Baltramina, part 1
Jump to navigation
Jump to search
Carl'Andreja Oltolina (XVIII sec.)
Baltramina, part 1
Orsù besogna dilla, al temp d'adess,
se vorav ben tasè, ma no se pò;
se sent a fà a Milan tanto smargess,
ch'el vœur fass on incendi sto falò;
o ben o maa tucc vœuren dì la soa
e tucc i can vœuren menà la coa.
Chi dis maa d'ona part e chi de l'oltra,
chi defend quest e chi sostenta quell:
tucc i dì ona boltriga ven a voltra,
e tucc i dì se sent on quej spuell;
se ven su anmò on quej olter nivolon,
s'ha ben de sentì prest a s'cioppà el tron.
[...]