Author:მაცუო ბასიო.
| by [[Author:{{{author}}}|]] |
| გინმათანგალი ზაალ ჯალაღონია |
თირელ თოლეფშე
სირჩინუე ფურცქინუნც.
გვალო ჩილა ჸოფენია ირფელი.
თუთათჷ ენქირაფილეფქ!
შურჲ გეშეკაშით,
მუნაფა მოურც.
ჸათე ახონარებულ გორდეფშე
ნოტე, ართის ვარა
ქუდურულუაფუდუკო.
გაგშაკურცხი
ლურენჯი ფარფალია
დო მაჸალეთ გინმართჲ.
წკურუტია სერც
სინთე ევორზინი.
ვალ მიკინებუდჷკო ოკო ხეს.
გვალაშ წყურგილქ
შუმაშა მეპტახ
კიბირეფი.
გოკალიფერ ჸას
ყვარია გილახე ხვათახვალე.
დამორჩილიე.
ცხენ ხიოლით იდიარც
მეშარეფჲ გერენა დო
ისვანჯუნა.
ჸაშე-ჸაშა გინმირულე
შურუქალო ჭვემაშ ჭვათი.
ბულობას ჭვენც.
ყინტის გეკიბღანქ-დო
შალარცალო ქუგმაჸინუ ზიტყვა.
იქანჩ დამორჩილიშ ბორია.
მუჭო სვანჯი ვამღუნანია
ჩქიჩქუეფშე.
ათეცალეფც ბულიშ ფერ ხოლო ვამაძირენა
მიკილ ბულობაქ
ჩიტეფჲ რსხიანა.
ჩხომეფც ჩილამურ ალაჸუნა თოლეფც.
ჩხანა ზოთონჯიშ ოჭმარეს.
ცხენც ოჭიშის ქიგიაჸინ
ჩქიმ ლანდიქ.
ოკანკალაია წყურგილი.
კიბოიაქ გინომილუ
კუჩხის.
სასია თუთარჩელა.
ალმარჩქილე, ჭუბურც
მუჭო ხიხონუნც მუნტურინჲ.
ჯინა მოჰამ.
ამსერ თირო გინირთუ
ზოთონჯიშ ჭვემა.
ბუდაშ დღახუს
დაბადებე
თე სქვერიშ სკუა.
რანწკას გოპეულუ
პეულეფქ.
ქუაშ მათოლარიშ ჸუდეს.
ვაგგოჭყორდან,
არძა ლუკას
ნარღიშ გემო უღჷ.
თუთაშ ციორს
არგვათა კათას
ვასქიდჷ მუშ სახექ.
დიო ოდიარე,
უკულ ჯალეფი ქომიოტუ
ტურტურუეშ ფურინუაქ.
ჩქიჩქუეფი,
თირიშ ჸურდგელც
აკა, სქვამ ფრიმულ ხოლო გუკეთათ.
თუთაშე იჩიებუთო?
თუთა რენო, ლჷმა ხოლო ვაბძირით.
უგნუღალუო ჭვენდუ.
უჩა ნარღი მუნმორე დუც,
ნიშით მენჩურუნა
ერზამილი ნოთეეფი.
გოსისინაფილ მუკობ
მუნაფა შქაბან ცას
ვალუას უჯინე.
ათეჯგურა გონქირაფილ წყარს
მათირიას მუ დარულუანც?
ირიათო კურცხე რე.
ნერჩიშ ბორია,
დარქიალით
ქომეიჸონა ჸუდეშა.
გოდინაფენა პიორეფი, გოდინაფე თუთა
ინა შუნს საკეს
ხვალახე რე.