Amor, te see nassu par fà immattì
Jump to navigation
Jump to search
Carl'Antoni Tanz (1710-1762)
Amor, te see nassu par fà immattì
Amor te see nassuu par fà immattì,
e par despresià tutta la gent:
l'è vora da sodass, da fà el prudent,
e i ragazzæd, e i logg han da fornì.
T'hee cobbiæ sti duu spos; tocca mò a tì
a maistraj con di bon document.
Digh, che tra lor sien semper compiasent;
ma che la donna ha da obbedì al marì.
Digh a la sposa, che besogna vess
e desinvolta, e vigilanta, e lesta,
parchè chi dorma infin no ciappa pess.
Che se 'l marì el lavora e 'l mett sgiò el coo,
anca lee no l'ha minga da fà festa,
par via del: juttet, che te juttaroo.
Benchè par olter soo,
che 'sti lezion t'i podet mett inà,
ch'hinn duu brav spos, che sann quell ch'hann da fà.