Author:ბიჟან ჯალალი.

From Wikisource
Jump to navigation Jump to search
please do not remove empty parameters (see the template documentation).

by [[Author:{{{author}}}|{{{author}}}]]

ლერსეფი[edit]


  • * *

მა მოსეფელშე კინიბკინი
ირანიშ სანძღოშა,
ირანშე ხოლო კინიბკინი
თეირანიშ სანძღოშა,
თეირანშე კინიბკინი
დარუსიშ სანძღოშა
დო ჩქიმ ჸუდეს ხოლო კინიბკინი
ჩქიმ ონჯირეშა.

  • * *

ნინა ოხვამე რე
დო არძა ჯგირ ლერსი -
ოსინთე ოხვამეში.

  • * *

დღალეფც გუთმოფაფჩ
ქობალიშ კაკალშორო
დო ჭარაშ ნაჸოფის ეთმებჭოფუნქ.

  • * *

ართ დღასჷთ ღორონთეფი ქოთქუანა:
ქორშუნანო,
მუ დიდებუან ციგანობა რდჷ,
ქიანა
ნამუთ
ჩქი გუვორჩქინითუნ...

  • * *

ჩქიმ ჸოროფაქ
ნამთინნერ თანგის ვემუდირთჷ
დო ირიათო
შუშელო ქუდმოსქიდ.

  • * *

მა ჩქიმ ჭარა
ქარღადშა ქიბლაჸაფი
დო რინა
მუზმარენი ლერსიშა
წუვაგი.

  • * *

ირფელი ლერსიქ გეგნორჩხჷ:
სქან ნოქურით,
კიდალას მიკოსქილადირი სქან გოძიცათ დო
ჩქიმ ხონარ ხოლო მიდეღ -
ზიტყვეფიშ ქარქამშა.

  • * *

ითამ ქარღადი სარკე რდას
დო უკახალე მირთინუანდას
თის,
მუთ ვოდინენი.

  • * *

ლერსი
ჩქიმ ნოჸელათ დო ჯინჯით
დობწყარი,
ჯათ გინირთუ დო...
ჩქიმ ღურუს
ოროთ ქიგნაფორ.

  • * *

მიჩქუ ჩქიმ დათებუ:
უიმენდე წყარით გობობნუნა,
უწვადილე დიხას ქინმონჯირუანა,
ხვალახობაშ ცას დოფჩუანა.

  • * *

შქირენ დო
ჸუმენიშ გურშენი,
წყარ დო ქობალი ვა მითხუ,
ხვალე ჰეერს
რთხულენდი
ოღვარალო.

  • * *

ჩქი მიმოჩქუნა
ნამდა, ირფელ ჩქინო რენი,
მარა ვარ.
ირფელი მუშო რე.


ჩქიმ ლამებაშ მიკე
ფორილიე საუჯგუშო ლამება.
ჯაშ ფურცელეფშე
ლენ ცა მორჩქ.


პოეტ ჸვერე რე.
ქიანას გურიშ თოლეფით უჯინე.


ირო ურაგადუ რე
ზიტყვა ,,ჸოროფა",
არძა ნინაშა მოკო ფთქუენი,
მარა იქ იშენ ურაგადუქ
ქოდუმოსქიდ.