Autro. Sur un ayre noubel
Autro.
Sur un ayre noubel
D'an quin moutet de cansouneto
Diré jou gracios à l'Amour,
Que ma triat un'Aymieto
Qu'en beutat mato le bél jour.
Més hélas ! per éstre ta bélo,
Nou résto pas d'estre cruélo.
Tant de beutats qu'on s'imagino
A moun sens nou soun que rebrecs,
Quand soun bél él, que m'embelino
Dins le miu mando sous lambrecs.
Per ta beutat, que tant hounori,
Pastoureleto, jou me mori.
Un petit Mé dins ma cabano,
Me douno tout countentomen,
Sio que sur la primayguo lano
Yeu passe la ma doussomen,
O qu'el, en demenan la coüeto,
Poupe sa Mayre su l'herbeto.
Douno m'en un poutet en cambi,
É fazan tengan é tengan,
Atal yeu troubaré relambi
Del mal que tous eillets me fan.
Beni dounc, Bouqueto sucrado,
Beni me fa bélo parado.