Azayî Eşretî Tallebanî

From Wikisource
Jump to navigation Jump to search
Azayî Eşretî Tallebanî
by Şêx Rizayê Talebanî

Barekella aferîn ey eşretî nesretşî‘ar
Merdî meydan şêrî cengawer huzebrî karzar

çiwar eşîret Kakeyî û Wend û Cebarî û Dawde
îtîfaqyan kird û hatin çiwarsed û penca siwar

Her be ewell hemle çendtan kuşt û çendtan ser birrî
çend kelakyan lê be cê ma bûne ge‘mî mûr û mar

Êstekeş lew deşte şerryan e le ser laşey rizîw
Kerges û şahîn û gurg û mamerêwî û kemtiyar

Beynî beynella ‘Ubeydî fîleten karêkî kird
Hîç kesêk nayka meger Heyder be zebrî Zulfeqar

Her siwarê fîrqeyekî rarifand û daye pêş
Kewte ser kiwêxa mexul ‘Ebdlwehabî namdar

Lêy xurrî wek şêrî xerran: Sa merro raweste bom
Ey tillîşî daye Rêzwarit be rîşî yadgar

çekmeyê sûrî le pê dabû be carê zerdî kird
Tis le milyon têperrî kird tirr geyişte sedhezar

Yek le yek azatir in te‘rîfî kamêktan bikem
Dek fîday dest û tifengtan bim sulaley şêx Star

şasiwarêkî weku toman hebê bakman çî ye
Toş le heqqet da siwarêkî weku Esfendiyar

Em qisane gişt mecaz in ger heqîqettan dewê
Bezlî nan û hîmetî pîrane botan kewte kar

Ca’îzem metllub e em medhem be xorrayî nîye
Hurtumanîş bê Rezam, ger hîç nenêrin ya star


This work was published before January 1, 1929, and is in the public domain worldwide because the author died at least 100 years ago.