Amieva

by Frai Domingo Hevia y Prieto

Amieva  (1887)  by Frai Domingo Hevia y Prieto

Florida per varios ut pingitur Hibla
colores. (MANT).

 ¡ Oh ! Zagales probínos , los ponguetos ,
Que les cabres vermeyes 'tais curiando
Pe los más enriscaos vericuetos :
Escuchá de mió musa les canciones ,
Que rodianon d' alloru la mió frente ;
Ansí colmeis de ñates los zurrones ,
El caramiellu sonará del Tasu ,
Si quier soplame Apolu algunes troves,
Como les que cantaba Garcilasu .
Al sabrosu tañir de la zamploña ,
Como ñon me vengais apigazando ,
To cantavos les glories de Piloña .
Pero 'tamos d' Amieva n' el retratu ;
Vamos escarbicando les oreyes ,
Que ñon tengo vendelo tan baratu .
Al mundu plasmarán los andurriales ,
Donde gufan la carpia y la coruxa ,

Que dan mieo á los mesmos peñascales ;
El estilu terná d'aqué toscanu ,
Magüer m' atolomdreis ¡ probes babayos !
Como lo manda el ñúmen asturianu .
Aquí la güena Tuxa, allí penosu
Bartolín de Pachona , se quexanon
Pola cabra y rocín que comió l' osu ;
Non se vió dende Cáiz á los Beyos
Conceyu comparau col' de Amieva ,
Que puede ser el rey de los conceyos ;
El furor desatau de los vientos
Da en vano testeraes á les peñes
Co los más arreciaos alementos .

..................................
..................................