Ard pur, Rizzard, che tu has rason di ardè

by Ermes di Colloredo

Ard pur, Rizzard, che tu has rason di ardè  (1828)  by Ermes di Colloredo

Poesie scelte edite ed inedite in dialetto friulano

Nelle nozze del Signor Conte Rizzardo N N. colla Signora Contessa Taddea N. N.

SONETTO

ARD pur, Rizzard, che tu has rason di ardè
Par flame sì zintil e sì cocent,
Che ben plui dal soreli è risplendent,
Fisse qual stele che no pò chiadè.

Chì fuars il gran Motor ul fa vedè
La glorie dai Bëaz in chel portent;
Che ognun cu mire, resle il cuur content,
Ma il to simpri feliz ha di gioldè.

Ti cedi il vant chel biel infant Trojan,
Che al si ha quistat chel biel miluz de Magne,
Se il cil al ti ha Tadèe mitude in man;

Chè a no 'l chiatave la biele compagne,
Ma par rason di lez, che dug lu san,
Che Atimis confine cun Cucagne.