Ba/Бәлеш

From Wikisource
Jump to navigation Jump to search

Бәлеш (Шиғыр )
автор Факиһа Туғыҙбаева
Ижад итеү ваҡыты: билдәһеҙ. Нәшер ителгән: 2003 йыл. Сығанаҡ: "Аҡбуҙат" журналы №3, 2003 йыл


Бәлеш


 Әсәһенең тыуған көнө,
 Сысҡан малайы Сый-Сый
 Тәмле дөгө ярмаһынан
 Әҙерләргә булды һый.
 Дөгөгә ит тә ҡушты ул,
 Баҫып алды ҡамырын —
 Йомроҡай бәлеш мейестә
 Беште шундай ҡабарып.
 Тәмле еҫ таралды өйгә,
 Түҙҙе-түҙҙе лә Сый-Сый,
 Бәлеште тәмләп ҡараны,
 Шундай тәмле икән һый.
 Ашай торғас, ул сыйылдап
 Ебәрҙе үкһеп илап,
 Бәлеште ашап бөткән бит,
 Үҙ тамаҡҡайын һыйлап.
 Әсәһе эшенән ҡайтты,
 Һаман да илай Сый-Сый.
 Әсәһе уны йыуата:
 "Күҙ йәшеңде, балам, тый!
 Тамағыңды һыйлағанһың-
 Был да миңә ҙур бүләк.
 Тағы бәлеш бешерербеҙ
 Тыуған көнгә икәүләп"


2003 йыл