜ᭄ᬘᬂᬢᬶᬦ᭄ᬤᬓ᭄ᬢᬦ᭄ᬯ᭄ᬭᬸᬄᬭᬶᬂᬤᭀᬦ᭄᭟᭓᭙᭟ᬦᬶᬓᬧ᭄ᬭᬪᬸᬧ᭄ᬮᬧᬦᬶᬦ᭄ᬫᬗ᭄ᬤᬓᬧᬗ᭄ᬕᬸᬄ᭞ᬧ᭄ᬭᬪᬸᬫᬬᬹᬭᬵᬯᭀᬢ᭄ᬲᬭᬷ᭞ᬤᬸᬫᬤᬓ᭄ᬢᬶᬢ᭄ᬬᬂᬫᬫᬗ᭄ᬕᬸᬄ᭞ᬦᬸᬕ᭄ᬭᬳᬰᬩ᭄ᬤᬦᬶᬂᬕᬸ [ 207 ][᭒᭐᭖ 206B]
᭒᭐᭖
ᬲ᭄ᬢᬶ᭞ᬫᬫ᭄ᬭᬶᬄᬫᬫᬦᬶᬲᬶᬂᬮᬬᭀᬦ᭄᭟᭐᭚ᬧᬸᬧᬸᬄᬥᬂᬥᬂ᭚᭑᭟ᬦ᭄ᬤᬢᬦ᭄ᬧ᭄ᬕᬢ᭄ᬲᬮᬫᬶᬦᬾᬦᬾᬫᬗ᭄ᬓᬶᬦ᭄᭞ᬫᬧᬶᬢᬸᬢᬸᬃ᭞ᬭᬶᬂᬭᬚ᭄ᬬᬫᬬᬹᬭ᭞ᬳᭀᬮᬶᬄᬳᬶᬥᬸᬓᬸᬄᬰᬓ᭄ᬢᬶᬦᬾ᭞ᬲᬵᬓ᭄ᬱᬢ᭄ᬭᬲᬢᬷᬃᬣᬳᬭᬹᬫ᭄᭞ᬧ᭄ᬭᬪᬯᬦᬾᬯᬶᬪᬵᬯᬩᬸᬤ᭄ᬥᬶ
᭞ᬯᬸᬲ᭄ᬕᬮᬂᬓᬲᬸᬦ᭄ᬤᬭᬦ᭄᭞ᬭᬶᬂᬢ᭄ᬯᬲ᭄ᬯᬸᬲ᭄ᬫᬗ᭄ᬭᬓ᭄ᬱᬸᬓ᭄᭞ᬓᬧᬲᬸᬓᬦ᭄ᬕᭃᬗᬶᬂᬢᬺᬱ᭄ᬡᬵ᭞ᬰ᭄ᬭᬷᬥᬃᬫ᭄ᬫᬶᬓᬵᬫᬶᬯᬄᬳᬶᬤᬧ᭄ᬭᬪᬸᬮᬶᬗ᭄ᬲᬶᬃ᭞ᬮᬦ᭄ᬲᬶᬮᬶᬂᬯᬗᬶᬭᬵᬚ᭄ᬬ᭟᭒᭟ᬯᬸᬲ᭄ᬓᬳᭀᬚᬄᬲᬫᬫᬗᬸᬮᬶᬂᬮᬶᬂ᭞ᬍᬂᬍᬂᬤᬾᬦᬶᬂᬭᬱᬦᬶᬂᬲᬸᬭᬱ᭞ᬯᬸᬲ᭄ᬫᬗ᭄ᬭᬲᬭ
ᬲᬦᬾ᭞ᬭᬲᬦᬶᬂᬳᬭᬹᬫ᭄ᬳᬭᬹᬫ᭄᭞ᬳᬲᬲᬜ᭄ᬚᬦ᭄‌‌ᬯ᭄ᬭᬸᬄᬯᬯᬗᬶ᭞ᬯᬗᬸᬦᬦᬶᬂᬫᬬᬹᬭ᭞ᬯᬸᬲ᭄ᬲᬫᬶᬭᬳᬬᬸ᭞ᬧᬸᬢᬸᬲᬶᬂᬢ᭠ᬢᬯᬶᬓ᭄ᬭᬫ᭞ᬢᬦ᭄ᬢᬦ᭄ᬤᬶᬗᬦ᭄‌‌ᬢᬢᬦᬶᬂᬧ᭄ᬭᬪᬸᬍᬯᬶᬄ᭞ᬯᬸᬲ᭄ᬓᬧᬸᬚᬶᬭᬶᬂᬚᬕᬢ᭄᭟᭓᭟ᬲ᭄ᬮᬶᬤ᭄ᬲᭀᬭᬾᬳᬜ᭄ᬚᬄᬚᬄᬲᬋᬂ
ᬲᬫᬶ᭞ᬳᬲᬮᬶᬮᬵᬭᬶᬂᬭᬚ᭄ᬬᬫᬬᬹᬭ᭞ᬗᬶᬭᬶᬂᬳᬶᬥᬸᬓᬸᬄᬰᬓ᭄ᬢᬶᬦᬾ᭞ᬢᬦ᭄ᬲᬄᬓᬢᬶᬕᬧ᭄ᬭᬪᬸ᭞ᬧᬶᬢᬸᬂᬤᬶᬦᬧᬶᬢᬸᬂ᭠ᬭᬢ᭄ᬭᬶ᭞ᬫᬲᬶᬭᬫ᭄ᬭᬶᬂᬧᬯᬶᬢ᭄ᬭᬵ᭞ᬢ᭄ᬓᬾᬂᬳᬗᭂᬦ᭄ᬫᬦ᭄ᬭᬸᬲ᭄᭞ᬦᬸᬮ᭄ᬬᬧᬸᬢᬸᬲ᭄ᬳᬯᬲ᭄ᬢᬢᬲ᭄᭞ᬓᬯᬶᬰᬾᬱᬵ᭞ᬯᬸᬲ᭄ᬓᬯᬲ᭄‌‌ᬯᬸ

[᭒᭐᭗ 207A]
᭒᭐᭗
ᬯᬸᬲᬶᬂᬯᬶᬱ᭄ᬝᬶ᭞ᬯᬵᬲᬶᬱ᭄ᬝᬅᬱ᭄ᬝᬩ᭄ᬭᬢ᭄ᬣᬵ᭟᭔᭟ᬢᬦᬸᬘᬧᬦ᭄ᬓᬚᬷᬃᬡ᭄ᬦᬦᬶᬂᬧᬸᬭᬶ᭞ᬲᬵᬫ᭄ᬧᬸᬦ᭄ᬲᬧ᭄ᬢᬤᬾᬯᬱᬮᬫᬶᬦ᭄ᬬ᭞ᬳᬸᬢᬸᬲᬦᬾᬓᭀᬘᬧ᭄ᬫᬗ᭄ᬓᬾ᭞ᬯᬸᬲ᭄ᬳᬶᬦᬸᬦ᭄ᬤᬂᬲᬂᬧ᭄ᬭᬪᬸ᭞ᬦᭀᬭᬧᬜ᭄ᬚᬂᬲᬂᬓᬵᬢᬹᬭᬶᬦ᭄᭞ᬧ᭄ᬭᬪᬸᬓᬮᬶᬄᬫᬗ᭄ᬓᬢ᭄᭞ᬧ᭄ᬭᬪᬸᬧᬸᬱ᭄ᬧ
ᬲᬦ᭄ᬢᬸᬦ᭄᭞ᬓᬮᬶᬄᬕᬃᬯ᭄ᬯᬲᬫᬶᬲᬸᬓ᭞ᬪᬹᬨᬮᬓᬵ᭞ᬢ᭄ᬮᬲ᭄ᬲᬫᬶᬗᬶᬭᬶᬂᬪᬹᬧᬢᬶ᭞ᬳᬸᬫᬸᬂᬮᬫ᭄ᬧᬳᬾᬭᬶᬂᬳᬯᬦ᭄᭟᭕᭟ᬧ᭄ᬭᬪᬸᬮᬾᬱᬦ᭄ᬧᬸᬭᬯᬸᬲ᭄ᬫᬫᬃᬕ᭄ᬕᬶ᭞ᬧ᭄ᬭᬫᬷᬰ᭄ᬯᬭ᭄ᬬᬤᬳᬢ᭄ᬲᬸᬓᬘᬶᬢ᭄ᬢ᭞ᬳᬸᬫᬸᬂᬯᬢᭂᬓ᭄ᬪᬸᬧᬢᬶᬦᬾ᭞ᬮᬦ᭄ᬕᬚᬄᬓᬸᬥᬳᬸᬫᬸᬂ᭞ᬓ
ᬩᬾᬄᬩᬮᬦᬾᬫᬗᬶᬭᬶᬂ᭞ᬢᬦᬸᬘᬧᬦ᭄ᬭᬶᬂᬫᬃᬕ᭄ᬕᬶ᭞ᬮᬫ᭄ᬧᬳᬾᬯᬸᬲ᭄ᬮᬗ᭄ᬓᬸᬂ᭞ᬳᬸᬢᬸᬲᬦᬾᬓᬮᬶᬄᬧ᭄ᬭᬧ᭄ᬢᬵ᭞ᬫᬗᭀᬓᬲᬂ᭞ᬳᬦᬭᬶᬂᬚᭂᬂᬪᬹᬧᬢᬶ᭞ᬲᬂᬓᬝᭀᬂᬓᬮᬶᬄᬧ᭄ᬭᬧ᭄ᬢᬵ᭟᭖᭟ᬦᭀᬭᬳᬤᭀᬄᬮᬫ᭄ᬧᬳᬾᬭᬶᬂᬪᬸᬭᬶ᭞ᬧ᭄ᬭᬪᬸᬫᬬᬹᬭ᭞ᬕ᭄ᬮᬶᬲ᭄ᬫᬯᬘᬵ
ᬦ᭞ᬭᬶᬂᬯᬢᭂᬓ᭄ᬩᬳᬸᬤᬦ᭄ᬤᬦᬾ᭞ᬫᬳ᭄ᬬᬲᬶᬦ᭄‌‌ᬢ᭄ᬓᬾᬂᬗᬸᬦ᭄ᬢᬸᬃ᭞ᬤᬾᬦᬶᬂᬲᬂᬧ᭄ᬭᬪᬸᬚᬕᬧ᭄ᬭᬧ᭄ᬢᬶ᭞ᬲᬋᬂᬧᬸᬗ᭄ᬕᬯᬧ᭄ᬭᬧ᭄ᬢ᭞ᬲᬳᬵᬯᬤ᭄ᬯᬲᬵᬫ᭄ᬧᬸᬦ᭄᭞ᬫᬫᬳ᭄ᬬᬲᬶᬦ᭄‌‌ᬚ᭄ᬭᭀᬦᬶᬂᬓᬸᬝ᭞ᬲᬵᬫ᭄ᬧᬸᬦ᭄‌‌ᬢ᭄ᬭᬕ᭄ᬬ᭞ᬧᬸᬧᬸᬢ᭄ᬫᬗᬺᬗ᭄ᬕᬦᬶᬦ᭄ᬧᬸᬭᬶ᭞ᬫᬾᬄᬢ [ 208 ][᭒᭐᭗ 207B]
᭒᭐᭗
ᬚᭂᬕ᭄ᬲᬂᬳ᭄ᬬᬂᬲᬹᬃᬬ᭄ᬬᬵ᭟᭗᭟ᬓᭀᬘᬧ᭄ᬭᬶᬂᬫᬬᬹᬭᬲᬦᬾᬫᬗ᭄ᬓᬶᬦ᭄᭞ᬩᬮᬫᬦ᭄ᬢ᭄ᬭᬶᬫᬶᬯᬄᬩᬳᬸᬤᬦ᭄ᬤ᭞ᬯᬸᬲ᭄ᬳᬢᬢᬮᬸᬗ᭄ᬕᬸᬄᬳᬶᬗ᭄ᬓᬾ᭞ᬫᭂᬦ᭄ᬤᬓ᭄ᬳᬦᬓᬾᬳᬕᬸᬂ᭞ᬕᭀᬂᬩ᭄ᬥᬶᬮ᭄‌‌ᬩᬸᬩᬃᬫᬭᬶᬢᬶᬕ᭄᭞ᬓᬤᬾᬦ᭄ᬘᭀᬂᬲᬸᬗᬸᬳᬸᬫ᭄ᬬᬂ᭞ᬓᬸᬫ᭄ᬮᬩ᭄‌‌ᬢᬸᬗ᭄ᬕᬸᬮ᭄ᬪᬶᬭᬹ᭞ᬓ
ᬢᭂᬫ᭄ᬧᬸᬄᬭᬶᬂᬫᬭᬸᬢ᭞ᬓᬂᬓᭀᬘᬧᬦ᭄‌‌‌‌ᬲᬂᬧ᭄ᬭᬪᬸᬫᬶᬯᬄᬧᬗᬶᬭᬶᬂ᭞ᬓᬩᬾᬄᬫᬲᬲᬵᬫ᭄ᬧᬸᬭᬦ᭄᭟᭘᭟ᬦᭀᬭᬮᬫᬶᬧ᭄ᬭᬪᬸᬓᬮᬶᬄᬧ᭄ᬭᬧ᭄ᬢᬶ᭞ᬕᬾᬕᬾᬃᬉᬫᬸᬂᬯᬤ᭄ᬯᬦᬾᬗᬶᬭᬶᬗᬂ᭞ᬕᬚᬄᬓᬸᬤᬲ᭄ᬬᬦ᭄ᬤᬦᬦᬾ᭞ᬫᬭ᭄ᬬᭂᬫᬾᬓᭂᬧ᭄ᬮᬕ᭄‌‌ᬓ᭄ᬧ᭄ᬮᬸᬕ᭄
ᬢᬦ᭄ᬤᬸᬦ᭄ᬭᬶᬂᬩᬜ᭄ᬘᬶᬗᬄᬳᬭᬶᬲ᭄᭞ᬓᬲᬧᬭᬶᬂᬲᬂᬦᬵᬣ᭞ᬧ᭄ᬭᬪᬸᬯᬯᬸᬭᬯᬸᬄ᭞ᬫᬜᭂᬫ᭄ᬩᬄᬭᬵᬤᬾᬦ᭄ᬥᬃᬫ᭄ᬫᬶᬓ᭞ᬓᬮᬶᬄᬕᬃᬯ᭄ᬯ᭞ᬗᬋᬧᬂᬲᬃᬯ᭄ᬯᬶᬗᬪᬓ᭄ᬢᬶ᭞ᬳᬶᬩᬸᬳᬚᬶᬗ᭄ᬕᬶᬄᬧ᭄ᬭᬧ᭄ᬢ᭟᭙᭟ᬓᬲᬫ᭄ᬩᬸᬢ᭄ᬢᬗᬦᬾᬭᬶᬂᬲᬂᬧ᭄ᬭᬧ᭄ᬢᬶ᭞ᬲ᭄ᬫᬭᬢᬾᬚᬸᬦ᭄‌‌ᬮᬦ᭄ᬳᬸᬤ᭄ᬬᬵ
ᬢ᭄ᬫᬶᬓ᭞ᬲᬂᬧ᭄ᬭᬪᬸᬮᬶᬗ᭄ᬲᬶᬃᬉᬚᬭᬾ᭞ᬤᬸᬭᬸᬲ᭄ᬫᬗ᭄ᬭᬜ᭄ᬚᬶᬂᬭᬢᬸ᭞ᬯᬢᭂᬓ᭄ᬭᬢᬸᬕ᭄ᬮᬶᬲ᭄ᬫᬗᬶᬭᬶᬂ᭞ᬮᬦ᭄ᬯᬢᭂᬓ᭄ᬧᬭᬬᭀ᭠ᬕ᭄ᬬ᭞ᬲᬫ᭄ᬬᬦ᭄ᬤᬢᬦ᭄ᬓᬦ᭄ᬢᬸᬦ᭄᭞ᬫᬗ᭄ᬭᬜ᭄ᬚᬶᬂᬭᬶᬂᬳᬩ᭄ᬬᬦ᭄ᬢᬭ᭞ᬯᬸᬲ᭄ᬓᬲᬗ᭄ᬕ᭄ᬭᬧᬤ᭄ᬬᬵᬃᬕ᭄ᬕᬘᬫᬦᬍᬯᬶᬄ᭞ᬕ᭄ᬮᬶᬲ᭄ᬓᬵᬢᬹᬭᬦ᭄ᬫ

[᭒᭐᭘ 208A]
᭒᭐᭘
ᬮᬶᬗ᭄ᬕᬵ᭟᭑᭐᭟ᬧ᭄ᬭᬪᬸᬢᬫ᭄ᬯᬶᬲᬫᬶᬯᬸᬲ᭄ᬫᬮᬶᬗ᭄ᬕᬶᬄ᭞ᬳᬦᬭᬶᬂᬧᬮᬗ᭄ᬓᬵᬫᬡᬶᬓ᭄ᬥᬸᬫᬶᬮᬄ᭞ᬫ᭄ᬯᬂᬧᬭᬬᭀᬕ᭄ᬬᬳᬚᬾᬚᬾᬃ᭞ᬯᬸᬲ᭄ᬫᬗᬶᬮᬶᬗᬶᬦ᭄ᬮᬸᬗ᭄ᬕᬸᬄ᭞ᬢᬦ᭄ᬲᬄᬧ᭄ᬭᬪᬸᬮᬶᬗ᭄ᬲᬶᬃᬫᬜᬦ᭄ᬤᬶᬂ᭞ᬤᬦᬾᬥᬸᬓᬸᬄᬭᬶᬂᬢ᭄ᬗᬄ᭞ᬫᬶᬤᬃᬣᬬᬂᬲᬵᬫ᭄ᬧᬸᬦ᭄᭞ᬲᬶᬗ᭄ᬕᬶᬄᬧ᭄ᬭᬪᬸ
ᬯᬳᬸᬧ᭄ᬭᬧ᭄ᬢᬵ᭞ᬓ᭄ᬱᬫᬓ᭄ᬦᬵ᭞ᬦᭀᬭᬮ᭄ᬬᬦ᭄ᬓᬤᬶᬓᬫᬶ᭞ᬳᬶᬥᬸᬓᬸᬄᬰᬓ᭄ᬢᬶᬗᬭᬦ᭄᭟᭑᭑᭟ᬢᬶᬢ᭄ᬬᬂᬚᬸᬚᬸᬢ᭄ᬭᬶᬂᬲᬶᬭᬦ᭄ᬭᬧᬢᬶ᭞ᬦᬭᬶᬂᬤᬶᬚᬫᬫᭂᬗ᭄ᬓᬸᬦᬵᬕᬭ᭞ᬧ᭄ᬭᬪᬸᬢᬫ᭄ᬯᬶᬦᬗ᭄ᬕᬮ᭄ᬧ᭄ᬮᬓᬾ᭞ᬗ᭄ᬕᬶᬄᬲᬓᬶᬂᬧᬸᬱ᭄ᬧᬲᬦ᭄ᬢᬸᬦ᭄᭞ᬯᬦᬾᬄᬫᬗᬢᬹᬭᬂᬳᬭᬶ
ᬲ᭄᭞ᬗ᭄ᬯᬂᬲᬓᬶᬂᬮᬾᬱᬦ᭄ᬧᬸᬭ᭞ᬲᬫᬲᬫᬫᬵᬢᬹᬃ᭞ᬫᬦᬢ᭄ᬯᬬᬂᬫᬦ᭄ᬥᬪᬕ᭄ᬬ᭞ᬲᬓᬶᬂᬓᬸᬤ᭞ᬉᬚᬃᬧ᭄ᬭᬪᬸᬧᬸᬱ᭄ᬧᬲᬵᬭᬷ᭞ᬬᬸᬓ᭄ᬢᬶᬓᬳᬶᬘᬮᬦ᭄ᬧᬸᬢ᭄ᬭ᭟᭑᭒᭟ᬓᬭᬶᬭᬭᬾᬓᬓᭂᬩᬸᬭᬂᬳᬗᬶᬦ᭄᭞ᬫᬾᬄᬢᬶᬕᬂᬰᬰᬶᬳᬾᬧ᭄ᬭᬧ᭄ᬢ᭞ᬉᬤ᭄ᬬᬢ᭄ᬫᬶᬓᬧᬸ᭠
ᬱ᭄ᬧᬢᬦᬾ᭞ᬦᬳᬦ᭄ᬢᭂᬓᬦᬶᬂᬮᬘᬸᬃ᭞ᬉᬤ᭄ᬬᬦᬶᬸᬢ᭄ᬫᬶᬓᬢᬸᬫ᭄ᬥᬸᬦ᭄ᬳᬭᬶᬲ᭄᭞ᬲᬓᬶᬂᬧᬮᬗ᭄ᬓᬭᬹᬓ᭄ᬫᬵ᭞ᬲᬃᬯ᭄ᬯᬳᬯᭀ᭠ᬢ᭄ᬲᬵᬦ᭄ᬢᬸᬦ᭄᭞ᬓᬮᬶᬄᬰ᭄ᬯᬫᬷᬰ᭄ᬭᬷᬥᬃᬫ᭄ᬫᬶᬓ᭞ᬲᬋᬂᬫ᭄ᬜᬦ᭄᭞ᬗᬪᬓ᭄ᬢᬶᬭᬶᬂᬳᬶᬩᬸᬳᬚᬶ᭞ᬲᬓᬶᬂᬧᬸᬱ᭄ᬧᬦᬵᬕᬭ᭟᭑ [ 209 ][᭒᭐᭘ 208B]
᭒᭐᭘
᭓᭟ᬫᬜᬫ᭄ᬩᬸᬢ᭄ᬧᬸᬢ᭄ᬭᬲᬯᬸᬃᬲ᭄ᬮᬦ᭄ᬢᬗᬶᬲ᭄᭞ᬓᬵᬭᬲ᭄ᬳᬭᬲ᭄‌‌ᬧᬸᬢ᭄ᬭᬦᬾᬢᬢᬶᬕ᭞ᬲᭂᬦ᭄ᬤᬸᬤᬳᬢ᭄ᬲᬸᬓᬦᬾ᭞ᬦᭀᬭᬫᬯ᭄ᬢᬸᬯᬸᬯᬸᬲ᭄᭞ᬧ᭄ᬭᬪᬸᬮᬾᬱᬦ᭄ᬧᬸᬭᬫᬮᬶᬄ᭞ᬓᬲᭂᬫ᭄ᬩᬄᬭᬶᬂᬲᬂᬢᬶᬕ᭞ᬳᬶᬩᬸᬳᬚᬶᬢ᭄ᬥᬸᬦ᭄᭞ᬲᬃᬯ᭄ᬯᬶᬗᬭᬲ᭄ᬫ᭠
ᬗᬦ᭄ᬤᬶᬓ᭞ᬫ᭄ᬕᬢ᭄ᬫᭂᬕᬢ᭄᭞ᬰ᭄ᬭᬸᬧᬢᬦᬾᬤᬺᬲ᭄ᬫᬶᬚᬶᬮ᭄᭞ᬫᬓᬾᬮᬶᬂᬢᬦ᭄ᬧᬸᬢᬸᬲᬦ᭄᭟᭑᭔᭟ᬧ᭄ᬭᬪᬸᬮᬶᬗ᭄ᬲᬶᬃᬭᬶᬂ᭠ᬫᬬᬹᬭᬫᬗ᭄ᬓᬶᬦ᭄᭞ᬗᬋᬧᬂᬦᬸᬮ᭄ᬬᬦᬶᬗ᭄ᬕᬭᬂᬭᬵᬕ᭞ᬭᬶᬓᬮᬶᬄᬧ᭄ᬭᬪᬸᬯᬭᬗᬾ᭞ᬗᬦ᭄ᬤᬶᬓᬫᬦᬶᬲ᭄ᬳᬭᬹᬫ᭄᭞ᬲᬶᬗ᭄ᬕᬶᬄᬧ᭄ᬭᬪᬸ
ᬧ᭄ᬭᬫᬷᬰ᭄ᬯᬭᬶ᭞ᬲᬶᬦᬵᬫ᭄ᬧᬸᬭᬓᬤᬶᬗ᭄ᬯᬂ᭞ᬫᬳᬢᬹᬃᬭᬸᬫᬸᬳᬸᬦ᭄᭞ᬲᬸᬓᬭᬢᬸᬮ᭄ᬯᬶᬄᬢᬦ᭄ᬲᬸᬓ᭞ᬫᬭᬶᬂᬢᬶᬢ᭄ᬬᬂ᭞ᬧᬸᬢ᭄ᬭᬦᬶᬭᬮᬦᬂᬇᬲ᭄ᬢ᭄ᬭᬶ᭞ᬓᬵᬕᬸᬗᬂᬭᬶᬂᬫᬬᬹᬭ᭟᭑᭕᭟ᬪᬹᬧᬢᬶᬓᬮᬶᬄᬲᬸᬫᬯᬸᬃᬳᬭᬶᬲ᭄᭞ᬗᬶᬭᬶᬂᬓᬾᬲᬫᬲᬫᬫᬧᬸᬢ᭄ᬭ᭞᭠
ᬫᬗᭀᬤᬕ᭄ᬚᬕᬢ᭄ᬢᬶᬕᬦᬾ᭞ᬗᬕᬸᬗᬶᬦ᭄ᬤᬶᬦᬶᬤᬶᬢᬸ᭞ᬤ᭄ᬯᬦᬶᬂᬦᭀᬭᬳᬦᬫᬮᬶᬄ᭞ᬮᬮᬓᬶᬳᬸᬫᬦ᭄ᬤᭂᬮᬂ᭞ᬫᬜᭂᬦ᭄ᬤᬶᬓᬧ᭄ᬭᬪᬸᬦ᭄᭞ᬧᬸᬧᬸᬢ᭄ᬲᬫᬶᬧᬯᬶᬮᬗᬦ᭄᭞ᬓᬧᬵᬢᬹᬢᬂ᭞ᬭᬶᬂᬩᬳᬸᬤᬦ᭄ᬤᬲᬫᬶ᭞ᬦᬸᬮ᭄ᬬᬫᭂᬢᬸᬭᬬᬸᬦᬦ᭄᭟᭜᭟

[᭒᭐᭙ 209A]
᭒᭐᭙
᭟ᬧᬸᬧᬸᬄᬫᬶᬚᬶᬮ᭄᭚᭑᭟ᬢᬦ᭄ᬧᬸᬢᬸᬲᬦ᭄‌‌ᬭᬬᬸᬦᬦᬾᬫᬶᬚᬶᬮ᭄᭞ᬯᬸᬲ᭄ᬫᬕᭂᬦ᭄ᬢᭀᬲ᭄ᬕᭂᬦ᭄ᬢᭀᬲ᭄᭞ᬢᭂᬢᭂᬧ᭄ᬲᬓᬜ᭄ᬘᬦ᭄ᬳᬾᬩᬢᬦᬾ᭞ᬓᬜ᭄ᬘᬦᬶᬂᬳᬸᬮᬫ᭄ᬳᭀᬤᬤᬶ᭞ᬯᬸᬲ᭄ᬫᬳᭀᬮᬄᬲᬫᬶ᭞ᬓᬘᬂᬓᬘᬂᬲ᭄ᬭᬧᬄᬧᭂᬜᬸ᭟᭒᭟ᬳᬾᬩᬢ᭄ᬩᬸ
ᬭᭀᬦᬾᬢᬦᬵᬦᬓᬭᬶ᭞ᬓᬵᬢᬹᬃᬭᬶᬂᬲᬂᬓᬝᭀᬂ᭞ᬫᬵᬲ᭄ᬫᬡᬶᬓ᭄ᬧ᭄ᬭᬪᬲᬃᬯ᭄ᬯᬫᬸᬮᬾᬦᬾ᭞ᬢᬢᬓᬦ᭄ᬲᬃᬯ᭄ᬯᬭᬬᬸᬦᬦ᭄ᬲᬫᬶ᭞ᬤᬳᬢ᭄ᬢᬦ᭄ᬧᬢᬦ᭄ᬥᬶᬂ᭞ᬦᬳᬦ᭄ᬦᬶᬓᬦᬂᬧᬦᬫ᭄ᬬᬸ᭟᭓᭟ᬯᬸᬲ᭄ᬓᬵᬢᬹᬃᬪᭀᬕᬦᬾᬫᬓᬲᬫᬶ᭞ᬳᬍᬧᬾᬢᬦ᭄ᬳᬲᭀᬃ᭞ᬫ
ᬮᬶᬄᬫᬯᭂᬯᭂᬄᬲ᭄ᬦᬦ᭄ᬥᬫᬭᬾ᭞ᬤᬤᬶᬲᬶᬦᬄ᭞ᬪᬵᬯᬦᬶᬂᬦᬵᬃᬧᬢᬶ᭞ᬫᬶᬯᬄᬯᬢᭂᬓ᭄ᬬᭀᬕᬶ᭞ᬳᬦᬭᬶᬂᬧᬧᬾᬱ᭄ᬝᬵᬦ᭄ᬫᬸᬗ᭄ᬕᬸᬄ᭟᭔᭟ᬲᬫᬶᬚᬷᬃᬡ᭄ᬦᬳᬗᬶᬦᬸᬫ᭄ᬳᬕᭀᬱ᭄ᬝᬶ᭞ᬲᬫ᭄ᬩᬶᬮᬂᬫᬦᭀᬦ᭄ᬢᭀᬦ᭄᭞ᬤᬳᬢᬶᬂᬳᬤ᭄ᬯᬾᬲᬲᭀᬮᬳᬦᬾ᭞ᬦ᭄ᬤᬢᬦ᭄ᬧᬸᬢᬸᬲᬵ
ᬦ᭄ᬫᬯᬦ᭄ᬢᬶᬯᬦ᭄ᬢᬶ᭞ᬲᬫᬶᬮᬶᬦ᭄ᬢᬂᬩ᭄ᬘᬶᬓ᭄᭞ᬲ᭄ᬬᬂᬤᬮᬸᬦᭀᬭᬵᬦᬧᬸᬢᬸᬲ᭄᭟᭕᭟ᬯᬯᭂᬗ᭄ᬓᬦ᭄ᬫᬬᬹᬭᬢᬦ᭄ᬧᬢᬦ᭄ᬤᬶᬂ᭞ᬯᬤ᭄ᬯᬮᬦᬂᬯᬤᭀᬦ᭄᭞ᬳᬕᬸᬂᬳᬮᬶᬢ᭄ᬓᬮᬶᬦ᭄ᬢᬂᬋᬡᬦᬾ᭞ᬫᬦᬸᬦᬲ᭄‌‌ᬲ᭄ᬯᬾᬘ᭄ᬙᬦᬾᬦᬵᬃᬧᬢᬶ᭞ᬢᬦ᭄ᬧᬸᬢᬸᬲᬦ᭄ᬲᬳᬶ᭞ [ 210 ][᭒᭐᭙ 209B]
᭒᭐᭙
ᬲᬸᬫᬲᬢ᭄ᬢᬶᬩᬦᬶᬂᬚᬯᬸᬄ᭟᭖᭟ᬯᬤ᭄ᬯᬤ᭄ᬫᬶᬢ᭄᭞ᬮᬕᬯᬢᬦ᭄ᬲᬶᬧᬶ᭞ᬫᬵᬤᭀᬮᬦ᭄ᬋᬓᭀ᭞ᬲᬮᬶᬂᬳᬕᬸᬗᬶᬦ᭄‌‌ᬳᭀᬮᬶᬄᬩᬢᬶᬦᬾ᭞ᬭᬵᬳᬶᬦᬯ᭄ᬗᬶᬫᬵᬤᭀᬮᬦ᭄ᬲᬫᬶ᭞ᬓ᭄ᬭᬸᬭᬓᬦᬂᬪᬹᬫᬶ᭞ᬢᬦᬵᬦᬩᬮᬧᬓᬾᬯᬸᬄ᭟᭗
᭟ᬯᬢᭂᬓ᭄ᬭᬢᬸ᭞ᬫᬶᬯᬄᬲᬫᬶᬢᬫ᭄ᬯᬶ᭞ᬮᬸᬗ᭄ᬳᬳᬮᭀᬦ᭄ᬳᬮᭀᬦ᭄᭞ᬫᬳᬶᬤᭂᬃᬭᬶᬂᬚᬕᬢ᭄ᬫᬬᬹᬭᬦᬾ᭞ᬓᬵᬮᬲᭀᬭᬾᬫᬲᬲᬜ᭄ᬚᬦ᭄ᬲᬫᬶ᭞ᬭᬶᬂᬢᬫᬦ᭄ᬫᬰᬸᬘᬶ᭞ᬉᬤ᭄ᬬᬦᬤᬳᬢ᭄ᬭᬳᬬᬸ᭟᭘᭟ᬓᬮᬏᬜ᭄ᬚᬶᬂᬫᬰᬸᬘ᭄ᬬᬦ᭄ᬲᬫᬶ᭞ᬭᬶᬂᬯ
ᬮᬳᬃᬋᬓᭀ᭞ᬦᬭᬶᬂᬯᬾᬚᬳ᭄ᬦᬯᬶᬗᬭᬦ᭄ᬜᬦᬾ᭞ᬢᭀᬬᬦᬾᬳᬕᬸᬂᬓᬮᬶᬦ᭄ᬢᬂᬰᬸᬘᬶ᭞ᬫᬳᬶᬮᬶᬤᭂᬕ᭄ᬥᭂᬕ᭄ᬦᬶᬂ᭞ᬦ᭄ᬤ᭠ᬢᬦ᭄ᬲᬫᬭᬶᬂᬭᬳᬬᬸ᭞᭙᭟ᬫᬸᬮᬓᬱ᭄ᬝᬯᬭᬶᬳᬦ᭄ᬢᬸᬓ᭄‌‌ᬍᬯᬶᬄ᭞ᬢᭀᬬᬮᬶᬦ᭄ᬢᬂᬓᬯᭀᬢ᭄᭞ᬧᬗ᭄ᬮᭂᬩᬸᬭᬦ᭄ᬯᬢᭂ
ᬓ᭄ᬥᬸᬄᬓᬶᬢᬦᬾ᭞ᬤᬰᬫᬮᬦᬾᬓᬮᬸᬓᬢ᭄ᬲᬫᬶ᭞ᬯ᭄ᬯᬂᬫᬬᬹᬭᬧᬸᬭᬶ᭞ᬓᬩᬾᬄᬫᬦ᭄ᬫᬸᬭᬳᬬᬸ᭟᭑᭐᭟ᬫᬯᭂᬯᭂᬄᬯᬸᬯᬸᬄᬲᬸᬓᬢ᭄ᬦᬾᬫᬗ᭄ᬓᬶᬦ᭄᭞ᬜ᭄ᬦᭂᬂᬧ᭄ᬭᬪᬸᬳᬦᭀᬫ᭄᭞ᬓᬲᬸᬂᬲᬸᬂᬭᬶᬂᬚᬕᬢ᭄ᬫᬬᬹᬭᬦᬾ᭞ᬓᭂᬫ᭄ᬩᬗᬶᬂᬧᬸ

[᭒᭑᭐ 210A]
᭒᭑᭐
ᬱ᭄ᬧᬢᬦ᭄ᬧ᭄ᬕᬢ᭄ᬲᬳᬶ᭞ᬫᬯᭂᬯᭂᬳᬶᬂᬯᬗᬶ᭞ᬫᬗ᭄ᬮᬶᬧᬸᬢ᭄ᬭᬶᬂᬚᬕᬢ᭄ᬤᬶᬢᬸ᭟᭑᭑᭟ᬨᬮᬕᬦ᭄ᬢᬸᬗᬾᬢᬍᬃᬮᬃᬲᬯ᭠ᬯᬶ᭞ᬲᬬᬦ᭄ᬫᬦᬶᬲ᭄ᬳᬕ᭄ᬮᭀᬦ᭄᭞ᬫᬳ᭄ᬯᬄᬲᬫᬶᬮᬶᬦ᭄ᬢᬂᬯᬺᬥᬶᬦᬾ᭞ᬲᬦᬾᬫᬲᭂᬫ᭄‌‌ᬢᬸᬫᬸᬮᬶᬳᬶᬧᬸᬦ᭄‌‌ᬮᬶᬦ᭄ᬤ᭄ᬭᬶᬄ᭞ᬢ᭄ᬮᬲ᭄ᬗᭂ
ᬤ᭄‌‌ᬫᭂᬦ᭄ᬥᬸᬄᬲᬫᬶ᭞ᬦᭀᬭᬧᬸᬢᬸᬲ᭄ᬫᬲᬦ᭄ᬳᬶᬧᬸᬦ᭄᭟᭑᭒᭟ᬬᬾᬦᬸᬘᬧᬂᬓ᭄ᬯᬾᬄᬗᬸᬮᬗᬸᬦᬶᬦ᭄᭞ᬦᭀᬭᬵᬦᬓᬵᬯᭀᬦ᭄᭞ᬯᬗᬸᬦᬦᬾᬜᬦ᭄ᬤᬂᬢᭂᬫ᭄ᬧᬋᬓᭀ᭞ᬯᬢᭂᬓ᭄ᬭᬢᬸᬯᬸᬲ᭄ᬲᬫᬶᬓᬸᬮᬶᬮᬶᬂ᭞ᬭᬶᬂᬯᬗᬸᬦᬦᬶᬂᬧᬸᬭᬶ᭞ᬢᬦᬵᬦᬘᬶ
ᬦᬾᬤᬦᬶᬧᬸᬦ᭄᭟᭑᭓᭟ᬯᬸᬲ᭄ᬳᬰᬰᬶᬄᬲᬧ᭄ᬢᬂᬤᬶᬦᬫᬗ᭄ᬓᬶᬦ᭄᭞ᬓᬂᬤᬾᬯᬱᬋᬓᭀ᭞ᬲᬂᬢᬫ᭄ᬯᬶᬧ᭄ᬭᬪᬹᬫᬓᬮᬫᬶᬦᬾ᭞ᬭᬵᬳᬶᬦᬏᬜ᭄ᬚᬶᬂᬯᬸᬲ᭄‌‌ᬥᬯᬸᬄᬓᬮᬶᬄ᭞ᬭᬶᬂᬧᬲᬾᬪᬦ᭄ᬲᬫᬶ᭞ᬯᬢᭂᬓ᭄ᬭᬢᬸᬦᬾᬫᬮᬸᬗ᭄ᬕᬸᬄ᭟᭑᭔᭟ᬢᬦᬵᬤᭀᬄ
ᬤᬦᬾᬳᬶᬤᬸᬓᬸᬄᬰᬓ᭄ᬢᬶ᭞ᬫ᭄ᬯᬂᬧ᭄ᬭᬫᬶᬲᬂᬓᬢᭀᬂ᭞ᬦᬵᬣᬳᬚᬶᬮᬾᬱᬦ᭄ᬧᬸᬭᬶᬋᬓᬾ᭞ᬫ᭄ᬯᬂᬳᬶᬩᬸᬳᬚᬶᬭᬶᬂᬧᬸᬱ᭄ᬧᬵᬲᬵᬭᬷ᭞ᬮ᭄ᬬᬢᭂᬦ᭄ᬕᬸᬫᬦ᭄ᬢᬶᬂᬲᬶᬄᬯᬘᬦᬦᬾᬫᬦᬶᬲ᭄᭞ᬫᬓᬾᬮᬶᬂᬭᬶᬂᬲᬂᬳᬩᬕᬸᬲ᭄᭟᭑᭕᭟ᬳᬬ᭄ᬯᬮᬮᬶᬳᬲᬾ [ 211 ][᭒᭑᭐ 210B]
᭒᭑᭐
ᬯᬦ᭄ᬳᬶᬭᬶᬓᬶ᭞ᬤᬸᬄᬤᬾᬯᬲᬂᬓᬝᭀᬂ᭞ᬧᬄᬢᬶᬕᬩᬸᬤ᭄ᬥᬶᬫᬦᬄᬢᬺᬱ᭄ᬡᬦᬾ᭞ᬓᬮᬾᬱᬦ᭄ᬧᬸᬭᬫ᭄ᬯᬂᬓᬧᬸᬱ᭄ᬧᬲᬵᬭᬷ᭞ᬮ᭄ᬬᬢᭂᬦ᭄ᬕᬸᬫᬦ᭄ᬢᬶᬂᬲᬶᬄ᭞ᬥᬦᬓᬲ᭄ᬫᬭᬦᬶᬧᬸᬦ᭄᭟᭐᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚᭑᭟ᬧ᭄ᬭᬪᬸᬳᬦᭀᬫ᭄ᬳᬯᭀᬢ᭄ᬲ
ᬭᬷ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬳᬶᬗᬦ᭄ᬤᬶᬓ᭞ᬫᬜᭂᬫ᭄ᬩᬄᬲᬃᬯ᭄ᬯᬶᬜᬮᬾᬫ᭄ᬧᭀᬄ᭞ᬩᭀᬬᬢᬶᬢ᭄ᬬᬂᬧᬘᬂᬮᬸᬧ᭞ᬗᭂᬫ᭄ᬧᬸᬚᬕᬢᬾᬢᬢᬶᬕ᭞ᬲᬤᬸᬭᬸᬗᬾᬕᬶᬗ᭄ᬲᬶᬭᬶᬂᬢᬸᬯᬸᬄ᭞ᬫᬤᬕᬶᬂᬯᬘᬦᬦ᭄ᬩᬧ᭟᭒᭟ᬦᬶᬫ᭄ᬩᬮ᭄ᬧ᭄ᬭᬪᬸᬧᬸᬱ᭄ᬧᬲᬵᬭᬷ᭞
ᬧᭀᬫᬧᭀᬫᬲᬶᬭᬦᬦᬓ᭄᭞ᬲᬧᬦᬶᬗ᭄ᬕᬮ᭄ᬩᬧᬫᬗ᭄ᬓᬾ᭞ᬫᬸᬮᬶᬄᬓᬧᬸᬱ᭄ᬧᬦᬕᬭ᭞ᬳᬚᬧ᭄ᬕᬢ᭄ᬳᬭᬭᬱᬦ᭄᭞ᬗᬶᬭᬶᬂᬳᬶᬤᬯᬢᭂᬓ᭄ᬪᬶᬓ᭄ᬱᬹ᭞ᬳᬦᬭᬶᬂᬢᬶᬕᬦᬵᬕᬭ᭟᭓᭟ᬘᬢᬹᬃᬫᬸᬓ᭄ᬬᬦᬶᬂᬧᬧᬢᬶᬄ᭞ᬧᬓᬸᬓᬸᬳᬶᬂᬚᬕᬢ᭄ᬢᬶᬕ᭞
ᬳᬗ᭄ᬕᬾᬦ᭄ᬧᬦᬩᭂᬂᬥᬥᬦᬾ᭞ᬳᬚᬯᬸᬲ᭄ᬫᬚᬸᬦᭂᬫ᭄ᬦᬬ᭞ᬲ᭄ᬬᬂᬭᬢ᭄ᬭᬶᬲᬤᬶᬦᬤᬶᬦ᭞ᬯᬾᬳᬶᬦ᭄ᬮᬪᬲᬦᬾᬧᬵᬢᬹᬢ᭄᭞ᬗᬰᬰᬶᬄᬤᬾᬯᬢᭂᬢᭂᬧᬂ᭟᭔᭟ᬰ᭄ᬭᬷᬥᬃᬫ᭄ᬫᬶᬓᬫᬵᬢᬹᬃᬲᬶᬗ᭄ᬕᬶᬄ᭞ᬧ᭄ᬭᬪᬸᬮᬾᬱᬦ᭄ᬧᬸᬭᬦᬗ᭄ᬕᬮ᭄᭞

[᭒᭑᭑ 211A]
᭒᭑᭑
ᬲᬶᬗ᭄ᬕᬶᬄᬤᬾᬯᬭᬵᬦᬓ᭄ᬳᬶᬗᭀᬂ᭞ᬧᬸᬭᬸᬦ᭄ᬩᬧᬭᬶᬂᬳᬶᬤᬾᬯ᭞ᬲᬵᬓ᭄ᬱᬵᬢ᭄ᬦᬲᬶᬓᬶᬦ᭄ᬲᬵᬕᬭ᭞ᬫᬳᬸᬗᬸᬳᬶᬦ᭄ᬭᬦᬓ᭄ᬩᬕᬸᬲ᭄᭞ᬲᬮᬫᬶᬦᬾᬫᬗᬩᭂᬢ᭄ᬯᬤ᭄ᬯ᭟᭕᭟ᬳᬬᬤᬾᬯᬢᬦ᭄ᬧᬦᭀᬮᬶᬄ᭞ᬳᬾᬮᬶᬗᬂᬲᬲᬫᬦᬶᬂᬯ᭄ᬯᬂ᭞ᬳᬕᬸᬂᬳ
ᬮᬶᬢ᭄ᬦᭀᬭᬯᬦᬾᬄ᭞ᬗᬮᬶᬄᬪᬹᬓ᭄ᬢᬶᬦᬾᬫᬜ᭄ᬚᬤ᭄ᬫᬵ᭞ᬪᬹᬓ᭄ᬢᬶᬦᬾᬲᬂᬫᬵᬳᬵᬭᬵᬚ᭞ᬭᬯᬸᬄᬲᬓᬶᬂᬧᬜ᭄ᬚᬓ᭄‌‌ᬧᬘᬸᬮ᭄᭞ᬓᬢ᭄ᬫᭀᬓᬂᬭᬶᬂᬚ᭄ᬭᭀᬭᬚ᭄ᬬ᭟᭖᭟ᬯᬯᭂᬗ᭄ᬓᬦᬶᬂᬫᬓᬲᬫᬶ᭞ᬢ᭄ᬓᬦᬶᬂᬧᬕᬸᬦᬸᬗᬦ᭄ᬬ᭞ᬯᬲ᭄ᬯᬲᭂᬦ᭄ᬳᬮᬳᬬᬸ
ᬦᬾ᭞ᬢᭂᬓᬾᬂᬧᬜᬓᬶᬢᬶᬂᬚᬕᬢ᭄᭞ᬳᬾᬗ᭄ᬕᬮ᭄ᬲᬶᬭᬢᬸᬮᬸᬗᬦ᭞ᬘᬘᬭᭀᬦ᭄ᬳᬗ᭄ᬕᭀᬦ᭄ᬫᬦᬸᬮᬸᬂ᭞ᬫᬗ᭄ᬤᬾᬯᬺᬥᬶᬓᬂᬦᬵᬕᬭ᭟᭗᭟ᬳᬚᬃᬭᬓᭂᬦ᭄ᬓᬂᬯᬤ᭄ᬯᬤ᭄ᬫᬶᬢ᭄᭞ᬲᬦᬾᬦᭂᬧᬶᬭᬶᬂᬦᬵᬕᬭ᭞ᬫᬗ᭄ᬤᬲᬯᬯᬗᬃᬣᬶᬦᬾ᭞ᬧ᭄ᬭᬤᬾᬦᬾᬤᬗ
ᬦ᭄ᬲᬂᬦᬵᬣ᭞ᬦᬸᬤᬸᬄᬦᬶᬢᬄᬩᬮᬓᭀᬱ᭞ᬧ᭄ᬭᬪᬸᬳᬦᭀᬫ᭄ᬳᬦᭀᬫ᭄ᬳᬯᭀᬢ᭄ᬲᬵᬦ᭄ᬢᬸᬦ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬢ᭄ᬮᬲ᭄‌‌ᬜᬸᬳᬸᬦᬂ᭟᭘᭟ᬤᬦᬾᬥᬸᬓᬸᬄᬜ᭄ᬮᬸᬮᬸᬗᬶᬦ᭄᭞ᬬᭀᬕ᭄ᬬᬧᬓᬾᬮᬶᬂᬲᬂᬦᬵᬣ᭞ᬢ᭄ᬮᬲ᭄ᬬᬜᬦ᭄ᬥᬂᬧᬶᬢᬸᬯᭀᬦ᭄᭞ [ 212 ][᭒᭑᭑ 211B]
᭒᭑᭑
ᬧᭀᬫᬲᬶᬭᬫᬳᬵᬭᬚ᭞ᬳᬾᬮᬶᬗᬂᬢᬸᬢᬸᬭᬾᬳᬃᬱ᭞ᬳᬾᬄᬢᭀᬦᬵᬧᬢᬶᬓᬘᬢᬸᬃ᭞ᬳᬚᬮᬸᬧᬭᬶᬂᬰᬲᬦ᭟᭙᭟ᬳᬬ᭄ᬯᬫᬦᬶᬗ᭄ᬕᬮᬂᬓᬧ᭄ᬢᬶ᭞ᬲᬓᬶᬂᬳᬗ᭄ᬕᬦᬾᬲᬂᬦᬵᬣ᭞ᬯ᭄ᬯᬂᬳᬕᬸᬂᬲᬲᬫᬦ᭄ᬜᬦᬾ᭞ᬤᬶᬯᬗ᭄ᬓᬭᬗᭀᬤᬕᬂᬚᬕᬢ᭄
᭞ᬢᬦᬵᬦᬲᬹᬃᬬ᭄ᬬᬯᬦᬾᬳᬦ᭄᭞ᬫᭀᬂᬲᬯᬶᬚᬶᬦᬾᬫᬗᬸᬯᬸᬩ᭄᭞ᬫᬜᬸᬦ᭄ᬤᬭᬶᬦ᭄‌‌‌‌ᬢ᭄ᬭᬶᬫᬡ᭄ᬥᬮ᭟᭑᭐᭟ᬲᬹᬃᬬ᭄ᬬᬧᬶᬦᬓᬮᬮᬓᬶ᭞ᬫᬓᬮᬓᬶᬦ᭄‌‌ᬤᬕᬶᬂᬚᬕᬢ᭄᭞ᬲᬫᬶᬯᬥᬹᬤᬕᬶᬂᬜᬦᬾ᭞ᬦᭀᬭᬦᬭᬶᬂᬚᬦᬮᭀᬓ᭞ᬓᬮᬶᬄ
ᬦᬾᬲᬃᬯ᭄ᬯᬫᬗ᭄ᬓᬶᬳᬦ᭄᭞ᬫᬤ᭄ᬯᬾᬩᬬᬸᬰᬩ᭄ᬤᬇᬓᬸ᭞ᬲᬫᬶᬦᭀᬭᬳᬦᬮᬦᬂ᭟᭑᭑᭟ᬢᬭᬸᬢᬭᬸᬯᬢᬸᬲᬫᬶ᭞ᬓᬜ᭄ᬘᬦᬶᬂᬩᬭᬂᬓᬢᬶᬗ᭄ᬳᬮ᭄᭞ᬲᬓ᭄ᬯᬾᬄᬜᬭᬶᬂᬲᭀᬃᬮᬗᬶᬢᬾ᭞ᬦᬾᬓᬲᬗ᭄ᬕᬭᬶᬂᬪᬸᬝᬮ᭞ᬳᬸᬦᬶᬂᬧ᭄ᬚᬄᬦᬥᬶᬢᬦᬄ
᭞ᬤᬤᬶᬢᭀᬬᬤᬤᬶᬳᬩᬸ᭞ᬫᬶᬯᬄᬲᬓᬜ᭄ᬘᬦ᭄ᬧᬸᬦᬶᬓ᭟᭑᭒᭟ᬲᬹᬃᬬ᭄ᬬᬦᬾᬓᬾᬯᬮᬓᬭᬶ᭞ᬢᭂᬢᭂᬧ᭄ᬦᭀᬭᬦᬳᭂᬦ᭄ᬳᭀᬩᬄ᭞ᬲᬸᬭᬸᬧ᭄ᬭᬶᬂᬳᭀᬤᬤᬶᬓᬸᬮᭀᬦ᭄᭞ᬏᬜ᭄ᬚᬶᬂᬫ᭄ᬥᬮ᭄ᬲᬓᬶᬂᬯᬾᬢᬦ᭄‌‌ᬲᬤᬶᬦᬤᬶᬦᬢᬦ᭄ᬢᭂᬮᬕ᭄᭞ᬮᬫ᭄ᬧᬄ

[᭒᭑᭒ 212A]
᭒᭑᭒
ᬧᬕᭂᬄᬤᬤᬶᬚᬮᬸ᭞ᬫᬗ᭄ᬓᬵᬤᬾᬯᬫᬳᬵᬭᬚ᭟᭑᭓᭟ᬳᬾᬮᬶᬂᬳᬾᬮᬶᬂᬤᬾᬦ᭄ᬧᬓᬾᬮᬶᬂ᭞ᬲᬢᬸᬗ᭄ᬕᬸᬦ᭄ᬢᬓᬭᬶᬕᭂᬲᬂ᭞ᬫᬗ᭄ᬤᬾᬦᬶᬂᬭᬶᬂᬚᬕᬢᬾ᭞ᬲᬶᬦᬶᬯᬶᬭᬶᬂᬚᬦᬮᭀᬓ᭞ᬧᬜ᭄ᬘᬧ᭄ᬭᬪᬸᬲᬫᬶᬜᭂᬫ᭄ᬩᬄ᭞ᬫᬭᬶᬂᬚᭂᬂᬤᬦᬾᬳᬶᬥᬸᬓᬸᬄ᭞
ᬲᬶᬗ᭄ᬕᬶᬄᬦᭀᬭᬢᬶᬢ᭄ᬬᬂᬮᬸᬧ᭟᭑᭔᭟ᬯᬸᬲ᭄ᬳᬶᬥᬸᬓᬸᬄᬓᬪᬓ᭄ᬢᬶᬦᬶᬦ᭄᭞ᬫᬸᬲ᭄ᬦᬤᬦᬾᬢᬦ᭄ᬓᬢᬶᬗ᭄ᬳᬮᬦ᭄᭞ᬓᬕᬾᬢ᭄ᬳᬸᬤᬦ᭄ᬧᬸᬱ᭄ᬧᬫᬲ᭄ᬬᭀᬓ᭄᭞ᬮᬦ᭄ᬫᬤᬸᬮᬸᬭᬦ᭄ᬕᬕᬦ᭄ᬤᬦ᭄᭞ᬳᬸᬫᬸᬂᬯᬾᬤᬳᬲ᭄ᬢᬸᬗ᭄ᬓᬭ᭞ᬳᬜ᭄ᬚᬬᬚᬬᬢᬦ᭄ᬧᬸᬢᬸ
ᬲ᭄᭞ᬯᬗᬶᬦᬾᬗᬾᬩᭂᬓᬶᬦ᭄ᬧᬸᬭ᭟᭑᭕‌᭟ᬧᬭᬭᬢᬸᬚᬷᬃᬡ᭄ᬦᬲᬫᬶ᭞ᬳᬶᬭᬶᬓᬫᬭᬶᬂᬧᬲᬾᬪᬦ᭄᭞ᬫᬦ᭄ᬭᬶᬫᬧᬶᬲᬸ᭠ᬓᬦ᭄ᬓᬯᭀᬢ᭄᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬯᬸᬲ᭄ᬲᬫᬶᬳᬦᬥᬄᬪᭀᬕ᭞ᬫᬓᬶᬭᬾᬧᬘᬂᬳᬸᬫᬦ᭄ᬢᬸᬓ᭄᭞ᬫᬸ
ᬳᬸᬦ᭄ᬭᬶᬂᬭᬵᬚᬫᬬᬹᬭ᭟᭑᭖᭟ᬯᬢᭂᬓ᭄ᬭᬢᬸᬢ᭄ᬮᬲ᭄ᬫᬧᬫᬶᬢ᭄᭞ᬮᬦ᭄ᬢᭂᬓᬦᬶᬂᬩᬮᬵᬥᬶᬓ᭞ᬢᬸᬗ᭄ᬕᬗᬦ᭄ᬳᬸᬫᬤᬂᬋᬓᭀ᭞ᬕᬚᬄᬓᬸᬥᬧᬥᬳᬸᬫ᭄ᬬᬂ᭞ᬧ᭄ᬭᬪᬸᬢᬫ᭄ᬯᬶᬭᬭᬶᬲ᭄‌‌ᬫᬸᬗ᭄ᬕᬄ᭞ᬭᬶᬂᬭᬣᬢᬢᬹᬃᬫᬮᬸᬗ᭄ᬕᬸᬄ᭞ᬲᬶᬦᭂᬫ᭄ᬩᬄᬤᬾᬦ᭄ᬳ [ 213 ][᭒᭑᭒ 212B]
᭒᭑᭒
ᬦᬓ᭄ᬳᬶᬭ᭟᭑᭗᭟ᬫᬃᬕ᭄ᬕᬭᬢᬸᬲᬓᬶᬂᬳᬭᬶᬲ᭄᭞ᬳᬶᬩᬸᬳᬚᬶᬦᭀᬭᬧᬜ᭄ᬚᬂ᭞ᬳᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬢᬸ᭠ᬗ᭄ᬕᬗᬦᬾᬕ᭄ᬮᬶᬲ᭄ᬮᬸᬫᬫ᭄ᬧᬄ᭞ᬓᭀᬘᬧᬦ᭄ᬲᬂᬓᬢᬶᬗ᭄ᬕᬮ᭄᭞ᬬᬾᬄᬯᬲ᭄ᬧᬦᬾᬤᬺᬲ᭄ᬳᬸᬫ᭄ᬢᬸ᭞ᬳᬦᭀᬦ᭄ᬳᬶᬩᬸᬳᬚᬶᬮᬸᬗ᭄ᬳ
᭟᭑᭘᭟ᬓᭀᬘᬧ᭄ᬧ᭄ᬭᬪᬸᬲᬶᬮᬶᬂᬯᬗᬶ᭞ᬢᬸᬫᬸᬮᬶᬫᬳᬤᬸᬗᬦ᭄᭞ᬭᬶᬂᬧ᭄ᬭᬪᬸᬫᬬᬹᬭᬳᬦᭀᬫ᭄᭞ᬩᬧᬧᬫᬶᬢ᭄ᬭᬶᬂᬳᬶᬤᬾᬯ᭞ᬮᬶᬦ᭄ᬢᬂᬩᬧᬜᬸᬓ᭄ᬱ᭄ᬫᬬᬂ᭞ᬧ᭄ᬭᬪᬸᬳᬦᭀᬫ᭄ᬦᬶᬫ᭄ᬩᬮ᭄ᬫᬵᬢᬹᬃ᭞ᬢᬶᬢ᭄ᬬᬂᬯᬦ᭄ᬢᬄᬜᬸᬓ᭄ᬱ᭄ᬫᬬᬂ᭟᭑᭙᭟ᬩᬧᬢ᭄ᬯᬭ
ᬧᭀᬮᬶᬄᬦᬧᬶ᭞ᬓᬾᬯᬮᬯ᭄ᬭᬸᬄᬫᬭᬶᬂᬭᬱᬵ᭞ᬭᬱᬜ᭄ᬚᬕᬢ᭄ᬫᬬᬹᬭᬦᬾ᭞ᬳᬾᬮᬶᬗᬂᬩᬧᬳᬾᬮᬶᬗᬂ᭞ᬯᭂᬓᬲ᭄ᬢᭂᬓᬦᬶᬂᬳᬦ᭄ᬢᬓ᭞ᬢᬸᬫᬸᬮᬶᬫᬮᬶᬄᬫᬫᬗ᭄ᬕᬸᬄ᭞ᬓᬉᬢ᭄ᬢᬫᬦᬶᬂᬫᬬᬹᬭ᭟᭒᭐᭟ᬲᬶᬗ᭄ᬕᬶᬄᬲᬶᬗ᭄ᬕᬶᬄᬤᬾᬯᬳᬚᬶ᭞ᬲᬵᬫ᭄ᬧᬸᬦᬂᬫᬮᬶᬄ
ᬫᬫᬜ᭄ᬚᬗᬂ᭞ᬫᬦᬄᬩᬧᬮᬶᬦ᭄ᬢᬂᬳᬩᭀᬢ᭄᭞ᬗᬯᬭᬱᬦᬶᬂᬫᬬᬹᬭ᭞ᬫᬯᭂᬯᭂᬄᬇᬘ᭄ᬙᬦ᭄ᬳᬶᬤᬾᬯ᭞ᬲᬫᬶᬯᬦ᭄ᬢᬄᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬭᬶᬂᬭᬱᬳᬸᬦᬶᬦᬶᬂᬧ᭄ᬚᬄ᭟᭒᭑᭟ᬩᬧᬲᬵᬫ᭄ᬧᬸᬦ᭄ᬫᭀᬮᬶᬄᬲᬫᬶ᭞ᬭᬶᬂᬩᬩᭂᬓᭂᬮᬦ᭄ᬫ

[᭒᭑᭓ 213A]
᭒᭑᭓
ᬚᬦ᭄ᬫ᭞ᬫᬵᬲ᭄ᬧᬶᬭᬓ᭄ᬦᭀᬭᬕᬸᬡᬦᬾ᭞ᬓᬲᬸᬓᬦ᭄ᬭᬶᬂᬫᬥ᭄ᬬᬧᬵᬤ᭞ᬤᬸᬄᬭᬵᬦᬓ᭄ᬩᬧᬫᬫᬶᬦ᭄ᬤᬄ᭞ᬫᭀᬖᬢᬢᬦ᭄ᬕᬶᬗ᭄ᬲᬶᬃᬢᬸᬳᬸᬄ᭞ᬧᬗ᭄ᬕᬸᬄᬩᬧᬢ᭄ᬓᬾᬂᬤ᭄ᬮᬳ᭟᭒᭒᭟ᬭᬵᬚᬲᬸᬦᬸᬫᬵᬢᬹᬃᬲᬶᬗ᭄ᬕᬶᬄ᭞ᬧ᭄ᬭᬪᬸᬲᬶᬮᬶᬂᬯᬗᬶᬫᬗ᭄ᬓᬢ᭄᭞ᬫ
ᬓᬫᬶᬯᬄᬧᬗᬶᬭᬶᬗᬾ᭞ᬲᬫᬶᬩᬸᬗ᭄ᬓᬄᬲᬧᬶᬲᬦᬦ᭄᭞ᬢᬦᬸᬘᬧᬦ᭄ᬮᬫ᭄ᬧᬄᬳᬶᬭ᭞ᬓᭀᬘᬧ᭄ᬳᬶᬤᬲᬂᬧ᭄ᬭᬪᬸ᭠ᬓᬦ᭄ᬢᬸᬦ᭄᭞ᬦᬸᬮ᭄ᬬᬗ᭄ᬭᬜ᭄ᬚᬶᬂᬭᬶᬂᬓᬥᬢ᭄ᬯᬦ᭄᭟᭒᭓᭟ᬓᭀᬘᬧ᭄ᬮᬫ᭄ᬧᬄᬧ᭄ᬭᬪᬸᬓᬢ᭄ᬭᬶ᭞ᬢᬶᬕᬂᬤᬶᬦᬳᬸᬯᬸᬲ᭄ᬧ᭄ᬭᬧ᭄ᬢᬵ᭞ᬭᬶᬂ
ᬲ᭄ᬯᬂᬲ᭄ᬯᬂᬦᬵᬕᬭᬦᬾ᭞ᬦ᭄ᬤᬵᬢᬦ᭄ᬳᬦᬓᬘᭂᬦ᭄ᬢᬸᬮᬦ᭄᭞ᬜᬸᬲᬸᬧ᭄ᬭᬱᬦᬶᬂᬫᬬᬹᬭ᭞ᬢ᭄ᬓᬦᬶᬂᬯᬤ᭄ᬯᬦᬾᬭᬳᬬᬸ᭞ᬦᬾᬲᬵᬫ᭄ᬧᬸᬦ᭄‌‌ᬯ᭄ᬭᬸᬳᬶᬂᬫᬬᬹᬭ᭟᭒᭔᭟ᬰ᭄ᬭᬷᬥᬃᬫ᭄ᬫᬶᬓᬓᭀᬘᬧ᭄ᬫᬗ᭄ᬓᬶᬦ᭄᭞ᬓᬮᬶᬄᬖᬃᬯ᭄ᬯᬭᬶᬂᬫᬬᬹᬭ᭞ᬓᬲᬶᬯᬶᬭᬶᬂᬢ᭄ᬭᬶᬪᬸᬯᬦ᭠
ᬦᬾ᭞ᬗᬰᬰᬶᬄᬜᬓ᭄ᬭᬦᬵᬕᬭ᭞ᬦ᭄ᬤᬵᬢᬦ᭄ᬧ᭄ᬕᬢ᭄ᬓᬸᬮᬶᬮᬶᬗᬦ᭄᭞ᬲᬲ᭄ᬬᬂᬲ᭄ᬬᬂᬥᬦᬲᬢᬸᬯᬸᬓ᭄᭞ᬮ᭄ᬯᬶᬃᬯᬃᬱᬦᭂ᭠ᬤᬸᬳᬶᬂᬚᬕᬢ᭄᭟᭒᭕᭟ᬢ᭄ᬭᬶᬮᭀᬓᬮᬶᬦ᭄ᬢᬗᬶᬂᬯᬺᬤ᭄ᬥᬶ᭞ᬢᬦᬵᬦᬓᬓ᭄ᬬᬸᬳᬦ᭄ᬩᬮ᭞ᬳᬕᬸᬂᬳᬮᬶᬢ᭄ᬮᬦᬂᬯᬤᭀ [ 214 ][᭒᭑᭓ 213B]
᭒᭑᭓
ᬦ᭄᭞ᬫᬦ᭄ᬮᭂᬩᬂᬥᬃᬫ᭄ᬫᬰᬲᬡ᭞ᬦᭀᬭᬳᬦᬫᬮᬓᬸᬘᭀᬭᬄ᭞ᬲᬓᬶᬂᬓᭀᬢ᭄ᬢᬫᬦᬶᬂᬧ᭄ᬭᬪᬸ᭞ᬢ᭄ᬮᬲ᭄ᬗᬸᬕ᭄ᬯᬦᬶᬦ᭄ᬥᬫ᭄ᬫᬢᬢ᭄ᬯᬵ᭟᭒᭖᭟ᬧᬸᬢᬸᬲ᭄‌‌ᬗ᭄ᬯᬂᬗᬯᬶᬓᬓᬯᬶᬦ᭄᭞ᬓᬵᬮᬦᬶᬂᬯ᭄ᬗᬶᬚᬫ᭄ᬧᬶᬂᬲ᭄ᬬ᭞ᬭᬶᬂᬩᬸᬤ᭄ᬥᬉᬫᬦᬶᬲ᭄ᬋᬓᭀ᭞ᬯᬭᬚᬸ
ᬮᬸᬂᬳᬭᬹᬫ᭄ᬯᬦ᭄ᬢᬄ᭞ᬦᬫ᭄ᬧᬶᬧ᭄ᬭᬢᬶᬧᬤᬵᬰᬹᬓ᭄ᬮ᭞ᬭᬶᬂᬲᬤ᭄ᬥᬫᬱᬵᬫᬦᬸᬚᬸ᭞ᬇᬰᬓᬲᬦᬾᬦᬗ᭄ᬕᬮ᭄᭟᭒᭗᭟ᬭᬄᬓᬮᬶᬄᬯᬯᬸᬦᬫ᭄ᬧᬶ᭞ᬢᭂᬗ᭄ᬕᭂᬓ᭄ᬜᬦᬾᬓᬧᬶᬂᬧᬜ᭄ᬘ᭞ᬳᬶᬕᬸᬫᬦ᭄‌‌ᬬᬸᬱᬦ᭄ᬮᭀᬓᬦᬾ᭞ᬲᬗ᭄ᬳᬵᬩᬗ᭄ᬲᬶᬢ᭄ᬥᬸᬓ᭄ᬧᬸᬦᬶᬓ
᭞ᬇᬰᬓᬩᬮᬶᬧᬸᬦ᭄ᬦᬵᬫ᭞ᬬᬾᬦᬶᬂᬉᬮᬡ᭄ᬥᬶᬓᬯᬸᬯᬸᬲ᭄᭞ᬲ᭄ᬭᬶᬩᬸᬲᭂᬫᬶᬮᬦ᭄ᬭᬢᬸᬲᬦ᭄᭟᭒᭘᭟ᬮᬗ᭄ᬓᬸᬂᬢᬶᬕᬂᬤᬰᬫᬗ᭄ᬓᬶᬦ᭄᭞ᬢᬗ᭄ᬕᬮ᭄ᬳᭀᬮᬡ᭄ᬥᬶᬦᬾᬓᭀᬘᬧ᭄᭞ᬯᭀᬮᬸᬮᬶᬓᬸᬃᬫᬾᬇᬓᬂᬮᬾᬓ᭄᭞ᬲᭀᬓ᭄ᬳᬶᬧᬸᬦ᭄ᬜᬭᬶᬓ᭄ᬓᬾᬯᬮ᭞᭠
ᬳᬤᭀᬄᬭᬶᬂᬲᬂᬓᬯᬶᬰ᭄ᬯᬭ᭞ᬦᬫᭀᬂᬭᬲᬦᬶᬂᬧᬶᬢᬸᬢᬹᬃ᭞ᬯᬦᬾᬄᬢᬦᬵᬦᬕᬸᬡᬦ᭟᭒᭙᭟ᬮᬶᬦ᭄ᬢᬂᬫᬸᬥᬫᬶᬮ᭄ᬯᬗᬗ᭄ᬕᬶᬢ᭄᭞ᬯᬶᬢ᭄ᬢᬶᬢ᭄ᬬᬂᬲᬗ᭄ᬓᬦᬶᬂᬧᬗ᭄ᬓᬄ᭞ᬫᬦᬶᬭᬸᬲᬵᬃᬚ᭄ᬚᬦᬓᬯᭀᬢ᭄᭞ᬗ᭄ᬯᬂᬚᬸᬕᬸᬮ᭄ᬓᬢᬸᬦᬦ᭄ᬰᬲ᭄ᬢ᭄ᬭ᭞ᬲᬓᬶᬂᬧᬸᬭᬸ

[᭒᭑᭔ 214A]
᭒᭑᭔
ᬦ᭄ᬓᬕᬸᬬᭀᬦᬦ᭄᭞ᬢᬢᬵᬪᬱᬓᬝᬄᬓᬶᬓᬸᬓ᭄᭞ᬓᭀᬮᬸᬕ᭄ᬢᬶᬢ᭄ᬬᬗᬾᬗᬯᬶᬦᬂ᭟᭓᭐᭟ᬕᭃᬂᬅᬫ᭄ᬧᬹᬭᬭᬢᬸᬲᬫᬶ᭞ᬧᬸᬧᬸᬄᬮᬕᬸᬲᬮᬄᬮᬶᬗ᭄ᬕ᭞ᬲ᭄ᬯᬾᬘ᭄ᬙᬳᬶᬤᬤᬦᬾᬫ᭄ᬩᬯᭀᬲ᭄᭞ᬧᬓᬃᬥᬶᬦ᭄ᬢᬶᬢ᭄ᬬᬂᬳᬶᬦᬶᬱ᭄ᬝᬵ᭞ᬧᬦᭂᬫ᭄ᬩᬾ
ᬦᬾᬗᬗ᭄ᬕᬶᬢ᭄ᬧᬺᬮᬫ᭄ᬩᬂ᭞ᬳᬓ᭄ᬯᬾᬄᬲᬮᬶᬲᬸᬢᬂᬧᬸᬧᬸᬄ᭞ᬓᬸᬰᬸᬫᬭᬱᬗᬭᬦ᭄ᬬ᭟᭓᭑᭟ᬲᬋᬂᬓᬮᬶᬄᬫᬓᬃᬤ᭄ᬥᬶᬦᬶᬦ᭄᭞ᬢᬸᬓᬂᬧᬫᬸᬦ᭄ᬢᬢ᭄ᬧᬸᬦ᭄ᬦᬵᬫ᭞ᬫᬕᬶᬩ᭄ᬓᭂᬮᬶᬂᬫᬫᬳᭂᬗ᭄ᬕᭀᬦ᭄᭞ᬤᬤᬸᬰᬸᬦᬦ᭄‌‌ᬦᬪᬵᬱ᭄ᬝᬮ᭞ᬳᬦ᭄ᬢᬸᬓ᭄ᬭᬸᬦ᭄ᬤᬳᬶᬂ
ᬦᬵᬕᬭ᭞ᬳᬶᬲᭂᬂᬳᬶᬲᭂᬂᬗᬯᬶᬓᬶᬤᬸᬂ᭞ᬤᬸᬫᬥᬓ᭄ᬫᬤᬓ᭄ᬓᬢ᭄ᬭᬶᬫ᭟᭓᭒᭟ᬓᬂᬗ᭄ᬭᬾᬯᬗᬶᬦ᭄ᬫᬓᬦᬫᬷ᭞ᬢᬸᬢᬸᬓᬶᬂ᭠ᬲ᭄ᬓᬃᬫᬮᬶᬗ᭄ᬕᬵ᭞ᬓᬦ᭄ᬢᬶᬧᬚᬃᬫᬳᭂᬗ᭄ᬕᭀᬦ᭄᭞ᬓᬸᬭᬫ᭄ᬩᬶᬢᬦ᭄ᬯᬸᬲ᭄ᬓᬱ᭄ᬝᬯ᭞ᬫᬶᬮᬸᬫᬶᬮᬸᬜᬸᬫ᭄ᬩᬸᬗᬂ᭞ᬗᬚᬧ᭄ᬢᬯᬂᬲ᭄ᬬᬂᬤᬮᬸ᭞
ᬲ᭄ᬯᬾᬘ᭄ᬙᬭᬢᬸᬫᬦ᭄ᬭᬶᬫ᭟᭓᭓᭟ᬳᬲᬸᬂᬳᬶᬤᬤᬦᬾᬕᬸᬲ᭄ᬢᬶ᭞ᬫᬜᬸᬮᬫᬶᬦ᭄ᬳᬲᬶᬂᬋᬩᬄ᭞ᬕᬕᬶᬢᬬᬦ᭄ᬓᬾᬄᬢᬸ᭠ᬦᬦᬾ᭞ᬫᬶᬯᬄᬳᬗ᭄ᬕᬄᬳᬸᬗ᭄ᬕᬸᬄᬲ᭄ᬯᬭ᭞ᬫᬓᬫᬶᬯᬄᬧᬲᬂᬰᬵᬲ᭄ᬢ᭄ᬭ᭞ᬬᬢᬢ᭄ᬓᬾᬂᬧᬸᬧᬸᬄᬮᬕᬸ᭞ᬓᬶᬤᬸᬂᬕᭂᬦ᭄ᬤᬶᬂᬢᬸ [ 215 ][᭒᭑᭔ 214B]
᭒᭑᭔
ᬦᬢᬸᬦ᭟᭜᭟ᬢᬫᬢ᭄᭟ᬧᬸᬧᬸᬢ᭄ᬫᬦᭂᬤᬸᬦᬶᬦ᭄᭟ᬭᬶᬂᬭᬵᬳᬶᬦ᭞ᬯᬺ᭞ᬯ᭞ᬯᬭᬉᬕᬸ᭟ᬰᬹᬓ᭄ᬮᬧᬓᬓ᭄ᬱᬵᬘᬢᬸᬃᬤᬰᬶ᭞ᬅᬲᬤ᭄ᬥᬵᬫᬱᬵ᭞ᬇᬰᬓᬯᬃᬱᬦᬶᬂᬭᬵᬢ᭄᭞᭑᭙᭑᭑᭟ᬲᬦᬾᬜᬸᬭᬢ᭄‌‌ᬳᬶᬫᬥᬾᬧᬲᭂᬓ᭄᭞ᬫᬕ᭄ᬦᬄᬭᬶᬂ
ᬩᬜ᭄ᬚᬃᬲᬢ᭄ᬭᬶᬬ᭞ᬚᬮᬦ᭄ᬲᬢ᭄ᬭᬶᬬ᭞ᬕᬂ᭞᭕᭟ᬓᬮᬸᬭᬳᬦ᭄‌‌ᬤᬾᬰᬧᭂᬡ᭄ᬥᭂᬫ᭄᭞ᬓᬘᬫᬢᬦ᭄‌‌ᬦᬵᬕ᭠ᬭ᭟ᬓᬪᬹᬧᬢᬾᬦ᭄‌‌ᬚᬕᬢ᭄ᬚᭂᬫ᭄ᬩ᭄ᬭᬡᬵ᭟᭜᭟ᬢᬶᬢ᭄ᬬᬂᬩᬗᭂᬢ᭄ᬧᬶᬲᬦ᭄ᬗᬮᬸᬗ᭄ᬲᬸᬃᬧᬗᬫ᭄ᬧᬹᬭᬭᬶᬂ᭠
ᬳᬶᬤᬤᬦᬾᬧᬭᬧᬫᬯᭀᬲ᭄ᬘᬓᭂᬧᬦ᭄ᬧᬸᬦᬶᬓᬶ᭞ᬤ᭄ᬯᬦᬶᬂᬓᬝᬄᬲᬦᬾᬇᬯᬂᬢᬸᬃᬓᬾᬫ᭄ᬧᭂᬃ᭞ᬯ᭄ᬬᬤᬶᬦ᭄ᬧᬥᭂᬫ᭄᭞ᬇᬯᬂᬧᬲᬂ᭞ᬭᬹᬧᬦ᭄ᬳᬓ᭄ᬱᬭᬢᬍᬃᬢᬸᬦᬍᬯᬶᬄ᭞ᬤ᭄ᬯᬦᬶᬂᬯᬯᬸᬫᬧᬳᬸᬭᬸᬓ᭄ᬫᬜᬸᬭᬢ᭄᭞ᬓ᭄ᬦᬶᬲᬂ
ᬗᬯᬘᬾᬦ᭄ᬫᭂᬘᬶᬓᬂᬓ᭄ᬭᬸᬡᬦ᭄ᬜ᭟ᬢᬸᬃᬲ᭄ᬯᬾᬘ᭄ᬙᬫᬯᬾᬄᬅᬫ᭄ᬧᬹᬭᬳᬦ᭄ᬢᬸᬓ᭄ᬓᬢᬫ᭄ᬩᭂᬢᬦ᭄ᬢᬶᬢ᭄ᬬᬗᬾᬫ᭠ᬜᬸᬭᬢ᭄᭟ᬯᬦ᭄ᬢᬄᬓᬤᬶᬧᬸᬦᬶᬓ᭞ᬧᬸᬧᬸᬢ᭄᭟᭜᭟