Ana dilim (D. Tanasoğlu)

From Wikisource
Jump to navigation Jump to search

D. Tanasoğlu
Ana Dilim

Ana dilim - tatlı bal,
Salkım çiçää kokusu
Şırasını üklü dal
Vermiş gömeç dolusu

Ana dilim - gözäl ses,
Maanä - türkü avası
Onu işidan herkez
Doymaz, geçmäz avazı

Ana dilim - gevrek söz,
Uygun dizili sedef
Ürük fikir ona öz,
Kefimä verir hep kef

Onsuz hiç geçmäz açlıım,
Kuru kalır masalım,
Onsuz hiç olmaz saalım,
Kısır gezir akılım...

Dili lääzım bilelim,
Biz ona evlad inanız,
Dili hiç kaybetmeyelim,
Salt onunnan biz insanız!