Argoment d'una predica (Lottieri)
ARGOMENT D'UNA PREDICA
VEGNIT DAL BEL DISNÀ
DEL SIÛR DON TOMAS BEGN AI SO AMIS
Cante chi ûl. Ma el baracà tra amis
nell'inveren al cald, al fresc l'està
un gust l'è tal, no ghe de contrastà,
che met en visibilio zoegn e gris.
Se po s'combina ac, corpo d'un bis,
che s'mange a macca, come 'ncû sa fà,
s'pûl di che un gust el sia de paradis.
Che se s'god tat a sto not mond birbù,
cosa sarà su en siel, car la me zent,
che coghi, piagg, compagn che a perfeziù?
A se fus prèt, e oratûr valent,
vorres trattà col fôc de Sisserù
en predica sto argoment.